كتب الكاتب الفاتح جبرا المتوفرة بمعرض الدوحة
|
|
 Re: ***** موقع لمشاهدة افلام مترجمة اون لاين ملح (Re: Ahmed Yassin)
|
| Quote: ما مشكلة التصنيف ال R بشوفها براي لأني كتير بصحى بدري و ممكن اخد راحتي |
انا زول دعيف في حكاية الأفلام وتصنيفاتها ....
بعرف افلام الأكشن وثريللر ودراما ...
عايز من حاج العوض المشهور بابوحسين
يديني فكرة عن تصنيفات الأفلام وخاستن
تصنيف ال R البشوفوهو في وقت الأسحار
والاستغفار كما أشار عاليه ....
| |
 
|
|
|
|
|
|
|
|
Re: ***** موقع لمشاهدة افلام مترجمة اون لاين ملح (Re: Salah Zubeir)
|
فترة الحظر دي ما بينفع فيها أفلام عضم زي The Sunset Limited ،،، ولا أفلام كئيبة زي clemency ،،،، أصلها الحكاية كئيبة نقوم نديها بستلة ،،، (ما عايز أقول كوز )
يعني مثلا نقترح فيلم Just Like Heaven حق البنية Reese Witherspoon
ولا Pritty Woman حق Julia Roperts
ولا Erin Brockovich حق Julia Roberts برضو
ولا The Net حق ٍSandra Bullock
ولا Hankook حق Will Smith
أفلام خفيفة ودمها خفيف وممكن تشوفها 100 مرة وما تزهج ،،،
ولا عربي يعني
فيلم زوج تحت الطلب ،،،
ولا ،، الهلفوت
ولا طأطأ وريكا وكاظم بيه
أفلام رااايقة وممكن تستمتع بيها
تحياتي
| |
|
|
|
|
|
|
|
|
|
Re: ***** موقع لمشاهدة افلام مترجمة اون لاين ملح (Re: حسام الدين حمودة)
|
فلم Air Force One لي هاريسون فورد شاهدته اكثر من ٥ مرات لان الممثل الكان مجسد شخصية
زعيم الارهابيين الذي اختطف طائرة الرئيس الأمريكي ممثل بارع جدا ( ولا اعرف اسمه) ..
واجاد دوره ببراعة مذهلة ...وكمان انبسطت منه لان جهجهة الرئيس الأمريكي، وجسد شخصيته هاريسون فورد ..
واذا ما شفت الفلم ده يا حسام الدين ،،،امشي فتش عليه وشوفو ...
| |
|
|
|
|
|
|
|
|
|
Re: ***** موقع لمشاهدة افلام مترجمة اون لاين ملح (Re: امتثال عبدالله)
|
| Quote: اذا ما شفت الفلم ده يا حسام الدين ،،،امشي فتش عليه وشوفو ... |
Air Force one شفته قبل فترة ،،، فيلم جميل وأذكر في الآخر بينقل الرئيس وأسرته الى طائرة شحن كانت قريبة بواسطة حبل يربط بين الطائرتين وينقلوهم زي التلفريك كده ،،، هاريسون فورد بيدي الفيلم روح وبيكون سبب رئيسي من أسباب نجاح الفيلم في أي عمل ،
طبعاً هاريسون فورد برضه كان بطل فيلم الهارب ،، (تتذكروا مسلسل الهارب الزمان ) كان مسلسل في كتب ،،، ما تلفزيون ،،،، وكل كتاب قصة مختلفة ،، قصى الدكتور ريتشلرد كيمبل ، إتهم بقتل زوجته وسجن ظلماً ،، وهرب وكل مرة يقرب يقبضوه ويهرب ،،،، سلسلة بلا نهاية ،،، طبعاً الفيلم عنده نهاية فيلم جميل ،،،
ممكن تشوفوه هنا ▼ ▼ ▼
| |
|
|
|
|
|
|
|
|
|
Re: ***** موقع لمشاهدة افلام مترجمة اون لاين ملح (Re: muntasir)
|
غايتو الفيلم قصة دي نحن ما كانت عندنا ،،،،،
يا الفيلم عربي ولا هندي ولا كاي بوي (بينطقوها كده ،، ولا كراتيه ،، ولا جاسوس (أها جاسوس ده البيقصدوا بيه أي فيلم أجنبي حق نقة بس )
طبعاً سلاسل الأفلام برضوا بينطقوها كما هي ،،، جيمس بوند ،،، ديجانقو ،،،
| |
|
|
|
|
|
|
|
|
|
Re: ***** موقع لمشاهدة افلام مترجمة اون لاين ملح (Re: حسام الدين حمودة)
|
| Quote: زمان لما تلقى صف الشعب في سينما الرابعة فاضي وتقول ليهم الحاصل شنو زي صاحبك ده وناس النعير والتبنة والطيب عرقلة وميو بقولوا ليك ياخ الليلة الفيلم قصة |
غايتوا ناس ابو حسين ( شوف عيني ) كان يجو صف السينما و يسألوا المارقين من الدور الاول :
الفلم هندي و لا ناكل باسطة ؟
| |
|
|
|
|
|
|
|
 Re: ***** موقع لمشاهدة افلام مترجمة اون لاين ملح (Re: muntasir)
|
طلعنا من امبدة و توجهنا الى سينما بانت
قالو فيها فلم كارب
اشترينا تسالينا و دخلنا السينما
بدت المناظر
شوية كدا و الكهرباء قطعت
5 دقايق 10 دقايق 15دقيقة بدأت الناس تطلع
و كل شوية يطلعو كم نفر
نحن قاعدين نتونس و نضحك لغاية ما بقينا برانا
العمال و الموظفين بتاعين السينما بقو منتظرننا نحن نتخارج و يقفلو و يمشو اهلهم
شوية و جانا المدير ونسة و ضحك و طلب لينا بارد ضربناه
و قام يحنس فينا و يقنعنا
غايتو بعد تلكك و نقة كتيرة قمنا اتخارجنا ... 😂😂😂
| |
|
|
|
|
|
|
|
|
|
Re: ***** موقع لمشاهدة افلام مترجمة اون لاين ملح (Re: ABUHUSSEIN)
|
Quote: خطير الحبيب احمد ..
دي ما مراقبة دي محبة يا جميل
|
يا زول وحاة الله ممشياني في الفيسبوك على أمشاطي :)
أي خطوة تعمل صوت فيها تحقيق مسائي بعد الأولاد ينوموا الله لا وراك زيه
| Quote: الجبون ده قصري يا حاجة |
يا زول وحاتك تحقيقاتنا ولا سائلة في أمن الكيزان ذاتو .. بي أدقققققق التفاصيل وذاكرة تصل لحدي حكايات الروضة لما كانت خالتك بتقول ليك عريس بتي
Quote: سمعتك زي الزفت
عينك طايرة
|
ممكن انكر الكلام دة بدون حليفة؟ 
| |
|
|
|
|
|
|
|
|
|
Re: ***** موقع لمشاهدة افلام مترجمة اون لاين ملح (Re: أحمد محمد عمر)
|
سلامات الأخ ابو حسين ورمضان كريم مقدما عليك
إضافة للافلام المترجمة موضوع البوست أنصحك
بمشاهدة المسرحيات القديمة مثل مدرسة المشاغبين والجوكر وعش المجانين وغيرها
بتمشي الزمن كويس مع الحظر المفروض الأيام دي لانها تقريبا حوالي أربعة ساعات
والكوميديا الفي المسرحيات بتطلعك كمان من أجواء الكورونا المزعجة شوية
مودتي
| |
|
|
|
|
|
|
|
|
|
Re: ***** موقع لمشاهدة افلام مترجمة اون لاين ملح (Re: Emad Ahmed)
|
Quote: طلعنا من امبدة و توجهنا الى سينما بانت
قالو فيها فلم كارب
اشترينا تسالينا و دخلنا السينما
بدت المناظر
شوية كدا و الكهرباء قطعت
5 دقايق 10 دقايق 15دقيقة بدأت الناس تطلع
و كل شوية يطلعو كم نفر
نحن قاعدين نتونس و نضحك لغاية ما بقينا برانا
العمال و الموظفين بتاعين السينما بقو منتظرننا نحن نتخارج و يقفلو و يمشو اهلهم
شوية و جانا المدير ونسة و ضحك و طلب لينا بارد ضربناه
و قام يحنس فينا و يقنعنا
غايتو بعد تلكك و نقة كتيرة قمنا اتخارجنا ... 😂😂😂
|
زماااان في مروي الثانوية، كانت السينما كل يوم خميس. دار السينما فوووق في طرف البلد. وهي عبارة عن حوش كبير فيهو الشاشة وأظنها كانت الطين. والدينمو* في عربية واقفة برة. عربية شكلها غريب.. ومخيف. شكلها أقرب للمدرّعة أو المركبات الفي Mad Max ديلك.
فئات الدخول: ريال (10 قروش) تؤهلك للجلوس على كرسي حديدي متحرك. يعني تختّـو وين ما داير.
شلن (5 قروش) تتفرجخ في الواطــــة. وكنا من هؤلاء.
وكان الزول البيشغّلها واقف ورانا، وصوت "البروجكتور" يطغى على أصوات الممثلين. لكننا لم نكن نهتم كثيراً على أية حال.
فهم في الغالب إما "كايبويات" أو هنود. ولم تكن تهمنا إلا أصوات الرصاص وسماحة الممثلات.. والترجمة على الشريط.
كان في بروجيكتور واااحد، ولما تنتهي البكرة (Reel) يولع النور ويركّب البكرة التانية.. وهكذا. ولما يتأخر في تركيبها تسمع الكوراك: أبصلعة أبصلعة.. داير ولعة.
شفت فيها فيلم "الشقيقان" (حسن يوسف وأحمد رمزي).. طبعاً أبيض وأسود.
* ما كان في كهربا الزمن داك، وكنا نذاكر على ضوء الرّتاين.
| |
|
|
|
|
|
|
|
|
|
Re: ***** موقع لمشاهدة افلام مترجمة اون لاين ملح (Re: محجوب البيلي)
|
حبيبنا أبا حسين
غايتو أنا برشح ليك فيلم Wild Tales (بالإسبانية Relatos ٍٍٍٍٍٍٍSalvajes)، بس ما تشوفوا مع الأولاد. 
إنتاج أرجنتيني وناطق بالإسبانية (توجد ترجمة). متعة وتشويق.
Quote:
“Wild Tales” is a 2014 black comedy anthology film composed of six standalone shorts, all written and directed by Damián Szifron, united by a common theme of violence and vengeance.
|
| |
|
|
|
|
|
|
|
|
|
Re: ***** موقع لمشاهدة افلام مترجمة اون لاين ملح (Re: Hafiz Bashir)
|
Kevin Spacey
كريه وقبيح وسنيح
اول فيلم شوفته ليهو كان (American Beauty (1999
ومن اليوم داك كرهتو
لكن النصيحة لله أفلامو سمحة ومابتنفع تحضرها إلا براك
(Se7en (1995
(American Beauty (1999
(L.A. Confidential (1997
(The Usual Suspects (1995
(The Life of David Gale (2003
وغيرها
المهم محل ما تلقى Kevin Spacey أحضر وإنت مفتح
| |
|
|
|
|
|
|
|
|
|
Re: ***** موقع لمشاهدة افلام مترجمة اون لاين ملح (Re: muntasir)
|
عارف يا منص أنا بتجنب حضور المسلسلات
ولو بديت مسلسل لازم أكملو من الأول للآخر بدون تقطيع وتعال بكرة وسلة الروح
زوجتي وبناتي جنهم مسلسلسلات
أفتكر الوقت مناسب لعقد مصالحة بيني وبين المسلسلات
وشكراً لنرشيح House of Cards
وأكيد طالما فيهو Kevin Spacey
والترشيح جا منك ما حأندم على الحضور
| |
|
|
|
|
|
|
|
|
|
Re: ***** موقع لمشاهدة افلام مترجمة اون لاين ملح (Re: muntasir)
|
| Quote: مسلسل House of Cards |
عدا الموسم الأخير بعد فضيحته العملها قام كتلوه سريع سريع
على سيرة الاسباني, بالصدفو وقعت في la casa de papel مدبلج انجليزي في النت فلكس, من شدة ما كيّفتي عدت الاربعة سيزون باللغة الاصلية عشان استمتع
ومن ديك براهم جابوا لي مسلسل اسباني اسمه Vis A Vis مترجمنه ناس النتفلكس locked up
المهم اسي الواحد لغته الاسبانية ماشة متحسنة بالاضافة لتغيير كبير في الذوق
يا ابو بستلة المسلسلات دي 18+ ما تتهور ساي
| |
|
|
|
|
|
|
|
|
|
Re: ***** موقع لمشاهدة افلام مترجمة اون لاين ملح (Re: muntasir)
|
| Quote: غايتو أنا برشح ليك فيلم Wild Tales (بالإسبانية Relatos ٍٍٍٍٍٍٍSalvajes)، بس ما تشوفوا مع الأولاد |
يعني لما يقولوا آكشن يعني بيقصدوا ،،، توم كروووووز ،،،،، ميل قيبسوووون ،،، ستيفن سيقاااال ،،، سيلفستر ستيلوووون ،،،
فيلمك ده ههههههه والله الفريد هتشكوك أخف منه ،،،
كل واحد يخلي باله من أفلامه
اللي يحضر الفيلم ده أنا ماليش دعوة
| |
|
|
|
|
|
|
| |
Salah Zubeir
حسام الدين حمودة
ABUHUSSEIN
يحي قباني
Emad Ahmed
محجوب البيلي
محمد البشرى الخضر
Hafiz Bashir
فيس بوك
تويتر
انستقرام
يوتيوب
بنتيريست