***** موقع لمشاهدة افلام مترجمة اون لاين ملح *****

09:56 PM April, 15 2020

سودانيز اون لاين
ABUHUSSEIN-السعودية الرياض
مكتبتى
رابط مختصر

العواليق يمتنعون ....
ما يجو يتعولقو لي هنا كمان ....
مع حبسة الكورونا دي الواحد محتاج لي مشاهدة افلام بي مزاج
عايز مواقع اولا

و ثانيا افلام قصص ممتازة مشوقة
افلام عائلية فيها اطفال و طبيعة جميلة
و اوع من افلام الخيال العلمي و افلام الرعب و اي فلم فيه اشياء غير طبيعية واحد طاير و هلمجرا علي قول زولنا داك

اسي انا جيت طاير قلت ابوحسين جاب لينا رابط ..
الشفع مسخو علينا الافلام في التلفزيون ، لازم تعمل زي ابصلعة
في سينما شندي زمان ، تقعد تجرجر في الفيلم وتقطع (تقرأ تغير القناة)
وتسمع الجماعة في الشعبي ابصلعووووووو كـ (....... )

اها منتظر معاك وكلي احباط من عنوانك "التابلويدي" ده

https://www.fushaar.comhttps://www.fushaar.com

يعني يا عبدالله اسي انت صرفت النقة دي كولها عشان مفتكرني جايب رابط يكون زابط معاك
لو كنت كلفت نغسك و عاينت للأيقونة الموجودة يمين عنوان البوست كان ريحت نفسك
و عفيتني من النقة الكبيتا ليك دي كولها

عارف دا الخامس *****

شكرا اخونا ود البشرى ......

القناه الأولى حقة السعودية مالها .. عيبها لي !!

Quote: شكرا اخونا ود البشرى ......

عالم تحب الرشوة زي عيونا ...
بعدين الزول دا اداك سايت مسنسر
ومضروب التقول سعودي ...

افضل واسهل موقع بشوفو

https://teka.egybest.asia/https://teka.egybest.asia/


فيــلم


2020 My Spy



ماتنسى تقول شكراً حيدر ...

أبو حسين
إييييييييييييييييك والله أنا شفت كترة أفلام من النت
أنا زيك بأشوف أفلام من النت بطلنا التلفزيون ده ضممممممة
فعلاً موقع egybest هو الأفضل على الإطلاق ،،، وممكن تشوف مباشرة أونلاين أو تنزل الفلم في الكمبيوتر وتشوف بدون توقف لو النت ضعيف ،،،، وممكن تفتش بإسم الفيلم أو بإسم البطل العايز تشوف ليه أفلام وتلاقي صور غلاف الفيلم أو الأفيش وتختار الفيلم العايز تشوفه ،،،
كمان ممكن تبحث بطريقة أفضل لأنو مرات الموقع بتلاقي الفيلم العايزه ما موجود ،،، تفتح قووقل وتكتب إسم الفيلم أو إسم الفنان بالإنجليزي وتضيف كلمة مترجم ،،، بيرص ليك المواقع الفيها الأفلام مترجمة ويلا دلع نفسك وإختار من زي خرتمية موقع كده ،، سينما فور يو ،،، ماي سينما ، أفلام فور يو ، أفلام أونلاين ، ما عارف شنو
تحياتي

في موقع إسمو seraonline سيرا اونلاين ممتاز وجودتو عالية.

لكن اذا موضوع الركلسة حيطول عليك بالنتفيلكس أيوة مافيهو أفلام جديدة كتير لكن مسلسلات كتيرة وبرامج اطفال وبرامج وثائيقية عجييبة
عندهم أول شهر مجاني جرب أشترك ولو ظبط معاك ممكن تواصل إشتراك بعد داك.

نزيدك من الشعر بيت ،،،
دائماً سلسلة الأفلام الفلم الأول بيكون قوي وجميل وبيحصد جوائز لكن لما يعملوا جزء ثاني بيخرب مثلا Rush Hour الجزء الثاني والثالث مسخرة والأول روعة ،، Bad Boys الأول روعة والثاني والثالث مش ولابد ،،،
لكن سلسلة الفنان الممثل Matt Damon وهي سلسلة أفلام Jason Bourne وهو إسمه في الفيلم كلها رائعة وتلاقيها في Egybest كلها ،، شوفها وكتر لينا من الدعوات

The Bourne Identity (2002)
The Bourne Supremacy (2004)
The Bourne Ultimatum (2007)
The Bourne Legacy (2012)
Jason Bourne (2016)
كلها روعة
تحياتي

طيب.. أمبارح الوقت متأخر وكنت نعسان
يا بروف, نفهم شنو من طلبك لمواقع الافلام و لسّة الأزمة ما انتهت, تاني البتابع أخبار (زولك) و يحلّل لينا الموقف المالي العالمي و حركة الأصول و السندات و سعر الذهب و توقعّات حركة اسعار النفط خاصة بعد اتفاق التخفيض منو؟
يعني انا و العواليق التاني داك راسنا ينقطع ونقعد ساي في مواضيع السياسة و العلاقات الدولية ولاّ كيف؟
احنا هينين الصين بجلالة قدرها ح تضيع! اللجنة المركزية مخصصة مركز أبحاث كامل برصد و يحلل بوستات جنابك وعلى ضوئها بحددوا ويعدلّوا في استراتيجية مواجهة (زولك), كدا خليت بيهم و راسهم ح يضرب

هه قال زولك ... قال

يا ودو داير يدخل المجال الفني ياخ ، أسهل طريقة اكتب اسم الفلم العاوز تشوفه واكتب بعده google drive وكده ممكن تشوف اي فلم عايز تشوفه أما بالنسبة للترجمة اجي يا الخبير

بالنسبة للبرامج التلفزيونية اكتب الاسم وبعده index بتجيك كل الحلقات

أما احسن صفحة فهي afdah.info

Quote: أما بالنسبة للترجمة اجي يا الخبير

😂😂😂😂😂😂😂😂😂😂😂😂

الترجمة عشان الجلسة بتكون عائلية حتى الاطفال بكونو معانا
عشان يفهمو الفلم افضل .....

الجهل مصيبة ......

أبو حسين والجماعة انزيكم.
الترجمة ع الشريط مهمة.

الترجمة ياخ علم ،،،
زمان ،، زمااااان بأة ،،، أيام أنيس وعبيد ، المترجم بيحرص يستخدم أقل الكلمات وتستمر ثوان بسيطة ، عشان تتابع الفيلم وتعابير وجوه الممثلين ،،، الآن حدث ولا حرج ،، كل من هب ودب بيترجم ومرات بي لهجات مرة لبنانية ومرة عراقية ومرات مصرية، وجمل طوييييييييلة تلاقي نفسك يا تقرأ الترجمة يا تتابع الفيلم ،، ولما جلينا الترجمة وبقينا نسمع الكلام مباشرة إكتشفنا العجب أول حاجة بتستمتع بكل لحظة من الفيلم وثاني شيئ،،، الممثل بيقول كلام في وادي والترجمة في وادي تاني ومرات كمان بيغير المعنى .
تحياتي

سلام يا حبيب .... لو بتحب افلام الوسترن القديمة اعفص هنا

https://www.youtube.com/channel/UCiOkubI1iuqsFsVwxGr3C9Q/playlistshttps://www.youtube.com/channel/UCiOkubI1iuqsFsVwxGr3C9Q/playlists

Quote: القناه الأولى حقة السعودية مالها .. عيبها لي !!

ابو الياء اليومين ديل انا بقيم في الناس الحايمين حولي ديل
1- عواليق
2- ما عواليق
إنتبه لي مداخلاتك ....
لا توجد اي مجاملات

معليش يا ناصر أوضح ليهو عشان ما يفهمك غلط يا ابوحسين أفلام الويسترن لا تعني أفلام قلة أدب

أبو حسين رقم 6 لسه ما ظهر.
رقم 3 شايفو لاعب ليك باك ياااخي بيض ليهو الكورة.
😂😂😂😉😂

Quote: افضل واسهل موقع بشوفو https://teka.egybest.asia/https://teka.egybest.asia/https://teka.egybest.asia/https://teka.egybest.asia/ فيــلم 2020 My Spy ماتنسى تقول شكراً حيدر ...

يديك العافية يا الطريفي ياخ ....

Quote: ابو الياء اليومين ديل انا بقيم في الناس الحايمين حولي ديل 1- عواليق 2- ما عواليق إنتبه لي مداخلاتك .... لا توجد اي مجاملات

ههههههههه
لوصنفتنا نمرة واحد بنقول زولنا
و ان قت نمرة اتنين بنقول اذا جاءت مذمتي من ناقصٍ

اها نحلها كيف ...

انت سليمان العيسى لسة عايش ؟ سمعت انه توفى زمان ...
ياخ ده طلع روحنا ايام حرب الخليج الاولى ...

سلام يا أبو حسين

Quote: الترجمة عشان الجلسة بتكون عائلية حتى الاطفال بكونو معانا عشان يفهمو الفلم افضل

ما قلنا حاجة والترجمة أبداً ما عوجة
وأنا القدامك دا كتير بنزل ترجمة باللغة الفرنسية او الايطالية او الأسبانية حسب المزاج عشان استمتع بالفيلم😜.
المحيرني كيف إنك سريع كدا زهجت من قراية الربورتات وبقيت تكابس في الأفلام
هسه كدا حيبقى فرقك منك أحمد محمد عمر شنو؟😜

احضر The Good Lie 2014 مع الأسرة إذا ما حضرتو قبل كدا

اخونا حسام الدين و الله ما قصرت
مداخلاتك فيها المفيد جدا ما زي العواليق الما منهم فايدة ديل
الله يديك العافية ياخ

Quote: في موقع إسمو seraonline سيرا اونلاين ممتاز وجودتو عالية. لكن اذا موضوع الركلسة حيطول عليك بالنتفيلكس أيوة مافيهو أفلام جديدة كتير لكن مسلسلات كتيرة وبرامج اطفال وبرامج وثائيقية عجييبة عندهم أول شهر مجاني جرب أشترك ولو ظبط معاك ممكن تواصل إشتراك بعد داك.

يديك العافية يا عثمان ياخ
كان عندي إشتراك البي إن رياضة و افلام و منوعات و اكل و اطفال يعني تشكيلة حلوة جدا
لكن مع المشاكل اللي حصلت من سنين اصبح صعب التجديد

تحياتي

Quote: طيب.. أمبارح الوقت متأخر وكنت نعسان يا بروف, نفهم شنو من طلبك لمواقع الافلام و لسّة الأزمة ما انتهت, تاني البتابع أخبار (زولك) و يحلّل لينا الموقف المالي العالمي و حركة الأصول و السندات و سعر الذهب و توقعّات حركة اسعار النفط خاصة بعد اتفاق التخفيض منو؟ يعني انا و العواليق التاني داك راسنا ينقطع ونقعد ساي في مواضيع السياسة و العلاقات الدولية ولاّ كيف؟ احنا هينين الصين بجلالة قدرها ح تضيع! اللجنة المركزية مخصصة مركز أبحاث كامل برصد و يحلل بوستات جنابك وعلى ضوئها بحددوا ويعدلّوا في استراتيجية مواجهة (زولك), كدا خليت بيهم و راسهم ح يضرب هه قال زولك ... قال

معليش البوست معروف الغرض منه
و مداخلتك دي لا تصب فيما يفيد القراء حول موضوعنا ....
اتمنى مشاركاتك القادمة تدور حول محور البوست حتى يستفيد القراء منها ....

عليك الله مداخلتي كانت كيف ..
في المحور والا ما في المحور

أنا رجعت للبوست كم مرة يا حافظ عشان نضم أعضاء جدد للنقابة
من قولة تيت مسكت ماسورة حيدر الزين :)
ضيع لي ساعة ونص في فيلم شفع الروضة الجابو دة اتغظت منه جنس غيظ
لكن غلطان انا
مفروض من أول لقطة بتاعة زول واحد بدق ليه 70 نفر أقفل الفيلم لكن كل مرة أقول ياخي حيدر الزين دة زول عميق أكيد في أبعاد فلسفية لي قدام

المهم السادة قراء البوست
في ناس في المنبر دة ذواقين في الأفلام وبرشحوا ليكم حاجات جميلة
حيدر الزين ليس منهم ...
حيدر الزين ليس منهم ...
حيدر الزين ليس منهم ...
حيدر الزين ليس منهم ...

وما زال يكررها حتى قلنا ليته سكت

عارف دا ☝ السابع *******

Quote: من قولة تيت مسكت ماسورة حيدر الزين :) ضيع لي ساعة ونص في فيلم شفع الروضة الجابو دة اتغظت منه جنس غيظ لكن غلطان انا

وعلى العليهو كمان بشرط ..
قال أيه لازم تزيل بلك الاعلانات !!
وانا ناقص..

يا زول بركة في الاعلانات الفكتك من مسكة الزمن
هسة لو الفوق ديل فيهم واحد حريف شوية وراك الدرب الخلفي لي ايجي بست أبو من غير اعلانات كان مسكت الماسورة معانا best.egbest2.com

قلت حريف شوية لأنه الحريف شديد بجيبه ليك جاهز زي دة كدة

ملحوظة:
الجاهز الفوق دة ليس ماسورة حيدر الزين
دة من عيون السينما الامريكية .. بتاعين الافلام بكونوا حضروهو زمان لكن الجديدين في الشغلة زي ابوحسين بكون ياداب مر عليهم

Quote: ملحوظة: الجاهز الفوق دة ليس ماسورة حيدر الزين دة من عيون السينما الامريكية .. بتاعين الافلام بكونوا حضروهو زمان لكن الجديدين في الشغلة زي ابوحسين بكون ياداب مر عليهم

و الله يا عواليق سجلتك في اللستة و انا متأكد من انك تستحق
المداخلة اللي قبل الاخيرة لم قريتها و الفلم و روبرت دي نيرو ضميري انبني شديد
لكن مداخلتك الاخيرة دي ضميري ارتاح و التأنيب طفش ..

Quote: عارف دا ☝ السابع *******

ياااااخي ما تلخبتنا كنا واقفين في نمرة 5.
😂😂😂

Quote: كل مرة أقول ياخي حيدر الزين دة زول عميق أكيد في أبعاد فلسفية لي قدام

يا أبو حميد أنا غايتو ما عندي شك في إنو حيدر الزين عميق وبتوقع إنو يكون ذوقه عالي في الأفلام
لكن كمان ما بضمن ليك خلو ترشيحاته للأفلام من الغتاتة

عذره الوحيد يكون نسى يكتب الفيلم مهدى لولد ابوحسين الفي رابعة ابتدائي

Quote: ياااااخي ما تلخبتنا كنا واقفين في نمرة 5. 😂😂😂

ما هنت علي يا عارف حاجزا ليك .... 😂😂😂😂😂

Quote: يا ودو داير يدخل المجال الفني ياخ ، أسهل طريقة اكتب اسم الفلم العاوز تشوفه واكتب بعده google drive وكده ممكن تشوف اي فلم عايز تشوفه أما بالنسبة للترجمة اجي يا الخبير

ودو يا كبير ؟؟
مع إنشغال اهل البيت الواحد كل واحد فيهم بي موبايلو لو لقيت فلم قصة جميلة
فيه مناظر طبيعية غنية بالالوان و المناظر المريحة الترجمة بتكون مهمة للجميع علشان يفهمو القصة و ما يزهجو و يزوغو
بالإضافة لوجود التسالي و الشاي
يعني بتكون لمة عائلية كويسة
واحد عواليق زيك ما بفكر في الحاجات لكن دي واحدة من الرسالات التي نحملها على عاتقنا نحن من ننشر العلم و الثقافة بكل تجرد
و تحملنا من اجل ذلك الكثير

Quote: ما هنت علي يا عارف حاجزا ليك .... 😂😂😂😂😂

البعرفوا انك في رأس القائمة وخلفك مباشرة 😂
رقم 6 تكون قاصد جقود 😂😂😂

Quote: مناظر طبيعية غنية بالالوان و المناظر المريحة

انت ما تقول افلام هندية عديل خجلان مالك
النوع البطل بضرب رصاصة واحدة نلف على الخيانة كلهم واحد واحد وتجيه راجعة كمان يعمرها تاني وانت متكيف تلقاك

Quote: سلام يا حبيب .... لو بتحب افلام الوسترن القديمة اعفص هنا

اوووووو حبيبنا ناصر و عليكم السلام
وين غاطس يا زول ؟؟؟؟ شوفتك بقت غالية شديد
قبل يومين شفت الفلم بتاع ديجانقو الجاري فيه التابوت من بداية الفلم لغاية نهايتو ...
بيد سبنسر و ترينس هيل ديل بشوف ليهم كتير
بستمتع بيهم جدا

تحياتي

Quote: معليش يا ناصر أوضح ليهو عشان ما يفهمك غلط يا ابوحسين أفلام الويسترن لا تعني أفلام قلة أدب

غايتو بتتعولق جنس عولاق .... كل البوستات بتتعولق فيها كدا و ل بوستات المسكين دا بس ؟؟؟
تصدق كتير لم اشوف عولاقك و عولاق صاحبك الغالاط داك اقول المنبر دا ما المكان الصالح لي امثالي للإبداع
لكن اتذكر لم واحد ذكي يكون حايم و معاه قرود بتعمل زي حركاتكم دي علشان يلفت بيها انتباه الناس و يتجمعو علشان يعلمهم حاجة ...
و دا المصبرني عليكم ....

Quote: رقم 3 شايفو لاعب ليك باك ياااخي بيض ليهو الكورة. 😂😂😂😉😂

عجوز يا عارف دا .....
بالبيض بتنتهي من ضهرو
بتفرتق فقرة فقرة .... 😂😂😂😂😂😂

Quote: الرسالات التي نحملها على عاتقنا نحن من ننشر العلم و الثقافة بكل تجرد و تحملنا من اجل ذلك الكثير

يا أبو حسين في بوست لعارف ناشد إستطلاع عن ما هو أعظم درس قدمه فايروس كرونا للبشرية
إتذكرتك في البوست وكنت داير أكتب "حبسة الكورونا ما بتكتل، بتكتل ريبورتات ابوحسين"

الفيلم دا قديم لكن مناسب مع حالة الثقافة والريبورتات القايمة عليك دي
(Being There (1979

Quote: رقم 3 شايفو لاعب ليك باك ياااخي بيض ليهو الكورة. 😂😂😂😉😂 عجوز يا عارف دا ..... بالبيض بتنتهي من ضهرو بتفرتق فقرة فقرة .... 😂😂😂😂😂😂

😜😜😜😜😜😜😜😜😜
غايتو إذا أنا المقصود حقو اللتنين تعملو
حساب لي يدكم اليمين (وبتاعاتكم*) او
كما قال (أ م ع) رضي الله عنه ....
* كما شرحها (أ م ع) ... خيالكم ما يشطح ...

أبو حسين ☝ رقم 8 😂

Quote: عشان الجلسة بتكون عائلية حتى الاطفال بكونو معانا عشان يفهمو الفلم افضل

قربت اصدق

Quote: ههههههههه لوصنفتنا نمرة واحد بنقول زولنا و ان قت نمرة اتنين بنقول اذا جاءت مذمتي من ناقصٍ اها نحلها كيف ...

للشايفو دا حا تكون إذا جاءت .... 😂😂

يا صلاح ياخي الراجل كتم حرياتنا من قولة ياخ
شابكنا ليك جو عائلي واتأدبوا والأولاد قاعدين وما عارف شنو!

يا حافظ ابو حسين دة انا عرفت حنكه
ترشيحاتك دي ما بتنفع معاهو

امسك دة يا ابو حسين
خش الرابط دة وحتستمتع بأجمل فيلم عربي حديث ممكن تحضره
ولو حضرته معاك المدام جهز ليها المناديل
أنا جادي معاك فيلم خطير شديد
arabseed.me/embed-ca96a85vjtlb.html

محمد البشرى سمعت عربي وقعدت تضحك فيني قلت أحمد جلس موش؟
لا لا ما بديك فيني فرصة هاك نسخته الأمريكية: The Fault in Our Stars (2014)

لا و الله ما ضحكت لكن اندهشت النصيحة لله.
لكن قلت زي ما قالوا ناس امبدة تعليقا على غرام الكيزان بأراضي بحري و ضواحيها, النفس قد تهفو لأم رقيقة مرّات

Quote: ما قلنا حاجة والترجمة أبداً ما عوجة وأنا القدامك دا كتير بنزل ترجمة باللغة الفرنسية او الايطالية او الأسبانية حسب المزاج عشان استمتع بالفيلم😜. المحيرني كيف إنك سريع كدا زهجت من قراية الربورتات وبقيت تكابس في الأفلام هسه كدا حيبقى فرقك منك أحمد محمد عمر شنو؟😜

و عليكم السلام
قال ليه بتعرف فرنسي ... ؟؟؟
قال ليه :- اكل و ل ......... ؟؟؟؟
دا طباخ عاملين ليه انترفيو .... 😂😂😂😂😂
انت وكت بتعرف ديل كلهن مباري العواليق ليه ... ؟؟؟
و لي علمك انا الريبورتات السكرتارية بتاعتي بتجهزا لي في موجز اولا
و بعدين بحدد اقرأ شنو و متين لأنو وقتي ثمين جدا .....

Quote: احضر The Good Lie 2014 مع الأسرة إذا ما حضرتو قبل كدا

تصدق و تآمن ذاكرتي زفته جدا ما بحفظ اسماء
لكن ممكن في نص الفلم يجي منظر اتذكر ليك انو انا شفت الفلم دا 😂😂😂😂😂

Quote: عليك الله مداخلتي كانت كيف .. في المحور والا ما في المحور

ذكرتني نكتة (( البيه ضابط ؟؟؟؟)) 😂😂😂😂
مداخلتك في الخرم عفوا في المحور 😂😂😂😂

Quote: أنا رجعت للبوست كم مرة يا حافظ عشان نضم أعضاء جدد للنقابة من قولة تيت مسكت ماسورة حيدر الزين :) ضيع لي ساعة ونص في فيلم شفع الروضة الجابو دة اتغظت منه جنس غيظ لكن غلطان انا مفروض من أول لقطة بتاعة زول واحد بدق ليه 70 نفر أقفل الفيلم لكن كل مرة أقول ياخي حيدر الزين دة زول عميق أكيد في أبعاد فلسفية لي قدام المهم السادة قراء البوست في ناس في المنبر دة ذواقين في الأفلام وبرشحوا ليكم حاجات جميلة حيدر الزين ليس منهم ... حيدر الزين ليس منهم ... حيدر الزين ليس منهم ... حيدر الزين ليس منهم ... وما زال يكررها حتى قلنا ليته سكت

من آداب المشاركة في المنابر ما تخاطب القراء من بوست ليس ببوستك
دا عيب كبير و قلة حياء
و حيدر الزين اعمق من انو واحد سطحي زيك يفهم مقصده و ما يرمي إليه بي فلم شارك بيه

The Good Lie 2014 من أول مشهد بتعرف نفسك إذا حضرته قبل كدا او لأ
أحضر الفيلم التاني وما تسمع كلام أحمد محمد عمر (Being There (1979
(Being There (1979 موجود في Egy Best ومترجم
الفيلم PG-13 لكن قبل ما تحضر شوف الParents Guide هنا
imdb.com/title/tt0078841/parentalguide؟ref_=tt_stry_pg

عارف يا البشرى
يوم قهران قهر شديد الحالة الما بتقدر تركز معاها في حاجة مفيدة أو عاوز تفكير .. داير حاجة أغير بيها المود
دخلت تويتر لقيت واحد ناشر صورة من الفيلم والجكس يتوقع في الواطة .. جرسة شديدة .. البتقول ليك حضرته 3 مرات والتلاتة مرات بكيت والبتقول ليك عايشة فيه يومين وبرضو دخلوا ضكور أعلنوا تضامنهم وحزنهم العميق وكدة
المهم الجميع اتفقوا إنه فيلم جدير بالمشاهدة
قلت أنا أصلاً بالمود بتاعي دة ما بنفع أحضر امريكي فمشيت حضرته
طبعاً السرقة وااااااضحة من قولة تيت :) لكن الممثلة لأنها جديدة علي أدهشتني بتلقائيتها
الممثلين ما بعرف فيهم أي زول ولا فيهم واحد مشهور .. ولا يمكن مشهورين وانا ما عارف
المهم نحن متعودين على ناس كريم عبد العزيز وحنان ترك والجيل دة .. لكن ديل جديدين وتمثيلهم تلقائي وحلو
فااا شنو فيلم عربي .. عربي أصلي يعني .. ياهو نفس الأوفر والخيالية بتاعتهم ونفس النهايات المتوقعة بل بتكون بتحضر في المشهد وعارف في المشهد البعدو بحصل شنو .. مافي أي مفاجآت
يعني لبتاع افلام امريكية ما بتحضر
لكن لبتاع المناظر الطبيعية دة بكون كنز عديل كدة

Quote: الفيلم PG-13

لا حول ولا قوة إلا بالله
اللهم لا نسألك رد القضاء
ياخي الراجل يقول ليك داير يحضرو مع المرة والأولاد تجيب ليه فيلم فيه مشاهد قلة أدب!
أبو حسين لو باريت مولانا دة بطلقوك

Quote: انت وكت بتعرف ديل كلهن مباري العواليق ليه ... ؟؟؟

منو دي؟ أنا دي؟ بري بري بري

Quote: و لي علمك انا الريبورتات السكرتارية بتاعتي بتجهزا لي في موجز اولا

معلوم معلوم معلوم
الغريبة إنو بطل الفيلم بتاع Being There سألوهوا إذا كان محتاج سكرتارية لممارسة أعماله، قال ما داير😝

Quote: وعلى العليهو كمان بشرط .. قال أيه لازم تزيل بلك الاعلانات !! وانا ناقص..

دا تبع الجماعة القال عليهم ترباس بقلبو السمكة وهم ما دافعين الشيرنق ... 😂😂😂😂
جايي خاشي توووووووش في نص الموضوع و هو لاجاب رابط لا جاب فلم ....
شنو يا مولانا .... 😂😂😂😂

Quote: من آداب المشاركة في المنابر ما تخاطب القراء من بوست ليس ببوستك دا عيب كبير و قلة حياء و حيدر الزين اعمق من انو واحد سطحي زيك يفهم مقصده و ما يرمي إليه بي فلم شارك بيه

كلمو عليـك الله دمّر معنويـاتي .. من كتب كلامه دا لي خمسة يوم ما قادر احضر فيلم
ولا عارف آكل ولا أشرب ومش عارف أقرا ولا أنام..
في بشر كدة ماعندهم أي مراعاة للناس المرهفيـن زينا كدة ..
هسه لو كان اقترحت ليك فيلم The Disaster Artist كان قال شنو :)

Quote: انت ما تقول افلام هندية عديل خجلان مالك النوع البطل بضرب رصاصة واحدة نلف على الخيانة كلهم واحد واحد وتجيه راجعة كمان يعمرها تاني وانت متكيف تلقاك

المناظر الطبيعية و الغنية بالألوان في الافلام الهندية بس ؟؟؟؟
و الله انت زول مسكين
اي فلم امريكي او اوربي او حتى استرالي تكون قصتو بتدور عن عائلة كاملة يعني فيه اطفال و مراهقين
و كل القصة بتدور في الريف خضرة و مياه و بيوت ريفية يعني ما ناس عمارات و زحمة
دا بكون فلم ظابط الراحة النفسية مضمونة في المناظر الخلابة و الحوار اللي بدور في الفلم يا عواليق يا وهم

قال هندي قال ...

استاهل انا زاتي
البخليني اخش ليك شنو ما عارف, كل مرّة اقول دي آخر مرة لكن ما عارف البحصل شنو مما أشوف النجوم في العنوان ما بقدر اقاوم اخش اشوف الطلاشة الجديدة شنو!

Quote: يا أبو حسين في بوست لعارف ناشد إستطلاع عن ما هو أعظم درس قدمه فايروس كرونا للبشرية إتذكرتك في البوست وكنت داير أكتب "حبسة الكورونا ما بتكتل، بتكتل ريبورتات ابوحسين" الفيلم دا قديم لكن مناسب مع حالة الثقافة والريبورتات القايمة عليك دي (Being There (1979

شكرا للفلم
اما حديثك عن الريبورتات لم توفق فيه
فقد حدثني بعض متابعي ريبورتاتي انهم ينتظرونها بفارغ الصبر
و احدهم شبه لي انتظارهم لها كالشافع و هو يحمل بستلته في صباح ممطر
و هو يجلس امام ست اللقيمات و هي ترمي في اللقيمات و امامه كم واحد ...
😂😂😂😂😂

Quote: بستلته

علّق انت يا منص انا غلبني

يا أبو حميد هو لو ما قال حيحضر مع المرة والأولاد أنا كنت جيبت ليهو (Monster's Ball (2001 بتاع Halle Berry😂
أعمامك الأمريكان ديل في تصنيفهم للأفلام عندهم مقاييس مختلفة من حقتنا
نحن بندي الجنس وزن كبير وما عندتا مشكلة كبيرة مع العنف
وهم عكسنا، الفيلم تلقاهو مليان لغة عليك اللعنة ورومانسيتو كلها جسدية ويصنفوه PG-13 لكن بمشهد عنف واحد بيقلب R
فيلمي بتاع Being There دا قلة أدبو خفييييفة وذاتا ما مهمة كجزء من قصة الفيلم

ازيكم يا بشر
الحاجة الوحيدة الطلعتا بيها واتاكدت منها ..انو ..بصراحة يعني
ما بتعرفوا تتفرجوا افلام..ولا تصنيف الافلام ..وماشفتوا الافلام البتخليك
من البداية مبحلق ..ومابترمش لين نهاية الفيلم.
وفيها المترجم ومافيها اي عنصر نسائي ..يعني ممكن تتفرج جنب ابوك عادي
او جنب الاولاد....قلنا مترجم للخبير ابوحسين

ياخوانا في زول فيكم خش سينما العرضة ؟

فمعليش ما تآخذو الراجل ...
زمان لامن يوزعو الافلام ناس عمك حسونة السينمات بتتقسم عليها كل الافلام ...
و الباير بودوهوا سينما العرضه ...
الوكت الكنا بنشوف (تو سير وز لف) في غرب او البلو نايل ... سينما العرضه كان بجيها ناس شولاي و لامن يكرموهم جانوار و سانجام و تكون مسهوكة ...

Quote: ياخوانا في زول فيكم خش سينما العرضة ؟ فمعليش ما تآخذو الراجل ... زمان لامن يوزعو الافلام ناس عمك حسونة السينمات بتتقسم عليها كل الافلام ... و الباير بودوهوا سينما العرضه ... الوكت الكنا بنشوف (تو سير وز لف) في غرب او البلو نايل ... سينما العرضه كان بجيها ناس شولاي و لامن يكرموهم جانوار و سانجام و تكون مسهوكة ...

😂😂😂😂😂😂😂😂😂😂😂😂😂😂
كنا بنجيها كداري
و نحن طالعين بنغشى سوق العرضة تضرب الفول الحاااااار و بعدو قزازة بيبسي بااااارد و تقفل بالباسطة و دي بنقزقز بيها و نحن ماشين ..
التوبني منها فلم هندي دخلنا و الفلم بدأ و الشاشة نصها شمس
يا دوووووب تشوف حاجة
بطل الفلم اسمو محمود
نهاية الفلم الضرب دور كتل للطيش
و كل الخيانة ماتو و كل اصحاب البطل محمود ماتو
فضلو محمود و زعيم الخيانة
محمود ضرب ليك الزعيم و رقدو ليك سلطة
وقف محمود منتشي بالفوز يقوم الخاين برااااحة بي اخر نفس يشيل المسدس الجنبو و يكتل ليك محمود
البطل مات
طبعا الناس كلها احبطت
يالا المخرج يجيب ليك صورة البطل و هو ميت من بعيييييييييييد و يقرب الكاميرا عليه
و تجي اللستة بتاعة المصورين و المهندسين و انتاج و اخراج
فجأة كدا يقوم محمود واقف و هو بضحك قال يا جماعة انا ما مت و دا كان تمثيل
معقولة ؟؟؟؟
ميتين ابو دا فلم ياخ
😂😂😂😂😂😂😂😂😂😂

آها عليكم الله دي عينة يقترحوا عليها تحضر فيلم citizen Kane قال بيحبس من عربية الباسطة المفسحة ديك وسيد العربية عشان الباسطة ما تنشف بديها بخة زي بتاعت المكوجي بي خشمه ويجي العارض ده يقول ليه أديني القطعة الفي الركن

Quote: غايتو إذا أنا المقصود حقو اللتنين تعملو حساب لي يدكم اليمين (وبتاعاتكم*) او كما قال (أ م ع) رضي الله عنه .... * كما شرحها (أ م ع) ... خيالكم ما يشطح ...

ما انت المقصود ..... 😂😂😂😂😂😂

Quote: أبو حسين ☝ رقم 8 😂

خدمة لي اخوك بالله اعمل لي لسته بيهم عشان اشوف الناقصين منو
في كم واحد غايبين ليهم فترة عشان ما يجو يحتجو و كدا ... 😂😂😂

Quote: قربت اصدق

تصدق و تآمن ما فارقة معاي ....
لو صدقت ما حا استفيد انا حاجة
لو ما صدقت ما حا اخسر انا حاجة ...

Quote: يا صلاح ياخي الراجل كتم حرياتنا من قولة ياخ شابكنا ليك جو عائلي واتأدبوا والأولاد قاعدين وما عارف شنو! يا حافظ ابو حسين دة انا عرفت حنكه ترشيحاتك دي ما بتنفع معاهو امسك دة يا ابو حسين خش الرابط دة وحتستمتع بأجمل فيلم عربي حديث ممكن تحضره ولو حضرته معاك المدام جهز ليها المناديل أنا جادي معاك فيلم خطير شديد arabseed.me/embed-ca96a85vjtlb.html محمد البشرى سمعت عربي وقعدت تضحك فيني قلت أحمد جلس موش؟ لا لا ما بديك فيني فرصة هاك نسخته الأمريكية: The Fault in Our Stars (2014)

عربي يا عواليق ..... !!!!!
دا كان ايام المراهقة

Quote: The Good Lie 2014 من أول مشهد بتعرف نفسك إذا حضرته قبل كدا او لأ أحضر الفيلم التاني وما تسمع كلام أحمد محمد عمر (Being There (1979 (Being There (1979 موجود في Egy Best ومترجم الفيلم PG-13 لكن قبل ما تحضر شوف الParents Guide هنا imdb.com/title/tt0078841/parentalguide؟ref_=tt_stry_pg

حا اشوف كل الافلام و بقول ليكم رأي فيها ....

Quote: لا حول ولا قوة إلا بالله اللهم لا نسألك رد القضاء ياخي الراجل يقول ليك داير يحضرو مع المرة والأولاد تجيب ليه فيلم فيه مشاهد قلة أدب! أبو حسين لو باريت مولانا دة بطلقوك

حسين ولدي الكبير
بعدو محمد بي 3 سنوات
محمد كان عمرو تقريبا 4 سنوات
لمن نكون بنتفرج في فلم اجنبي في واحدة من القنوات الما مضمونة الريموت بكون في يدي
اول ما اشوف ليك الحوار ماشي لي منظر ما ياهو بستعد
و قبل ما يبوسو بعض بحول القناة ....😂😂😂
قايل نفسي شفت و مسيطر على الوضع
يوم سهيت و انا زااااااااتي عشت الدور لغاية الجماعة مسكو ليك بعض
و محمد قاعد جنبي لكزني ليك بابا حول بابا حول .... 😂😂😂😂😂😂😂

Quote: منو دي؟ أنا دي؟ بري بري بري

الفكي سحسوح ...... 😂😂😂😂😂
اصلو ما خايلة مع مولانا .... 😂😂😂😂

Quote: كلمو عليـك الله دمّر معنويـاتي .. من كتب كلامه دا لي خمسة يوم ما قادر احضر فيلم ولا عارف آكل ولا أشرب ومش عارف أقرا ولا أنام.. في بشر كدة ماعندهم أي مراعاة للناس المرهفيـن زينا كدة .. هسه لو كان اقترحت ليك فيلم The Disaster Artist كان قال شنو :)

يا الطريفي ياخ انت اكبر من انو يؤثر فيك كلام الوهم دا ....

يا عمك فيلم مع الأولاد دة ولااااا بجازف بيه
يا زول حتى لو بتاع شفع ذاتو وجات بت سمحة لابسة قصير المرة بتخلي الفيلم وتقبل علي تراقب عيوني .. وانا جني وجن المراقبة

Quote: الحاجة الوحيدة الطلعتا بيها واتاكدت منها ..انو ..بصراحة يعني ما بتعرفوا تتفرجوا افلام

عارف يا أحمد يس نحن في شلتنا لو جاء واحد داير يعمل لينا فيها معلم افلام بنختبره بي فيلم The Sunset Limited (2011)
طبعاً أي زول خشمو كبير في الفاضي ما بقدر يكمله :)

حبيبنا أبوحسين .. وباقي الاحباب
صدقني أنتو أجمل ناس
الاخوانيات .. بوست جميل
أنا مستمتع ..
واصلوا هذا الجمال
أجمل بوست مع الكورونا

أنا طبعاً 80% مع قناة الشمالية ( دنقلا )
أحيانا أتفرج على المناظر خلف المذيع أو المراسل
ثم نشرات الاخبار في القنوات العالمية

ان شاء الله اكتسب خبرات في التعابير العامية
حاولت في بوست لبدرالدين الامير .. فشلت طلعت زيرو

واصلوا حتى الصحفة رقم مائة

شكرا ابوحسين على هذا البوست المفيد.

وشكرا اكثر لود البشرى فانا اتفرج الان على فيلم امريكي ممتاز من موقع فيشار.

Quote: حبيبنا أبوحسين .. وباقي الاحباب صدقني أنتو أجمل ناس الاخوانيات .. بوست جميل أنا مستمتع .. واصلوا هذا الجمال أجمل بوست مع الكورونا أنا طبعاً 80% مع قناة الشمالية ( دنقلا ) أحيانا أتفرج على المناظر خلف المذيع أو المراسل ثم نشرات الاخبار في القنوات العالمية ان شاء الله اكتسب خبرات في التعابير العامية حاولت في بوست لبدرالدين الامير .. فشلت طلعت زيرو واصلوا حتى الصحفة رقم مائة

حبيبنا استاذ علي
كتر خيرك ياخ
ياخ موضوع بوست بدرالدين الامير انساه خلاص
و عارف زااااتو اهو طلع زول عواليق ساي 😂
اخد راحتك و اكتب العايز تكتبو و لو في زول قال ليك اي حاجة قول ليه انا اخو ابوحسين امورك كلها بتسلك
و بوستاتي تحديدا انت تحت حمايتي و اي زول يزعلك انا بعرف كيف اتصرف معاه ....
ما تدينا الاحساس بي انك ما مرتاح في وسطنا .....

تسلم يا راجل يا طيب

Quote: استاهل انا زاتي البخليني اخش ليك شنو ما عارف, كل مرّة اقول دي آخر مرة لكن ما عارف البحصل شنو مما أشوف النجوم في العنوان ما بقدر اقاوم اخش اشوف الطلاشة الجديدة شنو!

ما بتخش لي ليه عندك طويلة .... ؟؟؟
قوم لف يا فقر و انت لاقي .... !!!!!

Quote: علّق انت يا منص انا غلبني

كل واحد يدلع في التاني زي الشفع ....
الاتنين فقر و عواليق ....

Quote: ازيكم يا بشر الحاجة الوحيدة الطلعتا بيها واتاكدت منها ..انو ..بصراحة يعني ما بتعرفوا تتفرجوا افلام..ولا تصنيف الافلام ..وماشفتوا الافلام البتخليك من البداية مبحلق ..ومابترمش لين نهاية الفيلم. وفيها المترجم ومافيها اي عنصر نسائي ..يعني ممكن تتفرج جنب ابوك عادي او جنب الاولاد....قلنا مترجم للخبير ابوحسين

يازول هوي حب الناس مذاهب
و لولا اختلاف الآراء لبارت السلع
كل إنسان و ليه ذوق في الافلام رعب/بوليسي/جاسوس/رومانسي/خيال علمي و ... و.....
و ل مفتكر نفسك الن ديلون كمان .....
قوم لف ....

يا زول حتى لو بتاع شفع ذاتو وجات بت سمحة لابسة قصير المرة
بتخلي الفيلم وتقبل علي تراقب عيوني .. وانا جني وجن المراقبة

======================

خطير الحبيب احمد ..
دي ما مراقبة دي محبة يا جميل
بالغت خليتني أضحك في حبس الكورونا بس كويس الحاجة في المطبخ
جعل الله أيامك كلها هناء وسرور

يا أبوحسين .. دي اجمل مداخلة في البوست


روعة واصلوا

(Das Leben der Anderen or The Lives of Others (2006
(The Pianist (2002

التصنيف بتاعها R
لكنها تستحق المشاهدة

Quote: وجات بت سمحة لابسة قصير

الجبون ده قصري يا حاجة ...

كل ما اقول امشي لي قدام تذكروني بي موقف تعطلوني بيها ....
طلعنا من امبده قلنا نمشي سينما امدرمان
الدور التاني و الدور التاني دا احتمال 80% نرجع كداري
لا عارفين الفلم شنو و لا اي معلومة عنو بس نحن داخلين سينما امدرمان الدور التاني
طلع الفلم فرنسي
كل قصة الفلم و احداثها داخل مدرسة
و كل القصة فيها الاساتذة بس
جابو ليهم مدرسة جديدة
واحد من المدرسين دخلت في مزاجو
شحدها و رفضت
كل الفلم حوار بينهم هو بقنع فيها و هي متمسكة بي رفضها
المدرس عكليتة اصلو لا كل لا مل و مجتهد جدا في مسعاه 😂
نهاية الفلم اظنها زهجت منو قالت توافق و تخليه يحقق امنيتو و ترتاح منو
كلمتو قالت ليه خلاص انا موافقة .....
الوسخ اعتذر ليها و قال ليها انا غيرت رأي .....
😂😂😂😂😂😂😂😂😂😂😂
و رجعنا امبده كداري ......

Quote: آها عليكم الله دي عينة يقترحوا عليها تحضر فيلم citizen Kane قال بيحبس من عربية الباسطة المفسحة ديك وسيد العربية عشان الباسطة ما تنشف بديها بخة زي بتاعت المكوجي بي خشمه ويجي العارض ده يقول ليه أديني القطعة الفي الركن

فقر
عواليق
مقرف

Quote: يا عمك فيلم مع الأولاد دة ولااااا بجازف بيه يا زول حتى لو بتاع شفع ذاتو وجات بت سمحة لابسة قصير المرة بتخلي الفيلم وتقبل علي تراقب عيوني .. وانا جني وجن المراقبة

سمعتك زي الزفت
عينك طايرة
ما مضمون عشان كدا لاعبين معاك مان تو مان
كمان بلا خجلة بتحكيها براك .....
😂😂😂😂😂

Quote: شكرا ابوحسين على هذا البوست المفيد. وشكرا اكثر لود البشرى فانا اتفرج الان على فيلم امريكي ممتاز من موقع فيشار.

الله يكرمك استاذنا الخواض
بس الزول الفقر دا انا بحب زول يشكرو .... لكن معليش عشانك انت بس 😂

شكرا ابوحسين على مسامحتي لشكر ود البشرى هههههه

وبهذه المناسبة ارشح فيلم " Clemency " من موقع فيشار.

Clemency شنو البفهمه ليك يا استاذنا, العربي دا آخره افلام البطل لا يموت و غني لي و أغنيلك و نجيلة خضراء
لكن فلم فيه حوار اكتر من دقيقتين لا تتخللهم بنية أو طلقة أو غنية .... يفتح الله!

Quote: (Das Leben der Anderen or The Lives of Others (2006 (The Pianist (2002 التصنيف بتاعها R لكنها تستحق المشاهدة

ما مشكلة التصنيف ال R بشوفها براي لأني كتير بصحى بدري و ممكن اخد راحتي
تصنيفاتكم دي ذكرتني مرة اول ايام قاعة الصداقة
التكييف تلاجة موز
و كان فيها عطر Blase رهيب
الفلم قصة يعني مافي كرور زي العواليق الحايمين ديل
و القاعة شبه فاضية اقرب ناس ليك بكون على بعد 5 او 6 امتار
الفلم شغال و القاعة شبه مظلمة
المنظر في غرفة النوم
و السرير نوع الفيه ستارة خفيفة حولو
يقوم زي ما الله خلقو و هو واقف و الكاميرا جايباه بالجنبة يعني منظر خلاب
فجأة نسمع ليك واحدة ورانا كوركت
فرعووووووون ؟؟؟؟؟
القاعة كلها اتلفت عايها 😂😂😂😂😂
3 بنات في بداية العشرينات تقريبا
المهم قبل ما انتهي الفلم كانن اتخارجن 😂😂😂😂

احمد محمد عمر
ياخ انت بني ادم جميل ولذيذ شديد
اعتبر دي شهادة تاريخية موثقة من الامم المتحدة

Quote: لو جاء واحد داير يعمل لينا فيها معلم افلام بنختبره بي فيلم The Sunset Limited (2011)

دا شفتو قبل ٩ سنين يمكن..وتوم هو مخرج الفلم ..حوؤارفلسفي عقائدي عميق مع صمويل ال جكسون

Quote: ما مشكلة التصنيف ال R بشوفها براي لأني كتير بصحى بدري و ممكن اخد راحتي

انا زول دعيف في حكاية الأفلام وتصنيفاتها ....
بعرف افلام الأكشن وثريللر ودراما ...
عايز من حاج العوض المشهور بابوحسين
يديني فكرة عن تصنيفات الأفلام وخاستن
تصنيف ال R البشوفوهو في وقت الأسحار
والاستغفار كما أشار عاليه ....

فترة الحظر دي ما بينفع فيها أفلام عضم زي The Sunset Limited ،،، ولا أفلام كئيبة زي clemency ،،،، أصلها الحكاية كئيبة نقوم نديها بستلة ،،، (ما عايز أقول كوز )
يعني مثلا نقترح فيلم Just Like Heaven حق البنية Reese Witherspoon
ولا Pritty Woman حق Julia Roperts
ولا Erin Brockovich حق Julia Roberts برضو
ولا The Net حق ٍSandra Bullock
ولا Hankook حق Will Smith
أفلام خفيفة ودمها خفيف وممكن تشوفها 100 مرة وما تزهج ،،،
ولا عربي يعني
فيلم زوج تحت الطلب ،،،
ولا ،، الهلفوت
ولا طأطأ وريكا وكاظم بيه
أفلام رااايقة وممكن تستمتع بيها
تحياتي

يا ود الزبير الR هين لو لقيته MA حصل تمو قبل ان يتبين الخيط الأبيض من الأسود ولا بتبقى عليك قصة الزول القال شيخنا الشايقي داك في التلفزيون لكن انت ما جوطتها كلو كلو

Quote: الجبون ده قصري يا حاجة ...

و الله ياها زاااااتا سجمي دا كان مقرش وين ؟؟؟؟
😂😂😂😂😂😂😂😂😂😂

اليوم بنتفرجةفي افلام action :
Olympus has fallen ...سقوط البيت الأبيض الأمريكي..
وفلم Air force one , هاريسون فورد
من Neflix ...
افلام الرومانسية ما بتنفع مع الحبس المنزلي ...

زمان كنا بنحب أفلان الآكشن ،،، لكن بعد كده هونا (بالشدة وفتحة في الواو ،، تعبير سعودي ههه)
هاريسون فورد عنده فيلم جميل برضو من النوع اللي ممكن تعيده من غير ما تزهج ،،، إسمه Six Days Seven Nights

فلم Air Force One لي هاريسون فورد شاهدته اكثر من ٥ مرات لان الممثل الكان مجسد شخصية
زعيم الارهابيين الذي اختطف طائرة الرئيس الأمريكي ممثل بارع جدا ( ولا اعرف اسمه) ..
واجاد دوره ببراعة مذهلة ...وكمان انبسطت منه لان جهجهة الرئيس الأمريكي، وجسد شخصيته هاريسون فورد ..
واذا ما شفت الفلم ده يا حسام الدين ،،،امشي فتش عليه وشوفو ...

Quote: اذا ما شفت الفلم ده يا حسام الدين ،،،امشي فتش عليه وشوفو ...

Air Force one شفته قبل فترة ،،، فيلم جميل وأذكر في الآخر بينقل الرئيس وأسرته الى طائرة شحن كانت قريبة بواسطة حبل يربط بين الطائرتين وينقلوهم زي التلفريك كده ،،، هاريسون فورد بيدي الفيلم روح وبيكون سبب رئيسي من أسباب نجاح الفيلم في أي عمل ،
طبعاً هاريسون فورد برضه كان بطل فيلم الهارب ،، (تتذكروا مسلسل الهارب الزمان ) كان مسلسل في كتب ،،، ما تلفزيون ،،،، وكل كتاب قصة مختلفة ،، قصى الدكتور ريتشلرد كيمبل ، إتهم بقتل زوجته وسجن ظلماً ،، وهرب وكل مرة يقرب يقبضوه ويهرب ،،،، سلسلة بلا نهاية ،،، طبعاً الفيلم عنده نهاية فيلم جميل ،،،
ممكن تشوفوه هنا ▼ ▼ ▼

يا ود البشرى زمان لما تلقى صف الشعب في سينما الرابعة فاضي وتقول ليهم الحاصل شنو زي صاحبك ده وناس النعير والتبنة والطيب عرقلة وميو بقولوا ليك ياخ الليلة الفيلم قصة ويصرفوا ليك بركاوي لي سمير

Quote: الفيلم قصة

غايتو الفيلم قصة دي نحن ما كانت عندنا ،،،،،
يا الفيلم عربي ولا هندي ولا كاي بوي (بينطقوها كده ،، ولا كراتيه ،، ولا جاسوس (أها جاسوس ده البيقصدوا بيه أي فيلم أجنبي حق نقة بس )
طبعاً سلاسل الأفلام برضوا بينطقوها كما هي ،،، جيمس بوند ،،، ديجانقو ،،،

Quote: زمان لما تلقى صف الشعب في سينما الرابعة فاضي وتقول ليهم الحاصل شنو زي صاحبك ده وناس النعير والتبنة والطيب عرقلة وميو بقولوا ليك ياخ الليلة الفيلم قصة

غايتوا ناس ابو حسين ( شوف عيني ) كان يجو صف السينما و يسألوا المارقين من الدور الاول :
الفلم هندي و لا ناكل باسطة ؟

يا حسام كان ما اخاف الكضب كانت جاسوسي لكن داخل الأفلام كان التصنيف باسم البطل يعني يا دارا مندرا ولا كومار أب شلخة او بوروسلي او ترنتي ولا ديجانقو وغالباً الأفلام الهندية تعرف باسم البطلة سواء الحقيقي او في الفلم سبنا هيمامالين

طلعنا من امبدة و توجهنا الى سينما بانت
قالو فيها فلم كارب
اشترينا تسالينا و دخلنا السينما
بدت المناظر
شوية كدا و الكهرباء قطعت
5 دقايق 10 دقايق 15دقيقة بدأت الناس تطلع
و كل شوية يطلعو كم نفر
نحن قاعدين نتونس و نضحك لغاية ما بقينا برانا
العمال و الموظفين بتاعين السينما بقو منتظرننا نحن نتخارج و يقفلو و يمشو اهلهم
شوية و جانا المدير ونسة و ضحك و طلب لينا بارد ضربناه
و قام يحنس فينا و يقنعنا
غايتو بعد تلكك و نقة كتيرة قمنا اتخارجنا ... 😂😂😂

Quote: خطير الحبيب احمد .. دي ما مراقبة دي محبة يا جميل

يا زول وحاة الله ممشياني في الفيسبوك على أمشاطي :)
أي خطوة تعمل صوت فيها تحقيق مسائي بعد الأولاد ينوموا الله لا وراك زيه

Quote: الجبون ده قصري يا حاجة

يا زول وحاتك تحقيقاتنا ولا سائلة في أمن الكيزان ذاتو .. بي أدقققققق التفاصيل وذاكرة تصل لحدي حكايات الروضة لما كانت خالتك بتقول ليك عريس بتي

Quote: سمعتك زي الزفت عينك طايرة

ممكن انكر الكلام دة بدون حليفة؟

Quote: ممكن انكر الكلام دة بدون حليفة؟

ما تتعب نفسك ساي ....
هو لو حلفت في زول بصدقك ... ؟؟؟؟ 😂😂

سلامات الأخ ابو حسين ورمضان كريم مقدما عليك

إضافة للافلام المترجمة موضوع البوست أنصحك

بمشاهدة المسرحيات القديمة مثل مدرسة المشاغبين والجوكر وعش المجانين وغيرها

بتمشي الزمن كويس مع الحظر المفروض الأيام دي لانها تقريبا حوالي أربعة ساعات

والكوميديا الفي المسرحيات بتطلعك كمان من أجواء الكورونا المزعجة شوية

مودتي

Quote: طلعنا من امبدة و توجهنا الى سينما بانت قالو فيها فلم كارب اشترينا تسالينا و دخلنا السينما بدت المناظر شوية كدا و الكهرباء قطعت 5 دقايق 10 دقايق 15دقيقة بدأت الناس تطلع و كل شوية يطلعو كم نفر نحن قاعدين نتونس و نضحك لغاية ما بقينا برانا العمال و الموظفين بتاعين السينما بقو منتظرننا نحن نتخارج و يقفلو و يمشو اهلهم شوية و جانا المدير ونسة و ضحك و طلب لينا بارد ضربناه و قام يحنس فينا و يقنعنا غايتو بعد تلكك و نقة كتيرة قمنا اتخارجنا ... 😂😂😂

زماااان في مروي الثانوية، كانت السينما كل يوم خميس. دار السينما فوووق في طرف البلد. وهي عبارة عن حوش كبير فيهو الشاشة وأظنها كانت الطين. والدينمو* في عربية واقفة برة. عربية شكلها غريب.. ومخيف. شكلها أقرب للمدرّعة أو المركبات الفي Mad Max ديلك.
فئات الدخول: ريال (10 قروش) تؤهلك للجلوس على كرسي حديدي متحرك. يعني تختّـو وين ما داير.
شلن (5 قروش) تتفرجخ في الواطــــة. وكنا من هؤلاء.
وكان الزول البيشغّلها واقف ورانا، وصوت "البروجكتور" يطغى على أصوات الممثلين. لكننا لم نكن نهتم كثيراً على أية حال.
فهم في الغالب إما "كايبويات" أو هنود. ولم تكن تهمنا إلا أصوات الرصاص وسماحة الممثلات.. والترجمة على الشريط.
كان في بروجيكتور واااحد، ولما تنتهي البكرة (Reel) يولع النور ويركّب البكرة التانية.. وهكذا. ولما يتأخر في تركيبها تسمع الكوراك: أبصلعة أبصلعة.. داير ولعة.
شفت فيها فيلم "الشقيقان" (حسن يوسف وأحمد رمزي).. طبعاً أبيض وأسود.

* ما كان في كهربا الزمن داك، وكنا نذاكر على ضوء الرّتاين.

حبيبنا أبا حسين
غايتو أنا برشح ليك فيلم Wild Tales (بالإسبانية Relatos ٍٍٍٍٍٍٍSalvajes)، بس ما تشوفوا مع الأولاد.
إنتاج أرجنتيني وناطق بالإسبانية (توجد ترجمة). متعة وتشويق.

Quote: “Wild Tales” is a 2014 black comedy anthology film composed of six standalone shorts, all written and directed by Damián Szifron, united by a common theme of violence and vengeance.

Quote: ناطق بالإسبانية

جادّي يا بيلي!
اسباني شنو مع ابو بستلة دا

Quote: جادّي يا بيلي! اسباني شنو مع ابو بستلة دا

يعني هو صاحبك أبو بستلة بيفرز الإسبانية من الأنكليزية؟
بالغت يا ودو

Kevin Spacey
كريه وقبيح وسنيح
اول فيلم شوفته ليهو كان (American Beauty (1999
ومن اليوم داك كرهتو
لكن النصيحة لله أفلامو سمحة ومابتنفع تحضرها إلا براك
(Se7en (1995
(American Beauty (1999
(L.A. Confidential (1997
(The Usual Suspects (1995
(The Life of David Gale (2003
وغيرها
المهم محل ما تلقى Kevin Spacey أحضر وإنت مفتح

يا حافظ احضر مسلسل House of Cards على مسؤوليتي ده لو ما حضرته أصلاً

عارف يا منص أنا بتجنب حضور المسلسلات
ولو بديت مسلسل لازم أكملو من الأول للآخر بدون تقطيع وتعال بكرة وسلة الروح
زوجتي وبناتي جنهم مسلسلسلات
أفتكر الوقت مناسب لعقد مصالحة بيني وبين المسلسلات
وشكراً لنرشيح House of Cards
وأكيد طالما فيهو Kevin Spacey
والترشيح جا منك ما حأندم على الحضور

Quote: مسلسل House of Cards

عدا الموسم الأخير بعد فضيحته العملها قام كتلوه سريع سريع

على سيرة الاسباني, بالصدفو وقعت في la casa de papel مدبلج انجليزي في النت فلكس, من شدة ما كيّفتي عدت الاربعة سيزون باللغة الاصلية عشان استمتع
ومن ديك براهم جابوا لي مسلسل اسباني اسمه Vis A Vis مترجمنه ناس النتفلكس locked up
المهم اسي الواحد لغته الاسبانية ماشة متحسنة بالاضافة لتغيير كبير في الذوق

يا ابو بستلة المسلسلات دي 18+ ما تتهور ساي

تعرف يا ودو الأفلام الأسبانية وخاصة بتاعت الحرب الأهلية ممتعة جداً وكأنك بتقرأ في كتاب وكذلك بعض الأفلام الإيطالية

اهلا و سهلا بالناس المحترمة الشرفو البوست
آسف جدا لي ظروف اتغيبت اليوم
بكره ان شاء الله لو الله حيانا بنتلاقى

الغير محترمين قومو لفو ....

معليش مقدرين إنشغالك بأزمة إنهيار أسعار البترول ومحاولاتك الحثيثة في محاولات إيجاد حلول ربنا يعينك

Quote: غايتو أنا برشح ليك فيلم Wild Tales (بالإسبانية Relatos ٍٍٍٍٍٍٍSalvajes)، بس ما تشوفوا مع الأولاد

يعني لما يقولوا آكشن يعني بيقصدوا ،،، توم كروووووز ،،،،، ميل قيبسوووون ،،، ستيفن سيقاااال ،،، سيلفستر ستيلوووون ،،،
فيلمك ده ههههههه والله الفريد هتشكوك أخف منه ،،،
كل واحد يخلي باله من أفلامه
اللي يحضر الفيلم ده أنا ماليش دعوة