في بلد بعيد، خرج الحاكم دجاليلو على الملأ قائلا: سني مكسور من أجل الوطن ولذا أستحقُ الحكم إلى الأبد. رد حسنين الطبّال ومحمدين الزمّار بالتهليل والتكبير.
01-11-2019, 06:27 PM
Moutassim Elharith Moutassim Elharith
تاريخ التسجيل: 03-15-2013
مجموع المشاركات: 1273
جلس طالب في قاعة الامتحان ثلاثين سنة، فغضب المراقب: كل هذا الزمن لتكتب كلمة "جمهورية"؟ فأجابه الطالب فسادينو قائلا: أنا على وشك الانتهاء.. جيم.. ميم.. امنحني بعض الوقت!
01-11-2019, 06:28 PM
Moutassim Elharith Moutassim Elharith
تاريخ التسجيل: 03-15-2013
مجموع المشاركات: 1273
في قرية وادعة، تسلل الضبع وراء الحمائم.. التهم بعضها في خسة، ثم وصف البقية بالفئران، وأمرها أن تعود إلى جحورها. اجتمعت الحمائم وقبرته.. بأطواق الياسمين.
01-11-2019, 07:00 PM
Moutassim Elharith Moutassim Elharith
تاريخ التسجيل: 03-15-2013
مجموع المشاركات: 1273
موعودين بإذن الله نمرقك من بطن قصرك لا للسلطه لا للجاه هتافا بره منتظرك قبيلك كت تكضب ساي وماك حاسي يتهين قدرك عارفو الثورة لم تقوم تهز من جاهك وتاسرك اريتك بس تكون قدرها طال ما انحنا ما قدرك نحنا مقامنا ثورتنا وقدرنا تزيدنا من قهرك ياخ والله حرام قطعا تظلنا في تحت شجرك تجوع فينا زي ما تريد وتبطش فينا بي قجرك تكضب من زمن جيتنا تمجد فينا بي هجرك نسأل ربنا يعيننا واريتك كان غطس حجرك ولا تلقي البيدعيلك وموتة الذل تكون قدرك عليك المولي اخجل بس لملم خيبتو وعذرك وفكر مره ترجع ليه عشان الباقي من عمرك يمكن يبقي يشفع ليك وربنا زاتو منتظرك تجيهو مليان وبالاوزار يشيلك وفي لظي يحشرك تصادف شلة من طغيان وين جاهك ووين قصرك احسن تمشي لي لاهاي وقبل الثورة ما تاسرك ديل والله ما بخلوك ولو كترت من يسرك بكره الدايره لم تدور تبقي جنيت ثمار عسرك ارحل يللا يا فرعون خلاص جهزنا يوم شكرك
محمد طويل #تسقط بس#
محمد طويل هو شاعر وملحن ومغني سوداني مقيم في بريطانيا
01-11-2019, 07:01 PM
Moutassim Elharith Moutassim Elharith
تاريخ التسجيل: 03-15-2013
مجموع المشاركات: 1273
معروفه من زمن الشريف ثوارتها هابه وما بتقيف الليله ما شأن صف رغيف درايسه ناصر والشريف سنهوري كان ظل ووريف من قبلو بدرالدين عفيف..
والليله في شانكم نقيف نملأ الشوارع والرصيف ودم الشهيد زايد نزيف
في كل مدينه وكل ريف وقتلكم ياهو البضيف للثورة دافع وما بتقيف وكل البراري شباب حريف وجه ربيعو علي الخريف والحكمه ام دوم والجريف ساندين هتافهم بيا لطيف..
والليله في شأنكم نقيف نملا الشوارع والرصيف ودم الشهيد زايد نزيف..
قوية بتساند الضعيف والثورة ما ثورة رغيف او نحن عاشقينك نقيف ناس بري اولاد الشريف الهندي يا القولك شفيف ملينا كرباجو العريف والطلقه في جوف النضيف الحالف يباريهم حليف والليله في شانكم نقيف نملأ الشوارع والرصيف ودم الشهيد زايد نزيف..
محمد طويل
6 يناير 2019
#تسقط بس#
01-11-2019, 07:02 PM
Moutassim Elharith Moutassim Elharith
تاريخ التسجيل: 03-15-2013
مجموع المشاركات: 1273
كل ما نقدم شهيد هو البزيد فينا العزيمه وطالما قررنا نطلع ما بتبارحنا الهزيمه يللا يا ثوارنا هبوا خلوا غضبتكم حليمه انت خليك في المكان الشايفو بخلد ليك ديمه الا ربنا هو البصوننا وتبقي حريتنا غيمه تروي داخلنا وترطب باطن الأرض وأديما وتاني هي تبتق تخدر وننسي أحزانها القديمه وتبتسم كل الربوع من اقصي دارفور ل كريمة وجنوبنا نشتاق ليه نعانقه وشرق خالي من الجريمه وتبقي نحلم بي وطن انسانو اصبح ليه قيمه لا فيه تطهير لا تعنصر صافية نيتنا وسليمه نبقي تاريخ يحكو بيهو زي مناهجنا القديمه شعب واعي وجيش مساند نفذوا الخطة الحكيمه
محمد طويل 9 يناير 2019
#تسقط بس#
01-11-2019, 07:03 PM
Moutassim Elharith Moutassim Elharith
تاريخ التسجيل: 03-15-2013
مجموع المشاركات: 1273
إنت واصل في رقيصك وإحنا بنكفن شهيدنا وبكرة يوم الحق بيظهر وبي رحيلك يبدأ عيدنا نلبس الرايات وشاح والعلم زادنا ونشيدنا لسه برضو مصر تواصل شأن تصافح تاني إيدنا يبقي ابليس نالها جنة والعشم كان تبقي سيدنا ياخي فكر وأدعو ربك قبل ما تفكر تبيدنا البفوقك جاه وعزة وحده هو الضار والبفيدنا كل طاغية حجز مكانو وإنت لسه تلاوي إيدنا لا أخدت العبره منو لا بتخافو بطان جريدنا شايفو أحسن تبقي ترحل قبل ما يفاجأءك جديدنا وتفقد القصر وحصونك و كلو يصبح تحت إيدنا
محمد طويل #حتي النصر# #تسقط بس#
١٠/١/٢٠١٩
01-11-2019, 09:02 PM
Moutassim Elharith Moutassim Elharith
تاريخ التسجيل: 03-15-2013
مجموع المشاركات: 1273
الشعب في السودان هايج ضد منع الكلام والاوامر من دكتاتور السودان البشير ابن الحرام اللي بيتاجر بالاسلام بس شعب السودان حر مش زي الاغنام وفي تاريخه دايما كان للحرية عشقان والبشير الغبي نسي ايام النميري والثوران والنصيحة هي ان الشعب هو الاساس والقايد والانسان ويا بشير فوق وارجع لايام زمان لما الشعب في السودان قال عاشت الحرية في اي كان واي زمان
شاعر الزجل المصري د. عادل عبد الناصر حسين
01-11-2019, 09:15 PM
Moutassim Elharith Moutassim Elharith
تاريخ التسجيل: 03-15-2013
مجموع المشاركات: 1273
خير لك يا البشير تتنحى ،قبال تصبح المعزول شررقتا ورجع غرربتا شاقي الأرض عرض وطول سايب الشعب ضايق المره ، جد شيتا ولا معقول كان بحلم يعيش في نعمه، حلمو الليله عيشه وفول في الآخر بقولك كلمه ، جد أثبت ماك مسؤول !
محمد إسماعيل الرفاعي الثلاثاء 25 / 12 / 2018
محمد إسماعيل الرفاعي: شاعر سوداني
01-11-2019, 09:16 PM
Moutassim Elharith Moutassim Elharith
تاريخ التسجيل: 03-15-2013
مجموع المشاركات: 1273
وطن بنزف! ............. كلمات : محمد إسماعيل الرفاعي
وطن .. في عيدو بنزف دم وسايله دموعو متوهدب .. مغبي عديل عشان (الصدمه ) زادت جوعو يببست الفضل في فرعو هب شبابو كايسين اليضوي شموعو قاصدين البحلبو ضروعو ماصين خيرو يدو حقوقو صالح غيرو والراتب مع تأخيرو كضاب لو عرفت مصيرو بين صراف كتر تصفيرو والبنك الظهر تقصيرو في هادي الظروف الصعبه كم مسؤول سمعنا شخيرو ماصحاهو غير الفتيه خلوهو يقوم يفتش ( فتيا ) ضد فعلا بسمو خروج على السلطان كأنو الدين بدور الزول ينوم جيعان يقوم مرضان يفيق فلسان ويسكت خوف من البمبان ويتكرفس يخت الخمسه في الاتنين وما يقدر يقول لكين ! ويبره قطيعو متل الضان ! يتوه في سكه غير عنوان وينسى كرامة الإنسان ! أيا (كيزان ) خلاص وصلت معانا الحد وقولنا الجد .. بنمرق نحنا (سلميه ) وندك عرش (الحراميه ) واحدنا بيعادل ميه ما خايفين مرقنا .. مرقنا ما بنرجع ومنتصرين باذن الواحد الديان
الخرطوم 29/ 12 / 2018
01-11-2019, 09:17 PM
Moutassim Elharith Moutassim Elharith
تاريخ التسجيل: 03-15-2013
مجموع المشاركات: 1273
أرحل كفاك ........... كلمات : محمد إسماعيل الرفاعي
أرحل .. كفاك تلتين سنه وما شفنا منك غير وعود عشمان عشم إبليس مناك .. من تاني دار ترجع تعود .. تحكم تسود تريانه سحبك بي الكلام قمحانه تب ما فيها نقطة اللت مطر فات القطر .. ولساتنا زيدانا الكسول دايرنا نتفرجخ حداهو وننجعص نرجاهو مهدي المنتظر نسمع دوام الجعجعه المن غير طحين في كل حين دار نبدأ من تحت الصفر أصحابنا فالحين في الحفر طوالي جاهزين لي الدفر والفيهو خير يشرد يفر جبانه هايصه ومزبله ما ظني فد يوم تستقر أرحل كفاك تسقط .. وبس زي ساقط القول والكلام الكل حين بتسقطو وترميهو من نخلة هوانك وارتهانك واحتقانك حين تسد كفك أضانك وما بتسمع غير نفير سير يا البشير وبقينا في عهدك يمين لانا اليهود .. لا مسلمين ملمحنا زي ما عندو دين أمرك محير ! فرعونك الجواك مرق للكون معلم الله من خرقه بتستر العوره يوم عز النصير ومرقت بي جزرة هوانك والعصا الممدوده والحل الفطير بالله طير أرحل .. وبس تسقط .. وبس ده قرار غبش ..ماضي وخطير كاتبنو بي قطرات مداد من دمنا ولازنو ليك في فد سطير ..
5 يناير 2019 الساعة 10:50 ص
01-11-2019, 09:41 PM
Moutassim Elharith Moutassim Elharith
تاريخ التسجيل: 03-15-2013
مجموع المشاركات: 1273
تحية ثوار هبة ديسمبر مرقت مرقت ام درمان ********** مرقت مرقت ام درمان فتحت ابواب الحرية وكسرت اغلال السجان هزمت للطغمة الفاشية وغسلت من سوحها الاحزان مرقت رغم العنف الدموي ورغم بجاحة علي عثمان مرقت تتحدى القناصة ومرقت تستنشق بمبان عظيمة عظيمة يامدرمان شعبك يهتف للحرية وخاينك ينسج في الاكفان هب شبابك يامدرمان قدم درسا بالمجان صلى وسلم في محرابك هلل كبر للرحمن ديل امجادك يوم ميلادك عركة كرري الفيك عنوان سقطت سقطت تسقط بس سقطت سقطت ياكيزان قالا شباب ام در الاسمر قالا شباب كل السودان
زروق العوض ٩ يناير ٢٠١٩
زروق العوض: شاعر سوداني
01-15-2019, 11:04 PM
Moutassim Elharith Moutassim Elharith
تاريخ التسجيل: 03-15-2013
مجموع المشاركات: 1273
اصلو الكفاح ما بضيع هدر يا الباقي محفور في جواي دمك نزف يرويه شقاق الارض ومرقت لي .. ستر العرض وانا كيف هو عاد بسال عليك ما دام هو شايفك بالمقل تنداس تحت بوت العميل قايلو بيساندك يوم تقع ما اظنو يا زول يا شهيد .. وما دام هو بس وقفت عديل راية رجولتك وكبرياك وانا باقي بهتف بي وراك .. وآخر نفس طالع دليل علي انو انت وما براك معاك كمين من ألوف شايلين معاك هموا الكبير .. والجرح غور وزاد انين سابقاه هتاف لمواطنين سووها حمرة عين عديل والطاغية ما زال مستبد .. عشمان تجيهو دعوة قبول ويخوضها رغم عتى الرياح وكتين قبيل مرقوا الألوف حدوها .. وحدوا للصفوف وكمين مساند خالفهم حاسبينو كان من حالفهم والنظرة لي آخر المطاف والحلقة جفت من حديث ما بعدو من يبسة وجفاف .. ومن الله خاف ما كان طلب .. امكن براك ترجع تعال .. اسمع مقالاتهم رجال وادرس هتافاتهم عيال امكن تذكر للمضي وتديك مجال والكفة رجحت العدالة مع النضال سقفك دنا وقرب خلاص يسقط علي ساحة القتال وينو العدو ووينو الحليف ومنو عاد يقدر يفرز بين ثوار وبينو مدسوسا عميل ساعة النزال والطلقة كاتم صوتها زاد صوت البئن وطني وكفاي .. لو يبقي اخر يوم الي وانا تاني ما راجع وراي وشين فايدة الفضلت قفاي وما دام هو من ساسها انخرب حكامها هدامها .. وقضاة سلكوهو درب علي الفساد حا يدلوا كيف ومنو البقود ما دام هي أعلنت الحداد والثكلى تنده للولاد حاساهو من بينو اتفقد .. العمرو ما بيهوي الرقاد تاكلاهو يكون سندالتها وخاتالو يبقي معاها زاد وما يغلي اصلو علي الوطن .. وعند الله ما بضيع الكفاح ما دام هو صوت الحق وضح وشرقت شمس باكر صباح خلطت هتافها مع الصياح وفي لحظة تتناسي النواح وتقيف تساند للقبيل وشرعت وما هابت رياح ..
محمد طويل
01-15-2019, 11:12 PM
Moutassim Elharith Moutassim Elharith
تاريخ التسجيل: 03-15-2013
مجموع المشاركات: 1273
ساقوكا مجبور للهتاف والضاحله بتهاب الضفاف مكسوفه كاسيها العفاف وخجلان .. خجلان منو القال ليك هو شاف واااضح بدون تعب اكتشاف ممنوع من الصرف ومضاف ما بينو ثائر وما بيخاف وآخر يضيف صوت للهتاف خايف علي ورقا رهاف يقطعلو فوق ايام عجاف لا تزيد ولا تبل من جفاف وآخر الشهر بي طيفو طاف لا محشي ضاقت لا خشاف وسليقه بي طرقا رهاف ما لاحقه باطن معدة جاف ودا كلو شأن الزول بخاف ومنو عاد هو الما بيخاف غير المرق وعلا الهتاف من الله بس ياهو البخاف وقالها بي كل .. اعتراف تسقط عشان يقووا الضعاف والمشية دغري بلا إنعطاف واقفين وصامدين إعتكاف حلقا خلاص عشق الجفاف بتبلو ترييقة الهتاف ومن الله خاف ...
محمد طويل
01-15-2019, 11:13 PM
Moutassim Elharith Moutassim Elharith
تاريخ التسجيل: 03-15-2013
مجموع المشاركات: 1273
الثورة سعيٌ متصلٌ على دربٍ قاسٍ أغبر مفروشٍ ورداً أحياناً وأحياناً أخرى دماً أحمر تمضي كالمارد تاراتٍ وتاراتٍ أخرى تتعثر تنساب برفق أطواراً وبركاناً طوراً تتفجر والعبرة نبل الغايات ************** الثورة جهاد ضد الضد وضد النفس جهاد أكبر فبالشر قد يرمى الضدُ وبالسوء النفس قد تأمر الثورة أن تكبر فينا " نحن " و " أنا " ترجأ تذوى تصغر أن نعطى الوطن بلا منٍ فعطاء الوطن هو الأكثر فعطاء الوطن هو الأكبر والعبرة نكران الذات ************** الثورة ليست أن يمضي "عمر" إلى سقرٍ، مدحوراً ومذموماً الثورة ألا يتكرر الثورة ليست مدني النمط من الحكم أو حكماً طابعه العسكر الثورة أن تغدو للشعب إرادة أن يغدو المحكومون هم السادة فالشعب الصاغر لا يرتاد ذرا العز والشعب السيد لا يقهر والعبره وضوح الرؤيات ***************** الثورة لن يحدثها فردٌ ولو كان هرقلاً أو عنتر الثورة لن يحدثها حزبٌ وإن حشد جموعاً أو جمهر فالثورة شأن كالطوفان يحدثه كل الموج والثورة شأن كالخفقان يحدثه كل القلب أذيناه وبطيناه الأيمن منهم والأيسر والعبرة صدق النبضات ********* الثورة ليست بيضاء الثورة ليست صفراء الثورة ليست حمراء ولون الثورة ما الأخضر الثورة ليست تستورد تستجلب تُحضر وتصدر فلون الثورة لون الأرض وطعم الثورة طعم الشعب ولونُ الأرض كطعمِ الشعب لا يبهت، يتبدل أو يتغير والعبرة علو الرايات ******** الثورة ليست " شفتنة" الثورة ليست " حرفنة " فئةٌ فاسدة تثرى وجموعٌ بائسة تفقر الثورة ليست قرصنة الثورة ليست "فتونة " فئة باغية تحكم وجموعاً صاغرة تقهر الثورة أن يغدو الناس كأسنان المشط سواسية أعلاهم أعلمهم وأعملهم أشرفهم ... بحداء الركب هو الأجدر والعبرة شموخ الهامات ********* الثورة ليست خرطوماً الثورة ليست عطبرة الثورة ليست بـ "الثغر" أو شأناً حكراً للبندر الثورة ليست أكتوبر الثورة ليست ابريلاً رجباً مايو ونوفمبر فمكان الثورة كل مكان وزمان الثورة كل زمان وشأن الثورة هو الإنسان إنسان بلادي السودان تتوه الثورة لولاه تيبس عروقاً تتحجر والعبرة حشد الطاقات *********** فيا شعبي "الطيب " ثر حقاً أغضب ازأر حطم أغلال الذل ولقهر القاهر أقهر علَم من ظنً كبيراً أن الشعب هو الأكبر من ظنً قديراً وخطيراً أن الشعب هو الأقدر أن الشعب هو الأخطر. علمهم يا شعبي، بعد الرب أنت الأول والآخر أنت اللب بل الجوهر أنت الأصل والفصل أنت الكل وعداك فتات لا يذكر أنت الركب وحاديه أنت الروض وشاديه أنت الخطبة ومن يخطب ويُخاطب أنت الدرة والمنبر أنت الشارع والشرع أنت الزارع والزرع أنت المعهد والمصنع أنت الضرع حالبه وشاربه المكتب أنت كما المتجر أنت الغمد أنت الزند والدرع الواقي يؤازره خنجر والعبره تساوى القامات ******** ثر يا شعب الله "المحتار" ثر يا شعبي المغوار اخلع أسمال العار البسها من ظن الحكم عمامة وأبدى زعامة يورثها كسرى كسرى ويمنحها قيصر قيصر من ظنَّ النفس ظلً اللهِ على الأرض ِ حامى الدينِ والعرضِ باسم الله استعلى وباسم الربِ تجبر يلقى لجهنم من شاء ويعطى من شاء الكوثر من ظن النفس الفاعل دوما ما شاء بشعبٍ قاصر مقهورٍ أبدا ومسيّر، ثر يا شعبي الجبار اخلع أسمال العار البس إكليل الغار ومن حلل المجد تخيّر ما يرفعك بين الأمم وينصبك فوق القمم ناراً تهدى وقبساً يبهر والعبره تفادى النكسات ************* ثر يا شعبُ وعلِّمهم لقِّنهم: ما مات الشعب مسموماً كان ومخدر لم يطف الشمس ركامُ السوء والليل الداجي الأكدر ثُر يا شعبي وفر فوراناً لا يفتر حتى ينهزم الباطل يهلك من ظل يخاتل ويخسأ شانئك الأبتر. ثُر يا شعبُ غازل هامات المجدِ وارتد آفاق السعدِ فمن مثلك باسل يا شعبي ومن منك حظوظاً أوفر لنعاود سيرتنا الأولى ماضي بالشرف موشى وغدا زاهي أنضر والعبره ثبات الخطوات *************** ثُر يا شعبي عوض كل ما فاتك استرجع مجمل ثوراتك لا تتقوقع رهباً وخوفاً رعباً تتكور، ثُر يا شعبُ اطرد نوبات الوسن انبذ أسباب الوهن لتوفى حق الوطن وتخطَّ بكتابِ الزمنِ: في عصرٍ ما ومكانٍ ما ما بين الغابة والصحراء سمقت في الكون حضارة وتحلى شعبٌ بجسارة فنال بحق وجدارة حيزاً مرموقاً ومقدر والعبرة نقاء الصفحات *********************** الثورة قدرك يا شعبي امسكه عليك لا تفلته الثورة قدرك يا شعبي لا تتثاقل عنه وتتأخر الثورة قدرك يا شعبي مكتوباً كان ومسطر للشعب تكون الثورة بالشعب تكون الثورة وفي الشعب كمون الثورة وعدا ذاك فرقص ذبيح وسعى كسيح وهشيم ستذروه الريح يطول الزمن أو يقصر والعبــره صمود وثبات وتفادى لصـوص الثورات **********
الفاضل إحيمر أوتاوا 30/6/1994 مهداة معدَّلة في 14 يناير 2019 إلى الثوَّار والثائرات الأماجد الذين يخطون بدمائهم الزكية سطراً جديداً في تاريخ أمتنا الباسلة. إن التاريخ لا يصنع أو يعيد نفسه لكن الأمم الأفراد بإرادتهم وصمودهم هم الذين يصنعون التاريخ ويعيدونه.
ارتحل ايها الهمجي البدين فقد تمت المهزلة غرف القصر خالية وستائره مسدلة ليس إلاك في ساحة الرقص دون مغنين أو عازفين ليس من حرس لتنادي عليه فقد هرب العازفون ومغنيك نام انك الان وحدك يحتاطك الغاضبون فامتثل للحقيقة وارتحل لا اريد دما في الحديقة
01-15-2019, 11:27 PM
Moutassim Elharith Moutassim Elharith
تاريخ التسجيل: 03-15-2013
مجموع المشاركات: 1273
إنني أومن بالشعب حبيبي وأبي وبأبناء بلادي البسطاء وبأبناء بلادي الفقراء الذين اقتحموا النار فصاروا في يد الشعب مشاعل والذين انحصدوا في ساحة المجد فزدنا عددا والذين احتقروا الموت فعاشوا ابدا ولأبناء بلادي سأغني للمتاريس التي شيدها الشعب نضالا وصمودا ولاكتوبر مصنوعا من الدم شهيدا فشهيدا وله وهو يهز الارض من اعماقها بشرى وعيدا
01-15-2019, 11:28 PM
Moutassim Elharith Moutassim Elharith
تاريخ التسجيل: 03-15-2013
مجموع المشاركات: 1273
من ما الشمس شرقت بري الصمود مرقت حالفين يردوا حقوق منهوبة وإتسرقت حيين أكان ميتين خاضوها ما فرقت وبالعسكر القناص هاماتهم إتفلقت رافعينها الرايات فوق للسحاب برقت والليله يا كيزان هدي كروتكم إتحرقت ودماها شهدانا روت لي بورنا سقت عطشانه حرية وروح السلام نفقت وما دام عدالتنا منقوصة وإتمحقت شين فايدتو المسؤل يوم هيبتو إتسحقت أصبح مجرد زول والروح تعيسة شقت والصبحو معتصمين لم الشمس بزغت دكتور وزفوه شهيد والدمعه ما إندفقت من أم عظيمة شأن وتب غيرها ما نطقت زايد الهتاف تهليل ومضرب مثلنا بقت فاقده العزيز ووحيد لا لاطمة لا شقت زايده وتفوق إيمان وما إظنها إتلحقت وباكر في أعلي جنان دعواتنا كان صدقت في الجنة يبقي عريس والحور اليه حقت
محمد طويل 19 يناير 2019
01-21-2019, 09:30 PM
Moutassim Elharith Moutassim Elharith
تاريخ التسجيل: 03-15-2013
مجموع المشاركات: 1273
وتاني مات واحد شهيد ودا البزيد فينا الحماس في شأن وطن سالم جديد نبنيك علي هذا الأساس ترحل بدون شاهد عيان من غير تفاوض او نقاش حافظ علي هذا الكيان ما دام هو ذُلك فاض وجاش قررنا نطلع كل يوم فاردين شارعنا علي النضال وكلاب حراستك يوت تحوم ما بتهوي غير حب القتال باكر حا يظهر كل شي مدسوس اكان واضح جلي معروف دوام ما بتختشي ولا بد من أن ينجلي ويظهر صباح حق الخلاص ارحل بدون ما تكون ثقيل والشعب جد ملاك خلاص ارحل وفوت اخلي السبيل
اخوك في الله كما اخوهم وهل يجوز قتل الاخ؟؟
محمد طويل
01-21-2019, 09:54 PM
Moutassim Elharith Moutassim Elharith
تاريخ التسجيل: 03-15-2013
مجموع المشاركات: 1273
واقفا كنت علي بوابة الحزن اغني للتراب اصطاد اجمل ما عرفت من التعابير العذاب ليجف نهر الحزن عن خديك يا وطني لينقشع الضباب فجرا من الآمال والاحلام يهزم كل أسراب الضباب قد كنت يا ديسمبر في صوت المواقيت المجاب قد كنت في جوف الأغاني وفي ترانيم الرباب وطنا تشكل في عروق الصمت وانتخب الإهاب انا تجددنا المصائب والصعاب فاذا عقدنا العزم جئنا بالمحال وبالعجاب فلكل ضائقة كتاب ولكل جبار طغي ثم ادعي حتما سنجزله العقاب فافرد جناحك يا وطن واعلو علوا كالشهاب هانت تعلو سلم المجد المهاب تعلو وتعلو ثم تعلو من يقين لثبات للسحاب
الشاعر/ معاوية محمد عوض الله
01-22-2019, 09:38 AM
adil amin adil amin
تاريخ التسجيل: 08-01-2002
مجموع المشاركات: 36999
استيقظ في الصباح مذعورا..خطف مسدسه من جواره وأطلق النار على سارية العلم عبر النافذة حيث كان يجب ان يكون هناك غراب ينعق في الفضاء ويسلح على علم البلاد..لم يكن هناك غراب يسقط مضرجا في دمائه ويقوم الحراس بدفنه في المقبرة الجماعية في فناء المنزل تحت أشجار الليمون والبرتقال لم تنهض زوجته مذعورة توبخه على هذا الفعل المشين والمكرور...إذ أنها لم تكن موجودة الى جواره هذا الصباح"ما هذا الصمت المخيف؟؟!!"..فرك عينيه وأصاخ السمع..عله يسمع صفارة قطار بعيدة من قلب المدينة او أزيز طائرة من مطارها او الضجيج المعهود في الشارع..."هل هذه كوابيسه المستمرة والتي جعلته يجوب بلاد العالم لطببتها...أم أنها الحقيقة؟؟!!" لم تأتي سيارة الرآسة التي تقله الى القصر الرآسي ، رفع سماعة التلفون ووجد المجيب الآلي في الانتظار"ناسف..أما هذا الرقم خارج نطاق التغطية أو الهاتف مغلق"...تناول الريموت وأراد إدارة التلفاز..ظهرت الشاشة البلورية عارية من كل بث ..فقط التشويش الذي ينبعث من مثل هذه الأجهزة الالكترونية...أدار مؤشر الراديو..تكرر نفس الأمر ..انطلق صفير ولم يجود له المذياع بمحطة إخبارية واحدة"رباه ..ما هذا الذي يحدث في العالم؟!!" هب مذعورا واخذ يركض في ردهات القصر وشرفاته الخاوية والأشجار في الفناء تحملق فيه في ذهول وقد خلت من زقزقات عصافيرها"خطب ما الم بالمدينة وأغرقها في هذا الصمت المريب؟؟"... ارتدى ملابسه على عجل وقرر أن يقود سيارته بنفسه...خرج الى الطرقات المقفرة والمتشحة بالغبار...شاهد أوراق ومنشورات تغطي الشوارع...تحملها الرياح وتصفع بها زجاج سيارته...مر أمام الشارع المعهود...حيث كانت تقبع مريم بائعة الشاي...وتداعي الى ذهنه المجهد ذكريات من نوع خاص....
كان عندما يمر بموكبه وضجيجه المعهود أمام الشجرة التي تجلس تحتها عن كثب من قصر الرآسة...لا يطيق النظر إليها...ونظراتها الممتلئة بالوعيد والاحتقار تشوي جسده وتخذه كالإبر...ويحس بالأزيز يجتاح كيانه بقوة ألف ديسبيل ..كأنما سحقته طائرة بوينج 747...
عجز رجال الأمن عن إزاحتها شبراً واحداً من مكانها ولم ينبت احد منهم بكلمة عن ما يحدث له كلما شرع في مضايقتها..حتى إنهم مرة احضروا مشعوذ المدينة الشهير الذي تلجأ له الحكومة في ملماتها...لهزيمة سحرها الأسود...كانت حادثة...اقشعر لها بدن الجميع وأصيبوا بالغثيان والخوف معا..جعلتهم يقبلوها كأمر واقع...سقط الرجل مغشيا عليه لمجرد أن حدجته بنظرة من تلك النظرات المخيفة وتمتمت بتعاويذها الغامضة التي علمها له الرجل في صغرها.. ثم نهض يتقصع ويسير ويتحدث في ميوعة فقد استوطنت جسده فجأة امرأة...ليت الأمر انتهى إلى هذا الحد...أضحى المسكين...تحت رغبة لا تقاوم يتسكع عند المدارس يبحث عن عنفوان المراهقين...يصطاد احدهم ويأخذه معه إلي بيته البعيد في أطراف المدينة...ويتم الأمر الذي قد قدر من اجل حفنة نقود..
بائعة الشاي مريم من قبيلة المساليت في أقصى غرب البلاد..التي تحيط بها الأساطير...لم تأتي إلى المدينة بطوعها...وحبا في مباهجها...أحرقت طائرات الانتينوف الروسية قريتها في دارفور...داست سنابك خيل الجنجويد على أجساد أهلها الطاهرة...قتل أبيها الشجاع وأصيب زوجها بطلق الناري جعله مقعدا ويعاني من مرض الدرن الباهظ التكاليف..وابنها الوحيد يقبع جوارها...وتقيم في هوامش المدينة الغربية... عندما كانت مريم طفلة ترعى الماعز في فيافي دارفور الموحشة...ظهر لها رجل فجأة..امسك بها بقوة وطرحها أرضاً وأجرى لها عملية جراحية غريبة..دفن شيء ما في لحمها الطري أعلى الفخذ..كان يردد على مسامعها الغضة"لا تبكي يا الزينة بنت الزينين...ستتالمي الآن ولكنه سيحميك من أم كواكية ومن ناس الخرطوم بقية حياتك كلها"...ومن يومها وهي تحمل سرها معها..كانت تخيف الرجال... خاصة هؤلاء الأوغاد الذين يتعهرون معها دون حياء ولا يتكلمون بصورة لائقة معها كامرأة ملتزمة تبيع الشاي... لها زوج وطفل... أضحت الحادثة المشينة للمشعوذ...القشة التي قصمت ظهر البعير..وانتشرت وغدت مكان تندر المواطنين.....وفرضت وجودها المخيف تحت شجرة اللبخ جوار قصر الرآسة ،
نظر إلى موقعها تحت الشجرة بعين متوجسة...لمح كل أدواتها قابعة في مكانها والمقاعد الصغيرة متناثر تعبث بها الريح...ولا احد..."تبا..حتى هذه المرأة المخيفة..رحلت !!..ما دهى هذه المدينة؟؟!!..ظل يتجول بالسيارة في الطرقات المقفرة...كان الزمن يمضي...والسيارة تائهة في الطرقات...المدينة التي سكنها الضجر منذ أمد بعيد...الأوراق المريبة تعبث بها الرياح في كل حدب وصوب... والأتربة أيضا..
شارفت شمس ذلك اليوم على الغروب..عاد بسيارته منكسرا وعندما مر جوار ملعب المدينة الفخم...شعر بالأسى..."اليوم المباراة النهائية على كأس أعياد الثورة الظافرة...كان الملعب قابع في الظلام..كأنه جبل مرة..وتبرز أبراجه الكهربائية من أركانه الأربعة...مثل كائنات جيمس كاميرون الأسطورية...ترجل من السيارة ونظر إلى هذا الصرح العظيم الذي كان يملا المدينة ضجيجا وحيوية وقد خيمت عليه سكينة اللحد العميق..تملكه الأسى والرعب تماما..."هل يعقل أن احدهم أخلى المدنية بأكملها دون علمه؟؟أين الأجهزة الأمنية والعسس؟؟!!..أين زوجته الوفية؟؟..أين مريم بائعة الشاي؟؟..إلى أين مضى هؤلاء؟؟... التفت حوله نحو الأوراق التي تغطي المكان وتصفعه من كل جانب..تناول أحداها التصقت بوجهه ودسها في جيبه وطفق عائدا بالسيارة إلي قصره المنيف والغارق في الصمت المؤسف.....دلف يجرجر أقدامه كأنه يسحب قاطرة خلفه....دخل غرفته وأضاء الشموع..حيث لم يعد هناك كهرباء أو حياة تدب في جسد المدينة...اخرج الورقة من جيبه وأدناها من عينيه وقرا...كلمة واحدة بخط عريض احمر.. أنيقة وحاسمة"قرفنا".... هب كالملسوع واخذ يردد في هذيان مرير وينتف شعره" فعلوها...الأوغاد الملاعين"...
....
هوامش: أم كواكية:الفوضى الخلاقة بلغة أهلنا في دارفور قرفنا :مجموعة من الشباب ناشطة سياسيا من مجموعة شفرة ابن عربي صدرت من مركز عبادي للدراسات والنشر2010 –صنعاء-الجمهورية اليمنية
01-22-2019, 11:44 AM
MOHAMMED ELSHEIKH MOHAMMED ELSHEIKH
تاريخ التسجيل: 03-21-2008
مجموع المشاركات: 11826
وسع شوارع الحي خلي السرب يدخل يهتف بكل قوى تسقط حكم عسكر جات الجموع تهدر من كل فج وصوب
تحلف تقول صنديد بي قدلة يتبختر لا خاف رصاصا حي.. لا دوشكا لا اتوتر مشى والمشي القدام ورصاصة جات تغدر سالت دموم اولاد .. شجعان بياكلو النار ..بي دمو اتحرر يايمه خبر الشين ..ولادنا ماتو قبيل ..كيف يهتفو ترحل؟.. بوشي الرقيص لاقاهم يوعد ويتزمجر .. قايل الحكم باقي .. ماعارف الايام بيناتنا تبقى دول.. يايمه مااتبكي ولدك قااعد وحي في الجنة يتبختر موعود عرسو الحور وفردوس على الكوثر دم ااشهيد مابروح الصاافي ماهو عكر يايمه ماتبكى معروف حشاك محروق . . يمه الظلم لي متين لازم نقيف قدام ونقول كفاك انزل.. لا خجلة لا خشية الطاغية اتجبر ماكل حقوق الناس لي موتو مابيذكر اتواعدو الاولاد ساعة الدقيقه ظهر لا خوف غشاهم تب لارجعه لا بخزل صوت الصفوف تهدر.. صوت النحاس اندق.. ويد الشباب عزل في جوفو ما شايل لا مطوى لا خنجر في خشمو تسقط-بس سلميه ما اكتر وصدى الهتاف لي فوق.. يسقط حكم عسكر يا شهدا انتو الفوز زفيتو للكوثر والحاكم الرقاص قام للحوامه وعاس .. لا خفت دين لا رب .. الاخره بيك حطب لا خفت دين لا زول في الاخرة لينا عزول ويسقط كمان يسقط يسقط حكم عسكر
نفيسة عثمان الرياض/15/1/2018
01-22-2019, 04:25 PM
محمد مدني محمد مدني
تاريخ التسجيل: 03-17-2003
مجموع المشاركات: 185
أرجو مراجعة أصل القصيدة بخصوص البيت المُضَمَّن في الاقتباس إذ لا أظن أنَّ الشاعر يريد أن يقول أن الهزيمة لن تبارحنا- أي لن تغادرنا - من المحتمل أن تكون "راح تبارحنا" أو ما معناه.. التحية للشاعر ولك.
01-22-2019, 04:46 PM
Moutassim Elharith Moutassim Elharith
تاريخ التسجيل: 03-15-2013
مجموع المشاركات: 1273
أرجو مراجعة أصل القصيدة بخصوص البيت المُضَمَّن في الاقتباس إذ لا أظن أنَّ الشاعر يريد أن يقول أن الهزيمة لن تبارحنا- أي لن تغادرنا - من المحتمل أن تكون "راح تبارحنا" أو ما معناه.. التحية للشاعر ولك.
شكرا جزيلا يا أخي الفاضل. أنا أيضا انتبهتُ إلى هذه النقطة، ولكن ليس من حقي بالطبع التعديل على النص الذي وصلني. تقديري لك
01-22-2019, 05:19 PM
علي عبدالوهاب عثمان علي عبدالوهاب عثمان
تاريخ التسجيل: 01-17-2013
مجموع المشاركات: 12481
عزيزنا علي عبد الوهاب لك الشكر الجزيل والعرفان على كلماتك الطيبة، والأدب جزء أصيل من ثقافة الشعب السوداني الأبيّ، وكان دائما يحرك الجماهير باتجاه البوصلة الثورية.
تسقط بس!
01-22-2019, 06:53 PM
Moutassim Elharith Moutassim Elharith
تاريخ التسجيل: 03-15-2013
مجموع المشاركات: 1273
الشعب قام بعد صيام قال (تسقط) ولا ظلام قلبه ينبض بالشجاعة بالمقاومة وبالصدام سئم التناحر و الخصام *** الشعب قال: لا لفاسد ولا استسلام لا لسارق بعد اليوم ولا حرام ولكل ظالم لا احترام الشعب أمسك بالزمام بالقيادة و بالتمام شق دربه في الزحام ركن الخوازيق القُدام ساد نفسه صار إمام صار إمام صار إمام
سُماعين ,,
01-23-2019, 06:19 PM
Moutassim Elharith Moutassim Elharith
تاريخ التسجيل: 03-15-2013
مجموع المشاركات: 1273
يا مراحب أخي العزيز علي عبد الوهاب عثمان المداخلة بدأت تقريبا الساعة 10 مساء و41 دقيقة على الرابط التالي: http://www.almayadeen.net/newscast/929661/%D8%A7%D9%84%D9%85%D8%B3%D8%A7%D8%A6%D9%8A%D8%A9/http://www.almayadeen.net/newscast/929661/%D8%A7%D9%84%D9%85%D8%B3%D8%A7%D8%A6%D9%8A%D8%A9/
تقديري لك
01-24-2019, 04:38 AM
Moutassim Elharith Moutassim Elharith
تاريخ التسجيل: 03-15-2013
مجموع المشاركات: 1273
كيف تستأذن ترفع راية و شايف الناس بتموت قدامك هلل وكبر وعلي هتافك أسمع أطرش حلو كلامك ما دام عابك وأنكر قولك وإنك كيف حاتدوسو نظامك أكد ليه موفور من صحة وبالمجان كملتو علامك ما كان هسه ولا لي باكر وهو الكان ماضي لرسم أحلامك لما تثور وتزحو غبارك شأن ما تحمي التحت أقدامك عفة وطهر وشرفك توج أكتبوا سطروا بي أقلامك صوروا وأرسموا في لوحاتك وأحفظ للتاريخ أفلامك إنك شعب الثورة الهب والتالين يستلموا مقامك أخلع ثوب الجبن ولوح ومن حريتك شيل هندامك فصل زي ما داير وأستر عورة ذلها من إعلامك لما يحين إنشادو ويرفرف ويكشف شارع الحق قدامك وتسلك فيه طريق ومنور تلقي دليلو بيضوي أمامك كاشف كل ستار من عتمة رغم البطش المن حكامك كل أهدافهم حزموا هنونك وتكرب نصك رابطو حزامك لامن ساعة صفرو تشور وتلبس ساعة النصر وسامك إنك ثائر مهما إتكالب أو كان نطقو بحكم إعدامك
وتسقط بس
محمد طويل
٢٣/١/٢٠١٩
01-24-2019, 05:31 AM
Osman Awoda Osman Awoda
تاريخ التسجيل: 06-19-2017
مجموع المشاركات: 495
حرية حرية يا جيش عظيم باسل ضد الحرامية في كفاحنا ح نواصل ما تبقى متسيب واقف مع الباطل تاريخك انت عظيم كيف تبقى متخاذل جايب السلام والعدل خبر انتصار عاجل هذا المشير مهزوم خايب الرجا وجاهل اسمو البشير الشوم المجرم القاتل وانت النصير للحق جرار وما ساهل ما في انتظار يا جيش ما فيش زمن فاصل يا ترجع انت اصيل سيفك درع ناصل او تبقى للكيزان خدام ذليل عاطل يا جيشنا اطلع قوم نور سما الخرطوم بيك الفرح حاصل طلع بيان مختوم انو الرئيس فاشل واكتب على المرسوم انو الكريه راحل.
معز عمر بخيت
01-31-2019, 03:10 PM
Moutassim Elharith Moutassim Elharith
تاريخ التسجيل: 03-15-2013
مجموع المشاركات: 1273
سموك أركان وكسوك تيجان وبيانك خايب بس ليه يا جيش لا لاقي العيش ولا شفت مطايب متغتغت ليش ودفاعك سايب تحمي الرقاص الكلو معايب مهزوم في الفشقة مكسور في حلايب يا حليل الجيش كان ياكلوا دبايب ويخوضوا النار وحدات وكتايب والليلة الجيش في صفو عجايب اهل الواسطات ود عم وقرايب جنبات وكروش ودقون و مصايب من وين جايين أغراب وغرايب ما كلين شاربين نايمين في زرايب ناعمين وسمان من لِوا لي نايب في كل مكان غير عار ما جايب لو راجل جد اهي ديك حلايب واهي ديك الفشقة روح جيب الغايب.
معز عمر بخيت
01-31-2019, 03:12 PM
Moutassim Elharith Moutassim Elharith
تاريخ التسجيل: 03-15-2013
مجموع المشاركات: 1273
من كل فج ثائرين أمرقوا دكوا لي حصون الطغاة ختوا في الداخل عزيمة أنسوا آهات من سكات ما الوجع ياهو البأكد وقولنا حي علي الممات ما دام هو عايشين اضطهاد لابد أن نهوي الثبات وهو البرد كامل الحقوق للجاي والحاضر .. وفات ما دام هو باقي بصيص أمل ما أظنه نحتسبك رفات ولابد نحيا علي النضال وثورتنا في كل الجهات
#تسقط بس# حرية .. سلام وعدالة والثورة خيار الشعب
محمد طويل موكب الخميس 31 يناير 2019
02-01-2019, 06:39 PM
Moutassim Elharith Moutassim Elharith
تاريخ التسجيل: 03-15-2013
مجموع المشاركات: 1273
هل لسة متوجع وللا الألم خفّ ؟ وذي ما قبيل قلناك كل الدول بي هناك وبراكا في كفه !! شايلينو في الحدقات تتفوه الكلمات وزايد كمان عفة مليان وبالسحنات زنج وعرب ممزوج دي البستحق وقفه داقين علي بابك طالبين سماحك بس من بارا لي حلفا .. تُوِّجنا بي حبك ونفوسنا في شأنك وشهيدنا إتزف .. دايما صباحك خير ويملأ السلام باحات ويبقي الأم خف إنهض عشان خاطرو مسقبلاً جاييك محتاج كمان عرفه باكر تخضر بيك كل الدروب البور وبي عجلة الإنتاج كل المكن لفّ .. البسمة تملأ ربوع ويملأ الحبر أوراق والدم يكون جفّ تنسي الحزن والبؤس وتتزف عازة عروس في ليلة الوقفة ويصبح خلاص العيد حرية سايدة عموم والظالم إتوفي .. وألف تبريكات تشرق علي وطني وبي شمسه نتدفأ وبرد الحروب يرحل وتبارح الآهات ويبقي الألم خف
محمد طويل حرية .. سلام وعدالة
02-01-2019, 06:39 PM
Moutassim Elharith Moutassim Elharith
تاريخ التسجيل: 03-15-2013
مجموع المشاركات: 1273
هل لسة متوجع وللا الألم خفّ ؟ وذي ما قبيل قلناك كل الدول بي هناك وبراكا في كفه !! شايلينو في الحدقات تتفوه الكلمات وزايد كمان عفة مليان وبالسحنات زنج وعرب ممزوج دي البستحق وقفه داقين علي بابك طالبين سماحك بس من بارا لي حلفا .. تُوِّجنا بي حبك ونفوسنا في شأنك وشهيدنا إتزف .. دايما صباحك خير ويملأ السلام باحات ويبقي الأم خف إنهض عشان خاطرو مسقبلاً جاييك محتاج كمان عرفه باكر تخضر بيك كل الدروب البور وبي عجلة الإنتاج كل المكن لفّ .. البسمة تملأ ربوع ويملأ الحبر أوراق والدم يكون جفّ تنسي الحزن والبؤس وتتزف عازة عروس في ليلة الوقفة ويصبح خلاص العيد حرية سايدة عموم والظالم إتوفي .. وألف تبريكات تشرق علي وطني وبي شمسه نتدفأ وبرد الحروب يرحل وتبارح الآهات ويبقي الألم خف
محمد طويل حرية .. سلام وعدالة
02-02-2019, 05:02 PM
Moutassim Elharith Moutassim Elharith
تاريخ التسجيل: 03-15-2013
مجموع المشاركات: 1273
حالفين نجيب التار إلى روح المعلم الشهيد احمد الخير
شعر: معز عمر بخيت
كتلوك بالخازوق يا معلم الاجيال المجرم الصعلوق السارق المحتال راجيك قصاص الموت راجيك ردم زلزال ترقص على الأصفاد والنار عليك شبال يا (خير) رحيلك حار بس لرضو جايب الفال شهيد بنادي شهيد عِمة وعباية وشال وتياب بنات العز طرحة بتغطي جبال في ثورة البركان ما بينا تاني محال حالفين ح ناخد التار أجيال بعد اجيال موكب هدير جبار وبراءة الأطفال وشباب على الابواب ثوار على الاغلال هم الوطن في الدم والحكمة في الافعال مش في كلامو الشين الحاكم الدجال يا ليل صباحك لاح عهد الخديعة زوال تلاتين سنين الذل صبر المواجع طال خيرك يا (احمد خير) في راسنا تاج وهلال وجراح رحيلك نور شمسك علينا ظلال تهدي البلد ميلاد يا زول عظيم ومثال ح نجيك في الميعاد من فاز بقربك نال يا روعة السودان نسوان شباب ورجال ما بتنحسب بنفيس معدن دهب لا مال بنحب ترابك موت نعشق نخيل ورمال يا اجمل الاوطان طال اغترابك طال وبكرة الرجوع للنيل يكفينا ستر الحال يسري الحنين في الروح والعافية في الأوصال يسري الحنين في الروح والعافية في الأوصال.
معز عمر بخيت
02-06-2019, 00:54 AM
Moutassim Elharith Moutassim Elharith
تاريخ التسجيل: 03-15-2013
مجموع المشاركات: 1273
ولا هامينا مين بعدك من الحال الوصلنالو زمان يوم جيتنا قلنا تغيث وطنا العانى إهمالو لقيناك كل يوم في نعيق وشوف عينا القصار طالو سبت بلادنا مالا رفيق واتعاميت عن المالو ضيق في ضيق بقالنا صديق شباب حطمت آمالو تسقط بس .. كفاك تحليق شبابنا بنفذ القالو وتسقط بس ! ولا أسفا علي العهد الملان تغبيش تسقط بس ! يا القدت البلد بي طيش وتسقط بس! عشان في كل حاجه الطيش تسقط بس ! عشان سايسنا بي التهميش وتسقط .. تاني تسقط بس عشان باقي الفضل ده يعيش
مع تحياتي محمد إسماعيل الرفاعي تسقط بس ! 6 فبراير 2019
02-06-2019, 02:03 AM
Moutassim Elharith Moutassim Elharith
تاريخ التسجيل: 03-15-2013
مجموع المشاركات: 1273
فارش خضارو علي الرصيف ومستني رزق اليوم يجيهو ومن الله عارفو وما بيقيف ويوماتي متعود عليهو لا هابو صيف لا يوم خريف والثورة جات عابر طريق وفجأة صاب الزول نزيف بي طلقه من قناص عميل وامكن عبوة علي خفيف اتلموا في شأن يسعفوه ومندسي بيناتهم حريف وكأنو ما سوالهو .. شئ والكل بيهف و يا لطيف تلطف علي الشعب الجسور والطاغيه سماه بالضعيف القوة كامنه كتير جواهو مليان عزيمه وخالي زيف ويا ربي تنصفنا وتعين ويبقي سيل الدم يقيف الشالوا كل طابور جميل وخلونا في صف الرغيف
محمد طويل ١٨/٠٢/٢٠١٩
02-20-2019, 02:50 AM
طه جعفر طه جعفر
تاريخ التسجيل: 09-14-2009
مجموع المشاركات: 7328
نفْس الأنا ..! ...................... كلمات : محمد إسماعيل الرفاعي
تَلَتين سنه ونفس الغرور والغطرسه وقولة أنـــا ! نفس الضلالات .. القُوالات والفجور نفس البهادِل والبشاتِن والعَنَا نفس المشاهِد والصور نفس الغُنــا ومافيش جديد .. في البان جديد إلا الحديد والنـار وحَـرْقَـة دمــنا وبـدَل نَشْيــد نقْـعُـدْ نَـردِّد في نشيــد ( يا سيـدنا هو الزيِّـك مِنــو ؟ ) * مــا لينـا غيـرك أصـلو سيد ومعدوم شَبِيْهَــك في الدُنــا يــاكــا البَـرْاك ربّـك بَـراك شعبـك بِـراك يا ضُـلّنــا وآمـنا بيــك خـاتِم مُنــى ويا ذُلّـــنـا .. ويا بـؤسـنا حِرْبُـــويه تِتْلّــون ضُحَــى وتـارثنا حتى جَنَــا الجَنــا يـوم جِيــت لقيــت طِفلاً صغيـر هــادي وغرير شوف عينا عجّــز وإنحنــى كُـل ما نقول ليـك إتمليت ؟ وحدك تقول : هل مِن مــزيد ؟ وتَكيـل تـزيــد في كـيَّـنا تلتين سنه .. ورجعنا لي تِحت التِحت نفس المشاهِد والصور نفس الغرور والغطرسه نفس الشرور والبشتنه ونفس الأنا !
* التســاؤل من قصيدة للشاعر الصديق الأستاذ / عمر علي عبد المجيد
الخرطوم 23/ 2 / 2019م
05-13-2019, 01:11 AM
Moutassim Elharith Moutassim Elharith
تاريخ التسجيل: 03-15-2013
مجموع المشاركات: 1273
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
Moutassim Elharith
adil amin
MOHAMMED ELSHEIKH
محمد مدني
علي عبدالوهاب عثمان
اسماعيل عبد الله محمد
Osman Awoda
طه جعفر
فيس بوك
تويتر
انستقرام
يوتيوب
بنتيريست