مساهمات أدبية من أجل الوطن- ساهم بدورك

منتديات سودانيزاونلاين    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
التحية و الانحناء لشهداء الثورة السودانية ...شهداء ثورة ١٩ ديسمبر ٢٠١٨ المجيدة
مرحبا Guest
اخر زيارك لك: 17-01-2019, 05:26 PM الصفحة الرئيسية

المنبر العام
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »
11-01-2019, 05:26 PM

Moutassim Elharith
<aMoutassim Elharith
تاريخ التسجيل: 15-03-2013
مجموع المشاركات: 558

للتواصل معنا

FaceBook
تويتر Twitter
YouTube


مساهمات أدبية من أجل الوطن- ساهم بدورك
                  
|Articles |News |مقالات |بيانات

11-01-2019, 05:27 PM

Moutassim Elharith
<aMoutassim Elharith
تاريخ التسجيل: 15-03-2013
مجموع المشاركات: 558

للتواصل معنا

FaceBook
تويتر Twitter
YouTube


Re: مساهمات أدبية من أجل الوطن- ساهم بدورك (Re: Moutassim Elharith)

    ق.ق.ج.

    جلس طالب في قاعة الامتحان ثلاثين سنة، فغضب المراقب: كل هذا الزمن لتكتب كلمة "جمهورية"؟
    فأجابه الطالب فسادينو قائلا: أنا على وشك الانتهاء.. جيم.. ميم.. امنحني بعض الوقت!
                  
|Articles |News |مقالات |بيانات

11-01-2019, 05:28 PM

Moutassim Elharith
<aMoutassim Elharith
تاريخ التسجيل: 15-03-2013
مجموع المشاركات: 558

للتواصل معنا

FaceBook
تويتر Twitter
YouTube


Re: مساهمات أدبية من أجل الوطن- ساهم بدورك (Re: Moutassim Elharith)

    ق.ق.ج.

    وقف حمارويه ليخطب، فقال: أنا زعيمكم إلى الأبد.
    شاهده الجمهور عبر التلفاز، ونظر كل منهم إلى حذائه متحفزا.
                  
|Articles |News |مقالات |بيانات

11-01-2019, 05:29 PM

Moutassim Elharith
<aMoutassim Elharith
تاريخ التسجيل: 15-03-2013
مجموع المشاركات: 558

للتواصل معنا

FaceBook
تويتر Twitter
YouTube


Re: مساهمات أدبية من أجل الوطن- ساهم بدورك (Re: Moutassim Elharith)

    ق.ق.ج.

    في قرية وادعة، تسلل الضبع وراء الحمائم.. التهم بعضها في خسة، ثم وصف البقية بالفئران، وأمرها أن تعود إلى جحورها.
    اجتمعت الحمائم وقبرته.. بأطواق الياسمين.
                  
|Articles |News |مقالات |بيانات

11-01-2019, 06:00 PM

Moutassim Elharith
<aMoutassim Elharith
تاريخ التسجيل: 15-03-2013
مجموع المشاركات: 558

للتواصل معنا

FaceBook
تويتر Twitter
YouTube


Re: مساهمات أدبية من أجل الوطن- ساهم بدورك (Re: Moutassim Elharith)

    القصر القصر

    موعودين بإذن الله
    نمرقك من بطن قصرك
    لا للسلطه لا للجاه
    هتافا بره منتظرك
    قبيلك كت تكضب ساي
    وماك حاسي يتهين قدرك
    عارفو الثورة لم تقوم
    تهز من جاهك وتاسرك
    اريتك بس تكون قدرها
    طال ما انحنا ما قدرك
    نحنا مقامنا ثورتنا
    وقدرنا تزيدنا من قهرك
    ياخ والله حرام قطعا
    تظلنا في تحت شجرك
    تجوع فينا زي ما تريد
    وتبطش فينا بي قجرك
    تكضب من زمن جيتنا
    تمجد فينا بي هجرك
    نسأل ربنا يعيننا
    واريتك كان غطس حجرك
    ولا تلقي البيدعيلك
    وموتة الذل تكون قدرك
    عليك المولي اخجل بس
    لملم خيبتو وعذرك
    وفكر مره ترجع ليه
    عشان الباقي من عمرك
    يمكن يبقي يشفع ليك
    وربنا زاتو منتظرك
    تجيهو مليان وبالاوزار
    يشيلك وفي لظي يحشرك
    تصادف شلة من طغيان
    وين جاهك ووين قصرك
    احسن تمشي لي لاهاي
    وقبل الثورة ما تاسرك
    ديل والله ما بخلوك
    ولو كترت من يسرك
    بكره الدايره لم تدور
    تبقي جنيت ثمار عسرك
    ارحل يللا يا فرعون
    خلاص جهزنا يوم شكرك

    محمد طويل
    #تسقط بس#


    محمد طويل هو شاعر وملحن ومغني سوداني مقيم في بريطانيا
                  
|Articles |News |مقالات |بيانات

11-01-2019, 06:01 PM

Moutassim Elharith
<aMoutassim Elharith
تاريخ التسجيل: 15-03-2013
مجموع المشاركات: 558

للتواصل معنا

FaceBook
تويتر Twitter
YouTube


Re: مساهمات أدبية من أجل الوطن- ساهم بدورك (Re: Moutassim Elharith)

    # أحرار بري
    اولاد الشريف#

    معروفه من زمن الشريف
    ثوارتها هابه وما بتقيف
    الليله ما شأن صف رغيف
    درايسه ناصر والشريف
    سنهوري كان ظل ووريف
    من قبلو بدرالدين عفيف..

    والليله في شانكم نقيف
    نملأ الشوارع والرصيف
    ودم الشهيد زايد نزيف

    في كل مدينه وكل ريف
    وقتلكم ياهو البضيف
    للثورة دافع وما بتقيف
    وكل البراري شباب حريف
    وجه ربيعو علي الخريف
    والحكمه ام دوم والجريف
    ساندين هتافهم بيا لطيف..

    والليله في شأنكم نقيف
    نملا الشوارع والرصيف
    ودم الشهيد زايد نزيف..

    قوية بتساند الضعيف
    والثورة ما ثورة رغيف
    او نحن عاشقينك نقيف
    ناس بري اولاد الشريف
    الهندي يا القولك شفيف
    ملينا كرباجو العريف
    والطلقه في جوف النضيف
    الحالف يباريهم حليف
    والليله في شانكم نقيف
    نملأ الشوارع والرصيف
    ودم الشهيد زايد نزيف..



    محمد طويل

    6 يناير 2019

    #تسقط بس#
                  
|Articles |News |مقالات |بيانات

11-01-2019, 06:02 PM

Moutassim Elharith
<aMoutassim Elharith
تاريخ التسجيل: 15-03-2013
مجموع المشاركات: 558

للتواصل معنا

FaceBook
تويتر Twitter
YouTube


Re: مساهمات أدبية من أجل الوطن- ساهم بدورك (Re: Moutassim Elharith)

    بنحلم بي وطن ..


    كل ما نقدم شهيد
    هو البزيد فينا العزيمه
    وطالما قررنا نطلع
    ما بتبارحنا الهزيمه
    يللا يا ثوارنا هبوا
    خلوا غضبتكم حليمه
    انت خليك في المكان
    الشايفو بخلد ليك ديمه
    الا ربنا هو البصوننا
    وتبقي حريتنا غيمه
    تروي داخلنا وترطب
    باطن الأرض وأديما
    وتاني هي تبتق تخدر
    وننسي أحزانها القديمه
    وتبتسم كل الربوع
    من اقصي دارفور ل كريمة
    وجنوبنا نشتاق ليه نعانقه
    وشرق خالي من الجريمه
    وتبقي نحلم بي وطن
    انسانو اصبح ليه قيمه
    لا فيه تطهير لا تعنصر
    صافية نيتنا وسليمه
    نبقي تاريخ يحكو بيهو
    زي مناهجنا القديمه
    شعب واعي وجيش مساند
    نفذوا الخطة الحكيمه


    محمد طويل
    9 يناير 2019

    #تسقط بس#
                  
|Articles |News |مقالات |بيانات

11-01-2019, 06:03 PM

Moutassim Elharith
<aMoutassim Elharith
تاريخ التسجيل: 15-03-2013
مجموع المشاركات: 558

للتواصل معنا

FaceBook
تويتر Twitter
YouTube


Re: مساهمات أدبية من أجل الوطن- ساهم بدورك (Re: Moutassim Elharith)

    ترقص علي دم الشهيد ؟؟؟

    إنت واصل في رقيصك
    وإحنا بنكفن شهيدنا
    وبكرة يوم الحق بيظهر
    وبي رحيلك يبدأ عيدنا
    نلبس الرايات وشاح
    والعلم زادنا ونشيدنا
    لسه برضو مصر تواصل
    شأن تصافح تاني إيدنا
    يبقي ابليس نالها جنة
    والعشم كان تبقي سيدنا
    ياخي فكر وأدعو ربك
    قبل ما تفكر تبيدنا
    البفوقك جاه وعزة
    وحده هو الضار والبفيدنا
    كل طاغية حجز مكانو
    وإنت لسه تلاوي إيدنا
    لا أخدت العبره منو
    لا بتخافو بطان جريدنا
    شايفو أحسن تبقي ترحل
    قبل ما يفاجأءك جديدنا
    وتفقد القصر وحصونك
    و كلو يصبح تحت إيدنا



    محمد طويل
    #حتي النصر#
    #تسقط بس#

    ١٠/١/٢٠١٩
                  
|Articles |News |مقالات |بيانات

11-01-2019, 08:02 PM

Moutassim Elharith
<aMoutassim Elharith
تاريخ التسجيل: 15-03-2013
مجموع المشاركات: 558

للتواصل معنا

FaceBook
تويتر Twitter
YouTube


Re: مساهمات أدبية من أجل الوطن- ساهم بدورك (Re: Moutassim Elharith)

    الدكتاتور البشير والسودان


    الشعب في السودان هايج ضد منع الكلام
    والاوامر من دكتاتور السودان
    البشير ابن الحرام
    اللي بيتاجر بالاسلام
    بس شعب السودان حر مش زي الاغنام
    وفي تاريخه دايما كان للحرية عشقان
    والبشير الغبي نسي ايام النميري والثوران
    والنصيحة هي ان الشعب هو الاساس والقايد والانسان
    ويا بشير فوق وارجع لايام زمان
    لما الشعب في السودان قال
    عاشت الحرية في اي كان واي زمان


    شاعر الزجل المصري د. عادل عبد الناصر حسين
                  
|Articles |News |مقالات |بيانات

11-01-2019, 08:15 PM

Moutassim Elharith
<aMoutassim Elharith
تاريخ التسجيل: 15-03-2013
مجموع المشاركات: 558

للتواصل معنا

FaceBook
تويتر Twitter
YouTube


Re: مساهمات أدبية من أجل الوطن- ساهم بدورك (Re: Moutassim Elharith)

    خير لك يا البشير تتنحى ،قبال تصبح المعزول
    شررقتا ورجع غرربتا شاقي الأرض عرض وطول
    سايب الشعب ضايق المره ، جد شيتا ولا معقول
    كان بحلم يعيش في نعمه، حلمو الليله عيشه وفول
    في الآخر بقولك كلمه ، جد أثبت ماك مسؤول !

    محمد إسماعيل الرفاعي
    الثلاثاء 25 / 12 / 2018



    محمد إسماعيل الرفاعي: شاعر سوداني
                  
|Articles |News |مقالات |بيانات

11-01-2019, 08:16 PM

Moutassim Elharith
<aMoutassim Elharith
تاريخ التسجيل: 15-03-2013
مجموع المشاركات: 558

للتواصل معنا

FaceBook
تويتر Twitter
YouTube


Re: مساهمات أدبية من أجل الوطن- ساهم بدورك (Re: Moutassim Elharith)

    وطن بنزف!
    .............
    كلمات : محمد إسماعيل الرفاعي



    وطن ..
    في عيدو بنزف دم
    وسايله دموعو
    متوهدب .. مغبي عديل
    عشان (الصدمه ) زادت جوعو
    يببست الفضل في فرعو
    هب شبابو كايسين اليضوي شموعو
    قاصدين البحلبو ضروعو
    ماصين خيرو
    يدو حقوقو صالح غيرو
    والراتب مع تأخيرو
    كضاب لو عرفت مصيرو
    بين صراف كتر تصفيرو
    والبنك الظهر تقصيرو
    في هادي الظروف الصعبه
    كم مسؤول سمعنا شخيرو
    ماصحاهو غير الفتيه
    خلوهو يقوم يفتش ( فتيا )
    ضد فعلا بسمو خروج
    على السلطان
    كأنو الدين بدور الزول ينوم جيعان
    يقوم مرضان
    يفيق فلسان
    ويسكت خوف من البمبان
    ويتكرفس
    يخت الخمسه في الاتنين
    وما يقدر يقول لكين !
    ويبره قطيعو متل الضان !
    يتوه في سكه غير عنوان
    وينسى كرامة الإنسان !
    أيا (كيزان )
    خلاص وصلت معانا الحد
    وقولنا الجد ..
    بنمرق نحنا (سلميه )
    وندك عرش (الحراميه )
    واحدنا بيعادل ميه
    ما خايفين
    مرقنا .. مرقنا
    ما بنرجع
    ومنتصرين
    باذن الواحد الديان



    الخرطوم
    29/ 12 / 2018
                  
|Articles |News |مقالات |بيانات

11-01-2019, 08:17 PM

Moutassim Elharith
<aMoutassim Elharith
تاريخ التسجيل: 15-03-2013
مجموع المشاركات: 558

للتواصل معنا

FaceBook
تويتر Twitter
YouTube


Re: مساهمات أدبية من أجل الوطن- ساهم بدورك (Re: Moutassim Elharith)

    أرحل كفاك
    ...........
    كلمات : محمد إسماعيل الرفاعي



    أرحل .. كفاك
    تلتين سنه
    وما شفنا منك غير وعود
    عشمان عشم إبليس
    مناك ..
    من تاني دار ترجع تعود .. تحكم تسود
    تريانه سحبك بي الكلام
    قمحانه تب ما فيها نقطة اللت مطر
    فات القطر .. ولساتنا زيدانا الكسول
    دايرنا نتفرجخ حداهو وننجعص
    نرجاهو مهدي المنتظر
    نسمع دوام الجعجعه المن غير طحين
    في كل حين
    دار نبدأ من تحت الصفر
    أصحابنا فالحين في الحفر
    طوالي جاهزين لي الدفر
    والفيهو خير يشرد يفر
    جبانه هايصه ومزبله ما ظني فد يوم تستقر
    أرحل كفاك
    تسقط .. وبس
    زي ساقط القول والكلام
    الكل حين بتسقطو وترميهو من
    نخلة هوانك وارتهانك
    واحتقانك
    حين تسد كفك أضانك
    وما بتسمع غير نفير
    سير يا البشير
    وبقينا في عهدك يمين
    لانا اليهود .. لا مسلمين
    ملمحنا زي ما عندو دين
    أمرك محير !
    فرعونك الجواك مرق
    للكون معلم الله من خرقه بتستر العوره
    يوم عز النصير
    ومرقت بي جزرة هوانك والعصا الممدوده والحل الفطير
    بالله طير
    أرحل .. وبس
    تسقط .. وبس
    ده قرار غبش ..ماضي وخطير
    كاتبنو بي قطرات مداد من دمنا
    ولازنو ليك في فد سطير ..



    5 يناير 2019 الساعة 10:50 ص
                  
|Articles |News |مقالات |بيانات

11-01-2019, 08:41 PM

Moutassim Elharith
<aMoutassim Elharith
تاريخ التسجيل: 15-03-2013
مجموع المشاركات: 558

للتواصل معنا

FaceBook
تويتر Twitter
YouTube


Re: مساهمات أدبية من أجل الوطن- ساهم بدورك (Re: Moutassim Elharith)

    لمساهمة الأدباء والشعراء والمبدعين من غير الأعضاء رجاء التواصل عبر الإيميل:
    [email protected]

                  
|Articles |News |مقالات |بيانات

11-01-2019, 09:24 PM

Moutassim Elharith
<aMoutassim Elharith
تاريخ التسجيل: 15-03-2013
مجموع المشاركات: 558

للتواصل معنا

FaceBook
تويتر Twitter
YouTube


Re: مساهمات أدبية من أجل الوطن- ساهم بدورك (Re: Moutassim Elharith)

    تحية ثوار هبة ديسمبر
    مرقت مرقت ام درمان
    **********
    مرقت مرقت ام درمان
    فتحت ابواب الحرية
    وكسرت اغلال السجان
    هزمت للطغمة الفاشية
    وغسلت من سوحها الاحزان
    مرقت رغم العنف الدموي
    ورغم بجاحة علي عثمان
    مرقت تتحدى القناصة
    ومرقت تستنشق بمبان
    عظيمة عظيمة يامدرمان
    شعبك يهتف للحرية
    وخاينك ينسج في الاكفان
    هب شبابك يامدرمان قدم درسا بالمجان
    صلى وسلم في محرابك
    هلل كبر للرحمن
    ديل امجادك يوم ميلادك
    عركة كرري الفيك عنوان
    سقطت سقطت تسقط بس
    سقطت سقطت ياكيزان
    قالا شباب ام در الاسمر
    قالا شباب كل السودان


    زروق العوض
    ٩ يناير ٢٠١٩

    زروق العوض: شاعر سوداني
                  
|Articles |News |مقالات |بيانات

15-01-2019, 10:04 PM

Moutassim Elharith
<aMoutassim Elharith
تاريخ التسجيل: 15-03-2013
مجموع المشاركات: 558

للتواصل معنا

FaceBook
تويتر Twitter
YouTube


Re: مساهمات أدبية من أجل الوطن- ساهم بدورك (Re: Moutassim Elharith)

    دعوة للمبدعين للمساهمة، وللتوزيع من أجل رفع وتيرة الشعور الثوري.
                  
|Articles |News |مقالات |بيانات

15-01-2019, 10:05 PM

Moutassim Elharith
<aMoutassim Elharith
تاريخ التسجيل: 15-03-2013
مجموع المشاركات: 558

للتواصل معنا

FaceBook
تويتر Twitter
YouTube


Re: مساهمات أدبية من أجل الوطن- ساهم بدورك (Re: Moutassim Elharith)

    وكذلك لتوثيق لحظة الميلاد الجديد للوطن!
                  
|Articles |News |مقالات |بيانات

15-01-2019, 10:11 PM

Moutassim Elharith
<aMoutassim Elharith
تاريخ التسجيل: 15-03-2013
مجموع المشاركات: 558

للتواصل معنا

FaceBook
تويتر Twitter
YouTube


Re: مساهمات أدبية من أجل الوطن- ساهم بدورك (Re: Moutassim Elharith)


    خونه أنحنا ومندسين
    لو خلينا الفرصه تعدي
    وما ردينا الصاع صاعين

    (علي عثمان ) تلميحو الناقص
    تمه (الفاتح عز الدين)
    يلا ارحكم جزو رقابنا
    ونحنا نقول العين بي العين

    باكر لما تشوفو بعينكم
    ما بتحلكم الكرعين
    خونه أنحنا ومندسين
    يا السادين إضنيكم معنى
    واحده بطين والتانيه عجين

    اتطارشتو قلوبكم عميه
    ونحنا بننصح لينا سنين
    يا الباريتو حطام الدنيا
    وقلتو بتحكمو بسم الدين

    ما خليتو الناس في حالن
    صنفتونا (يسار ) و ( يمين )!
    يلا خلاص لموهو حطامكم
    فوتو وغورو .. في ستين

    ما بنشوف لي وجودكم معنى
    تسقط بس .. حصلنا اللين

    نحن مرقنا .. مرقنا .. مرقنا
    وغير بي سقوطكم ما راجعين


    (فضفضة مغبون مارق مندس )
    محمد إسماعيل الرفاعي
                  
|Articles |News |مقالات |بيانات

15-01-2019, 10:12 PM

Moutassim Elharith
<aMoutassim Elharith
تاريخ التسجيل: 15-03-2013
مجموع المشاركات: 558

للتواصل معنا

FaceBook
تويتر Twitter
YouTube


Re: مساهمات أدبية من أجل الوطن- ساهم بدورك (Re: Moutassim Elharith)

    عشان غلاوتك يا وطن


    اصلو الكفاح ما بضيع
    هدر
    يا الباقي محفور في
    جواي
    دمك نزف يرويه
    شقاق الارض
    ومرقت لي ..
    ستر العرض
    وانا كيف هو عاد
    بسال عليك
    ما دام هو شايفك
    بالمقل
    تنداس تحت بوت
    العميل
    قايلو بيساندك
    يوم تقع
    ما اظنو يا زول
    يا شهيد ..
    وما دام هو بس
    وقفت عديل
    راية رجولتك وكبرياك
    وانا باقي بهتف
    بي وراك ..
    وآخر نفس طالع دليل
    علي انو انت
    وما براك
    معاك كمين
    من ألوف
    شايلين معاك
    هموا الكبير ..
    والجرح غور
    وزاد انين
    سابقاه هتاف
    لمواطنين
    سووها حمرة
    عين عديل
    والطاغية ما زال
    مستبد ..
    عشمان تجيهو
    دعوة قبول
    ويخوضها رغم عتى
    الرياح
    وكتين قبيل مرقوا
    الألوف
    حدوها .. وحدوا للصفوف
    وكمين مساند خالفهم
    حاسبينو كان
    من حالفهم
    والنظرة لي آخر المطاف
    والحلقة جفت
    من حديث
    ما بعدو من يبسة
    وجفاف ..
    ومن الله خاف
    ما كان طلب ..
    امكن براك ترجع
    تعال ..
    اسمع مقالاتهم رجال
    وادرس هتافاتهم
    عيال
    امكن تذكر للمضي
    وتديك مجال
    والكفة رجحت العدالة
    مع النضال
    سقفك دنا وقرب خلاص
    يسقط علي
    ساحة القتال
    وينو العدو
    ووينو الحليف
    ومنو عاد يقدر
    يفرز بين ثوار
    وبينو مدسوسا عميل
    ساعة النزال
    والطلقة كاتم صوتها زاد
    صوت البئن
    وطني وكفاي ..
    لو يبقي اخر يوم الي
    وانا تاني ما راجع
    وراي
    وشين فايدة
    الفضلت قفاي
    وما دام هو من
    ساسها انخرب
    حكامها هدامها .. وقضاة
    سلكوهو درب علي
    الفساد
    حا يدلوا كيف
    ومنو البقود
    ما دام هي أعلنت
    الحداد
    والثكلى تنده للولاد
    حاساهو من بينو
    اتفقد ..
    العمرو ما بيهوي الرقاد
    تاكلاهو يكون
    سندالتها
    وخاتالو يبقي
    معاها زاد
    وما يغلي اصلو
    علي الوطن ..
    وعند الله ما بضيع الكفاح
    ما دام هو صوت
    الحق وضح
    وشرقت شمس
    باكر صباح
    خلطت هتافها
    مع الصياح
    وفي لحظة تتناسي النواح
    وتقيف تساند للقبيل
    وشرعت وما هابت
    رياح ..


    محمد طويل
                  
|Articles |News |مقالات |بيانات

15-01-2019, 10:12 PM

Moutassim Elharith
<aMoutassim Elharith
تاريخ التسجيل: 15-03-2013
مجموع المشاركات: 558

للتواصل معنا

FaceBook
تويتر Twitter
YouTube


Re: مساهمات أدبية من أجل الوطن- ساهم بدورك (Re: Moutassim Elharith)

    قايدينو .. قود


    ساقوكا مجبور للهتاف
    والضاحله بتهاب الضفاف
    مكسوفه كاسيها العفاف
    وخجلان ..
    خجلان منو القال ليك هو شاف
    واااضح بدون تعب اكتشاف
    ممنوع من الصرف ومضاف
    ما بينو ثائر وما بيخاف
    وآخر يضيف صوت للهتاف
    خايف علي ورقا رهاف
    يقطعلو فوق ايام عجاف
    لا تزيد ولا تبل من جفاف
    وآخر الشهر بي طيفو طاف
    لا محشي ضاقت لا خشاف
    وسليقه بي طرقا رهاف
    ما لاحقه باطن معدة جاف
    ودا كلو شأن الزول بخاف
    ومنو عاد هو الما بيخاف
    غير المرق وعلا الهتاف
    من الله بس ياهو البخاف
    وقالها بي كل .. اعتراف
    تسقط عشان يقووا الضعاف
    والمشية دغري بلا إنعطاف
    واقفين وصامدين إعتكاف
    حلقا خلاص عشق الجفاف
    بتبلو ترييقة الهتاف
    ومن الله خاف ...


    محمد طويل
                  
|Articles |News |مقالات |بيانات

15-01-2019, 10:13 PM

Moutassim Elharith
<aMoutassim Elharith
تاريخ التسجيل: 15-03-2013
مجموع المشاركات: 558

للتواصل معنا

FaceBook
تويتر Twitter
YouTube


Re: مساهمات أدبية من أجل الوطن- ساهم بدورك (Re: Moutassim Elharith)

    أسمح يا وطن ..

    يا وطني أسمح لي
    ممكن انوب عنك
    واحكيها للعالم
    وامسح ضناك عنك
    من قومنا نفخر بيك
    ساقينا من حنك
    من طيبو ماء نيلك
    وماخد شذاي منك
    بس قسمة مكتوب ليك
    الديمة .. فاضحينك
    مادا الايادي سؤال
    والماها عارفينك
    قسما بنحلف بيك
    ناخد القصاص عنك
    ما دام مفوضنا
    صانتين وسامعينك
    علي مر الزمن تاج راس
    والخيرة في ظنك
    فينا الشباب قنع
    صامدين وحارسينك
    من الصبح اعداك
    جواك وماذينك
    واصلو الفضل ايام
    وتسمع خبر انك
    مالياك .. حرية
    ويفرح مواطنينك
    والخير يعم كلك
    ولي الكل يصل فنك
    سوداني لحنو رصين
    ونابع دوام منك
    حب داخل الأعماق
    يوماتي عاشقينك
    دايما مع الايام
    جوانا شايلينك
    نفديك لو بالروح
    مادام بدر منك ..
    انك سمحت خلاص
    ونقدر ننوب عنك ..



    باسم الثوار
    وواحد منهم

    محمد طويل

    مشكور يا وطن على ثقتك فينا
    يناير 2019
                  
|Articles |News |مقالات |بيانات

15-01-2019, 10:16 PM

Moutassim Elharith
<aMoutassim Elharith
تاريخ التسجيل: 15-03-2013
مجموع المشاركات: 558

للتواصل معنا

FaceBook
تويتر Twitter
YouTube


Re: مساهمات أدبية من أجل الوطن- ساهم بدورك (Re: Moutassim Elharith)

    الثورة


    الثورة سعيٌ متصلٌ
    على دربٍ قاسٍ أغبر
    مفروشٍ ورداً أحياناً
    وأحياناً أخرى دماً أحمر
    تمضي كالمارد تاراتٍ
    وتاراتٍ أخرى تتعثر
    تنساب برفق أطواراً
    وبركاناً طوراً تتفجر
    والعبرة نبل الغايات
    **************
    الثورة جهاد ضد الضد
    وضد النفس جهاد أكبر
    فبالشر قد يرمى الضدُ
    وبالسوء النفس قد تأمر
    الثورة أن تكبر فينا " نحن "
    و " أنا " ترجأ تذوى تصغر
    أن نعطى الوطن بلا منٍ
    فعطاء الوطن هو الأكثر
    فعطاء الوطن هو الأكبر
    والعبرة نكران الذات
    **************
    الثورة ليست أن يمضي "عمر"
    إلى سقرٍ، مدحوراً ومذموماً
    الثورة ألا يتكرر
    الثورة ليست مدني النمط من الحكم
    أو حكماً طابعه العسكر
    الثورة أن تغدو للشعب إرادة
    أن يغدو المحكومون هم السادة
    فالشعب الصاغر لا يرتاد
    ذرا العز
    والشعب السيد لا يقهر
    والعبره وضوح الرؤيات
    *****************
    الثورة لن يحدثها فردٌ
    ولو كان هرقلاً أو عنتر
    الثورة لن يحدثها حزبٌ
    وإن حشد جموعاً أو جمهر
    فالثورة شأن كالطوفان
    يحدثه كل الموج
    والثورة شأن كالخفقان
    يحدثه كل القلب
    أذيناه وبطيناه
    الأيمن منهم والأيسر
    والعبرة صدق النبضات
    *********
    الثورة ليست بيضاء
    الثورة ليست صفراء
    الثورة ليست حمراء
    ولون الثورة ما الأخضر
    الثورة ليست تستورد
    تستجلب تُحضر وتصدر
    فلون الثورة لون الأرض
    وطعم الثورة طعم الشعب
    ولونُ الأرض كطعمِ الشعب
    لا يبهت، يتبدل
    أو يتغير
    والعبرة علو الرايات
    ********
    الثورة ليست " شفتنة"
    الثورة ليست " حرفنة "
    فئةٌ فاسدة تثرى
    وجموعٌ بائسة تفقر
    الثورة ليست قرصنة
    الثورة ليست "فتونة "
    فئة باغية تحكم
    وجموعاً صاغرة تقهر
    الثورة أن يغدو الناس
    كأسنان المشط سواسية
    أعلاهم أعلمهم
    وأعملهم أشرفهم ...
    بحداء الركب هو الأجدر
    والعبرة شموخ الهامات
    *********
    الثورة ليست خرطوماً
    الثورة ليست عطبرة
    الثورة ليست بـ "الثغر"
    أو شأناً حكراً للبندر
    الثورة ليست أكتوبر
    الثورة ليست ابريلاً
    رجباً مايو ونوفمبر
    فمكان الثورة كل مكان
    وزمان الثورة كل زمان
    وشأن الثورة هو الإنسان
    إنسان بلادي السودان
    تتوه الثورة لولاه
    تيبس عروقاً تتحجر
    والعبرة حشد الطاقات
    ***********
    فيا شعبي "الطيب "
    ثر حقاً أغضب ازأر
    حطم أغلال الذل
    ولقهر القاهر أقهر
    علَم من ظنً كبيراً
    أن الشعب هو الأكبر
    من ظنً قديراً وخطيراً
    أن الشعب هو الأقدر
    أن الشعب هو الأخطر.
    علمهم يا شعبي،
    بعد الرب أنت الأول والآخر
    أنت اللب بل الجوهر
    أنت الأصل والفصل
    أنت الكل
    وعداك فتات لا يذكر
    أنت الركب وحاديه
    أنت الروض وشاديه
    أنت الخطبة ومن يخطب
    ويُخاطب
    أنت الدرة والمنبر
    أنت الشارع والشرع
    أنت الزارع والزرع
    أنت المعهد والمصنع
    أنت الضرع
    حالبه وشاربه
    المكتب أنت كما المتجر
    أنت الغمد
    أنت الزند
    والدرع الواقي يؤازره خنجر
    والعبره تساوى القامات
    ********
    ثر يا شعب الله "المحتار"
    ثر يا شعبي المغوار
    اخلع أسمال العار
    البسها من ظن الحكم عمامة
    وأبدى زعامة
    يورثها كسرى كسرى
    ويمنحها قيصر قيصر
    من ظنَّ النفس
    ظلً اللهِ على الأرض ِ
    حامى الدينِ والعرضِ
    باسم الله استعلى
    وباسم الربِ تجبر
    يلقى لجهنم من شاء
    ويعطى من شاء الكوثر
    من ظن النفس
    الفاعل دوما ما شاء
    بشعبٍ قاصر
    مقهورٍ أبدا ومسيّر،
    ثر يا شعبي الجبار
    اخلع أسمال العار
    البس إكليل الغار
    ومن حلل المجد تخيّر
    ما يرفعك بين الأمم
    وينصبك فوق القمم
    ناراً تهدى وقبساً يبهر
    والعبره تفادى النكسات
    *************
    ثر يا شعبُ وعلِّمهم لقِّنهم:
    ما مات الشعب
    مسموماً كان ومخدر
    لم يطف الشمس
    ركامُ السوء
    والليل الداجي الأكدر
    ثُر يا شعبي
    وفر فوراناً لا يفتر
    حتى ينهزم الباطل
    يهلك من ظل يخاتل
    ويخسأ شانئك الأبتر.
    ثُر يا شعبُ
    غازل هامات المجدِ
    وارتد آفاق السعدِ
    فمن مثلك باسل يا شعبي
    ومن منك حظوظاً أوفر
    لنعاود سيرتنا الأولى
    ماضي بالشرف موشى
    وغدا زاهي أنضر
    والعبره ثبات الخطوات
    ***************
    ثُر يا شعبي
    عوض كل ما فاتك
    استرجع مجمل ثوراتك
    لا تتقوقع رهباً
    وخوفاً رعباً تتكور،
    ثُر يا شعبُ
    اطرد نوبات الوسن
    انبذ أسباب الوهن
    لتوفى حق الوطن
    وتخطَّ بكتابِ الزمنِ:
    في عصرٍ ما
    ومكانٍ ما
    ما بين الغابة والصحراء
    سمقت في الكون حضارة
    وتحلى شعبٌ بجسارة
    فنال بحق وجدارة
    حيزاً مرموقاً ومقدر
    والعبرة نقاء الصفحات
    ***********************
    الثورة قدرك يا شعبي
    امسكه عليك لا تفلته
    الثورة قدرك يا شعبي
    لا تتثاقل عنه وتتأخر
    الثورة قدرك يا شعبي
    مكتوباً كان ومسطر
    للشعب تكون الثورة
    بالشعب تكون الثورة
    وفي الشعب كمون الثورة
    وعدا ذاك
    فرقص ذبيح
    وسعى كسيح
    وهشيم ستذروه الريح
    يطول الزمن أو يقصر
    والعبــره صمود وثبات
    وتفادى لصـوص الثورات
    **********



    الفاضل إحيمر
    أوتاوا 30/6/1994
    مهداة معدَّلة في 14 يناير 2019 إلى الثوَّار والثائرات الأماجد الذين يخطون بدمائهم الزكية سطراً جديداً في تاريخ أمتنا الباسلة.
    إن التاريخ لا يصنع أو يعيد نفسه لكن الأمم الأفراد بإرادتهم وصمودهم هم الذين يصنعون التاريخ ويعيدونه.

    mailto:[email protected][email protected]
                  
|Articles |News |مقالات |بيانات

15-01-2019, 10:26 PM

Moutassim Elharith
<aMoutassim Elharith
تاريخ التسجيل: 15-03-2013
مجموع المشاركات: 558

للتواصل معنا

FaceBook
تويتر Twitter
YouTube


Re: مساهمات أدبية من أجل الوطن- ساهم بدورك (Re: Moutassim Elharith)

    بريمادونا محاصرة بالغضب
    محمد المكي إبراهيم


    ارتحل ايها الهمجي البدين فقد تمت المهزلة
    غرف القصر خالية وستائره مسدلة
    ليس إلاك في ساحة الرقص
    دون مغنين أو عازفين
    ليس من حرس لتنادي عليه
    فقد هرب العازفون ومغنيك نام
    انك الان وحدك يحتاطك الغاضبون
    فامتثل للحقيقة
    وارتحل
    لا اريد دما في الحديقة
                  
|Articles |News |مقالات |بيانات

15-01-2019, 10:27 PM

Moutassim Elharith
<aMoutassim Elharith
تاريخ التسجيل: 15-03-2013
مجموع المشاركات: 558

للتواصل معنا

FaceBook
تويتر Twitter
YouTube


Re: مساهمات أدبية من أجل الوطن- ساهم بدورك (Re: Moutassim Elharith)

    إنني أومن بالشعب حبيبي وأبي
    محمد المكي إبراهيم

    إنني أومن بالشعب حبيبي وأبي
    وبأبناء بلادي البسطاء
    وبأبناء بلادي الفقراء
    الذين اقتحموا النار
    فصاروا في يد الشعب مشاعل
    والذين انحصدوا في ساحة المجد
    فزدنا عددا
    والذين احتقروا الموت فعاشوا ابدا
    ولأبناء بلادي سأغني
    للمتاريس التي شيدها الشعب
    نضالا وصمودا
    ولاكتوبر مصنوعا من الدم شهيدا فشهيدا
    وله وهو يهز الارض من اعماقها
    بشرى وعيدا
                  
|Articles |News |مقالات |بيانات

15-01-2019, 10:28 PM

Moutassim Elharith
<aMoutassim Elharith
تاريخ التسجيل: 15-03-2013
مجموع المشاركات: 558

للتواصل معنا

FaceBook
تويتر Twitter
YouTube


Re: مساهمات أدبية من أجل الوطن- ساهم بدورك (Re: Moutassim Elharith)

    الغناء زمن الخوف
    فضيلي جماع


    في زمن الخوف أغنِّي
    وأفجّر لغمَ الكلمةِ عمداً ..
    في أيامِ الخوفْ!
    الحنجرةُ الخرساءُ تموت
    وتولدُ حنجرةٌ أخرى..
    والحرْفُ نزيفْ
    مطرٌ هطّالٌ ، برْقٌ صبّ حليبَ الضوءِ،
    وناجاني منتصف الليل !
    ما عدْتُ أرى حوْلي إلا الخنجر إيقاعاً أشهى ..
    في عصرِ الرُّعْبْ !
    فبسطْتُ لأطفالِ بلادي
    رمل القلبِ الناعمِ شارة حُبْ
    يلهون عليه ، وينتشرون زهوراً فوق الحقل!
    صيفُ المحنةِ يهربُ أو يحني هامته خجلاً
    تحت براءة طفل!
    وأكبر من أنيابِ الرُّعْبِ
    قوافٍ تكسرُ صمت اللّْيْلِ
    وتفضحُ مطرَ الزّيْفِ،
    وسيْلَ الكذبِ النازلِ من فكّ المذياعِ،
    من الصحف الصفراءِ ، وهرطقةِ التلفازِ،
    وباعةِ عرق الفلاحينَ ، ودمعاتِ الأيتام!
    فصولُك رعدٌ يكْذِبُ عُشْبَ الأرْضِ
    وأعمدةٌ بلهاءُ ، وفقرٌ ظلّ يلاحقنا يا زمن الرّعب!
    أشجارٌ يابسةٌ من غيرِ جذور
    تحفر فوق جماجمِنا ألوانَ الذلْ!
    تعكّر صفوتَنا وتفرُّ .. تفّرُّ
    إذا غنّينا ملء حناجرنا ، وشدوْنا ملء القلب !
    تغتالُكَ ضحكةُ طفلٍ يا طوفانَ الرّعْب
    وبرُغْمِ هوانِكَ..
    رُغْمِ تشبُّثِ جلاديكَ بأسيافِ الكذبِ الأصفرِ
    وتسلقهم أكتافَ الوهْمِ المنهارْ
    نتوكّأ فوقَ رِماحِ الحقِّ وجمراتِ الإبداعْ
    ونذوبُ كما الشمعات تذوبُ ليخضرّ العالم!
    لا الرّيحُ تسدُّ أمامَ أغانينا الشارعْ
    لا طنطنةَ الحنجرةِ الخرساءِ ولا العُهر المحشو
    يخونُ ضياءَ العصرِ الرائعْ!
    ألوانُ الطيفِ أمانينا
    دفْعُ التيارِ خطانا
    ولهذا نفرحُ
    نفرحُ حين تزلزلُ كلمة حقِّ
    كل قصور الخوف!
    ولهذا تقبضُ كفُّ الفارسِ جمر اليوم!
    وتصبحُ ضحكةُ طفلٍ موسيقى
    وحبيبي ينفضُ عنه غبارَ النومْ
    يحُثُّ خطاه تجاهي!
    يبسط راحته فأقبِّلها
    وأمدٌّ له كفي فيقبِّلها
    ونميطُ عن الأشياءِ لثامَ الزيفْ
    نتعانقٌ.. نذرعُ مزهُوّيْنِ
    شوارعَ عصْرِ الخوفْ !!



    ---------------------------------
    • من ديوان "الغناء زمن الخوف".
    • إحدى تظاهرات ثورة 19 ديسمبر
                  
|Articles |News |مقالات |بيانات

15-01-2019, 10:29 PM

Moutassim Elharith
<aMoutassim Elharith
تاريخ التسجيل: 15-03-2013
مجموع المشاركات: 558

للتواصل معنا

FaceBook
تويتر Twitter
YouTube


Re: مساهمات أدبية من أجل الوطن- ساهم بدورك (Re: Moutassim Elharith)

    المشي على الحبل المشدود
    فضيلي جماع


    (1)
    ما عُدْنا رَقعةُ شطرنجْ
    إنْ يكبَرْ زندُك ، فاحْذرْ
    صرنا نعرفُ كسْرَ الساعِدِ
    والزّنْدِ المفتولْ !
    وصرنا نفقأُ بيضَ الرُّخِّ
    وعيْنَ الفيلْ !
    ونعرفُ كيف نجرُّ النّمْ
    وكيف ندوزنُ حُزْنَ الأمْسِ
    ونملأُ صدْرَ اللّيْلِ تواشيحَ نغمْ !
    و صرنا نعرِفُ سرَّ المشْي..
    على الحبْلِ المشدُودْ
    ونعبرُ من ثُقْبِ الإبرةِ
    ليْلَ الوجعٍ الساكِنِ فينا
    حتّى نحفِرَ قبركْ!
    (2)
    تتمنّى لو تقفِلُ بالمزلاجِ
    هتافاتِ الشارعْ !
    لو تحبِسُ هذا الموجَ الهادرَ
    والفجرَ الرائعْ !
    تتوارى خلف زناد سلاحك
    ترجف مذعوراً من قمّة رأسك ..
    حتى أخمصَ قدميك
    ترجفُ مذعوراً
    من رعْدِ حناجرنا
    وتدس عيونَك
    تحصي النّبْضَ الصاعد
    من أسفلت شوارعِنا
    من هذا الموجِ الهادرِ
    من إنشادِ حناجرِنا!
    بمرارةِ ما ذقنا من صنع يديك
    (3)
    ها نحنُ نقاوِمُ قُبْحَ الحاضِرِ فيكْ
    سنقاومُ حشْدَ فلولِك
    زبَدَ الكذِبِ الطافحِ منكَ
    نقاومُ كلَّ تفاهاتِ زمانِكْ
    سنقاوم ظلّكْ!
    نتحدّى الخوْفَ
    ونفقأ بيض الرّخِّ وعين الفيلِ !
    ونعانقُ شمْسَ الصُّبْحِ الطالعِِ
    ممهوراً بدماءِ بنينا..
    من جوفِ سوادِ اللّيْل!




    ديوان "المشي على الحبل المشدود" – 2016م
                  
|Articles |News |مقالات |بيانات

15-01-2019, 10:35 PM

Moutassim Elharith
<aMoutassim Elharith
تاريخ التسجيل: 15-03-2013
مجموع المشاركات: 558

للتواصل معنا

FaceBook
تويتر Twitter
YouTube


Re: مساهمات أدبية من أجل الوطن- ساهم بدورك (Re: Moutassim Elharith)

    محمد الحسن ابنعوف يرد علي الفاتح عز الدين كلب البشير الاجرب


    قول للفاتح المرق النضم هددنا...
    الدين ماك عزو ولاك عبارو بلدنا...
    قلت اسبوع ونحنا مسكنا ليك عددنا...
    خيبه علينا كان خفت الهدير وبردنا ...

    دي يادوب الخطيوات العرج في السفره..
    مارقنلك رجالا من سلالات طفره
    باكر زي طواغيت الفرات والكفره..
    تكوس الشرده ترجف ونمرقك من حفره..

    بعد ما أمتنا ثارت وكسرت قيد طوعك..
    بقت نار مغستك وتقبت في ضلوعك...
    وحات إسم الله يالعوج الهدم مشروعك..
    تضوق الذله يا الخيبان وتلحس كوعك..

    بلد غرقتو في الهوره ونفختو مشاكلو...
    كل مانسندو تكسرو عود صبرنا التاكلو....
    بوتكم كل يوم فى بير هواير راكلو...
    براك جاجيتنا والعاس المكشن ياكلو...


    محمد الحسن ابنعوف
                  
|Articles |News |مقالات |بيانات


[رد على الموضوع] صفحة 1 „‰ 1:   <<  1  >>




احدث عناوين سودانيز اون لاين الان
اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات
فيديوهات سودانيزاونلاين Sudanese Online Videos
صور سودانيزاونلاين SudaneseOnline Images
ويكيبيديا سودانيز اون لاين
Sudanese Online Wikipedia



فيس بوك جوجل بلس تويتر انستقرام يوتيوب بنتيريست Google News
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de