الكتاب باين من عنوانه #محمدبشيرعبادي أكاد أجزم أن جل الشعب السوداني محبط بما آلت إليه أحوال البلد عقب (إستيلاء) قوى الحرية والتغيير على السلطة بإمتطائها لظهر الثوار وجماجم الشهداء في عملية إحلال وإبدال سافرة لدولة المؤتمر الوطني في إطار (طبخة) سياسية فطيرة ونيئة واضحة أصابع الخارج المرتجفة في صنعها الردئ. مرد إحباط الشارع السوداني ليس لتردي الخدمات ولا الضائقة المعيشية فحسب ولا الفوضى التي تضرب كل أركان الدولة فكل ذلك تركة العهد البائد ولكن الإحباط نتج في المعالجات وفي الرؤية التي تكاد تنعدم فلا برامج واضحة ولا كوادر بشرية مؤهلة لقيادة التغيير المنشود،فالتغيير سادتي كنا نحسبه ثورة شاملة لكل عهود التيه السابقة من لدن حقبة الإستعمار الأجنبي للسودان بدايات القرن العشرين المنصرم حتى يومنا هذا،كنا نحلم بثورة ترسي دعائم المؤسسية لا إنفراد حزب أو مجموعة بالسلطة،كنا نريدها مناهج تتبنى هوية أهل السودان الدينية والثقافية لا التبشير بعلمانية وأيدلوجيات وافدة سئمنا من تجريبها على رؤوسنا ولم نحصد جرائها إلا الحنظل المر. كنا نريد من الفترة الإنتقالية أن تكون ثورة إجتماعية إصلاحية تربوية تبدأ من أول سلم التعليم إلى أعلاه لا شعارات جوفاء ركيكة وخطاب(قاع المدن) الذي بموجبه ظهرت موجة من (المودات) والظواهر الدخيلة على مجتمعنا المتدين المحافظ،لم يحتل الصهاينة فلسطين في بادئ الأمر بقوة السلاح وإنما عمدوا إلى تدمير شبابها بالمخدرات والملاهي ليجعلوا منهم قاعدين إلى الأرض لا هم لهم سوى النزوات ومن ثم إلتهامهم وهو ماحدث عند النكبة سنة 1948م..هل تريد (قحت) تكرار ذات السيناريو في السودان خدمة للصهاينة من حيث يدرون أولا يدرون؟؟ أقول قولي هذا وكبار مسؤوليهم يبشرونا بفصل الدين عن الدولة وعن المساواة في الأديان حتى الوثنية وغالب أهل السودان مسلمون،أين العدالة هنا التي ينادون بها؟؟!! وأين هي والحزب الجمهوري ذي المرجعية الدينية شريك أصيل في حكمهم اليوم؟؟!!..أي إستهبال سياسي هذا الذي تريد قحت أن ينطلي على أهل السودان الذين فجروا أعظم الثورات بوعي وشجاعة نادرة؟؟!!. إذا كانوا يريدون ثورة على تجار الدين كما قالوا فليثوروا على الدجالين ومدعيي التصوف الذين جعلوا من أوليائهم أصناما تعبد ومن أورادهم وخزعبلاتهم قرآن يتلى فتسلطوا على خلق الله وأماتوا الدين والهمم في نفوس الكثيرين وبذروا الفتن حتى داخل الأسرة الواحدة ليتمكنوا من السيطرة على عقول الناس وإنقيادهم لهم فتدين لهم الدنيا، قال الله تعالى: ﴿ وَمِنَ النَّاسِ مَنْ يَتَّخِذُ مِنْ دُونِ اللَّهِ أَنْدَاداً يُحِبُّونَهُمْ كَحُبِّ اللَّهِ وَالَّذِينَ آمَنُوا أَشَدُّ حُبّاً لِلَّهِ وَلَوْ يَرَى الَّذِينَ ظَلَمُوا إِذْ يَرَوْنَ الْعَذَابَ أَنَّ الْقُوَّةَ لِلَّهِ جَمِيعاً وَأَنَّ اللَّهَ شَدِيدُ الْعَذَابِ ﴾ [البقرة: 165].لا يجب أن يكون خطابهم ثورة على الإسلام بحجة فشل النظام السابق في إحياء الدين وتطبيق الشرع التطبيق الصحيح منهجا وسلوكا وممارسة. في إعتقادي أن ما يحدث الآن في السودان هو ردة للوراء وليس ثورة للتقدم والنهضة، فالكتاب (باين) من عنوانه.
11-07-2019, 10:21 AM
محمد البشرى الخضر محمد البشرى الخضر
تاريخ التسجيل: 11-14-2006
مجموع المشاركات: 28869
Quote: ظهرت موجة من (المودات) والظواهر الدخيلة على مجتمعنا المتدين المحافظ
يا خوي مودة وأخواتها و غيرها من الظواهر و عبيد ختف وزنا المسؤولين في نهار رمضان والعفو عن المغتصبين المدانين بل و تقنين الاغتصاب و هتك الاعراض في اجهزة حماية النظام الاسلاميو حاويات المخدرات دا كلو فضلة خير مشروعك الحضاري و أكذوبة هي لله, لا علاقة للثورة و ما بعدها بعواليقكم
11-07-2019, 10:34 AM
Abdullah Idrees Abdullah Idrees
تاريخ التسجيل: 12-05-2010
مجموع المشاركات: 3692
الجنريتر محمد عبادي طبعاّ كلامك الفارغ دا انا ما قريتو كلو السطرين الفي الاول بس انت كنت مع النظام البائد دا و استفدتا منو فائدة كبيرة اقل حاجة دخلتا التلفزيون و نوعك دا لو ما النظام الفاسد دا بي جنب بوابة التلفزيون ما كنت حتقدر تجي ماري خلي الشهداء و انت آخر واحد تتكلم عن الشهداء اتكلم عن الفطائس بتاعنكم الهلكو في الجنوب و مشياتك الكتيرة للجنوب معروفة بالنسبة لي مالك ما استشهدتا تتذكر ال ZY الكانت ماشة قدامكم في الجنوب مع الكتيبة الزراعية و انت كنت قاعد في صندوق الزوادة بتاع ال ZY الورا اها لما الاولى قام فيها لغم دبابة انت قبضوك جماعتك على بعد مسافة عشرة كيلو و من يوما وانت ماك نصيح , فما تقرفنا بخزعبلاتك دي
Quote: تتذكر ال ZY الكانت ماشة قدامكم في الجنوب مع الكتيبة الزراعية و انت كنت قاعد في صندوق الزوادة بتاع ال ZY الورا اها لما الاولى قام فيها لغم دبابة انت قبضوك جماعتك على بعد مسافة عشرة كيلو و من يوما وانت ماك نصيح , فما تقرفنا بخزعبلاتك دي
يعنى الزووول طلع صفيحة جبنة وتحياتى يا خدوووووورى دائما بتجيب النجيضة
11-07-2019, 11:13 AM
محمد بشير عبادى محمد بشير عبادى
تاريخ التسجيل: 04-12-2016
مجموع المشاركات: 1162
ههههه إستفدتا من النظام السابق كيف؟ هل كنت نجار في قسم الديكور ويقيت فني مونتاج نقلتي بقدرة قادر؟وأخيرا نجار كضب وترهات على الأسافير؟؟ إنت لسه ياخدر ما كبرت؟؟ ولسه في جنك عموما ياخي مشتاقين وطولنا منك..كيف احوالك أنت والأسرة الكريمة.
11-07-2019, 08:47 PM
خضر الطيب خضر الطيب
تاريخ التسجيل: 06-24-2004
مجموع المشاركات: 10216
مرحب بيك اخ خالد عباس الناس ديل جابوهم لينا من الخلا ما عندهم اي امكانيات و لا اي فهم لمهاية الاعلام مرة محمد عبادي الصبرة دا كان قاعد معاي في استديو الاخبار كانت اول مرة اشوف المخلوق دا , طبعاّ كان شغال هزاز من الضربة بتاعة ال ZY وانا بجهز في خبر مهم قال لي الخبر دا ما بتعمل كدا قلت ليهو بتعمل كيف ؟ قال لي على حسب دراستي بتعمل كده قلت ليهو انت درستا شنو , قال لي انا في سنة اولى اعلام و دعوة في جامعة امدرمان الإسلامية قلت ليهو انا عندي منهج جامعتكم دي لأربعة سنوات و لحدي التخرج انت ما حتصل للمرحلة دي و بعدها بهت الذي كفر .. ياخ محمد عبادي دا مثال للمعتوهين الكيزان تلاتين سنة يا محمد بشير و لسه في ضلال فكركم العقيم ؟ اخبار هشام شنو ؟
Quote: كوز وجبان كده كتير منك ياخضر بعدين ردمته الكوز ردم شديد خليهو يتنفس حبة باقي الفطامة حارة
11-07-2019, 09:02 PM
علاء سيداحمد علاء سيداحمد
تاريخ التسجيل: 03-28-2013
مجموع المشاركات: 17162
Quote: #محمدبشيرعبادي أكاد أجزم أن جل الشعب السوداني محبط بما آلت إليه أحوال البلد عقب (إستيلاء) قوى الحرية والتغيير على السلطة بإمتطائها لظهر الثوار وجماجم الشهداء في عملية إحلال وإبدال سافرة لدولة المؤتمر الوطني
الزول دا ودوه الضل .. كان ما وديتوهو ح يعمل ليكم مشكلة . وح يطالب بدولة المؤتمر الوطنى المختطفة .
11-08-2019, 04:12 PM
خضر الطيب خضر الطيب
تاريخ التسجيل: 06-24-2004
مجموع المشاركات: 10216
يا محمدعبادي ما تفضح جهلك للزملاء القدامى في التلفزيون في معلومة مهمة اكيد انت بتجهلا التلفزيون السوداني انشئ بمنحة من وزارة الاعلام الألمانية في بداية الستينات و كان في دورة حتمية لكل من يلتحق بالتلفزيون كل فترة في قسم من الأقسام و في النهاية الواحد بستقر في القسم المناسب و بعدها بعثة لمدة سنتين لألمانيا تعتبر دراسات عليا في مجال التخصص و آخر اتنين تم ترشيحهم للبعثة كان محمد على العربي و عبد العظيم قمش دا كان اول ما نظامكم الفاسد استلم البلد و المعتوه الطيب مصطفى فسخ العقد مع وزارة الاعلام الالمانية تم استقبال الزملاء محمد على و قمش بواسطة وزيارة السياحة الالمانية و منحوهم فقط 15 يوم و قالوا ليهم تم فسخ العقد بيننا و بين تلفزيون السودان و طبعاّ ما اخدوالدورة و لا قعدوا اكتر من اسبوعين من الاقسام التابعة للدورة الحتمية كان قسم الديكور و الاستوديوهات لانكم ما اخدتو الدورات دي و ما ليكم علاقة بالاعلام و لا اي شئ ليهو علاقة بالتلفزيون وواضحة خرمجتكم من تلاتين سنة دمرتو كلو شئ مفروض تختشي و تختفي خالص يا محمد عبادي لو كان فضل فيك ذرة حياء
11-09-2019, 05:23 PM
محمد بشير عبادى محمد بشير عبادى
تاريخ التسجيل: 04-12-2016
مجموع المشاركات: 1162
هههههههه لي هسى في ضلالك القديم يا خدر..قلت لي كنت راكب في عربية الزوادة؟ ياخي ما تفضحنا المنبر ده كله مرافيت جيش وبندقجية في حركات..بذمتكم شفتو ليكم متحرك فيهو عربية زوادة؟ إنت قايلو بص أبوحبيرة وللا المحلي داخل عطبرة ،ما فاضل ليك الا تقول عربية الفرملة!! هههههه من زمان ايام الاخبار كنت بنصحك من تغيير الصنف لانه عارف راسك السغيرون ده ما بتحمل،الخترة مشيت اوروبا وبوشك انترحت بدل الفيل الاخدر بقيت تركب ابيض اللهم لا تمحنا ولا تبلينا قلت لي التلفزيون كان بودي منح لألمانيا؟ انت ليه ما ودوك؟ لأنه ألمانيا ما بتقبل فواقد تربويين اكمال ثانوي ،بمشوا ليها ناس مؤهلين..غايتو لحد ما فارقتنا للسعودية وظيفتك عمالية وملفك للان موجود في شؤون العاملين هشام في قناة الحدث بسلم عليك وبقول ليك لولا افضال الانقاذ عليك كنت لي هسي شايل شاكوشك في ورشة الديكور
11-09-2019, 05:51 PM
محمد بشير عبادى محمد بشير عبادى
تاريخ التسجيل: 04-12-2016
مجموع المشاركات: 1162
في الوقت الذي يعاني فيه سكان الخرطوم وولايات اخرى من ازمة مواصلات خانقة جعلت الكثيرين يضطرون للعودة راجلين الى بيوتهم في اطراف المدن وفي الوقت نفسه يعاني فيه الناس من ازمة خبز ووقود وخدمات.. في هذا الوقت خرجت علينا ما يسمى بلجان المقاومة بتظاهرات حول وفاة الشرطي السوداني رحمه الله في القاهرة شملت هذه التظاهرات مدة يومين ام درمان وبحري واجزاء اخرى من العاصمة نعم ان النفس السودانية عزيزة وحسنا فعلت الحكومة بتشكيل لجنة لتقصي الحقائق لمعرفة سبب وفاته ولكن الشئ غير المقبول هو تغاضي هذه اللجان عن الازمة الملحة وانصرافها لاخرى (لتشتيت الكرة) وحجز مقاعد المعارضة وساحات الاحتجاج.. يعني قحت اصبحت حكومة ومعارضة (تفلق وتداوي) أي استهبال سياسي اكبر من هذا تقوم به قحت؟؟؟ حسنا ما قال به وزير الشؤون الدينية والاوقاف اليوم في مؤتمر صلح قبيليتي العبابدة والجعليين الذي تم في شندي بحضور رئيس مجلس السيادة الانتقالي، كان قوله حسنا حين صرح بأن تتحول لجان المقاومة الى لجان تغيير..لجان للبناء وليس للهدم..لجان لمراقبة الفساد والمفسدين في الاحياء ..لجان للنظافة والنظام في الازقة والحواري لا اثارة القلاقل والتظاهرات لخدمة اجندات سياسية لقحت ومجموعة ضغط لها لتمرير ملفاتها قسرا.. لقد انتهت صلاحية لجان المقاومة بانتهاء الحراك الثوري وفورانه في لحظته ،فلم تعد هناك مداخل للاعتصام لحراستها ولا متاريس .. فمن من ستحمي هذه اللجان الثورة وستقاوم من؟؟؟ والآن كل الدولة بمؤسساتها الرسمية في خدمة اهداف الثورة وصون مكتسباتها
11-09-2019, 10:20 PM
abdalla elshaikh abdalla elshaikh
تاريخ التسجيل: 03-29-2006
مجموع المشاركات: 4001
خضر ي خوي زولكم دا تمّ تعينو في التلفزيون علي أيّ أساس ؟ ببساطه لأنو زول أشتر حتي فيما يكتبه هنا ٠ وأستاذنا المخرج صلاح الفاضل كان بيقول لينا في محاضرات الإخراج الإذاعي ~ لو ما عندك إيقاع ما تحاول تشتغل في الأجهزة الإعلامية حتي لو كنت مهندس تشغيل !
11-10-2019, 12:44 PM
خضر الطيب خضر الطيب
تاريخ التسجيل: 06-24-2004
مجموع المشاركات: 10216
Quote: خضر ي خوي زولكم دا تمّ تعينو في التلفزيون علي أيّ أساس ؟ ببساطه لأنو زول أشتر حتي فيما يكتبه هنا ٠ وأستاذنا المخرج صلاح الفاضل كان بيقول لينا في محاضرات الإخراج الإذاعي ~ لو ما عندك إيقاع ما تحاول تشتغل في الأجهزة الإعلامية حتي لو كنت مهندس تشغيل !
يا كارلوس محمد عبادي دا من الطفابيع الجابوهم بعد الانقلاب هو عارف انا بقول في شنو و الله انا اتفاجأتا بي انو لسه حي على اقل تقدير مفروض يكون في التجاني الماحي و لسه هو بكابر لكن بيني و بينك الصدمة قوية بالنسبة ليهم تخيل الصبرة دا من تلاتين سنة عايش في ظل النظام دا هل تتخيل ممكن يقدر يعيش بعد كده كبني آدم عادي ؟ مستحيل طبعاّ
11-10-2019, 12:51 PM
خضر الطيب خضر الطيب
تاريخ التسجيل: 06-24-2004
مجموع المشاركات: 10216
هرطقة أخونا خضر دي دفعتني لأكتب قليلا عن جزء من تاريخ تلفزيون السودان لإحقاق الحق وشهادة للتاريخ حتى لا يتم تضليل الجيل الحالي الذي لم يعاصر تلكم الحقب التي سأتحدث عنها إختصارا وكنت قد أوردت مبحثا كاملا في رسالتي للماجستير في الإذاعة والتلفاز ،أجريت خلال هذه الدراسة مقابلات علمية مع شيوخ العمل التلفزيوني الذين عاصروا نشأته الأولى أمثال أستاذنا المهندس عبد القيوم خضر وأستاذنا أبوالحسن الشاذلي وغيرهم كثر:
* نشأة التلفزيون كانت أشبه بالصدفة حينما تحادث اللواء طلعت فريد وزير الإستعلامات والعمل في حكومة عبود(1958م-1964م) عبر الهاتف مع ضابط أوروبي عملا سويا إبان الحرب العالمية الثانية وبعد تقاعد هذا الجنرال عمل وكيلا لشركة إلكترونيات قامت بإنشاء محطة تلفزيونية في نيجيريا،في تلكم المحادثة طلب اللواء فريد من صديقه هذا استجلاب أجهزة لاقامة محطة تلفزيونية في السودان وذلك لتغطية احتفالات (ثورة نوفبر) بشكل جديد وغير معهود وقد كان أن تم ذلك بمنحة ألمانية في العام 1962م وبعد تركيب أجهزة الإرسال (بقوة واحد كيلو واط) وتركيب أجهزة إستقبال في الحدائق العامة في الخرطوم وأم درمان وبحري، فشلت التجربة لحدوث إلتماس كهربي عطل العمل وأرجئ إفتتاح التلفزيون الى العام القادم (1963م)..من هذا نستشف أن التلفزيون لم يخطط له بل جاء محض صدفة *عين أستاذنا البروفيسور علي شمو أول مراقب عام للتلفزيون (مدير عام) ،وكان قبلها قد درس الانتاج التلفزيوني في أمريكا. * كان مدى البث لا يتعدى العاصمة المثلثة وقتها ولا أجهزة تسجيل لديه حتى منتصف ستينيات القرن الماضي وكانت البرامج حتى الدراما تبث مباشرة. *كان المخرج هو مهندس التشغيل وهو الإداري وهو الذي يشغل المحطة ويغلقها(محطة صغيرة). *إعتمد التلفزيون إبتداءا على كوادر من الانتاج السينمائي والإذاعة والبوستة والتصوير الفوتوغرافي لوزارة الاعلام. *تم إبتعاث مجموعات الى المانيا ثم مصر وهولندا وتوالت بعدها البعثات وذلك لتكوين فرق مدربة تدير العمل. *في منتف الستينيات تم ادخال اجهزة تسجيل 2بوصة وواحد بوصة. *في العام 1975م تم إنتقال البث الى نظام الالوان(بال) بعد أن كان قبلها على نظام (سيكام) ابيض واسود. *تم إنشاء الأستوديوهات الحالية في ذات العام (النيل الأبيض والأزرق وعلي شمو حاليا) بعد أن كانت الاستديوهات في مبنى فندق المسرح(عمارة البرامج حاليا) *بعدها توسعت الغرف الفنية و ادخلت أجهزة حديثة كاجهزة اليوماتك وسيوبر (VHS) والبيتاكام وبعدها النظام الرقمي بموديلاته المختلفة. *حتى ذاك الوقت (سبعينيات القرن الماضي) لم يكن للتلفزيون هيكل إداري واضح وكان موظفوه يعينون على بند العطالة(بند الهندي) في اشارة الى الشريف حسين الهندي وزير المالية في الستينيات الذي ابتكر هذا البند في ميزانية حكومة السودان وقتها نواصل....
11-10-2019, 02:22 PM
محمد بشير عبادى محمد بشير عبادى
تاريخ التسجيل: 04-12-2016
مجموع المشاركات: 1162
*كانت النقلة الكبرى لتلفزيون السودان في يونيو عام 1995م عندما تحول من البث الأرضي إلى البث الفضائي على عهد المهندس الطيب مصطفى مديرعام التلفزيون وقتها وقد كنا محظوظين أن تم تعيينا في هذه الفترة(تم التحاقنا بالتلفزيون في يناير 1995م) وعاصرنا أخريات أيام البث الأرضي وبداية إنطلاق البث الفضائي. *كنا أول مجموعة من المخرجين تظهر أسماءهم على تتر الأخبار (كان قبلها المخرج لا يكتب أسمه على تتر الختام للنشرات الاخبارية)،بجانب أساتذتنا أبوالحسن الشاذلي وناجي عبدالمنعم راضي وسهير مصطفى الشيخ وأخي وزميلي هشام الشيخ (مخرج الآن في قناة الحدث في دبي)..وكان قد سبقنا في اخراج الاخبارقبل البث الفضائي أستاذنا سيف الدولة الملثم وأستاذنا الدكتور الأرقم الجيلاني (الآن أستاذ جامعي في إحدى الجامعات العمانية) وقد غادرا التلفزيون مع بداية التحاقنا له. *حتى إنتقال التلفزيون للبث الفضائي لم يكن لنشرة الأخبار سيناريو تنفيذ مفصل ولم يكن لها مده محددة (حسب الاحداث وسخونتها) مرة قد يطول زمنها ومرة قد يقصر وبالتالي لم تكن لها عنواين مصورة ولا فواصل ولا ايقاع بسرعة متوازنة حتى الاخبار المصورة المصاحبة للتعليق الصوتي تقصر مدتها أحيانا مما يتسبب في قطع الصورة وهكذا..بل لم يكن لادارة الاخبار هيكل اداري واضح ولا وصف وظيفي ولا معايير مهنية تحدد مهام العمل والاختصاصات الفنية والادارية. *في العام 2000م تم اقامة ورشة لتطوير الاخبار في تلفزيون السودان بحضور لفيف من الخبراء داخل وخارج التلفزيون على رأسهم أستاذنا علي شمو وأفخر أنني قدمت ورقة علمية شاركني في إعدادها الأخ هشام الشيخ لتطوير الأخبار وجدت الإشادة من جميع الحضور بما فيهم أستاذنا شمو وفي محاضرته عقب ذلك أبان أنه سعيد أن يشهد من أبناء التلفزيون من يقدم عملا مخططا على اسس علمية افتقدناه طوال العقود السابقة وهذه شهادة اعتز بها وقلادة افاخر بها طوال حياتي، بعدها تم طبع هذه الورقة كدليل للأخبار موجود حى الآن في ادارة الأخبار رغم تعاقب الكثيرين على هذه الادارة الحيوية،فما خطته يدانا صار مدرسة الآن في تلفزيون السودان ولله الحمد. *من المنجزات في ذاك العهد أيضا(بداية الألفية الثالثة) بجانب التوسع في البث والانتاج والاستعاضة عن شبكة المايكرويف التي توسعت في عهد الرئيس الراحل جعفر نميري الاستعاضة عنها بالاقمار الاصطناعية التي نقلت صورة السودان الى العالم ..بجانب ذلك كان التوسع في التدريب الخارجي والإنفتاح على المحطات الدولية للتدريب ومراكز التدريب الأوروبية والماليزية والهندية وغيرها وقد كان نصيبنا أن تم إبتعاثي كاول مخرج للأخبار من تلفزيون السودان إلى قناة الجزيرة في قطر بجانب الأخوين المخرج كباشي العوض والمخرج حاتم بابكر(مدير قناة العالمية الآن)،تلقينا في هذه الدورة دروسا نظرية وعملية في انتاج وإخراج نشرات الأخبار والبرامج الحوارية المباشرة (هذا قبل إنشاء مركز الجزيرة للتدريب)،فقد تم تدريبنا داخل أستديوهات القناة وغرفها الفنية.. نواصل
11-10-2019, 02:45 PM
محمد بشير عبادى محمد بشير عبادى
تاريخ التسجيل: 04-12-2016
مجموع المشاركات: 1162
*من المنجزات المهمة أيضا في منتصف التسعينيات وحتى العشرية الأولى من الألفية الثالثة والتي كان لنا شرف المساهمة فيها هو مشروع هوية تلفزيون السودان فقد كونت لجنة لهذا الغرض برئاسة المغفور له بإذن الله البروفيسور أحمد عبدالعال وهو مصمم شعار التلفزيون الحالي،قامت هذه اللجنة بعمل موجهات وتصميمات شملت ديكورات وشعارات البرامج حتى الأزياء في إطار مشروع متكامل للهوية التلفزيونية وأسست بعدها إدارة للهوية أسندت الى استاذنا الدكتور محجوب محمدأحمد ، *تسلمت مهام إدارة الهوية بعد أستاذنا محجوب الذي وضع لها دليلا وكان له جهدا مقدرا في انشاءها،في فترة توليتي لمنصب مدير الهوية قمت بإعادة تأسيس الإدارة ووضع هيكل إداري لها وإعداد كتيبات تحوي معايير ضبط الجودة للبرامج ولأول مرة في تاريخ التلفزيون أن تتم عملية توحيد شعار التلفزيون شكلا وموسيقى وحركة (الشعارالحالي الذي يبث يوميا على تلفزيون السودان) وذلك بعد أن كان للتلفزيون عده شعارات بموسيقى اجنبية لا دلالة لها ،فقمنا باختيار موسيقى(عازة في هواك) كمقطوعة ونشيد وطني لسودنة شعار التلفزيون وهنا لا انسى جهد الأخوين شريف شرحبيل وطارق جويلي الذين قاما بتنفيذ واعادة توزيع المقطوعة لتتناسب مع حركة وزمن الشعار حتى خرج بصورته الحالية والتي يبث عليها منذ اكثر من عشر سنوات فرسخت صورته في مخيلة اهل السودان وغيرهم وهكذا هي وظيفة هوية المحطة التلفزيونية (وضع البصمة المميزة عن الاخرين). *في هذه الفترة قمنا باعادة هوية جميع البرامج لتتناسب مع هوية المحطة من حيث الديكور وتصميمات الجرافيكس والفواصل والترويج وازياء ومكياج المذيعين ومقدمي البرامج وضبط جودة كافة مراحل الإنتاج بمعايير محددة ومكتوبة لاول مرة في تاريخ تلفزيون السودان منذ تأسيسه بداية الستينيات... نواصل...
11-12-2019, 07:08 PM
محمد بشير عبادى محمد بشير عبادى
تاريخ التسجيل: 04-12-2016
مجموع المشاركات: 1162
يا قسم الفضيل ياخوي ،خدر شنو البترقيهو لي كوز؟!! ده زول إنتهازي تبع أي نظام ،ده كان ربيب كيزان أكل من فتاتهم بعدين ساحات فدا شنو البشتغل فيها خدوري؟ ده كان بتاع تجميع صور أخبار(News Gathering)..كان بشتغل على وحدة قديمة كده إسمها(4A) أول وحدة خطية عرفها التلفزيون منذ السبعينيات يعني كان نقلتي بتاع صور بنظام (machine to machine) ، قال ساحات فدا قال،ياخي ده كان مشروع كبير عنده مراسلين حربيين مدربين وعنده اجهزة متطورة وقتها وعندهم اطقم عمل مدربة ومؤهلة وفي نفس الوقت بتاعين حرابة ودواس خدر شنو البداوس ؟؟!!ده والله صاروخ بتاع العاب نارية حق الشفع داك لو اتفجر جنبه ما يقبضوه الا في بخت الرضا ههههههههههه..بعدين لعلمك لما (بارانويته) كتر عليه وزادت طنقعته ولأنه شغل الأخبار حساس وما بتحمل وعندها أوقات محددة،عفيناه من تجميع الاخبار بقينا نجمع نحن مخرجين الاخبار برانا ونمنتج ،هو كان بيجي يلعب الفيديوهات على الهواء يعني بقى أقل من نقلتي بقى(switcher) يعني منفذ ومشغل فقط..أنا استغربت لما لقيته طايح في الناس هنا ههههههههه معناها ناس المنبر ديل طيبين خلاس...
11-18-2019, 04:40 AM
قسم الفضيل مضوي محمد قسم الفضيل مضوي محمد
تاريخ التسجيل: 01-08-2013
مجموع المشاركات: 2608
Quote: خدر شنو البترقيهو لي كوز؟!! ده زول إنتهازي تبع أي نظام ،ده كان ربيب كيزان أكل من فتاتهم بعدين ساحات فدا شنو البشتغل فيها خدوري؟ ده كان بتاع تجميع صور أخبار(News Gathering)..كان بشتغل على وحدة قديمة كده إسمها(4A) أول وحدة خطية عرفها التلفزيون منذ السبعينيات يعني كان نقلتي بتاع صور بنظام (machine to machine) ، قال ساحات فدا قال،ياخي ده كان مشروع كبير عنده مراسلين حربيين مدربين وعنده اجهزة متطورة وقتها وعندهم اطقم عمل مدربة ومؤهلة وفي نفس الوقت بتاعين حرابة ودواس خدر شنو البداوس ؟؟!!ده والله صاروخ بتاع العاب نارية حق الشفع داك لو اتفجر جنبه ما يقبضوه الا في بخت الرضا ههههههههههه..بعدين لعلمك لما (بارانويته) كتر عليه وزادت طنقعته ولأنه شغل الأخبار حساس وما بتحمل وعندها أوقات محددة،عفيناه من تجميع الاخبار بقينا نجمع نحن مخرجين الاخبار برانا ونمنتج ،هو كان بيجي يلعب الفيديوهات على الهواء يعني بقى أقل من نقلتي بقى(switcher) يعني منفذ ومشغل فقط..أنا استغربت لما لقيته طايح في الناس هنا ههههههههه معناها ناس المنبر ديل طيبين خلاس...
. . . .
11-18-2019, 05:32 AM
mohmmed said ahmed mohmmed said ahmed
تاريخ التسجيل: 10-25-2002
مجموع المشاركات: 8793
. خدر الطيب يا عبادي زول أرزقي وما عنده مبادئ وقبل فترة لقينا ليه كابشر بكسر فيه حطب للطيب مصطفى ... والآن بكل قوة عين ركّب ليه مكنة مناضل 8 سلندر وشغال فليع بالحجار وعامل فيها هو الأسقط حكومة البشير ... لو جاء الشفيع وراق هنا وفتا لينا الهطلة يكون ما قصر ...
11-20-2019, 04:42 AM
mohmmed said ahmed mohmmed said ahmed
تاريخ التسجيل: 10-25-2002
مجموع المشاركات: 8793
دي اسرار نووية .. و نو واي انو يفصح عنها صراحة الا بعد مداخلتي هذه لكن جات في معرض مداخلتو الفوق ديك اربعة اسماء دون ان يشعر قلت ليكم في بوست سابق انو الزول دا مجنتر لما اتفجر لغم دبابة في شاحنة كانت قدامو جرى عشرة كيلو لحقوهو قبضوهو جماعتو الصبرة دا جابوهو برجف و حالتو حالة و الله انا كنت متخيلو مات من زمان او مربوط بالسلاسل في كراع عنقريب في كدباس لكن طلع حي يفرفر و جاي هنا راجع عشان يعلف تاني من اي نظام قادم النوع الصبرة دا ما بعيش الا في ظل انظمة فاسدة و متعفنة شاهد الفيديو التحت دا في بداية البرنامج في التترات بتشوف اسماء المعتوهين ديل و تعاقب على انتاج هذا البرامج عدد كبير من المأفونيين نصهم هلك و اصبح بترول هسي .. و الباقين مجانين بمنو انفسهم بالحور العين ذي ما وعدهم شيخهم الهالك الترابي لا لمو في الحور العين و لا في الحور الطين , ورجعو من طين الى طين ..تباَ لهم مأفونين
11-20-2019, 06:05 AM
خضر الطيب خضر الطيب
تاريخ التسجيل: 06-24-2004
مجموع المشاركات: 10216
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
محمد بشير عبادى
محمد البشرى الخضر
Abdullah Idrees
خضر الطيب
احمد حمودى
علاء سيداحمد
abdalla elshaikh
قسم الفضيل مضوي محمد
mohmmed said ahmed
فيس بوك
تويتر
انستقرام
يوتيوب
بنتيريست