|
|
|
 Re: إعتذار للقراء والمحبين (Re: ترهاقا)
|
| Quote: لطباعة ونشر وتوزيع أعمالي الكاملة، |
بس ما تنسانا في حفل التدشين. ..
وسنقوم بإحياء الحفل مجانا احتفاء بهذه المناسبة السعيدة والكبرى
...
قلت لي كم سنت؟
| |
 
|
|
|
|
|
|
|
 Re: إعتذار للقراء والمحبين (Re: AMNA MUKHTAR)
|
.
يا بكري ..
وقعت العقد على كم مليون نسخة ؟
.
.
غايتو أنا ح اشتري نسخة وأعمل ليها اسكانق واوزعها على قروبات الواتس والفيس ..
ح تقول لي كدة بتخسرني .
بقول ليك الشهرة لا تشترى بالذهب ...
| |
|
|
|
|
|
|
|
|
|
Re: إعتذار للقراء والمحبين (Re: جلالدونا)
|
😂😂😂
Quote: قالت لى غبى زى سؤالك ده
امشى وسّع ماعون ادراكك |
حبوبتك ذكية أيها المدعو جلالدونا
لأنو السؤال جا منك إنت، هي عرفت إنو سؤال إستفهامي وبالتالي سؤال غبي.
لو كانت عارفة إنو أنا السألت السؤال دا، كان عرفت إنو دا سؤال إستنكاري لقلة المبلغ المدفوع في الشهر.
فياريت تسمع كلامها وتوسع ماعون إدراكك.
| |
|
|
|
|
|
|
|
|
 Re: إعتذار للقراء والمحبين (Re: جلالدونا)
|
ول أبا أبو بكر،
أنت خطير .. يعنى الدولار وصل 81,328.01050541021؟
وهذا يعنى الواحد يكون ملياردير لو عنده 12,295.88666666667 نختصر الأرقام الكسرية نصل 12,295.89 دولار
أي، أثنتا عشرة ألف ومئتان وخمسة وتسعون دولار وتسعة وثمانون سنت ..
في نظرك الحل شنو للمعضلة؟
بريمة
| |
|
|
|
|
|
|
|
|
Re: إعتذار للقراء والمحبين (Re: Biraima M Adam)
|
غايتو جنس محن هن
مع ضيق ادراكى المشكلة ما لاقى ماعونى
كمان اقوم و اقع فى استنكارى و استفهامى
لكن ما برجع ليها عشان ما تهجمنى بى استمولانى
و ابقى لا فى العير و لا فى النفير
بمشى على جدّى السموأل
اصلو ما فارقة معاهو
ايدو قبل لسانو
طالوش بس
حبوبتى ليمياء لامن تجى سيرتو
تستعوذ و تتحولق و تسبسمل و تقول
الاشتر هيّن الكلام المشوتر
| |
|
|
|
|
|
|
|
|
|
Re: إعتذار للقراء والمحبين (Re: Khalid Basheer)
|
ول أبا أبو بكر
أنت جدك شيخ اللمين الأمين رجل بر وإحسان .. الأمين التانية لقب جدك لدي البقارة في منطقة شركيلا بجنوب كردفان .. يا أخ المبلغ دا ما تكرم به أهل شركيلا وأنزل كتبك في أمازون بالمجان يلتقطها الناشرون ..
بالله بأمانة الموضوع أنت جادي هل أنت جادي ..؟ يا أخ شككتنى في فهمي لموضوعك ..
بريمة
| |
|
|
|
|
|
|
|
|
|
Re: إعتذار للقراء والمحبين (Re: Biraima M Adam)
|
الاخ الاستاذ ابوبكر عباس
نفرح كثيرا للانتاج الفكري لكل سوداني ونحن شحيحون في التوثيق والكتابة
واصبحنا اكثر شحا في القراءة
زرت معرض الكتاب بارض المعارض في شهر اكتوبر ٢٠١٩
وكان من بين حملي ما وصفته انت قائلا:
كتبي سوف تكون جنباً إلى روايات مروان حامد الرشيد الثلاثة؛ مندكورو، الغنيمة والإياب وجسر شمانول.
أبو الزفت ذاتو
واسأل الله ان ييسر لنا قرأت كتبه
الزمن في السودان ممحوق
اسا انا جاي من فطور عقد بالثورة
وسيتم العقد بعد صلاة الجمعة ببحري
والزفاف في صالة بالخرطوم
شفتا كيف الزمن هنا بيتبعثر
وواجب علينا الحضور طيلة اليوم لأنه زواج اسرة
اتمنى لك كل توهج وحضور في الدور والمكتبات وعقبال الجايات
عارف عندي خالي مشهور باسم الجفري
عمل ضابط اداري حتى ترقى لمنصب مساعد محافظ
وبعد المعاش كتب سيرته الذاتية حتى تقاعده
اهداني نسخ من كتابه
ايام لها ايقاع
قال لي يا ولد يا علي لو كنت عارف الكتابة بجيب قروش قدر دا ما كانت اصلا اشتغلت موظف
الف الف مبروك يا استاذ
| |
|
|
|
|
|
|
|
|
|
Re: إعتذار للقراء والمحبين (Re: Ali Alkanzi)
|
ايها المستنير الكبير
اغول لك كما غال جيلي عبدالرحمن ذات "هجرة من صاي"
بنى .... إذا ما وسلت بخير
وأعطاكم الله من عنده
فقل لأبيك ... تذكر أخاك
تذكره دوماً ... وعلى بعده
| |
|
|
|
|
|
|
|
|
|
Re: إعتذار للقراء والمحبين (Re: عبدالله عثمان)
|
قل لأبيك بكسر القاف
وتذكر صاحبك
ألفين شهر حداشر كان أول معرض كتاب أحضرو بالشارقة، مشيت اليوم الأول وبقية الأيام كنت عيان ومدمدم والزمن داك ما كان عندي حبيبة غير أهلي، وأنا تحت البطانية صنعت واحدة وقلت ليها بيت شعر من أغنية قديمة:
لو كلمتي طيفك قلتي يزور ضريحي
والكان مخوفني يدفنوني في الشارقة، لأنها في الصيف حارة جداً، لكن الطمني شويّة انو كنّا في شهر حداشر، على دوب يجي الصيف لحمي بكون إتحلل والعضام بتحمل السخانة.
كنت ساكن لي في استديو في المجرة والاستديو تمامة إيجار بتاع مُعاوية الزبير غلبو يدفع الايجار قال لي تعال تم العقد،
قلت ليهو بتمو، لكن ما تسكن معاي؛ وافق
بعد يومين جاب شنطتو وجاء راجع يسكن معاي من غير ما يدفع
حنني
سكنتو معاي، لكن رفضت أخليهو يجيب سرير وكان شرطي ينوم في الواطة
ما كان عندو خيار.
في نهاية الاسبوع بجينا هاشم الحسن من راس الخيمة
في المداخلة الجايّة برجع للنقطة الأساسية ما تخافو
| |
|
|
|
|
|
|
|
|
|
Re: إعتذار للقراء والمحبين (Re: اخلاص عبدالرحمن المشرف)
|
أصلاً قبل ستوديو المجرة كنّا ساكنين في بيت عزابة أرضي بالقادسية جنب مستشفى الكويت،
بيت العزابة دا يوم الخميس كان بلم الدنيا كلها وفِي هذا البيت نشأت بيني ومأمون عجيمي علاقة وثيقة،
مامون دا أبوهو شيخ العجيني مذكور في مدحة التمساح،
يوم خميس والشراب مدور، دقوا لينا إماراتيين مطاوعة الباب، فتحت ليهم الباب باعتباري وعبود الوحيدين الما شاربين،
قال لو لي قاعدين تسكروا؟
قلت ليهم بثقة لا وأصريت عليهم يدخلوا الأوضة الطرف وقلت ليهم عندنا صديقنا عريس محتفلين بيهو وأصريت عليهم إصرار ناس القرى داك إلا يتعشوا معانا،
خجلوا خجل شديد واعتذروا لينا
تاني يوم واحد منهم جاب ليهو سلة فواكه ودخل اتونس معانا
قال لي اسمك منو؟
قلت ليهو أبوبكر
قال لي أقول ليك نكتة، لكن ما تزعل
قلت ليهو قول
قال: سوداني سألوهو الرسول (ص) اسمو منو؟
السوداني قعد يتذكر ويتمتم ب اللهم صلي على سيدنا محمد
اللهم صلي على سيدنا محمد
في الأخير قال ليهم: أبوبكر؟
| |
|
|
|
|
|
|
|
|
|
Re: إعتذار للقراء والمحبين (Re: اخلاص عبدالرحمن المشرف)
|
المقدمة الصغيرة في المداخلات الفاتن داير أعرج بيهن لعلاقتي بمعارض الكتاب بالامارات وملاحظاتي لجنود عجيبين كل سنة يتكبدوا مشاق السفر ويجوا شايلين المكتبة السودانية للامارات.
المشكلة كيف أصلاً أتكلم عنهم
هسّ ذكرت نشأت علاقتي بمامون عجيمي، ما ممكن أمشي لموضوع المعرض وما أتكلم عن زول عظيم عظمة شديدة من شلة الشارقة اسمو بابكر الخطيب
أقول ليكم حاجة
نتم الكلام دا بكرة بعد نزور عبد الله عثمان بمصفح
| |
|
|
|
|
|
|
|
|
|
Re: إعتذار للقراء والمحبين (Re: النذير حجازي)
|
النذير كيفك
من ناحية كتابته بتجيب بتجيب ( ينافس الكتاب في رزقهم )
كتابته سينمائية يعني مثلآ سيف البرق و الفلاش باك في كتابته
والانتقال من زمن لإخر دي في نظري ترشحه لعمل الأفلام
اليومين ديل بقرأ في أعمال مترجمة لفرانز كافكا. وأقارن مع
هيتشكوك وافلام الرعب ، بكة النقيض لي كافكا
| |
|
|
|
|
|
|
|
|
|
Re: إعتذار للقراء والمحبين (Re: أبوبكر عباس)
|
| Quote: عموما كان غلط كان صاح أنت تستاهل كل خير . |
لمان قالوا لي صاحبك الملك مرشح للسيادي، أول حاجة فكرت فيها أنو ممكن تحتاج لي فرصة أدخل القصر الجمهوري،
إتا ما عارف غرامي بالمباني الأثرية قدر شنو؟
وفكرت أطلب من أطل من الشرف المطلة على النيل وأتخيل نفسي غردون يترقب النجدة من النيل،
بنط الفترة الهجم فيها الجهادية على القصر في خيالي وبصل للأزهري رافعاً للعلم
يا أخي ضيعت علينا فرصة
| |
|
|
|
|
|
|
|
|
|
Re: إعتذار للقراء والمحبين (Re: أبوبكر عباس)
|
غاب عن المعرض هذا العام الشيخ أحمد عووضة بسبب المرض عن الشركة العالمية للطباعة والنشر.
تقريباً لم يتخلف الشيخ عووضة وزوجته عن كل الدورات السابقة وظلوا حريصين على نشر وطباعة الكتب السودانية،
الموضوع دا فيهو مجهود جبار منهم دون عائد كبير منه
للشيخ عووضة ونتمنى له عاجل الشفاء
| |
|
|
|
|
|
|
|
|
|
Re: إعتذار للقراء والمحبين (Re: أبوبكر عباس)
|
Quote: كنت ساكن لي في استديو في المجرة والاستديو تمامة إيجار بتاع مُعاوية الزبير غلبو يدفع الايجار قال لي تعال تم العقد،
قلت ليهو بتمو، لكن ما تسكن معاي؛ وافق
بعد يومين جاب شنطتو وجاء راجع يسكن معاي من غير ما يدفع
حنني
سكنتو معاي، لكن رفضت أخليهو يجيب سرير وكان شرطي ينوم في الواطة
ما كان عندو خيار. |
هههه هسي في داعي لشيل الحال ده؟
عموما نحن من التراب وإليه نعود
بس ما تنسى بعد أنا انتقلت للدوحة خليت ليك كل أثاث الاستديو..
ومعاهو كُتُب
الأخيرة دي عشان نرجعك لموضوعك الأصلي
| |
|
|
|
|
|
|
|
|
|
Re: إعتذار للقراء والمحبين (Re: معاوية الزبير)
|
Quote: نشأت بيني ومأمون عجيمي علاقة وثيقة،
مامون دا أبوهو شيخ العجيني مذكور في مدحة التمساح، |
شوف يا مستنير جنس اللخبتة دي ما بنمررها ليك
شيخ العجيمي ما مذكور في مدحة التمساح إنما المذكور هو العجمي حمد ولد الملك موسى.
والعجمي كان حوار لأولاد جابر وقد ساكنهم في الدفار ثم رحل معهم إلى جزيرة ترنج وذلك في اواخر القرن السادس عشر.
وورد ذكره في المدحة مرتين
يا أولاد جابر بعجميكم
ومرة تانية قال
يا العجمي اب رزقا صيادي
أما الشيخ العجيمي مؤسس سجادة العجيمية فهو قد يكون حفيد متأخر للعجمي ولد في بدايات القرن العشرين بقرية البرصة
وللعجيمية خلاوي مشهورة بقرية البرصة الواقعة قرب الكرفاب وفي الضفة الشرقية للنيل المقابلة لكورتي
| |
|
|
|
|
|
|
|
|
|
Re: إعتذار للقراء والمحبين (Re: Hafiz Bashir)
|
ونسيت اقول ليك العجيمية عندهم مسجد جنوب مركز شباب السجانة
يتميز بإنو صلاة الجمعة فيهو بتبدأ متأخرة
فلو كنت من سكان السجانة او المايقوما او الديم وفاتتك الصلاة في مسجد الختمية (مسجد الشايقية) الفي المايقوما وهو مسجد يتميز بقصر الخطبة والصلاة
ممكن تحصل الصلاة في مسجد العجمي.
| |
|
|
|
|
|
|
|
|
|
Re: إعتذار للقراء والمحبين (Re: جلالدونا)
|
يا مستنير
بخن بخن
ما يعجبتي في سردياتك انو الزول نا بيقدر يتبنأ بالجملة التالية للحملة البقرأ فيها بتكون شنو
تاس كتار كتاباتهم زي التوصيات الختامية لمؤتمرات "الغمة" العربية
ممكن الواحد يكتبها قبل ما الجماعة يستفوا شنطهم ويسافروا للقمة
الحتة دي هي البتخليني أبدأ جريدة الشرق الأوسط بالقلبة سمير عطا الله وطوالي باقي الجريدة على الشريدر لأنو ناس بريمة بقول يدونا الطعمية في فويل
شفت ميف
يا مستنير من تنسى الطية الماشة السودان
| |
|
|
|
|
|
|
|
|
|
Re: إعتذار للقراء والمحبين (Re: عبدالله عثمان)
|
أكره أن يكون المدعو مولانا حافظ بشير على حق.
المهم يبدو أن الطريقة العجيمية أحدث من تمساح الشايقية.
حدثني غوث الزمان عبد الله عثمان حديث مقامات صوفية عن إنتقال أنوار السادة العجيمية بعد أن قرزت بقرة تقابة مسيدهم بالبرصة إلى صاحب الزمن إمام الأولين والآخرين غوث أغواث الزمان الدنقلاوي حلاب التيس.
شلت التلفون وليس معي رقم مامون عجيمي وأخترت أرقام عشوائية واتصلت بالسودان، صدق حدسي بالأرقام وكان المجيب مامون نور الدائم عجيمي.
بعد المكالمة قلت في نفسي ما الداعي من استخدام التلفون وكان من الممكن التواصل معه بدون وسيط؟
ردّ (هاتف) من داخلي:
الأسباب يا مستنير تمنع الفتنة
| |
|
|
|
|
|
|
|
|
|
Re: إعتذار للقراء والمحبين (Re: أبوبكر عباس)
|
| Quote: بعد المكالمة قلت في نفسي ما الداعي من استخدام التلفون وكان من الممكن التواصل معه بدون وسيط؟ |
يا مستنير لو أنك قلت " إن كان مولانا قد كتب فقد صدق"
لفتحت لك من الأنوار ما كان يغنيك عن التواصل معه.
| |
|
|
|
|
|
|
|
|
|
Re: إعتذار للقراء والمحبين (Re: Hafiz Bashir)
|
بإذن واحد أحد سوف أعود للكتابة هنا في مايو ألفين وعشرين.
حتى ذلك الحين أترككم في وداعة الذي لا تضيع وداعته
ألف شكر لكم أيها الأحباب وداعواتكم لي أخلص الكتابة سلام
على بركة الله
| |
|
|
|
|
|
|
|
|
|
Re: إعتذار للقراء والمحبين (Re: أبوبكر عباس)
|
نقول مبرووك واضافة عالمية للمكتبة العالمية برضو
وحبيت اصحح اسم الاستاذة صاحبة دار مدارك للنشر (سناء وليس سوسن ) ان لم تكن تعني دار النشر مدارك
ومني كل الامنيات الطيبة
| |
|
|
|
|
|
|
تعليقات قراء سودانيزاونلاين دوت كم على هذا الموضوع:
at FaceBook
| |
أبوبكر عباس
محمد على طه الملك
Hafiz Bashir
ترهاقا
Ahmed Yassin
قسم الفضيل مضوي محمد
جلالدونا
Khalid Basheer
Biraima M Adam
Ali Alkanzi
عبدالله عثمان
النذير حجازي
معاوية الزبير
عبد الخالق عابد
نعمات حمود
فيس بوك
تويتر
انستقرام
يوتيوب
بنتيريست