|
Re: ▪ قمرُ توشَّحَ بالسَحابْ... £ (Re: دفع الله ود الأصيل)
|
Quote: الأزمة أزمة عدل ، موش مساواة |
غايتو يا ود الأصيل حكايتك بتاعة الصرار ديك مبالغة .. والمفارقة فيها انو في عالم الحيوان بصرروا الاناث ، وفي عالم الانس والجن بصرروا الذكور .. ماعلينا ، نرجع للعدل والمساوة .. قبيل وأنا طالع من البيت ، أشرت لي المدام على كيس نفايات كبير، و قالت لي شيلو معاك أرميهو بره في صندوق الزبالة .. طبعا السودان هو البلد الوحيد في العالم المافيهو نظام صناديق قمامة على رأس كل شارع، وعربات مخصصة تفرغ هذه الصناديق في جوفها مرتين كل يوم، لتفرغها في مكب مزود بأحدث تقنيات الفرز والتصنيف وهلم جرجره .. ما مهم ، المهم الباعوض ما يكون لسه شغال بيرضع في دمكم مع خريف أبو سعن الطويل ده .. والمهم شلت كيس القمامة وبقيت (أنقنق): (ليش الرجال هم البشيلوا أكياس الزبالة ودايما والنسوان ما بقومن بالمهام الصعبة دي؟) - قلت شنو ؟ يعني دايرني أنا المرة أعتل الشوال ده وأوديه الشارع وانت ماشي جمبي مدلدل ايديك ؟ - طيب لما أشيلو أنا ما أنت برضك بتمشي جمبي مدلدلة ايديك .. - ما أنا قبيل الحاجات الفي الكيس ديل كلهم وضبتهن أنا ، نضفت الخضار وكنست البيت ، ولميتن ليك الزبالة كلها في كيس واحد وانت ما عليك الا تشيل وتجدع .. - طيب أنا أول أمبارح ما شلت نفس الكيس ده ورميتو ، هو الكيس ده بتملي كل يومين من وين؟ - أجي ، دي ما أكياسك البتخمها وتجيبها عشان نجهز لك منها الاكل والشراب . - يعني عشان الأكل والشراب أنا كل يومين أخسر قروش وأتعب أجيب أكياس حاجات داخلة ، وبعد شوية أشيل الاكياس دي تاني مليانة زبالة وأوديها الشارع؟ طيب دي ما خسارة قروش ووقت وتعب ساكت - خلاص خليهو الاكل تاني ، عشان لا انت تخسر وتتعب .. ولا أنا أطبخ وأكنس . - والله دي فكرة عظيمة ، نحن قصة الاكل والشراب دي نشوفلها صرفة ونوفر قروشنا ووقتنا لحاجة مفيدة - خلاص ، وانا زاتي ارتاح من قصة الوجبات الما بتنتهي دي، يفوت الفطر نشيل هم الغدا ، يفوت الغدا نبدأ ندبر في العشاء، ننتهي من الاكل نقبل على الشراب ، شي موية باردة وشي شاي وشي عصاير .. - لا خلاص اتفقنا ، من بكرة أنا بتدبر حكاي البديل دي .. - جميل والله ، أها ويكون البديل شنو ؟ - والله طبعا وحسب معلوماتي الاكل والشراب ديل فائدتهم يوفروا الطاقة اللازمة لتشغيل وظائف الجسم - ده كلام سليم ، طيب وانت ناوي توفر الطاقة البديلة دي من وين .. - والله أنا مفكر أصنع لي جهازي صغيروني كدة وأبرمجه على انو يحول الطاقه الكهربائية لطاقة بشرية يمتصاها الجسم ويتغذى منها وما يفكر تاني في أكل أو شراب .. - أيواا ، والجهاز ده حا يتوصل كيف في الجسم؟ - أنا أفضل أنه تكون في بطارية يتم شحنها من قابس كهربائي عادي، يعني الزول بدل ما يكون مدلدل سماعة الهاتف وبس، تكون في وصلة صغيرة يقوم من الصباح يوصلها ويشحن بطاريتو ويلف السلك في أضانو أو مع شعرو .. البطارية دي تشغلوا لي وقت المغرب ولما يجي راجع البيت ويشحنها تاني تكملوا باقي اليوم لحدي ماينوم .. - فكره كويسة ، وبي كده فاتورة الكهرباء بتكون أقل من فاتورة الخضار واللحم والفواكه والعصائر , صح؟ - تمام ، وبكون على كل زول يوفر كم بطارية إضافية (خارجية) اذا بذل شغل إضافي يتزود من الإضافية ، ومن الممكن يعملوا فيه منافذ خارجية يغذي من جسمه موبايلو ولابتوبوا اذا بطاريتهم نفدت .. - وماتنسى تعمل وصلة للتغذية من العربية ، لزوم الزول لما يكون في سفر ما كل مره يغشى الكافتريا والاستراحات في الطريق - أيوااا ، وكمان ممكن نعمم التجربة دي للحيوانات ، يعني تاني لا نزرع ولا نحصد ولا نتعب في شراء البرسيم والقش ، بطارية صغيرة ميد ان جاينا ونتفك من مشكلة الغذاء العالمي .. - طيب البهايم زاتا لزوما شنو اذا كنت انت مابتحتاج لحم ولا حليب ولا بهيمة تركب عليها وتشيل فيها عفشك ؟ - كيف ما في ليها لزوم ، مالازم تكون عندنا بهايم عشان نمييز بين الانسان والحيوان ونعرف قيمة تفكيرنا .. - يلا طيب عشان تعرف قيمة تفكيرك شيل الزبالة دي، ولما تجي جيب معاك الجهاز القلت عليهو دا ، وماتنسى تجيهن اتنين لاني من اليوم لا عندي اكل ولا شراب في البيت ده ..
أسه ياود الأصيل أخوك متورط، وعايز أموت من الجوع وماعارف أنسحب من كلامي داك كيف، وكنت بتمنى لو شلت الوقت داك الف كيس زباالة من ما أفكر عينة التفكير الإيجابي ده
|
|
|
|
|
|
|
العنوان |
الكاتب |
Date |
▪ مَنْ هُوَ قائِلُها £ | دفع الله ود الأصيل | 10-09-19, 05:02 AM |
Re: ▪ مَنْ هُوَ قائِلُها £ | دفع الله ود الأصيل | 10-09-19, 06:03 AM |
Re: ▪ مَنْ هُوَ قائِلُها £ | دفع الله ود الأصيل | 10-09-19, 06:17 AM |
Re: ▪ مَنْ هُوَ قائِلُها £ | دفع الله ود الأصيل | 10-09-19, 08:22 AM |
Re: ▪ مَنْ هُوَ قائِلُها £ | دفع الله ود الأصيل | 10-09-19, 08:38 AM |
▪ الفيلة دايرة ليها رفيقة £ | دفع الله ود الأصيل | 10-11-19, 05:24 AM |
Re: ▪ الفيلة دايرة ليها رفيقة £ | دفع الله ود الأصيل | 10-11-19, 08:03 AM |
Re: ▪ الفيلة دايرة ليها رفيقة £ | دفع الله ود الأصيل | 10-11-19, 08:21 AM |
Re: ▪ الفيلة دايرة ليها رفيقة £ | عمر التاج | 10-11-19, 02:31 PM |
Re: ▪ الفيلة دايرة ليها رفيقة £ | دفع الله ود الأصيل | 10-11-19, 04:40 PM |
Re: ▪ الفيلة دايرة ليها رفيقة £ | خضر الطيب | 10-11-19, 04:55 PM |
Re: ▪ الفيلة دايرة ليها رفيقة £ | دفع الله ود الأصيل | 10-11-19, 06:54 PM |
Re: ▪ الفيلة دايرة ليها رفيقة £ | عمر التاج | 10-11-19, 07:00 PM |
Re: ▪ الفيلة دايرة ليها رفيقة £ | Amira Hussien | 10-11-19, 08:05 PM |
Re: ▪ الفيلة دايرة ليها رفيقة £ | دفع الله ود الأصيل | 10-11-19, 10:29 PM |
Re: ▪ الفيلة دايرة ليها رفيقة £ | دفع الله ود الأصيل | 10-12-19, 04:59 AM |
Re: ▪ الفيلة دايرة ليها رفيقة £ | دفع الله ود الأصيل | 10-12-19, 05:30 AM |
Re: ▪ قمرُ توشَّحَ بالسَحابْ... £ | دفع الله ود الأصيل | 10-12-19, 11:37 AM |
Re: ▪ قمرُ توشَّحَ بالسَحابْ... £ | دفع الله ود الأصيل | 10-12-19, 12:17 PM |
Re: ▪ قمرُ توشَّحَ بالسَحابْ... £ | دفع الله ود الأصيل | 10-12-19, 12:24 PM |
Re: ▪ قمرُ توشَّحَ بالسَحابْ... £ | عمر التاج | 10-12-19, 01:04 PM |
Re: ▪ قمرُ توشَّحَ بالسَحابْ... £ | Abdullah Idrees | 10-12-19, 12:29 PM |
Re: ▪ قمرُ توشَّحَ بالسَحابْ... £ | دفع الله ود الأصيل | 10-12-19, 02:15 PM |
Re: ▪ قمرُ توشَّحَ بالسَحابْ... £ | دفع الله ود الأصيل | 10-12-19, 03:17 PM |
Re: ▪ قمرُ توشَّحَ بالسَحابْ... £ | دفع الله ود الأصيل | 10-13-19, 02:28 PM |
Re: ▪ قمرُ توشَّحَ بالسَحابْ... £ | عمر التاج | 10-13-19, 07:51 PM |
Re: ▪ قمرُ توشَّحَ بالسَحابْ... £ | دفع الله ود الأصيل | 10-13-19, 10:32 PM |
Re: ▪ قمرُ توشَّحَ بالسَحابْ... £ | دفع الله ود الأصيل | 10-13-19, 11:24 PM |
▪ يَحِلَّنَا الْحَلَّ بَلَّةَ π√... £ | دفع الله ود الأصيل | 10-14-19, 12:55 PM |
Re: ▪ يَحِلَّنَا الْحَلَّ بَلَّةَ π√... £ | دفع الله ود الأصيل | 10-14-19, 01:06 PM |
Re: ▪ يَحِلَّنَا الْحَلَّ بَلَّةَ π√... £ | دفع الله ود الأصيل | 10-14-19, 01:19 PM |
Re: ▪ يَحِلَّنَا الْحَلَّ بَلَّةَ π√... £ | دفع الله ود الأصيل | 10-14-19, 01:58 PM |
Re: ▪ يَحِلَّنَا الْحَلَّ بَلَّةَ π√... £ | عمر التاج | 10-14-19, 02:19 PM |
Re: ▪ يَحِلَّنَا الْحَلَّ بَلَّةَ π√... £ | السر عبدالله | 10-14-19, 02:36 PM |
Re: ▪ يَحِلَّنَا الْحَلَّ بَلَّةَ π√... £ | دفع الله ود الأصيل | 10-14-19, 06:27 PM |
Re: ▪ يَحِلَّنَا الْحَلَّ بَلَّةَ π√... £ | دفع الله ود الأصيل | 10-14-19, 08:51 PM |
Re: ▪ يَحِلَّنَا الْحَلَّ بَلَّةَ π√... £ | دفع الله ود الأصيل | 10-14-19, 08:52 PM |
▪ سماحة الحِد دَقَنُوس £ | دفع الله ود الأصيل | 10-15-19, 04:45 PM |
▪ يحيا العدل ؛ ثم طُظْ غي يُسمَّى جُزافاً بالمساواة £ | دفع الله ود الأصيل | 10-15-19, 06:52 PM |
Re: ▪ يحيا العدل ؛ ثم طُظْ غي يُسمَّى جُزافاً | دفع الله ود الأصيل | 10-16-19, 00:17 AM |
Re: ▪ يحيا العدل ؛ ثم طُظْ غي يُسمَّى جُزافاً | دفع الله ود الأصيل | 10-16-19, 03:46 PM |
(الحريقااااو هدي باقة هنا في تمرة فوادي) | دفع الله ود الأصيل | 10-24-19, 12:51 PM |
) اللِّختشو ماتو زماااااوووونك) | دفع الله ود الأصيل | 11-10-19, 04:19 PM |
Re: ) اللِّختشو ماتو زماااااوووونك) | دفع الله ود الأصيل | 11-30-19, 01:33 PM |
|
تعليقات قراء سودانيزاونلاين دوت كم على هذا الموضوع:
at FaceBook
|
|