▪ مَنْ هُوَ قائِلُها £

▪ هنا زاوية مونساتية بامتياز. منفرجة و مفتوحة
لكل من لديه ما يُفضفض به من أئُّ كلامٍ (ذي مغزى)
محرحلو في لهاتو ، و عاراف أو حتى مو عارف القايلو
منو حتى صار قولاً طارت به الأخبار و سارت به الركبان.
▪ أول من نستدعي ، بطبيعة الحال ، كل مهتمٍّ و
مهتمة بالتراث ؛ و ليس الجلاكين بالضرورة . زي
أخونا العبار ول أبا بريمة آدم بلل،عمنا الروائي النحرير
عادل أمين، و عمنا علي عبد الوهاب (ضواحي الدنيا)
و لا بأس بأخينا سمعة ، موش رغم ، و إنما بلذات لأنو
صاحب أقوى رأي في ظاهرة المونساتية زاتا. بالتالي
او تكرم و فضى لينا كأحسن ضابط إيقاع لهذه السيرة
و المسيرة. يلا فاصل، مارقين نلقط رزقنا و راجعين.

يعني مسلن ، البيجيب حاجة ممكن يضيف لينا نبذة خاطفة عن مقولته
أو عن قائلِها ، أو حتى لو كانت مثلاً شعبياً ، بمعنى أنه مجهول الوالدين ،
ممكن يمُدنا بفكرةٍ عن البيئة الشعبية اللي نشا فيها ( المثل القديم ساير).

# هذا ، و نُشهِد اللهَُ أنه من وراء قصدِنا هذا على عواهنه، هو أننا
نسعى بجُهد المُقِلِّ و قريصة النملة و بليلة المباشِر و غير مكاشِر،
لنرتِق ما يمكن رتقه مما أفسده العطَّارون و الدهر منه براء ٌ كبراءة
الذئب ، من فتوقٍ داميةٍ و قُروح دنياينا الغائرة التي تأبى أن تندمِل
في جسد هذه الأمة الاستثنائية فهل من مجيبٍ ليٌدلٍي دلوَه . نشوف.

للما لاقي مقولة حاضرة أو لاقيها و لكن مطشش من مصدرها
أو ملاوز من غموض مغزاها ، ممكن يستعين عليها ب(الغوغلة ).
و هو المافي شنو ؛ عم غوغل دا ود لزينة يجيبليك الكلام الداسو في
حنانك و جوة وجدانك. ياخي دا ممكن يحدسكم عن ملاح اللوبة اللي
أكلتوه عمن أول و يكشف لكم مَا تَنفقون وَ مَا تَدَّخِرُونَ فِي بُنوكتِكُمْ
و ما ، إلخ إلهخ . كل ما نرجوه عناء المشاركة أو بالعدم ،المتاوقة.

@ يلا لأ نو قالو صانع الترياق ، البسوِّي السِّم يعوسو لازم بضوقو أول زول .
و عشان نحرر بكانا ح نبدأ ليكم بمقولةٍ لعمنا الشاعر المسرحي الفذ إبراهيم العبادي:
حين أعلنها: " يكفي النيل ابونا و الجنس سوداني." ليُعبِّر بها منذ قديمٍ عما يمكن أن
يفعله سِحر الحوار الهادئ البناء في صنع المعجزات من بثٍّ و تأصيلٍ لحسن النويا
في رَوْعِ المتشاحينين ، و من دفع بالتي هي أحسن للتي هي أخشن، و من رتقٍ لفتوق
النسيج اللا-اجتماعي و تعزيزٍ لامتاء الهوية بين أبناء الجلدة الواحدة و التراب الواحد.

# و هذا يتطلب ، بطبيعة الحال، بعيداً عما كنا ننخدع به من (نهيق) حِمارٍ وطني و مخرجاته
المِخَمِّرةٍ التي انلحست بابِّاح و أكلا التُّمساح . إنما ذلك بشيء قديم جديدٍ بفعل المزيد للانفراج
النفسي و الاخلاقي قبل السياسي والاقتصادي ، لتهيئة المناخات الصحية لاحتضان اللخو و لا
نسميه: الآخرَ، بجديةٍ قولٍ و جدوى فعلٍ وصدق مشاعرَ في صناعة مستقبل واعدٍ و وإنجاز
دستورٍ دائمٍ لسودانٍ قابلس للحياة و لو بربع رطل كرامة في ركاب الأمم لا نطمع في النامية ، بل
حسبنا تلك النائمة على دروب التنمية ، و لن يتم ذلك بتضييقٍ لخناق الحريات، و لا بمصادرةٍ
لموقاف أصحاب و صويحبات الأراء المُخالفة، أو بمقارعة حُجَجِهم بحد السيف و الملاتوف.

# نقول ما تسمعون و نحن نتوجس خيفةً مما نشاهده من تفلتاتٍ هنا وهناك و إطلاق
لصُراخات التكفير و الهجرة روائح الفتنة تكاد تصمٌّ آذان نا وال تُزكمآناف الجيران.

#و ظني الأقرب إلى الاثم منه إلى البِبِّ أن عمنا العبادي رغم أنه مشهودٌ له
بالحصافة و العبقرية الإبداعية ما قال قولته تلك إلا استدراكا على نفسه و تلافياً
لزلة لسانٍ له كانت قد سبق بها السيف العزل و بكليماتٍ ربما سقطن منه سهواً
أو لنقل تحت تأثير نشوةً التجلي مع قرين شعره خياله الوثاب ، نقول سقطنمنه
شذراً فاندسسن خلسةً و ليس عنوةً و اقتدراً في ثنايا واحدة أو اثنتين من أروع و
أبدع ملاحمه التي نظمها شعراً رصيناً للمسرح و أشهرها " المك نِمِر " و
" طه و ريَّا". كان لها دورٌ سلبيُ في تأجيج تنافرٍ حتىلا نذهب به غلى حح نزاعٍ
قبلي تاريخي ظل قائما بين قبيلتين عريقتين هما: بني شاكرٍ و بني جعل حين قال :
جعلي ودنقلاوي وشايقي شن فايداني
غير جعلت خلاف خلت اخوي عاداني
جعلوا نبأنا يسري للبعيد والداني
يكفي النيل ابونا والجنس سوداني.
# و نحن نضيف بدورنا نقطةًً متواضعةً هنا بعد فواصلعمنا العبادي :
إنو موش سليل الفراديس و بس، و إنما النيل الأزرق و بحر أبيض وبحر
الغزال و بحيرات أعالي النيل و أنهر السوباط و الرهد رهدنا هنا الشاق
الفيافي في بطا نة أب علي ، و الرهد أب دكنة ( مسكين ما سكنه)،و الدندر
و اللتبرواي و حتى القاش و شمس الصيف و القيق معاين القيف و خور أبو
حبل و أبو عنجة و خور شميات الشاقي غرباً بالكبجاب و القماير وأبوعنجة
( من فتيح للخور للمغالقمن علايل ابروف للمزالققدله يا مولاي خافي حــالق
بالطريق الشاقي الترام ) و كذلك كل الحفاير و التبوب و الفُوَل و الخيران
المنسية ؛ ديل كولَّهُن ابهاتنا و الجنس سوداني الجوة ورداني بريدو.

▪ من قالها ، و لمَنْ و في حضرة من قيلتْ؟!
[} على عهد خليفة المهدي التعايشي ود تورشين رضي الله عنه و أرضاه،
طبعن دا بقودنا برضو لسرد نوادر مما كان يدور في أروقة بلاطه السطاني
و مواكبه المهيبة تجوب أركان الرعية. و بعضها طارت به الأخبار و سارت به
الركبان ، حتى صارت أمثالاً شعبية و لها مضارب في الذهن الجمعي للأمة.

▪ و هنا واحدة منها اخترنا لها العنوان عاليَه :"الفيلة دايرالا رفيقة"
© فيقال إنه كانت لخليفة المهدي فيلةٌ شابةٌ حنكوشةٌ كدا في ريعان
طفولتها و براطع صباها ، مغرورة بدلالها و منغمسة لشوشتها بفجورها
و تقواها ، و كانت مطلوقةً لترتع و تلعب حيثما تشاء و كيفما اتفق و
تعوث خرابا يَمنةً و يَسرةً في غيط الرعية و لا أحد يجرؤ يرفع عينو
عليها ينهرها يهشها و لا يبشها ؛ و لا يقدر يسألها عن تلت التلاتة كام.

∆ كانت بالظبط تتمتع بنفس البريستيج زي تيس ستي نفيسة حرم
(سيدي الحسن حَلَّم و بي خشمو ما تكلم). و ذات مرة تفلتت لتدخل
في بلاد أو حواشة أحدهم حيثُ"إن لكل ملك حِمَى ، ألا إن حِمَى الله
محارمُه". و كان ذاك الفلاح من الصنف الأحمق داك العينو حمرااااااء
و شرارة و (أخويا ما بيرضى الحقارة) . فلامن شاف ليك الفويلة دي
تبرطع في محصولو يمين و شمال ، قام (يناحيها) بعيداً عن حقله.
و بالذات لما عرف أنها ملكية منفعتها تعود إلى الخليفة ود تورشين،
اللي مفروض أساسن أنه راعي الرعية و مسؤول عن اضماز استتباب
أمنها و سلمها الاجتماعي ؛ ربى كبرت في دماغه و تأبط شراً و قام نقر
عصاتو و مشالو راسو عديل في مجلسه العامر يشكيلو له أمر فبلته.

▪ و لامن دخل عليه بدأ يتذمر من فعلة الفيلة ؛ و لكن ، لما لمح
الشرار يتطاير من عيون ود تور شين (و هو فعلن و كتين وكت يقول
كدي يبرطم و يزعل ، عليه جنس شنا تكطع الخميرة من بيت النمل و
تخليك لو عاينتلو مرتن واحدة تاني ما بنتنيها حتى لو بقيت زد الفِتِلِّيد
و لا لو حيدر قطامة ظاطو) المهم عمك انتهرو ليك نهره لامن ارتعدت
لها فرائصه و كلَّبت منها شعرة جلده ؛ لامن قاللو: الفيلة مالا قول مالك:
▪ أها عاد هنا حصل انحراف دراماتيكي في منحنى موقف أخينا الفلاح
المسكين. زولك ظرط ريقو مرتين لقاهو يابس كو درابة بس؛ أها و قعد
يتلبج و يتراجف ، لامن عرق و جف و ركبينو ساحن و الگلام طار ليه
من راسو و رك ليه في لهاتو في النهاية خالس تنحنح فاستمجع ما بقي
له من رباطة جأشه و جمع شتات قواه المنهارة و قال ليه يا سيدي:
ما"الفيلة دايرة ليها رفيقة".و يلا من يومو داگ بدال الهم بقن همين.
▪ هذا، و قد حدس ما حدس و انفض سامر الاعتصام .. و دمتم !!

♤ طبعن قالگ: الظريفة في حكاية الفيلة دي، انو المُزارع،
گان متفق مع بقية جيرانو انو يمشوا معاو للتعايشي المرعب
هو يبدأ الكلام معاه بالفيلة، و لما "يزأر" التورشين: مالا الفيلة،
يقومو الباقين كلهم يبدو الشكية من عمايل الفيلة الوِسخة دي.
لكن أولما بدأ الكلام قدام التعايشي بالفيلة، و داگ نهرو: مااااالا
الفيلة اتكلم! أها زولگ أتلفت وراو على (الكورص) يشيلو معاو،
لقاهم ايك راقدين رز و طافيين نور ، فشعر بمأذق الضيم و
المهانة قدام حضرة جناب خايفة المهدي لامنصنقر في
الواطة قاللو: يا سيدي الخليفة الفيلة أنا شايفا وحدانية
فرأيي تجيبو ليها فويل قَدُرا كدي يونِّسا، بدل ما
هي قاعدة براهاّ عزابية تاكل في لحم جلدا !!!

∆ مسمار جحا من فوق الأسوار:
♤ علا لاكين برضو با عنگ ما تمو لينا
باقي الحگاية ؛ عشان نعرف ظاطو زنحن
طبعن دايمن آخِر من يعرف إنو مسلن يعني
عمگ ود تورشين دا، هل فعلن بي صحو گان
جادي يبعتليه وفد رئاسي رسمي و شعبي لي
بلاد ااهند و السند وركوب الأفيال مروراً طبعن
بي (ماليزيا) عشان يستوردو لينا فويل ضگر
و لا حتى خمس ضكر مخسوس عشان يونِّس
لنا الفيلة الحنگوشة المتسلطة و لا كمان نحن
خايفين بدل( يونِّسا) نجي نلقاه منسدح تحتا
يرضع فيها!! فياخ غايتو بس ما فاضل علا
نقول: ما أشبه لتليتنا اليوم ببارحة الأمس .

ههههههه، لؤنا زمن من الهاء المعطشة دي
يجازيك يا جنا و محن عمي سعد و أحييي نا
من ( بلايل) المُقُد و المحيسي. بكدا مرقت بجلدك
من مظنة الحنكشة و أثبت لي العكس. طريتني الليلة
فردتي بشير ود التهامي تراه جعلياً مقرقح كدي، غنامي
من جيهة كمير العوضية صفاق كبوشية بغادي ؛ و زولك
مارقني نا من ام صفقن عوراض شفت اب سن يضكك
على اب سنين. أها تحين قُت لي دشوة شبعانة بصل .
لا عاد دي شبحتها كبيرة تب و جبت ضقلا يكركب.
هي و نان البصلة بالشي الفلاني. علا بصل كلاب.
كدي مارق لِي شويِي و بجيك متقولب.

♤تنخت عليك يا خدر و ترا ماني ختيان عليك
و على دخياتك دايمن رزينة و هفافة ؛ بالذات في
عز الليل ساعة النسمة ترتاح على هدب الدغش.. و
تنووم و أنا مساهر في عز الليل. بس ياخي طشيت
بعيد خالس بعمي سعد . كنقار دي من الكنقرة لأنو دا
قالولك زول خلا و سعية ساه، مناكر الناس يعني على
أقل هبشة طوالي بيكنقر فيك ؛ و كان كترت معاه
شنكبة أنكبة بيقوم عليك يكلتك بسوط العنج.

♤ ربي يمتعكم بالصحة و العافية . اكن تعال آجنا البقولوك ود (التاي)
دا نطقو الصاح عندنا كدي لو زول حواشات من ضهارينا. علا أصبر قوتا
لي المعنى بترضعو البقرات تشاركوهن؟ لا عاد دا علا المتلاب و لا (الورل).

♤ ياخي لسة ما انفض سامرنا من مجلس الخليفة ود تورشين.كلما الواحد
يجبد لسانو تقول بترترلوانا سكر في شلاليفنا تقو نقابض.كدي نرجع لحكاية
عمي الكنقار مع تمرجي الحيرة (البهيمة) الاتهمو زورن و بهتانن بالسكري.

♤ ذكروني واكدة قديمة كتبتها بعنوان ورني بولك بوريك كوعك من
بوعك .. و بشخص ليك الD.N.A بتاع عائلتك عن بكرة أمها و أبيها)!
فدا عمن لينا يوم ماشي مطلش في الملجة قام عتر وطالو قشرة موزاية
سحسحت بو مرقتو في السقط لقط. غايتو لوما ربك لطف و لحق سند في
شباك محكمة العُمَد و مسك في بوابة عبد القيوم والطابية المقابلة النيل؛ كان
توشك الموية إلا يلقع في خور الكبجاب جنب القماير. لكن وقع كسر كوعو.

♤ بس، و من هناك قام فللي جاري لا يلوي على شيء وصل مستشفى البلك.
قال للتمرجية: أنا داير أقابل الدكتور! التمرجية مقلفصة : من آخر شلاضيما :
قالتلو :عايزين عيّنة من البول لو سمحت ! عمك باستغراب شديد : عشان شنو
عينة بول يعني؟! و شنو كمان دخل البول بكوع إيدي ثم التفت يحدس نفسه دي
الظاهر خميرة عكننة من صباح الرحمن. التمرجية مصرة و بعصبية لامن موبااالغة :
بكيفك يا خوي، لازم عينة بول عشان تدخل على الدكتور.. دا النظام هن عجبك. مافي
بول.. يعني كان شنو داك ماف علاج.أخونا سلّم امره لله و قال: يلا خير ما مشكلة على الأقل نلقى حتة (نشخ) فيها؟ بدل ما نشرشرو فوق ركبينا في أقرب كوشة ، و لا كمان حمامات موغف جاكسون يدفعونا دم قلبنا عشان بولة. يلا دخل و جاب لهم عينة البول سلموها للطليب النبطشي. بعد شوية ندهوه و لما الدكتور شافو ابتسم و قال ليه :

♤ما تشوف شر يا عمك ، واضح الضربة قوية. بس اطمئن كوعك سليم و ما عندك عوجة
و أمورك طيبة طب . المريض رايو انفتح : كيف عرفت من البول يا دكتور دا كوع أكيد البت الممرّضة قايلا ليك. الطبيب: لا أبداً ، يا شيخنا ما تشيل هم ..كل ما هنالك، إنو خارطة بولك هي البينت لينا كل حاجة. عندنا جهاز حديس كدا عامل صيحة في عالم التحاليل ؛ كدي إتا خُد المرهم دا خلو معاك تدهن منو محل الأذى و بعد اسبوع تراجعني ( و ليك علي عاد ، ح أوريك المكشن برا بصل) و أوعك تجيني يديك فاضيات ناسي تجيب عيّنة بول تاني معاك.

♤ الحاج رجع بيتو و في راسو خرتمية سعال مندنش من الاختراع الشيطاني دا، و قال لأهله عن الموضوع و قعدو يضحكو عليه و قالولو دا نصب دكاترة و مافيش حاجة اسما تحليل بول بالكمبيوتر زاطو.بعد أسبوع الزول الكوع طاب مية مية و قرر يرجع للحرامية ديل. يلا واحد شِفِت من شفعو اقترح عليه انهم ينصبولم فخ لكشف شبكة الاحتيال دي يلقنوها درساً.قام الولد كب ليك عينة من بوله على عينة من بول الشويفعة أختو بت روضة على شوية من بول أبوه و عليها قدحة من زيت فرامل عربيتم االقرمبعة مركونة ليها زمن.

♤ عمك شال (كوكتيل البول) و يلا فللي على الممرضة جاك عصار، قام سلمها العينة الموقوتة! و قعد منتظر يراقب الموغف، و كشمة مكبوتة تدافر في كناكينو متل بحر الدميرة. بعد نص ساعه كدا تقريباً طلع الدكتور عرقو دا يتخلت و سايل بي سداغاتو
و ماسك ورقة نيتجة الفحص طويلة ليها بداية ما ليها نهاية. قام المريض سألو ليك
بنوع من التهكم: أها بشر يا دكتور شن لقيت في التحليل المرة دي سبع و لا ضبع!؟

‎♤ لكن الحكيم كان ليه بالمرصاد و رد التحية بأسوأ منها ثم قاللو ببرود إنجليزي: لا
و انت السادق و اضح ياخي إنو كوعك شفي تمام التمام بس في شوية نتائج غريبة هنا!
الحاج نفسو قام فجأة: يعني شنو غريبة!؟قاللو: يا حاج كدي أهدأ شوية و روق المنقة ح نفهِّمك: أول هام لقينا في دمك دعكة سبغة (نظام موت بطيء) من استنتاجاتنا العلمية بنرجح سببها يكون غاز ثاني أوكسيد اللعوتيك؛ الظاهر يا إما إنك بتاكل (سواس) حمير
و يا إمن بترمرم في الكوش. تاني هام و لدك طلع بشم بلاوي. و أما تالت هام و دا أهم،
بالنسبة للأمورة الحلوة بنتكم المصون نقول (بلف) مبروك هسةفي الخامس، بس ياريت
نعمل ليها ألترا ساوند و إن شاء الله تجيبو ضكر و لو نتاية ، برضو من المستورات.
ثم بعدين ما تنسى يا حاج عربيتكم دي عايزة شنابر! أها من حيسك دا يا ود التاج
أكان لاقاك زول حايم يلقط قزاز عينات من الكوش طوالي تعرفو دا صاحبنا شغال
بالنسبة لصالح عصابة اللولات الطبية إياها!. و الله لا يعتركم في( ملجة)
مع تمنياتنا لكم بصحة و عافية . أخوك ود اللصيل ( تيبار سبيل)

تمامة القصص
® بالعودة إلى مجالس التعايشي ود تورشين£
فمن أطرف طرا ف الخليفة عبد الله التعايشي ذات لحظة صفاء
كان في حضرة مجلسه تالعامر بالوجهاء و أهل الذكر و الذاكرين في
قاع المدينة أم درمان طبعن .. فقال لهم مستأنساً : في واحد بخاف
من الله و ما بخاف مني .. و واحد ما بخاف من الله لكن بخاف مني؛
و واحد تالت دا كمان كعب دُتْ ، لا بخاف من الله ..و لا من ود تورشين
فتعجب القوم (دايرين يتعجبوا ساي) واستغربوا ونظروا لبعضهم البعض.
ثم يمموا وجوههم شطر مقعد الخليفة مستوضحين و مستفسرين عن الأمر.
فتبسم خليفة المهدي الكان منتظر(لأن جاء و فات). المهم نادى تاخليفة أحد
ملازميه و اتنهره قائلاً : امش لي الشيخ محمد ود البدوي ..و قول ليه سيدي
خليفة المهدي قالك: انفض يدك من الفيها وتعااني جري دايرك هسع ..و شوف
بقول ليك شنو و بسوي شنو؛و تعال بسرعة كلمني ..و لا تزيد و لا تنقص..أمش.

♤ خف الملازم مسرعا الى الشيخ ود البدوي (جد الكوزة الحدبدية سعاد الفاتح)
لقاه في حلقته يدرس طلاباً للعلم ..فوقف منشحطاً أمامه و بنفي النهرة قائللو:
يا الشيخ ود البدوي قوم معاي سيدي خليفة المهدي دايرك هسع. و اكن الشيخ
لم رقف حماره في العقبة و لم يغير البدوي من هيئته ولا مجلسه إلا ان قال له:
قول لخليفتك ود البدوي عندو درس هسي في حضرة جناب من هو أعظم منك
ثم واصل في درسه غير عابئ باندهاش الملازم الذي قفل عائداً إلى الخليفة و
أداه الشمار بما كان من رد الشيخ ود البدوي وهيئته اثناء الحديث فالتفت الأخير
الخليفة إلى جلسائه و قال بنبرة العارف برعيته؛ هذا لا يخشى في الله لومة لائم.

♤ ثم ان الخليفة أرسل ملازمه إلى شخصية أم درمانية معروفة من غير ذكر اسامي..
لينقل إليه نفس ما قيل لو البدوي .. فاسرع الملازم اليه ..ليجده يتوضأ على (تبروقة)
بريد الصلاة و قد غسل رجله اليمنى و تبقت له اليسرى فرفعابريقه ليغسلها..فانتصب
امامه الملازم قائلا: يا فلان الخليفة قال بدورك هسع..فانتفض الـــ(فلان) قاطعاً وضوءه و رمى الركوة ( إبريق مز الفخار ) لامن انكسرت و دخل ليلبس قفطانه استجابة لأمر الخليفة هنا اسرع الملازم قبله ناقلاً اخبره الخبر إلى الخليفة الذي لما رآها مقبلاً قال لجلسائه و هو يشير الى القادم مسرعا : تىا اانوع المو نافع ، لأنو بخاف من الخليفة و لا بخاف من ربو .

♤ هنا ازداد شوق الجالسين لمعرفة ثالثة الأثافي .. فهمس الخليفة للملازم أن اذهب
إلى النـــــــور عنقرة ..و قول ليهو سيدي دايرك هسع ..فانطلق الملازم إلى دار عنقرة و وجده جالساً يعاقر أم الكبائر و وبين يدبه برمة مريسة عسلية ناصحة رافعاً (العبَّار) الى شلاضيمه داير يكرع فوقف أمامه و قال له : سيدي الخليفة قال دايرك هسع .. فقال له
النور ناهرا وسابا :أبيت ماني جايي.. ثم سحبه إليه أجلسه واجبره على الشُرب معه وكانت المريسة في عهد الخليفة حىتم سُخُتْ في وخصوصا لقادة الجيوش .. مما يعد
إثماًكبيرا . المهم الملازم كتحاو عبار عبارين لقاها طاعمة ز فضل يشرب و بتجشأ و يقش
في خشمو و يقول: "أرقد آعيش أنا جرابك" لامن سِكر وقف لمبة ، و هو راجع يتتعتع (سبعة تمانية) الهوا كمانن ضربو و ريكتو ضاربة..وصل الخليفة ووقف بعيد هنوووك معشان ما يشموا فيهو الريحة..قال ليهو:{ هاي النور عنقرة قال ليك ماني جاي}الخليفة
قاللو: {خاو النور عنقرة: كدي إتا قرب تعال و ما تبتعد(نظام أشوفك بكرة في الموعد}
قاللو أقوا ليك قولة ؛ {و أنا زاتي ماني جاي} و لم يلبث الا قليلا حتى ظهر النور عنقرة
راكباً فرسه و لابساً دروعه ..فقال له الخليفة ضاحكاً اقيف آالنور ماف كعَّة ارجع كمل
مربستك. و التفت الى جلسائه قائلا : هذا لا يخاف من الله ولا يخاف من الخليفة.

♤ بلا دي آخر واحدة و نمرق من مجلس
الخليفة ود تور شيندا فلال ما يجيبلو كتمة:
[} دا عمك واحد أوطنجي لتاع ملحوتي و مكرتح عدمان الملينة.
جاتو فكرة{انقاذية} و يلا ركب الموجة جاء لمجلس خليفة المهدي،
ود تور شين ؛ و قاللو : سيدي ، أنا عندي آگولة في عضاني العسير دي
و ما خليت فگي (مفترس) ما بزغ لي فوقا و چت عليهم ما عالجوني .
علا شفت لي شوفة في المنام إنك لو رقيت لي فيها بتشفيني فسراع؛
و إن كان الشافي الله!!

[} انتشى الخليفة و قال ليه : سمح المبروك تعال لي بعد صلاة العصر.
الخليفة صلي بالانصار العصر و ناداه (فلان ود فلانة ) أدن جاي و ابرگ
لي هنا! الزول مشي طوالي برك جاثيا على ركبتيه للخليفة و الذي مسكهو
قعد يتمتم ليه في اضانوا بي صوت واطي ، و گأنها آيات قرآنية مگسرة .
و بعد ما رقاه، المستنكح رجع لبد ورا ؛ و ركب الخليفة و خرج في موگبه.

[} تحلق الأنصار حول الراجل قالولو : أها المبروك، شن نفرك مع خليفة المهدي؟!
بتوسوس معاهو أها، شن قالك و شن قلتلو؟! قال ليهم : قربو لي جاي و ارخو لي
عضنيكم ، الخليفة قال داير يعين أعيان و ملازمين جداد (الكتروني) گرت گرتونة
في كل البلاد؛ و قال: أي وجيه جديد لازم يكون شريفي من سلالة أهل البيت ، عباسابي جدو النبي عديل . و أمرني أسجل الأشراف في {گرتلة} و أرفعا ليه داك الحزة . و الشريفي منكم خليهو يجيني في البيت أسجلو. يلا ، كل واحد من الجماعة مشي ليه في البيت عصرلو ريال أب عشرة لضمان فرصة أن يشملوه ضمن جوقة الوجهاء المبشرين.

[} في يومين المحتال طلع بي مبلغ محترم و اتلحس عمل زوغبير. لگنمرت لحظات
و گمان ساعات ضوئية و الخليفة ماعيًن و لا رفد أي وجيه أو ملازم واحد ، لا قديم و لا جديد. الجماعة قبقبوه و قالولو: ياخوي يا ترجع قروشنا يا نشگيگ للخليفة. قال ليهم: كدي لوگو لصبر شوية و أنا هدا دربي للخليفة، أشوف لكم الحاصل سنو؛ أگيد في شيتن غلت.

[} المطبلاتي مشي للخليفة و قال ليه : سيدي الخليفة، تراها رقيتگ سمحة بلحيل
و نفعتني دُتْ و عضاني العسير القريت لي فوقا دي، و الله بس الگمدة بالرمدة ؛ بقت
تسمع دبيب النملة الحمقاء تحت الصخرة الصماء في عز جنح الليلة الظلماء. عشان
كدي بترجاگ بعد صلاة العصر، ترقي لي گمان برضگ في عضاني التانية ، اليمين.

[} العصر الخليفة ناداه: (فلان ود فلانة ) تعال جاي و أبرگ قدامي هنا ! و يلا ، مسكو من أضانو اليمين و قعد يبزغ ليه فيها و يتفتف، و يبرطم بالراحة ؛و بعداگ ركب حصانو و مرق فات في موگبه.

[} الأنصار الاتسجلوا في ورقة (الأشراف) تاني جوا للمستهبل و سألوه: أها الخليفة
قال منو ومنو!؟ قاللهم: والله الخليفة قال كلامن نُكرررر .كلاااامن حااار...الخليفة قال: الأسبوع الجااااااي بيوقد تقااااااابة حطب نااااارو نجيبلو الناس المسجلين ديل يحشره في
ألسنة اللهب واحد واحد... عشان يمحص الشريفي الأصلي من الفشنگ! تحين يا جماعة الشريفي النار ما بتحرقو و أما الكضاب منكم بتاان بي الله بيلاقي النار و بلاقي الخليفة
ود تورشين. و أناهدا من دربي دا ماشي أسلم الگرتلة لسيدي الخليفة!!

[} ياخي الجماعة ديل قالو الىر عديل و رقدوا سلطة روب بالتبش الدردقوه ..
و قعدو يحنسو لگ في المستنگح ده يومين : المبروكيا ولض أمي، عليك الله تمحي
أخوك بالإستيكة؛ عشان انييي شريفي و أي حاجة، لاگين نُص كُم ، من امي بس أخوي
المبروك اني صحي ماني شريفي ، علا بحب أسيادي الأشراف فوق الله و الرسول ساااي،
و من جوة تمرة فوادي، فياأخاي تمسحني ينوبك ثواب! المبروك عشان يشطبم في
الآخر وافق على مضض، و لگن بشرط هام:إنو أي زول عشان اسمه ينشال من من اللستة يدفع خمسة ريالات أمهات عشرة و يديه عرض گتافينو يبقى متخارج من سگات.

[} فا شنو ، تصور بالله الزول ده لو حاضر زمان جلالة الملك {خازوق} الأول داك مع
وزرانا البمشوا يقرولم الفنجان عند حامد التايب و لا بلة الغائب في الرگايب ، كان طلعلو منهم بكم قطعة أرض بالمنشية ، مع ثروة طايلة في بنوگ (مال/ يزيا) ؛ ثم لاحظ بالله، تناغم الاسم دا زاتوحد التطابق مع سهولة گنز و تطفيش الأموال إلة ماليزيا ، و كدي؟!
∆ ود ال ح ي ش ان ال ت ل ا ت ة
π مؤذن تعابن ساي في جزيرة مالطة√

[} نقدمها على طبق لكل من تشبثتْ بجَمْرِ البقاء على سجيتها
و على فطرة الله التي فطر الناس و نساء العالمين عليها . أمام
بهاء طلاتگم الرشيقة , گما (أمير) الحسن حين أسفر بالحجاب.

♤ كتبها أحمد مطر كواسطة العقد بين لافتاته. و هو لمن لم يطرق
سمعه، عراقيُّ أغبرُ اشعثُ ؛ يمكن وصمه بشرف الانتماء علناً ، و ليس
سرَّاً إلى رعيل مدرسة الخنافس ، كما تحلو لي شخصياً. إذ جمعت ما
بين علو كعب الرمزية الموغلة في الغموض و بين تفلُّت فن الحداثة
من قيود التفعلية؛ مثلما يتفلت طائرٌ مشاكسٌ للتغريد خارجَ سربه .

♤ كان مؤسسَها بدر شاكر السياب و ناظرها غرابٌ أجربُ معتدٌّ حدَّ
التعصب ل( قرعانيته) هو/ محمد مفتاح الفيتوري كما يصفه مزاحمُه
على النظارة، طاووس منفوش بريشه الفضغاض و زير نساء دونجوانيُّ
المزاج هو نزار قباني .حيث كانا يتصارعان شِعراً في لياليهما البيروتية
الصاخبة على(فخذ) دجاجة ساخنة ذات لحم أبيضَ متوسطٍ هي غادةُ
السَّمان. و من ابرز أولئك التلامذة الخنافس كان محمود دريش ، سميح
القاسم ، أمل دنفل ؛ على أن أكثرهم شغَباً كان جعلينا الأشتر/ عمر الطيب
الدوش؛ كما نضم إليهم كذلك فيلسوفاً عبقرياً معتزلاً هو تيجاني سعيد.
*على فكرة. دا تصنيف شخصي خارم بارم ساي ، و قابل جدن للجرح
و التعديل (زي أوسكارات أخونا عمر التاج يوزع فيهن ملح يمين شمال.

♤ و قد زامل أحمد مطر الراحل شهيداً ناجي العلي بمجلة العربي
الكويتية؛ على أيام تزامُل اعمامنا الدكتور / إبراهيم الشوش و النور
عثمان أبَّكر ب"صحو كلتاته المنسية"و رجاء النقَّاش بتحرير صنوها/
مجلة الدوحة. ألا رحم الله كل من رحل من هؤلاء و من لا يزال ينتظر.

♤ لعل من المفارقات و النقاط الفارقات، أن احمد مطر هذا، رغم تصنيفه
يساريًّاً أحمرَ على السكين ، إلا أنه في هذه اللافتة بالذات بداو كأن طفرةً
جينيةً خبيثةً قد أُوقِظَتْ لِتُحفَّز لديه حَمِيَّةَ جاهليةٍ من دمائه الحارَّة لتقذفَ
به إلى أتون أقصى( اليمين المتطرف) لتأخذة العِزَّة بالإثم فيحرر هذا النص؛
خاصة عندما رأى أو سمع ببلاد الغال فرنسا رائدة النهضة ومنارة الإشعاع
لحضارة النور و جمال الموضة و مصانع العطور ؛ و هي تحارب الحجاب
بوصفه أيقونةً دينيةً و نذير شر للتعصب، التطرف و الإرهاب، ببنما تغض
طرفَ عينِ رضا كليلةٍ عن رموز صارخةٍ كالصليب و نجمة داؤود.

♤ و الآن هلمَ إلى مضابط النص:
♤ قمر توشحَ بالسَحابْ; و غَبَش توغل, حالما, بفجاجِ غابْ;
فجر تحمم بالندى ..و أطل من خلف الهضابْ;

[} الورد في أكمامه, ألق اللآلئ في الصد فْ.
سُرُج تُرفرفُ في السَدَفْ, ضحكات أشرعة يؤرجحها العبابْ;
و مرافئ بيضاء تنبض بالنقاء العذبِ من خلل الضبابْ;

[} من أي سِحرٍ جِئت أيتها الجميلهْ!؟ من أي باِرقة نبيلهْ!؟
هطلت رؤاك على الخميلةِ فانتشى عطرُ الخميلهْ!؟
من أي أفقٍ ذلك البَرَدُ المتوجُ باللهيبِ, و الشمسُ الظليلَهْ!؟
من أي نَبْعٍ غافِل الشفتينِ تندلعُ الورودُ؟! من الفضيلَهْ!!!

[} هي ممكنات مستحيلهْ قمر على وجه المياهِ,
يلُملم شعثهُ العشب الضئيلُ و ليس تُدركه القبابْ;
قمر على وجه المياه سكونه في الإضطراب و بعده في الإقترابْ;
غَيب يمد حُضورَه وسْطَ الغيابْ وطن يلم شتاته في الإغترابْ;
روح مجنحة بأعماق الترابْ و هي الحضارةكلها تنسَل من رَحِم الخرابْ;
و تقوم سافرة لتختزل الدنا في كِلْمتين : (أنا الحِجابْ )

[} الحُسْنُ أسفرَ بالحجابِ فمالها حُجُبُ النفورْ
نزلت على وجهِ السفورْ؟! واهًا أرائحة الزهورتضيرُ عاصمة العطورْ !؟
أتعف عن رشْفِ الندى شَفَةُ البكورْ ؟!أيضيق دوح بالطيورْ ؟

[} يا للغرابة- لا غرابةْ
يا بسمة ضاقت بفرحتها الكآبهةْ;
يا نغمة جرحت خدود الصمت و ازدرت الرتابةْ;
يا وقدة محت الجليد و عبأت بالرعب أفئدة الذئابْ;
يا عِفة و طهارة بينَ الكلابْ;;;;;;;;;;;;;;;;;;;;;;;;;;;;;;;;;;:;;;;

[} يا لستُ غانية و كأسا;;;
نَعلاكِ أطهرُ من فرنسا كلهاجَسَدًا و نفْسا;
نعلاك أجْملُ من مبادئ ثورةٍ ذُكِرَتْ لتُنسى;
مُدي جُذورَكِ في جذورِكِ و اتركي أن تتركيها;
قري بمملكةِ الوقارِ و سَفهي الملِكَ السفيها;;;;
يا حرة ما دامَ صوتُكِ مِلءَ فيگ. و جميلة ما دُمتِ فيها;

[} هي مالَها من مالِها شيء سِوى (سِيدا *) بَنيها !هي كلها
ميراثُكِ المسروقُ: أسفلت الدروبِ,حجارةُ الشرفاتِ;;;;
أوعيةُ المعاصِرْ..النفطُ , زيتُ العِطرِ ,مسحوقُ الغسيلِ;
صفائحُ العَرباتِ ,أصباغُ الأظافرْ .خَشَبُ الأسِرةِ , زئبقُ المرآةِ;
أقمشةُ الستائِرْ .غازُ المدافئِ , مَعدنُ الشَفَراتِ ,أضواءُ المتاجرْ;
و سِواهُ من خيرٍ يسيلُ بغيرِ آخِرْهي كلها أملاكُ جَدكِ
في مراكشَ, أو دمشقَ أو الجزائِرْ;

[} هي كلها ميراثك المغصوبُ فاغتصبي كنوزَ الإغتصابْ .
زاد الحسابُ على الحسابِ و آنَ تسديدُ الحسابْ;
فإذا ارتضتْ..أهلاً ,و إنْ لم ترضَ, فلترحَلْ فرنسا
عن فرنسا نفسِها, إن كانَ يُزعجُها الحجابْ;;;!!!

® حاشية لا بد في المية منها:
[} (سيدا) بنيها، لعل الشاعر أحمد مطر يقصد تعريبا لعبارة (CIDA)
من الفرانگفونية، و هي اختصار لمرض نقص المناعة المگتسبة(الأيدز)
يضرب أطنابه بتلگ الإمبراطورية العجوز، و يفتگ بشبابها؛ وهي عاجزةٌ.

Spin-off بتعات فنيلتك ياخي.
معقولة، دا أنت يا دوبك أهو جبتنا في القاطرة
و قديت بينا شبكة زغبير من زاوية التمانيات. يا ود
دريس ياخ إنت أيقونة مدفونة؛ غايتو دكتورنا ود التاج
أكيد حاقد لوما خسس ليك أوسكاراية على جنبة كد ،
لأحرف حناح بترفع كورنات ؛ و لأول مرة كمان تجي
لاحقا براك تسددا جوة الجك؛ بس شعل أهلي ديلك
الزينين الببشرو في الصلاة بينين . و دا على عكس
أهلنا الأفارقة ( Excellent Maneuvering ,
But Very Bad Finnishing).

♤ حكاية إننا لانا لاحقين ضنب للعرب و لانا
رضيانين براس للافارقة؛ دي ما أظن قايلا سنغور؛
دا عضو مؤسس في الأكاديمية الفرنسية و لا هو
فاضي للكرور. كوامي نكروما٧ زعيم بتاع غانا دا أشك
و لكن وارد ؛ لأنو ربما كان مهووساً بعقدة الدم العربي
دي خصوصاً إنو مرتو اسما فتحية و ولدو جمال.

♤ عمومن أكتر زول مرجح يقول كدا هو أتيم قرنق؛
عندو قلة أدب كدا طاعمة و حادقة حد(اللذوعية). مرة
شايف بوبار و قرضمتْ عوض إبرهيم عوض داك بتاع
ماليزيا قام فقعو ليك بتليق يفقع المرارة قاللو:ما شاء
الله عليك، بقيت تقلد نطق العربية زي أهلا بالظبط.

♤ يا سلام عليك أخوي الحبيب ود دريس، أفلحت
بلفتتك البارعة لتلك الأيقونات و أنا بعتبرا (أكذوبات)
نمطية مُقَوْلَبة (Stereo-Typed) لتابواهات من صنع
أحاجي حبوباتنا ، و قلة أدبنا الشعبي مجهول النسب.

♤ و يا عبد الله ياخي فعلن خجلتنا و أدبتنا فاحسنتَ
تأديبنا لامن طلعتَ ميتينَّا ظاتو. نحن قالك رافعين نخرينا
و آخر عنطظة و يا واطات الله دي اتهدي.. و اللي ما سكن
بركس الجملية و مستحيلة كأنو مسلن فاقد تربوي ، و كدي .

♤ و لا يخفى عليك أن دواايب العمل بمعظم دواوين دولة الحداثة
ظلت تديرها كفاءات وطنية بارزة من مخرطات ( الفرع) . و أما نحن
فكم صُرِفت علينا أموالٌ طائلة من جزلان أهلنا الجوعى لابتعاثنا إلى
الخارج و اول ما الواحد فينا يحضِّرلو بروفية ويبقى(عالم ظرات)
قدر الدنيا مسلن؛و يلا من ديك و عيك طيرت أبريش من الدريش.

♤ لا؛ و كمان حكاية تأسيسنا للاتحاد الأفريقي دي فيها دربابة
كبيرة خلاس ؛ تعلس ليك كم نحن مرضَى بأداء مثل النرجسية
و تصخم الذات. قالو: في مبارة الافتتاح لنشأة الاتحاد الأفريقي
عمك صديق منزول دا فتكيلو طالوش شوتة في مرمى الحبشة
الحارس هفوية ساي بدل يمسك الصاروخ رقد منو أرضاَ انبطاح
لكن برضو ما سلم منو لأنو قلبو على ضهرو و مرقلو بي بطنو
لامن قدابو الشبكة و برضها ما جات قون ما عارف لييييي!!؟

♤فدا زي ما قلنا يومتا، فعلن عيب خُلُقي و خلل نفسي
بنعانيه بشدة ، و في معظم مفاصل حياتنا. مخنا مصلب
كجلمود صخر على أيقونة الجيوكندا التي لا تقبل أنيعفر
وجهها غبار الدهر لا من بين يديها و لا من خلفها ؛ و هي
اللي لو بُعِثَ صاحبها دافنشي من مرقده لأماط لنا اللثام
عن شرود نظرتها تلك؛ فعسى و لعل تصبح أقل غموضاً.

ود التاي يا زول هوي، إتاوالله طلعت موش مننا و بس، ياخي
دانتا طلعت مية من تحتي جبن بصحيح .أثبت إنك شيخ عربعديل
لاكن داس سمك. الغريبة مداختك اشحمانة دي ما شفتها علا هسي.
ومليانة مصطحات ما أنزل اله بها من سلطان طبعن بالنسبة للجناكيش
اهنا ديل النوع البفسحو ليهمالبقر في حدائق أبريل وكدي بعدين
معليشس ياخ لكمة (الورل) بهظر معاك وللاي سحي.

# ياخي تعالنا بجاي خلنا نمرقك من جو أوسكارك الدير يرميلنا دم بغدي .
في ناس شكلها الحكاية دخلت عليهم دخلتن حارة و مغستم مغستن شديدة
بلحيل. ما علينا . دايرك ترخي ليعضانك على جنبة النحكي ليك
حاجة من بيئتنا الطبيعية حيث البراءةُ ت تحبو على ركبتين:

آسف لقلة لقة الأدب غير المتعمدة. بس لازم تورينا سنوك دي نكتة
متكلفة و متعوب عليها الشيء الفلاني. ففي حياة أهلنا مع {سعية البهايم }
في البطانة. و هي حاجة قديمة داير لا زولن غنامي مقرقح متل ولدنا/ ود
بادي؛شان يفهم في مصطلحات ثقافة { الحلب و الصر}. فديل وليد و أختو
قاعدين يلعبو{العيتنوبة} ينقزو {يقلبو الهوبة} فوق سدرجدهم. فقام الوليد
مرق طهارتو و قاللو يابا هاك صررني. جدو ماخدو علىقدر عقلو ختف
لو تلقون شرطو و بلاهو بشوية بزاغ و ربط للشويفع طرفالهناية
{الحميميسة} و قاللو يلا خلاس صرررناك ، أها قوم ا نكشح.

¶ و لاهاااا، هنا عاد البنية إخيتو نهشتا الغيرة. و للشلاقة ليها و على حسب
جهلا و غباها، جات جارية من هنووووك فاتحة (حاجاتا) و أصرت و ألحت
ستين يمين بالتلاتة، مرقت حاجتا في الصقيعة و قالت :علا حتنا يصررني متل
ما سوو لفلان أخوي. لحد ما دخلت عمك الجولكين ظاطو في حيصة بيصة. قعد
يتلفت منها جاي وجاي و قال لها: والله عاد يا بنيتي المتلك إنتي ماني عارف لك
صِرفة، علا بس كان يخمجو لك شوية بعر{يلوطوك} بيه ساااه؛ و ننفك من
شبكتك. فيا خِي، بالله بس ما تخذلنا. دي نكتة متكلفة و متعوب عليها ؛
جبناها ليكم هنا مخسوس ، شان تفرو الكشمة تورونا بياض ا لثلج.

♤ هي و نان ياجنا ما تراها بقت عليك البقت على أخوك؛
يومي الافترعت بوستي داك بعنوان " طالع حمَّال و نازل زبَّال"
مشيت أجبب ليك رابطو لقيتو اتلحس مشى خور المايقوما.

[} و للشلاقة العلي قلت: يحظر تداخل أيتها سيدات أو آنسات
(If any) منعاً للإحراج ، لكون رأيهن المتوقع هنا مسلماً به سلفاً.

[} فتلك كانت خاطرة لاحت لي بلحظة تأمل إيحائي و أنا منكبٌ
على گوي هدومي بنفسي؛ و يراودني ما كان دائراً من همس قلبٍ
حزين لفلب أتعس و أظرَط بيني و بين جاري بالهيتة، يوم تقرفصنا
(تجالسنا القرفصاء) متل العود و ضلو و لا الرماد و قدحو ، أثناء جلسة
ما منظور مسيلا، مختلسة البارحة. وقد تجاثينا بالركب فتحازينا بالمناكب
و الأقدام ننخِّس في الواطة و نتطارح بهمومنا ؛ فرحت أبثه حزني القديم
و أنعي له روحي الزاهقة و لا محالة، على السلاسم مابين كوني إما طالع
(الشجرة) محمل الكتفين بمواد التموين و ما إلى هنالك ، و إما (مندلياً)
مثقل الذراعين بأگياس فضلات القمامة مخمرة و ضبانا يوِن.

[} و لكن يبدو أنني، و للأسف ، قد طرقت الباب الخطأ.
{ إذ لقيت أخوي عبد المعين يتعان}؛ و قد شكى لي مر
السكية من حاله ما يندى له الجبين و يشيب له الوليد ؛
و بجهجه باكات بت إبليس اللعين، و تُزَلزَل تحته الأرض
و تموج البحار و تخر الجبال هدا ؛ مما طمأنني على
أن أحوال دناي لا تزال بخير وغبر مقارنة بغيري.

... يتبع ...

Re: π طالع حمَّال و نازل زبَّال √
(Re: دفع الله ود الأصيل)
♤ نفطة، سطر جدبد : بالنسبة لطافتك البديلة
القلتها علا عاد طاقة شمشونية( Renewable)
يعني تقعد تزازي بالخلا و الكوش متل ود الفِتِلِّي .
ما وريناك ياخ؛ إنو الشغلانة دي عبارة عن برميل
زفت معمول ليه نظام( Topping) بس، بب باقة
عسل . و كمان شقي الحال البفتحو لي تحت.

♤ تقوللي منو برضو ياعمر أخوي و تقوللي شنو ،طقيت حنك مع اامودام
و كدي هن برا الحنك شن صنعتن ياخي ديل *إن كيْدَهُن لذيذ....* بشكل!!
♤ أشارت هويدة لزوجها الباشمهندس أحمد، على اعلان عن وظيفة منشور في
جريدة اليوم قائلة؛ والله يا أحمد الاعلان دا مفصل عليك. اطلع أحمد على الاعلان
وأبدى اعجابه بالعرض المذكور في الاعلان وتشجع على التقدم للوظيفة.

جمع أوراقه وفتح اللابتوب وظبط السيرة الذاتية واتجه صباح اليوم التالى الى العنوان المذكور في الاعلان، عند المدخل وجد ثلاثة شباب خارجين يبدو من مظهرهم والأوراق التي بأيديهم انهم قادمين لنفس السبب لذلك تأكد أن الاعلان صحيح. دلف الى الاستقبال فقابلته موظفة الاستقبال بابتسامة مريحة....
حياها تحية الصباح وأخبرها بانه قادم بشأن الاعلان وسألها عن مكتب الاستاذة (سمية) مدير الموارد البشرية. ردت بذات الابتسامة وقالت صباح النور، وأردفت أنا (سمية) أهلا بيك اتفضل....
ناولها الظرف الذي يحوي السيرة الذاتية وصور الشهادات....استلمته وأشارت اليه
بالجلوس، فتحت الظرف واخذت تقرأ في السيرة الذاتية، ثم نظرت اليه ولا زالت
الابتسامة تجمل محياها وقالت أهلا وسهلا يا باشمهندس. فهم من ذلك أنها تريد أن
تسمعه فقال: انا المهندس احمد .. خبرة 10 سنين في الهندسة المعمارية و على أتم
دراية بالاوتوكاد وثري دي ماكس واشتغلت عشر سنين فى شركات عالمية واا
فقاطعته قائلة: تمام حاجة عظيمة خالص، طبعا انت عارف اني كمسؤولة
موارد بشرية حأسألك شوية اسئلة وجوبية كدا صاح؟

♤ فقال: اكيد طبعا يا استاذة أكيد.
فقالت سمية : تفتكر حا أسألك عن شنو؟
فقال : اكيد يعني حا تسألينى اذا بعرف أشتغل تحت الضغط
و لا لا ؟ درجة تعاوني مع زمايلي فى فريق العمل؟ هل تفضلتكون
عضو ولا قائد؟ شايف نفسك وين بعد خمس سنين؟ ليه شايف اننا
لازم نوظفك؟ ايه المقومات اللي عندك اللي تجبرنا نوظفك؟ ايه
اكتر انجاز قمت بيه في حياتك؟ ايه نقاط ضعفك ونقاط قوتك؟.

♤ ضحكت سمية وقالت: ممتاززز.. واضح انك مذاكر كويس .. بس لو سمحت لى يا باشمهندس انا حأسألك الاسئلة دي لكن بي طريقتى أنا .. يعني مثلا انت كاتب في السيرة الذاتية انك متزوج وعندك طفلين.... طيب ممكن توريني كيفية تدريب الأطفال على استخدام الحمام ...؟
♤ رد أحمد بعد أن فاجأه السؤال: نعممم؟؟!!.
ضحكت سمية لردة فعله وقالت: لا يا باشمهندس خلي بالك طويل لسع الطريق
في بدايتو، ركز معاي شوية وحاول تجاوب إجابات صادقة علشان مع شهاداتك
و سيرتك الذاتية دي موضوع الوظيفة متوقف على اجاباتك.

♤قال أحمد: والله انا ما عارف العلاقة شنو لكن على العموم أنا الموضوع دا ما عندي بيه علاقة لأنه المدام هي اللي بتتعامل معاهم، فقالت سمية: يعني انت ما حصل ساعدتها خالص في الحته دى ؟!!
♤ فقال: اصلي بصراحة كدا بببباا بقرف....
♤ فقالت سمية: تمام .. يبقى تمسك الورقة والقلم وتكتب تحت سؤال
(أيه نقاط قوتك ونقاط ضعفك) انك بتقرف وده يدل على شخصية سطحية
لا تتحكم فى انفعالاتها وغرائزها الداخلية وردود أفعالها.....ايوه يا استاذة
بس ده لا يدل على..قاطعته: خليني أكمل للآخر وبعدينقول وجهة نظرك..
. السؤال اللي بعده .. اولادك في سنة كم فى المدارس يا باشمهندس ؟!
- عندي واحد في رابع أساس وواحد أولى أساس ......
فقالت: تقدر تقول لي الدرس التاني في كتاب مهارات الحياة للصف الرابع عنوانه شنو ؟!
قال أحمد وقد بدا عليه التضجر: نعم؟؟؟ الحاصل شنو يا استاذة؟ أنا جيت مكان غلط والا - شنو؟ دا علاقته شنو بي وظيفة مهندس ؟
سمية: ده منهج سنة رابعة اساس يا باشمهندس، وطبعا واضح انك ما كنت بتذاكر لأولادك.
أحمد : الحقيقة ده تخصص المدام .. اصل .. اصل ..
سمية: لا اصل ولا فصل .. اتفضل امسك الورقة والقلم واكتب تحت سؤال (بتعرف تشتغل مع فريق عمل وهل انت قائد ام عضو) انك لا تعرف العمل من خلال فريق، وده معناه انك لو اتوضعت مع مجموعة حترمي كل الحمل على زوجتك، أقصد على زمايلك !!
السؤال اللي بعده .. عايزة اسم المدرب اللي بيدرب ابنك السباحة والمدرب اللي بيدربه باسكت ؟!! أو لو ابنك بيلعب مع اولاد الحلة في الشارع عاوزة اسم الزول المشرف عليهم في الحلة اسمه منو؟
بدأ أحمد يعرق عرق غزير رغم الاسبيليت الشغال وبدأ يتهته فى الكلام ويفكر شوية.....
ثم قال: هي المدام كانت قالت اسمهم قدامى مرة بس انا ما قادر اتذكرهمفقالت سمية: اممم .. يبقى تمسك الورقة والقلم وتكتب تحت سؤال ( تقدر تشتغل تحت ضغط ) انك بتيجي من الشغل تعبان وبتكسل تروح مع ابنك التمارين .. وده معناه انك ما بتقدر تشتغل تحت ضغط....
♤ السؤال اللي بعده....... بتعمل شنو في نهاية الاسبوع يا باشمهندس ؟! يعنى مثلا هل بتفسح الاولاد؟ بي تطلعوا مشوار؟ بتساعدهم في الواجبات المنزلية؟ بتساعد في تنضيف البيت ؟ بتساهم في الطبيخ ؟ بتشتري طلبات البيت ؟ شي من هذا القبيل
فقال: بصراحة بكون مركلس.... أنا بكون ما مصدق متين الاسبوع ينتهي ………
سمية: ايوااااا..... طيب عليك الله اكتب لي في الورقة تحت سؤال ( ايه اكبر انجازاتك ) انك بي تنوم في نهاية الاسبوع .... وده معناه انك لا تصلح لضغط العمل في الاجازات والسفر.......
♤ أحمد دا عيونه زغللت وبقى يشوف طشاش طشاش.......
سمية : السؤال الأخير.... اخر هدية جبتها للمدام من غير مناسبة كانت شنو؟
-بصراحة هى كانت مناسبة عيد ميلادها....وجبت ليها عطر زارا.....
سمية: زارا ؟ وفرحان كمان قايل نفسك أنجزت؟
أكتب أكتب.... اكتب لي تحت سؤال ( شايف نفسك وين بعد خمس سنين )
انك ما حا تكون موجود اساسا علشان تقدر تشوف نفسك .. وربنا يتولاك برحمته ؟
تقفل سمية الفايل وتقول للبشمهندس في تهكم.....يا باشمهندس خلي المدام تجينا
تستلم الشغل .. لأنها نجحت في المعاينة من غير حتى ما تدخلها،
♤بصعوبة شديدة يقوم أحمد من الكرسي، يتسند على المكتب ويخرج وهو بيجرجر رجليه الاتنين وراسو لافي وعيونه مزغللة.

♤ بعد خروجه من المكتب وسمية تنظر اليه من الشباك حتى جلس في سيارته، تمسك التليفون وتتصل: ألو .. ايوا ياهويدة، آي دي أنا سمية بكلمك من التلفون الأرضي.....
....ه....ه.....ه.....ه.....
آآآآي جاني ولسع يا دوبو طلع شايفاهو قاعد في العربية لكن لسع ما شغلها.....
....ه.....ه......ه....
♤ اسكتي اسكتي غسيل شنو يابت دي أنا فرمطتو ورجعتو ليكي لي ضبط المصنع
ذاتو، ساعة يوصلك ما عليكي الا تنزلي الابلكيشنات الانت عاوزاها، علييييي كيفك......
.......ه.....ه.....ه....
♤اسمعيني، أسرعي لبسي العيال علشان اكيد حا يجي يوديهم التمرين .. وما تنسي لمحي ليه على السلسل الشوفناهو داك عشان غالبا حا يجيبو ليكي لما يقبض المرتب، وما تنسي تحضري كراسات الرياضيات والعلوم بتاعة (مازن) لأنه شايفاهو هسع نزل من العربية ودخل المكتبة القدام بنايتنا.......
......ه......ه.....ه....
♤نان هي يا بت أمي درشة نصاح درشة من أمها الراجل قام من قدامي كرعيهو الاتنين شمال والله لممما حنيت عليهو....
.....ه....ه....ه.....ه..
آآآآي والله ما خسارة الاجار الدفعناه في الاعلان واجار المكتب لمدة اسبوع .... حلاااال عليهم....
...ه....ه.....ه
♤ اسمعيني يا انتي والله المشروع دا عجبني رأيك شنو نستثمر فيهو؟!!!

{] طيب حانديك ليها أكتر من رواية متواترة إينا. و هاك دي
منهن واحدةوش ملاح و قولت خير ؛ لاطشها ناكتنها ليك هدي ليها طاظة
حااارة تشلوط و بوخا يلوي من ( سحارة ) حبوبتي بت ود التاي (وكرنا
المهجور)في مدني،و خلاصتا باللختسار بالبلدي الفسيخ كدا بتقول كالآتي:

® فكما هو متعارف فى جميع أصقاع الدنيا. تُضرب الأمثال و تسيربها الرگبان
من أجل توصيل فهمٍ محددٍ أو حكمة بالغة معينة و اليومسوف نجاوف شرح لماذا
قيل هذا المثل ( يحلنا الحلا بلة) الغايب في الركايب و يا أم أحمد دقي المحلب في توب
أحمد .. جانا كلب سنونوصُفُر..و حلب الناقة في السونقاقة و نتمنى من اي زول عندو
حس تراثي كتابة أى مثل مع شرح مضمون المثل . على غرار (يحلنا الحلَّ بلة).

© تحكي الرواية أنه عندما كان المستعمر الانجليزى لامن كاطع نفسنا
كان ممنوع منعاً باتاً الاستحمام فى التُرَع وجاء أخوانا بلة و نزل الترعة
(ربما من أجل مكافحة البلهارسيا, و لكن الجاهل متل ما قالو: عدو نفسو).
شايف بالله حتى الأغراب كان عندهم رأفة بأحوالنا موش زي أبناء جلدتنا.
لكن عاد تقول شنو في الجاهل عدو نفسو ضيعناهم و ضعنا وراهم!!!

[} عمومن، عندما رفع عمك بلة رأسه وهو يسبح..لقى الخواجة واقف منشحط
من فوق لراسو وفى يده الكرباج يهم بإلهاب ظهره بعلقةٍ ساخنةٍ. فسأله الخواجة:
لماذا دخلت تجلبغ في الترعة دي ماك عراف ممنوع؟! فقال له بلة رايح لي صحن
طليس (نظام قريعتي راحت و كدي) وهسي كايسلو بدور أمرقو. فقال له الخواجة :
أوكى، يلا ورينا شطارتك أمرقو ورينا (على أساس إنو حبل الكضب قصير) فغتس
عمك بلة و كان الحظ حليفه للمفارقة ، فعلن ربك رب الخير عترلو في صحن طليس
وكمان معاو (كوز مطرقع ) فى قاع الترعة .فخلَّى الخواجة سبيله و راح يضرب كفاً
بكف مندهشاً و محتاراًو ممغوساً من بلة الذي ( انحل) بكرامة البليلة و أصبح بفضل
هذة المعجزة بطلاً قومياً و طار الشمار بنبأ معجزته تلك و سارت بهالرُّكيان

[[ أها ثانى يوم جاء عمنا أُمْحُمد أحمد و للشلاقة نزل يجبلغفي نفس ترعة بلة .
فإذا به يرفع راسوليجد نفس الخواجة منشحطمن فوقه و سأله: لماذا نزلت الترعه
فقال ليه: رايح منى صحن طليسهنا و بدور أگوسو كان ألقاه فقال الخواجه يلا اغتس
طلعو. أها عمنا أُمْحُمد أحمد و قد سٌقِطَ تماماً في كلتا يديه بقى فاتح خشمو شبرين و
مشتح إضنيناتو متل صفق العُشَر. والخواجة طوالي عرفو مستنكح ساي و داير يكلبشو
يسوقو لمعاه لقسم الأساس(الظبطية) و هداك لا يوم الليله و باكر عمك يغتس و يقلِّع
بدون فائدة و يندب حظه ؛ قائلاً: يحلنا الليلة الحلا بلة من القيد و المذلة.

¶ أها و نحنا ظاطنا ما فاضل علا نردد معاهو نفس المقولة
في شكل كورال: يحلنا عاد الحل بلة من المهانات و المذلة!!

* ود ا ل ح ي ش ا ن ا ل ت ل ا ت ة
مؤذن تعبان ساي في جزرية مالطة،؟،،

طبعن الحكاية متداولة برواياتٍ شتى ، شأن أدبنا الشعبي الشفاهي،حيث كما قلنا مراراً و تكراراً أنه مُشاع ، فلا أب له لا و لا ريث.

¶♤ وفعندنا ليها إخراج مسرحي مختلف المرة بطلا
واحد درويش قالو: اسمو/ فكي بلة.و دي بالذات واصلاني بسيناريو نهايتو هزلية و مضحكة شديدٍ . فقالو: و قالو تطير، والذمة غايتو على الرُّواة، على أيام موقعة شيكان ، كان بروج لإنو العلوج على وشك أن يهزموا (جهادية) خليفة المهدي/ عبد الله التعايشي ود تورشين .

♤ دا، رغم أطماعه العريضة في هزيمة اليزابيث ، ملكة التاج البريطاني هزيمةً نكراء ؛و من ثم الزواج منها بعد سبيِها.خاصة وقد دعاها لاعتناق ديننا الحنيف أنو أحسن ليك و علجة( أسلمي تسلمي) و لكنها لم تفعل .؛ ياخي حتى قيل إنه بعث إليها بكتاب شديد اللهجة و أرفق معه سرواله( عربون قولت خير). عمومن، دي درامة أخرى و طويلة و الراجح فيها أنه كان يريدها عروساً لأحد قادة جيوشه هو على ما نظن محمد ود الدكيم و الذي لامن بشروه بخبر تلك الخطوبة (المحرية) فقط
متل عصبيدة و ملاحا في قصر( بيكنغهام ) المهم لامن زفو ليه الخبر لقو بيمدع لو في لالوبات ففضلو مستنين ردو فعله لامن مصاهن جت عليهن حتين اتنكنح و قاللهم : غايتو نشيف بعدين. شايف بالله طنس التُقُل المو خمج ؟! يعني تقدر
نعلق طرافة على المشهد نقول :" يتمنَّعون و هم الراغبون"

¶ فما علينا؛ و نرجع لفكي بلة ، و الذي اقتادوه مكلبشا إلى مجلس الخليفة ود تورشين، الذي كان جبارن عتِيِّاً ، و ذا
بأسٍ شديدٍ . فارتعدت فرائص الفكي المفترس لما نهره
ابن تورشين ؛ و أمره ليردد على مسمعه ما نسبوه إليه.
-يلا، أها كنتا بتقول في شنو يا فكي بلة ورينا قول بالحرف؟!
- لا لا و الله ي سيظي ، أنا أنا بتان بي الله كنت بس بقول ليك أمي السُّرة بتسلم عليك و داعية ليك بالنصر المؤزر على علوج ملكة بريطانيا و إن شاء الله عاد تعرسوها لينا ااعلجو المعفنة ، كان إتا و لا كان رفيقك ود الدكيم الاتنين تستالهو حلال عليكم.

* صباح الخير بالليل:
♤ يا ود التاي مالك علينا ياخ، كلما نقول يحلنا الحلة بلة
من قيد ود تورشين و المزلة تاني تجر كراعنا جاي ؛ ملاوزين
ساي يجينا هوى من أهلي الأنصار ديلك ناس( وحاتي تشمها)
يلاقونا في فَرَقة رلحسونا مَرَقتم باقي قالو :طاعمة بلحيل.

♤ علا قوتا لي عمك غوغل ما نقش التاية بت جادين؟ غايتو
عندنا معناها شدرت الضُّل الوقف ما زاد في سوق الخلا و (الصي)
بنقيِّل تحتا و نحن ناشغين بي مرحات السعية، و نقُج نكتا كُرنُك نشارك
فيه البهم و المتاليب؛ و برضو و نشد طنانيب لبنَّا فوق اللدايات نعوس
البني كربو و نفركلو ملاح (أم رغيتية) و نعشقو بي أم جنُّون :البصلة
و الويكة القرون (أم بقبق) ؛ بس أنت تلهمق فوقو و هو عينو بضة
حادر ليك يعاين فيك التقول بالله بس عميل روسي مزدوج.

♤ علا تعال هنا آود الزينة آمنوا و أملوا السالهات مالك عملت
زوغبير من نغاشكم اللمس بتاع اللتجاه المشاكس خلف خلاف
مع المودام بعدما أوهمتنا إنك حمش و كان حفيان فوق النار
تمش ؛ موش زي واحدين موحدين و هو أبغض الحلال إلى الله،
لا و كمان مؤمنين بشعار شركة سابتكو عندكم حدا الدب الداشر
البقولك:"متع نظرك بمشاهد مشوار الرحلة ، ثم دَعْ أمر القيادة لنا"

♤ سمح وكتين فتحنا مع هبوط النواعم هاگ واحدة:
دي بعلة عاملة فيها (ضُبانة ضَگر) , بتتجسس على بغلها
دونجواني المزاج أبو عين زايغة ما يلاها علا التراب.عامل
أخونا مشفِّر موبايلو على بصمة أصبعو السغيرني ؛ لقتو
يغط بالشخبر. قام شالت أصبعو برَّاحة بصمتو ليك علي
الگيبورد ، و بالرمز السحري فتحت شاشة جهاز كشف
الغتغتة عشان تشمشم الشَّمار و تفضح المستور.

© أها و گتين خزَّ من لگزتا انسدحت أرضن اندياح.
لامن شافتو تاني غروَد و شلاليفو فارن عرفتو الكرة
الكرة قامت رفعت يدو ؛ تخ وقعت منها متل عصاية
(منفلة) الركشة المِدخِنة عرفت هجس و سلَّم الرويحة
السابعة ؛ زولك راقد رُز بسمتي ، منتهي رسمي و شعبي.
يلا قامت تاني تهابش و تبحت و تبعبص سوَّت عوسا تاب
و نقشت حركات جِكسوياتو القاعد بي تحت نحت يوطسب
و يتوتِر و يفسفس معاهن لامن شافت ليك بلاوي جبل
الرجاف داك الما بنشاف ظاطو . و يلا ناك يا بت جضِّيم
و برطوش النعال اشتغل و عينك عاد ما تشوف إلا النور.
♤ و تجي برضو تقوللي منو و تقوللؤ شنو:
بالصورة المشهد ، ما قبل:
ﺟﺎﺕ ﻣﻦ ﺍﻟﺒﻠﺪﺍﺕ ﻣﺎﺷﺔ تتلختر و تتظخطر
ﺷﺎﻳﻠﺔ تنكوليب و لا ﻣﻮﻟﻴﺘﺔ ﻭ ﺑﺎﻟﻴﻤﻴﻦ ﻗﻨﻘﺮ
ﺟﻤﺎﻝ ﻃﺒﻴﻌﻲ ﻳﺎ ﻧﺎﺱ .. ﻻ ﺑﺪﺭﺓ .. ﻻ ﺍﺣﻤﺮ
ﻟﻮ ﺷﺎﻓﺎ ﺣﺎﺝ ﺼﺪﻳﻖ(مهدي) ﺷﺎﻏﻼ ﻭ ﺻﻔﺮ؛
و أما بعد(قد برميل الزفت) بي القلبة :
تعالشوف ناس يا خلف الله جيب سفَّة.

▪ أول مداخلة بعد ما حلانا الحل بلة من شبكة
مجلس ود تورشين و دي آخر مرة يرد اسمو معانا.

▪ سماحة الحِد دَقَنُوس π√
(حكاية مثل)

© أولاً، إن كان و لا بد من شرح المفردات الغميسة.
فالحِد بخفض الحاء المهملة، هو الحداد على الميت.
و أما الدقنوس، فهو فروة الرأس بلا شعر (يعني كدوية).
و البهيمة أم دقنوس هي التي لا قرون لديها ؛ بخلاف
الشاة الكرتاء {كريت الحَوَت البيت} الملطاء بلا أذنين.

▪ و كان قد حلت بالأرض سنة( قَحْطٍ) و مجاعة ضرب
فيها الجفاف العباد و البلاد من أقصاها إلى أقصاها ؛
حتى أضْطُرَّ الناس لأكل الضريساء و شاركوا النمل في
مدخرات بيوته. كان ذلك سنة { أم دقنوس} في العام
1306للهجرة . علي عهد حكم التعايشي ود تورشين.
و لا أدري تحديداً سر اىربط ريز كل هذا و التسمية.

¶"سماحة الحد دقنوس" أي أن الصورة النمطية المثلى
للتعبير عن الحداد على روح الفقيد الراحل( حسن يورو)،
هي أن تتجرد حريمه الثُّكالى من كل مظهر لحياة الدَّعة
و السَّعة. فلا يتحلين بزينةولا يرتدين مَخيطاً أو مُحيطاً.

♤ و أما فلسفة المثل و تفسير مغزاه ؛ فتقوم على مبدأ
الإمعان في أتيان الشيء برُظتن و على آخره و بحذافيره
أي: حتى النخاع. فلا يُستبقَى منه شيءٌ قط.

♤ و يساق مضرب المثل عادة، في حال من تحل
به نازلةٌ في مقتل و عند الله منها المخرجُ، من مال أو
بنين. و بينما هو في غمرة بحثه عن مخرجٍ للطوارئ
منها ،إذا بجائحة أشد بأساً و تنكيلا، تأتيه لتقضيعلى
أخضره و يابسه لتدخلن في معمعةٍ طديدة ؛ و تاني
نقوم نكوس يحلنا الحل عمنا بلة من القيد و المذلة

♤ و ربما كان قريبا من معناه ، و يتماشى مع سياقه
العام. كذلك قولهم : هذا آخر ما كان ينقصنا. و برضو :
"الكيشة يجي مشرقط من السما يلقى الواطة مافيشة".

♤ عبارةُ هتافٍ رنانٍ خفيفةٌ على اللسان حبيبةٌ للرحمن ؛
تسمعها حيثما كنت صباحَ مساءَ تترددُ على لسان كلِّ برٍّ و
فاجر ظالمٍ و مظلومٍ ؛ ز اكن ندر من يتذق أو يذيقك طعمها.

♤ إذا كان العدل هو رمانة إتزان الوجود في هذه الحياة ،
فإن قيمة كالإحسان إلى الناس لهي أدمغُ قرينةٍ للعدل؛ و أعلى
منازل البِرِّ و درجات الإحسان هو أن يعبد العبد ربه كأنه يراه
رأي العين و إن لم يكن تراه فمؤكد أن الله يراك(إِنَّ اللّهَ يَأْمُرُ
بِالْعَدْلِ وَ الإِحْسَانِ وَ إِيتَاء ذِي الْقُرْبَى وَ يَنْهَى عَنِ الْفَحْشَاء
وَ الْمُنكَرِ وَالْبَغْيِيَ يَعِظُكُمْ لَعَلَّكُمْ تَذَكَّرُونَ).

♤ و من قرائن العدل كذلك التسامح وما أدراك بالغ
أثره رتق ما رتق نسيج المجتمعات الإنسانية الصالحة.
♤ و بعد كل هذا دعنا لننظر إلى مأساتنا مع غياب العدل
كما يصورها لنا أحمد مطر في حيز زنزانة كان نزيلها فتى
حبسوه ..قبل أن يتهموه…
عذبوه..قبل أن يستجوبوه…
أطفأوا سيجارةً في مقلتيه
عرضوا بعض التصاويرعليه:
قل… لمن هذي الوجوه ؟
قال: لا أبصر…فقصوا شفتيه
طلبوا منه إعترافاً..حول من قد جندوه…
و لما عجزوا أن ينطقوه..شنقوه…
بعد شهرٍ… برّأوه…أدركوا أن الفتى
ليس هو المطلو بأصلاً..بل أخوه…
و مضوا نحو الأخ الثاني و لكن… وجدوه…
ميتاً من شدة الحزن فلم يعتقلوه....!!!!!

{يحيا العدْلِ .. ثُمَّ طُظْ في المُساواةِ}
♤ تُرَىْ لماذا؟! لأن المُساواةَ غيرُ العدلِ . و ربما كانتْ أحياناً،
هي الظُّلمُ بعَينِهِ. فمثلاً العدل للمرْأةِ مع الرَّجُلَ في أن تنالَ نصفَ
نصيبِه من المِيراثِ و الشَهادةِ. فإذا طالبنا بمساواتهنَّ إِياَّهُم ، كان
ذلك ظُلْماً مُبِيناً ، و مغالطة، بل مُشاكسَةً لشرع اللَّه ، و الَّذِي من
أسمائه الحسنَى و صفاته العلا (العدْلُ) و ليس المُساوِي . إذ يقول
المَوْلَى عزَّ وجل (للذكر مِثْلُ حظَّ الأُنثَيَيْنِ). و يقول(فرجُلٌ و امْراتانِ،
أن تَضِلَّ إحداهما، فتُذكِّرَ إحداهما الأُخْرى). ولمَّا قال الله على لسان
أم مرْيمَ ابنةِ عِمرانَ(فلما وضعتْها قالت رب إني وضعْتُها أُنْثَى ، و االه
أعلم بما وضعتْ، وليس الذكرُ كالأُنْثَىْ ، و إنِّي سمَّيتُها مرْيمَ) ،.

♤ إذن، قوله تعالى:(و ليس الذكر كالأُنْثى). ربما كانت الأفضلية
فيه للمشبه به(هي)، و ليستْ للمشبه (هو) ، بِحسب منطق اللغة،
و ليس بالضرورة (لغة المنطق). هذا ، علماً أنَّ اللَّه يعلمُ حيْثُ يضعُ
سرَّه، حتَى و لَوْ في أضعفِ خَلْقِهِ. و لو تدبرنا قوله تعالى في سورة
النساءِ(و لا تتمنِّوْا ما فضَل اللَّه به بعضَكم على بعض ، للرجالِ نصيبٌ
ممَّا اكْتسبُوْا ، و للنِّساءِ نصيبٌ ممَّا اكْتسبْنَ) ، لعلمنا أن المباعضة
هنا لا بد و أن فيها حكمةٌ بالغةٌ، تُفِيدُ بأنَّ كلَّاً ميسَّراً لِمَا خُلِقَ لَهُ.

♤ أقولُ قَوْلِي هذا و على ذمة مَسؤُوليي، ردَّاً على كل من
يدافعون الأخبثَين عن حقوقٍ للمرأة مزعوم أنها مسلوبةٍ منها .
ثم من سلبها؟! ، حتى دفعُوها بقوة دَفْعٍ حصانية ذات عزمٍ رباعيٍّ
إلى مغبة أن تسلِب معها حقوقاً هي ليست لها أصلاً، فتضَيِّع معها
كنوزاً أثمنِ، أهمُّها أنوثتُها تفسُها. حتى تبدل حالُهُنَّ من ربات
للخدورِ، متبعلات للعشيرِ، صائنات لولاة أُمُورِهِنَّ في
أنفسهنَّ و في أموالهم ، بما أمر العلِيُّ القدِيرُ.

♤ و قد خلعْنَ الحجابَ، و نبذْنَ وراء ظهورِهِنَّ النِّقابَ،
ثم ركِبْنَ الصِّعابَ و ارتَدْنَ رَحَلاتٍ بينَ طياتِ السحاب .
ثم ليتخذ منهن هواة(الهوى) و باعة المجون أيقونات فاتنات
لشحذ قرائح الشعر، لنظم القوافي و ترصيع المتون، أو عارضات
سائحات لتسويق السلع و ترويج الفواحش بحجة نشر الفنون.
ثمََّ إنَّ زعمِهم بِأنَّ المرْأةَ نصفُ المُجتعِ ، إني لأَجِدُهُ قولاً جُزافاً و
غيرَ دقيقٍ بالمرَّةِ ، بلْ وفِيهِ قسمةٌ ضِيْزَى، و إجحافٌ مُخِلٌّ بحقِّ
أُمَّهاتِنا و بناتِنا وأَخَواتِنا بناتِ حواءَ. إذْ إنهنَّ يُساوِينَ حاليِّاً ثلثَي
المجتمع البشري تعداداً ، بينما يحملنَ في أحشَائِهن، فيَلدن من
أرحامهنَّ، و يرضِعْنَ من أثدائِهِنَّ ، ثمبهدهدن و يُربِّيْنَ
و يُرَعْرِعْنَ ثلثَه الباقي في حُجورِهِنَّ و يسهرْنَ عليهلَيلَهُنَّ.

♤ فكيفَ يجوزُ لنا أن(نُساوِي) حقوقَهُنَّ بحقوقِ الآباءِ
في حسنِ صحابةِ أبنائِهن و قد جعل اللَّه لهُنَّ مِنْها أنصبةِ
الأُسودِ ( أي: ثلاثةَ أرباعٍ من السَّبعةِ ملياراتِ نَسَمةً) ؛ وقد
وضع جنة المأوى تحت أقدامهن.لتتمَّ بذلك كلمةُ ربك
صدقاً(في القولِ) وعدلاً (في الحكمِ)، حيثُ،
( لا تبديل لكلام الله و لا مُبَدّلَ لحكمه،
و هو سريع الحساب) .
●صدر تحت توقيعي في 15\10\2019،
بكامل قواي العقلية المعتبرة شرعاً و قانوناً.

يحيا العــــــدل
من طرائف ما يحدث أحياناً داخل روقة المحاكم ، و قضبان
الزازن يُحْكَى أنه لمَا جاء لِصٌّ ذكي جدن و جريءخالس لامن
مقرم واقع من السما بي سنونو جيء به مكلبشاً لِيَمْثَلَ أمام قاضي
التحقيق بمكاتب النيابة التامة ، تمهيداً لمثوله أمام القضاء الجالس
في قاعة المحكمة فسأله حضرة القاضي: كيف تجرؤ على خطف شنطة
اليد من هذه السيدة الوحدانية؟ رد النشال: لا، لست أنا يا مولانا حضرة
القاضي ، بل إنها يدي الخبيثة الملعونة هذه التي فعلت فعلتها من تلقاء
نفسها براها و حدس ما حدي على حين غرة مني. تمالك القاضي نفسه
من الضحك و قال هكذا إذاً : فقد حكمنا على يدك الخبيثة هذه ببترها
من حدها تعزيراً لفعلتها الشنيعة..طالما أنك سهدت ضدها و أنت صاحبها؛
ثم بعامين خلف القضبان مع وقف التنفيذ تخفيفاُ منفقط ، باب المراعاة
لحالتك الصحية المعتلة الراهنة. هنا تهلل و جه اللص عند سماعه لمنطوق
الحكم و أسرع بنزعه من كتفه يداً اصطناعية بيضاء من غير عناء؛ ثم
وضعها عطى الطربيظة ملفلفةً بشاش التمويه أمام القاضي على
منصة العدالة الناجزة و أمام اندهاش الحضور و خرج من
حيثه و فوره و هو يهتف بأعلى ما أوتيَ من غتاتةٍ :
ينصر دينك يا مولانـــاو يحؤا الـعدل يحيا العدل
وطظ ثم طظ في ما يسمونها جُزافاً "مساولة"

غُنا الحقيبة لم يكُن تخلو من شيء من الابتذال. وي قالإن البعض
من شُعرائها الكبار كان لامن يغلب حيلية في استدراج الجكسويات خسوسن
المتمنعات منهُنَّ و ربما كنَّ هنَّ الراغبات يثوم يكري ( يأجر ) شفع الفريق
بالتعريفة والملينة يحشدم في مليونية هادرة و يخليهم يهتفو يكوركو حرقاااو
حريقاااو لحد ما هِيَ تجي مارقة مخلوعة ت وادة راسا تتساءل عن مصدر
الحريقة فيقوم (هُو) يلقى فرصتو ثقول ليها : الحريقة هدي باقة هنا في
في قلبي دا العمل متل حبل الرجاف داك الما بنشافأها عاد دي طرقة
ياخوانا فمن هو صاحب هذه المقولة واليت اشتُهِر بنسبتها إليه.

♧عنجهية خصام و ندالة£
(مرة أخرى مادة مسروقة من الدكتور الظريف الثوري علي الكوباني حول راهن الأوضاع، أرجو الدعاء له بالشفاء فالرجل طريح الفراش منذ مدة طويلة فاسألوا الله ان يشفيه ويعافيه)؛ قال:
• سألني واحد طاعن في السن من العاملين فيها شباب وقال لي (يا عمو) انت مقولة "(الاختشوا ماتوا" دي اصلا قصتها شنو؟ أول حاجة قلت ليهو بركة الما قلت لي يا جدو، اول شي يا زول..لمن يكون الشاسيه بتاعك كبير (8 شنكل) وتكون طول وعرض وكمان الغلاف بتاعك مش ولا بد ودِشِن😏..قصة عمو وخالو دي معاك ما بتجي.. وما لايقة عليك وبتخليك زي الفيل اللابس مايوه🙊)😅

• حكاية الاختشوا ماتوا طلعت لما في حلة كانت قطاطيها كلها مبنية من (القش)،
وقامت فيها حريقة عاتية والناس نيام، وأي زول عايز ينجو من الموت كان لازم يجري ويطلع من القطية، والناس الكانوا نايمين بملابس النوم الخفيفة او الداخلية او (امفكو)، يعني "مولاي كما خلقتني🙈، الكانوا منهم "ما بخجلوا وما بختشوا" اتخارجوا جري طوالي وما هماهم التعري، اما البختشوا والقعدوا يفتشوا في ملابس تسترهم وبعدين يطلعوا
من القطاطي..ديل طبعا ماتوا حرقاً..😰

• على مر التاريخ لم تنطبق هذه المقولة بصورة فعلية الا على الكيزان القاعدين
(امفكو) بعد ثورة ديسمبر العظيمة مثلاً: يصرح رئيس حزب الكيزان المكلف بأنه ثبت
ان العقوبات الامريكية ما كانت ضدهم ولا ضد رئيسهم بل كانت ضد السودان وشعبه!!
اجي ياااا ناس الطاغية "الامريكان ليكم تدربنا"..😏 نسيتو الجعجعة الفارغة وقلة الادب القديتوا بيها راس الشعب.. وما خليتوا متطرف وارهابي من كل العالم ما لميتوا في سودانا المسكين ده، لكن بعدها فهمتوا حاجة وأتضايرتو لما عرفتوا الخواجات بلقطوا وببيدوا الارهابيين بالدرون (الطيارات المسيرة) صقع بلاي استيشن بس😰 ..
-و خد عندك التحقيقات بدت لمن لقوا (فرِت) كوز وااحد عند 400 قطعة ارض..ياااخ قال ليك كان مفروض يعمل حلة حقتو عدييل ويسميها (كوزواتيا)🙊😅
- و خد عندك ان يقوم الكيزان العواليق الاصلا البشتنه حقتهم بس طلِع منهم (ميسي😜) وكمان معاهم واحد صحفي قال كان كوز وتاب.. واظن الضرس تاورو😏 يقوموا بالسخرية من لبس د.حمدوك لقميص نص كوم وقال ايه (بدون بدله) عند تفتيشو لكركون الشرف في الفاشر. تقول ما شافوا لمن رئيس وزراء كندا وكل رؤساء العالم كيف بلبسوا خفيف (كاجوال) في الرحلات الداخلية ..واصلا ما مفروض يكون في استقبال حمدوك كركون شرف (وحركات الجيش دي).. لانو ده ما ضيف ده رئيس وزراء وجاي لشغل جوه بلدو ..مفروض توقف مثل هذه الممارسات التي هي في الاساس (مشاريع لتربية الطغاة).. ياااخ جستن ترودو او اوباما كانوا لمن يزوروا ولاياتهم..بمشوا بتغدوا في ماكدونالدز مع الشعب..
واصلا البهدله والبدل الكبيرة الزي (البردلوبه) ما شفناها الا عندكم وكمان مرات بتكون مزررة غلط🙊)
ـ وخد عندك..هسه كمان طالعين لينا بقصة اطلاق القمر الصناعي السوداني من الصين ودا تم التعاقد عليه منذ 5 سنوات، طبعا بالدين😰.. بلد دخلت في العشرين سنة الفاتت 179 مليار دولار من البترول والذهب والمعادن… .الخ وتجي تلقى (الرد السد) ذااتو طلع بالدين، حالو وحال شارع بارا أم درمان (الاتماص زي حلاوة قطن) مع اول مطرة وعقاب سيل
جدعة اخيرة:
• يا حمدكة يا أصلي و السادة الوزراء الكرام ويا ناس قوى الحرية والتغيير شايفكم شغالين لكن بمهلة وعلى الراحاات، وبعدين الناس معصورة في معيشتها ومزنوقة شديد، وصابرين عشان انتوا خيارهم والمدنية حقتهم، لكن الصبر مع الجوع ما بجي..وكونكم خليتو اعداء الشعب مفكوكين وكمان بكل الغلة السرقوها حيحاربوكم اقتصاديا تحت تحت..انكربوا شوية وادوا الني للنار..وجاييكم يوم 19 ديسمبر المجيد..يا بقت مليونية احتفالية ببعض انجازاتكم بمحاربة الفساد والقيام بشي من الاصلاحات او المصيبة تبقى مليونية "تصحيحية"، وتاني تكون راحت سنة شمار في مرقة من عمر الثورة😢

(نحن أبهاتا .. و ضحبنا ليها سمؤناها/ ثورة)
● بمناسبة الأبوة الشرعية للثورات الفتية دي ، تحضرني هنا
حادثة طالوش بُنية ٍ قاتلٍ ل( أب عاج أخوي يا دراج المحن).

▪ حيث حكي لنا الصحفي المخضرم عمنا / عبد الرحمن مختار :
أنه بُعَيد انقلاب 25/ مايو كان الرئيس جعفر النميري عائداً من رحلة
بالطائرة من القاهرة مصطحباً معه زعيم الهزائم / جمال عبد الناصر
جاء ضيفاً على رأس وفد رفيع المستوى مهنئاَ و مناصراً لأول تفريخةٍ
مسودنةٍ من ثورة 23 / يوليو المصرية. يرافقه مستشاره الصحفي /
محمد حسنين هيكل و الذي كانت تغدق قناة الجزيرة جزاها الله خيراً
عليه بطائل أموالٍ بلا طائلٍ و تفرد له السهرات ليتفسحفينا بمعسول كلامٍ
مباحِ و غير مباحٍ و تنظيرٍ فاضٍ لا يودي لا يجيب (فلا أرضاً قطع و لا ظهراً أراح).

● الشاهد أن ذاك المخرف الملقوف كان يجلس خلف مقعدي الزعيمين المتلاصقين
(لزوم حشر الأنف في كل كبيرةٍ و صغيرةٍ)؛ ففي واحدةٍ منمداخلاته غير الموفقة, انبرى هيكل بسؤال خبطٍ صحفيٍّ مزعجٍ للرئيس نميري: لو سمحت لي يا سيادة الريس بسؤالٍ
و لو إنو يعني فيها غلاسة! فيا تَرَى , مع عدم المؤاخذة يعني , الانقلاب اللي حضراتكم و الجماعة بتوعك دول عملتوه دا...هنا قاطعه أبعاج محتداً:أولاً هو موش انقلاب. دي ثورة فتية أبية، ووو...إلخ ..!لا بقي أرجوك، تسمح لي بقا يا سيادة الريس ، دا باين أوي إني هو كان انقلاب آه! بهنا عمك أبعاج اتنفخ و أصلو ما كترو مع ذاك الدعي البجح الخسيس و قرر عِلا يبلعو لسانو في حينه. فكفكف عن ساعد يد الغليظة و استدار نحوه بنظرة من عينين كاويتين لهما دخان أسود. مسدداً إلى وجهه لكمةً واحدةً لم يزدها. و على إثرها سقط هيكل طريحاً مغشياً عليه على أرضية الطائرة يصارع الموت. حتى أن عبد الناصر و هو ذاك الطود العظيم الذي لا تهزه ريح بدا و كأنه صُعِق من دراماتيكيية الموقف لدرجة أن خرج عن طوره و استشاط غضباً فصرخ بوجه نميري بحدةٍ: لا بقا، عيب كدا يا قعفر و ما يصحش أبداً بعني إنك تمد إيدك عليه و في قدامي كمان؟!ياخ دا كان ها يروح فيها. استرجع أب عاج ثم قبل أن يعتذر لصديقه ناصر ،أصر على لفظ هذه العبارة النابية بندِّية شديدةٍ : لكن با ريس براك
شايف، إنو نحنا أبهات الثورة دي ولدناها بعد جهدٍ جهيد مخاضٍ عسير ؛ أها دايرنا نسميها
و لا نستنى لامن واحد قليل أدب متل( الخَوَل) بتاعك دا يجي يضبح ليها يسميها لينا!!