|
|
|
 Re: *** جلسة الكونقرس الامريكى بخصوص السودان 25/ (Re: احمد حمودى)
|
سلامات أحمد أخوى
إستمعت للتو لهذه الجلسة العاصفة والمليانه بشارات ,,, كدى خلينى في عجالة ألخص الخطوط الرئيسة.. بجيك صادى كان الزمن الممحوق إتباصر..
الجلسة عاصفة بالأسئلة والإستجواب للسفيرة جيمس و السيد رامزى داى حول الوضع بالسودان والدور الذى قامت ويممكن أن تقوم به الزلايات المتحدة الأمريكية فى مساندة التحول الديمقراطى المدنى فى السودان.
* الجلسة برئاسة السيدة كارين باس عضوة الكونقرس" ولاية كاليفورنيا" ورئيسة اللجنة الفرعية المعنية بأفريقيا والصحة العالمية وحقوق الإنسات والمنظمات الدولية المنبثقة عن لجنة الشئون الخارجية بمحلس النواب الأمريكى.
ومقدمى الإستجواب هم:
* السيد كريستوفر سميث عضو مجلس النواب عن " ولاية نيو جيرسى" وهو عضو بارز فى لجنة الشئون الخاردية وعضو بارز فى اللجنة الفرعية المعنية بأفريقيا والصحة العالمية وحقوق الإنسات والمنظمات الدولية المنبثقة عن لجنة الشئون الخارجية بمحلس النواب الأمريكى.
* العضوة إلهان عمر عضو مجلس النواب عن " ولاية مينيسوتا" "من أصول صومالية" عضو لجنة ميزانية مجلس النواب و عضو بارز فى لجنة الشئون الخاردية وعضو بارز فى اللجنة الفرعية المعنية بأفريقيا والصحة العالمية وحقوق الإنسات والمنظمات الدولية المنبثقة عن لجنة الشئون الخارجية بمحلس النواب الأمريكى كما تشغل عضوية اللحنة الفرعية للرقاية والتحقيقات.
مقدمى الإفادات:
* السيدة ماكيلا جيمس الجيبلوماسية السابقة ونائب مشاعد وزير الخاردية لشرق أفريقيا والسودان.. وتعتبر خبيرة بالشأن السودانى.
* السيد رامزى داى ويشغل نائب مساعد مدير اول مكتب أفريقيا فى الوكالة الأمريكية للتنمية الدولية
تناولت الجلسة "الأستجواب" محاور أساسية:
- أولوية عملية التحول الديمقراطى المدنى
- لا إعتراف ولا تعامل مع أى شكل عسكرى أو حكومة يكونها العسكر من مكونات غير قوى الحرية والتغيير
- أهمية إطلاق الحريات .. الإنترنت ... الصحافة ... حق التظاهر والإحتجاج والإعتصام
- تم نقاش دور الأمارات والسعودية ومصر فى تعطيل عملية التحول المدنى بالسودان وفى الجوار الإقليمى بصورة عامة
- حقيقة الدعم السعودى الأماراتى والشبهات حوله وعدم قانونية تقديم أى دعم مستقبلى إلا بواسطة المؤسسات الدولية لضمان دعم السلطة المدنية
- عمليات غسيل الأموال التى تجرى بالسودان وإمكانية رصدها تتبعها
- وقد نال موضوع حميتى ومليشا الجنجويد النصيب الأكبر فى النقاش.......
- التأكيد على أن الدعم السريع هو فى الأصل مليشا الجنجويد وإن تغيرت المسميات
- ضرورة إجراء تحقيق شفاف لما قامت به المليشا من مجازر وإغتصابات وبالأخص فى أحداث الثالث من يونيو
- عددهم
- قانونية تكوينهم
- قانونية أعمار المجندين
- عدم إنضباطهم
- تسليحهم
- تمويلهم
- ضرورة إجلائهم من المدن
- إ ن أى تواصل مع حميتى ليس لدوره أو مكانته ولكن لإرسال الرسائل الواضحة والقوية بضرورة الكف عن ما يقوم به
- خيارات فرض عقوبات على الجنجويدى حميتى
- ألتأكيد على أن قوى الحرية والتغيير هى الممثل الشرعى والوحيد للثورة السودانية.
- التأكيد على إعادة خدمة الإنترنت
- الإستفسار عن موضوع الجنائية وتسليم الرئيس" المخلوع" البشير
- الإستفسار عن بعض رموز النظام البائد للمجلس الوطنى وهل تم حله وقد خصصت الرئيسة باس الناطق الرسمى للمجلس وأين هو
- تم التواعد على تكرار جلسات الإستماع وضرورة تمثيل الثوار السودانيين بممثل فى الجلسات..
,,,,,,,
كان المولى هون بجيك صادى شان نشوف آخرتا مع الجنجويداى الموهوم ده
| |
 
|
|
|
|
|
|
|
|
Re: *** جلسة الكونقرس الامريكى بخصوص السودان 25/ (Re: اْسامة اْباّرو)
|
شكرا احمد حمودي واسامة ابٌارو..
العنوان الواااضح للجلسة دي انهم ما ح يعترفوا بااي حكومة او مكون اسسه مجلس الجنجويد ما لم يكون الممثل الشرعي اعلان القوي والتغير اساسي فيه.
السفيرة ماكيلا جاوبت قدر قدرتها خاصة وانه الاسئلة معقدة وسفارتهم تمثيلها ضعيف في الخرطوم في الفترة دي. زاغت بدبلوماسية من اسئلة العضوة إلهان عمر
بخصوص دور الامارات والسعودية في وأد الديمقراطيات في المنطقة , ولو ليهم ااااي دور في مجزرة القيادة العامة , وجاوبت بوضوح بخصوص دعم العسكر ماديا.
فريق الخلا قالوا مش لو غير اسمه مليشيته واتشلخ ياهو الجنجويدي الارتكب مجازر اهلنا في دارفور وجبال النوبة وبجند في شفع لمليشيته. العقوبات راجياااااه.
سميث رئيسة الجلسة بتسأل (شخصيا) عن ابراهيم احمد عمر رئيس البرلمان السابق وين هو الان وموجود ام لا ماعارف ليه؟؟
عاوزين المبعوث والمرسل بتاعنهم في الخرطوم يرجعوا حالا يجاوبوا علي اسئلة من اللجنه دي. مليونية 30 يونيو قالوا البرهان شخصيا يتحمل اي تجاوزات فيها.
محتاجين لينا لوقفة قووووية يا ناس الساحل الشرقي خاااااصة بخصوص حميدتي وجنجويده بأنهم منظمة ارهابية تدعم الامضاءات الموجودة قدامهم.
| |
|
|
|
|
|
|
|
|
|
Re: *** جلسة الكونقرس الامريكى بخصوص السودان 25/ (Re: ترهاقا)
|
Quote:
الخبث الاكبر إنو السعودية والامارات لاعبين على حبل إنهم عايزين
استقرار السودان ، وهم اكتر ناس بيكسروا في السودان
نحن عايزين اصوات سودانية قوية تدحض هذه الاكاذيب للكونجرس الامريكي |
ترهاقا كيفك..
رغم انه الدور الخارجي قد لا يلعب دور كبير في تغيرات حاجة علي الارض , وفي النهاية المصلحة العليا للبلد بتحسم وجهة ادوارهم.
بس كمان في حالة امريكا الليلة في تلاتة حاجات ممكن نلعبها لصالحنا:
اولا: السعودية والامارات ومصر سمعتهم في الحضيض بقت والفضائح بقت تطلع حتي في مبيعات الاسلحة.
ثانيا: دور امريكا كحامي للديمقراطيات.
ثلاثة: الانتخابات الامريكية والتنافس علي الاصوات.
عرفنا الليلة من الجلسة دي انهم واقفين وين وعارفين قدر شنو.
لو كرسنا جهودنا في الفترة الجاية دي علي الثلاثة نقاط ديل اكيد ح نطلع بنتائج في صالح ثورتنا.
نشتغل الان في وقفات امام سفارات السعودية والامارات واجبارهم علي التصريح علنا برفع يدهم عن دعم مجلس الجنجويد. وكمان مع ال Congressmen في ولاياتنا
والضغط كمان عليهم بمناقشة قضيتنا ورفعها باعتبارها قضية ديمقراطية وحريات واكيد حقوق انسان خاصة وانو ترامب عامل حميل منها.
ولو كمان قدرنا وصلنا ال Black Caucus في الكونغرس يتبنوا قضيتنا باعتبارها ديمقراطية في منطقة عزت فيها الديمقراطيات.
انا عارف انه ما ساهل لكن ما مستحيل..
| |
|
|
|
|
|
|
تعليقات قراء سودانيزاونلاين دوت كم على هذا الموضوع:
at FaceBook
| |
احمد حمودى
Mutasim Idris
ترهاقا
فيس بوك
تويتر
انستقرام
يوتيوب
بنتيريست