امبارح بالليل شفت في تلفزيون السودان اعادة للقاء حميدتي مع ناس جنوب كردفان..عاينت للناس القاعدين عرفتهم كلهم طلعوا لا جنوب كردفان لا حاجة..ديل ناس الحلة بتاعة عمنا سبت واخونا قيدون في ود البشير في أمبدة ، اي اهل وأقارب واصهار أسر اعضاء فرقة الفنون الشعبية والكلام ده لو سألتوا منو اخونا الشماشي حيأكدو..يعني الجماعة خمشوا 3 مليار عشان يحشدوا ناس جنوب كردفان ويجيبوهم بالباصات من كادقلي والدلنج الخ لقاعة الصداقة قاموا جابو ناس حلة عمنا سبت في ود البشير.. وبعد ده كله اللقاء كان فاشل.. الوقت الاخدو حميدتي في المعاينة في الورقة القدامو للبحث عن النقاط المفروض يتحدث عنها كان اكتر من الكلام القالو.. والكلام ذاتو كان هردبيس والراجل ما عرف يقول حاجة والناس القاعدين منتظرين حميدتي يتبرع ليهم طلعوا خشومهم ملح ملح بعد ان صرح لهم الرجل بان الخزينة فاضية ومافي قروش.. غايتو بس البركة في ال 3 مليار الاولانية #الموجةالثالثةللثورة #سننتصر
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
زهير عثمان حمد
فيس بوك
تويتر
انستقرام
يوتيوب
بنتيريست