|
Re: غَضَب (Re: تماضر الطاهر)
|
Quote: يا متحصن جوه قصورك يا محروس ومكهرب سورك امرق شوف الصابت شعبك من افعالك وظلمك وجورك ، شوف الكايس العيش في صفوفك وإنت مختر ناعمة كفوفك هايص راقص داقي دفوفك وميت الذل صايداهو سيوفك ، شوف الكايس الدوا لو سرقة والمديون غالباهو المرقة الكل من نارك ضاق الحرقة وانت ف عسلك مشروق شرقة ، يا الكبرتا وجيت بتنادي الدين الدين ورفعت ايادي بعت الدين ومشيت بي غادي فسادك عم القرى والبادي ، أعرِف أعرف قرب يومك واول ناس ح تبيعك قومك عشتَ هواك شيطانك تومك وجاييك خوفاً يحميك نومك ، بحق الناس الإنت نهبتو وكل مسكين آمن ارهبتو وبلداً بعتَ رمالو دهبتو سوط النار تصلاك لهبتو |
شكرا تماضر الانسانة وبكرة احلي باذن الله وسوط النار حيصلي ظهر كل اخوان الشيطان واولهم كبيرهم الرقاص
| |
|
|
|
|
|
|
Re: غَضَب (Re: تماضر الطاهر)
|
شكرا تماضر شعور نبيل ياك ست الجيل جيل المنبر خلقو جميل من ٨٩ حار بيهو دليل ما عرف دا نهار ولا ليل بس عزاه يقول يا حليل اهلنا قبيل ليهو زمن مقتول حيل لا قادر ينزل لا قادر شيل
| |
|
|
|
|
|
|
Re: غَضَب (Re: تماضر الطاهر)
|
شكراً تماضر الانسانه على هذه الكلمات المفعمة بالاسى والنابعة من الوجع وحتماً التغيير آت لا محالة .
Quote: أعرِف أعرف قرب يومك واول ناس ح تبيعك قومك عشتَ هواك شيطانك تومك وجاييك خوفاً يحميك نومك ، بحق الناس الإنت نهبتو وكل مسكين آمن ارهبتو وبلداً بعتَ رمالو دهبتو سوط النار تصلاك لهبتو |
| |
|
|
|
|
|
|
Re: غَضَب (Re: Munir)
|
سلام أخي علاء نحيا على أمل التغيير وكل يوم بنتمنى يكون هو اليوم الأخير في العهد المظلم ده
، فترنا
| |
|
|
|
|
|
|
Re: غَضَب (Re: علي دفع الله)
|
الغضب الساطع آت وانا كلي ايمان ستشرق الشمس يا صاحبة حتاما ! اما اليوم فحزن يسد منافذ الفرح ويكبل الروح
| |
|
|
|
|
|
|
Re: غَضَب (Re: هاشم الحسن)
|
تسلمي يا تماضر ويسلم بنانك.
أسفي على حال البلد ...
الإنهيار ما إنهيار فصل أو مدرسة. الإنهيار إنهيار قيم إنهيار إنسانية
إنهيار دولة
| |
|
|
|
|
|
|
Re: غَضَب (Re: هاشم الحسن)
|
سلام تماضر و الاخوة الكرام بعد قرايتى لى البوست ده جاتنى قصيدة فى الواتساب ومنها جاتنى فكرة انو البوست ده يكون عبارة عن قصائد للثورة و اقترح ... اناشيد للثورة ... عنوان للبوست ده و دى القصيدة كما جائتنى ارحل
ﺃﻳﻮﻩ ﺗﺮﺣﻞ .. ﻟﻤﺎ ﺇﻧﺖَ ﻓﻲ ﻛُﺮﺳﻲ ﺗﻘﻌُﺪ ﻭﻣﺎ ﺑﺘﻌﺮﻑ ﺍﻟﻔﻴﻨﺎ ﻳﺤﺼﻞ ﻟﻤﺎ ﺗﻌﺮِﻓﻮ ﻭﺍﻧﺖَ ﺳﺎﻛﺖ ﻭﻣﺎ ﺑﺘﻘﻮﻝ ﻟﻴﺸﻦ ﺑﻴﺤﺼﻞ ؟ ﻳﺒﻘﻰ ﺗﺮحل ﻟﻤﺎ ﺇﻧﺖَ ﺗﺒﻴﻊ ﺃﺭﺿﻨﺎ ﻭﺃﻱ ﺯﻭﻝ ﻣﻦ ﺑﻴﺘﻮ ﻳﺮﺣﻞ ﻭﻳﺒﻘﻰ ﺟﺎﺭﻱ ﻭﺭﺍﺀ ﺍﻟﻤﻌﺎﻳﺶ ﻭﺇﻧﺖَ ﺭﺍﻗﺪ ﻭﺣﺎﻟﻚ ﺃﻓﻀﻞ .. ﻳﺒﻘﻰ ﺗﺮﺣﻞ ........ ﻟﻤﺎ ﺗﺒﻘﻰ ﺳﺒﺐ ﺣﺮﻭﺑﻨﺎ ﻭﻣﻦ ﺩﻣﺎﻧﺎ ﺍﻟﻄﺎﻫﺮﺓ ﺗﻨﻬﻞ ﻭﺗﺒﻨﻲ ﻗﺼﺮﻙ ﻓﻮﻕ ﺟﺜﺜﻨﺎ ﻭﻓﻮﻗﻨﺎ ﺗﺮﻗُﺺ ﻭﻣﺎ ﺑﻲ ﺗﺨﺠﻞ .. ﻳﺒﻘﻰ ﺗﺮﺣﻞ ..
ﻟﻤﺎ ﺗﺒﻘﻰ ﻣُﺼﺮ ﺗﻨﺎﻓِﻖ ﻭﻛِﺬﺑﻚ ﺃﺻﻼً ﻣﺎ ﺑﻲ ﻳﻜﻤﻞ ﻭﺭﻏﻢ ﻛﻞ ﺩﻣﺎﺭ ﺳﻨﻴﻨﻚ ﺗﺎﻧﻲ ﺩﺍﻳﺮ ﻓﺘﺮﺓ ﺃﻃﻮﻝ .. ﻳﺒﻘﻰ ﺗﺮﺣﻞ . ﻟﻤﺎ ﺇﻧﺖَ ﺗﻜﻮﻥ ﺭﺋﻴﺴﻨﺎ ﻭﻏﺼﺐ ﻋﻨﻨﺎ ﻣﺎ ﺑﻲ ﻧﻘﺒﻞ ﻭﻟﻮ ﻧﻘﻮﻟﻚ ﻓﺎﺷﻲ ﻇﺎﻟﻢ ﺇﻧﺖ ﺗﺎﺑﻪ ﻛﻼﻣﻨﺎ ﺗﺰﻋﻞ .. ﻳﺒﻘﻰ ﺗﺮﺣﻞ ..
ﻟﻤﺎ ﺗﺒﻘﻰ ﺃﺣﻼﻣﻨﺎ ﻋﻨﺪﻙ ﻭﻛﻞ ﺯﻫﻮﺭﻫﺎ ﺍﻟﻴﺎﻧﻌﻪ ﺗﺰﺑﻞ ﻭﻟﻤﺎ ﺗﺘﻔﻪ ﺻﻮﺕ ﻫﺘﺎﻓﻨﺎ ﻭﻟﻲ ﺣﻘﻮﻗﻨﺎ ﺍﻟﺴﺎﻣﻴﺔ ﺗﺠﻬﻞ .. ﻳﺒﻘﻰ ﺗﺮﺣﻞ .. ﻟﻤﺎ ﻧﺤﻨﺎ ﻧﺸﻮﻑ ﺣﺼﺎﺩﻙ ﻓﻲ ﺍﻟﺴﻨﻴﻦ ﺍﻟﺮﺍﺣﻮ ﻧﻨﻌﻞ ﻛﻞ ﺩﻗﻴﻘﺔ ﻣﻌﺎﻛﺎ ﺿﺎﻋﺖ ﻭﺗﺎﻧﻲ ﺗﻘﻌُﺪ ﻭ ﺷِﻦ ﺡ ﺗﻌﻤﻞ .. ﻳﻼ ﺃﺭﺣﻞ
ﺍﻷﺭﺽ ﺑﺘﻘﻮﻟﻚ ﺃﺭﺣﻞ ﻭﺍﻟﺸﺠﺮ ﺑﻴﻘﻮﻟﻚ ﺃﺭﺣﻞ ﻭﺍﻟﺒﺤﺮ ﺑﻴﻘﻮﻟﻚ ﺃﺭﺣﻞ ﻭﺍﻟﻄﻴﻮﺭ ﺑﺘﻐﻨﻲ ﺃﺭﺣﻞ ﺃﻱ ﺣﺎﺟﺔ ﺑﻼﻛﺎ ﺃﺣﺴﻦ ﻭﺍﻟﺒﻠﺪ ﻣﻦ ﻏﻴﺮﻙ ﺃﺟﻤﻞ .. ﻳﻼ ﺃﺭحل
| |
|
|
|
|
|
|
Re: غَضَب (Re: تماضر الطاهر)
|
أستاذي هاشم الحسن
، لا ليس تجدي دموع العيون فموتى الضمائر لا يستحون ، هل كان يتلقى الأخبار في تلك الجلسة؟ ام هو السمر ،، إلهي.. غضبك عليهم
| |
|
|
|
|
|
|
Re: غَضَب (Re: تماضر الطاهر)
|
أخي جلالدونا ، سلمت أتفق معك تماماً وفكرة جميلة
،،،، ﻟﻤﺎ ﺗﺒﻘﻰ ﻣُﺼﺮ ﺗﻨﺎﻓِﻖ ﻭﻛِﺬﺑﻚ ﺃﺻﻼً ﻣﺎ ﺑﻲ ﻳﻜﻤﻞ ﻭﺭﻏﻢ ﻛﻞ ﺩﻣﺎﺭ ﺳﻨﻴﻨﻚ ﺗﺎﻧﻲ ﺩﺍﻳﺮ ﻓﺘﺮﺓ ﺃﻃﻮﻝ .. ﻳﺒﻘﻰ ﺗﺮﺣﻞ ،
قصيدة اكثر من روعة ، ونواصل ..عشان بلدنا ومن اجل الناس الطيبين
| |
|
|
|
|
|
|
Re: غَضَب (Re: تماضر الطاهر)
|
العزيز معاوية ما عايزة اقول ليك على وزن الحديث: خرجنا من الحب الأصغر.. والبيشعر بي ده بيشعر بي داك...ويكتب ، دي ذاتها شجون ومقال يناسب المقام
| |
|
|
|
|
|
|
Re: غَضَب (Re: تماضر الطاهر)
|
صاح. و في النهاية ما هو الوطن! سوى الشعور بالسعادة الشخصية في الحيز الجغرافي المعين! أعني كل سعينا لوطن معافى هو من أجل أن نحيا سعيدين
| |
|
|
|
|
|
|
Re: غَضَب (Re: تماضر الطاهر)
|
يا سلام عليك يا تماضر ياخ .... دا كلام الوجع البيوجع .... الكلمة الصادقة لا تخطئ هدفها ... يديك العافية
| |
|
|
|
|
|
|
Re: غَضَب (Re: تماضر الطاهر)
|
تسلمي يا غالية والله عبرتي عن غضبنا بصدق وشفافية...وزي ما قال ود ابو العزائم القيم والإنسانية انهارت ودولة انهارت ...يا ربي منو البيعلمهم معنى دولة...ومعنى القيادة ... مع وافر التقدير والاحترام وبراميل الود التي تعلمين
| |
|
|
|
|
|
|
Re: غَضَب (Re: تماضر الطاهر)
|
انت ثقيل وعوير ومجنتر لابتهمك سترة حالنا ولا هاميك الحاصل بينا غور الله لا عادك لينا لابتحس بي وجع الناس ، بيوت غريقانة وناس مرضانة وإنت مسافر كأس العالم غور الله لا عادك لينا فساد الدولة الكل بيعرفه.. كديسة كديسة وكوز تريان وإنت تكضب وتعمل نايم وقايل الناس ما فاهمة الحاصل غور الله لا عادك لينا فكوا دربنا مرضتوا قلبنا.. شحادين وكضابين وتجار دين ادونا بلدنا ورجعوا لينا الزمن الضاع.. ادونا بلدنا ورجعوا لينا قروش السد وسودانير غور الله لا عادك
| |
|
|
|
|
|
|
Re: غَضَب (Re: تماضر الطاهر)
|
قراءتك يا تماضر بت الطاهر.. تسترجع كلام لمحجوب شريف مالية الراس واصلا ما بتختفي ولا بتنوم ولا بتتهد لو جينـا لكشف حساب وجرد أمسك واحد أول بدء: سرقتو وطن واسع ممـــــتد فكفـكتوهــــو وزعزهتوهو وأرهقتوهــو وبشتنتوهــو وهديـــــــتوهو هــــدا هــــد وهاك التاني أمراً أد : حكمتو شعب كان زي الورد أفقـرتوهـــــو وشردتوهـــو وجهجهتوهو وعنصرتوهو وقطعتو حبل كان واصل ود أُخد التالت لو ترتد: وجدتو مصانع لقيتو مزارع
| |
|
|
|
|
|
|
Re: غَضَب (Re: Ahmed Yassin)
|
العزيز جداً أخي أحمد ياسين يا سلام على الأستاذ محجوب شريف..عليه الرحمة والرضا هو البحَر ..وين منه قراءتي؟؟؟ الأستاذ محجوب شريف ما خلا شي شكراً على ما أهديتني
| |
|
|
|
|
|
|
Re: غَضَب (Re: تماضر الطاهر)
|
مِن بعَد الكُبُر والكهلة داير الجِدة يرجع من جديد يحكمنا حُحم الشِدة يخطُب فينا يصرُف للتمور بي حِدة عِندو الذِمة ما بتنفع بدَل بي العِدة ،، كمل رقصتو وقال هيج الجمهور وجاب قولاً كُتُر ليهو انسجل مشهور عدمان الأدب فوق السِجل ممهور جيل ورا جيل خجِلتو يرددوها دهور ، ضوق شعبو مِن كل نوع سَموم حراية خلا الشاي صِنِعةً لي البِقت قراية غدار بي الرفاق رافع المصالح راية ناسي الدنيا دايرة ومن قديم وراية
| |
|
|
|
|
|
|
Re: غَضَب (Re: تماضر الطاهر)
|
أيها الثائر : لا يثنيك إن رجعت خطاوي البعض من خوف أو تعب غضبُ..غضب والويل للثأر المعلقِ لو طريقة أخذه.. ونسة وجدل..حبر إنسكب
| |
|
|
|
|
|
|
Re: غَضَب (Re: تماضر الطاهر)
|
الحبيبة تماضر لك التحايا والود دوحة وريفة ونفثات من سحر البيان ثم اهداء وهي رد علي من قال فوق ظهورنا انت تقيف
حلم الجاكي انو يقيف من طياره ومع الطنباره نفسو يقيف رقصي وحت حير كل حريف جنوب افريقيا وما طالبني حليف نفسو ومني السودان كان يقيف وما بقيف يا السراق ويا النصاب من اللفحي شوية اقيف ومن الرجفي والتنطيط شوية اقيف ولازم تسقط وتسقط وما تفحيط
وتسقط بس
| |
|
|
|
|
|
|
Re: غَضَب (Re: صباح حسين طه)
|
اغضب اغضب اغضب اغضب فإن الله لم يخلق شعوباً تستكين اغضب فإن الأرض تـُحنى رأسها للغاضبين اغضب ستلقىَ الأرض بركاناً ويغدو صوتك الدامي نشيد المُتعبين اغضب فالأرض تحزن حين ترتجف النسور ويحتويها الخوف والحزن الدفين الأرض تحزن حين يسترخى الرجال مع النهاية .. عاجزين اغضب فإن العار يسكـُنـُنا ويسرق من عيون الناس .. لون الفرح يقتـُل في جوانحنا الحنين اغضب فإنك إن ركعت اليوم سوف تظل تركع بعد آلاف السنين اغضب فإن الناس حولك نائمون وكاذبون
| |
|
|
|
|
|
|
Re: غَضَب (Re: Ahmed Yassin)
|
سلام وتحايا للحبيبات إخلاص وصباح ولأستاذي عبد الله عثمان وللفنان أحمد ياسين ،
والله إن قلبي مثقل بالغضب ولا شيء سواه حتى أنه تمدد ليملأ مساحات الأمل وقد عدنا من حيث بدأنا بالأمس..بمبان ومواكب وكأننا تابعٌ مقيد بمدارهم ،،
والجاهلون الحالمون بحكم هذا الشعب يعلون المنابر بئس ما كتبوا على أوراقهم من زيفه ..خجلاً..ستنكره المحابر ، وماذا بعد ؟؟؟
،،
يتساقطون..!!
| |
|
|
|
|
|
تعليقات قراء سودانيزاونلاين دوت كم على هذا الموضوع:
at FaceBook
|
|