|
|
|
 Re: بهدوء انهيار فصل مدرسي (Re: محمد علي البصير)
|
تبلد شنو يا خالد اخوي ؟!
والله القلوب تدمي والغصة تكاد تسد منافذ الكلام
نحن واجمين والدرب رايحين بنفتش لي درب المرقة زي زول محبوس في غرفة مشتعلة . يمنعه الدخان واللهب من الرؤية والتفكير
لو بتتغير بالرجالة والضراع حرم نسل عكاكيزنا برة
الموضوع اكبر من قدراتنا كجماهير
محتاجين قيادة
وزول يرتبنا
وبرنامج
وخطة
زول يشد حيلو حرم نفزعو
زول مننا وفينا وهاميهو امرنا
مش قيادات لا تجيد سوي البيانات والسفر والاجتماعات خارج الوطن
| |
 
|
|
|
|
|
|
|
|
Re: بهدوء انهيار فصل مدرسي (Re: Asim Ali)
|
لا تنهار المباني فجأة
أي رب اسرة بكون متوقع انهيار بيتو في الخريف .اذا كان فعلا داير ينهار
والانهيار المفاجئ بكون بالليل غالبا اثناء المطرة او جا سيل
لكن في وضح النهار ممكن يكون مقيم الوضع بشكل جيد
الموية البتحاوط المبني بكون عندو ليها تقدير رؤية عين
بتتماص العراميص وبكون واضح بلل الحيطان
هي احتمالات هو يأخذ اسوأها
اصلا في تقديري ما بحمل الحكومة انهيار المدرسة
يتحمل الانهيار المدير والمعلمين
معقولا قبل الخريف ما عارفين الحوجة للصيانة ان شاء الله بردميات في الحيطان
اعتقد تم اهمال وسؤ تقدير ناتج من سبهللية وعدم اهتمام لاانساني وجشع
| |
|
|
|
|
|
|
|
|
|
Re: بهدوء انهيار فصل مدرسي (Re: عبدالحفيظ ابوسن)
|
خبر اليم .......زعلت على البنيات لهم الرحمة وربنا يصبر اهلم .......أتذكرت زمان لما ننزل من الإجازة ونلقى المدرسة مصانة المباني والأساس ورائحة البوهية والجير الجديد والأشجار والميادين مشذبة
| |
|
|
|
|
|
|
|
|
|
Re: بهدوء انهيار فصل مدرسي (Re: علي دفع الله)
|
والله ليس سوى الغضب وحرقة الحشا
والاحساس بالهزيمة
سلمناهم للدفاع الشعبي
ثم سلمناهم لمناهج متخلفة
وقبلنا بتزوير الامتحانات وفسادها
وها نحن نسلمهم للموت بكل خزي وعار
عشان عيون اطفالنا ما تضوق الهزيمة
غضبا يؤرق موقديه
كورته رجما لكل من
تخاذل
او تهاون
او تداعر
او أتاني ليسترق
ثم ماذا بعد صحاب
ومازالت تزلزلنا رياح القهر
في عقم البدايات
| |
|
|
|
|
|
|
|
|
|
Re: بهدوء انهيار فصل مدرسي (Re: محمد حيدر المشرف)
|
ربنا يرحم الفقيدات ويصبر ذويهن
الكلام ذاتو بقى يغيظ الواحد
المسئولية حاليا مسئولية القائمين على أمر المدرسة
وقبلهم الجهة البتمنح التصديق للمدارس
في كل الدول لا يتم التصديق لأي منشأة ما لم تستوفي معايير السلامة بشهادات من عدة جهات آخرها الدفاع المدني ويتجدد التصديق سنويا بالحصول على نفس الشهادات من نفس الجهات المعنية
لكن ما اعتقد عندنا الجهات المنوط بها القيام بهذه الإجراءات أو غير مفعلة
انا اعتقد بقى في جيل في السودان دا (بما فيهم وزراء) ما عارف المطلوبات شنو لأي نشاط
انقطع الطريق أمام نقل الخبرات والممارسات المهنية السليمة بدمار الخدمة المدنية
الله غالب
| |
|
|
|
|
|
|
|
|
|
Re: بهدوء انهيار فصل مدرسي (Re: عبدالحفيظ ابوسن)
|
الاجراء يا حمد كالآتي
(قطر نموذجا)
يتقدم احدهم للتصديق بالمدرسة ..
تقوم وزارة التعليم بمعاينة المكان وفقا للشروط والمواصفات ..
عندهم كراسة مواصفات انشائية كبيرة جدا حتى مواصفات الارضيات والاسقف والشبابيك والسلالم ومساحة الفصول ومساحة اللعب والنشاط الخ) .. مواصفات الارضيات دي بتختلف لكل جزء من المدرسة
بعداك بتطلب تصديقات من الدفاع المدني و (وزارة الاقتصاد والتجارة) لو مدرسة خاصة .. بجانب تصديقات اخرى من الحي الخ الخ ..
بعداك وبموجب المعاينة وهذه التصديقات يتم منح التصديق للمدرسة
| |
|
|
|
|
|
|
|
|
Re: بهدوء انهيار فصل مدرسي (Re: Asim Ali)
|
تشكروا جميعا
وكتر خيركم
فعلا تقع مسؤولية مباشرة ومباشرة جدا علي الحكومة منذ البدء
التصاديق
كيف تتم التصاديق للمبني؟
ماهي الشروط ؟
دى مدرسة مش سجن
مجموعة من الطلاب كبيرة تحتاج لتهوية . واماكن للعب والرياضة اثناء الفسح
هذا في البداية
ثم مباني صالحة وتخضع للشروط الهندسية
فصل مش اوضة
لازم المساحة تكون مناسبة للعدد
دة كلو تتحملو الحكومة وتتحملو كجريمة جنائية نتج عنها الموت
ثم لا اعف الادارة الموجودة
المبني ما داير مهندس عشان يعرفو صالح ولا ما صالح
| |
|
|
|
|
|
|
|
|
|
Re: بهدوء انهيار فصل مدرسي (Re: عبدالحفيظ ابوسن)
|
وقبل دمار وانهيار المؤسسات يا أبوسن وياحمد ويا ود المشرف
قبل ذلك كله .. قبل كل شئ
وين الضمير الحي للانسان السوداني
سواء مسؤول .. معلم .. مقاول أو حتى ولي أمر طالبة
وين الفهم العميق لكل ما يتعلق بالنشء
بدءاً بمكان دراسته .. نشاطه اليومي .. أصحابه
زمان حتى سراويلنا بفتشوها
الأظافر
حتى لياقة القميص والكبك
أين كل ذلك مما يحدث يا حفيظ
أخشى أن تكون الانقاذ قد أخرجت أسوأ ما فينا
أخشى جداً
| |
|
|
|
|
|
|
|
|
|
Re: بهدوء انهيار فصل مدرسي (Re: عمر أبوعاقلة)
|
التنصل يا ابوعاقلة
أي زول ببعد من المسؤولية ويكون في السليم
رئيسك المباشر قال ليك كدة تعمل كدة وترميها فوقو . وهو بنكرك بعدين
زمان الموظف كان برفض لو شاف الاجراء خطأ ولو رئيسو اصر عليهو بطلب منو الامر مكتوب . ولا يقبل الامر شفاهة
صحي زمان ما كدة
الناس غير احساسها الانساني العالي برضو كانت مؤهلة وعندها احساس بالمسؤولية
هسة يا ابوعاقلة المعلم الكان بقيف في الطابور ويفتش الطلاب . ولا بكون مراقبهم في الشارع مافي
لأنو وزارة التربية صارت لا تهتم بالمعلم
وتأخر راتبه ولامن يطالب بيهو بتعتقلو
وتفصلو
المعلم بقا حدو الحصة بس
لكن دي مدرسة خاصة . يعني المعلمين والادارة قطاع خاص . القضية بقت مشربكة . ادارة المدارس الخاصة مسؤولة والوزارة مسؤولة لانها لا تتابع اداراتها
وصاحب المدرسة مسؤول لأنه يفتقر للحس بخصوصية الخدمة البقدمها ويفتقر لحس السلامة وسط عدد كبير من الاطفال . معتبر المدرسة استثمار زيو وزي كنتين في الحلة
والادارة مسؤولة لانهم معلمين مفروض يكونو سابقين المستثمر فهما ومسؤولية
| |
|
|
|
|
|
|
|
|
|
Re: بهدوء انهيار فصل مدرسي (Re: عبدالحفيظ ابوسن)
|
اي بنا ولا طلبة عارف انو البلوك بستعملو ليهو مونة حرة يعني اسمنت ورملة
نهائيا واقصدها حرفيا ما شفت بلوك بي مونة عادية
دي حاجة
الحاجة التانية المدارس بتتصان سنويا كان . الاعداد الكبيرة بتستهلك المبني وتم بتم في الاجازة
امكن لاحظت مدرسة خاصة في كوستي وهي تحوي قرابة ال5 ألف طالب . وهي مدارس الاندلس
لاحظت سنويا بتم صيانتها حتي اعادة ضرب البوماستك
مع بداية الاجازة تبدأ فيها الصيانة رغم انها مبنية بشكل جيد ومسلح
صيانة الكراسي والكنب والحمامات
ويتكفل مالكها مبلغا ضخما في ذلك
ما يفعله مالكها هو نفس ما كان يتم في المدارس سابقا
| |
|
|
|
|
|
|
|
|
|
Re: بهدوء انهيار فصل مدرسي (Re: عبدالحفيظ ابوسن)
|
السنة الفاتت ولا القبلها علي ما اذكر سمعت انو الحكومة امرت بعدم تحصيل مبالغ من الطلاب
والمدارس بتطالب الطلاب بقروش
to cut the long story short
سألت احد المعلمين فقال لي
الوزارة ما بتدينا قروش تسيير حتي الطباشير واقلام التصحيح وغيرو ما بتجيبو وبعد دة كلو تقول ما تشيلو قروش . وهو مجرد كلام
يا نقفل المدرسة او نخلص قروش
الان اي طالب في المدارس الحكومية بدفع رسوم بداية العام الدراسي . ولا تتوقف الدفعيات
| |
|
|
|
|
|
|
|
|
|
Re: بهدوء انهيار فصل مدرسي (Re: حمد عبد الغفار عمر)
|
كشف رئيس لجنة التربية والتعليم بالمجلس التشريعي لولاية الخرطوم، علي أبو الحسن عن إجراء تحقيق حول مسؤولية وفاة 3 طالبات من مدرسة الصديق الخاصة بنات بعد انهيار جدار عليهن، وأشار الى أن اللجنة وقفت على المواد التي تم بها تشييد المدرسة واتضح أنها دون المواصفات، حيث تم استخدام (المونة) في بناء البلك.
وأكد أبو الحسن في تصريح لـ(الجريدة) أمس أن تحقيقات ستتم في قضية المدرسة لمعرفة المتسبب في وفاة الطالبات وانهيار المدرسة، وقال: "يجب التشديد على اتباع المواصفات الهندسية في المدارس الخاضة"، وأضاف أن انهيار الفصل الدراسي كان أثناء الطابور الصباحي، ولفت إلى تلقي العزاء في الطالبات بمكان واحد.
منقول
| |
|
|
|
|
|
|
|
|
|
Re: بهدوء انهيار فصل مدرسي (Re: عبدالحفيظ ابوسن)
|
رسالة من الواتساب:
Quote: السيد وزير التربيه والتعليم بجمهوريه السودان / آسيا محمد عبدالله
تحيه طيبه وبعد !
مرفق الى سيادتكم صور من "فصل" ب مدرسه بنات في محليه امبدة ..
الفصل دا وقع ! اي والله وقع الوقعه الوااحدة دي !
ولو وقع بالليل والمدرسه فاضيه كان بتكون قضيه فساد وغش في المونه والاسمنت وتجيبو المقاول وتشوفوهو عمل كدا ليه ويتسجن ولا يتحلل ولا اي شي !
لكن للأسف الفصل دا وقع في نهارا في اثناء اليوم المدرسي !
وراحت ضحيه الانهيار دا ارواح تلاته طالبات كل ذنبهم انهم بيقرو في مدرسه مسؤوله منها وزارتك الموقرة !
التلاته بنات ديل بنات حقيقيات !
ما اسماء في ورق .. عندهم اسماء .. عندهم صور وهم صغار .. عندهم هوايات .. وحده فيهم كان حلمها تكون طبيبه .. واحده فيهم هي البت المفضله عند ابوها .. عندهم اخوان واخوات كانو بيلعبو معاهم .. عندهم جيران كانو بيلاقوهم في المراسيل للدكان ..
الليله سراريهم حاتبيت فاضيه !
مخداتهم .. اغطيتهم .. فرش اسنانهم .. سفنجات البيت .. الكتب والكراريس .. كل التفاصيل دي الليله اهاليهم حا يعاينوا ليها ويبكو !
حايفقدهم كل يوم ..
مافي طفل بيموت بيتنسي .. غصه فقد الطفل بتكون قاعدة في الحلق الى يوم يبعثون !
سعادة الوزيرة .. بنخاطبك من اجل الانسانيه .. يجب ان يحاسب المذنب .. الزول المتسبب في جريمه القتل دي لازم يحاسب !
ما حايرجع الطفلات .. ما حا يعالج المصابين .. ما حايبرد حشا الامهات .. لكن لازم يتحاسب ويحاكم على مرأى ومسمع من الجميع !
كم مدرسه في السودان حاتقع تاني ؟
كم فصل في السودان آيل للسقوط ؟
كم منشأة تعليميه لا تصلح انها تكون حوش دجاج ناهيك عن انها تبقى مدرسه بتعلم اطفال حب الوطن ؟
كيف الطفل يتعلم حب الوطن والوطن بوقع المدارس فوق راسو !
كم من مدرسه لا تصون ادميه الطلبه بحماماتها المقرفه !
كم مدرسه فيها طلاب بيدوخو لانهم ما عندهم حق الفطور ؟
كم مدرسه مافيها تهويه ولا مروحه والطلاب بيتهببو بالكراريس !
كم مدرسه طافحه فيها المويه الراكدة بسبب الامطار !
وبعد دا بيطلبو من الاهل رسوم كهربا ورسوم نضافه ورسوم كتب ورسوم الخ الخ الخ !
سعادة الوزيرة .. افضي لينا شويه ولفي المدارس الحكوميه شوفي حالتها كيف ! .. افتحي ملفات المدارس الخاصه وشوفي من الذي يمنح التراخيص لمدارس ايله للسقوط ! هل في لجان بتمشي تعمل تفتيش وتقيف على المدارس دي ولا القصه فكو وطار !
المدارس البيفتحوها كل يوم ويجيبو اعلانتها في التلفزيون دي هل تطابق شروط الوزارة التعليميه والتربويه والامنيه والصحيه ولا لا ،؟
سعادة الوزيرة الاسر دي فقدت طفلاتها البريئات في انهيار مدرسه في سنه 2018 !
ما بنكلمك في كشف امتحان ولا تسريب اسئله ولا في اجلاس ولا كتاب ! بنكلمك عن ارواح فقدت !
فماذا انتي فاعله !
|
| |
|
|
|
|
|
|
|
|
|
Re: بهدوء انهيار فصل مدرسي (Re: محمد أبوالعزائم أبوالريش)
|
نسأل الله أن يرحم المفقودات ويصبر أهلهن ويشفي الجريحات
ـــــــــــ
وزير التربية يوجه بفتح تحقيق عاجل في حادثة مدرسة "الصديق"
وزير التربية يوجه بفتح تحقيق عاجل في حادثة مدرسة
08-02-2018 12:39 PM
الخرطوم : الراكوبة وجهت وزارة التربية والتعليم في السودان، يوم الخميس، بفتح تحقيق عاجل بشأن حادثة مدرسة "الصديق" الخاصة التي راح ضحيتها 3 تلميذات.
ودعا وزير التربية والتعليم، فرح مصطفى طبقاً لوكالة السودان للأنباء، الجهات المختصة ببدء التحقيق الفوري لمعرفة أسباب وملابسات الحادث، ومحاسبة المتورطين.
وكان اتحاد اصحاب المدارس الخاصة، طالب بتنحي قيادات الوزارة جراء انهيار سور مدرسة "الصديق" الخاصة بأم بدة فوق 11 تلميذة توفيت 3 منهن (أماني محمد، ودرية ديار، وأبرار علي).
وقال الاتحاد إن الوزارة مسؤولة عن منح التصديقات وعليها يقع اللوم.
وقدم الوزير واجب العزاء في التلميذات وقال "إنني إذ أشاطر الأسر المكلومة الحزن أتضرع إلى الله عز وجل أن يلهمهم وذويهم الصبر والسلوان، وأن يجمعنا بهن في جنات النعيم".
مضيفاً "لقد آلمني أشد الألم ويؤسفني أن يتعرض طالبات لا ذنب لهن لمثل هذا الحادث الأليم الذي أدى الى وفاتهن".
| |
|
|
|
|
|
|
|
|
|
Re: بهدوء انهيار فصل مدرسي (Re: Yasir Elsharif)
|
بالأمس، قبل ورود خبر هذه الكارثة، كنت أتناقش مع بعض الأصدقاء في أمر المدارس وكان الموضوع تردّي أوضاع المدارس في منطقتي (بري) ... كانوا يتحدثوا عن دعم مواطني الحي لهذه المدارس وصيانتها.
سألتهم ... أريد أن أعرف ما هو دور وزارة التربية والتعليم (خلاف صرف المرتبات نهاية كل شهر). إذا كان المواطن هو من يقوم بصيانة المدارس ويوفر بيئة صالحة للمعلم والتلميذ، حقاً ما هو دور الوزارة؟
في رأيي أن استقالة الوزير غير كافية ... الأجدى حل الوزارة، طالما المواطن يقوم بدورها ويدفع الضرائب المفروضة عليه.
طبعاً أعلاه ينطبق على وزارة الصحة وكل الوزارات الخدمية.
| |
|
|
|
|
|
|
|
|
|
Re: بهدوء انهيار فصل مدرسي (Re: محمد أبوالعزائم أبوالريش)
|
الوجع واحد
ويستكثرون التعزية علي اسر الضحايا
امر مخجل
خلو الوزارة مفروض رئاسة الجمهورية زاتا تعزي كل الشعب السوداني
وتقيل الوزير
ثم مدير ادارة التعليم الخاص
ثم يفتح بلاغ جنائي في مالك المدرسة قتل غير العمد
ثم بلاغا في مواجهته بالاهمال وإلزامه بحل مشكلة جميع الطالبات المتبقيات بإصلاح المباني وتهيئة بيئة دراسية كريمة ومعقولة
| |
|
|
|
|
|
|
|
|
 Re: بهدوء انهيار فصل مدرسي (Re: عبدالحفيظ ابوسن)
|
الصوره العلويه من اليمين لمشهد الفصل من الداخل والقوائم الحديديه تفضح ان الفصل عباره عن عريشه محاطه باسوار بلوك وليس هناك اى نوافذ. .
ااستهتار سماسره التعليم الواضح فى تاسيس بينات مدرسه باقل التكاليف لتذهب الاموال المدفوعه من عرق الاهالى طمعا فى تعليم افضل الى جيوب تجار وسماسره التعليم .
الجهه المختصه من الوزاره مسئوله عن هذه الجريمه بترخيصها لمدرسه فصولها بهذه المواصفات.
| |
|
|
|
|
|
|
|
|
|
Re: بهدوء انهيار فصل مدرسي (Re: Asim Ali)
|
وزير يتهرب من المثول أمام المجلس التشريعي عقب كارثة تربوية وإنسانية بالخرطوم
وزير يتهرب من المثول أمام المجلس التشريعي عقب كارثة تربوية وإنسانية بالخرطوم
08-03-2018 07:32 PM
الخرطوم: عازة أبو عوف
تقدم النائب بمجلس تشريعي الخرطوم، آدم عبد الله بمسألة مستعجلة الى وزير التربية والتعليم حول انهيار مدرسة الأساس بأم بدة التي أدت الى مصرع ثلاث طالبات وإصابة أخريات. في وقت اعتذر الوزير عن حضور جلسة المجلس لأسباب لم يتم الكشف عنها، وتم تحديد جلسة أخرى في الأسبوع القادم.
وكشف رئيس لجنة خدمات التربية والتعليم بالمجلس علي أبو الحسن، عن إغلاق المدرسة للحد من وقوع كوارث مماثلة، ووصف الأوضاع بالمدرسة بالمأساوية والكارثية، وتعهد أبو الحسن بإجراء حملات تفتيشية شاملة لكل المدارس، وإغلاق أي مدرسة لم تستوفِ الشروط المطلوبة التي تحمي أرواح التلاميذ والطلاب، وقال إن التصديق يمر بعدة مراحل كالمحلية والجهات الهندسية والصحية، إضافة لزيارة ميدانية، وأشار الى أن مدرسة الصديق تعد من المدارس العشوائية وليس لديها تصديق من قبل الوزارة، منبهاً لوجود الكثير من المدارس الخاصة التي بها تجاوزات وعدم استيفاء الشروط المطلوبة، وذكر أن الجدار الذي انهار مبني بالطين اللبن والطوب بلوك، وتصدع نتيجة لتساقط الأمطار.
الجريدة
| |
|
|
|
|
|
|
| |
عبدالحفيظ ابوسن
MOHAMMED ELSHEIKH
محمد علي البصير
Asim Ali
تماضر الطاهر
Amira Hussien
علي دفع الله
عمر أبوعاقلة
محمد حيدر المشرف
حمد عبد الغفار عمر
محمد البشرى الخضر
محمد أبوالعزائم أبوالريش
Yasir Elsharif
فيس بوك
تويتر
انستقرام
يوتيوب
بنتيريست