|
|
|
 Re: إن صح هذا الأمر ؛ فهو سبب كاف لإقالة أو إست (Re: ايمن الصادق)
|
حبيبنا أيمن .. تحياتي
يا سلام حاجة مؤلمة جداً
شكراً لقطر التي تتكفل علاج الطفل
لا أعرف لماذا موظفي السفارات والقنصليات السودانية بهذا السلوك
دائماً الحديث بفوقية مع المراجعين
الحبيب ايمن لو كانت السفارات بدون أتاوات وضرائب ورسوم
كنا نستحمل أي تصرف ..
عاجل الشفاء لهذا الطفل بإذن الله .. وإذا الموضوع موثق
على رئيس الجالية رفع الأمر لوزارة الخارجية
تحياتي الحبيب أيمن .. أرجو ألا تصمتوا عن هذا السلوك
| |
 
|
|
|
|
|
|
|
|
مواطن ومسئول.. وعنت مزمن (Re: علي عبدالوهاب عثمان)
|
حكاية مؤسفة جداً..
البوست ده مفروض يكون فوق وقداااام ..
يا وزيرة الخارجية ويا حكومة حمدوك ديل سفاراتكم في تعنتها مع المواطنين ذات الصلف في التعامل داخل وخارج البلد..
الامر بحاجة للتحقيق ثم لا تخاذ الإجراء الحاسم..
| |
|
|
|
|
|
|
|
|
Re: مواطن ومسئول.. وعنت مزمن (Re: حيدر حسن ميرغني)
|
Quote: سلام وتحية ياكرام
الرواية الصحيحة حكاها لي طبيب (سوداني) هو أحد المشرفين علي الطفل بالعناية المركزة بمستشفي سدرا. وتختلف تماما عن ماتداوله الناس علي الأسافير.
باخاصار شديد فقد بادر هذا الطبيب بالاتصال بالقائم بالأعمال بالسفارة السودانية لاستخراج جواز للطفل لاستخراج الإقامة. و اوضح ان القائم بالأعمال رحب منذ اللحظة الأولي وتعاون للحد الكبير. وتمت الإجراءات بسهولة ويسر لدرجة أن أشادت إدارة المستشفي بتعاون السفارة.
هنالك دروس يجب الاستفادة منها:
1. خطأ كبير تصوير اعربات الإسعاف داخل المستشفي وتصوير الطفل في العناية المركزة ونشر الصور. وهذا غير مقبول في أخلاقيات الممارسة الطبية وكذلك في قوانين قطر.
٢. تعاون السفارة فاق التوقع وتم كل شئ علي أفضل مايكون فلم يكن من اللئق التشهير بسفرتنا السودانية علي غير وجه الحق.
٣. لابد من توخي الدقة وتقصي الحقائق قبل النشر خاصة في أمور تخص المستشفيات والسفارة
ودمتم
الفاتح بشير الملك |
Quote: تعقيب..
على خلفية سيارات الاسعاف بالسفارة.
لا شك ان موضوع الطفل السوداني الرضيع الذي جاء بسيارات اسعاف سدرة قد اثار ضجة كبيرة في الأسافير وخلف وراءه سخطا وغضبا كبيرا بسبب ظاهر الامر الذي بدى كتعنت الجهات المسؤلة عن استخراج الجواز له. وعلى خلفية ذلك وبعد التواصل مع تلك الجهات وضحت ان الامر ليس تعنت ولا عدم مراعاة وإنما هو مشكلة تقنية تتمثل بوجود كاميرا مرتبطة بشبكة أون لاين لا يمكن فصلها عن الاجهزة ولا الشبكة وان تلك الجهة طالبت الجهات المسؤلة في السودان بارسال كاميرات تعمل اوف لاين دون اتصالها بالشبكة حتى تستطيع الوصول للطفل في المستشفى وعمل ما يلزم لاستخراج المستندات المطلوبة ولكن طبيبا في المستشفى اقترح امكانية نقل الرضيع للسفارة بكامل طاقم التمريض لاكمال الاجراءات.
ويبدو أن الأمر اختلف هنا عما اعتقدناه وسمعناه منذ بداية الأمر وهكذا انتفت تهمة العنت والتعنت وعدم المراعاة من الجهات المسؤلة. ونعتذر عن سوء فهمنا للأمور ونرجو عاجل الشفاء للطفل. |
| |
|
|
|
|
|
|
|
|
|
Re: مواطن ومسئول.. وعنت مزمن (Re: محمد أبوالعزائم أبوالريش)
|
سلام الراكزابو الريش
| Quote: بوجود كاميرا مرتبطة بشبكة أون لاين لا يمكن فصلها عن الاجهزة ولا الشبكة |
الكلام دا كلام غير علمي و لا يسنده منطق
حتى كلام دكتور الملك كلام انشائي و مطايبة لا يفيد في شئ
الموضوع جهاز لابتوب فيهو كاميرا بتوصل باي خط انترنت في اي مكان
دا استهبال و قلة حيلة و قلة ادب من مجرد اشخاص لا علاقة لهم بالانسانية
اجهزتنا بتاعة التلفزيون دي لما نكون في مهمة خارج القناة بنشيل اجهزة وزنها ما اقل من تلاتة طن
بنكون بس محتاجين لانترنت و اكيد بكون متوفر و بوصلنا للقناة مباشرةَ
يجب التحقيق في هذه المأساة و محاسبة المسئولين عنها
و قول للطبيب دا بطل التبريرات الواهية و خليك في طبك
| |
|
|
|
|
|
|
|
|
|
Re: مواطن ومسئول.. وعنت مزمن (Re: محمد أبوالعزائم أبوالريش)
|
والد الرضيع كتب مطمئنا الناس على صحة طفله وشرح حقيقة الوضع كما تفضل بها الطبيب اعلاه و شكر طاقم سفارة لم تسقط بعد دي زاتها واستنكر تصوير ابنه ونشر الصور دون اذنه
عندنا مشكلة كبيرة في السودان في مسالة فهمنا للخصوصية لكن عندنا مشكلة أكبر في مسألة اللفحي و التلبب وتبني وجهات نظر الآخرين و التحقق من صحة ما نسمع أو نقرأ قبل ان نعيد نشره!
دا غير كمان طبعا جو الثورة عامل شغل و كل زول عايز يطلّع جيفارا الجواه و يطربق الدنيا على رؤووس الطغمة الفاسدة و الديكتاتورية ... بلا بلا بلا
| |
|
|
|
|
|
|
|
|
|
Re: مواطن ومسئول.. وعنت مزمن (Re: Hafiz Bashir)
|
| Quote: وإنما هو مشكلة تقنية تتمثل بوجود كاميرا مرتبطة بشبكة أون لاين لا يمكن فصلها عن الاجهزة ولا الشبكة وان تلك الجهة طالبت الجهات المسؤلة في السودان بارسال كاميرات تعمل اوف لاين دون اتصالها بالشبكة |
دة كلام ونسة ساي
ما عندو أي علاقة بي اسمو منو
| |
|
|
|
|
|
|
|
|
|
Re: مواطن ومسئول.. وعنت مزمن (Re: محمد البشرى الخضر)
|
| Quote: خلاص عايز تطلع قاضي بيزنطة الجوّاك |
😂😂😂
إشمعنا قاضي بيزنطة؟ ما عندي جيفارا جواي؟
القاعدة هي إنو في الأمور زي موضوع البوست دا اوعك تعمل فيها قاضي لأنو لايمكن تصل لحقيقة الحدث وظروفه وبالتالي حكمك بيكون مبني على الهوى ساي
| |
|
|
|
|
|
|
|
|
|
Re: مواطن ومسئول.. وعنت مزمن (Re: محمد البشرى الخضر)
|
لازم تعرف يا ايمن ان الدبلوماسيين والموظفين في السفارات السودانية هم أعداء بالفطرة للجاليات السودانية في الخارج..
وغير مستعدين يساعدوك باي مساعدة ، حتى إذا أردت منهم تجديد الجواز يضعون امامك العراقيل كل تتعذب ...
اما الدبلوماسيين والموظفين العاملين في سفارة السودان فنحن نستهجن ما فعلوا وندين باشد العبارات ما فعلوه تجاه هذا الطفل المريض ونطالب بعودتهم فورا الخرطوم وإجراء جلسة تأديبية لهم واذا استدعى الأمر فصلهم فهم لا يستحقون أن يمثلوا سودان الثورة ،،،سودان العدالة والسلام والحرية...
وضروري هؤلاء يكونوا كيزان ...يريدون أن يعرقلوا نجاحات الحكومة الثورية
| |
|
|
|
|
|
|
|
|
|
Re: مواطن ومسئول.. وعنت مزمن (Re: امتثال عبدالله)
|
مفروض .. من السفير و طاقم السفارة يكونوا مجنزرين بالسلال الغليظة و عريانين بالانكسة فقط يركبوهم اول طيارة للسودان للتحقيق معهم .. بعد داك يشوفوا العقوبة المناسبه لهم
سلام على صاحب البوست و ضيوف المنبر الكرام .
| |
|
|
|
|
|
|
|
|
|
Re: مواطن ومسئول.. وعنت مزمن (Re: أيمن نواى على)
|
أنا لو والد الطفل واتفاجأت بصورة ابني المريض في الأسافير أكيد حأتأذى واسعى لي لملمة الموضوع
الوالد لم يعترض على الاجراءات وحل مشكلته وفق المتاح .. يعني ما طلب دعم الناس ولا دوّل مشكلته وجعلها قضية رأي عام
كان عاوز جواز وعمل اجراءاته وأموره طيبة
الإشكالية هنا ليست أنقذوا الطفل بل شوفوا السفارات بحصل فيها شنو
مهمة السفارات خدمة المواطنين المتغربين في دولها وتسهيل حياتهم وإجراءاتهم والحفاظ على كرامتهم
الواجب إعادة النظر في شكل الاجراءات وكفاءة الموظفين والعمل على تأهيلهم
وبي صراحة سفارة بتشتغل اجراءات اليكترونية زي الجواز والرقم الوطني ما ممكن ما يكون فيها موظف دعم فني قادر على حل مشكلة صورة!
دة أول واحد مفروض يستلم تأشيرة خروجه
التبريرات الفنية السايقينها المدافعين عن السفارة لا أجد لها تعبير أقل من كونها بول شت .. شنو كاميرا اونلاين واوفلاين وشبكة وبتاع!!
متأكد تماماً إنه فيلق الموظفين الموجودين في سفارة قطر ديل بكون فيهم واحد على الأقل بمسمى موظف دعم فني ودة بالشايفو في القضية دي بكون بجي المكتب يفتح الفيسبوك ونهاية الشهر بقبض مرتبه
أنا هنا ما بتكلم عن خدمات تقديم اليكتروني للإجراءات الحكومية زي باقي الدول .. هو خارجيتنا لم تحرك ساكن في موضوع الطلاب السودانيين العالقين في مدينة ووهان الصينية حنتوقع منها شنو يعني! بتكلم بس عن موظف مؤهل تأهيل بسيط بحيث يقدر يحل المشاكل البسيطة دي
| |
|
|
|
|
|
|
|
|
|
Re: مواطن ومسئول.. وعنت مزمن (Re: أحمد محمد عمر)
|
من نافذة الفيس بووك Quote: منتصر ابوعاقله
الشيء المؤسف ماكتبه بعض اعضاء المنبر المقيمين والمتواجدين في قطر، معتمدين على روايات سمعية او منشورات فيس بوك وواتس اب في حين كان بامكتنهم الذهاب الى السفارة او الذهاب الى المستتشفى والتاكد من اسرة المريض مباشرة وبالمرة تكون زيارة مريض.......
لكن الغرض مرض.
أعجبني · رد · منذ ٦ س
منتصر ابوعاقله
الاخ احمد محمد عمر
السفارة قدمت كل المتاح حسب امكانياتها ولم تبخل باستخراج الرقم الوطني من داخل المستشفى وعندما تعسر وصعب عليها موضوع الجواز استخرجت للطفل وثيقة لكن المطلوب كان استخراج جواز لان الوثيقة لاتفي لاستخراج الاقامة للطفل حسب القوانيين بالدولة وحتى لايدخل الطفل في غرامات مالية بسبب التاخر في استخراج الاقامة تبرع احد الاطباء باحضار الطفل الى السفارة فماكان من السفارة سوى الموافقة على اقتراح الطبيب وعندما حضر الاسعاف كان في استقباله طاقم السفارة بالكامل وتم الامر في غضون دقائق وبدون رسوم ورحبت الاسرة بذلك تماما وشكرت جهود السفارة.
فليس من الحكمة التمترس خلف وجهة نظر واحدة. |
أقترح كل واحد يرجّع جيفارا الجواه محلو استعدادا لعرضة ثورية قادمة
| |
|
|
|
|
|
|
|
|
|
Re: مواطن ومسئول.. وعنت مزمن (Re: محمد البشرى الخضر)
|
سلامات منتصر وشكراً على إفادتك
أنا أصلاً قلت فوق إنه والد الطفل راضي عن الإجراء
لكن أنا اشكاليتي في الحتة دي | Quote: وعندما تعسر وصعب عليها موضوع الجواز |
التبريرات الفنية المذكورة لا ساق لها تستند عليها عدا عدم العرفة
موضوع كاميرا اوفلان وكاميرا اونلاين دة سواقة بي شارع الخلا
هل لو جبت صورة ورقية وختيتها قدام الكاميرا الإجراء ما بتم؟
السيستم اليكتروني بتفتح من أي لابتوب أو حتى موبايل ذاتو كيف موظف الدعم الفني ما بقدر يوصل الكاميرا في اللابتوب ويمشي بيها المستشفى
أنا ما بتكلم عن حرفنة أو حاجات دايرة خبرة دي اجراءات بتتم عادي وكتير بعثات الجوازات بتحوم بأجهزة محمولة وتعمل الإجراءات برة المكاتب
كونه يا منتصر مهمة بسيطة زي دي تغلب طاقم السفارة معناها في إشكالية في خبراتهم التقنية وبالتالي كفاءتهم في التعامل مع الأنظمة الالكترونية
واكرر ليك تاني أنا متأكد إنه الولد ما عندو مشكلة ولا الوالد .. الاتنين راضين عن الإجراء .. ولا أنا بدافع عن حقهم
أنا بتكلم عن الإشكالية التقنية في السفارة وإنه حدث زي دة مفروض تتشكل ليه لجنة تحقيق على مستوى الوزارة عشان يتعالج بشكل دائم
| |
|
|
|
|
|
|
|
|
 Re: مواطن ومسئول.. وعنت مزمن (Re: محمد البشرى الخضر)
|
سلامات جميعآ .
آسف على الغياب امس ، واليوم المنبر صيانه لساعات .
شكرآ لكم جميعآ .... وبعتذر عن التعليق على المداخلات ؛ لاني متصل من موبايل ومتصفحه ما مريح .
- بصورة عامة لم اعثر وحتى اللحظه على تعليق رسمي من السفاره !!
- معظم المتداول هو من اشخاص يدافعون بالوكالة او بإيعاز ... وكلنت يعلم كيف تسير الامور عند الكيزان .
- تعليق الطبيب المك محير صراحة شنو ادارة المستشفى بتشكر وبتاع ،،،، يا سيدي السفارات مافي حاجه تتشكر عليها ، اي خدمة تتقدم للمواطن هي حق ، وفي الموقف دا تحديدآ مؤسف جدآ تتحدثوا عن كاميرا واوف لاين وغيره ، بل عيب
- معروف دا كلام خم وكلام غير منطقي .... تقنيآ دي ما مشكله ممكن تتحل حكاية الكاميرا دي بأكثر من اربعة طرق !!!!
- دع عنكم كلام والد الطفل ، ومتوقع انه ممكن يكون كتب الكلام دا لاسباب تخصه ؛؛؛؛ المهم عندي سفارة تمثل بلد عيب جدآ تقف سيارات اسعاف للسبب دا ،،،، حتتتتتتى وان كانت رغبة والد الطفل ؛ لان الامر يتجاوزه تمامآ هنا .
- السفارة مدانة عندي .... والموضوع كبير .
- موضوع الصور ما بيهمني ولم اوردها هنا .
| |
|
|
|
|
|
|
|
|
|
Re: مواطن ومسئول.. وعنت مزمن (Re: ايمن الصادق)
|
ايمن الصادق
نحن معك في كل ما تقوله عن السفارة السودانية في قطر ...
وما تخليهم واردمهم ردم شديد ،،،ليس فقط السفارة السودانية في قطر ولكن كل السفارات السودانية في الخارج
لأنهم دائما وابدا يضعون العراقيل أمام أي سوداني يريد أن يجرى معاملات معهم ،،فهم أبدا في كراهية شديدة المقيمين في الخارج ويجب أن تغير وزارة الخارجية من وجهها القبيح في الخارج وان تكون السفارات مهمتها الأولى مساعدة المقيمين في الخارج واب شكوى من أي سوداني يجب إجراء تحقيق فوري واستدعاء السفير الخرطوم وتغيير الطاقم الدبلوماسي..
كما بحب إغلاق كل هذا الكم من السفارات التي تصرف ملايين العملات الصعبة دون فائدة تذكر والإبقاء فقط على السفارات السودانية في الدول الخمس الكبرى وألمانيا ودول الخليج فقط ..
| |
|
|
|
|
|
|
|
|
|
Re: مواطن ومسئول.. وعنت مزمن (Re: ايمن الصادق)
|
ايمن الصادق
نحن معك في كل ما تقوله عن السفارة السودانية في قطر ...
وما تخليهم واردمهم ردم شديد ،،،ليس فقط السفارة السودانية في قطر ولكن كل السفارات السودانية في الخارج
لأنهم دائما وابدا يضعون العراقيل أمام أي سوداني يريد أن يجرى معاملات معهم ،،فهم أبدا في كراهية شديدة المقيمين في الخارج ويجب أن تغير وزارة الخارجية من وجهها القبيح في الخارج وان تكون السفارات مهمتها الأولى مساعدة المقيمين في الخارج واب شكوى من أي سوداني يجب إجراء تحقيق فوري واستدعاء السفير الخرطوم وتغيير الطاقم الدبلوماسي..
كما بحب إغلاق كل هذا الكم من السفارات التي تصرف ملايين العملات الصعبة دون فائدة تذكر والإبقاء فقط على السفارات السودانية في الدول الخمس الكبرى وألمانيا ودول الخليج فقط ..
| |
|
|
|
|
|
|
|
|
|
Re: مواطن ومسئول.. وعنت مزمن (Re: امتثال عبدالله)
|
مرحبا العزيزة امتثال .
كل الخير لك ، ومعآ لإيقاف الاستهتار الكيزاني بالسودان والسودانيين ، للدرجة التي جعتلهم لا يكترثون لشئ ( لا وازع ولا رادع ) .
وفعلآ هنالك العديد من السفارات والممثليات عبارة عن ارهاق لخزينة الدولة ، وبعضها افتتحت للترضيات للأسف .
| |
|
|
|
|
|
|
|
|
|
Re: مواطن ومسئول.. وعنت مزمن (Re: ايمن الصادق)
|
يا أيمن هل الموضوع شخصي بالنسبة لك؟
لم هذا الاصرار على تصديق رواية بالنسبة لك سماعية لا انت تأكدت بنفسك ولا أكدها لك احد الاطراف المعنية, في حين اتاك النفي من والد الطفل نفسه!
قول والد الطفل كوز - عشان تريّح جيفارا - طيب على الأقل تأكد من طرف محايد - أحد القيمين في الدوحة مثلا وهم كثر في المنبر
هل تواصلت مع احد الزملاء وطلبت منه عشرة دقائق من وقته للاتصال بالمستشفى او اسرة الطفل او السفارة ثم تأكدت قبل ان تكتب وتفترض و تأمل و "تلاوي" في قبول الحقائق
CC الزميلة امتثال برضو
| |
|
|
|
|
|
|
|
|
|
Re: مواطن ومسئول.. وعنت مزمن (Re: محمد البشرى الخضر)
|
تتوفر لدى ادارة السجل المدني وادارة الجوازات في السودان وحدات متحركة عبارة عن شنط متوسطة تحتوي على
لابتوب
جهاز بصمة
كاميرا
بطاريات للطاقة
يمكن التنقل بها لاستخراج الوثائق
مثل شهادة الرقم الوطني وجواز السفر.
يتم التنقل بها الى اي مكان ويجري تفريغ بياناتها بعد العودة الى المكتب وتوصيلها بالشبكة.
تتوفر لاستخدام المرضى وذوي الحالات الخاصة وال VIP
كما يتم استخدامها في بعض المكاتب البعيدة
مثل مكتب وادي حلفا الذي يتم تفريغ بيانات حقائبه في دنقلا.
ثم يتم التصديق النهائي على الجوازات في دنقلا.
| |
|
|
|
|
|
|
|
|
|
Re: مواطن ومسئول.. وعنت مزمن (Re: حيدر حسن ميرغني)
|
الاخ ابو الريش.. سلام
ما فهمت كلام الطبيب.. هل عربات الإسعاف وصلت السفارة؟ لو كانت الإجابة نعم اذا كلام الطبيب كله لا معنى له..
بعدين حكاية الكمبيوتر موصل بالنت بتاع السفارة دى يا اخوانا حقو الواحد يبطل الشغل فى النت و الكبيوتر زاتو.. كرهتونا ليه. دا كلام ما فى افرغ منهِ . و اى نظام و سوفتوير يشتغل بالنت ممكن تشغيله فى الطريق بين هيا و حبيت. تربط اللابتوب ببيانات التلفون. Tethering. و اما فى المستشفى فيرتبط بالواى فاى او الكيبل بتاع نت المستشفى. يا اخوانا فى الحكومة زمن نجر اى كلام و اى بطاطس زمنه انتهى. انتو كدا اكتشفوا جهلكم والعالم تضحك عليكم.
| |
|
|
|
|
|
|
|
|
|
Re: مواطن ومسئول.. وعنت مزمن (Re: Abureesh)
|
هاني عربي ، حيدر ، ابوالريش .
طابت اوقاتكم ،،،
* موقف .
ايام بداية ازمة السيوله ، صادفت زحمه شديده بأحد البنوك ، المواطنين مستسلمين وسألت الصراف الحاصل شنو قال لي مافي شبكه ،،، توريد بس ومافي سحب ، سألت عن السبب وقال لي الشبكه بتورد وما بتسحب
تقدمت نحو مكتب المدير وسألته دي شبكة شنو البتورد وما بتسحب دي ؛؛؛ فخرج من مكتبه ذليلآ مضطربآ وأمر بتلبية طلبي .
الكيزان في اي مكان اسلوبهم ياهو !!
بدلآ عن اعتذار السفارة ومحاسبة المسؤولين والاقرار بأنه لايليق بالبلد ولا أهله ،،، يختفون خلف ابواقهم وكل من ياتينا مدافعآ عنهم ( بإيعاز او بمتلازمة الكوز )
| |
|
|
|
|
|
|
|
|
|
Re: مواطن ومسئول.. وعنت مزمن (Re: محمد البشرى الخضر)
|
Quote: يا أيمن هل الموضوع شخصي بالنسبة لك؟
|
يا ود البشرى .
ليس لدي شئ ( شخصي ) أعالجه بعالم الأسافير .
| Quote: في حين اتاك النفي من والد الطفل نفسه! |
أعلاه ( في تعليقي ) ذكرت أنه تعليق والد الطفل وحديثه عن عدم تقصير السفارة دا لاقيمة له عندي ، وقد تجاوزته ؛؛؛؛؛ كل اللبيعنيني وبيعني كل مهتم بوطننا وسمعته هو صورة الاسعاف امام السفارة ، والمبرر الغبي الذي اوردتموه لنا هنا ( كاميرا ) وحديث الطبيب وغيره ( راجع ردي فوق ) .
أكرر لست بصدد الدفاع عن حق الطفل ؛ نتحدث عن مبرر الكاميرا ( المثير للحنق ، وغير المنطقي ، والساذج ) .... ومجددآ حتى وان كانت رغبة والد الطفل القيام بالاجراء بالسفارة ، يفترض يرفضوا ليه ويقوموا بالاجراءات كلها بالمستشفى ( منظر سيارات الاسعاف امام السفارة يترك انطباعات غير جيدة ، ومزعج ومثير للتساؤلات ) .
| Quote: هل تواصلت مع احد الزملاء |
علشان اصل لشنو برأيك .
- الحادثة مثبته .
- والد الطفل واللكلامه مهما يكون ما مطلوب هنا .
- ورأي السفارة انت وغيرك دافعتو عنها واوردتم المبرر بتاع الكاميرا .
| |
|
|
|
|
|
|
|
|
|
Re: مواطن ومسئول.. وعنت مزمن (Re: ايمن الصادق)
|
مجرد ان ياتوا بطفل مريض وباسعاف الى مبنى السفارة السودانية، سفارة السجم والرماد، لاثدار
جواز سفر له ،فيه ادانة واضحة لكل اعضاء السفارة، وامر لا انساني ابدا،،،وطبعا قرانا ان ناس السفارة
اول مرة رسلوا موظف لاستخراج الرقم الوطني للطفل ، وعند استخراج الجواز اصر القنصل ان ياتوا بالطفل
الى السفارة حتى ولو بالاسعاف ، وعندما وصل الطفل داخل الاسعاف ، علق موظفو السفارة قائلين : والله نحن
ما كنا قايلين الحالة بالصورة دي!!!!؟؟؟///
ليييه، والموظف المشى اول مرة للمستشفى لاستخراج الرقم الوطني ما كلمهم ان حالة الطفل
صعبة ولا يمكنه الحضور للمستشفى الا داخل عربة اسعاف مجهزة بادوات العناية المكثفة !!!
لا يمكنان نعطي اي عذر لموظفي السفارة اللاانسانيين بعدم الذهاب للمستشفى واكمال اجراءات استخراج
جواز السفر له ،،،،
وكل السفارت السودانية في الخارج تتصرف دائما نفس هذا السلوك المشين، وجيش الموظفين والدبلوماسيين
الذين يعملون داخل هذه السفارات ليس لديهم اي عمل سوى السكن بمبالغ طائلة ومرتبات بالعملة الصعبة وخيالية
ولذا نطالب باغلاق كل السفارات السودانية في الخارج والابقاء فقط على السفارات في دول الخليج الستة والدول العظمى
الخمسة، وتوفير العملات الصعبة لتوفير الخبز للمواطن الغلبان داخل السودان،،،
| |
|
|
|
|
|
|
تعليقات قراء سودانيزاونلاين دوت كم على هذا الموضوع:
at FaceBook
| |
ايمن الصادق
علي عبدالوهاب عثمان
محمد قسم الله محمد
حيدر حسن ميرغني
محمد أبوالعزائم أبوالريش
خضر الطيب
محمد البشرى الخضر
Hafiz Bashir
أيمن نواى على
Hani Arabi Mohamed
Abureesh
فيس بوك
تويتر
انستقرام
يوتيوب
بنتيريست