انا الباشمهندس محمد مجدي وقسما بالله اقول الحق ولا شئ غير الحق .. الكلام الحا أقوله دا يا ريت اي سوداني مهما كان حزبك أو قبيلتك أو دينك افهم كلامي دا لأنه الخطر الجائينا دا والله بدون نتكاتف ما بنقدر عليه .. والله العظيم وحدة مكونات المجتمع بقت ضرورة وواجب.
#الموضوع الخطر القااااااادم (الدعم السريع).
والله أمبارح أتصل علي زميل دراسة من شرق السودان وقال لي كلام خطير وبجد السودان في خطر قال لي إنه ناس الدعم السريع قعدوا مع نظااار وعمد قبائل الشرق عشان موضوع تجنيد الشباب للدعم السريع .. بيقول حاليا اي قبيلة بقى عندها مكتب للتجنيد ..قال لي والله العظيم الشباب الاتجندوا اغلبهم عمر اقل من 18 سنة!! وبالالآف!!
لما قال الكلام دا قلت اتأكد من الموضوع أتصلت علي اكتر من شخص هناك وأكدوا لي المعلومة .. واحد من الناس الاتصلت عليهم قال لي والله العظيم قبيلة الرشايدة الاسبوع الفات فتحت مكتب للتجنيد وإتبرعت بأكتر من 200 سائق تاتشر (ديل طبعا الناس العندهم خبرة في التهريب)!!
#المهم
عندي واحد من المعارف ضابط بجهاز الأمن اتصلت عليه استفسر عن الموضوع الخطير دا أكد لي الموضوع وقال لي ناس الدعم السريع حاليا فتحوا باب التجنيد لقبائل البطانة وبيقولوا ليهم الناس الفي القيادة ضد العرب عشان كدا لازم ندافع عن العروبة والاسلام!! (دي مصيبة شنو الوقعنا فيها دي)!!
وقال لي الآن تم تحويل الالاف من منسوبي الجيش والأمن والشرطة للدعم السريع!! قال لي والله للأسف الموضوع أكبر مني ومنك الموضوع فيه دول خارجية وجائي دعم كتير وأغروا المجندين بالقروش ونحن أسي جاتنا إشارات إنه حا يتم الاستيلاء على المناطق العسكرية في كل الولايات والموضوع دا بيتم بالتدريج أسي لو مشيت اي ولاية حا تلقى فيها دعم سريع وهم البتصدوا لأي مشكلة وبتلقاهم في المقدمة تمهيدا لتغييير جلد الجيش وإبداله بالدعم السريع!! يا ساااااتر دا كله بيحصل ونحن ما جايبييين خبر!!
#دا بيعني إنه قواتنا النظامية حا تكون ميليشيات ما تحترم القانون تقلعك عينك عينك وتضربك وتعمل فيك اي حاجة وانت ما تقدر تدافع عن نفسك يعني رجاااالة ساي!!
الأخطر من كل دا قال لي إنه الانقلاب دا كله مخطط ليه وناس الدعم السريع ما وقفوا مع الثورة عشان خاطر عيون الثوار لكن وقفوا عشان دي فرصتهم لتنفيذ الخطة السعودية الاماراتية لإزالة الاخوان المسلمين من السودان!!
#انتوا قادرين تتخيلوا معاي خطورة الموضوع دا!! يخ دا كلو عشان السعودية والامارات عايزين الجنود السودانييين حتى لو إضطروا يشتروا الشعب السوداني كله يدافع عنهم!!
#مفروض كل الشعب السوداني يستيغظ خلاااااص ونتحد كلنا ضد الخطر القادم دا .. يا ريت احرار الجيش يلحقوا ما تبقى من الجيش السوداني وإلا سيكون مصيره مصير كل الحاجات الجميلة الاندثرت مننا في عهد الكيزان.
#اللهم قد بلغت اللهم فأشهد ...
#الشير واااجب علي اي سوداني .. [05-23, 4:51 PM] 1 587-579-0377: ما يقارب ال ٢٠٠ دولار [05-23, 4:51 PM] 1 587-579-0377: كمية من الشباب تم تسجيلهم و اخدوهم لي شندي [05-23, 4:51 PM] 1 587-579-0377: المشكلة الاهل رافضين لكن اقنعوا الشباب بالقروش
05-24-2019, 02:15 AM
Asim Ali
Asim Ali
تاريخ التسجيل: 01-25-2017
مجموع المشاركات: 13492
الله يلعن الكان السبب السبب القديم والجديد والله يلعن من وفر لحميدتي هذه الفوضى ليسرح بغير رغيب الأن الوضع صيرناه بإرادتنا لأخطر لما كان من قبل كأننا نسعى جاهدين لإسعاد الكيزان واشماتهم بنا ! صدق الشيخ الشاعر محمد سعيد العباسي بن الشيخ محمد شريف نو الدائم حين قال: جهلٌ وفقرٌ وأحزابٌ تعيث به ×××هدّت قُوى الصبر إرعاداً وإبراقا إن التحزّب سمٌّ فاجعلوا أبدا×××يا قوم منكم لهذا السم ترياقا ضمّوا الصفوف وضمّوا العاملين لها ×××لكي تنيروا لهذا الشعب آفاقا
05-24-2019, 05:08 AM
حامد عبدالله
حامد عبدالله
تاريخ التسجيل: 04-12-2014
مجموع المشاركات: 1326
المصيبة دي اذا لم تدرك وسريعا فعلي السودان السلام كل مشاكل الدولة السودانية وإختلال الميزان من فجر التاريخ والي اخر ضحية اتقدمت كبش فداء في مسرحية إعتراف جناة الإعتداء علي المتظاهرين يؤهل ويؤيد القول بان عسكرة القبائل والإعتقاد بان الإدارة الاهلية يمكنها إدارة البلاد ستلقي حاضنة اجتماعية وسيعة جدا ستذهب بناء الي عصور ما قبل التاريخ الثورة المهدية ٢ باسوء نسخة قريبا سنسمع خطابات دعوة الاتحاد دخول الإسلام الخ
الاحزاب منظمات المجتمع المدني القوة الشبابية المؤسسة العسكرية بشرفاءها الفضلو قطع الطريق لهذا الإتجاه الخطر جدا بالحكمة ووضع المواطن والوطن اساس ولا شئ اخر
05-24-2019, 01:16 PM
Gafar Bashir
Gafar Bashir
تاريخ التسجيل: 05-02-2005
مجموع المشاركات: 7220
Quote: المصيبة دي اذا لم تدرك وسريعا فعلي السودان السلام
المصيبة دي تحتاج الي الشرفاء في القوات المسلحة السودانية لو بقي فيهو شرفاء الاعمال تجري علي قدم وساق لاحلال الجنجويد محل قوات الشعب المسلحة ولا حياة لمن تنادي
05-24-2019, 01:18 PM
Gafar Bashir
Gafar Bashir
تاريخ التسجيل: 05-02-2005
مجموع المشاركات: 7220
يعدهم باموال الامارات لتصديرهم الي اليمن وقد صدر الالاف منهم من 2015 وبشهادة نيويوك تايمز وقلنا ليكم حرب اليمن هي كعب اخيل الانقاذ والمشروع الامبريالي الصهيوني الشيطاني والبداه الترابي وتماه البشير شخصيا لو ما بقى خروج الجيش من اليمن قضية راي عام سوداني في كل السودان ..وثورتكم دي ما بتقدم متر لي قدام مفرملا كم الامارات والسعودية بي حمدتي وانتم لا تشعرون لازم يكون في راي جديد وسديد في كل السودان مضاد لتاوجد السودان في حلف النفاق المصري السعودي الاماراتي وتدمير اليمن خلونا من عصيان مدني وحركات اكتبوبر 1964 النظام ده فصل 67000 سوداني للصالح العام من زمان =راجع كتاب متصور خالد السودان تناقص الاوتاد وتكاثر الزعاع وقتل الملايين في الهامش اساليبكم دي غير مجدية معاه قضية جنود السودان في اليمن ده عار تاريحي يجب ان نتحرر منو اولا
اذا كلام الساقط ده صحيح انه شلاقة البشير الودتهم اليمن وليس جزء من المخطط الاجرامي الدولي في المنطقة المجلس العسكري ملزم بالخروج من اللعبة اذا كان هذا مطلب المعارضة التائه دي وحشدت له كل السودان وكل السودانيين الصومال ابت تديهم جنود انتو تدوهم جنود ليه وما جدوى الحرب في اليمن بنسبة للسودان والسودانيين يااخ والله لا خير في المجلس ولا المعارضة المتكلسة دي وكان الله في عون السودان
05-24-2019, 02:16 PM
Gafar Bashir
Gafar Bashir
تاريخ التسجيل: 05-02-2005
مجموع المشاركات: 7220
Quote: انه شلاقة البشير الودتهم اليمن وليس جزء من المخطط الاجرامي الدولي في المنطقة
سلام يا عادل امين السعودي والامارات بتشتري المعروض في السوق ما بتاخد مجانا ... المشكلة في تجار الرقيق السودانيين... عمر البشير والان حميدتي المرتزقة السودانيين وتجار الرقيق هم من يجب توجيه سهامنا اليهم
05-24-2019, 02:17 PM
Gafar Bashir
Gafar Bashir
تاريخ التسجيل: 05-02-2005
مجموع المشاركات: 7220
لكن السيناريو المكتوب ده يا ود البشري لا يخلو من منطقية تدعمها كثير من المقالات الاتنشرت اخيرا والسؤال كم يبلغ عدد قوات الدعم السريع اذا ما جابوهم من تشاد كيف تم تجنيدهم؟
خلين من المقال وخلينا نجاوب السؤال ده
05-24-2019, 03:46 PM
محمد البشرى الخضر
محمد البشرى الخضر
تاريخ التسجيل: 11-14-2006
مجموع المشاركات: 28869
تقديرات التقارير الاعلامية بين 40 لـ 50 ألف عموما اعتقد ان هناك مبالغات مقصودة في تقدير قوة حميدتي ومليشياته و يجري تجهيزه للعب دور اكبر منه ولن ينجح فيه لا اقول هذا للاستهانة به لكن كمان المبالغة حجمه وقدراته احد وسائله التي يستخدمها الناس ما تقع في الفخ وتساعده صدقني الجيش السوداني لو بقى على قلب رجل واحد بقيادة شجاعة وقرر التخلص منه او تحجيمه سيفعل لكن مشكلتنا في القيادات الحالية
05-24-2019, 08:00 PM
علاء سيداحمد
علاء سيداحمد
تاريخ التسجيل: 03-28-2013
مجموع المشاركات: 17162
فى المقطع ادناه ما يعضد فكرة البوست : تجنيد شباب من قبائل البجا فى الدعم السريع استمع له من الدقيقة 4.10
وتقريبا قبل عشرة ايام او اسبوعين شاهدت فيديو عن : شاحنات تحمل كميات كبيرة من التاتشرات من بورتسودان فى طريقها الى الخرطوم وقد كتب صاحب المقطع : انها قادمة من الامارات للدعم السريع ح ابحث عن الفيديو المذكور وارفد به البوست ان شاء الله .
05-24-2019, 11:31 PM
Gafar Bashir
Gafar Bashir
تاريخ التسجيل: 05-02-2005
مجموع المشاركات: 7220
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة