Post: #1 Title: رسالة الي قوات الشعب المسلحة: فتح مكاتب وتجنيد الشباب للدعم السريع و في كل مناطق السودان Author: Gafar Bashir Date: 05-24-2019, 01:27 AM
انا الباشمهندس محمد مجدي وقسما بالله اقول الحق ولا شئ غير الحق .. الكلام الحا أقوله دا يا ريت اي سوداني مهما كان حزبك أو قبيلتك أو دينك افهم كلامي دا لأنه الخطر الجائينا دا والله بدون نتكاتف ما بنقدر عليه .. والله العظيم وحدة مكونات المجتمع بقت ضرورة وواجب.
#الموضوع الخطر القااااااادم (الدعم السريع).
والله أمبارح أتصل علي زميل دراسة من شرق السودان وقال لي كلام خطير وبجد السودان في خطر قال لي إنه ناس الدعم السريع قعدوا مع نظااار وعمد قبائل الشرق عشان موضوع تجنيد الشباب للدعم السريع .. بيقول حاليا اي قبيلة بقى عندها مكتب للتجنيد ..قال لي والله العظيم الشباب الاتجندوا اغلبهم عمر اقل من 18 سنة!! وبالالآف!!
لما قال الكلام دا قلت اتأكد من الموضوع أتصلت علي اكتر من شخص هناك وأكدوا لي المعلومة .. واحد من الناس الاتصلت عليهم قال لي والله العظيم قبيلة الرشايدة الاسبوع الفات فتحت مكتب للتجنيد وإتبرعت بأكتر من 200 سائق تاتشر (ديل طبعا الناس العندهم خبرة في التهريب)!!
#المهم
عندي واحد من المعارف ضابط بجهاز الأمن اتصلت عليه استفسر عن الموضوع الخطير دا أكد لي الموضوع وقال لي ناس الدعم السريع حاليا فتحوا باب التجنيد لقبائل البطانة وبيقولوا ليهم الناس الفي القيادة ضد العرب عشان كدا لازم ندافع عن العروبة والاسلام!! (دي مصيبة شنو الوقعنا فيها دي)!!
وقال لي الآن تم تحويل الالاف من منسوبي الجيش والأمن والشرطة للدعم السريع!! قال لي والله للأسف الموضوع أكبر مني ومنك الموضوع فيه دول خارجية وجائي دعم كتير وأغروا المجندين بالقروش ونحن أسي جاتنا إشارات إنه حا يتم الاستيلاء على المناطق العسكرية في كل الولايات والموضوع دا بيتم بالتدريج أسي لو مشيت اي ولاية حا تلقى فيها دعم سريع وهم البتصدوا لأي مشكلة وبتلقاهم في المقدمة تمهيدا لتغييير جلد الجيش وإبداله بالدعم السريع!! يا ساااااتر دا كله بيحصل ونحن ما جايبييين خبر!!
#دا بيعني إنه قواتنا النظامية حا تكون ميليشيات ما تحترم القانون تقلعك عينك عينك وتضربك وتعمل فيك اي حاجة وانت ما تقدر تدافع عن نفسك يعني رجاااالة ساي!!
الأخطر من كل دا قال لي إنه الانقلاب دا كله مخطط ليه وناس الدعم السريع ما وقفوا مع الثورة عشان خاطر عيون الثوار لكن وقفوا عشان دي فرصتهم لتنفيذ الخطة السعودية الاماراتية لإزالة الاخوان المسلمين من السودان!!
#انتوا قادرين تتخيلوا معاي خطورة الموضوع دا!! يخ دا كلو عشان السعودية والامارات عايزين الجنود السودانييين حتى لو إضطروا يشتروا الشعب السوداني كله يدافع عنهم!!
#مفروض كل الشعب السوداني يستيغظ خلاااااص ونتحد كلنا ضد الخطر القادم دا .. يا ريت احرار الجيش يلحقوا ما تبقى من الجيش السوداني وإلا سيكون مصيره مصير كل الحاجات الجميلة الاندثرت مننا في عهد الكيزان.
#اللهم قد بلغت اللهم فأشهد ...
#الشير واااجب علي اي سوداني .. [05-23, 4:51 PM] 1 587-579-0377: ما يقارب ال ٢٠٠ دولار [05-23, 4:51 PM] 1 587-579-0377: كمية من الشباب تم تسجيلهم و اخدوهم لي شندي [05-23, 4:51 PM] 1 587-579-0377: المشكلة الاهل رافضين لكن اقنعوا الشباب بالقروش
Post: #2 Title: Re: رسالة الي قوات الشعب المسلحة: فتح مكاتب وت Author: Asim Ali Date: 05-24-2019, 02:15 AM Parent: #1
داعش برداء/غطاء عير الدين
Post: #3 Title: Re: رسالة الي قوات الشعب المسلحة: فتح مكاتب وت Author: منتصر عبد الباسط Date: 05-24-2019, 02:27 AM Parent: #2
الله يلعن الكان السبب السبب القديم والجديد والله يلعن من وفر لحميدتي هذه الفوضى ليسرح بغير رغيب الأن الوضع صيرناه بإرادتنا لأخطر لما كان من قبل كأننا نسعى جاهدين لإسعاد الكيزان واشماتهم بنا ! صدق الشيخ الشاعر محمد سعيد العباسي بن الشيخ محمد شريف نو الدائم حين قال: جهلٌ وفقرٌ وأحزابٌ تعيث به ×××هدّت قُوى الصبر إرعاداً وإبراقا إن التحزّب سمٌّ فاجعلوا أبدا×××يا قوم منكم لهذا السم ترياقا ضمّوا الصفوف وضمّوا العاملين لها ×××لكي تنيروا لهذا الشعب آفاقا
Post: #4 Title: Re: رسالة الي قوات الشعب المسلحة: فتح مكاتب وت Author: حامد عبدالله Date: 05-24-2019, 05:08 AM Parent: #3
المصيبة دي اذا لم تدرك وسريعا فعلي السودان السلام كل مشاكل الدولة السودانية وإختلال الميزان من فجر التاريخ والي اخر ضحية اتقدمت كبش فداء في مسرحية إعتراف جناة الإعتداء علي المتظاهرين يؤهل ويؤيد القول بان عسكرة القبائل والإعتقاد بان الإدارة الاهلية يمكنها إدارة البلاد ستلقي حاضنة اجتماعية وسيعة جدا ستذهب بناء الي عصور ما قبل التاريخ الثورة المهدية ٢ باسوء نسخة قريبا سنسمع خطابات دعوة الاتحاد دخول الإسلام الخ
الاحزاب منظمات المجتمع المدني القوة الشبابية المؤسسة العسكرية بشرفاءها الفضلو قطع الطريق لهذا الإتجاه الخطر جدا بالحكمة ووضع المواطن والوطن اساس ولا شئ اخر
Post: #5 Title: Re: رسالة الي قوات الشعب المسلحة: فتح مكاتب وت Author: Gafar Bashir Date: 05-24-2019, 01:16 PM Parent: #4
Quote: المصيبة دي اذا لم تدرك وسريعا فعلي السودان السلام
المصيبة دي تحتاج الي الشرفاء في القوات المسلحة السودانية لو بقي فيهو شرفاء الاعمال تجري علي قدم وساق لاحلال الجنجويد محل قوات الشعب المسلحة ولا حياة لمن تنادي
Post: #6 Title: Re: رسالة الي قوات الشعب المسلحة: فتح مكاتب وت Author: Gafar Bashir Date: 05-24-2019, 01:18 PM Parent: #2
Quote: داعش برداء/غطاء عير الدين
بالضبط استخدام الاموال الخليجية لبناء داعش في السودان وتقويتها لمواجهة اي تحرك محتمل من القوات المسلحة السودانية
Post: #7 Title: Re: رسالة الي قوات الشعب المسلحة: فتح مكاتب وت Author: adil amin Date: 05-24-2019, 01:42 PM Parent: #6
يعدهم باموال الامارات لتصديرهم الي اليمن وقد صدر الالاف منهم من 2015 وبشهادة نيويوك تايمز وقلنا ليكم حرب اليمن هي كعب اخيل الانقاذ والمشروع الامبريالي الصهيوني الشيطاني والبداه الترابي وتماه البشير شخصيا لو ما بقى خروج الجيش من اليمن قضية راي عام سوداني في كل السودان ..وثورتكم دي ما بتقدم متر لي قدام مفرملا كم الامارات والسعودية بي حمدتي وانتم لا تشعرون لازم يكون في راي جديد وسديد في كل السودان مضاد لتاوجد السودان في حلف النفاق المصري السعودي الاماراتي وتدمير اليمن خلونا من عصيان مدني وحركات اكتبوبر 1964 النظام ده فصل 67000 سوداني للصالح العام من زمان =راجع كتاب متصور خالد السودان تناقص الاوتاد وتكاثر الزعاع وقتل الملايين في الهامش اساليبكم دي غير مجدية معاه قضية جنود السودان في اليمن ده عار تاريحي يجب ان نتحرر منو اولا
اذا كلام الساقط ده صحيح انه شلاقة البشير الودتهم اليمن وليس جزء من المخطط الاجرامي الدولي في المنطقة المجلس العسكري ملزم بالخروج من اللعبة اذا كان هذا مطلب المعارضة التائه دي وحشدت له كل السودان وكل السودانيين الصومال ابت تديهم جنود انتو تدوهم جنود ليه وما جدوى الحرب في اليمن بنسبة للسودان والسودانيين يااخ والله لا خير في المجلس ولا المعارضة المتكلسة دي وكان الله في عون السودان
Post: #8 Title: Re: رسالة الي قوات الشعب المسلحة: فتح مكاتب وت Author: Gafar Bashir Date: 05-24-2019, 02:16 PM Parent: #7
Quote: انه شلاقة البشير الودتهم اليمن وليس جزء من المخطط الاجرامي الدولي في المنطقة
سلام يا عادل امين السعودي والامارات بتشتري المعروض في السوق ما بتاخد مجانا ... المشكلة في تجار الرقيق السودانيين... عمر البشير والان حميدتي المرتزقة السودانيين وتجار الرقيق هم من يجب توجيه سهامنا اليهم
Post: #9 Title: Re: رسالة الي قوات الشعب المسلحة: فتح مكاتب وت Author: Gafar Bashir Date: 05-24-2019, 02:17 PM Parent: #8
الله يلعن الكان السبب السبب القديم والجديد
لعنة الله عليهم اجمعين
Post: #10 Title: Re: رسالة الي قوات الشعب المسلحة: فتح مكاتب وت Author: محمد البشرى الخضر Date: 05-24-2019, 02:23 PM Parent: #9
يا دفعة في زول بقدم روحه بـ : أنا الباشمهندس!! يقول أنا مهندس فلان الفلاني معقولة في رائحة غير مريحة في المكتوب
Post: #11 Title: Re: رسالة الي قوات الشعب المسلحة: فتح مكاتب وت Author: Gafar Bashir Date: 05-24-2019, 02:30 PM Parent: #10
هلا يا دفعة صراحة ما دققت
لكن السيناريو المكتوب ده يا ود البشري لا يخلو من منطقية تدعمها كثير من المقالات الاتنشرت اخيرا والسؤال كم يبلغ عدد قوات الدعم السريع اذا ما جابوهم من تشاد كيف تم تجنيدهم؟
خلين من المقال وخلينا نجاوب السؤال ده
Post: #12 Title: Re: رسالة الي قوات الشعب المسلحة: فتح مكاتب وت Author: محمد البشرى الخضر Date: 05-24-2019, 03:46 PM Parent: #11
Quote: والسؤال كم يبلغ عدد قوات الدعم السريع
تقديرات التقارير الاعلامية بين 40 لـ 50 ألف عموما اعتقد ان هناك مبالغات مقصودة في تقدير قوة حميدتي ومليشياته و يجري تجهيزه للعب دور اكبر منه ولن ينجح فيه لا اقول هذا للاستهانة به لكن كمان المبالغة حجمه وقدراته احد وسائله التي يستخدمها الناس ما تقع في الفخ وتساعده صدقني الجيش السوداني لو بقى على قلب رجل واحد بقيادة شجاعة وقرر التخلص منه او تحجيمه سيفعل لكن مشكلتنا في القيادات الحالية
Post: #13 Title: Re: رسالة الي قوات الشعب المسلحة: فتح مكاتب وت Author: علاء سيداحمد Date: 05-24-2019, 08:00 PM Parent: #12
تحياتى جعفر بشير
فى المقطع ادناه ما يعضد فكرة البوست : تجنيد شباب من قبائل البجا فى الدعم السريع استمع له من الدقيقة 4.10
وتقريبا قبل عشرة ايام او اسبوعين شاهدت فيديو عن : شاحنات تحمل كميات كبيرة من التاتشرات من بورتسودان فى طريقها الى الخرطوم وقد كتب صاحب المقطع : انها قادمة من الامارات للدعم السريع ح ابحث عن الفيديو المذكور وارفد به البوست ان شاء الله .
Post: #14 Title: Re: رسالة الي قوات الشعب المسلحة: فتح مكاتب وت Author: Gafar Bashir Date: 05-24-2019, 11:31 PM Parent: #13
شكرا يا علاء
Post: #15 Title: Re: رسالة الي قوات الشعب المسلحة: فتح مكاتب وت Author: Mahjob Abdalla Date: 05-24-2019, 11:34 PM Parent: #14
Quote: يا دفعة في زول بقدم روحه بـ : أنا الباشمهندس!! يقول أنا مهندس فلان الفلاني معقولة في رائحة غير مريحة في المكتوب
انا غايتو جاني فيديو فيهو ثلاث من زعماء عشائر (حسب كلامهم من بني عامر) بتكلمو في ذات سياق الكلام المكتوب ده و انو اولادهم كلهم انضمو للدعم السريع.
لو لقيت فرقة بنزلها يوتيوب و بجيبها ليكم هنا او في الاول افتش لو موجود في اليوتيوب ام فقط في الواتساب.
Post: #16 Title: Re: رسالة الي قوات الشعب المسلحة: فتح مكاتب وت Author: Gafar Bashir Date: 05-24-2019, 11:55 PM Parent: #15
Quote: المكتوب ده و انو اولادهم كلهم انضمو للدعم السريع.
الله يستر يا محجوب الامور ما مبشرة ابدا
Post: #17 Title: Re: رسالة الي قوات الشعب المسلحة: فتح مكاتب وت Author: Mahjob Abdalla Date: 05-25-2019, 00:18 AM Parent: #16