اوعدك حتقرا كلام لم يكتب بي حروف عربية، من قلم سوداني، او بقول كده عشان اوضح سر علتنا كشعب المتمثلة في فقدان الهوية، وكنتيجة نظام وافد اجنبي كهذا، اللي بتقود الثورة الان واللحظة ضدو هي الســــــــودانية اعرق نساء الارض، وكتتويج، تجسيد، تنزيل لحالة التيه العايشنها نظام كهذا انفرد بالسلطة!
03-09-2019, 00:00 AM
Bashasha Bashasha
تاريخ التسجيل: 10-08-2003
مجموع المشاركات: 25803
هذا خرافي واكاد لا اصدقو اطلاقا، لانو مطابق او بالنص لنبواءة وتوقعات اجدادنا، اللي قالو لما تطشو ضمة يا سودانيين او تروحو، كيف الســــــــودانية تحديدا وليس السوداني، هي اللي حتعبد طريق العودة للجذور، بمعني عودة الوعي، بمعني الخروج من الكومة الحالية!
طبقا للتقويم الكوشي، متوقع ان يكتمل هذا نواحي 2060م، نعم حوالي 40 سنة من تاريخ اليوم!!!
يا الهي!!!
03-09-2019, 00:02 AM
Bashasha Bashasha
تاريخ التسجيل: 10-08-2003
مجموع المشاركات: 25803
وروني وين او متين، او في ياتو بلد، النساء قادو واسهمو في ايا من الثورات المعروفة في التاريخ المعاصر، بالصورة اللي كلنا شهود عليها الان، عكس التصور العام بحكم وعي الاسترقاق الثقافي العروبي البقول: "المرة" كان فاس، ما بتقطع الراس!
03-09-2019, 00:03 AM
Bashasha Bashasha
تاريخ التسجيل: 10-08-2003
مجموع المشاركات: 25803
معليش لا اميل للتانيث والتذكير كثير، لانو ده ما من ارثنا، ولهذا في لسان اهلي في دنقلا، مافي تانيث او تذكير اطلاقا وهذا عجيب اوما صدفة!
نعم النوعين بيخاطبو بي صيغة واحدة دون اي فرذ علي اساس النوع!
ده ماشئ عابر، كالكثير جدا من جوانب ارثنا المدفون دفن، في داخل لسانا الكوشي، اللي مؤكد ما جو بعد، الناس المؤهلين لثبر غور الكثير جدا من الكنوز المعرفية المدفونة في لسانا الكوشي، بغض النظر عن اي اللهجات او اللغات لو شئيتا نتحدث!
03-09-2019, 00:04 AM
Bashasha Bashasha
تاريخ التسجيل: 10-08-2003
مجموع المشاركات: 25803
معليش لا اميل للتانيث والتذكير كثير، لانو ده ما من ارثنا، ولهذا في لسان اهلي في دنقلا، مافي تانيث او تذكير اطلاقا وهذا عجيب اوما صدفة!
نعم النوعين بيخاطبو بي صيغة واحدة دون اي فرذ علي اساس النوع!
ده ماشئ عابر، كالكثير جدا من جوانب ارثنا المدفون دفن، في داخل لسانا الكوشي، اللي مؤكد ما جو بعد، الناس المؤهلين لثبر غور الكثير جدا من الكنوز المعرفية المدفونة في لسانا الكوشي، بغض النظر عن اي اللهجات او اللغات لو شئيتا نتحدث!
03-09-2019, 00:04 AM
Bashasha Bashasha
تاريخ التسجيل: 10-08-2003
مجموع المشاركات: 25803
السبب والسر في انتشار اسم "كنداكا" أو في الحقيقه هو مصطلح حنشرحو بالتفصيل في الثقافه الاريه اي الاوربيه هو ورودو في التوراه تحديا بالنسبه الاوربيين أو البيض عامه والفلم المذكور أعلاه لعب دور اساسي في تدشين هذا الاحتفاء بي اسم أو مصطلح الكنداكا.
لو ماكده لما انتشر بالصوره دي او تم استخدامو بي صوره واسعه لدرجه في 2015 الإحصاءات بتقول في امريكا لوحدها الاسم منح لي 89 مولوده.
كندا برضو الاسم منتشر فيها.
ده كلو أو في السودان والي هذا التاريخ حسب ظني موطن هذا الاسم لم يستخدم حتي اليوم.
اها نرجو من المتوقعين يرزقو بي بنات الايام دي يستخدمو هذا الاسم العريق لي بناتنا اللي كان لقب ملكي أو ملوكي انفردت بيهو السودانيه ستهم أو ستهن!
مبالغه؟
طيب مفرده "الست" لغه ما عربي كما نفترض دائما وانما اسم لي سودانيه بعينها في مقام "حواء" في الثقافه العرببه مع انو اسم حوا زاتو لغه أيضا مفرده سودانيه ماعرببه كما نتوهم.
عكس حواء الثقافه العربيه الكانت دون؛ الست اي السيده بالالف واللام في المقابل كانت الهه معبوده في قارات عالم اليوم رغم انف واقع الثقافه الذكوريه المضطهده للمراة في القارات الاخري.
بالذات في اوربا نفوذ الست كان طاغي جدا جدا بل ظل طاغي الي يومنا هذا خلف الكواليس طبعا أو في لاوعي الكاثوليك تحديدا بينما اهلها الحاليين في السودان ما سمعو بيها زاتو وهذا مرعب!
اكرر من حيث النفوذ الاسبقبه والانتشار الست فاقت كل انبياء ورسل الأديان التلاته مجتمعين مع ملاحظه انهم كلهم كانو ذكور حصريا.
اكرر من حيث حقائق التاريخ الصرفه والكلام ده قبل أكثر من 6000 سنه علي اقل تقدير من تاريخ اليوم والزمن داك الجنس السامي اب الانبياء والرسل في الأديان التلاته ما كان زاتو نطفه في رحم والدتو السودانيه لا شك!
الان واللحظه في امريكا البعض عاد لعباده الست من اول أو جديد كالهه يا اعزائى/عزيزاتي!
03-09-2019, 03:57 AM
AMNA MUKHTAR AMNA MUKHTAR
تاريخ التسجيل: 07-31-2005
مجموع المشاركات: 13702
سبقتنا في تغيير الاسم. ولكن واصل او غير الاسم رسميا في الاوراق الثبوتية. اهلنا من جبال النوبة قطعو شوط معقول في تغيير هذا الاسم الاجنبي الوافد، شارة استعبادنا. اهلنا افارقة امريكا هم البداو التقليد ده من زمن.
الان شخصيا في طور البحث عن اسم كوشي، رسميا وشعبيا مش فقط في الاسافير.
نعم حاغير اسمي رسمي في اوراقي الثبوتية في السودان قبل امريكا باذنه امون رع!!!
التحية بالمناسبة دي لرفيق السلاح "تانوت" جريس الكان اسمو القديم بتاع ارث العبودية، "خالد" وهو من نواحي حلفا له المجد!
لاحظ "جريس" اسم كوشي/نوبي عريق وهذا الرجل اي "جريس" كان هو ضابط جوازناتنا في الحدود قبل اكثر من 600 سنة، لمنع دخول واقامة الاعراب الفوضوي!
يعني اخيرا او بعد الاف السنين وعينا الدرس بعد ما دفعنا تمن غالي جدا جدا لعدم تبنينا مثل هكذا سياسة منذ الالفية الرابعة ق.م!
03-09-2019, 05:51 AM
Bashasha Bashasha
تاريخ التسجيل: 10-08-2003
مجموع المشاركات: 25803
بالنسبة للتذكير والتانيث فعلا مشكلة بالنسبة للناطقين بغير لغة الغزاة بالذات عندنا في اقصي الشمال، وهذه ملاحظة جديدة من الورقة ما انتبهتا ليها قبل اليوم، وهي ذات صلة وثيقة بي موضوع الفرذ والصراع علي اساس النوع في الثقافة الارية البدوية الذكورية، اللي بتشمل العرب، عكس ثقافتنا الاموية تاريخيا، اللي انجزت بمفردا وللمرة الاولي والاخيرة حتي الان في تاريخ البشرية كلها، مشروع المساواة الكاملة مابين النوعين!!!
لهذا كوننا في اقصي الشمال بنعاني من اشكالية الفرذ علي اساس النوع، بالعربي، طبعا في اللاوعي، فده ما صدفة!!!
لاننا تاريخيا ما كان عندنا هوس كهذا ابتليت بيهو المجتمعات الذكورية القاهرة لنوع النساء، اي المهد الشمالي بعامة اي غير الافارقة او السود بعامة، اي سكان المهد الجنوبي للحضارة، اللي اصلو، منبعو، او قلبو كان السودان الحالي!
هذا انجاز لي حضارتنا، لم يتكرر ولن يتكرر زاتو اضيف!
اقصد انجاز المساواة الكاملة التامة مابين النوعين والعلاقة اللصيقة الحميمة تاريخين مابين النوعين، حيث الاصل تاريخيا كان اموي صرف، انفردت فيه السودانية بكل شئ، وهي اصل كل شئ فيما اتصل بالحياة المنظمة.
بالتدريج انتفت الفجوة تماما وبالتالي لاوجود في ارثنا الحضاري الروحي بطبعو اي صراع ما بين النوعين كما في الثقافة الارية، وهذا يوضح سر الفرذ علي اساس النوع حتي في اللغة المنطوقة او المكتوبة، ماباب التحامل علي نوع النساء،
بينما الي هذا التاريخ لايوجد فرذ علي اساس النوع في لسانا الكوشي في اقصي الشمال، اقلاه في لهجة دنقلا.
رجاء خاص لجميع الناطقين بغير العربية في المنبر ده يورونا لو هناك تانيث او تذكير في لسانم الكوشي.
ترهاقا او امنة مختار شوفو لينا الموضوع ده، في لسان اهلنا في الشرق، ضروري.
زي ما قتا ليكي يا امنة، ازياء السودانيات في الشرق هو الاقرب للعصر المروي.
03-09-2019, 06:41 AM
Bashasha Bashasha
تاريخ التسجيل: 10-08-2003
مجموع المشاركات: 25803
معليش الاورو بشاشا ..... قبل ان تدخل ف تعريف الكنداكا ... و كما طلبت منا تحيات و تقدير من اهلك الحلفاويين و : نحن ف حلفا .. الفدجا عموما لا تذكير و لا تانيث كلو واحد عندنا ... هوى برو اندو كر هوى تو اندو كر تعال يا بنت ... تعال يا ولد لا فرق و على هذا قس باقى الامور و ابدا ما حسينا بفرق كبير فى التعامل .. و لا تعامل الوالدين معنا اخوان و اخوات .... كل التعامل واحد تقريبا ... و انت ادرى بالباقى و لغاية يومنا هذا نتشرف بمنادتنا باسم الام .... محمد نبرة .. هيثم صفورة .. عاطف ارحيلة .. اوسمان سعيدة ( عثمان محمد صالح عضو المنبر ) و الخ المراة كرمت عندنا لدرجة انها كانت تورث .. و من بدايات انشاء المدارس فى حلفا كان ممنوع التحدث بالنوبية بل كان يعطى ورق للذى يتحدث النوبية .. و يكون هذا الذى معه الورقة حريصا ان ىسلمه لاول متحدث للنوبية لانه ف نهاية اليوم يجلد و يعاقب الذى وجد عنده تلك الورقة دة كلو عشان نتكلم او نتعلم العربية لكن الى يومنا هذا النوبية هى الطاغية .. و العربى نتكلموا بالنقدر عليه و الاتعلمناه جوه الحصص لكن متى ما طلع الاستاذ من الحصة نواصل بلساننا المحبب المريح و تمسكنا بالنوبية لا يعنى انفصالنا اوتعنصرنا و لا تهميشنا و انكارنا او تحقيرنا لباقى اللغات و لكننا نجد انفسنا فيه و نعيش فى احلى تناغم و انسجام لتكتمل انسانيتنا لنعطى الاخرين اجمل ما لدينا و تسقط بس .. تلك المفاهيم التى تحاول ان تجرد السودانى من ثقافته الام و عاداته و تقاليده و تريده ان يعيش ف اللاوعى او ف غير ما وجدانه الثقافى .. و تسلب منه شخصيته الحقيقية و دوما انت تفتخ الافاق استاذنا بشاشا مودتى و تقديرى للجميع
03-09-2019, 10:15 AM
محمد الأمين موسى محمد الأمين موسى
تاريخ التسجيل: 10-30-2005
مجموع المشاركات: 3470
اهلا بالغالى محمد التحايا و التقدير هوى بمعنى يا يا ولد تعال يا بنت تعال و بالتاكيد سياتى من يفسر اكتر توضيحا و تفسيرا منى لك التقدير و الاحترام و المودة
03-09-2019, 12:37 PM
يحي قباني يحي قباني
تاريخ التسجيل: 08-20-2012
مجموع المشاركات: 18708
Candace is a female given name from the Bible, uultimately deriving from the term kandake, a title for a queen or queen mother in the ancient African Kingdom of Kush; also meaning pure and innocent. In the United States, it was a popular name during the late 1970s, throughout the 1980s, and into the early 1990s. Candace (given name) - Wikipedia https://en.wikipedia.org › wiki › Candace...
03-09-2019, 04:14 PM
Bashasha Bashasha
تاريخ التسجيل: 10-08-2003
مجموع المشاركات: 25803
Quote: و تمسكنا بالنوبية لا يعنى انفصالنا اوتعنصرنا و لا تهميشنا و انكارنا او تحقيرنا لباقى اللغات
تحياتي ومرحب بيك، وو امبس، مهمد بدر الدين
بعضا من اجمل ايام طفولتي كانت في حلفا القديمة الكانت انظف واجمل من العاصمة الخرطوم اللي انا شفتها.
نعم في الستينات شوارعا كانو بغسلوها بالعربات شوف عين!
زيك كده مكان نشاتا ماكان في عربي خالص خالص، لدرجة في منطقة بعينها من مناطقتنا لو جيت عابر طريق من حتة تانية او قعدت تسال بالعربي من شئ معين، طوالي بقودو حمارك لي بيت شخص معين باعتبارو مترجم الحلة كلها لانو الزول الانتا بتنضم معاهو عربي مابكون فاهم التكتح!
لحدي اوائل السبعينات كان هذا هو الحال وهذا مدهش، لما نضع في الاعتبار الموقع الجغرافي لي اقصي الشمال في الاعتبار، علي الحدود مباشرة، مقارنة بامثال بريمة في الاعماق الفقدو لسانم الكوشي!
اذن ده هو لسان كل الافارقة مش فقط السودانيين، يل كل السود، بغض النظر عن تعدد اللهجات او اللغات لوشئت.
نعم اي انسان اسود نوبي من حيث الثقافة تاريخيا وكوشي!
علي كده لوفيها "عنصرية" فهذا اللسان العربي الاجنبي الوافد والدخيل هو الوسيط الاتي بكل هذه المفاهيم الوافدة والاجنبية البتميز بين السود كما اسمونا علي اساس عنصر عربي متوهم في مقابل غير عرب، والاساس في ده كلو هو الفرذ القبلي.
لانو لاوجود لمفهوم عرق او جنس او قبيلة، اطلاقا في ثقافتنا الكانت ولاتزال في اللاوعي- روحيـــــــة خالصة لوجه العبور للجنة في اليوم الاخر!
هذا يمثل ذبدة وعصارة اسلوب حياتنا كقوم سود عبر التاريخ!
جيفة، او خلوها لي كلابا، اي الحياة الدنيا بي معني دون!
03-09-2019, 04:29 PM
Bashasha Bashasha
تاريخ التسجيل: 10-08-2003
مجموع المشاركات: 25803
نعم بالصيغة الحالية، مفردة، او اسم او مصطلح كنداكا، وصلنا من الكتب السماوية، وهذا يؤكد بعد اخر ما قاعدين نقيف عندو، للتاثير الطاغي للثقافة السودانية اصل الثقافات علي الثقافات الاخري، بي صورة صعب لوما مستحيل كسودلنيين وبحكم طريقة تفكيرنا الحالي
نستوعب الحقيقة البسيطة دي. نعم كيف كان هذا هو مركز دائرة هذا الوجود، مش لي الفين سنة حال الثقافة الارية المهيمنة الان، وانما بطول وعرض عشرات الالاف من السنين، واضيف علي انفراد، وكاصل! الاصل، القاعدة، الاساس في ده كلو، كانت المراة الســــــودانية تحديدا وليس الرجل السوداني كما نتوهم!
بقول كده، عشان كلنا نفهم طبيعة الحراك الحالي والدور الريادي للسودانية فيه، رغم انف قرون القهر، التهميش، والاضطهاد، كنتيجة مباشرة لي خبوب وعي الاستلاب الذكوري الاجنبي الوافد، كنتيجة مباشرة لي قرون العبودية باسم الدين او كمان الاستنارة يا للنكتة كما برر بعض الخواجات الاستعمار!
بلد مثل هذا السودان ينفرد بحكمو واحد زي العوقة البشير 30 سنة!!
هذا درس عسي ولعل نستوعبو!
03-09-2019, 04:37 PM
يحي قباني يحي قباني
تاريخ التسجيل: 08-20-2012
مجموع المشاركات: 18708
Quote: لاحظو اسم "حلاوة" بالانجليزي Candy ماخذوذ من لقب ومصطلح خاص بالســـــــــــــــــــودانية، تحـــــــــــــديدا!!!!!!
هل قريتو كلام زي ده، بالعربي في السودان، واذا لا، هل ده صدفة؟
هنالك آراء لا توافق تخريجك لأصل الكلمة ، واليك بعضها:
Quote: candy (n.) late 13c., "crystallized sugar," from Old French çucre candi "sugar candy," ultimately from Arabic qandi, from Persian qand "cane sugar," probably from Sanskrit khanda "piece (of sugar)," perhaps from Dravidian (compare Tamil kantu "candy," kattu "to harden, condense"). The sense gradually broadened (especially in U.S.) to mean by late 19c. "any confection having sugar as its basis." In Britain these are sweets, and candy tends to be restricted to sweets made only from boiled sugar and striped in bright colors. A candy-pull (1865) was a gathering of young people for making (by pulling into the right consistency) and eating molasses candy.
Quote: Candy is a relatively new word in the way it's used. Historically, Sugar Candy was the popular term. It comes from the 18th century Old French, sucre candi. This word itself came from the Mediterranean. Approximately in 1000AD, Arabs had conquered a large part of the southern Mediterranean region, and established their first sugar refinery (yes) on the Greek island of Crete. Qandi, in Arabic is 'crystallized sugar'. Italy also borrowed succhero candi from the Arabs. The Arabic word descended from the Persian Qand, which meant 'hardened pieces of cane sugar'. The Persian word was derived from the Sanskrit sarkara khanda, which simply translates to 'lump of sugar'.
The word actually descended from Sanskrit directly, as opposed to the PIE language from where many Indo-European languages, including Sanskrit, branched off.
وإليك \إليكم ما يقوله قاموس " merriam-webster" عن أصل كلمة " candy ":
Quote: History and Etymology for candy
Noun
Middle English sugre candy, partial translation of Middle French sucre candi, from Old French sucre sugar + Arabic qandī candied, from qand crystallized sugar
Quote: Origin Mid 17th century (as a verb): the noun use is from late Middle English sugar-candy, from French sucre candi ‘crystallized sugar’, from Arabic sukkar ‘sugar’ + qandī ‘candied’, based on Sanskrit khaṇḍa ‘fragment’.
Quote: اهلا بالغالى محمد التحايا و التقدير هوى بمعنى يا يا ولد تعال يا بنت تعال و بالتاكيد سياتى من يفسر اكتر توضيحا و تفسيرا منى لك التقدير و الاحترام و المودة
إذن هي نفسها أخي محمد بدرالدين وهذه معلومة جميلة تدفع للبحث عن الكلمات والعبارات النوبية في مختلف الدارجات السودانية المشتقة من اللغة العربية، وليت ناس اللسانيات الاجتماعية ينجدونا. والتحية لأخينا بشاشا وهو يجود علينا - من وقت لآخر - باللقاحات الثقافية.
03-09-2019, 09:41 PM
osama elkhawad osama elkhawad
تاريخ التسجيل: 12-31-2002
مجموع المشاركات: 20440
تعريف كلمة #كنداكة بروفسور: سامية بشير دفع الله اعداد : عبدالله علي ================== كنداكة كلمة رومانية استخدمها الرومان لوصف الملكات التي حكمن مروي فقد حكمت مملكة مروي اكثر من امراة كان اشهرهن الملكة اماني رنياس التي قادت الحرب ضد الرومان وكذلك اماني شختو واماني توري وغيرها من الملكات . حيث ذكر استرابو جنرالات الكنداكة في كتابة الجغرافيا ص 17 و1 و54 وايضا ذكر الكنداكة ملكة اثيوبيا في الاشارة لمملكة مروي الكوشية .
ايضا ذكر نبته باعتبارها المقر الملكي للكنداكة. ذكر بليني في كتابة التاريخ الطبيعي ص 6 و35 (ترجمة ايدي ص 886) وصف مدينة مروي بانها تحكمها امراة كنداكة وكذلك ذكر ديو كاسيوس في كتابة التاريخ الروماني ص 54 ترجمة ايدي ص 883 ان الاثيوبيين (الكوشيين) اغاروا على مدينة الالفنتين وتقودهم الكنداكة .
ذكرت كذلك الكنداكة في الكتاب المقدس العهد الجديد في سفر اعمال الرسل 8:37 عن خصي مهم يتبع الكنداكة ملكة الاثيوبيين الكنداكة لفظ استخدمه الكتاب لوصف ملكات مروي ولكن الصحيح او ما يقابلها بالمروية كما جاء في النقوش هو اسم كدكي (لوح الحماداب) واحيانا كدوي (المروي 92) واحيانا تصاحبها كلمة قوري التي تعني الملكة في لوح الحماداب جاء الاسم هكذا (اماني ريناس قوري كدي كي) فلفظ قوري ياتي لتاكيد ان المراة هي الحاكمة فالمعنى يكون المراة الحاكمة
من عظيم هذا العمل هو مساوة المرأة بالرجل الملك فقد دفن في ذات موضع دفن الملوك وبنيت لهن اهرامات وسط مدافن الملوك بالبجراوية الشمالية (سامية بشير ص 334)
سلام الأمير الكوشي وضيوفه. خاصة الحلفاوي محمد بدر الدين الذي يمر على البوستات فيعطرها أصالة ونقاء وطيبة سودانية. ......
( ترهاقا او امنة مختار شوفو لينا الموضوع ده، في لسان اهلنا في الشرق، ضروري).
اللغات الشرقاوية أو البجاوية تصنف تحت أسرة اللغات الأفروآسيوية ..وليست مثل اللغات النوبية التي تصنف نايلوصحارى. عدا لغة النارا أو الباريا فهي شرقاوية ولكن تصنف نايلوصحارى ..إن لم تخني الذاكرة. ولذلك توجد في البداويت والتقراييت أدوات تأنيث مشابهة لتلك الموجودة في اللغة الكمتية القديمة (رن كم - أو مدو نتر). فمثلا في إسم الأميرة الكمتية تاكوشيت. فنجد أداة الإشارة للمؤنث في بداية الإسم ، وكذلك تاء التأنيث في نهاية الأسم. بالضبط كما في اللغات البجاوية. والإسم يعني الكوشية أيضا بنفس معناه في لسان كمت (رن كمت). هذا على سبيل المثال لا الحصر.
ولكن ملاحظتي على أسماء الكنداكات الكوشيات هنالك بعض إختلاف في الوقع أو الجرس.. عن اللغات البجاوية التي لا أجيدها للأسف.. ولكن ألتقط جرسها بحكم البيئة . هذا عدا إسم كنداكتين أو ثلاث.. فيمكنني إلتقاط الجرس البجاوي فيهم.
ولكن في النهاية كلنا من كوش وتاسيتي وكمت... وكلنا ننتمي إلى حضارة وادي النيل أعرق حضارات الأرض. تعددت قبائلنا ولكن الأصل والمعتقد واحد..وكذلك الثقافة. لطالما كنا هكذا وسنكون.
تحياتي.
03-10-2019, 05:47 AM
Bashasha Bashasha
تاريخ التسجيل: 10-08-2003
مجموع المشاركات: 25803
بالنسبة لي موضوع اصل مفردة Candy اي الحلوي بالعربي، فهذا موضوع جانبي، او زي كل شئ هناك اختلاف في الراي حول هذا الموضوع من حيث اصل المفردة.
عدد كبير من الناس برجعو اصل المفردة لل"الكنداكة" اي اميراتنا المرويات.
ركز معانا علي الموضوع الاساسي، رمزية هذا المصطلح الفريد كما سنفصل، البحكي عن ثقافة فريدة بحق فيما اتصل بالعلاقة بين النوعين مقارنة بعالم اليوم المتخلف جدا، الذكوري، المتوحش جدا فيما اتصل بالعلاقة بين النوعين، ثم العلاقة مابين المجموعات البشرية المختلفة،
المقسمة علي اساس العنصر او الجنس، اي لون الاضان، بالذات انك من المغرمين كمستلب، بي قيم هذا العالم المتخلف حقيقة مقارنة بي عصر سيادتنا نحن، وبشهادة الاباء المؤسسين للثقافة اي الحضارة المهيمنة علي عالم اليوم.
اذن التحية لاعرق نساء الارض قائدة الحراك في الشارع الان واللحظة من اجل التغيير، بالعودة للجذور الوضعت اساسو هذه السودانية، ام وواهبة الحضارة علي سطح هذا الكوكب!
03-10-2019, 06:05 AM
Bashasha Bashasha
تاريخ التسجيل: 10-08-2003
مجموع المشاركات: 25803
التحايا و التقدير للجميع و لاميرة الشرق و تاجها و تاجوج السودان ادبا و خلقا و رقيا استاذتنا امونة الآمنة التقدير و التجلة و الاحترام .. و كل حضور البوست لكم التقدير و المودة .. و انتم ترسمون لوحة جميلة يزيدها روعة و ألقا اتمنى ان تكون كل البوستات مثل هذا تنساب فى دعة و جمال و تفيض مودة و علما ويكتسى و نكتسى معه كما فى الاعياد جلبابا ابيضا كبياض قلوبنا و يملأ و نملأ البيت فرحا و سعدا ليتنا جميعا كما فى الاعياد اسرنا .. شرقنا و غربنا و جنوبنا و ووسطنا و شمالنا على قلب واحد و نبض واحد .. نفيض تحنانا و حبا و تماسكا ليتنا نتدارك خطأ ظن اخوة يوسف ( إِذْ قَالُواْ لَيُوسُفُ وَأَخُوهُ أَحَبُّ إلى أَبِينَا مِنَّا وَنَحْنُ عُصْبَةٌ . . ) و بعدما تلكم المعاناة .. رجعوا اخوة احباب .. و التمنيات لوطن الجمال و نحن اخوة احباب .. وتجد فى اغانينا النوبية مثل هذه المعانى .. الوطن الواحد الذى يجمع شمل الجميع لكم جميعا مودتى و تقديرى ... و كنداكات السودان شعلة الثورة و جمالها ف انتظار تدفق معانى تعريفه بشاشا الحبيب (معليش اخرناك من كتابة تعريف الكنداكة)
03-10-2019, 06:26 AM
Bashasha Bashasha
تاريخ التسجيل: 10-08-2003
مجموع المشاركات: 25803
Quote: معلم بحق اوحقيقة يا بشاشا او منك نتعلم هذا بديع او خرافي ( زهور وبخور)
العزيز طلحة عبدالله يامراحب.
مشكور علي الاطراء، ونتمني نكون علي قدر حسن ظنك بينا.
لو لي، والله ولا استحق اجر المناولة زاتو، لاني ماعملت شئ غير عتلتا شئ بسيط جدا، من كم هائل من المعرفة عن تاريخنا مدلوق او جاري بدل جداول انهار، ولكن نحن اخر من يعلم، والسؤال، لمــــــــــــــاذا؟
بلاقي ناس من كل انحاء المعمورة في اليوتوب تحديدا، منهمكين في هذا الصراع الكوني حول تاريخ السودان، ولكن مالاقاني حتي الان ولا سوداني واحد احد، شغال بالموضوع ده وهذا عجيب!!
بعضا من التقيت في الاسافير، المامم بتاريخ السودان القديم يفوق الخيال، ولا ادري كيف تمكن هؤلاء من الغوص الي هكذا عمق، لي روحي اعترف كتير ما بسطح لما اقرا كلامم رغم انف السنين الدخلتها في هذا الموضوع.
هذا كله يثبت حاجة واحدة فقط:
كسودانيين، نظل اكثر شعوب الارض جهلا بتاريخ السودان!
نعم اننا كشعب سوداني نعايش حالة كوما، اي حالة غيبوبة، حقيقة مخيفة لابعد حد، مما يؤكد لو ربنا شاء او قدر للسودانيين يطلعو من الغيبوبة دي، قطع شك مجري التاريخ حيتغير لامحالة، داخل افريقيا ثم العالم من بعد كنتيجة.
03-10-2019, 06:39 AM
osama elkhawad osama elkhawad
تاريخ التسجيل: 12-31-2002
مجموع المشاركات: 20440
قبل مانخوض في تعريف مصطلح او اسم كنداكا، لا بد من اعطاء فكرة عن الصراع الكوني حول تاريخ السودان القديم، بين قوسين تاريخ افريقيا القديم، او بنقول كده لانو السودان فعلا لا قول هو مهد واصل افريقيا عكس التصور العام بتاع قرون العبودية الحايمين بيهو امثال "الخال" بي رندوق السعوديين، الطيب مصطفي.
لحدي حوالي 200 سنة اي قبل الزحف علي افريقيا كان مفروغ منه موضوع "الاصل الافريقي" للحضارة، لانو ده كلام اجدادم هم، اللي تتلمذو علي اي اجدادنا.
هناك بعد اخر غير مرئي في الصراع الكوني حول تاريخ السودان القديم، يتمثل في المعسكر السامي ممثلين في اليهود، البنسبو ارثنا نحن، لي انفسم ضمنيا، كسلاح فعال جدا في الصراع الداخلي الضخم مابين معسكري الاغلبية المسيحية والاقلية اليهودية، بالذات لما نضع في الاعتبار الاصل اليهودي للمسيحية ذات نفسها مع انو اصل كل الاديان سوداني حصريا!.
ولهذا اليهود ومنذ بداية الدواس في العصر الروماني استخدمو ارثنا الكوشي كسلاح، باعتبارو، هولم، هم، وهذا ساعد علي نحو مقدر في الحفاظ علي بعض ارثنا الكوشي، وابرذ نموذج هو الحركة الماسونية تحديدا اللي تبنت ارثنا الروحي الصوفي كخط موازي وبديل لمحاصرة الكنيسة، بالذات في القرون الوسطي من تاريخ اوربا، وهكذا اسلوب نجح نجاح باهر جدا.
لا اتكلم عن التنظيم لما اشير للماسونية، وانما الطرح او الفكرة اي الايديلوجيا، مع انو البنية ذات نفسها والتكتيك المتبع يعود لعصر الاهرامات، كاسلوب للتعبئية الروحية، بعيد عن السياسة.
من الخلفية دي كمثال برز سفر ضخم جدا، للعلامة بروف:
George Granville Monah James بعنوان Stolen Legacy
الارث المنهوب!
هذا العمل، اللي نشر في الخميسنات تخيل، شخصيا حول مجري تفكيرو كلو في الموضوع ده او بناءا عليه كتبت البوست بتاع الاصل السوداني للتصوف، منبع الفكر الجمهوري.
يشاع ان هذا العلامة قتل في ظروف غامضة!!
انا اسف لو سرحتا بيك بعيد شوية عزيزي القارئي، ولكن لازم كسودانيين نعرف مدي ضخامة وعمق الحرب الكونية الدائرة حول تاريخك ياسوداني، وكنتيجة الموضوع ده اعترف معقد شديد لهذا السبب!
لازم تكون مدرب بي طريقة محددة كاي عسكري في اي جيش، وتمتلك ادوات بحث محددة، كاي سلاح فعال في يد اي جندي مدرب صاح ناجح!
هذه حرب، وهذا صراع بقاء او فناء، او مش مجرد كلام اكاديمي او مجال بحث، تشيل او تغرف او من طرف للكلام البمر عليك من دون ماتكون عارف اصلو او فصلو، اي من اي مرجعية ثقافية اي من اي مركزية؟
نعم كلام ياتو معسكر في المعسكرين المتحاربين؟
ده، هو المفتاح لدراسة تاريخ السودان القديم!
بحمده، الان قدرت من اول سطرين تلاتة لما اقرا كلام عن تاريخنا، اعرف، المنطلق لهذا الكلام عامة جايي من ياتو مرجعية!
لاحظ في السودان كنتيجة المختصين في المجال ده، كلهم مجرد جنود اوفياء في جيش المعسكر المعادي، اي المعسكر الاوربي من دون ما ينتبهو حتي، كالعيث في البيداء، يقتلها الظمأ، اوقرب الموية، فوق ظهورها محمولة، للمعسكر الاخر!!!
ساحة الصراع الكوني حول تاريخ السودان القديم، هي امريكا تحديدا، مع انو اوربا هي البدات هذه الحرب الكونية، ولكن الوجود الاكبر الكثيف للطرف الاخر اي جيشنا، ميدانيا، صادف او كان في امريكا، لوجود اهلنا افارقة امريكا هنا، بكثافة في الميدان!
اكيد كلام يبدو غريب للمتلقي في السودان، ولكن ده برضو ماصدفة، ولكن بعض تنزلات حالة ودارنا الحالي كنتيجة للStolen Legacy هولنا المشار اليه اعلاه.
لهذا اجدادنا قالو لما تطشو ضمة ياسودانيين، الســــــودانية تحديد، المرموذ ليها في ثقافتنا بي اسم "الســـــت"، هي الحتقوم بجمع اشلاء جسد زوجها، اخوها، اوسار قطعة، قطعة، اللي كتلو اخوهو Set اصل مفردة "شيطان"!!
نعم ستهن، ستهم، كلهن اي نساء ورجال العالم، هي اللي حتحي عظام اوسار وهي رميم، وتبعثه، حيا!!
لاحظ اسلوب حضارتنا في توصيل المعرفة، كان دايما وابدا رمزي، او مش نصوصي!
حتي ده زاتو، اي لغة الترميز كان كتابتو من المحرمات، في كل ما اتصل بالمعرفة الروحية!
03-10-2019, 05:37 PM
Bashasha Bashasha
تاريخ التسجيل: 10-08-2003
مجموع المشاركات: 25803
اذن كونو اسم "كنداكة" ورد الينا عن طريق كتاب سماوي، فده ماصدفة ولاعابر، وانما مرة اخري تجسيد للاثر الطاغي للثقافة اي الحضارة السودانية علي كل ثقافات العالم الاخري الاساسية، وذلك لانها اي ثقافتنا، هي الاصل!
بالذات اليهودية ثم المسيحية لقدم هذه العقائد وقربها نسبيا من المنبع تاريخيا اي الثقافة السودانية النوبية الكوشية مقارنة باسلام الثقافة العربية اللي نقلت بدورها من اليهودية والمسيحية لانو كل هذه الاديان تنتمي لمرجعية ثقافية حضارية واحدة ارية او قوقاذية.
سنتناول الاصل السوداني للاسلام بالالف واللام في مشروع كتابنا القادم باذنه امــــون، كاول سلسلة اعمال بشاشا، هذا العام.
غرضي اوضح واعطي خلفية للعلاقة بين مصطلح واسم كنداكا والديانة المسيحية.
اليهودية او كتابا السماوي منقول بالنص حرفا لحرف في جزء كبير منه، من "بردياتنا" الكوشية، بل هناك نص ورد اصلا في خطاب لي بعانخي لما عاد لي ديارو بعد تحرير كمت، ورد كاية زي مابنقول بي لغة وخطاب اسلام الثقافة العربية، ونص منزل من السماء في اليهودية.
اذن ماتستغربو لورود اسم ومصطلح كنداكا هكذا.
حريص جدا ما اسرح في الحتة دي، ولكن اكرر اهمية حقيقة الاصل السوداني للاديان جميعها، لدرجة يستحيل فهم واستعياب اليهودية، المسيحية، والاسلام، من دون اصطحاب الثقافة السودانية كمرجعية وكمصدر اوحد!
السودان الحالي مذكور في هذه الكتب 40 مرة!!
هل امريكا ولا المانيا ولا انجلترا، مذكورات ولو مرة واحدة؟
ياتو بلد في هذا الكون بجانب السودان مذكور 40 مرة في الكتب السماوية؟
زي ما اوردتا في بوست الاخبار في الدورة الماضية، رصد الثورة الحالية من منطلق ماورد في الكتب السماوية من تنبؤوات بخصوص السودان الحالي، سلفا بدا!
03-10-2019, 06:28 PM
osama elkhawad osama elkhawad
تاريخ التسجيل: 12-31-2002
مجموع المشاركات: 20440
لم تكتمل فرحتك بأن كاندي الانجليزية هي من أصل سوداني..
هذا تضليل معرفي لا يليق بصاحب مشروع ثقافي ...
تزعم أن "كنداكة" هو "مصطلح توراتي" أي قامت بصكه ونحته "التوراة"...
وهذا يناقض ما قالت به البروفيسورة السودانية المتخصصة في التاريخ السوداني القديم "سامية بشير دفع الله" حين قالت:
Quote: كنداكة كلمة رومانية استخدمها الرومان لوصف الملكات التي حكمن مروي فقد حكمت مملكة مروي اكثر من امراة كان اشهرهن الملكة اماني رنياس التي قادت الحرب ضد الرومان وكذلك اماني شختو واماني توري وغيرها من الملكات . حيث ذكر استرابو جنرالات الكنداكة في كتابة الجغرافيا ص 17 و1 و54 وايضا ذكر الكنداكة ملكة اثيوبيا في الاشارة لمملكة مروي الكوشية .
ايضا ذكر نبته باعتبارها المقر الملكي للكنداكة. ذكر بليني في كتابة التاريخ الطبيعي ص 6 و35 (ترجمة ايدي ص 886) وصف مدينة مروي بانها تحكمها امراة كنداكة وكذلك ذكر ديو كاسيوس في كتابة التاريخ الروماني ص 54 ترجمة ايدي ص 883 ان الاثيوبيين (الكوشيين) اغاروا على مدينة الالفنتين وتقودهم الكنداكة .
03-10-2019, 07:23 PM
محمد الأمين موسى محمد الأمين موسى
تاريخ التسجيل: 10-30-2005
مجموع المشاركات: 3470
أخي اسامة، ولا تنسى كذلك الاقتباس أسفله الذي أوردته في مداخلتك السابقة عن البروفيسورة سامية، والذي يشير صراحة إلى أن الكنداكة وردت في الكتاب المقدس، فكيف تكون كلمة رومانية؟
Quote: ذكرت كذلك الكنداكة في الكتاب المقدس العهد الجديد في سفر اعمال الرسل 8:37 عن خصي مهم يتبع الكنداكة ملكة الاثيوبيين
Quote: And he arose and went: and, behold, a man of Ethiopia, an eunuch of great authority under Candace queen of the Ethiopians, who had the charge of all.
Act8:27 Ad/ the bible سلام اخ بشاشا و ضيوفك
أعلاه جزء من الإنجيل. و في المقتبس تحت بالبحث عن معنى kandake أيضاً ورد أسم Candace ملكة أثيوبيا. حذفت بعض من التعريف لأنه طويل و ركزت على المهم في ظني. أذا كان أصل اسم كنداكة روماني، فأن اللغة اللاتينية(لغة الرومان) تمثل 60٪ من الإنجليزية.
Quote: Bible / / / / kan-dak'-ay Noun Feminine Definition Candace = "prince of servants" a queen of Ethiopia mentioned in Acts 8:27. (A.D. The name was not a proper name of an individual, but that of a dynasty of Ethiopian queens. King James Word Usage - Total: 1 Candace 1 KJV Verse Count Acts 1 Total 1 Greek lexicon based on Thayer's and Smith's Bible Dictionary plus others; this is keyed to the large Kittel and the "Theological Dictionary of the New Testament." These files are public domai
03-11-2019, 00:16 AM
osama elkhawad osama elkhawad
تاريخ التسجيل: 12-31-2002
مجموع المشاركات: 20440
حسب الموقع المختص بالتراث النوبي ادناه الكلمة لقب ملكي نوبي يعني ام الملك او الملكة الام وجده الرومان و (عولوموه) ....
The Romans met several queens of Meroë whom they thought were named "Kandake" (KAN-DA-key). They did not realize that "Kandake" was simply the Meroitic title meaning "Queen" or "Mother of the crown prince". Our modern female name Candace (now pronounced Kan-das) comes from this ancient Nubian royal title.
The Ku####es gave special honor to their queens because they believed that the kings, who were sons of these women, were also sons of the great god Amun. In other words, they imagined that these ladies were actually wives of the god and mothers of the living gods (the kings). If a king died, his wife might rule alone while her son was growing up. The people would worship her like a goddess.
When the Romans went to war against Kush in 24 BCE, they reported that the Ku####e army was led by a "Candace" who was "a very masculine sort of woman and blind in one eye." We can understand this strange description when we see how the artists represented the queens. They were massive, powerful women, covered with jewels and elaborate fringed and tasseled robes. They often appear carrying weapons in one hand, preparing to kill bunches of small enemy figures which they hold in the other.
Copied from http://www.dignubia.org/maps/timeline/bce-0024.htmhttp://www.dignubia.org/maps/timeline/bce-0024.htm
03-11-2019, 01:18 AM
Gasim Alnoor Aly Gasim Alnoor Aly
تاريخ التسجيل: 02-26-2016
مجموع المشاركات: 280
شكرا استاذ بشاشا على الموضوع الجميلحسب الموقع المختص بالتراث النوبي ادناه الكلمة لقب ملكي نوبي يعني ام الملك او الملكة الام وجده الرومان و (عولموه) ....
The Romans met several queens of Meroë whom they thought were named "Kandake" (KAN-DA-key). They did not realize that "Kandake" was simply the Meroitic title meaning "Queen" or "Mother of the crown prince". Our modern female name Candace (now pronounced Kan-das) comes from this ancient Nubian royal title.The Ku####es gave special honor to their queens because they believed that the kings, who were sons of these women, were also sons of the great god Amun. In other words, they imagined that these ladies were actually wives of the god and mothers of the living gods (the kings). If a king died, his wife might rule alone while her son was growing up. The people would worship her like a goddess.When the Romans went to war against Kush in 24 BCE, they reported that the Ku####e army was led by a "Candace" who was "a very masculine sort of woman and blind in one eye." We can understand this strange description when we see how the artists represented the queens. They were massive, powerful women, covered with jewels and elaborate fringed and tasseled robes. They often appear carrying weapons in one hand, preparing to kill bunches of small enemy figures which they hold in the other. Copied from
Quote: ولنأخذ مثلا من الأدب. أميل حبيبي نحت كلمة "المتشائل"...فلو وردت في نص آخر، فهذا لا يعني أن مؤلف النص الثاني هو من نحت الكلمة وصكّها...
أخي أسامة، وكون الكلمة كلمة رومانية هذا لا يعني بالضرورة تم نحتها من لدن الرومان، فقد يكونوا استلفوها كما هي من أصلها النوبي، كما يحدث في غالبية اللغات عندما تستلف كلمة من لغة أخرى. وكون كلمة كنداكة وردت عند المؤرخين الرومان، ومن قبلهم وردت في التوراه، فهذا يرجح أنها وجدت قبلهم عند أصحاب الشي زاتو و(بشاشا الذي تفرون منهم فإنه ملاقيكم!)
03-11-2019, 05:09 AM
Bashasha Bashasha
تاريخ التسجيل: 10-08-2003
مجموع المشاركات: 25803
ثانيا يا اعزائي وبالذات الخواض، انا لسة ما كتبتا حرف بخصوص مصطلح او مفردة او لقب "كنداكا" بخلاف العنوان، فروق المنقة شوية يا خواض.
بي مناسبة العزيز الخواض، انبه القارئي يخت بالو شديد علي مداخلات الخواض اللي بالضبط بمثل ما عنينا بالحرب الكونية علي ارثنا الحضاري، بقيادة الخواجات اي المركزية الاوربية تحديدا، اللي وضعت المقرر الحالي اللي بيدرس في السودان كتاريخ للسودان، ولاعلاقة لهذا التراش بتاريخ السودان من قريب او بعيد!!
الخواض بينهل من هذه البركة الاسنة، وبالتالي هو فعلا بمثل المعسكر الاخر في هذا الصراع في هذا الخيط، او كونو ما متخصص تاريخ زينا، مامهم ولا بغير كتير من الدور القايم بيهو هنا، واللي حيقوم بيهو، كاحد مجندي لواء مكدونالد الجديد في السودان!
نعم عجيب، سوداني الي هذا التاريخ يكون بمثل هكذا ولاء لي خبوب مستعمرينا، اللي جو السودان بحثا عن تاريخم هم، وهذا هو اساس المقرر مش الصاغو وانما البدرسو امثال الدكتورة سامية بشير مع كامل احترامنا ليها كسودانية واستاذة لامثالي لما كنت طالب باداب الخرطوم،
ولكن دكتورة سامية والبقية ما خرجو قط عن خط، قطبان، سكة حديد مستعمرينا ومستعبدينا البيض، اوربيين او امريكان كانو، فيما اتصل بمايسمي زورا ويدرس ك "تاريخ للسودان" من حيث الاصل، لانو المدخل للمقرر الاستعماري الامبريالي الحالي ده، كان اصلا تاريخ البيض اي الاوربيين تحديدا في السودان وافريقيا!!
نعم الامريكي النازي من اصل الماني، الوضع المقرر ده، وبالتالي توجوهو اهلو كعرفان لانجازو هذا، ك"اب" لما سمي زورا او شغل خبث، ب "الحضارة النوبية" ختم ابحاثو معلنا ان اصل حضارة السودان ارية، اي بيضاء.
منطلقو كان نكتة الاصل الاري للحضارة، اللي الان البيض بيتوارو منو خجلا، لما هزمو شر هزيمة علي ايدي مقاتلي المدرسة السودانية تحت قيادة العلامة انتا دياب، منذ اوائل السبعينات، الوالد والاب الحقيقي لتاريخ السودان ومن ثم افريقيا، القديم.
اذكر، رصاصة الرحمة الاخيرة في المعركة دي، اطلقها مارتن برنال اليهودي في الثمانينات، لما نقل المعركة الي قلب اوربا ذاتا في سفرو الضخم المعنون "اثينا السوداء" اي السودانية تحديدا، له المجد، والرجل يهودي!
قطعا هو دخل المعركة دي من منطلق حساباتو هو كسامي، ولكن هذا لايهم، له التحية.!!!!
لهذا قنا زي كلام الطير بتاع بشاشا ده ماوصل السودان لانو كلام افارقة وبالتالي كلام فارغ بتاع "فروخ" او مش خواجات زي السويسري داك بحكم طريقة تفكير امثال الخواض هذا الفي يدهم القلم!!!!
للاسف الخواض ده، هو منطلقو في اللاشعو كابرز حوار مركزية، اوربية في هذا الفضاء بالاشتراك مع الصديق سناري!!!
حنرد علي كلام الخواض، جملة جملة لانو مهم للغاية باعتبارو يمثل المعسكر الاخر، مجند مكدونالد الجديد هذا!!!
03-11-2019, 05:47 AM
Bashasha Bashasha
تاريخ التسجيل: 10-08-2003
مجموع المشاركات: 25803
Quote: لم تكتمل فرحتك بأن كاندي الانجليزية هي من أصل سوداني..
تحية يا خواض،
اولا بشاشا مازيك كحوار مركزية اوربية، عشان ينبهر بالصورة البتتخيلا دي، شغل اسقاط بالاصل السوداني لي مفردة كاندي، وبشاشا هو البقول بالاصل السوداني للحياة المنظمة علي سطح هذا الكوكب، مش حتة حلاوة، فهذا مضحك يا عزيزي!!
الانتا ماعارفو كيف كثير من المفردات في الانجليزي او العربي او اللغات الاخري، اصلها سوداني، او ده ماصدفة وانما يؤكد الاصل السوداني للحضارة!
كمثال nature بالانجليزي ماخوذة من Neter السودانية اي "المدو نتر" اي الهيروغلوفية بالاغريقي، البتعني بالعربي "كلام ربنا" او "كلام الله".
بعدين ياخي راجع المداخلات اعلاه بالانجليزي من الامريكيات او غيرن ستات اسم "كنداكا" عن التصور العام المسبق لدي الجمهور، البربط بين مفردة كاندي و"كنداكة"!
ايهم اهم كدليل: كلام مرصوص في بطون كتب وقواميس، ام كلام نزل الشارع من بطون القواميس ليصبح راي عام؟
ده كلو رغم اني قتا ليك، ده موضوع جانبي!!؟
Quote: تزعم أن "كنداكة" هو "مصطلح توراتي" أي قامت بصكه ونحته "التوراة"...
هل التوراة، زول مثلا؟
نجار او صائغ لمن يصك كمان؟
اي مفردة وردت في القران، تظل هذه المفردة قرانية، وردت في التوراة، تظل توراتية، في الانجيل، تظل انجيلية وما اليه!
ما الجديد في ابجديات كهذه؟
نعم كمثال "كعبة" مثلا مفردة سودانية ماعربية كما نتوهم ولامعني لها بالعربي وهي مركبة من "KA او با" بي لسان اهلي في دنقلا، اي بي فهم امثالك، رطانة، ورغم ذلك تظل قرانية!
نعم كل اسماء الله الحسني من حيث الاصل سودانية، ولكن اذا وردت في القران فهي قرانية، بغض النظر عن المصدر من حيث الاصل اللغوي!
هسي ده، موضوع يضيعو فيهو وكت؟
ولكن كلامنا عن المستلبة، خلاك تتحسس البطحة، اياها، او لما غلبك تلقي ثغرة في كلامنا لجات لمواضيع انصرافية كهذه!
03-11-2019, 02:24 PM
علي عبدالوهاب عثمان علي عبدالوهاب عثمان
تاريخ التسجيل: 01-17-2013
مجموع المشاركات: 12480
حبيبنا بشاسا .. سيرناقمي ووو أمبس .. هذه خواطر كتبتها قبل فترة وكنت محتفظ بها ولكن وجدت فرصة في البوست رغم أن الموضوع ليس في صميم البوست شكراً بشاشا أمبس ان تفتح لنا نافذة كهذه
======================
خواطر للنوبيات .. عادات وتقاليد زمان
لقد ثبت من خلال البحث في آثار النوبة أنهم لم يعبدوا صمناً خلال تاريخهم الطويل بل كانوا يؤمنون بأن هناك قوى ما وراء الطبيعة تتحكم في هذه الحياة فاصبح الانسان متأملاً في كل ما حوله بتعمق وقد كل دخلت كل المعطيات الكونية مثل النيل والشمس والقمر في دائرة تأمل الانساني النوبي ، وقد أدركوا ان الانوثة احدى هذه القوى الخارقة وفيها الكثير من الاسرار والخفايا من القوى الخير والجمال والصبر والعادلة .. وبناء على موروث الجيني لدى النوبيين فقد حظيت المرأة بمكانة أقرب للتقديس في تاريخ النوبة إيماناً منهم بأنها منبع الخير والخصوبة والتوزان الطبيعي للحياة البشرية وما عروس النيل إلا دلالة على هذه القيمة التي تفردت بها جداتنا في ذلك الزمان لدرجة أن توارث الملك كان من خلال ابناء الاخت او البنت حتى بعد الفتح الاسلامي ووضع ضمن شروط اتفاقية (البقط) ارضاءاً لملك النوبة آنذاك ومازالت بعض هذه الرموز يتم تداولها الى اليوم كوصف للقوة الكامنة في الانثى وهو رمز (الكنداكة) . وقد وصفهن الرحالة العرب بأجمل الصفات ( في نسائهم الجمال وكمال المحاسن ، شفاههن رقاق وافواههن صغار ومباسمهن بيض وشعورهن سبطة ) وقد رغب العرب المهاجرين في اتخاذهن زيجات منهن ونتيجة لذلك فنحن اخوال معظم القبائل العربية التي استقرت على ضفاف النيل او التي هاجرت الى الداخل . ولهذه المكانة المتميزة فقد كانت كل ظواهر العادات والتقاليد الموروثة تدور حول المرأة والمحافظة عليها من الشرور والنوازل حسب المعتقدات التي كانت سائدة حتى الزمان القريب . ومن العادات الغريبة التي اندثرت حالياً أن المرأة الحامل كانت لا تخرج من البيت عند الغروب لأن الاعتقاد السائد في ذلك الوقت ان هناك طائر اذا مر فوق رأس الحامل فإنها تكون عرضة للاجهاض وكان لهذا طائر صوت غريب يتشاءم منه الناس وأظن انه ( البوم ) ويطلق عليه بالدنقلاوية ( برو درو ) ومدلولها بالعربية ( العانس ) فكانت المرأة تضع فوق رأسها صحناً أو اناء من الحديد أو دبوس حديدي وسط الشعر يقيها شر الطائر المشئوم حسب الاعتقاد . وأكثر العادات تعقيداً كانت تحدث عند الولادة بطقوس تبدأ بعملية التخلص من الغشاء الذي يكون حول الجنين عند الولادة وكانت تكلف إمرأة بمهمة التخلص من هذا الغشاء وتذهب به الى مدفن بعيد عن الانظار لا يوجد به حيوانات لأن نبش الحفرة واخراج هذا الغشاء بعد دفنه يعتبر نذير شؤم وفأل غير حسن . وفي نفس الوقت تقوم امرأة اخرى بعملية جلب مياه النيل في اناء وغسل مقتنيات المرأة حديثة الولادة او ما يسمى ( بالجيرتي – بالعامية جريتق ) ويوضع اناء فيه مليء بماء النيل مع سكين او فأس تحت سرير المرأة لمدة اربعون يوماً وفي نهايتها تذهب المرأة بمولودها ومعها جميع نساء الحي والاطفال دون البلوغ الى النيل وتبدأ الطقوس فإذا كان المولود انثي يرمى بحجر ثقيل في النيل تيمناً بأن تصبح الفتاة ثقيلة مثل ذلك الحجر ليس وزناً ولكن سلوكاً وقيماً أما اذا كان المولود ذكراً فيؤخذ العيش والتمر واللبن ويرمى في النيل وهذا مدلوله ان يكون قادراً على جلب الرزق والعيش الرغيد لأن القوة الجسدية عند النوبة ليست للقهر والبطش بالآخر ولكنها تسخر في تطويع الارض وإنتاج الخيرات من الزرع والضرع ويمكن اختصارها في مصطلح التوظيف الاقتصادي لدعم الامن الغذائي للمجتمع .. ومن خلال ممارسة كل هذه السلوك والعادات قبل اعتناقهم الديانات السماوية نلاحظ ان الاساس في ذلك هو الخوف من العدو المجهول او ما كان يسمى في الاعتقاد النوبي القديم بقوى الطبيعة الشريرة وحالياً بمسمى ( مشهرا ) أو ( الكبس ) بالعامية العربية وكان الاعتقاد لدى اهلنا ان ابعاد هذ الشر يتم عن طريق اقتناء نوع من الخرز القديم ( الكوفري ) كان يجمع من الامكان الاثرية القديمة مثل ( الدفوفة ) ويربط بحرير في المعصم ولكن القاسم المشترك في جميع الحالات هو اللجوء الى النيل كمصدر للخير ينتهي عنده كل الشرور ..
معليش بشاشا أمبس .. الموضوع ليس من صميم البوست
03-11-2019, 03:23 PM
Bashasha Bashasha
تاريخ التسجيل: 10-08-2003
مجموع المشاركات: 25803
Quote: يا محمد الأمين ياخي ركز شوية في فرق بين نحتته وصكته التوراة وبين ورد في نصوصها أيضاً جاري طوالي للدفاع الأعمى
عبدالغني مرحب بيك هي او هو، التوراة بنحت او كمان بصك؟
حسنا ممكن تورينا الفرق ما بين ورود موضوع او مفردة في نصوص القران مثلا، اوما بين صك او نحت هذا القران اللي فجاة تحول الي كائن في نظرك للمفردة المعنية دي؟
حتقول لي النص ده الورد في القران، قراني، ولكن الاخر داااااك، الورد في القران ايضا، ما قراني، مثلا؟
او بعد ده، تسوي دفاع اعمي، شغل اسقاط؟
قاتل الله شغل، بقج القبائن المحمولة علي الاعناق في المنبر ده!
03-11-2019, 04:37 PM
Bashasha Bashasha
تاريخ التسجيل: 10-08-2003
مجموع المشاركات: 25803
مصطلح او لقب او اسم كنداكا، قطعا من حيث الاصل سوداني، او وردنا مكتوب بي لسانا.
الاختلاف كلو في النطق ثم الصياغة او بعد داك المعني.
المعني بحر عريض.
لهذا النسخة المتداولة الان في السودان او حول العالم، مصدرا هو المسيحية، اللي برزت او صيغت ######################## في العهد الروماني.
بروز وبلورة والمسيحية كدين واجه صعوبة شديدة في المهد الشمالي لتجذر الارث الروحي الكوشي اي التصوف بتاعنا ده زاتو، في اعماق اوربيي ذاك الزمان، وهذا اثار حفيظة الرومان ضد اهلهم فاشعلو ضدهم، اي اهلهم المحارق، لتحريرم من قبضة الارث الكوشي!!
لازم نسطصحب النقطة المحورية اعلاه عن الاثر الطاغي للثقافة السودانية علي اوربا ذاك الزمان، عشان نفهم كيف مصطلح او مفردة كنداكة تبنتو المسيحية، لتصلنا في السودان بالصيغة دي من حيث النطق واضيف التعريف للمصطلح.
اذن مهم للغاية نستصحب، اكرر واقع وعي الاستلاب الكوشي علي اوربيي ذاك الزمان.
تاكيدا لهذا اعيد نشر هذه الصورة، لي بابا الفاتيكان وهو يخر ساجدا لسودانية تحديدا، الان، دعك من العصر الروماني، وهو من حيث الثقافة ذكوري، والسود مرذولين في قاع بشرية هذا الزمان:
نعم الي هذا التاريخ البـــــــــابا بي جلال قدرو علي راس الثقافة الارية، لازال يخر ساجد لسودانية تحديدا، دعك من العصر الروماني، اللي واقع كهذا، نعم المجسد في الصورة اعلاه، عطل انتشار المسيحية مما ادي لاشعال الرومان المحارق للتخلص من كابوس قبضة وعي الاستلاب الكوشي اي السوداني الطاغي علي الاوربيين في الزمن دااااك!
03-11-2019, 04:52 PM
Bashasha Bashasha
تاريخ التسجيل: 10-08-2003
مجموع المشاركات: 25803
البعض، حول العالم ابتدا يحول الموضوع ده الي اثيوبيا الحالية، اهلنا قطع شك، كوشيين زينا علي قدم المساواة، لانو المسيحية الاثيوبية عريقة.
لهذا البعض حول العالم، منهم افارقة، عشان يتحاشو ذكر السودان الحالي بتاع الكيزان والاسلام الاصولي العروبي الداعشي، محتفي به في المسيحية، فبشيلو تاريخ السودان الحالي احيانا بي رمتو او بحولو لي اثيوبيا اليوم، لانها مسيحية وبالتالي بكون في حبة اتساق!
نعم، تاملو طاقية البابا، او ذات جلابيتنا البيضا المكوية!
امثال البابا لما ظهرو في التاريخ، كانو عراة!
نعم امثال الطرمبة هذا، ساكن البيت الابيض في امريكا ظهرو للمرة الاولي في التاريخ بي حتة جلد تور يغطي العورة، ثم حجل في الارجل مع التاتو الحالي مغطي الجسم!
بقول ده كلو، عشان نعطي نبذة للتاثير الطاغي جدا جدا، للثقافة السودانية علي اوربا ذاك الزمان لما نتكلم عن مصطلح كنداكا في الكتب السماوية المقدسة.
ياخي يكفي "اوربـــــــــــــــا" ذاتا كاسم لتلك القارة، ايضا ماخوذ من اسم ســـــــودانية تحديدا، او بعد ده الخواض يسوي بشاشا منتشي فقط لانو مفردة كاندي بالانجليزي ماخوذة من مصطلح كنداكا!!
طبعا دار الزمن دورتو، عشان احنا كمان ممثلين في نموذج الخواض، نخر ساجدين للبيض بي دورنا!!
دنيا ما بتنقدري، قال، الله هوي!
03-11-2019, 05:23 PM
Bashasha Bashasha
تاريخ التسجيل: 10-08-2003
مجموع المشاركات: 25803
سيدي انت كما تزعم صاحب مشروع ثقافي سخّرت له سنوات شبابك وعمرك.
فبهذه الصفة المعرفية الجليلة يصبح أمراً كارثياً أن تمرّر معلومات خاطئة للقراء خاصة الذين يثقون في "لقاحاتك الثقافية"..
لم تقدم أي دليل علمي لغوي يثبت أن كلمة "candy" لها أصل سوداني..
فكاندي التي اتيتت بها هي لقب تحبب أي "Nickname" وهذا لا يجعل من لقب التحبب تابعاً للاسم الاصلي...
مثلا أحيانا يقال تحببا لاسم العبدلله "سمسم" لكن هذا لا يجعل أن أسامة والتي تعني "اسم من أسماء الأسد"، أصلا لكلمة "سمسم" والتي لها معنى وأصل مختلف تماماً عن معنى "أسامة"..
هنالك فرق بين ورود النص وأصله أي صكه ونحته...
فعندما تتحدث عن "مصطلح" يعني الحديث عمن صكّ المصطلح ونحته أي عن أصله..
فالمصطلح هو :
Quote: a word or phrase used to describe a thing or to express a concept, especially in a particular kind of language or branch of study.
وبالعربية:
Quote: المصطلح هو لفظ يعبر عن مفهوم، والمعرفة مجموعة من المفاهيم التي يرتبط بعضها ببعض في شكل منظومة،
والواضح أنك تخلط خلطاً واضحاً وبيِّناً ين مطلق "كلمة" و "مصطلح" ذات التعريف الدقيق ..
مصطلح "كنداكة" كما أثبتّ لك ووافقني في ذلك الكثير من الأعزاء في هذا البوست" ،
مصطلح صكه الرومان ووثقه مؤرخو الاسكندر الاكبر في كتاباتهم ،
وانتقل بعد ذلك عبر العالم، ومن ضمن ذلك كتاب "التوراة".
فمجرد وروده في "التوراة" لا يجعل منه "مصطلحاً توراتياً" حسب زعمك.
الدقة في استخدام اللغة من أهم أدوات الباحث .
03-11-2019, 07:02 PM
علي عبدالوهاب عثمان علي عبدالوهاب عثمان
تاريخ التسجيل: 01-17-2013
مجموع المشاركات: 12480
لم تقدم أي دليل علمي لغوي يثبت أن كلمة "candy" لها أصل سوداني. ================= حبيبنا أسامة .. تحياتي .. candy بالنوبية اليوم ( السكين )وبكل الألسن النوبية ولم تنقرض ما زالت مستخدمة الى اليوم كاندي .. سكين ثم ( كا ندي ) كا بمعنى (بيت) اندي ( حقي .. حقنا ) بالعربية ( بيتنا ) كاندي ( كسرة المسرة ) أحياناً تنطق ( كل ندي)
ثم عبارة ( كا ندي ) ومعناها للاستخدام المنزلي فمثلا تكون إجابة لسؤال: إن منلليه .. ما هذا الشيء ؟ الاجابة ( كا ندي ) للاستخدام المنزلي
أيضاً .. كاندكا .. مسطبة لدعم أساس البيت .. كا هو البيت ( دكا ) الاساس المسطبة ( حرف النون في كان للملكية مثل s الملكية في الانجليزي )
وإلى المزيد من البحث شكراً أسامة جعلتنا نغوض في أعماق النوبيةبوست جميل ..
سلام يا اسامه الخواض في مجال دراسه التاريخ اذا الناس في الشارع بربطو مابين كاندي أو كنداكه كما اوردنا أعلاه- اكاديميا هذا دليل كافي انو كاندي ماخوذه أو مرتبط في وعيهم بي كنداكه
. السطر الكتبتو في الموضوع ده مأخوذ من الانطباع العام العام للناس حول العالم الرابط مابين كاندي أو كنداكا وهذا يكفي.
هذا ما يعرف اكاديميا بالOral Tradition المعمول بيهو كمصدر لدراسه تاريخ افريقيا بالذات.
انا ما فكرتا زاتو اضيع وكت بحثا عن أصل ومصدر مفرده حلاوه في الانجليزيه. ده مضيعه وكت لا املكو وهذا موضوع عابر لا يعني اي شي قصاد موضوع البابا كمثال اللي الي هذا التاريخ بركع في خشوع لي سيده سودانيه تحديدا عاشت اقلاه قبل أكثر من 6,000 سنه من تاريخ اليوم وهذا مذهل لما نضع في الاعتبار وضعيه النساء والسود في عالم اليوم!
نعم احتقار مركب!
إذن ما ممكن تخلي موضوع ضخم كهذا أو تمسك لي في موضوع جانبي فارغ ورد عرضا عن أصل مفرده حلاوه بالإنجليزي!
ولكن لما غلبك التقولو لجأت لي اسلوب كهذا انصرافي شغل سلخ لي جلد النمل!
من الجانب الآخر مفرده أو مصطلح كنداكا سوداني أو ما روماني كما تتوهم!
هي قراءه وصياغه اغريقيه أو مش رومانيه زاتو من حيث المصدر بالنسبه للرومان انفسم لي مفرده أو مصطلح سوداني صرف مكتوب بي لغه سودانيه خالصه.
ده كلو وانا حتي الآن لم تتناول هذا الجانب بعد!!
03-11-2019, 08:07 PM
عبدالرحمن إبراهيم محمد عبدالرحمن إبراهيم محمد
تاريخ التسجيل: 10-02-2009
مجموع المشاركات: 2591
شكرا الأخ بشاشا على طرق هذا الباب والتنبية لأهمية هذا الموضوع فى تنقية الوعى بالذات وقد أشرت أنا إلى بعض ما ذكرت أنت هنا فى مقالات سابقات لى.
كثير من الناس، نتيجة للمناهج التعليمية، يتحدد أفقهم بنصوص مقتبسة من أدبيات المركزية الأوربية الغربية. ومن المحزن أن عددا كبيرا من الأكاديميين يظلون يرددون ببغاوية تلك المقتبسات دون نقد أو تقييم؛ فيعيدون بالتالى تأكيد تلك الاراء رغم فسادها. وسامية بشير واحدة من رموز تلك العملية التضليلية الببغائية فى ترديد خزعبلات المركزية الأوربية المخلوطة بعربنة المنحى. وهذا أمر محزن كتبت عنه حول موقفها المخزى فى مؤتمر باريس الذى رفضه حتى الأوربيون أنفسهم. وكتبت مقالا مطولا حوله ولم أنشره نتيجة لتسارع الأمور فى ثورتنا الظافرة التى تقودها بجدارة كنداكاتنا (راجع بوستى حول أعـظـم إمـرأة فى تاريـخ إفـريـقـيا ومجـدنا الآتى https://sudaneseonline.com/board/7/msg/1547355155.html
كما ذكر الأخ بشاشا فإن الناس مازالوا فى حالة إستلاب تم فرضه بالتلقين دون إعطاء البدائل المنطقية فرصة. فمن من السودانيين يعلم مثلا أن خصم أخيليس اللدود فى ملحمة طروادة الإغريقية كان أميرا نوبيا إسمه مـمــنـون العسكرى العبقرى والمقاتل الشرس الذى خلد فى أعظم الملاحمالتاريخية. ولا يعى كثير من الناس أن مصدر العلم الإغريقى واليونانى فى الأصل كان إفريقيا وهذا مجال كتب فيه الكثير. وحتى ما يتباهى به الأوربيون فى مصاف الفكر الراقى أى الفلسفة يدحضها كتاب الصديق البروفيسور أونيوينى The African Origin of Greek Philosophy:: An Exercise in Afrocentrism و وهل فكر الناس فى اساطير إيسوب من أين لاوربا بالتماسيح والمرافعين والنمور والحيوانات المدارية والإستوائية؟ وهذه مجرد أمثلة مقتضبة.
أما فيما يتعلق بالأصول الهندية أو الفارسية للكلمات فدعونا نفكر فقط لماذا تسمى سلسلة جبال فى الهند بـجبال كوش ولماذا تظل اللغة النوبية الأوشكر أو الدنقلاوية-الكنزية تتربع على أغلب مطالع الأسماء فى شبه القارة الهندية؟ كــلكتا، كـا تاماندو... فما سر هذه الكاف والتى منها على سبيل الذكر كـا بــا الـكـعـبة. فلا تعجب إن سمعت من درسوا فى الهند أو عملوا فى الخليج من الدناقلة أو الكنوز يحدثونك بأنهم يفهمون حديث بعض الهنود. لأن اللغة التاميلية فى جنوب الهند وسيرلانكا تتشارك مع الأوشكر فى كثير من رموزها اللغوية. والسبب أن الحضارة الدرافيدية على نهر السند (المسمى بالتركمانية بــ نـيـــلاب) هى فى الأصل حضارة كوشية. وحتى المحيط الهندى كان يسمى بـالبحر الكوشى (راجع بوستىأمـة الياماسـى سـكان أمـيريـكا الأصـلييـن : هـل هـم مـن الـسـودان؟ https://sudaneseonline.com/board/420/msg/1356738206.html
ويطول الحديث عن ضرورة إعادة صياغة الوعى القومى السودانى بجلال وعظمة تاريخنا الذى لا يعدله تاريخ شريطة أن نتخلص من هذه العبودية الطوعية للمدرسة الآرية فى تزوير التاريخ.
الغرض من الفيديو اعلاه، ان اقدم للسودانيات تحديدا هذا العلامة دكتور:
CHARLES S. FINCH III, MD
اللي تحدث كثير عن الدور المحوري اللعبتو المراة عبر التاريخ، عكس التصور الذكوري العام السائد في عالم اليوم الذكوري بطبعو.
نعم اغلبيتنا للاسف شغل تصورات مسبقة خاطئة بتخيل عالم اليوم متقدم جدا، والمراة فيه متحررة، وهذا محض وهم وليس الا، صاغته الثقافة الارية الذكورية المهيمنة علي عالم اليوم!
لهذا للاسف الخط العام لحركة التحرر النسوية السودانية ينطلق بدورو من هذا التصور الخاطئ تماما!!
مهم جدا السودانية تنطلق في النقطة دي من مرجعية ارثها هي، وهي "الست" بالالف واللام، او ده اسم حبوبتا، امنا "الست" اي ام البشرية كلها، واول من خلق رب العزة كبشر رمزيا!
لاحظو للكثافة المستخدم بيها لقب واسم "ست" في السودان من دون مانعي او ندري سر هذا الاسم العريق المقدس بحق!
نعم: ستنا،
او ست فلانة.
لو لي في البيت اماتي من طرف او من دون فرذ، لقب "ست" سابق لاسماهن!
وو الي امبس، نعم بالعربي العزيز خبيرنا، علي عبدالوهاب ياريت لو تنورنا في موضوع لقب "الست" في اقصي الشمال وشكرا.
03-11-2019, 11:02 PM
Bashasha Bashasha
تاريخ التسجيل: 10-08-2003
مجموع المشاركات: 25803
Quote: رجاء خاص لجميع الناطقين بغير العربية في المنبر ده يورونا لو هناك تانيث او تذكير في لسانم الكوشي.
ترهاقا او امنة مختار شوفو لينا الموضوع ده، في لسان اهلنا في الشرق، ضروري.
أخبارك أبو محمد؟ مش تأنيث وتذكير بس ، حتى مافي بالنوبية آسف ، حتى المرحوم وردي علق على الحتة دي لمن سألوهو كيف ما عندكم كلمة آسف ا قام قال نحن ما بنغلط في حد عشان نقول ليهو آسف خارج النص يا كمال انت قلت قريت الاولية أنذاك في حلفا القديمة أنا كنت برضو في حلفا في المدرسة الاولية الغربية
يا أستاذ محمد الأمين ياخ خلي المكابرة ولو غلطت ارجع عن الغلط بدل الورجغة واللف والدوران قلت لي شنو إمكن الرومان أخدوها عن اليهود؟ ياخي أرجع لأماني ريماس وصويحباتها إتولدن وماتن متين والتوراة نزلت متين أماني ريماس والإمبراطورية الرومانية نشأوا في فترة واحدة والتوراة نزلت قبلهم بقرون فيعني نحتتها في رحم الغيب ولا إصرار منك على الغلط شوية إلمام بالتاريخ ياخي بس مباري بشاشا تدافع عنه بالباطل والحق كدا بتقلل من قدرك ياخ
03-12-2019, 04:49 AM
Bashasha Bashasha
تاريخ التسجيل: 10-08-2003
مجموع المشاركات: 25803
Quote: وقد أدركوا ان الانوثة احدى هذه القوى الخارقة وفيها الكثير من الاسرار والخفايا من القوى الخير والجمال والصبر والعادلة
ابدل وهاب، امبس، اي اخي علي عبدالوهاب،
نعم المرأة تاريخا غير مثبور، بل مقبور، والسبب اننا نعيش في ظل حضارة ذكورية، بدوية الجذور، محتقر او مضطهد لنوع النساء، عكس التصور العام الخاطئ، لما يسمي بالعالم الاول، بي معيار الفكة، اي القروش، اللموهو بالقلع، بالاحتلال، بالاستعمار، بالاستعباد لامثالنا، والعنف سمة اساسية من سمات اي مجتمع بدوي كما شاهدناه في افلام رعاة البقر في سينما غرب او كلوزيوم، ايام زمااااان!
هذا العنف والقهر تجاه نوع النساء، يوم من الايام ادي الي مواجهة عسكرية عديل كده علي اساس النوع مابين الرجال والنساء، الاوربيين والاوربيات، نعم امثال هلري في مواجهة امثال الطرمبة الذكوري للطيش بالسليقة.
وهؤلاء النساء معروفات في تاريخ الثقافة الارية، ب"الامازونيات"، حسب ما ورد في اساطير الثقافة الارية!
اسم الموقع الشهير بتاع "امازون" جاي من الحتة دي!
الطريف جدا في الرواية دي، انو الجيش الجندري ده، من امثال هلري، لما جو مارين علي اجدادنا في الطريق من امثال اوباما، لمنازلة ذكور الخواجات،من امثال الطرمبة، قالو ادن اجدادنا تعظيم سلام، اجلا لا واكبار!!
معليش كلام من الذاكرة قريتو قبل فترة طويلة، وهذه الاسطورة، وردت في احدي اعمال شيخي، سيدي ومولاي، انتا دياب، والد تاريخ السودان القديم، الحقيقي!
لهذا عايز بقدر الامكان من جانبي، قبل ما اخش في موضوع تعريف مصطلح "كنداكا"، اوضح طبيعة وضعية المراة في ثقافتنا، المختلف اختلاف جذري عن كل ما تلي من ثقافات، اللي القاسم المشترك بينا، هو طبيعتها الذكورية الصارخة، لايهم اي ثقافة هذه، لو اوربية، لو يهودية، لوعربية، لو صينية، لو يابانية ولا ايا كان!!
كلها ذكورية صرفة!
اما نحن فثقافتنا كانت امــــــــــوية صرفة، ولاتزال تحت ركام خبوب الوعي الذكوري، الاسترقاقي، الوافد، والاجنبي الحالي، البجسد و كابشع مايكون، هذا النظام، علي نحو مرعب، وباسم الدين كمان، يا للهول!!
ما انجزتو المراة الســـــــودانية تحديدا وحصريا ثم الافريقية بعامة، تاريخيا لم يتكرر قط، واضيف لن يتكرر، لانها اصل الحياة المنظمة علي سطح هذا الكوكب عكس التصور العام الخاطئ!
الغريبة حتي الخواجات انتبهو لي دور المراة السودانية الكان اكبر من دور اختا في "كمت" اي مصر، لدرجة بعضهم لما يكون هناك دور طاغي لي امراة بعينها في الاسر الملكية الحكمت كمت، فكانو طوالي بميلو لي انو اصلها من السودان الحالي!!!!!
كنقطة جانبية، مهم عزيزي القارئي تعرف، كيف هذا لايعني ان الاخريات في الاسر الحكمت كمت، كانن من مصريات اليوم من امثال ام كلثوم او كده، "الست" ايوا، افتراضا، وانما كانن نوبيات من نوبة اهلنا في اسوان!
لهذا لحدي العصر المروي، اي مسك الختام، ما يعادل البابا في السودان كانن نساء حصريا!
نعم كل ما اتصل بالارث الروحي في ثقفافتنا الروحية بطبعها، جسدتو المراة تحديدا، عكس التصور المسبق العام، المهيمن علي وعينا المحتل هذا!
نعم الامام، الشيخ، الولي، الفكي، وايا كان من مسميات في العصر المروي، جسدتو السودانية اي المراة تحديدا!!
بل ممكن نضيف السودانية احتفظت بي دورا المحوري ده والاساسي في حياتنا، لحدي عصر المغرة وسقوط عرش كوش في دنقلا!
انا عايز القارئي يضع هذا في الاعتبار لما نتناول مصطلح كنداكا.
03-12-2019, 05:39 AM
Bashasha Bashasha
تاريخ التسجيل: 10-08-2003
مجموع المشاركات: 25803
Quote: وسامية بشير واحدة من رموز تلك العملية التضليلية الببغائية فى ترديد خزعبلات المركزية الأوربية المخلوطة بعربنة المنحى
بروف عبدالرحمن تحياتي،
نعم سامية بشير والبقية من المشتغلين بهذا المجال، تسميعم لي ترهات الخواجات بالنص، شئ مرعب، او مقرف، حد الطراش.
بالذات لما تتامل كيف بسطاء الناس من اهلنا افارقة امريكا اللي ما كملو حتي الثانوية العليا، بطقطقو "المدونتر" اي الهيروغلوفية، والمامم عميق جدا، لانهم ييعرفو وباكثر من اي مجموعة اخري طريقة تفكير نازية الخواجات ديل، اذلام، اذناب، ووكلاء مستعمرينا اللي صاغو المقرر الحالي البسمعو فيهو امثال سامية او علي عثمان بالنص، بالكربون ودون اي ادراك او وعي نقدي، من موقع الانبهار بي شخصية الخواجة، وكنتيجة الي هذا التاريخ هم بحاربو كما اسلافم من مجندي لواء مكدونالد، في جيش الغزاة، اي المعسكر الاخر الاري الاوربي، في الحرب الكونية المولعة منذ اكثر من 200 سنة حول تاريخنا نحن!
المقرر ده، الوضعوهو مستعمرينا كتاريخ للسودان، ينطلق اساسا من نكتة الاصل الاري للحضارة، يا للهول!!
نعم لمان هم جو السودان بحثا عن تاريخ اجدادم هم، بقيادة النازي العنصري جورج رايزنر تعريف نوبي في قواميسم كان يعني "عبد" بالنص ثم اضافو "جندي جيد"!
ناس دي هي نظرتم لامثالنا هم الصاغو المقرر الحالي، وكنتيجة، ده، هو حالنا اليوم، نكره من نحن، ونحتقر كرجال السودانية، دون ادني المام او ادراك بتاريخ هذه السودانية، اصل كل ما اتصل بالحياة المنظمة في السودان، وبالتالي هذا الكون باسره! ساواصل استعراض النقاط السردتها لاهميتا يا بروف مع الشكر.
03-12-2019, 06:57 AM
محمد الأمين موسى محمد الأمين موسى
تاريخ التسجيل: 10-30-2005
مجموع المشاركات: 3470
الأخ بشاشا و ضيوفه الكرام بوست بلاشك مهم .مهم لفك الاشتباك أو تبيّن الخطوط المتشابكة لكي نصل للحقيقة... يا ريت الموضوع أو المعلومات الأساسية فيه تكتب بشكل نستطيع أن نستوعبه دون تهليل أو تقليل من هنا و هناك لأي وجهة نظر.. فالحقيقة تظل هي الحقيقة.. نحن نتابع معلومات مهمة فلمصلحة البوست و محتواه و حتى تكون المعلومات التي يتضمنه و بالتالي النتائج التي يتوصل إليها مقنعة، يجب أن نبتعد عن الهتافية و المشاكسات الجانبية.. تشكر يا بشاشا مع فائق الاحترام واصل *************************************************** البروف عبدالرحمن مرحبا بعودتك و المعلومات التي ذكرتها عن وجود الأثر الكوشي في شبه الجزيرة الهندية أكثر من مهم.. أرجو تسليط المزيد من الضوء على هذا الموضوع... في انتظارك على أحر من الجمر
03-12-2019, 12:03 PM
محمد محمد قاضي محمد محمد قاضي
تاريخ التسجيل: 12-23-2014
مجموع المشاركات: 1605
بشاشا ووو أمبس التحية ليك ولضيوفك الكرام والتحية والتقدير للمرأة السودانية قائدة الحراك الثوري وأتمني من كل قلبي أن تكون الحكومة القادمة كلها من النساء الكنداكات وهن قادرات لقيادة السودان لبر الأمان إن شاء الله ..
من أين جاءت تصنيف اللغات الإفريقية (الكوشية) إلي أفروآسيوية ونايلوصحراوية ووو الخ ؟؟؟؟ إتذكر في بوست ما قالوا ذكر عالم اللغويات كلود رالي (بتاع الكوشيين الجدد) إنه القبائل النوبية جاءت من الصحراء (كالنبت الشيطاني) ونزلت علي ضفاف النيل ودمرت الحضارة المروية وهم شعب سئ الذكر وووو نرجو من الأخ حاتم إبراهيم وهو لديه معرفة باللغات يفيدنا في الحتة دي
حسب معرفتي البسيطة الأسماء ستنا وست النفر وست نور وست النسا أسماء تجدها في كل بيت عند أهلنا النوبة نفر بمعني جميل فست النفر يعني ست الجمال كما في الإسم نفرين يعني المرأة الجميلة والله أعلم
03-12-2019, 05:14 PM
Bashasha Bashasha
تاريخ التسجيل: 10-08-2003
مجموع المشاركات: 25803
Quote: وهذا أمر محزن كتبت عنه حول موقفها المخزى فى مؤتمر باريس الذى رفضه حتى الأوربيون أنفسهم.
نواصل مع بروف عبد الرحمن،
اولا، نحن بانتظار المقال المذكور بخضوص مؤتمر باريس هذا.
لو لي حقيقة ما متابع انشطة اساليب مستعمرينا او ادواتم من السودانيين للاسف الشديد، للالتفاف من اول او جديد علي النصر المؤذر لمعسكر الاصل الافريقي للحضارة، منذ الثمانينات.
غرضنا كلو من تسليط الضو علي موضوع الصراع الكوني حول تاريخ السودان القديم، هو عشان نفهم طبيعة ازمة الهوية الطاحنة المتجذرة لدي شعبنا، لدرجة نظل اكثر شعوب الارض جهلا بتاريخ سودانا، وهذا عجيب، ولكن هذا يشرح طبيعة التيه العايشنو كشعب، وكنتيجة امتطي عرش كوش واحد زي البشير يا للنكتة بحق!
كنتيجة ايضا مثل هذه الاهانة والاذلال للسودانية بواسطة اذلام هذا النظام الوافد الاجنبي الدخيل، كابلغ تجسيد للغيبوبة العايشنها كشعب وكقوم سود، عشان يجو الغزاة من متنطعي الخواجات، احفاد "التامهو" في ارثنا، من عبر البحار، ليكوشو علي ارثنا، بعد ماباعو امثالنا من "النقروذ" كما اطلقو علينا، بالاقة والكيلو!
الكارثة هي الحرب القادمة داخل السودان مابين امثالنا ومجندي لواء مكدونالد هؤلاء، في الداخل، بالوكالة والمصيبة القادمة هنا!
بي مناسبة مؤتمر باريس هذا، هذه الحرب الكونية حول تاريخنا، مؤتمر اليونسكو في القاهرة اوائل السبعينات كان هو نقطة التحول الكبري فيهو لصالحنا، بقيادة اتنين فقط من قادتنا.
في هذا المؤتمر المفصلي والتاريخي، للاسف السودانيين اصطفو مع الخواجات يا للعار او ضد اهلهم الافارقة بزعامة شيخنا ديوب اللي انتصر لتاريخ السودان مع رفيقو اوبانقا له المجد.
موضوع جانبي: يبدو لي شفتا ليك صورة مع بروف Dr Runoko Rashidi ابرز متخصص الان في تاريخ افريقيا اي السودان في اسيا.
هذا الرجل دفعتي في Study group بتاعنا هنا في كالفورنيا اواخر الثمانينات واوائل التسعينات، كنا بنعقد جلساتنا في غرفتو في جامعة Long Beach..
لو متذكرو وعلي اتصال بيهو بجيك في الخاص.
بروف رشيدي له المجد تمكن من تاسيس حركة وعي كوشي كبيرة داخل الهند ما بين اهلنا الدرافيدينس، سكان الهند الاصليين.
بالنسبة للاسطورة بحق ممنون المغرمين بيهو الخواجات حد الجنون، يقال انو ياهو ذات زوج الملكة العظيمة التاية فريدة كل العصور، مش فقط عصرها!
التحية عبرك للزميل رشيدي:
" target="_blank">
03-12-2019, 05:51 PM
Bashasha Bashasha
تاريخ التسجيل: 10-08-2003
مجموع المشاركات: 25803
Quote: ياخي أرجع لأماني ريماس وصويحباتها إتولدن وماتن متين والتوراة نزلت متين أماني ريماس والإمبراطورية الرومانية نشأوا في فترة واحدة والتوراة نزلت قبلهم بقرون فيعني نحتتها في رحم الغيب ولا إصرار منك على الغلط شوية إلمام بالتاريخ
الزميل عبدالغني محمد الحاج، مرحب تاني،
لو زول فينا احنا الاتنين عايز حبة المام مش بالتاريخ وانما باسلام الثقافة العربية، فهو انت، وليس نحن!
توراة لغة من معانيه المتعددة يرد معني:
كتاب مقدس
بالتالي كل الكتب المقدسة، توراه!
بناءا عليه، القران نفسو توراه، لوما عارف فاعرف!
اذن عنوان البوست يشير الي الكتب المقدسة كمصدر للصياغة الحالية لي مفردة كنداكا.
وقع ليك؟
المرة الجاية تواضع واستفسر بدل ما تروح متلب هكذا في الضلام عاضي العراقي، عامل مقددا، الولد!
بعدين اماني دي، كسودانية، هي واهبة واصل هذه الكتب الاصبحت سماوية "فجعة" بي قدرة قادر بعد ما اتطلعو عليها شفعنا ديل، وهي منقولة في معظما بالنص من برديات اهل اماني وليس العكس!
03-12-2019, 06:09 PM
Bashasha Bashasha
تاريخ التسجيل: 10-08-2003
مجموع المشاركات: 25803
Quote: يا ريت الموضوع أو المعلومات الأساسية فيه تكتب بشكل نستطيع أن نستوعبه دون تهليل أو تقليل من هنا و هناك لأي وجهة نظر.. فالحقيقة تظل هي الحقيقة..
محمد عبدالله الحسن مرحب بيك،
مافي تهليل ولكن قد يبدو بعضا مما نورد هنا، كتهليل او مبالغة، لانو غريب علي وعينا الحالي وبالتالي صعب نصدقو او بي كده بتكون انطباع لدي البعض انو مجرد تهليل، مع انو مجرد سرد موضوعي بسيط لي حقائق مغيبة عن وعينا!
من ذلك مصطلح واسم الست بالالف واللام، وهذه المفردة سودانية، اي مدونتر اي هيروغلوفية، تعني السيدة بالمعني الحرفي المباشر، اللي هي بالايطالية "مادونا"، وتحديدا "بلاك مادونا" اي سيدتنا السوداء، اي الســـــودانية، لانها من السودان الحالي فعلا!
اذن السيدة بالالف واللام كمثال كانت سودانية، وهي فعلا ســـيدة كام للحضارة اي الحياة المنظمة علي سطح هذا الكوب، وحدها لاشريك لها!
لما نتكلم كده، فهل هذا تهليل؟
قطعا لا!
ولكن بالنسبة لي وعي الاسترقاق الحالي، فينا، فهذا قد يبدو تهليل!!
اذن المسالة، نسبية!
03-12-2019, 06:55 PM
محمد عبد الله الحسين محمد عبد الله الحسين
تاريخ التسجيل: 01-02-2013
مجموع المشاركات: 10887
Quote: نحن نتابع معلومات مهمة فلمصلحة البوست و محتواه و حتى تكون المعلومات التي يتضمنه و بالتالي النتائج التي يتوصل إليها مقنعة، يجب أن نبتعد عن الهتافية و المشاكسات الجانبية..
قصدي و كما ذكرت أن مثل هذه الموضوعات موضوعات ذات قيمة مضافة كما يقول الاقتصاديون و ذات محتوى عالي ،فيجب مناقشتها بشكل يتناسب مع قيمة الموضوع.لذا يجب أن نطرحه دون الانشغال بمهاجمة آخرين، و التشاكسات الجانبية، و كلمات مثل استرقاق و استلاب و مركزية اوروبية اعتقد أخذت حيزا كافيا من الإشارة إليها، حتى كادت أن تكون مبتذلة..حتى الدكتورة...بشير التي وجدت حظا من الاساءة (لم أسمع أو أقرأ بما قالت)..و لكن الاساءة أو التقليل من آراء الآخرين لا يعطينا نحن ميزة عليهم..فالموضوعات المتعلقة بالتاريخ و اللغة و الحضارة موضوعات ليست كالموضوعات العلمية و الرياضية فهي موضوعات تتتسع لوجهات النظر المختلفة و لكن ذلك لا يعطينا الحق في التقليل منها..يمكن معارضتها و الاختلاف حولها...و ليس مهاجمتها.المؤتمرات و الندوات و الكتب تموج بالآراء المختلفة و ذلك لا يعيب قائليها فقط لكل منهم زاوية ينظر بها للأمور.. هذا ما أقصده.. و أكرر هنا أن الموضوع الذي يتم تناوله هنا موضوع مهم و كلنا نتابع و نتمنى أن لا يُذهب التشويش بجودة الطرح. تحياتي و احترامي
03-12-2019, 10:35 PM
Bashasha Bashasha
تاريخ التسجيل: 10-08-2003
مجموع المشاركات: 25803
نعم الجعزية كمثال، وهذا لسانن كوشين، مبين هي اساس اللغات السامية، وليس العكس كما حاولو، بي مكر او خبث عنصري استعماري قلب االاية، بنسب الجعزية لعائلة اللغات السامية، وهذا مضحك يفضح طريقة تفكير هؤلاء اللي مافيهو ذرة اعتبار لامثالنا!
ولكن ويا للمقسة، هكذا استصغار لعقول امثالنا يبدو انو كان في محلو لانو الي هذا التاريخ تنابلة مستعمرينا برددو هكذا هراء، من دون مايفكرو في تلفيق كهذا، جعل من الابن اصل ووالد لي والدتو!
هراء كهذا يقدم ك"علم" لامثالنا، او بالفعل امثالنا برمرمو نجر كهذا، لانو كلام خواجات، او بالتالي ماعايز نقاش!!
السامي برز للوجود من رحم سودانية لا محالة اي من رحم سوداء، منذ حوالي ال5,000 سنة فقط!
فكيف اخر مولود للام الكوشية، اللي عمرها بطول وعرض ملايين السنين، يكون هو الاصل؟
نعم كيف تنسب ام عمرها ملايين السنين الي اخر العنقود اللي عمرو بضع الاف فقط؟
ولكن الي هذا التاريخ ده هو التراش البيدرس في السودان كتاريخ لنا!
اما موضوع الدول ياحاتم، فلا معني لهذه الدول وهذه الحدود اللي صاغها مستعمرينا، وهي لاتصلح كاساس او مدخل لدراسة تاريخنا، او عمرنا كافارقة ماعرفنا حدود اطلاقا، جوازات، بطاقات، او تاشيرات دخول من اي نوع، وكنتيجة اصبحنا ضيوف حتي في داخل بلادنا لكل من هب او دب، او جانا كضيف او مهاجر، ليصبحو هم رب الدار!
ده حصل في ايران اليوم، في عراق اليوم، في ارض كنعان اليوم اي فلسطين او اسرائيل، في كمت اليوم، وجنوب افريقيا اليوم، كامثلة فقط!
اذن كمدخل لدراسة تاريخ افريقيا لابد من دك هذه الدويلات في افريقيا، دك، ومسحها من الخرطة اولا، كمدخل لدراسة تاريخ افريقيا، لانها صنيعة استعمارية، هذه الدويلات، ولا علاقة لها بتاريخنا كافارقة!
لافرق مابين اي سوداني واي اثيوبي، صومالي، تشادي، نيجيري وما اليه اطلاقا، لو المرجعية هو الثقـــــــــافة!
لا وجود للفرذ علي اساس القبيلة، العرق او العنصر، او القومية في الوعي الافريقي، خالص، خالص، ولهذا السبب تم استرقاقنا بسهولة ويسر!
الماسورة بشاشا فعلاً زي ما وصفك دكتور بشار صقر بأنك اكبر ماسورة في هذا المجتمع الاسفيري ومعاك مواسير لا تحترم حتى أمانة الكلمة والإعتراف لمن الواحد يغلط ويصححوا
Quote: الزميل عبدالغني محمد الحاج، مرحب تاني،
لو زول فينا احنا الاتنين عايز حبة المام مش بالتاريخ وانما باسلام الثقافة العربية، فهو انت، وليس نحن!
توراة لغة من معانيه المتعددة يرد معني:
كتاب مقدس
بالتالي كل الكتب المقدسة، توراه!
بناءا عليه، القران نفسو توراه، لوما عارف فاعرف!
اذن عنوان البوست يشير الي الكتب المقدسة كمصدر للصياغة الحالية لي مفردة كنداكا.
وقع ليك؟
المرة الجاية تواضع واستفسر
يا وهم انت تكوجن في الكلام وثقافة عربية و ورجغة ما عندها معنى انت قلت لقب الكنداكة تأصيله يرجع للتوراة وجاء وراك محمد امين موسى يهاجم في الخواض ويؤكد إنه انت صاح ردي عليكم كان مختصر إنه التوراة نزلت قبل مولد ريماس وأخواتها فكيف تنحت لقب لمن لم يولدن بعد ناس أماني ولدن بعد التوراة بقرون عديدة وتأسست الإمبراطورية الرومانية في نفس سنوات أماني ريماس مما يجعل إنه أمر غير مستبعد أبداً إنه يكون أصل اللقب روماني حركات إنه الناس مستلبين وإنه أنتو الأفارقة الجد دا كلام رخيص لا يتفوه به إلا من يعدم الحجة الرصينة ملاحظة شاعت كثيراً إنه في عدم إحترام لعقول القراء بدرجة مبالغ فيها
03-13-2019, 05:28 AM
Bashasha Bashasha
تاريخ التسجيل: 10-08-2003
مجموع المشاركات: 25803
انتا محظوظ لانك في دار بشاشا، ومن دخل دار بشاشا فهو امن.
مرة اخري قنا ليك توراة الواردة في عنوان البوست تعني بالنسبة لي بشاشا :
"كتاب مقدس"
نعم بالفهم ده قنا ليك حتي القران توراة!
اخر مافيها انتا الحتوريني اليهودية ظهرت متين ولا الرومان جو متين؟
اذا عندك القدرة ترد علي كلامنا ده، مرحب بيك، بالعدم بطل محاولات افساد بوستات الاخرين، حايم بي بقج غباينك دي، ضد كل من لم يعادي حاتم ابراهيم!!!
Quote: انت قلت لقب الكنداكة تأصيله يرجع للتوراة
فهمتا غلط، او بي كده قعدتا تقول فينا مالم نقل!!!
قنا الصياغة الحالية، مش التاصيل، لي مصطلح او مفردة كنداكا وصلتنا عن طريق الكتب السماوية او الكتب المقدسة عشان نشرح سر انتشار هذا الاسم في الثقافة الارية.
كيف ثقافة اجنبية تاصل ارث ثقافة اخري؟
مامعني تاصيل لغة؟
كالعادة مافاهم التكتح!!
فالمفردة/الاسم/المصطلح، اصلا سوداني مكتوب بلغة سودانية، اما القراءة الوصلتنا فكانت قراءة اكرر مش تاصيل، وبالتالي صياغة، ارية من حيث المرجعية الثقافية!
وقع ليك؟
Quote: حركات إنه الناس مستلبين وإنه أنتو الأفارقة الجد دا كلام رخيص
نعم مش فقط مستلبين، وانما مستعبدين عديييل كده من حيث الوعي!!!
رايك شنو؟
فهذا واقع معاش، وكنتيجة السودان اول دولة علي سطح الارض، معلنة الان فجاءة، بحد السيف، كدولة عربية، تبيد غير العرب او بالملايين!
داير دليل اكتر من كده علي وعي الاسترقاق دعك من مجرد استلاب؟
عزيزي القارئي، الزول ده مشكلتو في الدنيا، حاتم ابراهيم، وبالتالي كل من له صلة، بي فهمو بي حاتم، شعارو اعادي واكره من يصادق حاتم، واموت في بلابيض البكره حاتم!
تخيلو مخلوق كهذا!!
ولهذا جا دافر هنا بي بقج غباينو دي، ، كايس يفشها، فاتح نار، من دون اي مناسبة كالعهد به زي مابعمل في كل البوستات حسب موقف صاحب البوست من حاتم بي فهمو!
03-13-2019, 07:44 AM
علي عبدالوهاب عثمان علي عبدالوهاب عثمان
تاريخ التسجيل: 01-17-2013
مجموع المشاركات: 12480
في (المعاجم) العربية لن تجد لمعنى "كعبة" سوى (البناء المربع)
==================== حبيبنا حاتم شكراً كثير كثير على هذه الجملة التي تعني لي الكثير
( البناء المربع ) هذه العبارة ترجمة للمسمى النوبي ( كا با Kaba ) كا .. يعني البيت في النوبية با .. شكل مربع أو مستطيل وهذه العبارة ( با ) مستخدمة إلى اليوم في مجال الزراعة (با) بمعني الحوض مربع الشكل في آثار النوبة كانت مباني دائرة كما في القلاع اليوم .. وإلى يومنا هذا يتم بناء أبراج تربية الحمام في البلد في شكل دائرة .. لست متخصصاً ولكن قرأت أن البناء الدائري فيه تكييف هواء طبيعي كما في مستودع المحاصيل ( القوسيبة ) وهي في شكل دائري للحفاظ على دورة الهواء لفائدة المخزون
ولفرز البيت المربع عن البيت الدائري .. جاءت عبارة ( كا با )
شكراً بشاشا أمبس .. على البوست شكراً حاتم الحبيب .. على المداخلة الدسمة
03-13-2019, 10:39 AM
محمد الأمين موسى محمد الأمين موسى
تاريخ التسجيل: 10-30-2005
مجموع المشاركات: 3470
Quote: حتى المرحوم وردي علق على الحتة دي لمن سألوهو كيف ما عندكم كلمة آسف ا قام قال نحن ما بنغلط في حد عشان نقول ليهو آسف
ترهاقا مشتاقين،
نعم مجرد ما دخلتا الابتدائي في حلفا- طلعوني او ودوني دنقلا، لانو كما تعلم في زمنا، كان من التقاليد الراسخة انك تقضي وكت محدد بالذات من طفولتك مع جدك او حبوبتك، او من هنا جا في الغنا، "ترباية حبوبتا"!
كانت ميزة انك تتربي مع الجد والحبوبة!
ده غير انو القبول في دنقلا للابتدائي كان صعب شديد، الا تجي محول من مدرسة تانية، لانو العدد في القبول محدد، ولهذا كتار وهم في الانتظار كانو بدقو عمر 10 او 11 سنة عشان يخشو اولي ابتدائي وهذه كانت مشكلة في زمنا!
بالنسبة لي كلام الراحل وردي، فهذا عميق بحق، برجعنا لما يعرف
ب ال42 principal of Maat
وامنا Maat هذه سودانية، ظهرت في عصور غابرة سحيقة، مما يدل زي ماقنا علي الدور الريادي الاصيل للسودانية في تاريخنا، بالذات في الجانب الروحي، وهذا مفصلي عكس التصور العام الوفد،
البنظر للمراة كرمز للشر، ونقيض للقيم الروحية بالذات وتحديدا، بينما المراة في تاريخ ثقافتنا، هي مصدر هذه القيم الروحية، اللي بي طبيعتا الاموية، اقرب فعلا لنوع النساء كمصدر، اكرر عكس التصور المسبق العام!
ارتباط الوعي والارث الروحي بالقلب ماصدفة!!
التصور العام ، لمنظر النازية، للانسان الاسود ككتلة عواطف، مقارنة بالانسان الابيض، اللي مقدم كعقلاني، يحكي عن الكثير في هذا الجانب، المعقد!
غرضنا نسوق الكلام باتجاه محاولة لتعريف مصطلح كنداكا، اللي كان في تقديرنا اكبر بي كتير من مجرد "ملكة ام" او "ام الملك"!
03-13-2019, 04:21 PM
Bashasha Bashasha
تاريخ التسجيل: 10-08-2003
مجموع المشاركات: 25803
نعم ترجمة كل الاعمال دي بالذات الفيديوهات، باذنه في الطريق، والترجمة في بالنا تكون بي لسانا الكوشي بطول وعرض السودان، عشان يصل للغبش في تلفوناتم في الاطراف، بعيد من العاصمة!
دعواتكم!
03-13-2019, 04:42 PM
Sinnary Sinnary
تاريخ التسجيل: 03-12-2004
مجموع المشاركات: 2770
من المؤسف أن يستغل الأخ كمال بشاشا الظرف الحساس الذي تنفعل به مشاعر الجميع و تتولى عنه الأولويات لمصلحة الهم العام..هذا هو السبب الذي دعاني لأعلن التوقف عن تشريح المركزية الافريقية وفضح أساطيرها العرقية الإانفعالية ولكن ما يؤسف له أن أرى الأخ كمال يستغل الظرف ليوظفه لخدمة بروبوغاندا المركزية الإفريقية (الرافرام) وقد أزعجتني مسألة أخرى وهي أشارة أوردها بروفيسور عبدالرحمن إبراهيم وهو كاتب أحترمه وجاء فيها ما يلي:
Quote: حتى ما يتباهى به الأوربيون فى مصاف الفكر الراقى أى الفلسفة يدحضها كتاب الصديق البروفيسور أونيوينى The African Origin of Greek Philosophy:: An Exercise in Afrocentrism
كم أتمنى أن يراجع البروفيسور ما كتبه ليتحقق من دقة الزعم بأن أصل الفلسفة الإغريقية إفريقي
03-13-2019, 08:16 PM
Bashasha Bashasha
تاريخ التسجيل: 10-08-2003
مجموع المشاركات: 25803
لا حولا! امنتو بامون! معقوله يا سناري زعلان قدر ده من بشاشا لانو يهاجم في غلاه مستعمرينا الخواجات في تناولو لي تاريخ السودان تذكر مش تاريخ انجلترا من منطلق مرجعيه سودانيه أو مش اوربيه كما تفعل لأنك تري الوجود بعيون الخواجات؟ معقوله؟؟ اها لو تناولنا تاريخ المرأة السودانيه كسودانيبن من مرجعيه سودانيه فهذه جريمه في تقديرك مش؟ يعني في تقديرك التناول لازم يكون من منطلق مركزيه اوربيه ليكون متسق مع الحراك في الشارع بي فهمك مش؟ بعدين لي هسي انتا مطرم اي واقف لر كونو أثبتنا أصل ما يسمي فلسفه لدي الاغربق سوداني؟ ياخي ده كلامم هم ومنذ آلاف السنين أو مش كلام بشاشا أو بعد ده برضك مصر بالقوه تسوي اغريقي وانت سوداني افتراضا؟ انت عايز كدليل اكتر من شهاده واحد زي افلاطون اللي زي غيرو قبل آلاف السنين قطع المتوسط مرقا في اسوان الحاليه كحوار في خلاوينا؟ دليل اكتر من كده؟ بل لما حبا يزور الضريح زي ما بنعمل الي اليوم كل جمعه اجدادنا قالو ليهو يا افلاطون انتا اغلف لازم نطهرك في الاول والرجل وافق برحابه صدر؟ ده كلو حترمي في التراش فقط لتثبت لي روحك كحوار مركزبه اوربيه انو الخواجات هم الابتدعو الفلسفه واامفرده زاتا لغه سودانيه ايوا "Philo "Sophy؟ نعم من "صوفي" عديل كده؟ يا اعزائي كلام زي ده بخلي سناري يقيف تتك!! هذا ما عنينا لما تكلمنا عن افه مجندي لواء مكدونالد الجديد هذا في السودان المنكوب بامثال دكتور سناري!!
03-13-2019, 11:30 PM
Bashasha Bashasha
تاريخ التسجيل: 10-08-2003
مجموع المشاركات: 25803
Quote: من أين جاءت تصنيف اللغات الإفريقية (الكوشية) إلي أفروآسيوية ونايلوصحراوية ووو الخ ؟؟؟؟
محمد القاضي، وو امبس، شرن اقمن؟
الكلام ده جاي من نكتة الاصل الاري للحضارة، اللي بناءا عليه الخواجات اعلنو كيف اصل الحضارة السودانية بيضاء، اوربية، اما السودانيين فحتة "فروخ" قالو طبقا، واضافو ان "الذنوج" لم يسهمو في تاريخ الحضارة بي شئ!
يعني بي فهمم من قمنا "عبيدم"!
ده، كان هو المدخل اللي علي اساسو صاغو مايسمي زورا تاريخ السودان، اي المقرر الحالي.
هكذا نسبو لسان هاجر النوباية طبقا لي روايات اهلنا في الجبال الشفاهية، وهي الام، لي ابنها اسماعيل، او بي كده اسماعيل يكون هو الولد هاجر!
لاحظ لما الساميين ظهرو في التاريخ، لغتنا كانت سلفا مكتوبة، مش فقط منطوقة والتقويم الحالي بتاع يناير لي ديسمبر كان سلفا ابتدعوهو اجدادنا منذ الاف السنين!
ولكن بي فهم هؤلاء، اكيد كنا صمّن، بكّمن كما الابقار او التيران، لحدي ما اتولد الانسان الكامل، اي الابيض، ابو الحضارة، العلمنا ننضم او يكون عندنا لسان!
منتهي السخف، الاستعلاء الاجوف والغرور، اللي تبلور ايام الزحف علي افريقيا بالذات في القرن ال19، لما كانو ببيعو او يشترو في الزينا بالرطل والوقية، او من الخلفية دي جات ترهات، نيلي، صحاري، بانتو، وايضا "كفار"!!
نعم لو بتصدق، مصطلح "كافر" او كفار ده، هؤلاء المتنطعين استخدمو كاسم لي واحدة من المجموعات الافريقية دون ادني المام او ادراك!
اها الطريف جدا بالتدريج ابتدو يغيرو في السخف ده مع مرور الزمن بالذات لما بدا المقاومة من المدرسة الافريقية وكنتيجة قالو علي امثالنا في الشمال وشرق افريقيا "اوربيين سود" باعتبارنا حاميين حصريا كمخرج من ورطة نكتة الاصل الاري مقارنة ببيقية السودانيين والافارقة، اي "الذنوج" بي فهمم!
اذن التقسيم العبثي ده للافارقة، من جهة، هذا يعود لي طبيعة عمل العقل الاري، طبقا للعلامة نعيم اكبر من ابرز علماء النفس عامة في امريكا واحد رواد ومقاتلي المدرسة السودانية اي الافريقية.
نعم العقل القوقاذي قال بي طبعو بميل الي تفتيت اي شئ، موضوع ملاحظة، قبل تناولو، الي اجزاء لا نهائية، وهذا التفتيت من جانب اخر، خدم وبشدة الاهداف الاستعمارية للغزاة الاوربيين بالذات في افريقيا حيث هكذا تعمود وبخبث ينفخو في كير تقسيمنا الي شمال حامي عربي مسلم في مقابل جنوب مسيحي ذنجي!
حتي في الشمال او بي خبث هم النفخو في كير نوبيين في مقابل عرب، او ثم حصرو مفهوم ومصطلح نوبي في التلاتة مجموعات المعروفة، او حتي هنا هم حاولو يضربو المحس بالدناقلة، وهكذا دواليك!
03-13-2019, 11:31 PM
Sinnary Sinnary
تاريخ التسجيل: 03-12-2004
مجموع المشاركات: 2770
بشاشا تحية الثورة والإنتفاضة الباسلة بعدين دا شغل أيدلوجي ودا ما وقته لمن تنجض الثورة حنتكلم عن وين الحقايق ووين الأوهام حأكلمك عن إفلاطون مرق من بلده لمن قامت الحرب وكان أنتج شنو قبل ما يمرق وعدد الدول الزارها وحأكملك عن استاذه سقراط الأحدث أهم إنقلاب في تاريخ الفلسفة ولم يترك بلاده البته وكل ما حاوله إفلاطون الإستفاضة في رؤوس المواضيع التي درسها على يدي سقراط دا ما وقت الدعاية الآيدلوجية يا كمال
03-14-2019, 05:56 AM
محمد عبد الله الحسين محمد عبد الله الحسين
تاريخ التسجيل: 01-02-2013
مجموع المشاركات: 10887
الموضوع الذي تكتب عنه موضوع جميل و مفيد و نود أن نستفيد مما تطرحه أنت أو الآخرون...و لكن... أقول لك: إن الهتافية و الصوت العالي و الضجيج لا يقنع أحدا و لا يجعل أحدا يترك قناعاته.. لا اقصد أحدا بعينه.... و لكنها أصبحت سمة ملازمة للكثيرين عند طرح ارائهم ... هناك عدم إيمان بحق الآخر في أن تكون له رؤيته و أن يقدم وجهة نظره..هناك افتقار لأدب المحاورة ... .إن موقف أي شخص من أي قضية والتي تمثل قناعاته لم تأت من فراغ... بل جاءت بناء على قراءات أو معلومات أو آراء سمعها .. و هي بالتالي يمكن أن نطلق عليها وعي.. سواء أكان ذلك وعيا حقيقيا أم وعيا زائفا.. لذا حتى تكون مقنعا يجب أن تحترم قناعات الآخر ثم أن تقدم معلوماتك دون تزويق أو نعوت ساخرة أو صراخ أو عويل كأننا في سوق و ليس في منبر للرأي. أنت يا أخ بشاشا طرحت فكرة أو معلومة يجب عليك أن تكون مقنعا حتى آخر المطاف..كيف؟ أترك المناوشات الجانبية..و وصف الآخرين بأنهم:: حملة لواء مكدونالد و مستلبين....و مدافعين عن الرجل الأبيض..و المركزية الاوروبية إلى لآخر الاوصاف.. و ركز على طرح موضوع و معلوماتك بشكل مرتب..واحد اثنين تلاتة..و قدم مصادرك لما تقول.. بعد ذلك عندما يختلف معك شخص في نقطة أو معلومة رد عليه بكل منطق و لا تترك النقطة لتتهم من خالفك بأنه كذا... و كذا... هناك أسئلة مهمة: لماذا في رأيك لا نعرف نحن و لا العالم قيمة حضارتنا القديمة؟؟؟ هذا هو السؤال المهم؟؟؟ ثم أين هي الآثار الدالة عليها؟؟؟ لا أسأل هذا السؤال استحقارا أو تقليلا ..و لكن يجب أن نكون واقعيين...حتى الآن لم نقم نحن و لا غيرنا بفك طلاسم اللغة المروية...حتى نعرف كل التفاصيل.. لماذا تطالب الناس بأن يعرفوا قيمة حضارتهم و تاريخهم.... و ما يثبت ذلك غير متاح؟؟ نحن حتى تفاصيل تاريخنا القريب لا نعرفه ..مثلا المعلومات عن دولة الفونج القريبة لا نعرفه بالتفصيل حتى الآن فجله استنتاجات و وجهات نظر قابلة للخطأ أو الصواب..فدعك عن تفاصيل الحياة في مملكة مروي أو نبتة أو ما قبلها... لذلك يجب أن يكون طرح المعلومات عن تلك الفترة في شكل وجهات نظر قابلة لأن يتم نقدها أو حتى دحضها، و ليس باعتبارها شيء مفروغ منه.. قصدي من كل ذلك حتى نستفيد نحن المتابعون و الذين ليس لنا من المعلومات عما تقول إلا شذرات.... و لكن ذلك لا يعني أننا سنبصم بالموافقة على ما تقول دون تثبّت أو اقتناع.. و لا زلت أقول أن العلماء.... و أكرر العلماء ...في مجال التاريخ يدلون بآرائهم حول الواقعة الواحدة بوجهات نظر و آراء مختلفة، و أحيانا متناقضة ..و لكنني لم أقرأ أ، أحد قلل أو أساء لوجهات النظر الأخرى..
هذه فقط مجرد انطباعات و ملاحظات عامة من متابع يتمنى أن يستفيد من وجهات النظر التي تطرح هنا.. مع فائق الاحترام و التقدير
03-14-2019, 01:03 PM
محمد عبد الله الحسين محمد عبد الله الحسين
تاريخ التسجيل: 01-02-2013
مجموع المشاركات: 10887
أرجو يا أخ بشاشا أن لا يكون قد رضيت بأن يكون الكلب العقور بوقا لك..أعوذ بالله من الخبث و الخبائث...فهو كلما دخل بوستا جعله منتنا مثله..و إذا أصبح هو صاحب البوست أخبرنا .خاصة أنه لا يملك إلا أن ينقل و ينسخ و يلصق ..و لا يملك أن يجترح بوستا لوحده، إلا أن يكون متطفلا على الموائد يبث فيه سمومه الكريهة مثله.طبعا اعتدت منه الغمز و اللمز علّ ذلك يبرد له بطنا ..فإذا منتظر أن أرد على قاذورته tسينتظر طويلا و لن Hتيح له شرف أن أرد عليه. فهو لا يستحق إلا كما تستحق الحشرة الدوس بالنعال..طبعا الجميع يعرف اين تكمن عقدتك.,., الرد فقط لمن يستحق الرد...للمحترمين فقط..للذين يحترمون أنفسهم و الآخرين.. علما أنني توقفت منذ زمن عن التعامل معه منذ أن رأيت جهله و حقده..و ها هو الآن يترصد لكي يشفي غليله..مت بغيظك أيها الحاقد الجهلول عديم..(..........) ما في داعي..
Quote: نحن نتابع معلومات مهمة فلمصلحة البوست و محتواه و حتى تكون المعلومات التي يتضمنه و بالتالي النتائج التي يتوصل إليها مقنعة، يجب أن نبتعد عن الهتافية و المشاكسات الجانبية..
Quote: و ركز على طرح موضوع و معلوماتك بشكل مرتب..واحد اثنين تلاتة..و قدم مصادرك لما تقول.. بعد ذلك عندما يختلف معك شخص في نقطة أو معلومة رد عليه بكل منطق و لا تترك النقطة لتتهم من خالفك بأنه كذا... و كذا
Quote: أرجو يا أخ بشاشا أن لا يكون قد رضيت بأن يكون الكلب العقور بوقا لك..أعوذ بالله من الخبث و الخبائث...فهو كلما دخل بوستا جعله منتنا مثله..و إذا أصبح هو صاحب البوست أخبرنا .خاصة أنه لا يملك إلا أن ينقل و ينسخ و يلصق ..و لا يملك أن يجترح بوستا لوحده، إلا أن يكون متطفلا على الموائد يبث فيه سمومه الكريهة مثله.طبعا اعتدت منه الغمز و اللمز علّ ذلك يبرد له بطنا ..فإذا منتظر أن أرد على قاذورته tسينتظر طويلا و لن Hتيح له شرف أن أرد عليه. فهو لا يستحق إلا كما تستحق الحشرة الدوس بالنعال..طبعا الجميع يعرف اين تكمن عقدتك.,., الرد فقط لمن يستحق الرد...للمحترمين فقط..للذين يحترمون أنفسهم و الآخرين.. علما أنني توقفت منذ زمن عن التعامل معه منذ أن رأيت جهله و حقده..و ها هو الآن يترصد لكي يشفي غليله..مت بغيظك أيها الحاقد الجهلول عديم..(..........) ما في داعي..
يأمرون الناس بالبر وينسون أنفسهم .. !
اعتقد انه البوست دا ماشي زي العسل وجميل وفيهو الطرح المفيد والمعلومة الجيدة .. لكن في بعض التحرشات ومحاولة الضرب تحت الحزام بدات منذ دخول المستشعر المتثوقف الخواض ومن تبعه بغير إحسان
احسن الناس تبطل تشنكل لبعض في البوستات وبعد كدة تقعد تتجاري واااي ضربني وبكا ..
دي نظيرة عامة بس .. وقراءة لمافي هذا البوست فقط..!
وتسقط بس #
03-14-2019, 01:45 PM
محمد عبد الله الحسين محمد عبد الله الحسين
تاريخ التسجيل: 01-02-2013
مجموع المشاركات: 10887
(اعتقد انه البوست دا ماشي زي العسل وجميل وفيهو الطرح المفيد والمعلومة الجيدة ) سبحان الله! لم أقل إلا أننا ننتظر أن نستفيد من البوست بعدم المشاكسات الجانبية..و سبحان الله أهو حصل.. و كلامي مشى و جاء.. لم أخاطب بشاشا إلا بكل احترام..بل شجعته...لأنه يهمني أن نسمع المفيد.. فلا داعي للتسرع و لوي الحقائق..
03-14-2019, 01:51 PM
محمد عبد الله الحسين محمد عبد الله الحسين
تاريخ التسجيل: 01-02-2013
مجموع المشاركات: 10887
و للمعلومية المعلومات التي أدلى بها بشاشا دي ما أول مرة يقولها...نحن عايزين مزيد من الإيضاح.. ما عايزين الوقت يضيع في مجابدات فارغة... الناس دي كلهال عندها وقت.. لكن اكان المعلومات دي لغاية هنا كفاية عليكم.. .......مبروك و سعيد عليكم..
الموضوع ده موضوع كبير ..و لسه بننتظر الكثير المفيد..ده قصدنا و ده البنتوقعه..
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
Bashasha
AMNA MUKHTAR
ترهاقا
Biraima M Adam
محمد بدرالدين
محمد الأمين موسى
يحي قباني
osama elkhawad
عبداللطيف حسن علي
طلحة عبدالله
متوكل حسن
نعمات عماد
Gasim Alnoor Aly
علي عبدالوهاب عثمان
عبدالرحمن إبراهيم محمد
محمد عبد الله الحسين
محمد محمد قاضي
Sinnary
HAIDER ALZAIN
فيس بوك
تويتر
انستقرام
يوتيوب
بنتيريست