نعى اليم ...... سودانيز اون لاين دوت كم تحتسب الزميل فتحي البحيري فى رحمه الله
وداعاً فتحي البحيري
|
Re: الكوز شاطر (Re: عمر التاج)
|
البشير واجهزته الأمنية هم حاليا من يتصدون للمظاهرات لأنهم باختصار يمثلون رأس الجليد واول ال متأثرين بزوال النظام ولكن هنالك دولة عميقة جدا لم تظهر على يصلهم الزلزال بعد، و هؤلاء قضيتهم مع الإنقاذ هي قضية عقيدة وحياة وموت، أمثال هؤلاء سيظل عملهم ممتدا حتى بعد زوال البشير ونظامه الامني لذا عندما اقول ان النظام ما زال واقفا إنما انظر لجذور الإنقاذ وليس البشير وأمنه. استغرب جدا من الذين يجدون في المظاهرات نزهة او متعة وبرنامج حياة المظاهرات يا اخوتي نوع من الحرب التي يجب الا نتمنى وجودها وان فرضت علينا خضناها مجبرين حتى يتحقق هدف معين، وذلك ان هذه الأداة مكلفة، ويكفي ان نعرف عدد الشهداء والجرحي واليتامى والثكلى خلال شهر واحد حراك الشعب السوداني، لذا أرغب بشدة ان تحقق غرضها سريعا وبضربة واحدة حاسمة، وليس عبر ضربات متباعدة الواحدة بعد برء سابقتها. واظن بحوجتنا لمزيد من الوسائل والأدوات لتحقيق ذلك، امسك عنها حاليا وأعود إليها كموضوع رئيسي في البوست بعد حين. رسالة أخيرة للثوار، لا تستعجلوا الفرح والانتشاء قبل الوصول للغايات، فالطريق مازال شائكا والتحدي مازال ماثلا، ورحم حواء ما عقم من انجاب البواسل و الحكماء، وهذه بعض النصائح والحقائق المضافة؛
Quote: أقرو الكلام دا كويس 👇🏼
تنبيه للشباب من واقع التجارب خلال الفترة الماضية
في ناس يا شباب فاهمين المظاهرات والإعتصامات غلط، في ناس أول ما يتجمعوا وقبل ما يتموا مية نفر في الميدان يقوموا يطلعوا موبايلاتهم ويصوروا لايف وما عارف الهدف من كده شنو، كتير من الإعتصامات والمظاهرات ما نجحت بسبب التسرع في تصوير اللايف والنشر في قروبات آفرو ووصف لي وغيرها، حتستفيد شنو لما تحدد موقعك للشرطة وقبل الناس يصلوك تكون الشرطة سبقتهم؟ هدفك شنو لما تعمل مظاهرة وقبل ما تبقوا كتار تقوم تحرق كمية لساتك وتصور فيديو لايف وتنشر في القروبات الدروشاب مرقت الكلاكلة كتمت شمبات إنتفضت وتعزم الشرطة عشان تجي تفضك بعد ساعة؟ إنت عامل الإعتصام والمظاهرة عشان تكاوي الشرطة؟ إنت مشكلتك مع الشرطة؟ قبل سنوات عملنا إعتصام في جامعة الخرطوم سكتم بكتم خمسة ساعات ولما الشرطة عرفت الخبر الجامعة كانت إتملت عن بكرة أبيها بالطلاب المعتصمين. الهدف يا شباب من الإعتصامات والمظاهرات ليس الإحتكاك مع الشرطة أو تنبيهها أو مكاواتها وأصلاً ما عندنا مشكلة جوهرية مع الشرطة، أنحنا مشكلتنا مع الحكومة، الحكومة قاصدين بيها أصحاب الكروش الكبيرة والخدود الناعمة البكونوا نايمين في القصور تحت مكيفات الفريون وبرسلوا المساكين ديل يحموا ثرواتهم الدولارية مقابل فتافيت من الجنيهات، الهدف من الإعتصام والمظاهرة هو إنك تسجل موقف رافض للحكومة ورافض لشرعيتها وما عندنا أي مشكلة مع الشرطة وما هدفنا نحتك بيهم أو نوريهم مكاننا، هم أصلاً حيعرفوا مكان المظاهرة والإعتصام من مصادرهم بس وقتها بكون العدد بقى كبير..
وعوا الناس الما فاهمة دي يا جماعة. أنشروا وأنسخوا يومياً لحدي ما كل الناس تعرف. ( منقول ) |
|
|
|
|
|
|
|
العنوان |
الكاتب |
Date |
الكوز شاطر | عمر التاج | 01-31-19, 07:42 AM |
Re: الكوز شاطر | محمد البشرى الخضر | 01-31-19, 08:18 AM |
Re: الكوز شاطر | ABUHUSSEIN | 01-31-19, 09:13 AM |
Re: الكوز شاطر | محمد حمزة الحسين | 01-31-19, 10:57 AM |
Re: الكوز شاطر | عمر التاج | 01-31-19, 10:00 AM |
Re: الكوز شاطر | عمر التاج | 01-31-19, 10:11 AM |
Re: الكوز شاطر | عمر التاج | 01-31-19, 01:23 PM |
Re: الكوز شاطر | Asim Ali | 01-31-19, 01:44 PM |
Re: الكوز شاطر | محمد البشرى الخضر | 01-31-19, 06:45 PM |
Re: الكوز شاطر | منتصر عبد الباسط | 01-31-19, 10:56 PM |
Re: الكوز شاطر | عمر التاج | 02-01-19, 09:42 AM |
Re: الكوز شاطر | عمر التاج | 02-01-19, 10:06 AM |
Re: الكوز شاطر | عبدالله الشقليني | 02-01-19, 12:00 PM |
Re: الكوز شاطر | Hassan Farah | 02-01-19, 12:37 PM |
Re: الكوز شاطر | Hassan Farah | 02-01-19, 12:40 PM |
Re: الكوز شاطر | عمر التاج | 02-01-19, 04:01 PM |
Re: الكوز شاطر | محمد البشرى الخضر | 02-01-19, 05:59 PM |
Re: الكوز شاطر | أبوبكر عباس | 02-01-19, 06:15 PM |
Re: الكوز شاطر | عمر التاج | 02-01-19, 06:14 PM |
Re: الكوز شاطر | عمر التاج | 02-01-19, 06:26 PM |
Re: الكوز شاطر | عمر التاج | 02-01-19, 06:44 PM |
Re: الكوز شاطر | Asim Ali | 02-01-19, 08:39 PM |
|
تعليقات قراء سودانيزاونلاين دوت كم على هذا الموضوع:
at FaceBook
|
|