وحياة الله وما طالبني حليفة ، قلت الدعوة دي اتقبلت طوااااالي قال ليك ثقة ما عادية .. اها انتوا بس حضروا الباقي وما عليك ويصير خير ( بس ما بتعت اخوانا الخليجين)
اها قلت لي حفلة النجاح متين؟؟
لوووووول
03-19-2006, 04:24 AM
عبدالرحمن الحلاوي عبدالرحمن الحلاوي
تاريخ التسجيل: 10-10-2005
مجموع المشاركات: 5714
الأخ بدر الدين نتمنى لغادة النجاح في الشهادة ، والسعادة ، وكثرة العبادة ، والوصول للطب ثم العيادة ، ويحفظها لك من كل مكروه ، وأن يردك لأهلك سالماً ، غانماً . وتحياتي
03-19-2006, 04:55 AM
بدرالدين شنا بدرالدين شنا
تاريخ التسجيل: 07-30-2002
مجموع المشاركات: 3514
الحبيب الغالي عبدالرحمن الحلاوي سلام وشوق أنا عندي إحساس كبير إنك ود شيوخ وإن شاء الله دعوتك مقبولة ربنا يديك العافية ويحقق ليك أمانيك وتقبل تحياتي وشكري على مشاركتك في الدعاء لك الود
03-19-2006, 04:47 AM
بدرالدين شنا بدرالدين شنا
تاريخ التسجيل: 07-30-2002
مجموع المشاركات: 3514
Quote: وحياة الله وما طالبني حليفة ، قلت الدعوة دي اتقبلت طوااااالي قال ليك ثقة ما عادية ..
عندنا واحدة من أهلنا بتقرا في الجامعة وأبوها زهجان من عدم عرسها أها يوم سفرها للجامعة أبوها يمرق على محطة العربات ويجي يصيح فيها هوي آبنية امرقي العربات بفوتنك وهي تقول ليها سمح مارقة ويجيها تاني وتقول ما قلتي ليك مارقة المرة اتالتة جاها قالت ليهو يا بوي حتى لو العربات ديل كلهن فاتن برضو بلقى لي عربية عشان أنا محظوظة قال ليها أه والله كان محظوظة كان حنَّتِك لي كعبِك قالت محظوظة قالت
الله ينجح غادة وكمان خالد ومرام أنت عندك غادة فقط ممتحنة وأنا عندي أتنين ممتحنين ونسأل الله أن يبعد العوارض والامتحانات تعدي على خير إن شاء الله ونسال لهم ولكافة الممتحنين التوفيق والسداد
03-19-2006, 06:37 AM
بدرالدين شنا بدرالدين شنا
تاريخ التسجيل: 07-30-2002
مجموع المشاركات: 3514
دي ذكرتني زمان حبوبة من حلتنا مشت الحج وواحدة من حفيداتها كانت في الثانوي العام وممتحنة للعالي ايام الزمن الجميل وقالت لي حبوبتها عليك الله ياحبوبة أمسكي في الحجر الأسود وأدعي لي عشان أنجح أها الحبوبة مشت الحج وعملت بالوصية ولكنها بدل تقول الثانوي العالي قالت ياااااااااربي البنيَّة تنجح وتمش العام أنقُرْ ما سقطت وعادت السنة
أشكرك أخي أبوذر على الدعوات الطيبات والليلة أول جلسة ونقول يااااااااااااااااااااااا رب
(اللهم أنت ربي لا إله إلا أنت، عليك توكلت وأنت رب العرش العظيم، ما شاء الله كان وما لم يشأ لم يكن، ولا حول ولا قوة إلا بالله العلي العظيم، أعلم أن الله على كل شي قدير، وأن الله قد أحاط بكل شيء علما، اللهم إني أعوذ بك من شر نفسي ومن شر كل دابة أنت آخذٌ بناصيتها، إن ربي لعلى صراطٍ مستقيم). الدعا دا مرة بعد صلاة الصبح ومرة بعد صلاة المغرب وإن شاء الله الكمدة بالرمدة وقول ليها عمك قال ليك لو قدرتي خليتي الجماعة ديل يوقفوا الولادة ليكي هدية كبيرة.. ياخي فترنا من حق اللبن دا!! ربنا يفرحك بنجاح غادة وأخواتها/نها يا بدر آمين.
03-19-2006, 11:08 PM
بدرالدين شنا بدرالدين شنا
تاريخ التسجيل: 07-30-2002
مجموع المشاركات: 3514
صديقي الذي يزرع الإبتسامة في شفتي دائماً محمد السر مداخلة رائعة ودعاء كااااااااااارب وسأحفظه أنا وأدعو به لها قول لي ليه؟؟؟ لأنو أنا عشان أديها الدعاء دا لازم أضرب تلفون وأتكلم مع ناس البيت والجيران وعييييييييك وأنا بيني وبينك فترت عديييل من قصة التلفونات زي فترك إنت من قصة اللبن يا لذيذ جيب لي سورة البقرة وقول لي أحفظها ولا تقول لي أضرب تلفون السودان
03-19-2006, 11:27 PM
ALGARADABI ALGARADABI
تاريخ التسجيل: 12-30-2004
مجموع المشاركات: 5236
تبدأ اليوم الاثنين امتحانات الشهادة السودانية بكافة ولايات السودان ، والمراكز التي تم اعتمادها بخارج السودان ، وتستمر حتى السادس من ابريل المقبل. واكد الدكتور حامد محمد إبراهيم وزير التعليم العام في المؤتمر الصحفي الذي عقده بمكتبه امس اكتمال كافة الترتيبات لانعقاد الامتحانات ، مشيرا إلى أن عدد الطلاب المسجلين للأمتحانات لهذا العام من داخل السودان بلغ 324.260 طالباً وطالبة ، ومن خارج السودان 1520 طالب
موزعين على 11 مركزاً فى كل من ليبيا ، السعودية ، قطر ، اليمن ، إيران ، باكستان ، الصومال ، وتشاد. واضاف أن وزارته قد إتخذت كافة الإجراءات المتعلقة بتامين الإمتحانات بالولايات المختلفة مشيراإلى وصول اوراق الامتحانات إلى كافة الولايات ، داعياً الطلاب إلى الدخول إلى الامتحانات بنفوس مطمئنة ، متمنين لهم النجاح. واشاد سيادته بدور المعلمين ، والولاة ، ووزراء التربية بالولايات المختلفة والعاملين في حقل التعليم ، والأجهزة الامنية لدورهم في حراسة الأمتحانات واجهزة الإعلام للمتابعة اللصيقة لسير الامتحانات. من جانبه طمأن الاستاذ عبدالعزيز محي الدين مدير عام الامتحانات والتقويم بالوزارة الطلاب الجالسين للامتحانات ان الامتحانات لن تخرج عن المقرر الذي درسوه خلال العام الدراسي ، مبيناً أن ادارته راعت راحة الطلاب عند وضع الجدول حتى يتمكن من المراجعة واضاف أن مسألة سقوط أرقام الجلوس بالنسبة لبعض الطلاب ليست مسؤولية الوزارة ، وإنما يرجع ذلك للطلاب أنفسهم الذين يتأخرون دائماًَ عن المواعيد المحددة للتقديم. اعلن الاستاذ عبد العظيم فتح الرحمن محمد مدير امتحانات السودان اكتمال الاستعدات لانطلاق الشهادة السودانية غدا بمركز العاصمة القطرية الدوحة وذكر سيادته ان زياراته للدوحة تاتى فى اطار الاطمئنان على اكتمال الاستعدادت فى تسعة مراكز امتحانات خارج السودان مشيرا فى هذا الصدد فى انه طاف على كل من مراكز تشاد ، ليبيا ، السعودية ، اليمن للغرض نفسه وابان سيادته بان حوالى 12 مركزا فى انحاء السودان سيتوجهون اليها الطلاب لاداء الامتحان وانه تم وضع الترتيبات الامنية االلازمة فى ولايات دارفور الثلاث لاداء الامتحان وتمنى سيادته فى ان تسير الامتحانات وفق ماوضع له من تخطيط وان يوفق الطلاب خارج وداخل السودان فى ادائه ويشار الى ان عدد الطلاب والطالبات الجالسين لامتحان الشهادة السودانية بالدوحة 187
مع تمنياتنا بالتوفيق لغادة
03-19-2006, 11:49 PM
بدرالدين شنا بدرالدين شنا
تاريخ التسجيل: 07-30-2002
مجموع المشاركات: 3514
اللهم انصر بدر اللهم انصر بدر اللهم نجح غاده اللهم فرح ام غادة اللهم حقق امل بدر و انشاء الله غادة تفتح العيادة
الدعوة دى تم ارسالها مع بداية اذان الصبح( بين الاذان و الاقامة) لغادة و لكل الزى غادة ينصروا اهلهم و يحققوا املهم و تب نوم يا بدر مرتاح..... دعوات الجميع وصلت وصلت و صلت وصلت بس بعد ده ركز فى ميزانية هدوم الجامعة و الموبايل و اللازى منو ..... لك التحية و الود و انا معاك فى مسقط يعنى دعواتنا بتمشى مع بعض مع كل اذان صبح و ما اظن ... تخزل بدر .
03-20-2006, 01:01 AM
بدرالدين شنا بدرالدين شنا
تاريخ التسجيل: 07-30-2002
مجموع المشاركات: 3514
منار محسوب سلام بي طيب خاطر وشكر كتييييييييييييير على الدعاء والتطمينات
Quote: نوم يا بدر مرتاح..... دعوات الجميع وصلت وصلت و صلت وصلت بس بعد ده ركز فى ميزانية هدوم الجامعة و الموبايل و اللازى منو
بالله الموبايل من اللازم منو؟؟؟ بس هي تنجح يا منار والباقي دا كلو هين سرني جداً وجودك هنا وسرني أكثر الدعاء وسرني أكثر أكثر صلاتك للصبح حاضر وربنا يتقبل منك ومني ومن الجميع لأنو غادة دي بنيَّة طيبة وحبوبة وأمورة وبتحب الناس وما بتشبهني .. هههههههههه وسعادتي الكبرى بوجودك في مسقط ولابد نلتقي أذا جاءت بي الأقدار من الصحراء إلى مسقط كل الود والشكر
03-20-2006, 02:31 AM
Ishraga Haimoura Ishraga Haimoura
تاريخ التسجيل: 01-24-2004
مجموع المشاركات: 1463
صباح اليوم بدأت الامتحانات صحينا مع الآذان وصلينا ورفعنا يدينا للمولى يارب يا هوان القواسي يا معين يا مسهل
النجاح لغادة بدر الدين وتسنيم ونعيمة وعزة مهدي حيمورة
وصلنا الآن الآتي: البنات مرقن من الأمتحان ومبسوطات وقالو الامتحان كويس خالص وزالت عنهن الرهبة الأولى إن شاء الله دايماً وباقي الامتحانات تكون ساهلة ونسمع بي نجاحكن
03-20-2006, 03:29 AM
المسافر المسافر
تاريخ التسجيل: 06-10-2002
مجموع المشاركات: 5061
يا رب القلم ومداده أمتك غادة الأسماء لك وآدم عبد لك أمتك غادة فهمها برحمة منك ألن لها الصبر حتى تستطيعه بإحسانك القديم وفضلك العظيم أمتك غادة أرفعها ولا تضعها زدها هدى واصلح بالها الحمد للمنان
03-20-2006, 05:06 AM
بدرالدين شنا بدرالدين شنا
تاريخ التسجيل: 07-30-2002
مجموع المشاركات: 3514
صديقي المسافر سلام بحجم الود والنقاء بكيتني عديل يا مسافر وتأكدت إنك بتحبني حب صافي وقوي الله يديك العافية ويقبل دعاءك ومشاعرك التي وصلتني والله وصلتني أحببببببببببببببببببببببببببببببببببببببببببببببببببببك يا مسافر
03-20-2006, 05:06 AM
بدرالدين شنا بدرالدين شنا
تاريخ التسجيل: 07-30-2002
مجموع المشاركات: 3514
Quote: اللهم إنك آمن من كل شئ وكل شئ خائف منك فبأمنك من كل شئ وخوف كل شئ منك أمن غادة مما تخاف يا الله يا الله ووفقها ووفق زملاءها وزميلاتها في الإمتحان
Quote: و من هسه حا نعمل ليك كشف للأتوس و الموبايل و مستلزمات الطب
كدي إنتو أعملوا الكشف في اليومين ديل ورسلوهو لي وكان لا قدر الله ما نجحت الأتوس والموبايل ومستلزمات الطب بمسكن ليها للسنة الجاية يعني حا يضيقن عليها؟؟؟ ههههههههههههههه
04-08-2006, 03:39 AM
bayan bayan
تاريخ التسجيل: 06-13-2003
مجموع المشاركات: 15417
الملكة الغالية مشتاقييييييييين والله ولي هسع ظروفي ما إتحسنت عشان أجي السودان وكان الشافعة دي دخلت الجامعة ياني الماني جاي لأنو قالوا المسألة في مصاريف تقيلة وموبايلات وأتوس وحاجات وحاجات عييييييييك عشان قلت أشوف دعوتك التانية دي
Quote: وياررب نشوفا عروسة آآآد الدنيا ...
04-30-2006, 08:05 AM
انعام عبد الحفيظ انعام عبد الحفيظ
تاريخ التسجيل: 12-07-2005
مجموع المشاركات: 8738
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
عبدالرحمن الحلاوي
بدرالدين شنا
،
Habib_bldo
أبوذر بابكر
ALGARADABI
Ishraga Haimoura
المسافر
عبد المطلب خضر عبد المطلب
انعام عبد الحفيظ
sumah
قرشـــو
almulaomar
Tumadir
bayan
ملكة سبأ
فيس بوك
تويتر
انستقرام
يوتيوب
بنتيريست