|
Re: دعوة لتغيير مراسلة الفضائية السودانية بالقاهرة..نريد نادية عثمان ونرفض منى عراقى يا تلفزيون (Re: khaleel)
|
الاستاذة نادية عثمان مختار كل المشاركين تحية صادقة سعدت جدا بمستوى المناقشة اعكف حاليا رغم ظروف النت السيئة فى السودان وظروف الكهرباء اعكف على جمع هذه المادة وتلخيصها وعرضها عليكم فى صورة دراسة متكاملة بعد موافقتكم عليها اتفقت مع احد رؤساء تحرير الصحف السودانية على نشرها وفى ذات الوقت وجدت من يقوم بعرضها فى البرلمان كمسألة مستعجلة تطرح لوزير الاعلام للاجابة عليها ايضا وجدت داخل الحيشان الثلاثة من تبرع بمزيد من المعلومات حول العمل ومراكز النفوذ واهل الحظوة فى مؤسساتنا الاعلامية اعتقد اننا من هذا البوست الهادف والهام سنحقق انتصارا للعدالة ةتكافؤ الفرص فى السودان الجديد ادعو اعضاء المنبر اذا نجحت هذه التجربة ان نواصل فى بحث ونظر قضايا السودان بذات الهيئة والكيفية ارجو ان تتواصل المقترحات والمناقشات نطمع فى طرح وجهات نظر بدلا من عبارة ابصم واوافق واؤيد مع اهميتها نادية ارجو ان تتولى الرد والتعليق وما تفوتى زول عشان ما يزعلوا يعنى ما تركزى على المؤيدين بس المعارضين اديهم فرصة ممكن يتراجعوا اوضح مثال للتراجع هو ما جاء فى تعليق الاخ عبدالناصر الضوى تعليقه الاول كان سلبيا وعدائيا ومستفزا ومليئا بالتناقضات والمغالطات ولى عودة بالتفصيل للرد عليه رغم انه بعد تعليقك ورسائلك الذكية جر واطى وتنازل هذا الرجل حاول ان يعكر المياه يبدو ان عينه كانت على صيد سمين لى عودة يا نادية عشان اعلق على كلام الاستاذة منى عراقى بس ارجو ان تبلغيها وتطمنيها اننا لا نضمر لها سؤا ولا نكن لها عداوة لاننا باختصار لا نعرفها شخصيا فهميها نحن عندنا معركة مع الاعلام داخل حوش الاذاعة والتلفزيون حالفين باليمين نوصلها حدها يعنى لازم يصبح الاعلام فى بلادنا حرا ومستقلا ومحايدا اعلامنا اليوم مدجن ومكبل بالاغلال والسلاسل الغلاظ أليس من حقنا يا منى عراقى ان نعمل على تحرير اعلامنا من هيمنة الكيزان صحيح هى المسكينة كانت مدخلا لاثارة قضيتنا ليس الا على اية حال اذا نجح مسعانا سنحقق اصلاحا كاملا يضع الشخص المناسب فى المكان المناسب سنقود ثورة اصحاح تعدل ولا تظلم تساوى ولا تفرق تهتم بالمؤهلات والخبرات قبل الولاء والالتزام الحزبى اذا وزير اعلامنا القادم وجد منى عراقى مناسبة وفازت بالموقع مالو تقعد فى راسنا جميعا
| |
|
|
|
|
|
|
Re: دعوة لتغيير مراسلة الفضائية السودانية بالقاهرة..نريد نادية عثمان ونرفض منى عراقى يا تلفزيون (Re: ALGARADABI)
|
الاخت نادية
شايفك متحسسة شوية من كلام زميلتك منى عراقى وكما شكلك كده استسلمتى لدرجة قبول الاتهام طبعا بكل اسف ما فهمت كلاما لانك نقلتى لينا بالمصرى استعنت بصديق وفهمت وضحكت بالذات الحتة بتاعة ربنا اديك اد نيتك يعنى بمقدار نيتك او نواياك ربنا يكافئك مش قلنا لالوبنا ولاتمر غيرنا المهم نيتك بيضاء حسب شهادة ناس المنبر ومستحيل اكونو كلهم ما فيهم رجل او امراة صادقة كلهم شهدوا ليك شهادة لصاحك بعدين انا فى الحقيقة ما بعرف الاخت منى وهى لا تعرفنى مما ينفى وجود قصد او سؤ نية لكن عشان اجاوب على سؤالك كشف السر من مراء هذا البوست ما هى مناسبة هذا البوست باختصار شديد ونحن فى قلب المعمعة بتاعة القمة الافريقية الاخيرة وما صاحبها من خلل وفشل وملطشة بثت قناة الجزيرة تقريرا عن سوء التغطية الاعلامية واستشهدت بصحفية سمراء جميلة وانيقة من اديس ابابا وتحدثت الصحفية بلغة انجليزية نظيفة شكت من الفشل الاعلامى وانهم كمراسلين وقعوا فى اخطاء مهنية بسبب عدم وجود جهة مسؤلة تنقل لهم رسالة اعلامية متفق عليها الى هنا والامور تبدو عادية تقرير الجزيرة والذى نحرص على متابعته اكثر من تلفزيون بلادنا حرك المياه الراكدة وزعل ناس الاعلام زعل شديد قاموا جابوا لينا فى التلفزيون السودانى الاستاذة منى عراقى كصحفية اجنبية عشان يضعفوا تقرير الجزيرة وخلوها بالعافية تقول القمة كانت ناجحة والعمل الاعلامى كان جيدا هذه هى المرة الاولى التى اشاهد فيها الاستاذة منى عراقى وكنا فى نادى المهندس بالخرطوم وكل الحاضرين اتفقوا على ان الحكومة عاوزا زول اغطى ليها فشلها ولو بالكذب مافى يومين تلاتة الا وشاهدناها تلبس التوب السودانى بطريقة غير صحيحة ومن امام الجامعة العربية تقول انها مراسلة لتلفزيون السودان من هنا فكرنا فى عمل شىء مفيد لاحتواء هذه الظواهر وايقافها عند حدها وهدانى الله تعالى الى كتابة هذا البوست بهدف صياغة مسألة مستعجلة لطرحها على البرلمان السودانى الغرض اعادة الاعلام السودانى الى سابق عهده ما قبل الانقاذ بعدين يا نادية اذا نحن حققنا لمنى شهرة مجانية طيب زعلانة ليه حقوا تشارك معنا بوجهة نظر فى هذا الموضوع ممكن نسستفيد من تجربة التلفزيون المصرى والمؤسسات الاعلامية الحكومية والثورة التصحيحية التى حدثت فيها بعد الاطاحة بالوزير السابق صفوت الشريف
| |
|
|
|
|
|
|
Re: دعوة لتغيير مراسلة الفضائية السودانية بالقاهرة..نريد نادية عثمان ونرفض منى عراقى يا تلفزيون (Re: TRAIMBA)
|
Quote: الملف الشخصي ل TRAIMBA اللقب: TRAIMBA الحالة: .
عدد البوستات: 46 تاريخ التسجيل: 11-08-2005 محل الاقامة: السودان : Not shown عنوان مكتبتى بسودانيزاونلاين دوت كم : اكلات مفضلة: الاسم الحقيقى: عبدالرحيم الشيخ على التعليم: التلفون: الحالة الاجتماعية: Single العنوان الدائم: الخرطوم بحرى-الصافية-السودان الفنان المفضل: اللون السياسى: النوع: Male الهوايات المفضلة: الوظيفة: مهندس رى تاريخ الميلاد: شاعرك المفضل: ادريس جماع عدد الاطفال: معلومات اضافية: مكان العمل: وزارة الرى مكان الميلاد فى السودان: صورتى: |
هذا هو سجل الاخ ترمبا يااستاذة منى ..يعنى شخصية حقيقية وليست اسما وهميا !!(وشكلو ابن حد كبير فى السودان لانه بتكلم عن البرلمان وكلام كبير يعنى موش مهندس رى تغرقيه وبس )!! (وجه مازح يامنى )
رجل سودانى من بلدى وزميل لى فى هذا الفضاء الاسفيرى كامل الاهلية وله الحق ان يكتب مايشاء وقتما يشاء طالما ان هذه وجهة نظره الشخصية ..اما انا ان اردت ان اكتب وجهة نظرى فستكون على مسئوليتى وبقلمى لابقلم عمرو !!
| |
|
|
|
|
|
|
Re: دعوة لتغيير مراسلة الفضائية السودانية بالقاهرة..نريد نادية عثمان ونرفض منى عراقى يا تلفزيون (Re: نادية عثمان)
|
: ولا يزال ....... تلفزيون الطيب مصطفى (Re: حامد بدوي بشير)
الأخ العزيز حامد بدوي
الإنتخابات قربت و الكيزان معتمدين على التلفزيون في الدعاية الإنتخابية
بعد الهزيمة المريعة للمشروع العربسلامي في نيفاشا فاض الكيل بوجوه ندى بسيوني و داليا مصطفى و زادت جرعة الوعظ و إلتقى الحابل بالنابل في مسيرات الخرطوم الأخيرة لمقاطعة الحكومة الدنماركية و منتجاتها...تخيل
الهيئة القضائية أيضا يجب أن يشملها طوفان نيفاشا بتغييره في إطار إستعدادتنا لإنتخابات حرة و نزيهة و يجب أن نجعل هذا الجهاز القضائي مستقلا حتى تكتمل أركان التحول الديمقراطي و كمان القضاء المستقل لمان يحدث لابد من نحمله على التسخينة بتحريك قضايا الفساد و ملاحقة مجرمي الجيهة القومية الإسلامية على جرائم إرتكبوها في صطاشر سنة
تحرير التلفزيون من قبضة أمين حسن عمر مطلب لابد من أن يتحقق فلنتراص له و لتتداعى له عيون المشاهدين الذي يحلمون بأن يروا ملحمة ود الأمين و أم بلينا السنوسي و تسجيل التلفزيون لليلة محمود درويش الشعرية في إتحاد الكتاب و رقصات أهلنا في جبال النوبة و دارفور و كردفان و الجنوب و تحديدا رقصة "العاجأكو" بدلا عن عبد الباسط سبدرات و فتحي خليل و عز الدين الصبابي.
مرتضى جعفر (عدل بواسطة Murtada Gafar on 08-02-2006, 09:09
| |
|
|
|
|
|
|
Re: دعوة لتغيير مراسلة الفضائية السودانية بالقاهرة..نريد نادية عثمان ونرفض منى عراقى يا تلفزيون (Re: TRAIMBA)
|
08-02-2006, 11:15 ص
حامد بدوي بشير
.
تاريخ التسجيل: 04-07-2005 مجموع المشاركات: 150 Re: ولا يزال ....... تلفزيون الطيب مصطفى (Re: حامد بدوي بشير)
الأستاذ مرتضى جعفر, لك التحية على حماسك للقضايا الوطنية.
ما أرمي إليه بصورة أساسية هو الآتي:
1 - إن تلفزيون جمهورية السودان هو ملك حقيقي للشعب السوداني. دفع كل تكاليفه من حر ماله. أي إن هذا الجهاز ليس ملك الجبهة الإسلامية التي أسمت نفسها المؤتمر الوطني.
2 - إحتلت الجبهة الإسلاوبقوة السلاح التلفزيون السوداني مثل ما احتلت وسرقت كل مقدرات هذا الشعب بليل وبقوة السلاح.
3 - استغلت الجبهة الإسلامية جميع الأجهزة الإعلامية القومية أسوأ إستغلال.
4 - الآن أخذ الشعب السوداني بجميع أحزابه ونقاباته ومنظمات المجتمع المدني فيه ينعتق من جور وظلم الجبهة الإسلامية.
لماذا لا تزال تستغل هذا الجهاز وبنفس الصورة البشعة التي غيبت وجه السوداني الثقافي الحقيقي طوال السنوات العجاف؟؟؟
| |
|
|
|
|
|
|
Re: دعوة لتغيير مراسلة الفضائية السودانية بالقاهرة..نريد نادية عثمان ونرفض منى عراقى يا تلفزيون (Re: TRAIMBA)
|
08-02-2006, 04:35 ص
سجيمان
.
تاريخ التسجيل: 03-10-2002 مجموع المشاركات: 9507 فضيحــة الســواد و الرمــاد... يا ناس التفلـزيـون
السيد وزير الاعلام
السيد مدير تلفزيون السودان القومي
السيد مدير شرطة ولاية الخرتوم
جماهير الشعب السوداني
ان المذيعين والمذيعات والمخرجين في التفلزيون قاعدين يمشو للفكيا"جمع فكي"....كل مذيع عندو فكي قاعد يمشي ليهو.... تلفزيون الشعب شغال بالفكيا....النصيبة تكونو انتو عارفين النضم دا....وانتو ظاااطكم قاعدين تمشو....غايتو انا مشيت مرة واحدة بس.... مشيبت اسوي لي كادوك لي واحدة وطلع فشنك....نضم انو المذيعين وناس التلفزيون قاعدين يمشو للفكيا النضم دا قالو لي زول انا واثق من نضمو وما بيكضب كلو كلو...الله يسعلو قال حتى الكميرات يشيلوهن في امجاد ويدوهن للفكي في امبدة و..الفكي يقرا ويتفتف فوق الكميرا...كميؤات الشعب السوداني... يتفتف فوقن فكي ويتملن بصاق...قالو عشان اي مذيع برنامجو ينجح وهو يبقى سمح في عيون الناس...وما ينضمو فيهو ويقولو برنامجو شين وهو ظاااطو شين...واتاريني انا اشوف كل القنوات الفضائية نضيفة وسمحة علا قناة السودان .. مغبشة.. شكيت في التلفزيون حقي ومرة في الرسيفر.... اتاريني بهتهن...الكميرات مغبشات من بصاق الفكيا فوقن...وكنت مستعجب برضو في الكورضومة التحت الكرفتة حقت المذيع داااااك.....اتاريهو دا حجاب... لابسو تحت القميص...مذيع محجّب..نحمدك يا الله.....قالو حتى برطمانية الدهن القاعدين يتمسحو منهاقاري عليها فكي....عشان نحن نشوف المذيع سمح والمذيعة سمحة...وفي مذيعين غتيتين.... قاعدين يجيبو كادوك الشنا ويخلطوهو في البرطمانية عشان الناس يشوفو المذيع التاني شين وهو سمح.... المذيعة تدخل عوضة السماحة... العوضةالبيدخلو ليها قبل البرنامج يبدا..وتقعد تلبس حجباتها كلها...وتجي مراقة علينا وتقابلناونحن اتارينا مساكين عاملين لنا عمل....تلقى البيت كلو ضكر على انتاية...مقابلين التفلزيون وفاتحين خشومنا ..و..مقهيين..ونعاين للبرنامج...المذيعة ان ضحكت نضحك معاها...وبعد ينتهي البرنامج الواحد يحس انو فترااااان زي الاكان جاكي...عشان العمل مساكين..... المذيعة تقعد تلبس في الحجبات في عوضة السماحة...والمخرج يكورك لها:- - يلا يا استاذة.. خلاص دايرين نبدأ تصوير.. ما تأخرينا .... وترد هي:- - اجي... يا شكرو....كدي خليني اتجيه...اقابل الناس مبشتنة كدي عاد؟؟؟.....عليكم الرسول شوفو طمسة المذيعة دي... قالت دايرة تتجيه... هي تكون قاعدة تلبس في الحجبات...لا قاعدة تتجيه ولا حاجة....مطيميسه!!... الجابدا منو في الطمسة دي يا ربي؟...وبعد ما تلبس الحجابات وتطمن تب انها بقت سمحة في عيونا... تعاين للمرايا قدامها وتاخد لها رقيصة وتغني:- رقصت ليهو ومسك حجباتا
يا عديلة ليه
ودقست المشاهدين ببساطة
يا عديلة ليه...
اصلو في مذيع كدي...انا محتار فيهو .. من يوم قال سلام يا التلفزيون...ديمة يرفع في ايديهووقت يجي ينضم وعامل نفسو بينضم بايديهو زي الناس المتفلهمين ... ومسغفين...وهو محجب اتاريهو...وقالو قبال ما يمرق من اهلو.... امو قاعدة تلبسو الحجاب.. وتبخرو....وهو ماشي في الدرب يقعد يقول في نشيد:- من ما كنت صغير بلعب في التراب
ما ما بتلبسني البدلة والحجاب
انا اطالب قوات حفظ السلام الافريقية...اصلها الايام دي ماليه البلد...وقاعدة ساكت بلا شغل... اطالبها تمشي التلفزيون..وتقعد تكوس وتبحت وتفتشو..ركن..ركن...وقدر مافي عمل في وريقة..ولاّ.....في دبوس...ولاّ في دليقين....تشيلو وتحرقو...ويا ريت يا ريت....يخلو المهمة دي للدياشة النيجيرين...باقي هم نجااااااض......
* صورة الي:- " فارغة ومقدودة" في جريدة الاضواء صفحة عكس الريح
"كلام خارم بارم " جريدة الصحافة صفحة ونسة
اها بس.. عشان تاني تغشونا....نحن قايلنكم سمحين....اتاريكم مسوين لنا عمل؟؟؟ (عدل بواسطة سجيمان on 08-02-2006,
| |
|
|
|
|
|
|
Re: دعوة لتغيير مراسلة الفضائية السودانية بالقاهرة..نريد نادية عثمان ونرفض منى عراقى يا تلفزيون (Re: TRAIMBA)
|
08-02-2006, 04:35 ص
سجيمان
.
تاريخ التسجيل: 03-10-2002 مجموع المشاركات: 9507 فضيحــة الســواد و الرمــاد... يا ناس التفلـزيـون
السيد وزير الاعلام
السيد مدير تلفزيون السودان القومي
السيد مدير شرطة ولاية الخرتوم
جماهير الشعب السوداني
ان المذيعين والمذيعات والمخرجين في التفلزيون قاعدين يمشو للفكيا"جمع فكي"....كل مذيع عندو فكي قاعد يمشي ليهو.... تلفزيون الشعب شغال بالفكيا....النصيبة تكونو انتو عارفين النضم دا....وانتو ظاااطكم قاعدين تمشو....غايتو انا مشيت مرة واحدة بس.... مشيبت اسوي لي كادوك لي واحدة وطلع فشنك....نضم انو المذيعين وناس التلفزيون قاعدين يمشو للفكيا النضم دا قالو لي زول انا واثق من نضمو وما بيكضب كلو كلو...الله يسعلو قال حتى الكميرات يشيلوهن في امجاد ويدوهن للفكي في امبدة و..الفكي يقرا ويتفتف فوق الكميرا...كميؤات الشعب السوداني... يتفتف فوقن فكي ويتملن بصاق...قالو عشان اي مذيع برنامجو ينجح وهو يبقى سمح في عيون الناس...وما ينضمو فيهو ويقولو برنامجو شين وهو ظاااطو شين...واتاريني انا اشوف كل القنوات الفضائية نضيفة وسمحة علا قناة السودان .. مغبشة.. شكيت في التلفزيون حقي ومرة في الرسيفر.... اتاريني بهتهن...الكميرات مغبشات من بصاق الفكيا فوقن...وكنت مستعجب برضو في الكورضومة التحت الكرفتة حقت المذيع داااااك.....اتاريهو دا حجاب... لابسو تحت القميص...مذيع محجّب..نحمدك يا الله.....قالو حتى برطمانية الدهن القاعدين يتمسحو منهاقاري عليها فكي....عشان نحن نشوف المذيع سمح والمذيعة سمحة...وفي مذيعين غتيتين.... قاعدين يجيبو كادوك الشنا ويخلطوهو في البرطمانية عشان الناس يشوفو المذيع التاني شين وهو سمح.... المذيعة تدخل عوضة السماحة... العوضةالبيدخلو ليها قبل البرنامج يبدا..وتقعد تلبس حجباتها كلها...وتجي مراقة علينا وتقابلناونحن اتارينا مساكين عاملين لنا عمل....تلقى البيت كلو ضكر على انتاية...مقابلين التفلزيون وفاتحين خشومنا ..و..مقهيين..ونعاين للبرنامج...المذيعة ان ضحكت نضحك معاها...وبعد ينتهي البرنامج الواحد يحس انو فترااااان زي الاكان جاكي...عشان العمل مساكين..... المذيعة تقعد تلبس في الحجبات في عوضة السماحة...والمخرج يكورك لها:- - يلا يا استاذة.. خلاص دايرين نبدأ تصوير.. ما تأخرينا .... وترد هي:- - اجي... يا شكرو....كدي خليني اتجيه...اقابل الناس مبشتنة كدي عاد؟؟؟.....عليكم الرسول شوفو طمسة المذيعة دي... قالت دايرة تتجيه... هي تكون قاعدة تلبس في الحجبات...لا قاعدة تتجيه ولا حاجة....مطيميسه!!... الجابدا منو في الطمسة دي يا ربي؟...وبعد ما تلبس الحجابات وتطمن تب انها بقت سمحة في عيونا... تعاين للمرايا قدامها وتاخد لها رقيصة وتغني:- رقصت ليهو ومسك حجباتا
يا عديلة ليه
ودقست المشاهدين ببساطة
يا عديلة ليه...
اصلو في مذيع كدي...انا محتار فيهو .. من يوم قال سلام يا التلفزيون...ديمة يرفع في ايديهووقت يجي ينضم وعامل نفسو بينضم بايديهو زي الناس المتفلهمين ... ومسغفين...وهو محجب اتاريهو...وقالو قبال ما يمرق من اهلو.... امو قاعدة تلبسو الحجاب.. وتبخرو....وهو ماشي في الدرب يقعد يقول في نشيد:- من ما كنت صغير بلعب في التراب
ما ما بتلبسني البدلة والحجاب
انا اطالب قوات حفظ السلام الافريقية...اصلها الايام دي ماليه البلد...وقاعدة ساكت بلا شغل... اطالبها تمشي التلفزيون..وتقعد تكوس وتبحت وتفتشو..ركن..ركن...وقدر مافي عمل في وريقة..ولاّ.....في دبوس...ولاّ في دليقين....تشيلو وتحرقو...ويا ريت يا ريت....يخلو المهمة دي للدياشة النيجيرين...باقي هم نجااااااض......
* صورة الي:- " فارغة ومقدودة" في جريدة الاضواء صفحة عكس الريح
"كلام خارم بارم " جريدة الصحافة صفحة ونسة
اها بس.. عشان تاني تغشونا....نحن قايلنكم سمحين....اتاريكم مسوين لنا عمل؟؟؟ (عدل بواسطة سجيمان on 08-02-2006,
| |
|
|
|
|
|
|
Re: دعوة لتغيير مراسلة الفضائية السودانية بالقاهرة..نريد نادية عثمان ونرفض منى عراقى يا تلفزيون (Re: نادية عثمان)
|
ترمبا الاكرم
الاخت نادية
Quote: شايفك متحسسة شوية من كلام زميلتك منى عراقى وكما شكلك كده استسلمتى لدرجة قبول الاتهام |
عارف؟
المصريين عندهم مثل بقولوا فيه (احلفك على المية تجمد ماتصدقنيش)!! معناه انو مهما قلت اللى موش عايز يصدقك موش حايصدقك برضو .. ومنى اعتقدت انى وراء الموضوع ده وانا لما اقول انى مابعرف عنو شئ موش بكذب (وحلفت على الموية تجمد) وهى برضو تغمز وتلمز وكأنى خلاص ماشة اقلع اللوجو من ايدها ..مع انها عارفة انى لو كنت بفكر فى التلفزيون كان من زمااااااااااااااااااان كلمت الاستاذ عوض جادين وعمر الجزلى وشكرالله والفاتح الصباغ وكل التلفزيون بحكم معرفتى بيهم خاصة شكر الله خلف الله ..! لكن انا موش متهمة ولااستسلمت للاتهام بس كنت مستغربة من تلميحاتها جدا وهذا مالااقبله ابدا !!
Quote: طبعا بكل اسف ما فهمت كلاما لانك نقلتى لينا بالمصرى استعنت بصديق وفهمت وضحكت بالذات الحتة بتاعة ربنا اديك اد نيتك يعنى بمقدار نيتك او نواياك ربنا يكافئك مش قلنا لالوبنا ولاتمر غيرنا |
اسوى شنو عاد ماانا لازم انقل رسالتها بامانة وحرفيا ..ولاايه ؟!!
بعدين نحنا لالوبنا لانستغنى عنه البتة يارجل !!
Quote: المهم نيتك بيضاء حسب شهادة ناس المنبر ومستحيل اكونو كلهم ما فيهم رجل او امراة صادقة كلهم شهدوا ليك شهادة لصاحك |
ربنا رب العدل وهو لايظلم وانما عبده ظالم حد الفجور ..ربنا يبارك فى اهلى ناس المنبر ويكفينى انى بينهم هنا وده المهم (الزول غير اهل شن بيسوى)؟!!
Quote: بعدين انا فى الحقيقة ما بعرف الاخت منى وهى لا تعرفنى مما ينفى وجود قصد او سؤ نية لكن عشان اجاوب على سؤالك كشف السر من مراء هذا البوست ما هى مناسبة هذا البوست باختصار شديد ونحن فى قلب المعمعة بتاعة القمة الافريقية الاخيرة وما صاحبها من خلل وفشل وملطشة بثت قناة الجزيرة تقريرا عن سوء التغطية الاعلامية واستشهدت بصحفية سمراء جميلة وانيقة من اديس ابابا وتحدثت الصحفية بلغة انجليزية نظيفة شكت من الفشل الاعلامى وانهم كمراسلين وقعوا فى اخطاء مهنية بسبب عدم وجود جهة مسؤلة تنقل لهم رسالة اعلامية متفق عليها الى هنا والامور تبدو عادية |
طيب وبعدين ؟!!
Quote: تقرير الجزيرة والذى نحرص على متابعته اكثر من تلفزيون بلادنا حرك المياه الراكدة وزعل ناس الاعلام زعل شديد قاموا جابوا لينا فى التلفزيون السودانى الاستاذة منى عراقى كصحفية اجنبية عشان يضعفوا تقرير الجزيرة وخلوها بالعافية تقول القمة كانت ناجحة والعمل الاعلامى كان جيدا هذه هى المرة الاولى التى اشاهد فيها الاستاذة منى عراقى وكنا فى نادى المهندس بالخرطوم وكل الحاضرين اتفقوا على ان الحكومة عاوزا زول اغطى ليها فشلها ولو بالكذب |
واشهد بالحق العظيم اننى عندما سألتها بعد عودتها من القمة قال لى كانت قمة ناجحة اوى اوى ..نجحت نجاح كبير) !! وماكنت قد اهدت تعليقها اساسا فى التلفزيون !!
Quote: مافى يومين تلاتة الا وشاهدناها تلبس التوب السودانى بطريقة غير صحيحة ومن امام الجامعة العربية تقول انها مراسلة لتلفزيون السودان |
وجات وورتنا التعاقد واللوجو وباركت ليها وتمنيت لها التوفيق والنجاح بعدما وصيتها بأن تكون على قدر مسئولية هذا اللوجو(المايكرفون البيكونوا شايلنو فيهو شعار التلفزيون ده) وقلت لها بالحرف ..الشعب السودانى لايقبل الا الجيد فكونى حذرة وتدربى جيدا قبل ظهورك امام الجمهور والا فان المشاهد لايرحم..صاح ولالا يامنى ؟!!
Quote: من هنا فكرنا فى عمل شىء مفيد لاحتواء هذه الظواهر وايقافها عند حدها وهدانى الله تعالى الى كتابة هذا البوست بهدف صياغة مسألة مستعجلة لطرحها على البرلمان السودانى الغرض اعادة الاعلام السودانى الى سابق عهده ما قبل الانقاذ |
يعنى المسألة شعب يسعى للاصلاح فى جهازه القومى وهذا من حقه ..وكونى اكون مراسلة او لااكون ليست هذه القضية من هذا البوست وهذا مايجب توضيحه جيدا !!
Quote: بعدين يا نادية اذا نحن حققنا لمنى شهرة مجانية طيب زعلانة ليه حقوا تشارك معنا بوجهة نظر فى هذا الموضوع |
هذا ماقلته لها حرفيا ..يابختك ياستى دعاية مجانية وقالت انها فرحانة اوى لانها حاتشتهر بسرعة من خلال هذا البوست ..واهو القصة رؤساء تحرير وبرلمان وهيصة ..قصرنا معاك يااستاذة؟!!
Quote: ممكن نسستفيد من تجربة التلفزيون المصرى والمؤسسات الاعلامية الحكومية والثورة التصحيحية التى حدثت فيها بعد الاطاحة بالوزير السابق صفوت الشريف |
لاااااااااااااااااااا..قصدك تتطيح بمين ؟!!
ده كلام كبير اوى ياعم لحدى هنا ماليش دعوة !!(وجه خالى من التعبير ) ثم (عاد وابتسم ذات الوجه)
| |
|
|
|
|
|
|
Re: دعوة لتغيير مراسلة الفضائية السودانية بالقاهرة..نريد نادية عثمان ونرفض منى عراقى يا تلفزيون (Re: نادية عثمان)
|
الأخ ترمبا
سلام وتحياتي
بعد غياب يومين لقيت هذا البوست الهام
أعتقد أن التلفزيون يجب أن يعين سودانيين كمراسلين للأسباب الآتية.
أولا: مراسلي التلفزيون أصبحوا نجوم يوجهون الرأي العام ورأيهم في قضايا أخرى غير عملهم الصحفي
أصبحت مهمة ومؤثرة." وزي ما بيقولوا هنا في بريطانيا تي في استار " راسو براس أي وزير.
ثانياً: مراسل التلفزيون يجب أن يكون ملم بثقافة البلد التي يعمل بهاوالبلد التي يعمل لها , وهنالك كثير من السودانيين في بلاد عدة" ونادية أولهم في القاهرة وهم مؤهلون للقيام بهذا الدور.
ثالثاً: علمياً السودان يحتاج لتلميع شبابه لينافسوا في الفضاء العالمي العريض بثقافته وتراثه وعلمة فالمراسل مرآة تعكس وجه البلد. وما شاء الله نادية بموهبتها الشعرية وثقافتها يمكن أن تعكس ذلك.
وتحياتي لصاحب البوست ولنادية وانت أدها وأدود.
وكيف الإمتحانات يارب تمام.
فرحينا.
| |
|
|
|
|
|
|
Re: دعوة لتغيير مراسلة الفضائية السودانية بالقاهرة..نريد نادية عثمان ونرفض منى عراقى يا تلفزيون (Re: القلب النابض)
|
الحبيبة القلب النابض
Quote: بعد غياب يومين لقيت هذا البوست الهام |
وكنتى غائبة وين يازولة اتارى المنبر كان فيهو قطعة سكر ناقصة !!
Quote: أعتقد أن التلفزيون يجب أن يعين سودانيين كمراسلين للأسباب الآتية. |
قولى ياقلب وانحنا سامعين ..
Quote: أولا: مراسلي التلفزيون أصبحوا نجوم يوجهون الرأي العام ورأيهم في قضايا أخرى غير عملهم الصحفي
أصبحت مهمة ومؤثرة." وزي ما بيقولوا هنا في بريطانيا تي في استار " راسو براس أي وزير. |
كلام سليم جدا وكانت الزميلة كوثر بيومى تجلس امام احمد ماهر وزير خارجية مصر الاسبق وتحاوره فتظنيها وزيرة هى الاخرى بما لها من علم ودراية فى ادارة الحوار بلباقة وحكمة ومعرفة !!
Quote: ثانياً: مراسل التلفزيون يجب أن يكون ملم بثقافة البلد التي يعمل بهاوالبلد التي يعمل لها , وهنالك كثير من السودانيين في بلاد عدة" ونادية أولهم في القاهرة وهم مؤهلون للقيام بهذا الدور. |
اظن الالمام بثقافة البلد التى يعمل لها المراسل من بديهيات عمل المراسل والا فعلاما يمسك بشعار تلفزيون دولة لايعرف عنها سوى اسمها ؟!!
اشكر لك ثقتك فى شخصى ياقلب ولكن القاهرة ملئية بسودانيين هم اكفا منى بكثير لملء هذا المكان الهام والحيوى وعلى راسهم الاستاذة نجوى ادم عوض مدير مكتب الاذاعة السودانية بالقاهرة ..فهذه المذيعة متمكنة من ادواتها ولها من الخبرة والدراية مايؤهلها تماما لهذا المنصب ..
Quote: ثالثاً: علمياً السودان يحتاج لتلميع شبابه لينافسوا في الفضاء العالمي العريض بثقافته وتراثه وعلمة فالمراسل مرآة تعكس وجه البلد. وما شاء الله نادية بموهبتها الشعرية وثقافتها يمكن أن تعكس ذلك. |
فقط دعينى من خلال هذه المساحة اطرح سؤالا على المسئولين فى ادارة التلفزيون ..بل ووزارة الاعلام نفسها ..هل هناك اتفاقية لتبادل المراسلين بين البلدين ؟!! لان اذا كان هناك اتفاقية مثل هذه وتلفزيون مصر لايحرّم على السودانيين العمل فلا نرى اى غضاضة من عمل الاستاذة منى او غيرها من المذيعات المصريات فى تلفزيوننا القومى !!
Quote: وتحياتي لصاحب البوست ولنادية وانت أدها وأدود. |
القلب الجدع اوى اوى ..تسلمى ياغالية ..وانا متطلعة للكبير اوى ..وبكرة تشوفى صحبتك ندو فى اى فضائية عربية !!
Quote: وكيف الإمتحانات يارب تمام.
فرحينا. |
على راى اهلنا المصريين (احنا عملنا العلينا والباقى على ربنا ياقلب )!!
بس انتى لاتحرمينى من الدعوات ياغالية ..
| |
|
|
|
|
|
|
Re: دعوة لتغيير مراسلة الفضائية السودانية بالقاهرة..نريد نادية عثمان ونرفض منى عراقى يا تلفزيون (Re: نادية عثمان)
|
الاخت العزيزة نادية اتمنى ان تكون الامور قد عادت الى طبيعتها وان تكونى قد نجحتى فى تهدئة روع الاخت منى عراقى بعد التوضيحات اللازمة والغير لازمة التى قمنا بها فهميها يا نادية ان قضيتنا اكبر واعمق واهم من ان تتعاقد او لا تتعاقد قضيتنا قضية اصلاح بعدين انا شايف الايام دى مافى اية رسالة للتلفزيون من القاهرة يارب الحاصل شنو مع انو البلد مليانة بالاخبار رياضة سياسة دراما غرق بواخر يعنى بصراحة لو كنتى دى انتى ما عندى شك انك كنتى قادرة على نسج كمية من القصص حول كل هذه الموضوعات يعنى كان ممكن اتعمل حوار مع قادة حماس خاص للتلفزيون السودانى من شاكلة كيف ستتعامل حماس مع الحكومة السودانية فى ظل الفصام بين الاسلاميين والمفاصلة هل ما تزال علاقة حماس مع الترابى ام انها تحولت الى الشيخ على عثمان لماذا قفلت الحكومة السودانية مكاتب حماس استجابة للطلب الامريكى وهل سيؤثر ذلك على مستقبل العلاقة ام انه تكتيك متفق عليه لرفع الضغط عن حكومة الخرطوم الاسلامية كيف تنظر حماس الى الحركة الشعبية شريكة الاسلاميين فى الحكم والتى تتمتع بعلاقات استراتيجة مع الكيان الصهيونى الاسرائيلى اما فى الرياضة فيمكن عمل رسالة يومية حول الدورى الافريقى اما غرق السفينة المنكوبة فكان يمكن عمل تغطية تركز على الجهود التى قامت بها السفارة والحكومة من اجل العثور على المواطن السودانى المفقود المحيرنى يا نادية ان منى عراقى مختفية تماما وشاغلة نفسها بمتابعتنا والسعى لغرقنا كما قالت بلاش تغرقناالايام دى لان الغرق عامل مشاكل ولجان تحقيق دولية فى مصر مش كفاية غرق العبارة السلام 89
| |
|
|
|
|
|
|
Re: دعوة لتغيير مراسلة الفضائية السودانية بالقاهرة..نريد نادية عثمان ونرفض منى عراقى يا تلفزيون (Re: TRAIMBA)
|
الاخ الاكرم ترمبا
Quote: اتمنى ان تكون الامور قد عادت الى طبيعتها وان تكونى قد نجحتى فى تهدئة روع الاخت منى عراقى بعد التوضيحات اللازمة والغير لازمة التى قمنا بها فهميها يا نادية ان قضيتنا اكبر واعمق واهم من ان تتعاقد او لا تتعاقد قضيتنا قضية اصلاح |
ياترمبا ..قلت ليك منى الفى راسها فى رأسها وهو اننى المحرذضة لك ولكل من كتب رأيه فى هذا البوست لكى تخلعوها وتعينونى مكانها ..لذا فانا مافاضية احلف لها على الموية تجمد انا ورايا شغلى واكل عيشى ياترمبا بيه والله (وجه مقطع من الضحك)
Quote: بعدين انا شايف الايام دى مافى اية رسالة للتلفزيون من القاهرة يارب الحاصل شنو مع انو البلد مليانة بالاخبار رياضة سياسة دراما غرق بواخر |
يارترمبا دقيقة ياخ الاستاذة منى تعد هى واصدقاء لها لعمل خبطات تلفزيونية من العيار الثقيل انتو بس خليكم متابعين وكلم ناس الحلة يستعدوا !!!
Quote: يعنى بصراحة لو كنتى دى انتى ما عندى شك انك كنتى قادرة على نسج كمية من القصص حول كل هذه الموضوعات يعنى كان ممكن اتعمل حوار مع قادة حماس خاص للتلفزيون السودانى من شاكلة كيف ستتعامل حماس مع الحكومة السودانية فى ظل الفصام بين الاسلاميين والمفاصلة هل ما تزال علاقة حماس مع الترابى ام انها تحولت الى الشيخ على عثمان لماذا قفلت الحكومة السودانية مكاتب حماس استجابة للطلب الامريكى وهل سيؤثر ذلك على مستقبل العلاقة ام انه تكتيك متفق عليه لرفع الضغط عن حكومة الخرطوم الاسلامية كيف تنظر حماس الى الحركة الشعبية شريكة الاسلاميين فى الحكم والتى تتمتع بعلاقات استراتيجة مع الكيان الصهيونى الاسرائيلى اما فى الرياضة فيمكن عمل رسالة يومية حول الدورى الافريقى اما غرق السفينة المنكوبة فكان يمكن عمل تغطية تركز على الجهود التى قامت بها السفارة والحكومة من اجل العثور على المواطن السودانى المفقود |
ياترمبا ..ولابلاش !!!
Quote: المحيرنى يا نادية ان منى عراقى مختفية تماما وشاغلة نفسها بمتابعتنا والسعى لغرقنا كما قالت بلاش تغرقناالايام دى لان الغرق عامل مشاكل ولجان تحقيق دولية فى مصر
مش كفاية غرق العبارة السلام 89 |
ياسيدى خليها تغرقنا يعنى هو نحنا احسن من السودانى الغرق فى العبارة ولى هسة مامعروف طريقو وين ؟!!
الغريبة كل يوم بنتصل نسأل يقولوا لسة لم يستدل عليه !!
يلا استاذنك امشى اسأل على الشهيد السودانى فى عبارة السلام واكتب شغلى واجى ..
فى امان الله الى حين العودة !!
| |
|
|
|
|
|
|
Re: دعوة لتغيير مراسلة الفضائية السودانية بالقاهرة..نريد نادية عثمان ونرفض منى عراقى يا تلفزيون (Re: ALGARADABI)
|
القرضابى العزيز
قلت لى شنو ؟
Quote: الأخت نادية اها الحملة ماشة كويس ...و القرار قررررب يصدر بتعيينك مراسلتنا فى القاهرة |
والله انت متفائل جنس تفاؤل اقايتو !!
لكن مالو المتفائل بخش الجنة ياقرضابى سمح !!
Quote: بس أوعى بعديين تجى تقولى لينا أنا ساكنة عين شمس و المهندسين بعيدة و الكلام الجاب ليك الهوا داك... |
والله يااخوى لو ناس الهواء والشمس بقدروا يسكنونى الزمالك ولا المهندسين يبقى كتر خيرهم وكتر خيرك انت زااااااااااااااااااااااتك !! لكن ياقرضابى يااخوى انا شغلى قعد اسافر ليهو بالبلدان والحمد لله لاقصرت فى المهندسين ولافى شرم الشيخ !!
Quote: أها ياختى من هسع شوفى ليك شقة وسط البلد لسهولة الحركة و التلفزيون حا يدفع... |
التلفزيون يدفع شنو ؟!!
لا خلاص مافى عوجة تب (حط فى بطنك بطيخة صيفى) ياصديقى !!!
| |
|
|
|
|
|
|
Re: دعوة لتغيير مراسلة الفضائية السودانية بالقاهرة..نريد نادية عثمان ونرفض منى عراقى يا تلفزيون (Re: TRAIMBA)
|
الاكرم الباشمهندس ترمبا
صباحك خير
Quote: يا استاذة نادية سؤال برىء جدا جدا فى انتظار الاجابة عليه بصراحة شديدة اسمع استعدادك للرد بصراحة ومن ثم ساطرح السؤال الاجابة عليه مهمة جدا فى فك بعض الالغاز وازالة الغموض فى موضوع مراسلة تلفزيون السودان من القاهرة |
والله لو عندى الاجابة ..ليه لا ؟!!
انا ماعندى اى مشكلة مع الاستاذة منى لاعلى المستوى الشخصى ولا العام لكن لو فى سؤال بخصوص فك الالغاز ماببخل بيها على القارئ الكريم طبعا
اتفضل اخوى قول سؤالك (ممكن لو ماقدرت اجاوب استعين بصديق)؟!!
| |
|
|
|
|
|
|
Re: دعوة لتغيير مراسلة الفضائية السودانية بالقاهرة..نريد نادية عثمان ونرفض منى عراقى يا تلفزيون (Re: bashir adam abdalla)
|
الاستاذة نادية مشكورة على استعدادك للاجابة على السؤال بالمناسبة وجدت استعدادا كبيرا من ناس التلفزيون فى ام درمان للتعاون معنا فى هذه المبادرة باعتبار انها يمكن ان تساهم فى تصحيح المسار واحد من القيادات بحوش التلفزيون من العالمين ببواطن الامور نصحنى بان الاجابة على سؤالنا لن نجدها الا عند شخص واحد وقال لى هذا الشخص فى مصر وتحيدا فى السفارة السودانية وعلى حسب كلامه هو الممسك بملف الاعلام بالسفارة وكان قبل الحاقه بالسفارة السودانية بالقاهرة قياديا كبيرا ومديرا للاذاعة والتلفزيون اسمه حسن عبدالمولى او فضل المولى لا اذكر المهم عاوزين نسمع منه وجهة نظر بطريقة مباشرة او غير مباشرة لانها مهمة فى مسار هذا النقاش لانها ستوضح تفاصيل ما نحن بصدده ناس التلفزيون فى ام درمان رجحوا ان يكون هو من قام بترشيح المراسلة للسيد الوزير طبعا اذا فعل ذلك تكون الامور واضحة واذا لم يفعل يلزمنا ان نواصل البحث اتمنى ان تكونى قادرة على لقائه وتفهيمه بالمهمة وابعادها
| |
|
|
|
|
|
|
Re: دعوة لتغيير مراسلة الفضائية السودانية بالقاهرة..نريد نادية عثمان ونرفض منى عراقى يا تلفزيون (Re: TRAIMBA)
|
الاخ منتصر حسن شكرا على مرورك وتعليقك مداخلتك لفتت نظرنا الى بعد هام جدا وهو اين صحفيى واعلاميى المنبر عدد كبير من الصحفيين اعضاء فى هذا المنبر لماذا لم يبدو وجهة نظرهم فى قضية تهمهم بالدرجة الاولى هل شرح وجهة نظرهم تحتاج الى كل هذا الوقت ما هى جدوى وجودهم معنا اذا لم يشاركوا بالراى سواء مع او ضد لماذا الفشل فى التعاطى مع الامر لماذا السلبية ايها الصحفييون الاعضاء فى هذا المنبر من يعرف اسماء هؤلاء الصحفيين عليه ان يكتبها لى ساقوم بتوجيه رسالة خاصة لهم ارجو المساعدة اذكر بان الوعد والالتزام بالنشر فى الصحف السودانية ما زال قائما
| |
|
|
|
|
|
|
Re: دعوة لتغيير مراسلة الفضائية السودانية بالقاهرة..نريد نادية عثمان ونرفض منى عراقى يا تلفزيون (Re: bayan)
|
الحبيبة الغالية بيان
قلتى لمنى فى رسالة اظنها حاتستعين بالمترجم لفك بعض رموزها لاستخدامك فيها اللهجة السودانية التى لاتفهمهما وانما لديها من يفهمها لها !!
Quote: الاخت مني
طبعا متعودين حمرة عين وقلع سواء ان رضينا او أبينا ستكونين انت
مراسلتنا.. اهذا ما يفهم من حديثك..؟؟!! |
هى بقت وخلاص يادكتورة موش لسة ستكونين !!!
Quote: ولوزير الاعلام الوهم والسادة في التلفزيون
اي مؤسسة في دولة تحترم نفسها يكون هناك مؤسسية وشروط للخدمة..
ودائما يلتزمون بتلك المكتوبات كأنها منزلة . وهذا لاحترامهم لانفسهم وللمؤسسة التى يعملون بها.. |
معلوم طبعا .. ولكن من يسمع ومن يعى ؟!!
Quote: بما ان السودان صار اقطاعية كيزانية وان سياسة التمكين طردت القوي الامين الذي اتى في مرجعيتكم التي تحكمون بها السودان كشرظ اساسي في التوظيف... فهل هذه المنى هي القوي الامين ؟ |
سؤال وجيه !!
Quote: هل كان هناك اعلان لهذه الوظيفة وهذا من اساسيات الخدمة العامة؟ |
اشهد ان لا ..ثم لا.. ثم لااااااااااااااااااااااا !!!
Quote: عندما تحولت كل القوانين التى توارثناها في مذبلة التأريخ كثر الرجال الربيضاء و جلسوا على المقاعد . اثر حادثة سطو شهيرة تمت في 30 يونيو 1989 |
عفوا دكتورة بيان ..استوقفتنى عبارة (الربيضاء) يعنى شنو ؟!!
Quote: هلا احترمتم هذا الشعب العظيم؟ وفعلا نحن شعب عملاق.. يقودنا الاقزام.. |
نعم نحن شعب عملاق ..وهل فى هذه غلاط ؟!!
Quote: الجماعة في مجلس الشعب..
طبعا جايين بدون انتخابات بعد اقتسام الكعكعة وجزء كبير جاي بصاحبي وصاحبك وكومي وكومك ما خصانا فمنذ متى كان خصانا؟ اتمنى ان تولوا الخدمة العامة جهدا عظيما فقد انهارت تماما بفضل التمكين.. وان ترجعوا الى الحيشان الثلاثة رونقها بطرد المسحلبين و المتوهمين المواهيم الذين شغلوا المقاعد وسطحوها وان يحقق في هذه القضية كيف تم تعيين صحفي اجنبي دون معاينة؟ او اعلان؟ ودي مخالفات كبيرة في الخدمة العامة تدخل الواسطات والكوسة.. وجزاكم الله خير.. |
دعوة للتأمل !!
| |
|
|
|
|
|
|
Re: دعوة لتغيير مراسلة الفضائية السودانية بالقاهرة..نريد نادية عثمان ونرفض منى عراقى يا تلفزيون (Re: TRAIMBA)
|
الاخ الفاضل ترمبا
Quote: الاستاذة نادية مشكورة على استعدادك للاجابة على السؤال |
تسلم يارب من كل شر ..لكن هو وينو السؤال ؟..انت نسيتو ولاشنو ؟!!(وجه باسم)
Quote: بالمناسبة وجدت استعدادا كبيرا من ناس التلفزيون فى ام درمان للتعاون معنا فى هذه المبادرة باعتبار انها يمكن ان تساهم فى تصحيح المسار |
المسار داخل الحيشان التلاتة فعلا يحتاح لاصلاح وتصحيح بشهادة اهله !!
Quote: واحد من القيادات بحوش التلفزيون من العالمين ببواطن الامور نصحنى بان الاجابة على سؤالنا لن نجدها الا عند شخص واحد وقال لى هذا الشخص فى مصر وتحيدا فى السفارة السودانية وعلى حسب كلامه هو الممسك بملف الاعلام بالسفارة وكان قبل الحاقه بالسفارة السودانية بالقاهرة قياديا كبيرا ومديرا للاذاعة والتلفزيون اسمه حسن عبدالمولى او فضل المولى لا اذكر المهم عاوزين نسمع منه وجهة نظر بطريقة مباشرة او غير مباشرة لانها مهمة فى مسار هذا النقاش لانها ستوضح تفاصيل ما نحن بصدده ناس التلفزيون فى ام درمان رجحوا ان يكون هو من قام بترشيح المراسلة للسيد الوزير طبعا اذا فعل ذلك تكون الامور واضحة واذا لم يفعل يلزمنا ان نواصل البحث |
ناس التلفزيون هم من رشحوا ان يكون الاستاذ حسن فضل المولى قد رشح منى عراقى ؟؟!!
يعنى ناس التلفزيون زيهم زينا ماعارفين منو الرشّح منى ياترمبا ؟!!
اقايتو انا للأمانة البيسألنى عليها ربنا يوم الدين سألت الاستاذ حسن فضل المولى والرجل برئ براءة الذئب من دم ابن يعقوب !!
نعم ليس حسن فضل المولى من رشّح منى للتلفزيون ..بل ان الرجل تفاجأ مثلنا تماما ..!!!
اقول ليك :
كدى أسأل الوزير الزهاوى ايمكن يكون عارف منو الرشّح منى !!!
Quote: اتمنى ان تكونى قادرة على لقائه وتفهيمه بالمهمة وابعادها |
للحق ان الاستاذ حسن فضل المولى رجل خلوق فى تعامله معنا ولم يقفل بابه فى وجه اعلامى من قبل ..وانا التقيه بالفعل دوما ولست قادرة على لقائه فقط ياترمبا ..وعموما كما قلت لك المستشار الاعلامى فى القاهرة حسن فضل المولى لاعلم له بتعيين مراسلة التلفزيون القومى من القاهرة ..حسب اخر حديث لى معه فى هذا الصدد !!!
| |
|
|
|
|
|
|
Re: دعوة لتغيير مراسلة الفضائية السودانية بالقاهرة..نريد نادية عثمان ونرفض منى عراقى يا تلفزيون (Re: محمد الامين محمد)
|
Quote: منذ اكثر من 15 عاما والاعلام السودانى هو جزء من واقع المجتمع الجبهوى ( السلطوى الانقاذى
ففى غياب اعلام خاص مرئى ومطبوع يظل الاعلام وهوامشه ضيقا واتساعافى قبضه ادرات نصف مهنيه
وخاضعه لنفوذ القوى المحافظه فى السلطه.. لان هذا الاعلام يسير ببساطه من خلال الاوامر
الاداريه اليوميه ومزاج كل اداره واجتهاداتها ومصالحها فضلا عن التدخلات الوصائيه
المتعدده ومنها بالتاكيد الامنيه ....
ان واقع الاعلام السودانى الحالى لهو جزء من واقع المجتمع الجبهوى السلطوى السياسى
والاجتماعى الاقتصادى وثمه تداخل كبير بينهما . اذ يصعب العثور على ذلك الصحفى
المتحرر من امراض ذلك المجتمع ( الجبهوى السلطوى ) تلك الامراض والاكاذيب التى
جرى غرسها وتخصيبها على مدار عقود تحت مسمى فقه ( الضروره)... وبات كل صحافى يحمل
بين كتفيه بنسبه او اخرى عقليه امنيه , طائفيه , نفعيه وسطحيه فى معظم الاحيان
وايضا تغبيشيه فى الغالب الاعم من دون اى ثقافه ديمقراطيه فلا يدرك طبيعه عمله او
وظيفه الاعلام فى المجتمع لجهة الاخبار والقياده والرقابة ويفتقر بالتالى الى دوافع
قويه لتطوير نفسه او المطالبه بحقوقه كصحافى له رساله ودور اعلامى يجب ان يقوم به
بحياديه ونزاهه...
|
كدا بالدارجى كدا ...ليه ما دايرين منى عراقى ؟؟؟؟!!!
مجرد سؤال ؟؟؟
قاسم
| |
|
|
|
|
|
|
Re: دعوة لتغيير مراسلة الفضائية السودانية بالقاهرة..نريد نادية عثمان ونرفض منى عراقى يا تلفزيون (Re: نادية عثمان)
|
منتصر ود زبيدة
Quote: وصل عدد إلي 1855 زائر ومتداخل وعدد 115 رد لا صدي للحدث في الصحف
لماذا لم يتعدي حدود الكيبورد والمونتر
السؤال لكل الصحفيين في المنبر |
المشكلة الكلام ده بيزعل استاذة منى لانها قالت ليكم انشروا بسرعة عشان تشتهر اكتر واكتر ..لكن معليش يامنى ماتخافيش الشهرة جاية جاية انتى بس شيلى الصبر !!
Quote: عموما الطرح عملي لمزيد من الخطوات للتغير وكما اسلفت يا ترمبااا مشوار الميل بيبدأ بي خطوة ونحن مازلنا ننتظر تلك الخطوة |
ارجو ان لايطول انتظاركم ياشباب والله قلبى معكم وانتم تطالبون بالاصلاح فى حيشاننا الثلاثة ..
Quote: تخريمة: بت عثمان أنا جيت من كسلا من العيد طواااااااااالي
ود زبيدة |
وتيب ياخى موش تقول عوووك ؟!!
| |
|
|
|
|
|
|
Re: دعوة لتغيير مراسلة الفضائية السودانية بالقاهرة..نريد نادية عثمان ونرفض منى عراقى يا تلفزيون (Re: نادية عثمان)
|
Quote: لو انت قريت البوست ده كلو وطلعت بالجملة دى بس ..يبقى صاح !!!
موش انت داير منى عراقى ؟؟..خلاص سيبك من التانيين (مجرد جواب )!!! |
نادية عثمان مختار ...
فى البدء سلااااااام وقالو سنة الاسلام السلام (لا اقصد الاغنية )
اولا لا ادرى الحدة فى شنو او لنقل ما يشبه الحدة فى شنو ؟؟؟ده سؤال
ثانيا لا اعرف منى عراقى من حواء .. ولا اود .. ولم اقل انى ارحب بها او لا ارحب ..
ثالثا لو ركزت شويه فى الكلام الفوقانى المقطوع من بوست سابق لتبين لك الامر جليا ...
ارفض كل تلفزيون موجه لفئة او جهة او حزب او تنظيم او ملة محدده من البشر ... وهو تلفزيون يفترض فيه الصفة القومية...بمعنى ان تلفزيون ناس الجبهة ده ما هامينى فى كثير او قليل ..
ثم ناتى لشروط العمل : اقصد تصريح التبادل الثقافى بين دولتين وليس شقتين .... وكمثال توضيحى
مثلا محمدابو عشرة مراسل قناة النيل ( التلفزيون المصرى ) ما عارف منو داك مراسل تلفزيون دبى بالسودان ... لا بس عمة مش عقال ...برضو منو داك مراسل قناة الجزيرة بمنطقه الفرس ...اكيد ايرانى او غيرة من ملة الفرس والاردو
نعود ونقول من هم الاخرين ( التانييييين) الموضوع يا نادية عثمان فى راى انا تحديدا اكبر من
شوية كلام عن فلان اوعلان يكون او لا يكون ....والقضية بالنسبه لى ليست منى عراقى او نادية او كلتوم ست البامية .تحديدا هى معركة فى غير معترك كما هو باين الان ...وانتشار موسع لمنى عراقى وهيلمانات جوفاء ... والناس فى شنو وسباق الحمير باقى له ساعات فقط..ينتهى فى الاول
ومن ثم نلتفت لقضية البلد الكبرى وانقسام السودان الى شمال وجنوب وشرق وغرب ...ووسط كمان
ويلا يا تلفزيون صور وصر . وخم
قاسم المهداوى
| |
|
|
|
|
|
|
Re: دعوة لتغيير مراسلة الفضائية السودانية بالقاهرة..نريد نادية عثمان ونرفض منى عراقى يا تلفزيون (Re: قاسم المهداوى)
|
Quote: نادية عثمان مختار ...
فى البدء سلااااااام وقالو سنة الاسلام السلام (لا اقصد الاغنية ) |
قاسم المهداوى سلام ..ونعم سنة الاسلام السلام (موش الاغنية) لكن هل انت بديت مداخلاتك بالسلام والتحية ونحنا ماردينا ؟!!
Quote: اولا لا ادرى الحدة فى شنو او لنقل ما يشبه الحدة فى شنو ؟؟؟ده سؤال |
ياعم ربنا مايجيب حدة ..وانا احتد فوق شنو يعنى ؟!! انت سألت وانا جاوبت على قدر السؤال بحسب فهمى ليهو ..غلطت فى شنو ياقاسم بيه ؟!!
Quote: ثانيا لا اعرف منى عراقى من حواء .. ولا اود .. ولم اقل انى ارحب بها او لا ارحب .. |
تعرف منى او لاتود معرفتها ..ترحب بها او لاترحب ..دى ماشغلتى ..انت قلت كلام وانا رديت على قدر كلامك وبس يامهداوى !!
Quote: ثالثا لو ركزت شويه فى الكلام الفوقانى المقطوع من بوست سابق لتبين لك الامر جليا ...
ارفض كل تلفزيون موجه لفئة او جهة او حزب او تنظيم او ملة محدده من البشر ... وهو تلفزيون يفترض فيه الصفة القومية...بمعنى ان تلفزيون ناس الجبهة ده ما هامينى فى كثير او قليل .. |
اقول ليك شئ ..انا فهمت وجهة نظرك انت بس عملتها مغتضبة شديد ..كنا محتاجين اسهابك يازميل !
Quote: ثم ناتى لشروط العمل : اقصد تصريح التبادل الثقافى بين دولتين وليس شقتين .... وكمثال توضيحى
مثلا محمدابو عشرة مراسل قناة النيل ( التلفزيون المصرى ) ما عارف منو داك مراسل تلفزيون دبى بالسودان ... لا بس عمة مش عقال ...برضو منو داك مراسل قناة الجزيرة بمنطقه الفرس ...اكيد ايرانى او غيرة من ملة الفرس والاردو |
سمح ومالو وهذا هو المطلوب ياسيدى الفاضل ..لكنى اتحدث تحديدا عن القناة الاولى والثانية والثالثة المصرية ..لو شفت ليك سودانى مذيع فيهم قول لينا والله نفرح ليهو فرحتنا بطارق كبلو فى الجزيرة !!
Quote: نعود ونقول من هم الاخرين ( التانييييين) الموضوع يا نادية عثمان فى راى انا تحديدا اكبر من
شوية كلام عن فلان اوعلان يكون او لا يكون ....والقضية بالنسبه لى ليست منى عراقى او نادية او كلتوم ست البامية .تحديدا هى معركة فى غير معترك كما هو باين الان ...وانتشار موسع لمنى عراقى وهيلمانات جوفاء ... والناس فى شنو وسباق الحمير باقى له ساعات فقط..ينتهى فى الاول |
كلثوم ست البامية وسباق حمير دى اقايتو يامهداوى اعفينى من الرد عليها ..لكن معركة فى غير معترك دى ماحاصلة لانو لاشايفة لى عكاز طاير ولابونية فى وش زول منننا طيرت عينو ..ده مجرد نقاش ووجهة نظر زول ايا كانت وافقت هوى او لم توافق فى نفسك يجب عدم الاقلال من وجهات نظر الاخرين ولاشنو يامهداوى ..اما بالنسبة لمسألة انتشار لمنى دى انا معاك فيها ونحنا عاملينها ليها خدمة كده لله ولانها طلبت وقالت بالحرف انها عايزة تشتهر بسرعة اوى ..ومافيها حاجة لو خدمناها اياها مراسلتنا ومننا وفينا ولاشنو ياقاسم ؟!!
Quote: ومن ثم نلتفت لقضية البلد الكبرى وانقسام السودان الى شمال وجنوب وشرق وغرب ...ووسط كمان
ويلا يا تلفزيون صور وصر . وخم |
صدقت يامهداوى والله ..الله يكضب الشينة ياود عم المهداوى اقايتو ..وان شاء الله التلفزيون فى دى لايخم ولايصر يارب ..ده بلدنا يااخوى ويارب نشوفها موحدة ومتماسكة رغم كيد الكائدين يارب..قول امين يازميل !!
كن بالف خير وسلامة
| |
|
|
|
|
|
|
Re: دعوة لتغيير مراسلة الفضائية السودانية بالقاهرة..نريد نادية عثمان ونرفض منى عراقى يا تلفزيون (Re: TRAIMBA)
|
يا شباب اولا انا زعلان فى مثلكم الما بشبه نادية ده ناس لالوبنا ولا تمر شنو كده ما عارف.... نادية دى ياخى منقة بالخلاطة عديل كده تقومو تقولو لالوب..بعدين انا لا اوافق على ترشيح نادية للعمل فى تلفزيون الطيب مصطفى ده انا شايف ندى بسيونى احق بهذا المقعد مش كانت بتقول من الالب للالب احب عربى جوبا وعربى مصر كمان..هو ذاتو وينو التلفزيون مش ياهو ابو استديو ملان ضبان ده..نادية برية...قال نادية قال. يا بت امشى عوسى عواستك نحن ما عندنا بنات بشتغلوا فى محلات ما محترمة زى تلفزيون السجم والرماد ده،،،
| |
|
|
|
|
|
|
Re: دعوة لتغيير مراسلة الفضائية السودانية بالقاهرة..نريد نادية عثمان ونرفض منى عراقى يا تلفزيون (Re: صديق الموج)
|
الصديق العزيز ود برنامجى الفى تلفزيون الطيب مصطفى ده زاااااااااااااااااتو ود الموج !!
Quote: يا شباب اولا انا زعلان فى مثلكم الما بشبه نادية ده ناس لالوبنا ولا تمر شنو كده ما عارف.... نادية دى ياخى منقة بالخلاطة عديل كده تقومو تقولو لالوب |
بقيت حنكوش ولاشنو ياود الموج ؟..ال منجة بالخلاط قال !!
Quote: ..بعدين انا لا اوافق على ترشيح نادية للعمل فى تلفزيون الطيب مصطفى ده انا شايف ندى بسيونى احق بهذا المقعد مش كانت بتقول من الالب للالب احب عربى جوبا وعربى مصر كمان |
وهو نحنا لو عندنا تلفزيون غيرو كنا عملنا سهرتنا ديييييييييييك الابيت تفرجنى عليها فى التلفزيون ده زاتو ؟!!
وحياة البى ياسديق يااخويا انا ماقولتش شغلونى بس هما اللى بيحبونى وانا يكفينى حبهم ده اوى اوى !!
Quote: ..هو ذاتو وينو التلفزيون مش ياهو ابو استديو ملان ضبان ده..نادية برية...قال نادية قال. يا بت امشى عوسى عواستك نحن ما عندنا بنات بشتغلوا فى محلات ما محترمة زى تلفزيون السجم والرماد ده،،، |
سجم رمادنا ولارماد وسجم الغير ...هوووووووووووى ياود الموج الضبان بنجيب ليهو بف باف انت بس قول خير !!
| |
|
|
|
|
|
|
Re: دعوة لتغيير مراسلة الفضائية السودانية بالقاهرة..نريد نادية عثمان ونرفض منى عراقى يا تلفزيون (Re: انتصار محمد صالخ بشير)
|
انتصار محمد صالح بشير (نصرة) اختى الغالية الحبيبة
Quote: الاخوة الكرام
السلام عليكم ورحمة الله |
سلام من ربى يغشاك محل ماتكونى وتقبلى يانصرة الغالية
Quote: طبعا اكيد نادية عثمان وليس احد غيرها يكفى هذا الوجه البشوش الذى نحس
به منا ترتاح له ولها |
وانتى منى ياابنة وطنى الغالى .. سعيدة لاننا نحمل ذات الوطن فى قلوبنا وشكرا لللثناء العاطر على شخصى المتواضع اختى الغالية
Quote: اسلوب وطريقة اداء رائعة تاسر القلوب شاهدتها خلال استصافتها
كضيف فى التلفزيون السودانى وقناة النيل الازرق . |
انتصار الحبيبة ..سجلت اكثر من سهرة لقناة النيل الازرق ..تقصدى ياتها فيهم ؟
عليك الله لو سجلتيها رسليها لى فى الخاص لانو اصحابى كلهم وانتى اولهم شافوا الحلقات دى الا انا (ياكافى البلا) !!
Quote: وهنا اوجه رسالة للمذيعة المصرية منى عراقى
ابتعدى عن التوب السودانى ان كان لك زى وطنى استخدميه لان التوب السودانى
لا يليق الا بالسودانيات |
سجمى ياانتصار ..ولو جات بالبنطلون الجينز مابقولوا ليها شئ فى تلفزيون الحكومة حقتنا ؟!!
Quote: العزيزة ندو ما بلحقوك المابشبهوك |
ياحبيبة انا كفايا يشبهونى واشبه بنات بلدى الغبش الطيبات الزيك ديل ..وربنا يسهل لعبيدو كلهم يارب
| |
|
|
|
|
|
|
Re: دعوة لتغيير مراسلة الفضائية السودانية بالقاهرة..نريد نادية عثمان ونرفض منى عراقى يا تلفزيون (Re: صديق الموج)
|
قاسم المهداوى
وعليكم السلام ورحمة الله تعالى وبركاته
Quote: اؤكد هنالك حدة وعندما تداخلت وجهت سؤالى لصاحب المقترح, |
وانا اؤكد انه ليس هناك اى حدة لسبب بسيط وهى انه ليس هناك داعيا لاى حدة ولاسبب لها فى الاساس (الا اذا كنت ترى انت غير ذلك)!!
واسفة لانك وجهت سؤالك الى صاحب المقترح وانا من قمت بالرد عليك ..هذا البوست يخصنى وانت لم تحدد اسما فى مداخلتك لتوجه اليه الكلام وبما اننى قمت بالرد على جميع من دخل ومن يدخل هذا البوست بجانب ردود الباشمهندس عبد الرحيم (ترمبا) فقد رأيت انه ليس من باب الذوق ان اتجاهل وجودك !!
على كل حال عد وقل ماشئت وانتظر صاحب المقترح للرد عليك كما تود !!
| |
|
|
|
|
|
|
Re: دعوة لتغيير مراسلة الفضائية السودانية بالقاهرة..نريد نادية عثمان ونرفض منى عراقى يا تلفزيون (Re: نادية عثمان)
|
نادية عثمان
سلام جاك تانى
كدا اثبتى ليك على اسم ....
قاسم المهداوى ولا قاسم( بيه ) شفتى الزوق كيف .... امن الزوق ان ننادى الناس بهكذا القاب !!!
حتما لى عودة, وارجو ان لا ينصرف البوست , ويكون الحوار سجال بين شخصين ...اعنى لب الموضوع
الا وهو الفضائية السوداناوية .... ولمن الافضلية فى التوظيف ؟
Quote: على كل حال عد وقل ماشئت وانتظر صاحب المقترح للرد عليك كما تود !! |
لا انتظر ان يدعونى احد ساعود وقت وكيف ما اشاء ...
برضو الى ذلك الحين سلااااااااااام مربع
قاسم المهداوى
| |
|
|
|
|
|
|
Re: دعوة لتغيير مراسلة الفضائية السودانية بالقاهرة..نريد نادية عثمان ونرفض منى عراقى يا تلفزيون (Re: صديق الموج)
|
قرات قبل ايام هذا البوست ولفتنى اليه انه كان عنواناعريضا (مانشيت) وكان آخر تعليق هو رد الاخت الكريمة نادية على الاخ عبد الناصر.. شغلنى بعض الاصدقاء يعودون من المهجر فى طريقهم الى الوطن ثم اعودالان اغالب امر التداخل فيه لا لان تعليقى سيغضب الاخت نادية وان غضبهاقد يجر على غضب آخرين ولكن اقول ... غضب الاخرين مقدور عليه...ففى بعض بوستات الاخ حسين ملاسى مندوحة... الاستاذة منى عراقى لقيتها مرتين احداها و(السودانيون)عن بكرة ابيهم يحتفون فى رحاب الجامعة الامريكية بذكرى الفنان حسين شريف...كانت الاخت منى حاضرة وغاب آخرين...منى كانت معنا فى حوار جانبى مع السيد الصادق المهدى قبل الحفل ولفتت انتباه الكثيرين بحضورها ولباقتها ومعرفتها بشؤؤن السودان... المرة الثانية صحبتنا مدام عراقى فى سيارتها بعد المؤتمر الاخير الذى عقده الدكتور جون قرنق قبل وفاته ...اصطحبتنى والاخت نادية الى استاد المقاولون حيث قام الراحل دكتور جون بتفقدمنتخب الفريق القومى...ورغم لقائى القصير بها=منى= فقد كانت على قدر من التمهر فى صحافتهاوعملها الاان هذا لاينهض دليلا على دربتها وخبراتها... لذا السؤال .... من من الموقعين ادناه استقصى (قدرات) الصحافية منى عراقى بالمقارنة الى( قدرات) صديقتنا نادية؟؟؟ ثم موضوع آخر مالذى يمنع تلفزيون السودان من اتخاذ مراسل له من القاهرة ...اى مصرى؟؟؟ والتلفزيون للذين يتابعون منذ فترة وهذه اثارت جدلا صحافيا كنت طرفا فيه يوم ان قرر جعل مراسلين له من ذات البلدان لاعتبارات كثيرة منها تقليل النفقات ومعرفة المراسل ابن البلد المعين بها ومصادرها واعتبارات اخرى عديدة...ولقد اورد الاخ قاسم المهداوى اسم مراسل القناة المصرية وهوسودانى والشىء بالشىء يذكر يااخت نادية لافرق فى موضوع البوست لو كان مراسلا للقناة المصرية او المحور...فصحيفة الاهرام وهى صحيفة الدولة اتخذت لها مراسلا فى السودان هو الاستاذ عبد الواحد لبينى وهومن الخرطوم وليس من بولاق الدكرور ولم ولن يحتج احد عليه ...ثم قناة ابوظبى كان لاعوام عديدة مراسلا لها من الخرطوم صديقنا اسامة عباس وقناة ابى ظبى هى قناة اماراتية ولم يطالب اهلها باستبدال اسامةباخر اماراتى.. وهناك امثلة كثيرة!!! ثم امر مهم جدا كان مقبولا جدا قبول بعض ردود الاخت نادية على بعض التعليقات خصوصا(الضوى) لو انها تقدمت بطلبها للتلفزيون (مراسلا)له وتم رفضها والاستعاضة عنها بالاخت منى عراقى او غيرها من الزميلات المصريات... ثم لماذا الاخت نادية فى مقترح البوست وتوقيعات الكثيرين؟؟؟؟ هذا السؤال مع وافر تقديرى لها ولكل المتداخلين/آت ومشاعرهم/هن النبيلة والقاهرة ينبغ فيها من ذكر الاخ عبدالناصر...ومنهم كما قال الاستاذ زين العابدين احمد محمد بثقافته الموسوعية وخبراته وعلاقاته الواسعة وقدراته فى الحوار والجدل...وايضا الاستاذة عطيات والكثيرين وان كنت اعرف ان معظمهم لا يتطلع الى علاقة مع التلفزيون السودانى ولايسعى اليه لاسباب عديدة.... الاخت نادية لم توحى بموضوع البوست ولكنها تقوم بما يجب ان يقوم به صديقنا صاحب البوست ... ساعود لاستكمل حديثى ... مودتى وتقديرى
| |
|
|
|
|
|
|
|