|
Re: سؤال برئ جدا للحكومة والحركة الشعبية : - وزير الخارجية السوداني اسمو منو ؟؟؟؟؟ (Re: عبدالماجد فرح يوسف)
|
يا الأخوان محسن و عبد الماجد سلام وزراء خارجيتنا كتار بالإضافة للذكرهم عبدالماجد هناك وزراء خارجية سودانيين متخصصين ( شغل الخارجية صعب و داير تخصص ) فهناك علي كرتي ( متخصص في منح ترخيص جزارات .... لدول أخري لذبح مواطنيه ) و هناك واحد أسمو جمال ( متخصص في تجميل الوجه الخارجي للسياسة السودانية ... تلقاه في الجزيرة و العربية و البي بي سي ) و هناك واحد أسمو الوسيلة (متخصص في تكذيب أي واحد يقول كلام كعب في حكومة الخرطوم ) و هناك واحد أسمو الناطق الرسمي بوزارة الخارجية ( ده هو المتخصص في تسيير وزارة الخارجية و وضع السياسة الخارجية ... من كثرة البيانات التي يصدرها ...بعضها واضحة و بعضها غمتِّي )
لكن في حاجة واحدة إتأكدوا منها في وزير واحد فقط .... للداخلية .
| |
|
|
|
|
|
|
Re: سؤال برئ جدا للحكومة والحركة الشعبية : - وزير الخارجية السوداني اسمو منو ؟؟؟؟؟ (Re: محسن عبدالقادر)
|
معليش ممكن أبدا بسؤال آخر : من هو وزير خارجية حكومة الجنوب ؟
وبعدين شغل الخارجية يا جماعة صعب كتير وداير شلة عشان تشيلو مع بعض
وأنتو نسيتو د . مجذوب الخليفة ، وأمين حسن عمر ، ود.المتعافي ، ومحمد يوسف كبر والي دارفور ،
وذاتو علي عثمان عندو ضلع في الخارجية ، وبعدين في سوءال تاني ، الحكومة دي حكومة وحدة وطنية ؟ أم حكومة المؤتمر الوطني ؟ أم حكومة بين المؤتمر الوطني والجيش الشعبي ؟ ولا حكومة لحم راس ؟ ليه السؤال دا ؟ لأنو كل واحد عندو سياسة خارجية لزوم ما يلزم ، شي أفريقي وشي عربي وشي اوروبي وشي فرنسي وشي امريكي وشي صيني
لكل مقام مقال ولكل زمان واوان رجال
وبعدين أوعو تكون نسيتو راضية عاشوري وأيان برونك مش برضو شغالين في الخارجية
| |
|
|
|
|
|
|
|