أستنكر الحزب الاتحادي الديمقراطي الأصل العبارات العنصرية التي تفوه بها نائب سفير السودان لدى الكويت عمر تاتاي في حق القيادي البارز بالحزب أزهري سليمان الزاكي ومساسه بإحدى القبائل السودانية الأصيلة. وكان تاتاي نعت القيادي الاتحادي أزهري الزاكي بأنه (فلاتي ساكت ولا علاقة له بنهر النيل ) . أثناء مشادات كلامية بينهما. وحذر الحزب من انزلاق الدبلوماسية السودانية إلى درك العنصرية البغيضة . واعتبر الحزب في بيان له اليوم إن ما وصل إليه حال الدبلوماسية بمثابة حصاد لعهد التمكين بعد تشريد وفصل الكفاءات وتعيين أصحاب الولاء الحزبي. وشدد الحزب على أنه ظل يراقب وبقلق هذا الانهيار الدبلوماسي الخطير ابتداء بالاعتداء على المواطن أسعد التاي بقنصلية السودان بجدة ومرورا بحرمان مواطنين سودانيين من حقهم في استخراج أوراقهم الثبوتية بمدينة مدريد الاسبانية وتهرب السفير من مسؤلياته وانتهاءً بارتكاب جرائم التحرش داخل حانات نيويورك من دبلوماسي المؤتمر الوطني . وطالب الحزب بفتح تحقيق عاجل مع نائب سفير السودان بالكويت على ما بدر منه من ألفاظ عنصرية.
11-24-2018, 08:03 AM
جمال ود القوز
جمال ود القوز
تاريخ التسجيل: 01-25-2013
مجموع المشاركات: 5925
غريبة لو الزول دة من ناس تاتاي لانو هم جعليين والجعليين في الجينات بتاعتهم لقو كم ف المية من نيجيريا . طبعا على حسب البورد. يعني زي م قال دكتور حزب البهجة : القدم بالقدم ....................
شعب غريب جدا كلهم افارقة وبكل بجاحة يقول ليك انت عب ولا فلاتي ولا حلبي ولا منبت ....
وهم شديد
11-24-2018, 08:35 AM
عبدالعظيم عثمان
عبدالعظيم عثمان
تاريخ التسجيل: 06-29-2006
مجموع المشاركات: 8399
الدبلوماسي دا مغشوش وضحية ثقافة معلولة الكلام القالو دا بتفقوا معاه ناس كتار عاملين فيها حريفين بيقولوا نفس الكلام بس يتأكدوا أن القطر ما فيه مفتش(نتانة بالجنة) الدبلوماسي العوير دا ما قدر يمسك نفسه وفضحها وسقط في فخ العنصرية لكنه أفضل من غيره قال ألفي راسه والناس عرفته عنصري.. المصيبة في العنصريين المدسين البجتهدوا في الإختباء والظهور بالمظهر القومي(ديل أخطر من تاتاي)
11-24-2018, 08:44 AM
اسماعيل عبد الله محمد
اسماعيل عبد الله محمد
تاريخ التسجيل: 08-26-2007
مجموع المشاركات: 2816
واضح جدا أن هذا الدبلوماسي رجل عنصري، ويجب طرده من وزارة الخارجية فورا.
لقد تعرفت على الاخ أزهري سليمان من خلال هذا المنبر والذي كان يكتب فيه في السابق. ولقد كنت سعيد جدا عندما التقيته شخصيا في الكويت وقضيت بينهم بعض السنين هناك. الاخ أزهري من قيادات الجالية السودانية في الكويت وهو عضو قيادي ايضا في منظمة خيرية تهتم بشئون السودانيين العائلية وتقد إليهم بعض الخدمات أيضا.
أزهري سليمان الزاكي كانت له وقفة مشهودة ومشهورة في قضية الممرضات السودانيات الذين حضروا للكويت بعقودات ظالمة وغير عادلة، وأنا عاصرت تلك الفترة ورأيت الاخ أزهري سليمان ومجموعة من السودانيين الخيرين وقفوا مع الممرضات وقفة السوداني الشهم وساعدوهم في الحصول على أوضاع أفضل، وعرفوهم بحقوقهم كعاملين في دولة الكويت. وللأسف الشديد الشركة التي خدعتهم كان يملكها شخص سوداني وطبعا لازم يكزن كوز أو من المحسوبين على النظام. وأذكر في تلك الفترة أن الاخ أزهري قد سافر شخصيا للسودان لكي ينصح الممرضات بأن لا يوقعون على عقود هم غير مقتنعين بها، لأن ذلك العقد سوف يكون ملزما للطرفين في دولة الكويت. ولقد كان أيضا بعض العمال السودانيين الذين يعملون في الكويت عندما يتعرضون الى مشاكل في العمل كانوا يأتون الى مجموعة الاخ أزهري قبل أن يذهبون الى السفارة السودانية. وفي الحقيقة أي سوداني مظلوم في الكويت وصل الى مجموعة أزهري، وجد حل أو نصيحة قيمة الى مشكلته. هذا هو الاخ أزهري سليمان الزاكي الذي أعرفه، وحتى اللحظة فأنا لم أسئل الاخ أزهري عن قبيلته أو الجهة التي أتى منها في السودان. ولكني أعتقد أن الاخ أزهري هو الدبلوماسي والسفير الحقيقي لبلده وللسودانيين في دولة الكويت.
11-24-2018, 10:08 AM
حاتم إبراهيم
حاتم إبراهيم
تاريخ التسجيل: 08-11-2014
مجموع المشاركات: 3382
ول ابا سماعين بوضع التاء في "تظل" .. أجدك كأنك تقصد "ولاية نهر النيل" .. المشكلة في نهر النيل بأكمله .. حتى ناس الجنوب الذين يقعون علي نهر النيل .. عنصرية منذ فجر التأريخ. الصحيح يظل نهر النيل" .. معقل العنصرية في السودان
بريمة
11-24-2018, 10:36 AM
Biraima M Adam
Biraima M Adam
تاريخ التسجيل: 07-05-2005
مجموع المشاركات: 27494
مشكلة سكان الأنهار مشكلة تأريخية .. حول الأنهار بنيت أعظم الحضارات .. وبسبب ذلك تقل الأراضي .. أو تصبح سلعة غالية .. ومن ثم ومن أجل حماية الأرض يحتم معرفة الغريب وعزله .. حتى لا يمتلك أرض ويكون منافساً .. ومن ثم المصالح الدنيوية تحتم ظهور لأنماط سلوك غريبة حتى لأصحاب الأنهار ... بسبب الرغبة في حماية أنفسهم وثقافاتهم وأراضيهم .. في حين سكان البوادي والأرياف يحتاجون إلي التضامن من أجل حماية بقاءهم المادي .. هناك في البيئات النائية البقاء للأقوي والأفضل .. شكل التنافس في الحياة مختلف .. لذلك تجد سكان البوداي والبيئات النائية أكثر حميمة وتجاوزاً ..
في خلال ال 10 سنوات الأخيرة .. تغير المنبر تغيراً كبيراً ..
الزول دا جيبوه لينا هنا .. عشان نعملوا ليهو غسيل مخ .. السفير مازال إنسان خام وفي الخام crude ساكت ..
بريمة
11-24-2018, 10:40 AM
حاتم إبراهيم
حاتم إبراهيم
تاريخ التسجيل: 08-11-2014
مجموع المشاركات: 3382
نعم، الأنهار بتلم .. هاو و لاو .. من الناس .. ومن ثم الفرازة العنصرية تفعل فعلها .. لظهور المجموعات السائدة .. فالسيادة لا تأتي بالقوة فقط .. بل تنميط الأخرين .. بعاعيت .. ويتقلبوا مرافعين وضباع .. ولهم أذيال باللين .. وترب البنية .. وبنات أوي .. والسحاحير .. وكده.
بريمة
11-24-2018, 11:00 AM
Biraima M Adam
Biraima M Adam
تاريخ التسجيل: 07-05-2005
مجموع المشاركات: 27494
وحتى يوم الناس هذا حكاية "الدقر" في "ناوة" مستمرة .. جزيرة ناوة هى معقل الفولان سحرة فرعون الذين أتي بهم من تمبكتو عاصمة مالي الحالية .. وبعدما سيدنا موسي هزمهم وتابوا .. توعدهم فرعون .. فهربوا محازاة النيل والنوبيين العارفين باليهودية خبأؤهم لأنهم أخوانهم في العقيدة .. بقية أهل الشمال ما كانو ناقشين الحاصل .. تخوفوا منهم وقال عنهم "دقر" .. بعاعيت.
يجب ان يحال هذا الدبلوماسي للصالح العام وتجريدة من فوائد ما بعد الخدمة بما فيها المعاش وإحالته لمحاكمة لكن تبقي الدبلوماسية السودانية تتأرجح بين التحرش والعنصريه في ظل الانقاذ ولكن السؤال الجوهري هل الازمة ازمة هذا الدبلوماسي ام ازمة نظام عنصري ام انها ازمة مجتمع يمثل الحاضنة لعقلية هذا الدبلوماسي
11-24-2018, 01:51 PM
اسماعيل عبد الله محمد
اسماعيل عبد الله محمد
تاريخ التسجيل: 08-26-2007
مجموع المشاركات: 2816
Quote: ام انها ازمة مجتمع يمثل الحاضنة لعقلية هذا الدبلوماسي
بالضبط هي إزمة حاضنة إجتماعية عنصرية متضامنة في عنصريتها في الصوالين الخاصة ورافضة وشاجبة لها في المنابر العامة. وهو ذات التضامن الذي وقف ضد تسليم رأس السلطة إلى الجهات العدلية الدولية وقالها صراحةً:(حرم وعلي الطلاق ولدنا ما بنخلي الع بيد يودوه لاهاي)..
11-24-2018, 12:40 PM
Biraima M Adam
Biraima M Adam
تاريخ التسجيل: 07-05-2005
مجموع المشاركات: 27494
Quote: الدبارة شنو مع باقي العنصريين اللابدين ودافنين دقن
نحن محاسبين بالظاهر يا عبد العظيم .. لو رأيتم رجل يرتاد المساجد فأشهدوا له بالأيمان .. ظاهراً .. لكن جوه في بطنه شنو .. جاي مخبر .. أم جاي مؤمن .. الله أعلم بيه ..
العنصري الكاتم عنصريته ... ما عندنا به أي شغلة .. إن شاء الله يموت بغيظ عنصريته .. العينة التى تجاهر بالعنصرية مثل هذا الغبي .. ألقموه حجر ..
كدي كلمونا يا سمعة وبريمة عشان نردم معاكم المن ولاية نهر النيل منو تاتاي ولا أزهري بعدين انتو الفلاتة دي نبذة الجلابة رامينها في الغرابة والغرابة ملصقينها في الجلابة والإثنين زايغين منها ومن بقرهم .
الحبيب بريمة تحياتي اتفق معك فيما ذهبت اليه لكن يرتاد المساجد فاشهدوا له بالايمان ده حديث ام قول مأثور لان الواقع عندنا ان واحدة من ازماتنا اللذين يرتادون المسجد ويرفعون اصواتهم عالية بالتكبير اكثر من ممارس الخديعة باسم بالله في بلادنا
11-24-2018, 02:16 PM
عبد الباقي الجيلي
عبد الباقي الجيلي
تاريخ التسجيل: 06-23-2004
مجموع المشاركات: 1613
يا جماعة تاتاي ما براو.. دا صف طويل من العنصرين كل شوية يسقط واحد.. الموضوع ما سلوك فردي ولكنه سلوك مجتمع مأزوم يمارس هذه العنصرية ردحا من الزمن في أعلي مستويات دولاب الدولة السودانية دا سلوك عام موروث و ومخزن في الذاكرة الشعبية يعني متجذر
11-24-2018, 02:50 PM
كمال عباس
كمال عباس
تاريخ التسجيل: 03-06-2009
مجموع المشاركات: 17147
الكلام ده ما فيه عنصرية اطلاقا المشكلة فيكم قايلين كونو الزول يكون فلاتي عيب او نقيصة ..لان اللاوعي العروبي في داخلكم يرفض اي مكون افريقي ويرفض حتى اللون والجوقة دي تحديد في البورد تعاني من هذه العقدة السودان ده قبائل وكل قبيلة عندها اسم وعندها مكان في كل السودان وفي قبائل وافدة وقد حدد الانجليز الامر من سنة 1957 الجنسية الخضراء للسوداني بي الميلاد الجنسية البنية للسوداني بالتجنس(الوافد) طيب العنصرية التي اتحولت الي حرب ابادة يقودها مكونات المركز المشوه الناكرين اصلهم وبال\عتناقهم للايدولجيات المصرية القبيحة الناصرية والشيوعية والاخوان المسلمين السلفية من قل الدين في السودان مثلا ومصر التي دمرت العالم العربي والاسلامي والسودان ضد الجنوبيين وضد ابناء جبال النوبة وضد الفور في السودان دي وراها منو في السودان وليه ؟؟ وما الفرق بين مكونات المركز ومشروع الجزيرة وباقي اقاليم السودان ؟؟ يا لو كان الزل ده الماني وقال ليه روح انت الماني ساكت ...هل ستكون عنصرية؟ نحن عايزين الزول يعترف باصله لا ينتحل قبيلة ولا عروبة مزيفة عشان تنتهي مشكلة السودان
11-24-2018, 02:55 PM
معاوية الزبير
معاوية الزبير
تاريخ التسجيل: 02-07-2003
مجموع المشاركات: 7893
يا حاتم منتظرين تجيب لينا كتاباتك في إدانة الحرب العنصرية التي شنها نظام الإنقاذ في جنوب السودان ويشنها في دارفور وجبال النوبة والنيل الأزرق بما في ذلك حرق القرى على رؤوس ساكنيها هذا ما نريده منك حتى تثبت أن حديثك عن الجهوية ليس لصالح جهة أجنبية تريد تفتيت سوداننا وبالمرة كمان كتاباتك المنتقدة لسياسات الحكومة الفصلت الجنوب
منتظرين الأرشيف بالجداول القشيبة
11-24-2018, 03:16 PM
عبد الصمد محمد
عبد الصمد محمد
تاريخ التسجيل: 12-12-2004
مجموع المشاركات: 1402
ليس للعنصرية وطن داخل أي منطقة في السودان هنالك قبايل تتعالى على الأخرى وتراها أقل منها حتى داخل القبيلة الواحدة يحصل التمييز والتعالي العنصرية سيئة ولكن الأسوأ منها من ينصبون أنفسهم آلهة تفتش الضماير وتقرر أن فلان عنصرى حتى لو أبى ودافن دقنه وحتى لو ما كان عنده دقن البعيد شنو لو فتشنا ضمير هؤلاء لوجدنا فيه تاريخ من الممارسات العنصرية من يحكم على الناس بالعنصرية دون أدلة مادية واضحة فهو عنصري بإمتياز فتشوا كتاباتهم ستفوح منها روائح منتنة لا تقتصر على العنصرية فقط بل على أشكال متعددة للقبح
11-24-2018, 03:17 PM
سيف الدين بابكر
سيف الدين بابكر
تاريخ التسجيل: 01-14-2016
مجموع المشاركات: 3325
Quote: السودان ده قبائل وكل قبيلة عندها اسم وعندها مكان في كل السودان وفي قبائل وافدة
وقد فشلت الدولة وقد فشلت الحكومات وقد فشلت الأحزاب والجماعات، فمن بعد الله فإن القبائل هي الملاذ
فعليكم بالانضواء تحت قبائلكم وقبل ذلك عليكم بالتعرف عليها قبيلة قبيلة، فلا ينضوي أحدكم تحت قبيلة ليست له ولا يتنسب فيها بنسب.
فتندثر الدول وتتلاشى الحكومات وتتفكك الجماعات وتظل القبائل متوافرة تدب فيها الحياة ما بقيت على البسيطة حياة.
فقد نصرت القبائل دين الإسلام، وكان نبي الإسلام (ص) يدعو الله بأن يهدي قبيلة كذا وقبيلة كذا إلى الإسلام.
كما مدح نبي الإسلام (ص) قبائل بعينه وذكر أنها جند الله في أرض الله نصرة لدينه كما ملائكة الله في سماء الله جند.
فعليكم بقبائلكم اليوم قبل الغد، فإن الأمر قد أزف في أرض العربان المسماة زوراً وبهتاناً باسم السودان.
Quote: نحن عايزين الزول يعترف باصله لا ينتحل قبيلة ولا عروبة مزيفة عشان تنتهي مشكلة السودان
ولا ينكر أصله إلا جاهل أو غائب الوعي.
فإن إبليس لم ينكر أصله خلقة النار بل تباهي به وتكبر به على من كان خلقته خلقة الطين. فتأمل!
فلا ينكر قبيله أو أصله أو نسبه وينتحل قبيل أو أصل أو نسب آخر لحاجة في نفسه إلا جاهل أو غائب الوعي.
ودونكم علم الأنساب الجينية فهو دليل قاطع بلا شك لمعرفة من أنت ومن أي أصلاب العرب أو العجم قد خرجت، ثم لتعلم بعدها ما هي قبيلتك.
ولا يكونن أحدكم في السودان مثل نبط السواد - كما قال الخليفة عمر (رض) - حاضاً على تعلم النسب إلى الآباء والأجداد لا إلى المناطق والقرى.
ففي معرفة النسب إلى الآباء والأجداد الخير الكثير لك ولغيرك (لتعارفوا) شعوباً تتكون من قبائل.. بل حتى الطيور في السماء لديها قبائل، فكيف ببني آدم المكرم من الله؟
11-24-2018, 04:04 PM
اسماعيل عبد الله محمد
اسماعيل عبد الله محمد
تاريخ التسجيل: 08-26-2007
مجموع المشاركات: 2816
١- زهير كل يوم يجيب مواضيع زول يخش مافي ٢- زهير كتب فلاتي البوست بقى بوست مهم ٣- المشرف انتقد العنصرية جا العيان حاتم يساكك ود المشرف ٤- العنصري و الما عنصري جا خاشي البوست بي شي ساكي زول زي السايكوباث داك ... ٥- اي زول شايل من زول غبينة جا هنا يفكها فوقو.
الخلاصة: عمرنا ما حنتخلص لا من العنصرية لا من العقد حول العنصرية...
كل زول عليكم الله امش بشوف مرايا و يتأمل ...
ياخي حتى إسرائيل عندهم إعلان قديم بتكلمو انو الحل لازمة الشرق الأوسط و الدول العربية انو إسرائيل تمسك المنطقة كلها و تديرها ... و لما جاب الخريطة ... ما لونونا مع العرب ..!!! أفريقيا سااااي خلونا ...
غايتو الله لا كسب القال السودانيين عرب ...
11-24-2018, 04:16 PM
يحي قباني
يحي قباني
تاريخ التسجيل: 08-20-2012
مجموع المشاركات: 18708
الشقيق ازهري سليمان رجل سوداني اصلي واخو اخوان واخو بنات ولن يصدق انو كل زول جاء شايل غبينتو الخاصة عشان يفشها في البوست هذا. تبا للعنصرية والعنصريين والمتعنصرين ما ظهر منهم وما بطن وما ادعى كمان.
11-24-2018, 05:18 PM
Bashasha
Bashasha
تاريخ التسجيل: 10-08-2003
مجموع المشاركات: 25803
هل هو مجرد "كلام" من اساسو، صادر عن فرد بعينه، ام هذا هو اساس الدويلة ذات نفسها، العربية، شريعتا، واسلاما، الخاصة باقلية بعينها من امثال بشاشا؟
الطريف جدا، ود المشرف طرف السوط لحقو قعد يسوي "عنصرية" وهو القائل نحن "اي الجلابة طبعا" اقرب للعرب!
والاطرف بريمة ادم بتاع العقال "الفلاتي"!!
ماعندو اي موضوع في المنبر ده كجنجويدي، مراحيلي، وقبلها عربي، غير البصق في وجه "الذنوج" اي "الفلاتة" والدفاع عن نظام القتلة، اللي اشعل محارق الابادة لل"فلاتة" اي امثال بريمة، باستخدام امثال بريمة ذات نفسو!
اسماعيل عبدالله لايمكن علنا يختلف مع "ود قبيلتو" بريمة، وهو يكيل للجلابة من منطلق وعي استلاب جلابي، جهوي، قبلي للنخاع!!
البقية عومو الموضوع او طفو، مرة واحدة!
نعم طلعو ظاهرة او سلوك موجود في كل مكان وبالتالي No big deal!
اما عادل امين، لتبرير وتمرير طريقة تفكيرو هو او تنميطو كاي جلابي ل"الفلاتة" قال ما "عنصرية" اطلاقا، وهو يعلم كجلابي، كيف كروباوي "فلاتي" كود يطلق علي غير "اولاد البلد"، "اولاد العرب"، نعم غير الشماليين بالذات "الغرابة" من طرف!
مضحك كلام عادل عن القبايل!
قبايل بتاعة مين، ياهذا، لغير الشماليين؟
هل غير الجلابة اساسا بشر في وعي امثال عادل او بشاشا، لمن تسوي قبايل او بتيخ؟
لاعلاقة لنا كثقافة بي خبوب الفرذ القبلي ياعادل، حلفتك بالذي!
اما الحمبرا، اغواتي الاعراب فهذا الواحد ماعارف زاتو يضحك ولا يبكي علي طريقة تفكير هذا المشوه، البشتكي من ذات داء وهم العروبة اللي هو بسوق فيهو كمان كدين واسلام!
نعم عامل عربي او يشتكي من السوا وهم العروبة في امثالو في الهامش، المنمطين ك"خاسا" في شرقنا الحبيب، وفقا للكتاب والسنة!!
11-24-2018, 05:47 PM
Bashasha
Bashasha
تاريخ التسجيل: 10-08-2003
مجموع المشاركات: 25803
للاسف الشديد يا اسماعين تفكيرك لايختلف عن اي جلابي في شئ، وبالتالي فانت مجولب!
"الفلاتي" بريمة ادم هو اداة الجلابي عادل امين الان واللحظة في الميدان كجنجويدي، ولكن انتا وبحكم عقد الولاء القبلي الجهوي، بتمرر جريمة كهذه البدفعو تمنا الملايين بارواحم من ضحايا امثال بريمة في الهامش، ولكن ايا من هذا لايحرك فيك ساكن!
ليه؟
الوعي القبلي!
11-24-2018, 06:17 PM
كمال عباس
كمال عباس
تاريخ التسجيل: 03-06-2009
مجموع المشاركات: 17147
من غرائب الأسافير ومفارقاته أنك تجد : 1- ضحية للعنصرية والتحقير العرقي يمارس العنصرية والتعالي علي الآخر وبل ويتمسح في غلاةالعنصريين ويسترضيهم - حتي يضموه ضمن - حظيرة والتميز ومقابل هذا يقبل بأداء المهام القذرة والعنصرية الفجة ! 2- وتجد من يطبل ويمجد السفاح البشير - وطغمته ويزين باطلهم وهم من غلاة العنصريين-مثلث حمدي وحديث الغرباوي ونعت د. علي الحاج بالفريخ ! وهنا ينسي هذا البوق ورقة الشمال العنصري وأولاد البحر العنصريين - ورقة عنصرية الشمال والتعميم والتجريم الجهوي تجاه الشمال النيلي - تستخدم ضد من يعارض الإنقاذ ! 3- ومن غرائب الأسافير أنك تجد عنصري غارق في عنصريته ومع هذا يدعي محاربة العنصرية! 4/ تجد من يدمغ كل الشمال النيل بالعنصرية ولكنه لايمانع - في دعم وتأييد عنصرية وتعالي مليشيات الجنجويد والدعم السريع ومن يمارس تعالي عرب وزرقة ويسفك الدم ويمارسالمجازر وحمامات الدم - في دارفور علي أساس عرقي وجهوي في غرب السودان !وهي عنصرية تمزق النسيج الإجتماعي وتفتت الوطن !! 5- ^^** ولكن مع هذا تجد من يرفض العنصرية - من منطلق مبدئي ومن واعز الضمير والإنسانيةيرفضها غض النظر عن موقع ممارسها ( عرقيا وجهويا وفرديا وسياسيا ) يرفضها من أي موقع ومنصة !
11-24-2018, 06:38 PM
كمال عباس
كمال عباس
تاريخ التسجيل: 03-06-2009
مجموع المشاركات: 17147
ونجي للتخصيص في البوست والبوستات المشابهة تجد الأخ إسماعيل عبد الله وفي أغلب الأحيان - متخندقا مع العضو بريمة علما بأن بريمة هذا يقف مع الجنجويد والدعم السريع ومن يمارسون العنصرية والتعالي العرقي في غرب السودان ! * ويقف مع البشير ويؤيده بإعتباره حبيب وصديق البقارة - يسانده بإسم البقارة والبشير هو - صاحب مقولة الغرباوية ومثلث حمدي والمطارد دوليا بجرم مذابح دارفور وتمزيق نسيجها -هنا يغفل ويتجاهل بريمة عنصرية البشير وأنه رأس الرمح للخطاب العنصري وأنه التجلي الحي - لأسوأ مافي دولة المركز وخلاصة العنصرية المنسوبة للجلابة بكل تعميم ! * وبريمة هذا هو يعلن ويصرح بعنصرية ضد السود والأفارقة في مقابل تمجيد وتمييز للعروبة العرقية ! * فلماذا تتخندق مع بريمة في خطابه الإنتقائي والتعميمي ولايتخندق معك ضد عنصرية البشير وطغمته ؟ * لماذا دوما تبلع الطعم - وتستجيب لمحاولة تحييدك أو تجنيدك في الصراع التعميمي ضد الشمال وفي التكتيك الإنتقائي الذي يمالي الإنقاذ ويهاجم خصومها بدعوي ومسبة أنهم جلابة ! ...
11-24-2018, 06:29 PM
اسماعيل عبد الله محمد
اسماعيل عبد الله محمد
تاريخ التسجيل: 08-26-2007
مجموع المشاركات: 2816
Quote: "الفلاتي" بريمة ادم هو اداة الجلابي عادل امين الان واللحظة في الميدان كجنجويدي، ولكن انتا وبحكم عقد الولاء القبلي الجهوي، بتمرر جريمة كهذه البدفعو تمنا الملايين بارواحم من ضحايا امثال بريمة في الهامش، ولكن ايا من هذا لايحرك فيك ساكن!
ليه؟
الوعي القبلي!
بشاشا المخستك والعاطل عن المواهب ومصطلح جلابة ده ما جايب حقو وهو خارج السودان في الحجاز يطلق على تجار الرقيق طممت بطنا بيه انت و ,عقاب الشيوعيين والناصريين والبعثيين والكيزان والسلفيين عايزين تقولو ما في قبائل في السودان وما في قبائل "سودانية " ودي المشكلة وعايزين تقولو الانصارية والختمية ده تخلف وطائفية والجمهوريين كفار والجنوبيين عبيد ومستمرين في الابتزال لحدي الليلة جون قرنق قال جملة مفيدة؟ what is wrong to be Sudanese وهسة الحقيقة مرة شديد لي ناس كثيرين كان احسن ييعدو من السياسة في السودان ذى ابناء الجالية الهندية الراقية في السودان بدل البهدلة الهم فيها دي عايزين يبقو عرب كسر رقبة بعد انتحلو القبائل السودانية في الشمال واستنفذوها الان ما اكتبه هنا الحقيقة اما تواجها او تخلي السياسة ..في حاجة اسمها ((السودانيين )) وموجودين من زمن كوش بن حام بن نوح وقبل يخلق الله اسماعيل ابن هاجر عليها السلام بالالاف السنين والسودان ده ما كان فاضي لمن جوهو وافدين من الجهات الاربعة تكون فلاتي ما عيب ابدا زيك وذى اليمني الوافد والمصري والتركي والهندي والحبشي وبعد الاستقلال عندك جنسية بنية (سوداني بالتجنس ) ويا اسماعيل الفلاتي ...الفلاتة قبيلة وافدة ومحترمة اذا لبسو توب البلد القاعدين فيه في كرفان ودرافور وشرق السودان محل المشاريع ذى باقي الوافدين غير كده
Quote: المجتمع السوداني :الاقليات الحاكمة والقبائل المهمشة السودانيين موجودين في صورة قبائل وكل قبيلة عندها اسم ومكان في الاقاليم الستة وتشكل 95% من المجتمع السوداني في الاقاليم الستة والمركز وفي 5% اقلبات متنوعة اما منبتين رقيق محرر او اولاد سرارة او مهجرين قسريا او وافدين من خارج الحدود في 200 سنة الاخيرة فلاتة وحلب وعرب في جمهورية العاصمة المثلثة وكل القبائل السودانية المسلمة دينها في اطار ختمية وانصار وطرق صوفية وجمهوريين وبعد داك في قبائل في الوسط والجنوب مسيحية وكجورية ده السودان والسودانيين من منظور اجتماعي نفسي سياسي من اعتنق مشاريع الصرف الصحي السعودية "السلفية " والمصرية "الاخوان المسلمين " هم من 5% ديل وموجودين في المركز ومشروع الجزيرة وجيوب صغيرة في الاقاليم الستة وهم ادوات المستعمر السري التي ضيعت السودان بالانقلابات والمشاريع والوافدة الامبرالية الصهيونية المفضوحة الان هم مجرد اقليات تعلمت على حساب السودان والسودانيين في الهامش ودرسوفي حنتوب وخور طقت وودادي سيدنا وتشوهو بالناصرية والشيوعية والاخوان المسلمين عبر العصور ودخلونا جحر ضب خرب لم نخرج منه حتى الان وقلة الاصل في السودان ليس لون عشان نتمسح بالكريمات والعروبة المستعارة ..قلة الاصل في السودان سلوك فقط .. والله الانجليز ديل لو نقلو العاصمة كوستي قبل يمشو 1956 كما هسة بقينا ذى الهند وما حكمونا الحثالة بالمشاريع المصرية
11-24-2018, 06:17 PM
محمد حيدر المشرف
محمد حيدر المشرف
تاريخ التسجيل: 06-20-2007
مجموع المشاركات: 20359
واحد قال لي واحد مفردة عنصرية؟! جيت انا ادنت الكلام ده ومشيت .. تجي انت تقول طرف السوط لحقني لانو رايي الشخصي والعام انو نحنا اقرب للعرب من الاثيوبيين بحكم الثقافة واللغة ؟!!
انتو رايحه ليكم مزايدات فارغة ولا شنو؟!
المهم مقبولة منك يا زول يا تحفه
11-24-2018, 06:37 PM
Bashasha
Bashasha
تاريخ التسجيل: 10-08-2003
مجموع المشاركات: 25803
ياعزيزي متي ما جا وكت الكلام عن استعلاء امثال بشاشا من الجلابة، انتا ما بتقبل يا دكتور، او بتقعد تخرخر، ولما يضبطو واحد متلبس بي خبوب هكذا وعي، بتسوي "عنصرية" او بتقوم جاكي!
اولا هي ماعنصرية، والشمالي ماعنصري حقيقة لله، وانما مستعلواتي، او حتي ده زاتو مركب نقص في شخصية الجلابي بعبر عنو في شكل تافف واستعلاء، ارحم بي كتير من كراهية البعض في الهامش من ازلام الجنجويد والمراحيل اللي بمارسو القتل الطقوسي بالوكالة، وبالتالي فهؤلاء ابشع من الجلابة اشهد!
بمعني الجلابي من السهل اخراجو من نوبة كراهية الذات كنتيجة لمركب النقص، اما مهمشي الجلابة، فبعضهم كاوباش الجنجويد فحولا ولاقوة!
هؤلاء اخطر بما لايقارن بالجلابة حقيقة لوجه امون، لانهم بي جدهم في وهمة انهم عرب، وهذه مصيبة، بالذات لو تفجر وضعنا الحالي علي مستوي السلطة المركزية!
هذا الجانب هو الاخطر بما لايقاس، وباكثر من الجلابة والوعي الجلابي!
11-24-2018, 06:49 PM
النذير حجازي
النذير حجازي
تاريخ التسجيل: 05-10-2006
مجموع المشاركات: 7159
الحاجة الما قادر افهمها في العنصريين ليه بتعنصروا ضد الفلاتة بالتحديد؟! هل لأن أشكالهم أقرب للشماليين، أم لأنهم أكثر الأجناس اختلاطا بالشماليين؟ بالجد ما قادر أفهم الحتة دي
11-24-2018, 07:40 PM
كمال عباس
كمال عباس
تاريخ التسجيل: 03-06-2009
مجموع المشاركات: 17147
الأخ محمد المشرف تحية فقط بمناسبة هل نحن أقرب للاثيوبيين والأرتريين من العرب أو أقرب للعرب من الأثيوبيين والأرتريين؟ إليك الأتي
لآن الي تحليل ancestry dna لبعض الدول الأفريقية ولكن بناء علي المعلومات المخزنة لديها ستجد الجين الغرب أسيوي (عربي)في أرتريا %52 وأثيوبيا %52 - مصر %76 السودان %44 و % 51 و أفريقي!! ودا السودان الحالي - الجنوب مافيهو - - !! تونس %52 أفريقي وكذلك بقية دول شمال أفريقيا الأفريقي فيها يطغي علي الغرب أسيوي نبسب متفاوتة ! https://tracingafricanroots.files.wordpress.com/2016/11/stats-mor9.pnghttps://tracingafricanroots.files.wordpress.com/2016/11/stats-mor9.pnghttps://tracingafricanroots.files.wordpress.com/2016/11/stats-mor9.pnghttps://tracingafricanroots.files.wordpress.com/2016/11/stats-mor9.png نسبة العروبة العرقية في أثيوبيا وأرتريا أكثر من السودان ومن تونس ! وبمناسبة تونس هناك بحث جيني DNAقامت به مجلة الناشونال جغرافيك طلع تونس برضو غير عربية (أما تونس فقد كانت كالأتي % 88 شمال أفريقي -%4 عربي و غرب أفريقيا ا %2 أوربا % 5*) .... ,,,,,,,,,,,
11-24-2018, 08:09 PM
Mahjob Abdalla
Mahjob Abdalla
تاريخ التسجيل: 10-05-2006
مجموع المشاركات: 8949
بعدين يا كمال انت اكثر ذكاء من ان تخلط بين مسألتين
1- هل نحن اقرب للعرب من الاثيوبيين 2- هل نحن اكثر قربا للاثيوبيين من قربنا للعرب ..
اكثر ذكاء ولا تتمتع باي ثقدر من سوء النية واشهد انك لا تمتهن المزايدات الفارغة .. ولذلك يا عزيزي اقول لك رأيي الشخصي ..
نحن أكثر قربا للعرب من قرب الاثيوبيين للعرب..ودي ناحية ثقافية لغوية ومجتمعية ودينية وده موضوع النور حمد
ونحن اكثر قربا للاثيوبيين من قربنا للعرب من ناحية الشكل اللون الملامح
الاهم من كل ذلك ان ذلك لا يشكل فرقا متى ما استحضرنا مسألة اننا سودانيين .. شخصيا لا احفل بقربي للاثيوبيين .. ولا احفل بقربي للعرب ..
وكل الاهتمامات اعلاه ليست ذات صلة بالعنصرية الا اذا كان المرء يؤمن بتفوق عرق على الآخر .. وهو الامر الموجود في الثقافة العربية المؤمنة ايمان قاطع بتفوق العرب .. وهي ثقافة منحطة جدا ةمن المفيد والضروري ان نتحرر من هيمنتها في السودان الخ كلامي الكتبتو في بوست النور حمد ولكن اكثر الناس لا يفقهون .. ونحسبك ممن يستقرأوون الاشياء بعيدا عن المعميات والمزايدات الرخيصة
مودتي وتقديري
11-24-2018, 10:24 PM
كمال عباس
كمال عباس
تاريخ التسجيل: 03-06-2009
مجموع المشاركات: 17147
Quote: بعدين يا كمال انت اكثر ذكاء من ان تخلط بين مسألتين 1- هل نحن اقرب للعرب من الاثيوبيين2- هل نحن اكثر قربا للاثيوبيين من قربنا للعرب ..اكثر ذكاء ولا تتمتع باي ثقدر من سوء النية واشهد انك لا تمتهن المزايدات الفارغة .. ولذلك يا عزيزي اقول لك رأيي الشخصي ..
كلامي في بوست النور كتبته هناك وأطلعت علي معظم ماكتب هناك ! ما كتبته هنا دا ماكلامي - ولاوجهة نظري دا ما جاء به ال ال DNA من مصدريين ! دا طبعا ما تحفظي علي بعض مخرجات - ال DNA - فيما يتعلق بتوفر مخزون العينات ا لتي يفترض أن تغطي التنوع العرقي والجهوي وكافة المكونات السكانية الرئسية حتي تأتي النتيجة لقطر مامعبرة وبشكل أكثر دقة عن المكون الجيني لذلك البلد !** ومن ناحية ثانية ودي حاشية ماعندها علاقة ببوست النور حمدوهي** أن الزعم العروبي في الغالب - دا حالة ذهنية أكثر من حقيقة واقعية !- فإسماعيل الذي قيل أنه جد العرب ليس عربيا - عرقيا وإنما " كلداني" عراقي - أعجمي - هاجر والده النبي إبراهيم مضطهدا من العراق للشام أرض الفينقيين والكنعايين - ثم تعرض إسماعيل والدته هاجر "الحامية" المصريةو الأعجمية للإضطهاد من سارة وأولادها لأسباب عرقية! هاجر لأرض العرب وتعرب تعلم العربية بعد بلوغه - فالعربية لم تكن لغة أبوه أم أمه - وتزوج من العرب - كان للعرب وجود قبل ذلك ! وقيل أن إبراهيم هو جد العرب - وخصوصا العدنايين - عرب نجد والحجاز ومن ضمهنم قريش لذلك أسمي كتاب العرب - هولاء بالعرب المستعربة وسماهم إبن خلدون العرب التابعة للعرب=مستعربيين يعني غير أصلاء في العروبة وعرب بالتجنس بلغة عصرنا ! * إذا عروبة إسماعيل وذريته هي عروبة لسان وثقافة لاعروبة عرق وجنس ! وإن أراد عرب الحجاز ومايطلق عليهم أحفاد عدنان العروبة العرقية فعليهم التخلي عنأدعاء أنهم ورثة الأنبياء وأبناء النبي إبراهيم !* وإن تمسكوا بننوة إسماعيل وإبراهيم - فستسقط عنهم عروبة الدم وسيصنفوا كأعاجم ومستعربة وتوابع ! جري وطيران ماب يتلموا للنعامة وركاب سرجيين وقاع !
المشكلة كلها فى كلمة ..(ساكت)... قال: (دا”فلاتي ساكت”)... يعنى الزول الشتم دا.. بيعنى انو الفلاتى دا زول لا قيمة له.. و كذلك كثير من السودانيين.. أما سبب العنصرية.. فدا اللى لحدى هسى مافى زول قدر يقنعنى بيه..
11-24-2018, 10:53 PM
محمد حيدر المشرف
محمد حيدر المشرف
تاريخ التسجيل: 06-20-2007
مجموع المشاركات: 20359
Quote: فقط بمناسبة هل نحن أقرب للاثيوبيين والأرتريين من العرب أوأقرب للعرب من الأثيوبيين والأرتريين؟
فرددت عليك انني لم ادع اصلا اننا أقرب للاثيوبيين والأرتريين من العرب أوأقرب للعرب من الأثيوبيين والأرتريين
ولو طلب مني رأيي بعد مداخلتك فنحن اقرب للاثيوبيين ..
ما اناقشه مع بشاشا هو حقيقة اننا اقرب للعرب من قرب الاثيوبيين للعرب بحكم الثقافة واللون والدين والمجتمع الخ ..
يعني كلامي هو اجابة لسؤال: ايهم اقرب للعرب .. السودانيين ام الاثيوبيين؟! بينما انت تفترض ان كلامي هو اجابة لسؤال مختلف وهو: هل نحن أقرب للاثيوبيين والأرتريين من العرب أوأقرب للعرب من الأثيوبيين والأرتريين؟ وانت تفترض بدليل كلمة بمناسبة !!
دي الفكرة يا كمال
ظللت ومازلت اجيب في معرض نقاشي مع بشاشا انطلاقا من بوست النور حمد على سؤال مختلف عن الذي افترضته انت .. والسؤال هو : ايهم افرب للعرب؟! السودانيين ام الاثيوبيين؟!
والفرق جوهري جدا ..
اما كلامك انت التالي لافتراضك غير الصحيح فعلى العين والرأس .. ويبدو انك تتحدث عن معلومات بتاعت دي ان ايه متأكد منها .. كلها على العين والرأس عدا جزئية هاجر واسماعيل وتلك القصص الخرافية يالطبع ..
غايتو كل صباح يصبح علينا بيتأكد لى انو فعلا خبيتنا و نكبتنا فى نخبتنا يعن هسى لو زولى قال لى انت شايقى ساكت ولا علاقة لك بكردفان ده قد يكون تقرير لى حقيقة بى جهلى بالكثير عن ارض كردفان كعادات وتقاليد مثلاَ شنو المشكلة هنا و اصّلاَ المشكلة وين هى بعدين وين السياق الوردت فيه الجملة دى ما يجينى واحد يقول لى وردت فى سياق الشكلة ايّاَ كان جنسة بلصّق ليهو ساكت بعدا كان كدى ماب تعرفو العنصرية وشايلين بقجتا ساكت ساكت دى مهمة ما تهملوا قرايتا بى تمعّن
11-24-2018, 11:44 PM
محمد حيدر المشرف
محمد حيدر المشرف
تاريخ التسجيل: 06-20-2007
مجموع المشاركات: 20359
Quote: فإسماعيل الذي قيل أنه جد العرب ليس عربيا - عرقيا وإنما " كلداني" عراقي - أعجمي - هاجر والده النبي إبراهيم مضطهدا من العراق للشام أرض الفينقيين والكنعايين -
ثم تعرض إسماعيل والدته هاجر "الحامية" المصريةو الأعجمية للإضطهاد من سارة وأولادها لأسباب عرقية!
ابو الكيم تحياتي،
اسمح لي اختلف معاك.
اعلاه، تخرصات واسقاطات استعلاء وعنصرية يهود اليوم، انطلاقا من معطيات واقع اخر مختلف، حديث جدا جدا، لاعلاقة له بعصر هاجر اطلاقا من قريب او بعيد!
اذن هاجر كانت سودانية وباعتراف عرب اليوم اللي بطلقو علي امهم لقب "عبدة" فقط لانها سوداء بي فهمم، لو ده حاصل فمامعني كلداني في وصف ابن سودانية؟
اذا لابد فاعلم الكلداني في الزمن داك، كان كوشي ، كما الكنعاني، السومري، الفينقي،....الخ في الزمن داااك!
اكرر كانو كوشيين تحديدا وليسو بساميين، كما مصريي اليوم، او كلداني اليوم او كنعاني اليوم ولاجديد هنا!
الكوشيين اين ماكانو، مركزم كان السودان الحالي تحديدا كقـــــاعدة!
الكلام بتاع انو هاجر كانت ضرة، اساؤ معاملتا، او عشان كده، مشت منطقة مكة الحالية، حردانة شايلا جناها، هذه ترهات يهود، يعكس في جانب منه ادبيات صراعم الاسري مع اولاد عمهم اسماعيل اي العرب الماثل امامنا الان!
ابراهيم ولاقومو في الزمن داااك ما يكون يسوي شئ زاتو، مقارنة بامثال وقوم هاجر الكانو في مقام الالهة في عيون الساميين ام غيرم، دعك من مجرد انبياء او رسل!
ابراهيم حينها ما كان بختلف عن امثال بريمة ادم اليوم في شئ، من حيث نظرتو لسادة عصره اي اهل هاجر، اللي زي غيرو تزوجا to fit in كما نفعل نحن اليوم، تقربا وذلفي!
11-25-2018, 04:01 AM
معاوية الزبير
معاوية الزبير
تاريخ التسجيل: 02-07-2003
مجموع المشاركات: 7893
شيء مؤسف والله فعلا تختلقون ساحات غوغائية لصراع الديَكة والبطولات الدونكيشوتية وأنتم تعلمون علم اليقين أين ساحة المعركة الحقيقية يا لبؤسكم وخيبة أمل الراجينكم ابقوا في هرائكم هنا فلم يعد المكان يصلح سوى للهراء أين المرأة السودانية لتحل محل هؤلاء الرجال الجوف HOLLOW MEN SHALLOW MEN
11-25-2018, 04:31 AM
adil amin
adil amin
تاريخ التسجيل: 08-01-2002
مجموع المشاركات: 36982
وعهر اكاديمي ان تقول المكون الاجتماعي في السودان ما قبائل ؟؟ الجغرافيا السودانية دي من 1 يناير 1956 ولحدي الليلة فيها قبائل عندها اسم وعندها مكان في السودان ويوجد لها انعاكس في المركز وتشكل 95% من المكون الاجتماعي السوداني والقران لم يسقط القبائل اطلاقا وفي ايات مكية تخاطب كل العالم وامريكا نفسها فيها قبائل من الهتود الحمر وامريكا الجنوبية لازالت قبائل تضحك على جهلك انت ولازلت مع حثالات المركز تريد الغاء القبائل عشان تسود انت في المركز ويا بشاشا انت كلب حر ذى بريمة لافي صينية ساكت عندك قبيلة اتلم عليها او اتلهي لان الفرز الطبيعي مستمر في السودان الان الانجليز لقوالقبائل وعالجوها بالادارة الاهلية والفدرالية ايضا البتخلي ابناء السودان الحقيقيين يحكمو انفسهم وليس حثالات االمشروع الامبرالي الصهيوني العالمي الممتد من بعد الحرب العالمية الثانية 1945 وحتي اليوم ومن يحكمون السودان اقليات لا تمثل السودان ومشاريع لا تشبه السودان والحركة الشعبية عملت الاحصاء على القبائل لهذا السبب عشان نفرز اول حاجة منو السوداني بالاصالة ومنو السوداني بالحوالة ذى الدريري محمد احمد وزير الخارجية الاخواني ده هل هو مسيري فعلا كما يدعي ؟؟ وكثيرين يدعون الان نفس لشيء طيب يا نور من اباد النوبة في السودان ؟؟في مشليات الدفاع الشعبي ؟؟ من هم مكونات المركز يا نور تاور انتي عارفة قبيلنك ومكانا في السودان ولمن المركز الرخيص فتن رياك ماشار مع فاليونو ماتيب لابادة النوير من اجل النفط وشركة لويندن السويدية هل كانا عرب وجلابة ام شخصين من قبيلة واحدة النوير ولمن المركز الساقط ده فتن حميدتي مع موسى هلال من اجل ذهب جبل عامر هل كانا زرقة وعرب ام شخصين من نفس القبيلة *** خلي اي واحد هنا يورينا قبيلتو شنو ومكانا وين في السودان اول حاجة .. او يبعد من السياسة والجيش والقضاء كما نصح الرسول ص وابن خلدون لاحقا https://up.top4top.net/
11-25-2018, 04:32 AM
كمال عباس
كمال عباس
تاريخ التسجيل: 03-06-2009
مجموع المشاركات: 17147
Quote: عدا جزئية هاجر واسماعيل وتلك القصص الخرافية يالطبع ..
عدا جزئية هاجر واسماعيل وتلك القصص الخرافية يالطبع .. وبعده كتب الأخ بشاشا...
Quote: علاه، تخرصات واسقاطات استعلاء وعنصرية يهود اليوم، انطلاقا من معطيات واقع اخر مختلف، حديث جدا جدا، لاعلاقة له بعصر هاجر اطلاقا من قريب او بعيد!
اذن هاجر كانت سودانية وباعتراف عرب اليوم اللي بطلقو علي امهم لقب "عبدة" فقط لانها سوداء بي فهمم، لو ده حاصل فمامعني كلداني في وصف ابن سودانية؟
اذا لابد فاعلم الكلداني في الزمن داك، كان كوشي ، كما الكنعاني، السومري، الفينقي،....الخ في الزمن داااك!
اكرر كانو كوشيين تحديدا وليسو بساميين، كما مصريي اليوم، او كلداني اليوم او كنعاني اليوم ولاجديد هنا! ..
* نسل عدنان ومن بينهم قريش - هم من نسل - إسماعيل - بن إبراهيم بحسب الدين لإسلامي وبحسب المصادر المعتمد لدي العرب ! * نقطتي هنا أن إنتساب العدناني والقرشي لإسماعيل - يسلبهم العروبة نظرا لأن إسماعيل بن إبراهيم - أعجمي من ناحية والده الكلداني ووالدته -" الحامية" - لذا تسميهم الرموز - الفكرية والفقهية بالعرب المستعربة ! أمام هولاء إن أرادوا العروبة الأصلية التخلي عن مزعم أنهم أبناء إبراهيم وإسماعيل وإن تمسكوا ببنوة الأنبياء فعليهم أن يتخلوا عن عروبة العرق ويكتفوا بالعروبة المستعربة أي الثقافية واللسانية! * وياعزيزي بشاشا - الكلداني في نظر العرب أعجمي مثله مثل الفينيقي والكوشي والكنعاني ! - المصريون القد ماء أهل هاجر بحسب إنثروبلوجيا "ونسابة" اليهوذ حامي - مثله مثل الكنعاني! ....* أساطير وعنصرية اليهودي القديم - في أصل إبراهيم والعرب وإبن الجارية - إسماعيلبن إبراهيم - تجد حضورا وسندا في التراث العربي والإسلامي ! ** ممكن جدا - أن تكون - قصة زواج إبراهيم بهاجر الحامية - ليس بالفهم الذي عج به الإرث العبراني - فالمصري والحامي - كان صاحب الحضارة والسطوة والكنعاني هي صاحب أرض الشاوإبراهيم ونسله نزحوا للشام ومصر نتيجة أضطهاد وبحثا عن الأفضل ! وهو مافعله أبناء يعقوب وأحفاده الذين هاجروا وأحتموا بملوكها ثم إستعبدوا وأضطهدوا لاحقا من قبل الشعب المصري !
11-25-2018, 04:21 AM
حاتم إبراهيم
حاتم إبراهيم
تاريخ التسجيل: 08-11-2014
مجموع المشاركات: 3382
السودانيين بالاصالة هي وعي وسلوك https://up.top4top.net/
السودانيين بالحوالة من عتفاء حملة كتشنر يحنون لجلادهم التركي والمصري ولذلك قلنا ما يحكمو السودان اطلاقا ويحكمو بالانقلابات والثورات االمزيفة النسوان ديل مالهم مال ضب المستراح رجب طيب اوردغان ومشكلتو مع قولن مش كان احسن علم مالزيا ومهايتر الاسطورة .زفعلا العرق دساس حتى فريدرك نيتشة عنده نظرية في علم الوراثة الروحي عن اصل الانسان المرتبط بالسلوك https://up.top4top.net/
11-25-2018, 04:45 AM
حاتم إبراهيم
حاتم إبراهيم
تاريخ التسجيل: 08-11-2014
مجموع المشاركات: 3382
ماعندو اي موضوع في المنبر ده كجنجويدي، مراحيلي، وقبلها عربي، غير البصق في وجه "الذنوج" اي "الفلاتة" والدفاع عن نظام القتلة، اللي اشعل محارق الابادة لل"فلاتة" اي امثال بريمة، باستخدام امثال بريمة ذات نفسو!
اسماعيل عبدالله لايمكن علنا يختلف مع "ود قبيلتو" بريمة، وهو يكيل للجلابة من منطلق وعي استلاب جلابي، جهوي، قبلي للنخاع!!
البقية عومو الموضوع او طفو، مرة واحدة!
بشاشا، يا أخ برطع .. كما يحلو لك .. اليومين ديل ما فاضي .. بكتب في كتاب عن "الأرواح الشريرة في تراث البقارة" .. هذا الكتاب ينقب ليس في اللاشعور البقاري وحده .. بل اللاشعور السوداني أجمع .. collective unconcious .. وربط ذلك بالأجتماع البقاري .. والسوداني عموماً .. ومسألة الخوف من الأخر المتخلف .. والزينوفوبيا .. والأهم محاولة demystifying لمسألة اللاشعور السوداني .. الكتاب فيهو قصص وحاوي عن البعاتي .. والسحاحير وود أم بعلو .. وعايز نصل من هم كل هؤلاء البعاعيت والعفاريت .. بالطبع ما نحن البقارة .. بل هم زول تاني .. ومن هو الزول التاني .. ومازلت أصارع صراع مهموم للقبض علي الجاني الحقيقي .. الكلام دا في جواه .. حكاية وصفك للأخر بزول ساكت .. أه شايقي بتاع "بقنية" ساكت .. أها نوباوي بتاع "كنجمورو" ساكت .. جلابي كرور ساكت .. ههاي .. لن يستوي أمرنا ما لم نبحثوا أبعد قشور الأمور .. بل نغوص في بطاننا للاواعي ..
المهم ..
بريمة
11-25-2018, 04:53 AM
Biraima M Adam
Biraima M Adam
تاريخ التسجيل: 07-05-2005
مجموع المشاركات: 27494
Quote: ما زال الشايقي عادل أمين يمارس في جهالته القديمة.
شايقي شنو؟ .. ما خد بالك من مداخلة الأخ حاتم ذات السطر الواحد .. التى يسأل فيها عن مورتانيا .. دا مضوع ذو شجون .. وحاتم دارش ليك الكوكلان كلكس .. درش العدو .. الكوكلان حقارته فيني أنا .. لأني لا أدافع عن نفسي .. لكن لن يستطع يقول بغم ما حاتم .. إلا يدرشو بنمرة أربعة ويخلي أجاجته واقفه ..
بريمة
11-25-2018, 04:49 AM
adil amin
adil amin
تاريخ التسجيل: 08-01-2002
مجموع المشاركات: 36982
Quote: يا عادل أمين ليه ما بتذكر الوافدين من موريتانيا في حصرك؟
نحن قدمنا نماذج وليس حصر وقانون الجنسية 1957 موجود ومخالية سيدنا عبدالرحمن موجودة ايضا فيها كل الناس مسجلة الجا من جوا السودان "الخرتوم" وجاء من بره السودان برضه وسؤال البوست للبراعم المزمنين هنا ما هي مكونات الاقاليم الستة في السودان ؟ الاجابة مكونات السودانيين في الاقاليم الستة "القبائل " وكل قبيلة عندها مكان واسم وما عايزة غلاط الغلاط هنا ما هي مكونات المركز في السودان ؟؟ من غيرقبائل الاقاليم ورونا ليها بدون لف دوران؟ وما تنسو مقولة عوض دكام "القدم بي القدم والامات خدم " والعرب الاصليين فرع من كوش وبومبة المصريين ما بتنفع معاناب بتاعة جامعة الدول لعربية والناصريين لان المصريين الاصليين هم الاقباط والنوبة والجو لاحقا العرب الصعايدة "الهاشميين المشردين " وعملو السيدةزينب والحسين والبدو لاحقا والباقي اكبر مستودع للرقيق في العالم العربي بعد السعودية ومصر المؤمنة غائبة لحدي الليلة وده راي السيد علي الميرغني فيهم ما عايزين تاني واحد يهرول لي مصر وجي يلهث لينا في الخرتوم كفاية مرض وبلادة ووضاعة https://up.top4top.net/
11-25-2018, 04:53 AM
adil amin
adil amin
تاريخ التسجيل: 08-01-2002
مجموع المشاركات: 36982
عاش ابو هاشم مع السلامة باشاشا المخستك وكل الحب والتقدير للبراعم المزمنين معانا في البورد 2001 قاعد في امريكا 30 سنة ما بقيت سنتور مالك لو كنت كوشي اصلي ذى اوباما شوف ليك تركين اكلو واتلهي يا الدنقلاوي حلاب التيس ضد العنصرية وتحلم بالسلام يا حليل وردي والجنوبيين والله
11-25-2018, 05:27 AM
Bashasha
Bashasha
تاريخ التسجيل: 10-08-2003
مجموع المشاركات: 25803
Quote: وعهر اكاديمي ان تقول المكون الاجتماعي في السودان ما قبائل ؟؟
ياعادل،
قبايل بتاعة مين، بالنسبة لي غير الجلابة؟
اي زول ما شمالي في السودان الحالي، حتة "فرخ"، في وعي امثال عادل او بشاشا، "اولاد البلد" حصريا ، نعم "اسياد البلد" نعم "اولاد العرب"، تقول لي قبايل؟
معقولة ياعادل؟
من الجانب الاخر، احنا تاريخيا بتكلم ما كان عندنا فرذ او وعي قبلي، كسودانيين!
التكوين القبلي سمة خاصة بثقافة المهد الشمالي، الاري، القوقاذي، الذي يشمل العرب، لانو مرتبط باسلوب الحياة البدوية الرعوية!
لهذا ماصدفة حتي في السودان بل هذا الفضاء نجد الرعواتية من امثال بريمة كبر او قريمان الاساس في مواقفم هنا، هو عهد الولاء القبلي، وليس الطرح، المواقف او المبادئ!
لسان حالم بقول، وما انا الا بقاري، ان غوي بقاري غويتو، وان رشد هذا البقاري، ارشد!
نعم نحن من ابتدع صيغة الدولة تاريخيا، والي هذا التاريخ العرب الاساس عندهم القبيلة وليس الدولة، كما حال الكويت الا كشكل ومظهر!
دولتنا تاريخيا لم تكن ابدا عرقية او عنصرية او دينية او جهوية!
بعدين شايفك حايم بي صور عملاء الخديوية الجونا مردوفين في سرج كتشنر، والي هذا التاريخ ال الميرغني عبارة عن slot machine هولة لاس فيغاس!
الميرغني سليل العملاء ابا عن جد ماعندو الشغلة غير بالفكة، شوف عين، شفتا بقلعو ممتلكات البسطاء كيف، بلوشي، اراضي شاسعة في شمبات، دعك من الاقاليم!
اما عبدالرحمن المهدي فارجوز بتاع انجليز، مستعلواتي، متنكر لي اصلو، ود مقبولة!!
بعدين هو شنو سوداني بالاصالة، واخر بالحوالة؟
ده كلام وين ياخي، حالتك عامل حركة شعبية كمان؟
كلام عيب، ولكن نمشي او نجي، تظل جلابي قح، رغم انف المساحيق!
11-25-2018, 05:11 AM
حاتم إبراهيم
حاتم إبراهيم
تاريخ التسجيل: 08-11-2014
مجموع المشاركات: 3382
Quote: ونجي للتخصيص في البوست والبوستات المشابهة تجد الأخ إسماعيل عبد الله وفي أغلب الأحيان - متخندقا مع العضو بريمة علما بأن بريمة هذا يقف مع الجنجويد والدعم السريع ومن يمارسون العنصرية والتعالي العرقي في غرب السودان ! * ويقف مع البشير ويؤيده بإعتباره حبيب وصديق البقارة - يسانده بإسم البقارة والبشير هو - صاحب مقولة الغرباوية ومثلث حمدي والمطارد دوليا بجرم مذابح دارفور وتمزيق نسيجها -هنا يغفل ويتجاهل بريمة عنصرية البشير وأنه رأس الرمح للخطاب العنصري وأنه التجلي الحي - لأسوأ مافي دولة المركز وخلاصة العنصرية المنسوبة للجلابة بكل تعميم ! * وبريمة هذا هو يعلن ويصرح بعنصرية ضد السود والأفارقة في مقابل تمجيد وتمييز للعروبة العرقية ! * فلماذا تتخندق مع بريمة في خطابه الإنتقائي والتعميمي ولايتخندق معك ضد عنصرية البشير وطغمته ؟ * لماذا دوما تبلع الطعم - وتستجيب لمحاولة تحييدك أو تجنيدك في الصراع التعميمي ضد الشمال وفي التكتيك الإنتقائي الذي يمالي الإنقاذ ويهاجم خصومها بدعوي ومسبة أنهم جلابة !
علي رسلك يا راجل . .. مسكين أنت لو بقيت علي الفتنة ... ما بجيب ليك تمن!
ول أبا سماعين بالله شوف المسكنة دي!
بريمة
11-25-2018, 05:16 AM
حاتم إبراهيم
حاتم إبراهيم
تاريخ التسجيل: 08-11-2014
مجموع المشاركات: 3382
Quote: التكوين القبلي سمة خاصة بثقافة المهد الشمالي، الاري، القوقاذي، الذي يشمل العرب، لانو مرتبط باسلوب الحياة البدوية الرعوية!
لهذا ماصدفة حتي في السودان بل هذا الفضاء نجد الرعواتية من امثال بريمة كبر او قريمان الاساس في مواقفم هنا، هو عهد الولاء القبلي، وليس الطرح، المواقف او المبادئ!
لسان حالم بقول، وما انا الا بقاري، ان غوي بقاري غويتو، وان رشد هذا البقاري، ارشد!
علي اليمين بشاشا .. فاشل فشل .. ذريع .. ما قدر يعمل أي أختراق ولو بمثقال ذرة في الجدار البقاري العنيد .. يا أخي نحن حائط من الحديد الصلب، سبيكة سيدنا الخدر .. عمل سبيكة من الحديد والنحاس وهى أصلب سبيكة معروفة علي وجه البسيطة .. وردم بيها الفجوة بين الجبلين .. تتكسر فيها كل سهام يأجوج وماجوج .. .. ديل نحن .. ولا فخر .
بريمة خلينا ليك العربي ألعب بيه ما تلخبت لينا الدين ياخ نبي الله الخدر لا عمل سبيكة لا ردم بين جبلين داك ذو القرنين شكلك بتلخ سورة الكهف دي ساكت يوم الجمعة😂
11-25-2018, 06:38 AM
Biraima M Adam
Biraima M Adam
تاريخ التسجيل: 07-05-2005
مجموع المشاركات: 27494
أحسنت .. يا منتصر، خطا مطبعي .. ذو القرنين نعم .. والله يا منتصر نحن البقارة نولد عرباً .. علي الفطرة .. وليس لدينا أي رطانة .. من يوم يلدوك أنت تنطق بلسان عربي مبين .. طبعاً علي اللهجة البقارية.
مخلي بالك حاتم زاري الكوكلان زرة حاج إبراهيم شرق القاش .. هههاي لا شماته ..
بريمة
11-25-2018, 06:58 AM
حاتم إبراهيم
حاتم إبراهيم
تاريخ التسجيل: 08-11-2014
مجموع المشاركات: 3382
Quote: بريمة خلينا ليك العربي ألعب بيه ما تلخبت لينا الدين ياخ نبي الله الخدر لا عمل سبيكة لا ردم بين جبلين داك ذو القرنين شكلك بتلخ سورة الكهف دي ساكت يوم الجمعة😂
هههههههههههههههههه،
يا ربي دا من شِنو ؟...
11-25-2018, 07:15 AM
حاتم إبراهيم
حاتم إبراهيم
تاريخ التسجيل: 08-11-2014
مجموع المشاركات: 3382
نحن من بلد النسب فيها إلى أية جهة يعتبر نبز، لو كنت عربي يقول ليك (عريبي) ساكت، ولو أفريقي يقول ليك (عب) ساكت، ولو كان لونك فاتح يقولوا ليك (حلبي) ساكت، وبكل صراحة وإلى الآن ما تزال فينا عنصرية (كشعب سوداني) عليم الله تطلع ، أذكر عندي عمي كان عنده مطعم في امبدة الجميعاب ومرة مرة كنت امشي اقعد معاه في الكاشير، في يوم جا واحد من (الغرب) سايق عربية والعربية كان فيها (بت بحر) ظاهر انها زوجته، طلب من عمي عشاء، عمي رفع عينه لقى المرة راكبة العربية يرفض يديهو الطلب.. وعشان ما في زول يسالني ما بدر مني اي رد فعل غير اني ما رضيت فعل عمي (سرا)، لكن ما انتقدته لانه كان ممكن يلخبطها معاي.. دي البيئة ال قمنا فيها، يبقى في عنصرية وإلى الآن في ناس شايفة انو الفلاتة ما سودانيين، في حين انه الفلاتة سودانيين زيهم زي اي قبيلة اخرى نزحت للسودان.
11-25-2018, 07:40 AM
حاتم إبراهيم
حاتم إبراهيم
تاريخ التسجيل: 08-11-2014
مجموع المشاركات: 3382
Quote: ما قدمت نماذج يا عادل لمين بل حصر وبالتواريخ!
تاني أكرر ليك: ليه بطول تاريخك في المنبر دا بتكرر الكلام عن الفلاتة (حصرا) ولا بتحاول ولو تلميحا ذكر موريتانيا ضمن (نماذج) الوافدين؟
هسع ما فات شيء، هل تستثني موريتانيا من تصنيفك لمناطق الوافدين للسودان؟ وإذا الإجابة لا فعليك تضمها في (نموذجك) أسوة وتكتب هنا بلا مواربة الحقيقة دي.
____ عشان بعدهانمشي معاك للعنصرية.
يا حاتم صيام تعرف حاجة اسمها الصمم الايدولجي الذى يقود الي تعفن الدماغ ركز معانا شوية في قانون الجنسية السوداني 1957 بالله الجنسية الخضراء للسوداني بي بالميلاد الجنسية البنية للسوداني بالتجنس (الوافد) ذى امريكا والفرق بين ترامب المسطول الوافد الساقط ووتتطالو على والهنود الحمر اهل البلاد الاصليين الراقين ودي حركات بريمة في جبال النوبة يا بريمة الوافد انت جيت لقيت النوبة ولي النوبة جو لقوك يا جنوجيدي https://up.top4top.net/
وانا ما ساكن في الثورة بالشنقيطي يا حاتم عشان اعرف المورتانيين كمان السودان ده قبائل كان ترزع او ترعى وعندها اسماء واماكن محددة في الاقاليم الستة وفي ناس منها في المركز وبعلطة وبلعطة بشاشا عقاب الشيوعيين ووعيه المشوه ده ما يلزمني نمشي قسم الاجتماع جامعة الخرطوم ويورنا اسماء القبائل السودانية واماكنا كحقيقة علمية عشان نعرف الوافد من اصحاب البلاد لمن الجنوبيين جو الخرطوم صنفوهم كعوك المركز (عبيد) وهم ليس كذلك الجنوبيين قبائل وهسة لو عملنا استمارة في تعداد سكاني شامل للسودان وقلنا كل زول يكتب اسم قبيلتو 95 % من السودانيين يحيملو الاستمارة دي صاااااح الجنوبيين قبائل دينكا ونوير وشلك وانواك وباريا وكل الاقاليم دي الناس قاعدين فيها قبائل وابضا في جاليات محترمة من الاقباط والهنود والحبش والفلاتة واليمنين والشوام والاتراك وهلمجرا نحن عايزين نحدد اول حاجة النركيبة السكانية الاجتماعيية للسودان قبائل ولى لا بشاشا ما عايزين مسخرة شيوعيين بالله في اقليات معقدة في المركز عايزين يكونو عرب بالكريماات والتقعر باللغة العربية والقعاد تحت جذم المصريين وتبني مشاريعا الفالصو النصارية والشيوعية والاخوان المسلمين على حساب القبائل في السودان في الاقليم الستة
11-25-2018, 09:50 AM
adil amin
adil amin
تاريخ التسجيل: 08-01-2002
مجموع المشاركات: 36982
Quote: اما عادل امين، لتبرير وتمرير طريقة تفكيرو هو او تنميطو كاي جلابي ل"الفلاتة" قال ما "عنصرية" اطلاقا، وهو يعلم كجلابي، كيف كروباوي "فلاتي" كود يطلق علي غير "اولاد البلد"، "اولاد العرب"، نعم غير الشماليين بالذات "الغرابة" من طرف!
مضحك كلام عادل عن القبايل!
قبايل بتاعة مين، ياهذا، لغير الشماليين؟
فصك يا باشاشا عاش ابوهاشم الختمية هويتي الدينية وعندي حزب يعبر عنها اتلوث فعلا بعد اندمج مع الوطني الاتحادي 1967 داير انظفه من جديد ويرجع حزب "الشعب الديمقراطي " وراي السيد علي في المصريين ما وقع واطا وانا مع الانجليز من كتنشر لحدي ارون مايكل السفير الاخير في السودان ودرسنا في الدامر.. ومصر والعرب ديل عودنا فيهم عود مرة يا اب فص فهمت ولي لا ما تقرفني بوعيك القديم ده بتاع ناس هبي هبي يا اكتوبر 1964 وساقطين المركز وخدم الصاغ صلاح سالم وماخور الضباط والاحرار وقترح نقل العاصمة السودانية الي كوستي هناك ما في زول معفد ا و مزيف الفلاتي فلاتي والجعي جعلي و هلمجرا
11-25-2018, 09:42 AM
حاتم إبراهيم
حاتم إبراهيم
تاريخ التسجيل: 08-11-2014
مجموع المشاركات: 3382
Quote: لقادمين من موريتانيا عبر طريق الحج والاستقروا في السودان ليه يا عادل لمين ما بتذكرهم ضمن المجموعات الوافدة؟
كل الوافدين بتاعين الجنسية البنية مذكورين في اقليات االمركز ومشاريع السودان الزراعية وليس الفلاتة فقط يا مواطن المهم انت تعرف الفلاتة قبيلة وافدة من خارج الحدود وليس من قبائل السودان ورينا منطقة قبيلة الفلاتة وين في السودان ؟ وانت اذكر اي قبيلة في السودان اوريك مكانا الجات منو في السودان وانت دنان ساكت ومعقد وما قادر تحدد هويتك من الاساس هل انت سوداني ام طاريء على السودان طيب رايك في عتقاء حملة كتشنر 1902شنو كفئة اجتماعية في المركز وهم من احفاد الاستعباد التركي المصري قبل المهدية ؟؟اليس شريحة اجتماعية في السودان والان ضريتهم الطراوة بتاعة الخرطوم وقعدو يطالو على الجنوبيين والنوبة والفور لمن يجو االخرطوم يقولو عيلهم عبيد ليه ؟؟ تشريح المركز اجتماعيا بالوثائق يحل ازكة امثالك في البورد من عقاب الشيوعيين والكيزان والناصريين والبعثيين والسلفيين المابين حاجات السودان جملة و تفصيل وكل واحد فيهم لهاثو عينة
11-25-2018, 09:59 AM
حاتم إبراهيم
حاتم إبراهيم
تاريخ التسجيل: 08-11-2014
مجموع المشاركات: 3382
يا عادل امين إنت بتصر إنه الناس تعتمد على ألوان الجنسية 1957 برضه كان في حركة للمجموعات السكانية قبل كدا.. الإنت إعتبرته اصيل قبل تاريخك برضه نزح من مكان ما للسودان.. معيارك دا منفسح يا عادل الشعوب تتحرك.. الإنتماء لا يحدد بأن مجموعة سكانية سبقت أخري وقعدت واتحكرت وكأنهم مرقوا من بطن الواطة.. الموضوع لايقاس بهذه الطريقة
11-25-2018, 10:24 AM
adil amin
adil amin
تاريخ التسجيل: 08-01-2002
مجموع المشاركات: 36982
Quote: يا عادل امين إنت بتصر إنه الناس تعتمد على ألوان الجنسية 1957 برضه كان في حركة للمجموعات السكانية قبل كدا.. الإنت إعتبرته اصيل قبل تاريخك برضه نزح من مكان ما للسودان.. معيارك دا منفسح يا عادل الشعوب تتحرك.. الإنتماء لا يحدد بأن مجموعة سكانية سبقت أخري وقعدت واتحكرت وكأنهم مرقوا من بطن الواطة.. الموضوع لايقاس بهذه الطريقة
في ظل نظام ساقط بتاع اخوان مسلمين وحثالات المركز لازم نرجع لقانون الجنسية بتاع 1957 ولحدي 1989 لنحدد من هم السودانيين لاننا هسة في 2018 يعد30 سنة من الانقاذ المشبوه والرقم اللاوطني الان يعمل النظام على طمس الهوية السودانية وتجنيس اليسوى والما يسواش ودي تؤذى السودان حضاريا وفكريا واخلاقيا وهسة 500000 في المهاجر و3000000 نزوح خارج الرقم الوطني وسياسيا النظام المتهالك والمركزي ؟ وكمان عايز يعمل انتخابات قال لسودانيين الان حصريا اي واحد عنده جمسية خضرا او بنية ما تفرق كلهم سودانيين من 1956-1989 جواز سفر ولو منتهي صدر قبل 30 يونيو 1989 شهادة ميلاد اصلية في الخارج او معسكرات النزوح والمعارضة المقبوحة دي شغالة بالفارغة ساكت ما يانتخابات ما لم يتم تعريف من هو السوداني ...
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة