اول مرة اسمع بكأس العالم كانت سنة ١٩٧٨ .. صغير جدا وما فاهم حاجة كل البتذكرو انو كل الناس كانت بتتكلم عن زول لعاب اسمو كمبس .. عرفت بعدها بزمن مين كمبس اجمل نسخة في نظري كانت نسخة ١٩٩٤ ، امريكا كانت رائعة بحق رغم السهر والويل الورتنا ليهو
06-13-2018, 06:39 PM
سفيان بشير نابرى
سفيان بشير نابرى
تاريخ التسجيل: 09-01-2004
مجموع المشاركات: 9574
سلامات يا عبد الله و كل عام وانت بخير... اها نوريك دوري التمنية! ؟ ألمانيا - اسبانيا - انكلترا - البرازيل - الأرجنتين - فرنسا - المكسيك - بلجيكا. بلجيكا هي الحصان الأسود هذا العام سوف تصل مراحل بعيدة. الكأس ألماني كالعادة. جهز القروش.
اهلين سفيان ، وانت طيب ياخي ترشيحك مضروب ضرب غرائب الابل هههههههه اسبانيا بعد المشكلة بتاعة لوبيتيجي دي حكايتا اتلخبطت ، رغم انو كمية من ذوي الخبرة في منتخبا .. المكسيك وانجلترا ، لا ارشحها ، لكن بلجيكا عندها منتخب قوي جدا الارجنتين ممكن تاخد الكاس وممكن تطلع من دوري الستاشر ، منتخب يعتمد على لاعب واحد
06-13-2018, 07:10 PM
سفيان بشير نابرى
سفيان بشير نابرى
تاريخ التسجيل: 09-01-2004
مجموع المشاركات: 9574
Quote: نهائى يا ايطاليا و النمسا يا مصر و السعودية انتهى
نهائي إيطاليا و النمسا دا يا جلالدونا الا تشوفو في الحلم لأنهم زي ما انت عارف مافشين في الكأس دا. أما مصر و السعودية غايتو مافي شي بعيد على الله ههههههههه بس يلعبو محمد صلاح
06-13-2018, 07:05 PM
سفيان بشير نابرى
سفيان بشير نابرى
تاريخ التسجيل: 09-01-2004
مجموع المشاركات: 9574
المانيا والبرازيل للفاينال مالم يتقاطعا قبل ذلك ..
.. بالنسبة ل ميسي فكاس العالم واردة ولا يمكن اغفال حقيقة ان ميسي بامكانه الفوز بها على غرار مارادونا وهو يستحق بطولة كبيرة ككاس العالم بعد غياب البطولات الكبيرة عنو بتسيد الريال لبطولة الاندية الاوروبية والعالم
06-13-2018, 07:37 PM
Abdullah Idrees
Abdullah Idrees
تاريخ التسجيل: 12-05-2010
مجموع المشاركات: 3692
Quote: قامت محطة "توك سبورت" الإذاعية البريطانية بإجراء اختبار على حاسوب تم تلقيمه بمعلومات حول المنتخبات المتأهلة لكأس العالم بالإضافة للمجموعات. . قامت الإذاعة البريطانية بتحميل الكمبيوتر بالعديد من المعلومات المتعلقة بالمجموعات والمنتخبات بالإضافة لمعلومات حولها. ليتوقع الكمبيوتر بأن يكون المنتخب المصري مفاجأة البطولة بتصدره لمجموعته على حساب الأوروغواي، قبل أن يتغلب منتخب الفراعنة على منتخب البرتغال في دور الـ16 بهدفين لهدف. ولتنتهي مسيرة المنتخب المصري في دور الثمانية بخسارة من المنتخب الفرنسي بثلاثة أهداف لهدف. كما توقع الكمبيوتر بأن يتوج المنتخب البرازيلي ببطولته السادسة بعد تغلبه على المنتخب الإسباني في النهائي بهدفين لهدف.
معقول مصر في دوري ال8؟
06-13-2018, 09:32 PM
Abdullah Idrees
Abdullah Idrees
تاريخ التسجيل: 12-05-2010
مجموع المشاركات: 3692
من ينسى روجر ميلا صاحب اجمل قصة في نهائيات كاس العالم في نسخة 1990 ؟
Quote: The oldest scorer in FIFA World Cup™ history, Roger Milla was 38 when he illuminated Italy 1990 with his goals and dancing celebrations, inspiring Cameroon to break new ground for an African nation by reaching the last eight.
احرز خمسة اهداف حصل على ضربة جزاء (لم يسددها) وصنع هدفا رائعا افضل لاعب في نسخة 90 لو بحساب عدد الدقايق رشيق ، حريف ، ذكي ، قوي بدنيا رقم انه ليس ضخما
06-13-2018, 09:52 PM
سفيان بشير نابرى
سفيان بشير نابرى
تاريخ التسجيل: 09-01-2004
مجموع المشاركات: 9574
يا عبد الله إدريس ما تسمع كلام الكمبيوتر دا كلام فارغ ههههههه.
بداياتي مع كأس العالم على ما اذكر كانت في كأس 1982 كان كأس عجيب و البرازيل تيمه يطقطق لكن إيطاليا حسمته باولو روسي... و ألمانيا انطقت 2 إلى 1 من المغرب و كانت بطولة فيها نجوم كتيرة اذكر منهم ليتابارسكي من ألمانيا و شوماخر و فولر أندرياس بريمة و رومنيقا و البرازيل كل التيم كان نجوم و ايطاليا كذلك عدى باولو روسي الذي ظهر فجأة... تقريباً كل المنتخبات كانت تتلتل. كأس العالم 90 كان أول مرة أسمع فيها كلمة (جكس) و كنت عارف انها للبنات السموات المهم قاعد احضر في كورة طرفه البرازيل و معاي ناس ابوي و عدد من اعمامنا الجيران و شباب ندادتي كده المهم قلت اعلق بدون ما الحجاج ديل ينقشو حاجة قمته قلته البرازيل عندها جكس صاح ابوي قال لي :- عيبه انو بشتغل فقط من المدرجات.... فإذا بي انبهت.
06-13-2018, 10:05 PM
Abdullah Idrees
Abdullah Idrees
تاريخ التسجيل: 12-05-2010
مجموع المشاركات: 3692
Quote: المانيا والبرازيل للفاينال مالم يتقاطعا قبل ذلك .. .. بالنسبة ل ميسي فكاس العالم واردة ولا يمكن اغفال حقيقة ان ميسي بامكانه الفوز بها على غرار مارادونا وهو يستحق بطولة كبيرة ككاس العالم بعد غياب البطولات الكبيرة عنو بتسيد الريال لبطولة الاندية الاوروبية والعالم
المشرف يا حبيب مرشحين بشدة المانيا والبرازيل لكنهم ليسو الاقوى ، بلجيكا في لحظة تجلي ممكن تشرشحهم الاتنين ، اسبانيا لو تجاوزت موضوع المدرب الشالوهو قبل يوم ده برضو مرشحة حتة عبقرية من ميسي ممكن تطير اي فريق ولو انو فريقو ما بشد ليهو ضهر
06-13-2018, 10:08 PM
Abdullah Idrees
Abdullah Idrees
تاريخ التسجيل: 12-05-2010
مجموع المشاركات: 3692
Quote: يا عبد الله إدريس ما تسمع كلام الكمبيوتر دا كلام فارغ ههههههه. بداياتي مع كأس العالم على ما اذكر كانت في كأس 1982 كان كأس عجيب و البرازيل تيمه يطقطق لكن إيطاليا حسمته باولو روسي... و ألمانيا انطقت 2 إلى 1 من المغرب و كانت بطولة فيها نجوم كتيرة اذكر منهم ليتابارسكي من ألمانيا و شوماخر و فولر أندرياس بريمة و رومنيقا و البرازيل كل التيم كان نجوم و
عارف يا سفيان ، 82 و 86 ديل انا سمعت بيهم سمع ساي ، غايتو طقشو اضاني 78 كنا في عطبرة ، حصلت لينا "ردة حضارية كده " والاسرة رجعت الحلة (ودحامد) حيث لا كهربا ولا موية الصادق الككوية حتى ارسال تلفزيوني ذاتو ما كان بصلنا ، تسمع عالم الرياضة والباقي تتمو خيال ، واحد صاحبي سافر الخرتوم وجا حكا لي مباراة الارجنتين وانجلترا بتاعة 86 ديك بطريقة حكي الافلام الهندية زمان علي اليمين تقول حضرتها لايف خليني اجيك بترشيحاتي بكرة ، عايزة ليها قعدة دي اما فيما يختص بترشيحاتك "الزمبعورية " هذه ، فوالله ما تقطعك قوزن اخدر ..
احمد خليل - مساك عافية باستثناء الارجنتين ، الاربعة الباقيين هم الاقوى انا بشجع الارجنتين من بدري وبتمنى تفوز لاكين الفريق الحالي ده معظمو مواسير ساي ، الوسط بتاعهم صفر كبير والدفاع محدود القدرات والحارس راكوبة
06-13-2018, 11:55 PM
Abdullah Idrees
Abdullah Idrees
تاريخ التسجيل: 12-05-2010
مجموع المشاركات: 3692
Quote: كشف علماء نمساويون السبب الذي يدعو للمراهنة لصالح البرازيل أو ألمانيا في كأس العالم 2018. ويعد الفريقان أفضل المرشحين للفوز بالبطولة التي ستُقام في روسيا، وفقا لملايين الحسابات التي تعتمد على مئات المراهنات. وقال الخبراء إنه في الوقت الذي تحقق فيه البرازيل نسبة 16.6% من احتمال الفوز باللقب، فإن ألمانيا (حامل اللقب) تأتي في المرتبة الثانية بنسبة 15.8%. ونجح فريق البحث في توقع العديد من النتائج المباريات في الماضي، ومن بينها توقع فوز إسبانيا ببطولة كأس العالم 2010، و3 من أصل 4 في الدور نصف النهائي في كأس العالم 2014 بالبرازيل. وجمع الباحثون في جامعة Innsbruck بالنمسا احتمالات 26 شركة مراهنات عبر الإنترنت، وقارنوها مع مجموعة معقدة من النماذج الإحصائية. وباستخدام هذه الحسابات لمحاكاة جميع الألعاب والنتائج الممكنة، ظهرت البرازيل وألمانيا في القمة، ليتفوق المنتخبان على الفرق الأخرى جميعها. وقال البروفيسور أكيم زيليس، المشارك في الدراسة إن "المباراة النهائية الأكثر احتمالا بنسبة 5.5% ستكون أيضا بين هذين الفريقين، ما يمنح البرازيل فرصة للتعويض عن نصف النهائي الدرامي في عام 2014". وعلى الرغم من احتمال أن تكون المباراة النهائية في العاصمة الروسية موسكو بين ألمانيا والبرازيل، إلا أن النماذج لم تكن قادرة على التنبؤ بالفريق الذي سينال كأس العالم للعام 2018. ويصل احتمال فوز البرازيل بالنهائي ضد ألمانيا إلى نسبة 50.6%، وهو ما يجعل الفرصة متاحة أمام حامل اللقب بنسبة 49.4% في المباراة النهائية.وسمح هذا النموذج بمحاكاة الاحتمالات في المباراة النهائية، وتبين أن فريقين آخرين يتمتعان بفرصة جيدة للفوز: إسبانيا (12.5%) وفرنسا (12.1%). ومن المرجح أن تلعب البرازيل في الدور نصف النهائي مقابل فرنسا بنسبة 9.4%، وألمانيا مقابل إسبانيا بنسبة 9.2%. واعتبر كل من البرازيل وألمانيا الفائزين الأكثر احتمالا بهذه المباريات. وتم اختيار إنجلترا في المركز السابع للفوز المحتمل بنسبة 4.9%. وبلغت نسبة احتمال وصول منتخب روسيا إلى دور الثمانية 28.9%، إلا أن فرص فوزه في البطولة كانت 2.1% فقط. واستخدم الباحثون هذه الاحتمالات كقاعدة بعد تعديلها حسب احتمالات شركات السجلات، التي تم اقتباسها من هوامش الربح. وأوضح البروفيسور زيليس، أن النموذج يتميز بقدرته على تقدير الاحتمالات الإجمالية للفوز بشكل مباشر لكل فريق، بينما يشير أيضا إلى احتمال "البقاء" على مدار البطولة. ومع ذلك يقول: "نحن بعيدون عن تحديد توقعات معينة 100%".يذكر أنه خلال يورو 2016، توقع فريق البحث أن الدولة المضيفة، فرنسا، ستهزم ألمانيا في الدور نصف النهائي، ثم تستمر للفوز بالبطولة. وسجل المهاجم الفرنسي، أندريه بيير غيغناس، هدفا في الوقت المحتسب بدل الضائع، والذي كان من الممكن أن يفوز به في المباراة، ولكن في النهاية تمكن منتخب البرتغال من تحقيق الفوز في الوقت الإضافي.
دراسة نمساوية تتنبأ بفوز البرازيل بالبطولة ووصول المانيا للنهائي
06-14-2018, 00:51 AM
سفيان بشير نابرى
سفيان بشير نابرى
تاريخ التسجيل: 09-01-2004
مجموع المشاركات: 9574
Quote: عارف يا سفيان ، 82 و 86 ديل انا سمعت بيهم سمع ساي ، غايتو طقشو اضاني 78 كنا في عطبرة ، حصلت لينا "ردة حضارية كده " والاسرة رجعت الحلة (ودحامد) حيث لا كهربا ولا موية الصادق الككوية حتى ارسال تلفزيوني ذاتو ما كان بصلنا ، تسمع عالم الرياضة والباقي تتمو خيال ، واحد صاحبي سافر الخرتوم وجا حكا لي مباراة الارجنتين وانجلترا بتاعة 86 ديك بطريقة حكي الافلام الهندية زمان علي اليمين تقول حضرتها لايف خليني اجيك بترشيحاتي بكرة ، عايزة ليها قعدة دي اما فيما يختص بترشيحاتك "الزمبعورية " هذه ، فوالله ما تقطعك قوزن اخدر ..
يا عبد الله إدريس و الله أقلاها انا كنت حاسب ليك تكون دفعة مؤلانا (المعز طه) بس طلعته صغيروني دفعة (هشام طه) ههههههههههه ههههههه
كدي تعال بي ترشيحاتك
06-13-2018, 11:50 PM
محمد حيدر المشرف
محمد حيدر المشرف
تاريخ التسجيل: 06-20-2007
مجموع المشاركات: 20359
تعرف يا عبدالله ! ذكريات الواحد مع كأس العالم غير مرتبطة فقط بالمستويات الفنية والأجواء الخ .. بل هي مرتبطة, كذلك, بنوستالجياتك الخاصة ..
بالو روسي 82 الذي أبكانا قبل صياح الديك ثلاثا كان عمري 10 سنوات .. برازيليون حتى النخاع وبعضنا يشجع الارجنتين .. كنا كلنا في الحلة بنتلمى ونحضر كاس العالم مع بعض (ايام اتحاد الاذاعات العربية الم تخني الذاكرة) ..
ومع برازيليتني .. كان مغرما بلاعب يعد مغمورا نوعا ما .. آرديليس صاحب القميص رقم 1 .. وكنت اقلده لفترة من الزمان .. حتى الرقم ..
اذكر ان صديقا لي اصر على ان يكون رقمه عند طبع فنايل التيم هو الرقم 1 ونص :)
المهم ذكريات كاس العالم في الواقع هي ذكرياتي الخاصة بازمنة داخلية جواك .. او شيء قريب من هذا القبيل على اية حال نتابع بشغف و (نطبق) في الميدان مباشرة ..
06-14-2018, 00:13 AM
محمد على طه الملك
محمد على طه الملك
تاريخ التسجيل: 03-14-2007
مجموع المشاركات: 10624
سلامات عبدالله وزواره الكرام .. كل عام وأنتم بخير .. طبعا فريق بلدنا ركب التونسية من عصرا بدري هههه .. أظرف حاجة لما جابو أحد أشهر المدربين (غوس هيدينك ).. الزول دا قاد منتخب كوريا الجنوبية من كرة الشراب حتى الدور قبل النهائي في بطولة كأس العالم عام 2002 .. جاء وقف عاين ليهم ورجع قال ليهم دا ما الفريق البضيع معاه سمعتي .. أها من ديك الجماعة قالوا ستر الميت دفنه ودفنو من سكات .. هسه بقيت محتار أصوت لياتو من الجيران ألمانيا ولّ بلجيكا .. غايتو أنا قلبي مع بلجيكا وسيفي مع المانيا.. لكين كان التصويت سري بدى البرازيل والكاين يكون.
06-14-2018, 00:47 AM
Abdullah Idrees
Abdullah Idrees
تاريخ التسجيل: 12-05-2010
مجموع المشاركات: 3692
Quote: ذكريات الواحد مع كأس العالم غير مرتبطة فقط بالمستويات الفنية والأجواء الخ .. بل هي مرتبطة, كذلك, بنوستالجياتك الخاصة .. ذكريات الواحد مع كأس العالم غير مرتبطة فقط بالمستويات الفنية والأجواء الخ .. بل هي مرتبطة, كذلك, بنوستالجياتك الخاصة .. الو روسي 82 الذي أبكانا قبل صياح الديك ثلاثا
بالتأكيد اجمل حاجة زمان هي اللمة بتاعة التشجيع ، التلفزيونات قليلة (في الاقاليم طبعا )، قبل عصر مقطوع الطاري بلاتر طبعا ، ايام اتحاد اذاعات الدول العربية والملح كنت بشجع ارجنتين مارادونا وهولندا ايام جوليت و فان باستن وكومان يا سلااااااام ياخ ، لينكر وبول غاسكوين في انجلترا ، بصراحة فترة التمانينات والتسعينات كان فيها نجوم كمية مش زي اسي ميسي - رونالدو وبالعكس باولوروسي ده يا مشرف فكوهو ليكم من السجن مخصوص ، كان ما عمل كده كان رجعوهو السجن تاني
06-14-2018, 01:33 AM
Abdullah Idrees
Abdullah Idrees
تاريخ التسجيل: 12-05-2010
مجموع المشاركات: 3692
Quote: سلامات عبدالله وزواره الكرام .. كل عام وأنتم بخير .. طبعا فريق بلدنا ركب التونسية من عصرا بدري هههه .. أظرف حاجة لما جابو أحد أشهر المدربين (غوس هيدينك ).. الزول دا قاد منتخب كوريا الجنوبية من كرة الشراب حتى الدور قبل النهائي في بطولة كأس العالم عام 2002 .. جاء وقف عاين ليهم ورجع قال ليهم دا ما الفريق البضيع معاه سمعتي .. أها من ديك الجماعة قالوا ستر الميت دفنه ودفنو من سكات ..هسه بقيت محتار أصوت لياتو من الجيران ألمانيا ولّ بلجيكا ..غايتو أنا قلبي مع بلجيكا وسيفي مع المانيا..لكين كان التصويت سري بدى البرازيل والكاين يكون.
مولانا الملك كل سنة وانت طيب مرة كده بداية الالفية بنشاهد في كورة كده طرفا الهلال ، قام خالي سألنا : مدرب الهلال الاجنبي ده راتبو كم ؟ واحد رد ليهو الفين دولار او مبلغ زي ده ، خالنا قال ليهو علي الطلاق ابو الفين دولار ده لا مدرب ولا الله قال ، ده زول محمول ساي تقول لي غوس هيدنك ؟ دي نوعية المدربين بتاعيننا ، ناس محمولين ساي ، او كما قال .. لاكين بيني وبينك كده شجع بلجيكا ، ممتعين والله ، والجار اولى بالمعروف
06-14-2018, 03:05 AM
محمد صديق عبد الله
محمد صديق عبد الله
تاريخ التسجيل: 09-05-2017
مجموع المشاركات: 1530
سلام عبد الله إدريس وضيوفك، وكل كأس عالم وأنتم بخير.
زيك بتذكر كاس العالم 1978 طشاش طشاش لكن كمبس هو من أتذكر من ذلك المونديال.
أما كأس العالم 1982، فبتذكره تمامًا. كان في رمضان وكنت وما زلت بشجع ألمانيا اللي كانت وقتها (ألمانيا الغربية)، ربما لأننا جيل تأثر بعرض مباريات الدوري الألماني (مسجلة) في ذلك الوقت في مباراة الأسبوع في عالم الرياضة مع الأستاذين مأمون الطاهر وعلي الريح. وتصحيحًا لمعلومة الأخ سفيان، الجزائر هي من فازت على ألمانيا في ذلك المونديال ورغم ذلك وصلت ألمانيا للنهائي مع إيطاليا وتجرعنا هزيمة نكراء بثلاثية مقابل هدف وحيد لألمانيا أحرزه بول برايتنر. وبتذكر في الكأس داك طردوا مارادونا، وبتذكر دخول رمنيغه وتعديله لهزيمة ألمانيا لنصر كبير في مباراة مشهورة لعلها من أمتع مباريات كاس العالم.
أي كأس عالم بعد 82 بتذكره تمامًا، لكن مونديال 1990 حضرته من المدرجات عديل وكان ممتعًا جدًا، وكنت مواظبًا على حضور تجمعات مشجعي البرازيل وحفلاتهم الموسيقية في ساحات مدينة تورينو. بس ما تقول الزول ده كبير. أنا ممكن أصغر من ود المشرف بشوية وأظنك يا عبد الله إدريس قريب من العمر ده. الصورة الجاية التقطتها بكاميرتي من داخل إستاد ألبي بمدينة تورينو في مباراة من مباريات البرازيل في ذلك المونديال.
تحياتي.
06-14-2018, 04:08 AM
سفيان بشير نابرى
سفيان بشير نابرى
تاريخ التسجيل: 09-01-2004
مجموع المشاركات: 9574
شكراً يا محمد صديق على التصحيح فعلاً هم الجزائر تحديداً رباح مادجير و الأخضر بلومي هم الاحرزو الأهداف.... عارف الجاطني معاي واحد صاحبي مغربي وانا بكتب هو جايط و ينبذ في الدول العربية عشان وقفت ضد ملف المغرب لاستضافة كأس العالم هههههههه
06-14-2018, 10:42 AM
حمد عبد الغفار عمر
حمد عبد الغفار عمر
تاريخ التسجيل: 06-06-2008
مجموع المشاركات: 7662
سلام عبدالله وضيوفك اتوقع المنتخب التونسي يمشي كويس في المنافسة وقد يحقق مفاجأة
الادلة الواضحة بتقول الكاس بين البرازيل والارجنتين والمانيا يا مشرف ارديليس دا اكتر لاعب كرة انيق ورشيق في الملعب على مر التاريخ وما تنسى هدف فالكاو في ايطاليا من خارج الخط
06-14-2018, 12:30 PM
حمد عبد الغفار عمر
حمد عبد الغفار عمر
تاريخ التسجيل: 06-06-2008
مجموع المشاركات: 7662
Quote: أي كأس عالم بعد 82 بتذكره تمامًا، لكن مونديال 1990 حضرته من المدرجات عديل وكان ممتعًا جدًا، وكنت مواظبًا على حضور تجمعات مشجعي البرازيل وحفلاتهم الموسيقية في ساحات مدينة تورينو. بس ما تقول الزول ده كبير. أنا ممكن أصغر من ود المشرف بشوية وأظنك يا عبد الله إدريس قريب من العمر ده. الصورة الجاية التقطتها بكاميرتي من داخل إستاد ألبي بمدينة تورينو في مباراة من مباريات
مرحبا دكتور ، وانت ووليداتك طيبين بالله يا محمد صديق حضرت نسخة 90 في المدرجات ؟ وشفت مارادونا وباجيو وفان باستن شوف عين عديل كده ؟ you really don't belong here ههههههه والله حقو الزول يطردك من البوست ده حقد طبقي ساي كده انا والمشرف اولاد 72 ، امبارح حقدت على المشرف وسفيان اولاد البندر قاشرين لينا بمونديال 82 نحن يعمينا فيهو ، الليلة حاقول ليهم قومو لفو الناس حضروهو في المدرجات ..
06-14-2018, 06:20 PM
Abdullah Idrees
Abdullah Idrees
تاريخ التسجيل: 12-05-2010
مجموع المشاركات: 3692
Quote: سلام عبدالله وضيوفك اتوقع المنتخب التونسي يمشي كويس في المنافسة وقد يحقق مفاجأة
حمد يا فنان .. احوالك ما عندهم عوجة ، لاكين العرب ديل ما بشدو ليهم ضهر ، قبل شوية السعودية طلعت بفضيحة انا شايف السنغال ونيجيريا حيعملوا مشاكل لاي فريق يقابلهم وممكن تطلع منهم مفاجأة
06-14-2018, 06:25 PM
Abdullah Idrees
Abdullah Idrees
تاريخ التسجيل: 12-05-2010
مجموع المشاركات: 3692
Quote: يا عبد الله إدريس انا لو وريتك الحضرتهم لايف و من المدرجات ح تنوفي و فيت ههههه
يا زول هوي ولله اسي نقص دربا تطلع كلها طلال الساتة و عوضية عذاب و"ما في حكمهما " .. شوف يا حبيب حضوركاس العالم 90 من المدرجات بتاعة محمد صديق دي تعادل "نص حجة " عديل كده .. وانا مسئول من الفتوى دي
06-14-2018, 06:39 PM
Abdullah Idrees
Abdullah Idrees
تاريخ التسجيل: 12-05-2010
مجموع المشاركات: 3692
الافتتاح .. روسيا تصعق السعودية بخماسية * مباراة مملة ، رتيبة ، ضعيفة فنيا * المنتخب السعودي منتخب ضعيف الشخصية وبلا روح وبلا اي حاجة * الروس ملوك الملل في كرة القدم ، بعد كده يحاولو يطلعوا بتعادلات بس من المباريات الجاية وانشاء الله حيقرفونا في دور ال16 * اتوقع تأهل روسيا والاورغواي
06-14-2018, 07:14 PM
علي محمد الفكي
علي محمد الفكي
تاريخ التسجيل: 01-08-2013
مجموع المشاركات: 3863
عبدالله ادريس وضيوفه كل عام وانتم بخير كاس العالم خلال النسختين الاخيرتين لم يقدم نجم كبير كما في السابق مثال باولو روسي ، رومنقه ، ماردونا ، رونالدو يبدو ان الاعتماد على التكتيك العالي اصبح طاغي على اللعبه لذا لا تلمح اللاعب الخارق هذا العام لا اتوقع مفاجات ولا بطل جديد ح ارجع بالترشيحات كامله
06-14-2018, 07:15 PM
سفيان بشير نابرى
سفيان بشير نابرى
تاريخ التسجيل: 09-01-2004
مجموع المشاركات: 9574
Quote: يا زول هوي ولله اسي نقص دربا تطلع كلها طلال الساتة و عوضية عذاب و"ما في حكمهما " .. شوف يا حبيب حضوركاس العالم 90 من المدرجات بتاعة محمد صديق دي تعادل "نص حجة " عديل كده .. وانا مسئول من الفتوى دي
اها اديك من الساهلات حضرته ليك عدد واحد كلاسيكو في السنة الفاتت و حضرته برشلونة و مانشستر سيتي السنة الفاتت... اديك التقيل!؟
06-14-2018, 07:28 PM
علي محمد الفكي
علي محمد الفكي
تاريخ التسجيل: 01-08-2013
مجموع المشاركات: 3863
مباريات دوري ال16 حسب توقعاتي للفرق الصاعده اورقواي x البرتغال اسبانيا x روسيا فرنسا x نيجريا الارجنتين x بيرو بلجيكا x السنغال كلومبيا x بريطانيا المانيا x صربيا البرازيل x المكسيك
06-14-2018, 07:31 PM
علي محمد الفكي
علي محمد الفكي
تاريخ التسجيل: 01-08-2013
مجموع المشاركات: 3863
Quote: ناس فرقة تيراب في كأس العالم 2006 سألوا (حاجة) بتبيع زلابية ... انتي يا خالة ح تشجعي يا تو فريق في كأس العالم ؟؟؟ الحاجة قالت ليهم : ح أشجع استراليا ... قالوا ليها : ليه ؟؟؟ قالت ليهم : لأن عندهم الدقيق الاسترالي والدقيق الاسترالي برمي لقيمات كتيرة ... :):):) . . أنا مع أُمنا الحاجة دي ... بشجع استراليا حتى لو طارت من الدور الأول :)
المغفور له : المنتخب الايطالي المشارك في نسخة 2002 (Squadra Azzura) يغني اغنية azzuro للمخضرم ادريانو شيلينتانو الكورس اداء عالي جدا تقول فنانين ما لاعبين كورة افتقدناهم هذه النسخة
06-14-2018, 09:25 PM
Abdullah Idrees
Abdullah Idrees
تاريخ التسجيل: 12-05-2010
مجموع المشاركات: 3692
Quote: كاس العالم خلال النسختين الاخيرتين لم يقدم نجم كبير كما في السابق مثال باولو روسي ، رومنقه ، ماردونا ، رونالدو
مرحبا علي ، كل سنة وانت طيب ياخ الكورة بوظتا المدارس وتطبيق الاسلوب العلمي المبالغ فيهو ده ، المدارس بقت كانها مصانع بتاعة لاعبين روبوتات مافي الحرفنة وشغل الشوارع داك ، وين ياخ ايام بجيبو ليك ليتبارسكي او مارادونا قبل المباراة يشتغل شوية فري ستايل فترة التمانينات والتسعينات كان فيها نجوم كتيرين جدا ومتعة حقيقية ، اسي الموضوع بقا خطط ولياقة بدنية اسي عليك الله الكورة السخيفة اللعبتا روسيا قبيل دي كورة 5 اهداف ؟ بالنسبة للترشيحات ، بختلف معاك في حاجة واحدة وهي كرواتيا ، اعتقد بتستحق تقييم اعلي
06-14-2018, 09:12 PM
سفيان بشير نابرى
سفيان بشير نابرى
تاريخ التسجيل: 09-01-2004
مجموع المشاركات: 9574
سفاهُ الشيخ لا حِــلم بعده ،،، وإنّ الشباب بعد السفاهةِ يحلمِ ..!
وربما أضيف له:
ومَنْ لم يُعافِر في كأس العالم ،،، يكن ذنبه على جنبه فيندمِ
بالطبع، لن تفهم من مداخلتي دي، أني ألومَك أو ألومني! ولكن "بيني بينك" حكاية الانمياع البطّال في الكورة بالطريقة دي، ونحنُ في طيّ هذه الحتوف العنوف! شيءٌ سيُدخلنا - شـِئنا أم أبينا - في قولٍ أثير من أمثالنا الشعبية في القرن التاسع عشر!
الناس x شــنو وال سودانيون x شــنو
ـــــــــــــــــ مع التحايا للربع الذي انماع وَ "زهر الرياض" في "خدورو" ماح .. يتهادى في الساحة "أم سماح" شايــقني .. طبعو ال جِماح
06-14-2018, 09:41 PM
محمد أبوجودة
محمد أبوجودة
تاريخ التسجيل: 08-10-2004
مجموع المشاركات: 5265
قسم بتاع الزلابية كل سنة وانت طيب كانت من الفرق المفضلة لي ايام لينكر وغاسكوين وهودل ، لكنها طالما اورثتني الخيبة .. مفنوسين الانجليز هجومهم كاسح لكن الباقي يعني نص نص
06-14-2018, 10:17 PM
Abdullah Idrees
Abdullah Idrees
تاريخ التسجيل: 12-05-2010
مجموع المشاركات: 3692
معليش، ما عارف شنو اللي خلاني أفتكر إنه ود المشرف مولود 1970 رغم إني شفت بروفايله قبل فترة. للتصحيح بعد توضيحك، أنا أكبر منكما بسنة. أما موضوع حضوري لكأس العالم، فسببه مرضة مزمنة بالكورة من زمان، والحمد لله إنه حب الكورة من الحلال الذي يخفف علينا رهق الحياة وينسينا القبح اللي مالي الدنيا هذه الأيام. بعدين مافي طبقية ولا حاجة، أنا قروي حتى النخاع من الأقاليم. صحيح نشأت وترعرت في البندر، لكن حتى في البندر أنا من أطراف المدينة، وبالتحديد الكلاكلات.
06-14-2018, 11:19 PM
سفيان بشير نابرى
سفيان بشير نابرى
تاريخ التسجيل: 09-01-2004
مجموع المشاركات: 9574
سفاهُ الشيخ لا حِــلم بعده ،،، وإنّ الشباب بعد السفاهةِ يحلمِ ..!
وربما أضيف له:
ومَنْ لم يُعافِر في كأس العالم ،،، يكن ذنبه على جنبه فيندمِ
بالطبع، لن تفهم من مداخلتي دي، أني ألومَك أو ألومني! ولكن "بيني بينك" حكاية الانمياع البطّال في الكورة بالطريقة دي، ونحنُ في طيّ هذه الحتوف العنوف! شيءٌ سيُدخلنا - شـِئنا أم أبينا - في قولٍ أثير من أمثالنا الشعبية في القرن التاسع عشر!
الناس x شــنو وال سودانيون x شــنو
السلام عليكم أخونا محمد أبو جودة... إنت تعيب علينا تعاطينا أمر الكرة يا صديق!؟ تمهل يا عزيزي فكلنا طي ذات حتوفك.
06-15-2018, 08:45 PM
Abdullah Idrees
Abdullah Idrees
تاريخ التسجيل: 12-05-2010
مجموع المشاركات: 3692
لا يا رجل بتونس ونهذر ساي .. يا محمد صديق الكلاكلة دي ذاتا اقاليم ، بس الخرطوم هي المشت ليها ههههههها الكورة فن راقي لمن ما يكون في تعصب زايد زيها وزي المزيكا والمسرح ، او هكذا اراها ..
Quote: اها اديك من الساهلات حضرته ليك عدد واحد كلاسيكو في السنة الفاتت و حضرته برشلونة و مانشستر سيتي السنة الفاتت... اديك التقيل!؟
بالراحة علينا ي سفيان ، ما تبقى زول محبط ، رغم انو "نص حجة " محمد صديق ما حتحصلا مهما حضرت .. تخيل اخر مباراة شاهدتها في الاستاد كانت هلال مريخ سنة 1993 تقريبا ؟ زيكو جاب قون المريخ ، عادل وليم في الزمن الضايع وقفلنا معانا معاي واحد الاتنين مريخاب .. جايين من استاد الخرطوم كداري جاكين ماشين علي البركس لقينا عمك كبير كده مريخابي من الناس المتعصبين المعروفين في الااستادات ديلك والهلالاب بشاغلو فيهو وهو زعلان جدا ، جينا بي عندو جاكين شاغلناهو .. وليم .. وليم .. (ونحن وليم قاطع قلبنا قطع )عمك رشانا رشة قريبة من رشة ابوجودة ده ههههههه وليم يا اولاد الـــ.. وصرف لينا واحد Umbrella متر ونص وكانت اخر مباراة اشاهدا في ملعب واخر Umbrella ..
مصر - الاورغواي * مباراة ليست جميلة ، الفريقين اسلوبهم قريب من بعض ، الاورغواي فريق بدني جدا بدفاع صلب وقناصين من الكبار ، كافاني وسواريز لكن ماعندهم خط وسط كويس ، ماعندهم زول حريف صانع لعب يربط سواريز وكافاني ببقية الفريق * مصر فريق جيد دفاعيا وعندو شخصية قوية وبلعب بروح ، لكن بدون اي ابتكار في الوسط والهجوم وااعتقد اصابة صلاح قتلت هجوم مصر * النتيجة النهائية عادلة حسب اعتقادي بعد تصديات حارس مصر وكرة كافاني الاصطدمت في القائم وعقم هجوم مصر * كده المجموعة الاولى ماشة في خط توقعات الغالبية وبدون مفاجأت بعد الجولة الاولى بتصدر روسيا والاورغواي * السعودية حتلعب ضد مصر بقوة وندية وده ممكن يؤثر على حظوظ مصر
06-15-2018, 10:50 PM
محمد صديق عبد الله
محمد صديق عبد الله
تاريخ التسجيل: 09-05-2017
مجموع المشاركات: 1530
ذكرني كلام الأخ أبوجودة عن إنكار متابعة كرة القدم على غيره كما فهمت بقصة حصلت لي زمان وهي تصلح لتوضيح فكرة إنه في ناس بتكون عايزة تفرض رؤيتها على الآخرين وإنه الآخرين لازم ينظروا للأمور زي نظرتهم ليها وإلا الآخرين بيكونوا غلطانين.
زمان عزمت زملاء وزميلات في الجامعة غداء في مطعم البحر الأحمر، وكان مطعم كويس بمقاييس الزمن داك. المهم، لما جات المطايب في العزومة ديك، في زميلة رفضت تاكل. سألتها ليه ما بتاكلي، قلت ما حا تاكل عن مبدأ لأنه في ناس جعانين ونحن ما ممكن ناكل مطايب زي دي تعاطفًا مع الفقراء. قلت ليها طيب نطلب ليك شنو؟ قالت لي فول. قلت ليها "فول في الغداء؟ بعدين إنتي فاكرة إنه كل الناس لاقية فول تأكله، في ناس هسي الفول ما لاقياهو، ثم إنه ملابسك دي في ناس ما لاقنها والعطر اللي متعطرة بيهو ده بجيب عشرات الوجبات المشبعة لناس هسي بيتضوروا جوعًا". المهم شيل وخت معاها، بعد شوية الزميلة دي بدأت "حفريات" لما خفت على الدجاجة في الصحن. دحين يا أخونا أبوجودة، في ناس هسي بينكروا عليك وعلينا كلام الثورجية الساهل في الإنترنت ده وبيشوفوا الرجالة في الخروج إلى الشارع زي ما عملوا الرجال زمان قبل الإنترنت وقبل سودانيزأونلاين.
وأعذرني إذا فهمت كلامك غلط.
تحياتي
06-16-2018, 00:52 AM
سفيان بشير نابرى
سفيان بشير نابرى
تاريخ التسجيل: 09-01-2004
مجموع المشاركات: 9574
تمام يا عبد الله إدريس أهو اتفقنا في المريخ العظيم... يازول كورة طرفه اي فريق عربي أو أفريقي اوعه تحرق رزك فيها لأنهم عقليتهم لكسب الكورة تعبان بيشتغلو قوة بس لفقت لفقت مالفقت مالفقت. يا محمد صديق و الله بالغته ياخ مطعم البحر الأحمر للأسماك دا كان إلا للعصبة ذات البأس هههههه بتذكر مرة عمك بروف عبد الله على ابراهيم عزمنا فيهو و هو في أول عودة له تقريباً من أمريكا (صراحة هو ما عزمني انا بس عزم شلة صحفيين من جريدة السوداني الدولي الغابرة و الشلة دي أصحابي و حينها كنت كاتب مشارك في صحيفة الصحافة العدد الممتاز و من جاه الملوك اتعزمته معاهم) كان أول مرة أعرف مطعم البحر الأحمر رغم اني من أولاد الخرطوم عديل كده ههههه صاحبتكم ليها حق و الله هههههه
06-15-2018, 11:05 PM
طارق عبد الله
طارق عبد الله
تاريخ التسجيل: 06-30-2016
مجموع المشاركات: 446
التحية للجميع وكل عام وأنتم بخير....موضوع جميل وممتع حقيقة وبالنسبة لي أول كأس عالم تابعته كان مونديال ايطاليا 90 وكنت حينها في الثانية عشر من العمر تقريبا وبالرغم من العشق المتوارث للمنتخب البرازيلي الا أن أسلوب لعب المنتخب الايطالي حينها بقيادة المدرب الداهية فيتشيني والهداف سكيلاتشي والفنانين روبرتو باجيو وجيانيني قد نال اعجابي بدرجة كبيرة ولا أزال على يقين ان ايطاليا لو كانت وصلت النهائي بدلا عن الأرجنتين آلتي كانت في أسوأ أحوالها لتمكنت من الفوز على ألمانيا الغربية ولا أنسى كذلك مفاجآت الكاميرون وخيبة البرازيل وهولندا وغيرها من الذكريات الجميلة.
وبالنسبة للبطولة الحالية أرى أن الصف الأول للمرشحين هم البرازيل وألمانيا وأسبانيا ويأتي بعدهم فرنسا وبلجيكا مع احتمال مفاجأة من البرتغال ولا أتوقع الكثير من الأرجنتين رغم تواجد ميسي وتبقى الفرق اللاتينية كولومبيا والمكسيك ملح المونديال كما اتوقع ظهورا جيدا للسنغال ونيجيريا وربما اليابان وأستراليا بحسب نتائج المباريات التحضيرية.
ومتابعين معاكم :)
06-15-2018, 11:43 PM
Abdullah Idrees
Abdullah Idrees
تاريخ التسجيل: 12-05-2010
مجموع المشاركات: 3692
Quote: المنتخب الايطالي حينها بقيادة المدرب الداهية فيتشيني والهداف سكيلاتشي والفنانين روبرتو باجيو وجيانيني قد نال اعجابي بدرجة كبيرة ولا أزال على يقين ان ايطاليا لو كانت وصلت النهائي بدلا عن الأرجنتين آلتي كانت في أسوأ أحوالها لتمكنت من الفوز على ألمانيا الغربية ولا أنسى كذلك مفاجآت الكاميرون وخيبة البرازيل وهولندا وغيرها من الذكريات
مرحبتين طارق .. عيدك مبارك ملاحظة جميلة جدا مارادونا بعد النهائي بفترة بتذكر في المباراة دي ، قال لو المباراة لعبت للصباح ما كنا حنقدر نجيب قون واحد ! المانيا منتخبا كان مكمل وغير ايطاليا ما كان ممكن فريق يهددا ، مارادون شال الارجنتين للنهائي فوق كتفو لكن ناس ماتيوس وهسلر وبريمة ما خلوهو يتنفس في النهائي اما البنشرجي سكيلاتشي فحكايتو حكاية .. الزول ده لموهو للمنتخب في اخر لحظة ، الدنيا ارزاق ، المهاجم الاول كان فياللي وكان غير موفق تماما رغم موهبتو وسرعتو في النهاية الاساسي بقا سكيلاتشي وفياللي نجم ايطاليا الاول قعد كنب ..
06-15-2018, 11:59 PM
محمد حيدر المشرف
محمد حيدر المشرف
تاريخ التسجيل: 06-20-2007
مجموع المشاركات: 20359
أكرمك الله، عزيزي عبدالله وكان ظنّي فيك، هذا السماح الوضّاح، فتحقق خيراً وبِرّا، ويا زول هيي بقت على "كأس العالم" ال(هُوِّين) شينو دا ..؟ المُشكلة ستظرط، وبأفرَط..! مع كأس الآنسات والسيدات العالميات يقوموا (الشباب) يدخلولنا بي قاموسية جديدة كمان! من باولوريسنجة ليْ "روضاكِنجة" لإنصاف-باميلا؛ ويبقى الوَصّاف يملأ بطاطيرو وهادا ما بِي صير خيّو (هههه) .. تسلم ياصديقي.
عزيزي سفيان، عليكم السلام والرحمة؛ وغالب الأمر، حِسّ اللوم - لومك في الانمياع بالكاس كاسي أختّو في راسي- مُستَشْعَر already من قِـبَــلَــك براك وأقيلا: بايت! فكان ردّك لي جِدَّ ماسِخ؛ بل أشبه بحكاية الكديس للفأر وهما في القارب: يا زول بتكتِّح مالَك ..؟! ثم تعال هنا ياصديقي: ألم تجد ما يواسيك وَ يُريــِّح ضميرَك الأبيض، إلّا بزجر الثوري (صرف النظر عن زمانه/ــك) والاشرئباب لتلك "العائرة"؟! وأكيد، هيَ ذاتها من ذات زمن الثوري؛ يعرف ذلك، بالطبع، الشاعر مُريد البرغوثي آل-مُـتـَـــشــَــهي الأكبر(!) لكأنه لم يعرف "تناصّاً" مع المهجري العتيق، إيليا أبوماضي: وطن النجوم .. أنا .. حَــدِّق .. أتذكُر مَنْ أنا ..؟ ليك التحايا، وتسلم ..
عزيزي المشرّف، ليك التحايا الطيبة، وسُعداء بعودتك المُبهِجة لسودانيز، ويا مراحب بتعليقك الرَّشِّي ؛ ويبدو أنه الـNew Look مقارنةً مع "ثيماتك" ال زمان كانن حُنان؛ وقد كاد أن يفتُّ بيني وبين أصفيائي من آل-ســودانيز، بعض حُصرم؛ لولا أن الدنيا عيد وسعيد عليكم جميعاً.. وتسلم ..
يا أهلاً ومرحباً بالأخ محمد صديق، وشكراً على تفضّلك بذاك البوست الجميل، وبالمناسبة فالـPhrase التي جاءت بعاليه: قِبَلَك، ما أراني كنتُ كاتبها، لو لم آخذ محاذيري من ذاك البوست؛ وبعد دا كلّو، إن شاء الله تطلع أخير but not worse من (كاس عالم) مجنون ذاتو ويطيب لي أن أشير إلى أن عبارتك، والتي تفيد معنىً:( بعض الناس ينزع إلى أن يجُرّ الناس لرؤيته هو "برايو" إذا وجدهم مهتمِّين ب "رؤية" مُغايَرَة لما يفكِّر فيه) حَ رَ قَ ت ن ي مَليّا فاشكرك عليها، وتسلم
ـــــــــــــــــــــــــ عيدٌ مبارَك على الجميع .. وكل عامٍ وأنتم بخير
06-16-2018, 02:11 AM
محمد حيدر المشرف
محمد حيدر المشرف
تاريخ التسجيل: 06-20-2007
مجموع المشاركات: 20359
Quote: يا محمد صديق و الله بالغته ياخ مطعم البحر الأحمر للأسماك دا كان إلا للعصبة ذات البأس هههههه
سلام يا سفيان وكل سنة وإنت طيب. الليلة قلت أبطِّل الكسل وأعمل اقتباس زي ما الناس بتعمل، خصوصًا إنه الدنيا عيد والوقت متوفر. وطبعًا اتأكدت إنه ظابط قبل ما أنشر بـ(preview).
مطعم البحر الأحمر اللي أنا قاصده مجاور (لأستديو فارتي) اللي كان بيطلع الناس وجيهين في الصور. يعني قريب من بنك النيلين فرع الأمم المتحدة (بالقديم) لأني طوَّلت من الحتَّات دي. المطعم ده في الثمانينيات وبداية التسعينيات كان مطعم معروف مع قلة المطاعم الجيدة في ذلك الوقت، وما كان متخصص سمك. وبتذكر تمامًا إني شفت الراحل إبراهيم عوض في طربيزة جنبنا وأنا كنت مع الوالد الله يرحمه ويحسن إليه طوالي قمت مشيت للأستاذ وسلمت عليه وقلت ليهو أنا حافظ غناك واتبسط جدًا. وكم مرة شفت مشاهير آخرين. الكلام ده في منتصف الثمانينيات. ما عندي فكرة المطعم ده لسه موجود أم لا، لكن أكيد ظهور مطاعم شارع المطار وامتدادات الخرطوم في الرياض والطائف وغيرها من الأحياء بتكون قضت على المطاعم القديمة وسط الخرطوم.
06-16-2018, 10:30 AM
محمد صديق عبد الله
محمد صديق عبد الله
تاريخ التسجيل: 09-05-2017
مجموع المشاركات: 1530
شكرًا أخي أبوجودة. قد تؤدي الكتابة في وسائط التواصل الحديثة في بعض الأحيان إلى التباس المعاني والمرامي والخلط والتفسيرات الخاطئة، إذ تغيب الإيماءات ولغة الجسد عمومًا. لذلك، أرى أن وضوح الكلام والمباشرة قد تقينا كثيرًا من هذه المشاكل. ونحمد الله أن وهبنا نعمة التواصل بهذه الوسائط الحديثة التي يمكن أن تُستغل إلى جانب الأنس مع الزملاء والأحباب لطرح موضوعات للحوار، وليس بالضرورة أن يصل المتحاورون فيها إلى نتائج قاطعة، أو أن يتفقوا على آراء معينة.
Quote: مطعم البحر الأحمر اللي أنا قاصده مجاور (لأستديو فارتي) اللي كان بيطلع الناس وجيهين في الصور. يعني قريب من بنك النيلين فرع الأمم المتحدة (بالقديم) لأني طوَّلت من الحتَّات دي. المطعم ده في الثمانينيات وبداية التسعينيات كان مطعم معروف مع قلة المطاعم الجيدة في ذلك الوقت، وما كان متخصص سمك. وبتذكر تمامًا إني شفت الراحل إبراهيم عوض في طربيزة جنبنا وأنا كنت مع الوالد الله يرحمه ويحسن إليه طوالي قمت مشيت للأستاذ وسلمت عليه وقلت ليهو أنا حافظ غناك واتبسط جدًا. وكم مرة شفت مشاهير آخرين. الكلام ده في منتصف الثمانينيات. ما عندي فكرة المطعم ده لسه موجود أم لا، لكن أكيد ظهور مطاعم شارع المطار وامتدادات الخرطوم في الرياض والطائف وغيرها من الأحياء بتكون قضت على المطاعم القديمة وسط الخرطوم.
بالزبط يا محمد صديق ياهو ذات القاصدو أنا و غايتو لحدود 97 تقريباً كان في نفس المكان و كلامك سليم كان مطعم للمشاهير لأني بذكر سألته والدي عن هذا المطعم فيكي لي عن كل منطقة الخرطوم بتاعة السوق الافرنجي حكايات مدهشة حقاً.
بس بيني و بينكم كلكم الليلة انا شمتااااان في ليونيل ميسي ههههههههههههه
06-16-2018, 11:55 AM
محمد حيدر المشرف
محمد حيدر المشرف
تاريخ التسجيل: 06-20-2007
مجموع المشاركات: 20359
خسارة البيرو تخسر افتقدنا فى النسخة دى تقليعات شعر الراس بعد الهدف الضايع للبيرو و الملعوب بالكعب توجهت الكاميرا للجمهور الدنماركى ... واحد من المشجعين عمل جركة بى ايدو ذكرتنى قول حبوبنى ليمياء ... الشر بررررررة و بعيد مع الامنيات بالانتصار لى نيجيريا المغرب و مصر خذلونا
06-16-2018, 07:15 PM
جلالدونا
جلالدونا
تاريخ التسجيل: 04-26-2014
مجموع المشاركات: 9387
اسمها قراءة وقائع يا سوفينى مالك بقيت تلخبت فى العربى زى العريبى المتعورب داك ___ مع نيجيريا الان و فريقها الشاب ... و اتوقع المفاجأة الداوية امام فريق كبير مثل كرواتيا
06-16-2018, 08:12 PM
سفيان بشير نابرى
سفيان بشير نابرى
تاريخ التسجيل: 09-01-2004
مجموع المشاركات: 9574
Quote: سمها قراءة وقائع يا سوفينى مالك بقيت تلخبت فى العربى زى العريبى المتعورب داك ___ مع نيجيريا الان و فريقها الشاب ... و اتوقع المفاجأة الداوية امام فريق كبير مثل كرواتيا
كنت فاكر انها رؤية ليك كمدرب كوامر ههههههههه
و الله نيجيريا منتخبه شاب و كويسين لكن عامل الخبرة ضعيف و هو عامل متوفر لدى الكرواتيين ، غايتو اتوقع انها بعد الدقيقة 20 تسخن سخانة جد.
06-16-2018, 10:19 PM
محمد أبوجودة
محمد أبوجودة
تاريخ التسجيل: 08-10-2004
مجموع المشاركات: 5265
أخشى أن أكون قد أثّرتُ على اندياحكم الكروي..! وإن حدث، فغالب الأمر الأمَـرْ يكون بسبب مطعم البحر الأحمر، ومطعم البحر الأحمر، حالياً انتقل إلى شارع عبدالمنعمِ، ذلك ال مُحسِنُ حيّاه الغمام. أي نعم لم يغادر البحر الأحمر، ساحة نُحنُ (UN) حيث ابتعد من جوار بنك النيلين فرع الأمم المتحدة، ليقبع ناحية الجنوب الغربي لبنك النيلين "الرئاسة" وهذا الأخير قد حلّ محل البنك الصناعي، الذي كان جنوب (نحنُ) قديما.
هل كان مطعم البحر الأحمر، القديم، هو ذاته المكان الذي حلّ به مطعم الإخلاص؟ في فوهة شارع عمارة الضرائب وأنتَ مُتّجهٌ نحو (الحرية) الشارع الذي ينتهي بالسـجّانة جنوبا؟
يا اباالسيوف، لقد التقينا عام 2008 في ندوة لاتحاد الكتاب، مقرّه القديم بشارع علي دينار، قبل أن يأتي (!) نواحينا في "العمارات" فرعية ZAIN أو ربما أي "ندوةٍ" في الجوار الحار، فهل تذكُر؟
وبما أن الشيء بالشيء يذكّر، فهل تذكرون مطعم الأمريكيِّـيــين!! (هكذا كانوا ينطقونها بمعنى الــ Two Americans) لصاحبه "الأمين أرباب" كما كانت تُقرأ اللافتة.
محمد حيدر، الـــ( المشاحنات الأليفة) شطبتْ راسي تتتتتتب! وإن كان من تعليلٍ، فإني أكِلها إلى أجواء كأس العالم.
محمد صديق، ألهمني موقف زميلتكم التي فضّلتْ "فولة" منتصف النهار على الدّاجن الطاجن! فكرة فحواها، أن غداء الفول في شتاءات الخرطوم، هو فطور قياسي عند كتير من طُلّاب العِلم بهذه النواحي؛ ثم مضت الأعوام وتعصّت أحوال "الأفوال" فأصبح الموّال: منقة بالشطة دون التقيّد بحالة الطقس الخرطومي، بي أيّام البرد، أيّامِ الشِّــتّي، والرصيف إب حيرِي .. والشارع غريييق .. تجي هادي البنت .. من بيتِ العتيق .. وُ تنطُر عَ الطريييييق! حَــبَّيتك بالصيف ..
يا اخوانا أخونا عبدالله إدريس، معل ما وووواقف ناطر بالصّف
06-17-2018, 00:18 AM
سفيان بشير نابرى
سفيان بشير نابرى
تاريخ التسجيل: 09-01-2004
مجموع المشاركات: 9574
Quote: خشى أن أكون قد أثّرتُ على اندياحكم الكروي..! وإن حدث، فغالب الأمر الأمَـرْ يكون بسبب مطعم البحر الأحمر، ومطعم البحر الأحمر، حالياً انتقل إلى شارع عبدالمنعمِ، ذلك ال مُحسِنُ حيّاه الغمام. أي نعم لم يغادر البحر الأحمر، ساحة نُحنُ (UN) حيث ابتعد من جوار بنك النيلين فرع الأمم المتحدة، ليقبع ناحية الجنوب الغربي لبنك النيلين "الرئاسة" وهذا الأخير قد حلّ محل البنك الصناعي، الذي كان جنوب (نحنُ) قديما.
هل كان مطعم البحر الأحمر، القديم، هو ذاته المكان الذي حلّ به مطعم الإخلاص؟ في فوهة شارع عمارة الضرائب وأنتَ مُتّجهٌ نحو (الحرية) الشارع الذي ينتهي بالسـجّانة جنوبا؟
يا اباالسيوف، لقد التقينا عام 2008 في ندوة لاتحاد الكتاب، مقرّه القديم بشارع علي دينار، قبل أن يأتي (!) نواحينا في "العمارات" فرعية ZAIN أو ربما أي "ندوةٍ" في الجوار الحار، فهل تذكُر؟
وبما أن الشيء بالشيء يذكّر، فهل تذكرون مطعم الأمريكيِّـيــين!! (هكذا كانوا ينطقونها بمعنى الــ Two Americans) لصاحبه "الأمين أرباب" كما كانت تُقرأ اللافتة.
محمد حيدر، الـــ( المشاحنات الأليفة) شطبتْ راسي تتتتتتب! وإن كان من تعليلٍ، فإني أكِلها إلى أجواء كأس العالم.
محمد صديق، ألهمني موقف زميلتكم التي فضّلتْ "فولة" منتصف النهار على الدّاجن الطاجن! فكرة فحواها، أن غداء الفول في شتاءات الخرطوم، هو فطور قياسي عند كتير من طُلّاب العِلم بهذه النواحي؛ ثم مضت الأعوام وتعصّت أحوال "الأفوال" فأصبح الموّال: منقة بالشطة دون التقيّد بحالة الطقس الخرطومي، بي أيّام البرد، أيّامِ الشِّــتّي، والرصيف إب حيرِي .. والشارع غريييق .. تجي هادي البنت .. من بيتِ العتيق .. وُ تنطُر عَ الطريييييق! حَــبَّيتك بالصيف ..
و انتصر الثوري في قيادة تيار ثوري تصحيحي داخل البوست ههههههههههههههه و يا حبيبي ما تيشف الكورنجية ديل كلهم ثورنجية (بس مش بي مفهوم عمنا كمال الجزولي ههههههه ودي حكاية تاني تكون طالبني ليها)... بالحيل بالحيل بتذكر لقانا ذاك حياه الغمام.
06-17-2018, 00:21 AM
Abdullah Idrees
Abdullah Idrees
تاريخ التسجيل: 12-05-2010
مجموع المشاركات: 3692
شنو ياخونا قلبتو مطاعم وفتة وبتاع .. واتعشيتو وسبتونا نكابس في البسكويت ؟ ++++ أها .. ** البرتغال واسبانيا امس ، مباراة فيلم هندي ، بطلو رونالدو الوهم و الخاين دي خيا .. اسبانيا لعبت كورة جميلة لاكين دفاعا مهلهل .. ** الارجنتين ايسلندا ، كما توقعت ، الارجنتين منتخب ضعيف ومفكك ومش متجانس بالمرة ولا يستحق الوصول للنهائيات ** كرواتيا - نيجيريا ، نيجيريا عندها فريق كويس ، لكن كرواتيا تمتلك ربما افضل خط وسط في العالم من الناحية الفنية والتكتيكية والخبرة ولذا تفوقت كرواتيا واتوقع لها تصدر المجموعة بجدارة
06-17-2018, 00:35 AM
Abdullah Idrees
Abdullah Idrees
تاريخ التسجيل: 12-05-2010
مجموع المشاركات: 3692
سلام أبوجودة. كلامك عن مطعم الأمريكيين نبهني لأني ممكن أكون خلطت بينه وبين مطعم البحر الأحمر. عشان كده راسلت فردة الطفولة والصبا ليساعدني، فأكد لي أن المطعم المقصود هو مطعم الأمريكيين.
المهم، الحمد لله المنشور ده تحول من الكلام عن كأس العالم، اللي بيصرفنا عن هموم الشعب، إلى موضوع ثوري عن مطاعم الخرطوم حا يقلب الحكومة دي بإذن الله قريب.
بعيدًا عن المطاعم، التصوير التلفزيوني في البطولة دي دون المستوى. التصوير في البرازيل وجنوب أفريقيا كان أفضل بكتير.
06-17-2018, 10:10 AM
علي محمد الفكي
علي محمد الفكي
تاريخ التسجيل: 01-08-2013
مجموع المشاركات: 3863
البيرو لا تستحق الخساره ولكنها كرة القدم نتيجة الارجنتين وايسلندا متوقعه لان منتخب النجم الواحد لن يصمد امام التكتيك الدفاعي وما حدث لايسلندا اتوقع حدوثه للبرتغال في مباريات المغرب وايران معها لا مفاجأت حتى الان رغم ان نيجريا خذلتني المباريات السابقه اكدت كلام الان شيرر بعد مباراة الافتتاح ان المنتخب السعودي ضعيف ولا يستحق التواجد في النهائيات
06-17-2018, 10:12 AM
علي محمد الفكي
علي محمد الفكي
تاريخ التسجيل: 01-08-2013
مجموع المشاركات: 3863
ابو جوده مبارك عليك العيد وينعاد عليك بالفرح والخير ثم يا ابو جوده قالوا روحوا عن نفسكم ساعه ومافي ترويح امتع من معشوقة الملايين في اغلى بطولاتها وزي ما قال امرؤ القيس اليوم خمر وغداً امر فشنو سفيان وعبدالله ادريس ومحمد صديق ومن لف لفهم راقدين ليهم فوق رأي فطول بالك معاهم ومد ليهم حبل الصبر لي غد البتوافق ما بعد منتصف يوليو
06-17-2018, 12:03 PM
Abdullah Idrees
Abdullah Idrees
تاريخ التسجيل: 12-05-2010
مجموع المشاركات: 3692
Quote: بعيدًا عن المطاعم، التصوير التلفزيوني في البطولة دي دون المستوى
صحيح وبعدين المخرجين حاسدين جدا ما بمشوا المساطب أمس حندكونا ببنات كرواتيا ياخ ديل عندهم جكس ما حصل
تانيا مستوى نيجيريا في المباراة امس ليس بأفضل من مستوى السعودية في الافتتاح
ثالثا واضح جدا إنو كريستيانو رونالدو لاعب يعادل وطن وعكسو تماما ميسي الذي اتضح انه بدون مساعدة آخرين يصبح مجرد فرفارة ليس إلا حتى أضاع مجهود فريقه باهداره لضربة الجزاء
06-17-2018, 12:45 PM
محمد أبوجودة
محمد أبوجودة
تاريخ التسجيل: 08-10-2004
مجموع المشاركات: 5265
Quote: المهم، الحمد لله المنشور ده تحول من الكلام عن كأس العالم، اللي بيصرفنا عن هموم الشعب، إلى موضوع ثوري عن مطاعم الخرطوم حا يقلب الحكومة دي بإذن الله قريب.
دي رؤية شائقة، أو لعلّها رسالة حاذقة؛ مع أني - بصراحة - لم أتبيّن لها موطئ حصافة باشقة.
مرحب بالأخ علي ود الفكي، سأطوّل بالي إن شاء الله تعالى، ومع ذلك، فما أزال في خشية من الأمر! فيما إنْ تركنا المسألة ليْ حبل المهلَة وجاءنا ما بعد منتصف يوليو2018 واستشرف أناسٌ من "بوادِينا وحَضرنا" للدوحة 2022 وكأنّ لهم فيه "كراع" وُ "بُرّاع" لظنّوا أن أستادنا فِدىً لــِ قَطَر
عزيزي أباالسيوف، شكراً لتطمينك للذكرى الجميلة، بل وُ "عارف معنااااها" وأبقا طالبك حكاية من حكايا العم "توم" ههه
وانشغل أخونا ودالمشرّف، فتالتة العيد دائما لها انشغالاتها.
ويا عزيز القوم، عبدالله، ليك التحايا الطيبة تكتِّر تَقلِّل، أقوم افتح في "منشورك" دا، بنك الطعام فيقوم "بروس" أو "يشرب ما يروى"
ــــــــــــ وُ راجعين (بتاعة دُريد دييييك)
06-17-2018, 01:27 PM
علاء سيداحمد
علاء سيداحمد
تاريخ التسجيل: 03-28-2013
مجموع المشاركات: 17162
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة