مراحب يا علاء وكل سنة وانت طيب اختلف معاك في الارجنتين دي تماما ، تأهلت بصعوبة للنهاائيات انا بتمنى ميسي يفوز بالكاس لكن مع فريقو المهلهل ده لو اتجاوز المجموعات يكون كويس
06-17-2018, 02:24 PM
Abdullah Idrees Abdullah Idrees
تاريخ التسجيل: 12-05-2010
مجموع المشاركات: 3692
Quote: ثالثا واضح جدا إنو كريستيانو رونالدو لاعب يعادل وطن وعكسو تماما ميسي الذي اتضح انه بدون مساعدة آخرين يصبح مجرد فرفارة ليس إلا حتى أضاع مجهود فريقه باهداره لضربة الجزاء
ما تتسرع يا حمد ميسي كبير جدا ، رونالدو ده لعب 3 كاس عالم قبل كده ولم يترك اي بصمة امبارح مارادونا قال انا خسرت المباراة الافتتاحية في نسخة 1990 امام الكاميرون ووصلت للنهائي هو اكيد بحاول يرفع معنويات اللاعبين والجمهور كزول رايو في الكورة مهم ، لكن برضو كلامو عندو سند منتخب الارجنتين 90 كان بلعب بروح عالية جدا رغم افتقاره للجانب الفني ، بس جماعة ميسي ديل لا جانب فني ولا روح عالية ولا اي حاجة ، امس مورينيو برضو قال كابييرو ده حارس ماسورة ساي انا ممكن العب مكانو واطلع بنفس النتيجة
06-17-2018, 02:29 PM
Abdullah Idrees Abdullah Idrees
تاريخ التسجيل: 12-05-2010
مجموع المشاركات: 3692
Quote: تكتِّر تَقلِّل، أقوم افتح في "منشورك" دا، بنك الطعام
بيدي لا بيد عمرو .. شفت العنوان ده : Re: كاس العالم ..تنبؤات .. قصص .. انتيمات اقوم اسي دي بعد انتيمات دي ارمي لي نقطتين كده الواحدة بحجم زلابية سوق ليبيا وبعدهم طوالي .. مطاعم و ويبقى على سنة الله ورسولو
06-23-2018, 03:25 AM
ترهاقا ترهاقا
تاريخ التسجيل: 07-04-2003
مجموع المشاركات: 8411
سلام عليكم دوري الاربعة البرازيل ،المانيا، الارجنتين الرابع دا خليتو ليكم... بعدين ما تتغشوا من المستويات في دور ال32 لكل مرحلة تكتكيها ودا نوع من الاستراتيجية الفرق الكبيرة ما بتقوم بنمرة 4 من قولة تيت.
*الاهم في الموضوع ،كرة القدم تحولت من لعبة شعبية للبسطاء لتجارة و احتكار لمن يدفع.. حقو الناس تقاوم الاتجاه دا بكل ما اوتيت من قوة لصالح غمار الناس مش قناة بي ان سبورت (تتصدق) بي 22 مباراة. تبا لهم بالروسي
06-17-2018, 09:32 PM
osama elkhawad osama elkhawad
تاريخ التسجيل: 12-31-2002
مجموع المشاركات: 20421
ملاحظات على بعض مباريات اليوم ** سقوط المانيا امام المكسيك وتعادل البرازيل وسويسرا مع تعادل ايسلندا والارجنتين امس اثبت ان كرة القدم تبدأ بعد اطلاق صافرة الحكم 11 ضد 11 والحشاش يملا شبكتو .. مافي كبير ** المكسيك تمتلك فريق شاب سريع ورائع جدا واليوم احرزت اجمل اهداف البطولة الى الان ** كوستاريكا ربما تهدد تأهل البرازيل للدور القادم لان المنتخبات اللاتينية تلعب ضد بعضها بحماس وندية وخشونة زائدة
06-17-2018, 09:35 PM
Abdullah Idrees Abdullah Idrees
تاريخ التسجيل: 12-05-2010
مجموع المشاركات: 3692
Quote: بعدين ما تتغشوا من المستويات في دور ال32 لكل مرحلة تكتكيها ودا نوع من الاستراتيجية الفرق الكبيرة ما بتقوم بنمرة 4 من قولة تيت.
اهلين ناصر كلام سليم بس مرات المباراة الاولى بتكون سبب في الخروج من الدور الاول تتذكر مباراة السنغال - فرنسا في 2002 ؟ اعتقد ندرة النجوم الكبار هي الاتسببت في التعادلات الكتيرة دي ، الكتوف اتلاحقت في 90 و94 ايطاليا تكون مزنوقة وخلاص المباراة قربت تنتهي ، فجأة يطلع بااجيو بلمحة عبقرية يرجعهم تاني للتنافس
06-17-2018, 09:35 PM
محمد حيدر المشرف محمد حيدر المشرف
تاريخ التسجيل: 06-20-2007
مجموع المشاركات: 20357
بالرغم من الخطأ التحكيمي الذي نتج عنه تعادل سويسرا مع البرازيل .. الا ان منتخب البرازيل ظهر بصورة سيئة ودون التوقعات
نيمار لا يمتلك شخصية النجم القائد .. وحساسية الكرة عندو منخفضة جدا, وربما يعود ذلك للاصابة
الفريق بصورة عامة يتعامل بفوقية وعدم اكتراث .. ولا يتمتع بالروح اللازمة نحو البطولة.
للاسف لم اشاهد المانيا اليوم .. الا ان منتخبات اسبانيا, البرتغال روسيا وفرنسا والارجنتين والبرازيل بحسب تقديري ستكون موجودة في دور ال 8 مالم تتقاطع اسبانيا او البرتغال مع احدها (نسبة لوقوع البرتغال واسبانيا في مجموعة واحدة) او في حالة حلول احد هذه الاتيام في المركز الثاني في مجموعته
في انتظار بلجيكا ..
06-17-2018, 09:43 PM
Abdullah Idrees Abdullah Idrees
تاريخ التسجيل: 12-05-2010
مجموع المشاركات: 3692
الب################ فريق خبرة، لكنه فقد نكتهه وأسلوبه المميز في اللعب لسبب تغير طرق اللعب، فأصبح أداؤه لا يختلف عن أي فريق آخر. وين أيام إيدير، وسقراط، وفالكاو. حتى الكورة اتمحقت في هذا العالم! يعجبني تفاعل الجمهور في المباريات. هذا فيديو مباراة لفريق البرازيل قبل شهور خليت الكورة وبقيت أصور في الجمهور وتفاعله. إن شاء الله إنزال الفيديو يظبط.
بالرغم من الخطأ التحكيمي الذي نتج عنه تعادل سويسرا مع البرازيل .. الا ان منتخب البرازيل ظهر بصورة سيئة ودون التوقعات
نيمار لا يمتلك شخصية النجم القائد .. وحساسية الكرة عندو منخفضة جدا, وربما يعود ذلك للاصابة
الفريق بصورة عامة يتعامل بفوقية وعدم اكتراث .. ولا يتمتع بالروح اللازمة نحو البطولة. ولا تلك المهارات العالية جدا (قارن هذا التيم بتيم رونالدو ريفالدو رونالديهو روبيرتو كارلوس وكافو الخ)
للاسف لم اشاهد المانيا والمكسيك اليوم .. الا ان منتخبات اسبانيا, البرتغال روسيا وفرنسا والارجنتين والبرازيل بحسب تقديري ستكون موجودة في دور ال 8 مالم تتقاطع اسبانيا او البرتغال مع احدها (نسبة لوقوع البرتغال واسبانيا في مجموعة واحدة) او في حالة حلول احد هذه الاتيام في المركز الثاني في مجموعته
في انتظار بلجيكا .. والمكسيك والمانيا (المكسيك والمانيا زي حالة اسبانيا والبرتغال)
06-18-2018, 01:48 AM
سفيان بشير نابرى سفيان بشير نابرى
تاريخ التسجيل: 09-01-2004
مجموع المشاركات: 9574
Quote: هل صحيح انو راموس سبّب ارتجاج لحارس ليفربول؟؟؟
كيفك يا خواض!؟ ايوة انا قريت خبر زي دا في احد المواقع الكروية بالنص قالوا انو الحارس جاء هنا أمريكا و فحص و طلع عندو شوية مشكلة في الشوف مش ارتجاج في المخ المهم الاتحاد بتاع اليوفا برأ أخونا راموس لانو راجعو الفديو ولقو السبب انو احد لعيبة ليفربول هو الدفع راموس و بسبب الدفعة الحارس انضرب.
ياجماعة زي ما قال أحد الإخوان ماتركزو مع ال32 الغريق قدام لكن رايكم شنو في ترشيحي للماكسيك من اول مداخلة؟ المكسيك من ما عرفته كأس العالم و هي بتجي تلعب بتلعب بحماس و قوة.
06-18-2018, 08:59 AM
محمد أبوالعزائم أبوالريش محمد أبوالعزائم أبوالريش
تاريخ التسجيل: 08-30-2006
مجموع المشاركات: 14617
يا سفيان، رغم إنو متابعتي لكرة القدم تنحصر في نهائيات كأس العالم فقط، إلاّ إني أقدر أقول ليك فريق المكسيك واحد من الفرق ليها تأثير في مجريات المنافسة، يعني بتتسبب في إخراج فرق كبيرة وتأهيل أخرى ... لكنها لا تصل للنهاية.
شخصياً أستمتع جداً بأداء هذا الفريق.
06-18-2018, 01:51 PM
طارق عبد الله طارق عبد الله
تاريخ التسجيل: 06-30-2016
مجموع المشاركات: 446
Quote: يا سفيان، رغم إنو متابعتي لكرة القدم تنحصر في نهائيات كأس العالم فقط، إلاّ إني أقدر أقول ليك فريق المكسيك واحد من الفرق ليها تأثير في مجريات المنافسة، يعني بتتسبب في إخراج فرق كبيرة وتأهيل أخرى ... لكنها لا تصل للنهاية.
شخصياً أستمتع جداً بأداء هذا الفريق.
فعلا الفريق المكسيكي من الفرق التي تضفي نكهة مميزة على كأس العالم وبالمناسبة هو أكثر فريق تأهل لنهائيات المونديال عبر التاريخ بعد الأربعة الكبار البرازيل وألمانيا وايطاليا والأرجنتين، وفي مباراته الأخيرة ضد ألمانيا قدم عرضا نموذجيا مع تمازج السرعة والموهبة واللياقة البدنية والتكتيك المناسب وبدون شك استحق الفوز وكان يمكنه زيادة غلته من الأهداف، أما ألمانيا فقد دفعت ثمن غياب المهاجم الصريح والقناص منذ اعتزال كلوزه ولايوجد لديها سوى ماريو جوميز الذي يعاني من هبوط المستوى ولايمكن مقارنته بنجوم الألمان التاريخيين في هذا المركز من غيرد مولر ورومينجيه ورودي فولر وكلينسمان وغيرهم كذلك دكة البدلاء ليست بحجم فريق مثل ألمانيا وأتوقع أن يلاقي الفريق صعوبات جمة للدفاع عن لقبه. الجميل في المونديال حتى الآن تكافؤ المستويات بين الفرق بصرف النظر عن الأسماء باستثناء مباراة الافتتاح بين روسيا والسعودية، وبالمناسبة أتوقع خروج جميع الفرق العربية من الدور الأول عطفا على ماقدمته حتى الآن وربما يكون ذلك من صالحنا حتى يتوقف مذيعو الجزيرة الرياضية ومحللوها عن التحيز لها بالشكل المفضوح الذي يناقض الموضوعية والمهنية كما أراه.
وبانتظار ماسوف تقدمه بلجيكا اليوم.
06-18-2018, 05:08 PM
سفيان بشير نابرى سفيان بشير نابرى
تاريخ التسجيل: 09-01-2004
مجموع المشاركات: 9574
Quote: فعلا الفريق المكسيكي من الفرق التي تضفي نكهة مميزة على كأس العالم وبالمناسبة هو أكثر فريق تأهل لنهائيات المونديال عبر التاريخ بعد الأربعة الكبار البرازيل وألمانيا وايطاليا والأرجنتين، وفي مباراته الأخيرة ضد ألمانيا قدم عرضا نموذجيا مع تمازج السرعة والموهبة واللياقة البدنية والتكتيك المناسب وبدون شك استحق الفوز وكان يمكنه زيادة غلته من الأهداف، أما ألمانيا فقد دفعت ثمن غياب المهاجم الصريح والقناص منذ اعتزال كلوزه ولايوجد لديها سوى ماريو جوميز الذي يعاني من هبوط المستوى ولايمكن مقارنته بنجوم الألمان التاريخيين في هذا المركز من غيرد مولر ورومينجيه ورودي فولر وكلينسمان وغيرهم كذلك دكة البدلاء ليست بحجم فريق مثل ألمانيا وأتوقع أن يلاقي الفريق صعوبات جمة للدفاع عن لقبه. الجميل في المونديال حتى الآن تكافؤ المستويات بين الفرق بصرف النظر عن الأسماء باستثناء مباراة الافتتاح بين روسيا والسعودية، وبالمناسبة أتوقع خروج جميع الفرق العربية من الدور الأول عطفا على ماقدمته حتى الآن وربما يكون ذلك من صالحنا حتى يتوقف مذيعو الجزيرة الرياضية ومحللوها عن التحيز لها بالشكل المفضوح الذي يناقض الموضوعية والمهنية كما أراه.
وبانتظار ماسوف تقدمه بلجيكا اليوم.
ما شأ الله تبارك الله يا طارق كلام دقيق و متكامل و شبه تخصصي. اتفق معاك و مع ابو الريش تمام في كل ما ذكر.
بنما تقدم الإثارة و تعلن أن لا فريق مغمور في العالم سوى الفرق العربية و الأفريقية التي ستخرج جميعها.
الان مارتيز يقتل بنما بكرة من خارج الخط معلن الأهداف الأول في أول دقيقتين من الشوط الثاني.
06-18-2018, 07:38 PM
osama elkhawad osama elkhawad
تاريخ التسجيل: 12-31-2002
مجموع المشاركات: 20421
سيول المعلومات عن الرياضة والرياضيين التي اتاحتها ثورة الانفوميديا تتيح النظر اليها اي الرياضة والرياضيين والرياضيات بطرق اخرى،
تختلف عن النظر التقليدي أي الاكتفاء بالمتعة او الضجر..
مثلا ًيمكن الجمع بين البحث عن المتعة وتحليل مجريات الاشواط ومقارنتها بما يقول به المختصون في الاستديو التحليلي..
يمكن الانتباه الى الخلفيات الثقافية للاعبين وما يقومون به من تصرفات . مثلا صلاة لوكاكو هدّاف بليجكا مع لاعب من بنما في نهاية المباراة* ،
جعلتني اعتقد خطا انه مسلم .
.وبالبحث عنه في الانترنت اتضح انه مسيحي ملتزم رغم ما اشيع في صحيفة بريطانية تابلويدية من انه مسلم..
يمكن ايضا النظر الى اللاعبين بما يقدمونه من افعال الخير مثل سيرينا ويليامز التي بنت على نفقتها مدرسة للبنات ، تحمل اسمها ،في جنوب افريقيا مجهزة بالكمبيوترات،
مثلما بنى السويسري روجر فيدرر مدرسة في اثيوبيا، وبدأ في مشروع مهني تعليمي في احدى الدول الافريقية لتدريب فقراء افريقيا..
كذلك بنى محمد صلاح مركزا لغسيل الكلى في قريته...إلخ....
*صلاة لوكاكو ولاعب من بنما:
06-18-2018, 11:06 PM
سفيان بشير نابرى سفيان بشير نابرى
تاريخ التسجيل: 09-01-2004
مجموع المشاركات: 9574
Quote: سيول المعلومات عن الرياضة والرياضيين التي اتاحتها ثورة الانفوميديا تتيح النظر اليها اي الرياضة والرياضيين والرياضيات بطرق اخرى،
تختلف عن النظر التقليدي أي الاكتفاء بالمتعة او الضجر..
مثلا ًيمكن الجمع بين البحث عن المتعة وتحليل مجريات الاشواط ومقارنتها بما يقول به المختصون في الاستديو التحليلي..
يمكن الانتباه الى الخلفيات الثقافية للاعبين وما يقومون به من تصرفات . مثلا صلاة لوكاكو هدّاف بليجكا مع لاعب من بنما في نهاية المباراة* ،
جعلتني اعتقد خطا انه مسلم .
.وبالبحث عنه في الانترنت اتضح انه مسيحي ملتزم رغم ما اشيع في صحيفة بريطانية تابلويدية من انه مسلم..
يمكن ايضا النظر الى اللاعبين بما يقدمونه من افعال الخير مثل سيرينا ويليامز التي بنت على نفقتها مدرسة للبنات ، تحمل اسمها ،في جنوب افريقيا مجهزة بالكمبيوترات،
مثلما بنى السويسري روجر فيدرر مدرسة في اثيوبيا، وبدأ في مشروع مهني تعليمي في احدى الدول الافريقية لتدريب فقراء افريقيا..
كذلك بنى محمد صلاح مركزا لغسيل الكلى في قريته...إلخ....
شكراً يا خواض يا شواف على لفت انتباهنا لزاوية شوف وفرحة أخرى انا شخصياً ما انتبهته ليها شديد رغم المامي ببعض الجوانب كمعلومات عامة مثلاً زي رفض كريستيانو رونالدو للوشم في جسمه لأنه متبرع دائم بالدم حيث يرفضون تبرع الأشخاص أصحاب الوشم. بعد مداخلتك الماتعة دي حقو ننتبه للتوسع البصري في الكورة دي.
06-19-2018, 01:08 AM
osama elkhawad osama elkhawad
تاريخ التسجيل: 12-31-2002
مجموع المشاركات: 20421
شكراً خواض مداخلاتك سلطت الضؤ على جانب اخر مشرق في لعبة كرة القدم وفي الرياضه عموم فالرياضين رواد اجتماعيين وتبادلهم المحبه مع محبيهم بهكذا اعمال يعطي الرياضه ادوار اخرى في المجتمع
06-19-2018, 03:04 PM
علي محمد الفكي علي محمد الفكي
تاريخ التسجيل: 01-08-2013
مجموع المشاركات: 3863
خسارة مولمبيا من اليابان اعتبرها اولى مفاجأت المونديال ولكن ردود الفعل الغبيه لبعض اللاعبين دائماً تتسبب في خسارة فرقهم وكارلوس سانشيز تسبب في خسارة فريقه برد فعل غبي فالمباراه في دقائقها الاولى والهدف يمكن تعويضه ولكن النقص العددي لاكثر 85 دقيقه لا يمكن تعويضه ولكنه اختار رد الفعل الخطأ فخسر فريقه لاعب واحرزت اليابان هدف
06-19-2018, 04:35 PM
سفيان بشير نابرى سفيان بشير نابرى
تاريخ التسجيل: 09-01-2004
مجموع المشاركات: 9574
السنغال تسجل اول هدف من نيران صديقة لكن الكورة دي لسه بدري عليها. اعتقد أيضا انو السنة دي هدافي كأس العالم صعب التنبؤ بهم لانو العمالقة موجودين كريستيانو رونالدو و روميو لوكاكو و هاري كين و ما اظن يمرق منهم الهداف.
06-19-2018, 05:07 PM
Abdullah Idrees Abdullah Idrees
تاريخ التسجيل: 12-05-2010
مجموع المشاركات: 3692
معليش يا جماعة لكن اسمحوا لي اقول :- زووووووووووووووووط زووووووووووووووووط زووووووووووووووووط زووووووووووووووووط و فرحان انو محمد صلاح لاعب لانو لو ما لعب الوهم ديل حيفتكروا انهم كانوا ح يشيلو الكأس.
06-19-2018, 08:24 PM
سفيان بشير نابرى سفيان بشير نابرى
تاريخ التسجيل: 09-01-2004
مجموع المشاركات: 9574
روسيا تأخذ نصيبها من الشباك العربية.... ثمانية أهداف حتى الآن في مباراتين! مع ذلك أقول الفريق الروسي ضعيف ومتواضع المستوى وربما ينتهي به المطاف في الدور القادم وأعتقد أن جدول المباريات قد خدمه بشكل كبير إذ لو كانت بداية مبارياته مع الاوروغواي بدلا من السعودية لكان الوضع مختلفا ولكانت حساباته أصعب.
06-19-2018, 10:34 PM
محمد أبوجودة محمد أبوجودة
تاريخ التسجيل: 08-10-2004
مجموع المشاركات: 5265
تحايا مسائية لكم، أخي عبدالله إدريس، وتيمـه His team-work آل مُنَوّع .. لاسيما بدخول "قوات الاحتياط" من أمثال أخينا الودود حمد عبدالغفار (حمد لكييين ما بالغتا يا أخي الكريم، ما يجوووز! الناس تعاين بي جاي "وسط الدائرة" وانتا مُلتفِت لــِ " أجمل نائرة" .. خلِّي قلوبنا تسييييير .. ارحلي بينا "فراشة" حنيييينة بين "زينات" وُ " عَبيييير" .. ههههالأخ طارق عبدالله، ليك التحايا وعيد سعيد،كلامك دا : (( روسيا تأخذ نصيبها من الشباك العربية.... ثمانية أهداف حتى الآن في مباراتين! مع ذلك أقول الفريق الروسي ضعيف ومتواضع المستوى وربما ينتهي به المطاف في الدور القادم وأعتقد أن جدول المباريات قد خدمه بشكل كبير إذ لو كانت بداية مبارياته مع الاوروغواي بدلا من السعودية لكان الوضع مختلفا ولكانت حساباته أصعب. )) فإنّي اشتمُّ فيه رائحة "مخافير" أو شيء من تلك الرائحة..! وأعني أن هناك شُبهة (بيع فِرَق عربية) للدُّبّ الماكن وُكِدا فما رأيك ..؟!
وَ هذه مُلحة الوداع.. فقد جاء في الواطساب، أن مصريا سعى لإيقاظ ابنه لصلاة الفجر مُحَفِّزاً، فقال له: قوووم يا ابني خلّينا نصلّي الفحر وُ نِدْعي لمصر تكسب روسيا. تمطّى الابن في رقدته، ومن بين النوم وا الصّحيان، ردّ على أبيه:يا بابا نِـدعي إيه دا ..؟!! دي السعودية اللّي فيها "الكعبة" أكلت 0 - 5 عايزنا إحنا ندعي وُ "ما حِــيلتناش" غير "فرعون"
Quote: الأسطورة رونالدو يبدأ السيطرة على هداف كأس العالم.
البرتغال في خطر فالمستوى الذي اظهره المنتخب الايراني خاصه اما اسبانيا انذار شديد اللهجه للبرتغال اسبانيا كسبت بصعوبه بهدف ساندها فيه الحظ وايران لعبت بانضباط دفاعي يصعب مهمة منتخبات اللاعب الواحد
06-20-2018, 09:21 PM
محمد أبوالعزائم أبوالريش محمد أبوالعزائم أبوالريش
تاريخ التسجيل: 08-30-2006
مجموع المشاركات: 14617
Quote: لاحظت انّ معلقي قنوات "البي اي ان" يتحدّثون عن "تونس، ومصر، والمغرب بوصفها "فرقاً عربية" فقط.
ولا يتحدثون عن أنها تمثّل -في الأصل- قارتي فريقيا وآسيا.
وأنها ما كانت لتحظى بفرص المشاركة بصفتها "العربية"....
لا مانع من التحدّث ثانيا عن تلك الفرق ك"عربية"،
ولكن بعد التحدث أوّلاً عن علاقتها الأصلية بالقارة التي أتاحت لها تلك الفرص..
قليل من "الاحترافية"،مفيد للصحة العقلية هههههه
بح صوتي وانا بقول الكلام ده .... طبعاً السعودية بتنسى إنها بتمثل آسيا ... وعموماً السعوديين ما عارفين إنهم آسيويين برضو المصريين ما عارفين إنهم بيمثلوا أفريقيا أو بيتناسوا الكلام ده
06-20-2018, 10:14 PM
Abdullah Idrees Abdullah Idrees
تاريخ التسجيل: 12-05-2010
مجموع المشاركات: 3692
Quote: لاحظت انّ معلقي قنوات "البي اي ان" يتحدّثون عن "تونس، ومصر، والمغرب بوصفها "فرقاً عربية" فقط.
نفاق ما قدرت افهمو كلو كلو .. كتير جدا بسمع تعليق انجليزي يوم واحد ما سمعت معلق يتكلم عن منتخبات اوربية او يشجعها ضد االلاتينية مثلا او الافريقية ما علاقة كرة القدم بهذا النفاق ؟
06-20-2018, 10:18 PM
Abdullah Idrees Abdullah Idrees
تاريخ التسجيل: 12-05-2010
مجموع المشاركات: 3692
Quote: البرتغال في خطر فالمستوى الذي اظهره المنتخب الايراني خاصه اما اسبانيا انذار شديد اللهجه للبرتغال اسبانيا كسبت بصعوبه بهدف ساندها فيه الحظ وايران لعبت بانضباط دفاعي يصعب مهمة منتخبات اللاعب الواحد
يا علي دي نفس الطريقة الفازت بيها في اليورو ، بص شندي معاهو شوية حظ وحتلاقي منتخبات متواضعة في الknock-out زي ما لاقت ويلز والمجر في اليورو
06-20-2018, 10:28 PM
Abdullah Idrees Abdullah Idrees
تاريخ التسجيل: 12-05-2010
مجموع المشاركات: 3692
Quote: انشالله بركة الرسول الغالي وجوزاتو االحوالي ، على قول حبوبتي ، تتسلط عليهو نصيبتن في بطنو دي لامن يقدّولو العنقريب الانتهازي الرجعي البرجوازي المتعفن
هههههههههههههههههههه هااااي هههههههه انت الزول دا مكاجرو ساااي ياخ و هو أفضل من زولكم ميسي ميات المرات بما يفعله و يقدمه فبلاش شتائم بلشفية معاك هههههههه
06-21-2018, 04:34 PM
سفيان بشير نابرى سفيان بشير نابرى
تاريخ التسجيل: 09-01-2004
مجموع المشاركات: 9574
Quote: يا حليلو ميسي الليلة ذكرني العتود الرايح من امو هههههههه
هههههههههه بتخيل في منظر العتود حايم تحت الغنم يا سفيان الارجنتين منتخب بلا روح وميسي كأنو في زول مزعلو هههههههههههه احييك على ترشيحك كرواتيا من البدايه
06-21-2018, 09:18 PM
Abdullah Idrees Abdullah Idrees
تاريخ التسجيل: 12-05-2010
مجموع المشاركات: 3692
Quote: يا حليلو ميسي الليلة ذكرني العتود الرايح من امو هههههههه
العتود اليتيم (بس ما دغور) خليك دقيق بصراحة ده مستوى الارجنتين وده مستوى كرواتيا ، دي وجهة نظري في المنتخبين من البداية فريق يضم افضل محور وسط في ريال مدريد وافضل محور وسط في برشلونة ، يعني افضل محورين في العالم ببساطة من يوجد في وسط الارجنتين ؟ نكرات بجانب ماسكيرانو 34 سنة ويلعب في الدوري الصيني، من في الدفاع ؟ اوتاميندي ونكرتين وحارس مرمى يلعب بيديه فقط زي عتالي البتيخ مسكين ميسي والله ..اشفق عليه
06-21-2018, 09:26 PM
Abdullah Idrees Abdullah Idrees
تاريخ التسجيل: 12-05-2010
مجموع المشاركات: 3692
الان امام الارجنتين سيناريوهات صعبة لابد ان تتحق لكي تتأهل : 1- تفوز الارجنتين على نيجريا 2- تفوز نيجريا غدا على ايسلندا او تتعادل معها 3- تفوز كرواتيا على ايسلندا او تتعادل معها وحتى لو تحقق هذا السيناريو فليس لمنتخب الارجنتين اي مستقبل في المنافسة الا لو لعب بميسي وديبالا في الهجوم ، لا اغويرو ولا هيجواين حتى لا يتم خنق ميسي في الوسط ومن ثم تحييد المنتخب بكامله واشرك لو سيلسو اساسيا في خط الوسط كل الفرق اصبحت تلعب بخطة واحدة فقط ، اخنق ميسي وانسى
06-21-2018, 09:34 PM
طارق عبد الله طارق عبد الله
تاريخ التسجيل: 06-30-2016
مجموع المشاركات: 446
تحليل مميز يا أخونا عبدالله والمشكلة طبعا نيجيريا وباقي الفرق الأفريقية لا يمكن التنبؤ بنتائجها وبشكل أكثر من باقي الفرق يعني يغلب أجعص جعيص ويتغلب من الطيش بشكل مفاجئ وده بيزيد الاثارة والمتعة في هذه المجموعة
06-21-2018, 09:22 PM
طارق عبد الله طارق عبد الله
تاريخ التسجيل: 06-30-2016
مجموع المشاركات: 446
أفضل فريق في المونديال حتى الآن من ناحية التكتيك والقوة البدنية، لا يجارى في الانتشار السليم وافتكاك الكرة من الخصم ووضعه تحت الضغط لدرجة أنك تحس بأنهم يلعبون بأكثر من ١١ لاعبا، قوة الفريق تكمن في خط الوسط وبالذات التناغم بين الثنائي راكيتيتش ومودريتش، وباعتقادي لو كان الفريق يتوفر على هدافين من عينة النجم التاريخي السابق لكرواتيا دافور سوكر لأصبح الحصان الأسود للبطولة بسهولة وقد ينافس في التتويج باللقب.
الأرجنتين فريق متهالك ويفتقر للروح والانسجام ونتائجه السيئة ليست وليدة اللحظة بل هي حصيلة تراكمات عديدة لسنوات، وأعتقد أن الخلل في الكرة الأرجنتينية يعود للمدرسة التدريبية والاعداد البدني والنفسي للاعبين.
06-21-2018, 10:12 PM
Abdullah Idrees Abdullah Idrees
تاريخ التسجيل: 12-05-2010
مجموع المشاركات: 3692
Quote: والمشكلة طبعا نيجيريا وباقي الفرق الأفريقية لا يمكن التنبؤ بنتائجها وبشكل أكثر من باقي الفرق يعني يغلب أجعص جعيص
دي نقطة مهمة وصحيحة 100% نيجيريا بالذات ، مع الكاميرون ، حققوا مفاجأت كبيرة في كاس العالم ماببنسى ابدا اخراجهم لاسبانيا وزنقتهم القوية جدا لايطاليا في مونديال 94 لولا عبقرية باجيو في الاشواط الاضافية على ما اذكر لا يمكن التنبؤ ابدا بالفرق الافريقية اعتقد ان فرصة الارجنتين في العبور ضئيلة جدا
06-22-2018, 03:04 AM
سفيان بشير نابرى سفيان بشير نابرى
تاريخ التسجيل: 09-01-2004
مجموع المشاركات: 9574
يا عبد الله إدريس ياخ فكنا من ميسي دا ههههههه الزول دا اي نجم وللعاب و معلم واي شي بس براهو كده ما بيسوي شي غير إظهار مهاراته و فرفرتو دي في فرق بين اللاعب السوبر سوبر استار و اللاعب السوبر استار واحده بس هههههههههه اها ميسي دا زيو زي اي رونالدينهو و أي آخر حريف لكن يظل الفرق بينه وبين لعيبة زي كريستيانو رونالدو و تيري اونري فرق شاسع و كبير لأنهم لعيبة اتميزو بالقوة و الشراسة و عزم الإستسلام و القتال و العمل الجماعي و تميزو اكتر بالشخصيات التي تفرض اسلوبيتها الهجومية المميزة. المهم هههههههه ح نشهد معركة أخيرة قوية للأرجنتين و هي (بترفس) لإخراج الروح و بعديها ح يبدي فاصل درامي آخر بطله ميسي الذي سيعتزل اللعب مع الأرجنتين مرة أخرى كعادته ههههههههه مش قلته ليك شخصية باهتة و مملة هههههههه
06-22-2018, 07:16 PM
Hassan Farah Hassan Farah
تاريخ التسجيل: 08-29-2016
مجموع المشاركات: 9066
سلامات يا حسن فرح... ايوة الصبي احمد موسى سواها ولا يخاف عقباها ما شاء الله تبارك الله عليهو اها بعد كده يضربو العتود الرايح و رفقاه أو يدرنو معاهم و آيسلندا تدري مع كرواتيا و يتخارجو مع الأرجنتين عشان كاس العالم (العالم) الجد جد يبدأ.
06-22-2018, 08:42 PM
جلالدونا جلالدونا
تاريخ التسجيل: 04-26-2014
مجموع المشاركات: 9387
كده الارجنتين امورا اتعقدت شديد نيجيريا ما اظن تكون صيد سهل بالنسبة ليها خاصة مع ارتفاع طموحات تأهّلا يا اخوانا فى احتمال لى مباراه بين المكسيك و كرواتيا يتخيل لى دى ح تكون زبدة كاس العالم
06-22-2018, 11:15 PM
Abdullah Idrees Abdullah Idrees
تاريخ التسجيل: 12-05-2010
مجموع المشاركات: 3692
بختلف معاك يا جلال النتيجة دي ادت الارجنتين امل لو فازت ايسلندا كان حيكون عندها 4 نقاط وتعادل مع كرواتيا يضمن ليها التأهل بغض النظر عن نتيجة الارجنتين - نيجيريا كده على االارجنتين هزيمة نيجيريا اولا ، بعداك ايسلندا ما تفوز على كرواتيا ، تتعادل او تتغلب بس نيجيريا نعم عندها امل كبير تتعادل او تهزم الارجنتين بشرط ايسلندا ما تفوز على كرواتيا يبقى كده ايسلندا هي الفريق الاقل املا لانو مباراتها مع كبير المجموعة وحتكون صعبة جدا ، لانو كرواتيا ما ضمنت صدارة المجموعة لسه نيجيريا عندها امل تتصدر المجموعة ولو صغير ..
06-22-2018, 11:35 PM
Abdullah Idrees Abdullah Idrees
تاريخ التسجيل: 12-05-2010
مجموع المشاركات: 3692
مداخلة من بوست عثمان محمود ردا على سفيان الحاقد حاشيل عثمان واخت في مكانو سفيان يا سفيان ياخ انت بتتمنى كاس عالم بدون ميسي ؟ المشكلة في المدرب والمنتخب بشكل عام ، ضعيف جدا عناصريا عايزين ميسي يجيب الاقوان ويصنع اللعب والفرص ويقعدو يتفرجوا ساي ؟ مش ممكن خط الوسط كلو مافيهو زول بلعب في دوري الابطال ! خليك من انو ينافس عليهو شوف ، فريق ما فيهو لاعبين كتار بنافسو على اعلى مستوى في دوري ابطال اوربا ده فريق بائس فريق ما عندو لاعبي محور وسط على اعلى مستوى ، ده فريق جااي يشارك بس ويتكل على الله شفت امبارح كرواتيا مع مودريتش وراكيتيتش ؟ وبعد كده عندهم كوفاسيتش قاعد برة وكوفا افضل من كل لاعبي وسط الارجنتين الماعارف بلعبوا وين ديل الارجنتين بقا فريق محفوظ : اخنق ميسي وفوز بالمباراة مين ميتزا وتاليافيكو وميركادو وبافون الخ الخ الخ ، بلعبوا وين ديل ؟ ده كلو كوم ولحارس بتاعهم ده كوم تاني ! على المدرب تحرير ميسي وتقديمه كمهاجم صريح مع ديبالا واللعب بلو سيلسو اساسي في الوسط حتى لا يتم خنق ميسي من منطقة الوسط بلا هيجواين بلا اغويرو بلا لمة
06-23-2018, 00:23 AM
سفيان بشير نابرى سفيان بشير نابرى
تاريخ التسجيل: 09-01-2004
مجموع المشاركات: 9574
Quote: بس نيجيريا نعم عندها امل كبير تتعادل او تهزم الارجنتين بشرط ايسلندا ما تفوز على كرواتيا
اول شي خليني ارد على كلامك الفوق دا بعديها بجرد ليك حملة رد على هضربتك في مداخلتك التانية التحت يا ود إدريس. اها نيجيريا أقلاها ح تطلع تعادل مع الأرجنتين و الكروات ضارب ين آيسلندا و كل قرد يطلع جبلو.
مباريات كأس العالم لحد هسه ماشة حسب المتوقع الكروات فنانين بقيادة اللوكا مودريتش والبلجيكيون قادمون الاسبان قادرين على تخطي المراحل الأولى وفرصتم ما زالت موجودة والعرب كالعادة خارج البطولة من الدور الأول ونتمنى السنغال ونيجيريا في دور ال16 . الكأس أوروبي واضح المعالم
06-23-2018, 07:33 AM
سفيان بشير نابرى سفيان بشير نابرى
تاريخ التسجيل: 09-01-2004
مجموع المشاركات: 9574
Quote: يا سفيان ياخ انت بتتمنى كاس عالم بدون ميسي ؟ المشكلة في المدرب والمنتخب بشكل عام ، ضعيف جدا عناصريا عايزين ميسي يجيب الاقوان ويصنع اللعب والفرص ويقعدو يتفرجوا ساي ؟ مش ممكن خط الوسط كلو مافيهو زول بلعب في دوري الابطال ! خليك من انو ينافس عليهو شوف ، فريق ما فيهو لاعبين كتار بنافسو على اعلى مستوى في دوري ابطال اوربا ده فريق بائس فريق ما عندو لاعبي محور وسط على اعلى مستوى ، ده فريق جااي يشارك بس ويتكل على الله شفت امبارح كرواتيا مع مودريتش وراكيتيتش ؟ وبعد كده عندهم كوفاسيتش قاعد برة وكوفا افضل من كل لاعبي وسط الارجنتين الماعارف بلعبوا وين ديل الارجنتين بقا فريق محفوظ : اخنق ميسي وفوز بالمباراة مين ميتزا وتاليافيكو وميركادو وبافون الخ الخ الخ ، بلعبوا وين ديل ؟ ده كلو كوم ولحارس بتاعهم ده كوم تاني ! على المدرب تحرير ميسي وتقديمه كمهاجم صريح مع ديبالا واللعب بلو سيلسو اساسي في الوسط حتى لا يتم خنق ميسي من منطقة الوسط بلا هيجواين بلا اغويرو بلا لمة
يا عبد الله يا حبيبي مش انا البتمني كأس عالم بدون ميسي الواقع هو الحايفرض الحاجة دي و الكلام دا ببساطة خلاصته من جوة كلامك الفوق دا وهو انو الأرجنتين فريق ضعيف من حيث المدرب و من حيث الاعبين مش ياهو كلامك!؟ يبقى انت ذاتك مقتنع بانو كأس العالم ح يكون دون وجود هذا الشخص و لا مو هيك!؟ لكن ح اقول ليك كلامك ما صاح المدرب مدرب كويس و المنتخب فيهو نجوم كبيرة و ممتازة و اصلا الكلام ما غلاط هاك دا المنتخب و اسماء اللعيبة :- حراسة المرمى (3): روميرو (مانشستر يونايتد الإنجليزي) - ويلي كاباييرو (تشيلسي الإنجليزي) - فرانكو أرماني (ريفر بليت الأرجنتيني).
الهجوم (4): ليونيل ميسي (برشلونة الإسباني) - باولو ديبالا (يوفنتوس الإيطالي) - غونزالو هيغواين (يوفنتوس) - سيرجيو أغويرو (مانشستر سيتي الإنجليزي). اها ديل كلهم لعيبة ليهم وزنهم لكن مشكلة الكورة الأرجنتينية السنوات الفاتت دي رهنت كل خططها و تشكيلة لعبها فقط لخدمة ميسي ودي حاجة فاشلة زي فشل برشلونة البدأ حالياً في خلال دورات بطولة الأمم الأوروبية التلاته الفاتت ، ما ممكن برشلونة بتاريخها العريض ترون كل خططه و امجادها من أجل عشرة لعيبة فقط يخدمون لاعب واحد!!! ؟دي مشكلة منتخب الأرجنتين و كذلك برشلونة. بعدين انت ليه معترض على انو المنتخبات الأخرى تخنق ميسي و تكسب!! ؟ ياخ من حقها تكسب طالما انو سهل جداً خنق ميسي مش كده!! ؟ ما ياهو منتخب البرتقال كسب البطولة بتاعة الأمم الأوروبية و لحدي هسي ماشي كويس في كأس العالم و برضو بي لاعب واحد اسمو كريستيانو رونالدو ليه المنتخبات الأخرى ما قادره تخنقو!؟ هل سألته نفسك السؤال دا!؟ مش هو برضو (بنفس منطقك الفوق داك) معاهو لعيبة تعبانين!! ؟ اوكي اوريك السبب شنو!؟ السبب هو انو رونالدو لاعب صاحب روح قتالية و عندو من الإمكانيات و المقدرة و القوة ما يجعله سوبر استار و يخلق من أي كرة أمام المرمى هدف و يجيد الحلول في أحلك ظرف... ايوة دا السبب. شي اخير الأرجنتين ح تطلع من البطولة و دا آخر عام لميسي مع المنتخب و بعد عودته لبرشلونة برشلونتكم ح تتفرتق هههههههههه اسمعه مني و اتذكر كلامي دا.
06-23-2018, 12:39 PM
Abdullah Idrees Abdullah Idrees
تاريخ التسجيل: 12-05-2010
مجموع المشاركات: 3692
يا سفيان ياخوي صلي على النبي فريق شنو البتتكلم عنو ده : - الحارس الاساسي روميرو اخر مرة لعب اساسي مع الاندية قبل 4 او 5 سنة وبي سجمو ده اصيب وجا الاسوأ منو كابييرو وهو برضو احتياطي من كم سنة وشفناهو عمل شنو مع كرواتيا - الدفاع : فقط اوتاميندي والبقية لعيبة عاديين ، اشبيلية و روما واياكس وسبورتينغ لشبونة وروخو احتياطي في مانشستر ، يعني مافي تشيلسي ولا الريال ولا برشلونة ولا اتليتيكو ولا اليوفي - اما محور الوسط فدا اسوأ خط ولا يوجد فيه لاعب واحد يصلح لفريق تنافسي عدا لو سيلسو وهو شاب صغير لم يدفع به المدرب ولا ادري لماذا ، البقية من ؟ ماسكيرانو ؟ انتهى من اخر موسمين مع برشلونة ولحق جدي عمرو 34 او 35 سنة وبلعب في الصين ! دي ماريا وسط مهاجم وبرضو قاعد احتياط في سان جيرمان في دوري "الخليفي" الضعيف جدا البقية ديل بتاعين انديبيندنتي وبوكا واشبيلية الخ الخ لو كانوا لاعبين بينافسوا في كاس العالم كنا شفناهم في فرق كبيرة ، يا سفيان سوق الكورة زيو وزي اي سوق تاني بيتسم بالعقلانية ، يعني كل شي بي تمنو وكل شي بي قيمتو ، تلعب في لشبونة يعني الoutcome بتاعك بيناسب طموحات لشبونة وراتب لشبونة والدوري االبيلعب فيهو لشبونة وهكذا .. والعكس .. وشفنا مودرينش وراكيتيتش لعبو بيهم كيف ، شفنا تأثير اللاعب الكبير البيلعب اساسي في فريق كبير ، فرق يا سفيان .. - الهجوم ضايع بدون محاور وسط واطراف دفاع مافي فريق بيقدر ينافس - رونالدو لاعب هداف في فرص ، بيضمن ليك اهداف ، مافي فرص ، ما بيقدر يعمل اي حاجة ، في 3 كؤوس عالم سابقة خاضها سجل 3 اهداف فقط ! ما تقول لي شايل فريق وبتاع ، المنتخب يعتمد عليه في التسجيل بدرجة كبيرة نعم ، لكنه يعتمد على خط الوسط في الامداد ولديه فريق متماسك يلعب ككتلة واحد ويدافع بشكل ممتاز ، ميسي هو هداف الارجنتين وصانع اللعب وهو البساعد خط الوسط في االسيطرة واي حاجة ، بمجرد السيطرة عليه انتهى الموضوع ! وشفنا لمن اعتزل فترة شهور الحصل شنو للمنتخب لمن جا راجع والمنتخب الارجنتيني تأهل في اخر جولة ..
06-23-2018, 07:37 AM
سفيان بشير نابرى سفيان بشير نابرى
تاريخ التسجيل: 09-01-2004
مجموع المشاركات: 9574
Quote: مباريات كأس العالم لحد هسه ماشة حسب المتوقع الكروات فنانين بقيادة اللوكا مودريتش والبلجيكيون قادمون الاسبان قادرين على تخطي المراحل الأولى وفرصتم ما زالت موجودة والعرب كالعادة خارج البطولة من الدور الأول ونتمنى السنغال ونيجيريا في دور ال16 . الكأس أوروبي واضح المعالم
مرحب ود الإمام اخوي... كلامك صح الكأس أوربي مافي شك. واحد صاحبي قالي:- يا سفيان ياخ ما تحرق رزك لسه كأس العالم ما بدي ح يبدي لما ال (ما عالم) يتخارجو ههههههههه قلته ليهو ديل منو!؟ قال العرب و الأفارقة بتاعننا ديل هههههههههه
06-23-2018, 02:26 PM
طارق عبد الله طارق عبد الله
تاريخ التسجيل: 06-30-2016
مجموع المشاركات: 446
يا طارق البلجيك انا مرشحهم كحصان اسود لكن ابدا ما ح يصلو دوري الأربعة ناهيك عن النهائي. المكسيك يغزون العالم. الألمان بعد زنقتهم هسي من السويد لكن ح يضربو السويد.
06-23-2018, 07:51 PM
علي محمد الفكي علي محمد الفكي
تاريخ التسجيل: 01-08-2013
مجموع المشاركات: 3863
مباريات كأس العالم لحد هسه ماشة حسب المتوقع الكروات فنانين بقيادة اللوكا مودريتش والبلجيكيون قادمون الاسبان قادرين على تخطي المراحل الأولى وفرصتم ما زالت موجودة
اهلين يا عثمان المدريديستا بلجيكا اكثر فرق العالم موهبة في نظري ما معقول ياخ دي بروين وهازارد وميرتنز ولوكاكو وفي الدفاع عندهم كورتوا و الدرفيلد وفيرتونغين ومونييه وكومباني وفيرمايلين ، وسط اكسل وفلايني .. غايتو لو الموهبة بتدي اي ضمانات ، بلجيكا هي البطل
06-23-2018, 08:32 PM
سفيان بشير نابرى سفيان بشير نابرى
تاريخ التسجيل: 09-01-2004
مجموع المشاركات: 9574
البلجيك رغم نجومية أسماء دفاعهم الا انو فيهو مشكلة كبيرة.
يا ود إدريس ياخ لعيبة الأرجنتين الفي المنتخب ياهم تقريباً الأفضل للأرجنتين لو في أفضل منهم كان جابوهم. لكن ما بالغته سوية في انك تدي ايحاء بانو لعيبة منتخب البرتغال لعيبة من العيار الثقيل أو أنهم أفضل من لعيبة الأرجنتين!؟ ياخ امشي راجع اساميهم و فرقهم ياخ ديل ناس دوري محلي سااااهت هههه. يا ود المكي ألمانيا أهو غيرت طريقة لعبها و دورو محاصرة لكن لأول مرة في حياتي أشاهد الألمان بدون هداف خطير بالرغم انو تاريخياً الألمان فيهو كل اللعيبة هدافين بحساسية عالية.
Quote: يا سفيان ياخ قول خير ..... الألمان زاتهم ما كانوا متأكدين أنهم (سيعودون) ..... دي ولادة.
عموماً .... المونديال ده ليس فيه كبير.
يا ابو الريش ياخ نحنا من زمان الكورة الألمانية دي علمتنا لو لو الحكم ما تييييت صفر اصلا ما تعتبر الكورة خلصت بانتصار احد الفريقين أو انتهت تعادل. يا صاحبي دي ما أول مرة ابدا و صدقني انا كنت متأكد من هدف الألمان و هسي انتو هنا كلكم اسمعوها تاني ألمانيا شايله الكأس شايلاهو.
06-23-2018, 10:45 PM
Abdullah Idrees Abdullah Idrees
تاريخ التسجيل: 12-05-2010
مجموع المشاركات: 3692
الغريبة يا سفيان، بي سجمهم ورمادهم ده، موقفهم بقى أحسن من السويديين، رغم إنهم متعادلين في النقاط والأهداف. لأنو باقي ليهم مباراة مع كوريا، ودي ممكن نقول في جيبهم. بينما السويد باقي ليها المكسيك متصدرة المجموعة.
06-24-2018, 03:01 PM
سفيان بشير نابرى سفيان بشير نابرى
تاريخ التسجيل: 09-01-2004
مجموع المشاركات: 9574
اليابانيون يا على شعب راقى و الفريق بتاعن جا عشان يلعب كورة يقوم اللاعب الصعلوق نمرة 19 يعتدى على لاعب منهم بالضرب يخلّى دمومو تتجارى و قدام الحكم كمان .. و يكتفى بالكرت الاصفر ... ياخى ده الطرد شوية عليهو معقولة ياخ .. ده فريق يمارسو معاهو صعلقة خيران داكار ياخى
06-24-2018, 09:51 PM
Abdullah Idrees Abdullah Idrees
تاريخ التسجيل: 12-05-2010
مجموع المشاركات: 3692
مساء الخير، أسمحوا لنا بالدخول في هذه الونسة الرياضية.. متابع للمونديال منذ أول يوم، رغم أن مواعيد المباريات لا تناسب من يعمل نهارا، لكن نهاية الأسبوع تكفي ... قبل البداية كنت أتوقع أن تصل نصف النهائي: روسيا و أسبانيا و البرازيل و ألمانيا و لكن بعد هذه البداية القوية لبعض الفرق مثل مكسيك و كرواتيا و الظهور المتواضع لألمانيا و البرازيل الواحد يتوقع مفاجآت!!!
نحن جيل فتحنا عيوننا على مونديال ألمانيا في ١٩٧٤ و الأرجنتين ١٩٧٨ مونديال ألمانيا ١٩٧٤ ظهرت فيه أشياء كثيرة باكنباور و مولير كانوا عمالقة و حققوا فوزا كبيرا بالكأس هولندا و الأسطوري يوهان كرويف أبهروا العالم بأسلوب الكرة الشاملة (توتال فوتبول)! كذلك أتذكر بولندا و كان عندهم لاعب شهير جدا حيث حلوا ثالثا بعد هولندا.... زائير كان الفريق الوحيد من أفريقيا... هولندا فعلتها مرة ثانية في الأرجنتين و لعبت النهائي. يوهان كرويف لم يشارك و عرفنا بعدها أن الـCIA تدخلت لمنعه حتى تضمن الكأس للأرجنتين.. أمريكا كان تريد أن تلمع النظام الديكتاتوري في بوينس آيروس فكان لا بد من التآمر من أجل أن تفوز الأرجنتين بقيادة كمبس! أمريكا مارست نفس الأسلوب في تلميع نظام موبوتو سيسي سيكو عندما جلبت ملاكمة القرن بين محمد علي و جورج فورمان لتلعب في كينشاسا،،، (رومبل إن ذَا جونغل)
فعلا لا توجد بطولة رياضية أعظم من المونديال
06-25-2018, 00:23 AM
osama elkhawad osama elkhawad
تاريخ التسجيل: 12-31-2002
مجموع المشاركات: 20421
Quote: مساء الخير، أسمحوا لنا بالدخول في هذه الونسة الرياضية.. متابع للمونديال منذ أول يوم، رغم أن مواعيد المباريات لا تناسب من يعمل نهارا، لكن نهاية الأسبوع تكفي ... قبل البداية كنت أتوقع أن تصل نصف النهائي: روسيا و أسبانيا و البرازيل و ألمانيا و لكن بعد هذه البداية القوية لبعض الفرق مثل مكسيك و كرواتيا و الظهور المتواضع لألمانيا و البرازيل الواحد يتوقع مفاجآت!!!
حبابك 10 احمد وشكرا على مشاركة ذكرياتك فعلا الامور ما واضحة ، مافي نجوم سوبر كتيرين في الفرق التقليدية وفي الكرة العالمية بشكل قارن منتخب المانيا في التسعينات وأسي ، ماتيوس - سامر -هاسلر-بريمة -كلينزمان-فولر -شول مقارنة معدومة تقريبا في كل المراكز ، نفس الشي ينطبق على فرنسا ، البرازيل ، الارجنتين باستثناء اسبانيا التي تعيش بقايا عصر ذهبي بدأ في الافول ..
06-25-2018, 12:41 PM
osama elkhawad osama elkhawad
تاريخ التسجيل: 12-31-2002
مجموع المشاركات: 20421
كما توقعت .. المنتخب السعودي ليس سيئا للدرجة البتخليهو ياخد 5 من روسيا منتخب ضعيف الشخصية مصاب بعقدة الخواجة اما مصر فلن تتخلص من فوبيا الهزيمة الى الابد منتخب جبان جدا جدا لا يلعب لتسجيل الاهداف وانما يلعب لتفادي قبولها ودي بقت ليهم عقيدة عديل يتغير المدرب وتظل نفس العقيدة سائدة عشان ما نقول دي تعليمات كوبرحتى قدام السعودية ما عايزين يلعبو كورة عموما الاورغوي تصدرت المجموعة بجدارة بعد لقنت روسيا المملة درسا لن تنساه ..
06-25-2018, 06:10 PM
سفيان بشير نابرى سفيان بشير نابرى
تاريخ التسجيل: 09-01-2004
مجموع المشاركات: 9574
سليم يا خواض الرياضية أصبحت أهم مجالات الأموال و استثمارها.
صح يا عبد الله إدريس انا برضو قبل الكورة دي كنت متيقن انو السعودية ح تضرب الوهم ديل (هم الاتنين وهم ههههه) لانو الكورة السعودية متطورة اكتر من كرة المصريين.
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
Abdullah Idrees
ترهاقا
محمد حيدر المشرف
محمد أبوالعزائم أبوالريش
Nasser Amin
osama elkhawad
محمد صديق عبد الله
سفيان بشير نابرى
طارق عبد الله
علي محمد الفكي
محمد أبوجودة
Hassan Farah
جلالدونا
فيس بوك
تويتر
انستقرام
يوتيوب
بنتيريست