الاخ ود الطالب .. اشكرك .. على المداخلة ادناه .. تعليقا على المزوراتى جورج بوك ..
Quote: سلاطين قال عيال أم قطية دونقرهم واحد وهم أنفسهم كعرب للنواحي بيقولوا [نار الغابة تلزمها الحريقة] يعني ناس مداقشة وحقهم بيقلعوه قلع إذا بلغ الفطام لهم صبياً على قول المعلقة..
آهه أمثال أخونا الأغلف دينق ده أول المعردين.. والدليل قدامك لما قالوا.. [الخلا ولا الرفيق الفسل]
لو عايزين تستفيدوا من البوست ... كل زول فيكم .. براه .. دون ما يكتب لينا كلام سالب .. يقعد مع نفسه .. يراجعها .. يحاسبها .. ينقد نفسه نقد ذاتي .. ماذا قدم لكي يكون السودان وطن جاذب لكل أبناءه؟ أنا أعرف مسألة عدم الأنحياز في نظري هى قمة الخلق الأنساني .. كونك تعامل الأنسان علي أساس إنسانيته دون عرقه أو لونه .. أنت تعتبر إنسان كامل .. مثل ما جاء به شيخ محمود محمد طه ..
دعونا ننظر إلي وعي الأخ كوستاوي .. وهو يدعي أنه أمدرماني .. في الصور التى جمعها .. هناك شيئ خطير جداً ..
هذه الصور أخذها كوستاوي من بروفايلات ناس المنبر .. ونحن حاضرين هنا في المنبر .. والضمير نحن يرجع لأبناء الغرب في كردفان ودارفور .. والمنبر في عهده الذهبي .. بربكم أنظروا كم من أبناء الغرب أضافهم كوستاوي ضمن الصور؟
بعملية تقديرية بسيطة .. عدد الصور يظهر في حدود 120 صورة .. عدد السكان في أخر أحصاء لعام 1993م، سكان ولايات الغرب كردفان ودارفور يعدل نصف سكان السودان .. وربما يزيد لعدم تمكن الفريق من الأحصاء الدقيق لسكان الولايات بسبب الحروب .. في صور كوستاوي .. النسبة هى أقل من 3% .. يعنى لو أخذنا صور كوستاوي كمثال .. ما بين كل مئة سوداني في الصور هناك 3 غرابة .. في حين لو أخذت عينة عشوائية في السودان تجد أن هناك ما بين كل نفرين تأخذهم بصورة عشوائية هناك واحد إنسان غرابي .. وإنسان أخر من بقاع السودان الأخري بما فيها الخرطوم ..
كوستاوي يجئ ويبرر لينا أنحيازه ضد أبناء الغرب سببه شنو؟
يا أخواني مسألة الوعي المنحاز ضد أبناء الغرب .. تظهر في كل شيئ .. حتى في شغل كوستاوي ..
وهل تصدقوا نسبة 3% غرابة في الصور .. هى من جميل ظني في كوستاوي .. بحث في الصور لما عيوني زغللوا لم أجد غير واحد .. وهو ول أبا السنوسي شمس الدين .. من أبناء النوبة في جنوب كردفان ..
ونحن نتشرف أن يمثلنا السنوسي .. لكن ما كفاية .. ولا شنو؟ .. دا تقليل من شأننا وأقصاء لدورنا القدماه في هذا المنبر ..
بريمة
07-04-2018, 11:29 AM
Deng Deng
تاريخ التسجيل: 11-28-2002
مجموع المشاركات: 52569
نمشي ليكم لحاجة عامة أخري .. صور شهداء سبتمبر عام 2013م .. مات 200 شهيد .. ودا نهاية الخبر هنا .. أنتفاضة الرغيف ..
لكن الصور تحكي عن شهداء مختارين من بين المئتين .. أنظروا الأتي ..
وفي البورد التالي .. مروا علي الصور بلمحة سريعة .. تعرفوا علي الوجوه ..
في دارفور وحدها هناك 500000 قتيل ... يعنى حوالي نصف مليون أستشهد جراء الحروب في السودان .. لا ذكر ولا صور لهم .. لكن لو مات جلابي واحد مثل دكتور السنهوري .. يا هو قرشي السودان .. لازم نبكوا واقفين !
أنا أفتكر .. الناس لو جادين يبنوا وطن .. يعملوا له .. ومن أجله ..
بريمة
07-04-2018, 12:17 PM
Biraima M Adam Biraima M Adam
تاريخ التسجيل: 07-05-2005
مجموع المشاركات: 27629
هنا صورة للحبيب ذو اليد سليمان .. يتم تكريمه علي أساس أنه باحث في حوار الحضارات ..
تكريم صادف أهله ... لكني أتساءل لماذا يكرم شخص ضمن الوفد البحثي ولم يكرم رئيس البحث الذي قاد التيم ؟ ..
هل هناك شخص يعرف الأجابة ؟؟؟ .. ما تتعبوا الأجابة هى .. لازم تكن عبد مطيع للجلابة .. والد الحبيب ذو اليد .. أفني حياته في خدمة تنظيم الأخوان المسلمين .. حتى توفاه الأجل، عليه شآبيب الرحمة والغفران .. الغرابي لو عمل جناحين وطار في الجو حتى أختفي ثم حبط بسلام .. لا يتم تكريمه إلا إذا أبوه أو فرد من أسرته خدم لمصالح الجلابة ؟؟!
بريمة
07-04-2018, 12:22 PM
Biraima M Adam Biraima M Adam
تاريخ التسجيل: 07-05-2005
مجموع المشاركات: 27629
ثم سؤال أخر .. العزيز ذو اليد .. رغم أهمية أبحاثه .. عاطل عن العمل .. الشيئ الذي يقدمه جهد فردي .. معقولة زول بهذه المؤهلات التى يحتفي بها .. ناهيك من تمويل أبحاثه، لماذا هو في رقبته الجلابة يتغابوا فيه الوظيفة التى تسمح له بأسيس حياة له ..؟
ذو اليد يجب أن يقدم هذه الأبحاث للولايات المتحدة .. ويطلب هجرة تحت بند الكفاءة .. يخلي الجلابة يصوطوا براهم ..
بريمة
07-04-2018, 12:27 PM
A.Razek Althalib A.Razek Althalib
تاريخ التسجيل: 12-12-2004
مجموع المشاركات: 11818
دردقو في النجيلة طبعاً كوستاوي الشهير بفحل بنات البقارة من أحقاده تجاه المكون الجغرافي قال يسأل عنه عزروات بنات البقارة في تنبره.. ولما نسبناهو لأحد المكونات الأثينية بالغرب قام جقلب وحنبك ورفض واستدل على جلابيته بشلوخ الوالدة أطال الله في عمرها.. وجيش جيوشه وأعدهم ميمنة وميسرة وكان دينق لاعب رأس حربه...
Quote: لو عايزين تستفيدوا من البوست ... كل زول فيكم .. براه .. دون ما يكتب لينا كلام سالب .. يقعد مع نفسه .. يراجعها .. يحاسبها .. ينقد نفسه نقد ذاتي .. ماذا قدم لكي يكون السودان وطن جاذب لكل أبناءه؟
جورج آيبوك (دينق) موضوع البوست خاص بالسودان وهذا أمر لا يخصك لأنك ستسقط في إمتحان ماذا قدمت له...
red]يلا أطلع شدرتك.. طبعاً إنت زول بتدعي الفهم وكلك بعد النظر فمن الأفضل تركز على قضايا السلم الأهلي في دولتك الوليدة التي أضرت بالسودان سلماً وحرباً..
07-04-2018, 12:45 PM
A.Razek Althalib A.Razek Althalib
تاريخ التسجيل: 12-12-2004
مجموع المشاركات: 11818
Quote: الاخ ود الطالب .. اشكرك .. على المداخلة ادناه .. تعليقا على المزوراتى جورج بوك ..
يا زول أمس جابها ضكرها بتلتل..
سلبطة ساكت حسنة في رقبة العدو قام قلب كلام السيد الصادق المهدي القال السودان جلدنا ما بنجر فيهو الشوك.. وبقدرة قادر درع في رقبة السيد الصادق بتحريف فيهو حرفنة أنه السيد السيد الصادق المهدي قال: البشير جلدنا ما بنجر فيهو الشوك.. وشبك ليك الناس هناك غلاط ... والعجب أختي مني بت عمسيب الأعتمدت على دينق ظهير قشاش.. في أول عصرة كتلت ملف..
أنا أدعوا لكم بأن يعطيكم الله نصف فهم ووعي الزول اللي أسمو كوستاوي ده. والله إذا ظفرتم بنصف فهمه ووعيه لكان مشكلة الاستلاب الذي تعانون منه أتحلت من زمان.
07-04-2018, 08:15 PM
A.Razek Althalib A.Razek Althalib
تاريخ التسجيل: 12-12-2004
مجموع المشاركات: 11818
مشكلة السودان أخطر مما نتخيل.. و الآخطر ما فى الآمر... أنه كل و احد أو كل مجموعة.. بتتناولها بأسلوبها الخاص... دى عملية محبطة جدا... لآنه بالطريقة دى... الحل حيتأخر كتير.. و ما عارفين نطلع من الورطة دى كيف.. دا فى أحسن الظروف... فيما عدا ذلك... ما تستغرب لو الحصل فى الصومال... يحصل فى السودان...
07-05-2018, 08:06 PM
A.Razek Althalib A.Razek Althalib
تاريخ التسجيل: 12-12-2004
مجموع المشاركات: 11818
مشكلة السودان أخطر مما نتخيل.. و الآخطر ما فى الآمر... أنه كل و احد أو كل مجموعة.. بتتناولها بأسلوبها الخاص... دى عملية محبطة جدا... لآنه بالطريقة دى... الحل حيتأخر كتير.. و ما عارفين نطلع من الورطة دى كيف.. دا فى أحسن الظروف... فيما عدا ذلك... ما تستغرب لو الحصل فى الصومال... يحصل فى السودان...
الله كريم يا بت أبا نور .. ربنا يعجل لينا بالفرج .. والله أنا تعبت من الغربة جنس تعب .. ما فاضل لينا إلا روحنا تنسل ..
بريمة
07-06-2018, 00:57 AM
nour tawir nour tawir
تاريخ التسجيل: 08-16-2004
مجموع المشاركات: 17638
الله كريم يا بت أبا نور .. ربنا يعجل لينا بالفرج .. والله أنا تعبت من الغربة جنس تعب .. ما فاضل لينا إلا روحنا تنسل .. ....
أول حاجة سامحنى لآنى نصبت صيوان فى قلب البوست و استقريت... و السبب هو أنه موضوع البوست يدخل فى اللحم الحى... رغم أستهزاء و سخرية البعض من الموضوع .. و عموما.. مسألة الغربة دى... كلنا قلنا الروب.. و يا ريتها غربة و بس... فهى غربة و أغتراب.. اغتراب لآنك لو رجعت السودان حتلقى نفسك غريب و دخيل على الوطن ! يعنى الحكاية double jupardy.... و بعدين حل مشكلة السودان قدامها سنوات طويلة.. لانه و حتى بعد سقوط البشير... سوف تظهر المشاكل السودانية المتكّلسة.. و اللى ابقت البشير لحدى هسى فى السلطة.. و هى أن السودانيين لا يتفقون على رؤية موحدة للحكم و العيش كسودانيين.. الناس المستفيدة من حكاية الاستعلاء العروبى و الاسلمة ديل... مستحيل يقبلوا أنه ناس من الاقاليم يحكموا السودان.. و أنت شايف البيتكتب فى سودانيزاونلاين عديل كدا.. ثم ان جذوة الوعى و الاستنارة الحصلت فى الاقاليم مستحيل ان تنطفئ حتى يحدث أحد أمرين.. نيل الحقوق كاملة .. أو الانفصال.. المنتفعين من أى وضع و الذين تسودنوا و لكنهم لا يربطهم رابط وطنى أو عاطفى بالسودان ... هؤلاء هم من جلبوا النحس على السودان بمثل هذا السلوك.. لآنهم يطبلون لآى حكومة و يدمرون السودان من أجل مصالحهم السودانية.. فماذا بقى لنننننننننننننننننننا ؟!
أخخخخخخخخخخخ... دى دبل غبينة.. و كرضّمة قايدة نار يا وّل أّبا...
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
الطيب رحمه قريمان
Deng
Biraima M Adam
A.Razek Althalib
أيمن نواى على
nour tawir
فيس بوك
تويتر
انستقرام
يوتيوب
بنتيريست