|
|
|
 Re: تعذيب مواطن يحمل الجنسية الامريكية في مطا (Re: Elhadi)
|
Quote:
المواطن بشارة حسن جميل الله
دافور
ولاية جنوب ذارفور
نيالا
يحمل جنسية امريكية
السكن
واشطن
تم مصادرة مبلغ
10200 عشرة الف ومائتين دولار
تعرض لتعزيب والضرب بالكهرباء من قبل اجهزة الامن في مطار الخرطوم
اليوم السبت الموافق 2/6/2018
مرفق تسجيل صوتي وصور افراد الاجهزة الامنية اثناء التعزيب
عندما تم استدعاه لمكاتب الامن شك في الامر ووضع تلفونه في وضع التسجيل فيديو
|
| |
 
|
|
|
|
|
|
|
|
Re: تعذيب مواطن يحمل الجنسية الامريكية في مطا (Re: Abureesh)
|
يا الهادي
الصورة ما واضحة وما في دليل قاطع ان المواطن السوداني الذي يحمل جنسية أمريكية تعرض إلى تعذيب...واذا الدليل ده موجود تاكد ان السفارة الأمريكية في الخرطوم سوف تتدخل لان المواطن الذي يحمل الجنسية الأمريكية حتى ولو هو سوداني الأصل فإنه تحت
الحماية الأمريكية الكاملة... و الأمريكيين والاوربيين ما بيهظروا في حماية مواطنيهم ..وهم دائما بيذكرونا بالخليفة المعتصم بالله الذي ارسل الجيوش لان امرأة صرخت مستنجدة به وااامعتصماه ....
ودمت بالف خير
| |
|
|
|
|
|
|
|
|
|
Re: تعذيب مواطن يحمل الجنسية الامريكية في مطا (Re: Abureesh)
|
الاخ الهادى.. سلام ومعذرة لم احييك المرة الفاتت.
المعلومات هنا غير كافية..
بما ان الفيديو طلع معناها الاخ برضو طلع.. (او يفترض)
وحين طلع يفترض انه توجه مباشرة للسفارة الأمريكية للتبليغ والعلاج لانه مواطن أمريكى. وانا ضد عبارة (يحمل جواز أمريكى) هو ما عتالى ويجب ان يوصف بوطنه امريكا. (امريكى.. او امريكى من اصول سودانى.. او امريكى سودانى)
تحياتى
| |
|
|
|
|
|
|
|
|
|
Re: تعذيب مواطن يحمل الجنسية الامريكية في مطا (Re: سيف النصر محي الدين)
|
Quote: السفارة الأمريكية في الخرطوم سوف تتدخل لان المواطن الذي يحمل الجنسية الأمريكية حتى ولو هو سوداني الأصل فإنه تحت
الحماية الأمريكية الكاملة... و الأمريكيين والاوربيين ما بيهظروا في حماية مواطنيهم ..وهم دائما بيذكرونا بالخليفة المعتصم بالله الذي ارسل الجيوش لان امرأة صرخت مستنجدة به وااامعتصماه .... |
الاخت بسمات
اعتقد انو السفارة ما بتدخل بشكل مباشر اذا كان حامل الجواز الامريكي في موطنه الاصلي ..
| |
|
|
|
|
|
|
|
|
Re: تعذيب مواطن يحمل الجنسية الامريكية في مطا (Re: أيمن محمود)
|
تتدخل يا ايمن.. هو امريكى ودخل السودان بجواز أمريكى وحسب الكلام الفى الفيديو ذكر لهم انه أمريكى.
ويا اخ الهادى اتمنى لا تقع فى أخطاء البعض. هناك فى فرق بين التشكيك وبين الاستقصاء. لما تبدأ عملية التحقق من معلومة وجمع بينات لتبنى عليها او تتخذ خطوات مع جهات ثالثة.. البعض طوالى يقول ليك قاعد تشكك.. اتمنى السودانيون يتوقفون عن هذا التحفز والانفعال. يعنى هسى لو وديت الشريط هذا للقاضى ما بيطلع بنتيجة.. ما فيه صورة زول واحد واضحة.. وسيحتاج لادلة مساندة للفيديوِ
الان اين هذا الرجل ومن الذى حصل على الفيديو وكيف حصل عليه...الخ. اسئلة مشروعة جدا.
| |
|
|
|
|
|
|
|
|
|
Re: تعذيب مواطن يحمل الجنسية الامريكية في مطا (Re: عبدالحفيظ ابوسن)
|
ضابط الامن بكل وقاحة يقول له هل أنت مسلم وهل أنت صائم؟ ثم يقوم بمواصلة تعذيبه.
هذه هي الدولة الاإسلامية وهذا هو نموذج الاسلام الذي يقدمه السودان للعالم.
من المؤكد أن هذه الحادثة لن تمر ساكت.
ويجب على هذا المواطن أن يتصل بالسفارة الامريكية في أقرب وقت والاهم من كل ذلك يجب عليه أن يتصل فورا برجل الكونجرس الذي يمثله، بالاضافة الى لجان حقوق الانسان المختلفة في أمريكا.
| |
|
|
|
|
|
|
|
|
|
Re: تعذيب مواطن يحمل الجنسية الامريكية في مطا (Re: عبدالحفيظ ابوسن)
|
الهادي
اقرأ رد ابو الريش...وهو ايضا بيقول ما في صورة زول واضحة عشان القاضي يلقي الدليل القاطع ضد هؤلاء الأشخاص المجرمين...
..وبعدين نعم يمكن السفارة الأمريكية ان تتدخل حتى ولو كان المواطن الأمريكي في بلده الاصلي وقد حصل من قبل أن مواطن فرنسي من أصل سوداني ارتكب جريمة في الخرطوم وتدخلت السفارة الفرنسية واوكلت له محامي وتابعت قضيته حتى النهاية حتى الافراح عنه وتابعت إجراءات سفره إلى فرنسا...
وهكذا الدول الديمقراطية القوية تقوم بحماية مواطنيها في اي مكان..
وكما قال ود ابو سن ف الما عنده ضهر بنجلد ...
ودمت بالف خير
| |
|
|
|
|
|
|
|
|
|
Re: تعذيب مواطن يحمل الجنسية الامريكية في مطا (Re: Basamat Alsheikh)
|
حسب ما أنزله الأخ الهادي مقتبسا فإن التعذيب حدث يوم أمس السبت 2 يونيو. ويبدو أن الفيديو كان فوريا بخاصية التصوير لايف. ومن الجائز جدا أن يكون المجني عليه لا يزال في السودان. ولكن القصة خرجت ونرجو أن تجد المتابعة والاهتمام من السفارة الأمريكية.
شكرا يا الهادي
مع تحياتي للجميع
| |
|
|
|
|
|
|
|
|
|
Re: تعذيب مواطن يحمل الجنسية الامريكية في مطا (Re: Yasir Elsharif)
|
| Quote: هذه هي الدولة الاإسلامية وهذا هو نموذج الاسلام الذي يقدمه السودان للعالم. |
تناقض غريب يا دينق، تقول "الدولة الاإسلامية" ثم تقول "نموذج الإسلام" .. كيف يستوي المنطق الأول والأخير .. أم أنت عُلمت منطق الطير ..!!
لم أجد إسم الشخص المعني في أي سجل في منطقة واشنطن الكبرى .. منطقة العاصمة الأمريكية .. اللهم إلا يكون من ولاية واشنطن من غرب الولايات المتحدة.
بالله لو هناك أي شخص في منطقة واشنطن يعرف هذا الشخص .. رجاء التواصل مع المنبر.
[email protected]
وشكراً ..
بريمة
| |
|
|
|
|
|
|
|
|
|
Re: تعذيب مواطن يحمل الجنسية الامريكية في مطا (Re: Biraima M Adam)
|
العبار بريمة بلل.
أنت غرضك واضح جدا، وهو غرض غير شريف. وهمك الاول هو أن تجد معلومة عن هذا الرجل ولكي تقوم بتفنيد ما حدث له.
الذي تقوم به هنا هو سلوك الكيزان الذي نعرفه.
نعم الحكم في السودان هو نموذج للدولة الإسلامية، وما يحدث في إيران أيضا هو نمذج أخر للدولة الإسلامية. وهكذا.
| |
|
|
|
|
|
|
|
|
|
Re: تعذيب مواطن يحمل الجنسية الامريكية في مطا (Re: Deng)
|
منقول من الفيس بوك
Hasaballa Hamoda böse.
5 Std. ·
المواطن/ بشارة حسن جميل الله من ابناء ولاية جنوب دارفور ويحمل الجنسية الامريكية .. تعرض للتعذيب والضرب والاستفزاز والاساءة من قبل اجهزة الامن بمطار الخرطوم وتم مصادرة مبلغ 10200 عشرة الف ومائتين دولار ... وتم نعته بأقذر العبارات وعندما تم استدعاءه لمكتب الامن شك فى الامر فوضع تلفونه فى وضع تسجيل الفيديو مرفق لكم صور كلاب امن المطار وتسجيل فيديو التعذيب .. وكالعادة حكومة الكيزان القتلة ومحسوبيهم وكلاب امنهم ظلوا وعلى طول فترة حكمهم يستهدفون دارفور وابناءها وكأن دارفور ليست جزء اصيل من السودان ...
هؤلاء اللقطاء كلاب امن الكيزان كتبوا نهايتهم بأيديهم ومؤكد سيلاقوا جزاءهم وسوف لن يشفع لهم اسيادهم الذين عودوهم الارتماء والانبطاح تحت اقدامهم وظلوا يعيشون من فتات بقاياهم ...
هذه الجريمة المخطط لها مسبقا وليس بغريب على اجهزة امن مطار الخرطوم سرقة ونهب مقتنيات المغتربين ويستغلون سلطاتهم التى منحها لهم اسيادهم وقسما سيدفعون الثمن غاليا .. ظلت هذه الحكومة الغير شرعية والتى استولت على السلطة بليل بهيم على ظهر دبابة يهينون الشعب السودانى وينكلون برموزه وظل منسوبيهم يتشدقون ليل نهار بنعمة استتاب الامن وبسط الحريات نقول لهم عن اى امن تتحدثون وانتم تمثلون شلة حرامية تستولون على اموال الفقراء والمساكين وجففتوا البلد من خيراتها وجزأتم السودان وبعتم اراضيه وخصخصتم كل منشآته ماذا تبقى من السودان غير اسمه ..
الان تعديتم حدودكم ايها اللقطاء وتطاولتم على امن وسلامة مواطن امريكى بدون وجه حق والان انتقل جرمكم من بركة الخرطوم التى تعج بالضفادع اقصد من مطار الخرطوم الى مباني السفارة الامريكية بالخرطوم وغدا ان شاء الله سينتشر غسيلكم الوسخ الى كل المنظمات الانسايه والى مجلس الامن والذى كنتم وما زلتم تخادعونهم بإستتاب الامن مع العلم كل العالم يعلم كذبكم ونفاقكم وخداعكم ...
نحن هنا نشجب هذا التصرف الارعن ولا نرضاه لاى مواطن سودانى سواء كان من دارفور او من الوسط او الجزيرة او الشماليه او من الشرق ويقينى ان هذه الحكومة الزبالة ظلت تستهدف المواطن السوداني ايا كان واستخدمت سياسة جوع كلبك يتبعك مع المواطن السوداني واوصلته الى ما تحت الصفر واكيد للصبر حدود ويوما ما سيتغنى الشعب بالحرية وسنستمع الى يا شعبا لهبك ثوريتك انت تلقى مرادك والفى نيتك ...
واكيد اكيد سينبثق فجر الحرية ..
ومكانكم مزبلة التاريخ ...
ورغم كل الضنا وكل الغبن وكل الظلم ما زلنا وسنزال نتغنى ونحن فى اسرك .. ونرجف وانت فى قصرك .. سماواتك دخاخينك ..مساجينك مساجينك .. نغرد فى زنازينك .. عصافيرا مجرحة بى سكاكينك .. برغمك نحن ما زلنا .. بنكبر بى زلازلنا .. بنعشق فى سلاسلنا .. ونسخر من زنازينك ..
للسودان عواطفنا .. وبالسودان مواقفنا .. ولما تهب عواصفنا .. ما حيلة قوانينك ؟؟؟
التحية للشعب السودانى الصابر ..
والتحية للاخ المناضل Ahmed Abdallah Tatir الذى كشف المستور عن الاعيب جهاز امن مطار الخرطوم ..
| |
|
|
|
|
|
|
|
|
|
Re: تعذيب مواطن يحمل الجنسية الامريكية في مطا (Re: Yasir Elsharif)
|
ياشباب والحق يقال ان المطار بتاعنا مبشتن وناس الامن زاتهم لابسين مبهدل والحمامات وسخانة لكن لااحد من الامن او الصالة يتعدي علي احد بدون سبب بالعكس الاجراءت مسهلة جدا والجواز بمجرد ماتناولو الفورم بيكون اتختم ..في بعض الاحيان
تكون هناك اكثر من طيارة والناس تتزاحم عند الجهاز الوحيدالاسكانر وكل زول يقول يانفسي وكنت اشاهد ناس الامن يختصرون الاجراءت ويساعدون جميع الناس ....لم نصل هذة المرحلة بعد ..مرحلة الاعتداء علي الناس من غير سبب ..هناك خيط مفقود في القصة
رغم اداتني الواضحة للارهاب اللفظي الذي مارسة رجل الامن والاسئلة بتاعت صايم ولافاطر ..
| |
|
|
|
|
|
|
|
|
|
Re: تعذيب مواطن يحمل الجنسية الامريكية في مطا (Re: ابوالقاسم ابراهيم الحاج)
|
من مشاهدة الفيديو التاني من الفب=يس بووك اعلاه
تولد لي انطباع انه الزول دا استفز موظفي الأمن - البتكلم معاه في الفيديو دا يبدو موظف حراسة خاص - أما الفي اللكاونتر ديل غالبا الأمن
و يبدو انه مع الكلام بالانجلزي و التلويح بالجواز الامريكي توقع ان يحدث أثر
هذا الانطباع عززه حديث احد من قاموا بصربه : من قبيل ساكتين ليك
لكن مهما حدث هذا لا يبرر ضربهم له والاساءة التي تعرض لها في المكتب, خاصة وانه صاح اكثر من مرة الدنيا رمضان وعندي عملية لكنها فتونة النظاميين السودانيين على الملكية
عموما اتمنى ان يتقدم بشكوى للسفارة و حينها ستبين الحقيقة
لكن في كل الأحوال يجب محاسبة البلطجية فهم نظاميين ومفروض تلقوا تدريبات على عدم الاستجابة للاستفزاز و التعامل و السيطرة على المدنيين باحترافية وبدون اذيتهم
| |
|
|
|
|
|
|
|
|
|
Re: تعذيب مواطن يحمل الجنسية الامريكية في مطا (Re: محمد البشرى الخضر)
|
سلامات يا ود البشرى
أنا دائما أحرص على قراءة تحليلاتك وتعجبني قوة ملاحظتك وكمان أضانك سنينة ما شاء الله عليك.
Quote: من مشاهدة الفيديو التاني من الفب=يس بووك اعلاه
تولد لي انطباع انه الزول دا استفز موظفي الأمن - البتكلم معاه في الفيديو دا يبدو موظف حراسة خاص |
من الجائز أن يكون السوداني مغترا بجوازه الأمريكي ولكن أرجح أن يكون الجماعة هم الذين بدأوا بإثارته أو تعمدوا تجاهله، فجاءت تصرفاته كرد فعل خاصة الحديث بالإنجليزي.
أتوقع أن تجد الحادثة المزيد من تسليط الضوء على الانتهاكات التي تعرض لها. في الغالب أن يملكون السلطة يطغون كما نلاحظ كثيرا.
ياسر
| |
|
|
|
|
|
|
|
|
|
Re: تعذيب مواطن يحمل الجنسية الامريكية في مطا (Re: Yasir Elsharif)
|
عندي سؤال ما لاقية ليهو إجابة..
عندما يصل اي شخص مطار الخرطوم قادم من الخارج بقابل ناس ضباط الهجرة وبعد داك ناس الجمارك...وعندما يكون مسافر بقابل موظفي خطوط الطيران...
ناس الأمن ديل بقابلهم وين!!!؟؟؟ وفي ياتو مرحلة من مراحل إجراءات السفر أو القدوم ؟؟
وبعدين الزول ده اذا كان مسافر من السودان ليه شايل معاه ١٠ الف دولار وهو ماشي بلد الدولارات..ما كان يوزع المبلغ ده لاهله ...اما اذا كان قادم للسودان فعداه العيب..
وتعليق أخرى...حكاية انو استفز رجال الأمن ما سبب عشان يعذبوه ....بلد هملة ما فيها قانون
ودمتم بالف خير وصحة وعافية
| |
|
|
|
|
|
|
|
|
|
Re: تعذيب مواطن يحمل الجنسية الامريكية في مطا (Re: Osman Mahmoud)
|
مع إدانتنا للتعذيب الجسدي واللفظي الذي تعرض له هذا المواطن الأمريكي .. إلا أن هنالك معلومات كثيرة ناقصة حول ملابسات ودوافع هذا التعذيب .. يا ليت هذا الشخص ياخذ باسورد من بكري ويأتي هنا ويحكي لنا ما حدث .. ويا ليت أحد مسؤولي مطار الخرطوم يحكي لنا ما حدث ..
| |
|
|
|
|
|
|
|
|
|
Re: تعذيب مواطن يحمل الجنسية الامريكية في مطا (Re: Ali Abdalla Hassan)
|
تحياتي دكتور ياسر
نعم سيحدث جدال كثير حول دوافعه وماذا فعل في الصالة الخارجية قبل اخذه للمكتب والتدافع بينه وبين موظف الحراسة الخاصة وغيرها من الحجج سيدفع بها مسؤولي الأمن بالمطار في الايام القادمة خاصة لو صعّد هذا الشاب قضيته للخارجية عبر السفارة
لكن مهما قيل ومهما كانت الحقيقة هذا لا يبرر او يعطي اي مسوّغ لما شاهدناه في الفيديو الأول - اعني فيديو الضرب و الاهانة داخل المكتب
هذا الفيديو فضيحة بمعنى الكلمة
حتى لو كان هذا المسافر ارهابي عديل كدا او قام بأي تصرف يخل بالأمن مجحرد السيطرة عليه تكفي ولا سبب يبرر اهانته و ضربه بهذا التشفي كأن المشكلة شخصية
قواتنا النظامية كلها بامنها و شرطتها و غيرهم ثقافتهم و تدريبهم ضعيف جدا وجايين بعقلية فتوة الحلة العايز يضارب اي زول
يا بسمات وانت مسافرة بعد تاخدي البوردنغ باص وقبل دخولك على كاونتر الجوازات في كاونتر عليه شباب بملابس مدنية بدوك فورم تعبيه ديل تابعين للامن
وانت داخلة الباص البوديك على الطيارة في باب صالة المغادرة بتلقي ضابط جوازات ومعاهواحد لابس مدني بمسكو الجواز يفتشوه
اللابس مدني دا تابع للامن
| |
|
|
|
|
|
|
|
|
|
Re: تعذيب مواطن يحمل الجنسية الامريكية في مطا (Re: محمد البشرى الخضر)
|
Quote: لكن مهما قيل ومهما كانت الحقيقة هذا لا يبرر او يعطي اي مسوّغ لما شاهدناه في الفيديو الأول - اعني فيديو الضرب و الاهانة داخل المكتب
هذا الفيديو فضيحة بمعنى الكلمة
حتى لو كان هذا المسافر ارهابي عديل كدا او قام بأي تصرف يخل بالأمن مجحرد السيطرة عليه تكفي ولا سبب يبرر اهانته و ضربه بهذا التشفي كأن المشكلة شخصية
قواتنا النظامية كلها بامنها و شرطتها و غيرهم ثقافتهم و تدريبهم ضعيف جدا وجايين بعقلية فتوة الحلة العايز يضارب اي زول
|
| |
|
|
|
|
|
|
|
|
|
Re: تعذيب مواطن يحمل الجنسية الامريكية في مطا (Re: عبد الصمد محمد)
|
Quote: العبار بريمة بلل.
أنت غرضك واضح جدا، وهو غرض غير شريف. وهمك الاول هو أن تجد معلومة عن هذا الرجل ولكي تقوم بتفنيد ما حدث له.
الذي تقوم به هنا هو سلوك الكيزان الذي نعرفه.
نعم الحكم في السودان هو نموذج للدولة الإسلامية، وما يحدث في إيران أيضا هو نمذج أخر للدولة الإسلامية. وهكذا. |
ما زلت تجتر في أوهامك ..
المعلومات الواردة .. ما زلت لم تكشف بالكامل عن هوية الشخص الأمريكي .. ولماذا تعرض للموقف .. فيديو الأخ دكتور شريف جاء باسمين اخيرين أحدهما جميل الله والأخ جمعة الله.
أنت جارين للإدانة .. وأنا أبحث عن معرفة الشخص لنصل للحقيقة كاملة .. مش من الفيديوهات .. التي كشفت فقط أنه تعرض للتعذيب دون كشف الملابسات.
ليه ما مسكت في كلام أبو الريش أو بسمات .. شابي لي رقبتي تقول أنا الدقيتو!
بريمة
| |
|
|
|
|
|
|
|
|
|
Re: تعذيب مواطن يحمل الجنسية الامريكية في مطا (Re: محمد البشرى الخضر)
|
محمد البشرى
شكرا للمعلومة المفيدة...والله انا سافرت كتير للسودان لكن ما لاحظت لناس الأمن القلتهم ديل ...وانا سالت عشان ناخد بالنا واحتياطاتنا ...مش يمكن بيقراوا الكلام البنكتبوا هنا وتتعرض للبهدلة ...
ونحن ما بتعرف متين الإجراءات البوليسية دي حتنتهي ...
ودمت بالف خير وصحة وعافية
| |
|
|
|
|
|
|
|
|
|
Re: تعذيب مواطن يحمل الجنسية الامريكية في مطا (Re: Basamat Alsheikh)
|
توضيح اكثر للخبر :
جهاز الأمن السودانى يعذب مواطن يحمل الجنسية الأمريكية بمطار الخرطوم .
الخرطوم 2يونيو 2018
تعرض الأستاذ بشارة حسن جميل الله سودانى الأصل يحمل الجنسية الأمريكية لتعذيب وحشي من قبل جهاز الأمن بمطار الخرطوم اليوم .وذلك أثناء تكملته إجراءات الخروج من السودان والعودة الى الولايات المتحدة الأمريكية. يقول جميل الله "حينما دخلت المطار طلب منى عناصر الأمن تذكرتى و اخبرتهم أنها أون لاين عبر الخطوط الامارتية. رفضوا لى بالدخول دون توضيح ، ولما أصروا أكدت لهم يمكننى استخراجها من مكتب الخطوط الإمارتية بالمطار فرفضوا ذلك أيضاً. وحين طلبت منهم مقابلة المسؤول عنهم رفضوا مجدداً دون حجة" .ويمضى قائلا "بعد استهجانى تعاملهم غير المهنى وتعمدهم استفزازى تم استدعائى الى مكتب الأمن داخل المطار ، فشككت بالأمر قبل الدخول فوضعت هاتفى فى وضع التصوير والتسجيل المباشر وحين دخلت نعت بأوصاف عنصرية لانتمائى العرقي إلي إقليم دارفور ، وحين اعترضت على ذلك تعرضت للضرب المبرح بالاسلاك الكهربائية والخراطييم .وحين اخبرتهم أن هاتفى فى وضع التصوير والتسجيل المباشر واننى احمل جواز امريكى تجاهلوا ذلك واستمروا فى ضربي وقالوا انهم لا يغشون أحد . كما اخذوا منى مبلغ (عشرة آلاف دولار أمريكى) كانت بحوزتى .
بعد ذلك تلقى جميل الله الإسعاف ونقل الى مقر السفارة الأمريكية بالخرطوم بضاحية سوبا .
وكان الأستاذ جميل الله دخل السودان فى شهر أبريل المنصرم 2018 بغرض زيارة أسرته، فمكث فترة زمنية مع عائلته بمدينة نيالا ، وكان حجزه ماكد الى واشنطن مدينة ونستون حيث يقيم عبر الناقل الخطوط الجوية الامارتية
| |
|
|
|
|
|
|
|
|
|
Re: تعذيب مواطن يحمل الجنسية الامريكية في مطا (Re: Mohd Ibrahim)
|
أه ما خد بالك يا العبار دينق
| Quote: واشنطن مدينة ونستون |
شايف الشخص طلع من غرب الولايات المتحدة .. ولاية واشنطن مدينة ونستون .. عشان كده أنا قلت ليكم ما ظهر لينا الأسم في منطقة واشنطن دي سي.
ناس ولاية واشنطن يمكنهم تبليغ السناتور المسؤول .. عضو مجلس النواب المسؤول .. وهم بدورهم سوف يخاطبون السفارة الأمريكية .. والأمر يصبح أمر حكومات ..
بريمة
| |
|
|
|
|
|
|
|
|
|
Re: تعذيب مواطن يحمل الجنسية الامريكية في مطا (Re: Basamat Alsheikh)
|
واكيد اكيد سينبثق فجر الحرية ..
ومكانكم مزبلة التاريخ ...
ورغم كل الضنا وكل الغبن وكل الظلم ما زلنا وسنزال نتغنى ونحن فى اسرك .. ونرجف وانت فى قصرك .. سماواتك دخاخينك ..مساجينك مساجينك .. نغرد فى زنازينك .. عصافيرا مجرحة بى سكاكينك .. برغمك نحن ما زلنا .. بنكبر بى زلازلنا .. بنعشق فى سلاسلنا .. ونسخر من زنازينك ..
للسودان عواطفنا .. وبالسودان مواقفنا .. ولما تهب عواصفنا .. ما حيلة قوانينك ؟؟؟
التحية للشعب السودانى الصابرزمان قلنا نافع وعلى عصمان وظفو اباناء دار المايقوما للقيام بمثل هذه المهمات
| |
|
|
|
|
|
|
|
|
|
Re: تعذيب مواطن يحمل الجنسية الامريكية في مطا (Re: Elhadi)
|
| Quote: و اخبرتهم أنها أون لاين عبر الخطوط الامارتية. رفضوا لى بالدخول دون توضيح ، ولما أصروا أكدت لهم يمكننى استخراجها من مكتب الخطوط الإمارتية بالمطار فرفضوا ذلك أيضاً. وحين طلبت منهم مقابلة المسؤول عنهم رفضوا مجدداً دون حجة" .ويمضى قائلا "بعد استهجانى تعاملهم غير المهنى وتعمدهم استفزازى تم استدعائى الى مكتب الأمن داخل المطار ، فشككت بالأمر قبل |
في مدخل المطار اذا ماشافو التذكرة والجواز في يدك يستحيل يخلوك تدخل الصالة ودا حاجة معروفة وانا شفت كتار بتعبوهم تعب شديد ..حتي الاطفال بدققو جوازانهم واحد واحد .....وفي الغالب المدخل واحد لذلك دايما زحمة ...الجماعة الشغالين في الباب ديل عبارة
عن موظفين باجور زهيدة وماعندهم ذنب في تردي الخدمات وتواضع مباني المطار لذلك من الافضل مساعدتهم بابراز التذكرة والجواز قبل الدخول ولن تجد منهم الا التعامل والتعاون .....
| |
|
|
|
|
|
|
|
|
|
Re: تعذيب مواطن يحمل الجنسية الامريكية في مطا (Re: Elhadi)
|
العبار بريمة بلل
شنو المهم في كونو الزول ده من واشنطن ولا من الخرطوم؟؟
ده زول تم تعذيبه ومعاملته معاملة سيئة، وأنت عارف كويس أحدا أسباب هذا التعذيب هو أن الشخص ده من دارفور.
أنت يا بريمة حتى اللحظة لم تدين هذا الفعل الشنيع.
هل هي صدفة؟؟
| |
|
|
|
|
|
|
|
|
|
Re: تعذيب مواطن يحمل الجنسية الامريكية في مطا (Re: Elhadi)
|
العبار بريمة بلل
شنو المهم في كونو الزول ده من واشنطن ولا من الخرطوم؟؟
ده زول تم تعذيبه ومعاملته معاملة سيئة، وأنت عارف كويس أحدا أسباب هذا التعذيب هو أن الشخص ده من دارفور.
أنت يا بريمة حتى اللحظة لم تدين هذا الفعل الشنيع.
هل هي صدفة؟؟
| |
|
|
|
|
|
|
|
|
|
Re: تعذيب مواطن يحمل الجنسية الامريكية في مطا (Re: السنجك عثمان)
|
Quote: واكيد اكيد سينبثق فجر الحرية ..
ومكانكم مزبلة التاريخ ...
ورغم كل الضنا وكل الغبن وكل الظلم ما زلنا وسنزال نتغنى ونحن فى اسرك .. ونرجف وانت فى قصرك .. سماواتك دخاخينك ..مساجينك مساجينك .. نغرد فى زنازينك .. عصافيرا مجرحة بى سكاكينك .. برغمك نحن ما زلنا .. بنكبر بى زلازلنا .. بنعشق فى سلاسلنا .. ونسخر من زنازينك ..
للسودان عواطفنا .. وبالسودان مواقفنا .. ولما تهب عواصفنا .. ما حيلة قوانينك ؟؟؟
التحية للشعب السودانى الصابرزمان قلنا نافع وعلى عصمان وظفو اباناء دار المايقوما للقيام بمثل هذه المهمات |
هوشة فارغة .. لا تغني ولا تسمن من جوع .. الناس ديل 30 سنة قاعدين .. أحسن الناس تفعل مطالبها بالطرق العديلة ..
بريمة
| |
|
|
|
|
|
|
|
|
|
Re: تعذيب مواطن يحمل الجنسية الامريكية في مطا (Re: Biraima M Adam)
|
الأخ الهادي
سلام ..
| Quote: يعني الموضوع ما طلع فبركة وكذب يا بريمة ؟؟ |
لم أنفي ولم أثبت أي شيئ .. كل ما قلت به المعلومات كانت غير كافية .. وسألت عن الحقيقة الكاملة للملابسات وأسم الشخص ..
طبيعة الاعتداء علي شخص أعزل ولم يقم بأي جرم .. تعبر عن عدم مهنية ..
بريمة
| |
|
|
|
|
|
|
|
|
|
Re: تعذيب مواطن يحمل الجنسية الامريكية في مطا (Re: Biraima M Adam)
|
يا محمد ابراهيم المسألة واضحة وهي انو الزول تعرض لما تعرض له فقط لانه من دارفور
عشان كده مقارنة تفاصيل ما حدث له مع ما يحدث عادة لا تؤدي الغرض.
لو عايز المقارنة تكون جائزة جيب أمثلة تتعلق بدارفوريين اخرين.
انا شفت مغتربين كتار بجوطوا وبشتموا البلاد وبتلادحوا مع ناس الأمن ديل ذاتهم وفِي النهاية
الموضوع بنتهي باعتذارات وتطييب خواطر. انا بشكل شخصي قبل كده ساقوني من الباب البوديك
للباص وودوني المكاتب دي ذاتها بدون اي سبب وهناك قعدوا يسألوني أسئلة ما عندها معنى زي
ماشي وين ومستقر وين وليك كم سنة ما جيت البلد وفِي النهاية لحقوني الطيارة.
| |
|
|
|
|
|
|
|
|
|
Re: تعذيب مواطن يحمل الجنسية الامريكية في مطا (Re: سيف النصر محي الدين)
|
Quote: يا محمد ابراهيم المسألة واضحة وهي انو الزول تعرض لما تعرض له فقط لانه من دارفور
عشان كده مقارنة تفاصيل ما حدث له مع ما يحدث عادة لا تؤدي الغرض.
لو عايز المقارنة تكون جائزة جيب أمثلة تتعلق بدارفوريين اخرين.
انا شفت مغتربين كتار بجوطوا وبشتموا البلاد وبتلادحوا مع ناس الأمن ديل ذاتهم وفِي النهاية
الموضوع بنتهي باعتذارات وتطييب خواطر. انا بشكل شخصي قبل كده ساقوني من الباب البوديك
للباص وودوني المكاتب دي ذاتها بدون اي سبب وهناك قعدوا يسألوني أسئلة ما عندها معنى زي
ماشي وين ومستقر وين وليك كم سنة ما جيت البلد وفِي النهاية لحقوني الطيارة. |
فعلا مستغرب من كلامك دا وعادة انت بتتكلم بي بتوازن شديد ...عليك اللة فسر لينا كيف يتم استهدافو لانو من دافور ... لايوجد استهدافات ذي دي وناس دافور ديل الخرطوم حقتهم عديل تجار كبار ومالكي اراضي ومحلات تجارية كبيرة طبعا
باجتهادهم وتعاونهم مع بعض ...يااخوانا الناس ماتعارض من اجل المعارضة الحكاية دي غير ماانها تزيد عمر النظام مابتعمل حاجة ..
| |
|
|
|
|
|
|
|
|
|
Re: تعذيب مواطن يحمل الجنسية الامريكية في مطا (Re: Mohd Ibrahim)
|
يا محمد لو الحكاية معارضة كان اتكلمت عن سوء الخدمات وانهيار المرافق وعدم مهنية ناس الأمن
لكن لما كل ما تحصل حاجة الناس تشوفها غريبة وتقعد تحلل فيها وتبحث عن الأسباب ونكتشف
انها حدثت لزول او ناس من دارفور يبقى فعلا الموضوع فيهو "إن" ما معقولة بس طالبات دارفور
البنطردوا من الداخليات ويترمن في الشوارع، وما معقولة بس طلاب دارفور هم البختفوا وبعدين
جثثهم تتلقى في الشوارع والترع .. دي واضح انها سياسة ممنهجة وخطة ذات أهداف .
| |
|
|
|
|
|
|
|
|
|
Re: تعذيب مواطن يحمل الجنسية الامريكية في مطا (Re: سيف النصر محي الدين)
|
لعبار بريمة بلل
شنو المهم في كونو الزول ده من واشنطن ولا من الخرطوم؟؟
ده زول تم تعذيبه ومعاملته معاملة سيئة، وأنت عارف كويس أحدا أسباب هذا التعذيب هو أن الشخص ده من دارفور.
أنت يا بريمة حتى اللحظة لم تدين هذا الفعل الشنيع.
هل هي صدفة؟؟
يا دينق احتمال كبير يكون الذين قاموا بتعذيبه من دارفور او الهامش
عشان كده ابعد لينا الجهويه والاثنيه بعيدا عن هذا الموضوع
جهاز الامن اشتهر بعدم المهنيه والفظاعه منذ زمن عاصم كباشى الى قوش وعطا ونافع
ديييل كلهم ناس عندها حقد على المجتمع
كل القوات النظاميه فى السودان من شرطه وجيش وامن فى السودان الكبير تهين وتعذب المواطن لاتفه الاسباب
كامل تضامننا مع الضحيه ولابد من متابعه القضيه مع السفاره الامريكيه
ما حدث لا يليق بحيوان ناهيك بانسان فى نهار رمضان
دودى
| |
|
|
|
|
|
|
|
|
|
Re: تعذيب مواطن يحمل الجنسية الامريكية في مطا (Re: Mohamed Doudi)
|
"ويمضى قائلا "بعد استهجانى تعاملهم غير المهنى وتعمدهم استفزازى تم استدعائى الى مكتب الأمن "
انا انظر للموضوع من زاوية مختلفة تماما.
استهجان هذه تحتاج شرح زيادة شوية واللا كيف.
اولا.. سلامة الشخص هى مسؤوليته اولا.. ما فى زول يكون حريص على سلامتك اكتر منك. لا تستهجن الشرطة ابدا.. ولا تعترض عليها.. لو فى أمريكا كان البوليس ضرب رصاص وقتله. ثم انه كان يسجل أونلاين وهذه ميزة كبيرة كان المفروض يتظاهر بالإذعان ولم يخسر شيئ لان كل شئ موثق. تخيل امامك كلب ينبح.. هل تتفاداه ام تستفزه وتستهجنه؟ سيترك النباح ويهاجم عليك. افراد الامن مثل الكلب بالضبط.. كلما اعترضت عليه زاد
| |
|
|
|
|
|
|
|
|
|
Re: تعذيب مواطن يحمل الجنسية الامريكية في مطا (Re: Abureesh)
|
يا ابو الريش في امريكا ممكن يضربوك رصاص لكن ما بسوقوك مكتب و يذلوك و يضربوك بالطريقة دي ولو حصل الدنيا بتقوم ما بتقعد وتقاضي الحكومة وتطلع بتعويض و اعتذارات و المتورطين اقل شي يتم فصلهم دا لو ما اتسجنوا.
مشكلتنا غير عدم مهنية القوات النظامية في التعامل مع المدنيين انه احنا زاتنا متقبلين صلفهم و عدم مهنيتهم دي يوم واحد ما سمعنا زول قاضى عسكري ضربه او تجاوز معاه
| |
|
|
|
|
|
|
|
|
|
Re: تعذيب مواطن يحمل الجنسية الامريكية في مطا (Re: Elhadi)
|
الأخ الكريم كل مشكلته إنو طلب التحدث مع الضابط المسئول وطلب من أحد الأشخاص (أحد العمال فيما يبدو) واللي الكان بدفر فيهو أن يرفع يدو عنه وأن لا يلمسه
فكان هذا سبباً في تعرضه للتعذيب والاعتداء والمهانة التي رأينها جميعاً
| |
|
|
|
|
|
|
|
|
|
Re: تعذيب مواطن يحمل الجنسية الامريكية في مطا (Re: Elhadi)
|
الأخ محمود الدقم
الموضوع ما قصة Customer service يا أخ الدقم بقدر ما هو موضوع التعامل المهين وحتى الممارسات غير القانونية واللانسانية القاعدة تحصل قدام الناس دي كلها
أي زول جاي مطار الخرطوم من المؤكد عارف مستوى الخدمات فيه، وأي زول بيكون عاوز يقضي أموره ويتخارج قدر المستطاع بأقصى زمن ممكن وبأقل الخسائر
لكن هناك تعامل مهين للحد البعيد للمسافرين بكافة جنسياتهم وأنواعهم، والأمثلة أكثر من أن تحصى وتعد، وأكيد كلكم شفتوها وعارفنها
| |
|
|
|
|
|
|
|
|
|
Re: تعذيب مواطن يحمل الجنسية الامريكية في مطا (Re: Elhadi)
|
محمود الدقم
والله كتر خيرك لهذه المعلومات المفيدة لتفادي اي مشكلة مع ناس الأمن وخاصة هم متلقي حجج...وتاني كلمة انجليزية واحدة ما نستعملها مما نركب الطيارة المتجهة الخرطوم...وجه ضاحك ...والضمان كمان ندس الجواز الأمريكي ونطلع الجواز السوداني واللبس توب ما ملون
وحجاب لغاية ما نطلع من مطار الخرطوم....
وبالمناسبة كلامك كله حقيقة ..دائما نحن لمن نصل مطار الخرطوم فعلا نتوقع customer service ...
ودمت بالف خير وصحة وعافية
| |
|
|
|
|
|
|
|
|
|
Re: تعذيب مواطن يحمل الجنسية الامريكية في مطا (Re: Basamat Alsheikh)
|
Quote: كامل تضامننا مع الضحيه ولابد من متابعه القضيه مع السفاره الامريكيه
ما حدث لا يليق بحيوان ناهيك بانسان فى نهار رمضان
دودى |
الزول يا الحبيب دودي .. أنضرب أفتراضاً أنه متمرد .. ما دام يحمل الجواز الأمريكي وهو من دارفور .. كل الحيثيات مكتملة بالنسبة لهم ..! شفت الظلم قدر شنو؟
وبعدين الناس الذين يشتغلون في مطار الخرطوم .. كلهم جلابة .. سلوك جلابي بحت ..
بريمة
| |
|
|
|
|
|
|
|
|
|
Re: تعذيب مواطن يحمل الجنسية الامريكية في مطا (Re: النذير حجازي)
|
الزول يا الحبيب دودي .. أنضرب أفتراضاً أنه متمرد .. ما دام يحمل الجواز الأمريكي وهو من دارفور .. كل الحيثيات مكتملة بالنسبة لهم ..! شفت الظلم قدر شنو؟
وبعدين الناس الذين يشتغلون في مطار الخرطوم .. كلهم جلابة .. سلوك جلابي بحت ..
بريمة
رمضان كريم الحبيب بريمه
يا سيدى ناس الامن مربين على اهانه المواطن وخصوصا من يطالب بحقوقه
انا كنت فى الخرطوم قبل فتره وناس الامن من كل السحنات ومع غلبه واضحه لابناء الهامش
دودى
| |
|
|
|
|
|
|
|
|
|
Re: تعذيب مواطن يحمل الجنسية الامريكية في مطا (Re: Mohamed Doudi)
|
"يا سيدى ناس الامن مربين على اهانه المواطن وخصوصا من يطالب بحقوقه"
سلام يا اخ محمد دودى
ناس الامن ما الجهة التى تطالبها بحقوقك.. ولا الشرطة. ديل تنفذ اوامرهم بدون اى مقاومة ولو اساؤا معاملتك تتظلم فيما بعد للجهات الاخرى.
المواطن يحتاج توعية بعمل الدولة.. هذه فى الدول المتقدمة.. فما بالك بحكومة دكتاتورية زى الانقاذ.. لا تقاوم الشرطة ولا ناس الامن لسبب واحد هو انك لن تخرج بنتيجة. فى اى دولة وانا اكتب هذه التعليقات فى كل نشرة أمريكية على النت لما واحد يقاوم الشرطة ويتعرض لضرب او اهانة.
العسكريين يدربوهم تدريب على عدم النقاش وتنفيذ الاوامر فقط.
| |
|
|
|
|
|
|
|
|
|
Re: تعذيب مواطن يحمل الجنسية الامريكية في مطا (Re: امتثال عبدالله)
|
زمان في التسعينيات كان الكيزان بمارسوا التعذيب في مكاتب إتحاد طلاب جامعة السودان عادي كوكيو بالكهرباء وما شابه
الشيوعيين ديل بستبيحو تعذيبهم عادي
أما العساكر فحدث ولا حرج شوف عيني واحد لامض عسكري
في مقر للمعاملات القضائية
ولا علاقة للشاب بدارفور كما بدا لي وكان مكان
العسكري لم في الشاب داك وكال ليهو تلطيش لمن قرب يدوخ
لو ما الجماعة حجزوهم وسلموهم لرئاسة المقر والموضوع ما عارف
كان حا يموتو عديل وبعد سلموهم لمكاتبهم وشويه كدا وفكوهم
وكمان بعد دا واحد بقوليهم الزول دا غشيم قضو ليهو موضوعو ومشوهو .
أخد جلدتو وسكت
الظاهر الواحد من أمثال ديل إلا حسابو يكون يوم القيامة
والعدالة خلوها للكفار وبلادهم وإسلامنا صيروه إسلام منزوع العدالة
إسلام بني كوز إسلام آخر .
| |
|
|
|
|
|
|
|
|
|
Re: تعذيب مواطن يحمل الجنسية الامريكية في مطا (Re: Abureesh)
|
شكرا يا الهادي..
بالنسبة لسؤال بت ابا بسمات عن ناس الأمن ، فان كان المقصود جهاز المخابرات والأمن الوطني ، ديل عندهم جخنون صغير ، وقريب من اجراءات المغادرة ، يعني منتظرين ناس القوائم السوداء..ويقوموا يرجعوك..يعني نفس الحتة القابلوا فيها ول ابا دكتور سيف كما اشار فوق..ناس براقبوا الحاجات من بعيد..
في المطار ، زي أ ي مطار في الدنيا توجد اقسام الشرطة المعروفة: جمارك وجوازات..باقي الناس الحايمة في المطر معظمهم تبع الشحن والتفريغ..
الحراسة ، زي أ منشأة في الدنيا موكولة لشركات حراسة خاصة (سكيورتي) زيها وزي أ منشأة في الدنيا..
عندك مشكلة نقد اجنبي ، ده اختصاص الجمارك..
كبر
| |
|
|
|
|
|
|
|
|
|
Re: تعذيب مواطن يحمل الجنسية الامريكية في مطا (Re: Kabar)
|
بالنسبة لهذا الفيديو..
علقت في الوتساب في مكان ما لو الناس سمعت التسجيل ، فالكلام مرات افضل من الكتابة..
المواطن بشارة جميل الله قام باستفزاز ناس الحراسة (السكيورتي) لمن كان بيقول يا بوليس تعال هنا ، وبتاع السكيورتي قال ليهو ارجع ورا والرجل مصر يتلادح ..
المستفز في الأمر ، قدام العامة (الجمهور) بشارة مد يدو على بتاع السكيورتي ..والحركة دي لو عملها في أي بقعة في امريكا لبتاع سكيورتي او شرطة ، جسمو ح يبقى شبكة من الجبخانة..!
بتاع السكيورتي شرح ليهو ليه ما دايرينو يقيف هنا: حتة بتاعة اجراءات والناس شغالة بتخدم في مواطنين مسافرين..ولسع الرجل (بشارة) مصر يقيف وكمان داير ضابط عشان يتفاهم معاهو..!
هنا بشارة ارتكب مخالفتين: الأولى الإزعاج العام ، والثانية وهي الأخطر اعتراض موظف عام اثناء تأدية واجبه..!
الفيديو انقطع..وظهر تاني في حتة الضرب..
هنا ناس الحراسة (السكيورتي) : اجراءهم سليم في القبض عليهو..ولكن اخطأوا في الأفراط في استخدام القوة ، واخطأوا في الإساءة للجواز..!
حكاية النقود (عشرة الف ومئتين دولار)..الحاجة الغايبة على صديقنا بشارة انو ما شغال بالقانون ، وناس الجمارك في أي مطار بيسألوك ان كنت شايل نقد اجنبي معاك لو قلت نعم ح يسألوك عن المبلغ لأنو عندهم سقف محدد..!
صحيح العشرة الف مبلغ عادي ، لكن ما هو موقف قوانين جمارك السودان؟ما هو الأجراء المطلوب عشان تشيل معاك مبلغ زي ده سواءا كانت داخل السودان او مارق من السودان؟..
مهما كان ناس جمارك مطار الخرطوم (من تجربة تعامل معهم) ما قاعدين يقلعوا منك نقد اجنبي حمرة عين كده ساكت..حدهم معاك الأجراءات..اجراءاتك سليمة بخمسين الف دولار بتخش او تمرق زي السلامو عليكم ، اجراءاتك غير سليمة..بيركبوا ليك وش زي الترتيب..!
كل السودانيين والسودانيات الشايلين جوازات اجنبية (انا واحد منهم) الجواز الأجنبي ما بيديك الحق تتعالي على الناس وتخالف قوانين البلد الماشي ليها سواءا كانت قوانين جوازات او قوانين جمارك او قانون جنائي..والجواز الأجنبي ما بيديك الحق في انك تمد يدك على موظف عام شغال في شغلو..ياخي حتى لو كانت بلد كوشة في نظرك..!
حكاية انو بشارة اتعامل بالصورة دي لأنو من دارفور..!
لغاية يوم 4مايو 2018 ، ثلاث ارباع الناس الشغالة في مطار الخرطوم غرابة ، وانا مسئول من الكلام ده ، اللهم الإ كن يكونوا غيروهم في الشهر بعد التاريخ المذكور..!
واضح جدا ان الأخ بشارة قصد اختراع هذا الموقف لكي يتم التصعيد..موقف غير برئ تماما..!
حكاية ليه السفارة الأمريكية لم تتدخل:
لو السفارة الأمريكية شافت الجزء الأول من الفيديو ، فهذا مبرر كافي لسحب الجواز الأمريكي من بشارة ، لأن الجواز الأمريكي لا يعني عدم احترام قوانين الدول الأخرى ولا يعطي حامله حق اللاداحة واستفزاز موظف شغال في شغلو الطبيعي..!
اخيرا..ناس الحراسة (السكيورتي) عندهم سلطات القبض ومنع الجريمة بموجب القانون ..!
تحياتي..
كبر
| |
|
|
|
|
|
|
|
|
|
Re: تعذيب مواطن يحمل الجنسية الامريكية في مطا (Re: السنجك عثمان)
|
الهادى رمضان كريم ومبارك اتفق معك الموضوع ابدا ما
Customer Service
او طنقعه مهاجرين سودانيين امتلكوا هويات إضافيه وانماط معيشيه ثقافيه مختلفه عن مألوف متبع يقابلها الشارع السودانى بما فيهم النظامى فى المطار بمشاعر مختلطه فى مجملها سلبيه وتنميطيه وهذه لايمنع ان نقول بعض من اصحاب الهويات الجديده يفاخرون بها كأنهم اكتشفوا عزا غائب ولكنه يظل الانسان بضعفه وقوته ولامبرر لظلمه فالكل سوا امام القانون خفيف الدم وثقيل الظل وكمان الفاكيها فى روحو
افراد الامن والشرطه يفتقرون للمهنيه ومن السهل إستفزازهم حتى بدون قصد
السفر اصلا إرهاق وتعب (وقطعه من عذاب ) داخل وخارج السودان
وليس كل من وصل مطار الخرطوم من سكانها بل ورب سفر للخرطوم اشد تعبا واطول زمنا من مسافات الطيران
اها دا كلو لايخطر على ذهن القوات النظاميه فى بوابه الدوله ولايتحرج ان يشعرك بضيقه وضغط العمل عليه وهناك وبين المسافرين من عبروا بمطارات دول يتضاءل مطار الخرطوم امامها فى المساحه وحجم العمل ورغم ذلك فشل المطار الوحيد فى توفير خدمات دوره مياه نظيفه ودون تعطيل مزمن
اها دا كلو ما مهم لكن ان تهين انسان بغض النظر عن جنسيته وانت ممثل القانون والنظام فهذه مصيبه مستمره
المؤسف فى الامر سيتم الاعتذار للاخ المتضرر لانه امريكى فقط
نقطه اخيره ل محمد ابراهيم نعم مطار الخرطوم يمكن أن تدخله حتى بدون جواز وربما دون تذكره الامر يعتمد على رفقتك فقط والتشدد فى الكنترول الذى ذكرته فى مداخلتك فيه استثناءات متعدده الاسباب
فى دوله ينخر الفساد هيكلها
كما حدث فى قصه طالبات داعش وخروجهن بمطار الخرطوم
وإضافة اخرى نعم فى بلد مثل السودان تلعب خلفيتك الاثنيه دورا مهما فى كيفيه التعامل معك فهناك يكتفى الناس بالنظر: ) ليحددوا من اى الربوع انت
ليضع سقف للتجاوزات التى ربما تحدث إذا وجدت لها اسباب ومااكثرها اسهلها فى بلد المزاج الملتهب:)
| |
|
|
|
|
|
|
|
|
|
Re: تعذيب مواطن يحمل الجنسية الامريكية في مطا (Re: Abdelrahim Mohmed Salih)
|
Quote: بالنسبة لهذا الفيديو..
علقت في الوتساب في مكان ما لو الناس سمعت التسجيل ، فالكلام مرات افضل من الكتابة..
المواطن بشارة جميل الله قام باستفزاز ناس الحراسة (السكيورتي) لمن كان بيقول يا بوليس تعال هنا ، وبتاع السكيورتي قال ليهو ارجع ورا والرجل مصر يتلادح ..
المستفز في الأمر ، قدام العامة (الجمهور) بشارة مد يدو على بتاع السكيورتي ..والحركة دي لو عملها في أي بقعة في امريكا لبتاع سكيورتي او شرطة ، جسمو ح يبقى شبكة من الجبخانة..!
بتاع السكيورتي شرح ليهو ليه ما دايرينو يقيف هنا: حتة بتاعة اجراءات والناس شغالة بتخدم في مواطنين مسافرين..ولسع الرجل (بشارة) مصر يقيف وكمان داير ضابط عشان يتفاهم معاهو..!
هنا بشارة ارتكب مخالفتين: الأولى الإزعاج العام ، والثانية وهي الأخطر اعتراض موظف عام اثناء تأدية واجبه..!
الفيديو انقطع..وظهر تاني في حتة الضرب..
هنا ناس الحراسة (السكيورتي) : اجراءهم سليم في القبض عليهو..ولكن اخطأوا في الأفراط في استخدام القوة ، واخطأوا في الإساءة للجواز..!
حكاية النقود (عشرة الف ومئتين دولار)..الحاجة الغايبة على صديقنا بشارة انو ما شغال بالقانون ، وناس الجمارك في أي مطار بيسألوك ان كنت شايل نقد اجنبي معاك لو قلت نعم ح يسألوك عن المبلغ لأنو عندهم سقف محدد..!
صحيح العشرة الف مبلغ عادي ، لكن ما هو موقف قوانين جمارك السودان؟ما هو الأجراء المطلوب عشان تشيل معاك مبلغ زي ده سواءا كانت داخل السودان او مارق من السودان؟..
مهما كان ناس جمارك مطار الخرطوم (من تجربة تعامل معهم) ما قاعدين يقلعوا منك نقد اجنبي حمرة عين كده ساكت..حدهم معاك الأجراءات..اجراءاتك سليمة بخمسين الف دولار بتخش او تمرق زي السلامو عليكم ، اجراءاتك غير سليمة..بيركبوا ليك وش زي الترتيب..!
كل السودانيين والسودانيات الشايلين جوازات اجنبية (انا واحد منهم) الجواز الأجنبي ما بيديك الحق تتعالي على الناس وتخالف قوانين البلد الماشي ليها سواءا كانت قوانين جوازات او قوانين جمارك او قانون جنائي..والجواز الأجنبي ما بيديك الحق في انك تمد يدك على موظف عام شغال في شغلو..ياخي حتى لو كانت بلد كوشة في نظرك..!
حكاية انو بشارة اتعامل بالصورة دي لأنو من دارفور..!
لغاية يوم 4مايو 2018 ، ثلاث ارباع الناس الشغالة في مطار الخرطوم غرابة ، وانا مسئول من الكلام ده ، اللهم الإ كن يكونوا غيروهم في الشهر بعد التاريخ المذكور..!
واضح جدا ان الأخ بشارة قصد اختراع هذا الموقف لكي يتم التصعيد..موقف غير برئ تماما..!
حكاية ليه السفارة الأمريكية لم تتدخل:
لو السفارة الأمريكية شافت الجزء الأول من الفيديو ، فهذا مبرر كافي لسحب الجواز الأمريكي من بشارة ، لأن الجواز الأمريكي لا يعني عدم احترام قوانين الدول الأخرى ولا يعطي حامله حق اللاداحة واستفزاز موظف شغال في شغلو الطبيعي..!
اخيرا..ناس الحراسة (السكيورتي) عندهم سلطات القبض ومنع الجريمة بموجب القانون ..!
تحياتي..
كبر
|
تحياتى اخى كبر ورمضان كريم
انا واحد من الذين استمعوا الى مقطعك الصوتى فى الواتساب بخصوص هذه الجريمة المكتملة الاركان
ومهما كانت الاسباب والدوافع فهذا لايعطى ابدا الجهات الامنية تعذيب هذا المواطن بالصعق الكهربائى .
ولو كانت الدولة السودانية دولة محترمة لقام بشارة بتحريك دعوى جنائية ضد الجهات الامنية فى المحاكم العدلية
ولكن اصلا ليس هناك دولة فى السودان انما هناك عصابات تحكم البلد ,
| |
|
|
|
|
|
|
|
|
|
Re: تعذيب مواطن يحمل الجنسية الامريكية في مطا (Re: علاء سيداحمد)
|
الأخ كبر..
أنا مستغرب يا أخ كبر في موقفك، وفي كل الحبر الذي دلقته هنا، هل هو بس نوع من المكابرة ليس إلا ؟؟ ولا شنو بالضبط ؟؟ لأنو بصراحة هو موقف غير مفهوم بالنسبة لي
كون إنو الإنسان يغوص في التفاصيل ليجد التبرير لجريمة ارتكبت، لأنو ما حدث في حق الأخ الكريم في مطار الخرطوم هو جريمة مكتملة الأركان
فالاعتداء البدني عليه بهذه الصورة وإهانة كرامته من قبل أجهزة المطار هو جريمة..
المشهد الشفناهو في الفيديو ده جريمة بكل المقاييس، غض النظر عن إنو الأخ الكريم كان يحمل جواز أمريكي أو غير امريكي..
وأجد إنو من الغريب علي أن أفهم موقف شخص قاعد أو عايش في دول الغرب ومستمتع بالحرية وحكم القانون ويحاول أن يجد التبرير لمثل هذه السلوكيات ويدافع عنها كمان
عشان شنو يا أخ كبر ؟؟؟؟
على العموم انت حر في رأيك وفي اتخاذ الموقف الذي تراه، والتعبير عنه
| |
|
|
|
|
|
|
|
|
|
Re: تعذيب مواطن يحمل الجنسية الامريكية في مطا (Re: علاء سيداحمد)
|
Quote: المواطن بشارة جميل الله قام باستفزاز ناس الحراسة (السكيورتي) لمن كان بيقول يا بوليس تعال هنا ، وبتاع السكيورتي قال ليهو ارجع ورا والرجل مصر يتلادح ..
المستفز في الأمر ، قدام العامة (الجمهور) بشارة مد يدو على بتاع السكيورتي ..والحركة دي لو عملها في أي بقعة في امريكا لبتاع سكيورتي او شرطة ، جسمو ح يبقى شبكة من الجبخانة..! |
كدخ اتلوم شديد، المشكلة إنو في سودانيين فاهمين قصة الجنسية الأجنبية غلط ، العملية دي لو عملها في
أي مطار أمريكي يشرب ما يروى وبالقانون فإحترام القانون واجب والامركان أكتر ناس بيحافظوا على الحاجات دي وفي الحالة دي ما بيحموك
ولا تغلط تمشي تشتكي ليهم
| |
|
|
|
|
|
|
|
|
|
Re: تعذيب مواطن يحمل الجنسية الامريكية في مطا (Re: ترهاقا)
|
Attached is a heart-breaking clip that was recorded by Bishara Hassan Jameel Allah documenting his own painful torture at Khartoum Airport yesterday, Saturday, June 2, 2018. Mr. Jameel, a dual U.S. citizen, is a native of Nyala, South Darfur, and was returning to Sudan after undergoing unspecified surgery in the U.S.
It was not clear what triggered his torture session at NISS Khartoum airport office or why he was brought there from the arrivals hall, however, based on the audible exchange, NISS staff were bent on humiliating him because of his American passport and Darfurian ethnicity.
The audio recorded a barrage of racial slurs and a volley of insults citing his acquired U.S. citizenship. At one point, a heartless officer tossed the passport on the floor and stepped on it with one foot saving the other to kick Mr. Jameel directly on the spot of the surgery incision prompting a deafening scream. Also, In total defiance to Ramadan spirits of mercy and compassion, the clip recorded how NISS staff intensified the physical abuse of the victim as he repeatedly begged them to stop reminding them with his medical condition and his observance of Ramadan!
It must be noted that Mr. Jameel exhibited extraordinary courage, despite the immense agony and the prevailing circumstances. He kept his cell camera rolling ignoring orders to open his cell phone or erase the footage. The clip recorded a voice of a senior officer blaming him for "bringing that " torture upon himself for not behaving politely!
I'm sure my colleagues could extract more material from this poorly recorded audio if advocay concluded the worthiness of illuminating this inhumane, targeted attack on Mr. Jameel.
Best ,
Abdulrahman
Already I'm raising HAVOC in DC ! this message went to Eric Reeves , the State Department and it is on its way to many congressmen ! Comes Monday morning they would not know what hit them !!
| |
|
|
|
|
|
|
|
|
|
Re: تعذيب مواطن يحمل الجنسية الامريكية في مطا (Re: مرتضي عبد الجليل)
|
كتب علاء سيد احمد:
Quote:
انا واحد من الذين استمعوا الى مقطعك الصوتى فى الواتساب بخصوص هذه الجريمة المكتملة الاركان
ومهما كانت الاسباب والدوافع فهذا لايعطى ابدا الجهات الامنية تعذيب هذا المواطن بالصعق الكهربائى .
ولو كانت الدولة السودانية دولة محترمة لقام بشارة بتحريك دعوى جنائية ضد الجهات الامنية فى المحاكم العدلية
ولكن اصلا ليس هناك دولة فى السودان انما هناك عصابات تحكم البلد ,
|
علاء ..حبابك يا صديقي
رمضان كريم وكل سنة وانت طيب ،
ممكن توضح لي حكاية (الصعق الكهربائي) دي حصلت وين في الفيديوهات المرفقة فوق؟..
زواية النظر يا صديقي بتختلف ،
خليك من قوانين السودان ، بشارة ده لو فتح بلاغ في أي نظام قانوني خارج السودان سيواجه بتهم اقلها: الإزعاج العام ، اعتراض موظف عام ، تسبيب الأذى لموظف عام اثناء اداء الواجب (في امريكا ح يتواجه بسبع تهم)..!
الجواز الأمريكي لا يعني جواز لمخالفة قوانين الدول الأخرى..!
ناس السكيورتي التهمة الوحيدة الممكن تكون في مواجهتم هي الإفراط في استخدام القوة الجنائية..!..ودي ممكن يمرقوا منها عادي جدا..!
الحاجات مفروض تتقري مع بعض..يعني مامكن نمسك في اخر نتيجة ونغض الطرف عن الأسباب التي ادت الى تلك النتيجة..!
ودمت..
كبر
| |
|
|
|
|
|
|
|
|
|
Re: تعذيب مواطن يحمل الجنسية الامريكية في مطا (Re: Kabar)
|
كتب الهادي
Quote:
الأخ كبر..
أنا مستغرب يا أخ كبر في موقفك، وفي كل الحبر الذي دلقته هنا، هل هو بس نوع من المكابرة ليس إلا ؟؟ ولا شنو بالضبط ؟؟ لأنو بصراحة هو موقف غير مفهوم بالنسبة لي
كون إنو الإنسان يغوص في التفاصيل ليجد التبرير لجريمة ارتكبت، لأنو ما حدث في حق الأخ الكريم في مطار الخرطوم هو جريمة مكتملة الأركان
فالاعتداء البدني عليه بهذه الصورة وإهانة كرامته من قبل أجهزة المطار هو جريمة..
المشهد الشفناهو في الفيديو ده جريمة بكل المقاييس، غض النظر عن إنو الأخ الكريم كان يحمل جواز أمريكي أو غير امريكي..
وأجد إنو من الغريب علي أن أفهم موقف شخص قاعد أو عايش في دول الغرب ومستمتع بالحرية وحكم القانون ويحاول أن يجد التبرير لمثل هذه السلوكيات ويدافع عنها كمان
عشان شنو يا أخ كبر ؟؟؟؟
على العموم انت حر في رأيك وفي اتخاذ الموقف الذي تراه، والتعبير عنه
|
الهادي..حبابك
الرؤية الشايف بيها انا الحادثة دي ياها رؤية الغرب ذاتو..!
الناس العادية ممكن تستهجن زي ما تدور ، لكن لمن يبقى القانون ، بشارة غلطان حد الغلط..وممكن يتحاكم بسبع تهم (قوانين امريكا)..!
اعتراض الموظف العام اثناء اداء الواجب جريمة في كل قوانين الدول سواءا كانت عالم اول او عالم طيش..ناهيك انك تمد يدك كمان..!
الناس الضربت بشارة دي ارتكبت ما يسمى بالإفراط في القوة الجنائية..وممكن عادي يمرقوا منها..!
اين بشارة الآن؟..وليه عندو مشكلة مع الناس ديل؟
كبر
| |
|
|
|
|
|
|
|
|
|
Re: تعذيب مواطن يحمل الجنسية الامريكية في مطا (Re: Kabar)
|
شكرا يا اه كبر.. استمعت الجزء الاول ويبدو الصوت هو نفسه.
من التسجيل يتضح ان الأمر بدا بسيطا وكان الاخ بمقدوره ان يتحرك من المكان. فهذا توجيه من جهة مسؤولة بتنظيم الناس. هو رفض الانصياع لتوجيه الشرطة.. وكانت نبرته توضح انه كان متوترا نوعا ما. وهذا يدل انه. ربما كان له قصد لا اعرفه خصوصا انه كان مشغل الكاميرا منذ البداية. هذا الموقف ذكرنى بفيديو احد البورداب فى السفارة السودانية فى القاهرة.. ولكن ذاك الأخ ربما معذور لانه ربما افاده الفيديو لملف اللجوء. ولكن اخونا هنا لا يحتاج فهو أمريكى. ما فى حاجة إسمها طلب منه التحرك باسلوب استفزازي.. اى شرطة تكون استفزازية فى الامر الثانى وتكون عنيفة فى الامر الثالث.
اما سلوك ناس الامن فى الغرفة فيشبههم لانهم أساسا غير مدربين ولو كان من أعطاهم السلطة دكتاتورى مجرم فماذا تنتظر منهم؟
كان فى استطاعة هذا الاخ تفادى المشكلة فى بدايتها بان يتحرك الى حيث تم توجيهه.
قانون مورفى رقم 25 يقول:
Murphy's law# 25
"إذا كان بإمكانك تفادى مشكلة فلا تتردد فى تفاديها"
| |
|
|
|
|
|
|
|
|
|
Re: تعذيب مواطن يحمل الجنسية الامريكية في مطا (Re: Kostawi)
|
بخصوص مسالة المواطن السوداني الأمريكي والذي تعرض للضرب على أيدي جماعة تنتمي الى امن المطار، ففي اتصال هاتفي تحدثت مع قريب لي مقيم في امريكا فذكر لي ان قريبنا المحاسب القانوني الأمريكي الجنسية يعرف الضحية بشارة حسن جميل الله...بإعتباره احد زبائنه حيث ينظم له ميزان ضريبته السنوية...(بشارة يعمل في سفن صيد السمك في السكا....وهو رجل هادئ ولا يعرف السياسة)...
يقول انه تحدث إلى بشارة في السودان...والنتيجة:-
1-الحادثة وقعت بالفعل عند تحرش احد رجال الأمن ببشارة...وحاول منعه من الوصول الى درج الخطوط الاماراتية للمغادرة..
2-عندما استنجد رجل الأمن بزملائه شغل بشارة فيديو موبايله وكان ممسكآ به عندما سحبوه الى مكاتبهم في المطار...وبمجرد دخوله المكتب بداوا في ضربه وهو ممسك بموبايله حتى وقع على الأرض...فاستلموا منه الموبايل ومسحوا ثلثي التسجيل وبعدها انغلق الموبايل...ولم يعطهم الكود لفتحه مرة اخرى...!!واخذوا منه مبلغ ال عشرة الف دولار (المبلغ مسنود بأوراقه الرسمية)
3-في أثناء الضرب وقع جوازه الأمريكي على الأرض...وهنا سب احدهم جوازه الامريكي. ..
4-ادرك اعقلهم خطورة الامر....فاعطوه جوازه وموبايله وطلبوا منه مغادرة السودان في حالآ...
5-اتصل على السفارة الأمريكية في الخرطوم....فأسرعوا اليه في المطار ومعهم مسئول كبير من الامن السوداني.
6- تم اعتقال المجموعة المعتدية. ...وتم عمل تحقيق شامل ومشترك (امريكان وسودانيين )...
7-سوف يغادر الى امريكا غدآ وسوف ترجع له كل فلوسه...وهو حاليآ في مكان معلوم للسفارة الأمريكية وللامن السوداني....والسفارة الأمريكية تتصل به كل نصف ساعة...!!!
8- يقول ان الامن السوداني طلب منه تسوية الموضوع...ولكن السفارة الأمريكية تشجعه ألا يتنازل عن حقه...!!!
هذا ما سمعته نقلآ عن قريبي. ..وذكر لي أن هنالك مضايقات يتعرض لها الدارفوريون خاصة المسافرون إلى دول الخليج...وهذا بشارة محظوظ انه امريكي .
طالبت قريبي بمزيد من المعلومات والتطورات لهذه القضية....!!!
منقول من Whatsapp
| |
|
|
|
|
|
|
|
|
|
Re: تعذيب مواطن يحمل الجنسية الامريكية في مطا (Re: Kostawi)
|
كامل إدانتي لما تعرضه له هذا المواطن من تعذيب
بس من ملاحظتي في المطار الخرطوم وانا سافرت السودان ثلاثة اسابيع ورجعت يوم 13 مايو 2018
حقيقة بعض الاخوان الجايين من اوربا وامريكا خاصة المتحصلين علي الجواز مؤخرا الواحد بيكون
لا تعرفو فرحان ولا تعرفو مغرور بيجي نازل ومستقصد الموظفين ودي شفتها بعيني ونحن داخلين علي
الصالة وجدنا فورمات ولم نجد اقلام وبعد البحث حضر شخص يرتدي بدلة سفاري واعطانا قلم وزكر
بنوضع الاقلام والناس بتشيلا معاها بكل احترام يقوم ليك شاب يكورك ويتفرعن ويلوح بالجواز الاحمر
دي مابلد دي ، منتهي الفوضي ووالخ عن نفسي وضع الشاب ماعجبني خلصت الاستمارة ومشيت
وقفت في الصف مع الناس ، تاني جاء بيسأل وين صف الاجانب عاوز المطار كلو يعرف الود شايل
جواز اوربي دا موقف . خلصنا الاجراءات ومنتظرين العفش ولسع ما وصل قام ليك واحد تاني يكورك
قالو ناس المطار بيسرقو العفش والله اي شنطة اجدها مشروطة او مفلسة اوقف المطار برجل واحدة
وبرضو جاي من اوربا او امريكا فحقيقة الموظفين العاملين في المطار ما مجبورين علي تحمل
استفزازات الناس ولا حملة الجوازات الاوربية والامريكية الواحد فيهم بيتعامل بعدم إحترام مع الموظفين
في اماكن عملهم في الدول الجايين منها عشان ما ندفن راسنا في الرمال ، الانسان البيحترم نفسو ويحترم
الموظف أكيد حيحترم . الحالة الثالثة وانا خارج من مطار الخرطوم في 13 مايو اول ما وضعت حقايبي
في السير ناداني ضابط برتبة نقيب قال لي شايل معاك قروش سودانية وممنوع تطلع بيها قلت ليهو عاوز
ادفع فرق الوزن وارجع الباقي بكل احترام قال لي اتفضل خلصتا الاجراءات ورجعت الباقي لاخوي
بالخارج واكملت اجراءاتي الي أن وصلنا للسلامة الجوية جوني ثلاثة من الامن الااقتصادي فيهم أثنين
من أبناء دارفور ( بس عشان حنه الاستهداف البتقولو فيها دي ) والله علي ما اقول شهيد جواز سفرك
مديت ليهم الجواز تأكدو من تسجيل الاجانب وبكل أحترام شايل معاك كم ولا فيهم زول فتشني قلت ليهم
المبلغ وودعوني بكل إحترام .
معروف في اي مطار في الدنيا عندك مبلغ محدد بتطلع بيهو ولو زاد مابتطلع لو تكسر رقبتك يبقا
الناس بغض النظر عن راينا في النظام الحاكم ندي الناس حقها والواحد فينا مادام مابيقدر يتفرعن
بجوازو الاوربي او الامريكي بالخارج مايمشي يتفرعن علي المساكين الشغالين في مطار الخرطوم
ويفرد عضلاتو في النهاية الموظف دا بني آدم تحترمو بيحترمك تتعامل بجلافة حنشوف تجاوزات زي
دي كتير .
| |
|
|
|
|
|
|
|
|
|
Re: تعذيب مواطن يحمل الجنسية الامريكية في مطا (Re: Biraima M Adam)
|
عرض نصف المشهد ، سوف يحول الفعل من قضية انسانية الى بروباقندا رخيصة للغاية يا الهادي..
الضمير الذي يشجع على انتهاك القانون واعتراض الموظف العام اثناء اداء واجبه هذا ليس ضمير يا صديقي..
بالمناسبة أي حاجة حشر فيها اريك ريفز انفه سيحولها الى موضوع تاني خالص..
الموضوع مرتب بعناية للغاية يا الهادي..وهي طبخة نية جدا..!
يا ريت بنفس الهمة يتعرض الجزء الأول من الفيديو والذي اتوقع ان يسحب تماما من المشهد عشان البروباقندا تقسم كويس..!
كبر
| |
|
|
|
|
|
|
|
|
|
Re: تعذيب مواطن يحمل الجنسية الامريكية في مطا (Re: Kabar)
|
كتب كوستاوي:
Quote:
خر خبر!!!
السفاره الامريكيه بالخرطوم تطالب بتسليم من أهان جوازها بمطار الخرطوم و تعذيب مواطنها الدارفوري الأص
|
تسليمو لي منو يا كستاوي؟ اوعي للسفارة الأمريكية؟..
طيب ما ترسل ليها قناصة يختطفوهو زي نورييغا..!
كبر
| |
|
|
|
|
|
|
|
|
|
Re: تعذيب مواطن يحمل الجنسية الامريكية في مطا (Re: Abureesh)
|
ابوريش ..حبابك يا صديقي
كبر لم ينفي مسئولية عن أي احد ووضح الحاجات كلها فوق..
بشارة ارتكب جريمة الإزعاج وجريمة اعتراض موظف عام اثناء اداء واجبه..وبموجب قوانين امريكا يمكن توجيه سبع تهمة ليهو..!
ناس السكيورتي ارتكبوا جريمة الإفراط في استخدام القوة الجنائية والإساءة لوثيقة دولية (جواز سفر دولة اخرى)..
صحيح لم يتم تمزيق الجواز ، لكن اتقالت عبارات نابية وهذا ما دفعني لتقدير الأمر بانه اساءة للجواز..
نرجع نشوف شتلة الواتساب التي ارفقها صديقنا كوستاوي مشكورا..
كبر
| |
|
|
|
|
|
|
|
|
|
Re: تعذيب مواطن يحمل الجنسية الامريكية في مطا (Re: Kabar)
|
بعد ما قريت تعليق كوستاوي ونقله ما قاله المحاسب القانوني الذي يعرف هذا المواطن الذي تعرض للتعذيب عرفت اهمية ان يكون لك جواز سفر اجنبي ، ،، وهذا يعني اذا كان واحد مواطن سوداني وما عنده جواز سفر اجنبي ومر بنفس هذه التجربة المريرة كان ناس
الامن قتلوه او سجنوهو في بيوت الاشباح لسنوات طويلة دون محاكمة ...
ونقول بالصوت العالي للنظام البوليسي متى استعبدتم الناس وقد ولدتهم امهاتهم احرارا...
وحتى اذا غلط هذا المواطن فلماذا يعذب داخل المطار ؟ ولماذا لا يعتقل فقط ويقدم لمحاكمة اذا ارتكب اي جريمة ...
بلد ما فيها قانون ...
ودمتم بخير وصحة وعافية
| |
|
|
|
|
|
|
| |
Elhadi
Abureesh
نعمات عماد
سيف النصر محي الدين
أيمن محمود
عبدالحفيظ ابوسن
Deng
عمر أبوعاقلة
Yasir Elsharif
Biraima M Adam
Mohd Ibrahim
بدرالدين بابكر مصطفى
ابوالقاسم ابراهيم الحاج
محمد البشرى الخضر
Osman Mahmoud
Ali Abdalla Hassan
السنجك عثمان
سفيان بشير نابرى
Mohamed Doudi
محمود الدقم
علاء سيداحمد
النذير حجازي
منتصر عبد الباسط
Kabar
ترهاقا
Abdelrahim Mohmed Salih
Kostawi
عادل الباهي عبدالرازق
فيس بوك
تويتر
انستقرام
يوتيوب
بنتيريست