|
|
 سوداني يقتل أثنين سودانيين بمقهى بولاية فرجينيا الامريكية
|
07:58 PM May, 14 2018 سودانيز اون لاين
Deng-
مكتبتى
رابط مختصر Man charged in deaths of two men at Virginia hookah lounge
By Dana Hedgpeth May 14 at 11:44 AM Email the author
Two men were killed early Monday at a hookah lounge in Sterling, Va., and an Alexandria man has been arrested and charged, according to authorities.
The Loudoun County Sheriff’s Office said the double homicide happened about 1:45 a.m. at the Pharaoh Cafe in the 46000 block of Old Ox Road. Deputies responded to the scene for a reported shooting.
The victims were not immediately identified pending notification of their families. On Twitter, officials said “two victims lost their lives at the scene.”
The sheriff’s office said Hassan M. Gailani, 34, was charged with two counts of first-degree murder and one count of use of a firearm.
Authorities said their initial investigation shows Gailani walked into the cafe and “appeared to target one of the victims,” according to Kraig Troxell, a spokesman for the Loudoun County Sheriff’s Office.
Gailani was found in his vehicle as he was trying to leave the area. He is being held without bond at the local jail, authorities said.
The sheriff’s office said Monday the two victims were men in their 30s. He said the victims and Gailani were “associated with each other,” but their exact relationship wasn’t clear.
“The circumstances as to what led to the shooting are still under investigation,” he said.
Troxell said the hookah cafe is a popular gathering place after bars close. The hookah cafe is open until 4 a.m.
|
|
  
|
|
|
|
|
|
|
|
Re: سوداني يقتل أثنين سودانيين بمقهى بولاية ف (Re: Deng)
|
العبار دينق،
ليه قلت سوداني؟ .. مولود في أمريكا .. فهو أمريكي .. الضحايا نعم سودانين .. نحجم عن ذكر الأسماء في هذه اللحظة ..
العزاء سوف يكون في مسجد أدم سنتر .. أظن يوم الأربعاء .. سوف أتي بالتفاصيل لاحقاً ..
بريمة
| |
|
|
|
|
|
|
|
|
|
Re: سوداني يقتل أثنين سودانيين بمقهى بولاية ف (Re: Deng)
|
ربنا يرحمهم الاثنين و يتقبلهم. مرتضى معروف صديقي و زميلي في العمل كان معي أمس مساء حتى الساعة العاشرة و النصف و افترقنا على أمل اللقاء مثل كل يوم لكن هي الأقدار و مشية الله. سافر مرتضى قبل شهر و اسبوع للزواج و عاد بعد أن أتم زواجه ورجع للعمل فقط قبل اسبوع. ربنا يرحمهم و يصبر أهلهم و يصبر اخي يوسف معروف.
اللهم ارحمهما وابدل شبابهما الجنة
ولاسرتيهما الصبر وحسن العزاء
| |
|
|
|
|
|
|
|
|
|
Re: سوداني يقتل أثنين سودانيين بمقهى بولاية ف (Re: زهير عثمان حمد)
|
انا لله وانا اليه راجعون اللهم اغفر له وارحمه وادخله فسيح جناتك
لن تعزينا فيك الكلمات ياصديقى احمد سعيد امام منزلكم كان الوداع وانت تخبرنا انك لن تعود للسودان
هل الخبر الصحيح ام انها إحدى قفشاتك ياااااااااااااا الله ان الفقد جلل والمصاب كبير
تخذلنا الكلمات عندما نطلبها وتعوضنا عنها الدموع استغفر الله العظيم
نسال الله ان يصبر اسرتك واعلم مكانتك عندهم
اللهم لا تنفتنا بعده ولا تحرمنا اجره ان القلب ليحزن
وان العين لتدمع ولا نقول الا ما يرضى الله سبحانه وتعالى
انا لله وانا اليه راجعون
| |
|
|
|
|
|
|
|
|
|
Re: سوداني يقتل أثنين سودانيين بمقهى بولاية ف (Re: Nasser Amin)
|
| Quote: هل القاتل سليم العقل؟ |
معلومات أصدقاء القاتل تشير أنه إنسان طيب .. ولم ير أنه يحمل سلاحاً قط .. التقرير يقول أن والديه طبيبن يقيمان في السودان.
الشابان اللذان توفيا .. طيبي السيرة .. في المنطقة ..
حتى هذه اللحظة لم يعرف أي إنسان من أصدقاء أو أقرباء الطرفين سواء القاتل أوالمتوفيين أي سبب لهذا القتل .. ولم يشر البوليس لأي دوافع للحادث حتى هذه اللحظة.
بريمة
| |
|
|
|
|
|
|
|
|
|
Re: سوداني يقتل أثنين سودانيين بمقهى بولاية ف (Re: Biraima M Adam)
|
في حاجة في أمريكا إسمها Miranda Rights وهى تنص علي الأتي:
You have the right to remain silent. Anything you say can and will be used against you in a court of law. You have the right to an attorney. If you cannot afford an attorney, one will be provided for you
يحق للشخص أن يصمت وأن لا يقل شيئاً أثناء التحري حتي يحضر محامي أو يُحضر له محامي .. وهذا ربما ما حصل في حالة حسن م جيلاني .. لزم الصمت.
لهم الرحمة ولآلهم وأصدقاءهم حسن العزاء ..
كنت بالمسجد مكان العزاء، والله لا تجد مكان تضع به قدمك .. وهذا يؤكد عظم الفاجعة.
بريمة
| |
|
|
|
|
|
|
|
|
|
Re: سوداني يقتل أثنين سودانيين بمقهى بولاية ف (Re: Elmoiz Abunura)
|
ول أبا المعز أبو نورة،
حسب ما عرفت أن الجاني مولود في أمريكا .. ولم أعرف هل تربي في أمريكا أم تربي في السودان. سوف أتأكذ من المعلولة.
أولادنا المولودين ومتربين في الغرب، يحملون ثقافة غربية .. وقليل جداً من الثقافة السودانية .. الثقافة الغربية تعزز الفردانية (الواحد حقه لا يعطيه حتى لأخوته داخل المنزل .. يقول دا حقي ..)؛ مثل هذه الجريمة لأن فيها الجاني يحمل الثقافة الغربية ممكن يكون السبب تافه جداً .. حقي ما حقك .. ممكن يشل السلاح ويصفي الخلاف بهذه الصورة المؤلمة.
بريمة
| |
|
|
|
|
|
|
|
|
|
Re: سوداني يقتل أثنين سودانيين بمقهى بولاية ف (Re: بارودى مصطفى فاشر)
|
الأخ بارودي،
سلام
| Quote: خلاص ثقافة ال cowboy بدات تظهر فى اولادنا المهاجرين والله دى كارثة |
هذه الجريمة لم ينسبها البوليس إلي أن الجاني سوداني .. وأكتفت محطات الأخبار بالقول أن الجاني والمجني عليهم جذورهم الثقافية Their heritages
تعود إلي السودان؛ كما أن البوليس في تقريره الأولي في مسرح الجريمة قال أن هذه الجريمة جريمة معزولة تخص المكان والافراد المعنيين .. وخصص أكثر أن الجريمة تخص الجاني وأحد المجني عليهم .. وحسب طريقة الضرب، فأن الجاني أستهدف لاعب كرة القدم المرحوم أحمد .. ومرتضي حاول أن يتدخل، فأصيب معه. وحسب الثقافية الغربية، لو كل الشباب مولودين بالغرب، فإن مرتضي لن يتدخل بل يهرب بنفسه نجياً .. هكذا تقول الثقافة الغربية وهى شيئ يدرس ضمن منهج السلامة الشخصية.
اللهم تقبلهم جميعاً وصّبر أهلهم ..
بريمة
| |
|
|
|
|
|
|
|
|
|
Re: سوداني يقتل أثنين سودانيين بمقهى بولاية ف (Re: ود الباوقة)
|
لهم الرحمة و المغفرة و لأسرهم خالص العزاء ,,,
جريمة بشعة لا تمثل طيبة اهلنا و تقاليدنا لا اجد الكلمات التي تصف حجم هذة الكارثة الضاربة فى اوساط الشباب فى المهجر
اتمني ان لا نصل لتلك الحادثة مرة اخر وان تكون تلك نهاية للأخبار السيئة فى 2018
| |
|
|
|
|
|
|
|
|
|
Re: سوداني يقتل أثنين سودانيين بمقهى بولاية ف (Re: ود الباوقة)
|
| Quote: ربنا يرحمهم الاثنين و يتقبلهم. مرتضى معروف صديقي و زميلي في العمل كان معي أمس مساء حتى الساعة العاشرة و النصف و افترقنا على أمل اللقاء مثل كل يوم لكن هي الأقدار و مشية الله. سافر مرتضى قبل شهر و اسبوع للزواج و عاد بعد أن أتم زواجه ورجع للعمل فقط قبل اسبوع. ربنا يرحمهم و يصبر أهلهم و يصبر اخي يوسف معروف. |
تقبلهما الله بواسع رحمته..
احسن الله عزاكم اخي سفيان
| |
|
|
|
|
|
|
|
|
|
Re: سوداني يقتل أثنين سودانيين بمقهى بولاية ف (Re: أحمد الشايقي)
|
نحمد الله ان من الله علينا بنعمة الاسلام
ونحمده ان مكننا في اسرنا وزوجاتنا وابنائنا
وان يكون لنا اليد الطولي في ادارة بيوتنا وان تكون الامر الناهي
في داخل اسرتك وبما يرضي الله فهم امانة في اعناقنا نسأل فيهم يوم الحشر
ونحمد الله ان جعل غربتنا في بلاد المسلمين ليتربي وينشأ ابناؤنا علي حسن الخلق وادب
وحسن المعامله وطيب المعشر واتباع السلوك القويم في كافة تصرفاتهم حفاظا علي سمعة
اسرهم
الغريبة ولا واحد منكم تحدث عن هذا المجرم القاتل
فهو مجرم مهما كانت دوافعه وبلا ادني شك
وحسبنا الله ونعم الوكيل
| |
|
|
|
|
|
|
|
|
|
Re: سوداني يقتل أثنين سودانيين بمقهى بولاية ف (Re: ابوالقاسم ابراهيم الحاج)
|
ربنا يرحم المتوفيين رحمة واسعة ويتطلف بأهالي الضحايا بمن فيهم القاتل،،
ربنا صبرهم على مصابهم وأجرهم يالله،،
Quote: ونحمد الله ان جعل غربتنا في بلاد المسلمين ليتربي وينشأ ابناؤنا علي حسن الخلق وادب
وحسن المعامله وطيب المعشر واتباع السلوك القويم في كافة تصرفاتهم حفاظا علي سمعة
اسرهم |
دا كلام غريب ياشيخ عمر ومدان بكل ماتحمل الكلمة من معنى وغير مقبول منك إطلاقا،،
أرجوك مراجعة نفسك وحكم ضميرك وأنظر إلى سجون بلادك وسجون الببلاد العربية المسلمة وشوف
كم من المجرمين وماهي جرائمهم،،
نسأل الله العافية من مصائب هذا الزمن وبلاويه،،
| |
|
|
|
|
|
|
|
|
|
Re: سوداني يقتل أثنين سودانيين بمقهى بولاية ف (Re: عبد اللطيف بكري أحمد)
|
Quote:
وأنظر إلى سجون بلادك وسجون الببلاد العربية المسلمة وشوف
كم من المجرمين وماهي جرائمهم،، |
نعم فيها مافيها اخي عبداللطيف
لكنها لاتصل حد القتل و رميا بالرصاص وامام الله وخلقه
الكلام ده مامردود لي ولا ليك بقدرما هو مردود علي ابويه
يقعدو يعاينو في الشافع بكل اغلاطه واخطاؤه لامن يبقي راجل والفاس تقع في الراس
| |
|
|
|
|
|
|
|
|
|
Re: سوداني يقتل أثنين سودانيين بمقهى بولاية ف (Re: Deng)
|
Quote:
مرتكبي هذا النوع من الجرائم لم يتربوا في أمريكا، بل أتو اليها كبار السن من السودان.
بعدين حال السودانين في "الدول الإسلامية" حدث وبلا حرج، وأحسن تخليها مستورة |
بل تربو وتشربو من ثفافاتهم ودون متابعه ومراقبة من اهاليهم
نحنه الحمدلله ولدك ان قبضتو شايلو مطوه ساي تقلب الدنيا علي راسو وعلي راس امو
والفالت من ابناء السودانيين هنا تلاقي مصيبتو هايفه مقارنة مع ناس الطبنجات ديل
ليييه ماعاوزين تعترفو انه ابناءكم قليلين ادب وفالتين من ايديكم ومن ايدي القانون
ودي عقدة الذنب اللي حتطاردكم الي يوم الدين.
الزمن النحنه فيهو ده زمن عفن ومابيرحم واحسن لو بتقدرو تلملمو وليداتكم وتخارجوهم
ولن تقدرو. لانه ياادوك طلقة في راسك يارموك في السجن.
| |
|
|
|
|
|
|
|
|
|
Re: سوداني يقتل أثنين سودانيين بمقهى بولاية ف (Re: عبد اللطيف بكري أحمد)
|
[b
الأخ شيخ عمر،
سلامات ..
| Quote: يقعدو يعاينو في الشافع بكل اغلاطه واخطاؤه لامن يبقي راجل والفاس تقع في الراس |
كلامك فيه مصداقية .. المؤلم أننا كأباء في الغرب، المدارس والمجتمع هما من يربيان الأطفال بالأنابة عنا.. الواحد فينا كن يكسر رقبته لن يستطع أن يفعل شيئ .. وأظن لذات الأسباب المجتمع والمدارس هما من ساعدا الأطفال في الوطن العربي علي التربية الحسنة. ألعاب الفيديو، ولعب الأطفال في شكل مسدسات "بيبي كنز" علي قفا من يشيل .. وأي بيت فيه أجهزة ألعاب الفيديوهات وكلها ضرب ودماء .. المدارس لا تدرس أي منهج ديني بحكم أن الدولة لا تتدخل في أمر الدين .. مدارسنا الخاصة أيامها الدراسية محصورة في نهاية الأسبوع فقط .. أطفالنا في الثانويات وهم لا يجيدون الصلوات وقراءة الفاتحة .. ونحن نقتل أنفسنا حتى نحافظ عليهم. السؤال إذا نحن أجتهدنا هل المجتمع يدين بنفس بدينا وأخلاقنا ..؟ بالطبع لا ..
في محصلة القول نحن في مشكلة .. والسؤال نمشوا وين؟ .. نحن مرتبطين بأسرنا في السودان ومعاشهم جزء من كفاحنا اليومي في الحياة ..
بريمة
| |
|
|
|
|
|
|
|
|
|
Re: سوداني يقتل أثنين سودانيين بمقهى بولاية ف (Re: muntasir)
|
Quote:
ع ع ع المنبر ده ملان أماكن تفرغ فيها إسقاطاتك وشقوق عودك ما لقيت إلا مكان عزاء تفكها فيه فتش في نفسك قبل أن يريك الله في نفسك |
والله ان كنت من معارف او من احباء او ذوي المغدور بهم ماتجرأت بما نطقت واسميتها اسقاطات.
ع ع ع في عينك.
| |
|
|
|
|
|
|
|
|
|
Re: سوداني يقتل أثنين سودانيين بمقهى بولاية ف (Re: muntasir)
|
الأخ منتصر،
| Quote: ع ع ع المنبر ده ملان أماكن تفرغ فيها إسقاطاتك وشقوق عودك ما لقيت إلا مكان عزاء تفكها فيه فتش في نفسك قبل أن يريك الله في نفسك |
كلام الأخ شيخ عمر فيه مصداقية .. الغرب حياته ماديات .. الروحانيات قليلة جداً .. هل تتذكر الشخص الذي ضرب الحفل الموسيقي وكان معه 43 بندقية .. أستعمل 10-13 منها في ناس الحفل!
أنا أجريت حورات طويلة مع الناس الذين نعرفهم في العمل .. عندي واحد صديق أبيض، قال حياة الأمريكي فيها شيئين .. السلاح والعربات .. في أمريكا السلاح بمعدل كل بيت 2 بندقية .. والعربات كذلك ..
قال لي صديقي أن أغلب البيض يمتلكون أسلحة كثيرة وعربات مثلها .. قال المسألة قبل ما تكن دفاع عن النفس فهي هواية .. مثل جمع الطوابع .. دا المثل الذي ضربه لي ..
دونالد ترامب جزء من فوزه سببه جمعيات السلاح NRA .. والدستور الأمريكي يكفل بالحق الدستوري أي إنسان يمكنه حمل السلاح دفاعاً عن نفسه ..
وفي الجانب الأخر أمشي شوف سوق الأسحلة .. هل دخلت دكان سلاح؟ .. تشتري اجعص بندقية بقروش ضئيلة جداً .. مشينا ذات مرة أنا وصديق لي 50 ميلاً خارج العاصمة .. لقينا الناس رابطين مسدسات في اصلابهم وأفخاذهم .. عادي تجد مسدسات الهواسزر .. والهاند قن ..
الله يكون في عوننا .. أولادنا كلهم في خطر إلا ما رحم ربي .. والمرحوم نبرة التى قتلت في ليلة السابع والعشرين من رمضان العام الماضي ليس ببعيد.
بريمة
| |
|
|
|
|
|
|
|
|
|
Re: سوداني يقتل أثنين سودانيين بمقهى بولاية ف (Re: muntasir)
|
منتصر،
الشباب الذي قتلوا والقاتل .. كلهم يعيشون في نفس الدائرة التى نعيش بها .. لم نسمع قط عنهم بشيئ سيئ .. رحمهم الله ويتقبلهم جميعاً ويصبر الله أهلهم .. فقد كبير .. شباب في عز سن الأنتاج والحيوية.
| Quote: سلام بريمة بعرف شنو عمر عن أباء وأمهات الذين يعيشون في الغرب وهو أحسن من هؤلاء الأباء والأمهات في شنو والمغدورين ديل انت بتعرف عنهم شنو يا ع ع ع قوم لف يلفك بلا يخمك قال الذي مكننا من أولادنا مكنة تركبك |
وأنت هنا أنفعلت أكثر من اللازم يا منتصر .. الأباء والأمهات .. دينهم وخلقهم شيئ .. وأولادنا في الغرب شيئ أخر .. هذه يجب أن نعترف بها .. نحن الأباء نحمل ثقافة محافظة لدرجة الأنغلاق علي الذات .. في حين الأبناء منفتحين علي العالم من حوالهم .. ويصادقون جميع ألوان الطيف .. وهذه يمكن ملاحظتها في تجمعاتنا السودانية .. نسبة الشباب الذين تربوا في الغرب فيها تكاد تكون معدومة .. نحن نلهث خلفهم عشان نفهم ثم نحاول نتدارك الموقف. رغم أننا من ناحية معاش الحمد الله حالنا ميسور .. نأكل ونشرب وبنلبس .. إلا جوانبنا التربوية والأجتماعية فيها قصور كبير ..
الزول البيقدر ما بين سنة وأخري ينزل أولاده السودان يأخذوا جرعات ثقافية من أجدادهم وخيلانهم .. ثم يعودوا .. أظنها أفضل وسيلة .. والعشم في الله أن يتجاوزوا مرحلة الطفولة والمراهقة.
بريمة
| |
|
|
|
|
|
|
|
|
|
Re: سوداني يقتل أثنين سودانيين بمقهى بولاية ف (Re: كمال عباس)
|
معظم الجرائم التي يرتكبها السودانين في أمريكا يقوم بأرتكابها رجال بالغين، أقل واحد فيهم أكمل تعليمه الثانوي في السودان.
يا بريمة أنت زول معزول عن الجالية السودانية في منطقتك وما بتعرف عنها الكثير، فمن الافضل لك أن لا تفتي في ما لا تعلم.
| |
|
|
|
|
|
|
|
|
|
Re: سوداني يقتل أثنين سودانيين بمقهى بولاية ف (Re: Deng)
|
عمر عثمان عبد الوهاب
كلامك مغلوط
الانسان هو الانسان لو عاش في السعودية او في امريكا
وحتى القيم الفاضلة في امريكا اكتر من السعودية
اولادنا يتعلمون فضيلة الصدق بينما اباؤهم القادمون من السودان
اغلبهم لا يتحرجون من الكذب
وهاك الامثلة دي
في السعودية بلد الحرمين
لرياض ( صحيفة عكاظ السعودية ) : حصلت جريمة مروعة في منطقة الرياض راح ضحيته خمسة أشخاص من عائلة واحدة هم الوالد والزوجة وثلاثة أطفال. وصرح العقيد فواز بن جميل الميمان مدير إدارة العلاقات العامة والإعلام في شرطة منطقة الرياض أنه في تمام الساعة الحادية عشر مساء يوم الإثنين تلقى مركز شرطة البطحاء بلاغاً من وافد سوداني الجنسية عن تغيب أحد أقاربه 46 سنة وأنه لا يجيب على اتصالاته ولا يرد أياً من أفراد أسرته على أي اتصالات واردة، ويخشى إصابتهم بمكروه، خصوصا أن قريبه المذكور يعاني من اضطرابات نفسية. وعلى الفور توجه ضابط الخفر المناوب ترافقه فرقة من الدفاع المدني إلى منزل الوافد المذكور وتم فتح الباب وفق الإجراءات النظامية، ليفاجأ الجميع بوجود خمس جثث تسبح في بركة من الدماء، وشوهدت آثار طعنة نحرية في عنق زوجته البالغة من العمر44 عاماً وأطفالها الثلاثة البالغة أعمارهم ما بين السنتين والسبع سنين. وأضاف أنه على الفور تم استدعاء المختصين بالأدلة الجنائية وعضو من فرع هيئة التحقيق والادعاء العام وفريق من إدارة الطب الشرعي في صحة الرياض حيث اتضح من المعاينة الدقيقة وبصفة أولية قيام الشخص بقتل أفراد عائلته ومن ثم الانتحار. وأشارت المعلومات إلى أن المذكور يعاني من اضطرابات نفسية. وقد جرى استكمال الإجراءات اللازمة وإحالة أوراق القضية إلى فرع هيئة التحقيق والادعاء العام بمنطقة الرياض.
| |
|
|
|
|
|
|
|
|
|
Re: سوداني يقتل أثنين سودانيين بمقهى بولاية ف (Re: الصادق اسماعيل)
|
في السعودية ايضاً
حت الأجهزة الأمنية المختصة في الرياض تحقيقاً مع وافد سوداني إثر تورطه في ارتكاب فعل اللواط في وافد بنغالي في بيت مهجور وسط الرياض.
وجاءت عملية القبض على الوافد السوداني عقب توفر معلومات لدى فرق هيئة الأمر بالمعروف والنهي عن المنكر في الرياض عن وجود وافد من الجنسية البنغالية من الشاذين جنسياً عرف بعرض نفسه على العمالة ليمارسوا معه جرائم اللواط وعقب تتبع تحركات الوافد البنغالي الذي اعتاد الجلوس في أحد المنازل الخربة في حي البطحاء قام أحد الوافدين من الجنسية السودانية
| |
|
|
|
|
|
|
|
|
|
Re: سوداني يقتل أثنين سودانيين بمقهى بولاية ف (Re: الصادق اسماعيل)
|
السعودية
في جريمة بشعة هزت مدينة جدة بالمملكة العربية السعودية سدد شاب سوداني (20) طعنة نافذة أزهقت روح زوجة خاله وتركها وسط بركة من الدماء ولاذ بالهرب. وحاول الأطفال إيقاف شلالات الدم من جسد والدتهم، لكن القدر كان أسرع وفارقت الحياة.
واستجمع الصغار لوعتهم وأبلغوا والدهم هاتفياً بأن ابن أخته طعن والدتهم فسابق الزوج المكلوم خطواته إلى المنزل ليجد شريكة حياته وسط نهر من الدم، فأبلغ الدوريات الأمنية التي وصلت سريعاً إلى مسرح الجريمة في حي السلامة.
وبحسب الإفادات التي أوردتها صحيفة عكاظ السعودية الصادرة أمس فإن الزوج دعا القاتل إلى السكن معه تخفيفاً عليه من أعباء استئجار منزل، وحرص على تنبيه زوجته على ضرورة مراعاته، وخدمته وبقي القاتل عدة أشهر قبل أن ينفذ جريمته البشعة، عندما تحين الفرصة وحمل سكين المطبخ ليوجه طعناته القاتلة إلى جسد المغدورة.
استدعت سلطات الأمن خبراء الأدلة الجنائية ورجال التحقيق في وحدة مكافحة جرائم الاعتداء على النفس، فيما تولى رجال أمن مركز شرطة السلامة التحري والتحقيق الموسع بغرض الوصول إلى مخبأ القاتل وتحديد مخبأ أداة الجريمة، ووصلت معلومات لاحقة إلى أجهزة الأمن أن المتهم متوارٍ عن الأنظار في حي الكرنتينا، لتتحرك إلى المكان فرقة من وحدة مكافحة جرائم الاعتداء على النفس ، ولم يستغرق القبض عليه غير ثوان قليلة، وأقر المتهم في التحقيقات المبدئية بفعلته، وأرجع ذلك إلى وجود خلافات مع القتيلة، مشيراً إلى أنه لم يشعر بنفسه إلا وهو يجهز عليها بالطعنات، وعندما شعر بفداحة الجريمة هرب وألقى أداة الجريمة بالقرب من منزل خاله.
وتعتبر جريمة جدة هي الثانية من نوعها خلال أقل من شهر بعد أن أقدم شاب سوداني آخر على قتل زوجة خاله بالعاصمة السعودية الرياض.
صحيفة السوداني
| |
|
|
|
|
|
|
|
|
|
Re: سوداني يقتل أثنين سودانيين بمقهى بولاية ف (Re: الصادق اسماعيل)
|
السعودية
كتب مقيم من الجنسية السودانية حدا لحياته بعد أن أقدم بعد مغرب اليوم الأربعاء على شنق نفسه داخل دورة المياه في حجز التوقيف التابع لشرطة محافظة الشنان , على إثر قضية إقدامه على قتل مقيم من نفس الجنسية في محافظة الشنان مطلع الأسبوع الحالي.
وكانت شرطة محافظة الشنان قد تحفظت على المقيم الذي كان يعمل في رعي الغنم لدى أحد المواطنين في المحافظة , بعد أن سلمه أحد المواطنين للشرطة إثر سرقته محفظة نقود تعود ملكيتها لعامل ذلك المواطن , فيما اعترف المقيم في التحقيق عن قتله لمقيم آخر من الجنسية السودانية.
في حين كانت شرطة محافظة الشنان وفقا لمصادر (صحيفة حائل الإلكترونية) تراقب غرفة الحجز عبر الكمرات المعدة لذلك , وبعد تأخر خروج المقيم من دورة المياه التابعة للحجز , تمت معاينة دورة المياه وتبين أن المقيم أقدم على الانتحار شانقا نفسه بقطعة من ثوبه الذي كان يرتديه.
هذا وقد باشرت الجهات الأمنية ذات العلاقة في محافظة الشنان تحقيقاتها حول حادثة الانتحار التي أقدم عليها المقيم.
| |
|
|
|
|
|
|
|
|
|
Re: سوداني يقتل أثنين سودانيين بمقهى بولاية ف (Re: الصادق اسماعيل)
|
ونحمد الله ان جعل غربتنا في بلاد المسلمين ليتربي وينشأ ابناؤنا علي حسن الخلق وادب
وحسن المعامله وطيب المعشر واتباع السلوك القويم في كافة تصرفاتهم حفاظا علي سمعة
اسرهم
بالله يا عمر عثمان عبد الوهاب دا كله بيحصل في بلدكم
قتل مخدرات لواط
ولسه الملف فيه آلاف الجرائم
عشان كدا أخير نترحم على الموتى وندعو بالهداية لينا ولي أولادنا
قصة بلاد مسلمين وبلاد كفار ما عندها أي معنى
أنا عشت في الاتنين وممكن أقارن كمية الفضائل والسلبيات
وفي الفضائل بتترجح كفة البلدان الغربية بسهولة أو لسيادة القانون
بشكل كبير ودي بيخلي المجرم يفكر مية مرة قبل ما يرتكب جريمته.
هسع أنا براجع عدد الجرائم الارتكبها سودانيين في أمريكا أقل بما لا يقاس
عن الجرائم الارتكبها السودانيين في السعودية
فبالله عليك لمن تكتب استشير قوقل وبعد داك تعال اكتب
وبالمناسبة دي عينة بس ممكن اجيب ليك بدون مبالغة (مية جريمة مختلفة)
ارتكبها السودانيين في السعودية
| |
|
|
|
|
|
|
|
|
|
Re: سوداني يقتل أثنين سودانيين بمقهى بولاية ف (Re: الصادق اسماعيل)
|
اولادنا وبناتنا هنا الأغلبية الغالبة منهم تلتزم بالقانون و بالنظام وبدقة المواعيد واتقان العمل
ولا يعرفون حاجة اسمها نفاق. اذا عمرهم فوق الثامنة عشر وقرروا ان يعملوا اي حاجة بعملوها
عيني عينك وفِي الضوء لأنهم لا يؤمنون بحكاية الدبل لايف، ان تفعل سرا ما تخشى فعله جَهْرًا
وطبعا ده لأنو المجتمع هنا بيغرس فيهم روح الاستقلالية والاعتداد بالنفس. هم في الغالب يكرهون
عنصريتنا وحبنا للنفاق وللكذب وللفوضى واضطهاد النساء، يا زول ديل أحسن مننا بمئات السنوات
الضوئية. انا عشت في السعودية وفِي أمريكا واعرف تماما عماذا اتحدث. الشباب هنا رياضيين
غالبا لا يدخنون ، متعلمين صحتهم جيدة جدا ويمتلكون أدوات التفكير النقدي والتحليل المنطقي
ولا يخضعون لسلطة العائلة فقط لارضاء شهوة التملك والسيطرة لدى والديهم. تعاملهم باحترام
يحترموك لما تستغرب، تعمل عليهم حركات السودان ديك بفرتقوا يخلوك.
| |
|
|
|
|
|
|
|
|
|
Re: سوداني يقتل أثنين سودانيين بمقهى بولاية ف (Re: الصادق اسماعيل)
|
كنت فاكرة ان جرائم القتل نادرة في السعودية وذلك بسبب ان القاتل طريقة إعدامه مخيفة وهي قطع الرأس بالسيف...
وكنت فاكرة ان جرائم السرقة معدومة لان الجو الروحاني في أرض مهبط الوحي يقف سدا منيعا أمام ارتكاب جرائم السرقة والجرائم الأخرى....ترى لم السبب في كثرة مثل الجرائم في
السعودية
| |
|
|
|
|
|
|
|
|
|
Re: سوداني يقتل أثنين سودانيين بمقهى بولاية ف (Re: نعمات عماد)
|
كنت فاكرة ان جرائم القتل نادرة في السعودية وذلك بسبب ان القاتل طريقة إعدامه مخيفة وهي قطع الرأس بالسيف...
وكنت فاكرة ان جرائم السرقة معدومة لان الجو الروحاني في أرض مهبط الوحي يقف سدا منيعا أمام ارتكاب جرائم السرقة والجرائم الأخرى....ترى لم السبب في كثرة مثل الجرائم في
السعودية
يا امتثال
كيفك
الملف العندي الهسع بس عملتوا من قوقل عن جرايم السودانيين في السعودية وصل لمائة جريمة
فيها مراهقين واحداث ونساء وشباب وعجايز.
لكن ع ع ع عايش في وهمة كبيرة جداً، نسبة تعاطي المخدرات وسط طلبة الابتدائي (أي نعم الابتدائي كبيرة جداً
عايني بس جزء من التقرير النشرته مجلة سيدتي السعودية:
ي العام 2013 أعلن مدير مكافحة المخدرات اللواء عبدالله الجميل عن ارتفاع نسبة ترويج المخدرات في السعودية إلى 1000% بعد أن
كان قد أعلنت السعودية قبل ذلك عن ارتفاع نسبة الإدمان بنسبة 300%. أما حالياً ووفق أرقام غير رسمية فإن 200 ألف سعودي
يتعاطون المخدرات مع ارتفاع معدل تعاطي السعوديات للمواد هذه بنسبة 20% . تشكل الفئات العمرية من 12 إلى 20 عاماً 70% من مدمني المخدرات.
أما نسبة الـ 20% الخاصة بالإناث، فقد شكلت الحالات التي لم تتجاوز الخامسة عشر من عمرها 30% مقابل 20% لمن تجاوزن العشرين عاماً.
تستقبل مستشفيات الأمل في الرياض أكثر من 600 حالة أسبوعياً ويتشابه الرقم في باقي مستشفيات المملكة. كما تختلف نسب تعاطي المخدرات
بين منطقة وأخرى إذ ترتفع في المناطق المزدحمة كمكة المكرمة والرياض والمنطقة الشرقية، حيث تصل نسب التعاطي إلى 1.7 الى 1.8% ، وتنخفض
في المناطق المناطق الداخلية كالباحة وعسير وحائل والقصيم والمدينة المنورة.
المخدرات الأكثر انتشاراً في السعودية هي الحشيش والهيريون وحبوب الكبتاغون، وأشارت بعض الدراسات إلى أنه يتم
تعاطي أكثر من ألف حبة كبتاغون يومياً في المملكة.
دي البلد البيحمد الله ع ع ع على إنه بيربي اولاده فيها سبعين في المية من متعاطي المخدرات
بين اطناشر الى ٢٠ سنة. النسبة دي ما في أي مقارنة بينها وبين أمريكا
أي مدرسة هنا في بوليس حايم.
يا خي هنا في أمريكا السجاير العادي دا لو بعته لشخص اقل من طمنطاشر سنة بيسجنوك ويغرموك ويسحبوا رخصة دكانك ذاتو
عمر عثمان عبداوهاب عايش في وهمة وملكي اكتر من السعوديين ذاتم
هم عارفين إنه عندهم أكبر معدلات جرايم مخدرات بين الشباب واكرر بين الشباب الصغار النسبة دي
لمن تشوفي اوروبا وبلاد الكفار والزنادقة حتنصحي اي زول داير يضمن اولاده ما يبتلوا بمخدرات انهم
يهاجروا لي كندا ولا أمريكا.
السعودية اسوأ مكان تربي في أولادك وتقريهم فيه المدارس مليانة مخدرات ولو فلتوا من المخدرات
حيمشوا داعش.
لو جاء ع ع ع راجع وداير يغالط حافتح ليه بوست مخصوص واجيب ليه كل الجرايم الارتكبها السودانيين
في امريكا ومقارنة مع النجاحات
واجيب ليه جرايم السودانيين في السعودية واعمل مقارنة
حيندهش دا لو ما قدم للوتري من هسع ههههههه
الملف جاهز بس خليه يبقى مارق
وبالمناسبة كل المصادر فيما يتعلق بالجريمة في السعودية مصدرها السعودية نفسها
أنا استبعدت أي تقرير صادر من أي جهة حتى لو من مجلس التعاون الخليجي
الأرقام السعودية البيقولوها السعوديين نفسهم عن نفسهم مخيفة جداً
لأي زول عايز يربي اولاده تربية صحيحة
| |
|
|
|
|
|
|
|
|
|
Re: سوداني يقتل أثنين سودانيين بمقهى بولاية ف (Re: الصادق اسماعيل)
|
رحمهم الله رحمة واسعة وعوضهم شبابهم الجنة
هذه الجرائم صوتها عالي جدا وتنتشر في الاسافير بسرعة الضوء
لكن السلوك الطبيعي اكيد لا يأتي في الاخبار
خلاصة كلامي ان نسبة جرائم السودانيين ضئيلة جدا وغير متكررة،،بالنسبة للسعودية فان سمعة السوداني ممتازة جدا
تحياتي لكم
| |
|
|
|
|
|
|
|
|
|
Re: سوداني يقتل أثنين سودانيين بمقهى بولاية ف (Re: heba Elmahi)
|
البركة فيكم يا هبة
طبعاً الجريمة في كل مكان وما عندها علاقة بي بلد مسلم ولا كافر
وزي ما قلت هنا على الاقل في سيادة للقانون والا عمر عثمان عبد الوهاب اضطرني انه اكتب ما كتبت
لانه دا نوع تفكير مضر جداً وتعميم مخل.
المقارنة في الموضوع دا لا شك في صالح امريكا. والسعودية عندها مشكلة كبيرة في مسألة تربية النشء
وهي بتبذل جهد كبير لاحتواء مشكلة المخدرات تحديدا، وانا عندي حتى على المستوى الشخصي ناس عانوا من المشكلة دي في السعودية
والمدارس العامة في دراسات مبذولة وما سرية بتتكلم عن الحاجات وعلاقتها بالجريمة وسط الوافدين والمواطنين.
السعودية تكتمت على الموضوع لحدي ما انفجر وبعد داك قادت حملة كبيرة - حملة لا للمخدرات - لكن ما زالت تعاني حتى الآن
| |
|
|
|
|
|
|
|
|
|
Re: سوداني يقتل أثنين سودانيين بمقهى بولاية ف (Re: Bashasha)
|
العبار دينق،
| Quote: يا بريمة أنت زول معزول عن الجالية السودانية في منطقتك وما بتعرف عنها الكثير، فمن الافضل لك أن لا تفتي في ما لا تعلم. |
أنت شنو كررت حكاية معزول .. دي .. لما الناس ملتها .. يا أخ أنا زول شغال، مكابس في معاشي مثل الناس .. ولدي أسرة .. ولازم كل يوم تقعد مع أي واحد من أفراد الأسرة عشان تعمل undo .. تنقض كل غزل غير صالح ختوه لهم في رؤوسهم ..
والهوم ورك .. نحن برنامجنا مقّفل تب .. وشوف ناسك الجاريين في كل مكان ديل نسوانهم بقومن بالأعباء المنزلية من ناحية تربية الأولاد .. وبعدين أنا زول أتحاشي المزالق والمضبات الصعبة .. عشان كده قاعد ومحتسب .. وياهو متوصل معكم .. لأن شغلتي في مجال الكمبيوتر .. أبرمج وبجي بكتب لي مداخلة مداخلتين وبرجع تاني للدوام ..
وبعدين التلفونات .. والواتساب .. قاعدة تعمل شنو؟ ما محتاج تمشي، كل شيئ علي طرف أصابعك .. نعمة والله.
اللهم أرحم فقيدي الشباب .. وعوض شبابهم الجنة ببركة شهر رمضان.
بريمة
| |
|
|
|
|
|
|
|
|
|
Re: سوداني يقتل أثنين سودانيين بمقهى بولاية ف (Re: كمال عباس)
|
تعزياتنا القلبية لأسرتى الفقيدين ..
ولجميع الأهل والأصدقاء ..
وتعزيات خاصة للإبن الحبيب حسن حماد ..
حيث كان أحد الفقيدين يعمل مع حسن ..
ربنا يرحمهم الاثنين و يتقبلهم. مرتضى معروف صديقي و زميلي في العمل كان معي أمس مساء حتى الساعة العاشرة و النصف و افترقنا على أمل اللقاء مثل كل يوم لكن هي الأقدار و مشية الله. سافر مرتضى قبل شهر و اسبوع للزواج و عاد بعد أن أتم زواجه ورجع للعمل فقط قبل اسبوع. ربنا يرحمهم و يصبر أهلهم و يصبر اخي يوسف معروف. اللهم ارحمهما وابدل شبابهما الجنة ولاسرتيهما الصبر وحسن العزاء
حقيقة ربنا قادر أن يعزيك يا حسن ..
وأننى أشعر بألم الفراق .. ولاسيما
ان المنتقل مرتضى يعمل معكم فى
نفس المكتب أو الشركة .. فمكانه الشاغر ..
دائماً .. سيكون له رد فعل مؤلم ..
الرب قادر أن يعزيكم ..
والرب يبارك حياتكم ..
عمكم العجوز ..
ارنست
+++
| |
|
|
|
|
|
|
|
|
|
Re: سوداني يقتل أثنين سودانيين بمقهى بولاية ف (Re: Sudany Agouz)
|
Quote: ربنا يرحمهم الاثنين و يتقبلهم. مرتضى معروف صديقي و زميلي في العمل كان معي أمس مساء حتى الساعة العاشرة و النصف و افترقنا على أمل اللقاء مثل كل يوم لكن هي الأقدار و مشية الله. سافر مرتضى قبل شهر و اسبوع للزواج و عاد بعد أن أتم زواجه ورجع للعمل فقط قبل اسبوع. ربنا يرحمهم و يصبر أهلهم و يصبر اخي يوسف معروف.
(عدل بواسطة سفيان بشير نابرى on 14-05-2018, 08:52 PM)
|
الاعزاء
سوداني عجوز وكمال عباس,
الكلام الفوق ده يعود الى الى الاخ سفيان نابري وليس لحسن حماد.
| |
|
|
|
|
|
|
|
|
|
Re: سوداني يقتل أثنين سودانيين بمقهى بولاية ف (Re: Deng)
|
لا حول ولا قوة إلا بالله ..
رحم الله الفقيدين وتقبلهم مع الصديقين والشهداء ..
كنت على اتصال بأسرة المرحوم الشاب أحمد سعيد أحمد عثمان ..
تربطني بالأسرة صلة رحم ..
الخبر كان فاجعا عليهم أسأل الله لهم الصبر والسلوان ..
والده من المربين القدامي وقد تخرجت أجيال على يديه ..
كل الشكر للأخوين دينق وبريمة على نقل الخبر المؤلم والمتابعة .
| |
|
|
|
|
|
|
|
|
|
Re: سوداني يقتل أثنين سودانيين بمقهى بولاية ف (Re: Deng)
|
سال الله الرحمة و المغفرة للفقيدين
هذا الحادث لا يشبه اي حادث اخر و اثاره ستظل عالقة و موثرة علي الوجود السوداني الامريكي الكبير بمنطقة فيرجينيا لوقت ليس بالقصير كمية ونوعية العواطف و الانفعالات مهولة من نحيب انهيارات عالم غير مصدقة لخوف من المجهول و اسئلة لا اجابات لها عن ماذا نحن فاعلون و كيفية التعامل مع الابناء و البنات شرح الحاصل التعامل مع الاسر و الاصحاب و الاهل من بني جلدتك و كل من مر علي مكان العزاء في حوجة حقيقية- في راي- ل كوانسلنج علم بذلك او لم يعلم علي الاقل الافراد و المجموعات محتاجين يتكلموا و يقيفوا مع بعض لنقاش هذه الحادثة البشعة و محاولة الاستفادة منها و تقليل فرص حدوثها في المستقبل
القتيل علي جثامة ما اقترفه من فعل فهو سوداني الاصل الثقافة و المنبت
لا اتخيل شخص اتعس منه في هذا الوقت كذلك و كما علمت ان اهله في حالة الا مصدق بل في ذهول لا علم لي بحالة القتيل العقلية و اسال الله اللطف
امتلاء المسجد وقت صلاة الجنازة بالامس ,,,, وهي لا تشابه اي صلاة جنازة سابقة لاي سوداني او سوداني امريكي كان الموت فجاة في حادث في العراق او بعد مرض عضال
كان في كونفيوشن كبير ....احترنا و احتار الجميع بدرجة لم الحظها من قبل وخلال ال ١٩ عام الماضية ونحن في هذه الولاية
لهم الرحمة ولاهلهم حسن العزاء
| |
|
|
|
|
|
|
|
|
|
Re: سوداني يقتل أثنين سودانيين بمقهى بولاية ف (Re: Bashasha)
|
الأخ الحبيب دينق ..
شكراً أخى لإيرادكم هذا الخبر .. الرب يبارك حياتكم ..
ونسبة لما جئتم به:
+++" الاعزاء سوداني عجوز وكمال عباس, الكلام الفوق ده يعود الى الى الاخ سفيان نابري وليس لحسن حماد. "[/re
""
انتهى الإقتباس ..
...
آنا آسف لأننى قرأت ما جاء به الأخ " حسن حماد "
.. و إن كان من كتب تلك الكلمات .. الأخ " سفيان نابرى " ..
أقول للأخ الحبيب سفيان نابرى البركة فيكم ..
لغياب أخيكم وصديقكم مرتضى الذى كان معكم
بالأمس القريب .. وأنه كان يعمل معكم ..
مرة أخرى .. الرب يعزيكم ..
ويبارك فى حياتكم ..
أخوكم وعمكم العجوز ..
ارنست
+++
| |
|
|
|
|
|
|
|
|
|
Re: سوداني يقتل أثنين سودانيين بمقهى بولاية ف (Re: Yasir Elsharif)
|
المدعو جورج بوك / الذى يكتب باسم دينق زورا ..
جورج بوك انت سوداني جنوبي ..
هذا المنبر كان فيه عدد من الاعضاء من دولة جنوب السودان .. قرر جميعهم الخروج من المنبر لانفصال الجنوب بكل ادب و احترام .. انت يا جورج بوك ظللت موجود فى المنبر .. لماذا ..!؟
لذلك ظن الكثيرون ان اسم دينق اسم حركى يكتب به الكثيرون "شبح" و يستغلونه ..
انا فى تقديرى ان الامر غير ذلك ... !!
و ظل جورج بوك / دينق فى المنبر كل عمله مطاردة .. الشرفاء من الاعضاء .. بكلام سطحي و غير منطقي و لا عقلاني ..
و ذلك لان جورج بوك / دينق لا علم له و لا معرفة ..
غير بعض الكلمات و العبارات التي يكتبها في كل البوستات .. و الدليل على ذلك انه لم يفتح بوست و احد فقط .. كتبه من الالف الى الياء .. و انما النقل .. و النقل أمر يسير يمكن تفعله ابنتي التي لم تتجاوز الرابعة من عمرها ... !!
جورج بوك / دينق ظل يروج للعلمانية و الشيوعية التي لا يعرف منها الا اسمها .. و واضح انه يطارد و يكره كل ما هو إسلامي و دينى .. و للعلم فان بيننا احد الاعضاء المسيحيين في هذا المنبر نكن له كل تقدير و احترام ..
عمنا ارنست العجوز .. يدعوا و يروج للدين المسيحي و يجد كل الاحترام و التقدير...!!
للعلم .. لا مشكلة لي مع المسيحي او المجوسي او غير ذلك .. لدى اصدقاء و زملاء في كل مراحل تعليمي من الابتدائية الى الجامعة من قبائل السودان المختلفة بما في ذلك قبائل الجنوب .. و من بينهم أهل و معارف و اسرة ... !!
ان كان في المدعو جورج بوك / دينق خير .. له ان يعمل الخير فى اهله و قبيلته و مواطني جنوب السودان الذين ابادتهم الحرب ... !!
من لا مبادئ له .. لا اخلاق له .. و لا نتوقع منه حتى ان يحترم نفسه ناهيك عن الاخرين ... !!
و اخيرا .. أعمل خير فى نفسك .. ان كانم فيك خير .. و اترك اهل السودان فى حالهم ... !!
فاهم أعمل خير فى نفسك يعنى شنو ... !؟
يا لك من جاهل و غبى ..
تبا لك ..
| |
|
|
|
|
|
|
|
|
|
Re: سوداني يقتل أثنين سودانيين بمقهى بولاية ف (Re: الطيب رحمه قريمان)
|
انالله وانا اليه راجعون ...تغمدهم الله بواسع رحمته ومغفرته وجعل الجنة مثواهم...للاسف شهدت الخرطوم مساء امس حادث بشع في ترمبة بنزين حيث استشهد شاب في مقتبل العشرينات متزوج حديثا بطلق ناري ادي الي وفاته في الحال...كانت هنالك مشاجرة في الترمبة حيث وقع اطلاق نار واصيب هذا الشاب بطلقة طايشة علي مايبدوا...هنا رصاص وهناك رصاص...لا حول ولا قوة الا بالله...
| |
|
|
|
|
|
|
|
|
|
Re: سوداني يقتل أثنين سودانيين بمقهى بولاية ف (Re: Deng)
|
لأول مرة أري أن السودانين بكل أطيافهم هنا في المنطقة يبحثون وبألحاح عن سبب الجريمة .. وكأن الضحايا والجاني لم يكونوا وسطهم .. بسبب حسن سلوك وسيرة الضحايا وكذلك الجاني يصعب تصديق أي أقوال.
ما زلت معكم وأنا من المنطقة ننتظر ما تسفر عنه تحريات الشرطة لدوافع الجريمة ..
بريمة
| |
|
|
|
|
|
|
|
|
|
Re: سوداني يقتل أثنين سودانيين بمقهى بولاية ف (Re: Biraima M Adam)
|
هذا المنبر كان فيه عدد من الاعضاء من دولة جنوب السودان .. قرر جميعهم الخروج من المنبر لانفصال الجنوب بكل ادب و احترام .. انت يا جورج بوك ظللت موجود فى المنبر .. لماذا ..!؟
لذلك ظن الكثيرون ان اسم دينق اسم حركى يكتب به الكثيرون "شبح" و يستغلونه ..
-------------------
غير صحيح والمنبر فيه عدد مقدر من زملاءنا وزميلاتنا من الجنوب الحبيب
اطلاقك لمثل هذا السفه يعتبر دعوة في غاية الغباء لخلق جو من التباغض والحقد والكراهية بين أفراد المنبر
والتحية والتقدير لاخوتنا واشقاءنا من دولة جنوب السودان
| |
|
|
|
|
|
|
| |
Deng
Biraima M Adam
صديق مهدى على
سفيان بشير نابرى
يحي قباني
علاء سيداحمد
حسن حماد محمد
Nasr
زهير عثمان حمد
Yasir Elsharif
aosman
علاء خيراوى
نعمات عماد
احمد حمودى
Hassan Farah
Nasser Amin
Elmoiz Abunura
Kostawi
بارودى مصطفى فاشر
Bashasha
Anas Babekr
عزيز
ابوالقاسم ابراهيم الحاج
كمال عباس
الصادق اسماعيل
سيف النصر محي الدين
mekki
heba Elmahi
Abdelrahim Mohmed Salih
Mohamed Adam
Sudany Agouz
محمد على طه الملك
كمال طيفور
Osama Mohammed
الطيب رحمه قريمان
خالد العبيد
فيس بوك
تويتر
انستقرام
يوتيوب
بنتيريست