أنا ما من الشمالية، لكن أهل الشمالية هم الأكثر تحضرا وتمدنا والمتميزين اخلاقا والاكرم شعبا والأقوى عزيمة والأقل فسادا وافسادا والاعظم سيرة و سريرية والامضى عزيمة والامجد اصلا وفصلا، ممتلئين عزة وشموخا، الأكثر امنا وامانا، لا يمدون ايدهم للناس شحدتنا، لا يسرقون ولا يخونون. هم من جعلوا للسودان هذا الاسم الزاهي في كل دول الاغتراب. لهم التحية أينما كانوا وحلوا.
03-28-2018, 11:19 AM
MOHAMMED ELSHEIKH
MOHAMMED ELSHEIKH
تاريخ التسجيل: 03-21-2008
مجموع المشاركات: 11825
يا أخي بالغت .. أنت متأكد أنا قلت الكلام دا .. الساعة كان كم؟ .. يا أخي لا تدري نحن ناس أمريكا ناس عبابير .. يا أخي أنت لماذا لا تضع فرقة حسن النوايا .. طوالي جاري راشي أخوكم!
أنا أستغل معرفتي بالمنبر وإستغلها أستغلال جيد .. وأنت قبل أي إنسان هنا تعرف حقيقة أمري ..
إلي هنا أنا ورطتك مع قراءتك .. عن الحقيقة التي تعرفها .. ولحد ما تقول الحقيقة .. ما ح أرد علي شخص .. زعلان .. حردان.
بريمة
03-28-2018, 11:46 AM
Biraima M Adam
Biraima M Adam
تاريخ التسجيل: 07-05-2005
مجموع المشاركات: 27434
للتوثيق (عندنا أخبار ناس الشمالية فسدوا .. فسلط الله عليهم الثعابين .. وأخشي أن لا يأتيكم القُمّل كمان .. )( أفسد خلق الله السودانيين في الشمالية ..الناس البحكموا في السودان منذ زمن الأنجليز .. ديل مينو؟ .. مش كل يوم تبكوا من فساد الحكام ؟؟ أها أليس هم شماليون!أجروا الخلاوي وأقعوا تبرك في أرجل الشيوخ .. لعل الله يرفع عنكم البلاء ..!لأنكم فاسدين الله لا تعرفونه إلا تنزنقوا ..!) (خلي الثعابين تأكلهم تمام التمام ..!!) (أنا بتكلم مع ناس الشمالية .. حسع أنا جبت طاري ناس أم درمان .. أو ود بمبا !)
كتب السيد بريمة (يا أخي تأريخ البشرية كله .. الناس لما يفسدوا الله يسلط عليهم كارثةـ) أها جيت تتمسح بالدين؟ جيت تبرر لنفسك بالإسلام؟ " الإبتلاء والكوارث لا تقع إلا علي المفسدين!؟ منو القاليك إنو المصائب لاتقع إلا علي فاسد؟ هل كان النبي إيوب فاسد؟ ممكن أعدد لك نماذج عديدة لكوارث وقعت لناس كويسين وأبعد ما يكونو عن الفساد~! سمعت بالإبتلاء ؟ سمعت بالإختبار؟ هاك الإستشهادات دي من النصوص لا لشي سوي إثبات جهلك بالدين الذي تتاجر به! " وَنَبْلُوكُمْ بِالشَّرِّ وَالْخَيْرِ فِتْنَةً وَإِلَيْنَا تُرْجَعُونَ"
ودا حديث ( إن عظم الجزاء مع عظم البلاء، وإن الله إذا أحب قوماً ابتلاهم، فمن رضي فله الرضا، ومن سخط فله السخط. )في الدين الكوارث تقع علي الفاسد والطاهر! وفي العلم ترتبط العلة بمعلوها والسبب بالمسبب! ترتبط بمسبباتها ـوتفسيراتها العلمية! .. بس أحيانا ـ تقع المصائب بفعل البشر أو تقع مصائب نتيجة إهمال أو مصائب أخري يمكن تفاديها فيقول المتقاعس هذه هي إبتلاأت!
03-28-2018, 12:40 PM
MOHAMMED ELSHEIKH
MOHAMMED ELSHEIKH
تاريخ التسجيل: 03-21-2008
مجموع المشاركات: 11825
Quote: يا بريمة ياخي انا متأكد من نية دواخلك السليمة وعافي ليك لكن انت قول للناس ديل ياجماعة انا بهظر قبل ما يجيك ول ابا "دينق" يخلي خشمك ملح ملح
شكراً يا ول أبا محمد .. نعم الرجل أنت ..
لكن لأنك لم تقل كل الحقيقة .. برضو ح أخرمجك معك .. بتين ومتين أنا قلت أنا بهظر؟ .. أنا ما قاعد أهظر في نكبات الناس؟ أنا زول براغماتي .. لا أعرف غير هدف وكيف يتم تحقيقة .. كلام الناس كتير لا حدود ولا شغلة لي بهم .. من يريد يقول الزول دا سكران .. الحقائق علي أرض الواقع تضهد أي إفتراء ..
أنا قلت ليكم بتكلم بأسلوب الخضر .. أسلوب ول أبا محمد خالد .. والبفهم محسن يفهه ومن لم يفهم محسن برضو تظل مسيرة محسن ماشة .. لو ناس الشمالية ما عايزين يمشوا القبب والفقراء .. يجروا لول أبا محسن خالد ..
بريمة
03-28-2018, 12:51 PM
كمال عباس
كمال عباس
تاريخ التسجيل: 03-06-2009
مجموع المشاركات: 17143
Quote: يا بريمة حكاية إنك تغلط في الناس وتجي تدّعي البراءة دي كترت وبقت مسيخة.
البوست عن ناس منكوبين وإنت جيت تتشفّى فيهم ... ما عندها معنى تاني.
أها في زول بلع لسانه .. ولاّ لسع لمم يبلع بعد ..
أنا قلت ليك أنا هنا بتكلم مع ناس الشمالية بلغة سيدنا الخضر .. دحين جدك شيخ طريقة .. أجري أقع في مخلفات جدك قراية .. وأنكت سيرة الخضر .. وتعال أتلوها هنا .. وشوف كلامي لو ما وجدته كله عدل في عدل!
بريمة
03-28-2018, 12:58 PM
Hassan Farah
Hassan Farah
تاريخ التسجيل: 08-29-2016
مجموع المشاركات: 9132
هسع يا بريمة الحلت بهم الكارثة اهلنا ام اهلكم؟ قبيلة تقاتل قبيلة...داخل القبيلة الواحدة تجد ابناء العمومة يتقاتلون وضحاياهم بالمئآت...الخال يعتدى على ابن اخته اسأل سماعين.... وحميدتى يقاتل هلال.... هل سمعت منذ ان ولدت بقبائل شمالية تقاتل بعضها بعضا؟ ... من الجيلى وحتى حلفا القديمة هل سمعت بحرب اهلية نشبت بين القبائل؟ اذن على من حلت الكارثة؟؟؟ خليك امين مع نفسك وقل الحقيقة: اذا كانت الكوارث تنتج عن الفساد فعلى من حلت لعنة الله؟
03-28-2018, 01:12 PM
كمال عباس
كمال عباس
تاريخ التسجيل: 03-06-2009
مجموع المشاركات: 17143
السيد بريمة (أها في زول بلع لسانه .. ولاّ لسع لمم يبلع بعد ..
أنا قلت ليك أنا هنا بتكلم مع ناس الشمالية بلغة سيدنا الخضر .. دحين جدك شيخ طريقة .. أجري أقع في مخلفات جدك قراية .. وأنكت سيرة الخضر .. وتعال أتلوها هنا .. وشوف كلامي لو ما وجدته كله عدل في عدل!
بريمة) أركز وتحمل نتائج كلامك ! وخلي اللولوة والجبن والتبرير السطحي! خليك شجاع ـ وأثبت علي كلامك ـ أو أعتذر عنه إعتذار الشجعان غير كدة مافي مخرج! البتسوي فيهو دا جبن وتدليس ـ ! نبي الله الخضر! وهل أنت نبي الخضر بحيث إختصك الله بالعلم المسبق ! نبي الله الخضر! يعني دي رخصة لأي شخص يكذب ويقذف ويتجني علي الناس و يتطاول علي البشر بوقاحة ويجي يعمل فيها إنو زي نبي الله الخضر والعلم "اللدني" وعلم الظاهر والباطن! سيب الجبن وأركز وخليك قدر كلامك ـ وماتعمل "الخضر" شماعة !
03-28-2018, 01:19 PM
Deng
Deng
تاريخ التسجيل: 11-28-2002
مجموع المشاركات: 52553
كلام بريمة ده قديم وليس جديدا، وانا مستغرب في إعجابك به ، وانت لم تنتبه لكتاباته هذا من قبل!!
أنت يا عبار خليك في العبابير .. البوست دا .. ما ح تقدر تفك طلاسمه لو كسرت رقبتك كرج!
الأخ محمد .. مقتنع بسلامة حجتي .. ما تدي محمد درس عصر .. دا درس عصر مهبب ساكت ..
ناس الشمالية فسدوا، بدليل أنت ذاتك تطارد فيهم في الحكومة من يوم جيت المنبر .. نحن ناس الغرب ما عندنا ناس يقودوا حكومة .. كل القيادات ناس شمالية .. أها تسكت ولا تبكي علي روحك!
بريمة
بريمة
03-28-2018, 01:48 PM
محمد أبوالعزائم أبوالريش
محمد أبوالعزائم أبوالريش
تاريخ التسجيل: 08-30-2006
مجموع المشاركات: 14617
Quote: (ناس الشمالية فسدوا، بدليل أنت ذاتك تطارد فيهم في االحكومة من يوم جيت المنبر .. نحن ناس الغرب ما عندنا ناس يقودوا حكومة .. كل القيادات ناس شمالية .. أها تسكت ولا تبكي علي روحك!).
ود نفسو بريمة القائل
Quote: (. لكن لأن الكيزان عارفين أنتم لا علاقة لكم بقيم السماء .. ما ح يجوكم عشان يهلكوا معكم .. الكيزان عارفين الصالح من الطالح ..).
مرة الكيزان وناس الحكومة هم رموز الصلاح والنقاء والطهر! وعشان كدة ماحيجوا لناس الشمالية الفاسديين عشان مايهلكوامعهم! الكيزان يطلعون علي السرائر والضمائر ويعرفون الصالح من الطالح! ومرة تانية يصبح الدليل علي فساد ناس الشمالية إنو حكام السودان منهم! مرة الكيزان ماديرين ناس الشمال ومتبريين منهم وباعديين عنهم خوف العدوي ومرة تانية يصبح هولاء الحكام هم دليل فساد ناس الشمال! يا زول أركز وبطل رجفي وتناقض!
03-28-2018, 02:13 PM
Biraima M Adam
Biraima M Adam
تاريخ التسجيل: 07-05-2005
مجموع المشاركات: 27434
متناقض كيف؟ .. هناك فساد أهل الشمال؟ .. وهناك أفسد خلق السودانيين من الشمال؟ وشرحنا كلمة "أفسد" مقصود بها الذين حكموا السودان من الشمال .. هل تتفق مع هذا الكلام أم لا؟ .. ثم أنت بتحشر الكيزان في كل شيئ ليه؟ لأنهم خصومك .. أنا ليس لدي خصومة مع زول .. ناس الشمالية فسدوا .. ولمت فيهم الثعابين .. أم حيوان "السلعوة" .. نقول لهم فسدتم .. بصرناهم بطريق الخلاص .. العودة إلي الله.
ما زلت منتظر نصيحتك لهم .. تنصحكم تقول ليهم شنو؟ هل يقعوا البحر؟ .. يجروا وين؟ .. الناس ديل البحر خلفهم والنار أمامهم ..
بريمة
03-28-2018, 02:20 PM
Deng
Deng
تاريخ التسجيل: 11-28-2002
مجموع المشاركات: 52553
Quote: أنت يا عبار خليك في العبابير .. البوست دا .. ما ح تقدر تفك طلاسمه لو كسرت رقبتك كرج!
الأخ محمد .. مقتنع بسلامة حجتي .. ما تدي محمد درس عصر .. دا درس عصر مهبب ساكت ..
ناس الشمالية فسدوا، بدليل أنت ذاتك تطارد فيهم في الحكومة من يوم جيت المنبر .. نحن ناس الغرب ما عندنا ناس يقودوا حكومة .. كل القيادات ناس شمالية .. أها تسكت ولا تبكي علي روحك!
بريمة
العبار بريمة بلل.
قلت لي أنت بقيت تكتب بوستات بي "طلاسم" كمان!! كده رقبتي أنا خليها، أقنع قراء المنبر ديل أنت قاصد شنوا بي كلامك العنصري ده؟ وبي كل صراحة أنت ما عندك "حجة"!
طيب كده ناخد بي حجتك
مادام "ناس الشمالية فسدوا" في الحكم والسلطة، طيب عقاب الثعابين ده ليه ما يحصل لهم في المكان الذي فسدوا فيه، وهو الخرطوم؟
بعدين "مطاردتي" أنا معروفة ضد منو وضد شنوا، لا تحاول تستهبل الناس ساكت. شوف أنت هسع في المنبر ده محسوب على الكيزان وأنت من جبال النوبة، وانا أقوم بتعرية أفكارك المهببة وانت طبعا بتسميها "مطاردة" وصحبك المجنون محمد النور كبر كتب بوستات من قبل أتهمني فيها بأنني أعادي واطارد أبناء غرب السودان. واليومين ديل في واحد إنتهازي ومتملق جديد أسمو الطيب رحمة قريمان، أها ده برضوا بقى ياخد نصيبوا مني. وهل هو كان أيضا من "الشمال"؟
يا عبار
قبل ما تختشي، كده شوف لك طريقة إعتذار ومخارجة من البوست ده.
قال طلاسم قال!
03-28-2018, 02:26 PM
Deng
Deng
تاريخ التسجيل: 11-28-2002
مجموع المشاركات: 52553
Quote: يا أخي بالغت .. أنت متأكد أنا قلت الكلام دا .. الساعة كان كم؟ .. يا أخي لا تدري نحن ناس أمريكا ناس عبابير .. يا أخي أنت لماذا لا تضع فرقة حسن النوايا .. طوالي جاري راشي أخوكم!
هل هذا يعني بأنك كتبت كلامك العنصري ده تحت تأثير الخمر؟؟
لو ما بتقدر على العبابير دي مقرب منها ليه أصلا؟؟
قال عبابيري روب ولبن قال!
واضح أنك مشيت ال (VA-ABC) بتاع (Herndon)
VIRGINIA ALCOHOLIC BEVERAGE CONTROL AUTHORITY
03-28-2018, 02:28 PM
Biraima M Adam
Biraima M Adam
تاريخ التسجيل: 07-05-2005
مجموع المشاركات: 27434
Quote: (متناقض كيف؟ .. هناك فساد أهل الشمال؟ .. وهناك أفسد خلق السودانيين من الشمال؟ وشرحنا كلمة "أفسد" مقصود بها الذين حكموا السودان من الشمال .. هل تتفق مع هذا الكلام أم لا؟ .).
وحكام السودان ديل منو؟ مش الكيزان! والكيزان مش إنت اللي حكمت عليهم الصلاح والنقاء والطهر! عشان كدة ماحيجوا لناس الشمالية الفاسديين عشان مايهلكوامعهم! الكيزان يطلعون علي السرائر والضمائر ويعرفون الصالح من الطالح! دا مش كلامك
Quote: بربكم أنت عايز تقنعني بصلاح ناس الشمالية .. بأن هذا البلاء لأنهم صالحين لدرجة يمحص الله إيمانهم بهذا البلاء الجماعي ..؟ و كان كده كان الكيزان جروا ليكم زرافات وفرادي .. لكن لأن الكيزان عارفين أنتم لا علاقة لكم بقيم السماء .. ما ح يجوكم عشان يهلكوا معكم .. الكيزان عارفين الصالح من الطالح ..
... .
..
03-28-2018, 02:49 PM
Biraima M Adam
Biraima M Adam
تاريخ التسجيل: 07-05-2005
مجموع المشاركات: 27434
Quote: وحكام السودان ديل منو؟ مش الكيزان! والكيزان مش إنت اللي حكمت عليهم الصلاح والنقاء والطهر! عشان كدة ماحيجوا لناس الشمالية الفاسديين عشان مايهلكوامعهم! الكيزان يطلعون علي السرائر والضمائر ويعرفون الصالح من الطالح! دا مش كلامك
وهل أنا قلت كل الكيزان من الشمال حتى تعمم حديثي؟ .. الشماليين وأخوانهم الكيزان الفاسدين ح يهلكوا مع بعض ولا شنو؟ .. والكيزان الكويسين يظلوا بعيد بعيد ولا شنو؟
بريمة
03-28-2018, 02:55 PM
ناصر حسين محمد
ناصر حسين محمد
تاريخ التسجيل: 01-09-2013
مجموع المشاركات: 5233
(عندنا أخبار ناس الشمالية فسدوا .. فسلط الله عليهم الثعابين .. وأخشي أن لا يأتيكم القُمّل كمان .. )( أفسد خلق الله السودانيين في الشمالية ..الناس البحكموا في السودان منذ زمن الأنجليز .. ديل مينو؟ .. مش كل يوم تبكوا من فساد الحكام ؟؟ أها أليس هم شماليون!أجروا الخلاوي وأقعوا تبرك في أرجل الشيوخ .. لعل الله يرفع عنكم البلاء ..!لأنكم فاسدين الله لا تعرفونه إلا تنزنقوا ..!) (خلي الثعابين تأكلهم تمام التمام ..!!) (أنا بتكلم مع ناس الشمالية .. حسع أنا جبت طاري ناس أم درمان .. أو ود بمبا !)
ابو الدرداق يشتم القمرا
يا بريمة جدي الله يرحمه (طبعا من الشمالية) له حكمة بالغة واقوال خلدها التاريخ ويقال ان قوله (سكسبلي حلاوة بلي) من اقواله
اها في حالتك دي قال لي ذات يوم
(يا بني اوصيك ان رفسك حمار لا ترفسه، حكها واتخارج) وليس عليّ الا ان التزم بوصيته صدق جدي
03-28-2018, 02:59 PM
Biraima M Adam
Biraima M Adam
تاريخ التسجيل: 07-05-2005
مجموع المشاركات: 27434
أفسد خلق الله السودانيين في الشمالية ..الناس البحكموا في السودان منذ زمن الأنجليز .. ديل مينو؟ .. مش كل يوم تبكوا من فساد الحكام ؟؟ أها أليس هم شماليون!أجروا الخلاوي وأقعوا تبرك في أرجل الشيوخ .. لعل الله يرفع عنكم البلاء ..!لأنكم فاسدين الله لا تعرفونه إلا تنزنقوا ..!)
كدى اقيفوا عند الكلام دا كويس
لحدى ما نجيكم بى مهلة
03-28-2018, 08:52 PM
حسن حماد محمد
حسن حماد محمد
تاريخ التسجيل: 08-08-2009
مجموع المشاركات: 3451
فسد خلق الله السودانيين في الشمالية ..الناس البحكموا في السودان منذ زمن الأنجليز .. ديل مينو؟ .. مش كل يوم تبكوا من فساد الحكام ؟؟ أها أليس هم شماليون!أجروا الخلاوي وأقعوا تبرك في أرجل الشيوخ .. لعل الله يرفع عنكم البلاء ..!لأنكم فاسدين الله لا تعرفونه إلا تنزنقوا ..!)
لو جاز لى التصرف فى كلامك دا يابريمة بحذف كلمة الشماليين وبخليها الحكام السودانيين .
فعلا اثبتوا لنا انهم افسد وافشل خلق الله
وبرضو بزيد عليهم شيوخ الخلاوى القلتا اجروا ليهم كمان
ود الشيخ و كل الإخوان هنا ياخ بريمة من زمااان بيكتب ساااي كما ينبغي له و(هلماجراء) و هسي انا ميت بالضحك في هذا (البوستي) الذي سيمتد لعدد من حلقات الاكشن.
03-29-2018, 00:11 AM
MAHJOOP ALI
MAHJOOP ALI
تاريخ التسجيل: 05-19-2004
مجموع المشاركات: 4000
نرجع لي كلام دينق الزملاء الذين يغضون الطرف ويطلقوا باريحية الالقاب كباحث وتراثي والخ ... السؤال لهم : هل عصفت به العبابير الي مستنقع عنصري ام انه الخدر ( الخضر) يستعصي قوله علي البسطاء والرجرجة من افسد خلق الله اليوم شماليين وغدا يوم اخر حسب طلب الزملاء عبابير ABC او متون المتصوفة فبريمة اليوم ارتقي لمصاف الحلاج وحافظ الشيرازي وابن عربي والسهروردي ،الاختيار المريح متاح ، اهم حاجة ترتاح /B]
03-29-2018, 01:18 AM
Deng
Deng
تاريخ التسجيل: 11-28-2002
مجموع المشاركات: 52553
خربتك الغربة يا بريمة! اهلك ناس البادية ناس فوارس الواحد ما بتمرق منه العيبة بالطريقة الخايبة دي وإن حصل و جهل على الناس قدامه واحد من طريقين يا اعتذر بشجاعة يا واصل في جهله برجالة و اصر على موقفه وتحمل التبعات لكن جنس تخرّتك دا والتلاعب بالألفاظ وما قاصد وانتو ما فهمتوني و واي واي دي ما شغل بقّارة وبادية وفوارس أركز يا زول واخد موقف زي الرجال يا غلطان تعتذر يا ايوة قلتو و اصر عليه
03-29-2018, 09:44 AM
Biraima M Adam
Biraima M Adam
تاريخ التسجيل: 07-05-2005
مجموع المشاركات: 27434
ود البشري، سلام .. الناس قالوا الأعتراف أم الفضائل .. الفروسية حقت البقارة بشكلها الحالي .. أنا تركتها دت ومن زمان .. دعينى أحضر ليك بعض الأمثلة .. في بوستات الكاوبوي البقاري .. تجد أنا ملتزم بالفروسية البقارية حتى وصولي أمريكا .. لكن أولاد خالاتنا وقعوا فينى دقوني دق العيش .. ولما ذهبت مكان العمل بعد تعافيت .. دخلوني تدريب علي ممارسة الخوف .. والجري .. وتعلمت أجري جري ذي الحصان .. والله العظيم .. ذات يوم وأنا ذاهب مكان العمل بالليل "كداري" .. ولابس طاقية برد مثل بتاعت الروس ومغطي وشيي من برد قارص .. وشايل كباية شاي بيها يد سوداء.. تسمي ال mug في أمريكا .. وفجأة في لفه ضرب فينى نور عربية من قرب .. صاحب العربية شافني ملثم وأحمل شيئ أسود في يدي مقبض عليه مثل المسدس .. الزول دخلته خوفة .. بالخوفة الزول شال العربية ونطي فينى .. وأنا بدوري نطيت في شجرة بلوط ضخمة .. مسكت في قعرها وتطوطحت وقعت مترين بعيد .. الشاي بتاعي تجلفق .. جزء منه تدفق لأن الكباية لها غطاء محكم .. المهم وقفت سليم وخمشت باقي شايي وواحدة نعلاتي أتملصت خمشتها برضو .. وتعال شوف الجري .. كالحصان حتى مكان العمل ونفسي قايم ..
القصة الثانية كتبتها هنا ..
Quote: نحكى ليكم واحده ثانية .. حصلت لي في اليونان يوم شتوى بارد .. وكنت ذاهب من مدينة سالونيكا (مدينة الألكسندر المقدونى الأكبر) أقصد مركز الأبحاث خارج المدينة وجوار مطار سالونيكا. كنت أحمل في يدى كيس فيه بيضتين مسلوقتين .. وجبنة وعيشة كبيرة.
نزلت من الشارع الرئيس .. ومسكت شارع المطار .. لأنه هو الشارع الوحيد الذى يوصلنى لمحطة الأبحاث .. في أثناء سيرى .. رأيت رجل جميل الهندام يقف في جانب الشارع الذى أسير فيه .. كان الرجل محلوق حلاقة ظريفة ويلبس بدلة كاروهات بالأخضر .. وبنطلون بالأسود .. وحذاء يلمع ..
حينما أقتربت من الرجل .. كان في الجانب الأخر من الشارع على مسافة بيت غجر نزلوا في المكان لفترة غير قصيرة .. حوالى أسبوعين. ذهبت للغجر في الأسبوع الذى نزلوا فيه .. بقصد التعرف على طبيعة هؤلاء الناس الذين نزلوا جوار مركز أبحاثنا خوفاً على أن لا يخربوا الشتول وكده .. وجدتهم غجر فقراء ما عندهم أى شيئ .. غير البيض وبعض الحشائش البرية اليونانية يطبخونها في شكل سلطة ..
وللعلم الغجر أهل (فلان) .. كرماء كرم حاتمى .. كأنهم عرب .. عزمونى في السلطة أكلت معاهم ذى ما حصل حاجة ..
أها نقشت حالهم .. الذى يغنى عن سؤالهم .. كلما يأتى البروفسير إلى مركز الأبحاث يأتى بضهر العربية مليان ما لذ وطاب .. أخلى البروفسير يذهب .. أشيل كل الأكل أوديه للأسرة الغجرية ..
اليوم القابلنى فيه الشخص .. كان الرئيس جورج بوش الأب .. في زيارة إلى سالونيكا المدينة والرجل كان رجل أمن .. يرابط في الشارع الذى يمر به الرئيس بوش .. حينما أقتربت منه تفرس في ملامحى .. أخرج الرجل من بدلته مسدساً وصوبه نحوى .. وأمرنى أن أستدير إلى الجهة الأخرى وأن أستلقى أرضاً .. على طول أخذ الرجل كيسى وقعد يفتش فيه .. جدع البيض والجبنة والعيش بره الكيس .. هناك شفت ليك الغجرى وأمرأته .. وأولاده .. كل زول شال عكاز وجوا جارين جرى ..
رجل الأمن عينة ما تشيف إلا النور .. دقوا ليك الزول دق العيش ..!
أنا قلت هيي الراجيها شنو .. خطفت إلا عيشتى والبيض والجبنة بترابها .. وركضت .. كالعدّاء في سباق مية متر ركضاً .. لمركز الأبحاث ..
بريمة
أها يا ود البشري لو أنت مفتكر أنا ما زلت أمارس الفروسية بالطريقة البقارية .. خط تحت كلامك دا خطين كبار .. الذكاء البقاري في المخارجة .. أفضل بكثير من الفروسية المباشرة .. ونحن نشتهر بالأثنين .. حديثنا هنا شيئ غير .. لا فيه فروسية ولا شهامة ولا رجولة .. وأنت شخصياً مثل الأخ سفيان .. ما عايز أسود صفحتى معاكم .. أنا متابعكم كويس .. الأمر هنا .. فيه طلاسم كبيرة وتشفير صعب علي أكبر هكر يفك طلاسمه .. دي القصة .
طيب يا بريمة خليها فراسة اهلك وبداوتهم, الذوق و الاحساس الاتعلّمته في امريكا كان الجري بس ولاّ فيه مراعاة حقوق و شعور الآخرين و عدم تجريحهم أو اهانتهم ! خليك من الطلاسم, ما مسؤولين من فهمها لينا بالكلام البسيط الواضح دا " شودانيي الشمالي افسد خلق الله" أها يا زول كلامك دا بلا طلاسم اعوج بالحيل ما بنبلع وفيه اهانة و ممارسة تمييز - النتكلم ليك بلغة الأمريكان العلّموك في ما علّموك الجري! يبقى برضو الحق عليك, تخاطب الناس بما يفهموهو وخلّي الطلاسم لأهل الطلاسم الموضوع بسيط اعتذر عن جهالتك دي أو أصر عليها وتحمّل العواقب لكن اللولوة دي ما بتنفع ولا لايقة عليك
03-29-2018, 10:11 AM
Biraima M Adam
Biraima M Adam
تاريخ التسجيل: 07-05-2005
مجموع المشاركات: 27434
أها دي .. المشكلة .. أنتم لو حمار شيخكم وقف في العقبة ... و راجيني نفكك ليكم طلاسم الحكي .. لسع الكلام زمنه ما جاء .. أنا بقول ليكم أجتهدوا .. وختوا في أنفسكم حسن الظن .. كلام سيدنا الخضر ما كان مفهوم أبداً .. لكن لما شرحه .. أزيلت الغشاوة ..
معقولة بس الثعابين دي تجئ شاقة ديار النيل .. ما تظهر إلا في الشمالية !! .. دا كن ما فساد ناس الشمالية يكون شنو؟ .. ههههاي .. تاني رجعنا.
الناس يسمعوا كلامي .. يجروا الشيوخ والخلاوي .. والتبرك ببركات الفقراء .. وما ينسوا الحجبات .. شوف الحجبات تنفع كيف؟
بريمة
03-29-2018, 10:29 AM
Deng
Deng
تاريخ التسجيل: 11-28-2002
مجموع المشاركات: 52553
أخي العزيز بريمة ياخي ناس الشمالية لولاهم لكان السودان دولة مسيحية بامتياز حتى الان..
هم بوابة الاسلام وكهف الدين ومنهم وبهم انتشر التصوف والدين لكل ربوع الوطن ..
ديل منهم معظم ركائز الطرق الصوفية بالسودان :
أهلك الركابية وشيوخهم احفاد غلام الله بن عائد الركابي الذي كان له السبق في ارساء قواعد الاسلام بالسودان..
الشيخ سوار الدهب ابو العشرة جد المية شيوخ المحس الكرام : الشيخ ادريس ود الارباب وتقابة العيلفون الشيخ ارباب العقائد الشيخ خوجلي ابو الجاز
ومن الاتجاه الاخر من السلفيين وجماعة انصار السنة على سبيل المثال لا الحصر :
الشيخ ابوزيد محمد حمزة الشيخ محمد الامين اسماعيل الشيخ عبد الحي يوسف
من الذين نشروا الاسلام في امريكا الشيخ ساتي ماجد من الذين نشروا الاسلام في شرق اسيا الشيخ سوركتي
ثم تاتي نخبة كبيرة من قيادات الاسلاميين ..منهم محمد صالح عمر الذي استشهد في الجزيرة ابا
الفوق ديل كلهم من الدعاة ..
مع ايماني القاطع بان اي منطقة فيها الصالح والطالح ولكن التعميم مخل جدا .. والشمالية خيرها وافر ..
طبعا السياسيين كثر .. من اقصى اليمين مثل قيادات الاسلاميين الى اقصى اليسار مثل الراحل محمد ابراهيم نقد..
لك تحياتي ولضيوفك الكرام ..
هون علي نفسك .. أعتبرني سيدنا الخضر .. يفعل خيراً بالناس لكنهم لا يدركون .. أو كما قال حبيبنا عمنا شريف الأدروب .. حينما قلنا عن أبو هاشم .. في الدعاء حينما سجن في بداية الأنقاذ .. اللهم إن كان فيه خيراً .. فأخرجه حراً طليقاً .. عمنا شريف شال عدة القوة الأدروبية التي كان يسقينا لها وكانت سبب مجيئنا له .. وقال لينا .. "والله قهوة تاني ليكم ما ندي .. أبو هاشم فوقه شر؟ .. أبو هاشم كله خير" في ظني عم شريف .. لا يقبل حتى بالدعاء علي أرواح السادة الختمية .. "اللهم إن كان محسناً فزد في حسناته وإن كان مسيئاً تجاوز عن سيئاته" .. سئيات مافي دت في سادات الختمية .. وكذلك أخوك .. شر ما في دت .. كله خير إن شاء الله.
بريمة
03-29-2018, 10:53 AM
محمد البشرى الخضر
محمد البشرى الخضر
تاريخ التسجيل: 11-14-2006
مجموع المشاركات: 28869
Quote: النجيضة بريمة مزنوق أكتر من زنقتي في كامب الغجر والله صحي
بريمة عاوز يدخل الناس بحمد ويطلعهم بخوجلي شكلو كدة طلع دورة تدريبية بعنوان اسألوني قبل أن تفقدوني ؟ من الاحسن تعتذر قبال ما توسع حفرتك
عادل أنت تجرست جرسة السواد .. أنت الغجر خلوا فرائصك ترتعب .. ! .. أنا ككابوي .. أندقيت في أمريكا دق العيش .. لما كنت نهبش ضلوعي قلت الجماعة رضرضوهن دت .. دحين أنا مكنكش في رأيي .. سيدنا الخضر .. الناس ما فهموه وأشتطوا معه مثلكم .. يعنى سيدنا الخضر ذاتو زرزوه .. دحين أدوا الموضوع صنه ..
بريمة
03-29-2018, 11:03 AM
Biraima M Adam
Biraima M Adam
تاريخ التسجيل: 07-05-2005
مجموع المشاركات: 27434
Quote: عموما من باب "زول خاف جرى تجري القبيلة وراه" أنا شخصيا عفيتك البركة في جرستك دي :)
هل تصدق يا ود البشري .. الجري يعتبر كبيرة من الكبائر التي لا تغتفر في تراثنا البقاري .. أنت لو جريت .. والله إلا تصبّح .. تمشي البحر وتموت غادي .. لكن الغرب ما بترجع ليهو .. أنت خسرت القدامك والوراك ..
أنا حكيت نفس الكلام حين عودتى السودان عام 2012م .. النسوان قربن يغنن في جريتي في أمريكا (هجاء طبعاً) .. دا تحول ثقافي بمراحل ضوئية .. أنت يا حبيب محتاج تقرأ كتبي عن ثقافة البقارة .. قبائلنا تعرف فرسانها .. فرداً فرداً .. وتعرف من منا جبان رعديد .. وكده .. تذكر حاية يوم الكريهة .. ما تجئ جاري وتشيل راية الحكامة لو أنت ما أهل لها .. ومرات ما بتديك ليها .. تقول ليك أنت شفت الدم إلا في الطهور وين تمشي برايتي .. ومرات يختوها أهلك ما أنجبوا فارس آت تلقي الفروسية من وين؟ ..
وأنا حسي أحاول أعزز موقفي .. الجري ما عيب .. ممكن الزول يجري وتاني يكر (كلمة يكر دي المراقة بتاعتي) ..
بريمة
03-29-2018, 11:09 AM
Biraima M Adam
Biraima M Adam
تاريخ التسجيل: 07-05-2005
مجموع المشاركات: 27434
المعايش جبارة .. ولكن أنت شايف براك وأنت كلك نظر .. أخوك طلع سيدنا الخضر عدييل .. ذنوبي جت وزعتها في خلق الله .. وأسأل الله لي صالح الأعمال .. أعمال سيدنا الخضر طبعاً.
Quote: بريمة ولد محمد زول درئ. عمل عملته زي عملية (ادرأ ليه جنكا) او كما قال ونحن بصفتنا من اهل الشمالية بنقول : ( بريمة ندرأ ليه في الشينة)
عموما انا كنت قايلوا من (الكرناكة) لكنه للاسف طلع ام جباي ساي
أخوك لسع لم يخرج بعد من عنق الزجاجة .. بمناسبة عنق الزجاجة .. واحد صحفي كتب .. عن البصيرة أم حمد .. وهى جدة البقارة .. الصحفي قال ناس الحكومة يبشرونا .. أقتصادنا السوداني علي وشك أن ينصلح حاله .. ونحن علي وشك الخروج من عنق الزجاجة .. والصحفي قال .. نحن غير عنق الزجاجة مخوفنا شنو؟ .. حياتنا كلها عشناها في النفق المظلم .. وما زلنا .. حسي سايقننا لعنق الزجاجة والخوف "نستك" في عنق الزجاجة .. ويجئ واحد من أحفاد البصيرة أم حمد .. ويقطع رجلينا وإيدينا .. قبل ما يخرجنا من عنق الزجاجة .. كما فعلت جدته البصيرة .. حينا قطعت رأس التيس وكسرت الجرة .. أرضاءً لصاحب الجرة والتيس .. أو قول تساويهم في الغبن ..
أخوك مازال خايف من أولاد البصيرة أم حمد .. يمرقوا فوقه ..
بريمة
03-29-2018, 09:50 PM
Deng
Deng
تاريخ التسجيل: 11-28-2002
مجموع المشاركات: 52553
أنت حارق رزك في شنو؟ .. أنا قلت لناس الشمالية أنا بتكلم ليكم بوحي سيدنا الخضر .. وقلت لهم ما حاق بكم بسبب فسادكم أنتم .. وبعدين أنا البقدرني شنو نمشي نقول دا فساد حكومة الولاية .. أو غيرها من الحكومات .. الفساد الحقيقي في ناس الشمالية .. وكيفما تكونوا يولي عليكم.
دحين الناس أقتنعوا وح يجروا الخلاوي والقبب .. وبيوت أولياء الله الصالحين .. أنت دخلك شنو تشعلل في الفتنة؟
بريمة
03-30-2018, 03:21 AM
Deng
Deng
تاريخ التسجيل: 11-28-2002
مجموع المشاركات: 52553
العبار بريمة يدعي النبوة، يجب استتابته أو رجمه فورا، وذلك على حسب الشرع. وذلك درأ للفتنة بين الناس. العبار بريمة رجل مسلم ومن المطالبين بتطبيق الشريعة الاسلامية في السودان.
كما تدين تدان يا عبار.
03-30-2018, 03:30 AM
Deng
Deng
تاريخ التسجيل: 11-28-2002
مجموع المشاركات: 52553
العبار بريمة يدعي النبوة، يجب استتابته أو رجمه فورا، وذلك على حسب الشرع. وذلك درأ للفتنة بين الناس. العبار بريمة رجل مسلم ومن المطالبين بتطبيق الشريعة الاسلامية في السودان.
كما تدين تدان يا عبار.
03-30-2018, 04:06 AM
Biraima M Adam
Biraima M Adam
تاريخ التسجيل: 07-05-2005
مجموع المشاركات: 27434
Quote: العبار بريمة يدعي النبوة، يجب استتابته أو رجمه فورا، وذلك على حسب الشرع. وذلك درأ للفتنة بين الناس. العبار بريمة رجل مسلم ومن المطالبين بتطبيق الشريعة الاسلامية في السودان.
كما تدين تدان يا عبار.
03-30-2018, 08:52 AM
MOHAMMED ELSHEIKH
MOHAMMED ELSHEIKH
تاريخ التسجيل: 03-21-2008
مجموع المشاركات: 11825
Quote: والله يا سفيان مابتحصلني. وزي ما بقولوا ناس سودانيز اوسكاااااار دينق اديهو من جوة
أخوك الخضر .. فولاذ أصلي .. ووعد الرجال ديناً عليهم .. أخوك مكنكش في رقبة سيدنا الخضر .. نوبيا .. ومن ولاها ... تلكلكوا فوقي كيي أنا ماسك في شعبتي .. الله كريم
بريمة
03-30-2018, 09:13 AM
السنجك عثمان
السنجك عثمان
تاريخ التسجيل: 11-28-2015
مجموع المشاركات: 837
الكلام ده واضح والواضح ما فاسد والاعتذار واجب يابريمه نحنا ضد اى فساد ومفسد ومع الحق اينما كان والفاسدين كثر والناس باعمالها وليس اجناسها فلابد من تقديم اعتذار واضح ومفصل
03-30-2018, 09:18 AM
السنجك عثمان
السنجك عثمان
تاريخ التسجيل: 11-28-2015
مجموع المشاركات: 837
أنا ما من الشمالية، لكن أهل الشمالية هم الأكثر تحضرا وتمدنا والمتميزين اخلاقا والاكرم شعبا والأقوى عزيمة والأقل فسادا وافسادا والاعظم سيرة و سريرية والامضى عزيمة والامجد اصلا وفصلا، ممتلئين عزة وشموخا، الأكثر امنا وامانا، لا يمدون ايدهم للناس شحدتنا، لا يسرقون ولا يخونون. هم من جعلوا للسودان هذا الاسم الزاهي في كل دول الاغتراب. لهم التحية أينما كانوا وحلوا.
وبعدين مالك يا سفيان انت عاوز تولع النار وال شنو
03-30-2018, 09:48 AM
Biraima M Adam
Biraima M Adam
تاريخ التسجيل: 07-05-2005
مجموع المشاركات: 27434
Quote: الكلام ده واضح والواضح ما فاسد والاعتذار واجب يابريمه نحنا ضد اى فساد ومفسد ومع الحق اينما كان والفاسدين كثر والناس باعمالها وليس اجناسها فلابد من تقديم اعتذار واضح ومفصل
السنجك، سيدنا الخضر ما كان بعتذر .. قتل الولد .. يعنى قضي علي روح برئية عدييل في نظرنا .. ولما سيدنا موسي أشتط معه .. طرد سيدنا موسي .. وقال ليه هذا فراق بينى وبينك .. أنت دربك يمشي كي .. وأنا دربي يمشي كي .. كل زول منهم ذهب علي وجهه ..
و النبي - صلَّى الله عليه وسلَّم - قال: ((رحمةُ الله علينا وعلى موسى، لو صَبَر على صاحبه لرأى العجب، لكن أخذتْه مِن صاحبه ذمامةٌ [أي: إشفاق من الذم]
وما تنسي أن سيدنا موسي من أولي العزم من الرسل .. دت ما قدر يصبر رغم أنه مراراً وتكراراً كان الخضر يحذره .. تقدروا أنتم .. فسادكم ريحته طاقة .. جابت ليها ثعابين كبار ..
بريمة
03-30-2018, 12:49 PM
Deng
Deng
تاريخ التسجيل: 11-28-2002
مجموع المشاركات: 52553
العبار دينق، تعال شوف أنا عندي حسن سير وسلوك من أخ عزيز و محترم .. أنت شن نفرك .. مهرج ساكت ..
Quote: گنت أقول إن مداخلة أخونا/ عاصم فقيري ذگرتني بمخاشنات أتيم قرنق أيام الانفصال، يوم أن قال للديگ/تا/تور/ عوض إبراهيم عوض ما معناه: "حتى إتا گمان بقيت تجيد التحدث ببنت عدنان كما لو گنت فعلن من أهلها و الناطقين بها" .∆ ثم قلت: و لگن ، في حالة بريمة، فالأمر شتان للأمانة و الإنصاف. فمن واقع متابعتنا ، أنت مشهود لگ بأسلوب راق معهود بإدارة السجالات الدائرة هنا، بأقل خسائر ممگنة في الأنفس و الثمرات. لدرجة ما تنعرف ظاطك ما إذا كنت غرابي في(بشت) جلابي، أم إن العگس هو الصحيح. و هي أصلن نعرة متنتة، فليتنا ندعها و نائمة، و ليلعن الله من يوقظها.
نت طلعت فشوش ساكت .. أمشي سوف ليك محلة بتاعت كنجيمورو أبي سعنك .. أنا عبابير اللبن الرايب ذاتا خليتها بعد دا ..
بريمة
03-30-2018, 03:27 PM
محمد أبوالعزائم أبوالريش
محمد أبوالعزائم أبوالريش
تاريخ التسجيل: 08-30-2006
مجموع المشاركات: 14617
Quote: طلب صغير يا بريمة ... شوف الصفحة الأولى من المنبر العام ... الإرشيف خليهو .. في كم بوست مفتوح بإسمك وفيهو إحتجاج على كلام إنت قلتو ...
أبو الريش .. البوست دا ماشي سجال حتى الأن .. لكن من هنا وقدام ح تبدأ ضربات الجزاء الترجيحية .. أنت أول زول ح يتنفض .. أحسن تتخارج بسرعه قبل ما نقوم بيك صقرية.
الكلام دا أسمعه ..
العبار دينق سوق الزول وديه الضل .. قبل ما أنا أشعرن
بريمة
03-30-2018, 11:54 PM
Deng
Deng
تاريخ التسجيل: 11-28-2002
مجموع المشاركات: 52553
يا نبي الله الخدر ابعد عن الشمالية وأهلها هسه شفتنا ناسنا فرّاس كيف .. حتى شفعنا الصغار قابضين الاصلة من قرونا رغم انها غريبة على مجتمعنا ولا نعرفها .. لكن هذا ما يميز انسان الشمال تجده مستعد وعلى الدوام للتعامل مع أي ظرف مهما كان طاريء وجلل .. وكمية التحدي الجواهم بقدر هذا النيل مستعدين للتعامل مع أي شيء تمساح - ثعابين - شيطان رجيم ذاتو .. فما تشمت ساي بيخذلوك ناسنا ديل وحيخلوا خشمك مل ملح فاصلتك الفرحان بيها دي والله يعدموها ليك نفّاخ النار .. أديهم أيام بس والله غير جلدها ده تاني ما تلقى منها شي باقي كان يجيبوك تشوف تحدي أهل الشمال .. للنيل وتطويعه وهو دميره أو تشوفه وكتين يشرد وتشوف الكوديق أو تشوف التمساح العشاري بيتقبض كيفن .. عشان تآمن ذااتو .. اعتذر من سكات وأبقى مارق بدل الجرسة القاعد تسوي فيها دي .. خخخخخ .. أهل الشمال تحدوا كل شيء وقهروه كل من اتى غازيا تكسرت نصاله على نصالهم .. تحدوا التهميش والامراض والجهل تحدوا الظلام فاناروا قراهم تحدوا الجوع فأنشأوا الجميعات العملاقة .. زراعية تعاونية وغيرها تمش أي منطقة في الشمال تجدها كتلة واحدة يغيثوا الملهوف ويصرفوا على الارامل والايتام .. مافي بيت نار دوكته بتنطفي أو قسيبته تفضى تحدوا النيل العاتي ده يأخ فبيخذلوك يابريمة ما تمش في طريقك ده .. أهلي لايعرفو الهزيمة ومافي شيتن غبر الله بيقدر يقهرهم أخير ليك تعتذر إنسان الشمال تفرده في وحدته وتعاضدد اهله .. لو انت من الشمال محال تلقى نفسك براك في الحارة قبل ان تتلفت ويرتد إليك طرفك ألف يد تمتد ليك وتسندك وترفعك .. وتقيل عثرتك وتشد من أزرك وتداوي مكان وجعتك هؤلاء هم أهلي أهل الفزع والنفير يا صاح فما تحسبو لعب ساي ...
مشتاق للشمال والله مشتاق لي نخيلو ونيلو
03-31-2018, 03:43 PM
محمد محمد قاضي
محمد محمد قاضي
تاريخ التسجيل: 12-23-2014
مجموع المشاركات: 1605
أصلو ماتقول لي الكلمة دي (عبي ) .. بزعل منك وحاة الله .. جهجهت العربي يابريمة الجهني في رقبتو .. العربي المسكين ده كان عنده كرعين .. والله كان مشى اشتكاك ..
نحن العجم والعربي مش mother tongue .. بالنسبة لينا ... مابنسوي سواتك دي .. خجلنا ليك ......
03-31-2018, 06:48 PM
سفيان بشير نابرى
سفيان بشير نابرى
تاريخ التسجيل: 09-01-2004
مجموع المشاركات: 9574
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة