Quote: يا معاوية الزبير، هو بالظبط ما قاله لك جلال حتى انو معاوية المدير الغبي في مكالمة تليفونية قديمة بتاعت مصالحة منك قال لي اتفقنا انا وجلال ما نخليك تكتب
في دي خليني أصحِحك أو أذكّرِك، أنا قُتلك قصدناك حتي ترجع لكتابتك القديمة ؤ تبطّل مطاردة الناس وأُسلوب المكاواة الكنت إتبعتو ضد البعض هنا . (جك الفول) علي سبيل المثال . أصلك متعوّد علي الكِضِب ؤ كِضبك علي بكري ابو بكر يشهد عليهو المكان دا، لكن فِريتك دي أنا بحمِلآ ليك علي محمل النسيان ...
المتعة الفي البوست دا بشرى، في تقاطع وجهات نظر الناس وتقاطع حساباتها على سبيل المثال: استمتاعك برش شاهين، سببو كجينك لعثمان أنا بحب شاهين جداً، لكن لا أتفق معاهو في موقفو من عثمان، عثمان لا يحسّن اختيار المقامات وفِي البوست دا مداخلاتو أشبه بعوارات ود المدير
12-15-2017, 03:26 PM
عبداللطيف حسن علي عبداللطيف حسن علي
تاريخ التسجيل: 04-21-2008
مجموع المشاركات: 5454
لا ابدا استمتاعي برش شاهين جاي من الرش في رقبته و رفعه للمستوى من الرش العادي بتاعنا دا لمستوى الرش الأدبي, لينا زمن من رش مجيّه و مقعّد زي دا:) اظن من ايام دكين عزابي لسة شيل الأسامي و الخلفيات منه و اقراه بحياد حتلقى عمل ادبي يوزن خمسمية جك فول وخرتمية لوري شمبات ولا شنو كان اسمها بتاعة البت الشبك فستانها في اللوري بعدين انا لا اكجن عثمان او غيره الأمر اختلاف عادي في وجهات نظر.
12-15-2017, 04:06 PM
osama elkhawad osama elkhawad
تاريخ التسجيل: 12-31-2002
مجموع المشاركات: 20481
سلامات يا مستنير ملاحقات عثمان صالح اقل ما يقال عنها أنها طفولية ولا تليق بشخص عادي ناهيك أن يكون مثقف وأديب!! لكنها ليست المرة الأولى وحتى طريقة طرحو للامور صدامية فلا جديد هنا من ناحيته لكن شاهين ما عهدناه كذلك وصدمنا فيه. اما ود المدير ده زول كويس وبتكون عارفو اكتر مننا، ما تابعت احداثيات خلافكم لكن بتكون زعلتو ( بدون قصد منك) اتصافو وفضوها سيرة بقى 😃😃 بعدين ماشي وين انت قبل ما تاخد لقب كبير المستنيرين؟؟ فضل ليك أربعة خمسة انفار بس في البورد ده وتاخد اللقب 😊
12-15-2017, 04:54 PM
محمد البشرى الخضر محمد البشرى الخضر
تاريخ التسجيل: 11-14-2006
مجموع المشاركات: 28869
لم يدّعي شاهين أنه بصدد تقديم عمل أدبي في رشه - للدقّة رد فعله - قال التالي بالنص" بسم الله نبدأ قلة الادب ,, لمن لا يستحق منا الادب" . أها كون ما سمّاه قلّة الأدب يقع عند قارئ ما موقع حسن و يرى فيها عملا أدبيا بشكل أو بآخر خاصة بالمقارنة مع اعمال اخرى, فهنا إن صح اللوم فهو يقع على ذائقة هذا القارئ فقط اقول هذا منعا للبس و حتى لا تبدأ محاكمة لرشة شاهين أو لشاهين على اساس انه قدّم أو ادّعى تقديم عمل أدبي فهو كان واضحا من البداية
12-15-2017, 05:45 PM
جلالدونا جلالدونا
تاريخ التسجيل: 04-26-2014
مجموع المشاركات: 9387
شاهين بطبعه اديب اذن لا عجب ان تأتى مشاركاته مزدانة بعطر الكتابة الادبية الناس القرو رددوه على عثمان بأنها قطعة ادبية هم على حق و الناس القروها بعين الهجوم الخالى من المتعة الادبية على حق برضو و لعلمى التام بأن شاهين يعرف كيف يضع الكلمة موضعها بكل ما تحمل من دلالات و معانى و اشارات دخلت فى دروب تانية من القراية .. لذلك كنت من المصدومين و اول من عبر عن صدمته هنا الان ... خوفى الشديد ان يزهد شاهين الكتابة فى هذا المنبر و افتقاد شاهين يصبح فقداً له و هو فقد لو تعلمون قاسى علينا ___ يا عثمان الامام كيفك ياخ و طولنا من طلتك لكن عليك الله ما تنفخ لينا فى قربة مقدودة .. ابوبكر عباس كما عثمان محمد صالح و هشام ادم ليسوا سوى اناس باحثين عن الشهرة و اسهل الطرق امتطاء حرية التعبير فى نقد الدين نعم حرية التعبير تكفل ذلك لكنهم اساءوا استخدامها بالاستهزاء و الاستخفاف و نزع الموقف من سياقه لاتهام رسول الله و تجريمه بهذه المواقف ف شنو يا حبيب ح اخوض تجربة فى استعمال حرية التعبير لتناول قضية يعتقد بصحتها كل من آمن بمحمد نبياً و يكذبها و يتشكك فيها اخرين و الله المستعان و منه التوفيق
عثمان ما قدر يتجاوز محطة استهدافه بواسطة الحملة إياها ومن رجع أعلنها حملات انتقامية طرشاء وبقى بمثل دور الرباطي لأي مشتبه في اشتراكه في الحملة أو حتى الما اشترك بس ما سانده كأنما وجوده في المنبر اصبح من أجل المطاردة فقط لقيت نفسي في مرمى نيرانه ذات مرة بدون أي ذنب جنيته إلا إنه رأيي اتفق مع رأي واحدة من طرائده
بالنسبة لما حدث في البوست دة فأنا ما شايف أي عثمان ولا أي شاهين في لحظات المتعة العديتها في البوست دة قريت عمل أدبي متكاااااامل كأنه جزء من رواية بطلها صحفي أو مفكر مستهدف وأتمنى يفكر في إعادة كتاباته ورؤاهو الكتبها هنا على سبيل الإنفعال دة في شكل عمل أدبي أو دراسة
12-15-2017, 07:28 PM
أبوبكر عباس أبوبكر عباس
تاريخ التسجيل: 03-04-2014
مجموع المشاركات: 3471
يا عثمان الامام، من ناحية الكواسة السودانية ديك فهو كويس وفايت الكواسة وهو ينطبق عليهو الزول الفي النكتة البيابا الأكل لمان تكون حاصلة حاجة في الحلة يوم جاء بعد صلاة العشاء من الحواشة المرة ختت ليهو العشاء، قبل يأكل قال للمرة: النعل ما في عوجة في الحلة؟ المرة عارفاهو ما بتقول الأخبار الكعبة قبل الأكل قال ليهو: الحمد لله ما في عوجة تب إلا ناس البلولة حمارتم ولدت ليها دحش ما عندو ضنب. الساعة الوقف علي حيلو وخلى الأكل وقال ليها: نان الدحش دا كان وقع في الطين؛ نجرو من وين؟!!
دي ما عندنا فيها غلاط، لكن الزول دا بعيد جداً جداً من صحبة المفكرين أي نعم ممكن نعقد ندوة فكرية في بيتو لكن يكون متحدث؛ هيهات!
12-15-2017, 07:36 PM
جلالدونا جلالدونا
تاريخ التسجيل: 04-26-2014
مجموع المشاركات: 9387
زمان حصلت مشكلة في مقال بين سجيمان له الرحمة والفاتح جبرا دخل عضو اسمه فدياس في الموضوع مسانداً جبرا بقوة وبمداخلات كتيرة شديد سجيمان ما عبره .. قام الموضوع أكل معاهو جمبة بقى كل ما سجيمان يكتب حرف في البورد يجي ناطي ليه بكوبي بيست لمحاكمته وإدانته ليه في المقال موضوع الشكلة ويطالبه بالإجابة على أسئلة ظناً من إنه طابي سجيمان كربون وسجيمان ما شغال بي اسئلته شغلة أها سجيمان كان عندو رد واحد لي فدياس اصلو ما بغيره كل ما يكتب موضوع بنتظر فدياس يجي بي مداخلته عبد الواحد ديك وبعدها طوالي بقوم بلصق ليه الكديسة دي فاااا شنو .. يا مستنير اكتب كتابتك واسعى ليك كديسة
12-15-2017, 10:57 PM
معاوية المدير معاوية المدير
تاريخ التسجيل: 03-24-2009
مجموع المشاركات: 14411
Quote: الأخ ابصلعة بكري أبوبكر، تحياتي، أرجو قفل البوست دا وتلحيقه لبوستاتي السابقات الجابرني شنو أمتعكم بكتاباتي وانشط عقولكم وبعد دا تقلوا في أدبكم علي؟! البباري الكرور بوديهو الكوش
بسّ دا الدايرو أنا، تقطع وشّك ؤ كديستك في أباطك . شوف عشان تبقى عارف أنا ما عندي ايّ قضية مع البورد دا غير مزازآتك إنت، يعني ما بخليّك متلحك متلحك لآمن أطُردك من هنا .
أحمد محمد عمر أصبر ساااااااكِت أكِنّك بتحرِش علي الطرورة الرِمّة دا
12-15-2017, 11:16 PM
معاوية المدير معاوية المدير
تاريخ التسجيل: 03-24-2009
مجموع المشاركات: 14411
الفارة الأهبل دا يا يقيف دُغري يا يتخارج . الغريبة مافي زول اداني ليهو غير أحمد محمد عمر رغم إنو طلب دا خِلآف تحنيس بكري لسحب المداخلآت !، غايتو كتّر خيرو سحبلو 2 .
يا مستنير لا تتوقع طُول ما إنت حي تفتح بوست من غير شخصي يثريهو ليك بالنقاش المفيد ...
12-16-2017, 03:44 AM
أبوبكر عباس أبوبكر عباس
تاريخ التسجيل: 03-04-2014
مجموع المشاركات: 3471
ده احمد هاشم . واحمد لما سمعتو اول مرة , ما حبيتو لله فى لله / كمثقف عضوى وكده / . لكن فجأةً .. وربما لمرحلة الانحطاط الفكرى التى اعيشها الان / وانا سعيد بها جداً / .. اصبح احمد هاشم جالب للفرح بشكل مُبالغ فيه لنفسى .. حتى " ري اكشنات " الكورس الخلفى بتاعو العفوية , تُدخلنى فى بحور من البهجة . تعلمت من احمد هاشم , ان الحياة بسيطة للغاية , عايز تغنى غنى حتى لو كان صوتك شين , عايز ترسم ارسم حتى لو ما بتعرف ترسم ( فى زول طالبنا حاجة فى الدنيا بت الكـلب دى ؟ ) . عايز ترقص , ارقص . الحياة بسيطة وحلوة وسهلة , طالما انت فى السليم ما بتجرح شعور بشكل عنصرى , وما بتجرح شعور زول دينياً .. استمتع بحياتك . لكن عند الحرب وقلة الادب , ومحاولة الطنقة عليك او خطف لقمة عيشك منك , تحول الى وحش , اعمل ساتر و shoot to kill , لانو لو ما عملتا كده ح تتحول لميت حى . قالت عصفورة مدينة الخرطوم ان الراحلة " فاطمة احمد ابراهيم " , احتدت مع الراحل " احمد سليمان " المحامى عند اللقاء مُصادفة فى محطة بنزين , فصرخ الراحل - الشيوعيين دايرين يقتلونى . فردت الراحلة - يقتلوا ليك شنو يا احمد .. انتا ميت من زمان . صحت الرواية , او كذبت , او اُضيف اليها كثير شمار , يبقى المغزى فى الجوهر / مثل عجائب الف ليلة وليلة / . لا تتحول الى ميت حلوف وجيفة , الا عندما تموت فعلاً . استمتع بحياتك بشكل بسيط .. ودافع عن نفسك ضد اى تحرش جنسى او لفظى او محاولة تصغير شأنك , اعتد بنفسك , وكما قالت مصرية قروية بسيطة تبيع الخضار - يا ارض اتهدى , ما عليكى ادى . رغم انها تجلس على اسفلت مُتسخ لبيع خضارها ! , فاى اعتزاز بالنفس هذا يا سيدتى الفلاحة الاصيلة ؟ . كتر خيرك يا احمد هاشم , فانت صانع فرحة , على الاقل بالنسبة لى / انا الهارب من زريبة المثقفين السودانيين / . صحيح مجنون . انشاء الله اجن .. وازيد فى الجن .
12-16-2017, 08:36 AM
أبوبكر عباس أبوبكر عباس
تاريخ التسجيل: 03-04-2014
مجموع المشاركات: 3471
بالأمس تنصحني يا شاهين، أن أتوقف من مقارعة طواحين الهواء والتيران الهائجة، اليوم تفتي بالعكس يعني نركب في ضهرنا بندول يحدد اتجاه (هوى) شاهين؟! ما معنى أن تنشبك بالألفاظ مع رجل محبط في البراري الكندية، لم يرى تعابير وجهك وأنت تكتب ولا يعرف عن شيء؟!! سوف أثبت لك عدم صحة نصائحك المحبطة ود المدير يمثل قاع الحوار هنا سوف لن اتركه يمعني من الكتابة دون أن أتحدث إليه مباشرة مرة ثانية وأجعله أضحوكة. أنا أمارس تفاكر في هذا المكان، اذا استمعنا لنصيحتك؛ خسرت جنة وكسب هو
12-16-2017, 08:54 AM
shaheen shaheen shaheen shaheen
تاريخ التسجيل: 11-13-2005
مجموع المشاركات: 5039
منذ الدقيقة 1:52 فى الفيديو . يمنح احمد هاشم , شاب على يمين الفيديو / يرتدى شال حول رقبته / , يمنحه لحظات من البهجة , لن استطيع انا المدعو " شاهين شاهين " واليسارى الزائف ان امنحها له , لو انفقت فوق عمرى اعمار . ولن يستطيع الاستاذ " عثمان ترامادول " ان يمنحها له , ولو انفق فوق عمره اعمار . فما نكبر اللفة , ونعمل فيها مُهمين , مواطن اشتبك مع اخيه المواطن فى سوق خضار , خبر غير مهم لناس تشترى خضارها من اسواق اخرى , وتصنع فرحها وبهجتها بعيداً عنا . تراجع نسب التصويت فى بعض الانتخابات الديمقراطية بشكل حقيقى , هى زهد وقرف الناس من المثقفين والساسة المحترفين . وحالة تجسيد عزلة اليسار العربى والافريقى والاسيوى والامريكى لاتينى عن اى حاضنة شعبية , تتجسد / وللمفارقة / فى آية كريمة ؛؛ قَالَ رَبِّ لِمَ حَشَرْتَنِي أَعْمَى وَقَدْ كُنْتُ بَصِيرًا (125) قَالَ كَذَلِكَ أَتَتْكَ آيَاتُنَا فَنَسِيتَهَا وَكَذَلِكَ الْيَوْمَ تُنْسَى ؛؛ . تمترسنا فى ابراج عاجية , لا صنعنا فرح , لا فرحنا .. وطالبنا بحرية تعبير لاثبات انو الله مافى , ورسوله نسونجى , وسوف نُحشر فى اى استحقاق ديمقراطى قادم كفيفى بصر , لا نرى الشعب ولا يرانا الشعب / يا للدهشة / .. وكذلك اليوم نُنسى , سوى مقعد او مقعدين فى برلمان , يتوهط فى احدهما انا وفى الثانى " ترامادول " , لاكمال النقاش حول اهم موضوع لدى كافة الشعوب السودانية , ؛؛ هل رسول الله بتاع نسوان ؟ ؛؛ . الله غالب . ولولا نفر من الجن , زى احمد هاشم , لانتحر شاب مثل صاحب الشال فى الفيديو , لان السودان تحول الى اكبر مُنتج لمحصول الكآبة والدبرسة , فى كل انحاء العالم .. والى واحد من اهم الدول التى يتم فيها قبض حبوب الترامادول بالحاويات , تخيل حاوية كاملة كلها حبوب ترامادول . الله غالب .
12-16-2017, 09:42 AM
shaheen shaheen shaheen shaheen
تاريخ التسجيل: 11-13-2005
مجموع المشاركات: 5039
"" يعني نركب في ضهرنا بندول يحدد اتجاه (هوى) شاهين؟! "" بدون ما تنتاشنى ,, بس توضيح . انا بتاع shoot to kill ( بالتبنى وليس الاختراع ) .. طواحين الهواء ده استاذ/ معاوية الزبير . تشابه عليك البقر . لا , شعرتا انتا او استاذ / ود المدير , باى تجاوز فى حقك فى مكان مهم او غير مهم , طاحونة هواء .. بيت .. شارع .. على واتساب .. فى مواصلات الخ , استعمل حقك . انا للاسف ما مُطلع على تفاصيل الشكلة , ومن بدأ فيكما بان ينتاش اولاً , او يتجاوز فى حق الاخر اولاً . عموماً ربنا يصلح الحال بينكما , انت لديك قلم ساخر ربنا ما يحرمنا منه ( لما تكون فى حالة مزاجية حسنة ) , وود المدير لديه قلم بديع ربنا ما يحرمنا منه ( لما يكون فى حالة مزاجية حسنة ) . ولما افوز فى برلمان 2020 , بشوف ليكم الموضوع ده . ؛ انخراط ؛ , و ؛ انتاش ؛ , ديل مُصطلحين بقيت احبهم بعد غيبة .
12-16-2017, 10:31 AM
معاوية الزبير معاوية الزبير
تاريخ التسجيل: 02-07-2003
مجموع المشاركات: 7893
تحياتي أستاذ شاهين لا أعرف لماذا خصصتني بالرد دون الاخرين راجعت تداخلي وبالمرة مداخلات الآخرين ولم أر ما يميز مداخلتَي فهل هذا التمييز إيجابي أم سلبي؟ هنا مداخلتي الأولى
Quote: ما يحيرني في هذا البوست هو ما الذي دفع بشاهين ليكتب كل ما كتبه من سب وشتيمة وتلميح بغيض لاستخدام الترامادول هل كل ذلك بسبب وصف عثمان له باليسارية أو بإنكاره لتاريخه الشيوعي؟ شخصيا لم أقرأ لشاهين ما يقول إنه يساري أو شيوعي لذلك حيرتني غضبة شاهين من سلبه شيئا ليس فيه أو له وفق شوفي
عثمان ليس لديه ما يفقده في هذا المنبر، بعكس شاهين الذي يفقد (هنا) أكثر كلما استمر البوست لكن على قولِه -شاهين- ما معنى أن يكون لك جمهور في منبر بلا جمهور حقيقي أقصد جمهور بمعنى "رجل الشارع العادي" أو "امرأة الشارع العادية" كلنا نصارع هنا طواحين هواء مُتَخيَلة (فوق أنها طواحين هواء)
يا مستنير، البوست على مسؤولية صاحبه تماما كـ منظم ندوة لديك مسؤولية أخلاقية تجاه مجريات الحوار، خاصة عندما ينحرف الأخير عن مقصدك الذي من أجله فتحت البوست
وهنا الثانية
Quote: لا يوجد تجريم هنا يا حنين عثمان أصلا مجرَّم وشاهين قالها عديل إنو بعد ده ح يقل ادبو (وبالمصري كمان) لكن ما كنت متصور تصل مرحلة جيب صورتك المليانة كآبة والكتابة تحت تأثير الترامادول أو أيا كان اسمه
12-16-2017, 10:42 AM
أبوبكر عباس أبوبكر عباس
تاريخ التسجيل: 03-04-2014
مجموع المشاركات: 3471
معقول يا شاهين؟ لسّ أنا بدري على الخرف في بوست "قبل الأرشفة باقي سلك" كتبت لي: "* ارهقت نفسك يا صديق فيما لا يستحق . * وحاربت طواحين هواء . * وارهقتنا نحن مُحبيك . * امتعنا , امتعك الله , بهذا الادب الساخر . * هناك من يملك موهبة ويفرض فيها , ابرزهم " عبد المنعم الخالدى " , ضاع وضيع موهبته , وحرمنا نحن مُحبيه من شجن صوته . - معاك فى الريدة سبعة سنين ."
12-16-2017, 10:41 AM
محمد حيدر المشرف محمد حيدر المشرف
تاريخ التسجيل: 06-20-2007
مجموع المشاركات: 20359
بعيدا عن اتجاهات الكتابة و "المشاجرة" هنا .. اتفق في كثير من الذي قال به شاهين ..
الا ان هناك مفارقة في كتابة شاهين عند ربطها بالسياق (سياق رفض الدقار المجازي اعني) ... ف "الدقار" ذاتو مسالة عابرة جدا ولا تصلح لأن تكون سببا ل "قلة الادب" المتجاوزة على ساحات المنابر العامة ..
قلة الادب كان خيارا مبررا من وجهة نظر شاهين .. وهي قلة أدب طارئة وليست اصلية بالتأكيد فهو رجل كثير الأدب .. وكل ما اقوله هنا انني اختلف مع المبررات التي تعامل من خلالها شاهين.. وبجانب ذلك ارى ان "الصلف" و "الاعتداد" المتضخمان هما المحركان الاساسيان .. ذات الصلف وذات الاعتداد اللذان كانت مجمل كتابة شاهين في الضد منهما عند حديثه عن شيزوفرينيا المثقف السوداني من قبيلة اليسار
ملاحظة اخيرة اقولها انو مسألة الترامادول دي ضرب تحت الحزام ولا تتحلى باخلاق الصعلكة النبيلة تلك ..
لا .. لا . المقام محفوظ استاذ / معاوية الزبير . قصدتا ذكر طواحين الهواء . وافتكرتا د. ابوبكر بيتكلم عن ذكر طواحين الهواء فى البوست هنا .. ونبهتا انو من ذكر ذلك هو استاذ / معاوية . واتضح انو انا فعلاً ذكرتا كده فى بوست سابق لا علاقة له بالبوست الحالى وهو ما يقصده . فلك العتبى حتى ترضى عزيزى . ولم اقصد اى معنى سالب او ايجاب . بس يكون خانى التعبير .. والمقام محفوظ معاوية . ***** صحيح د. ابوبكر , ما ذكرت انت , وما ذكرت انا فى الحالتين . لا تكون شكالاً , كايس للشكل ومُتفرغ له .. امتعنا بقلمك .. وعندما تظهر شكلة او تُفرض عليك , اتشكال وانتهى منها , وبعد ما تنتهى متعنا الخ , يعنى مش عشان تمتعنا تتلطش وتسكت / اتكلم هنا بشكل عام , مش عن مشكلتك مع استاذ / ود المدير , او مشكلته معاك , انما بشكل عام / . ام اذا كان قدرك وضع الشكل المستدام , وقدرنا الحرمان من كتابة ساخرة حلوة , فعلينا نحن الثبات عند الابتلاءات .
12-16-2017, 01:00 PM
معاوية الزبير معاوية الزبير
تاريخ التسجيل: 02-07-2003
مجموع المشاركات: 7893
رغم انتقادي لردودك على أخونا عثمان، إلا إنو كنت جاي اليوم أكتب (بوستين) البوست الأول ليك، أرجوك فيه ما تخلي المنبر لأنو كتاباتك من رافعات مستوى هذا المنتدى لمّا ينخر سوس شنو كده، قواعده ننتقدك من وجهة نظرنا، ننتقد الزول العادي فيك أو الأديب و ترد علينا لكن نحب أن تبقى.
لمّا قريت مداخلتك الأخيرة وقعت لي بطريقة خربت مزاج كتابة بوست منفرد فأرجو أن تأخذ هذه المداخلة مكانه، لأتفرغ لمجهود البوست التاني. أخيرا أتمنى أن تعود البينك وعثمان عااامرة
12-16-2017, 03:33 PM
Osman M Salih Osman M Salih
تاريخ التسجيل: 02-18-2004
مجموع المشاركات: 13081
المدعو شاهين شاهين، اختم بالاتي: كوننا ننتمي لذات الجماعة النوبية، لايعني ان بيننا معرفة او قاسم مشترك. انت تجهلني. فكيف تكتب عني وكأنك تعرفني، بل وتشير بخبث إلى أنني اكتب تحت تأثير تعاطي الترامادول، وهو مادة سألت عنها قوقل فاخبرني انها مخدرة؟!.
12-16-2017, 04:09 PM
Osman M Salih Osman M Salih
تاريخ التسجيل: 02-18-2004
مجموع المشاركات: 13081
صحبك المدعو شاهين شاهين ساط الدنيا ولخبتا لانه استشعر في مؤاخذتي له مساسا بذاته المقدسة. كان واجب الصداقة يملي عليك مناصحته ليكف عن كتابة المطولات غير المترابطة حتى انك لاتعرف لها اولا ولا آخرا ..جمل مفككة وأفكار مبعثرة تفتقر للتماسك، لكنك لم تنصحه ليفيق ويستدرك قبل فوات الاوان ، بل قرعت له الطار وشجعته على التمادي وهو يغوص في المستنقع، مستنقع القطران.
12-16-2017, 04:19 PM
أبوبكر عباس أبوبكر عباس
تاريخ التسجيل: 03-04-2014
مجموع المشاركات: 3471
يا عثمان، ما ممكن تمشي الناس ديل يا عثمان بمن فيهم مثقفينهم ناس شاهين ديل في ضلال كبير، نحن كمستنيرين واجب علينا مساعدتهم وهم رافضين الناس ديل في النهاية أهلنا وناسنا ولا يجوز أن نستمتع بالنعيم دونهم فشنو؟ نزلق لمبات الاستنارة شويّة شويّة وشأننا شأن جميع المستنيرين في الدنيا أمثال الزميل جاليليو (اعتذرت له الكنيسة بعد ٣٤٠ سنة) لا بدّ من التضحية من هنا أعتذر لك من اعتدى عليّ من أجل دينه وأحسب ذلك في ميزان الاستنارة
12-16-2017, 06:50 PM
أبوبكر عباس أبوبكر عباس
تاريخ التسجيل: 03-04-2014
مجموع المشاركات: 3471
"" المدعو شاهين شاهين، اختم بالاتي: كوننا ننتمي لذات الجماعة النوبية، لايعني ان بيننا معرفة او قاسم مشترك. انت تجهلني. فكيف تكتب عني وكأنك تعرفني، بل وتشير بخبث إلى أنني اكتب تحت تأثير تعاطي الترامادول، وهو مادة سألت عنها قوقل فاخبرني انها مخدرة؟!. "" فى الحب , والحرب , لا تطلب منطق من حبيب او شاويش . عرفت انك ترامادول .. بنفس الطريقة التى عرفت بها اننى مدعو , ويسارى زائف , رغم انك لا تعرفنى . عرفت انك ترامادول من نفس المرجع الذى وجدت فيه , ان واحد من اعظم الشخصيات التى مشت على الارض قاطع طريق , فى الصحفة 15 سطر رقم 23 , من نفس المرجع ستجد ما يلى ؛؛؛ سيظهر اخر الزمان عثمان بن محمد بن صالح وهو فى حقيقة امره عثمان ترامادول ؛؛؛ .. ولو انا كذاب نرجع للمرجع , صفحة 15 سطر رقم 23 . * قال - عدد شعر راسى , مليون و320 شعرة . قال له الاخر - كذاب . قال - عدهم . * تبقى , او تذهب , هذا شأنك وانت من تقرر , تحاول ان تسخر منى او تتطاول علي , هذا شأنى انا , وانا من اقرر ماذا افعل , ( ارجع لبدايات البوست خطوة , خطوة , لتعرف من الجانى ) . * والحياة خيارات يا حلفاوى , من يجد زوجته على فراشه مع عشيقها له عدة خيارات . (.) ان يبكى مثل النساء , ويطلب منها طى الصفحة والبداية على نضافة من جديد . (.) يطرد العشيق , ويطلب منها تجهيز الغداء . (.) يُطلقها بهدوء . (.) يقتلها ويترك العشيق , او العكس , او يقتلهما معاً . حسب ثقافته , حسب وعيه الخ , يكون خياره . * مطولات مختصرات مفكفكات , هذه طريقتى فى الكتابة , عجباك حبابك , ما عجباك طـظ فيك , ما بغيرها , امشى اشتكى . * انا مؤدب مع المؤدب , وسخ وزبالة مع من يتبول علي .. فى نهاية رواية " نهاية رجل شجاع " اختار البطل الموت وهو عاجز على كرسيه بعد ان احتضن من اهانه وسقط به ليموتا معاً . * بعدين يا دكتور اديتنى احساس انى قاعد فى بيتك معزوم عشاء .. بتتعذر عن تصرفى وكده .. ده بوست مكتوب باسمى , ودخلتا فيهو بدون تطفل ( رغم انو المنبر ذات نفسه , منبر تفاعلى , ما فيهو دى بوستى وده بوستك ) .. فما تعتذر عن تصرف صدر منى لو سمحتا , انا شخص راشد اهل لتحمل نتيجة تصرفى , وبفهم شوية فى القانون , لا احتاج لتكون لى (.) ولى (.) او وصى (.) او قيم . لو فى اعتذار انا البعتذر مش انتا , انا ما قاعد فى بيتك معزوم عشاء , ولما اظرط قدامهم او اطرش وهم بيتعشوا تقعد تعتذر . دكتور بالله عليك , انا شخص راشد , بعرف متين اُصبح مطر وافهم متين اصبح حريق , وكل ما عليك فعله ان تقول ده صح , وده ابن حرام غلط . مش كده يا باشا ؟ .
12-16-2017, 08:08 PM
أبوبكر عباس أبوبكر عباس
تاريخ التسجيل: 03-04-2014
مجموع المشاركات: 3471
لم أعتذر عنك إعتذرت عن ابداء فرحي برشك لعثمان، وهذه النقطة التي لامني فيها في مداخلته قبل قبوله لاعتذاري لم أعتذر عنك وتسلسل المداخلات وسياقها يقول ذلك عثمان لم يطلب مني اعتذار لما بينكما
12-16-2017, 08:13 PM
أبوبكر عباس أبوبكر عباس
تاريخ التسجيل: 03-04-2014
مجموع المشاركات: 3471
مرات ادارة اي بوست زي البوست ده أشبه بحكم مباراة طرفها الهلال او المريخ العاصميين وفريق اقليمي .. العاصميين جابوا قون .. نسى نفسه وجدع الصفارة وقعد ينطط مبتهجا بالهدف :))
12-16-2017, 08:41 PM
عبداللطيف حسن علي عبداللطيف حسن علي
تاريخ التسجيل: 04-21-2008
مجموع المشاركات: 5454
ربما تجد المطولات التي جدت بها قبولا يرافقه التهليل في اوساط أولئك الذين لايعنيهم ان تنتحر ادبيا امام الملأ مادام ذلك يوفر لهم المتعة المنشودة، لكنها، اي المطولات، لاتصمد طويلا أمام النظر الفاحص إذ سرعان ماتتكشف عن كونها عبارة عن توليفة تتضمن في نواتها الأصيلة تلك المساهمة التي كتبتها انت ابان الحملة التكفيرية مكسوة العظم بأفكار الآخرين، هي كولاج تتردد فيه أصداء أفكار قال بها آخرون ابان تلك الحملة. هي مطولات تستهدفني لكنها لم تناقش ما كتبته عن محمد بن عبد الله بل تجنبته مستعيضة عن هذه المقابلة الرأسية بأسلوب الطعن في الأجناب مثل مناقشة مالم أقله بان المشكلة في الدين باطلاق او ببتقويلي بان سؤال الدين ينبغي أن يتصدر أولويات أهل السودان، او التركيز على مايمكن ان يحدث لي إذا ما بسطت رأي في محمد المديني في موطني الريفي او في مستقري الحالي.. وهذا الاسلوب اعتبره تهربا واضحا من مناقشة الأفكار بصرف النظر عماتحظى به من شعبية وقبول.
16 ديسمبر/ كانون الأول 2017 حكم بسجن شاب صيني أهان صورة جنكيز خان :- حكمت محكمة صينية بالسجن لمدة عام على شاب صيني قالت إنه أٌدين بتهمة إهانة صورة القائد المغولي الشهير جنكيز خان، وبالتحريض على الكراهية العرقية. وجاء في ملف القضية الذي نظرته محكمة مقاطعة منغوليا الداخلية الصينية، أن الشاب ويدعى ليو صور نفسه بالفيديو وهو يركل لوحة تصور جنكيزخان في مايو/ آيار الماضي. واعتذر الشاب أثناء المحاكمة عن الإساءة لمشاعر المواطنين. ونشر الشاب، 19 عاما، مقطع الفيديو على الإنترنت، مما تسبب في استياء شعبي، بحسب تقارير صينية. ومازال جنكيز خان يمثل شخصية تحظى بالاحترام والتقدير بين عرقية المغول. وجنكيز خان عاش في منغوليا في الفترة بين عامي 1165 حتى 1227، وهو مؤسس الإمبراطورية المغولية والتي اعتبرت أضخم إمبراطورية في التاريخ ككتلة واحدة بعد وفاته،وكان مشهورا بالقتل وحرق المدن. ونجح في توحيد عدة قبائل من الرعاة في شمال شرق آسيا وأنشأ إمبراطورية المغول، ليبدأ حملاته العسكرية في العالم وهاجم خانات قراخيطان والقوقاز والدولة الخوارزمية وزيا الغربية وإمبراطورية جين. وفي نهاية حياته كانت إمبراطوريته قد احتلت جزءا ضخما من أواسط آسيا والصين. وقالت وكالة أنباء الصين الجديدة "شينخوا" الرسمية إن محكمة مدينة أوردوس، في مقاطعة منغوليا الداخلية التي تتمتع بالحكم الذاتي، أدانت ليو بالتحريض على الكراهية العرقية والتمييز العرقي. وبحسب الإعلام المحلي الصيني، صور ليو نفسه وهو يطأ ويهين صورة جنكيز خان، وانتشر الفيديو بصورة كبيرة على شبكات التواصل الاجتماعي ومواقع الإنترنت الصينية. وأثار هذا الفيديو ردود فعل واسعة وتلقت الشرطة العديد من التقارير، وأزالته السلطات الصينية من على الإنترنت .
12-17-2017, 07:26 AM
محمد مجيدو محمد مجيدو
تاريخ التسجيل: 07-06-2013
مجموع المشاركات: 2392
عن الترامادول، مرّة ثالثة ------------------- باكثر العبارات توكيداً وقطعاً وجزماً اطمئن أهلي وأصحابي ومعارفي هنا وفي كل بقعة من المعمورة أن ما نسبه لي السيد شاهين شاهين من ممارسة الكتابة تحت تأثير مادة مخدرة يُطلَق عليها اسم ترامادول عارٍ من الصحة. حمانا الله وإيّاكم من الترامادول وأشباهه. وحقاً لست أدري أخيال الروائي الجامح هو الذي صوّر للسيد شاهين شاهين ذلك، أم أن في الأمر طرف ثالث أعمته الكراهية هو الذي أوعز له بالإفك؟. على كل أودّ تطمين من يهمّهم أمري بأنني لم اتعاطى طوال حياتي أيّ نوع من المواد المخدرة ترامادولاً كان أو حشيشاً أو أفيوناً أو ماشابه ذلك.
السيد شاهين شاهين، ما استعصى عليّ استيعابه من كتاباتك هو اصرارك على الانتساب لمعسكر اليسار والعلمانية بينما الظاهر انك كنت كذلك في زمن مضى، أمّا الآن قد تحوّلت لمجرد مؤمن محافظ يدعو لنظام علماني لايحمل من العلمانية الا اسمها مثل اشتراكية السوفييت والنميري، نظام علماني لايساوي بين الرجل والمرأة في الميراث ويكمم الافواه ويحرّم نقد الاديان!.
12-17-2017, 08:58 AM
Osman M Salih Osman M Salih
تاريخ التسجيل: 02-18-2004
مجموع المشاركات: 13081
إذا أردت أن نتكلم في ما آل إليه محمد بن عبد الله بعد هجرته إلى يثرب فأنا على استعداد لإبراز الوقائع التي تدعم رأي وهي موثقة في مراجع اسلامية سوف أثبت من خلالها أن أوصافي له صحيحة ليس فيها تجنٍ. ولنأخذ الأوصاف وصفاً وصفاً.
12-17-2017, 02:28 PM
حامد بدري حامد بدري
تاريخ التسجيل: 03-10-2013
مجموع المشاركات: 2749
مسا الخير النجيضة المستنير والترامادول اتناشو نيش وشاهين متعة يعلم الله يعني محاولة دقار بس تقوم تفض بكارة افكارهم الاستعلائية واكتر شئ ممتع كتابة متواضعة عشان كده عجبتنا كلنا واهم شئ لو عايز تحافظ على مقعدك كزول مشهور تتواضع وتحترم الاخر السنة دي اجمل مافيها رشة الترامادول واعتذار البنادول يعلم الله وانا مستمتع بي قلم الحلفاوي بي اثار حبره المنوي كاااااااااااااااك شايف الترامادول قاعد نفس قعدة البنادول البواسيرية الصورة بجيبا لينا ود المدير الخبير
12-17-2017, 06:01 PM
قسم الفضيل مضوي محمد قسم الفضيل مضوي محمد
تاريخ التسجيل: 01-08-2013
مجموع المشاركات: 2608
من آيات فساد الزمن الذي نعيشه، وانحدار المكان الذي نكتب فيه أن يسأل فيه المجهول من الناس المعلوم. انا معلوم، والمجهول هو الشبح المدعو حاتم. هذا النكرة الذي لايعرفه أحد ولم يره أحد. هذا الشبيه بقربة سايبرية لعينة مملوءة عن آخرها بما تبغضه النفوس السوية من الركاكات والمطاعنات وسفاسف الأمور.
12-21-2017, 12:13 PM
أبوبكر عباس أبوبكر عباس
تاريخ التسجيل: 03-04-2014
مجموع المشاركات: 3471
ليس المدعو حاتم ابراهيم وحده الشبح الذي يجوس في ارجاء المكان. هناك أشباح كثر ينافسونه في الغموض والتخفي اذكر منهم المدعوة أميرة السيد مؤججة الحملة التكفيرية الهوجاء والمقيمة في واق الواق، اي في اللامكان، اي في اللاعنوان. هي شبح تدعي أنها غادرت هذا المكان بحسبان ان على رؤسنا الطير او القنارير. هناك شبح اخر يدعى امتثال عبد الله التي لعنتني قبل حين ثم بسطت بوستا أنكرت فيه على الحلفاويين انتماءهم التوبة. فيا للهوان.
جل المشاركين في الحملة التكفيرية اصحاب غبن و مترصدون واشباح خرجوا من صمتهم كماتخرج العقارب من حجورها. احد هؤلاء المتربصين هو المدعو محمد البشرى الخضر والذي اعده مثالا للتداعى الزائف مع الاخرين بحجة الدفاع عن محمد بن عبد الله ولم يتوقف من حينها عن الطواف ببروفايل يصلي فيه على نبي اسلام لم يهذب قلمه الغوغائي الذي تند منه بين الفينة والاخرى عبارات سوقية صبيانية يريد لها أن تعم هذا المكان وتسوده هي وصغائر الامور التي تشغله. هذا الرجل الدعي المتظاهر بالحرص المرائي على نبي الاسلام لايخفي استمتاعه بالقطران الذي سال من قلم شاهين. ولست ادري كيف يجتمع هذا الامران المتناقضان في قلب بشر الا اذا كان دجالا صاحب وجهين؟!.
يا عثمان قلت ليك من قبل المدعو دي ما في داعي ليها و استخدامك لها لن يرفع من قدرك أو يحط من الآخر شيئا كما تتوهم ومن توهمّاتك ايضا أن هناك حملة اسفيرية انتظمت المنبر ضدّك, يا رجل انزل قليلا من قمم جبال اوهامك وتواضع لأرض الواقع, أي حملة و اي تكفير! انت خالفت اللائحة وتم ايقافك بموجبها. ولا تظنن أن قلة أدبك مع جناب الرسول الكريم عليه افضل الصلاة و السلام تمسه أو تقلّل منه, أنت لا تسوى نعله ولن تمس ظفره بأوهامك التي تعيشها و طفقت ترددها كالببغاء بلافهم أو وعي ومع هذا فلك مطلق الحريّة ان تتبرز بقلمك على الملأ و تكشف عن عورتك الفكرية و تتبرّع بجهلك في اي مكان, لكن هنا توجد لائحة تحكم تواجدنا معا ولا شيئ يلزمنا بقراءة سفالتك و سخفك لذا كان لابد من تطبيق اللائحة عليك هذا كل ما في الأمر فلا تاتي متدرّعا غبينتك وحقدك الأسود الذي طغى على قلبك وتظن أنّك تطارد الناس وتتساخف عليهم فلتلزم أدبك وتعرف قدرك فأنت لست سوى مدّعي تظن أنّك أديب لا يشق له غبار وتمتلك ناصية اللغة, يبدو أن مجاملة بعض الزملاء لك هنا وفي غير مكان و اطلاقهم القاب مملكة في غير موضعها عليك قد اختمرت داخلك وطغت ابخرتها على عقلك وعبثت به - اكثر مما هو عليه - فصدّقت نفسك و كما يقال أخذت فيها بومبة كبيرة فتواضع يا هذا وعد للواقع و انزل من "بغل" اوهامك واعرف قدرك والزم الجابرة ساي
12-21-2017, 05:30 PM
عمر دهب عمر دهب
تاريخ التسجيل: 10-19-2014
مجموع المشاركات: 2010
لو ان صلتك بالكتابة كانت متينة لما أخطأت في معرفة المقصود بكلمة المدعو فهي ليست من اوابد اللغة ووحشيها، وليس المراد بها الازراء بالمخاطب او الاعلاء من شأن الداعي. هي مفعول به يستخدم لمخاطبة الغريب.
ولو انك استخدمتها في مخاطبتي لما استوقفني الأمر.رفعت الاقلام وجفت الصحف.
12-21-2017, 06:59 PM
محمد البشرى الخضر محمد البشرى الخضر
تاريخ التسجيل: 11-14-2006
مجموع المشاركات: 28869
نديك من القطران :- كذاب .. كذاب .. كذاب .. كذاب . كذاب .. ورخيص .. وواطى . انظر لما ارسله "" المدعو محمد البشرى الخضر لو ان صلتك بالكتابة كانت متينة لما أخطأت في معرفة المقصود بكلمة المدعو فهي ليست من اوابد اللغة ووحشيها، وليس المراد بها الازراء بالمخاطب او الاعلاء من شأن الداعي. هي مفعول به يستخدم لمخاطبة الغريب. ولو انك استخدمتها في مخاطبتي لما استوقفني الأمر.رفعت الاقلام وجفت الصحف. "" ... انظر لمعنى " المدعو " (المدعوُّ) اسمُ مفعولٍ من (دعَا). ويكونُ ما بعدَه منصوبًا، لأنَّه مفعولٌ ثانٍ، تقولُ: (هذا المدعوُّ محمدًا). وهو لَفظٌ عربيٌّ فَصيحٌ، معنَاه: (المسمَّى). ومنه قولُ الشاعرِ: أما الإماءُ، فلا يَدعونَني ولدًا إذا ترامَى بنو الإموانِ بالعارِ وقالَ الآخَر: دعاني الغوانِي عمَّهنَّ، وخلتُني ليَ اسمٌ، فلا أدعَى به وهْو أوَّلُ وقد جرَى استعمالُها في عُرفِ الناس، واصطلاحِهم على النكِرةِ المجهُولِ، كأنَّهم أرادُوا أن يُبالغوا في الدلالةِ على نكَارتِه من طريقِ الانتفاءِ من إثباتِ اسمِه، والبَراءةِ من القَطْعِ بمعرِفتِه، والتعويلِ في ذلك على ما يدعُوه به الناسُ الذينَ يعرِفونَه. ولو كانَ معروفًا مشهورًا، وكانَ من أهلِ النباهةِ، والذِّكر، لم يَحتج المتكلِّم إلى أن يُحيلَ معرِفة اسمِه إلى النَّاس، ولكانَ له من ثقَتِه بثبوتِ هذا الاسمِ ما يحمِله على أن يكِلَ نسبتَه إلى نفسِه. ولذلك لا يُوصَف بهذه الكلِمة إلا من كانَ نكِرةً مغمورًا، وهو في هذا حقيقة، أو مَن يُرادُ تحقيرُه، وتنكيرُه، وإلحاقُه بالدهْماء، والسُّوقة، ومَن لا يؤبَه له. وهو حين إذٍ مَجازٌ. ويجوزُ حملُه على وجهينِ بَلاغيّين: الأوَّل: أن يكون كنايةً. وذلك من قِبَل أن كلمةَ (المدعوِّ) قد أضحَت من لوازِم التنكيرِ، والتحقيرِ، فبدلَ أن تقولَ: (الرجل النكِرة الذي لا يُعرَف فلانٌ) تقولُ: (المدعو فلانًا). وهو لازِمٌ عرفيٌّ لذلك. الثانِي: أن يكون استعارةً مكنيَّةً. وذلك على أن تكونَ أردتَّ تشبيهَه بالنكِرةِ المغمورِ، ولم تصرِّح بهذا المشبَّه به، وإنَّما ذكرتَ شيئًا من خصائصِه، وهو وصفُه بـ(المدعوِّ). ..... فهل لم يقصد بها الاستاذ " عثمان ترامادل " .. اهانة وتحقير استاذ / محمد باعتباره نكرة ؟ .. لم يقصد ! .. طيب تخيل انه استخدم الاتى فى وصف ود البشري (1) واشباح خرجوا من صمتهم كماتخرج العقارب من حجورها. (2) اعده مثالا للتداعى الزائف مع الاخرين . (3) لم يهذب قلمه الغوغائي الذي تند منه بين الفينة والاخرى عبارات سوقية صبيانية يريد لها أن تعم هذا المكان وتسوده هي وصغائر الامور التي تشغله . (4) هذا الرجل الدعي المتظاهر بالحرص المرائي على نبي الاسلام . (5) الا اذا كان دجالا صاحب وجهين . تخيل بعد كلمة المدعو او تعبير المدعو .. يكتب هذا الكلام ويقول ان " مدعو " ليس المراد منها الازراء بالمخاطب .. يعنى , ما عارف لو دى ما كتابة تحت تأثير الترامادل , تكون تحت تأثير شنو بالظبط ؟ . استمتع بما كتب .. وقارن بما حاول نفيه :- "" جل المشاركين في الحملة التكفيرية اصحاب غبن و مترصدون واشباح خرجوا من صمتهم كماتخرج العقارب من حجورها. احد هؤلاء المتربصين هو المدعو محمد البشرى الخضر والذي اعده مثالا للتداعى الزائف مع الاخرين بحجة الدفاع عن محمد بن عبد الله ولم يتوقف من حينها عن الطواف ببروفايل يصلي فيه على نبي اسلام لم يهذب قلمه الغوغائي الذي تند منه بين الفينة والاخرى عبارات سوقية صبيانية يريد لها أن تعم هذا المكان وتسوده هي وصغائر الامور التي تشغله. هذا الرجل الدعي المتظاهر بالحرص المرائي على نبي الاسلام لايخفي استمتاعه بالقطران الذي سال من قلم شاهين. ولست ادري كيف يجتمع هذا الامران المتناقضان في قلب بشر الا اذا كان دجالا صاحب وجهين ؟!. "" . (عدل بواسطة Osman M Salih on 21-12-2017, 03:12 PM) (عدل بواسطة Osman M Salih on 21-12-2017, 03:42 PM) * كذاب .. ورخيص , منتظرك بكرة عندما تعود لك الكوتة .
12-21-2017, 07:53 PM
osama elkhawad osama elkhawad
تاريخ التسجيل: 12-31-2002
مجموع المشاركات: 20481
نقل الحوار يا شاهين، لصحيفة سودانية هو عبارة عن تجييش للمتدينين مساحة الحرية لمخالفيك في هذه المسألة عبر الصحيفة تساوي صفر.
شتم المقدسات الدينية بالطبع هو حرية تعبير والدين الاسلامي أكثر الأديان ممارسة لهذه الحرية تجاه الديانات الأخرى. مشكلتك يا شاهين، انك رجل سياسي وتنظر للأمور من هذه الزاوية
نحن هنا نمارس عصف ذهني خارج ميدان السياسة
12-21-2017, 08:37 PM
أبوبكر عباس أبوبكر عباس
تاريخ التسجيل: 03-04-2014
مجموع المشاركات: 3471
تذكر قبل كدا سألتك سؤال حول بعض شخصيات رواياتك: قلت ليك: لو أخرجنا العلاقات الجنسية لابطالك كقيمة أخلاقية، الناس ديل ح يظلوا مناضلين انت كيساري كوز زي ما قالت قريبتك، تسقط قيمك الأخلاقية النمطية عليهم وبالتالي تعلن سقوطهم، بالرغم من اعجابي برواياتك وتشريحك للطبقة الوسطى السودانية زي ما بقول هاشم الحسن لكن ظلت في حاجة تؤرقني واشعر بظلم منك تجاههم وهي السياسي اليساري الكوز
12-21-2017, 08:38 PM
قسم الفضيل مضوي محمد قسم الفضيل مضوي محمد
تاريخ التسجيل: 01-08-2013
مجموع المشاركات: 2608
يا فضيل، المنتدى دا هو صفحتي بتاعت الفيس من غير كامل صلاحية التبليك الناس بتجي هنا تشوف تغريداتي الناس مفتونة بي وزعلانة، لكن في النهاية انا جوّة البطن زي الحلو مر في رمضان أروي العطش
12-21-2017, 11:45 PM
osama elkhawad osama elkhawad
تاريخ التسجيل: 12-31-2002
مجموع المشاركات: 20481
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
معاوية المدير
أبوبكر عباس
محمد البشرى الخضر
عبداللطيف حسن علي
osama elkhawad
جلالدونا
shaheen shaheen
معاوية الزبير
محمد حيدر المشرف
Osman M Salih
حيدر حسن ميرغني
محمد مجيدو
حامد بدري
قسم الفضيل مضوي محمد
فيس بوك
تويتر
انستقرام
يوتيوب
بنتيريست