|
|
|
 Re: *** جائزة لي وجيه وسيم سودانيز اون لاين *** (Re: وضاحة)
|
سلامات وضاحة ..
انا رشحتك في بوست الجوائز
تمسكي ملف جائزة الشنا حسب
خبرتك المتوفرة في بوستيك الشهير
ألقاك بي جاي تفتشي للوجاهه هههه
.
.
اها امسكي في ود البشرى واساسي ..
ديل وجهاء سودانيز
وان عملت نسبة تجاوز -/+ 2
حانقوم نرفع صورنا في البروفايل
والمشكلة تبقى عند الاشباح
| |
 
|
|
|
|
|
|
|
 Re: *** جائزة لي وجيه وسيم سودانيز اون لاين *** (Re: وضاحة)
|
هههههه ود القوز كنت عاوزة اعملوا اي فون
لكن فلان البكتب مداخلة من الايفون كرهني لي 😂😂
تقترح تكون شنو؟
هههههههه كلك نظر ..
شايف الشباب تحت ختوها ليك على بلاطة ..
فياريت تجبري بي خاطرنا وخاطرهم ..
وتخلي الجايزة تنسجم مع المسابقة وكده ..
ما داير اقولها ليك بصراحة ..
لانه المنتدى ده فيهو جواسيس ومروجي شمار ..
الا الدبل سمح ولذيذٌ طعمه ..
ويستاهل يجازفو ليهو وكده ..
فليتك تراعي كل ما سبق ..
وتدينا الفيها ( النصيب ) ... هههههههههه ..
ثم أي فون شنو كمان في السقط ده ..
| |
|
|
|
|
|
|
|
|
|
Re: *** جائزة لي وجيه وسيم سودانيز اون لاين *** (Re: وضاحة)
|
Quote:
يلا تساعدونا بصور في البروفايل علشان نحسم الفلم هاهاهاها
|
ويييييين .. قبل الحسم وكده ..
الجدية مطلوبة من الطرف الأول ..
عشان ما نجي ندفّق مويتنا على الرهاب ..
والناس يشيلوا حالنا ..
ويقولوا علينا شينين ساي .. هههههه ..
لو ما مسكنا ما بنفك .. والله صحي .. هههه ..
قالوا السعيد يشوف في غيرو وكده ..
بالمناسبة دي انتو امير بوب اختفى وين ..
| |
|
|
|
|
|
|
|
|
|
Re: *** جائزة لي وجيه وسيم سودانيز اون لاين *** (Re: وضاحة)
|
هههههههههاي ...
حلاة لق لق ..
قبل ما نعاين البضاعة يدفّعونا التمن ..
في الأول النشوف .. بعدين ندفع ..
اصلا بيع الغرر ده ما بنفع معاي ولا بدورو ..
الأولو شرط آخرو نور .. هههه
عايزه تعملي لينا زي عرس زمان بتاع أبواتنا داك ...
قبل ما تشوف العروسة يدفسوك عليها ...
انت وحظك .. يا بقت دومة ناشفة ..
يا تفاحة طريه ..
وفي الغالب النوع ده بيتمقلب ..
وبتطلع ليهو عضمة في الكبدة ..
فأخير نعاين أولن بالتبادي .. هههه ..
| |
|
|
|
|
|
|
|
|
|
Re: *** جائزة لي وجيه وسيم سودانيز اون لاين *** (Re: جمال ود القوز)
|
يا ود القوز سلام
الدفس على العروس زمان
احكي ليك واقعة حصلت عندنا
واحد من حلتنا في اوائل الستينات من العمر
شاف بت في حي العمدة امدرمان عجبتو
والراجل مرطب على مستوى زمان
جاها لغاية بيتم وقال داير يعرسا
اهل البت وافقو
حددو يوم الصفاح والزفة
تم الصفاح
لمن دخلو ليهو العروسة كانت اختا الكبيرة تقدمت بها السن وليس في جمال الاولى
زولنا من كشف وشها
كورك ووروروك يا ناس حي العمدة
امانة ما ناس فلان قشوني
ادوني مرة تانية
البيت كلو التلما فيهو
قالو ليهو يا عم فلاان ما تسوي لينا فضيحة في الحي
الدايرو بنسوي ليك
قال ليهم تدوني مرتي الاصلية ما الصورة
ولا ترجعو قروشي
| |
|
|
|
|
|
|
|
|
|
Re: *** جائزة لي وجيه وسيم سودانيز اون لاين *** (Re: محمد البشرى الخضر)
|
انا غايتو ماشي اجيب شهادة تسنين
واشتري باروكة اصلية
وجراحة تجميل لما بين الحاجبين والجبهة
أمي رحمة الله عليها قبل أن ننتقل من القرية إلى المدينة في اوائل سبعينات القرن الماضي
تجرأت وسألتها عن عمرها فقالت رحمة الله عليها وهي غير مبتهجة بسؤالي:
٣٤ سنة
وفي اول اجازة لي بعد الإغتراب في الثمانيات وانا اشرب معها قهوة الصباح سألتها عن عمرها.
وكانت تنادي بالمبروك،
واجابتني قائلة:
انت زمان قبل تسافر ما سألتني السؤال دا وانا قلتا ليك ٣٤ ؟ تاني السؤال لزوم شنو يا المبروك
يومها عرفت انها الاصغر سنا مني
دحين انا كلما يسألوني عمرك كم بقول: ٣٤
رغم انو اكبر اولادي عمره ٣٤
مودتي
| |
|
|
|
|
|
|
|
|
|
Re: *** جائزة لي وجيه وسيم سودانيز اون لاين *** (Re: Ali Alkanzi)
|
عمو علي يا اصلي هاهاهاهاها
الوالدة لها الرحمة والمغفرة
شكلها كان دمها خفيف ومرحة
النساء بصورة عامة ما بحبوا يسألوهم من إعمارن هاهاهاها
تعرف مرات في ناس بكونوا وجيهين حتي لما يكبرو ملامحن بتكون جميلة
وبكونوا وجهين جدا وانيقين خالص
والدي واحد منهم كل ما يكبر يحلي ربنا يحفظوا ويخلي لينا
| |
|
|
|
|
|
|
|
|
|
Re: *** جائزة لي وجيه وسيم سودانيز اون لاين *** (Re: وضاحة)
|
اقسم بالله يا بنتي انزل ليكم صورة حديثة بس قبل المعاش الاختياري
اطق ليك الجماعة كلهم من سن ١٩ حتى ٤٥
طبعاً بعد ٤٥ عند الرجال بتظهر الصلع والكرش والصلاة على الكرسي
لكن انا ليس خارج المسابقة لمن القصة صور
واقسم بالله انزل صورتي قبل الاغتراب
الا جون ترفولتا ممكن يقيف جنبي
طبعاً انحنا جيلو
اسا هو يكون في مأوى العجزة
الله يحفظ والدك ومن عندك
سودانيزاونلاين عالم جميل
مودتي
| |
|
|
|
|
|
|
|
|
|
Re: *** جائزة لي وجيه وسيم سودانيز اون لاين *** (Re: وضاحة)
|
اقسم بالله يا بنتي انزل ليكم صورة حديثة بس قبل المعاش الاختياري
اطق ليك الجماعة كلهم من سن ١٩ حتى ٤٥
طبعاً بعد ٤٥ عند الرجال بتظهر الصلع والكرش والصلاة على الكرسي
لكن انا ليس خارج المسابقة لمن القصة صور
واقسم بالله انزل صورتي قبل الاغتراب
الا جون ترفولتا ممكن يقيف جنبي
طبعاً انحنا جيلو
اسا هو يكون في مأوى العجزة
الله يحفظ والدك ومن عندك
غايتو معليش عشان خاطرك وخاطر ابوك نخليو نمرة ٢ يعني بعدي طوالي ولا اقول ليك اول مشترك
سودانيزاونلاين عالم جميل
مودتي
| |
|
|
|
|
|
|
|
|
|
Re: *** جائزة لي وجيه وسيم سودانيز اون لاين *** (Re: عبدالحفيظ ابوسن)
|
Quote:
الجايزة اثني ودالقوز
|
الآي فون ولاّ ياتا يا حفيظ .. هههههه ..
ود البشرى قال ليك بطارية النوت 8 بتضرب ..
فما نقوم نتخوزق وكده ..
خلينا في التوت 3 بتاعنا ده ..
مجربنو وعارفين العليهو ..
قدر ما الناس زحوني منو ..
والله أبيت أفارقو ..
قاصد النوت 3 طبعا .. ههههه ..
وضاحة دي بتموّسرنا ساي ..
فيقوم يبقن علينا اتنين ..
لا عنب يمن ولا بلح شام .. أنا قاصد طبعا ..
فخلينا مع قنقليزنا ده أخير .. 
| |
|
|
|
|
|
|
|
|
|
Re: *** جائزة لي وجيه وسيم سودانيز اون لاين *** (Re: aosman)
|
يقول الاخ aosman
@دي مواصفات عريس عديـــــــــــــــــــــــــل,,, كده ورينا مواصفات العروس كمان؟@
و أنا فهمت أنه يقصد أن الأخت وضاحة تبحث عن عريس لزولة ما، وأن عليها ،
بحسب فهمي لمداخلة الأخ aosman المعنية ، أن على الأخت وضاحة أن تقول
مواصفات العروس بما يقابل المواصفات الخاصة بوجيه وسيم عريس منبرنا
من حيث الطول،اللون، إلخ....
.......
إذا كان كذلك ، مثل فهمي، فإني أرشح أعمامنا ناس 50 - 65 أن يتجهزوا لاتمام المطلوب.
| |
|
|
|
|
|
|
|
|
Re: *** جائزة لي وجيه وسيم سودانيز اون لاين *** (Re: محمد البشرى الخضر)
|
Quote:
دومة تكدّيها براك ولا تفاحه يقرموها معاك
|
لقيتك ختري يا ود البشرى ..
معقول ختفت كد الدومة بالسرعة دي ..
ولاّ ده توارد خواطر وكده .. ههههه ..
لكن كلامك صحي ..
ده لو لقت تكد دومة في زمن شّح الدوم وعزّ ..
تكون أفلحت ..
أما التفاح بقى معدوم في السوق ونادر ..
وبيتخاتفوهو من ( أمو) قبال ينجض زي الناس ..
الزمن بقى صعب خلاس .. ههه ..
ومابيدي فرصة للخيارات والعزّيل داك شين وده سمح ..
هسه النسوان حقاتنا بقن يرتابن في أي صديقة ..
تكتّر زياراتها للبيت وبيلعبن معاها لعب ضاغط ..
من قولة تيت لامن تتخارج به البيت ..
خوفا من التسييك في القبول وكده .. ههههه ..
أو أي انفراد بالمرمى أوالتهديف في الشبكة من خارج الـ (18) ..
ومال انت فاكر ايه سوقنا كرجال متودكين بقى حار خالص ..
أي واحدة تفرّط الزمن ده .. تاكل هوا طوالي .. هههههههه ..
كلّم وضاحة دي تغيير الجايزة سريع بالله .. هههههه ..
| |
|
|
|
|
|
|
|
|
|
Re: *** جائزة لي وجيه وسيم سودانيز اون لاين *** (Re: جمال ود القوز)
|
ود القوز
حواء السودانية والدة الحمد لله
يوم 28-30 سبتمبر كان عندنا مؤتمر في دبي
كان فيه أطباء سودانين تبارك الرحمن نيران منقد مقيمين في دول مختلفة
ولا متزوجين شباب كلهم في الثلاثينات رجال زي الشمس وجاهات واخلاق
وعلم وسماحة طبع وأناقة اولاد أسر أصيلة في السودان محترمين جدا
تقولي رجال نسوان السكند هاند دا ما بشتغل
طوالي بكون محتاج لي عمرة
خلينا في الجديد بكون شديد هههههههههه
| |
|
|
|
|
|
|
|
|
|
Re: *** جائزة لي وجيه وسيم سودانيز اون لاين *** (Re: حاتم محمد عثمان)
|
Quote:
الوجيه صديق الموج
-الوجيه الباشمهندس كيكي
|
الجماعة ديل عندهم سنون لي كد الدوم ده يا حتومة ..
ولاّ انت بترشّح مجاملات ساي ..
عموما في كشف للائقين طبيا وكده .. هههههه ..
تحياتنا للموج .. وكيكي ..
ونتمناهم بخير وعافية ..
وليتهم يعودوا ليثروا هذه الساحة ..
التي افتقدت مشاركاتهم الجميلة ..
| |
|
|
|
|
|
|
|
|
|
Re: *** جائزة لي وجيه وسيم سودانيز اون لاين *** (Re: وضاحة)
|
Quote:
و أنا فهمت أنه يقصد أن الأخت وضاحة تبحث عن عريس لزولة ما، وأن عليها ، بحسب فهمي لمداخلة الأخ aosman المعنية ، أن على الأخت وضاحة أن تقول مواصفات العروس بما يقابل المواصفات الخاصة بوجيه وسيم عريس منبرنا
من حيث الطول،اللون، إلخ....
|
شيخ قصي, فهمك مظبوط مية المية, هذا هو قصدي
| |
|
|
|
|
|
|
|
|
 Re: *** جائزة لي وجيه وسيم سودانيز اون لاين *** (Re: وضاحة)
|
الدكتورة وضاحة
حيرتي الجنيات يا قول الحبوبات
بالمناسبة واحد من نواحي الفيس (إتحاد المعلمين) قال لي أسأل لينا الدكتورة من منافستنا مع الجماعة
قلت ليو شوف إنت وين من دا
Quote:
ياخي انا كرهتي في الدنيا الناس الشينين والطبعن شين
خاصة النوع الموهوم البتلقي ليئم داك
وفاكيها في نفسوا |
قال برة
أها ما رأيك في منافسة ناس الفيس شنو؟
____
الحليلة
| |
|
|
|
|
|
|
|
|
|
Re: *** جائزة لي وجيه وسيم سودانيز اون لاين *** (Re: محمد عبد الله الحسين)
|
محمد البشرى
البطاريته بتضرب النوت ٧ ومش النوت ٨،،،
وعلى حسب خبراء الهواتف الجوالة فان افضل هاتف جوال نزل السوق
حتى الان هو الجالاكسي نوت ٨...وهو اغلى نوع حتى الان ..
ما تقلل من قيمة الجائزة،،،
وقدم للجائزة احتمال نسبة فوزك تكون نسبة كبيرة، والمهم من الشروط الموضوعة
عرفنا ان ود حلتنا ود المدير والباشمهندس بكري خارج المنافسة،(وش باسم)..
ودمت بخير وعافية
وضاحة يا حب ..ازيك...
خففي من الشروط شوية، شروط صعبة ،،،
| |
|
|
|
|
|
|
|
|
|
Re: *** جائزة لي وجيه وسيم سودانيز اون لاين *** (Re: جلالدونا)
|
بطلوا لولوة يا جلال
الشرط الاول لدخول صالة المسابقة قبل المنافسة العمر .. بعد داك يجسوك !
انتو مارقين كيت من قولت تيت
انا غايتو خاشي خاشي وجوة بنجازف الجايزة
علا ما ورتنا المقايس علي إينهي ميزان ؟
الميزان الافريقي
ولا العربي
ولا الاوربي
ولا الامريكاني
ولا الواحد يشنق طاقيتو الحمرا ويجيب فرارو ويجي
| |
|
|
|
|
|
|
|
|
|
Re: *** جائزة لي وجيه وسيم سودانيز اون لاين *** (Re: عبدالحفيظ ابوسن)
|
هوي يا جلاكين..
اي واحد يغير البروفايل ويخت صورته الشخصية بعد تاريخ البوست دا لايمكن نتعامل مع المسالة دي بحسن نية و صدفة كدا
هي كبكبة ليس إلّأ
بعد إذنك يا ود القور ارد على بسمات
يا بسمات بت الشيخ , ما مشكلة الفكرة اساسا ما البطارية زاتها ولا عيب النوت 8, الفكرة بعد مرقنا من المنافسة من قولة تيت لسان حالي يقول الما يطول العنب حامظن عنّه يقول
| |
|
|
|
|
|
|
|
|
|
Re: *** جائزة لي وجيه وسيم سودانيز اون لاين *** (Re: فيصل محمد خليل)
|
الاستاذ فيصل
انت رجل رائع ارفع من السامسونق
بس خربتها بتنزيل صورة حديثة
صورة البروفايل كانت كفاية
تمشي تنزل لينا الكلها شعر ابيض دي ليه؟
ما بتعرف تصبق الشعر زي الكنزي
ولا تحننو زي مولانا الامام
والله القيمة الادبية العندك
انا لو في محل آل ثاني ديل أقصد وضاحة
اقفل المسابقة وابلغ بكري ابو صلعة ليرفع البورد عالياً ويتم
تسليم الجائزة لفيصل في احتفال رسمي
بس انا رسل لي القديم العندك اسا
بشتغل في السودان
مودتي
| |
|
|
|
|
|
|
|
|
|
Re: *** جائزة لي وجيه وسيم سودانيز اون لاين *** (Re: أحمد الشايقي)
|
الاستاذ فيصل
انت رجل رائع ارفع من السامسونق
بس خربتها بتنزيل صورة حديثة
صورة البروفايل كانت كفاية
تمشي تنزل لينا الكلها شعر ابيض دي ليه؟
ما بتعرف تصبق الشعر زي الكنزي
ولا تحننو زي مولانا الامام
والله القيمة الادبية العندك
انا لو في محل آل ثاني ديل أقصد وضاحة
اقفل المسابقة وابلغ بكري ابو صلعة ليرفع البورد عالياً ويتم
تسليم الجائزة لفيصل في احتفال رسمي
بس انا رسل لي القديم العندك اسا
بشتغل في السودان
مودتي
| |
|
|
|
|
|
|
|
|
|
Re: *** جائزة لي وجيه وسيم سودانيز اون لاين *** (Re: جمال ود القوز)
|
| Quote: بعد إذنك يا ود القور ارد على بسمات |
ههههههههههه ..
يا هيثمنا ..ود البشرى أداني خاطرو ...
وصفّاني على جنب .مقبوله منو ..
لان بسمات الرايقة ست الجيل تستاهل ..
يصفونا ليها ..
ولاّ انت ضحكتك على جليتو لحرف الزاي ..
تعديل الاقتباس والله بقى حاجة لا تطاق ......
| |
|
|
|
|
|
|
|
|
|
Re: *** جائزة لي وجيه وسيم سودانيز اون لاين *** (Re: جمال ود القوز)
|
صديقي Ali Alkanzi
مرة نزلت الصور بتاعت البوفايل
قام المسنوح الطيب شيقوق قال لي
عامل عيونك المبقبقات دي ذي عيون
ابراهيم دقش هههههه .فقنا نجيب صورة تانية
يمكن نخرط بيها الجماعة لكن على ما يبدو
في الاحتياطي ما بيشيلوني .و بشروطهم دي
امر جنب البوست ساكت ما عندي حق .
شكراً المداعبة
| |
|
|
|
|
|
|
|
|
|
Re: *** جائزة لي وجيه وسيم سودانيز اون لاين *** (Re: محمد البشرى الخضر)
|
ابدا يأخ مافي حاجة اصلا انا شفتها قبل هيثم ..
وفوّتها لان اخطاء الكيبورد الواحد بيصححها وهو بيقرا ..
لكن جيبت هيثم للكوت هي الخلتني أعلّق عليها ..
قلت ربما هيثم قاصدا أو قاصد انك فتحت لي بيبسي ..
على أساس لا يُفتى ومالك في المدينة ..
لكن طاشت سهامي ..
فيا تدوني قروشي وتنزّلوني في اقرب محطة ..
يا كمان توصلوني معاكم ولكم أجر فضل الظهر .. ..
حكاية الاستئذان دي فعلا I missed it .. 
انتو الاقتباس ده ما كان شغال كويس ..
بكري تاني مشى هبشو مالو ؟ ..
| |
|
|
|
|
|
|
|
|
|
Re: *** جائزة لي وجيه وسيم سودانيز اون لاين *** (Re: Khalid Saeed)
|
والله يا وضاحة إنتي حريفة خلاص !
دي شنو النيران الولعتيها في الناس دي؟
كل واحد قام على سحارته يطلع في صوره...و آخر لِمّيع و حركات.
بالمناسبة الصورة حقتي الفي البروفايل دي ما للمنافسة....دي للتسخين و الإحماء بس.....بتاعة المنافسة دي براااها.
و الله بوست دمه خفيف و ظهرت خفة دم من ناس ما كنا بنعرفهم..زي علي الكنزي..
تحياتي للجميع
و حظ سعيد لي و حظ سعيد ليكم في المسابقات الجاية.
| |
|
|
|
|
|
|
|
|
|
Re: *** جائزة لي وجيه وسيم سودانيز اون لاين *** (Re: حامد بدري)
|
هههههههههههههههههههههههه
ياحمدونا .. ياخي الغنية دي وحات مجيدوا عارف قالواها في منو زاطووو
ههههههههههههههه
بالنسبة لي الجلحات ، دي نقطة ضعف ميجدوا
اما حكاية الطول والعلا .. أعتقد دي اتحسمت منذ أن رمانا الفن السودني بي اغنية
قنبلة سماحت الزول في الطول والعلا
وكما ا خاف الكضب اقدر اقول قالوها كذلك في منو زاطوووو
المهم .. النوت باللي دايرونوا لونوا فوشي لأنو داير اهديهو لي زولة عزيزة علي
ههههههههههههههههههههههه
| |
|
|
|
|
|
|
|
|
|
Re: *** جائزة لي وجيه وسيم سودانيز اون لاين *** (Re: Khalid Saeed)
|
انا اسمي مكتوب ؟؟؟؟؟؟؟
والله شروطك دي زي شروط الفكي القال للجماعة عايز لي ديك اعور وخروف اشول ..... لكن خلينا احتياطي وبالعدم شوفي لينا دوري المجموعات عشان امكن نفوز بي عروسة تانية عفوا قصدي جائزة تانية في سودانيز اونلاين دي .... ههههههههههههههههه . خلاص الجلاكسي لو صعب عليك خلي ربيكا ،،،،،،،،، وانا راضي باختياري خلوني على ناري عليى نار على ناري خلوني على ناري ...... غايتو البوست ده كان ما نفعك تاااني الا ترجي العبد لله ..... هههههههههههههههه . بالتوفيق يا دكتورة .
تحياتي : ياسر العيلفون ...........
| |
|
|
|
|
|
|
| |
وضاحة
عمر التاج
جمال ود القوز
Ali Alkanzi
محمد البشرى الخضر
حمد عبد الغفار عمر
احمد عمر محمد
الطيب عباس
aosman
عبدالحفيظ ابوسن
حاتم محمد عثمان
معاوية المدير
عزيز
أحمد سيداحمد عثمان
elhilayla
محمد عبد الله الحسين
امجد الجميعابى
محمد حيدر المشرف
جلالدونا
فيصل محمد خليل
حامد بدري
أحمد الشايقي
بله محمد الفاضل
abas
Ahmed Alim
Khalid Saeed
هشام المجمر
ياسر السر
فيس بوك
تويتر
انستقرام
يوتيوب
بنتيريست