Post: #1 Title: *** جائزة لي وجيه وسيم سودانيز اون لاين *** Author: وضاحة Date: 10-20-2017, 02:56 PM
01:56 PM October, 20 2017 سودانيز اون لاين وضاحة- اقيم فى قلوب االانقياء الطاهرين من ابناء وطنى السودان المحبين لعمل الخير مكتبتى رابط مختصر
الجائزة عبارة عن موبايل Samsung Galaxy Note 8 الشروط : ١- العمر ان يكون بين 30 - 40 2- يشهد له أعضاء المنتدي بحسن الأخلاق والتهذيب والاحترام 3 - ان يكون طويل القامة 4- وسيم الملامح 5-انيق المظهر 6- شعر الرأس يكون كاسي خالي من الجلاحات والصلعة ( دا شرط مهم جدا) 7- لونو يكون اسمراني السمرة الحلوة ديك ود التاج ما تجي بجاي بوست مخستك خخخخخخ
Post: #2 Title: Re: *** جائزة لي وجيه وسيم سودانيز اون لاين *** Author: عمر التاج Date: 10-20-2017, 03:20 PM Parent: #1
سلامات وضاحة .. انا رشحتك في بوست الجوائز تمسكي ملف جائزة الشنا حسب خبرتك المتوفرة في بوستيك الشهير ألقاك بي جاي تفتشي للوجاهه هههه . . اها امسكي في ود البشرى واساسي .. ديل وجهاء سودانيز وان عملت نسبة تجاوز -/+ 2 حانقوم نرفع صورنا في البروفايل والمشكلة تبقى عند الاشباح
Post: #3 Title: Re: *** جائزة لي وجيه وسيم سودانيز اون لاين *** Author: جمال ود القوز Date: 10-20-2017, 03:30 PM Parent: #2
Quote: الجائزة عبارة عن موبايل Samsung Galaxy Note 8
جلاكسي شنو كمان !! .. أنا قلت أكيد الجائزة حتكون حاجة تانية خالص .. فعايزين خيار يكون مناسب وكده ..
هههههه ود القوز كنت عاوزة اعملوا اي فون لكن فلان البكتب مداخلة من الايفون كرهني لي 😂😂 تقترح تكون شنو؟
Post: #12 Title: Re: *** جائزة لي وجيه وسيم سودانيز اون لاين *** Author: جمال ود القوز Date: 10-20-2017, 04:56 PM Parent: #7
هههههه ود القوز كنت عاوزة اعملوا اي فون لكن فلان البكتب مداخلة من الايفون كرهني لي 😂😂 تقترح تكون شنو؟
هههههههه كلك نظر ..
شايف الشباب تحت ختوها ليك على بلاطة .. فياريت تجبري بي خاطرنا وخاطرهم .. وتخلي الجايزة تنسجم مع المسابقة وكده .. ما داير اقولها ليك بصراحة .. لانه المنتدى ده فيهو جواسيس ومروجي شمار .. الا الدبل سمح ولذيذٌ طعمه .. ويستاهل يجازفو ليهو وكده .. فليتك تراعي كل ما سبق .. وتدينا الفيها ( النصيب ) ... هههههههههه ..
ود القوز غايتوا إنتوا ما بتفوتوا حاجة هاهاهاهاها خلاص تموا في سرك الفهمتوا دا يلا تساعدونا بصور في البروفايل علشان نحسم الفلم هاهاهاها
Post: #28 Title: Re: *** جائزة لي وجيه وسيم سودانيز اون لاين *** Author: جمال ود القوز Date: 10-20-2017, 08:07 PM Parent: #24
Quote: يلا تساعدونا بصور في البروفايل علشان نحسم الفلم هاهاهاها
ويييييين .. قبل الحسم وكده .. الجدية مطلوبة من الطرف الأول .. عشان ما نجي ندفّق مويتنا على الرهاب .. والناس يشيلوا حالنا .. ويقولوا علينا شينين ساي .. هههههه .. لو ما مسكنا ما بنفك .. والله صحي .. هههه .. قالوا السعيد يشوف في غيرو وكده ..
ود القوز هاهاهاهاها الموضوع جادي والله انت لو شين تنافس كيف اقري الشروط تاني بالله علشان ما ضيع الزمن يلا أسرع قبل تفوت الفرصة ههههه
Post: #36 Title: Re: *** جائزة لي وجيه وسيم سودانيز اون لاين *** Author: جمال ود القوز Date: 10-20-2017, 08:33 PM Parent: #31
هههههههههاي ... حلاة لق لق .. قبل ما نعاين البضاعة يدفّعونا التمن .. في الأول النشوف .. بعدين ندفع .. اصلا بيع الغرر ده ما بنفع معاي ولا بدورو .. الأولو شرط آخرو نور .. هههه
عايزه تعملي لينا زي عرس زمان بتاع أبواتنا داك ... قبل ما تشوف العروسة يدفسوك عليها ... انت وحظك .. يا بقت دومة ناشفة .. يا تفاحة طريه .. وفي الغالب النوع ده بيتمقلب .. وبتطلع ليهو عضمة في الكبدة .. فأخير نعاين أولن بالتبادي .. هههه ..
Post: #69 Title: Re: *** جائزة لي وجيه وسيم سودانيز اون لاين *** Author: Ali Alkanzi Date: 10-21-2017, 07:41 PM Parent: #36
يا ود القوز سلام الدفس على العروس زمان احكي ليك واقعة حصلت عندنا واحد من حلتنا في اوائل الستينات من العمر شاف بت في حي العمدة امدرمان عجبتو والراجل مرطب على مستوى زمان جاها لغاية بيتم وقال داير يعرسا اهل البت وافقو حددو يوم الصفاح والزفة تم الصفاح لمن دخلو ليهو العروسة كانت اختا الكبيرة تقدمت بها السن وليس في جمال الاولى زولنا من كشف وشها كورك ووروروك يا ناس حي العمدة امانة ما ناس فلان قشوني ادوني مرة تانية البيت كلو التلما فيهو قالو ليهو يا عم فلاان ما تسوي لينا فضيحة في الحي الدايرو بنسوي ليك قال ليهم تدوني مرتي الاصلية ما الصورة ولا ترجعو قروشي
Post: #4 Title: Re: *** جائزة لي وجيه وسيم سودانيز اون لاين *** Author: محمد البشرى الخضر Date: 10-20-2017, 03:30 PM Parent: #2
شروطك مرقننا من الجنّة وسقطها! مافي طريقة مراجعة
Post: #5 Title: Re: *** جائزة لي وجيه وسيم سودانيز اون لاين *** Author: Ali Alkanzi Date: 10-20-2017, 03:41 PM Parent: #4
انا غايتو ماشي اجيب شهادة تسنين واشتري باروكة اصلية وجراحة تجميل لما بين الحاجبين والجبهة أمي رحمة الله عليها قبل أن ننتقل من القرية إلى المدينة في اوائل سبعينات القرن الماضي تجرأت وسألتها عن عمرها فقالت رحمة الله عليها وهي غير مبتهجة بسؤالي: ٣٤ سنة وفي اول اجازة لي بعد الإغتراب في الثمانيات وانا اشرب معها قهوة الصباح سألتها عن عمرها. وكانت تنادي بالمبروك، واجابتني قائلة: انت زمان قبل تسافر ما سألتني السؤال دا وانا قلتا ليك ٣٤ ؟ تاني السؤال لزوم شنو يا المبروك يومها عرفت انها الاصغر سنا مني دحين انا كلما يسألوني عمرك كم بقول: ٣٤ رغم انو اكبر اولادي عمره ٣٤ مودتي
عمو علي يا اصلي هاهاهاهاها الوالدة لها الرحمة والمغفرة شكلها كان دمها خفيف ومرحة النساء بصورة عامة ما بحبوا يسألوهم من إعمارن هاهاهاها تعرف مرات في ناس بكونوا وجيهين حتي لما يكبرو ملامحن بتكون جميلة وبكونوا وجهين جدا وانيقين خالص والدي واحد منهم كل ما يكبر يحلي ربنا يحفظوا ويخلي لينا
Post: #34 Title: Re: *** جائزة لي وجيه وسيم سودانيز اون لاين *** Author: Ali Alkanzi Date: 10-20-2017, 08:26 PM Parent: #27
اقسم بالله يا بنتي انزل ليكم صورة حديثة بس قبل المعاش الاختياري اطق ليك الجماعة كلهم من سن ١٩ حتى ٤٥ طبعاً بعد ٤٥ عند الرجال بتظهر الصلع والكرش والصلاة على الكرسي لكن انا ليس خارج المسابقة لمن القصة صور واقسم بالله انزل صورتي قبل الاغتراب الا جون ترفولتا ممكن يقيف جنبي طبعاً انحنا جيلو اسا هو يكون في مأوى العجزة الله يحفظ والدك ومن عندك سودانيزاونلاين عالم جميل مودتي
Post: #35 Title: Re: *** جائزة لي وجيه وسيم سودانيز اون لاين *** Author: Ali Alkanzi Date: 10-20-2017, 08:30 PM Parent: #27
اقسم بالله يا بنتي انزل ليكم صورة حديثة بس قبل المعاش الاختياري اطق ليك الجماعة كلهم من سن ١٩ حتى ٤٥ طبعاً بعد ٤٥ عند الرجال بتظهر الصلع والكرش والصلاة على الكرسي لكن انا ليس خارج المسابقة لمن القصة صور واقسم بالله انزل صورتي قبل الاغتراب الا جون ترفولتا ممكن يقيف جنبي طبعاً انحنا جيلو اسا هو يكون في مأوى العجزة الله يحفظ والدك ومن عندك غايتو معليش عشان خاطرك وخاطر ابوك نخليو نمرة ٢ يعني بعدي طوالي ولا اقول ليك اول مشترك سودانيزاونلاين عالم جميل مودتي
عمو ياخي إنتوا ناس الزمن الجميل وناس الصمغ ظاتوا جيل الفيس برسلي ومارلين مورو والشالستون والافرو هير ابوي الصور بتاعتوا لسة محتفظ بيها بالافرو هير والشالستون تصدق كان مكسر بنات جامعة الخرطوم في السبعينات اسال فيصل خليل 😆😆😆😆😜
ود التاج يا مخستك هاهاهاها سلامات ياخي انا كرهتي في الدنيا الناس الشينين والطبعن شين خاصة النوع الموهوم البتلقي ليئم داك وفاكيها في نفسوا خلينا في الوجيهين البفتحوا الروح ضلفتين هاهاهاها اليوم الجمعة مركلسين ومتونسين خخخخ
Post: #8 Title: Re: *** جائزة لي وجيه وسيم سودانيز اون لاين *** Author: حمد عبد الغفار عمر Date: 10-20-2017, 03:52 PM Parent: #6
وضاحة كيفك
نزلي صورتك خلي البورد دا يلتهب
يمين بوستك يكوع بتربيزة المنبر هسه دي
جائزتك لابتوب عديل
نحن مرقنا من الجلاكسي
Post: #10 Title: Re: *** جائزة لي وجيه وسيم سودانيز اون لاين *** Author: احمد عمر محمد Date: 10-20-2017, 04:03 PM Parent: #8
الاخت وضاحة صاحبة البوست وضيوفها الكرام تحية طيبة غايتو على قول اخونا جمال ود القور المواصفات دي تستاهل حاجة اكبر من الموبايل عروسة وكده بتكون مناسبة جدا الجائزة تحياتي
اوووو حمد لبد الشوق بلد انا بخير وعافية وتمام التمام الحمد لله لو نزلت صورتي دار جعل بتولع كدي اسال علي الفكي لو قال ينزلوها بنزلها ههههه بس بعدين اركز للصوت لأب توب شنو كمان انت من زمن الأب توب هاهاهاها
Post: #17 Title: Re: *** جائزة لي وجيه وسيم سودانيز اون لاين *** Author: الطيب عباس Date: 10-20-2017, 07:13 PM Parent: #2
في زول جاب سيرتي ؟؟ العمل لي مسكول منو ؟ 😃 تحياتي✋️
الحمدلله المنافسة العمرية وقعت لي صاقطة عندي حق المنافسة ل 5 دورات قادمة الجايزة اثني ودالقوز
Post: #19 Title: Re: *** جائزة لي وجيه وسيم سودانيز اون لاين *** Author: جمال ود القوز Date: 10-20-2017, 07:30 PM Parent: #13
Quote: الجايزة اثني ودالقوز
الآي فون ولاّ ياتا يا حفيظ .. هههههه .. ود البشرى قال ليك بطارية النوت 8 بتضرب .. فما نقوم نتخوزق وكده .. خلينا في التوت 3 بتاعنا ده .. مجربنو وعارفين العليهو ..
قدر ما الناس زحوني منو .. والله أبيت أفارقو .. قاصد النوت 3 طبعا .. ههههه .. وضاحة دي بتموّسرنا ساي .. فيقوم يبقن علينا اتنين .. لا عنب يمن ولا بلح شام .. أنا قاصد طبعا .. فخلينا مع قنقليزنا ده أخير ..
ود ابسن هاهاهاهاها انت عمرك كم بالجد لكن بيني وبين من إنتاجك ألفي الصورة ربنا يحفظوا بتنافس ههههه يلا اجدع صورتك وخلّينا نقيم☺️
Post: #14 Title: Re: *** جائزة لي وجيه وسيم سودانيز اون لاين *** Author: قصي محمد عبدالله Date: 10-20-2017, 05:10 PM Parent: #11
يقول الاخ aosman @دي مواصفات عريس عديـــــــــــــــــــــــــل,,, كده ورينا مواصفات العروس كمان؟@ و أنا فهمت أنه يقصد أن الأخت وضاحة تبحث عن عريس لزولة ما، وأن عليها ، بحسب فهمي لمداخلة الأخ aosman المعنية ، أن على الأخت وضاحة أن تقول مواصفات العروس بما يقابل المواصفات الخاصة بوجيه وسيم عريس منبرنا من حيث الطول،اللون، إلخ.... ....... إذا كان كذلك ، مثل فهمي، فإني أرشح أعمامنا ناس 50 - 65 أن يتجهزوا لاتمام المطلوب.
Post: #15 Title: Re: *** جائزة لي وجيه وسيم سودانيز اون لاين *** Author: محمد البشرى الخضر Date: 10-20-2017, 05:22 PM Parent: #14
Quote: حظ اوفر لحتحوت ههههه
الحظ الـ ... هو زاتو النوت 8 دا قالو بطاريته بتضرب ما دايرنه
Post: #16 Title: Re: *** جائزة لي وجيه وسيم سودانيز اون لاين *** Author: حاتم محمد عثمان Date: 10-20-2017, 06:57 PM Parent: #15
Post: #21 Title: Re: *** جائزة لي وجيه وسيم سودانيز اون لاين *** Author: محمد البشرى الخضر Date: 10-20-2017, 07:37 PM Parent: #18
دي جات في الواتس اسّي: واحد بنصح في بته: يا بنتي اخدي اب جلحات ما بتشلّب منك ولا بضايقوكي فيه الزمن بقى صعب دومة تكدّيها براك ولا تفاحه يقرموها معاك
Post: #26 Title: Re: *** جائزة لي وجيه وسيم سودانيز اون لاين *** Author: جمال ود القوز Date: 10-20-2017, 08:01 PM Parent: #21
Quote: دومة تكدّيها براك ولا تفاحه يقرموها معاك
لقيتك ختري يا ود البشرى .. معقول ختفت كد الدومة بالسرعة دي .. ولاّ ده توارد خواطر وكده .. ههههه .. لكن كلامك صحي .. ده لو لقت تكد دومة في زمن شّح الدوم وعزّ .. تكون أفلحت .. أما التفاح بقى معدوم في السوق ونادر .. وبيتخاتفوهو من ( أمو) قبال ينجض زي الناس .. الزمن بقى صعب خلاس .. ههه .. ومابيدي فرصة للخيارات والعزّيل داك شين وده سمح .. هسه النسوان حقاتنا بقن يرتابن في أي صديقة .. تكتّر زياراتها للبيت وبيلعبن معاها لعب ضاغط .. من قولة تيت لامن تتخارج به البيت .. خوفا من التسييك في القبول وكده .. ههههه .. أو أي انفراد بالمرمى أوالتهديف في الشبكة من خارج الـ (18) .. ومال انت فاكر ايه سوقنا كرجال متودكين بقى حار خالص .. أي واحدة تفرّط الزمن ده .. تاكل هوا طوالي .. هههههههه ..
كلّم وضاحة دي تغيير الجايزة سريع بالله .. هههههه ..
Post: #99 Title: Re: *** جائزة لي وجيه وسيم سودانيز اون لاين *** Author: وضاحة Date: 10-23-2017, 04:52 AM Parent: #26
ود القوز حواء السودانية والدة الحمد لله يوم 28-30 سبتمبر كان عندنا مؤتمر في دبي كان فيه أطباء سودانين تبارك الرحمن نيران منقد مقيمين في دول مختلفة ولا متزوجين شباب كلهم في الثلاثينات رجال زي الشمس وجاهات واخلاق وعلم وسماحة طبع وأناقة اولاد أسر أصيلة في السودان محترمين جدا تقولي رجال نسوان السكند هاند دا ما بشتغل طوالي بكون محتاج لي عمرة خلينا في الجديد بكون شديد هههههههههه
Post: #98 Title: Re: *** جائزة لي وجيه وسيم سودانيز اون لاين *** Author: وضاحة Date: 10-23-2017, 04:28 AM Parent: #21
ههههههههههههههههه والله يا ود البشر بالغ ابو البت في نصيحتوا للبت عليك الله زول شين دا زاتوا بصابحوا كيف اجمل شي في الدنيا لما تفتح عيونك من النوم تشوف منظر جميل يفتح نفسك للدنيا يخليك تتفائل انا بتشائم من الناس الشينين ويومي كلوا بكون خربان لو شفت لي زول شين هههههههههه
يا حاتم الجماعة ديل اختفوا مالن والله فاقدين ود الموج كان لي صولات وجولات وضرب زي الضرب شي براطيش وشئ حيزبونات هههههه طير ليك الفيلة طيرت ابريش من الدريش هههههه وخاصة مجنون الإمارات ابو جنزير كانت لنا ايّام الله لا عادن ههههههه
انت يا عثمان ما تصعبها كمان خلينا نشوف المتنافسين اول وبعدين نقيمن بس اوعاااكم من الفوتوشوب والكذب في العمر قبل كدة واحد قال عمري 33 طلع 43 وصلعتوا زي صلعة ود المدير 😆😆😆 ومرسل صورتو بتاعت الثانوي 😂😂😂
Quote: و أنا فهمت أنه يقصد أن الأخت وضاحة تبحث عن عريس لزولة ما، وأن عليها ، بحسب فهمي لمداخلة الأخ aosman المعنية ، أن على الأخت وضاحة أن تقول مواصفات العروس بما يقابل المواصفات الخاصة بوجيه وسيم عريس منبرنا من حيث الطول،اللون، إلخ....
شيخ قصي, فهمك مظبوط مية المية, هذا هو قصدي
Post: #25 Title: Re: *** جائزة لي وجيه وسيم سودانيز اون لاين *** Author: أحمد سيداحمد عثمان Date: 10-20-2017, 07:58 PM Parent: #23
لو كان العمر بين ٢٥:٤٠ ،كنا شاركنا😄😄😄. غير كدة نحن برة السباق دا.
Post: #30 Title: Re: *** جائزة لي وجيه وسيم سودانيز اون لاين *** Author: جمال ود القوز Date: 10-20-2017, 08:14 PM Parent: #25
يا أبو حميد في خيارات للهواه وغير المحترفين .. فانت قدّم أوراقك .. وارمي جبادتك .. فلو ما قبضت ليك بلبوط كبير .. بتمرق ليك بي شلباية صغيرونه وكده .. ههههه ..
Post: #38 Title: Re: *** جائزة لي وجيه وسيم سودانيز اون لاين *** Author: أحمد سيداحمد عثمان Date: 10-20-2017, 08:48 PM Parent: #30
Quote: . يا أبو حميد في خيارات للهواه وغير المحترفين .. فانت قدّم أوراقك .. وارمي جبادتك .. فلو ما قبضت ليك بلبوط كبير .. بتمرق ليك بي شلباية صغيرونه وكده .. ههههه ..
الدكتورة وضاحة حيرتي الجنيات يا قول الحبوبات بالمناسبة واحد من نواحي الفيس (إتحاد المعلمين) قال لي أسأل لينا الدكتورة من منافستنا مع الجماعة قلت ليو شوف إنت وين من دا
Quote:
ياخي انا كرهتي في الدنيا الناس الشينين والطبعن شين خاصة النوع الموهوم البتلقي ليئم داك وفاكيها في نفسوا
قال برة أها ما رأيك في منافسة ناس الفيس شنو؟ ____ الحليلة
Post: #37 Title: Re: *** جائزة لي وجيه وسيم سودانيز اون لاين *** Author: محمد عبد الله الحسين Date: 10-20-2017, 08:33 PM Parent: #32
الاخت وضاحة مساء الفل تصدقي كنت عايز أنزل صورتي لكن من اول شرط لقيت نفسي ساقط .....خليك من باقي الشروط.. عشان كمده رضينا بمقاعد المتفرجين.. المهم الجالاكسي حلال للبيستحقوا ...و لا عزاء لينا و للمتفرجين.
محمد البشرى البطاريته بتضرب النوت ٧ ومش النوت ٨،،، وعلى حسب خبراء الهواتف الجوالة فان افضل هاتف جوال نزل السوق حتى الان هو الجالاكسي نوت ٨...وهو اغلى نوع حتى الان .. ما تقلل من قيمة الجائزة،،، وقدم للجائزة احتمال نسبة فوزك تكون نسبة كبيرة، والمهم من الشروط الموضوعة عرفنا ان ود حلتنا ود المدير والباشمهندس بكري خارج المنافسة،(وش باسم).. ودمت بخير وعافية وضاحة يا حب ..ازيك... خففي من الشروط شوية، شروط صعبة ،،،
متاوقة و كدا انا دارس مرحلة اساس لكن برشح الآتيو اسماؤهم معاوية الصايم 37 سنة علي الفكي 40 سنة و ستة شهور حمد عبد الغفار ما عارف عمرو و لو عايزين تعملوا ليهو تسنين الا تودوا ناس الآثار
Post: #115 Title: Re: *** جائزة لي وجيه وسيم سودانيز اون لاين *** Author: وضاحة Date: 10-25-2017, 04:11 AM Parent: #44
امجد ههههههههه حلاتك والله انت لسة صغير ما بتنافس ما اجدادك نشوف ليك مسابقة صغار السن 😂😂 معاوية دا ما فاضي لمسابقة مشغول بي بشه والخطوط القطرية كوز امريكا الجاسوس 🤣🤣 اما علوي دا سيد الريدة والاخلاق بستاهل سيارةلامبورجيني فينينو مو موبايل ربنا يحفظوا ويخلي لي 😍🌹☺️
Post: #114 Title: Re: *** جائزة لي وجيه وسيم سودانيز اون لاين *** Author: وضاحة Date: 10-25-2017, 03:43 AM Parent: #42
بسمة يا حب دا كلام سليم بطارية النوت ٧ هي الضربت واتسحب الموبايل من السوق ابو حتحوت دا انسي كان بنافس زماااااان هسي بقي زول معايش ساااي😜😆
Post: #113 Title: Re: *** جائزة لي وجيه وسيم سودانيز اون لاين *** Author: وضاحة Date: 10-25-2017, 03:39 AM Parent: #37
محمد عبد الله بالله دي صورتك والله تشرفنا وسعدنا بشوفتك معليش حظ اوفر للعيال😜😀
Post: #45 Title: Re: *** جائزة لي وجيه وسيم سودانيز اون لاين *** Author: محمد حيدر المشرف Date: 10-20-2017, 10:49 PM Parent: #1
بلا شروط بلا بتاع .. رسلي الموبايل على HMC 3050
Post: #46 Title: Re: *** جائزة لي وجيه وسيم سودانيز اون لاين *** Author: معاوية المدير Date: 10-21-2017, 03:30 AM Parent: #45
غايتو جلكسي ؤ طش، شوفولنا مسابقة صلع .
Post: #47 Title: Re: *** جائزة لي وجيه وسيم سودانيز اون لاين *** Author: محمد عبد الله الحسين Date: 10-21-2017, 05:52 AM Parent: #46
وضاحة صباح الخير
الإعلان شكلو مضروب يعني مفصّل بالمقاس على زول... ما بجيبه اسمه عشان الهوا بشقِسمه عشان كده اخير ننسحب بكرامتنا.....أقصد بي شناتنا
Post: #48 Title: Re: *** جائزة لي وجيه وسيم سودانيز اون لاين *** Author: جلالدونا Date: 10-21-2017, 05:59 AM Parent: #47
يا ود المشرف سيب سلبطة اولاد قلبا دى من ضمن الشروط الوسامة عامل وشك المطفق زى تربيزة اللحام ده وضاحة انا كيف مع الوسامة كمان سماحة الطبع الهدية بنردها دبل هدى و رضى و كمان معروض فى السوق صغير و بقرا لكن ممكن اغير رايى فى القراية 180 درجة اذا حكم الظرف الجميل
Post: #49 Title: Re: *** جائزة لي وجيه وسيم سودانيز اون لاين *** Author: عبدالحفيظ ابوسن Date: 10-21-2017, 06:14 AM Parent: #48
بطلوا لولوة يا جلال الشرط الاول لدخول صالة المسابقة قبل المنافسة العمر .. بعد داك يجسوك ! انتو مارقين كيت من قولت تيت انا غايتو خاشي خاشي وجوة بنجازف الجايزة علا ما ورتنا المقايس علي إينهي ميزان ؟ الميزان الافريقي ولا العربي ولا الاوربي ولا الامريكاني ولا الواحد يشنق طاقيتو الحمرا ويجيب فرارو ويجي
Post: #50 Title: Re: *** جائزة لي وجيه وسيم سودانيز اون لاين *** Author: محمد البشرى الخضر Date: 10-21-2017, 07:18 AM Parent: #49
هوي يا جلاكين.. اي واحد يغير البروفايل ويخت صورته الشخصية بعد تاريخ البوست دا لايمكن نتعامل مع المسالة دي بحسن نية و صدفة كدا هي كبكبة ليس إلّأ
بعد إذنك يا ود القور ارد على بسمات يا بسمات بت الشيخ , ما مشكلة الفكرة اساسا ما البطارية زاتها ولا عيب النوت 8, الفكرة بعد مرقنا من المنافسة من قولة تيت لسان حالي يقول الما يطول العنب حامظن عنّه يقول
Post: #51 Title: Re: *** جائزة لي وجيه وسيم سودانيز اون لاين *** Author: فيصل محمد خليل Date: 10-21-2017, 07:27 AM Parent: #50
http://www.up-00.com/
كدا نكون قفلنا البوست
Post: #58 Title: Re: *** جائزة لي وجيه وسيم سودانيز اون لاين *** Author: Ali Alkanzi Date: 10-21-2017, 10:09 AM Parent: #51
الاستاذ فيصل انت رجل رائع ارفع من السامسونق بس خربتها بتنزيل صورة حديثة صورة البروفايل كانت كفاية تمشي تنزل لينا الكلها شعر ابيض دي ليه؟ ما بتعرف تصبق الشعر زي الكنزي ولا تحننو زي مولانا الامام والله القيمة الادبية العندك انا لو في محل آل ثاني ديل أقصد وضاحة اقفل المسابقة وابلغ بكري ابو صلعة ليرفع البورد عالياً ويتم تسليم الجائزة لفيصل في احتفال رسمي بس انا رسل لي القديم العندك اسا بشتغل في السودان مودتي
Post: #95 Title: Re: *** جائزة لي وجيه وسيم سودانيز اون لاين *** Author: Ali Alkanzi Date: 10-22-2017, 04:59 PM Parent: #51
غايتو لو شرحت لي كيف بنزلو الصور يا اخ فيصل بس بموية وراحت عليكم جون ترافولتا في السبعينات ح يظهر في القرن الواحد وعشرين بس انت اقدر وريني كيف انزل صورتي جنس صبغة شعر وحلاقة دقن قميص كم طويل لون سماوي لون الهلال مع انو انا من الصفوة
Post: #131 Title: Re: *** جائزة لي وجيه وسيم سودانيز اون لاين *** Author: وضاحة Date: 10-27-2017, 06:40 AM Parent: #51
فيصل صديقي هههههههههههه عسل أنت والله العظيم يا وجيه الزمن الجميل وأجمل شي فيك ثقتك بي نفسك والله تستحق الجائزة خليك متابع اصلوا شكلهم في النهاية ما بنزلوا لينا الصور بتاعتن خاصة ود القوز وجلال فخليك قريب
Post: #52 Title: Re: *** جائزة لي وجيه وسيم سودانيز اون لاين *** Author: حامد بدري Date: 10-21-2017, 07:29 AM Parent: #50
صباح الخيرات عندي صورة قبل تلتين سنة تنفع مجيدو واللرباب اكلو نيم كااااااااااااااااك
Post: #53 Title: Re: *** جائزة لي وجيه وسيم سودانيز اون لاين *** Author: عمر التاج Date: 10-21-2017, 08:03 AM Parent: #52
الخستكة دي يا وضاحة ما كانت ضمن الشروط .. اوعك تنطي او تجيبي سيرة الحمبرة كمان. وبعدين مخستكة بوستي ولا بوستك المنفس الفصلتي شروطك علي .. كان تكلميني في الخاص وتقولي عندي هدية ليك .. او كمان تلعبي الجمهور شوية و تعممي الشروط عشان توسعي الفرص خخخخخ (مابتاعة طلحة) المهم انا مابخش المنافسة الا تعلني الجائزة الحقيقية .. ومن اجل عدالة المنافسة وتفادي حظ ابوحتوت، حا ادخل في النهاية بسهمين، انا وشافعي ده.
Post: #54 Title: Re: *** جائزة لي وجيه وسيم سودانيز اون لاين *** Author: عبدالعظيم مكى Date: 10-21-2017, 08:03 AM Parent: #52
كل المواصفات + دكتوراه الهندسة + استاذ جامعى
الجاڈزة لو كانت عروس تكون افضل بالعدم رسلى الجلاكسى.
Post: #55 Title: Re: *** جائزة لي وجيه وسيم سودانيز اون لاين *** Author: معاوية المدير Date: 10-21-2017, 08:51 AM Parent: #54
Quote: الجاڈزة
غايتو البيقرأ دي أنا بديهو 2 جلكسي من ابو تمانية ...
Post: #56 Title: Re: *** جائزة لي وجيه وسيم سودانيز اون لاين *** Author: طلحة عبدالله Date: 10-21-2017, 09:53 AM Parent: #55
يا وضاحة لو عايزا صور أمشي على الواتس هناك ممكن يرسلو ليك بدل الصورة عشرة تختاري انتي العايزاها وتبني عليها مستقبلك ................
يا جماعة بوست النجار والنبلة يعرض الآن
Post: #57 Title: Re: *** جائزة لي وجيه وسيم سودانيز اون لاين *** Author: أحمد الشايقي Date: 10-21-2017, 10:06 AM Parent: #56
غايتو الجائزة دي كان ختت معتصم دفع الله
يكون فيها ملعوبيـة
أحمد الشايقي
Post: #59 Title: Re: *** جائزة لي وجيه وسيم سودانيز اون لاين *** Author: Ali Alkanzi Date: 10-21-2017, 10:11 AM Parent: #57
الاستاذ فيصل انت رجل رائع ارفع من السامسونق بس خربتها بتنزيل صورة حديثة صورة البروفايل كانت كفاية تمشي تنزل لينا الكلها شعر ابيض دي ليه؟ ما بتعرف تصبق الشعر زي الكنزي ولا تحننو زي مولانا الامام والله القيمة الادبية العندك انا لو في محل آل ثاني ديل أقصد وضاحة اقفل المسابقة وابلغ بكري ابو صلعة ليرفع البورد عالياً ويتم تسليم الجائزة لفيصل في احتفال رسمي بس انا رسل لي القديم العندك اسا بشتغل في السودان مودتي
Post: #64 Title: Re: *** جائزة لي وجيه وسيم سودانيز اون لاين *** Author: جمال ود القوز Date: 10-21-2017, 04:06 PM Parent: #60
.
Post: #65 Title: Re: *** جائزة لي وجيه وسيم سودانيز اون لاين *** Author: بله محمد الفاضل Date: 10-21-2017, 04:27 PM Parent: #64
العنوان واضح يا وضاحة ولا ما واضح عشان أرسله ليك تاني...
Post: #169 Title: Re: *** جائزة لي وجيه وسيم سودانيز اون لاين *** Author: وضاحة Date: 11-04-2017, 06:32 AM Parent: #65
بلة يا بلة دق الرقم جلا هاهاهاها انت وجه والله بس العمر كيف ؟😉
Post: #66 Title: Re: *** جائزة لي وجيه وسيم سودانيز اون لاين *** Author: جمال ود القوز Date: 10-21-2017, 05:18 PM Parent: #64
Quote: بعد إذنك يا ود القور ارد على بسمات
ههههههههههه .. يا هيثمنا ..ود البشرى أداني خاطرو ... وصفّاني على جنب .مقبوله منو .. لان بسمات الرايقة ست الجيل تستاهل .. يصفونا ليها ..
ولاّ انت ضحكتك على جليتو لحرف الزاي ..
تعديل الاقتباس والله بقى حاجة لا تطاق ......
Post: #67 Title: Re: *** جائزة لي وجيه وسيم سودانيز اون لاين *** Author: فيصل محمد خليل Date: 10-21-2017, 05:31 PM Parent: #66
صديقي Ali Alkanzi مرة نزلت الصور بتاعت البوفايل قام المسنوح الطيب شيقوق قال لي عامل عيونك المبقبقات دي ذي عيون ابراهيم دقش هههههه .فقنا نجيب صورة تانية يمكن نخرط بيها الجماعة لكن على ما يبدو في الاحتياطي ما بيشيلوني .و بشروطهم دي امر جنب البوست ساكت ما عندي حق . شكراً المداعبة
Post: #72 Title: Re: *** جائزة لي وجيه وسيم سودانيز اون لاين *** Author: Ali Alkanzi Date: 10-21-2017, 07:59 PM Parent: #67
سلام استاذ فيصل وشكرا لصاحبة الطرح ولكن ليس هناك داعبة انا بكلمك جد حتى طرحك في المنبر يختلف كثيراً عن الطرح العام بس بالله حصل عرض آل ثاني ديل يا زول ح يرجعوك الف عام وبعدين يبقن 5 الف عام عشان تمشي لجدك بعانخي مش ناس آل ثاني جو من قطر عشان يتفرجو فوقو؟ مودتي
Post: #68 Title: Re: *** جائزة لي وجيه وسيم سودانيز اون لاين *** Author: محمد البشرى الخضر Date: 10-21-2017, 06:06 PM Parent: #66
سوري على الخطأ في كتابة القوز يا قريبك - خطأ طباعة وكدا لكن شكلك you missed النكتة في مسالةالإستئذان
Post: #73 Title: Re: *** جائزة لي وجيه وسيم سودانيز اون لاين *** Author: abas Date: 10-21-2017, 08:25 PM Parent: #68
اها بس يا وضاحه
حية صليعه ما بتمشيها
صليعه شويه بس
Post: #183 Title: Re: *** جائزة لي وجيه وسيم سودانيز اون لاين *** Author: وضاحة Date: 11-12-2017, 10:44 AM Parent: #73
عزو يا جميل قلت لي الصلع خشم بيوت هههههه تعرف لو الرأس كلوا مصلع مافي شعر بكون احسن من الجلاحات ههههه والله صحي الجلاحات زي الزول البادي موضوع وما قادر يكملوا 😂😂😂
Post: #74 Title: Re: *** جائزة لي وجيه وسيم سودانيز اون لاين *** Author: جمال ود القوز Date: 10-21-2017, 08:59 PM Parent: #68
ابدا يأخ مافي حاجة اصلا انا شفتها قبل هيثم .. وفوّتها لان اخطاء الكيبورد الواحد بيصححها وهو بيقرا .. لكن جيبت هيثم للكوت هي الخلتني أعلّق عليها .. قلت ربما هيثم قاصدا أو قاصد انك فتحت لي بيبسي .. على أساس لا يُفتى ومالك في المدينة .. لكن طاشت سهامي .. فيا تدوني قروشي وتنزّلوني في اقرب محطة .. يا كمان توصلوني معاكم ولكم أجر فضل الظهر .. ..
حكاية الاستئذان دي فعلا I missed it ..
انتو الاقتباس ده ما كان شغال كويس .. بكري تاني مشى هبشو مالو ؟ ..
Post: #80 Title: Re: *** جائزة لي وجيه وسيم سودانيز اون لاين *** Author: Ahmed Alim Date: 10-22-2017, 05:32 AM Parent: #74
كل الشروط متوفرة بس الجايزة دي كحيانة يا وضاحة!
Post: #81 Title: Re: *** جائزة لي وجيه وسيم سودانيز اون لاين *** Author: Khalid Saeed Date: 10-22-2017, 07:09 AM Parent: #80
مجيدو واللرباب اكلو نيم كااااااااااااااااك
__________________ هههههههههههههههههه حامد مجيدوا ما بياكل عيش معانا ( ياكل سمك بس ) ههههه عالم بطاااااااااله
الملكة وضاحة ، النوت اعملي لينا فيهو شاشة ضد الكسر هههههههههههههههههههههههه
Post: #82 Title: Re: *** جائزة لي وجيه وسيم سودانيز اون لاين *** Author: محمد عبد الله الحسين Date: 10-22-2017, 07:34 AM Parent: #81
والله يا وضاحة إنتي حريفة خلاص ! دي شنو النيران الولعتيها في الناس دي؟ كل واحد قام على سحارته يطلع في صوره...و آخر لِمّيع و حركات.
بالمناسبة الصورة حقتي الفي البروفايل دي ما للمنافسة....دي للتسخين و الإحماء بس.....بتاعة المنافسة دي براااها. و الله بوست دمه خفيف و ظهرت خفة دم من ناس ما كنا بنعرفهم..زي علي الكنزي.. تحياتي للجميع و حظ سعيد لي و حظ سعيد ليكم في المسابقات الجاية.
Post: #83 Title: Re: *** جائزة لي وجيه وسيم سودانيز اون لاين *** Author: هشام المجمر Date: 10-22-2017, 07:40 AM Parent: #82
ده بوست شرك
هههههههههههههههههههههههههههههه
Post: #84 Title: Re: *** جائزة لي وجيه وسيم سودانيز اون لاين *** Author: حامد بدري Date: 10-22-2017, 07:43 AM Parent: #81
Quote: الملكة وضاحة ، النوت اعملي لينا فيهو شاشة ضد الكسر
اللرباب ات ماك نصيح والجلحات المهم الكلام على الاخلاق نديك فوقا جايزة ترضية ان شا الله اب لمبة اسمعني اتا سمعتا الغنية بتاعت ما رات عيناي مثالك
Post: #85 Title: Re: *** جائزة لي وجيه وسيم سودانيز اون لاين *** Author: Khalid Saeed Date: 10-22-2017, 07:48 AM Parent: #84
هههههههههههههههههههههههه ياحمدونا .. ياخي الغنية دي وحات مجيدوا عارف قالواها في منو زاطووو ههههههههههههههه بالنسبة لي الجلحات ، دي نقطة ضعف ميجدوا
اما حكاية الطول والعلا .. أعتقد دي اتحسمت منذ أن رمانا الفن السودني بي اغنية قنبلة سماحت الزول في الطول والعلا وكما ا خاف الكضب اقدر اقول قالوها كذلك في منو زاطوووو المهم .. النوت باللي دايرونوا لونوا فوشي لأنو داير اهديهو لي زولة عزيزة علي ههههههههههههههههههههههه
والله شروطك دي زي شروط الفكي القال للجماعة عايز لي ديك اعور وخروف اشول ..... لكن خلينا احتياطي وبالعدم شوفي لينا دوري المجموعات عشان امكن نفوز بي عروسة تانية عفوا قصدي جائزة تانية في سودانيز اونلاين دي .... ههههههههههههههههه . خلاص الجلاكسي لو صعب عليك خلي ربيكا ،،،،،،،،، وانا راضي باختياري خلوني على ناري عليى نار على ناري خلوني على ناري ...... غايتو البوست ده كان ما نفعك تاااني الا ترجي العبد لله ..... هههههههههههههههه . بالتوفيق يا دكتورة .
تحياتي : ياسر العيلفون ...........
Post: #90 Title: Re: *** جائزة لي وجيه وسيم سودانيز اون لاين *** Author: الحاج حمد الحاج Date: 10-22-2017, 02:13 PM Parent: #86
Quote: - العمر ان يكون بين 30 - 402- يشهد له أعضاء المنتدي بحسن الأخلاق والتهذيب والاحترام3 - ان يكون طويل القامة 4- وسيم الملامح 5-انيق المظهر6- شعر الرأس يكون كاسي خالي من الجلاحات والصلعة ( دا شرط مهم جدا) 7- لونو يكون اسمراني السمرة الحلوة ديك
زول بي مواصفات زي دي هو البحدد الشروط المطلوبة في عروسو أقصد جائزتو (وجوه ضاحكة)
انا غايتو بالنسبة لي الشرط نمرة ٢ هو اهم شرط بالنسبة لي وما يهم تاني باقي الشروط وحاضيف لجائزة وضاحة لاتوب جديد لنج من ماركة Dell من ينطبق عليه الشرط نمرة ٢ فقط،،، ..وبرضه بالنسبة لي الشرط نمرة ٢ هو اهم شرط في شريك الحياة الذي سيقاسمني السراء والضراء مدى العمر وما يهم باقي الشروط ،،،(اها المافي شنو تاني)!! ودمتم بالف خير وصحة وعافية
Post: #121 Title: Re: *** جائزة لي وجيه وسيم سودانيز اون لاين *** Author: Ali Alkanzi Date: 10-25-2017, 10:22 AM Parent: #91
اهلاً بابنتنا العزيزة Basamat Alsheik اسا يا بنتي ما لخبتي القصة دي بالعرض الاضافي عدة جوائز لرجل واحد؟ فرتقوها شوية لخلوها لمافوق الستين وما دون الستين احسن والله كان كدا حظ اعضاء المنبر شئ جلاكسسي ٨ وشي لابتوب دل وشئ عروس اسمها Basamat Alsheik واظنها في امريكا أو هكذا افهم بالله اسا انحنا كشفنا اوراقنا ليه مش كان الواحد ينزل صورتو ويسكت على كدا؟!!!! أنا غايتو عمري زي عمر امي رحمة الله عليها لمن ماتت عمرها ٣٤ سنة وقتها كنت أنا فوق ال ٤٥ سنة خلاص كان كدا بطلب من سيد الحوش عضوية جديدة باسم آخر ونحصل المولد ليلة قدر يا شباب المنبر خلو فيكم همة
Post: #130 Title: Re: *** جائزة لي وجيه وسيم سودانيز اون لاين *** Author: د.محمد بابكر Date: 10-27-2017, 06:29 AM Parent: #121
وضاحة و ضيوفا صباحكم ورد و الله الذ زول اخونا فيصل خليل و قفلته للبوست شايفكم ما اشتغلتوا بيها.. انا طبعا مع اخوي الكنزي، ناس بوني ايم و سيفركونفينشن و الذي منه لكن حبيت احكي ليكم حاجه لذيذة بتحصل كل يوم تقريبا في بريطانيا و هي انك لمن تتصل باي جهة اول شيء بسألوك منه اسمك و تاريخ ميلادك و عنوانك و الموضوع ده زي ما قالت وضاحة في ناس ما بدوروهوا منهم زوجتي فانا طوالي في حالة( تعال اضرب للسغيلين ديل) ههههههه. فيا الكنزي يا خوي ده بوست ملغوم و كتر خير اخونا فيصل حاول يقفله لكن وضاحة شكلها ناوية تجيبا ضقلا يكركب.. شاكر و الله علي البوست الدمه خفيف يا وضاحة علي الاقل طلعتينا من بؤس السياسة و لو مؤقتا.. تحياتي
Post: #138 Title: Re: *** جائزة لي وجيه وسيم سودانيز اون لاين *** Author: Osman Musa Date: 10-31-2017, 03:17 PM Parent: #91
يا دكتورة ال 40 دي بتخوف المتقدمين عشان شرك التجنيد الإجباري خليها لاحدود ال 60 مع قبول الجلحات البقت زي عود النبلة .
Post: #155 Title: Re: *** جائزة لي وجيه وسيم سودانيز اون لاين *** Author: Osman Musa Date: 11-01-2017, 04:36 AM Parent: #91
يا دكتورة ياخ شرطك حق بين آل 30 و ال 40 ده قضيناهو في منبر بكري ابوبكر ده . دحين دبلي لينا الشغلة دي كان نكابس تمرق لينا بي جلكسيات .
Post: #175 Title: Re: *** جائزة لي وجيه وسيم سودانيز اون لاين *** Author: willeim andrea Date: 11-07-2017, 12:20 PM Parent: #90
جنس غايتو بس
... أبو سنينه بيضحك علي أبو سنينتين
:)
Post: #186 Title: Re: *** جائزة لي وجيه وسيم سودانيز اون لاين *** Author: دفع الله ود الأصيل Date: 11-12-2017, 11:18 AM Parent: #86
أمبارح دي على السودانية 24 ، كنا بنحضر في تكريم جامعة المشرق لمحمد ميرغني و منحه الدكتوراة الفخري(الموضة الطالعة) و غنو غناه فيها ناس فرفور و آخرون. فلما جاءت لحظة الصفر ظهر عمنا المحتفى به متأثراً حداً بحفاوة اللقاء. فقعد يعدد في زملاء صباه في المدرسة.تذكر منهم أتنين بس ، مثلاً عمك علي الكنزي و ود القوز؛و الباقين طارو ليهو . فكان جنبو عبد المطلب الفحل لكزو ؛ قاللو:يازول قول (توت عنــخ آمــون). فوالله الجمهور قرب ينفقع من الضحك.
Post: #195 Title: Re: *** جائزة لي وجيه وسيم سودانيز اون لاين *** Author: Yousuf Taha Date: 12-10-2017, 02:57 PM Parent: #86
ست البوست سلام
عارفة اجمل مافي البوست دا صورة عمنا فيصل خليل ياسلام صورة جميلة والله
Post: #199 Title: Re: *** جائزة لي وجيه وسيم سودانيز اون لاين *** Author: Ali Alkanzi Date: 12-28-2017, 09:15 PM Parent: #198
يا زولة سيبك من كوستاوي دا وما اليه والله اليوم ونحن على نهاية السنة لقيت ليك صاحب الجائزة وهذا تعليقي له في احد مداخلاتي اليوم:
Quote: الاخ الدكتور محمد عبدالله الحسين، والله مع اخر السنة دي ح نتغزل عديل في صورة عضو اسمو محمد عبدالله الحسين و ح ادي خبر عاجل لوضاحة انو تجي بسرعة وتشوف صورة البروفايل الكانت مدسوسة لدكتور محمد عبدالله الحسين وقبال ما يحسبا بالله دي صورة ادسوها ورا واحدة بتدخن عارف من اليوم دا كلو اطروحات ومداخلاتك لمحمد عبدالله الحسين وح نجري ليها جري مش عشان المعلومة الفيها بس لكن برضو عشان نكحل عيونا بالله سلفني القميص والبدلة اصور بيهم وارجعهم ليك لأني نواي ادخل مسابقة وضاحة خاصة ولسا ما اعلن الفائز غايتو إذا وضاحة لقت الصورة دي تاني حظوطنا صفر عديل كدا لك ودي وسلامي وعين باردة عشان ما تقول الكنزي سحرني
Post: #185 Title: Re: *** جائزة لي وجيه وسيم سودانيز اون لاين *** Author: وضاحة Date: 11-12-2017, 11:15 AM Parent: #81
يا مك احلي شي في النوت لو عاوز تفتحوا تستخدم وجهك كا بصمة وتكون الباس ويرد علشان يفتح 🤣🤣🤣
Post: #184 Title: Re: *** جائزة لي وجيه وسيم سودانيز اون لاين *** Author: وضاحة Date: 11-12-2017, 10:49 AM Parent: #80
احمد ثقة شديدة ههههههه طيب نزل الصورة علشان نحكم ونغير الجائزة كمان لو طلعت الشروط متوفرة 🤣🤣🤣🤣
طلحة يا وهم الواتساب والصور علاقتها بمستقبلي ايه !!!؟
Post: #168 Title: Re: *** جائزة لي وجيه وسيم سودانيز اون لاين *** Author: وضاحة Date: 11-04-2017, 06:24 AM Parent: #54
عبد العظيم مكي صباح الخير كل المواصفات دي نحن ما شفناها هاهاهاها نزل الصورة لو انطبقت عليك تستاهل العروس والجائزة في انتظار الصورة 😉 تحياتي
Post: #132 Title: Re: *** جائزة لي وجيه وسيم سودانيز اون لاين *** Author: وضاحة Date: 10-27-2017, 06:47 AM Parent: #52
ود البدري ألمك ود الأرباب وزعيم الرتانة مجيدو بنافسوا خاصة في خفة الدم و حلاوة الروح ممكن نضيف الشرط دا هههههه جيب صورتك يمكن تنافس غايتوا بضمن ليك تنافس مجيدو ههههههه
Post: #129 Title: Re: *** جائزة لي وجيه وسيم سودانيز اون لاين *** Author: وضاحة Date: 10-27-2017, 05:50 AM Parent: #50
ود البشر دا الكلام المفيد عاوزين الصور يا جماعة علشان لجنة التحكيم تحكم ونرسل الجائزة يلا يا شباب
Post: #128 Title: Re: *** جائزة لي وجيه وسيم سودانيز اون لاين *** Author: وضاحة Date: 10-27-2017, 05:46 AM Parent: #49
ود ابسن علي الميزان الأفريقي مش إنتوا افارقة العرب ما بتقدرو علي ميزانن ههههه شنق طاقتك ساي ونزل صورتك علشان نحسم المسابقة ههههههه زكرتني صاحبتي دكتورة كندية مرة زارتني في بيتنا في كندا في المجلس بتاعنا ابوي خاتي صورة اثرية لي رجال من السودان شكلهم من البطاحين لابسين عراقي وسديري وسروال ومشنقين طواقيهم وشايلين عصايات واحد فيهم خاتي العصاية في كتافينوا واقف بعاين للإبل والباقين قاعدين في الزراعة و الإبل سارحة في المزرعة وملامحن سودانية جميلة قامت وقفت عاينت للصورة مسااافة وقالت لي يا جاسي الرجال الزِّي ديل يلقوهم وين🤣🤣🤣 قلت ليها موجودييين في السودان أرح معاي السودان لو عاوزة تتزوجي منهم ضحكت شديد 😆😆😆
Post: #126 Title: Re: *** جائزة لي وجيه وسيم سودانيز اون لاين *** Author: وضاحة Date: 10-27-2017, 05:29 AM Parent: #48
جلال صباح الخير ود المشرف والله وجيه بس مشكلتوا قصير مابنافس وين صورتك علشان نحكم منتظرين الصورة يلا استعجل ما تفوت الفرصة😉
Post: #118 Title: Re: *** جائزة لي وجيه وسيم سودانيز اون لاين *** Author: وضاحة Date: 10-25-2017, 04:37 AM Parent: #47
صباح الورد ابدا والله ما مقصود عضوء بعينه المشكلة معظمن ماعندهم ثقة في نفسهم وما عاوزين ينزلوا وخايفين ما ادري ليش
Post: #119 Title: Re: *** جائزة لي وجيه وسيم سودانيز اون لاين *** Author: الطيب شيقوق Date: 10-25-2017, 05:37 AM Parent: #118
وضاحة
إنت طيبة ؟
فيصل كليل
مرة نزلت الصور بتاعت البوفايل
يا زول انت الأول و البرنجي بدون أي منافس حتى د. احمد القرشي ما بلحقك ياخ
ادوهو الجلاكسي بكون محتاج يتلهم بيهو الايمو
Post: #117 Title: Re: *** جائزة لي وجيه وسيم سودانيز اون لاين *** Author: وضاحة Date: 10-25-2017, 04:32 AM Parent: #46
ود المدير هههههههه علي القسم نعمل مسابقة اجمل صلعة تاخد الجائزة بدون منافس صلعتك تحفة غايتوا مرتاح لا شامبو لا هم حلاقة مريحة وخاصة في الغسيل تبدا غسيل وشك من نهاية رقبتك 😆😆😆😜
Post: #116 Title: Re: *** جائزة لي وجيه وسيم سودانيز اون لاين *** Author: وضاحة Date: 10-25-2017, 04:17 AM Parent: #45
ود المشرف يا وجيه وانا اشهد بس للأسف انك قصير القامة الطول والعلاء قنبلة هههههههههه ود شرط مهم علشان تنافس وجها سودانيز اون لاين حظ اوفر لك في مسابقات اخري ما داخل فيها شرط طول القامة ☺️
Post: #92 Title: Re: *** جائزة لي وجيه وسيم سودانيز اون لاين *** Author: Ali Alkanzi Date: 10-22-2017, 02:50 PM Parent: #1
اعلان مسابقة دكتورة وضاحة تاتي بعد الدقيقة السادسة مباشرة
Post: #93 Title: Re: *** جائزة لي وجيه وسيم سودانيز اون لاين *** Author: walid taha Date: 10-22-2017, 03:56 PM Parent: #1
DKEEN إن لم تكترثوا للون فهو قطعا وسيم وهو فى غنى عن (جلكسيكم) بالمناسبة
Post: #94 Title: Re: *** جائزة لي وجيه وسيم سودانيز اون لاين *** Author: ابراهيم عبد الوهاب Date: 10-22-2017, 04:10 PM Parent: #93
هههههههه اتا يا وليد بتنافس الا بس بوست الهند داك غتسوا
Post: #107 Title: Re: *** جائزة لي وجيه وسيم سودانيز اون لاين *** Author: walid taha Date: 10-23-2017, 02:29 PM Parent: #94
quoteبوست الهند داك غتسوا quote
ابراهيم يا ظريف ياخ البوست ده نعتلو من ربع لربع تقول لى أغتسو ؟ !! :)
تتذكر لمن بكيت جاااااااااك لمن شفت السوداني الشايل البطانية هههههههههههههههههههه
Post: #111 Title: Re: *** جائزة لي وجيه وسيم سودانيز اون لاين *** Author: Ali Alkanzi Date: 10-23-2017, 10:21 PM Parent: #107
ايوا فهمت القصة هذا اسلوب تسويق جديد لسودانوانيزاونلاين بعد التنسيق مع ابوصلعة انا دا اللقيتو في البورد مشهور وسط اعضاء المنبر ب ابوصلعة عشان كدا عايزين تتأمرو انتو الاتنين على كل الاعضاء المسجلين وجبتي مواصفات لا تتوقر في احدهم حتى لو كان علي الكنزي عشان كدا فرصة للشباب السودان الطموحين للحصول على جلاكسي ما عارف رقم كم يتسجلو اعضاء بالمنبر ويخشو المسابقة وانحنا ناس قريعتي راحت حتى احتفال التنصيب وتسليم الجائزة ما يدوعنا ليهو بس أصبري يا دكتورة اتعلم كيف انزل الصورة في البورد شوفي كان ما نزلتا ليك صورتي في آخر السبعينات البورد دا كلو يقوم يرجف أبو الكلب أنا الكنزي واجرك على الله
Post: #112 Title: Re: *** جائزة لي وجيه وسيم سودانيز اون لاين *** Author: Ali Alkanzi Date: 10-23-2017, 10:25 PM Parent: #107
ايوا فهمت القصة هذا اسلوب تسويق جديد لسودانوانيزاونلاين بعد التنسيق مع ابوصلعة انا دا اللقيتو في البورد مشهور وسط اعضاء المنبر ب ابوصلعة عشان كدا عايزين تتأمرو انتو الاتنين على كل الاعضاء المسجلين وجبتي مواصفات لا تتوقر في احدهم حتى لو كان علي الكنزي عشان كدا فرصة للشباب السودان الطموحين للحصول على جلاكسي ما عارف رقم كم يتسجلو اعضاء بالمنبر ويخشو المسابقة وانحنا ناس قريعتي راحت حتى احتفال التنصيب وتسليم الجائزة ما يدوعنا ليهو بس أصبري يا دكتورة اتعلم كيف انزل الصورة في البورد شوفي كان ما نزلتا ليك صورتي في آخر السبعينات البورد دا كلو يقوم يرجف أبو الكلب أنا الكنزي واجرك على الله
والله يا وضاحة إنتي حريفة خلاص ! دي شنو النيران الولعتيها في الناس دي؟
Post: #97 Title: Re: *** جائزة لي وجيه وسيم سودانيز اون لاين *** Author: Basamat Alsheikh Date: 10-23-2017, 00:36 AM Parent: #96
خالد سعيد النوت ٨ ما بيحتاج لبروتكتار ضد الكسر لانك اذا ضربت الشاشة بشاكوش ما بتتكسر زيها وزي شاشة ال LGV10 البيستعملوهو ضباط الجيش الامريكان في الميدان،، ،واظنك ببروفايلك حتكون ضمن العشرة المرشحين بالفوز ، واذا وضاحة دخلتني في لجنة التحكيم ممكن اديك نمرة زيادة لحبك لام المدائن،،،(وش باسم). .ودمت بخير وعافية
Post: #100 Title: Re: *** جائزة لي وجيه وسيم سودانيز اون لاين *** Author: وضاحة Date: 10-23-2017, 05:03 AM Parent: #97
سوف اعود للرد عليكم لاحق جارية الدوام يا بسمات لما تصحي كوني لينا لجنة تحكيم وخليك في المقدمة فارق الزمن عندنا في قطر الحين 7 صباحا يا جماعة والله دا بوست جاد وممكن نعدل الجائزة لي اي فون 10 يلا لي قدام
Post: #101 Title: Re: *** جائزة لي وجيه وسيم سودانيز اون لاين *** Author: Khalid Saeed Date: 10-23-2017, 06:32 AM Parent: #100
خالد سعيد النوت ٨ ما بيحتاج لبروتكتار ضد الكسر لانك اذا ضربت الشاشة بشاكوش ما بتتكسر زيها وزي شاشة ال LGV10 البيستعملوهو ضباط الجيش الامريكان في الميدان،، ___________________________
أووووو بتنا العطبراوية بسمات حبابه طالما انو النوت ما بتأثر بي الشاكوكش يبقى ا ختيار وضاحة لي الهدية ذو معنى كبير ، ومفروض نوت 8 يبقه رمز للإرتباط السرمدي بين المحبين ( قلته كده لأنه افت اي علاقة في السودان هو الشاكوش ) كل يوم نسمع فلان ادوهو شاكوش فلان ادوهو شاكوش ( ههههههههههههههههه )
_____
،واظنك ببروفايلك حتكون ضمن العشرة المرشحين بالفوز ، واذا وضاحة دخلتني في لجنة التحكيم ممكن اديك نمرة زيادة لحبك لام المدائن،،،(وش باسم). .ودمت بخير وعافية __________________________
ومن هذا المنبر نحلف الملكة وضاحة تجعل الملكة العطبراوية بسمات من ضمن لجنة التحكيم
تحياتي ليك
Post: #102 Title: Re: *** جائزة لي وجيه وسيم سودانيز اون لاين *** Author: Nasser Amin Date: 10-23-2017, 08:17 AM Parent: #100
Quote: يا جماعة والله دا بوست جاد وممكن نعدل الجائزة لي اي فون 10 يلا لي قدام
بورك الله في من جمع راسين في الحلال انا بدفع اثنين ايفون بس هي توافق ----//-------///////-----//////// مين هي البتوافق؟ انت خبرنا ونحن ان شاء الله نقنعها ونجهز الشيلة كاملة هدية ليكم مننا وبكري ابو صلعة يكون المأذون لعقد القران قصرنا معاك 😉😂
Post: #177 Title: Re: *** جائزة لي وجيه وسيم سودانيز اون لاين *** Author: Hatim Elmaki Date: 11-09-2017, 00:30 AM Parent: #176
تسلمي بنت الرجال الكرم عندكم مشهود ومعروف وشكرا كثير علي الاغنية حبيت اساهم معاكم في الهدية لكن بعد كلامك دا ههههع افكر في العرس تب
Post: #178 Title: Re: *** جائزة لي وجيه وسيم سودانيز اون لاين *** Author: Hatim Elmaki Date: 11-09-2017, 00:42 AM Parent: #177
تشكرال علي الفديو بس للأسف حاولت افتحوا ما فتح معاي حاولت اجتهد لي اقرب احتمال طلع معاي Kenny G - Jasmine Flower هل هو الفديو المقصود ؟
Post: #182 Title: Re: *** جائزة لي وجيه وسيم سودانيز اون لاين *** Author: وضاحة Date: 11-12-2017, 06:46 AM Parent: #178
تشكرال علي الفديو بس للأسف حاولت افتحوا ما فتح معاي حاولت اجتهد لي اقرب احتمال طلع معاي Kenny G - Jasmine Flower هل هو الفديو المقصود ؟
Post: #200 Title: Re: *** جائزة لي وجيه وسيم سودانيز اون لاين *** Author: Hatim Elmaki Date: 12-29-2017, 01:43 AM Parent: #182
نعم هي من اجمل المقطوعات الموسيقية للفنان العازف Kenny G هي هدية خاصة للناس الزوق والفن وللناس بتسمع حاتم المكي
Post: #204 Title: Re: *** جائزة لي وجيه وسيم سودانيز اون لاين *** Author: Hatim Elmaki Date: 12-31-2017, 00:41 AM Parent: #178
Post: #103 Title: Re: *** جائزة لي وجيه وسيم سودانيز اون لاين *** Author: محمد مجيدو Date: 10-23-2017, 09:02 AM Parent: #1
يا دكتررة ... مشتاقين ..
الواحد ما ينووم ..؟؟؟. العالم دي كلها عايزة الجائزة ..؟؟ طبعا الجائزة دي مفصلة على العبدلله تفصيلن .. شعر بدون جلحات .. وسامة .. عضلات تبش .. خفة في المكنة ..( خفيف ولفيف ) يلا رسلي النوت 8 بس يكون مخطط ابيض واسود ... مافي جائزة تتاكل ؟؟؟ ولو سمك يكون احسن ...
Quote: هههههههههههههههههه حامد مجيدوا ما بياكل عيش معانا ( ياكل سمك بس ) ههههه عالم بطاااااااااله
شكرا وضاحة يا قلب على الثقة في تكوين لجنة تحكيم لاختيار الفائز بالجائزة،،، وانا بقترح اللجنة تتكون من عشرة اعضاء، وعشان ندي فرصة للاعضاء المشاركة في اختيار اعضاء اللجنة فانا بقترح خمسة اعضاء وانتو تختاروا خمسة اعضاء( ظلم مش كده!!؟؟).. واللجنة تكون برئاسة وضاحة والاعضاء المرشحين للجنة التحكيم هم::~ ~ عبد الحفيظ ابو سن ~ نور تاور ~ الشاعر فضيلي جماع ~د. اسامة(اقتراح من اميرة) ~يحى قباني ودمت بالف خير وصحة وعافية والى حين ميسرة ومسرة
Post: #106 Title: Re: *** جائزة لي وجيه وسيم سودانيز اون لاين *** Author: Ahmed Alim Date: 10-23-2017, 01:02 PM Parent: #105
الشابة بسمات بالله شوفي لينا إمكانية المشاركة في الإتنين
الدرب انشحط و اللوس جبالو اتناطن و البندر فوانيسو البيوقدن ماتن بنوت هضاليم الخلا البنجاطن اسرع قودع امسيت و المواعيد فاتن
Post: #120 Title: Re: *** جائزة لي وجيه وسيم سودانيز اون لاين *** Author: محمد عبد الله الامين Date: 10-25-2017, 10:09 AM Parent: #110
ارشح الشاب الانيق الوجيه عز الدين عباس الفحل للفوز بهذه الجائزة يا وضاحه ... وحظا اوفر لباقي المتسابقين ....
Post: #123 Title: Re: *** جائزة لي وجيه وسيم سودانيز اون لاين *** Author: Basamat Alsheikh Date: 10-26-2017, 01:01 AM Parent: #120
احمد عالم والله انت تستاهل.... بس اذا وريتنا اسم الفرعون الاسود الظاهر في البروفايل بتاعك والذي حكم السودان ومصر اسمه منو حنرشحك تكون في لجنة التحكيم وايضا من المرشحين العشرة للفوز بالجائزة،،، ونحن قرينا في التاريخ ان الفراعنة الذين بنوا الاهرامات هم ١٢ فرعون من السودان وحكموا السودان ومصر وبلاد اخرى ،،،وهذا الفرعون احدهم ، ودمت بخير وعافية
Post: #124 Title: Re: *** جائزة لي وجيه وسيم سودانيز اون لاين *** Author: Basamat Alsheikh Date: 10-26-2017, 01:27 AM Parent: #123
Post: #174 Title: Re: *** جائزة لي وجيه وسيم سودانيز اون لاين *** Author: Hatim Elmaki Date: 11-07-2017, 01:05 AM Parent: #124
الاخت بسمات بنت الشيخ ليك تذكرة سفر ذهاب واياب لدبي بس توافق ههههع قصرت
Post: #125 Title: Re: *** جائزة لي وجيه وسيم سودانيز اون لاين *** Author: الطيب عباس Date: 10-26-2017, 05:45 AM Parent: #1
يا وضاحه ازيك تاني .. ناس اوريدوديل امس رسلومسج قالو ايفون x وصل عدلي الجايزة .. وصورنا في بوست ملهم كردفان بتاع عاوزين نشوفكم قبل ما نموت .. او في بوست تعلم لف العمه السودانية بتاعي فتشيهم واحكمي ههههه
دمتي بخير بوست ظريف
Post: #127 Title: Re: *** جائزة لي وجيه وسيم سودانيز اون لاين *** Author: عبدالحفيظ ابوسن Date: 10-27-2017, 05:44 AM Parent: #125
دحين يا بسمات ما اتلومتي فيني لوم اليابا فضيل ترشحيني للفوز ولا تختيني مع لجنة التحكيم لجنة التحكيم للعجايز براك شايفة واضحة قالت من ثمارهم تعرفونهم وثمارنا معلقة فوق علاء عبدالحفيظ عمرو تلاتة سنة وانا اكبر منو ب 33 سنة
Post: #133 Title: Re: *** جائزة لي وجيه وسيم سودانيز اون لاين *** Author: علي محمد الفكي Date: 10-30-2017, 12:56 PM Parent: #127
Quote: اما علوي دا سيد الريدة والاخلاق بستاهل سيارةلامبورجيني فينينو مو موبايل ربنا يحفظوا ويخلي لي 😍🌹☺️
وضاحة السمحة ستهم يا ايقونة الروعه وكل الجمال
Post: #134 Title: Re: *** جائزة لي وجيه وسيم سودانيز اون لاين *** Author: علي محمد الفكي Date: 10-30-2017, 01:10 PM Parent: #133
Quote: اوووو حمد لبد الشوق بلد انا بخير وعافية وتمام التمام الحمد لله لو نزلت صورتي دار جعل بتولع كدي اسال علي الفكي لو قال ينزلوها بنزلها ههههه بس بعدين اركز للصوت لأب توب شنو كمان انت من زمن الأب توب هاهاهاها
وضاحة فجر المشارق السمحه ستهم قولي للبحوز الشمس احذر هناك اللمس ومن تجاوز احترق والبلزم يسلم ويا حمد بعض من وضاحه بتلقاهو في اغنية طلال ( تعلق قلبي ) شعر امرؤ القيس وكلمات الاغنيه تقترب من وضاحة ولكن لا تصلهاا
Post: #135 Title: Re: *** جائزة لي وجيه وسيم سودانيز اون لاين *** Author: Arif Nashed Date: 10-30-2017, 01:24 PM Parent: #134
وضاحة يا قلب ما تعتمدي على الصور،،عندهم صور قديمة من زمن الثانوي والجامعة،،، لكن اعتمدي على راي لجنة التحكيم ،فهم يعرفون كل الاعضاء تقريبا،،، والمهم الحبيبة امتثال اقترحت ٣ اسماء ، بنكتبهم ليك في الخاص ، ولكن فيهم واحد الحرف الاول من اسمه عادل،( وجه ضاحك).. ودمت بخير وصحة وعافية
يا منقة عرفنا الوسامة والوجاهه شئ نسبي والحمد لله . اها العمر دا نعمل معاهو شنو ؟ لو دايرة اختار ابو نضارات اوسم زول حسب عيوني انا اها والعمر ما بطابق في الحالة دي الحل شنو ؟
ميما شكيت محنك ابو نضارات شكلوا كاسر فيك ضلعة هههههه يستاهل وانتي كمان دموا خفيف وزول روحوا حلوة زكرتيني كسيري في ود البشري زمااااان كان وجيه قبل الكبسة والسفر هههههه
Post: #142 Title: Re: *** جائزة لي وجيه وسيم سودانيز اون لاين *** Author: Ali Alkanzi Date: 10-31-2017, 06:02 PM Parent: #141
يا دكتورة شايف بسمات عملت ليك لجنة تحكيم خلاص وكت لجنة التحكيم دي إلا اصحاب المنبر القدما مع اننا اقدم منهم سناً والتصاقاً بسودانيزاونلاين بدأت الكتابة فيها من اوائل هذا القرن لهذا احتفظ لنفسي وارشحها بتحديد الشورط لست SHORT LIST وتضم ثلاث اسامي فقط ما في واحد يفتح خشمو بس مباركة آل ثاني مهمة و وعلى آل ثاني أن يعلموا انهم هم الودني سويسرا يعني كلنا في الحب (قطر) عارفا ظاهرة اللجان الشعبية في عهد نميري عمت القرى والحضر فعندما عدلو السلم التعليمي كان هناك اجتماع في القرية دعي له الاعيان لابلاغهم ان المدرسة الابتدائية تحتاج لبناء فصلين (خامس وسادس) وكان اثرى رجال قريتنا رجل أمي لا يحسن الكتابة ولا القراءة فعندما اجمتع الناس ليلاً بدار النادي بدأ فتح التبرعات ولما جاء دور هذا الثري قال: (انا اتبرع بأن اكون رئيساً لهذه الُجْنَةِ) قالها وهو يحرك الحروف طبعاً خذل الناس لانو كان متوقعين ان يقول أنا اتبرع ببناء فصل كامل وأنا اقتداء بعمي من قريتي اتبرع أن اكون رئيساً لهذه الُجْنَةِ) ولا تسألوني عن الشورط لست واحد لابس جكت والتاني بعمة والتالت خطير جداً يصلح لكل العهود والازمنة بس أوعا يكونو غاشننا ومنزلين صور قبل الف عام
Post: #153 Title: Re: *** جائزة لي وجيه وسيم سودانيز اون لاين *** Author: Basamat Alsheikh Date: 11-01-2017, 02:39 AM Parent: #152
يا عثمان موسى عشان خاطرك لجنة التحكيم ممكن تنظر في تمديد العمر حتى ٥٩ سنة فقط،،، ويا معتصم العزوبية ما شرط،،،حتى ولو عمره ٥٩ ممكن يكون عازب ويتصف بالصفات الروعة المشروطة من قبل د. وضاحة ، والنوت ٨ واللابتوب ديل،،، حلال عليه،،، ودمتم بخير وعافية
Post: #154 Title: Re: *** جائزة لي وجيه وسيم سودانيز اون لاين *** Author: وضاحة Date: 11-01-2017, 04:03 AM Parent: #153
صباح الخيرات عندي صورة قبل تلتين سنة تنفع مجيدو واللرباب اكلو نيم كااااااااااااااااك -----////--///////---------/////-----/////--- ود البدري يا وجيه صباح الورد😂 مجيدو دا احلي البشر عيبوا بس الطول والجلاحات فير كدة مائة مائة اما المك الأرباب محتاج شوية رجيم وجكة 😆😆😆 جكة دي كيف 🤣😜
Post: #156 Title: Re: *** جائزة لي وجيه وسيم سودانيز اون لاين *** Author: Ali Alkanzi Date: 11-01-2017, 06:28 AM Parent: #147
اي يا دكتورة غشيتي كدا بالله وقولي لي:
Quote: عمو علي انت لزيذ هههههههه والله بتموتني بالضحك تعليقاتك
على كل في ثقافتنا المحلية السكات رضا معناها انتي موافقة على تبرعي بأن اكون رئيس اللجنة تانياً معناه انتي موافقة أن اكون مسئول اعداد الشورط لست يا زولا انحنا محبي تميم بنتكلم في الصميم عشان كدا بديكم لأخر شهر اكتوبر سنة ٢٠١٨ ومن بعدها يقفل باب الترشيحات واي واحد ما بسحب استمارة تقديم للمنافسة في لقب جائز وجيه ووسيم المنبر من رئيس اللجنة مقابل تحويل خمسة دولار عن طريق الكريدت كارت لحساب الكنزي في البنوك الخارجية والسويسرية على وجه الخصوص لن ينظر في طلبوا تقررت هذه الرسوم المخففة بعد التشاور مع ممثل آل ثاني بالمنبر يا زولا البوست دا بصل المليون والمليون في خمسة دولار تساوي خمسة مليون ما باطالة بتحسن الاحوال لزول في المعاش لمن تحول امامهم عقبة تحويل الخمس دولار بسبب المقاطعة الاقتصادية او الظروف المالية وهي الفقر المدقع فعليه تقديم طلب لصاحبة السمو الاميرة الدكتور وضاحة آل ثاني لتنظر وقولوا لها: فَانْظُرِي مَاذَا تَأْمُرِينَ ؟ والعاقبة عندكم في المسرات
Post: #157 Title: Re: *** جائزة لي وجيه وسيم سودانيز اون لاين *** Author: Khalid Saeed Date: 11-01-2017, 09:37 AM Parent: #156
ود البدري يا وجيه صباح الورد😂 مجيدو دا احلي البشر عيبوا بس الطول والجلاحات فير كدة مائة مائة اما المك الأرباب محتاج شوية رجيم وجكة 😆😆😆 جكة دي كيف 🤣😜
__________________________
هههههههههههههههههههههههههههههههههههههههه ابشرك يا الملكة وضاحة مشيت اشتركته في نادي ، عشان الرجيم والجكـــــه وكده بعدين كلمي بتنا الملكة العطبراوية بسمات قولي ليها الأرباب بقه يلبس نضارات (ههههههه)
اما بالنسبة لي مجيدو ، فأخير ليهو يمشي يشتري ليهو تلفون ، وكمان يجيب معاهو لي حامد قال نتقايس قال ، طلع العمه ، عشان نجمع ليك كشف تمشي تزرع شعر ههههههههههههههههههههههههههههههههههههههههه
خالد سعيد ود حلتنا اذا الارباب بقى يلبس نضارات ،فكلم الملكة وضاحة توصل الخبر للغالية منى بت عمسيب،، انت ما شايف بت عمسيب بتقول شنو في ابو نضارات..... انا يكفيني زول عنده محبة لعطبرة، والزول العنده محبة لام المدائن قلبه بيتسع ليحب الخير لكل الناس لانه بيكون تجرع الحب والحنان والشهامة والمروءة من تربة وطين ام المدائن المعطونة بالمحبة والود والعشق ودمت بخير وعافية
Post: #159 Title: Re: *** جائزة لي وجيه وسيم سودانيز اون لاين *** Author: د.محمد حسن Date: 11-01-2017, 02:26 PM Parent: #158
https://www.0zz0.com
بالله ياريس فك لينا حظر الوجيه ده عشان ينافس
Post: #160 Title: Re: *** جائزة لي وجيه وسيم سودانيز اون لاين *** Author: وضاحة Date: 11-03-2017, 08:01 AM Parent: #159
الخستكة دي يا وضاحة ما كانت ضمن الشروط .. اوعك تنطي او تجيبي سيرة الحمبرة كمان. وبعدين مخستكة بوستي ولا بوستك المنفس الفصلتي شروطك علي .. كان تكلميني في الخاص وتقولي عندي هدية ليك .. او كمان تلعبي الجمهور شوية و تعممي الشروط عشان توسعي الفرص خخخخخ (مابتاعة طلحة) المهم انا مابخش المنافسة الا تعلني الجائزة الحقيقية .. ومن اجل عدالة المنافسة وتفادي حظ ابوحتوت، حا ادخل في النهاية بسهمين، انا وشافعي ده.
----//////////////////------/------//
صباح الخير ود التاج وجمعة مباركة اصلوا طلع بوست مخستك ما شايف مافي حد نزل صورتوا حمبرة ايه بالله ما تجيب لينا سيرة الشواطين يقوم البوست يطش 😂😜 انت شكلك متهرب وماعاوز تنزل صورتك
Post: #161 Title: Re: *** جائزة لي وجيه وسيم سودانيز اون لاين *** Author: وضاحة Date: 11-03-2017, 09:03 AM Parent: #160
الحليلة تحياتي ليك وللاسره يا الحليلة انت حيرت المشاطات ( مع الاعتزار للمشاطات ) ناس اتحاد المعلمين ديل للاسف ما بنافسوا اكيد العمر بيخذلن ويطلعهم من المنافسه و انت يا الحليلة ما جانا منك غير جراد العشر زي ما قلت عليهم بالمناسبة جرادة العشر نظفت من القذاره الكانت عايشة فيها زي ما انت حكيت عنها ولا علموها النظافة الكفار نزل صورتك انت وادخل المنافسه OOOOPs نسيت العمر ما بساعدك والجلحات تحياتي
Post: #162 Title: Re: *** جائزة لي وجيه وسيم سودانيز اون لاين *** Author: وضاحة Date: 11-03-2017, 09:32 AM Parent: #159
دكتور محمد الحسن باااالغتااا ووووواي منك وووووب علينا
ياخي نحن نيران المنقد دي مااااااا بنقدر عليها ابو الراكز دا منافس بدون منازع كل الصفات الجميلة فيه سوداني اصيل كريم زول عديل راجل حوبات ضل مابتعوج يا ريت ابوصلعة يرجعوا علشان الجائزة تكون منصيبوا❤️😜
Post: #163 Title: Re: *** جائزة لي وجيه وسيم سودانيز اون لاين *** Author: محمد عبد الله الحسين Date: 11-03-2017, 10:19 AM Parent: #162
الأخت وضاحة و الله أحييك على خفة دمك الفطرية و ذكاءك...قليل من التلج يفيد.. بصراحة بوست يمثل السهل الممتنع..و ظهرت فيه التعليقات الساخرة و خفة الدم ...و كمان المنافسة الحارة.. و الطلّع الصور من المخزن و الجرى يلمّع و غايته امتلا الحوش و الأعمي يشيل المكسر ..عيني باردة.. و بعد ده كله شكله لا في زول فايز و لا حاجة( إلا يكون تحت تحت) و إمكن ذاته مافي جايزة بس حنك ... المشكلة نص المقدمين روحهم المعنوية (طلعت) بعد ما كشفتي الجلحات و الصلعات و الجلكنة... إنه عالم جميل اها بعد ده كله كيف؟؟ نحن مش جيران؟
Post: #164 Title: Re: *** جائزة لي وجيه وسيم سودانيز اون لاين *** Author: عمر الفاروق عبد الله الشيخ Date: 11-03-2017, 10:52 AM Parent: #163
في شنو هنا انا جيت هسع
كنت طاشي من سودانيز لي كمين سنة علا جابني البوست ده شفت الناس متلمية ان شاء الله في عقد
تأكّد خروج كل من ود المدير ود المشرف ود البشرى ود الكنزى مجيدو على عبد الوهاب طلحة خروج بلا عوده من المنافسة . و سنواليكم بكشوفات الخروج
Post: #167 Title: Re: *** جائزة لي وجيه وسيم سودانيز اون لاين *** Author: عمر الفاروق عبد الله الشيخ Date: 11-03-2017, 03:54 PM Parent: #165
ما بعيد ..خليك متابع...
بسمات يا بت الشيخ نحن مشاركين في اسم الشيخ ده يبقي متابعة ولا مشاركة
دمتي سعيدة
Post: #170 Title: Re: *** جائزة لي وجيه وسيم سودانيز اون لاين *** Author: Basamat Alsheikh Date: 11-04-2017, 08:31 AM Parent: #167
وضاحة يا حب تعليقاتك وردودك ما بتظهر لانه يبدو انك ما قاعدة تعمل رفريش Refresh بعدما تكتبي الرد، وارجعي لبوست عنوانه،، المنبر لسع فيه مشكلة، وكتبه الشامي واقرا تعليق معاوية واحمد عمر ،،، ودمت بالف خير وصحة وعافية،،،
Post: #171 Title: Re: *** جائزة لي وجيه وسيم سودانيز اون لاين *** Author: Basamat Alsheikh Date: 11-04-2017, 08:31 AM Parent: #167
وضاحة يا حب تعليقاتك وردودك ما بتظهر لانه يبدو انك ما قاعدة تعمل رفريش Refresh بعدما تكتبي الرد، وارجعي لبوست عنوانه،، المنبر لسع فيه مشكلة، وكتبه الشامي واقرا تعليق معاوية واحمد عمر ،،، ودمت بالف خير وصحة وعافية،،،
Post: #179 Title: Re: *** جائزة لي وجيه وسيم سودانيز اون لاين *** Author: احمد الشيخ Date: 11-09-2017, 08:16 AM Parent: #171
صحفحتين ولسه ولا صورة نزلت المشاركين شغالين بنظرية حشاش بدقنو ولا شنو؟ صورتي محجوبة منعا من العين او لكوني شين ايهما أحببت هههههه
Post: #187 Title: Re: *** جائزة لي وجيه وسيم سودانيز اون لاين *** Author: حيدر بشير Date: 11-12-2017, 11:44 AM Parent: #179
بسم الله الرحمن الرحيم
الناس دى مالها اى جائزة بس للوسيمين ما تعملوا جائزة للشينين تخلونا ننافس و لو لمرة واحدة
السلام و التحايا لصاحبة البوست و ضيوفها السمحين الكرام
Post: #188 Title: Re: *** جائزة لي وجيه وسيم سودانيز اون لاين *** Author: وضاحة Date: 12-08-2017, 09:29 AM Parent: #187
فووووووووق
Post: #189 Title: Re: *** جائزة لي وجيه وسيم سودانيز اون لاين *** Author: Ali Alkanzi Date: 12-08-2017, 03:16 PM Parent: #188
فوق وين يا دكتورة، لقد هَرِمَ الشباب المتسابقون، وبقوا قدرنا عشان كدا ح ندخل المسابقة لأن الاعمار تساوت أنتي يا دكتورة عايزا تلحقي طرحي الله يطول عمرك وعمر من معك عارفا طرحي انا قلتا فيهو شنو (اسألوني قبل أن تفقدوني) والسؤال مدور لليوم وبقى علامة كنزية بالله فوق شايف الدكتورة رمز للمرأة السودانية في المنبر ولها جمهور من الجنسين لكن اسمعوعها مني لافي جائزة لا حاجة لانو الشنطة الكانت مع الدكتورة لمن ركبت الطيارة من كندا للدوحة لسا ما وصلت وبكل اسف الجائرة داخل هذه الشنطة ولو اتوجدت الشنطة بتعلن الجائرة وكان ما توجدت خمو صورو خاصة الذين كذبو في اعمارهم والذين استخدمو صور مهند التركي وعمر الشريف لمن كان شباب وقالو دي صورم عشان تاني تغشو طيرتو الشنطة الفيها الجائزة وانحنا اصحاب المعاشات نضحك على الشباب قرقرقرقر زي المريخاب على الهلالاب الرفعو صورة هتلر ارجو الرايجياكم ولا اتكتح ولا التكتح دي يا دكتورة إلا تمشي لابوك يشرح ليك، عارفا احكي ليك نكتة ولا التكتح دي في قريتنا بالنيل الابيض عندنا عمنا ابراهيم السيد راجل تاجر وعندو لوري هوستن بسوقو ليه واحد فلاتي اسمو ابكر خرم وخرم دي جاتو من انو بخرم من اي عربية قدامو يعني بسبقها الكلام دا في الستينات مافي ظلط إلا الخرطوم مدني لهذا تستمر سفرية اللوري ليومين تلاتة وبعدين ابكر يجيب العربية بالعصر ويدخل الحلة ويمشي يحاسب عمنا ابراهيم السيد، المهم يوريهو اليوم الاول دخلت كم واليوم التاني العربية تعطلت وكل القروش حقت اليوم الاول دفع تصليح وأسا ما عندو التكتح والسفرية التانية نفسي واسا ما عندو لا سجم الخشم والسفرية الرابعة والخامسة ماعندو ولا فرطاقة وحاء نهاية الشهر وقام ابكر خرم طلب الماهية من عمنا ابراهيم السد عمنا ابراهيم نده على ولدو الفاتح وهو من جلينا قال للفاتح : يا فاتح أدي ابكر خرم من ايراد العربية ماهيتو والفاتح فتح الدفتر السفرية الاولى ولا التكتح السفرية التانية ولا سجم خشمك السفرية العاشرة ولا فرطاقة عمنا ابراهيم قال لابكر: اها يا ولدي نصرف ليك من ولا تكتح ولا ولا شجم خشمك ولا ولا فرطاقة فضحك امن كان جلوساً فهم ابكر الكلام
Post: #190 Title: Re: *** جائزة لي وجيه وسيم سودانيز اون لاين *** Author: نادر النور آدم Date: 12-10-2017, 10:01 AM Parent: #189
المسابقة مستمرة ولا قفلت
Post: #191 Title: Re: *** جائزة لي وجيه وسيم سودانيز اون لاين *** Author: MOHAMMED ELSHEIKH Date: 12-10-2017, 12:56 PM Parent: #190
يا دكتورة جايزتك بقت زي البعملو الأستاذ محمود وكت صلاة المغرب
Post: #192 Title: Re: *** جائزة لي وجيه وسيم سودانيز اون لاين *** Author: Ali Alkanzi Date: 12-10-2017, 01:02 PM Parent: #191
الاخ MOHAMMED ELSHEIKH مكرر سبقناك ليها ؟ بس ما بطال خمسة من عشرة يا زول الدكتورة ضاعت شنطة في السفرية من كندا للدوحة والهدية كانت داخل الشنطة ؟
بس ما وريتنا يا محمد الشيخ الأستاذ محمود كان بعمل شنو وقت صلاة المغرب... وبعدين يا جماعة الجائزة موجودة بس وين الصور ... ازيك يا د. واضحة.. وكل سنة وانت طيبة ..العام الجديد على الأبواب.. مع وافر التقدير
Post: #202 Title: Re: *** جائزة لي وجيه وسيم سودانيز اون لاين *** Author: Ali Alkanzi Date: 12-29-2017, 09:30 AM Parent: #201
ابنتنا الدكتورة وضاحة انتي عايزا تلحقي عمك على الكنزي في طرحو (اسألوني قبل أن تفقدوني ....) بالله النتيجة اتكشفت لصالح محمد عبدالله الحسين وبلاش لف ودوران ووساطات خليها منافسة شريفة لا تأثير فيها للوبيات الصهيونية المسابقة اتحسمت من امس وأنا قلتا ليك ولك ولقرائك والمتداخلين اهدي اغنية البعيو مع صادق امنياتي بعام يعمه السلام والمحبة ونصرة للمستضعفين في الارض
Post: #203 Title: Re: *** جائزة لي وجيه وسيم سودانيز اون لاين *** Author: وضاحة Date: 12-29-2017, 09:33 AM Parent: #201
