|
|
|
 Re: ارجو ان ترحبوا بالعضو الجديد سوداني 100% في ماليزيا (Re: مهند مامون)
|
الاخ مهند مأمون شكري الجزيل لترحيبك بي وان شاء الله سيكون وجودي معكم في المنبر الحر اضافة حقيقية لكم انتم معشر الباحثين عن الحقيقة والمتحدثين بالحق والملتزمين بالموضوعية والمفيدين لغيرهم.. بس دعواتكم لينا .. ونسأل الله تعالى ان يرنا الحق حقا ويرزقنااتباعه ويرنا الباطل باطلا ويرزقنا اجتنابه .... امين يارب العالمين
| |
 
|
|
|
|
|
|
|
 Re: ارجو ان ترحبوا بالعضو الجديد سوداني 100% في ماليزيا (Re: محمد عثمان محمد طه)
|
الاخ العزيز جدا/ دكتور محمد عثمان محمد طه
احييك بحرارة فقد كان اصرارك الجميل هو سبب دخولى للمنبر العام واشكرك على كل هذه الترحيبات الرائعة بروعة اهلنا الطيبين في السودان وفي دول المهجر ومعكم وبكم يمتد التواصل ودمتم زخرا للبلاد والعباد ياسودانى يااصيل يادكتور يا انسان بكل ما تحمل الكلمة من معنى ولكم وافر الشكر والتقدير
| |
|
|
|
|
|
|
|
|
 Re: ارجو ان ترحبوا بالعضو الجديد سوداني 100% في ماليزيا (Re: سيف الدين حسن العوض)
|
أخونا العزيز ود الدفعة سيف الدين
والله الحي مصيرو يلاقي. غيبة طويلة يا سيف
لو تتذكر آخر مرة اتلاقينا كان في حفلة وداع
ماهر العبيد في الكلاكلة
آخر أخبار عنك إنك في السودان..
كل أمنياتي ليك برحلة دراسية موفقة
الشباب حسن البشاري ومعاذ منصور وعادل فضل المولى
أعضاء في هذا المنبر وبالتأكيد لو كانوا قريبين
حايجي يرحبوا بيك..
ألف مرحب يا سيف وعقبال نرحب بماهر العبيد..
| |
|
|
|
|
|
|
|
|
|
Re: ارجو ان ترحبوا بالعضو الجديد سوداني 100% في ماليزيا (Re: Nasruddin Al Basheer)
|
الاخ الحبيب / نصر الدين البشير
والله ليك وحشة
وحليل ايام زمان ليتها تعود
ويعود معاها الصفاء والنقاء والالفة وحاجات تانية حاميانى
والله يامية مرحب بيك يانصر الدين
ومرحبا بالاخوة الاماجدالاعلاميين الجهابزة
حسن البشاري
ومعاذ منصور
الطيور المهاجرة عن وطن الجدود
وحقيقة بنفتقد الاستاذ والاعلامي المخضرم ماهر العبيدالعوض
وياريت
لو تفيدونى ببريده الالكترونى الجديد
وشكرا لك اخي نصر
| |
|
|
|
|
|
|
|
|
|
Re: ارجو ان ترحبوا بالعضو الجديد سوداني 100% في ماليزيا (Re: عوض أحمد عمر)
|
الاخ الحبيب جدا /الاستاذ عوض احمد عمر
والله الواحد لو عارف انو ح يقابل الناس الحلوين ديل
كان من زمان دخل المنبر العام
كيفك يااخ عوض
وينك
وفعلا الحى مصيرو يلاقى
لن انسى ابدا انك في يوم ما عصيب جدا
وقفت معى حينما خذلنى الاخوان
اخونا نصر الدين ابو الشباب في حاجة
ماسة لدعواتكم له
وشكرا جزيلا على ترحيبك الرائع بنا
ودمتم ذخرا للوطن الغالي
| |
|
|
|
|
|
|
|
|
|
Re: ارجو ان ترحبوا بالعضو الجديد سوداني 100% في ماليزيا (Re: سيف الدين حسن العوض)
|
الاخ الرائع
سيف الدين
تحياتي مجددا مثنى وثلاث
سؤالنا عنكم لم ينقطع وكل الاعزاء الرائعيين
علمت منذ فترة إنك في ماليزيا
من خلال متابعتي لاخبار احتفالات الجالية السودانية بالاستقلال
الاخ ابو الشباب نصراليدن منذ مدة طويلة ولم التقيه . ولا أدري ماذا حدث له
أرجو لو كنت مواصل معه أن تمدني برقم هاتفه
ولك شكر ومعزتي
ودمت أخي العزيز
عوض
| |
|
|
|
|
|
|
|
|
|
Re: ارجو ان ترحبوا بالعضو الجديد سوداني 100% في ماليزيا (Re: عادل فضل المولى)
|
الصحفي المخضرم والقابط على الجمر
والصابر والمحتسب / عادل فضل المولى
والله نحن مش مشتاقين وبس
ولكن شوقنا فائت الحد
كيفك وكيف الاسرة والاهل
وكيف السودان الوطن الواحد ماقد كان وما سيكون
وكيفك مع السودانى وعروة والجماعة اياهم
اكيد بتكون مفرفر
انا عارفك ما بتحب ( الاستقرار )
ولكن اعتقد انو السودان لو استقر انت
يمكن تفكر في الاستقرار وعدم الــ ( التمرد )
تحيات عطرات ونديات بعدد ذرات تراب الوطن الغالى
والتحية عبركم للمهندس الصديق عثمان ميرغنى
وللخال الرائع جدا / عيسى ابراهيم محمد صالح
ولكل اسرة صحيفة السودانى
| |
|
|
|
|
|
|
|
|
|
Re: ارجو ان ترحبوا بالعضو الجديد سوداني 100% في ماليزيا (Re: سيف الدين حسن العوض)
|
Quote: الصحفي المخضرم والقابض على الجمر
والصابر والمحتسب |
يا ود العوض قطعت قلبي
عليك الله الحاجات دي كلها عندي وانا ما جايب خبر
لا حولاااا
وكمان
Quote: اكيد بتكون مفرفر
انا عارفك ما بتحب (الاستقرار) |
صابر ومحتسب ومفرفر
كدي خلينا على واحدة
صابر ولىّ متمرد..؟
(وجوه مبتسمة)
...
وتحيات بقدر مكونات شبكة الانترنت
وخالك وصلتو التحية وبيسلم عليك شديد
وطبعاً اتبسط لما شاف المداخلة
تسلم يا حبيب والتحيات للأسرة الكريمة
| |
|
|
|
|
|
|
|
|
|
Re: ارجو ان ترحبوا بالعضو الجديد سوداني 100% في ماليزيا (Re: bayan)
|
الدكتورة قريبتى / بيان
شكرا بترحيبك الحار
وما عدمناك
وان شاء الله ما نقصر معاكم ونساهم برضو معاكم
في بناء وطن تسوده الالفة والمحبة والصفاء والنقاء
ومزيدا من الشفافية
وياربت كل زول يحاول مع اخوانوا يبنى
السودان الجديد
قشة قشة
لانو الايد الواحدة ما بتصفق
والله الموفق
| |
|
|
|
|
|
|
|
|
|
Re: ارجو ان ترحبوا بالعضو الجديد سوداني 100% في ماليزيا (Re: Muna Khugali)
|
ود العوض
بيك بيتنا نور
يعني ماشي تتبختر في المنبر ونحن اخر من يعلم
ليك وحشة برغم ايملاتك اليومية الثرة
نزلت اهلا وحللت سهلا
وكان ما شالك البورد نشيلك فوق راسنا
نامل ان يكون مجيئك بداية لوصول الغائبين عنا ازمانا
وجودك بلا شك فيه نواة للم الشمل
اتذكر عبرك الرعيل الاول من الاعلاميين وقاعة الصداقة
يوم كتب بشير محمد سعيد يومها في افتتاحيته
عن مرآة سيارته التي سرقا بعد ان ربح التكريم
وذكريات مكتبة الحرية بامدر (انا ادعمكم .... )
لك ودنا وترحيبنا بعد ان سبقنا الى ذلك من نعز ونوقر
ابو التومات
| |
|
|
|
|
|
|
|
|
|
Re: ارجو ان ترحبوا بالعضو الجديد سوداني 100% في ماليزيا (Re: معاذ منصور)
|
ناس القفيل والجزيرة و24 القرشى
سلام حار وترحيب كميات
وسلاما لو تجسد كان درا
وياقوتا يقلب باليدين
اخي وصديقى الوفي
وزميلى في الدراسة
وهوي الاعلام
وفي حاجات تانية كثيرة حاميانى
معاذ منصور الجزولي
ود القفيل
والصحفي والاعلامي الذي لايشق له غبار
ود الاسلامية
والمهاجر في سبيل لقمة العيش
زهاء العقدين من الزمان
والله ليك وحشة كبيرة قوى
وبنكتب ليك في الرسائل
منذ ان كنت في ليبيا
ومازلنا
اليوم فقط عرفت انك
اسير هواك انا ياالمنبر
تشكراتنا وشكرنا الجزيل والعميق
للاخ والاستاذ بكري ابوبكر
ومن لايشكر الناس لا يشكر الله
شكرا لك يااخ بكري فقد اتحت لى فرصة لاتعوض
اماذكريات تكريم الرعيل الاول من الاعلاميين السودانيين
والاستاذ بشير محمد سعيد فياليت اخونا مجذوب عابدون يكون معنا
اغدا القاك
وفي امان اله
| |
|
|
|
|
|
|
|
|
|
Re: ارجو ان ترحبوا بالعضو الجديد سوداني 100% في ماليزيا (Re: Abdlaziz Eisa)
|
يا مراحب
ألف مرحب تحايا حارة
لناس ماليزيا
وسلام تكعيب لاخونا عبد العزيز
البورد منور بي ناسوا
وانتو الخليتونا ندخل عنوة المنبر
وياريت نقدر نساهم معاكم في حراسة الحرية
ونصول ونجول في بلدنا
بدلا من ان نغرد خارج السرب
ونحقق الشورى والحرية
ونكون قدوة لغيرنا
والسودان لو اتوحدوا ناسوا
كل صعاب الحياة بتزلل
والسودان بيسع الجميع
كيزان وختمية
وانصار وشيوعية
واحزاب جديدة كمية
شيل الصبر الجاي كتير مو شوية
| |
|
|
|
|
|
|
|
|
|
Re: ارجو ان ترحبوا بالعضو الجديد سوداني 100% في ماليزيا (Re: علي محمد علي)
|
صديقى العزيز جدا/
على محمد على
معقولة بس مااعرفك او اتذكرك
وانت اعلامي وصحفي لايشق له غبار
وانت كل الذكريات الحلوة الباقية لى
خلينا من الدراسات العليا
هل تذكر الرأي العام وقياسه
ودراساتنا في مجال الاعلام والسلام والاستقرار
تحيات ممزوجة بصدى الذكريات الجميلة وعبق ايام ماضيات،
كانت اياما زواهر صدحت فيهاالنفوس بأمنيات عذبات وتطلعت
لغد مأمول فيه الخير والرجاء والامل والطموح ،
فاذا بالايام تقذف بالاحباب فى كل اتجاه بحثا عن علم نافع
وحياة يحفها الاستقرار، لكن كان ثمن ذلك غاليا ،
بعدٌ عن الاهل والاحباب والاصدقاء وحبس ٌ فى سجن الذكريات ،
وصرنا كأبى العلاء المعرى " رهين المحبسين " غربة وذكريات مرة
وشجن يفطر الاكباد ، ولكن ماذا نقول ونفعل فى الاقدار ،
هى خطوات كتبت علينا ومن كتبت عليه خطى مشاها
ودمتم اخى علي
| |
|
|
|
|
|
|
|
|
|
حبابو ابو الحسين (Re: أبو الحسين)
|
اتمنى ان يجمعنا الزمان على سفوح الذكريات
وهضاب الطموح وتلال الأمنيات
لنعيد الحان الوطن القديمة
ونشدو مع عصافير الصباح بكل الامل
لغد أفضل للسودان ولنا
لغد افضل من أمسنا وحاضرنا
ودمت ياابو الحسين
لك ودى العامر
ودمت أخى الحبيب
نبراسا مشعا وشعلة أمل
نلجأاليها عندما
تدلهم الخطوب وتتكدر الايام.
| |
|
|
|
|
|
|
| |
سيف الدين حسن العوض
حيدر حسن ميرغني
مهند مامون
محمد عثمان محمد طه
Nasruddin Al Basheer
عوض أحمد عمر
هاشم أحمد خلف الله
عادل فضل المولى
bayan
Dr.Saeed Zakarya Saeed
.gif)
.gif)
.gif)
Abdlaziz Eisa
Muna Khugali
معاذ منصور
الزنجي
أبو الحسين
Tragie Mustafa
فيس بوك
تويتر
انستقرام
يوتيوب
بنتيريست