|
|
|
 Re: سؤال بري جدا . لماذا تقدمت ماليزيا وتأخر السودان ؟ توجد صور (Re: bayan)
|
الدكتورة / بيان
[URL]ضباط الجيش لو قعدو في "السكنات" وحموا البلاد وما ادخلو في السياسة وخرمجوا البلدليهم كل احترامنا وتقديرنا لانهم ادوا واجبهم..
[/URL]
ليس حماية الثغور من واجب الجيش فقط
حتى في زمن الرسول صلى الله عليه وسلم
وانت ادرى منى في ذلك كانت الكل يؤدي واجبه
في حماية البلاد من تدخل العدو
بعدين قعادهم في الثكنات ساكت بيجيب مشاكل
اخير يخرمجوا مع الملكية في دواس السياسة المابيخلص هذا
اما عن رموز بلادنا فكل مناضل وهب جزء من وقته
من اجل هذاالوطن وسطر حرف في تاريخه الناصع
كان بالحق او بالباطل فهو رمز من رموز بلادي
بعدين الحكم نخليهو للاجيال القادمة
كان فاسدا وكان طيبا وكان وكان
انتو مش مثلنا بيقول ان شاء الله يوم شكرك ما يجئ
خلوه للتاريخ
بالنسبة لمحاسبة الحاكم والخروج عليه
اولا: لايجوز الخروج على الحاكم المسلم
الا اذا كان الامر يتطلب ذلك كأن يجور ذلك الحاكم
او يظلم الناس فالضرورات تبيح المحظورات
اما مسألة فضح الحاكم او المسؤولين
فاذا كان لديك الدليل الدامغ والبرهان على كلامك فقدمه والا
فالرسول صلى الله عليه وسلم يامرنا
اذا رأينا المنكر ان نغيره بيدنا فان لم نستطع فبقلبنا
فان لم نستطع فبلساننا وذلك اضعف الايمان كما تفضلت يادكتورة
لنقل ان حكومة الانقاذ أخطأت وجنت على الشعب السودانى
اليس فينا من هو عاقل وشجاع ليقول ذلك للحاكم وللمسؤولين
بالدليل والبرهان واذا مات فهو شهيد ان شاء الله
لانه مات في سبيل وطنه وشعبه
لماذا بقيت ثورة الانقاذ اكثر من 17 عاما
دون ثورة شعبية
احسب ان ذلك تم لانها
اى ثورة الانقاذ الوطنى
قدمت للسودان وللسودانيين
ما لم تقدمه حكومة من قبل
لست هنا في موقف المدافع عن الحكومة
فللحكومة اعلامها والناطقين الرسميين باسمها
والمدافعين عنها والمنافحين لها
ولكن لان الساكت عن الحق شيطان اخرس
اقول ما كتبت والله اسأله ان يهدى ابناء وطنى
لاتباع الحق ولم الشمل والمساهمة في تنمية وتقدم الوطن الغالى
وياابناء وطنى هلموا لنصرة شعب مبتلى
مع تحياتى وامنياتى يادكتورة بيان
| |
 
|
|
|
|
|
|
|
 Re: سؤال بري جدا . لماذا تقدمت ماليزيا وتأخر السودان ؟ توجد صور (Re: سيف الدين حسن العوض)
|
Quote: ليس حماية الثغور من واجب الجيش فقط
حتى في زمن الرسول صلى الله عليه وسلم وانت ادرى منى في ذلك |
دي ما فهمتها اشرحها لي..
Quote: وانت ادرى منى في ذلك كانت الكل يؤدي واجبه
في حماية البلاد من تدخل العدو
بعدين قعادهم في الثكنات ساكت بيجيب مشاكل
اخير يخرمجوا مع الملكية في دواس السياسة المابيخلص هذا |
الثكنات "سكنات" دي ياها مكانهم انت بتسأل عم ليه ماليزيا مطورة
عمرك من جيت شوفتا ليك جيش حايم في كوالا لامبور؟
عشان كدا لازم يلزموا محلهم ويادوا وظيفتهم
وما يحملونا ثمن طموحاتهم الما عندهم طايوق ليها...
Quote: اما عن رموز بلادنا فكل مناضل وهب جزء من وقته
من اجل هذاالوطن وسطر حرف في تاريخه الناصع
كان بالحق او بالباطل فهو رمز من رموز بلادي
بعدين الحكم نخليهو للاجيال القادمة |
كلمة رمز مربوطة دائما بحاجة تدعوا الى الفخر
فكيف بالحق والباطل؟الحق هو الذي حث عليه الاسلام
والباطل هو ما نهى عنه الاسلام وامرنا بمحاربته..
فلا يمكن ان يكون هناك رمز بالباطل ابدا..
لماذا نتركه لاجيال القادمة لتحكم عليه
ونحن نضرس فيه.. نحن الذي تضررنا منه الذين نحكم
لا الاجيال القادمة..
التأريخ يحاسب من سطر اسمه في باب الحق يفتخر به
ويحاسب من سطر اسمه في باب الباطل ويحتقره
لو تساوت الامور لكان موقع عبدالله بن سلول كموقع على بن ابي طالب..
في التأريخ لا يذكر النفاق والا ذكر ابن سلول وما ذكر الاخلاص والبذل والعطاء
والا ذكر علي بن ابي طالب كرم الله وجهه..
التأريخ مسطرة فيه
بيوت الاشباح و التمكين الحروب الغير عادلة الفساد الاخلاقي والمالي
انتهاكات حقوق الانسان والمحسوبية وسرقة المال العام وزوال مكتسبات الشعب الدستورية
مثل مجانية التعليم والعلاج . فهل الاجيال القادمة ستجد غير ذلك؟
Quote: بالنسبة لمحاسبة الحاكم والخروج عليه
اولا: لايجوز الخروج على الحاكم المسلم
الا اذا كان الامر يتطلب ذلك كأن يجور ذلك الحاكم
او يظلم الناس فالضرورات تبيح المحظورات
اما مسألة فضح الحاكم او المسؤولين
فاذا كان لديك الدليل الدامغ والبرهان على كلامك فقدمه والا |
يا رجل خاف الله رب العالمين عن اي حاكم مسلم تتحدث
لا يوجد ابدا ما يبرر الظلم الذي قال عنه الله
ربنا الاوحد الظلم ظلمات. وان الله حرم الظلم وقال ان السماء مفتوحة
لدعوة المظلوم فكيف يجوز على الاطلاق الظلم واي ضرورة هذه تبيح المحظورة واي
مصلحة عامة تاتي من الظلم..
هناك سؤال من اين لك هذا؟ اذا انفذته على
العراة الحافة اصحاب العمارات السوامق
سيكون دليلي. قد كنا يوما زملاء ونعرف عدد من
هؤلاء كانوا لا يملكون قوت يومهمم والان صاروا من الاثرياء فكيف حدث هذا؟
لا ينكر الفساد الذي تفوح رائحته قبل منظره.
Quote: لنقل ان حكومة الانقاذ أخطأت وجنت على الشعب السودانى
اليس فينا من هو عاقل وشجاع ليقول ذلك للحاكم وللمسؤولين
بالدليل والبرهان واذا مات فهو شهيد ان شاء الله
لانه مات في سبيل وطنه وشعبه
لماذا بقيت ثورة الانقاذ اكثر من 17 عاما |
الملايين الماتت دي في الجنوب ودارفور والشرق ماتت بالالعاب النارية؟
ولا بتحارب في حكومة الانقاذ؟ الانقلابات التى فشلت تنفي ما كتبته..
بقيت الانقاذ على الجماجم و انهار الدم..
Quote: احسب ان ذلك تم لانها
اى ثورة الانقاذ الوطنى
قدمت للسودان وللسودانيين
ما لم تقدمه حكومة من قبل
لست هنا في موقف المدافع عن الحكومة
فللحكومة اعلامها والناطقين الرسميين باسمها
والمدافعين عنها والمنافحين لها |
لقد قدمت لهم الموت المجاني والجوع والجهل هذه هي انجازاتها
الشعبية..سخرت امكاناتها لخدمة ما سمي بالجبهة الاسلامية تجاوزا..
كل الوظائف والبعثات التعليمية فقط لهم من دون ابناء هذا الشعب..
صار العلاج مربوط بالقدرة المالية وكذلك التعليم..
Quote: ولكن لان الساكت عن الحق شيطان اخرس
اقول ما كتبت والله اسأله ان يهدى ابناء وطنى
لاتباع الحق ولم الشمل والمساهمة في تنمية وتقدم الوطن الغالى
وياابناء وطنى هلموا لنصرة شعب مبتلى
مع تحياتى وامنياتى يادكتورة بيان |
نعم يا ود عمي الساكت عن الحق شيطان اخرس..
نتمنى ان تتقدم بلادنا ونتمني ان يكون وطن عدل رفاهية..
كل الناس متساوية الحقوق.
والحقيقة هي التى ستوجه هذا الوطن للطريق الصحيح..
ولن نكون مثل ماليزيا اذ لم نغير ما في انفسنا..
ولك كل الاحترام...
| |
|
|
|
|
|
|
|
|
|
Re: سؤال بري جدا . لماذا تقدمت ماليزيا وتأخر السودان ؟ توجد صور (Re: bayan)
|
الدكتورة / بيان
السودانى - وانا واحد منهم- لما يصل مرحلة الماليزي
من الوعى والادراك والفهم بما يحيط به من تحديات
عندها فقط لن تجدى جندى واحد في شوارع الخرطوم
كما هو الحا لفي شوارع كوالالمبور
و لن يحكمنا العسكر
ويمكنهم ان يذهبوا غير مأجورين او مأسوف عليهم لثكناتهم
ومسألة الجيش ما بيفهم هذه مفهوم برنادشوى غربي
والرسول صلى الله عليه وسلم كان قائد للجيش وكان حاكم ناجحا جدا
شهد له الاعداء قبل الاصدقاء
انا اقصد انو لا انت ولا انا نستطيع ان نحكم على فلان بن فلان
انه كان فاسدا او كان مصلحا
فقد تبدئ لكم الايام ما كان خافيا
اذكر ان ابراهام لنكولن عاب على قائد من قواده
عدم ملاحقة الاعداء ومباغتتهم حينما واتته الفرصة
ولكنه حينما كتب رسالة العتاب والزجر تلك مزقها
لانه ادرك ان قائده قد كان في موقفه لايحسد عليه
فان لامه فلن يجني شيئا
وان تركه فسوف يكسب قائدا
فتركه قائلا ربما نظر قائدى لمنظر القتلى والجرحى
فاراد ان يحفظ ما بقي منه
لاتلومى الانقاذ لانها فعلت كل ذلك من اجل شعبها
فان لمتوها فلن تجنوا شيئا
وإن تركتموها فلربما تكسبوا حكومة
وقادة عظام والله الموفق
| |
|
|
|
|
|
|
|
|
|
Re: سؤال بري جدا . لماذا تقدمت ماليزيا وتأخر السودان ؟ توجد صور (Re: سيف الدين حسن العوض)
|
Quote: لاتلومى الانقاذ لانها فعلت كل ذلك من اجل شعبها
فان لمتوها فلن تجنوا شيئا
وإن تركتموها فلربما تكسبوا حكومة
وقادة عظام والله الموفق |
كلامك عجيب وغريب..
منو القاليك الماليزين اوعى من السودانيين؟
اتحداك تلاقي في 14 الف طالب الفي الجامعة زول يتحدث ليك عن السياسة
ولا الحاصل شنو في الدنيا..هم شعب منظم ولكنه ما اوعى من الشعب السوداني
والسياسة شغلانية ناس معينة..
المواضيع المفضلة لدي الطالب الماليزي هي
الانترنت و الجن خاصة الجن تايول الذي يسرق الاموال لصاحبه الجيبنو من مكة
وعروق المحبة.. ( درست 7 سنة مهارة المحادثة والاستماع)
وحكومتهم موفرة ليهم كل حاجة.. الوظيفة المجزية بعد التخرج والبيت بالتقسيط
والعلاج الممتاز المجاني و التعليم الممتاز..
حصل مشيت دخلت مدرسة ثانوية.
قبل فترة عملت ورشة وسائل تعليمية لاساتذة اللغة العربية
في مدرسة في كلانق لقيتها مجهزة احسن من اكبر جامعة في السودان..
دي الحكومة البتشتغل من اجل شعبها موش ذي حقتنا شغالة ضد مصالح شعبها..
وليك على يا سيف..
حكومة الانقاذ تعمل العاملاه الحكومة الماليزية لشعبها
الا اكتب في عمر البشير قصيدة..
اسع نبدا بمجانية التعليم الممتاز وتوفيره لكل الشعب
ذي زمان. وكمان ترجع مجانية العلاج..
موش اسع في بترول خلى الشعب الصابر دا بترفه..
بس التعليم والعلاج الان ونشوف..
بعداك الديمقراطية والحاجات التانية..
| |
|
|
|
|
|
|
|
|
 Re: سؤال بري جدا . لماذا تقدمت ماليزيا وتأخر السودان ؟ توجد صور (Re: bayan)
|
والله يادكتورة اذا كان الوعي يقاس بالوعي السياسي
فالسودانيين كلهم ماعندهم وعي
لانو وجبتهم الثالثة هي السياسة .
اصلوا الوجبات في السودان بعد الانقاذ والنشاط الجم
بقو وجبتين فقط .
عليك الله في ماليزياالفاضي لوعيكم السياسي ده منو
اذا كان الاب يعمل والام تعمل والابناء بعد الدراسة يعملون .
نحن في السودان واحد بس بيعمل والباقين شغالين في السياسة والنوم بالكوم.
وانتو اصلو من زمان عاملين فيها واعين
قال ايه القاهرة تكتب وبيروت تطبع والخرطوم تقرأ .
كان الله في عونك ياسودان .
الدكتورة بيان بتقول الشعب الماليزي ماواعي سياسيا
وخلى السياسة لناس معينين
ماده زاتو الوعى يادكتورة
ولتكن منكم طائفة
ماكل الناس يكونوا سياسيين حتى ناس قريحتى راحت
| |
|
|
|
|
|
|
|
|
|
Re: سؤال بري جدا . لماذا تقدمت ماليزيا وتأخر السودان ؟ توجد صور (Re: bayan)
|
نحن في حاجة الى شعب منظم وواعي ومدرك تماما لدوره
مادايرين سياسيين فارغين
انت بنفسك يادكتورة قلتى انور ابراهيم مافز وطالب بدخول قوات دولية
نحن الواحد يقول ليك منعول ابوكى بلد
وان شاء يحرقوه
واشياء من هذا القبيل
كنا في محاضرة عامة في ماليزيا وكان المتحدث
سوري فقال في واحد من السودان قلت نعم
قال لي انتو لو في ثلاثة بيتحدثوا تجدهم يمثلون اربعة احزاب
والله السياسة عاوزة تغطس حجرنا
زي مابتخرجوا اطباء وصيادلة يادكتورة في الجامعة
السياسة ذاتها اصبحت علم يدرس في الجامعات
وافتكر نحن لو تركنا العيش لخبازه يكون احسن
والسلام
| |
|
|
|
|
|
|
|
|
|
Re: سؤال بري جدا . لماذا تقدمت ماليزيا وتأخر السودان ؟ توجد صور (Re: يحيي مصطفي)
|
شكرا يااخ يحيى مصطفى
الديمقراطية مهمة ولابد منها ولكن عندنا
الشورى لما لانعود الى ديننا الحنيف ونأخذ منه ما يصلح حالنا
انا قلت انو الديمقراطية مفهوم غربى
ولكن الشورى لمفهوم سياسى اسلامى موجود
والحكمة ضالة المؤمن
فاذا كان ما عندنا اى مفهوم سياسى اسلامى يوازى الديمقراطية
يمكننا في تلك الحالة ان نأخذ بالمفهوم الغربى
ولكم وافر الشكر
سيف
| |
|
|
|
|
|
|
|
|
|
Re: سؤال بري جدا . لماذا تقدمت ماليزيا وتأخر السودان ؟ توجد صور (Re: سيف الدين حسن العوض)
|
اولا صباح الخير سيد سيف ...
الحقيقة البوست بتاعك دا شويه غريب ....عنوان البوست سؤال برئ جدا ولكن الردود كانت بعيدة من البراءه...اوردة معلمات مغلوطة عن ماليزيا قلنا ليك خليك امين واعطى الاخوان فى البورد الايجابى والسلبى عن ماليزيا فقلت ما عاوز....اقترحنا الجيش يرجع الثكنات قلت نحنا مملين...واحسن نتلم وما نقل ادبنا و طلعتنا ما وطنيين....
كان بس تجيبا لينا من الاخر وتقول انا لقطا كم صوره من النت وعاوز اقشر بيهم فيا شباب يا تشكرو لى صورى يا تخارجونا
nice photos though
| |
|
|
|
|
|
|
|
|
|
Re: سؤال بري جدا . لماذا تقدمت ماليزيا وتأخر السودان ؟ توجد صور (Re: Mahathir)
|
ياصباح الفل والياسمين والنعناع والحرجل
يااخ محاضير
شكرا على التحية الصباحية
وشكرا على التعليق الظريف
بس انا كنت عاوز اقول ليك انو السودان
برضو ما تأخر كثير
بل بالعكس السودان فيهو حاجات كثيرة سمحة
وفيهو طبيعة ساحرة
وفيهو حضارة مروي والبجراوية
وفيهو والحمد لله تطور وعمران
بس للاسف ما عندنا فن وتكتيك اتعريف بنا وبوطننا
كمان نحن الما تطورنا بفكرنا
وعقليتنا...
مازلنا نحن يانا نحن
ومازلنا نتحزب
ونتوجه
وننادي بالقبلية والعشايرية في اوج عظمتها
ليتنا نتطور عقليا وفكريا
اذن لتفوقنا على كثير من الدول
مع امنياتى
سيف
| |
|
|
|
|
|
|
|
|
|
Re: سؤال بري جدا . لماذا تقدمت ماليزيا وتأخر السودان ؟ توجد صور (Re: سيف الدين حسن العوض)
|
brother saif....
i never thought that i knew enough about Malaysia to come and post and OPINION.
It’s a personal conviction that before i pen down anything , i always think that i'm responsible for every information i put out there and make sure it's the right one and for the right reason .
to write just for the sake of writing is easy but to write to broaden knowledge and to enlighten people is responsibility ....
that's why i find it bizarre that (for example) people who jetted at KLIA 2 to 3 years ago can have the audacity to write articles about Malaysia’s development and how Malaysia managed to do it when they hardly ventured out of the major cities (KL-Penang- IPOH- Melaka- and JB).
Malaysia is not The international Islamic university or Malaya University , not even a stroll by KLCC or an evening at Putrajaya
Don’t you think it’s right that you tell your readers the truth no matter how ugly or pretty it might be?
| |
|
|
|
|
|
|
|
|
|
Re: سؤال بري جدا . لماذا تقدمت ماليزيا وتأخر السودان ؟ توجد صور (Re: Mahathir)
|
Quote: الضمير
لو توفر لدينا الضمير وأردنا جميعاً أن نبني هذا الوطن لجعلناه أجمل من ماليزيا ...
ذكر أحدهم من قبل أنه لو قمنا بنقل الشعب السوداني وأسكناه في اليابان وبالعكس نقلنا اليابانيين للسودان ... ستكون النتيجه بعد خمس سنوات أن السودان سيصبح أغنى دوله في العالم بينما في الجهه الأخرى سيموت جميع الشعب السوداني من الجوع لإنعدام الموارد الطبيعيه باليابان ..
هذا هو الفرق بيننا وبين بقية الشعوب وأتمنى
أن نعترف جميعاً بهذا الفرق . |
الاخ العزيز محمد فرح
الحكام هم السبب في تدهور الحياة في السودان. وهم سبب التخلف
فاضل بين الشعب السوداني قبل 1969 والان
ستعرف السبب هم الحكام اللذين لا ضمير لهم الساسة الذين فقط يريدون مصالحهم الشخصية..
منذ استخدام الصالح العام والمصادرة بدا السودان في الانهيار..
هذا في انقلاب نميري و الشيوعين
اتي الاسلاميين وعمر البشير انهوا السودان مرة واحدة..
سياسة التمكين سلبت هذا الشعب حصاد انجب عقول..
بينما ماليزيا واليابان حصدت ثمر عقولها..
يترقى الشعب بالموارد البشرية فماذا فعلت الانقاذ لهذه الموارد البشرية
هربتها وفصلتها بحجة اختلاف الافكار والتمكين
كيف يبنى مشروع حضاري بدون موارد بشرية؟
الشعب بخير وصابر وضميروا صا حي لكن الحاكم في يدوا بندقية..
واتمنى الان ان يجازى على صبره في فقد المال و الولد
ويستمتع باموال البترول. ان ترجع مجانية العلاج و التعليم..
وكل مكتسباته التى فقدها
| |
|
|
|
|
|
|
|
|
|
Re: سؤال بري جدا . لماذا تقدمت ماليزيا وتأخر السودان ؟ توجد صور (Re: Mahathir)
|
الاخ الحبيب / محاضير
لك العتبى حتى ترضى
واسف اذ جاءت كلماتى قاسية عليك
ابدا ما قصدت بحديثى انك تعرف عن ماليزيا تهكما او ازدراء
وانما ياليت كل سودانى وطنى غيور مثلك
ياتى الى السودان ليساهم مع اخوانه في بناء وتعمير وتطوير الوطن
مشكلة بلدنا ان ابناء وطنى - ليس جلهم بالطبع - عديمى وطنية
واذكر ان هيئة السكة الحديدية في بداية عهد الانقاذ
اختارت عددا من المهندسين للذهاب الى امريكا لنيل دورة تدريبية في
اجهزة اتصال حديثة كانت قد استوردتها الهيئة من امريكا
فاذا بالاخوة الذين ذهبوا الى امريكا
يطلبون حق اللجوء السياسى
ويبيعون الوطن بحفنة من الدراهم
هذا مشكلة السودان
ومشكلة كل دول العالم الثالث
وليتنا نتعظ
قصدت يااخى ان اقول وانا اقارن بين وطنى القارة وماليزيا
ان اقول ان السودان موعود ان شاء لله بتطور ونماء وتقدم
اذا خلصت النوايا وساهم كل زول برأي في تطور وطنه
وياريت نجدع او نجيب الحجارة
وما ندس المحافير
| |
|
|
|
|
|
|
|
|
|
Re: سؤال بري جدا . لماذا تقدمت ماليزيا وتأخر السودان ؟ توجد صور (Re: سيف الدين حسن العوض)
|
Quote: انتو والله لو مشيتو اليابان
نقلبيوه سودان تانى |
ما ياهو قاعدين 14 سنة هنا
مالنا ما قلبناها ذي السودان
براك شايف الاسهامات العظيمة في بناء الجامعة القاموا بيها ناس من السودان
لما تمشي اي مؤتمر المذيع يقول اسم الزول ويذكر داري سودان
بنحس بالفحر لما في توزيع الجوائز في الجامعة يذكروا السودان
ويكون الزول الفائز فائز بأنه احسن استاذ في الكلية ولا احسن باحث في الجامعة
ويكون من السودان.. دا الفخر بعنيه..
نافعين في كل مكان الا في السودان
يارب ليه؟
لو ما الحق المضيع رجع والظلم رفع
حيكون السودان اسوء دولة في العالم ومثل المريخ غير قابل للحياة البشرية..
منو القاليك لا يعجبني العجب
اسع ماليزيا دا عاجباني شديد..
| |
|
|
|
|
|
|
|
|
|
Re: سؤال بري جدا . لماذا تقدمت ماليزيا وتأخر السودان ؟ توجد صور (Re: bayan)
|
الدكتورة بيان
اشكر لك مداخلاتك القيمة ولكن
نحن نريد ان نصلح من شان السودان
ماهى اسهاماتك القيمة التى يمكن ان تفيد في
تطور وتقدم السودان بعيدا عن السياسة
لو سمحت ظروفك
حتى يصبح السودان جاذبا لابنائه البررة
وحتى يبدع السودانى في بلده
كما يبدع خارجها
وحتى يحدث العدل بين الناس
وحتى يعم السلام ربوع بلادنا الحبيبة
نحن وانتم نبحث عن عوائق
تحد من تقدم السودان ونهضته
خلونا من السياسة
هذه يمكن ان تعالج بعد داك
ما تقولوا لى ماممكن
ممكن ونص وخمسة
ان الله لايغير ما بقوم حتى يغيروا ما بانفسهم
ولكم مودتى
| |
|
|
|
|
|
|
|
|
|
Re: سؤال بري جدا . لماذا تقدمت ماليزيا وتأخر السودان ؟ توجد صور (Re: سيف الدين حسن العوض)
|
| Quote: ان الله لايغير ما بقوم حتى يغيروا ما بانفسهم |
عشان نغير ما بانفسنا لازم في حاجات موضوعية لازم تتغير..
اها انا ممكن اقدم خبراتي في التعليم والعمل الاجتماعي وتطوير المرأة والطفل
ادوني وزارة التربية
او وزارة الشؤون الاجتماعية وليك على ابقى ليك احسن من دكتورة شهرزاد
وزيرة الشؤون الاجتماعية هنا..
وما عايزة مرتب بلوشي بشتغل..
واي عربية نص كم كدا لانه ما عندي عربية في السودان بركب البصات وبسكن مع اهلي في بيتهم
في السامراب,,,
اها يا سيف اها دي مواطنة سودانية عندها رؤى واحلام وافكار وخبرات
ممكن تنفع بيها بلدها.
قلت شنو؟
| |
|
|
|
|
|
|
|
|
|
Re: سؤال بري جدا . لماذا تقدمت ماليزيا وتأخر السودان ؟ توجد صور (Re: bayan)
|
الدكتورة / بيان
سلامات
والله لو الامر بايدى اعينك وزيرة طوالى
لكن قبل ما اعينك
ماهى مقترحاتكم بشأن تطوير وتقدم ونهضة السودان
كما يقولون بالاكاديمى كده
ماهو البروبوسل حقكم
خطتكم... يمكن على ضوء ذلك يتم تعيينك
واذا ما تم تكونى على الاقل قدمت مفترحات فيمة للوزيرة
الحالية نستهدي بها في عملها للاعوام القادمة
بمشيئة الله تعالى
ويكون قولك حينها...
كما يقول زمبلى الدكتور معتصم بابكر مصطفى شفاه الله وعافاه
ذاك حمل خف وعرق جف
والسلام
| |
|
|
|
|
|
|
|
|
|
Re: سؤال بري جدا . لماذا تقدمت ماليزيا وتأخر السودان ؟ توجد صور (Re: سيف الدين حسن العوض)
|
Quote: الدكتورة/ بيان
انتو الواحد اما يكون فيها
او يطفيها
اصلو ما بتقدموا مقترحات
توصيات
او ارشادات
هكذا هو حال اهلنا كلهم
كلما جاءت حكومة نعلت اختها
كنس آثار مايو
تعوبضات آل المهدي
وهلمجرا
كان الله في عونك
ياوطنى |
تفصل؟
لينا 8 سنة بنكتب هنا وبنوصي مافي تغير..واتكلمنا مع ناس مباشرة
والحال ي حالو..
انت قلت الناس ما عايزة ترجع تخدم بلدها اها وريناك انا ممكن ارجع وانقل خبرتي
لو ادوني منصب اقدر اعمل الحاجة العايزاها..
وقلت ليك بلوشي..
يعني ما حاستفيد ماديا ذي بعض الناس
| |
|
|
|
|
|
|
|
|
|
Re: سؤال بري جدا . لماذا تقدمت ماليزيا وتأخر السودان ؟ توجد صور (Re: bayan)
|
الدكتورة بيان
سلامات مازلت وغيري من قراء المنبر
واحتمال ناس الحيكومة يكونوا برضو معانا
في انتظار الخطة
السحرية التى يمكنها
ان تغير وطنا هذا للافضل
وانا من هنا من منبر المهمشين جدا
ارسل تحياتى وسلامى للاستاذة سامية احمد محمد
وزيرة الرعابة والشؤون الاجتماعية
واترجاها ان تنفذ عددا من بنود خطة د.بيان
عسى ولعل في ذلك يكون مخرجنا
من كل المشاكل التى يعانى منها الوطن المسخن بالجراح
من ابنائه قبل اعدائه
وياوطنى اسأل الله ان يكفيك شر ابنائك
اما اعدائك فثورة الانقاذ كفيلة بهم
| |
|
|
|
|
|
|
|
|
|
Re: سؤال بري جدا . لماذا تقدمت ماليزيا وتأخر السودان ؟ توجد صور (Re: سيف الدين حسن العوض)
|
Quote: انتم يااهلنا الشغل اما في الحكومة
او بلاش
هناك القطاع الخاص
وبرضو لو القطاع الخاص ما شغلكم
وجاب عمالة اجنبية من برة او شغل اهلوا
انتو ذاتو ما تعملوا ليكم قطاع خاص
ومافي زول احسن من حد
ولكن انتو الفاتو الميري عاوز يتمردق في ترابو |
هو الزول ما اتمردغ في الميري عايز يلم في القطاع الخاص
برضو جربناه واكتشفنا ان الرشاوي اكبر من راس المال..
ونحن معاذ الله لا نرشي ولا نرتشي ولا نهبش الحرام
ونعمل بعرق الجبين..
العمالة الاجنبية صناع مهرة
فهل تريدنا ان نعمل عمال بشهادات دكتوراه؟
بينما يعمل غير المؤهلين في اماكن لا تناسبهم
ما ياهو دا ذاتو الخالي السودان ما يبقى ذي ماليزيا
وعاش التمكين...
| |
|
|
|
|
|
|
|
|
|
Re: سؤال بري جدا . لماذا تقدمت ماليزيا وتأخر السودان ؟ توجد صور (Re: bayan)
|
يبدو لى يادكتورة انتى واهلك
اخير تعملو بس في ماليزيا
لانو الحيكومة ماعاوزاكم لانكم انتى
والقطاع الخاص ما عاوزنواانتم لانو فاسد
غايتو بعد ده شوفوا ماليزياوله حتى استراليا
اما حكاية عمال بشهادة دكتوراه
فهناك الكثير الذي يحمل شهادة دكتوراه
وماجستير ويعمل عامل نضيف جدا
حتى في كثير من الدول العربية الان هناك
من يحمل شهادات عليا ويعمل بكل رضا وطيب نفس
في وظيفة عمالية
مافيش وظيفة وضيعة واخرى رفيعة
لانو لكل دوره وحاجته
تخيلى مدينة من غير عمال نظافة
هل يستطيع الوزير ان يعمل فيها
| |
|
|
|
|
|
|
|
|
|
Re: سؤال بري جدا . لماذا تقدمت ماليزيا وتأخر السودان ؟ توجد صور (Re: سيف الدين حسن العوض)
|
Quote: يبدو لى يادكتورة انتى واهلك
اخير تعملو بس في ماليزيا
لانو الحيكومة ماعاوزاكم لانكم انتى
والقطاع الخاص ما عاوزنواانتم لانو فاسد
غايتو بعد ده شوفوا ماليزياوله حتى استراليا
اما حكاية عمال بشهادة دكتوراه
فهناك الكثير الذي يحمل شهادة دكتوراه
وماجستير ويعمل عامل نضيف جدا
حتى في كثير من الدول العربية الان هناك
من يحمل شهادات عليا ويعمل بكل رضا وطيب نفس
في وظيفة عمالية
مافيش وظيفة وضيعة واخرى رفيعة
لانو لكل دوره وحاجته
تخيلى مدينة من غير عمال نظافة
هل يستطيع الوزير ان يعمل فيها |
براك وقعت وما سميت
لما حكومة تهدر طاقاتها البشرية
بأن يعمل عامل النظافة وزير وحامل الدكتوراه
عامل نظافة بيحصل ليها البحصل في السودان كدا بيكون جاوبنا
ليك على سؤالك ليه السودان يستحيل يكون
ذي ماليزيا؟
لانه البعمل دكتوراه بيكون ثورة قومية,,لما دفع فيه من اموال في تكوينه
وعنده وظيفة محددة هي خلق الكوادر البشرية
للبلد العايزة تتقدم..
اذا فهمت انه انا بتعالى على اي وظيفة تبقى فهمك محدود..
اي عمل حلال يحمد على صاحبه وخاصة لو كان مؤهلاته اعلى
من الوظيفة
واي انسان يحمل شهادات عليا يعمل عمل هامشي
هذا اهدار للموارد البشرية
تفتكر حامل الدكتوراه الشغال في الخليج
عامل دا بيكون الجبرو شنو غير المر الامر من المر..
الحمدلله نحنا واهلنا شغالين في ماليزيا
البجوها الناس يتعلموا فيها
وبنعلمهم.برضو كدا بنكون خدمنا بلدنا..
لما نساعد ناسها بينكون كونا قوة بشرية مؤهلة..
الحاجة الاصلا ما ممكن تزوغ منها بعد فتحت البوست دا
الاسباب الحقيقية لليه بلدنا تحت التراب..
وهي التمكين والفساد الاداري ومخالفة الدين..
والاتجار به...
| |
|
|
|
|
|
|
|
|
|
Re: سؤال بري جدا . لماذا تقدمت ماليزيا وتأخر السودان ؟ توجد صور (Re: bayan)
|
دكتورة بيان
انا بفتكر انو الحكومة ما بتهدر في طاقاتها
ولكن الطاقات براها بتهدر في نفسها
وكونوا عامل نظافة يصبح وزير فاذا كان الامر كذلك
فاكيد لانو وطنى
وانا عمرى ما قلت انو عامل دكتوراه يجب ان يعمل عامل نظافة
ولكن برضو بقول انو عامل النظافة اخير من العطالة المقنعة
بان يعمل حامل دكتوراه في تحطيم الروح المعنوية لشعب بحاله
وقديما قيل : عدو عاقل خير من صديق جاهل
اتفق معك يادكتورة في ان الذي يخمل درجة دكتوراه ثروة قومية
يجب الحفاظ عليها ولكن ...
لما يكون حامل الدكتوراه وطنى غيور على وطنه
انا ما بقول ان حامى الدرجات العليا يعملوا عمل هامشي ولكن
عليهم في المقابل ان لايجلسوا في انتظار الوظيفة الحكومية دون طائل
هناك سودانيين تأهلوا على حساب الحكومة في الخارج
ولليوم مارجعوا الى الوطن
تفتكري ده من شنو
عدم وطنية بالطبع
كثيرين تأهلوا على حساب الحكومة في الخارج
وذهبوا فور نيلهم الدرجات العليا الى دول الخليج
والعمل في جامعاتها تفتكرى ليه يادكتورة
اصلو الزول ما بيشكروه على البيعملو لي وطنه
واصلوا الزول لو فعل اى شئ من اجل الوطن ما ح يندم
وحب الاوطان من الايمان
ونامل ان تستمروا انت ومن معك في خدمة الوطن
على قدر ما تستطيعوا وان شاء الله كل هذا
يكتب في ميزان حسناتكم
| |
|
|
|
|
|
|
|
|
|
Re: سؤال بري جدا . لماذا تقدمت ماليزيا وتأخر السودان ؟ توجد صور (Re: سيف الدين حسن العوض)
|
Quote: هناك سودانيين تأهلوا على حساب الحكومة في الخارج
ولليوم مارجعوا الى الوطن
تفتكري ده من شنو
عدم وطنية بالطبع
كثيرين تأهلوا على حساب الحكومة في الخارج
وذهبوا فور نيلهم الدرجات العليا الى دول الخليج |
اديك نماذج رجعت السودان وشالوها للصالح العام..
دكتور بشرى الفاضل الاديب والقاص والاكاديمي الشاب
رجع من روسيا وعمل في جامعة الخرطوم ياخذ مرتب لا يكفيه
شراء اللبن لاطفاله ولكنه اتى ليدرس في الجامعة التي احبها
دكتور اسامة عثمان لا يعرف له اتجاه سياسي شاب نشط
في الجامعة عاد من فرنسا ليدرس في جامعة الخرطوم..
تم فصلهم في قائمة مامون حميدة ..
ثم قسم الدراسات الاسلامية بجامعة الخرطوم
عاد كل مبعوثيه للعمل على تاسيسه
ياخذون مرتبات لا تكفي لشراء اللبن
ولكنهم بقوا ياسسون ويخططون لحلم بدا عام 1980
فقط لأن رئيسه منشق ولم يجدوا سبيلا لفصله بحجة الشيوعية
قام مأمون حميدة بتشليع القسم حيث قال ان الجامعة
لا تحتاج قسم للدراسات الاسلامية اذ انها ستحول كلها الى جامعة
اسلامية.. ماذا حدث
حول كل الذين عادوا الى كليات مختلفة رغم تخصصهم الدقيق..
ثم كانت كارثة الامتحانات وحمل الطلاب عنوة للجلوس للامتحانات
هل تعلم ان هناك دكتور انهار وبكى مثل الاطفال عندما رأي الطلاب
بحالتهم السيئة في قاعة الامتحان. فقطعوا الطلاب الامتحان
هذا الاستاذ اذي حمل 2 دكتوراه ترك الجامعة والتدريس الى الابد
ثم
ةالرصاص اذي يلعلع في الجامعة
حاصدا الطلاب والبنات يجلدن في الداخليت وشارع الجامعة
كان هذا الخروج الاكبر.. وبعيني رايت دكتور نميري الرجل الهادئ
يصيح في البوليس هذه اعراض ناس اتقوا الله لا تضربوا البنات
وضاع صوته في الهيصة بل حذره البعض ان يمشي فلا ياتي
من يلهب ظهره بالسوط
ولذلك ترك جامعة الخرطوم كم من وجد فرصة
حزينا متالما
وذهبوا الى حيث تتوفر لديهم الامكانات للمارسة البحث العلمي وافادة الانسانية
اذ ان الاستاذ الجامعي مثل السحابة الماطرة اينما ذهب
ياتي خراجه ليصب في بحر الانسانية
وهنا ايضا من حضر من امريكا راس لاسباب سياسية
ليكون امير الجماعة..
هذه الاشياء حدثت والان لا الوم اي شخص يود ان يهرب
بشهاداته الى اي مكان يجد فيه التقدير
..
| |
|
|
|
|
|
|
|
|
|
Re: سؤال بري جدا . لماذا تقدمت ماليزيا وتأخر السودان ؟ توجد صور (Re: Mahathir)
|
الاخ مهاتير
وينك انت يارجل مسجل غياب
اشتقنالك
شكرا على المداخلة
وشكرا على نقطة النظام
والله افتكر انو دكتورة بيان وانت وانا
كلنا بنقتطع من وقتنا علشان نقدم لوطنا حاجة
وكونوا د. بيان تدينى وقت علشان تشرح لي وتفهمنى
يكتب ليها ذلك في ميزان حسناتها ان شاء الله
وله نحن برضو ما نستاهل
العفو يااخوي
وجزاك الله خيرا
على التذكرة
| |
|
|
|
|
|
|
|
|
|
Re: سؤال بري جدا . لماذا تقدمت ماليزيا وتأخر السودان ؟ توجد صور (Re: سيف الدين حسن العوض)
|
اخ سيف ...تعليق بسيط على العباره دى...Quote: السودانى - وانا واحد منهم- لما يصل مرحلة الماليزي
من الوعى والادراك والفهم بما يحيط به من تحديا |
فى كتاب كتبو مهازير سنة 1969 اسمو The Malay Dilemma...اقراهو بعد داك حاجات كتيره بتوضح ليك....
بعدين انت مش كنت بتتكلم عن الغرب الكافر مليت البوست بصور الجامعه الاسلاميه واستاك...البخليك هسى شنو تلصق صور المعابد الصينيه شنو? البوذيين ما كفار ولا شنو?
| |
|
|
|
|
|
|
|
|
|
Re: سؤال بري جدا . لماذا تقدمت ماليزيا وتأخر السودان ؟ توجد صور (Re: Mahathir)
|
الاخ مهاتير
والله نحن مفكرينا من السودانيين كتبوا عن
المعضلة السودانية كتب كثيرة جدا ولكن
ياريت السياسي من امثالكم يقرأ تلك المؤلفات
اذن لكفانا الرد عليه ولما تجرأ يوما ليقول ما يقول
عن السودان و شعبه و حكومته
السودان والشعب والحكومة لاينفصلوا عن بعضهم البعض
وكيف ما تكونوا يول عليكم
ونسأل الله ان يول من يصلح
بالمناسبة قيل لى ان مهاتير محمد هذا ليس ماليزيا
وانما هو ماليزي من اصل هندي
يبدو لى ان هذه المعلومة لايعرفها الا السودانيين
لانهم يحبون البحث عن الجنسيات ويتركون ما عدا ذلك
والله يااخ مهاتير صور المعابد في ملف ماليزيا بيوحي لي
باشياء كثيرة مشتركة مع السودان
فماتنسى انو نحن في السودان عندنا
المسلم وغير المسلم والوثنى كمان
وكل زول في دينو ما حصل يوم في حكومة كسرت ليها كنيسة او معبد
كما يحدث في دول كثيرة مثل بورما او ينمار حاليا
| |
|
|
|
|
|
|
|
|
|
Re: سؤال بري جدا . لماذا تقدمت ماليزيا وتأخر السودان ؟ توجد صور (Re: bayan)
|
شكرا يادكتورة بيان للتوضيح
ولكنى ذكرت ذلك من قبيل ذكر الانساب
والجنسيات في السودان
ففي السودان يقولون لك هذا ليس سودانى اصيل
او هذا ليس ابن بلد موصل
وهكذا دون ضرب للامثال
وبالتالى كثير من القادة والزعماء السودانيين هم
ليسوا اصليين
وليتنا ننسى كل جنس او عرق ونتذكر فقط
افريقيتنا ونوبيتناوعروبتنا
فنحن خليط من كل ذلك
وفوق هذا وذاك ليتنا يوحدنا الدين
وكلنا نعيش في وطن واحد حدادى مدادى
| |
|
|
|
|
|
|
|
|
|
Re: سؤال بري جدا . لماذا تقدمت ماليزيا وتأخر السودان ؟ توجد صور (Re: سيف الدين حسن العوض)
|
Quote: الاخ مهاتير
والله نحن مفكرينا من السودانيين كتبوا عن
المعضلة السودانية كتب كثيرة جدا ولكن
ياريت السياسي من امثالكم يقرأ تلك المؤلفات
اذن لكفانا الرد عليه ولما تجرأ يوما ليقول ما يقول
عن السودان و شعبه و حكومته
السودان والشعب والحكومة لاينفصلوا عن بعضهم البعض
وكيف ما تكونوا يول عليكم
ونسأل الله ان يول من يصلح
بالمناسبة قيل لى ان مهاتير محمد هذا ليس ماليزيا
وانما هو ماليزي من اصل هندي
يبدو لى ان هذه المعلومة لايعرفها الا السودانيين
لانهم يحبون البحث عن الجنسيات ويتركون ما عدا ذلك
والله يااخ مهاتير صور المعابد في ملف ماليزيا بيوحي لي
باشياء كثيرة مشتركة مع السودان
فماتنسى انو نحن في السودان عندنا
المسلم وغير المسلم والوثنى كمان
وكل زول في دينو ما حصل يوم في حكومة كسرت ليها كنيسة او معبد
كما يحدث في دول كثيرة مثل بورما او ينمار حاليا |
اخ سيف ....اول حاجه انا ما سياسى وما ادعيت انى سياسى...بس سودانى قادته الاقدار للدراسه والعمل فى ماليزيا...سؤال بسيط لماذا الحده واتهامى بالتطاول على السودان و شعبه و حكومته? بس عشان طلبت منك قراءة كتاب? مهازير نجح فى تطوير ماليزيا و مفكرينا من السودانيين كتبوا وكان الفشل حليفهم....اونقرا للناجحين ام الفاشلين?
بعدين يا استاز خليك دقيق شويه...Quote:
ما حصل يوم في حكومة كسرت ليها كنيسة او معبد
كما يحدث في دول كثيرة مثل بورما او ينمار حاليا |
اولا بورما ومينمار دى دولة واحدة بورما دا الاسم القديم...جو عواليق زى العندنا فى الخرطوم سنة 1989 غيرو الاسم لميانمار...وكلام الكنائس والمعابد الاتكسرت دى خزعبلات منك ساكت...يا تورينا كسرو م الكنائس والمعابد متين وادينا ال URL
| |
|
|
|
|
|
|
|
|
|
Re: سؤال بري جدا . لماذا تقدمت ماليزيا وتأخر السودان ؟ توجد صور (Re: Mahathir)
|
طالما انت شاطر كده يااستاذ مهاتير
وما سياسي كمان باعتبار ان هذه أفة الاخوة السودانيين
ولاتحتفي بمفكري السودان من امثال الترابي ومنصور خالد
ومحمد احمد المحجوب وغيرهم وتقرأ كتب الناجحين من امثال د. مهاتير محمد
وبتعرف انو بورما ياها ميانمار فاعرف واعلم انه في كل يوم
يمر في ميانمار هناك مسجد يغلق او يهدم وانه ليس هناك
سفارة واحدة لدولة عربية ومن اراد الحج من مسلمي ميانمار
فعليه ان يقول انه ذاهب للعمل في تايلاند او غيرها
وانا كتبت انها بورما وحاليا ميانمار ...
وعلى كل حال شكرا للمعلومة ياصديقى او رفيقي كما يحلو لك
واناآسف لانك اسأت وتسئ باستمرار لحكومة السودان
وهذا في حد ذاته عدم وطنية منك وآمل ان لايتكرر ذلك منك
حتى يكون الاحترام متبادل بيننا
وشكرا جزيلا لك
اخوك سيف
| |
|
|
|
|
|
|
|
|
|
Re: سؤال بري جدا . لماذا تقدمت ماليزيا وتأخر السودان ؟ توجد صور (Re: bayan)
|
الدكتورة بيان
ليس المسلم باللعان او المسئ او البذئ ...
وينبغي على كل زول سودانى
مش مسلم
ان يحترم حكومته وان لايسئ اليهاابدا
الا اذا امتلك الدليل
ويحق له بعد ذلك ان يقدمه للجهة المعنية
وليس للكافر او الملحد وانما لاخوه المسلم
قال رسول الله «المسلم اخو المسلم لا يظلمه
ولا يسلمه ومن كان في حاجه اخيه كان الله
في حاجته ومن فرج عن مسلم كربة فرج الله عنه
بها كربه من كرب يوم القيامه
ومن ستر مسلاما ستره الله يوم القيامه »
واعتقد انك اخطأت يادكتورة بقولك
| Quote: وافتكر انه شرف ما بعده شرف انه اساء ويسئ للحكومة باستمرار |
| |
|
|
|
|
|
|
|
|
|
Re: سؤال بري جدا . لماذا تقدمت ماليزيا وتأخر السودان ؟ توجد صور (Re: سيف الدين حسن العوض)
|
Quote: الدكتورة بيان
ليس المسلم باللعان او المسئ او البذئ ...
وينبغي على كل زول سودانى
مش مسلم
ان يحترم حكومته وان لايسئ اليهاابدا
الا اذا امتلك الدليل
ويحق له بعد ذلك ان يقدمه للجهة المعنية
وليس للكافر او الملحد وانما لاخوه المسلم
قال رسول الله «المسلم اخو المسلم لا يظلمه
ولا يسلمه ومن كان في حاجه اخيه كان الله
في حاجته ومن فرج عن مسلم كربة فرج الله عنه
بها كربه من كرب يوم القيامه
ومن ستر مسلاما ستره الله يوم القيامه »
واعتقد انك اخطأت يادكتورة بقولك |
هذا استدلال في غير محله
لقد جوز للسملم الغيبة في اثنين
اذا ظلم واذا استشير في زواج
كما الجهر بالقول يجوز في حالة الظلم
وهذا ما نفعله نحن
فاذا كانت الانقاذ تعرف هذه الاحاديث وتتمثل بها
لما شتمها الناس..ولما ظلمتهم
وانا لم اخطئ ما يفعله مهاتير هو جهاد بالقلم لرفع الظلم
عن اهله وطنه.
والحاكم الظالم يجب رفع السيف في وجهه..
سيبك من قول في بورد
وانت سالت سوال في هذا البوست
ونحنا اجتهدنا ان نوصل لك رأينا المخلص..
| |
|
|
|
|
|
|
|
|
|
Re: سؤال بري جدا . لماذا تقدمت ماليزيا وتأخر السودان ؟ توجد صور (Re: bayan)
|
بلادي وان جارت علي عزيزة
وأهلي وان ضنوا عليّ كرام
حب الأوطان مركوز في النفس البشرية،
وإن اختلفت المذاهب والاتجاهات،
وان تعددت الأعراق والأصول،
وما يقوله هذا الشاعر العربي،
يجري على كل لسان أدمي، وان عصفت به الظروف
ونالت منه السنون، وان اكثر ما يبكي الرجال شوقه
وحنينه الى وطنه، وأشد ما يغص في حلقه ان يطرد
من ارضه ودياره، ويحول الظلم دون عودته،
وكم تراوده أحلامه بمرابع الصبا،
وتذكارات الخلان في مدرسة القرية،
وحراك الطفولة في الأودية والجبال القريبة،
ويموت الانسان وذاكرته لا تموت تلح عليه في النوم واليقظة.
الانسان بلا وطن كائن مبتور لا جذر له ولا أصل،
تذروه الرياح كالهشيم، لا قرار له ولا مكان،
والانسان بلا ذاكرة، كائن بلا حاضر ولا مستقبل،
لا يعرف طعم الحياة ولا لذة الألم.
هذا هو الاصل وغيره الاستثناء،
وينطبق هذا على البدو الرحل كما ينطبق على الريف والحضر،
ولذلك رأينا عمالقة الشعر العربي من اصحاب المعلقات
يبدأون مطالع قصائدهم بالبكاء على الاطلال وأماكن لقياالأحبة
وبتلمس الأثافي وبواقي مواقد النار فيذرف دمعاً سخيا،
يفُطر القلوب ويبعث الاشجان، ويثير زوابع الشوق
في النفوس الملتاعة، وتنهمر قرائح الشعر بعد ذلك غزيرة مدرارة.
وهذا يدعونا جميعا ان نقف عند بعض الحقائق
التي لا بد من الالتفات اليها، ونحن نعالج أهم القضايا
والمشكلات الوطنية الكبرى، التي تتأسس وتنطلق الحلول لها
من قاعدة الولاء والانتماء.
الانتماء لا يفرض ولا يستورد، ولا يباع ولا يشتري
وكل ما كان على هذا النحو فهو انتماء شكلي زائف،
يخلو من رائحة الوطنية الأصيلة، لأن الانتماء
يولد مع الانسان ويكبر ويترعرع مع مشاعره وأحاسيسه،
ويدخل كل خلية من خلايا هيكله المادي والمعنوي،
ويتغلغل في مكونات إحساسه وتفكيره، اللاإرادي اولا.
ولكن الناس يتفاوتون في عمق هذا الاحساس
ودفع ضريبته، ويتعاون في حسن التعامل والتعاطي،
فتتفاوت الثمرة والانتاج، وهذا شيء طبيعي ضمن المعقول،
الذي يشترك فيه العامة، ولا يشذ عنه الا القلة القليلة،
التي تشوه لديها البناء، وتشوهت الذاكرة وتعطلت منافذ
الفطرة، وكوامن الاحساس الطبيعي والعادي.
يلجأ بعض المسؤولين في العالم لمعالجة الخلل
في الانتماء الى مجموعة من طرق التعامل،
التي يحسب بادئ الرأي انها مجدية ومثمرة،
ومن أهم ما يجري التعامل به ظاهرا ما نراه
وما نلمسه في واقعنا المعاصر، يتمثل في عدة اتجاهات:
الاتجاه الاول: يرى ان الانتماء يمكن زراعته وصناعته
عن طريق القوة واستخدام العنف والرعب بمعنى معاقبة
من تظهر عليه علامات عدم الولاء والانتماء،
وطرق العقاب كثيرة، منها ما هو بدني، بالسجن
والحبس المادي والضرب والتعذيب،
وتجريده من مناصبه، والتضييق عليه في رزقه وملاحقته،
ومتابعة أنفاسه، وتقييد حريته، واحصاء كلماته،
ومحاصرة نشاطاته، بالقانون وغير القانون،
وتطويع الأنظمة وايجادها ان لم تكن موجودة،
وتفصيلها تفصيلا وفقا للخبرة والتجربة.
الاتجاه الثاني: يرى ان الانتماء يشرى بالمال
والاعطيات واغداق النعمة، والتوسعة والهدايا
وفتح آفاق النعمة، ومجالات التقدم والترقي
واطلاق اليد، والبحث عن منافذ الاثراء،
وتسهيل الغايات والمآرب وبالمناصب والأوسمة
وارفع الدرجات، وخلع الحلل والألقاب
وتسليط الاضواء وأبواق الاعلام ومنافذ الشهرة.
ويكاد العالم يقتصر على هذين الأسلوبين
ولا يرى غيرهما، وهذا ما أيدته كتب التاريخ
وسير الرجال واساطير السياسة وعمالقة الادارة
والتدبير، وبذلك قامت الممالك والامبراطوريات،
وانتصرت الاحزاب والفئات، وجرت بذلك سنن الدهر
وعاديات الزمان.
ولكن يجب التنويه الى ان الانتماء المزدهر
من هذين الاسلوبين هو انتماء زائف مؤقت،
يرتكز على أسس واهية، وجرف هار، لا دوام له ولا استقرار،
ولا نتائج ولا ثمار، وسرعان ما يؤدي الى الهلاك والبوار
ومن هنا فلا مناص من الالتفات الى الاتجاه الثالث:
وهو ان الانتماء الحقيقي اصيل في النفس البشرية
وعميق في الفطرة الانسانية النبيلة
يحتاج الى تعامل صحيح يقوم على:
إقامة العدل، وتثبيت جذور المساواة،
ونشر الحرية، وصيانة الفضيلة، وحماية الحقوق،
ومنع الظلم والاعتداء والقهر والتعسف ومحاربة كل
أشكال التمييز العنصري والطائفي والمذهبي والجهوي
والقضاء على المحسوبية والشللية، والفضاء على جراثيم النفاق
والتزلف ومدح المسؤولين، والبحث عن الاصلاء الاكفياء الاقوياء الأمناء،
والاحتكام الى ضمير العامة، النقي الصافي، الفطري السليم،
الواضح البين الذي يراه كل صاحب بصيرة مبصرة.
د. رحيل غرايبة
جريدة الرأي الاردنية
| |
|
|
|
|
|
|
| |
سيف الدين حسن العوض
bayan
يحيي مصطفي
Mahathir
فيس بوك
تويتر
انستقرام
يوتيوب
بنتيريست