|
|
|
 Re: بمناسبة فوز الكاونتر الكاسح؛ هدية لبوب من (Re: حاتم إبراهيم)
|
يا حاتم،
الوصية في الذمة زي ما بقولوا المتدينين
اتصل بي مثقف كبير
قال ليك:
لو كل خلافاتك أدرتها بنفس ردّك الرائع على مولانا الملك؛
قال ليك وحات سيدي الحسن،
يزوروا فيك
قال ليك كمان:
يا زول انتبه، انت تمتلك ما لا يملكه الآخرون؛ لا تهدر طاقتك في السالب
| |
 
|
|
|
|
|
|
|
|
Re: بمناسبة فوز الكاونتر الكاسح؛ هدية لبوب من (Re: امير بوب)
|
Quote: يا شلبي
ياخي أكرمني
عندي سؤال خاس
الزول الاسمو (سعد شلبي) الكان متشعلق فيني ومؤجر البوست مفروش داك انت ذاتك الهسع دا |
يا حاتم سوناتا ، كيفك ؟؟
سبحان الله شنوا الحصل في الدنيا دي يا ناس ؟؟؟
حاتم ابراهيم،او علي محمد ماهر ، او حاتم نظريه ، او حاتم سوناتا الشخصيه الهلامية الشبحيه الغير معروفه بسال من فلان داك منو وعلان دك يطلع شنو واليوزر دا حق منو ؟؟؟؟
سبحان الله ...
زول نكره وغير معروف ، لكن داير يعرف الناس ...!!!
الاختشو ماتوا زماااان.
انت عارف مداخلتك السمجه دي بهديها لكل ناسك الكلما سالنا عن حقيقة شخصيتك ردوا علينا وقالوا عيب ، ما لازم نعرف الشخص بذاته لكن المهم الطرح البجي منو ..!!!
اهو انت بتسال هنا عن الشخصيات وعلي عينك يا تاجر !!
طيب ورينا شخصيتك بالاول وبعدين اسال من خلق الله.
هسه عليك الله ما حاسي بالحرج الشديد كونو المجتمع الهنا دا تقريبا كلو شخصيات معروفه وانت بتدخل متلف بي ملايه !!
طيب ابقي راجل ورينا انت منو بالاول ...
و محمد احمد حل الاشكال بكل بساطه ،بعد تداخله من الفيس
اها عملت شنو في التحدي بتاعو دا ؟؟؟؟ ولا نضيفوا لتحدي(ذات الطربيزه) الهربت منو ؟؟
انا يا موهوم دا اسمي الحقيقي والعايش بيهو وسط الناس ، والله علي ما اقول شهيد.
لكن فعلا الفيهو ابو الحرص طوالي برقص.
يعني عشان انت داسي نفسك فاكر الناس كلها زيك ؟؟؟
يعني عشان انت زول ما عندك القدره علي الظهور قدام الرجال بشخصيتك الحقيقة ، فاكر الناس كلهم زيك ؟؟؟
هسه الجعير والكواريك دي كلها ، وفتح بوستات ، واحضار بوستات قديمه ، وسؤال من شحصيات دا كلو عشان السوناتا طلعت تنضح بالكاونتربوينت ؟؟؟
احب السوناتا الخلتك تزازي بين البوستات..
احب السوناتا الكشفتك للناس..
احب السوناتا الحمتك النوم..
احب السوناتا الخلتك ما فارز بين الناس..
احب السوناتا الخلتك ما عارف قبله من صباح ..
لله درك استاذنا الموصلي كلمه ساي قلتها وخليت حاتم سوناتا سته شهور يلف ويدور وفي النهايه كف اخد ليهو خطافيه يساريه خلتو في الحاله الهو عليها هسي دي ، راقد ومتدمدم من الحمي.
+++++
حاتم سوناتا ، شكلو راسك لسه لافي ،قلت لي (ولاثانيه)
| |
|
|
|
|
|
|
|
|
|
|
Re: بمناسبة فوز الكاونتر الكاسح؛ هدية لبوب من (Re: أحمد محمد عمر)
|
يامستنير مبروك
انك جبت "الديب من ديلو معاك العصبجيه"
نادر الفضلي وكبر والشبلي
-------------
حاتم والله انا بشكرك جدا على هذا الشغب
زمان انا في السبعينات كنت بعمل نقد تحليلي لاعمال الفنانين
وكانو بجيبوهم في صورة الغلاف
انت كنت مافي الوقت داك وعشان دايما بتشك في كلامي اسال واحد من العجايز هنا
بالله واحد يجب على السؤال
اها الفنانين بقوا يتشاكلو ويتسابقوا عشان ينقدوهم
هسع انا في كل يوم في صورة الغلاف بسبب لكنكاتك الموصليه
فهمتني
ولو عايزني ازعل منك بطل العاده الحلوه ديه ههههههه
-----------------
اها بكره انا حاعمل بوست بعنوان
ميسي ورونادو ونيمار ما بيعرفوا يلعبو كوره
دي فرصة تجيب لينكات موصليه جديدة
----------------
تحياتي لكم جميعا بما فيثكم حاتم
وكل سنة وانتو طيبين مقدما
| |
|
|
|
|
|
|
|
|
Re: بمناسبة فوز الكاونتر الكاسح؛ هدية لبوب من (Re: أبوبكر عباس)
|
Quote: زمان انا في السبعينات كنت بعمل نقد تحليلي لاعمال الفنانين
وكانو بجيبوهم في صورة الغلاف
انت كنت مافي الوقت داك وعشان دايما بتشك في كلامي اسال واحد من العجايز هنا
بالله واحد يجب على السؤال |
كلامك (هين)
الشك في معرفتك بالموسيقى
ذاتا
انت صدقت الظاهر 
| |
|
|
|
|
|
|
|
|
|
Re: بمناسبة فوز الكاونتر الكاسح؛ هدية لبوب من (Re: Elmosley)
|
Quote: نسخة فيينا ولا برلين ولا براغ ولا نيو أورلينز؟
لأنو لو خليناها ليكم بتقولوا (فيها) ومقسمة أليغرو وأندانتى وبريستو.
خلعة ساكت.
|
حاتم ياخ انت زول اخونا وحبيبنا مافي شك لكن استاذنا يوف دا ابعد منو
طبعا انا مابقدر اقول ابجاكومة لانه مقامه كبير .. انا بصراحة اذكى من الاستاذ دا ما شفتا
في البداية يسكت ويسكت ويرمي ليك طعم ويجرجرك بى حرفنة ويوهمك انك صاح عشان تطلع الفي راسك
ولكن في الاخر ينقض على المعلومة الموسيقية ويستخرجها من حيث لا تدري .. طبعا دا شغله
بامانة اسعدني جدا جدا واثلج صدري انتصار الاستاذ ليس عليك انت شخصيا ولكنه انتصار للعلم والدراسة في ادق تفاصيلها
ومعليش انت بذلت جهد خرافي بامكانياتك او حسب امكانياتك
ودي فرصة ... الاستاذ تحداك في اي مكان للمناقشة .. وانا بديك فرصة جميلة وهدية مني ليك
ادخلك حفلة الـ (فيل هارموني) فرقة فينا في راس السنة .... واحجز ليك كرسي بى اكثر من 5000 إيرو
او ممكن نحضرها (وقافي) بكون السعر اقل كتير واحتمال يكون المايسترو (باربيوم) هو قائد الفرقة
طبعا (موتسارت) حيكون موجود
عشان تآمن
| |
|
|
|
|
|
|
|
|
|
Re: بمناسبة فوز الكاونتر الكاسح؛ هدية لبوب من (Re: Ahmed Yassin)
|
Quote: احمد يس ياخوانا حاتم ده براحة عليهو الايام ده عندو ضربة سوناتا كاونتربوينتية
اشد بأسا من السحائي
حاتم لو اي زول كترها معاك في الموسيقى عندك
اخوك الكبير ابو جاكومة
العندو علاج ضربة السوناتا الكاونتربوينتية
الحااااااارة |
استاذنا الفاضل
سحائي شنو انت دمار شامل نسفت كل المغالطات و المعلومات المغلوطة بالثانية والمكان
والله انت مفروض تاخد شهادة تاريخية موثقة من الامم المتحدة
لمن قلنا (بحر العلوم) ما خاتين
هكذا يكون العلم وهكذا يكون الـ (مؤلف الموسيقى) المثقف ماعايز اقول المستنير عشان بكور حيجي ناطي جوز
فخر كبير الواحد بيشوف استاذه (يعرض) شاهرا سلاح العلم في ساحات الفن والنقد
دقيقة اجيب الالة
بريدك يا حبيبي بريدك
| |
|
|
|
|
|
|
|
|
|
Re: بمناسبة فوز الكاونتر الكاسح؛ هدية لبوب من (Re: أبوبكر عباس)
|
Quote:
انا بصراحة اذكى من الاستاذ دا ما شفتا
في البداية يسكت ويسكت ويرمي ليك طعم ويجرجرك بى حرفنة ويوهمك انك صاح عشان تطلع الفي راسك
ولكن في الاخر ينقض على المعلومة الموسيقية ويستخرجها من حيث لا تدري .. طبعا دا شغله
بامانة اسعدني جدا جدا واثلج صدري انتصار الاستاذ ليس عليك انت شخصيا ولكنه انتصار للعلم والدراسة في ادق تفاصيلها |
أنا ما فاضي للكتابة والكلام الكتير
رسل لي إيميلك هنا
sudanbanana @ gmail.com
| |
|
|
|
|
|
|
|
|
|
Re: بمناسبة فوز الكاونتر الكاسح؛ هدية لبوب من (Re: Hafiz Bashir)
|
ههههه
اخونا حافظ بشير سلام
والله بقينا نكابس الجماعة في ايميلاتهم و مسنجراتهم !
دا في إطار مرحلة ال damage control
و لإيجاد مخرج آمن للمستنير حيث يتم تحذيره داخلياً قبل الانقضاض عليه امام الملأ !
...
دا استايل جديد اسمو مكابسة العقرب في جحرها !!
المستنير زمان مسّكناه السلك العريان ! و انتهينا منو 😂
| |
|
|
|
|
|
|
|
|
|
Re: بمناسبة فوز الكاونتر الكاسح؛ هدية لبوب من (Re: أبوبكر عباس)
|
يا مستنير ياخ ما تبدّل الحقائق !
انتو ما دام بتتجرّسوا الفصاحة ليكم شنو !
...
يا حافظ بس عشان تعرف ، زولك دا رسل لي مسج داخلي قال لي :
ياخ انت جيتني من وين ؟!!
و قد قالها منططاً عيونه !
....
الظاهر الراجل دا كان قابض الجو عضل ساي
قبل وصول المستنيرين الحقيقيين !
حالياً هو قايم بوساطات لإيجاد مخرج يحفظ ماء وجه استنارته المزعومة 😂
| |
|
|
|
|
|
|
|
|
|
Re: بمناسبة فوز الكاونتر الكاسح؛ هدية لبوب من (Re: Elmosley)
|
Quote: شلبي دا يتخيل لي
بيشد أول ويقذف المداخلة |
حولا ...
انا ما مستغرب من انو اسلوبك وكلامك يصل الدرجه دي ،
فاحش القول دا شكلو أساسي عندك ،وباين عليك من زمان
انا ما بلومك علي كلامك دا ، لكن بلوم سيد الحوش الفاتح منبرو لي جنس الكلام دا !!!
لو كان بكري أساسا بنتبه للخروقات الكثيره الانت بتعمل فيها ، ما كان أصلا خلاك هنا!!
اها يا اخونا احمد ، تعال ورينا رايك في الكلام دا ؟؟؟
وكمان برضو يا بوب ، رايك شنو في التعليق الفلته دا ؟؟؟
رايك شنو يا بوب في كلام حاتم دا ؟؟؟ دايرين اجابه وااااضحه ولو لمره واحده بس !
+++
دا كلو عشان السوناتا طلعت (تنضح) بالكاونتربوينت ؟؟؟ يا زول اتقي الله.
| |
|
|
|
|
|
|
|
|
|
Re: بمناسبة فوز الكاونتر الكاسح؛ هدية لبوب من (Re: محمد على طه الملك)
|
وانا في المتوسط وقفت مندهش قدام الرادي بسمع في أغنية يا الهجروك علي ..
الغناء عندي كلمات قبل أي حاجة وأي كلمات خفيفة ما بتعجبني لكن رغم كدة شدهتني الهجروك علي لأنها ما بتشبه أي أغنية سودانية سمعتها قبل كدة .. كان فيها حاجة جديدة وموسيقاها بتشبه الموسيقى الشرقية بالنسبة لأذني في الزمن داك .. كنت متأكد مية في المية إنها ما سودانية ومنتظر تنتهي الأغنية عشان اعرف فنانها منو لما مذيع الربط قال شكراً استاذ يوسف الموصلي أنا قلت أيوة أنا كنت عارف إنه عراقي مستحيل يكون سوداني
عديت زمن متحير في الكلمات السودانية البغنيها عراقي والوقت داك لا في قوقل لا يوتيوب لحدي ما وقع لي راسي ود خالي قال لي ياخي دة فنان سوداني مشهور انت بس الجديد في الغناء ..
نفس التجربة اللحنية الجديدة دي شفتها لاحقاً في أغنية على قدر الشوق وبرضو فيها مشكلة الكلمات الخفيفة الما بحبها لكن موسيقاها الراقصة بتخليك تنطرب وتنسى الكلمات .. لحدي ما اشبع استاذنا حبي للكلمات العميقة بالأغنيتين الما بفارقوا الـ mp3 player بتاعي حتى الآن وهم رسالة لي امي وسهم طائش
في نفس الفترة ديك - بدايات التسعينات - ظهرت شركة حصاد والموسيقى المدهشة السمعتها قبل سنتين اصبحت سمة ثابتة في التسجيلات الجديدة .. ظهر محمود عبد العزيز عبر شركة حصاد والموصلي لحن ليه بعض الأغنيات زي مسافاتك ووزع ليه مع السلامة وهجد الأنام - إذا أنا ما غلطان - وظهرت الثنائية بتاعة أغاني مصطفى سيد احمد وتوزيع الموصلي .. وبتذكر وانا في بدايات الثانوي لما ظهر شريط الساقية بتاع حمد الريح قلت لصاحبي مالو غناء حمد الريح دة بقى بشبه غناء مصطفى سيد احمد قال لي ياخي الشرائط الجديدة بقى كلها بوزعها الموصلي عشان كدة بتشوفها متشابهة .. المعلومة دي سماعية قبل أكتر من 20 سنة ولحدي هسة ما عارف هل فعلاً الموصلي وزع البوم الساقية ولا اتشابه على صاحبي البقر بسبب انتشار حصاد
المداخلة دي يا أخ وهبة الشبلي تمهيد عشان اقول ليك عامل فيها بتحب موسيقى الموصلي اكتر مني ؟ أتحداك
لكن رغم كدة أنا كنت أول واحد اتهمو بإيقاف حاتم ومستمتع جداً بالسجال دة لأنه حاتم معلم منتديات ومداخلاته ممتعة شديد وما فيها أي ملل .. بشجع اللعبة الحلوة والبجيب قون بصفق ليه كان هو كان المستنير ..
أيوة أنا من الناس البتعتقد في القيمة المعرفية لحاتم لكن أول ما يقول الموصلي ما بعرف موسيقى بقول ليه حدك هنا .. أعمل شخيت واقيف بعيد
| |
|
|
|
|
|
|
|
|
|
Re: بمناسبة فوز الكاونتر الكاسح؛ هدية لبوب من (Re: أحمد محمد عمر)
|
Quote: اها يا اخونا احمد ، تعال ورينا رايك في الكلام دا ؟؟؟
وكمان برضو يا بوب ، رايك شنو في التعليق الفلته دا ؟؟؟ |
رأيي في المداخلة إنه ما فيها أي خيال زي كأننا والماء من حولنا قوم جلوس حولهم ماء .. في زول بقذف قبل يشد ؟ 
عارف المشكلة وين يا شلبي! بالمناسبة أنا بقول ليك شلبي استلطافاً لأنه عندي قناعة بإنه اللقب دة تم اطلاقه عليك بقلب صافي محب للمزاح وما فيه أي أذية وانا شايفو حلو غايتو :)
المشكلة إنه كل الناس الإنت بتهاجم فيهم ديل بضحكوا وبتونسوا أغلب الوقت وقلوبهم واسعة شديد .. هسة هديل امير والموصلي اتصاحبوا زي الما حاصل حاجة .. كدي جرب شوف تلفون امير دة وما بغلبك واتصل عليه قول ليه معاك شلبي شوف كان ما ضحك ساعتين وقال ليك حرم تجي تتغدى معاي هسة
لو طلعت من ذاتك وعاينت لنظرة الناس لحاتم وأمير حتلقى في استلطاف عام تجاهم لأنهم بضحكوا ويتونسوا أغلب الوقت .. لكن علي الحلال انت من بداية الموضوع وشك دة ما طرحتو بس صاري وكمك في رقبتك ويا شغال تنهر في الناس وتأشر بالسبابة يا عامت ليك زول واقع بيه الواطة
أطرحها يا شلبي ياخ .. دة مجرد منتدى حوار بنفرق فيه زهجنا ما بنتم بيه زهج الواقع العمرو ما نقص
| |
|
|
|
|
|
|
|
|
|
Re: بمناسبة فوز الكاونتر الكاسح؛ هدية لبوب من (Re: أحمد محمد عمر)
|
| Quote: رأيي في المداخلة إنه ما فيها أي خيال زي كأننا والماء من حولنا قوم جلوس حولهم ماء .. في زول بقذف قبل يشد ؟ |
والله راي برضو ، وانت شايف انها عاديه ولا ما (بتخدش) أي حاجه طيب ماش ، فانا بقبل كلامك
| Quote: المشكلة إنه كل الناس الإنت بتهاجم فيهم ديل |
الناس بصيغه الجمع !!! طيب وريني الناس ديل منم الانا هاجمتهم ديل ؟؟؟
انا تداخلت مع حاتم سوناتا فقط ، بعد ان ذكرني بتعليق له من الفيس بعد مسرحيه إيقافه ، وطبعا لا يذكر حاتم الا ومعه بوب.
كدي وريني زول تاني انا هاجمتو ؟؟؟ زول سادي انا تداخلت معه ولو بخشونه لفظيه غير الجوز الفوق ديل ؟؟؟
| Quote: كدي جرب شوف تلفون امير دة وما بغلبك واتصل عليه قول ليه معاك شلبي شوف كان ما ضحك ساعتين |
ومنو القاليك أصلا انو انا عندي معاهو مشكله ؟؟؟ لحدي ما ادق عليهو ؟؟؟ما اظن الأمور وصلت الدرجه دي ؟؟؟
| Quote: لو طلعت من ذاتك وعاينت لنظرة الناس لحاتم وأمير حتلقى في استلطاف عام تجاهم لأنهم بضحكوا ويتونسوا أغلب الوقت |
استلطاف لحاتم سوناتا ، كدي عصرته علينا شديد يا احمد يا اخوي ، كدي عيد البصر كرتين !
| Quote: دة مجرد منتدى حوار بنفرق فيه زهجنا ما بنتم بيه زهج الواقع العمرو ما نقص |
معليش يا احمد يا صاحبي ، هنا بختلف معاك اظن الموضوع اكبر من تفريق زهج ولا شنو .؟؟ والمنتدي يعتبر مرجع كبير واكتر من قعده قدام دكان ولا شنو ؟؟
تداخلت مع حاتم سوناتا هنا بعد اصر انو محمد احمد وانا شخصيه واحده (شوف بس انا رديت عليهو في الموضوع دا كم مره ) ومحمد احمد برضو رد عليهو
وكل مره بكرر فيها ، طيب اعمل ليهو شنو ؟؟؟
ولو تعرفني فعلا او شفتني والله أي مداخله لي واننا الضحك شارطني للاخر ، فانا بطبعي لا اعرف الزعل مطلقا تصدق !
بس اا فعلا بشكرك علي ملاحظاتك ياخ احمد ، وان شاء الله نلتقي باي وسيله تواصل.
--------
يا مستنير ، حاتم سوناتا بحاول يشتت في الكوره عشان يبعدنا من الأجواء الاحتفالية بتاعتنا.
فهسه دايرين نحتفل باكتر من مجرد بوست ، نشوف لينا برنامج كارب كده او حفله ، واهو الموصلي قاااعد.
وممكن نسمي الفعاليه المقترحه أعلاه باسم المستشار بكور يكشف المستور ، مع صوره كبيره ليك وخلفية للموصلي و لسوناتا (السيارة).
| |
|
|
|
|
|
|
|
|
|
Re: بمناسبة فوز الكاونتر الكاسح؛ هدية لبوب من (Re: أحمد محمد عمر)
|
حبيبنا احمد
الا تتفق معي انكقد ظلمت الشبلي كثيرا في تحكيمك هذا
هسع حاتم ده شايل بوستاته شمالا وجنوبا شرقا وغربا
يتهمني بالكذب والتلفيق
تفتكر ده هزار
لا ياصديقي العزيز
الزول ده ما داير يناقش الزول ده زعلان لانو لا طاقة له بمعرفتي الموسيقية
وكشفناهو قدام المشجعن
اصبح ينضح حقدا اكثر
من الكاونتربوينت الذي تنضح به السوناتا
هسع فتح بوست جديد ولكن جمهور المنبر القمه حجرا بعدم التداخل
حتى اولئك الذين ساندوه بقوة
انا احترم الشبلي جدا بل احبه على وقفته الرجولية في وجه الهمجي
---------
حاشية انا ما زلت عند وعدي لك بالانسحاب التكتيكي
بس الايام دي رمضان ومافي حاجه نقزقز بيها
تاليف الموسيقى شبه مستحيل في رمضان
| |
|
|
|
|
|
|
|
|
|
Re: بمناسبة فوز الكاونتر الكاسح؛ هدية لبوب من (Re: أبوبكر عباس)
|
Quote: حاتم ياخ انت زول اخونا وحبيبنا مافي شك لكن استاذنا يوف دا ابعد منو
طبعا انا مابقدر اقول ابجاكومة لانه مقامه كبير .. انا بصراحة اذكى من الاستاذ دا ما شفتا
في البداية يسكت ويسكت ويرمي ليك طعم ويجرجرك بى حرفنة ويوهمك انك صاح عشان تطلع الفي راسك
ولكن في الاخر ينقض على المعلومة الموسيقية ويستخرجها من حيث لا تدري .. طبعا دا شغله |
فعلاً، دا شغله
ونحنا قلنا غير كدة؟
بس جرجرناهو عشان يطلع الفي راسه
لأنو كان رافض وعامل حيطة، بيوقفني بالتآمر والوشاية
أهو في الآخر اضطر (ينقض على المعلومة) جهاراً نهاراً
ولكن من حيث ندري.
| |
|
|
|
|
|
|
|
|
|
Re: بمناسبة فوز الكاونتر الكاسح؛ هدية لبوب من (Re: حاتم إبراهيم)
|
سلامات استاذنا
مافي وعد ولا حاجة .. عاوز تلعب معانا دافوري حبابك والله .. نحن لاقينك! لكن قطع شك في الدافوري أنا في فريق حاتم
مشكلتك انت مع حاتم ما بتتحكم في مداخلة يا استاذنا .. دي تفاصيل دموية ليها قريب سنة والاتنين اتخانقتو ووقعتو الواطة .. ممكن أنصفك لو كنت ساكت وهو متعدي لكن زي ما هو اتحداك هسة انت اتحديتو زمان وزي ما جهلك انت جهلتو .. واتظلم بالإيقاف مرتين
بالنسبة للشبلي حاشا لله إنه يكون قصدي (تحكيم) هو أنا منو ذاتي عشان اقعد احكم في الناس! هي مجرد ملاحظة ودية لزول شايفو محمبك شديد والدنيا رمضان .. حبيت اقول ليه الموضوع ما بستاهل زعلك دة كلو وإن لم يكن من الزعل بد فأديها معانا ضحكتين تلاتة وارجع ازعل تاني
| |
|
|
|
|
|
|
|
|
|
Re: بمناسبة فوز الكاونتر الكاسح؛ هدية لبوب من (Re: Elmosley)
|
الأخ ناصر أمين اكمالاً لملخص الفلم:
علمنا من بعض المصادر أن علي دفع الله يا رعاه الله (بحكم مهنته و شؤونه البزنسية) قد قام بتقديم الدعم اللوجيستي لحاتم وذلك من خلال تزويده له بقبضة السمسم المثيرة للجدل و التي لم يتواني حاتم فور تلقيه إ ياها في
كشحها داخل شوال قمح و ذلك بغرض إ رهاب الموصلي تسطيحياً و تجهيلياً، بيد أن محاولته باءت بالفشل الذرييع.
أمير بوب من جهته قام بالتغطية النيرانية لدعم تقدم حاتم علي الأرض مستخدماً القوة الضاربة لمدفعية الايزنهاور و صواريخ توماهوك التي علي متنها، و لكن هيهات فقد كانت قوي الإ ستنارة له بالمرصاد.
المستنير يمكن اعتباره شاهد ملك بل بطلاً منبرياً بعد أن ثاب الي رشده و تخلي عن الأنشطة الارهابية التي كان يقوم بها ضمن المجموعة أعلاه.
التحية و الود للجميع
| |
|
|
|
|
|
|
|
| |
أبوبكر عباس
MOHAMMED ELSHEIKH
على محمد على بشير
حيدر حسن ميرغني
Hafiz Bashir
Hani Arabi Mohamed
حاتم إبراهيم
Nasser Amin
Elmosley
Ahmed Yassin
محمد على طه الملك
فيس بوك
تويتر
انستقرام
يوتيوب
بنتيريست