نسابة البورد...(شدرة النسب والأنساب السودانية)

Quote: الأخ العزيز محمد الشيخ تحية طيبة يا عزيزي .. Quote: جدي عم الوالدة الأستاذ احمد المصطفى الطاهر جد والدي لأمه هو الحاج القاسم الحاج محمد نور ود رحمة الله ود ابراهيم الكاسر شاع الدين (شاعدينابي) ووالدته هي عشة بت محمد على ود حمد ود حَصية .. وبحسب ما وردني ان جدنا محمد نور ود رحمة الله هو خال لمحمد الشيخ واحمد مصطفى الطاهر حدثني والدي عن علاقتنا بالدامر وعن الاستاذ احمد المصطفى الطاهر ود حنين (رجل الدين المعروف) .. وعن أخيه الأكبر محمد الشيخ وابناءه الدرديري وسراج الخ .. منزل جدنا القاسم وجدنا الفاضل ود على كان منزلا للاستاذ العلامة ومعلم الأجيال احمد المصطفى الطاهر .. وكذلك هو خال الخليفة عبدالوهاب رضوان (شاعر الميرغني والازهري) .. . . والخليفة عبدالوهاب رضوان يكون ابن عمة جدنا الحاج محمد نور ود رحمة الله .. ومن ابناءه كما تفضلت مبارك والرشيد ومحمد عبدالوهاب (أمد الله في عمره) .. وأختهم المرحومة فاطمة عبدالوهاب والتي كانت تدرس في كلية المعلمات بامدرمان وكانت معها زبيدة محمد الشيخ رحمها الله وكان منزلهم في نهاية الاسبوع منزل جدنا القاسم وجدنا الفاضل ود علي .. وكذلك كان الأستاذ الدرديري محمد الشيخ الذي درس الوسطى في أمدرمان وقد عاصر والدي في المدرسة حيث كان يسبقه بعامين .. قال لي والدي أن زوجة عبدالوهاب رضوان هي المرحومة خديجة (دنقلاوية) .. تمتد علاقتنا كذلك لاهلنا الحسبلاب في نواحي ابوسليم من خلال حبوبتنا عشة بت محمد على ود حمد ود حَصية ( عَشًة الرَزًه) .. وأقربهم الينا رحما ومودة هم آل أبوشورة) .. ومنهم جدي ومعلمي وملهمي في كثير من أمور الدنيا المرحوم محمد بابكر ابوشورة, ذلك التاجر البسيط بسوق العناقريب والعظيم جدا في انسانيته وحكمته ولطفه الانساني .. وكان شديد الولع بالسياسة وأخبار الدول وكذلك الانساب غايتو بوست عجيب .. اهو في الباوقة لمينا في طرف خيط لسيدي علي والدوحة الميرغنية ومن الدامر تواصلت اسبابنا باهل العلم والصلاح والقرآن .. ويبقى لو أتيحت الفرصة أن أتحدث عن اهلي الكرام ببري .. وأن يمتد الحديث نحو مختار الشكيري بركات والد جدي المشرف وهو ابن أخ الشيخ خوجلي عبدالرحمن ..