|
|
|
 Re: ثورة المنافى ... (Re: معاوية المدير)
|
حباب ود المدير
Quote: عايزين وفد منافي يكون همه الوطن
وناس البلد ... |
فى البوست المشار اليه اعلاه و الموسوم باسم والد الشهيد تطرّقت لفكرة ثورة المنافى
و اساس الفكرة ناس همها الوطن و ناس البلد
و نمسك اولا فى ناس البلد دى
الوضع المعيشى الضاغط يشغلهم عن الثورة
و دموية النظام
فقدان الثقة فى السياسيين الموجودين على الساحة
تصفية قوات الشرطة و الجيش و احتكارها للموالين للنظام
المليشيات الخاضة و الدواءر الامنية الشعبية التى تحيط بالنظام و اهله
انعدام حرية الصحافة و لا كلمة تعلو فوق كلمة النظام
كل هذه الاسباب و اخرى تعجز اهلنا بالداخل من انجاز الثورة
عليه لا بد ان يكون هناك دور و دور كبير لسودانيى المنافى فى انجاز الثورة
و بأقل كلفة دموية و بحرفية عالية
| |
 
|
|
|
|
|
|
|
|
Re: ثورة المنافى ... (Re: جلالدونا)
|
اما بالنسبة لسودانيى الخارج فالحمد لله اغلبهم من ذوى الشهادات العليا
و الخبرات الطويلة فى جميع المجالات و قد يملكون التأثير الدولى كل فى مجاله
و السواد الاعظم منهم يمتلكون المال و على استعداد للمساهمة فى دفع عجلة الثورة
بالاضافة الى عنصر الشباب المتسلّح بالعلم و المعرفة
و ازيد على ذلك قدرتهم على الحركة و التواصل و الحرية الكاملة فى التعبير و التواصل
يالصورة الشخصية او عبر الميديا او الدوائر التلفزيونية المغلقة اذا استدعى الامر
| |
|
|
|
|
|
|
|
|
|
Re: ثورة المنافى ... (Re: Muna Khugali)
|
حاولت كثيرا أن أفكر في دوري وأنا في خارج السودان..
حاولت أن افكر بشكل فيه تجديد أو إبتكار
إذ أننا منذ خروجنا جربنا خلال كل السنوات طرق الإعلام الخارجي عن طريق الحملات وغيره
مع التواصل مع السودانيين أبناء الوطن..
فشلنا بالطبع في إيجاد قناة تلفزيزنيه تمثلنا وفشلنا في إيجاد عدة محطات راديو تبث بصوت المعارضة وتصل كل بيت..
الدور الذي كان يجب ان نقوم به بشكل فيه فعاليه هو دعم الداخل.. ليس فقط في ارسال المساعدات للأهل
لكن في دعم الثورة نفسها..
أعتقد أن فشلنا هذا ساهم لحد كبير فيما يحدث من ضعف في تجمع صفوفنا وعدم وجود الثقة الكافيه حول جسد واحد
أتمني أن نري طريقة لعلاج هذا الأمر..
نجحت الثورة الأريتريه بالدعم المادي الإجباري لكل أريتري في الخارج ولمن كانعندها الهدف الواضح والجسد القوي الذي يلتفون حوله..
تحياتي يا جلالدونا لك ولزوارك
| |
|
|
|
|
|
|
|
|
Re: ثورة المنافى ... (Re: Muna Khugali)
|
يا مرحب العزيزة منى
فشلنا لاننا لا نملك الجسم القومى الذى يوّحد همنا تجاه قضية الوطن رغم امتلاكنا لكل مقومات قيامه
و حلولنا فى افضل احوالها ان تعدّت الاسرية تقف عند حد الجهوية
كل المطلوب يا منى اطار مؤسسى و خارطة عمل مبنية غلى التخصصية فى تحضيرها و انجازها
و ظنى الشغل ده ما عسير اذا اخلصنا النية فى القول و العمل و .. الله المستعان
| |
|
|
|
|
|
|
|
|
|
Re: ثورة المنافى ... (Re: جلالدونا)
|
كل المطلوب لجنة قومية _ اسمها و عددها بحسب ما يتم الاتفاق عليه-
مهمتها الاشراف على انجاز ميثاق للعمل
و اللجان الاخرى المساعدة كما ادناه كمثال
لجنة كتابة الدستور
لجنة مراجعة القوانين المنظّمة
كقانون الهيئة القضائية و الخدمة المدنية و الجيش و الشرطة
و لجان اخرى للتعليم و الصحة و العلاقات الدولية و القوات النظامية الخ
و ازيد عليها لجان محاسبة المفسدين بتجميع المستندات و تحديد المتهمين
الشغل ما صعب لو اخلصنا النية فى القول و العمل و .. الله المستعان
| |
|
|
|
|
|
|
|
|
|
Re: ثورة المنافى ... (Re: جلالدونا)
|
على قناعة تامّة .ان القانونيين هم رأس الرمح فى حلم التغيير او اى عمل يهم مصالح الناس و تنظيم حياتهم
يعنى بحسب تعريفى الخاص للدستور بأنه عهد ارتضته مجموعة من الناس لتنطيم حركتهم و ضمان حقوقهم
الطبيعية منها و المكتسبة و تحديد واجباتهم بحسب القوانين المصاحبة له و المتفقة معه
عشان الحاجة دى تتفكك لى نقاط ما بيقدر عليه غير القانونيين لذلك الان عليهم العبء الاكبر
و كل المرجو ان يتنادوا للمساهمة فى تأسيس هذا البنيان و اتمنى ان تكون البداية من هنا
من سودانيز اون لاين
| |
|
|
|
|
|
|
|
|
|
Re: ثورة المنافى ... (Re: جلالدونا)
|
تبويب دستور 1964 المؤقت
محتويات
1 الفصل الأول. أحكام عامة
1.1 الاسم
1.2 الجمهورية السودانية وأقاليمها
1.3 سيادة الدستور
2 الفصل الثاني. الحقوق الأساسية
2.1 حق الحرية والمساواة
2.2 حرية الدين والرأي وحق تأليف الجمعيات
2.3 حظر القبض على الأشخاص ومصادرة ممتلكاتهم
2.4 حكم القانون
2.5 التمتع بالحقوق الدستورية
2.6 استقلال القضاء
3 الفصل الثالث. مجلس السيادة
3.1 تكوين مجلس السيادة
3.2 سلطة مجلس السيادة
3.3 إسداء المشورة لمجلس السيادة
3.4 قسم أعضاء السيادة
3.5 رئيس مجلس السيادة
3.6 النصاب القانوني
3.7 قرار الأغلبية
3.8 العفو
3.9 رسمية قرارات مجلس السيادة
3.10 خلو المناصب
3.11 المرتبات
3.12 قواعد الإجراءات
3.13 اتهام أعضاء مجلس السيادة
4 الفصل الرابع. الهيئة التنفيذية
4.1 رئيس الوزراء
4.2 الوزراء
4.3 شروط الأهلية
4.4 القسم الوزاري
4.5 مجلس الوزراء
4.6 مسئولية الوزراء
4.7 خلو المناصب
4.8 النصاب القانوني
4.9 خلو المناصب
4.10 شغل المنصب الشاغر
4.11 المرتبات
4.12 اللوائح الداخلية لمجلس الوزراء
4.13 قواعد وسلوك الوزراء
4.14 واجب رئيس الوزراء في تبليغ رأس الدولة
4.15 التشريع
4.16 تصريف أعمال الحكومة
4.17 توظيف الأشخاص في خدمة الحكومة وشروط خدمتهم
4.18 سريان هذا الفصل
5 الفصل الخامس. الهيئة التأسيسية التشريعية
5.1 الجمعية التأسيسية
5.2 تكوين الهيئة التشريعية
5.3 انتخابات الجمعية التأسيسية
5.4 مؤهلات عضوية الجمعية التأسيسية
5.5 قسم الأعضاء
5.6 عدم الأهلية
5.7 خلو المقاعد
5.8 شغل المقاعد الشاغرة
5.9 الفصل في المسائل الخاصة بعضوية الجمعية التأسيسية
5.10 رئاسة الجمعية التأسيسية
5.11 كتبة الجمعية التأسيسية
5.12 دورات انعقاد الجمعية التأسيسية
5.13 مدة الجمعية التأسيسية ووظيفتها
5.14 مكافأة الأعضاء
5.15 النصاب القانوني
5.16 اللغة المستعملة
5.17 حرية الكلام
5.18 حق المداولة
5.19 حق توجيه الأسئلة
5.20 حق الوزراء في الاشتراك في الإجراءات
5.21 التصويت
5.22 اللوائح الداخلية
5.23 عدم جواز التعقيب على أعمال الجمعية التأسيسية
5.24 سلطة الجمعية التأسيسية في الاتفاقات الدولية
6 الفصل السادس. التشريع
6.1 الإجراءات الخاصة بالتشريع
6.2 حق مجلس السيادة في مخاطبة الجمعية التأسيسية
6.3 التشريع المستعجل بأمر مؤقت
6.4 تأييد الأوامر المؤقتة الصادرة قبل العمل بالدستور
7 الفصل السابع. المالية
7.1 تعريف السنة
7.2 الميزانية
7.3 مشروعات قوانين الاعتمادات المالية
7.4 مشروعات قوانين الاعتمادات المالية بالصرف مقدماً
7.5 مشروعات قوانين الاعتمادات المالية الإضافية
7.6 مخصصات للأموال الاحتياطية للحكومة
7.7 مصروفات للخصم على الأموال الاحتياطية للحكومة
7.8 إنشاء الضرائب وتعديلها وإلغاؤها
7.9 موافقة وزير المالية على التشريع المالي
7.10 موافقة وزير المالية على التشريع المالي
7.11 الحساب الختامي
7.12 الأملاك والموجودات والحقوق والديون والالتزامات
7.13 سلطة التملك
7.14 العقود
7.15 الدعاوى والإجراءات
8 الفصل الثامن. المراجع العام
8.1 إنشاء وظيفة المراجع العام
8.2 التعيين
8.3 المهام
8.4 مدة شغل المنصب
8.5 المرتب
8.6 تقارير المراجعة
9 الفصل التاسع. الهيئة القضائية
9.1 تمهيد
9.2 أقسام الهيئة القضائية
9.3 اختصاص القسم المدني
9.4 اختصاص القسم الشرعي
9.5 تنازع الاختصاص
9.6 التعيينات القضائية
9.7 القسم القضائي
9.8 مدة شغل المنصب
9.9 تحويل السلطات بواسطة رئيس القضاء
9.10 مرتبات وشروط خدمة الهيئة القضائية موظفيها
9.11 حراسة الدستور
10 الفصل العاشر. لجنة الخدمة العامة
10.1 إنشاء لجنة الخدمة العامة
10.2 الأعمال العامة للجنة
10.3 أعمال خاصة للجنة
10.4 (سلطة رأس الدولة في منح اختصاصات إضافية للجنة
10.5 منح سلطات فرعية للجنة بموجب لوائح
10.6 نقل سلطات وواجبات للجنة
10.7 تقديم العرائض إلى اللجنة
10.8 التقرير السنوي
10.9 انتقال السلطات لمجلس السيادة مباشرة
11 الفصل الحادي عشر. رفع المسئولية عن الأفعال السابقة
12 الفصل الثاني عشر. أحكام انتقالية
12.1 استمرار القوانين القائمة
12.2 استمرار الهيئة القضائية
12.3 استمرار لجنة الخدمة العامة
12.4 استمرار المحاكم والسلطات والموظفين
12.5 استمرار المراجع العام
12.6 تفسير
13 الجدول
13.1 صيغة قسم أعضاء مجلس السيادة
13.2 صيغة قسم الوزراء
13.3 صيغة قسم الأعضاء
13.4 صيغة القسم القضائي
13.5 صيغة قسم المراجع العام
| |
|
|
|
|
|
|
|
|
|
Re: ثورة المنافى ... (Re: جلالدونا)
|
اخوانا فى الاعلام
يا ريت لو بتلمو و يشوفو لينا تكلفة القناة التلفزيونية
التسجيل و حجز القمر الصناعى او اقمار
تكاليف البث التجريبى
ششن تقديرية كده
يضاف عليها 10% هامش احتياطى
ثم يطرحوا الاسهم كشركة مساهمة عامة
مع تحديد قيمة السهم
الامر بسيط فقط ناقصانا الحركة
| |
|
|
|
|
|
|
|
|
|
Re: ثورة المنافى ... (Re: جلالدونا)
|
و كمان بالمرّة يقدّموا مطلوبات العمل الصحفى و الاعلامى
و مقترحاتهم لمشروع قانون الصحافة و المطبوعات
فى ظل حرية الكلمة و التعبير المسئولة و كسلطة رابعة لها ادواتها و معارفها
لخدمة قضايا الوطن
| |
|
|
|
|
|
|
|
|
|
Re: ثورة المنافى ... (Re: جلالدونا)
|
اساتذتنا الاجلاء اهل التربية و التعليم
و قضايا المناهج و السلم التعليمى
و تأهيل المعلّم و المدرسة
و المعينات المساعدة
و مشاكل التعليم الفنّى
و النظر فى آفة المدارس و الجامعات الخاصة
و الكثير من مشاكل العملية التعليمية
| |
|
|
|
|
|
|
|
|
|
Re: ثورة المنافى ... (Re: زهير عثمان حمد)
|
تعرف المشكلة وين يا جلال ؟
كل واحد فينا -بحسن نية طبعا- يظن إنو هناك ( آخر ) سيقوم بهذا الدور أو ذاك، في طريق الثورة
أبداً لا يتخيل نفسو هو هذا الآخر
والآخر المُفترَض هذا، بِدوْرِه يَفترِض آخراً آخر... وهكذا
ومن ثم يستمر تنظيم الدولة الإنقاذية واثق الخطوة يمشي، لأنه فهم هذه الوهمة
شخصيا ألوم نفسي لأنني، ومنذ 27 عاما، أكتفي بإرسال مصاريف لأهلي في السودان وببعض التنظير
هذا ما يختص بـ99% من ناس المنافي في رأيي
إن شاء الله أكون أوضحت فكرتي
| |
|
|
|
|
|
|
|
|
|
Re: ثورة المنافى ... (Re: معاوية الزبير)
|
يا الف مرحب استاذ زهير
و شاكر للمؤازرة
و يا ريت ضربة البداية تكون منّكم انتو الصحفيين فى الترويج للفكرة
و البدء فى الجانب اليهمكم بالنسبة لى هموم الصحافة و الاعلام
يا الف مرجب يا معاوية
و يا ريت نتجاوز الحتّة دى و نمشى على الفعل الموجب
اهو معاك زهير و الحمد لله الاتنين اعلاميين و بى علاقاتكم العملية ممكن تكون بداية يكتب لها النجاح
عشان ما نلوم انفسنا اكتر من كده
| |
|
|
|
|
|
|
|
|
|
Re: ثورة المنافى ... (Re: جلالدونا)
|
الزميل سيف الدين بابكر
Quote: لن يقاتل أبناء غرب السودان وشرق السودان وجنوب السودان من أجل أن يأتي (الجلابة)
سواء شيوعيين أو إسلاميين أو متصوفيين أو سلفيين مرة أخرى حاكمين على أكتاف أبناء الغبش والفقراء والمساكين
وبعد تقديمهم أكباش فداء من أجل كراسي السلطة وخزائن الثروة من أجل عرمان أو المهدي أو الميرغني أو غيرهم ..
ليستمتع أبناء الجلابة شيوعيين أو إسلاميين أو غيرهم ...
من يريد الثمرة عليه أن يهز الشجرة بنفسه ..
ومن أراد إسقاط البشير والعسكر الأمريكاني عليه أن يقاتل أمريكا أولاً فهي من يثبت هذا النظام ...
ولا يكون أبناء الفقراء والمساكين ضحايا من أجل الشيوعيين والكيزان من أبناء الشمال النيلي والوسط (الجلابة). |
هنا يا سيف الدين نبحث عن فكر جديد يستلهم التجربة و يتجاوز اخطاءها و يبنى على ايجابياتها لانجاز دولة العدل و المساواه
و بالتأكيد قادة جدد مسلحين بالعلم و المعرفة و محركهم حبهم و اخلاصهم لهذا الوطن و لا يهم من اى مكان يأتون طال ما
الهم واحد
| |
|
|
|
|
|
|
|
|
|
Re: ثورة المنافى ... (Re: جلالدونا)
|
اخي الكريم جلالدونا
اولا الف مرحب بيك في برنامج الخلاص الوطني اضافة غنية
تعرف احكي ليك قصة طريفة
في العام 1999 كنا مجموعة في مكتبة دار العلوم مع عمنا محمد الشنقيطي الله يطراه بالخير والناس بتجادلو في المشكل السوداني قام عمنا الشنقيطي انتبه
قال لي يا دكتور محمد ساكت مالك
وكان في واحد من ناس التجمع لما كان التجمع قبل يهتدون والراجل من حزب الامة
فقلت ليه مشكلة السودان بتتحل في ساعتين
قام عضو التجمع قال لي ساعتين كيف
قلت ليه ساعة مطايبة وسلام لانو الحكومة والمعارضة كافراد بعرفو بعض جدا كزملاء دراسة او حي او اقارب
قال لي صاح
طيب والساعة التانية
قلت ليه يختو دستور 56 المعدل 64 المؤقت اساس للتفاوض لانه مرن وقابل للتعديل
ضحك قال لي والله قدر ما قعدت في اجتماعات او مؤتمرات او سمنارات ما في زول قال زي طرحك ده
| |
|
|
|
|
|
|
|
|
|
Re: ثورة المنافى ... (Re: د.محمد حسن)
|
التحية ليك يا دكتور ولى رودانا الاوائل و رحم الله من رحل منهم و متّع الاحياء يالصحة و العافية
فعلا دستور 46 المعدل لسنة 65 دستور مرن و يمكن البناء عليه بما يحقق دولة العدل و القانون
فلتضافر كل الجهود لانجاز ثورة حقيقية لفك اسر الوطن
| |
|
|
|
|
|
|
|
|
|
Re: ثورة المنافى ... (Re: جلالدونا)
|
شكرا جلالدونا
واحنا معاكم في اي عمل وطني لصالح نهضة البلد ورفعته ورفعه من هذا الوحل الذي ظللنا فيه لأكثر من ربع قرن
ومشوار الألف ميل ببدا من صفحة على الفيس وقناة يوتيوب وموقع رسمي
والاعوج راي والعديل راي
| |
|
|
|
|
|
|
|
|
|
Re: ثورة المنافى ... (Re: احمد الشيخ)
|
Quote: واحنا معاكم في اي عمل وطني لصالح نهضة البلد ورفعته ورفعه من هذا الوحل الذي ظللنا فيه لأكثر من ربع قرن
ومشوار الألف ميل ببدا من صفحة على الفيس وقناة يوتيوب وموقع رسمي
والاعوج راي والعديل راي |
تسلم عزيزى احمد الشيخ
و اهو الواحد بحاول يشارك فى هم الوطن و لو بكلمة يظن انها حقّا
و العشم باق و مأمول فى اساتذتنا زملاء المنبر القانونيين لمناقشة المطروح
و سبل تحقيقه على الواقع لو راق لهم المقترح
| |
|
|
|
|
|
|
|
|
|
Re: ثورة المنافى ... (Re: جلالدونا)
|
الأخ جلالدونا
تحيه ليك ولي ضيوفك الكرام
بالرغم من أني أوقفت الكتابة إلا ان موضوعك أثار فيني حاجه
أو لمس فيني وتر أنا كنت بفتش ليهو من زمان
ياجلالدونا الموضوع ما موضوع دستور مؤقت أو منو البيجي السلطة
دي اخر عتبه في السلم الناس ماتعاين لي اخر عتبة الناس تبدا من السلم من تحت
الحكومة قوتها في أربع حاجات هي جهاز الأمن و التخويف والتانية تجهيل الناس ونشر
الأمية المقننه - حملة شهادات دون علم أو معرفة - التالته نشر فكر الجهويه أو القبلية
وديل التلاته قايمات بغطاء ديني - إسلاموي - من جانبين الأخوان المسلمين في فترة التمكين
وفي انصار السنة - بي كل مسمياتهم - في نشر فكرة الخروج علي الحاكم حرام
نجي لي رابع حاجه هي نظرة التشكيك أو عدم الثقة في الاخر بي كل أطيافه أول ما تطرح
فكره أول سوال حيدور ديل ناس دايره تاكل وما مثل الوزير الحالي الكان بيكورك أيام ثورة سبتمبر الفاتت
علي الناس بي بعيد
انت لوقدرته تكسر أي واحده من ديل البيت بيتهدا من كل جوانبوا أها عشان تعمل علي دي أول حاجه
انا في راي عشان تكسر الحاجز دا وتقدر تضم أكبر كميه من الناس تلتف حولك ومفروض تعاين ليها هو كيان
يضم كل السودان بي كل أطيافه ماشرط من النخبة أو المثقفاتيه المهم يكون همهم السودان واهم حاجه يخاطب الناس
بي لغه تقدر تصل لي كل السودان ما يعاين لي السودان في شكل شمالي أو جنوبي أو غربي أو شرقي
الحاجه دي انا لمستها في راديو دبنقا بالرغم من انو مشهور ممكن يكون في غرب السودان إلا في باقي اقاليم السودان
كلها مافي تقريبا ولو ليهو وجود حيكون محدود جدا
وبرضوا الناس مفروض تعاين لي خط سير الإتجاه بتاعها يعني مايكون مبني علي شخص بعينه لا هو خط سير وفق لي
خطه مدروسه ومقروءة واضحه المعالم هي ممكن تكون دستور المؤقت لي الكيان هدفوا اسقاط النظام
بعدين يا جلالدونا النظام الحاكم ماهي دولة مؤسسات تقدر تقيف علي حيلها بعد سقوطهم لأ دا نظام مستفحل جدا داخل المؤسسات
وقدر يلغي المؤسسات يخلي النظام هو المؤسسه ونشر الفساد داخل كل الدوائر انت مفروض يكون عندك تقدير لي كل الإحتمالات
من أحسن شي لي أسواء شي اها انت لو عملته دا ولقيت منصه إعلاميه تدعم توجهك وتكشف لي الناس سلبيات الحكومه بي صوره
جاده ومن غير تزيف أو إدعاءات لي إشاعات مبثوثه من خلال شبكات التواصل الإجتماعي بتقدر تخلي منتصتك دي مسموعه لي كل بيت
وكل ركن وانت كدا بتديت تضرب أول مسمار في نعش النظام وتقتل ليهو البديل منو أو الجاي منو وكلهم زي بعض و الأسئلة النرجسية البيقول فيها
ناس النظام
انا ماعارف الكلام دا انت حتقدر تفهمني انا قاصد شنو وله لأ
المهم انا دا راي وزي مابيقولو العوج راي و العديل برضو راي
| |
|
|
|
|
|
|
|
|
|
Re: ثورة المنافى ... (Re: Mahamed Eltaze)
|
اهلا عزيزنا التازى
و جد سعيد بى عودتك للكتابة عبر هذا الخيط
و المحاججة بالمنطق
و اجيك لى مداخلتك الثرة و غنية
و ابدا بى العمدان الاربع الشايلة بيت الانقاذ
1/ الدولة البوليسية
2/ التجهيل
3/تمزيق النسيج الاجتماعى
4/ التشكيك و ان شئت قل : التشكيك حتى فى المستقبل
اها عشان نهد العمدان الاربعة دى محتاج لى ياتو معول
بالتأكيد محتاج للشعب و الشعب وحده هو من يهد كل هذه الاركان و يخسف بالانقاذ
طيب
عشان الشعب يعمل الحركة دى محتاج لى شنو ؟
محتاج تديهو المعول و توريهو يبدا من وين
و فى تقديرى البداية تكون من اهم عمود و اضعف عمود فى قواعد بيت الانقاذ
العمود نمرة اربعة
| |
|
|
|
|
|
|
|
|
|
Re: ثورة المنافى ... (Re: جلالدونا)
|
من خلال العشرات ديل هي حتكون تكنوقراط - وعيب التكنوقراط ماعندو بعد سياسي -
وبالرغم من كدا بقول ليك دا أول مفتاح نحنا في امس الحاجه ليهو
بس لازم يتكون من نسيج مختلط يعني مافي زول يجي يقول دا حق
الشمال ونحنا مابنفع معانا أو دا حق الهامش و المركز مابنفع معاهو
أهم حاجه في الموضوع دا كلو الشفافيه و الوضوح لي الراي العام
يعني لو زول إتبرع أو ساهم - بي صوره إجبارية أو إختياريه - يكون عارف
التبرع دا مشي علي وين بالضبط في ياتو إتجاه ونتيجتو حتكون شنو
انا المهم عندي الوعي و الوعي مابيكون إلا لو لقيت مصداقيه وناقشت
قضايا محوريه بي صوره جادة وفاعله وقدرت تسحب البساط من ناس
كل برنامج 15 غنيه و 17 مدحه
أبسط مثال علي كلامي دا المنبر دا في يوم من الأيام كان نبراس لي
كل أهل السودان بالرغم من كل المشاكل و المشاحنات بس المواضيع هنا
كانت بتتناقش بي صوره جادة وفعاله واكبر نجاح لي الجداد الإلكتروني
هو تشتيت الناس من الموقع دا ولي يومنا نحنا كلنا شغالين علي سمعت
المنبر دا بالرغم من حالة التدهور الحاصل فيهو
من أهم النقاط الممكن نركز عليها فكره الثقافه المضادة لي نظرة الإنقاذ
في خلق جسم هولامي يلم كل أطياف السودان مرسوم علي خطاهو صوره
جادة لي وطن حالم بي بكره بي مستقبل باهر لي أولادنا
أنا بضم ليك بصمتي بي أصابعيني العشره ليك في اي وقت حتقوم الكيان
بي صوره فيها الحدود القولتها ليك دي انا جاهز واول زول في الصف الأول
معاك
| |
|
|
|
|
|
|
| |
جلالدونا
معاوية المدير
Muna Khugali
زهير عثمان حمد
معاوية الزبير
د.محمد حسن
احمد الشيخ
Mahamed Eltaze
فيس بوك
تويتر
انستقرام
يوتيوب
بنتيريست