كتب الكاتب الفاتح جبرا المتوفرة بمعرض الدوحة
|
Re: والله انحنا النوبة ديل تعبانين معاكم تعب � (Re: أيمن نواى على)
|
انحنا النوبة ديل مشاكلنا واضحة....الضريبة كنا بندفع ضريبتين فى السنة والزكاة بندفع حق حولين فى السنة.....لمن نجى فى توزيع الثروة بنطلع بى صفر معانا الواحد......اما رئيس الجمهورية ما نقربها والنائب و وزير المالية والدفاع والداخلية والخارجية محرمة تب.....الجماعة شغالين معانا بى سياسة الكيل بى مكيالين....عشان كدا انحنا بنحارب الحكومة.....انتو الباقين مشكلتكم شنو......امشو حلو مشاكلم براكم غادى مننا.....موت ما دايرين تموتو معانا....سمح مضارين ورانا لى شنو.
| |
|
|
|
|
|
|
Re: والله انحنا النوبة ديل تعبانين معاكم تعب � (Re: أيمن نواى على)
|
والله انحنا النوبة قنعانين من حكمكم.....ما ديرين نحكمكم....مشاكلكم كتيرة تشيب الراس ....والله الا يحكمكم نبى ......اذا كان الهدم الساهل ماقادرين عليه....تبنوا بلد كيف ؟ قدامكم حكومة ماقادرين تلزوها ترموها.......الله يفكنا منكم......حرب الحكومة اهون علينا من عذاب المعارضة مارضننا كل يوم......اذا لقينا لينا حكم ذاتى الله رحمنا منكم.....المفاوضة الجاية ياحكم ذاتى يا انفصال .
| |
|
|
|
|
|
|
Re: والله انحنا النوبة ديل تعبانين معاكم تعب � (Re: أيمن نواى على)
|
المعارضة الكسيحة راكبه فوق ظهورنا....لا دايرة تنزل من ظهورنا.....ولادايرة تخلينا نمشى لى قدام......يا كافى البلاء المصيبة دى شنو......وكمان عايزة تحل مشاكل السودان فوق رؤسنا.....وتكافئنا بى طعنة فى الظهر.....انحنا ما افضل لينا عمر عدو واضح.....من عدوا متخفى فى وسطنا.....كل شهر شهرين طالع لينا بى كضبه انا متا انا كتلونى.....انت الا كان تكتلك المريسة.
| |
|
|
|
|
|
|
Re: والله انحنا النوبة ديل تعبانين معاكم تعب � (Re: أيمن نواى على)
|
الآخ الفاضل أيمن نواى على..
اما رئيس الجمهورية ما نقربها والنائب و وزير المالية والدفاع والداخلية والخارجية محرمة تب ....
رئاسة الجمهورية.. الوزارات السيادية محرمة على النوبة.. خصوصا الدفاع.. والسبب هو عدم ثقة المركز فينا.. وثانيا أزمة الهوية البتحكم البلد.. وبى كدا النوباى لا يسمح له بتلك المناصب.. ودى مشكلة ماليها حل.. ألا اذا جات حكومة وطنية مخلصة.. ومخلصة دى يعنى تتعامل مع السودانيين بالكفاءة وتراكم الخبرات.. وليس العرق.. ودا ما حيحصل.... ألا اذا النوبة مسكوا زمام المبادرة.. وفرضوا نفسهم على مبدأ.. المساواة فى الحقوق والواجبات..
| |
|
|
|
|
|
|
Re: والله انحنا النوبة ديل تعبانين معاكم تعب � (Re: nour tawir)
|
الاستاذة نور الخوف دا ما فى داعى ليهو......انحنا لمن دخلنا الخرطوم دى.....وقلعنا راس الحاكم غردون......كنا ثلاث الوية......الاولى بقيادة ابوعنجة والتانية بقيادة محمد ود نوباوى ديل كلهم نوبة صر....والباقين بقيادة النجومى.....دخلنا الخرطوم توش زول سالناهو مافى.....ولاقلبنا الحكومة.....الناس دى بتخاف ساكت.....خليهم يختو الرحمان فى قلبهم......كان عملو حاجة كعبة وخايفين مسامحنهم.......هم ما شايفين اولادهم مجدعين هناك لمن طالعين لينا فى راسنا.....المهدى دا لمن كان بيفتش فى الامان لقاهو عندنا.......ما تخافو يا جماعة انحنا ناس زيكم.....والله العظيم ما بناكل الناس.
| |
|
|
|
|
|
|
|