Post: #1
Title: والله انحنا النوبة ديل تعبانين معاكم تعب شديد خلاص الواحد الحكومة تسكو يتلبد ورانا ويحرشنا
Author: أيمن نواى على
Date: 01-24-2016, 05:43 PM
04:43 PM Jan, 24 2016 سودانيز اون لاين
أيمن نواى على-USA
مكتبتى
رابط مختصر يا جماعة انحنا فترنا منكم.....دايرين نعمل صلح مع الحكومة نشوفكم تعملو شنو؟
|
Post: #2
Title: Re: والله انحنا النوبة ديل تعبانين معاكم تعب �
Author: أيمن نواى على
Date: 01-24-2016, 06:05 PM
Parent: #1
دايرين نعمل صلح مع الحكومة ان شاء الله بالخسارة بى تمنو بس .....كيتنا فى ناس المعارضة اصحاب المصارين البيض....مرطبين ويحرشو فينا نحارب الحكومة.....وقت القسمة نلقاهم قدامنا....المرة دى نعملها فيكم نشوفكم تتصرفو كيف.
|
Post: #3
Title: Re: والله انحنا النوبة ديل تعبانين معاكم تعب �
Author: أيمن نواى على
Date: 01-24-2016, 07:18 PM
Parent: #2
انحنا النوبة ديل مشاكلنا واضحة....الضريبة كنا بندفع ضريبتين فى السنة والزكاة بندفع حق حولين فى السنة.....لمن نجى فى توزيع الثروة بنطلع بى صفر معانا الواحد......اما رئيس الجمهورية ما نقربها والنائب و وزير المالية والدفاع والداخلية والخارجية محرمة تب.....الجماعة شغالين معانا بى سياسة الكيل بى مكيالين....عشان كدا انحنا بنحارب الحكومة.....انتو الباقين مشكلتكم شنو......امشو حلو مشاكلم براكم غادى مننا.....موت ما دايرين تموتو معانا....سمح مضارين ورانا لى شنو.
|
Post: #4
Title: Re: والله انحنا النوبة ديل تعبانين معاكم تعب �
Author: أيمن نواى على
Date: 01-24-2016, 08:05 PM
Parent: #3
والله انحنا النوبة قنعانين من حكمكم.....ما ديرين نحكمكم....مشاكلكم كتيرة تشيب الراس ....والله الا يحكمكم نبى ......اذا كان الهدم الساهل ماقادرين عليه....تبنوا بلد كيف ؟ قدامكم حكومة ماقادرين تلزوها ترموها.......الله يفكنا منكم......حرب الحكومة اهون علينا من عذاب المعارضة مارضننا كل يوم......اذا لقينا لينا حكم ذاتى الله رحمنا منكم.....المفاوضة الجاية ياحكم ذاتى يا انفصال .
|
Post: #5
Title: Re: والله انحنا النوبة ديل تعبانين معاكم تعب �
Author: أيمن نواى على
Date: 01-24-2016, 09:04 PM
Parent: #4
المعارضة الكسيحة راكبه فوق ظهورنا....لا دايرة تنزل من ظهورنا.....ولادايرة تخلينا نمشى لى قدام......يا كافى البلاء المصيبة دى شنو......وكمان عايزة تحل مشاكل السودان فوق رؤسنا.....وتكافئنا بى طعنة فى الظهر.....انحنا ما افضل لينا عمر عدو واضح.....من عدوا متخفى فى وسطنا.....كل شهر شهرين طالع لينا بى كضبه انا متا انا كتلونى.....انت الا كان تكتلك المريسة.
|
Post: #6
Title: Re: والله انحنا النوبة ديل تعبانين معاكم تعب �
Author: nour tawir
Date: 01-25-2016, 00:53 AM
Parent: #5
الآخ الفاضل أيمن نواى على..
اما رئيس الجمهورية ما نقربها والنائب و وزير المالية والدفاع والداخلية والخارجية محرمة تب
....
رئاسة الجمهورية..
الوزارات السيادية محرمة على النوبة..
خصوصا الدفاع..
والسبب هو عدم ثقة المركز فينا..
وثانيا أزمة الهوية البتحكم البلد..
وبى كدا النوباى لا يسمح له بتلك المناصب..
ودى مشكلة ماليها حل..
ألا اذا جات حكومة وطنية مخلصة..
ومخلصة دى يعنى تتعامل مع السودانيين بالكفاءة وتراكم الخبرات..
وليس العرق..
ودا ما حيحصل....
ألا اذا النوبة مسكوا زمام المبادرة..
وفرضوا نفسهم على مبدأ..
المساواة فى الحقوق والواجبات..
|
Post: #7
Title: Re: والله انحنا النوبة ديل تعبانين معاكم تعب �
Author: أيمن نواى على
Date: 01-25-2016, 02:27 AM
Parent: #6
الاستاذة نور
الخوف دا ما فى داعى ليهو......انحنا لمن دخلنا الخرطوم دى.....وقلعنا راس الحاكم غردون......كنا ثلاث الوية......الاولى بقيادة ابوعنجة والتانية بقيادة محمد ود نوباوى ديل كلهم نوبة صر....والباقين بقيادة النجومى.....دخلنا الخرطوم توش زول سالناهو مافى.....ولاقلبنا الحكومة.....الناس دى بتخاف ساكت.....خليهم يختو الرحمان فى قلبهم......كان عملو حاجة كعبة وخايفين مسامحنهم.......هم ما شايفين اولادهم مجدعين هناك لمن طالعين لينا فى راسنا.....المهدى دا لمن كان بيفتش فى الامان لقاهو عندنا.......ما تخافو يا جماعة انحنا ناس زيكم.....والله العظيم ما بناكل الناس.
|
|