مطلوب رأي الأطباء حول ما جاء عن أضرار السُكّر في هذا الفيديو

Quote: اخدها منى ياخوى .. تنظير سااى الناس ديل كل يوم ذايعين لينا بحث . انو الفول بكبر العقول .. وبكرة بحث انه الفول بصغر العقول الليله يقولو الموبايل قاتل.. وبكرة يقولو ما فيهو شئ الليله يقولو الدكوة فيها السرطان .. وبكرة فى الدخان لخ لخك ساااى لكن ما تكتر .. اى حاجه بالمعقول .. وفى الحركة بركه

Quote: أها أنا ولا شفت الفيديو لكن منقبل 20 شهر موقف السكر لكن ما نهائي يعني مرة مرتين في الأسبوع بمشيها وبإستخدم إستيفانا معاي في الشنطة وكمان موقف الدهون يعني الشافني قبل 20 شهر وشافني الآن حيكطون الفرق ظاهر جداً البنكالين كلها بقت وسيعة والجديد جبناه بمقاسات أصغر الوزن نقص خلال الـ 20 شهر حوالي 10 كيلو أو أكتر الواحد بقى حاسي إنه شباب بس المشكلة الواحد بقى يجيب سيرة العرس كتير لمن يوم يلبسوهو حلة فوق راسه

Quote: كمان إذا في حد متخصص عايزين نعرف تأثير التمر برضو هل نفس السكر او مختلف ..

ـــــــ

(عدل بواسطة صبري طه on 12-03-2014, 09:08 AM)

Quote: منذ أن شاهدت هذه الشريحة لم أضع سكر في شاي أو في قهوة، وذلك من يوم 13 سبتمبر الفائت، يعني شهرين ونصف.

Quote: أرجو من الأخ وضاح سحب مداخلته لأنها تنطوي على مخاطر عظيمة للذين سيتبعون ارشاداته،،

Quote: الحد الأدنى للرجال تسعة ملاعق صغيرة يوميا

Quote: السكر "كسكر" في نفسو لا يضر. السكر في الحلويات و المشروبات التي يدخل فيها يسبب السمنة في حالة الافراط و السمنة لها مخاطر صحية معروفة و مثبتة. الحد الأدنى للرجال تسعة ملاعق صغيرة يوميا و ستة ملاعق للنساء.

Quote: نحن السودانيين بتاعين سكر درجة اولى الممتازة، التي بوي في مكتبنا، برش للموظفين السودانيين سكر زيادة، وكبابيهم على جنب؛ خد من هنا لا دا نفر سوداني شقر كتير، كل ما يسخن الشغل بديها كباية شاي مدفوسة سكر، وقهوتنا برضك سكرا زيادة؛ الشاي ما عندو طعم بلا سكر، ولا القهوة، نحن نشرب الشاي والقهوة عشان السكر الفيهم؛ جربوالقهوة الايرلندية سكرها زي سكر قهوتنا السودانية، ...................................... زملينا السعودي قال لزميلنا السودان: طالما جسمك بحرق السكر، استمتع!!!

Quote: صبري : انت محظوظ لأنك تلقيت هذه النصيحة من عمك دا وأنت في هذه المرحلة المبكرة من الشباب،،،

Quote: بدون ادني شك ولا دوران فاني توقفت عن السكر انا وجميع اطفالي وزوجتي واخوي .......ومنذ ذلك الوقت لم اصاب باي التهاب ولا حتي انفلوزا وهي من الحاجات النادرة جدا حيث انه خلال هذه الفترة 4 شهور تقريبا حدثت تقلبات في المناخ ودخل الحج وكان المستحيل ان لا اصاب بنزلة برد . اما الاولاد فالذين توقفو عن السكر " اصلا ما بشربو شاي " لم يصابو باي التهاب ولا نزلة برد ......اما الذين لم يستطيعو مقاطعة الحلويات فانهم قد اصيبو بزلات ولكن لم تنتقل للمتوقفين رغم المداخلة والتعايش مع بعضهم البعض .....وكذلك انخفض الضغط واصبح 110/75 وهي ضغط مدهش بالنسبة لزول عمره 48 سنة ......وكذلك الوزن وبداء يتاكل الغضروف نتيجة لانخفاض الوزن بشكل ملحوظ ....... اهم حاجة اني تعودت علي شراب الشاي والقهوة بدون سكر واصبحت استمتع بهما بطريقة مدهشة ....... توقفو عن السكر تصحو

Quote: اما عن نفسي منذ ثلاثين عاما لم اذق ولا ذرة سكر واحدة،،،ولاتمر ولا طحنية ولا مربة اوعسل او بسكويت ،،،ولا اي مشروب مضاف له سكر خالص،،،،يعني ذرة ولا ذرة... المتاكد منو اني لو لم افعل ذلك لكنت قبل ربع قرن مسوق بي وليد،،او علي كرسي،،وامكن من زمااااان اكون لحقت ابواتي.... لعن الله السكر في كل القبل،،،وماقاله هذا الرجل صاح بليون المية... اختو السكر والدهن وكثير الملح،،،وعليكم بالجكة.