بعد انهزام وصفعات حماس تنهي احتلال قطاع غزة

Quote: فرح الروضة سلام غايتو بتبالغ انا ضد افكار حماس، لكن كمان ما ممكن انكر واقع انه حماس فازت بالانتخابات عديل كدا، وتصفية حماس كانت مطالبة اسرايلية بانها منظمة ارهابية يعني هسع لاننا زهجانين من الكيزان نقعد نقول كلام زي دا كونه حماس تحمل افكار شمولية دا ما بيديك الحق في توصيف اقالتهم من الحكومة انهم احتلوا غزة غزة فازوا بيها عديييييييل كدا والمنظمة اتامرت عليهم دا تاريخ بصرف النظر عن اعتراضنا على افكارهم زي قصة مصر، قلنا للجماعة يا خي الحصل دا انقلاب، سموا الحاجات بمسمياتها الناس لانها كرهانة الكيزان، بقت زي الكيزان واحد كيزان السودان لانه الديمقراطية فضحتهم انقلبوا على الديمقراطية ديمقراطي السودان لانهم بيكرهوا الكيزان شجعوا البلطجة والدكتاتورية الفلسطينية والمصرية فرح الروضة يا خي ما طالبني حليفة لكن والله انا بتضايق شديد لمن زول زيك بيدافع عن الديمقراطية يجي يكتب ليه كلام زي دا الديمقراطية ما قيمة بنتشدق بيها هي ممارسة ووعي، ولو ما اترسخت في جواتنا، حينتهي بينا المطاف انه نرسخ تحت ديكتاتورية زي بتاعة الكيزان خمسة وعشرين سنة وملسه