|
|
 اهداء خاص لوضاحة فى ذكرى شهداء سبتمبر
|
الاخت الكريمة وضاحة
وصلتنى قصيدة تمجد ذكرى شهداء سبتمبر وبالخصوص د صلاح سنهورى
ولانى اعرف انه قريبك وقد يكون لديك رغبة فى التوثيق لكل ما يكتب عنه
اهديك القصيدة لكاتبها د عمر الجعلى
سنهورى لامات لامشى
جوانا حى
نارا بتوقد فى الحشا
زى صارى كان وسط الخلوق
لااندسى لازاغ لااختشى
قالا وصدق
لاخان كلمتو ولاوشى
صلى ومرق
شايل هموم المعدمين
لا ارتد لاخان لاسرق
لي حقو طابل بالهتاف
لاضر لاخرب حرق
ليه ذنبو ايه ؟؟؟؟
شان قالا كلمة حق فرق ؟؟؟
ماانتو عارفين انكم
ماكلين ربا وسارقين عرق
بتسومو فى الدين والشرف
وتعادو فى الرب الخلق
قردة وضباع فى هدوم رجال
بيتخافو كان كشكش ورق
بطيرو وين ؟؟؟
كتمت خلاص 000 قبليها شال
غضب الله والبراق برق
والزى صلاح واخوان صلاح
تارم يكون حرقة وغرق
بتطيروا وين ؟؟؟؟
عمر الجعلى
|
|
 
|
|
|
|
|
|
|
|
Re: اهداء خاص لوضاحة فى ذكرى شهداء سبتمبر (Re: جعفر محي الدين)
|
اجيك حفيان
لانو المقام صيوان
لكن مقامك قدسي
ولانكم لتم
معاكم السودان
الدمعة ما بتنزل
في الجوف اكيد تكبر
لمن تصل غليان
واتفجر الشارع
ويبقى البخور بمبان
ما نحن قاسينا
صبر السنين احزان
وكل اول
ليه في الاخر نهاية
وتبقى الحقيقة بيان
انو ما بهزمنا
جحفل الكيزان
| |
|
|
|
|
|
|
|
|
|
Re: اهداء خاص لوضاحة فى ذكرى شهداء سبتمبر (Re: فرح الطاهر ابو روضة)
|
نشهد علي إنك ولد
طمنت بي فعلك بلد
ونحن باذن الله على العهد والوعد
ولن تسقط رايه ركزتوها بجماجمكم
ما كان فينا جفن يرمش
وماشين في السكة نمد
ولن يهنأ الطاغية بفعلته
وموعدنا معه قد اقترب ان شاء الله
نم يا صلاح واخوانك الشهداء هانئين
ونسأل الله ان يتقبلكم شهداء وان يجعلكم في الفردوس الاعلى
شكراَ نبيلاَ عادل عبد العزيز
| |
|
|
|
|
|
|
|
|
|
Re: اهداء خاص لوضاحة فى ذكرى شهداء سبتمبر (Re: علي محمد الفكي)
|
صلاح الذي احبه كل من عرفه
له قدرة عالية على امتلاك القلوب
حتى اطفال الاسرة والاصدقاء كان صلاح صديقهم الاول وحبيبهم الذي لا يملونه
وتلك الابتسامة الودودة التي لا تفارق محياه
وما ان يتحدث اليك حتى ياثرك بادبه وحديثه الطلي
وتتمنى ان لا يتوقف عن الحديث وتظل تتابعه بفرح ..
سيظل صلاح جرح بداخلنا ومكانه فارغ بيننا الى ان نلتقيه
اللهم ارحم صلاح واغفر له واجعله في عليين اللهم لا تحرمنا اجره ولا تفتنا بعده
اللهم اقتص من قتلته ومن والاهم وعاونهم اللهم ارنا فيهم عجائب قدرتك
اللهم اشف صدورنا منهم
| |
|
|
|
|
|
|
|
|
|
Re: اهداء خاص لوضاحة فى ذكرى شهداء سبتمبر (Re: علي محمد الفكي)
|
ندعوكم للمشاركة في تأبين الشهيد الدكتور صلاح الدين مدثر الريح سنهوري
وشهداء سبتمبر
اليوم الجمعة 26 سبتمبر
الساعة السابعة والنصف مساء
بميدان الشهيد صلاح السنهوري ببري
مشاركتكم وفاء للشهدا ء
ودليل تصميمكم على تحقيق ما قدموا ارواحهم من اجله وطن واحد حر ديمقراطي
تسوده العدالة والمساواة وطن يسع الجميع
وطن الرفاه والشفافيه
| |
|
|
|
|
|
|
|
|
|
Re: اهداء خاص لوضاحة فى ذكرى شهداء سبتمبر (Re: MOHAMMED ELSHEIKH)
|
منع جهاز الامن مساء امس مهرجان تأبين الشهيد صلاح رغم حصول اسرة الشهيد صلاح على اذن وتصريح مسبق لقيام التأبين من الشرطة .. فمنذ الصباح احتلت سيارات الامن ميدان الشهيد سنهوري ببري والذي كان مزمع قيام التأبين فيه .. وقد ابلغ جهاز الامن الاسرة بأنه لن يسمح بقيام التأبين .. وقد اكتفت الاسرة بختمة قرأن على روح شهداء سبتمبر بمسجد مربع 6 وذلك من اجل سلامة الناشطين الذين توافدوا على منزل الاسرة للمشاركة في التأبين وقد تحدث العم الفريق اول الشيخ الريح السنهوري الى الشباب من داخل مسجد مربع 6 واكد ان الاسرة متمسكة بالقصاص من قتلة صلاح ولن تتنازل وان حقهم في القصاص لن يسقط بالزمن ..
لله درك صلاح ترعبهم حياً وميتاً
| |
|
|
|
|
|
|
|
|
|
Re: اهداء خاص لوضاحة فى ذكرى شهداء سبتمبر (Re: وضاحة)
|
سلام يا صلاح
أرقد مرتاح
وسط الصلاح
ما الظلم إنداح
والشعب طلع
نسوان ورجال
يهتف ويقول
"مليون صلاح
فدى الإصلاح"
...
كان شفتا صلاح
خلف الجثمان
كل السودان
كيمان..كيمان
ما فضل زول
حتى العيان...
الكل بيصيح...
ينده ويقول...
يا رب..يا عالم..يا منان
"مليون صلاح
فدى السودان"
...
كان شفتا صلاح
كل الأرواح الكتلوها
شلعت زي نور
بتضوى قبور
الكل حلمان
عايشين فى جنان
والكل بيقول...
لو تاني حييت
بفدي السودان
...
كان شفتا صلاح
الناس ماشين
الكل يسأل...
وين التأبين؟
ناس من بري
وناس من توتي
السيرة تسير
وكل الجماهير
تهدر فى هدير
تهتف وتقول
"مليون صلاح
فدى الإصلاح"
...
سلام يا صلاح
ما الشعب إرتاح
الشعب مرق...
وقلع السفاح...
والجوع ولى...
بعد الإصلاح...
والحلة بقت....
ملياني ملاح...
...
ما شفتا صلاح
يوم جا السفاح
ما دقو شباب...
وملوهو ’بزاغ‘
ناسن صلاح...
والكل يهتف
"مليون صلاح
فدى الإصلاح"
...
كان شفتا صلاح
قام جارى جرى
أظنو نسى...
بيت الأشباح...
ونسى ضرب الناس
خرطوش وسلاح
زفو النسوان...
وبنوتنا تصيح...
"يسقط...يسقط
حكم الكيزان"
...
كان شفتا صلاح
كلنا عارفين...
"كلنا مارقين
ضد الناس...
السرقو الدين"
كلنا عارفين...
الناس مرقت
ضد الكيزان...
تجار الدين...
...
كان شفتا صلاح
كلنا عارفين
كان حلمك كان
تبنى الأوطان
تنقح تزرع...
كل السودان
مويتو تدفق...
تملا الحيضان
أرضو تخدر...
مليون فدان
ناسو الطيبين
ماكلين...شاربين
لافى زول مرضان
لافى زول جيعان
...
كان شفتا صلاح
الكل يسأل...
نان وينو صلاح؟!
جاتن من فوق...
جات جارى "حنان"
جات جارى تقول
"داك ولدي صلاح
الطالعه رويحتو
فدى السودان!"
...
كان شفتا صلاح
أمك بى هناك...
وسط النسوان
يوم جو الحبان
الكل يوم داك...
والله "حنان"!!
والكل يهتف...
لو عندو صلاح
يفدي السودان
ويطهر أرضو
من الكيزان...
...
كان شفتا صلاح
الكل فرحان...
الكل بقران...
لو عندو صلاح
يبني الأوطان
الكل بيقول...
لو عندو صلاح
كان السودان
بيعيش فى أمان
...
كان شفتا صلاح
كل الأمات...
كل الخالات...
كل العمات...
كل الأخوات...
حالمات سودان
من غير بنبان
حالمات سودان
من غير كيزان
حالمات بولاد
يبنو الأوطان
وإن جات الحاره
يقدمو روحن
فى إيمان...
فدى للسودان
30/9/2013م
ابراهيم الكرسنى
| |
|
|
|
|
|
|
| |
عادل عبدالعزيز عبد الرحيم
جعفر محي الدين
د.محمد حسن
فرح الطاهر ابو روضة
علي محمد الفكي
MOHAMMED ELSHEIKH
وضاحة
فتح العليم محمد أبوالقاسم
فيس بوك
تويتر
انستقرام
يوتيوب
بنتيريست