سؤال للاخت تراجي (ماذا تقصدون بالهامش و ناس الهامش)

Quote: فرحانة تركب هذا المثل ارتبط بذكراتي بشي جميل جلس العم الصادق والأخ الذي يكبرني بسنوات تفوق الثمانية سنوات ويجاوره الجد حسن الشايقي في انتظار من يرابعهم لا كمال لعبة الوست التي يجيدونها إجادة تفوق أي وصف الكثيرين من أهل الحلة يحكون عن حرفنة العم الصادق كانت اللعبة محببة إليهم يمضون فيها الساعات الطوال من بعد الساعة العاشرة صباحاً إلى ما يتجاوز العصر بقليل . كنا نقاسمهم الديوان في لعب الورق نأخذ الكشتينة القديمة منهم بحكم أنهم لا يحتاجونها بعد أن حل البديل مكانها مقابل آن نقوم عنهم ببعض المهام كأن نذهب لإحضار الشاي أو القهوة من منزل الحاجة التايه أو يجلب احدنا التمباك للعم الصادق فضلاً عن القيام بدور غسيل الأيادي وحمل الإبريق وقت وجبة الغداء كنا من الحين للأخر نلتف حولهم لمراغبتهم في صمت ونستمتع بنقاشهم بعد انتهاء كل لعبة كيف اخفق هذا أو ذاك وكيف توفقت اللعبة الفلانية وكيف قص فلان لدامة فلان ولماذا اخف المقص الفلاني . كان هذا التحليل يكسبنا مزيد من الخبرات في عالم الوست وفن لعب الورق بصورة عامة .................................................. ....................... توقفنا مع ثلاثتهم وهم في انتظار رابعهم يقفون على بوابة الانتظار أذهلني صوت العم الصادق وهو يناديني يا فرح تعال امسك الورق ده لما يجي زول يزامل جدك حسن الشايقي بين المكذب والمصدق رميت ورق اندادي بسرعة فايقة وفي ومضة البرق كنت بين الكبار نظرت إلى الورق بسرعة فايقة وقلت ( تسعة )......... نظر إلى الأخ الصديق بشي من السخرية والتهكم وقال ضاحكاً وهو يحاصرني بنظرات الاستنكار آها هسي تسميتك دي صحيحة ولا بس فرحانة تركب ......... اها أنا باص يا زول النشوف تسعتك دي .. مرت اللعبة بين ضحكات العم الصادق والأخ الصديق والجد حسن الشايقي ولعب الفرحانة الراكبة العبد لله التسعة وانتهت اللعبة وكانت النتيجة تجاوز اللعبة التسعة إلى عشرة . عددت عدد الأيادي بشي من الحبور والبهجة وقلت جأت عشرة يا ناس هوي أجابني العم الصادق بشي من السخرية والإعجاب والتهكم أيضا والله يا ولدي ام شعيفة ما بتموت بلا سمعة ؟؟ لا زالت هذه الذكريات الجميلة التي حجزت لي موقعاً كاحتياطي في لعبة الوست بين كبار أهلي وعشيرتي محفورة بدواخلي فكلما غاب نفراً منهم استنجد بي الآخرين .......... والان مع مرور السنوات لا زال أيضا مثل فرحانة تركب وأم شعيفة التي لا تموت بدون سمعة تحفرا بأعماقي مزيد من القيم مزيد من الإبحار في حكم هؤلاء البسطاء الطيبين فكلما تقدم بي العمر أدركت ما كان خافياً على من هذه القيم ... فكم فرحانة راكبة الآن ؟؟؟؟؟؟؟؟ وبلا دواعي للركوب او الفرح ............. وكم من آم شعيفة لا تموت الا بعد ان تحدث ضجيجاً يعم الافاق ؟؟؟؟؟؟؟ التحييييييييية لاهلي بتلك الديار وللعم الصادق والاخ الصديق والرحمة والمغفرة للجد حسن الشايقي .

Quote: امجد سلامات ورمضان كريم احيك تحية الهامش للمركز وارجو ان تخرج فرح ابو روضه من قائمه الهامش لانو خرق ابعهود ولعب الويست دون مراعاة الهامش..

Quote: حبيبنا الجميعابي بما انو البوست لا بواكي ليه بستميحك عذراً انو نكب فيه بعض بوستات من زمن مضى

Quote: امجد سلامات ورمضان كريم احيك تحية الهامش للمركز وارجو ان تخرج فرح ابو روضه من قائمه الهامش لانو خرق ابعهود ولعب الويست دون مراعاة الهامش... معزره ..يا امجد شكلك منتظر ..هوامش قاردن سيتي

Quote: عزيزنا امجد تحيات ومحبة احسن ما كتب عن جدلية الهامش والمركز هو الاخ الصديق ابكر ادم اسماعيل... واعتقد ان كتاباته علي الارشيف بهذا الموقع .. او في مكتبته علي ما اعتفد ... واعتقد ان له نقاشات ومساجلات مع اخونا دكتور منير الله يطراهو بالخير .... قبل ان ياتي هؤلاء ويبتذلوا المفاهيم ويجغمسوها... اخونا امجد اسوأ ما يحدث الان هو تولي انصاف الاميين زمام المبادرة وجاطوا الشغلانية لانو ببساطه هم ذات نفسهم ما فاهمين هم بيعملوا شنو؟؛؛ وعبارة عن مغفل نافع لدوائر اكبر من عقولهم

Quote: امجد تحياتي ورمضان كريم الهامش واهل الهامش على حسب ما فهمت من ما يكتب هنا هو صك يمنح لمن يشاء بغض النظر عن من اين انت ياخي ممكن لحيمة حبوبة بعيدة تبقيك من الهامش ومن ناس الهامش المساله ما عندها معايير معينة يمكن البناء عليها كيري ساهي وجايطة وتحت رحمة من يمنح هذا اللقلب فقط تصدق منطقة زي منطقة اميكح المافيها مدريسة ولا حمام لقضاء الحاجة تعتبر من المركز ومستعبدة الهامش بينما عروس الشرق بورتسودان قبلة السياحة في السودان واجمل مدينة سودانية من الهامش شفت كيف الشغلانة مفتولة ومرات كتيرة الشغلانة بتبقى بالقبيلة فقط قبيلتك بتحدد انت من الهامش ولا من المركز بس اذا كنت دنقلاوي ولا جعلي ولا شايقي ان طقيت السماء براسك ما بتبقى هامشي ( الا بشاشا) وبنفس المعايير الغريبة دي نعتبر سيدة الاعمال وداد يعقوب من الهامش وبروف الحاج ادم من الهامش وسعادة سفيرنا بالولايات المتحدة سابقا نورالدين منان من الهامش وبرضو ماشي تسال يا الجميعابي من الهامش ومناطق الهامش

Quote: الاخ أمجد والضيوف - رمضان كريم الهامش بالمفهوم السائد في المنبر ده أي مكان لا يسكن فيه الجلابة وأولاد البحر وهي كلمة أصبحت من متطلبات النضال إن لم تكن كلمة مناصرة المهمشين في برنامجك الانتخابي فأنت لا محال لن تجد مقعداً بين المناضلين

Quote: الاخ امجد الجميعابي، سلامات يارجل، ياخ السودان كلو هامش من نمولي لحدت حلفا، وبغادي من شرق السودان حتى غربه ؛ والشعب السوداني كلو هامش،ومهمش؛ والمركز ذاتو هامش، ومن سكن المركزا، والماهامش، يا امجد، هم كل الجلابة، ومن ارتبط بحكومة الفساد والافساد، ويتساوي في ذلك اكان هذا المرتبط من دنقلا، او سنار، من الجيلي او بورسودان، من الفاشر او نيالا، من كردفان او من الخرطوم.... يتساوى في ذلك علي طه مع عثمان كبر؛ .................................................... هسع يجوك العنصريون الجدد، ويملوك، جعلي وشايقي، ودنقلاوي، وبرتا... انهم يا صديقي يؤدون دورا عنصريا بحتا، وهذا بالضبط صنيعة كيزانية بامتياز، الم تراهم-اي الكيزان- فرحين، بتلك المداخلات العنصرية الاشتر، هؤلاء العنصريون الجدد ناجحون في هذا الامر، يؤدون دورهم بلا خجل وبلا حس، ان كان يؤدون ذلك وهم واعون فتلك مصيبة، وان كانوا جاهلين فالمصيبة اعظم.... ولا اعتقد ان الاصوات الضجة التي تتحدث عن الهامش، وما ادراك ما الهامش، هي في حقيقة الامر ذاتا ما هامش بحكم موقفها من صراع الهامش الحقيقي، مع المركز الفاسد، فالاناء الفارغ دوما اكثر ضجيجا، وهذا الضجيج الفارغ لن يفوت على نباهتك السياسية، فركز جوة الخطاب تجد الجواب.... وتسلم يا امير،

Quote: عرفت انك من واوسي من خلال كتابتك في بوست مجاور و لي في واوسي اهل و عشيرة و قبيلة ناس ود العجمي و ود الصندوق و جدي حجازي ود النويري الاخ غير الشقيق لحاج فور و آل عجيب و كثيرون كثيرون رعاهم الله و حفظهم.

Quote: نعم انا من واوسي الشيخ عبدالقادر، وجحازي ود النويري جدي ايضا فهو عم لوالدتي لزم، وجدي ابوعركي هو الاخ الشقيق لجدي فور واخوانه، وكل الذين ذكرتهم هو اهلي وعصبتي وجيراني واحبابي، وجدنا عبدالقادر جحازي مقيم بعد الخدر، وابنه الخال احمد حجازي مقيم معانا هنا في الرياض، مؤكد انك تعرفه، اذن انت يا من الجيلي ( درست المتوسط والثانوي في الجيلي؛ وكل اجازة اذهب اليها يوميا تقريبا، وهنالك اصدقائي وهم كثر، واساتذتي) او من عد الخضر ؛ او لعلك من المفازة... اهو طلعنا قرايب....ولو انت في الرياض لابد ان نلتقي؛ .......................... لك التحايا النواضر

Quote: امجد ود اختى سلام اول شى فى هامش ومركز ومركز هامشى وهامش ممركز و ومنزلة بين المنزلتين و عييييك وحاتك انا وام حازم دى فى ندوة اسفيريه قربنا نتلاقط قبال ده فى تعريف مركز وهامش دى وسألت اسألتك دى زاتا وقلت لهم لم اعرف تعريفاً واحداً مستقيماً منذ ان وعيت هذا المصطلح وصار يتردد على السنة الساسة، و يبدو ان هذا المصطلح من صناعة الكيزان وعلى فكرة اى شى تلقاه مغبش طوالى ردوا اليهم فكم ضعنا بين التوالى و التحلل و فقه الضرورة والحرام وعلاقة المسك بالجهاد والشهادة بالتصفيات الجسدية، وكان سؤالى هل كل اهالى دارفور يسمون هامش؟ وهل يتساوى فى ذلك على الحاج وابوقردة والسيسى وكبر وتراجى ومحمد سليمان وعبد الرازق الطالب وابراهيم بقال وادم الهلباوى وموسى هلال ود. داؤود ابراهيم ؟ لم اجد عند ام حازم تعريف يقنعنى او يبرد بطنى كما نقول بعاميتنا، و كل الذى اقنعنى ان الاخوة يقفون معى فى خندق واحد وان ذهب بهم المسمى ( تجمع ابناء الهامش) بعيدا عن اهدافهم المعلنة.. لكن من اجمل ما سمعت من تعريف للهامش من احد ابناء دارفور وكان احد حضور الندوة وجمال التعريف فى ان الرجل اثبت لى صحة كلامى فالرجل دار ودار ولم يزد ان فسر الماء بالماء بعد لآى شديد.. قال لى: وكان يتحدث بلكنة دارفورية قحة تلك التى تبدل الهاء فيها حاء صديق الموج نحن (الحامش) الهامش ومن حقنا ان نسمى أنفسنا الهامش وكل من يحس انه مهمش فليطلق على نفسه الهامش لكن لا تمنعونا حقنا فى التعبير عن انفسنا فنحن ادرى بها ولم نحجر على احد ان يطلق على نفسه ما يشاء من القاب ومسميات.. قلت له ياخى دعونا نتوافق على اسم لابناء دارفور وجنوب كردفان والنيل الازرق ونحن نقر انهم اكثرنا اكتواء بالنار و نسميهم ابناء المناطق الاكثر تضرراً من الحرب وبعد ذلك كل من يعانى من هذا النظام الفاسد اينما وجد داخل او خارج السودان والذين همشهم المؤتمر اللاوطنى وانصهروا فى بوتقة واحدة نوجد لهم مسمى اخر ، لان هامش فضفاضة وستهزمنا وتضرنا اكثر من ان تفيدنا لانكم ان قصدتم بها محاولة لاستقطاب ابناء الغرب والنوبة وقبائل النيل الازرق وتجيشهم ضد ابناء الشمال النيلى، او السود ضد البيض او الزنوج ضد الجلابه فهذا كله يضر بقضيتنا نحن الباحثون عن سودان جديد ووطن يضمنا فانا صديق الموج الجنبك ده من قلب الشمال النيلى ومن المتمة واثنياً انتمى الى قبائل الجعليين ومتضرر من هذا النظام بما فيه نافع وكرتى والبشير والسيسى وحاج ادم وحميدتى وعلى عثمان، بهذه التسمية المخله والمختله تحولت القضيه الى اصطفاف قبلى، عليه يجب ان اذهب واقف معهم انا ابن الشمال النيلى ضدى انا المؤمن بالسودان الجديد مبادىء واهداف وخلاص لكل مشاكل السودان... اخيراً ارجوا مخلصاً من الاخوة ان لاتضعوا الناس فى شيزوفرنك و ان لا تضيقوا واسعاً و ذلك من اجل كسب مزيد من انصار الفكرة لوأد هذا النظام الفاشيستى الدموى الفاسد المفسد الذى خرب الزرع وامصع الضرع وشرد السودانيين فى القارات الستة لاننا بمثل هذا سنطيل عمر النظام ونقود البلاد لمزيد من الدمار والشقاق ويبقى الؤد،،،

Quote: أولاد اللعم أمجد وعبد المنعم الطيب ... مرجوعة ليكم التحايا النواضر من علي البعد الناس القتوهم ديل كلهم أهلي. أسمع يا أخوى عبد المنعم عليك الله قبال الحكاية ماجوط ومانعرف رقبتنا من ناس الهامش والله المهمش .. (أنا لاقريب دا كت قايل رقبتي من ناس الضهارى) عندنا عندكم حبال طين خماسي وسباعي دحين يا أخوانا أضرعو لينا حقنا ... وأكان البحر شالا شوفو لينا عوضة كدى في قاردن سيتي .. بالمناسبة يا عبد المنعم ، أنا قايل نوملي دى جابو الجنزير وضرعوها برا مرن خالد .. رمضانكم كريم وتصوموا وتفطرو على خير.. الجميعابي

Quote: ان كان المقصود بالهامش المناطق الاقل نموا فهذا يعني اننا نتحدث عن كل السودان ما عدا خرتوم ود اللمين العادما اسم الخلوة و ان كان المقصود عسرة و عثرة في نصيب المناطق من الثروة و السلطة فبلا ادنى شك نحن نتحدث عن كل السودان. اما ان كان الامر محاولة لالباس بعض المناطق هذه الطاقية فهذا لا علاقة له بالسودان و اهله و لا علاقة له بانسان هذه المناطق المكلوم المغلوب على امره و من يحاولون هذا لا يمثلون الا انفسهم و هم معزولون تماما عما يجري على مستوى السودان و معاناة اهله كافة و انما يعمقون في جراحات الزول ود البلد الصامت الساكت الصابر.

(عدل بواسطة Mohamed Suleiman on 07-20-2014, 06:08 AM)

Quote: امجد الجميعابي سلام ورمضان كريم وبجيك بالراحه لو امد الله في الاجال لوقتها تذكر هذا البوست جمع انصار عرمان 1) صديق الموج 2) هجو مختار وجمع الشيوعين 1) فرح ابو روضه وجمع اولاد موسي هلال 1) بدر السنوسي وعييييييييييك اه لحد ما اجيك بالراحه بكره بهدؤ قول يا لطيف. شغالين بنمنجه في عمك الباقر موسي فوق….. بس انت ما محايد طالما سميت (المفرده) ب(الرقطاء) يبقي حددته مكانك االنت قررت تقيف فوقه….. السؤال كيف تحول انتهازية السودان الجديد لاعداء هههههههه ده مروض تجتهد فيها يا امجد اولا لحين عوده.

Quote: عايز تعرف الهامش و اهل الهامش؟؟ بسيطة .... تتبع أي طائرة أنتونوف و هي محملة بقنابل البراميل المليانة بارود و متفجرات و مسامير و رايش حديد ..... منذ إقلاعها من مطار الخرطوم او الأبيض أو نيالا أو الفاشر أو الدمازين ... و حيثما تفرغ حمولتها هذه من الجو ... تلك هي مناطق الهامش و أولئك هم المهمشون . As simple as that

Quote: المهمش و المظلوم دائرتان متقاطعتان ، تلتقيان في منطقة تداخل اسمها الظلم لكن لكل منهما منطقتها و وضعيتها الخاصة ، تهميشاً او عدم تهميش تتحالف الدائرتان لإزاحة الظلم المشترك الواقع عليهما لكن للدائرة المهمشة مهمة إضافية ، ازالة التهميش و لأجل ذلك فان المهمشين يميزون أنفسهم من اجل التصدي لتلك المهمة الإضافية فما حك ظفرك مثل جلدك

Quote: ما هي المنطقة المقصودة بالهامش؟ من هم اهل الهامش المعنيون؟ مناطقهم ؟ درجات التهميش؟ ما هي المعايير التي يجب ان تنطبق على احدى المناطق لتصبح هامشا؟ هل انسان الهامش المعني اذا غادر منطقته لمنطقة لا تنضوي تحت لواء الهامش تنتفي عنه صفة انسان الهامش؟ ام تظل الصفة ملازمة له بالميلاد؟ ما المطلوب فعله لاخراج المناطق المهمشة من عزلتها؟ هل مفردة الهامش كرت يستخرج عند اللزوم ام حالة ماثلة ؟

Quote: س: هل ما زلت تحلم بالمثلث الذي أقام الدنيا ولم يقعدها، وما الذي كان يعنيه حينها ولماذا لم يصل مثلثك الأبيض غرباً وحلفا شمالاً والدمازين شرقاً؟ المثلث كلمة واسعة ولم أذكرها وما ذكرته محور، وكانت تلك استراتيجية انتخابية إذا طلب مني المؤتمر الوطني أن أضع استراتيجية انتخابية مبنية على الاستثمار الخارجي، كيف نستغل الاستثمار الخارجي لكسب الانتخابات، وعملت من قبل في الانتخابات واقترحت هذه الاستراتيجية بسيارة تذهب وتعود في ذات اليوم، وأن يعملوا في أمكنة يمكن ان يكسبوا فيها وكسبوا فيها من قبل، دارفور الآن ليست للجبهة ولا للصادق المهدي، واقترحت محور دنقلا وسنار وكردفان، والأبيض داخله بالمناسبة، وأهمية كلمة محور أنها فضفاضة تذكر بمحور الحرب العالمية، اليابان إيطاليا وألمانيا، دول بعيدة من بعضها لكنها تمثل محور اتفاق، ومالك بن نبي المفكر الإسلامي كتب عن محور طنجة جاكرتا، ومعظم العالم الإسلامي فوق هذا المحور أو تحته، دنقلا وسنار مناطق امتزج فيها السودان وهي التي ستسقط ناس الجبهة أو تأتي بيهم لأنهم سيقولون لهم انتم تحكموننا، ناس دارفور لا يؤمل أن يصوتوا لهم، ولا الجنوب، وكلمة مثلث اخترعها أناس اعتقدوا أن الفكرة اطلقها المؤتمر الوطني كبالونة اختبار، والمؤتمر الوطني لم يقل إنه ضد هذه الفكرة أو معها، لكن بعد ذلك حاول البعض أن يجعل لها تخريجات فكرية فقالوا نعم هذا هو السودان المسلم والنيلي الممتزج، والجنوب ضمه صمويل بيكر بخطاب من الباب العالي ودارفور ضمت في إطار معاهدة سايكس بيكو وزيري الخارجية البريطاني والفرنسي، وكل ذلك صناعة حديثة والحدود في أفريقيا، هكذا حاول البعض إلباس الفكرة الاقتصادية ثياباً سياسية وثقافية وأنا بعيد من كل ذلك، ومثلث حمدي اخترعه آخرون،

Quote: مثلث حمدي اتخذه الذين يروجون لفكرة الهامش و انسانه كقميص عثمان يخرجونة متى ما وجدوا عجزا في قولهم و فعلهم يخرجونه ليزداد بكاء الناس و عويلهم ثم يرجع المثلث الى مكانه و لكنهم يخرجونه متى ما وجدوا فتورا يستثيرون به عواطف الناس و لكني اقول لك لا مثلث لحمدي حتى و ان قال به فهو سوداني و نحن سودانيون.

Quote: شنو يا أمجد ؟ هل نفهم انو إجاباتنا عن أسئلتك الكتيرة ديك كانت مفحمة لك و لذلك لم تعلق على تلك الإجابات ، و توقفت فقط عند اسهل و أوضح تلك المحاور : مثلث حمدي ؟ بعدين انت داير إجابات و لا داير تراجي بس تجاوب ليك تراجي سيبها هسه ، ممكن تكون مشغولة او مسافرة ، صحيح هي المخاطبة في البوست لكن الموضوع ما بيخصها و حدها الا ان يكون دا هروب منك ساكت ------ جاييك لمثلث حمدي

Quote: امجد الجميعابى تحياتى لك وللجميع بعيد اعن تحديد مناطق بعينها إن الهامش وأهل الهامش ليس بالضرورة ان يكونوا فى أطراف الدولة لذلك اقول ان الهامش وأهل الهامش هو المهمل او هم المهملون (بضم الميم الأولى وفتح الثانية ) فى عملية التنمية بمعناها المطلق لإسباب سياسية او إقتصادية او إدراية او عرقية او جهوية الخ .... وتعدد الأسباب فى ذلك حسب منهج النظام الحاكم الذى يحكم الدولة وفى انتظار أجابة الكنداكنة تراجى

Quote: امجد شلوم، التهميش المقصود لاعلاقة له بي مستوي المعيشة او الاقتصاد. وانما المقصود هو التهميش السياسي علي مستوي المواطنة تحديدا والحقوق الاساسية للفرد المكتسبة بالميلاد كفرد بي معني بني ادم بغض النظر عن مستوي المعيشة. الموضوع ده كبير ومركب: تاريخيا التركيبة الاجتماعية في ثقافتنا الكوشية قايمة علي مايعرف بي نظام "الكاست" والموضوع ده فلاسفة الاغريق قتلوهو بحثا، منذ اكثر من 2,000 ولكن الي هذا التاريخ الموضوع ده ما وصل السودان!! نظام الكاست الكوشي مشهورة بيهو الهند، لانو مؤسسي الهند ذهبو الي هناك من السودان الكوشي الحالي، بل مفردة هند ذاتا سودانية اي كوشية كدليل! اها في النظام ده المكانة الاجتماعية بالميلاد لا بالكسب كما في الثقافة الارية الفيها البناء الاجتماعي قايم علي الفرز الطبقي الاساسو الكسب المادي! اها مستلبة الماركسية في السودان هم الطششو الناس بي تبنيهم الخاطئ لي مفهوم الفرذ الطبقي كاساس لفهم البنية الاجتماعية عندنا في السودان، ومن يوما، فالطشة الياها، الساطت او جاطت الشغلانة، لحدي ما جو ناس الحركة الشعبية، وادو العايرة عصا!!! خلفية الكاست الكوشي، هي السبب الجعل من امثال بشاشا من الشماليين، اسياد، واصحاب حظوة بالميلاد لا بالكسب! في كتار جدا بزعلو من كلامنا ده او بياخدو ضدنا بي صورة شخصية، ولكن لايهم، وهو متوقع. اها الزاد الطين بلة، هو ارث العبودية المشقوق في دواخلنا كاخدود الي هذا التاريخ! كنتيجة ارتبط مفهوم عربي بي معني "حر" اللي هو الشمالي تحديدا، في مقابل غير الشماليين، اي "الفروخ" ضمنا! الاحتلال الاجنبي انتبه لي ده كلو او وظفو بي طريقة عبقرية، في صياغة دويلة خاصة بالجو قايدين رسن جمل كتشنر، وعلي حساب الاشعلو الثورة الام اللتي ذلت الانسان الابيض كما لم يذل في تاريخو! اها علي كده الاغلبية حرمت من حقوقا في ظل هذه الدويلة الابارثيدية، وكنتيجة برز الصراع الحالي، الكان مقصود اصلا ومخطط ليهو باتقان بواسطة الاحتلال، اللي استراتيجيتو قائمة علي ابادة الذنوج لاكبر عدد ممكن من ذات الذنوج، كوسيلة لاحداث التوازن المطلوب من حيث عدد السكان السود في مواجهة البيض تحديدا، البعانو من تدني الخصوبة مقارنة بالذنوج بي فهمم! اذن هذه خلفية تاريخية مقتضبة لي مفهوم التهميش اللي واضح انو موضوع غميس وكبير جدا من سردنا!

Quote: العراريق البيفصلو فيها الناس و دايرين يلبسوها من شاكلة جلابي و هامش و انسان هامش عراريق مهترئة سوف لن نسمح لاي كان ان يجعلنا انبوبا لتجاربه.

Quote: ثانياً : عبد الرحيم حمدي ذاتو معترف انو هو قال الكلام دا في إطار تخطيط للسيطرة على البلاد و انت مرة تقول ما قالوا ، و مرة تقول مالو كان قالو مش هو سوداني ؟!!!!!! و لعمري دا كلام عجيب ، يعني شنو حكاية سوداني دي ؟ هل تقصد انو الآخرين (المهمشين ) ما سودانيين و لا شنو ؟ و انو حمدي هو سيد بلد ، فليقسمه كما يشاء و ليحابي من يشاء ؟ شنو جاب سودانيتو دي هنا ؟ ثالثاً : الاسم يبقى مجرد رمز او علامة للإشارة الى أشيء ، لكن الأهم هو كينونة الشيء ذاتو و بالتالي ما مهم ذاتو نقول مركز ، نقول مثلث حمدي ، نقول شمال نيلي ... الخ المهم هو وجود الحالة و النطاق نطاق مهمش ( بكسر الميم ) و نطاق مهمش ( بفتح الميم) بعد داك حتى و لو نقص النطاق أو زاد ، فان الاسم او الرمز او العلامة سوف يبقون باقين و لذلك كما ترى انا أضفت الأبيض الى الهامش في حين ان حمدي أضافها الى المركز مثل السودان ، بقي اسمه السودان رغم ان نطاقه قد نقص

Quote: يعني المنطقة التي ذكرتها ليست هامش و ما عداها هو الهامش المعني بما في ذلك المدن التي لم تأت على ذكرها و المناطق التي لم تتطرق لها. انت قايل كلام حمدي اذا افترضنا انو قالو هل دا قرآن منزل لا يأتيه الباطل بل بالعكس هذا احد اسباب نكستنا نمسك لينا في كلام نلوكو لبانة حمدي قال حمدي عمل حمدي فعل حمدي ترك يعني شنو فليقل حمدي ما يحلو له لكن ان نتخذ قول حمدي محورا نحلق حوله فهذا قصور في فهمنا و قلة حيلتنا. مثلث حمدي اتخذه الذين يروجون لفكرة الهامش و انسانه كقميص عثمان يخرجونة متى ما وجدوا عجزا في قولهم و فعلهم يخرجونه ليزداد بكاء الناس و عويلهم ثم يرجع المثلث الى مكانه و لكنهم يخرجونه متى ما وجدوا فتورا يستثيرون به عواطف الناس و لكني اقول لك لا مثلث لحمدي حتى و ان قال به فهو سوداني و نحن سودانيون.

Quote: احمد ابكر والجميعابي كدي اول شئ ورونا عبد الرحيم حمد يقال شنو طبعا من غير تشرحو قاصد شنو وتاني عبد الرحيم حمدي دا منو وبمثل منو ؟

Quote: واقترحت محور دنقلا وسنار وكردفان، والأبيض داخله بالمناسبة

(عدل بواسطة أحمد أبكر on 07-21-2014, 12:20 PM)

Quote: لحدي ما رسيتو علي بر في ما قاله عبدالرحيم حمدي اي زول عندو كلام وبضيف ليهو شرحو واستنتاجو غايتو انا قنعتا تب وكل سنة وانتو طييبين

Quote: تنادي : يا تراجي ... يا تراجي بطلع ليك انا اها كيفن الدبارة ؟

Quote: و الله الحوار أساتذة فيهو لكن زول بنادي للحوار و يقول : يلا قولوا معاي ما أقوله دا حوار ما شفناهو قبال كدا تاني و كت مافي روح رياضية لتقبل النتيجة الخاسرة مافي داعي لخوض المباراة من أساسها مافي داعي للبوست اذا ما جاهز ليهو و لنتائجو

Quote: مافي حاجة اسمها تهميش ثقافي