|
هااااااام نيابة عن ود الباوقة (رؤية منامية )صور
|
كالعادة اتعشيت تميس مع شطة خدرا بالدكوة وقليل من الجرجير..واندمست شخرتا فجتن يظهر لى الاصنج ود الباوقة يرتدى عراقى دبلان مهرود وسروال دمورية تكتو موف وسفنجة كل فردة من بلد والكراع الشمال لابس فيها شراب اسود ..قلت بسم الله الرحمن الرحيم ...ود الباوقة مالك؟قال لى لالالا بسيطة انا خلاص اتحللت ..قلت ليهو بركة ومبروك ...اها المطلوب منى شنو..قال تقوم تمشى معاى بيت دينق وبيت فرح و بيت بت عمسيب ... فجتن تلب لسؤال غريب ..وقال لى سيدى صحى اتكل ...واهم وصية قال عندى 4 بوستات مفروض اجى ابلعن ..بس اليومين ديل صااائم احمد سيدى ...وكلفنى ياجماعة قال وصية فى ذمتك تكلم ..د بشير وللا شيخنا السلفى ...يبلعوهن لى .... فجتن صحيت ولقيت التلفزيون قدامى فاتح فيهو خبر ...اين البشير ؟؟؟؟؟؟؟؟؟؟
|
|
|
|
|
|
|
|
Re: هااااااام نيابة عن ود الباوقة (رؤية منامية )صور (Re: فيصل محمد خليل)
|
سلام ايها المواطنيين .
ههههههههههههههههههههههه
Quote: بيت دينق وبيت فرح و بيت بت عمسيب ... |
غايتو انا ما عندي اي مشكلة جيبو لي عشان علي الأقل امسكو رهينة لما اسلمونا
عمر البشير لي لاهاي وبعد داك ننظر في امرو نفكو ولا لا هههههههههههه .
واحلام وردية للجميع .
سلمتم احبتي .. ولي قدام .
| |
|
|
|
|
|
|
Re: هااااااام نيابة عن ود الباوقة (رؤية منامية )صور (Re: مني عمسيب)
|
بربار الطوربيد معاويه عبيد و الاخ فيصل الحلفاوي
اليكما تحيه و السلام
بالمناسبه لا مزح في الاحلام . ده من باب النصيحه و الذكري لنا و لكما انا ما حافظ و لا اعلم النص تماما الحديث النبوي و لكن من كذب بانه راي رؤيه مناميه ، فانه يؤتي له يوم القيامه بشعره و يساله اللله سبحانه و تعالي بعقد طرفيها و هو داخل النار . ( لا اعلم بقيه الحديث )
فتكم بي عافيه
بربار مشتاقين ، ليه ما جيت عزيتنا في السيد محمد عثمان تاج السر الميرغني ، عيب انت ما سوداني وله شنو .
الزبير الختمي
| |
|
|
|
|
|
|
Re: هااااااام نيابة عن ود الباوقة (رؤية منامية )صور (Re: فيصل محمد خليل)
|
فيصل محمد خليل والله من شدة ما إتخيلت المنظر لمن الغنماية دفقت الشاي وهي تكابس لما تبقى من صينية الغدا تحت الطربيزة ، يا سيدي إنت خيالك خصب زي الهلال الخصيب حتى لو كنت مريخابي وكنت أتمنى لو قلت بعد البص ما عدى محطة الجنة أن تكون هناك لوحة مكتوب عليها "الجنة تودعكم وقشة ما تعتر ليكم ورافقتكم السلامة" == الحكاية أحلام فيمكن الإتصال بالألوسي مفسر الأحلام يمكن يفيد ونرجع تاني. تمنيت أيضاً أن أعرف العفش داخل البص على منو سيد الإسم ولا سيد البص
| |
|
|
|
|
|
|
|