Post: #1
Title: هااااااام نيابة عن ود الباوقة (رؤية منامية )صور
Author: معاوية عبيد الصائم
Date: 06-01-2014, 08:28 AM
كالعادة اتعشيت تميس مع شطة خدرا بالدكوة وقليل من الجرجير..واندمست شخرتا
فجتن يظهر لى الاصنج ود الباوقة يرتدى عراقى دبلان مهرود وسروال دمورية
تكتو موف وسفنجة كل فردة من بلد والكراع الشمال لابس فيها شراب اسود
..قلت بسم الله الرحمن الرحيم ...ود الباوقة مالك؟قال لى لالالا بسيطة انا خلاص
اتحللت ..قلت ليهو بركة ومبروك ...اها المطلوب منى شنو..قال تقوم تمشى معاى
بيت دينق وبيت فرح و بيت بت عمسيب ...
فجتن تلب لسؤال غريب ..وقال لى سيدى صحى اتكل ...واهم وصية قال عندى
4 بوستات مفروض اجى ابلعن ..بس اليومين ديل صااائم احمد سيدى ...وكلفنى
ياجماعة قال وصية فى ذمتك تكلم ..د بشير وللا شيخنا السلفى ...يبلعوهن لى ....
فجتن صحيت ولقيت التلفزيون قدامى فاتح فيهو خبر ...اين البشير ؟؟؟؟؟؟؟؟؟؟
|
Post: #2
Title: Re: هااااااام نيابة عن ود الباوقة (رؤية منامية )صور
Author: فرح الطاهر ابو روضة
Date: 06-01-2014, 08:41 AM
Parent: #1
ما تكون وصفت ليه يا معاوية عبيد
|
Post: #3
Title: Re: هااااااام نيابة عن ود الباوقة (رؤية منامية )صور
Author: عادل البراري
Date: 06-01-2014, 08:56 AM
Parent: #2
افو أبو روضة .. شن الجبنه .. في زمناً سخانته تفسخ
|
Post: #4
Title: Re: هااااااام نيابة عن ود الباوقة (رؤية منامية )صور
Author: حمد عبد الغفار عمر
Date: 06-01-2014, 09:04 AM
Parent: #3
الغريبة يا ود الباوقة اليوم الأحد
بربار دا مالو ؟
لكن السؤال قائم
أين البشير؟؟؟؟؟؟؟؟؟؟؟؟
|
Post: #5
Title: Re: هااااااام نيابة عن ود الباوقة (رؤية منامية )صور
Author: فيصل محمد خليل
Date: 06-01-2014, 11:29 AM
Parent: #4
وانا حلمت اني في يوم القيامه وشوفت الناس واقفة في مكان ذي موقف
الباصات وفيه باصات رايحه للجنه وباصات رايحه للنار !!! وفي واحد
بينادي فلان بن فلانه باص النار ... فلان بن فلانه باص الجنه . شوفت
ود الباوقة واقف جنب المظلة ومطيّر عيونو منتظر ينادوا اسمه. بعد مدة
جابوا اسمه .... ود الباوقة رووح بص الجنة . ود الباوقة قال الحمد لله ارتحت و مشى يكوس على الباص اللي مكتوب عليه الى الجنه و راح
راكب . اتحرك البص .جات لوحة مكتوب عليها (الجنه 50 كيلو ) ( النار 100 كيلو ) . بعد مدة ظهرت الجنة ولكن البص ما وقف جنب
باب الجنة ود الباوقة قال يمكن في باب تاني وبعد شوية شاف النار 15 كيلوا ... وبعد شوي النار 10 كيلوا .... وكل شوية البص يقرّب من النار .... ود الباوقة
يا جماعة ايش السالفة .... المشكله الناس ساكتيـن وما حد قلق في الباص الا ودالباوقة . قال بيسال السواق دخل عليهو قال
ليهو يا زول انت وين رايح!!!!!؟؟؟؟ .السواق قال ليهو النار يا حبيبي
ود الباوقة قال ليهو انا من اهل الجنة ليش توديني النار يا وش النحس!!!
السواق كان مدي ضهرو لود الباوقة وفجاة اتلفت على ود الباوقة طلع
السواق ابليس!!!! ....الله يلعنك ... انا من اهل الجنه .... يا ملعون لا توديني النار .... انا من اهل الجنه .... والله العظيم اني
من اهل الجنه ... تو من شوي قايلين اسمي .... وقف يا ملعون .... وقف يا ملعون ....
وابليس يضحك ههههههههههههههـ . ود الباوقة بيقول ليهو وقْف انا عاوز انزل و ابليس يضحك هههههههـ وقال
لود الباوقة والله الباص هذا مبرمج على انه ما يوقف الا في النار ....
بتصرف
|
Post: #6
Title: Re: هااااااام نيابة عن ود الباوقة (رؤية منامية )صور
Author: مني عمسيب
Date: 06-01-2014, 11:43 AM
Parent: #5
سلام ايها المواطنيين .
ههههههههههههههههههههههه
| Quote: بيت دينق وبيت فرح و بيت بت عمسيب ... |
غايتو انا ما عندي اي مشكلة جيبو لي عشان علي الأقل امسكو رهينة لما اسلمونا
عمر البشير لي لاهاي وبعد داك ننظر في امرو نفكو ولا لا هههههههههههه .
واحلام وردية للجميع .
سلمتم احبتي .. ولي قدام .
|
Post: #7
Title: Re: هااااااام نيابة عن ود الباوقة (رؤية منامية )صور
Author: الزبير بشير
Date: 06-01-2014, 01:17 PM
Parent: #6
بربار الطوربيد معاويه عبيد
و الاخ فيصل الحلفاوي
اليكما تحيه و السلام
بالمناسبه لا مزح في الاحلام .
ده من باب النصيحه و الذكري لنا و لكما
انا ما حافظ و لا اعلم النص تماما الحديث النبوي و لكن من كذب بانه راي رؤيه مناميه ، فانه يؤتي له يوم القيامه بشعره و يساله اللله سبحانه و تعالي بعقد طرفيها و هو داخل النار . ( لا اعلم بقيه الحديث )
فتكم بي عافيه
بربار مشتاقين ، ليه ما جيت عزيتنا في السيد محمد عثمان تاج السر الميرغني ، عيب انت ما سوداني وله شنو .
الزبير الختمي
|
Post: #8
Title: Re: هااااااام نيابة عن ود الباوقة (رؤية منامية )صور
Author: almulaomar
Date: 06-01-2014, 02:46 PM
Parent: #5
فيصل محمد خليل
والله من شدة ما إتخيلت المنظر لمن الغنماية دفقت الشاي وهي تكابس لما تبقى من صينية الغدا تحت الطربيزة ، يا سيدي إنت خيالك خصب زي الهلال الخصيب حتى لو كنت مريخابي وكنت أتمنى لو قلت بعد البص ما عدى محطة الجنة أن تكون هناك لوحة مكتوب عليها "الجنة تودعكم وقشة ما تعتر ليكم ورافقتكم السلامة"
==
الحكاية أحلام فيمكن الإتصال بالألوسي مفسر الأحلام يمكن يفيد ونرجع تاني. تمنيت أيضاً أن أعرف العفش داخل البص على منو سيد الإسم ولا سيد البص
|
Post: #9
Title: Re: هااااااام نيابة عن ود الباوقة (رؤية منامية )صور
Author: عادل البراري
Date: 06-01-2014, 02:57 PM
Parent: #8
شكل الكونتينرات المخدرات عمت السوق
|
Post: #10
Title: Re: هااااااام نيابة عن ود الباوقة (رؤية منامية )صور
Author: Deng
Date: 06-01-2014, 05:48 PM
Parent: #9
معاوية.
الدخلت في ود الباوقة ما بتمرق تاني.
لن يكفيه أن يتحلل
|
Post: #11
Title: Re: هااااااام نيابة عن ود الباوقة (رؤية منامية )صور
Author: ود الباوقة
Date: 06-01-2014, 06:33 PM
Parent: #10
بربار
بالتاكيد كنت ضارب كوارع مع العديد من كاسات ابيض اللون
نسال الله لك الهداية
والتوبة النصوحة
وللسغيروني فيصل خليل ايضا التوبة حيث جسمه لا يقوى على المشروبات المشروبات الحرارية
|
Post: #12
Title: Re: هااااااام نيابة عن ود الباوقة (رؤية منامية )صور
Author: ود الباوقة
Date: 06-01-2014, 06:35 PM
Parent: #11
الزغلباني دينق
لو عندك قروش تعال نعمل مشروع استثماري في السودان
|
Post: #13
Title: Re: هااااااام نيابة عن ود الباوقة (رؤية منامية )صور
Author: nour tawir
Date: 06-01-2014, 08:44 PM
Parent: #12
يا ود الباوقة...
دعوتك لى دينق دى..
زى أغنية الاطفال..
الفيها الثعبان بغنى للعصفورة ويقول ليها...
!trust in me
|
|