|
Re: في الرصيف مستني ... ولي الثواني بحاسب ... عثمان الشفيع ود معزة والقرشي (Re: عبدالعزيز الفاضلابى)
|
Quote: لسه مستني في الرصيف يامك؟ كان مالقيتلك رَكُوبة نبعت ليك دَحَـ شة حُرة تقضي بيها مشوارك |
ههههههههههههههههههه كان عندنا قريبنا في الحلة هناك أسمو عماد كان جنو حمــــير في عز النومة لما يسمع حمــ ـار عثمان كعوك يهنق يشب في الحيطة ما ينزل منها إلا الحمـ ـار يكمل هنيقو لو ختيت لي لكزيس وحمـ ـار عثمان كعوك بشيل التاني هههههههه رسل الدِحيـ ـشة بس تكون بس تكون من ولاية المسيسبي حمامية اللون وبي صريمة ما بحب اللجام
| |
|
|
|
|
|
|
Re: في الرصيف مستني ... ولي الثواني بحاسب ... عثمان الشفيع ود معزة والقرشي (Re: عادل ابراهيم احمد)
|
Quote: صباح الزهـــــــــــــــور والورد يا خالد المنسي
لم أجد من يغني بعد الراحل الشفيع هذه الاغنية الرائعة غير الراحل الخالدي ..
فآثرت اهدائها لك ولقراء بوستك الجميل ..
فكلاهما رحلا بعد ان زرعا زهورهما وورودهما في وجدان كل السودانيين .. |
صباحك فُل وياسمين يا عادل مع الوقت عندي بعد العصر هههههه عثمان الشفيع صوته صعب التقليد في حدته غنى له الكثيرين لكن بطريقتهم الخاصة امثال الأستاذ عبدالكريم الكابلي زيدان إبراهيم خوجلي عثمان واتفق معك ان الفنان الخالدي يبدع في غناء عثمان الفيع وقد غنى معه في كثير من الحلقات ثنائي لك الشكر أخي عادل على المرور الجميل المعبر تحياتي ومودتي
| |
|
|
|
|
|
|
Re: في الرصيف مستني ... ولي الثواني بحاسب ... عثمان الشفيع ود معزة والقرشي (Re: خالد علي محجوب المنسي)
|
تجسدت تلك المأساة في عيون الكثيرين من محبي عثمان الشفيع واللذين أبدوا تعاطفاً كبيراً لمحبوبهم الفنان الرائع الجميل عثمان الشفيع ذلكم عثمان اللذي حملته هذه الجماهير يوما أن غنة وطن الجدود على أعناقها وطافت به شوارع عواصم السودان الثلاث تقرر سفر الفنان عثمان الشفيع للعلاج في ألمانيا وتقرر أن تعمل لهعملية تركيب يد صناعة هناك وفعلاً سافر الفنان عثمان الشفيع إلى هناك وتم علاجه وعاد للوطن بيدٍ صناعية مكان يده اليسرى التي بترت
| |
|
|
|
|
|
|
Re: في الرصيف مستني ... ولي الثواني بحاسب ... عثمان الشفيع ود معزة والقرشي (Re: الطيب شيقوق)
|
Quote: قلنا دوب ماجيت راجع نرجيك الكلام السمح ده تعرف يامك لي زمن بفتش في قطار الشوق دي بصوت صاحبها الاصلي ـ بابكر الحسين رابح (الزكار) والآن اصابتني الحسرة ورجل مثله لاتوثيق له فبعد ان شاهته في نهاية الفيديو وهو يؤدي قطار الشوق وقد أخذ الزمن من ذلك الصوت الذي اشجانا به وهو شاباً وكان صوته ندياً وهو يصدح بروائعه ـ قطار الشوق والمريودة شتلة شندي وأخريات .. آآآآخ يامك بلد ماعندها وجيع. |
العزيز عب عزيز ( زي مابقولوا أولاد بمبا ) أمثال هولاء لابد أن نوثق لهم يا فاضلابي قطار الشوق تعتبر من الأغاني التي لاقت رواج كبير في الساحة الفنية تغنى بها كل مطربي تلك المنطقة وأنا أول مرة سمعتها من الفنان حسين شندي وكان يؤديها من زمن بعيد من قبل أنيصدح في سماء البندر وكان يؤديها بصورة حلوة نسيام عطبرة الحلوة تحياتي يا ابوالارباب واخوك غاتس مع المجريين الايام دي
| |
|
|
|
|
|
|
Re: في الرصيف مستني ... ولي الثواني بحاسب ... عثمان الشفيع ود معزة والقرشي (Re: خالد علي محجوب المنسي)
|
حمدالله علي السلامة يامك من لقي نسابتو نسي اصحابو بعد المنسي نسميك النساي ويمكن تتحول النسائي بعد تسيب الغنا وتبرُك لي علم الحديث مرة واحد من نواحيناعرّس من جيهتكن ديك وساق معاهو السيرة ومعاهن بابكر الزكار ده اها الناس من عصراً بدري تتحضر عشان يسمعوا الزكار والبنوت يِنْجَلَن النهار كله عشان يحضرن الحفلة بدت الحفلة يادووووب الزكار رمالو رمية سمحة خلاس عماً ليك كبيير والظاهر ليهو مكانتو في البلد دخل بشَّر فوق الزكار وطار فوووق وقشطلو مقص وقال للزكار حَرَّم ياولدي تاني ماتغني رميتك دي مابتِنزاد
| |
|
|
|
|
|
|
Re: في الرصيف مستني ... ولي الثواني بحاسب ... عثمان الشفيع ود معزة والقرشي (Re: عبدالعزيز الفاضلابى)
|
Quote: مرة واحد من نواحيناعرّس من جيهتكن ديك وساق معاهو السيرة ومعاهن بابكر الزكار ده اها الناس من عصراً بدري تتحضر عشان يسمعوا الزكار والبنوت يِنْجَلَن النهار كله عشان يحضرن الحفلة بدت الحفلة يادووووب الزكار رمالو رمية سمحة خلاس عماً ليك كبيير والظاهر ليهو مكانتو في البلد دخل بشَّر فوق الزكار وطار فوووق وقشطلو مقص وقال للزكار حَرَّم ياولدي تاني ماتغني رميتك دي مابتِنزاد |
هههههههههههههههههههههه زولك إمتن عجبو الفنان والرمية ولا ما عجبو غنا ولحين ميسرة
| |
|
|
|
|
|
|
Re: في الرصيف مستني ... ولي الثواني بحاسب ... عثمان الشفيع ود معزة والقرشي (Re: خالد علي محجوب المنسي)
|
مرض الشاعر القرشي ( من كتاب أستاذ نادر شاغل الافكار )
كانت حقبة الستينات من أحصب الفترات التي جمعت بين الفنان عثمان الشفيع والشاعر الجميل محمد عوض الكريم القرشي ... إلا إن دوام الحال من المحال فقد بدأ المرض يهد من حيل الشاعر ود القرشي اللذي أصيب بمرض الروماتزم المزمن اللذي أحال حياته إلى جحيم لا يطاق فقد قضى فترة طويلة للعلاج في الأبيض ثم جاء إلى البندر ( الخرطوم ) حيث كان طريح القسم الجنوبي مستشفى الخرطوم( الثاوث بلوك ) لم ينقطع عنه يوماً سيل الزوار من كل فج قريب وبعيد فقد كان رجل قبلة كل الأصدقاء والأحباب أين ما حلَّ ومن نتاج القسم الجنوبي المستشفى كانت أغنية جديدة وكما أسماها هو ( الثاوث بلوك ) عدت يا عيدي بدون زهور
| |
|
|
|
|
|
|
Re: في الرصيف مستني ... ولي الثواني بحاسب ... عثمان الشفيع ود معزة والقرشي (Re: خالد علي محجوب المنسي)
|
كتب الشاعر محمد عوض الكريم القرشي هذه الأغنية في ظروف موحشة المرض وكان مرضاً عضال أقعده وهو لم يتعود على ذلك الوحدة أن صادفت ايام تلك أحد الأعياد والناس مشغولة بالعيد ويقال أن سيستر كانت تزوره كل يوم حاملة معها الزهور واسمها بدور فقدها أيام العيد ..حاول الاتصال بها عندما أعياه الشوق إليها لكن دون جدوى ... والأغنية مليئة بالعتاب التشفع لمن لم يراهم تلك الأيام سجل عثمان الشفيع هذه الأغنية بالعود في الإذاعة وتغنى بها الفنان عبدالكريم الكابلي الفنان علي إبراهيم الفنان زيدان إبراهيم
| |
|
|
|
|
|
|
Re: في الرصيف مستني ... ولي الثواني بحاسب ... عثمان الشفيع ود معزة والقرشي (Re: خالد علي محجوب المنسي)
|
عُدت يا عيدي بدون زهور وين سمرنا وين اناس بدور غابوا عني ......
سجنوني داخل قصور قالوا عيان لشفاك ندور ليتو لو عاد في المرور يشفي دائي ويغمرني نور غابوا عني .....
تلفونك بيك ما خبور أقول أناديك أفشل أثور يا حناناً فاض بي الشعور كيف نسيتني وكُنتَّ بتزور غابوا عني .....
نحن أهل الوفاء والشعور وليه جزانا يكون صد وجور لو بسرعة الأفلاك تدور هوايَّ طاهر وخالد طهور
أين حُبي وأين البدور خلدت أجيال وسكبتَّ در بيَّ العيد يمر جوة سور وهم في بهجة وهمفي سرور غابوا عني .....
جاني يحمل باقة زهور وقال حبيبي المنع الظهور صرَّت اضحك كيف يا غيور يكون علاجي سبب النفور وغابوا عني ......
| |
|
|
|
|
|
|
Re: في الرصيف مستني ... ولي الثواني بحاسب ... عثمان الشفيع ود معزة والقرشي (Re: خالد علي محجوب المنسي)
|
ملامـــــة للشاعر محمد عوض الكريم القرشي
لحن الحياة مِنك وماتقول نسينا الماضي وصرنا ناسنك محبوبي الجميل ,,,,, سألوني مين أنتَّ ،عرفتهم أيه الصفات عنك ، خبرتهم شافوا الجمال منك ،أقنعتهم طوّلت لكنك أنا ياحبيب الروح أعفيني من ظنك ..... ساقيني بإيدو كاسات الخمر خاصنيني بي ريده في أوقات السحر جالسني بي نفسه جنني وأسر شاملني بنوره الكم أخجب قمر بس تنسى كيفنك وإنتَّ الوحيد بالذات الكُنَّا ذاكرنك محبوبي .. محبوبي الجميل
وفيما الملامة يا حبيبي وكُلي هياما يا روحي ويا من تعامي حبيبي سلاماً سلاما يا روحي وذكرى مُحب يا حبيبي تموج في قلبي يا روحي وإنت بقربي حبيبي حياتي وحُبي يا روحي وأهنا وان بعيد ما كنا نساسنك والحب العليك إزداد غمر القلوب دنك
| |
|
|
|
|
|
|
Re: في الرصيف مستني ... ولي الثواني بحاسب ... عثمان الشفيع ود معزة والقرشي (Re: خالد علي محجوب المنسي)
|
ومن كتاب نادر ننقل هذه المعلومات في النصف الأول من عام 1969 سافر الشاعر محمد عوض الكريم القرشي لتلقي العلاج في مستشفى قوات الشعب المسلحة المصرية التي كانت تعتبر من أحدث وأكبر المستشفيات في الشرق الأوسط في تلك الفترة ولما تمتاز به من وجود أخضائيين في مختلف مجالات الطب وأعلى مستوى تمريض ... وذكر الشاعر أنها كانت الرحلة الأولى له خارج حدود البلاد سفرا وتم فيها تسجيل بعض الحلقات عن الفن السوداني في إذاعة ركن السودان بالقاهرة
| |
|
|
|
|
|
|
Re: في الرصيف مستني ... ولي الثواني بحاسب ... عثمان الشفيع ود معزة والقرشي (Re: خالد علي محجوب المنسي)
|
عاد الشاعر محمد عوض الكريم القرشي لأرض البلاد بعد فترة العلاج وأحتفل به اصدقائه في الخرطوم ثم سافر للأبيض مسقط رأسه ولم يمض وقتاً طويلاً فوافته المنية في يوم 29/7/1969 وكان يوم زواج الفنان عثمان الشفيع وكان عمره عند وفاته لايتجاوز السادسة والأربعون عاماً كان يوماً حزيناً على الفنان عثمان الشفيع صديقه الحميم ورفيق مسيرته الفنية ألا رحم الله الفنانيين عثمان الشفيع والشاعر محمد عوض الكريم القرشي وأكنهما فسيح جناته
| |
|
|
|
|
|
|
Re: في الرصيف مستني ... ولي الثواني بحاسب ... عثمان الشفيع ود معزة والقرشي (Re: خالد علي محجوب المنسي)
|
ماذا قال البحث الصحفي عبدالرحمن حسن عبدالحفيظ عن الثنائي الشفيع والقرشي
قال : ظلت أغاني الفنان عثمان الشفيع خالدة باقية رغم مرور السنوات الطوال لتحكي عن أصالة أداء الفنان الفذ والموهوب اللذي إستطاع أن يختار أوروع القصائد لشعراء كِبار أثروا الساحة الفنية الثقافية بكل رائعٍ جميل عثمان الشفيع أحد المطربين العمالقة وكان عليه رحمة الله صاحب صوت من أصوات البلبل تغريدا وصاحب أداء متميز ولذا نجح نجاحاً كبير ولحين ميسرة نواصل
| |
|
|
|
|
|
|
Re: في الرصيف مستني ... ولي الثواني بحاسب ... عثمان الشفيع ود معزة والقرشي (Re: عبدالعزيز الفاضلابى)
|
Quote: الغريبة يامنسى ـ معاى انا وامه الضحكة الا تكريهو بالبزة مع عبدالرحمن وايثار بى قرقرابا ـ اوعا يكونن ناس اميرة وبسمات راكبات من الرصيف ده يجن يقولَلَّك مافهمن التكتح من تكريهو وقرقرابا |
دي فطرة الله التي فطر عليها خلقه هما أقرب ليه دم منكما ( أنت ووالدته ) ولذا قال المولى عز وجل في محكم تنزيله يوم يفر المرء من أخيه وام وابيه إلى أخر الأية الأخوة أمشاجهم متشابه لكن هو نص أمشاجه منك والنصف الأخر من والولدة فهم أقرب منكما هههههههه ما تغييييير منهم ههههههههه
| |
|
|
|
|
|
|
|