( حكايات جدّي التاريخ ) ... ذكريات و خواطر ...

مرحبا Guest
اخر زيارك لك: 05-04-2024, 08:07 AM الصفحة الرئيسية

منتديات سودانيزاونلاين

مكتبة الفساد

ابحث

مدخل أرشيف اراء حرة و مقالات

News and Press Releases

اتصل بنا

Articles and Views

English Forum

ناس الزقازيق

مدخل أرشيف الربع الثانى للعام 2014م

نسخة قابلة للطباعة من الموضوع ارسل الموضوع لصديق اقرا المشاركات فى شكل سلسلة

« | »
اقرا احدث مداخلة فى هذا الموضوع »

06-17-2013, 07:56 AM

Elmoiz Abunura

Elmoiz Abunura
تاريخ التسجيل: 04-30-2005
مجموع المشاركات: 6008

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: ( حكايات جدّي التاريخ ) ... ذكريات و خواطر ... (Re: يحي قباني)

عزيزى يحى

سلامات

Quote: و غنينا مع العم عثمان عوض الله ادنقا ادنقا ادنقا

والله يايحى انت داخل فى اعمق اعماق العاصمه المثلثه القديمه. فى ذمتك كم زول/ زوله فى البورد ده بعرف عمك الفنان عثمان عوض الله الحسن?
وبالمناسبه ام والد عثمان عوض الله هى الحاجه رقية شبيكة, الابنة الكبرى لشبيكة الكبير, صاحب ساقية شبيكة المشهوره فى الجزيرة مقرات, وهى شقيقة جدتى والدة أبى, الحاجة كلثوم شبيكة, الابنة الصغرى لشبيكة الكبير.
مع ودى وتقديرى

(عدل بواسطة Elmoiz Abunura on 06-17-2013, 07:58 AM)

06-18-2013, 07:13 PM

Elmoiz Abunura

Elmoiz Abunura
تاريخ التسجيل: 04-30-2005
مجموع المشاركات: 6008

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: ( حكايات جدّي التاريخ ) ... ذكريات و خواطر ... (Re: Elmoiz Abunura)

سلامات يايحى

Quote: واذكر ان تلك الجمعة التي اتي فيها مع صديقي ( درش ) كانت اللمة في منزل الصديق نادر أحمد الشريف الحبيب

برغم إنك خلفى فى الدراسة بحوالى 3 -4 سنين كما اعتقد من بعض شخصيات رواياتك, الا ان قصصك الميزه تعكس لى واقع مجتمعى الجميل فى سودان السبعينات والثمانينات.
بالمناسبه, اين نديدى, ماهر احمد الشريف الحبيب, الاخ الاكبر لصديقك نادر .
مع ودى وتقديرى

06-18-2013, 09:26 PM

يحي قباني

يحي قباني
تاريخ التسجيل: 08-20-2012
مجموع المشاركات: 18708

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: ( حكايات جدّي التاريخ ) ... ذكريات و خواطر ... (Re: Elmoiz Abunura)

Quote: والله يايحى انت داخل فى اعمق اعماق العاصمه المثلثه القديمه. فى ذمتك كم زول/ زوله فى البورد ده بعرف عمك الفنان عثمان عوض الله الحسن?
وبالمناسبه ام والد عثمان عوض الله هى الحاجه رقية شبيكة, الابنة الكبرى لشبيكة الكبير, صاحب ساقية شبيكة المشهوره فى الجزيرة مقرات, وهى شقيقة جدتى والدة أبى, الحاجة كلثوم شبيكة, الابنة الصغرى لشبيكة الكبير.
مع ودى وتقديرى

العم عثمان عوض الله ليس فنان ( ما جابته ولادة ) فحسب ...

ولكنه عازف عود ماهر ...

استمتعنا و طربنا يا ابونورة ...ولن ننساها ايام ...

06-18-2013, 09:31 PM

يحي قباني

يحي قباني
تاريخ التسجيل: 08-20-2012
مجموع المشاركات: 18708

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: ( حكايات جدّي التاريخ ) ... ذكريات و خواطر ... (Re: يحي قباني)

Quote: برغم إنك خلفى فى الدراسة بحوالى 3 -4 سنين كما اعتقد من بعض شخصيات رواياتك, الا ان قصصك الميزه تعكس لى واقع مجتمعى الجميل فى سودان السبعينات والثمانينات.
بالمناسبه, اين نديدى, ماهر احمد الشريف الحبيب, الاخ الاكبر لصديقك نادر .
مع ودى وتقديرى

واقع لمجتمع بديع ... من لم يعشه ...صعب أن يفهم رونقه ...

بالنسبة لماهر احمد الشريف الحبيب ...

لا اعلم اين اراضية ... لكن يمكنني الاتصال بنادر لمعرفة اخباره او اعطاءك رقم تلفونه ...

06-19-2013, 03:48 AM

يحي قباني

يحي قباني
تاريخ التسجيل: 08-20-2012
مجموع المشاركات: 18708

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: ( حكايات جدّي التاريخ ) ... ذكريات و خواطر ... (Re: يحي قباني)

Quote: الاستاذ قباني
أحترامي لك ولذاك الزمان الجميل الذي تنتمي اليه ..
( حكيك ) يجعل لقلوبنا أجنحة تحلق بنا الي سموات الجمال في سوداننا الحبيب
أسلوبك القصصي الشيق جعل ( البوست ) كالخريطة وكانما تنبت الحكايا من تضاريس
الأمكنة فتكاد القلوب تبلغ الحناجر بأمتاع يفوق الوصف فما تنتهي ( الحكاية ) وإلا هبطنا نحو الجمال الي
السطر التالي بحميمية أهل ذاك الزمان النضر .
أرجو أن تجمع كل هذه الاقاصيص في شكل كتاب يفرح السودان وينظم ضغطه المرتفع .
وتاريخ خفقاته في قلوبنا .
لك مني كل الود ولإحترام ....
وأسال الله ان يديم عليك ثوب العافية ويحفظك وكل من تحب .

الاخ مجدى و الاحبة من الفيس بوك

لك مني انت كل الود و التجلة ...

و حقيقة احد الاصدقاء و اخت صديقة ايضا طلبوا مني تجميع كلما اكتب في مكان واحد او كتيب ...

لم اكن افكر في هذا الامر ... ولكنه جدير بالتأمل ...

هدفي الان اخراج مافي الذاكرة من قصص وروايات و حكايات ...

بعضها عشتها حوالي ... وبعضها انا بطلها ...

اتمني وجودك الدائم يا عزيزي ...

06-19-2013, 03:59 AM

يحي قباني

يحي قباني
تاريخ التسجيل: 08-20-2012
مجموع المشاركات: 18708

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: ( حكايات جدّي التاريخ ) ... ذكريات و خواطر ... (Re: يحي قباني)
حبوبتاً لينا اسمها بت حسين ... __________________________ رحمة الله عليها كان إمرأة عظيمة جدا ... وحكيمة جدا ... ونحييفة لا بتاكل لا بتشرب ... واي شي اسمو أكل تقول ليك ما بدوره ... بسوي لي حيموضة ... لكن كانت بتحب المنقة شديد ... رغم انها بتكتلها كتل بالحرقان و الدكاترة مانعنها ... وعمرها ما سمعت الكلام ... تاكل المنقة ... وتقوم بيها الليل كله ... و عندها مفحضة معلقاها في رقبتها نصها طرادات مطبقة و النص التاني ( كربونات الصودا ) تسفها عشان تروح الحيرقان ... كانت بتسمي كربونات الصودا ( الكربوناتو ) ... انا كنت دايمها بحب اشاغلها ... وعارف نقطة ضعفها ... اها يوم فتحت التلاجة و ريحة المنقة جات فاحة ... وهي راقدة في البرندة ... و نص نايمة ... مع فحة ريحة المنقة رفعت راسها ... دي ريحة شنو يا ود ابراهيم ؟؟ قلتليها منقة يا حبوبة ... لا لا ما بدورها ... بتسوي لي الحيرقان ... و ختت راسها تاني في رقدتها ... وطبعا دايراني أكشكر ليها ... وان بدوووور اكاويها ... قلتليها خلاص ... اخير زاتو عشان ما تتعبك ... رفعت راسها و قالت لي لكن هي هندية و لا بلدية ؟؟؟ قلت ليها هندية يا حبوبة ... ردت لا أكان هندية معليش البلدية الله يقطعها هي البتقوم بي بالليل !!! طبعا لو كنت قلت ليها منقة سنارية كان قالت قلب التور هي البتسوي الحيرقان ... ______________________________________________________ الله يرحمك يا بت حسين ...

06-20-2013, 00:45 AM

يحي قباني

يحي قباني
تاريخ التسجيل: 08-20-2012
مجموع المشاركات: 18708

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: ( حكايات جدّي التاريخ ) ... ذكريات و خواطر ... (Re: يحي قباني)
بيوت اركويت و اللواء محمد طه قائد المطافي .. ______________________________ عملت في المقاولات فترة في السودان شراكة مرتين مع بعض الاخوة ... وتعاون مع بعض آخر ... كان هناك اتفاق بيني و بين صديق مهندس معماري بالتعاون في بناء فلتين بأركويت لطبيبين شقيقين يعملان بالسعودية ... كان التصميم راقي جدا ... ومواصفات التشطيب عالية للحد البعيد ... من التحديات التي كانت امامنا ( وقتها ) ان السقوفات كانت مصممة علي نظام ال Flat Roof وهو سيستم لم يكن متعارف عليه في ذاك الزمان ... وكان من اهم الاشياء عند تنفيذه ... اكمال صبته في وقت واحد ... كانت الامكانيات متواضعة جدا في البلد ... مضخات الخرسانة كنا نراها عند شركة مصر للاسمنت المسلح و شركتين تلاتة آخرين فقط ... كنا نملك خلاطة اسمنت ثابتة ... كبيرة نسبياً ... وونش لرفع المونة للسقف بدلا من طلوع العامل بالقدح ... حضرنا كل شئ ... كميات كافية من اكياس الاسمنت ... وكل مكونات الخلطة ... من رمل و زلط و خلافه ... بدأنا الصبة حوالي الساعة 11 صباحا ... و السقف هائل المساحة ... توقعنا حسابيا لو كل شئ سار حسب النظام ان ننتهي حوالي الساعة 6 مساء ... ولكننا كعادتنا حضرنا مولد الكهرباء و الكشافات تحسباً لاي ضرورة ... و لكنه السودان ... الوطن الجميل ... ابت مياه الماسورة الا ان ( تقطع ) حوالي الساعة 4 عصرا ... و( شخرت ) كل المواسير !!! انتظرنا ساعة كاملة علي امل العودة ... ولكن هيهات ... جفت الخراتيش ... و نضبت المياه من الموقع !!! وهنا جائتني فكرة ( عبقرية ) هكذا وصفها الجميع فيما بعد ... تركت المهندس زميلي في الموقع مع الجميع و انطلقت بحثا عن الحل الذي تخيلته .... صديقي ( ابدرق ) كان جاراً لسعادة اللواء ( حريقة ) محمد طه في الخرطوم غرب ... وصلت منزل ابدرق ووجدته ...فسحبته بسرعة للطرق علي باب منزل اللواء محمد طه ... لم يكن بالمنزل ... وقالت زوجته انه ما زال بالعمل ... وبعدها يذهب الي اصدقاءه بنادى الخرطوم ... ذهبت الي نادى الخرطوم و تمركزت تماما امام البوابة الرئيسية مع صديقي ابدرق ... وجاء سعادة اللواء ... ونادي صديقي ... الليلة الجابكم شنو هنا ... ادخلوا ادخلوا ... قلت ليهو ... سعادتك انا الحقيقة في ازمة ... و جاتني فكرة عجيبة ما عارف لو ممكن تنفيذها ؟؟؟ مالك ؟ خير قلت ليهو والله سعادتك قطعنا موية ... ومافي الا انت التلحقنا ... عندنا صبة ...كده كده كده ... وشرحت ليهو الموقف ... دخل يده مرق كرت شخصي وكتب كلمتين ... موجهات لقائد حريقة نمرة اتنين ... امام كوبري المسلمية ... لم افك الخط ... فقط استطعت قراءة ( فوراً) ... غالبا هناك اكواد بينهم ... وصلنا الي الحريقة ...و اذا بالضابط النوبتجي في الإنتظار ... اتصل به اللواء من النادى ... ولم يكتفي بالكرت فقال لنا الضابط ... كم كمية المياه المطلوبة ... فقلت كذا و كذا علي الاقل ... قال ستخرج معكم سيارتين مطافي الان ... و سيكون هناك امدادات ...!!! وصلنا اركويت ... في دهشة العمال جميعا ... ودارت الخلاطة ... وبدانا الصب ... وباذا في خلال نصف الساعة وصلنا كونفوي سيارات مطافي من ( السوق الشعبي ) ... وظلوا معنا حتي تمت العملية ... في منتصف الليل تماماً !! ____________________________________________________________________________________ كلما اتذكر المقولة او النكتة التي كانت تطلق علي اللواء محمد طه حينما احتج للنميري بانه زملائه في الجيش و البوليس وصلوا رتبة فريق و هو ما زال لواء ... فكان رد النميري ... ياطه ( لـواء) بس كفاية ... ( فريق مطافي ) لي شنو اصلك حتطفّي جهنم !!! اقول في سري ... لو دانت لي السلطة ... لجعلته مشير مطافي ... لما فعله بنا من خير ...

06-20-2013, 09:12 AM

نصر الدين عثمان

نصر الدين عثمان
تاريخ التسجيل: 03-24-2008
مجموع المشاركات: 3920

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: ( حكايات جدّي التاريخ ) ... ذكريات و خواطر ... (Re: يحي قباني)

تحياتي،

مطافيء للإنشاء والتعمير..
فكرة عبقريــة بحق..
كلو ممكن ينفع لي كلو ...
لو صح العزم و خلصت النوايا وانقدحت الفكرة..

Quote: كلما اتذكر المقولة او النكتة التي كانت تطلق علي اللواء محمد طه حينما احتج للنميري بانه زملائه في الجيش و البوليس وصلوا رتبة فريق

و هو ما زال لواء ... فكان رد النميري ... ياطه ( لـواء) بس كفاية ... ( فريق مطافي ) لي شنو اصلك حتطفّي جهنم !!!

اقول في سري ... لو دانت لي السلطة ... لجعلته مشير مطافي ... لما فعله بنا من خير .

مرافعة قوية من زعيم السدنة!؟

.. سيرة البحر وكده..

----------
باشمهندس قباني أنا عايز اتعاقد معاك في مشروع بنيان وكده.. ممكن؟

(عدل بواسطة نصر الدين عثمان on 06-20-2013, 09:28 AM)

06-27-2013, 05:35 PM

يحي قباني

يحي قباني
تاريخ التسجيل: 08-20-2012
مجموع المشاركات: 18708

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: ( حكايات جدّي التاريخ ) ... ذكريات و خواطر ... (Re: نصر الدين عثمان)

Quote: باشمهندس قباني أنا عايز اتعاقد معاك في مشروع بنيان وكده.. ممكن؟

حاضرين يا نصر الدين ...

بس تآمر يا حبيب ...

06-27-2013, 05:38 PM

يحي قباني

يحي قباني
تاريخ التسجيل: 08-20-2012
مجموع المشاركات: 18708

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: ( حكايات جدّي التاريخ ) ... ذكريات و خواطر ... (Re: يحي قباني)
صورة نادرة لإبن البراري ... عبقري مادة الكيمياء - مدرسة الخرطوم القديمة أستاذنا ( أستاذ الأجيال ) الراحل مصطفي حسن ( بوستي ) 1972

06-27-2013, 05:44 PM

يحي قباني

يحي قباني
تاريخ التسجيل: 08-20-2012
مجموع المشاركات: 18708

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: ( حكايات جدّي التاريخ ) ... ذكريات و خواطر ... (Re: يحي قباني)
لن ننسي تلك الضحكة القادمة من قلبك يا بوستي كان رجلا ساخراً ... خفيف الظل ... رحمك الله استاذنا الجليل

06-27-2013, 05:47 PM

يحي قباني

يحي قباني
تاريخ التسجيل: 08-20-2012
مجموع المشاركات: 18708

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: ( حكايات جدّي التاريخ ) ... ذكريات و خواطر ... (Re: يحي قباني)
طلبة ( الكديت ) 1972

06-27-2013, 06:13 PM

يحي قباني

يحي قباني
تاريخ التسجيل: 08-20-2012
مجموع المشاركات: 18708

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: ( حكايات جدّي التاريخ ) ... ذكريات و خواطر ... (Re: يحي قباني)
الأستاذ السراج مدير مدرسة الخرطوم القديمة الآخرين لم اتعرف عليهم (عدل بواسطة يحي قباني on 06-27-2013, 10:12 PM)

06-27-2013, 08:27 PM

محمد أبوالعزائم أبوالريش

محمد أبوالعزائم أبوالريش
تاريخ التسجيل: 08-30-2006
مجموع المشاركات: 14617

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: ( حكايات جدّي التاريخ ) ... ذكريات و خواطر ... (Re: يحي قباني)
يا يحي ..... أفتكر ده عمك بتاع الكشافة ....... إنتظرني، لو هو بجيب ليك إسمو. الفي النص ده، لو ما قلت 1972 كنت قلت ليك (إبراهيم عبود).

06-27-2013, 10:14 PM

يحي قباني

يحي قباني
تاريخ التسجيل: 08-20-2012
مجموع المشاركات: 18708

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: ( حكايات جدّي التاريخ ) ... ذكريات و خواطر ... (Re: محمد أبوالعزائم أبوالريش)

Quote: يا يحي ..... أفتكر ده عمك بتاع الكشافة ....... إنتظرني، لو هو بجيب ليك إسمو.

الفي النص ده، لو ما قلت 1972 كنت قلت ليك (إبراهيم عبود).

سلام ابو الريش

التاريخ هو فعلا من 69-72

07-01-2013, 06:28 AM

يحي قباني

يحي قباني
تاريخ التسجيل: 08-20-2012
مجموع المشاركات: 18708

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: ( حكايات جدّي التاريخ ) ... ذكريات و خواطر ... (Re: يحي قباني)
دكتور عبد الله قال لي Let's hope انو المعجزة تحصل !!! _______________________________________ سنة رابعة معمار لمن لا يعرف ... من أثقل السنوات بعد الإنترميديات ... يعني ممكن تعيد السنة زي الما حاصل شي ... والسبب في ذلك انو طول العام الدراسي ...الطالب في سنة رابعة معمار بيشتغل مشروع واحد فقط ... لكن بتفاصيل دقيقة جدا .. وغالبا الفكرة البتطرح تنمية و تطوير منطقة سوق ... او منطقة سكنية او سياحية الي اخره المشلكة كانت انو المشروع لما يجي وقت تسليمه آخر السنة بيكون مشروع متكامل الرسومات المعمارية ,,, والتنفيذذية ... بأصغر الديتيلز ... غالبا بيكون مجموع الرسومات من 50 الي 60 شييت ... السنة كلها الشغل ( ROUGH ) لغاية آخر شهر بتبتدى تبيض الشغل و تعمل تريسنج و خلافه ... كانت نمرة المشروع تمثل 70% من النمرة النهائية ... وال 30% الباقية عبارة عن 3 مواد من ضمنها تاريخ العمارة .. و علوم العماره ... ومادة للعلوم التنفيذية ... كل المجموعة ...عددنا كان 25 تقريبا ... ماشين في ريزم واحد ... وفكرة المشروع بتتطور معاك ... وصلنا الي مفترق الطرق وقبيل الشهر الأخير المعد للرسومات النهائية و عمل ال Shop Drawings جائني تلفون اني والدى ( رحمه الله ) وكان وقتها في القاهرة قد اصيب بجلطة في المخ ... فقد فيها النطق و الحركة في الجزء الأيمن من جسمه ... لم اري امامي ... وعقدت العزم علي السفر ... توجهت الي مكاتب دكاترة المعمار ... وكان الدكتور عبد الله هو المشرف علي السنة الرابعة لذلك العام ... شرحت الظروف ... فقال ... ما في اي مشكلة ... حأرفع الامر لمجلس الشعبة في الاجتماع الجاي ... عشان نأجل ليك تسليم المشروع و الامتحان شهر ... وانت اتوكل سافر لأنو اكيد الموافقة مضمونة ... لأني المشرف عي الدفعة و انا الاديتك التصريح ... شكرته شكر جزيل ... وسافرت الي القاهرة في خلال 24 ساعة للوقوف بجانب الوالد ... جلست شهر بالتمام و الكمال ... في لخمة و مستشفي ولم اتصل نهائيا بأحد في الكلية ... استقرت وقتها حالة الوالد نسبيا ... وقررت العودة الي السودان ... ذهبت الي الداخلية مساء نفس اليوم ... والكل يسأل عن صحة الوالد ... ورأيت الجميع منهمك في الرسومات ... فسألت متي تسليم ( مشروعكم ) ... فقالو بعد 5 أيام المناقشة ... ويعدها بأسبوع الجلوس للإمتحان ... فقلت لهم انا جاهز للمساعدة ...لأن امتحاني وتسليم المشروع سيكون بعد شهر تقريبا ... وبالفعل ( ركبت ) اول بورد ... وبدأت في مساعدة الاخوة الزملاء .. و في صباح اليوم التالي ذهبت الي الكلية ... و من علي البعد رأيت الدكتور عبد الله ... فذهبت لالقاء التحية ... فقال لي ... الله جابك ياخي .... تصور ناس الشعبة رفضوا التأجيل !!!! نعم !!!!!!!!!!!!!!!!! قال لي لازم تسلم و تمتحن مع زملاءك ؟؟؟؟ لكن يا دكتور ... انت وعدتني ... وانا شغلي ما جاهز .... قال لي والله ياهو ده الحصل ... انكفيت علي وشي الكم يوم الفضلو ... و جاء يوم المناقشة ... الشباب جايب 60 صفحة من الرسومات ... وانا الله قدرني علي عدد 8 صفحات فقط !!!! و بطبيعة الحال كانت النتيجة F لعدم اكتمال الرسومات !!! و قابلني الدكتور عبد الله ... وقال و الله انا اسف يا قباني ياخي ... لكن الF حقتك ما بعيدة ... يعني لو ( قفّلت ) التلاتة مواد 30 من 30 بتمر من سنة رابعة ... قلت ليهو 30 من30 ؟؟ وفيهم امتحان تاريخ عمارة كلو دش و كلام ؟؟؟ قال لي ... وبالحرف الواحد ... Let's hope انو المعجزة تحصل !!! معجزة ؟؟؟ قلبي يقول لي نط في رقبتو ...وانتهي منو و ريح رقبتك دي ... لعنت الشيطان ... واعتزلت البركس و ذهبت مع كتبي لمدة 7 ايام في منزل شقيقتي ( الفاضي ) وقتها بالمنشية ... ووالله لم تزعفني ذاكرتي مثلما اسعفتني في تلك المحنة ... دخلت الامتحانات ... وكنت أري الاجابة و كأني أقرأها امامي ... وحصلت المعجزة ... ونجحت و انتقلت الي السنة النهائية ... و الحمد لله _______________________________________________________________ قال لي بعدها الدكتور الراقي ( سيف صادق حسن ) ان هناك قوانين تحكم صلاحية المشاريع و مدتها ... وهي موجودة في لائحة الكلية منذ سنوات !!! فقلت له و دكتور عبد الله ما عارف الكلام ده ...!!! فاجتر نفسا عمييييقا من كدوسة ... وقال لي ... انت الان مش في سنة خامسة ... قلت نعم ... قال لي ...انسي الماضي ... فالمستقبل كلو امامك ... و كانت حكمة ...

07-05-2013, 06:16 AM

يحي قباني

يحي قباني
تاريخ التسجيل: 08-20-2012
مجموع المشاركات: 18708

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: ( حكايات جدّي التاريخ ) ... ذكريات و خواطر ... (Re: يحي قباني)
العملها فيكم بالغ _____________ زمان كنا بنشوف عربات البلدية بتجي للبيوت الفيها الدبليوسيهات ( جرادل ) و ذلك ( لتفريغها ) أو استبدالها ( بالفاضي ) هنا أتذكر نكتة الرجل ( السكران ) و الذي خرج من ( الإنداية ) و ذهب الي ( طرف ) الطريق للرجوع الي منزله وكان محترفا للركوب المجاني علي طريقة ( الاوتوستوب ) !! ولكن حظه العاثر تلك المرة أوقف له عربية ( البلدية ) المحملة بالجرادل بعد انتهاء الوردية و امتلاء العربية بجرادل ( حلة ) كاملةى ومع ( سكرة ) أخينا ركب عربية البلدية و لم يعرفها و كلنا يعرف الشوارع في ذلك الزمن ... حفر و دقداق و الذي منه و مع كل حفرة يتطاير ( الرزاز ) من الجرادل المحملة ...! أما الرائحة فحدث ولا حرج ... وصل صاحبنا الي مكان قريب من منزله وهبط من السيارة و رفع يده اليمني ( شاكرا) ... وقال لهم ... بصوته ( السكران ) ... علي أي حال شكرًا يا شباب علي التوصيلة لكن علي الأيمان ( العملها فيكم بالغ ) !!! _______________________________________ لو كان ذلك الشخص هنا الآن في هذا المنبر لقدم شكره لعشرات البورداب لما كتبوه عن مصر و المصريين !!!! ولقال لهم نفس الجملة !!!

07-06-2013, 08:52 AM

يحي قباني

يحي قباني
تاريخ التسجيل: 08-20-2012
مجموع المشاركات: 18708

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: ( حكايات جدّي التاريخ ) ... ذكريات و خواطر ... (Re: يحي قباني)
حكاوي رمضان __________________________ كل عام و الجميع بخير و الجميع صحاب يأتينا رمضان و تأتي معه ذكريات كثيرة منها الطريف و منها المؤلم ... سأكتب عن ذكريات و طرائف الصيام في السودان و أيضاً في بلاد الاغتراب ثم بلاد المهجر _________________________________________ لا ادري لماذا تحضرني هذه القصة دائماً عند حلول الشهر المبارك وهي قصة مولانا القاضي ابن عم صديقي و فردتي سمسم مولانا رجل وقور ... و حازم ... جديته و هيبته ليست فقط في أروقة المحاكم إنما هو ( هو ) نفسه حتي في منزلهم ... رجل متسامح مع نفسه و مع الغير بشكل ملفت للنظر لا يؤرقه في هذه الدنيا أي شئ .... عدا .... رمضان !!! لا يهمه الجوع و لا العطش ... و لكنها ( الخرمة ) للدخان ... فسجارته اهم عنده من أطيب المأكولات و أعذب المشروبات !!! اذكر في احدي السنين في ثمانينات القرن الماضي كان نائما في الحوش الأمامي كعادته ... وكان ( قافلاً ) علي ان رمضان سيأتي بعد يومين ونام و غرق في النوم ... و تم إعلان رمضان في تلك الأمسية ... فذهبت اليه ( الحاجة ) والدته ... و قالت ... يا فلان ... رمضان خلاص ثبت باكر إنشاء الله ففتح عينه و أخذ برفع جسده من العنقريب متكئاً علي يده و ادخل يده الأخري تحت ( المخده ) و سحب علبة ( البنسون ) و أخذ يتمتم قائلا للحاجة و هو نصف نائم : ( السغيل ) ده خلاص جا ؟ والله انا بكرهه كره !!! _________________________________ رمضان كريم ... و يحبه كل كريم ...

07-06-2013, 09:34 AM

يحي قباني

يحي قباني
تاريخ التسجيل: 08-20-2012
مجموع المشاركات: 18708

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: ( حكايات جدّي التاريخ ) ... ذكريات و خواطر ... (Re: يحي قباني)
اول سنة صيام في السعودية ___________________________ اواخر تمانينات القرن الماضي بعد صيام سنوات ( عجاف ) في السودان حر ... قطع كهربا ... الموية لو جات تكون معكرة و زي النار يعني لو داير تجغم ما تقدر ... لسانك يمسكو اليباس من الساعة 6 صباحا !!! تعافر طول اليوم في جو غير ( آدمي ) ... و حينما يأتي وقت الفطور ... بس تقع المويات ( و شن المويات ) المهم ... بق .. بق .. بق تشرب ... لغاية ما تدوخ من ( الدي هايدريشن ) ... ترقد جنازة بعد داك و انت وحظك ... كان يومك ما تم و انت في رقدتك ديك تقوم علي ملاح شرموط و لقمة ( عكرانة ) كده و صحن فول !!! يعني صيام يوم في السودان بي شهر من صيام الخليج ... المهم أتذكر اول سنة لي في السعودية ... النوم و الراحات ... و المكيفات ( السبليت ) بالله الصالة تكون 4x4 و المكيف 2 طن يكيف عمارة !!! و العصاير كيف !!! و تمشي العصريات قبل الفطور تتمشي في ( السروات ) أو ( بنده ) و تشتري ما لذ وطاب ... و مع الجوع تخمخم لزوم ما لا يلزم.. المهم أتذكر يوم 15 رمضان كان الفطور عند أخوي الأكبر احمد الله يطراهو بالخير و مشينا لقينا ليك العصاير شئ منقه و شئ مشكل و الفطور أشكال و ألوان و الحلويات حدث و لا حرج المهم أذن الأذان و مسكت لي كباية موية و تمرة قام بعد ما كسرت صيامي ناولني كباية عصير مشكل و قال لي يا حليل رمضان باقي ليهو عشره و خمسة ( يعني 15 يوم ) قلت ليهو بالله الليلة 15 رمضان و الله الواحد ما شاعر بالصيام قال لي و هو بيقرطع في كباية منقه مساكين ناس السودان رمضان هناك تلقي يا داب يا خمسة يا ستة رمضان !!!؟؟ _______________________________________________________ هنا نفتقد تلك الطقوس تماماً

07-06-2013, 09:35 AM

تيسير عووضة

تيسير عووضة
تاريخ التسجيل: 12-20-2005
مجموع المشاركات: 7136

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: ( حكايات جدّي التاريخ ) ... ذكريات و خواطر ... (Re: يحي قباني)
إشتقنا للحكي الطاعم يا قباني :)

07-06-2013, 03:03 PM

يحي قباني

يحي قباني
تاريخ التسجيل: 08-20-2012
مجموع المشاركات: 18708

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: ( حكايات جدّي التاريخ ) ... ذكريات و خواطر ... (Re: تيسير عووضة)

Quote: إشتقنا للحكي الطاعم يا قباني :)

نحن مشتاقون يا شابة

فأين انتِ و الهوى ...
_________________
بمناسبة الهوي دي ...

يحي شاهين في فلم بين القصرين

كان اسمو سي السيد ... وكان في البيت سي السيد

وبره زي سيد بشبش ...

المهم كان عطار ... وتجيهوا ( الستات ) ... ويديهم طلباتهم

ولما يسألوا كم ... يقول ليهم الحساب واصل ...

و لما يجي الماسك الدفاتر يسأله

و البضاعة اللي ما اندفعش تمنها دي ... نقيدها إيه ؟

يقول ليهو سي السيد : قيد عندك ...

دي بضاعة أتلفها ( الهوي ) ...

و طبعا حاجات العطارة بتبوظ بالهواء و ليس الهوي ..

شوفي اللقطة دي ايام عظمة السنما المصرية ...

07-06-2013, 03:24 PM

يحي قباني

يحي قباني
تاريخ التسجيل: 08-20-2012
مجموع المشاركات: 18708

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: ( حكايات جدّي التاريخ ) ... ذكريات و خواطر ... (Re: يحي قباني)
مها صبري قالت ليهو الحساب كام يا سي السيد ..؟ قال ليها : الحساب وصل ... قالت ليهو من امتي يا سي السيد ؟؟ قال ليها من ساعة ما حصل ... و الله كلنا ( تُبنا الي الله ) ... _____________________________________ طيب الشعب السوداني ده حسابوا ( يوصلو ) متين ..؟؟؟ لانه ( حصل ) من زمااان ... (عدل بواسطة يحي قباني on 07-06-2013, 11:12 PM)

07-10-2013, 09:46 PM

يحي قباني

يحي قباني
تاريخ التسجيل: 08-20-2012
مجموع المشاركات: 18708

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: ( حكايات جدّي التاريخ ) ... ذكريات و خواطر ... (Re: يحي قباني)
واحد من أخوانا الأقباط قال لي واحد صاحبو مسلم ... ياخي انا زهجان من مرتي لا قادر اطلقها لا قادار اتزوج عليها ... ديننا المسيحي ده ضاغطنا في الحتة دي ما تشوف لي طريقة اخش الاسلام ... اتخارج منها او علي الاقل اعرس تاني ..!!! المسلم قال ليهو ... يا زول اخير ليك دينك ده ... و الله الاسلام ده فوقه ( شهر ) ... اخير منو مقابلة مرتك دي ....

07-12-2013, 00:51 AM

يحي قباني

يحي قباني
تاريخ التسجيل: 08-20-2012
مجموع المشاركات: 18708

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: ( حكايات جدّي التاريخ ) ... ذكريات و خواطر ... (Re: يحي قباني)
اليوم القررت الفطور في نهار رمضان _____________________________ الزمان : رمضان 1988 آخر ابريل اول مايو المكان : السودان - السفارة السعودية - العمارات ______________________________ الحكاية لي فيها ناقة ... فقط ... و ليس لي فيها جمل اما الجمل .... فانا لست مسافرا او مغتربا ... لتكبد مشقة الوقوف في صفوف القنصلية ... ولكني كنت خادم الفكي ... و اما الناقة فهي انني كنت الوحيد من بين أخوتي الموجود في السودان و كان جميع الاخوة و الأخوات في بلاد الاغتراب ... ( بركات ابعاج ) ... فكل اخوتي واخواتي ( إغتربوا في نهاية سبعينات و بداية تمانينات ) القرن المنصرم ... و لم يبق صامدا الا العبد لله ... كنت لا ابدل جلستي مع اصدقائي حول صحن فول ... او جلوسي علي حائط المسطبة الجنوبية في استاد الخرطوم لا ابدل ذلك بكل مال الخليج ... و حتي عندما قرر اخوتي ان بقاء الوالد ( رحمه الله ) و معه الوالدة اطال الله عمرها .. ان بقاؤهم في السودان غير مجدي ... وانهم يفضلون ان يبقوا معهم في الرياض بالسعودية ... لاحتياجهم لمراجة الاطباء و الدواء و خلافه ... اما انا فلم اكن انوي حتي الذهاب ولو للعمرة ..!!! جاءت اوراق ( الإستقدام ) من السعودية و طلب مني اخوتي ان اذهب الي القنصلية السعودية بالعمارات لاستخراج تأشيرة الاقامة للوالد و الوالده ... ذهبت في نهار رمضاني قائظ الحرارة ( مايو و السودان و رمضان ... موت عديل ) ... وصلت الي مباني السفارة الساعة 11 نهاراً ... واذا بالصفوف لا حد لها ... و الوجوه الصائمة مكفهرة ... و رغم طول الصفوف ... الا انها كعادتنا السودانيين ... تفقد الاحترام للدور ... فامام باب القنصلية الصغير جدا ... توجد شبه ( مظاهرة ) .. بها من فقد دوره و بها من يستهبل ... وبها سماسرة الصفوف ... و حدث و لا حرج ... سألت احدهم ... هل هناك جدوي من الوقوف في الصف ؟؟؟ ضحك وهو شبه باكٍ ... وقال : يا ابن العم انت الظاهر عليك اول مرة تجي ( المحلات ) دي !!! استغربت ... ولماذا نعتها بالمحلات دي وكأني في مكان مشبوه !!! قال شوف يا ابن العم ... انا القدامك ده واقف في الصف من الساعة 3 صباحاً ...!!! 3 صباحاً ؟؟ يعني يكون صحي متين ده ؟؟؟ المهم ايقنت بعدم جدوي وقوفي و قررت ان ارجع الي هذه المعركة في فجر اليوم التالي ... تسحرت سحور مدنكل و امتطيت سيارتي و انطلقت صوب السفارة السعودية الساعة 2:30 تقريبا ... انطلقت في شارع ( النص ) و ( اكلت ) اكثر من 10-11 ( حُفرة ) في الطريق .. الي ان وصلت الي شارع ( كم و عشرين ) حيث مباني السفارة و القنصلية ... و للمفاجأة لم اجد اي شخص في الشارع !!! قلت الحمد لله الجيت بدري ... و الظاهر صاحبنا حق امس ده اداها كوزين .... ركنت سيارتي ... و ارجعت الكرسي للوراء للاسترخاء ... متنبها ان لا انام حتي لا يفوتني الطابور ... لم تمضي اكثر من 10 دقايق ... جائنى امباشي ... وقال يا شاب ... الوقوف هنا ممنوع !!! قلت ليهو ..لا ..انا جاي اعمل تأشيرة ... وجيت بدري عشان الصف ؟؟؟ قال لي عارف عارف ... انت باين عليك اول مرة تجي المحلة دي !!!! تاااااني ... ( المحلة ) دي ... الله يسترنا بس ... قلت ليهو لا والله انا جيت المحلة دي امس وقالو لي الصف بيبدأ بدري كده ... قال لي مظبوط ...لكن لأنو هنا ممنوع الوقوف ... الناس بتكون عامله الصف في ( الطابونة ) الفي شارع 35 !!! آمنت بالله ...!!! دورت العربية و مشيت علي الطابونة ... و بالفعل ...دخلت جوه لقيت العالم ( جلوس ) واحد ورا التاني زي المساجين ...!!! قلت ليهم ده الصف كده يعني ؟؟ ... قالوا آييي ... لكن في ناس بتجري جري لما الساعة تجي ستة الا ربع ... اخدت لي ركن ... داخل المخبز ... والفرانة مدورين الخبيز ... والعجين مرة يقع في الواطة ... ومرة يدوسوهوا بالكرعين ... و يجي البعدو يشيل العجينة الواقعة و توووش يرميها جوة العجانة ... و عرق الفرانة ينز جوة العجانة ... ( اول مرة اعرف طعم الملح الفي الرغيف بيجي من وين ) ... المهم أخوكم ( دقس ) ... وبس فتحت عيني الساعة 6 و خمسة ... قرد مافي ... الشباب كلهم جروا للصف ... وزول لكزني مافي ... قمت صوف انا كمان ... وريقي ناشف من صباحات الرحمن ... لحقت الصف ... وكنت زي نمرة 100 كده ... لما الساعة وصلت 12 ... اللسان بقي زي ورق الصنفرة ... بدا ابليس يلف حواليني ... و يقول ... ياقبقب ... دى ما رخصة عديييل ... امشي شوف ليك كوز موية ساااقط كده ... و تعال عشان تقدر تواصل ... اقوم اقبل منه يمين و اتكلم مع الجنبي ... و ينتهي الكلام ... ما في زول قادر يبلع ريقو .. يقوم يتكلم كمان ؟؟؟ و يقوم ابليس يلكزني ... اها انشاء الله ريقك بليتو بالكلام مع الزول الشين الجنبك ده ... ياخي بيوت العمارات دي كان دقيت ليك اي باب ... بيناولوك كوز حلومر باااارد ... و جايز كمان قمردين !!! تقطعوا تبرد جوفك ده ... وتجي تتونس مع الدايرو في الصف الكريه ده ... اقوم تااااني ازوغ منو ... لغاية ما بقت الساعة 2... لا الصف داير اتحرك ... لا وقت الفطور داير يجي ... لا غيمة داير تمر تضللنا .... بس اتلفت حواليني ... وقلت لابليس امانه ما جاك راجل ... وصيت القدامي و الوراي علي مكاني في الصف ... مشيت في اتجاه شارع النص ... عاقد النية علي الفطور لا نقاش .... و بس ربك رب الخير عيني وقعت علي بيت ناس عمك (يوسف مهدي ) في شارع النص ... كانوا بيبنوا ليهم في شقة في طرف الحوش او ديوان ما بعرف ... المهم العمال شغالين و عيني لي ( خرتوش ) الموية يهدر من بعيد بالله شوفتوا زي شوفة الواحة للضهبان في الخلا ... ماشي و ابليس زاتو ما قادر يلحقني ... ودخلت محل المباني ... و بكل ثقة ... مسكت ( الخرتوش ) ... قلت اول شي اغسل وشي ... و بعدين اتلفت ما في زول يشوفني اقوم اجغم .. ( ما خلاص النية مع ربنا انعرفت ) بقي الخوف من الناس ... و بس وجهت الخرتوش لي وشي ... وفتحت الموية .... انا لله و انا اليه راجعون ... كاني كبيت موية من ( غلاية ) ... لا بتنشرب ... لا بتنهبش !!! فطور وانحسب علينا ... رجعت خائبا .. وصائما ... رغم بيات النية ... انتهي الصف و لم افلح في الوصول الي باب القنصلية ... قالوا بكرة تاني نجي ... لا ادري كيف وصلت الي المنزل ... و كيف اكملت صيامي في ذلك اليوم .... _________________________________________________ اما عودتي في اليوم التالي ... فكان فيها ما غير مجري حياتي حتي تاريخه ..!!! (عدل بواسطة يحي قباني on 09-06-2013, 03:46 AM)

07-15-2013, 04:55 AM

يحي قباني

يحي قباني
تاريخ التسجيل: 08-20-2012
مجموع المشاركات: 18708

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: ( حكايات جدّي التاريخ ) ... ذكريات و خواطر ... (Re: يحي قباني)
مع كامل الاحترام للراحل عز الدين عثمان و اقتباسي لاحد كاريكاتيراته

07-15-2013, 06:38 AM

Nader Abu Kadouk

Nader Abu Kadouk
تاريخ التسجيل: 02-19-2007
مجموع المشاركات: 3706

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: ( حكايات جدّي التاريخ ) ... ذكريات و خواطر ... (Re: يحي قباني)
رمضان كريم يا جميل................

07-15-2013, 06:45 AM

يحي قباني

يحي قباني
تاريخ التسجيل: 08-20-2012
مجموع المشاركات: 18708

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: ( حكايات جدّي التاريخ ) ... ذكريات و خواطر ... (Re: Nader Abu Kadouk)

Quote: رمضان كريم يا جميل................

الله اكرم يا صديقي ...

خلاص كمل يا حليلو ... باقي ليهو عشرتين و اربعة ...

مشتاقين يا حبيبنا ...

ما قاعدين نتلاقي ... مع الحرابة القايمة و العجاجة الرابطة طوااااالي دي !!!

(عدل بواسطة يحي قباني on 07-15-2013, 07:02 AM)

07-15-2013, 06:52 AM

Nader Abu Kadouk

Nader Abu Kadouk
تاريخ التسجيل: 02-19-2007
مجموع المشاركات: 3706

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: ( حكايات جدّي التاريخ ) ... ذكريات و خواطر ... (Re: يحي قباني)

Quote: ما قاعدين نتلاقي ... مع الحرابة القايمة و العجاجة الرابطة طوااااالي دي !!!

عجاجة و بس...و كمان ادعاء بطولات وهمية ...........

انت عارف يا قباني انا مافي حاجة في الدنيا بتجرسني زي رمضان دة........يا خي دي عبادة صعبة خلاص........

07-15-2013, 03:54 PM

يحي قباني

يحي قباني
تاريخ التسجيل: 08-20-2012
مجموع المشاركات: 18708

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: ( حكايات جدّي التاريخ ) ... ذكريات و خواطر ... (Re: Nader Abu Kadouk)

Quote: عجاجة و بس...و كمان ادعاء بطولات وهمية ...........

انت عارف يا قباني انا مافي حاجة في الدنيا بتجرسني زي رمضان دة........يا خي دي عبادة صعبة خلاص........

بعض الاخوة كتاباتهم للبوستات بقت زي البيعوم داخل ( بلّاعة ) ...

لا حيصل لي بر ... لا راحِمنا من ريحتها ...!!!
_____________________________________________
زماااان صديقنا حمادة كان عندو اخوهو وقع جوة بلاعة من بلاعات البيت ...

و بالصدفة مرت واحدة كانت جارتهم و جاية ليهم ... و شافت الولد بيفرفر جوة البلاعة ...

بدل ما تنقذوا افتكرتوا بيعوم ...

و لما وصلت لي امو في راكوبة البيت الورانية ...

قالت ليها ... حلاتوا وليدك ... صلاة النبي ( يعوم ) في البلاعة !!!
_____________________________________________
اها ده حال ( الهتيفة ) هاهنا يا صديقي ...

شايفين الزول يفرفر ... و فرحانين ...

(عدل بواسطة يحي قباني on 07-16-2013, 01:23 AM)

07-16-2013, 01:15 AM

محمد محمود محمد

محمد محمود محمد
تاريخ التسجيل: 02-04-2013
مجموع المشاركات: 910

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: ( حكايات جدّي التاريخ ) ... ذكريات و خواطر ... (Re: يحي قباني)
رمضان كريم يا صديقي... تعرف يا هندسة ..دينا بتّي زولة لذيذة جدّاً..(10 سنوات)...قرّرت تصوم يوم الخميس الفات.. قلت ليها تصوم الجمعة ..عشان الأجازة ..رفضت.. جيت داخل البيت قبل ساعة من الآذان...لقيت ليك دندون في حالة يُرثى لها... أمها قالت لي ..من جات من المدرسة فتحت التلاجة ..زي 20 مرة.. قلت ليها ..تمام يا دندن..أها بكرة ح تصومي؟ قالت لي ..أصوم ؟...يا بابا أنا ندمت ندمت ندمت ..إني صمت الليلة.. والله يا يحيى..ب اضحك لغاية مواعيد الأفطار... تحياتي لكل الأسرة

07-16-2013, 07:04 AM

يحي قباني

يحي قباني
تاريخ التسجيل: 08-20-2012
مجموع المشاركات: 18708

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: ( حكايات جدّي التاريخ ) ... ذكريات و خواطر ... (Re: محمد محمود محمد)

Quote: رمضان كريم يا صديقي...
تعرف يا هندسة ..دينا بتّي زولة لذيذة جدّاً..(10 سنوات)...قرّرت تصوم يوم الخميس الفات..
قلت ليها تصوم الجمعة ..عشان الأجازة ..رفضت..
جيت داخل البيت قبل ساعة من الآذان...لقيت ليك دندون في حالة يُرثى لها...
أمها قالت لي ..من جات من المدرسة فتحت التلاجة ..زي 20 مرة..
قلت ليها ..تمام يا دندن..أها بكرة ح تصومي؟
قالت لي ..أصوم ؟...يا بابا أنا ندمت ندمت ندمت ..إني صمت الليلة..
والله يا يحيى..ب اضحك لغاية مواعيد الأفطار...
تحياتي لكل الأسرة

وين يا دفعة ...

ربنا يحفظ البنية يا محمد و انشالله تشوفها عروس و حبوبه كمان ...

غايتو وانحنا صغار مرة مرة كان صيامنا زي صيام الضب ...

جغمتين من موية البلح المبلول ... كوز موية ... شفطة من كوز الحلومر الضهريات كده ...

لغاية ما القصة دخلت في الجد ... بعد داك ... الهلال كان ما شفناهو بي عيننا ...ما بنعيّد .. انشالله نصوم 50 يوم ...

07-16-2013, 06:26 PM

يحي قباني

يحي قباني
تاريخ التسجيل: 08-20-2012
مجموع المشاركات: 18708

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: ( حكايات جدّي التاريخ ) ... ذكريات و خواطر ... (Re: يحي قباني)
مؤتمر الأرض و الراحل أحمد الميرغني _________________________ امس قريت جزء من مذكرات الصحافي الكبير الراحل بشير محمد سعيد و يالها من سياحة و سباحة هادئة في تاريخ مهيب لصحافي مهيب فى زمن مهيب ... استوقفتني محطة في تلك المذكرات حينما ذهب الاستاذ بشير محمد سعيد الي منزل السيد محمد عثمان الميرغني في أيام ثورة اكتوبر المجيدة ... و علي ذكر بيت الميرغني و آله ... تذكرت ايام ما بعد الانتفاضة و التي ( سُرقت ) من ايادى الشعب المسكين و آلت لآل البيتين ...!! ما علينا ... الإنسرق مننا ما شوية ... المهم ... تذكرت حينما نُصّب الراحل أحمد الميرغني لرئاسة مجلس الدولة او السيادة ... صادف ذلك الوقت قيام مؤتمر ( الأرض ) ,.. في امريكا الجنوبية ... والذي يشارك فيه كل رؤساء العالم و بطبيعة الحال عمنا أحمد الميرغني شارك ممثلاً للسودان ... و كانت الدعايات تقول انه ( احمد الميرغني ) قليل المعلومات ... ومؤهلاته فقط انه ابن الميرغنية ... المهم ... شاءت الصدف ان يجلس العم احمد رحمه الله بجوار الرئيس الكوبي المعتق فيديل كاسترو ... والعم أحمد لا يعرف شي عن كوبا و لا عن كاسترو .. سوي اسمه ... وانه شيوعي حسب ما قيل له ...!! اهاااا ... عمنا احمد قدر ما حاول يفكر في موضوع اتونس بيهو مع كاسترو ما لقي ..!!! الي ان تفتحت قريحته بسؤال واحد ... فلكز كاسترو قائلاً ... و متسائلاً : ( بتعرف محمد إبراهيم نُقُد ) ؟؟؟؟؟ ________________________________________________________________ رحمهم الله جميعاً ...

07-16-2013, 08:19 PM

smart_ana2001

smart_ana2001
تاريخ التسجيل: 04-17-2002
مجموع المشاركات: 5695

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: ( حكايات جدّي التاريخ ) ... ذكريات و خواطر ... (Re: يحي قباني)
و الله يا مستر قبانى طلعتا ما ساهل كلو كلو. :) رمضان كريم و شكرا على البوست الخرافى...حقيقي متعة ما بعدها متعة. لكن اصحابك كلهم يكونوا شايلين هم هسي

07-16-2013, 09:48 PM

محمد أبوالعزائم أبوالريش

محمد أبوالعزائم أبوالريش
تاريخ التسجيل: 08-30-2006
مجموع المشاركات: 14617

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: ( حكايات جدّي التاريخ ) ... ذكريات و خواطر ... (Re: smart_ana2001)

Quote: لكن اصحابك كلهم يكونوا شايلين هم هسي

أمال يا سمارت إنتي قايلاني كل شوية أدخل أملّس ليهو ليه؟

أصلاً هي تلاتة سنوات في الخرطوم القديمة ..... لكن قباني ده ما مضمون .. يكون مدكّن ليهو حاجة بدون ما ننتبه، أحسن نتحوّط ليهو.

07-16-2013, 10:43 PM

يحي قباني

يحي قباني
تاريخ التسجيل: 08-20-2012
مجموع المشاركات: 18708

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: ( حكايات جدّي التاريخ ) ... ذكريات و خواطر ... (Re: محمد أبوالعزائم أبوالريش)

Quote: و الله يا مستر قبانى طلعتا ما ساهل كلو كلو. :)
رمضان كريم و شكرا على البوست الخرافى...حقيقي متعة ما بعدها متعة.
لكن اصحابك كلهم يكونوا شايلين هم هسي

مسز سمارت ...

شرفتينا ياخي ...

اها شكلي عجبتك ... نجي نتقدم متين ؟؟

اصحابي و ما ادراكي ما اصحابي ...

الضحك كاتلهم هم زاتهم و طبعا نصهم خرف ما يتذكر الحاجة الا يقراها هنا ...

غايتو كان الله مد في العمر ... انا بكون فضيت زي رف واحد من المخزون ...

باقي المخزن ( تِنِّشْ ... تِنِّشْ ... )

يعني ... بريس ... بريس ...

07-16-2013, 10:45 PM

يحي قباني

يحي قباني
تاريخ التسجيل: 08-20-2012
مجموع المشاركات: 18708

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: ( حكايات جدّي التاريخ ) ... ذكريات و خواطر ... (Re: يحي قباني)

Quote: أمال يا سمارت إنتي قايلاني كل شوية أدخل أملّس ليهو ليه؟

أصلاً هي تلاتة سنوات في الخرطوم القديمة ..... لكن قباني ده ما مضمون .. يكون مدكّن ليهو حاجة بدون ما ننتبه، أحسن نتحوّط ليهو.

ههههههههههههههه

يا ريش ... انا لسة ما جيت لا علي ناس القديمة ... لا اولاد البراري ...

ما تستعجل علي رزقك ...

07-16-2013, 10:48 PM

وائل فاروق

تاريخ التسجيل: 08-12-2009
مجموع المشاركات: 291

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: ( حكايات جدّي التاريخ ) ... ذكريات و خواطر ... (Re: يحي قباني)
عمنا قبانى :) (وش ضاحك) رمضان كريم , و مبروك للبنية - الخوف تقراء كلامك ده و تقول ليك ما قلت من الجامع للجامعة و كنت الاول من الكتاب لغاية ما اتخرجت بى فيرست ....... وائل ..

07-16-2013, 11:30 PM

smart_ana2001

smart_ana2001
تاريخ التسجيل: 04-17-2002
مجموع المشاركات: 5695

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: ( حكايات جدّي التاريخ ) ... ذكريات و خواطر ... (Re: وائل فاروق)
محمد أبوالعزائم ...تعرف... احسن حاجة تعملها انك تنكروا (ايوه, بعد ده). انا مستغربة قلتا مستر قبانى ده من ما دخل البورد عرف ليك الجماعة كلهم. ده كان جارنا...ود اخوه قرا معانا هندسة...وداك ناس حبوبته جيران خالتى. وفلان كان فى الغرفة اللى جنبنا فى الداخلية.....وعلان اصحابه ناس فلان اصحابى لزم. و الناس كلها تامن على وصيفه. هسي بدا ينكت القديم و الجديد. شدوا حيلكم. مستر قبانى....تعالوا اتقدموا طوالى......اها عاوزين بنت ام ولد?. عندى بنت عمرها 16 شهر كده طالعة صعبة. من هسي بتقولى: "هووي مامى." قلت ليها انت مدام بتقولى لى هوووى, لزومه شنو مامى دى? و فرصة نسلم على د. وائل فاروق و نقول ليه رمضان كريم.

07-17-2013, 08:06 AM

يحي قباني

يحي قباني
تاريخ التسجيل: 08-20-2012
مجموع المشاركات: 18708

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: ( حكايات جدّي التاريخ ) ... ذكريات و خواطر ... (Re: smart_ana2001)

Quote: عمنا قبانى :) (وش ضاحك)

رمضان كريم , و مبروك للبنية - الخوف تقراء كلامك ده و تقول ليك ما قلت من الجامع للجامعة و كنت الاول من الكتاب لغاية ما اتخرجت بى فيرست .......

وائل ..

الله اكرم يا وائل يا جميل ...

ما قلت ليك من نعم ربنا علي ابهاتنا و اعمامنا و خيلانا ...

انو زمنهم ما كان في انترنت ...

07-17-2013, 08:11 AM

يحي قباني

يحي قباني
تاريخ التسجيل: 08-20-2012
مجموع المشاركات: 18708

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: ( حكايات جدّي التاريخ ) ... ذكريات و خواطر ... (Re: يحي قباني)

Quote: مستر قبانى....تعالوا اتقدموا طوالى......اها عاوزين بنت ام ولد?.
عندى بنت عمرها 16 شهر كده طالعة صعبة. من هسي بتقولى: "هووي مامى." قلت ليها انت مدام بتقولى لى هوووى, لزومه شنو مامى دى?

ما شاء الله ربنا يحفظها ...

كان كده انتي لساك صغيرونة ...

اكون دفعة الوالد ؟

او زى ما بيقول صاحبي ... لو الوالدة قرت في الأُم الثانوية او الخرطوم بنات ...

بنكون شفناها باللون اللبني ...

( صاحبي بيقول بنكون شاغلناها لكن انا اختشيت منك ) ...

07-17-2013, 05:08 PM

smart_ana2001

smart_ana2001
تاريخ التسجيل: 04-17-2002
مجموع المشاركات: 5695

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: ( حكايات جدّي التاريخ ) ... ذكريات و خواطر ... (Re: يحي قباني)
عادى يا مستر قبانى... ما تختشي. امى-للاسف-ما لبست اللبنى كلو كلو...لانها قرت فى سستر اسكول(ما اظنها حصلت زمن اللبنى اصلا) ________________________________ هسي خلينا منى و من امى ومن بتى.....ما تكسل فى رمضان ده و تم الحكى...please

07-17-2013, 10:23 PM

محمد أبوالعزائم أبوالريش

محمد أبوالعزائم أبوالريش
تاريخ التسجيل: 08-30-2006
مجموع المشاركات: 14617

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: ( حكايات جدّي التاريخ ) ... ذكريات و خواطر ... (Re: smart_ana2001)
عجبني ليك يا سمارت .... حرشتيهو علينا .... قبّل عليك. ما قلت ليك الزول ده ما مضمون .... صاحبيهو أحسن.

07-18-2013, 04:18 AM

يحي قباني

يحي قباني
تاريخ التسجيل: 08-20-2012
مجموع المشاركات: 18708

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: ( حكايات جدّي التاريخ ) ... ذكريات و خواطر ... (Re: محمد أبوالعزائم أبوالريش)
رمضان في البركس ______________ طبعا اي زول قرا جامعة الخرطوم لغاية بداية التمانينات بيكون عاش زمن بديع جدا خصوصا الداخليات ... لكن طبعا الاتخرج قبالك بي كم سنة كده يقول ليك ... اوووو .. انتو شفتو حاجة ؟؟؟ انحنا كانو لو غبت من السفرة صينية اكلك تقعد مغتية راجياك لامن تجي ..!! يجيك واحد كمان قرا قبال ديل زاتهم ... يقول ليك مغتية شنو ياخ ؟؟؟ انحنا كانو بيجيبوها لينا في الغرفة ...!!! اهاااا ... انا ليه قلت لغاية بداية التمانينات ؟؟ لاننا عشنا بداية النهاية لأكل السفرة و تدهور الخدمات في الداخليات ؟ في 78 لما دخلنا الجامعة ... سكنا في داخليات النشر ... كانت الغرف كبيرة لذلك كنا حوالي6 طلاب في الاودة الواحدة كنا انا و نصرالدين عبدو و اباصالحاً و ربشة و ابوالعلا وجانا درش بعد داك ... كان الأكل في السفرة حاجة بهجة ... الفطور سمك ... ولحمة محمرة ... بجانب الفول و الجبنة و المربي و العسل ... لذلك من كتر التغذية كان غسيل الملايات كتير جدا و ملاحظ ... وكان اصحاب الاكشاك مبسوطين من كمية صابون الغسيل المبيوع ... يعني القصة كلها متماسكة و الخير يعم ... اما رمضان في نهاية السبعينات في البركس ... فلمن يصدق و لا يصدق ... اول عشرين يوم 5 وجبات في اليوم ... والعشرة الأواخر 6 وجبات ...!!! قولوا لي كيف ؟ اها ... السفرة شغالة فطور بالنهار للناس الما صايمة !!! و غدا ... نفس الشي ... وبعد داك يجي فطور رمضان ... ثم العشاء للناس الفاطرة ثم السحور !!! العشرة الاواخر ... بعد القيام بيزيدوا وجبة عبارة عن شعيرية بي لبن ... حااارة ... واللبن دسم من بِزْ أُمــّو جاي من كافوري ... لا مويه غشتو لا من يحزنون ... وش اللبن لما يغلوهو كان بيعمل قشطة لونها سمني ... كان ناس ابو الجلابغ صديقي بياكلوها مع العسل ... لانو الاولاد بشيلو حديد ...!! طبعا كانو اكتر ناس بيشترو صابون بودرة من الكشك ... لزوم الغسيل !!! عشنا البهجة دي سنتين و التالتة ... بعد داك القصة قلبت ملاح ( نجيلة ) ... و تبيخ لي يوم الليلة ما في زول عارفو تبيخ شنو ؟؟ كان الوحيد المعجب بذلك التبيخ صديقي ( الهكر )* ... كان حينما يراه تنفرج اساريره ... سالته في مره .. يا هكر فرحان مالك ..؟ قال لي الليلة تابخين الحاجة اللذيذة ديك !!! يعني حتي من احبها لم يجد لها مسمي !!! اللحمة عشان نشوفها و انحنا في سنة رابعة ... الا تجيب ورقه من دكتور البركس يكتب ليك فيها ( اسبيشل ) طبعا علي ذكر اسبيشل ... اعمامنا التباخين لما تجيب ليهم ورقة الاسبيشل ما بيقروها !!! عندهم ابيشل يعني يغذوك شي كبده و المربات بالبرطمانية و علبة العسل ابو اسد الخدرا يصرفوها ليك ... وشي زبده و عسل نحل ... و الغريبة الاسبيشل مرات في طلبه عندهم سكري ... محتاجين اكل معين وفي طلبة زى صديقي درش ... ضغط الدم مرتفع من الزمن داك ... يعني لازم ملح خفيف و اكل صحي ِ... لكن هيهات ... يردموهم ليك ردم بالطيبات ... وصلنا الي مراحل كنا نخلط كمية من البصل مع كمية من الشطوط و الليمون و من ثم ( قلبها ) علي اي شي مطبوخ حتي يمكننا استساغة الاكل ... اكشاك البركس كانت تبيع الليمون بالخلاط و القريب فروت ___________________________________________ لو عاد بي الزمن لاقترحت عليهم عمل عصير منقه باللبن في رمضان ليه ؟؟ مافي زول يسألني ... * الهكر فى زمننا يعني الزول العجوز ... خفته بس بكري يفهمني غلت !!! لذا لزم التنويه ...

07-18-2013, 06:33 AM

يحي قباني

يحي قباني
تاريخ التسجيل: 08-20-2012
مجموع المشاركات: 18708

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: ( حكايات جدّي التاريخ ) ... ذكريات و خواطر ... (Re: يحي قباني)
صاحباً لينا ... دفعة و قااااعد من قبالنا في البلد دى ليهو كم سنة كده قبال رمضان يفتش في الفتاوي الخاصة بي عدد ساعات الصيام سنة يقول لي انت بتعرف الشيخ فلان؟ ده أستاذ شريعة و قانون في جامعة شنو ما بعرف ده قال كلام منطقي جداً أننا نصوم علي اقرب بلد مسلم و نرجع نقول ليهو ياخ الله يهديك بس صوم صومك و خلي الجلع ... يجي السنة البعدها ... يقول لي مكة بتصوم في الصيف 14 ساعة يعني انحنا اكتر بي 3 ساعات طيب نعمل متوسط و نفطر بعد 15ساعة و نص تاااني نقعد نحنس ... المهم السنة الفاتت قرر انو يصوم 15 ساعة فقط قام طرح ال 15 من فطور الساعة 9 في الليل وبقي صاحبنا يمسك الساعة 7 صباحا بعد أذان الفجر بساعتين و بعد الشروق !!! اهاااا السنة دي قرر ( جلد ) رمضان تماماً !!! قال هو عيان ... و نوع المرض بيستوجب شرب كمية موية ما بقدر يشربها في الليل !!! مافي وكت !!! و لو ما شربها ممكن تأثر عليهو و تجيهو نوبة من المرض ده !!! قلت ليهو و انت جاتك نوبة زي دي في رمضان قبال كده؟ قال لي لأ ... لكن انا حأستني لغاية ما تجيني !!! ... ممممم ... عين العقل !!!!!!!! اها مع الفتوي الجديدة صاحبنا مرطب ترطيبة عالمية الي ان ( عزمته) والدته للفطور وكان لم يخبرها بحكاية جلده لرمضان وكانت والدته و التي بلغت الثمانين من عمرها ما زالت تصوم كل رمضان !!! فطر معها و في طريق العودة اتصل بي قائلا : انا ما كلمت الحاجة اني فاطر ... و الله خجلت من نفسي !!! تصور يا قبة عمرها 80 و صائمة و انا لأ؟؟ و أعقب فقال ... تصور انو حبوبتي ام أمي ماتت و عمرها كم و تسعين ماتت و هي ما فطت يوم واحد صيام !!! عاينت ليهو و قلت : تعرف يا قريبي ... الجيل البصوم رمضان 30 يوم ده ... تاني ما بجي زيو ما بتكرر تاني ... زى الفنانين الرواد !!!! _______________________________________ الله يديك العافية يا أمي قلت ليها افطري يا حاجة خلاص بعد ده ... عندك مليون رخصة !!! قالت لي انت داير تبهدلني آخر عمري ؟!؟!؟ (عدل بواسطة يحي قباني on 09-09-2013, 05:18 AM)

07-19-2013, 08:00 AM

يحي قباني

يحي قباني
تاريخ التسجيل: 08-20-2012
مجموع المشاركات: 18708

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: ( حكايات جدّي التاريخ ) ... ذكريات و خواطر ... (Re: يحي قباني)
حذف للتكرار (عدل بواسطة يحي قباني on 07-23-2013, 11:16 PM)

07-26-2013, 02:55 AM

يحي قباني

يحي قباني
تاريخ التسجيل: 08-20-2012
مجموع المشاركات: 18708

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: ( حكايات جدّي التاريخ ) ... ذكريات و خواطر ... (Re: يحي قباني)
قال لي يا قُبّه ... الفرق بين الرشاقة و ( خفة ) الوزن شنو ؟؟ قلت ليهو يا درش ... الزول الرشيق هو الزول هو من يمشي علي الارض و يكاد لا يلامسها ... كما الغزال في الخمايل ... اما ( الخفيف ) ... فهو الضبلان ... الكحيان ...خفة من عدم الاكل ... مرض ... كسل الخ .... قال لي لكن انا شايف في ناس خملانين و ضبلانين لكن بيحاولوا يتراشقوا ...؟؟ ________________________________________________ قلت ليهو ماهي اصلا الخفة من الرشاقة و الرشاقة من الخفة ... فما تدقق يا درش ...

07-26-2013, 08:45 AM

يحي قباني

يحي قباني
تاريخ التسجيل: 08-20-2012
مجموع المشاركات: 18708

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: ( حكايات جدّي التاريخ ) ... ذكريات و خواطر ... (Re: يحي قباني)
مشروع السقوفات ... رابعة معمار __________________________________ في نهاية العام 79 ناخت بعيرنا في السنة الثانية معمار بعد نجاح مُفِرح من السنة الاولي و الانتقال للسنة الثانية ... وهي سنة الانترميديات ... سنة يكرم المرء او يُهان ... مادة من المواد كانت الرسم الهندسي الانشائي ... و هي مادة مهمة ... و رسوماتها من الرسومات الغير محببة للمعماري .... كنا في تلك السنة قد تقاربنا نحن اولاد الدفعة التي لا تزيد عن 28 طالب و طالبة ... 24 طالب ... و 4 فرمالات ..امال و امال و حنان و علوية ... مساهم الله بالخير اين ما كانو ... فكن نعم الاخوات و نعم الزميلات ... تقارت علاقتي بمجموعة من الزملاء ...كنا نتفق في اشياء كثيرة و من اهمها ( الصياعة ) ... نعشق الحفلات ... نهوي الاسفار ... وكل ما هو ( داخلاً ) تحت بند الطفشي ... ولكنها سنة الانترميديات ... اي شخشخة ... اي سقوط في اي مادة ( تصبح واطاتك ) منيلة بستين نيلة ... في امسية قررنا السفر الي كوستي فى نهار اليوم التالي ( لشم ) بعض الهواء ... وساء تقديرنا ان هناك مشروع تصميم سقوفات لمستودع كبير و هي عبارة عن Roof Trusses رسم دقيق و ( سغيل ) و مستهلك للوقت ... لما فيه من تفصيلات كثيرة ... رغم ان التصميم واحد لكل الدفعة ... لكن المهارة في التفاصيل الدقيقة ... عدنا من الاجازة الطارئة ... و اذا بالزملاء يعلنون ان تسليم المشروع سيكون صباح الغد ... وكانت حساباتنا الخسرانة تقول انه بعد 3 ايام .... ما العمل !!! اعتكف ابو الجلابغ و ابوخليل في غرفتهما للقيام بالرسومات مبشرين بليلة ( صبّاحي ) ... اما انا فأخدت اوراقي بيضاء من غير سوء ... و اقلامي و عدتي من تي سكوير و خلافه و انطلقت لاستوديوهات المعمار في حوالي الساعة 9 مساء ... وهنا كانت مجموعة كبيرة من الزملاء يعملون بجدية و همة ... و( ينقنقون ) من ضيق الوقت ؟؟!!! ضيق الوقت ؟؟ ... طيب و أنا ؟؟؟ ما جريت خط للآن !!!! كان من ضمن الزملاء الزميل ( ربشة ) و هو من اوائل الدفعة ... كان ( هارد ويركر ) لم تلده ولاده .. انتبذت ( بورداً ) قصيا ... و فرشت العدة ... ثم ذهبت للتجول لرؤية الموقف العام .... كانت الساعة حوالي العاشرة مساء عندما بدأت في الرسم ... عند الساعة الحادية عشر و النصف تيقنت من استحالة انجاز المطلوب في تلك الليلة ... اخذت نفسا عميقا ... و ذهبت في جولة اخري بين الزملاء و الذي تقلص عددهم الي 4 او 5 ... فقد انهي معظمهم الرسومات ... كان من ضمن البقية الزميل ربشة ... وكان قد انتهي تماما من العمل و بدقة شديدة ... ولكني رأيته يتامل ... و يهمهم بشي ... فسألته ... يا ود يا ربشة ... مالك متمحن ؟ الشغل ما عاجبك؟ قال لا ... بس الورقه شكلها وسـخاـن ...كمية من الشخبتة بالرصاص ... فبس بحسب لو عندى وكت ... ( اشفها ) نضيف ... قلت ليهو طوالي ... انا بقعد معاك اونسك ...( وهنا كنت قد رسمت خطة الخروج من مأذق عدم انهاء الرسومات ) قال لي .. وانت ...ما حتشتغل ... قلت ليهو لا اكيد ... بس ما عندي مزاج ...ببدا عادة زي الساعة 2-3 الصبح كده ... قال لي ..انا عارفك جنك سهر .... تقعدو في الكشاتين للساعة 7صباحا ... نصحي نمشي المحاضرات نلقاكم قاعدين ... قلت ليهو تتذكر فلان ود الاقتصاد لما جا ماري الساعة 6:30 صباحا لقانا بنكشتن ... قال و الله يا ولاد المعمار بتبالغو ... في زول يصحي بدري كدي يلعب كوشتينة !!! ضحكنا ... و اتسامرنا و ابو الارباش شغاااال في الشف النضيف ... الي ان انتهي ( بسلامتو ) الساعة 2 صباحا ... و بدأ في لف الرسومات النضيفة و الجاهزة للتسليم في الصباح ... ثم هم بلف الشغل ال ROUGH علي حد قوله ... فقلت له ... حيلك حيلك يا ربشة ... بس الشغل ال ROUGH ده خليهو لأخوك هنا ... انا لانو الوقت ضايق ... حاشف منو طوالي و لكن بتصرف ... قال لي يعني ما تعمل لي مشكله ... قلت ليهو ياخي مشكلة شنو ...هو TRUSS واحد اعمي كل الدفعة نفس الرسمة ... فدي ما فيها مشكلة ... اقتنع المسكين و ذهب الي البركس ... فرشت الرسمة ال ROUGH الخاصة بابو الارباش ... و اعجبت ايما اعجاب بتلك الخربشات ... والاوساخ ( المعمارية ) ... و أخذت قراري .... قررت ان اعدل في نفس الرسمة تعديلات طفيفة لا تذكر ... ومسح بعض ما لا يلزم ... بما فيها اسم الزميل ابو الأرباش و كتبت اسمي ... و عدلت تعديلاتي الطفيفة ... و لم تأتي الساعة 3 الا وانا في سريري ... اصبح الصبح ... و جائني ابو الارباش ... يسال من رسوماته التي ( اعارني اياها ) فقلت اذهب انت و سالحق بك و اجلبها معي ... و ذهبنا و سلمنا الرسومات ... وهنا اعلنت لربشة ما فعلته بالأمس ... واحمر و اصفر و لكن هيهات ...قضي الأمر ... مضت الايام و اتانا الدكتور بالنتيجة .... وبدأ في اعلانها بدا من ال A , ونزولا ... وكانت المفاجأه انني احرزت B+ واحرز زميلي ابو الارباش C+ و احمر وجهه ... وبدأ يهم بالكلام ... فالتفت اليه بنظرة شرسة ... وقلت له ...تفتح خشمك ... بقول انت شفيت مني !!! بعدين ياخي العبرة بالخواتيم ... واللمسات الساحرة ... انت قايل القصة ساي !!!! ________________________________________________ تخرج اخونا ربشة وحيدا من كل الدفعة حيث لم ينصرنا في الاضراب العام ... و تاجل تخريجنا ( بعده ) بعدة اشهر ...

08-14-2013, 00:47 AM

يحي قباني

يحي قباني
تاريخ التسجيل: 08-20-2012
مجموع المشاركات: 18708

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: ( حكايات جدّي التاريخ ) ... ذكريات و خواطر ... (Re: يحي قباني)
نكتب في السياسة ... و نحلل اغاني ... و نسلك مجاري ... و نصلح سراير ... و المعااااا قزاز ....

08-19-2013, 01:46 AM

يحي قباني

يحي قباني
تاريخ التسجيل: 08-20-2012
مجموع المشاركات: 18708

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: ( حكايات جدّي التاريخ ) ... ذكريات و خواطر ... (Re: يحي قباني)
سألني و قال : انت يا يحي لندن لونها شنو ؟ ___________________________ 1969 ... جاء السؤال من ابن اختي الذى يصغرني ب 4 سنوات ونصف تقريبا ... كانت الساعة الرابعة صباحا ... فجر يوم خميس في شتاء 1969 كان عمري وقتها قرب العشرة سنوات ... وهو ابن الخامسة و النصف تقريبا ... كان والده ( رحمه الله ) بصدد السفر الي بريطانيا للتخص في جراحة طب الاسنان ... و سترافقه زوجته كُبري شقيقاتي ... وابنهم الوحيد ( وقتها ) ... اذكر تمام انه خرج من الحمام بعد اخذ ( دش ) استعدادا للسفر ... وكنا نسكن ( جميعنا ) في حوش ( جدي ) محمد سعيد القباني ( رحمه الله ) في ود أرو ... وكانت اختي الصغري تساعده في اللبس .. استعدادا للذهاب الي المطار ... رداء ابيض ... وقميص ابيض اذكرهم تماما ... ولما كان الفرق في السن بيننا بسيط ... كانت علاقتنا ( وما زالت ) علاقة الأخ لأخيه ... كانت اختي تساعده في لبس ملابسه و حذائه ... وهو منهمك في الحديث معي ... وفجأه ... وبدون مقدمات سألني ذلك السؤال ... الذي بقي في ذاكرتي حتي تاريخه ... قال بالحرف الواحد ( وكان يناديني يحي ) لاني صديقه ... يا يحي ...انت ( لندن ) لونها شنو ؟؟؟ و بما انني ابن العشر سنوات وود تفتيحه و فاهم ... سخرت منه ووقتها انا لم اري سوى دولتين في حياتي ... السودان ... و مصر ....فقط !!!! فتفلسفت عليه ايما فلسفه ... بان البلاد ليس لها الوان ... ووووو و ان كل بلاد الدنيا واحده ... فقط تفصلها مسافات ... ولم يمضي وقت طويل حتي ادركت فداحة خطأي ..... بالفعل لندن لونها شنو ؟؟؟ و يا ( غباشة ) السودان و مصر ... بالمقارنة بالبلاد التي رضي عنها الله ... سافرت الي لندن لزيارتهم في صيف 1970 برفقة والديا ( رحمهما الله ) ... و كانت رحلتنا علي متن سودانير .... و هبطت الطائره ( الكومت ) ...اولا في مطار فرانكفورت .... و كانت مفاجأتي الاولي .. ان اللون الاخضر يختلف تماما عن اللون الاخضر ( السوداني ) و بعدها بساعة هبطنا في مطار هيثرو ... و رايت الخضره ... و ( الوجه الحسن ) .... وهناك فقط ادركت كم كنت جاهلاً حينما سخرت من صديقي و ابن اختي ... فللبلاد الوان ... و اشكال ... _________________________________________________________ التحية لابن اختي و صديقي الدكتور حسن شحاته اخصائي النساء و الولاده في بريطانيا الآن ...

09-03-2013, 03:40 AM

يحي قباني

يحي قباني
تاريخ التسجيل: 08-20-2012
مجموع المشاركات: 18708

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: ( حكايات جدّي التاريخ ) ... ذكريات و خواطر ... (Re: يحي قباني)
كَدّ العَضُم ... وشفطه ...! ___________________ صديقي الجميل ود ابروف ... كان من عشاق ( السفسفة ) ... و العضّة النضيفة ... اجد له العذر فوالدته كانت طباخة ماهرة ... وكانت تخدم ( العضّة ) خدمة مُحِبْ و محترف ... كل مواد الطبخ بلدية ... من الــ ( إسكراتش ) ... كِسرتها ... معيوسة في تُكلها ... ويكَتها ... مفندكة في حوشها ... و شــرمــوطهـا.. مشرور في حبل غسيلها ... فانجبت ذلك الوجيه الذي كان يقدر كل ما تطبخه والدته الكريمة ... كانت نقطة ضعفه الرئيسية في السفرة هو اللحم و العظم ... فكان بعد ان يُطبّق نظرية خيرُ اللحمِ ما جاوَرَ العظمِ ... يبدأ في كد العضُم ولا اتخن جرقاس في الحِلّة ... كان يهوي ( شفط ) المُخ من داخل ماسورة العظمة ... و من ثم ( مزمزتها ) وكأن " جَنَى الْجَنَّتَيْنِ دَانٍ" ... يقوم بالتغزل اولا في شكل العضمة ... و يتخيل ( حجم و ثِقل ) المخ الذي بداخلها ... و يقوم ( بعزل و تنقية وفرز ) العظم و ترتيبه قبل ( الشفط ) ... ليس لشئ ... سوي انه يترك ( العضمة المدنكلة ) الي النهاية ... للوصول الي حد ( الشحفوفة ) كما كنا نسميها ... " الشحفوفة " هي ما بعد التلذذ و النشوي ... الي ان اتي ذلك اليوم العجيب ... كنا نؤم صينية من الضلوع و المحاشي و ما شابه ذلك ... وكان صاحبنا قد بدأ مجاملاً باكل صباع كوسة علي السريع ثم ( قبّل ) علي اللحوم ... وبدأ في مرحلة الكد ... و الشفط و المزمزة ... وكانت العظام صغيرة نسبيا ... لذلك ( تكلَ ) صاحبنا عضمة ( مجيهة ) جانبا ...للتحلية ...!!! وجاء وقت التحلية ... و مسك صاحبنا العضمة ... بعد ان قلبها ذات اليمين و ذات الشمال ... ثم بدأ في عملية الشفط ... و ابت و استعصت ( وحلفت براس ابوها ) ما تنشفط ليهو ... فبدا عليه الانزعاج واضحا .... واخذ ينظر الي داخل ماسورة العضمة ... و اذا بالمُخ ... يملأ الماسورة ( لعينها )... و بدأ مرة اخري بنفس عميق و شفطه قوية ... و ساعدها ( بخبتة ) في مؤخرة العضمة ... وتووووووش .... انشفط المخ ... ومن قوة الشفط ... اتبلع مباشرة قبل ( مزمزته ) ... فوقف صديقي .. حزينا ... وقال : الله ... طلع مافي النصيب !!!!! _____________________________________ الله يمسيك بالخير يا حبيبنا .... (عدل بواسطة يحي قباني on 09-09-2013, 04:59 AM)

09-03-2013, 08:03 AM

أيمن دياب

تاريخ التسجيل: 07-03-2008
مجموع المشاركات: 3439

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: ( حكايات جدّي التاريخ ) ... ذكريات و خواطر ... (Re: يحي قباني)

Quote: في الحي المعروف قديما ( بالحي البريطاني ) ...كان يسكن امامنا المهندس فوراوي وزجته الانصارية البديعة السيدة اسيا الجاك ...

الأخ العزيز الباشمهندس قباني..
أشهد الله لم أطلع على البوست التاريخي إلا اليوم..
وأنفقت يومي من الصباح وحتى الآن في قراءته والاستمتاع بكل ما فيه..
انت راجل تحفة وتاريخي ولطيف.. ربنا يمتعك بالصحة والعافية..
رحم الله عمي العزيز المهندس مبارك فوراوي.. وأطال الله في عمر زوجته آسيا الجاك..
طبعا مبارك فوراوي (ود عمة الوالد).. امه الحاجة بتول دياب..
كنا نزورهم في الأبيض في اجازات المدارس عندما كان مديراً لشركة شل.. وكنا وقتها في أم روابة نهاية السبعينات..
وأنا في الصف الأول ابتدائي..
العم العزيز تسكن أسرته الآن في العمارات شارع 41 (قريب من السوق)..
ومتابعين البوست حتى النهاية..

09-04-2013, 00:24 AM

يحي قباني

يحي قباني
تاريخ التسجيل: 08-20-2012
مجموع المشاركات: 18708

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: ( حكايات جدّي التاريخ ) ... ذكريات و خواطر ... (Re: أيمن دياب)

Quote: Quote: في الحي المعروف قديما ( بالحي البريطاني ) ...كان يسكن امامنا المهندس فوراوي وزجته الانصارية البديعة السيدة اسيا الجاك ...

الأخ العزيز الباشمهندس قباني..
أشهد الله لم أطلع على البوست التاريخي إلا اليوم..
وأنفقت يومي من الصباح وحتى الآن في قراءته والاستمتاع بكل ما فيه..
انت راجل تحفة وتاريخي ولطيف.. ربنا يمتعك بالصحة والعافية..
رحم الله عمي العزيز المهندس مبارك فوراوي.. وأطال الله في عمر زوجته آسيا الجاك..
طبعا مبارك فوراوي (ود عمة الوالد).. امه الحاجة بتول دياب..
كنا نزورهم في الأبيض في اجازات المدارس عندما كان مديراً لشركة شل.. وكنا وقتها في أم روابة نهاية السبعينات..
وأنا في الصف الأول ابتدائي..
العم العزيز تسكن أسرته الآن في العمارات شارع 41 (قريب من السوق)..
ومتابعين البوست حتى النهاية..

يا سلام يا ايمن

و يا سلام علي العم فوراوي رحمه الله و الوالدة الفاضلة اسيا الجاك

كانت جيره و عشره لا ننساها أبدا

رغم أننا تركنا ود مدني في العام 1967

و لكن العلاقة امتدت ...

انا رغم صغر سني في ذلك الوقت

ولكني أتذكر تماماً دفاعها عن الأنصار و حزب الأمة

و الذي لا يخلو من الفكاهة و الضحك

كانت أمراه قوية و خفيفة الظل و نقية الدواخل مثلها و مثل الباشمهندس فوراوي رحمه الله

اذكر فقط ابنها محمد أو احمد لا اذكر فقد كنا نناديه ( حماده فوراوي ) ان لم تخني الذاكره

أرجو منك ان تمدني برقم تلفونها في السودان للسؤال عليها و عن أحوالها

و اعلم تماماً انها ستحزن علي خبر وفاة والدتنا رحمها الله

فقد كانو كما الأخوات يا صديقي. ..

اليوم انت ادخلت السعاده الي قلبي يا ايمن

09-04-2013, 04:20 AM

يحي قباني

يحي قباني
تاريخ التسجيل: 08-20-2012
مجموع المشاركات: 18708

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: ( حكايات جدّي التاريخ ) ... ذكريات و خواطر ... (Re: يحي قباني)
نملنــــــــــــــــــــا !! ______________ في بداية سبعينات القرن الماضي ... كان احد اخوتي الكبار يدرس في اليونان ... مدينة ساحرة الجمال اسمها ( زيثالونيكا ) ... في شمال اليونان ... كان عدد الطلبة السودانيين جميعا لا يتعدي العشرة ... و كانو مقسمين بين تلك المدينة ... و اثينا ... ومدينة صغيرة ثالثة لا اذكر اسمها ... كانو رغم بعد المسافات ... يلتقون كثيرا ... خاصة عند وصول اي تموين من السودان ... كان السفر عزيزا وقتها ... و لا احد يحب ان يترك السودان ... ولذلك لا تاتيهم تلك التموينات ... الا عند سفر و رجوع احد الطلبة ... من اظرف قصصهم ان قامت والدتنا رحمها الله بتجهيز علبة كعك من ضمن اشياء اخري كالويكة و البهارات و خلافه ... وذلك لارسالها مع احد زملاء اخي حيث كان الوقت وقت عيد الفطر وقامت الحاجة للتسهيل برش الكعك بسكر البودرة ليكون جاهزا للاكل فور وصوله ... استلم زميل اخي العلبة في وسط الاسبوع و كان مسافراً في نهايته ... ويبدو انه ترك العلبة في شباك غرفته ببحري ... وعند السفر ( حشرها ) داخل شنطة السفر ... و لم يتفقد ما بداخلها !! و عند الوصول لاثينا ... كان اخي قد حضر من ذيثالونيكا خصيصا لاستقبال التموين .. و كالعادة كانت هناك مجموعة من الطلبة في الانتظار ... و كان من بينهم احد الطلبة و الذي مكث في اليونان حتي ذلك الوقت حوالي 5 سنوات لم يعود خلالها للسودان قط !! و بدأ المسافر في توزيع التموين ... وعند وصول علبة الكعك ... و حيث الدنيا عيد ... قاموا بفتح العلبة ... واذا بالنمل يسرح و يمرح داخلها !!! وذلك حينما تركها المسافر في شباك غرفته !!! ووسط دهشة الجميع ... انفجر ذلك الطالب الذى لم يرجع الي السودان منذ 5 سنوات في بكاء و نحيب ... و ظل يردد مخنوق العبره .... نَمِلنا .... يااااا حليلك يا نَمِلنا ...!!! _____________________________________________________ بالله نملنا زاتو كان مرتاح !!!

09-04-2013, 05:58 AM

Nader Abu Kadouk

Nader Abu Kadouk
تاريخ التسجيل: 02-19-2007
مجموع المشاركات: 3706

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: ( حكايات جدّي التاريخ ) ... ذكريات و خواطر ... (Re: يحي قباني)

Quote: نَمِلنا .... يااااا حليلك يا نَمِلنا ...!!

ههههههه...........

انت عارف يا قباني انا اكتر زول مستمتع بالبوست ده.............ياخي انت عندك ذاكرة شديدة و لضيضة............

ربنا يمتعك بالعافية..............

09-04-2013, 06:08 AM

أيمن دياب

تاريخ التسجيل: 07-03-2008
مجموع المشاركات: 3439

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: ( حكايات جدّي التاريخ ) ... ذكريات و خواطر ... (Re: يحي قباني)

Quote: أرجو منك ان تمدني برقم تلفونها في السودان للسؤال عليها و عن أحوالها

رحم الله والدتكم وأسكنها فسيح جناته مع الشهداء والصديقين..
أخي العزيز..
لا يتوفر عندي رقم الحاجة أسيا الجاك
ولكن سأزودك برقم ابن عمي الأستاذ عثمان محمد الأمين فوراوي..
يمكن أن يقوم بتوصيلك بالحاجة أسيا..
00249916708050

09-05-2013, 04:27 AM

يحي قباني

يحي قباني
تاريخ التسجيل: 08-20-2012
مجموع المشاركات: 18708

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: ( حكايات جدّي التاريخ ) ... ذكريات و خواطر ... (Re: أيمن دياب)

Quote:
Quote: أرجو منك ان تمدني برقم تلفونها في السودان للسؤال عليها و عن أحوالها

رحم الله والدتكم وأسكنها فسيح جناته مع الشهداء والصديقين..
أخي العزيز..
لا يتوفر عندي رقم الحاجة أسيا الجاك
ولكن سأزودك برقم ابن عمي الأستاذ عثمان محمد الأمين فوراوي..
يمكن أن يقوم بتوصيلك بالحاجة أسيا..
00249916708050

تحياتي ايمن

الله يبارك فيك ... رحم الله والدتنا رحمة واسعة

سأقوم بالاتصال إنشاء الله بالأستاذ عثمان فوراوي

للسؤال عن رقم الحاجة اسيا الجاك ...

اسيا الجاك المرأة الثورية الجميلة ...

09-05-2013, 04:42 AM

يحي قباني

يحي قباني
تاريخ التسجيل: 08-20-2012
مجموع المشاركات: 18708

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: ( حكايات جدّي التاريخ ) ... ذكريات و خواطر ... (Re: يحي قباني)

Quote:
Quote: نَمِلنا .... يااااا حليلك يا نَمِلنا ...!!

ههههههه...........

انت عارف يا قباني انا اكتر زول مستمتع بالبوست ده.............ياخي انت عندك ذاكرة شديدة و لضيضة............

ربنا يمتعك بالعافية..............

ابوكدوك صديقي الجميل

اها نفس جماعتك حقين اليونان

اذكر في مرة الحاجة رحمها الله أرسلت تموين و كان يحتوي

علي كمية من الويكة الناشفة ... و كمية مماثلة من الكسرة المفرزنة

يعني ريحة كسرة أخير من مافي ...

وصل التموين و عند اكتشاف الويكة و الكسرة

قرر أخينا دعوة جميع الطلبة السودانيين في اليونان و ما جاورها

للحضور لأكلة ملاح ( أم رقيقة ) ... بي الكسرة !!!

واتي اليوم الموعود ...

و بدا تجهيز حلة الملاح منذ الصباح الباكر

و أخرجت الكسرة من الفريزر في الليلة السابقة ...

كان صديقهم الطيب هو من يقوم بمهمة تجهيز الملاح

و قد أتي ذلك اليوم بحلة من فصيلة ( القيزان ) حيث ان العدد كبير

و بدا الشباب في الحضور ( الاعمي شايل المكسر )

وحان وقت الغداء...

وخرج الطيب علي الجمع يطمئنهم و يمنيهم بويكة لم تطبخها حبوباتهم في زمانهم ...

و رجع الي المطبخ ...

و بعض لحظات سمعوا ..... صوت ارتطام قوي ...

فهبو الي المطبخ ... وإذا بالحلة ( انقلبت ) علي رأسها في بلاط المطبخ !!!!

لم يضيع الشباب وقتا ...

وقامو ( بفت ) الكسرة علي بلاط المطبخ

و التهمو الويكة ( من أرضها )

و كانت أجمل أكلة في سنوات الدراسة باليونان

09-05-2013, 11:20 AM

أمير محمد ادريس

أمير محمد ادريس
تاريخ التسجيل: 01-17-2013
مجموع المشاركات: 1248

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: ( حكايات جدّي التاريخ ) ... ذكريات و خواطر ... (Re: يحي قباني)
محمد جعفر قريش أنا إشتغلت معاه فترة من الزمن قبل جيتنا لأرض الحرمين راجل طيب وفاضل وفوق ده كلو إنو مريخابي جميل مثلك يا حبيب . تحياتي عزيزنا يحي قباني

09-05-2013, 03:22 PM

يحي قباني

يحي قباني
تاريخ التسجيل: 08-20-2012
مجموع المشاركات: 18708

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: ( حكايات جدّي التاريخ ) ... ذكريات و خواطر ... (Re: أمير محمد ادريس)

Quote: محمد جعفر قريش أنا إشتغلت معاه فترة من الزمن قبل جيتنا لأرض الحرمين راجل طيب وفاضل وفوق ده كلو إنو مريخابي جميل مثلك يا حبيب .

تحياتي عزيزنا يحي قباني

يا سلام يا امير

و يا سلام علي محمد جعفر الزول الجميل ...

محمد له قلب مثل الطفل الصغير خالي من الشوائب تماما ...

وله ابتسامة تاسر القلوب من نقائها ...

من قصصي معاهو ... طبعا كان عندهم مصنع بطاريات التبلدي ...

قمت اشتريت لي بطارية تبلدي لعربيتي من السوق ...

وفي يوم الصبح العربية ما دورت الا دفرة ...

توووش سقتها و ما بطلتها الا قدام المصنع في الصناعية الخرطوم

ومحمد طبعا مدير المصنع ...

دخلت عليهو ... طبعا قابلني بي ضحكته الخرافية ...

سلامات و حق الله بق الله ...

قال لي فطرته ؟؟

قلت ليه لسة ...

قال لي نسيبتك بتريدك الفطور جاي حسي ...

و نادى واحد من الشباب عشان يعملو حسابي ...

المهم و احنا بنجيه في الاسماك و الافوال ...

قال لي دى زيارة والله جميلة ...

قلت ليهو تكون اجمل لو صنعتو بطاريات تعيش علي الاقل 3 شهور !!

قال لي كيف الكلام ده ... فحكيت ليهو القصة ...

طوالي شال مفتاح العربية و نادى واحد ...

صاحبنا رجع قال ليهو في عين بايظة ...

قال ليهو غيرو العين دي و اربطوها في التنجر ...

المهم شربنا الشاي ... و ساقني بي عربيتو كم مشوار مسافة ما البطارية تملا ...

اخر اليوم كل حاجة تمام ... و مشيت ...

اسبوع تمام ... العربية من الصباح ما دورت ...

توووشك تاني .. وطبعا الوقت وقت فطور ...

وضربنا اللحوم المرة دي ... وغيرو ليهم عينين المرة دى ...

مشت الامور شهرين ...

وتاني حصلت نفس المشكلة ....

مشيت المصنع محمد كان مافي ....

الشباب قالو لي انو ود قريش قاليهم كان قباني جا وانا مافي اعملو ليهو المطلوب تماما ...

فواحد منهم قال لي يا باشمهندس نكشف علي البطارية

ولو لسه نفس المشكلة نربط ليك بطارية جديدة ...

فتحو لي مكتب محمد ... و جا الشاي ... و بعداك الفطور ... في دخلة محمد ...

مسكو الضحك . لما قرب يقع في الواطة ...

قال لي في ذمتك دى البطارية ولا فطورنا السمح ده البجيبك !!!

قلت ليهو يا ود قريش احمد ربك انا الوحيد من اصحابك الاشتري تبلدى ...

لو المجموعة كلها اشترت كان الا تجيب لينا خيمة من كزام عشان تلمنا للفطور

مسافة ما تصلحو بطارياتكم البايظة دي !!!

كدى اقعد نجيب ليك الفطور ...

09-07-2013, 11:47 AM

أمير محمد ادريس

أمير محمد ادريس
تاريخ التسجيل: 01-17-2013
مجموع المشاركات: 1248

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: ( حكايات جدّي التاريخ ) ... ذكريات و خواطر ... (Re: يحي قباني)
*

09-08-2013, 04:19 PM

يحي قباني

يحي قباني
تاريخ التسجيل: 08-20-2012
مجموع المشاركات: 18708

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: ( حكايات جدّي التاريخ ) ... ذكريات و خواطر ... (Re: أمير محمد ادريس)
عمك حسن الداير يسوي معاشو _____________________________ هي حكاية قديمة توصف حال البيروقراطية في الخدمة المدنية ايام النميري ... احاول هنا اعادة صياغتها في قالب خفيف ... ( كل الاسماء هنا من صنع الخيال ) ... قالو عمك حسن وصل سن المعاش و الجماعة في المصلحة الشغال فيها ( عُمرو كلو ) عملو ليهو ( فطور ) آخر يوم عمل ليهو ... نفس الفول و نفس السلطة ... حتي ما ( برّوهو ) بي صحن كبده و لا لحمة مقلبة ... و في النهاية ( إنبري ) واحد من الزملاء و قال كلمتين ... و سلموهوا شهادة (حبر علي ورق) ... سندونش ما بتجيب ... وفكوهوا عكس الهواء ...!!! كل العارفو عمك حسن انو لازم يمشي مصلحة المعاشات يسوي معاشو !!! ليه طيب ؟؟ ( وانا جادي ) لي حسي ... ليه الزول بعد ما يطلع معاش ما نفس مصلحته و وزارته هي التسوي اوراقو .. ويطلع من هناك معزز مكرم ... و كمان ليه ما يرسلوا ليهو معاشو بي شيك كل اول شهر ..( إكراما ) لي سِنُّه و سنين خدمته الطويلة !!!! لا ... بدل ما يرتاح ... يبدأ مشوار البهدله ... المهم ... عمك حسن خته وريقاته في كيس نايلون ... وربطوا بي دباره قديمة عشان ما ( يضيع مستقبله ) .. و ركب كم بص علي كم حافله لغاية ما وصل مبني مصلحة المعاشات ... و من شباك لي شباك و من مكتب لي مكتب عمك حسن اول يوم ما وصل لي أيييييي حاجة ... صبح صباح اليوم التالي وطلع عمك حسن في رحلة العذاب الي مصلحة المعاشات نفس الحافلات .. و نفس الباصات ... الي ان وصل الخرطوم و علي طول الرحلة عمك حسن يفكر ... يا ربي ... أسوي المعاش كلو و اقبض لي قرشين ابسط بيهم وليداتي؟ . .. انا حسي 65 سنة ؟ الناس قالو لي سوي نص المعاش و خلي النص التاني تقبضو شهريا !!! هو لكن العمر باقي فوقو كم؟ ... انا لو بي حساب متوسط عمر الرجل في السودان أكون مته لي 16 سنة!!! يعني العقل يقول أسوي المعاش بالكامل... ما أخلي ليهم تعريفة... ووصل عمك حسن الي المصلحة و بدأ في رحلة البحث عن المكتب و الموظف المعنيين بموضع تسوية المعاش ده ... و أخيرا وصل عمك حسن الي المكتب ووجد تلاته موظفين و اربعة تربيزات ... واحد بيقلب في الجرائد اليومية ... التاني قاعد فوق تربيزة التالت بيخططو للفطور !!! و التربيزتين الباقيات فاضيات الا من شوية أوراق مهملة ... تنحنح عمك حسن ... في أدب ... نحنحته طلعت فشوش ... لا الاولاني نزل جريدته من وشو لا الاتنين التانيين وقفو المفاوضات الفطورية !!! السلام عليكم يا شباب ... قالها عمك حسن ايضاً بأدبه المعهود ... وحيث ان عمك حسن بائن علي سيماه انه من أرباب المعاشات رد عليه المنهمك في قراءة الجريدة قائلاً : لو عندك تسوية معاش ... دفع الله لسه ما جاء هو الموظف المسئول هنا عن المسالة دى ... طيب يا أستاذ دفع الله بيصل متين ؟ رد أخينا و مازالت الجريدة هي شغله الشاغل ياخ دفع الله ده ساكن آخر الدنيا ... يجي وكت ما يجي بس العالم دى دايرانا نبيت في المصلحة دي وكأننا بس مسخرين لقضاء احتياجاتهم و بس !؟! انا أسف يا ابني والله مقدر تعبكم وحرصكم ... انا عارف يا ولدي المواصلات صعبه ما انا أظني جار دفع الله لأني برضي ساكن آخر الدنيا ... والغريبة يا وليدي لما كنت موظف زيكم كده كنت بصل المصلحة الشغال فيها الساعة 6 صباحاً !!! نزل صاحبنا الجريدة ... وقال ليهو ... اها وبقيت وزير ؟؟؟ يا عمك اقعد اقعد أرجا دفع الله كلها ساعة و بجي ... جلس عمك حسن متأملا في مكتب دفع الله ( الفاضي ) ... و سارحاً مره أخري في تسوية معاش كامل يا الله و لا نص و نص ... كدي بس يجي دفع الله و بسألو رايو شنو ... مرت الساعة ... و جاء الفطور و لم يحضر دفع الله ... أتفضل معانا يا حاج ... حاج منو انت ... اسمك منو يا عمنا ... كان عمك شبه غافيا في نومه خفيفة سارحاً في ملكوت الله فوقف وقال حسن إبراهيم عبد المطلب ... ضحك المنادي ... يابوي اسمك الثلاثي ده وفرو لغاية ما يظهر دفع الله حسن بس كفاية لي فطورنا ده ... أتفضل معانا ... شكرًا يا ولدى اتفضلو أنتو انا بس يجي دفع الله اقضي شغلتي و اخليكم بي راحتكم ... كان كده الجوع حيكتلك ... دفع الله ده ما مضمون تعال تعال مد أيدك ... وقام العم حسن باستحياء و أكل لقمتين من صحن الفول و حمد الله و شكره ... وعند حضور الشاي سحب احد الموظفين كرسيه و جلس يشرب في شاهيه بالقرب من العم حسن و قال له : والله انت باين عليك زول ظريف و انا حبيتك ... و كنت اتمني انو موضوعك يكون عندى لكن تعرف المسالة هنا تخصصات !!! ايوااا ... تخصصات !! الله يكون في عونك يا ولدى وانت تخصصك شنو؟ قال ليهو ابدا ... انا مسئول من ملفات أرباب المعاشات البيموتو !! هنا شفط عمك حسن شفطة كبيرة من الشاي كادت ان تسلم ملفه لذلك الموظف مباشرة ... و انت اسمك منو يا ولدى ؟ قال لي اسمي الخير يا عم حسن !!! قال عمك حسن في سره ... اظن كان يسموهو نكير مش الخير ... انتهي اليوم بعد ان تناول عمك حسن كبايتين شاهي أخريين و عدد تلاته جبنات !!! ولم يأتي دفع الله في ذلك اليوم و كان الوعد و التأكيد علي اليوم التالي واتي صباح الغد ... و لم يأتي دفع الله ... وفطر عمك حسن و تسامر و شرب الشاي و القهوة و عاد الي نفس الوعد بان غداً سيكون هو الفرج ... استمر الأمر أسبوع ... وهنا أصر عمك حسن علي المشاركة في ميز الفطور ... لان فترة الضيافة انتهت في نظره ... وتوطدت العلاقة بين عمك حسن و الخير ... و اصبح عمك حسن يستقبل المراجعين الخاصين بالخير مبتسما و شارحا ... دى ناقصة دمغة ... لا دى لازم يكون فيها توقيع من جهة معينة ... و دفع الله لم ياتي !!! و استمر عمك حسن ... ياخي الخير ما ممكن ( يأشر ) علي الورق ده لو ما ختمته من القومسيون الطبي ... يا حاجة شهادة الوفاة لازم تكون مرفقة ... وهكذا اصبح عمك حسن خبيرا بكل ما هو يلتف بموضوع المعاشات الخاص بأربابها المتوفين ... و صار عمك حسن حينما ياتي يجلس علي مكتب الخير الي حين وصوله يرتب ملفات المراجعين ... و ينصح و يعدل ... واذا غاب الخير يوم يومين ... يقوم عمك حسن بترتيب الملفات و طمأنة المراجعين و المراجعات لحين ظهور الخير الميمون ... والحق يقال ان الخير كان مثالا للموظف المنضبط لا يغيب اكثر من يوم يومين في كل اسبوع ... وكان اجتهاد العم حسن بائنا للجميع ... حتي ان الخير نفسه اصبح يثق تماماً في عمك حسن و قال له في جلسة فطور ... يا عم حسن رأيك شنو الملفات الانت شايف أوراقها مستوفية بس ختها علي جنبه و ختي لي فيها تأشيرة ... وأنا لما أجي امضي طوالي ...؟ وافق عمك حسن و استمر الحال شهورا ... الي ان أتي ذلك الاسبوع الذي لم يظهر لا عمك حسن و لا دفع الله وجاءت الحاجة كلتوم أرملة المرحوم جاد السيد و وقفت قدام مكتب الخير و قالت ليهو يا ولدي ... انا لي أسبوع وورقي ده عندكم ... جاد السيد الله يرحمو مات و هو راجي دفع الله ... وأنا يا ولدى ما دايره أموت قدام تربيزتك دي !!! قال ليها يا ريت و الله يا حاجة اقدر أساعدك ... لكن ورقك ناقص تأشيرة من غيرها ما بيمشي ... و الموظف ( المسئول ) غايب ليهو فترة ... قالت ليهو و أسمو منو الموظف ده يا ولدى ؟؟؟ قال ليها : حسن إبراهيم عبد المطلب .... !!!!!!!!! (عدل بواسطة يحي قباني on 09-08-2013, 04:46 PM)

09-09-2013, 01:35 AM

يحي قباني

يحي قباني
تاريخ التسجيل: 08-20-2012
مجموع المشاركات: 18708

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: ( حكايات جدّي التاريخ ) ... ذكريات و خواطر ... (Re: يحي قباني)
حكاية انسان بديع كان اسمو عصام يحيي _____________________________ يقابلك في هذه الدنيا شتي صنوف البشر ... و تبقي الحقيقة ان القليل من يعلق بذاكرتك حتي لو لم تقابله دهراً ... و عصام يحيي ( رحمه الله ) واحداً من هؤلاء ... عصام يحيي الذي فارقنا ونحن مازلنا طلبة في كلية الهندسة ...!!! عصام يحيي ابن مدينة الكوة ... ذلك الملاك المجنح ... تقابلنا في كلية الهندسة في نهاية سبعينات القرن الماضي ... كان بشراً ... غير كل البشر الذى نعرفه ... لا اذكر ان سمعت له صوتا عالياً او صراخاً او نقاشا يفوق حد الادب ... كان يفوق عصره في كل شئ ... حتي في ( الموضة ) ... لم يكن ( يحاكي ) الغرب ... و لكنه كان من اوائل الناس الذين رأيتهم يرتدون ( الشورت الجينز ) وهو عبارة عن بنطلون تم قطعه ( باهمال ) ليصبح شورتاً ممزقاً !!! كانت ظاهره غريبة ...!!! كان ممشوق القوام يليق عليه كل ذلك الجمال ... كنا في داخليتين متجاورتين ( التاكا و جبل مرة ) ... وكان شباك غرفته يفتح علي مبني ( حوض الجامعة ) ... و بجانبه ميدان التنس ... كنت من المداومين علي السباحة ... و لم انتبه في يوم ان هناك ملعب تنس ... الي ان قال لي عصام ( بابتسامته التي افتقدها ) ... الميدان ده انا كل يوم شايفو من الشبك هنا كانو مهجور ...!! اسمعني ..رايك شنو نجيب مضارب و كور و نلعب تنس !!!!! و نبدا نشجع الناس يلعبو تنس ...!!! وانا الذى لم المس مضرب تنس في حياتي ... تشجعت للفكرة ... وكنا اول طالبين يقومان ( باحياء ) تلك الرياضة ... كنا نجلس للاستماع كثيرا ... و للاطلاع كثيرا جدا ... ولكن القدر لم يمهله ... حتي حينما نعي الناعي عصام يحيي في تلك الليلة المشئومة و في ذلك الحادث القبيح ... لم استغرب ...!!! فعصام يحيي لم يكن من اهل الدنيا ... لو لم تصدقوني .... اسألوا عنه ... لن اكتب حكاياتي دون ان اذكر صديقي الرائع الراحل المقيم عصام يحيي ... رحمك الله يا حبيب ...

09-09-2013, 04:38 AM

يحي قباني

يحي قباني
تاريخ التسجيل: 08-20-2012
مجموع المشاركات: 18708

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: ( حكايات جدّي التاريخ ) ... ذكريات و خواطر ... (Re: يحي قباني)
جاك الموت يا تارك الصلاة !!! _______________________________________ فترة من العزوبية الجميلة بعد تخرجنا من الجامعة مباشرة ... كان وقتها صديقي و فردتي الجميل محمد كامل قباني ( ما قريبي ) ... لكن فردتي !!! طبيبا يعمل في مستشفي الخرطوم ... وانا اعمل في مكتب عبد الوهاب و عبود الاستشاري ... كان منزلنا في الخرطوم اتنين خاليا من كل اهله عدا انا و شلة الاصدقاء .... كانت كشاتينا هيصة و ربة ... وكان الوعد في ذلك اليوم ان تأتي مجموعة ( الوِستْ ) الشهيرة بقيادة ابن خالتي الجميل باهي الكري و الصديق الصدوق المرحوم عباس ابو العلا ... و صديقي و فردة عمري مصطفي حمدتو ... و الصديق الجميل و الفردة الراقية محمد ابوصالح ... و بحضور الحبيب محمد قباني ... بدأت رحلة التحضير منذ الصباح الباكر ... رغم سكني و سكن محمد في الخرطوم ... الا ان سوق خدار بحري كان هو الاساس لنا ... امتطينا ال 140Y خاصتي ... وبدأنا بسوق الخدار ... قمت بشراء كل ما يلزم عدا البطيخ !!! فلا يُفتى و ( محمد قباني ) في المدينة ... يشهد ربي انني لم اذق بطيخة واحدة ( مسيخة ) في حياتي من تحت نقاوة ابوحميد ... كان يفهم في 3 اشياء بحرفية شديدة ... البطيخ ... الخروف الرُخس ... و مهنة الطب ... فهو طبيب لا يشق له غبار ... قام محمد بنقاوة بطيختين ... و انطلقنا الي رحلة البحث عن الخروف ... وبعد املاء النظر اولاً ... ثم الجَسْ ثانيا ... و كانت لأبوحميد حركة ( ما تخرش ) المية ... كان يحمل الخوف بكلتى يديه ... و في حركة ( وزنية ) ... يهزه ثم يضعه علي الارض و يقول : الخروف ده سمح ... حيرمي علي الاقل 20 كيلو !!! ابو اهلك !!! جزار و لا دكتور انته ؟؟؟ المهم ... اخدنا خروفنا و كسحنا راجعين الي الخرطوم و كانت الساعة قاربت علي الثلاثة ... و كان الموعد مساء علي الساعة 8 ... قلت لي محمد ... انا ماشي ارقد شوية انت لو فتران امشي بيتكم و بعدين نتلاقي ... قال لي بشوف ... اخوي مسافر بالليل و حاكون مجهجه ... وما داير اجهجهكم في عشاكم .. حاشوف بقدر اجهز شنو قبال ما ما امشي !!! مشيت الغرفة و جيهت المكيف و استعدلت للنوم ... و سمعت خطوات خلف شباك غرفتي تماماً ... ثم همهة بصوت ابوحميد يقول فيها : جاك الموت يا تارك الصلاة ... جاك الموت يا تارك الصلاة ... مسكت رقبتي .. و بالراااحة فتحت شباك قرصة ... واذا بابوحميد عاري تماما الا من سروال ابيض ... و يحمل بيده اليمني سكينا مهولاً ... ويسحب الخروف المسكين باليد الاخري ... فقد كان حريفاً في الضبيحة كما كان في الطب تماماً ... عدت الي السرير ... للحاق بالنومة ... و لم يمضي وقت كثير حتي سمعت طرقا علي الشباك ... يا هندسة تعال اكل ليك لقمة ... انا داير امشي ؟؟؟ لقمة ؟؟؟ محمد خنق الخروف و حيأكلنا فول ولا شنو ؟؟ و خرجت الى الحوش الوراني .... واذا بأب دمّام ينشوي علي الجمر مباشرة ... واذا بالكبدة النية جاهزة للاكل ... واذا بي لحمة مبهرة تدلع نفسها في الصاج ... ماشاء الله عليك يا دكتور ... و كانت ليلة ليلية ... قام ايضا في مساء ذلك اليوم الطبيب الماهر الاخر الدكتور سامي جون بشد عدد 3 حلل ... مكربة ... هنا فقط ... ايقنت كم فاتني من ( عدم ) الدراسة ) في الخارج !!!

09-09-2013, 06:16 AM

Nader Abu Kadouk

Nader Abu Kadouk
تاريخ التسجيل: 02-19-2007
مجموع المشاركات: 3706

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: ( حكايات جدّي التاريخ ) ... ذكريات و خواطر ... (Re: يحي قباني)

Quote: هنا فقط ... ايقنت كم فاتني من ( عدم ) الدراسة ) في الخارج !!!

يا قباني حرام عليك ياخي البركس ده بتبدل بحته تانية.............................

اجمل اوقات الجامعة كنت بقضيها في البركس...................ياخي ده عندو نكهه حقتو براو..........................

واصل الحكي يا جميل..................

09-09-2013, 08:00 PM

يحي قباني

يحي قباني
تاريخ التسجيل: 08-20-2012
مجموع المشاركات: 18708

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: ( حكايات جدّي التاريخ ) ... ذكريات و خواطر ... (Re: Nader Abu Kadouk)

Quote: يا قباني حرام عليك ياخي البركس ده بتبدل بحته تانية.............................

اجمل اوقات الجامعة كنت بقضيها في البركس...................ياخي ده عندو نكهه حقتو براو..........................

واصل الحكي يا جميل..................

نادر يا جميل ...

ومنو القاليك انا ببدلوا باي حتة في الدنيا ...

لكن برضو حكاية الاسفار دى علمت الناس اشياء كتيرة و مختلفة ...

مواصلين ان الله اراد يا حبيبنا ...

09-11-2013, 04:26 AM

يحي قباني

يحي قباني
تاريخ التسجيل: 08-20-2012
مجموع المشاركات: 18708

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: ( حكايات جدّي التاريخ ) ... ذكريات و خواطر ... (Re: يحي قباني)
صحن الجلي !! _________ صديقي و قريبي علاء ابو العلا ... تجمعنا غير صلة القرابة ... زمالة و صداقة في الخرطوم القديمة و كلية الهندسة ... وابوالعلا كما كنا نحب ان نناديه ... من بيت كرم فياض ... والده المرحوم مصطفي ابو العلا كان رجلا مختلف ... ذوق و كياسة و فهم ... وكرمه ايضا يفوق الوصف ... اما والدته الحاجة رحمة اضافة الي روحها المرحة جدا ... كانت امرأه ( طباخة ) من الطراز الاول ... كل اصناف الاكل من سوداني الي افرنجي و خلافه ... كان العزيز ابو العلا ( يبرّنا ) و ( يرحمنا ) من اكل البركس من فترة الي اخري بعزومات من الطراز الفريد ... تارة يأتينا بها الي البركس و تارة اخري في منزلهم العامر بكافورى ... ولكن كانت تلك العزومة مختلفة من كل العزايم ... دعاني بمفردي ليس كصديق او زميل و لكن كاحد افراد العائلة ... وكان السبب في ذلك انهم قاموا بدعوة ابناء خاله ( القادمين ) من مصر حيث والدتهم و اصولها ... جلسنا علي سفرة الغدا ... وكالعادة ... كل ما تشتهيه الانفس ... وبالطبع قامت الحاجة رحمة بتزويد العيار احتفاء بابناء و بنات أخيها ... فوق كل الطبخات العالمية ... وقف صحن العصيدة و ملاح الشرموط شامخاً وسط التربيزه ... وعند الإنتهاء من الاكل ( التقليدي ) ... قمت ( بتقنيع ) العصيدة بملاح الشرموط ... و طلبت من ( الضيوف ) ان يمدوا يدهم !!! و كانت المرة الاولي في حياتهم ان يرو و ياكلوا ذلك ( الشئ ) ... مدت الاخت الكبري يدها ... ثم تبعها اخيها الاصغر ... اكلو قليلا ( للمجاملة ) ... و من حسن الادب و الإختشاء لم يسألوا عن اسم تلك الأكلة !!! وعند شُرب الشاي مع الحلويات ... سالتهم ... اها رايكم شنو في الحاجة ( اللذيذة ) الأكلناها في الآخر دي ؟؟؟ ردت البنت قائلة ...: آه ... هي مش بطالة ... ( الصوص ) طعمه حلو ... بس ( الجلِي ) ماسخ شوية !!!!!!!!!!!!! _______________________________________________ ملاح الشرموط بقي ( صوص ) و اللقمة المجيهة بقت ( جلي ) !!!! حليل جدي الما كان يفك ريقو الا بي كسرة بايتة و ملاح روب !!!

09-11-2013, 08:38 PM

يحي قباني

يحي قباني
تاريخ التسجيل: 08-20-2012
مجموع المشاركات: 18708

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: ( حكايات جدّي التاريخ ) ... ذكريات و خواطر ... (Re: يحي قباني)
امي الحبيبة لقد مضى اربعون يوما على فراقك وكانك رحلتي اليوم امي الغالية لقد إفتقدتك كثيرا افتقدت سؤالك الدائم عني وعن ابنائي وافتقدت دعائك لنا ولابنائنا فقد كنا نعيش ببركة دعاءك ... لقد سد باب من ابواب الرحمة والجنة علينا يا امي الحنينة الغالية الحبيبة لم ولن ننساكي ابدا لن ننسي طيبتك وبشاشتك ودعاباتك لم تكوني اما او جدة فقط كنتي اخت وصديقة للصغير والكبير يا ام الكرم والجود لقد بكي عليكي كل الناس بكاء مرا وتركتي ذكرى طيبة وسيرة حسنة والكل يذكرك بكل خير اهلك واصهارك واصحابك وجيرانك واحبابك يا ام الكل ويا ست الكل وحبيبة الكل لن انسى ما علمتيني من حسن الخلق والمعاملة الحسنة وحب الخير وصلة الرحم ... امي الغالية إن الفراق قاس والفقد عظيم والمصيبة جلل لكن عزائنا انك كنتي صائمة وخاتمة للقرآن وفي العشر الاواخر من الشهر الفضيل حين إنتقلت روحك الطاهرة إلى بارئها بسلام اسال الله ان يدخلك فسيح جناته مع الانبياء والصديقين والشهداء في اعلى عليين عند سدرة المنتهى . اللهم إنها كانت مصلية لك فثبتها على الصراط يوم تزل الاقدام ... . اللهم إنها كانت لك صائمة فادخلها الجنة من باب الريان . اللهم انها كانت لكتابك تالية فشفع فيها القرآن وارحمها من النيران واجعلها يا رحمن تترقى في الجنة إلى آخر آية قرآتها وآخر حرف تلته . اللهم ارزقها بكل حرف من القرآن حلاوة وبكل كلمة كرامة وبكل آية سعادة وبكل سورة سلامة وبكل جزء جزاء اللهم يمن كتابها ويسر حسابها وثقل بالحسنات ميزانها اللهم ابدلها دارا خيرا من دارها واهلا خيرا من اهلها اللهم لا تحرمنا اجرها ولا تفتنا بعدها واغفر لها وارحمها والهمنا الله الصبر والسلوان وإنا لله وإنا إليه راجعون واجعلنا اللهم ابناء صالحين ندعوا لكي ولوالدنا رحمكم الله رحمة واسعة .

09-11-2013, 09:58 PM

أمير محمد ادريس

أمير محمد ادريس
تاريخ التسجيل: 01-17-2013
مجموع المشاركات: 1248

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: ( حكايات جدّي التاريخ ) ... ذكريات و خواطر ... (Re: يحي قباني)
اللهم أغفر لها... وارحمها... وأعفو عنها..... اللهم ونقها من الذنوب والخطايا كما ينقى الثوب الأبيض من الدنس... اللهم واجعل قبرها روضه من رياض الجنه....اللهم ونجها من عذاب القبر..... اللهم ثبتها على قولك... اللهم ثبتها على قولك... اللهم ولا تجعل لها ذنباً الا غفرته.. اللهم واجعل الفردوس الأعلى مستقراً لها... وحرم النار عن وجهها... يا رب يا كريم.... اللهم وهون على ابنائها وذويها مصيبتهم... وأجبر عزائهم... يا رب يا كريم... يا رب... نسألك بوجهك الكريم... ان تغفر لها ولموتى المسلمين.... يا رب يا كريم... انا لله وانا اليه راجعون

09-12-2013, 05:33 AM

Nader Abu Kadouk

Nader Abu Kadouk
تاريخ التسجيل: 02-19-2007
مجموع المشاركات: 3706

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: ( حكايات جدّي التاريخ ) ... ذكريات و خواطر ... (Re: أمير محمد ادريس)
اللهم أغفر لها... وارحمها... وأعفو عنها..... اللهم ونقها من الذنوب والخطايا كما ينقى الثوب الأبيض من الدنس... اللهم واجعل قبرها روضه من رياض الجنه....اللهم ونجها من عذاب القبر..... اللهم ثبتها على قولك... اللهم ثبتها على قولك... اللهم ولا تجعل لها ذنباً الا غفرته.. اللهم واجعل الفردوس الأعلى مستقراً لها... وحرم النار عن وجهها... يا رب يا كريم.... اللهم وهون على ابنائها وذويها مصيبتهم... وأجبر عزائهم... يا رب يا كريم... يا رب... نسألك بوجهك الكريم... ان تغفر لها ولموتى المسلمين.... يا رب يا كريم... انا لله وانا اليه راجعون

09-18-2013, 11:26 PM

يحي قباني

يحي قباني
تاريخ التسجيل: 08-20-2012
مجموع المشاركات: 18708

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: ( حكايات جدّي التاريخ ) ... ذكريات و خواطر ... (Re: Nader Abu Kadouk)
قصــــــــــــــــــة ( شنــــــــــو ) __________________ في العام 83 علي ما اذكر ... كنت اعمل مع احدي المهندسين ( الكبار ) كان رجل هادي الطباع ... له بال اطول من سلبة ... يجلس امام الخرط المعمارية بالساعات الطوال و لا يمل ... كانت له كلمة يكررها في كل جملة ... وهي كلمة ( شنو ) ... وهي اتية من هدوءه و طولة باله ... المختلف فيها هو كيفية ادخالها في الجملة ... واي جملة ... مثلا ... يقول ليك ... ياخي ما تضيع وقتك ... انته بتنفخ في قربه ( شنو ) ؟ ... مقدوده ... او يقول ليك ... لو فتحنا الحيطة دي بي هنا ... وحولنا الشباك بي هناك دي بتقوم تدينا ( شنو ) ؟ ...مساحة !!! يعني كانو بيسالك ... لكن بجاوب براهو ...!!! المهم انا كنت من عشاق تقليد مثل تلك الاشياء .... فشبكت ليك اصحابي ... الخمر رجس من عمل الشيطان ( فشنو ) ؟ .... اجتنبوها ... ولا اقول ليهم ... بدل الفول ... جيبو نص كيلو لحمة نعمل بيها حله القطر ( شنو ) ؟ .... قام !!! وهكذا ... الي ان اتي ذلك اليوم ... مجتمعين في بيتنا بنلعب حريق ... و اذن المغرب ... و بما انو بيتنا فانا الامام ... صليت بالجماعة في امان الله ... بصلو بي وراي جلال صالح ... معتصم الهكر و درش ... بس جيت للسلام ... وقلت ليهم ... السلام عليكم و رحمة الله تعالي و ( شنو ) !!!!!!!!!!!!!!!

09-21-2013, 01:39 PM

يحي قباني

يحي قباني
تاريخ التسجيل: 08-20-2012
مجموع المشاركات: 18708

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: ( حكايات جدّي التاريخ ) ... ذكريات و خواطر ... (Re: يحي قباني)
علبة البنسون أبو عشره .... !!! _________________________________ زمنا داك ما كان في وعي عن أضرار السجاير طبعاً ... بالعكس تماماً ... كانت هناك اعلانات ( مُغرية ) جداً للتدخين !! انا غايته كان بعجبني اعلان سجارة ( الكنت )... كانو بجيبو ولدين و بتين سماحة طبعاً قاطعة ... وحيوية و شباب !!! وكانو دايما في البحر و راكبين ( يخت ) أبيض ... ولابسين أبيض في أبيض ... ملايكة بس ... وده كلو طبعا لان سجارة ( الكنت ) بيضاء ... بالله تشوف الاعلان في السينما... لسانك يبدأ يلحس في ( شلاليفك ) ... ومع الاستراحة ... تقوم تمشي البوفيه تشوف لو عندهم (كنت) !!! المصريين كان عندهم اعلان مدبلج يقول ليك الرجل ( الكنت ) يحب ( الكنت ) ... اما المارلبورو ... كان اعلاناته طبعا في ربوع ( فيرجينيا ) الخضراء ... حصين و كابويات ... و الدبلجة تقول ليك ... مارلبورو ... أفضل ما يمكن شراؤه من ( تبغغغغغغغغغغغغغغ ) ... اها مع ( الغين ) التالته دي تكون رقدته موية !!! المهم حسب امكانياتنا كطلبه ...فى الوسطي لما بدينا نهبش في التدخين ... بدينا بأبو نخله ... فالبرنجي ... اما البنسون ... فالا نشلة من صندوق الحاج ... ولا اصحابك يكون ( غناديل ) ... اها قصة علبة البنسون ابعشرة كانت شنو .... والدنا رحمة الله عليه كان بيدخن ... وما بشرب غير البنسون ابعشره ده .. لأنه طبعاً ( صُنِعَ خِصّيصاً للسودان ) ... مشكلة العلبة ابو عشرة دى ( نشلة )السجاره منها صعبه لو العلبة ملانة لسه ... او فيها اقل من 5 سجارات ... لو فيها 9 او تمانية ... لسة بتكون ماسكة في بعض و السجارة الا تجرها جر ... و لو اقل من 5 ... بتظهر طوالي ... تنشل واحده ... تنقبض طوالي ... فلو الحظ داير يخدمك ... يكون فيها 7 سجارات ... او 6 علي الاقل ... يمين مستر بنسون اند هدجز لو هو زاتو جا ... ما يحس لو العلبة من 7 بقت ستة سجارات ... او من ستة بقت خمسة ... علي ضمانتي ... غير العددين ديل ... انت مقبوض مقبوض ... اها اليوم التعيس داك ... الحاج كان متغدى ... وشرب سجارة بعد الغدا .. و رقد لي نومة العصرية و علبة البنسون و الكبريته في التربيزه الجنبو ... اخوكم جا الساعة تلاتة ... النومة كان عميقة ... بالراااااحة ... سحبت العلبة ... و فتحتها و كان اليوم الدايرنو ليك ... العلبة فيها 6 سجارات ...!! بسسسس ... بمهارة شديدة سحبت واحده ... و الحوش البي ورا ... تسلقت شجرة الجوافة ... و أشعلت النار ... و جاك الشعور العجيب ( شباب ) زى ما فهمونا في اعلانات السينما !!! حيلك يموت و انت مع النفس التالت ...!!! المهم الحاج صحي بعد النومة ... وجر علبة سجايرو ... ونادي اخوي الاكبر ... انت هبشت العلبه دي ؟؟ ومع الزرة ... اتضح انو اخوي كان ( سبقني ) في فتحة العلبة ... والعلبة كان فيها 8 سجارات ... وسحب اتنين ... ( كان اكبر و أجرأ ) طبعاً ... و طبعا اخوكم جا بي وراهو ما عارف ...سحب واحده ... العلبة من 8 ( وبتكون ) لسة محزّقه و شبه مليانه ... بقت نص فاضية !!!! اعترف اخوي ... قال نعم ... شلت سجاره واحدة ... ( ابي يعترف يالاتنين الشالهم ) !!! الحاج قاليهو ... انت شلت نص العلبه مش سجارة واحده !!! لن أنسي نظرة اخوي لي ... مع صرة وش ... و قال للحاج ...نعم شلت اتنين ... كان التمن لشيلة التهمة كلها براهو ... اني ( لمّعت ) ليهو القاش حق الكديت زي شهرين لي قدام !!!

09-23-2013, 03:57 AM

يحي قباني

يحي قباني
تاريخ التسجيل: 08-20-2012
مجموع المشاركات: 18708

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: ( حكايات جدّي التاريخ ) ... ذكريات و خواطر ... (Re: يحي قباني)
فرمالات دفعة المعمار _____________ اشتهرت كلية الهندسة زمان ( بالنشاف ) النسائي ... يعني تلقي الدفعة 50 طالب ... فيهم بنية او اتنين ... الباقي كلو شنبات ...!! دفعتنا في المعمار سنة 1978 ... كنا 25 طالب و طالبة ... من بيننا اربعة طالبات فقط .. امال و امال و علوية و حنان ... لينا معاهم حكايات و روايات جميلة و طريفة ... لكن من بداية دخولنا المعمار ... النظام انو بتتعمل حفلة تعارف و استقبال ( للبرالمة ) في حدائق المعمار الجميلة ... كانت ليلة يوم اربعاء علي ما اذكر ... و اتشد مسرح طويل و عريض ... و بدأت الليلة بكلمات من الدكاترة و البروفوسيرات ... و جاء الدور علي البروفيسور عمر أقرع ... وهو كما عاشرناه بعدها من أجمل و افكه البشر الذي يمكن ان تعرفها في حياتك ... قال البروفيسور ... ان الحياة الجامعية هي ليست النهاية لأحلامكم ... ولكنها البداية ... و الكل يجئ هنا ... بأحلام ... و آمال .... وهنا اتلفت علي مجموعة البنات ( الأربعة ) و قال ... و كمان بي علوية و حنان ... و انفجر الجميع بالضحك ... وهنا بدأت الحميمية بيننا و بين جهاز التدريس في اجمل كليات العالم ... كلية الهندسة و المعمار ... جامعة الخرطوم ... أيام لن ننساها ...

10-05-2013, 05:22 PM

يحي قباني

يحي قباني
تاريخ التسجيل: 08-20-2012
مجموع المشاركات: 18708

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: ( حكايات جدّي التاريخ ) ... ذكريات و خواطر ... (Re: يحي قباني)
بوست من الربع الفات ... اُحب ان احتفظ به للذكري ... فيه عِبَرْ و حِكَمْ ... اريدها ان تذكرني بالواقع الذي نعيشه ... إكتب يا حسيـــن ... إكتب يا حسين ... ده حويط !!!

10-06-2013, 07:39 AM

يحي قباني

يحي قباني
تاريخ التسجيل: 08-20-2012
مجموع المشاركات: 18708

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: ( حكايات جدّي التاريخ ) ... ذكريات و خواطر ... (Re: يحي قباني)
الشَـوَاشِـو ... والكشّه !!! ___________________ شتاء 1979 ... مازلنا و قتها من سكان داخليات النشر ... ونحن في السنة الثانية في كلية الهندسة و المعمار ... بعد جلسة جميلة مليئة بالطرب و الشجن ... تغني فيها ود عباس بروائع عثمان حسين ... و تغني الكابتن بما فتح الله عليه من اغنيات ... و قاربت الساعة منتصف الليل ... قررنا وقتها انا وصديقي ( هَيرِي ) كما كنا نناديه ان نخرج من الداخلية بحثا عن عشاء يسكت بطوننا ... فقد فاتنا عشاء الداخلية في تلك الأمسية ... اها يا حبيب الراي شنو ؟ قال لي نمشي نادى الاطبا ... الليلة الخميس و اكيد بكونوا سهرانين و خلافه ... فبنلقي حاجة ناكلها ... دزززززززززززز ... كدرنا بي تحت الكوبري و حتي دار الاطبا في زيفة شارع البحر العجيبة ... وكان اول منظر يستقبلنا برميلين مكفيين علي جانبهما ... وبقية تلج مشتت في النجيلة ...!!! و الإجابة في بطن البرميل الفاضي !!! اتلفت هيري ...اها ( يابن العم ) ... نعمل شنو ؟؟؟ قلت ليهو كدى ارحكاكا نحاول الكازينو الفي طرف الكوبري في جهة بحري ... جكينا لغاية كبري بحري العتيق ... وبي السلم الوسـخـان العمرو مافي زول نضفو طلعنا الكوبري ... قطعنا علي امل ان نجد شيئا يسد الرمق في الكازينو ... ولكن هيهات !!! اتلفت علي صديقي الجميل هيري ... وقلت ليه تعرف يا جوك ... بعد ده اصلها باظت ... من هنا لي سعد قشره ... نمشي ( الحلة ) و عليك يا الله ... وصلنا الي تلك الازقه العجيبة ... و تلاعب الشيطان قليلا برؤوسنا و نحن نحدد قبلتنا هناك ... و لكن الجوعة كانت غالبة ... و الفي الجيب لا يكفي لكل شي ... واذا بسيده عجوز ... و علي ضوء رتينه ... و رائحة شواء يخلع القلوب ... اتجهنا اليها ... و جلسنا حولها ... لم ندري ما كانت تشوى ... و لم نسأل ... فوالله مع تلك الجوعة لو قالت لحم جرذان... لسعدنا به ... بدأت البطون ترتاح من الجوعة ... وبدأ الشيطان محاولاته مره اخري ... انتو في نص الحلة ( ده الشيطان بتكلم ) ... عشا و اتعشيتوهو تاني في شنو؟؟؟ انا لو منكم ... تطقطقوا اصابعينكم ما دامكم وصلتو لي هنا !!! ياخي الفي جيوبنا حنديهو للحاجة دي ... بالله امشي الله يلعنك ... و فجأه بين قطع الشية الما مفهومة ... و التفاوض مع ابليس ... جاك الكومر شكلو يخوف ... و حاوطوا ليك الحله زي الماحاصل شي !!! وطبعا جماعتك ديل ... زي ديجانقو ... ما بفرزو ... عاد هيري ما فهامة و ناس واعيين .. قال لي يا قبه بس نركز في قعدتنا و نعمل ما فاهمين شي ... و جوك كم عسكري و بي نهره قوموا من هنا .... وحاتكم لا نفعت ركزة و لا عدم فهم ... امسكم ... جيبهم الكومر ...!!! الله ... شكلنا اتكشينا علي الفاضي ... و لكن ربك كريم دائماً ... و جات عربية نجده فيها الضابط المسئول عن نبطشية الليل في قسم بحري و قائد حملة ( الكشة ) و استبشرنا خير ... ضابط ... اكيد حيسمعنا و غالبا يصدقنا ... و اذا به يصرخ في العساكر ...جيبوا لي الجوز ديل هنا ... لم اميز الصوت من خشونته و صرامته ... و قلنا خلاص ... كشة و اتحسبت ..!! ووصلنا عربية النجده و اذا به صديقي الحميم جنابو محمد محمود رمضان ... قال لي ...عليك الله انتو ما مجانين ... الجايبكم الحلة آخر الليل شنو؟؟؟ حسي انا كان ما نبطشي كان اتبهدلتوا ؟؟؟ قلت ليهو ...يابوحميد... لو قلت ليك جايين نتعشي و نمشي... بتصدقني؟؟؟ ضحك جنابو ... و قال امشو امشو ... ما بقدراوصلكم ... لازم اتابع الحملة دي ... تركت السودان في فبراير 89 ... وحتي ذلك الوقت ... كان كل ما رأني جنابو محمد محمود يغرق في الضحك ... ويقول لي ... " قلت لي كنتو جايين تتعشوا و تمشوا " ... و من وقتها كل ما حكي لي احد نكتة النجار القال لي سيد البيت ( اللقاهو جوه الدولاب ) ... لو قلت ليك انا راجي البص بتصدقنى ؟؟ اشفق عليه ... فلم يصدقنا صديقنا جنابو ... فما بالك بصاحب البيت !!!

10-12-2013, 05:51 AM

يحي قباني

يحي قباني
تاريخ التسجيل: 08-20-2012
مجموع المشاركات: 18708

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: ( حكايات جدّي التاريخ ) ... ذكريات و خواطر ... (Re: يحي قباني)
العيد و اصوات الزنكي !!! ________________ اجيال ما قبل شريعة ( آية الله ) النميري ... كانت تعيش في وطن يتسع لكل شئ ... من أراد الصلاة و الدين فقط ... فله الصلاة و الدين ... و من أراد طريق العربدة و الشربة و توابعها .... فهي له ... ومن أراد ان يأخذ من هذا و ذاك ... فأيضا له مكانه في السودان ... كان المتفق عليه ان علاقة العبد بربه ... هي علاقة العبد بربه ... دون وسيط ... دون شخص ( مكفهر الوجه ) عبوس يظهر لك في التلفاز ... ويجعلك تحس انك هالك لا محالة رغما عن انك مصلي و صائم و حافظ لفرجك ... كان السوداني انسان يعيش في تسامح و تصالح مع نفسه و مع الغير ... كان جزء ( كبير) حسب وجهة نظري ... من اهل السودان يشرب الخمر ... او كما قال احد الباحثيين البريطانيين ( لو كان نهر النيل خمراً لجففه السودانيين من منابعه !!! ) لم يكن بيع الخمر في السودان من المحظورات حتي اتى الشيخ النميري بحكم الشريعة ... و حظر بيعها و تداولها ... كانت ( البارات ) منتشرة في كل احياء العاصمة و المدن الكبيرة الاخري ... لم تكن حكراً لأقباط السودان ... ولكن لحرمانيتها كان هناك تجار مسلمين قليلين نسبيا ولكن لهم بارات مشهورة ... تفتح البارات طول العام ما عدا شهر رمضان ... كانت من عادات الناس قبل الصيام عادة ( خم الرماد ) ... اي الشرب حتي الثمالة في رمزية لان يشرب الشخص كوتة الشهر التى ستقفل فيها البارات و تصفد فيها الشياطين ... تباع كل انواع الخمور في تلك البارات .. ما عدا البلدية بالطبع ... فالبلدية كما قال احد شاربيها حينما اعلنت الشريعة ... عندما سئل ( حتعمل شنو ؟) فقال احنا اصلو بنشرب العرقي ... و العرقي ده محظور من سنة 1917 ... ويوم واااحد كده ما قطعنا عرقي !!! كان من اشهر الأشياء في العاصمة ... و لمن يسكن بالقرب من الاسواق ... ان اول من يعرف ثُبــوت هلال العيد هم اصحاب البارات ... فلمن يعجب و يتعجب ... صدق او لا تصدق ان البارات كانت تفتح ابوابها في مساء آخر يوم صيام ...!!! و كنا في كثير من الأحيان ان فاتنا ان نفتح المذياع ... نسمع اصوات ابواب البارات ( الزنكي ) و هي تفتح ... من صوتها المميز ... فنعرف ان عيد الفطر قد ثبت !!! _____________________________________________ و كل عام و انتم بخير ...!!!!

10-14-2013, 11:22 PM

يحي قباني

يحي قباني
تاريخ التسجيل: 08-20-2012
مجموع المشاركات: 18708

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: ( حكايات جدّي التاريخ ) ... ذكريات و خواطر ... (Re: يحي قباني)
زيدان ابراهيم - الذكريات ___________________________________ رحم الله الزول الجميل الملان ابداع محمد ابراهيم زيدان لست هنا لتوثيق ابداعاته ... ولكني هنا اتذكر كيف عرفناه و كيف نشات و توطدت العلاقة مع ذلك العملاق كانت البداية ( رحلة ) نظمتها كلية الزراعة و البيطرة بشمبات ... دعتني احدي الزميلات الجميلات الي تلك الرحلة في يوم جمعة من عام 1981 ... وكانت الرحلة عبارة عن 4 باصات تتحرك من امام مدخل النشاط بالجامعة ... و كان الاتجاه الي مزارع الكدرو ... قمت بدوري بدعوة صديقي الفردة ( الكابتن ) ... فهو رجل بهجة و رجل ( دكشنري ) في مثل هذه المناسبات ... كان الموعد السابعة و النصف صباحا للتجمع ... ثم التحرك عند الثامنة ... قضينا ليلة الخميس في الداخليات ... و اصبحنا مبكرين للذهاب الي الجامعة ... وكلنا شوق لمقابلة الناس الحلوة ... وصلنا ... وكان الحديث الفنان ما جا لحدي حسي ؟ الفنان المشي منو يجيبو ؟؟ وكلها اسئلة لم تجد اجابه ... سألتهم ... انتو الفنان منو الجاي ؟ قالو زيدان ابراهيم... زيدان ابراهيم مره واحد ؟؟؟ ... قالو نعم و اتفقنا من فتره و وعدنا انو حيجي بي تكسي الساعة 7:30... قلت ليهم طيب ده فنان كبير ... لو سهران امس اكيد شالتو نومه؟؟ بعدين انتو كلية الزراعة دي ما فيها زول عندو عربية امشي ليهو في بيتهم؟ يعني كيف يجي بي تكسي ؟؟ المهم هنا انبري الكابتن و قال لي يا قبقب ... انا بجيب الكورولا من الداخلية امس جيت بيها و قرشتها هناك ... انت بس شوف البعرف بيت زيدان منو في العباسية و نمشي نجيبو و نجي !!! ما قلت ليكم الكابتن رجل دكشنري !!! و بالفعل جات الكورلا و ذهب معنا الشاب الزراعي الذي قام بالإتفاق مع زيدان .... و دززززززززززززز ... وقفنا قدام بيت في العباسية ... خبتنا الباب الرئيسي ما في زول فتح لينا و لا رد علينا ... خشينا الباب الفي الزقاق ... خبتنا جانا صوت بيقول ( هوي ) ... و فتحت الباب اجمل امراه في التاريخ ...هي والدة زيدان ( رحمهما الله ) ... قلت ليها يا حاجة انحنا آسفين الجينا خبتنا ليك بدري ... قالت يا ولدي انا صاحية من الفجر ... لكن زيدان جا من حفلة متأخر شديد قريب الصباح ... و اظنو شالتو نومه ... لكن ادخلو يا اولادي اسوي ليكم شاي ... و اتورو ليكم ... ____________________________________________________ و نواصل ....

10-15-2013, 00:03 AM

BALLAH EL BAKRY

BALLAH EL BAKRY
تاريخ التسجيل: 04-04-2013
مجموع المشاركات: 517

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: ( حكايات جدّي التاريخ ) ... ذكريات و خواطر ... (Re: يحي قباني)

أولا دخلت أبارك ليك العيد وكل سنة وانت والأسرة
الكريمة بالف خير وكان الأيميل ضاع منك قل لي برسلوا ليك تاني..

ويا سلام علي زيدان وعلي فراش القاش ( كله)
والدنيا قبايل عيد يا يحي يا خوي مالك
داير تثير المواجع! بالمناسبة البوست
دا أجمل استراحة في هجير الغربة المخلوطة باخبار الوطن النازف.
وشوية كمان مريت علي بعض الحلقات
السابقة مرور سريع امبارح بعد دفقة حنين للبلد
حمتني النوم..

Quote: و المعااااا قزاز ....!

"المعاااااااا قزاز" دي مبالغة عدييييييييييييل..اشرحها للناس قبل ان تذهب بهم المذاهب
.... ولازلنا نقرأ.
و يا ريتك توسعت قليلا في ذكريات جامعة الخرطوم والزمن الجميل فيها
مما ذكرت عرفت انني جايلتك في كلية الهندسة. أنا كنت في المبني الرئيسي قسم
الهندسة المدنية بعيدين منكم شوية ولكن انتو ناس المعمار ذي الوطواط
ما بتمرقوا الا بالليل وبالتالي فرصة التعرف عليكم
من الآخرين ما ساهلة. ثم انو الجماعة القاعدين يجو
الكلية بعرباتهم ديل كنا قايلنهم العربي زاتو ما بعرفوا ناهيك
عن انو يحكوا بلهجة واصالة سودانية زي الليلتك دي!!
المرحوم عادل الذكرتو يكون عادل سليمان دحين؟
عليه رحمة الله
كان رجلا حلو المعشر سكنت معاه في البركس
وبالمناسبة قصة البطارية بتاعة عربيتك البتبوظ كل
شهر شهرين دي عجبتني خالص!
تقفز معها الي الذاكرة حكاوي مشابهة كتيرة
ولكن اين لي من بيانك الصادق الأمين الصريح
أنه السهل الممتنع بحق وحقيق.يا باشمهندس
ومشروع كتاب كامل مكتمل مما جميعه؛ ينتف بحب الوطن
و مرة أخري كل عام وانت والأسرة الكريمة بالف خير

و المعاقزاااااااااااااااااز!!

10-15-2013, 07:25 AM

يحي قباني

يحي قباني
تاريخ التسجيل: 08-20-2012
مجموع المشاركات: 18708

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: ( حكايات جدّي التاريخ ) ... ذكريات و خواطر ... (Re: BALLAH EL BAKRY)

Quote: أولا دخلت أبارك ليك العيد وكل سنة وانت والأسرة
الكريمة بالف خير وكان الأيميل ضاع منك قل لي برسلوا ليك تاني..

بله البكري يا هندسة ...

كل عام و انت و اسرتك الصغيره و الكبيرة بالف خير و عافية

و انشالله سوداننا معافي و حر ...

رحم الله عادل سليمان الرجل الجميل ... كان قدامي بي دفعه في المعمار ...

نعم تجيالنا بالحيل ... وكان ما اخاف الكضب انت كان فردتك محمد المعتمد ...

انا سكنت البركس 4 سنوات ثم تهراقا في الفاينال ...

ذكريات الجامعة كثيرة جدا يا بله ...

فيها ذكريات الكورة و فريق الهندسة ...

والمعارض ... والرحلات الي مدني و رحلة النشيشيبه ...

و المظاهرات و الاضرابات ...

و حفلات الميدان الغربي و الطب و الزراعة و كلية التربية ...

و داخلية البنات ...

و ليالي البركس و ما أدراك ما ليالي البركس ...

اها بمناسبة وطاويط دي ...

مره مساهريين في الاودة في داخلية النشر ...

كشاتينا تقول يا ليل ... ولاحظ انحنا لسه برالمة ...

الكشتينة جرّت لغاية الصباح ...

فجاه دق الباب ... شاب من اولاد اقتصاد او آداب ما بتذكر

جاي يمر علي واحد ساكن معانا يمشي محاضرة الصباح ...

لقانا مكشتنييين ...

قال والله يا اولاد المعمار ما شاء الله عليكم ... تصحو من الدغش تلعبو كشتينه؟؟؟
_____________________________________________________
لي عودة معك ... واكيد انشاءلله مع زيدان ابراهيم البديع ... رحمه الله

10-23-2013, 05:03 AM

يحي قباني

يحي قباني
تاريخ التسجيل: 08-20-2012
مجموع المشاركات: 18708

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: ( حكايات جدّي التاريخ ) ... ذكريات و خواطر ... (Re: يحي قباني)
الدكتور خالد - الرياض __________________ في تسعينات القرن الماضي ... كنت اعمل في الرياض بالسعودية مهنس معماري مسئول من الشئون الهندسية لاحد الامراء ... وكان يسمي القسم الهندسي وقتها ... في هوجة السعودية لعملية السعودة ... قرر صاحب العمل تحويل الأقسام المختلفة الي ادارات ... و بالتبعية قرر ان يكون علي رأس كل ادارة موظف سعودي ... من ضمن الادارات التي انشاها ( طويل العمر ) ... الإدارة التجارية ... و عين بها احد السعوديين يحمل دكتوراه من امريكا ... و مهمة ( الدكطور خالد ) كما كان يفخمها صاحب السمو لفرحته به ... السعي لجلب اي صفقات تجارية ليكسب سموهه المزيد من المال ... ما علينا ... كانت مكاتبنا في مجمع يحتوى علي 3 فلل تم بناءها علي اساس انها جزء من قصر كبير ولم يستمر بناء القصر ... وآلت لنا الفلل كادارات ... واحده كنت بها انا و الفريق الهندسي ... ( قبل تعيين ) احد المهندسيين السعوديين .. ( دى قصة براها ) ... وواحده بها الادارة المالية و يرأسها واحد حضرمي يدعي سمير حواري ( كان موظفاً بالبنك الاهلي ) ... ثم ادارة الدكطور خالد !!! لم يكن بالادارة التجارية سوي الدكطور خالد و عبدالله اليمني ( لعمل الشاي و القهوة ) جلس الدكطور خالد في تلك الفيلا 15 شهراً يقبض خمسون الف ريـال شهرياً ... دون ان يُدخل ريالا واحداً لطويل العمر ... كان طويل العمر سعيدا بالسعودة ( في البداية ) .. وكان كل ما اصبح صبحا جديدا ... اتي بالدكطور الي مجلسه للبوبار بان لديه ( فريق ) من الدكاتره !!! و بعد مرور 3 اشهر ... و الدكطور لم يدخل ريـالا واحدا في جيب سموهه ... بدا طويل العمر في اهمال الدكطور ... مرت الشهور ... و الخمسون الفاً ما زالت مستمره دون الاتيان بريـال واحد الي جيب سموهه !!1 كان الدكطور ياتي صباحاً عند الساعة 11 ... متأخراً ساعتين عن مواعيد العمل ... و ياتينا ناعس العينين متثائباً .. و مكذباً انه كان في احدي الاجتماعات .... يجلس نصف ساعة ... ثم يتوضأ ...نصف ساعه اخري ... و لا يصلي معنا في المكتب ... بل ( يترجل ) الي مسجد الحي ... لتضييع الزمن !!! مرت الشهور ... و فجأه انتبه الدكطور ان هناك لوحات علي حوائط مكتبه ... تلك اللوحات اتت بها زوجة طويل العمر لعمل ديكورات لجميع المكاتب وذلك من ضمن تغيير للفرش و خلافه ... كانت اللوحات التي زينت بها حوائط مكتب الدكطور بها رسومات لخيول عربية و غزلان و خلافه ... اما مكتبي فكان من نصيبه رسومات لفلل ... ومناظر طبيعية ... و في مساء ذات اليوم فوجئت بعبدالله اليمني يأتيني من مكتب الدكطور حاملا 5 لوحات في يده ... و قال لي عبد الله : يا بشمهندس ... الدكطور خالد بيسألك لو ممكن تبدل معه اللوحات ( هادي ) لان اللوحات اللي علقوها في مكتبه فيها ( روح ) وهو بيتشاءم من اللوحات الفيها روح لأنها حرام !!! قلت لعبد الله ... وانا قاليك ... من بني قريظة ؟؟ واعقبت ... امشي يا عبد الله رجع اللوحات مكانها وقول لي دكطورك ... المهندس يحي يقولك الحرام هو قعادك علي مؤخرتك ... و قبضك ماهية 9 شهور ... وما انجزت هلله !!! _____________________________________________________________________ وكان هذا اخر حديث يجمعنا الي ان تم ( رفت ) الدكطور بعد 6 أشهر من ذلك التاريخ !!!

10-24-2013, 04:22 AM

يحي قباني

يحي قباني
تاريخ التسجيل: 08-20-2012
مجموع المشاركات: 18708

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: ( حكايات جدّي التاريخ ) ... ذكريات و خواطر ... (Re: يحي قباني)
العندليب زيدان ابراهيم - مواصلة في الذكريات ______________________________ ذهبت والدة زيدان رحمها الله الي الحوش الخارجي ... و بعدها بخمس دقايق فقط ... ظهر العندليب بقوامه النحيل جداً لابسا سروال و عراقي سلم و تأسف شدة الاسف ... ونحن مازلنا في حالة الدهشة لمقابلة ذلك الفنان النحيل ( الضخم ) !!! جلس علي حوض القدم الخارجي في الحوش للسواك ... وجاءت الحاجة بالشاي و المحفزات ... اذكر تماما اكلنا و شربنا ... وزيدان لم يدخل جوفه شيئاً ... لمن لا يعرفه ... زيدان ابراهيم لا يأكل !!! وان اكل ... فيأكل وجبة اقل من وجبة رضيع ... سبحان الله ... امتطينا الكورولا ... واتجهنا الي الجامعة وكان في انتظارنا صديقنا ( درش ) ... وذهبنا الي مكان الرحلة في الكدرو ... كان المسرح معداً و جاهزاً ... وكان التوضيب قد انتهي ... فرشت السجاجيد و البروش ... وبدأ الشباب و الشابات في تحضير الأكل و الشرب ... وانتأينا نحن بزيدان الي مكان بعيد في المزرعة خلف المسرح المعد ... جلسنا علي سجادة صغيرة و بعد التكايات ... وبدأنا ونسة و تعارف ... ثم بدا زيدان بالدندنة ... و النقرشة علي العود ... كنا انا و الكابتن نحفظ الكثير من الاغاني ... و نسبة ( لجلوسنا ) الكثير ايام الجامعة فكنا نحفظ الصالح من الغناء و الطالح منه ... واندمجنا مع زيدان و بدأ يغني الذكريات للشفيع ... و الحالم سبانا و نحن نحفظها تماما و نردد بمزاج عالي ... جلسنا ندندن حوالي ساعة ... ثم نودي الي زيدان لصعود المسرح ... فقام من جلسته قائلاً ... يا اولاد البركس الليله كيفتوني بي غناكم ده ... بمشي بغني في المسرح غنيتين تلاتة و نجي نكمل قعدتنا !!! و بالفعل رجع بعد 3 اغنيات بالعدد ... و بدانا نغي .. ونلون في الغناء ... واستمر الحال يغني معنا ساعة ... و يطلع المسرح نصف الساعة فقط ... وكأنه جاء ليمتعنا نحن بفنه الرفيع ... انتهت الرحلة عند الخامسة تماما ... وبدأت رحلة الرجوع ... أخذ زيدان العود ... ورجعنا انا و درش و الكابتن و بصحبتنا زيدان ... وفور مغادرتنا المزرعة قال زيدان ... انتو ماشين تذاكرو ؟ قلت مذاكرة مافي الليلة يا استاذ ... نمشي نعيش علي الغنا الجميل السمعناهو ده و نحكي للناس الفاتهم شنو الليله ... قال لي ضاحكاً وليه تعيشو علي الذكري يا ود ابراهيم ( ابراهيم اسم والدي رحمه الله ) ... انا ما عندي حاجة الليلة ... بمشي معاكم البركس نسهر و نغني !!! لم اصدق نفسي ... زيدان ابراهيم يغني في البركس و في غرفتنا ؟؟؟؟ وبالفعل وصلنا الي داخليات البركس ... كنا وقتها نسكن الغرفة ( 25 ) في داخلية القرشي ... لحسن الحظ كان الجميع في السُفر للعشاء ... واليوم جمعه .. و الداخلية هادئة نوعاً ما ... نزلنا الي الغرفة ... وكان هناك فردتنا نصر الدين عبده و صديقنا الاجمل معتصم حسن حمد ( الهكر ) ... اذكر ان الصدمة التي الجمتهم ... دامت حوالي الساعة الكاملة ... لم يستوعبوا وجود زيدان في غرفتنا !!! اقفلنا الابواب و احكمنا قفل الشبابيك و وضعنا المخدات لكتم الصوت ... وجلسنا نغني و نسكسك ... حتي بعد منتصف الليل بساعتين تقريباً ثم جاء وقت الفراق ... فذهبنا لتوصيله انا و الكابتن و درش و الهكر ... وصلنا العباسية الي منزله حوالي الساعة 2 و ربع صباحا ... ونزلنا لوداعه ... ولشكره لما خصنا به في هذا اليوم البديع ... وهنا قال لي زيدان ... الليلة يوم شنو يا ود ابراهيم ؟ قلت الجمعة ...!!! قال لي كضبا كاضب ... الواطة صبحت يعني الليله السبت ... ضحكنا ... فأردف ... خلاص انا مستنيكم كلكم و ما تنسو تكلموا نصر الدين ... تجو نساهر و نغني و نتعشي سوا يوم التلات !!! و عدنا الي البركس ... في يوم اقرب الي قصص الخيال ... __________________________________________ و نواصل ... مع العندليب ...

10-24-2013, 02:42 PM

يحي قباني

يحي قباني
تاريخ التسجيل: 08-20-2012
مجموع المشاركات: 18708

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: ( حكايات جدّي التاريخ ) ... ذكريات و خواطر ... (Re: يحي قباني)
السواء الهائل ... السنقو برتكان _________________________________________ كنا طلبه في الجامعة ... وكان لي صديق رجل جميل جداً و بهجة و يستخدم جميع المكيفات ... تلك الامسية كان سهران مع مجموعة من اصدقاءه ... وجاني اخر الليل يسأل ... قائلا يا قبقب انت رجل بتفهمها وهي طايره ... ياخي قاعد مع ( الفارات ) ديل و اظنهم انسطلوا ( لاحظ الفارات ديل شلتو ) ... بسميهم فارات لما يكون مِكَــ chـنهم و شبكوني ليك كلام في السياسه و ما بعرف شنو وواحد منهم اخوهو شغال موظف في شركه هو سبب الفلسفة دي كلها و انحنا طلبه دايرن نتونس و نضحك و نغني قام السغيل ده شبكنا ليك انحنا في السواء الهائل عملنا و انحنا في السوا ء الهائل سوينا ؟ وانا قاعد ما فاهم حاجة ... قلت ليهو وانت يعني كنت واعي عشان تفهم ؟؟ اها قو لي سوو شنو .. و شنو السواء الهائل ... جمعية للبر و التقوى .. ولا نظرية اجتماعية ؟؟؟ يعني تكافل اجتماعي ... انو الناس سواسية !!! قال لاااا يا قُبه ياخي ... انت كمان ما عارف ولا شنو ؟؟؟ السواء الهائل دي شركة يا حبيبنا ... باللاهي ... و انت الواعي ما كده ؟؟؟ قلت ليهو يا حبيبنا ( السواء الهائل ) دي ... زى ( السنقو برتكان ) الفي راسك ده ... ينفخوهو بالليل ... و ينفسوهو بالنهار ... يعني نظام ... تسسسسسسسسسس نفست !!! امش نوم امش نوم ... صباحاتو بي خيرها !!!

10-27-2013, 08:01 AM

يحي قباني

يحي قباني
تاريخ التسجيل: 08-20-2012
مجموع المشاركات: 18708

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: ( حكايات جدّي التاريخ ) ... ذكريات و خواطر ... (Re: يحي قباني)
سامي ( أفرزتا ) .. وجداد ناس درش ... _________________________ سامي .. صديقي الأجمل ... من احب الناس الي قلبي ... عشنا اجمل ايامنا في جامعة الخرطوم و داخلياتها ... رجل رياضي ...لاعب كوره حريف جداً ... يحب السياسة ... و مشبع بيسارية أثرت كثيراً علي قاموسه اللغوي ... لذلك ... كان اسهل الالقاب التي يمكن اطلاقها عليه هو لقب ( أفرزتا ) ...او افرزتها ... يعني يجيك الباجوري يقول ليك انو فلانه ... ما ادتو وِش ... رغم انه متيم بيها ... ومكسّر و حالته بي البلا ... يرد سامي بعد شفط نفس عميييق من سجارته ... قائلاً ... طبعا يا باجوري ...ده ( إفراز ) طبيعي للاهمال الانته اهملتو للبت دي ... تجي تاكل في السفرة ... تلقي الفول ملان حصاص ... يقول ليك دى اصلا حاجة أفرزتا الظروف الراهنه و الطغمة الحاكمة ... المهم ... سميناهو ( أفرزتا ) حتي بدون اسمو الأول ... يعني تقول افرزتا وينو ؟ ... معروف منو المقصود !! هذا الافراز و ذلك القاموس اليساري الجميل ... يخرج في قمته ... عند القعدات و الجلسات ... و تصحبه ابتسامه عريضة ... و مغالطات لا تنتهي ... مره في سهرة في منزل الصديق و الحبيب درش في امدر ... كان سمسم مشعشعاً ... و كانت سهره بديعة و بها نقاش علي مستوي راقي جداً في السياسة ... و في الادب ... وكان افرزتا في قمة الاعجاب باصحاب المنزل لرقيهم و ذوقهم العالي في النقاش ... و كانت المره الاولي التي يزورهم فيها ... و في اقرب فرصه اثناء انشغالهم ... مال الي اذني صديقي افرزتا قائلاً ... ياخي اصحابك ديل ناس راقين ... و اصحاب فهم و علم ... حتي جدادهم زاتو مهذب ؟؟؟؟ قلت نعم ؟؟؟ كيف يعني !!! قال لي انت ما منتبه ولا شنو يا قبقب ؟ ... ياخي الجداد ده انحنا قاعدين لينا ساعتين ... اصلو ما اتحرك من جنب الحيطة وما جا علينا ولا أزعجنا !!! انفجرت ضاحكاً ... لاني كنت اعرف تماما ... نسبةً ( لضيق ) الحوش قام درش و واخوته بعمل بيت للجداد من السلك النملي علي طول الحيطة ... و بعرض قدم واحد ... و كنت دائماً اعلق و اقول لدرش انتو جدادكم ده ... لو جدادتين دايرين يتونسوا ... الا يمشو ورا بعض !!!

10-31-2013, 00:30 AM

يحي قباني

يحي قباني
تاريخ التسجيل: 08-20-2012
مجموع المشاركات: 18708

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: ( حكايات جدّي التاريخ ) ... ذكريات و خواطر ... (Re: يحي قباني)
تصورى حالى من بعدك وكيف حالك يكون بعدى فيا وعدك ويا وعدى يا حلمى الجميل الكان فى عز الليل صبح كابوس وغاير نصلو فى كبدى يبكى الليل ازيز رعدك ويبكى على لمدى رعدى فيا وعدك ويا وعدى منذ قليل كنت استمع لتسجيل بصوت الراحل ( سماعين حسن ) يلقي الابيات اعلاه ...: عاد بي الزمن الي عصريات الخريف ... تمرين لفريق الكوره ... الجو منعش ... الميدان ساكن ترابو بعد رشة مطرة الصباحية ... نضيف حينما يراه المتفرجين ... ولكنه لا يخلو من ( الضريسة ) التي تكثر في زمن الخريف ... عند انتهاء التمرين كنا نتجمع امام منزلنا حول كوم رمله .. مهمل ... و آتي لهم بالماء بعد التمرين المنهِك ... يبدأ الامر بالماء و الونسة ... و غالبا ما يتبقي 4 او 5 من الشباب حيث يحلو السمر ... و ناتي بشاي اللبن ... وما تيسر من خبيز او لقيمات ... و يستمر السمر احيانا الي قرب منتص الليل !!! رجعت الي ذلك الزمن مع اسماعيل حسن ... ومع محمد وردي ... و جعلت احدث نفسي ... كيف سيعرف ابنائي الوطن ... و لم تعلق ( الضريسا ) باقدامهم ... ؟ كيف سيعرفونه ... لو لم تصطدم عضمة القدم الحاملة لمشط اصابعه بحفرة قاسية كونتها مياه الغسيل ( المكشوحة ) من داخل البيوت حينما كنا نلعب الدافوري في زقاقات امدر ؟ كيف يفهمون ان كوم الرمله المهمل امام المنزل ... هو بقايا ( 5 ادوار ) رمله جئ بها لعمل الضفره في الحوش الامامي ... وان ذلك الكوم المهمل المتبقي ( حُكيت ) عليه كل اسرار اولاد الحلة ؟؟؟ كيف ... و لماذا ... و متي ؟

11-04-2013, 01:24 AM

يحي قباني

يحي قباني
تاريخ التسجيل: 08-20-2012
مجموع المشاركات: 18708

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: ( حكايات جدّي التاريخ ) ... ذكريات و خواطر ... (Re: يحي قباني)
موتر مجدي صدقي ________________ صديقي ابو الامجاد دفعة من ايام الخرطوم القديمة ... كان من سكان الجريف غرب ... وكان ما يميزه انه يأتي الي المدرسة يومياً من الجرييييف غرب و حتي الخرطوم القديمة علي ظهر دراجته !!! 3 سنوات علي نفس الحال ... و كانت النتيجة عضلات ( تبِش ) في الكرعين ... لذلك عندما تلعب ضده في الكورة ... احذر ان يكسرك ... كسرته منها و بت بتي ... دخلنا جامعة الخرطوم سوياً ... سكنا في نفس الداخليات ... و مازالت الدراجة معه ... الي ان وصلنا الي السنة الثانية معمار ... و اتجه مجدي الي الميكانيكال ... فاجأنا بأن اتي الي الداخليه و معه موتر ... دراجة بخاريه!!! لم استغرب ... فقد اتي بنوع الموتر الصغير ... الذي تبدأ بالبدال ( زى العجلة يعني ) ... ثم يدور موتوره ... !!! يعني نص موتر و نص عجله ... ( ما قادر ينسي انو عجلاتي ) ... لم يدخل ذلك ( المسخ ) كما سميته ذمتي بتعريفه ... الا تلك الليلة الشديدة البرودة ... حيث ذهبت الشلة جميعا الي سينما الوطنية غرب ( الدور التاني ) ... في ليلة شتوية قاتلة ... قابلنا مجدي في السنما حيث كان في زيارة الي اهله بغرب ... ومعه موتره التحفه ... انتهي الفلم ... و مرقنا في رحلة العودة ( الكداري ) الي البركس ...!! و مجدي كعادته و ذوقه الرفيع ... لم يشأ ركوب الموتر بل قام بسحبه و المشي معنا ... الي ان وصلنا ( فرن سيحه ) ... وحيث الجو تلاجة ...قررنا الوقوف في الطابونه لزوم الدفي ... وتقريض الرغيف الحاف ... وهنا خطرت لي الفكرة المجنونة ... و انا اعرف ان صديقي ( مطر ) يرتعد من البرد ... ولا يقوي عليه ... و فجأه و الجميع مستانس علي عنقريب امام الطابونه قلت لمجدي ... انت موترك ده ما بيقوم الا تبديل ...؟ قال لي انت ما عارف ؟ قلت لا خليني اجرب كده.... و الرجل الطيب اعطاني المفتاح ... واخذت دورة اولي ... وعدت لصديقي مطر و هو (يكتكت ) من البرد ... وغمزت له ... واتاني ابو الامطار ... و اخذته خلفي ... و تلفحنا بالشيلان ... ولم بتوقف الموتر الا في داخلية النشر ... من وقتها ... كان مجدي يتردد في ان يعطيني اي شي قبل ان احلف له انني جاد ؟

11-04-2013, 03:21 AM

يحي قباني

يحي قباني
تاريخ التسجيل: 08-20-2012
مجموع المشاركات: 18708

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: ( حكايات جدّي التاريخ ) ... ذكريات و خواطر ... (Re: يحي قباني)
صديقي الجميل ... ______________________ قالوا القصير يا حكمة ... يا فتنة ... وصديقنا هذا كان قصير القامة نسبياً ... و كله حِــكَــمْ !!! كان يحب السياسة كثيراً جداً ... و كم من مره اعتقل .. وكم من مرات و مرات ..جُلِدْ ... كان متبحراً جداً في دراسة المجتمعات ... و اثر الحكومات القهريه عليها ... و اداء و افعال الحكومات الخاطئة المؤدية للانهيار الاقتصادي ... و كانت لديه حاسة سادسة تشتم اي انهيار قادم و ذلك لربطه لبعض الظواهر و القرارات الحكومية ... باحداث مماثلة سواء كانت داخل السودان ... او في دول اخري قريبة !!! كما كان يُحب السياسة ... كان يحب شرب البيرة المثلجة ...!!! كان نزيهاً في اختياراته ... و لا يخرج كثيراً عن المألوف منها ... كان من محبي ال و البكس بير كما كان يقول صديقنا هي فخر الصناعة الالمانية ... لا يخرج صاحبنا كثيراً من اطار المنتجات الالمانية الرأسمالية رغم يساريته السياسية ... و لكنه كان يفصل بين الاشياء ... قبيل شريعة آية الله النميري ... بدأت الاسواق تشح رويداً رويدا من مطايب ( الأبيار ) الالمانية و الهولندية ... و بدأ التجار يأتون بأبيار من دول اخري ... ارخص سعراً ... و هنا بدأ صديقي بإخبار الجميع ان هناك ازمة اقتصادية وتعويم للجنيه آتٍ عن قريب حيث راداره ( الإبياري ) يدله دائماً ... و قال لي في امسية انه طالما قاومنا ذلك الانهيار الآتي ... لن تجد الحكومة خيار الا بعمل اصلاحات ... و الحد من النهب و السلب من اعضائها ... الي ان اتت تلك الامسية التي اتاني فيها حزيناً جداً ... وقال لي : تصور ... مشيت عشره بارات ما لقيت لا ( بكس ) لا ( هينيكن ) ... قلت ليهو وده المزعلك قدر ده ؟ قال لا لا عادي ... ناس النميري ما اصلهم ( مرمطونا ) من زمان ... قلت طيب الحكاية ؟؟؟ قال لي تصدق مشيت بار في شارع كم كده ... قدامي تلاته مواطنين ...!! واحد منهم سأل سيد البار ... قال ليهو عندك بيره ( FIX ) ؟ ( الفيكس كما وصفها الذواقه ... بيره يونانية طعمها زي ورق الجرايد ) ... صاحب البار قال ليهو نعم ... رد واحد من المواطنين ... يا زول انت متأكد؟ سيد البار قاليهم ... دايرين كم كرتونه !!! المواطنين يا قبه عيونهم اغرورقت بالدموع !!! تصدق المواطن السوداني وصلت بيهو المهانة ... لما يلقي البيره اليونانية ( العواليق) الاسمها فكس ولا زفت دي ... يفرح !!! ... يا قبقب ... البلد انتهت ... المواطن بقي يقبل بي كل شي ...

11-04-2013, 06:18 AM

Nader Abu Kadouk

Nader Abu Kadouk
تاريخ التسجيل: 02-19-2007
مجموع المشاركات: 3706

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: ( حكايات جدّي التاريخ ) ... ذكريات و خواطر ... (Re: يحي قباني)

Quote: يا قبقب ... البلد انتهت ... المواطن بقي يقبل بي كل شي ...

ههههههههههه........

واصل الحكي الطاعم ده يا جميل.............

11-04-2013, 07:48 AM

محمد أبوالعزائم أبوالريش

محمد أبوالعزائم أبوالريش
تاريخ التسجيل: 08-30-2006
مجموع المشاركات: 14617

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: ( حكايات جدّي التاريخ ) ... ذكريات و خواطر ... (Re: Nader Abu Kadouk)

Quote: يا قبقب ... البلد انتهت ... المواطن بقي يقبل بي كل شي ...

أها ..... وصاحبك ده عايش زمن الليلة معانا؟
يعني شاف المواطن بقى يقبل بي شنو؟

11-04-2013, 10:39 PM

يحي قباني

يحي قباني
تاريخ التسجيل: 08-20-2012
مجموع المشاركات: 18708

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: ( حكايات جدّي التاريخ ) ... ذكريات و خواطر ... (Re: محمد أبوالعزائم أبوالريش)

Quote: ههههههههههه........

واصل الحكي الطاعم ده يا جميل.............

مواصلين يا نادر ...

لانو شايف الذاكره بدت تضعف ... و المخزون كتير ....

الله يهونها بس يا حبيبنا ...

11-04-2013, 11:16 PM

يحي قباني

يحي قباني
تاريخ التسجيل: 08-20-2012
مجموع المشاركات: 18708

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: ( حكايات جدّي التاريخ ) ... ذكريات و خواطر ... (Re: يحي قباني)

Quote: أها ..... وصاحبك ده عايش زمن الليلة معانا؟
يعني شاف المواطن بقى يقبل بي شنو؟

صاحبك زول ( الBecks ) ده زاتو يا ابوالريش ...

قال من يوم ما النميري جاب الشريعة ... البلد ما شافت خير ...

اجدادنا دفعوا الجزية ... و جا النميري ورطنا ورطة ما معقوله ...

11-08-2013, 04:57 AM

يحي قباني

يحي قباني
تاريخ التسجيل: 08-20-2012
مجموع المشاركات: 18708

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: ( حكايات جدّي التاريخ ) ... ذكريات و خواطر ... (Re: يحي قباني)
زيدان ابراهيم ... ودعوة العشاء _____________________ وقفنا بان العندليب امضي سهرة جميله معنا في غرفتنا رقم 25 بداخلية القرشي وذلك بعد الرجوع من رحلة طلبة البيطره والزراعه مساء الجمعة ... وعند توصيل الراحل زيدان الي منزله ... دعانا للعشاء يوم الثلاثاء ... عدنا الي داخليتنا في وقت متأخر جدا من الليل ... وبنا فرحه غامره بذلك اليوم الذي لم يكن في الحسبان ... بدأ الأسبوع و بدأت معه الأكاديميات ... ولم يخلو الامر من الونسه طيلة الايام الاولي من الاسبوع ... زيدان قال ... وسمعته غني كيف .. ووو و اتي يوم الثلاثاء الشهير ... وقاربت الساعة علي السابعه مساء ... و اختلفنا !!! سالتهم متي سنذهب اليوم الي دعوة زيدان ابراهيم ... الرجل قدم دعوة عشاء ... فمن الذوق ان نكون هناك ابكر من مواعيد العشاء ... انشقت الشله ... وقال ابو الأمطار ... انتو يا جماعه ما عاقلين ولا شنو ؟ ... علي الايمان زيدان ولا يكون متذكر زاتو !!! اما الكابتن فقال ... اليوم داك كان يوم طويل جداً ... وما اظنوا زيدان من التعب يكون واعي قال لينا شنو ؟؟ بين اللياقه ... والكسل ... والتردد ... وصلت الساعة الي التاسعه !!! هنا اعلنت ... يا شباب .. طيب انا بقترح حاجه... عندكم مانع نمشي نصل العباسية ... ندق الباب ... كان بقت زي ما قلتو ... نجي راجعين... انتو خسرانين حاجه؟ ... والبنزين زاتو علي انا ... اها كيف معاكم ؟؟؟ لقت الفكره القبول ... و امتطينا خمستنا فارهة الكابتن و انطلقنا الي العباسية .. انا و درش و الكابتن ... تأنقنا باعتبار ان الموضوع رسمي ... وتكاسل الهكر و ابو الامطار في اللبس .. واتو بزي داخليات عادي ... وصلنا الي منزل زيدان بالضبط عند العاشره و ربع مساء ً ... كان الزقاق مظلما للغايه ... ولا توجد اي سيارات بالخارج ... المنزل نفسه هادئ ...لاصوت ... لا ونسه .. لا مزيكا ... بدأت علامات الشماته علي ابو الامطار ... وخاصة انه مرتاااح داخل هدوم الداخلية المرحرة ... وحاول الكابتن ان يدير السياره و يعود بنا الي قواعدنا ... قلت ... لحظه ... نزلنا انا و درش ... و طرقت الباب بخفه ... حتي لو كانت الحاجه فقط بالمنزل و نائمه ... ان لا نزعجها ... ومع اول ( خبته ) للباب ... اتانا صوت العندليب الساحر قائلاً و مهللاً ... " والله كويس يا ناس أوضه 25 ... ما كان تجوني بكره ؟؟؟ " ... وكانت ليله من اجمل ليالي العمر ... وكانت سهره علي شرفنا ... كرمنا بها العندليب بخروف ماكن ... وغناء ...لا اذن سمعت و لا عين رأت ... وبدأت رحلة الصداقة البديعه مع العندليب الأسمر ... ______________________________________ ونواصل ...

11-08-2013, 05:21 AM

باسط المكي

باسط المكي
تاريخ التسجيل: 01-14-2009
مجموع المشاركات: 5473

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: ( حكايات جدّي التاريخ ) ... ذكريات و خواطر ... (Re: يحي قباني)

Quote: شبكوني ليك كلام في السياسه و ما بعرف شنو

وواحد منهم اخوهو شغال موظف في شركه هو سبب الفلسفة دي كلها

و انحنا طلبه دايرن نتونس و نضحك و نغني

قام السغيل ده شبكنا ليك انحنا في السواء الهائل عملنا و انحنا في السوا ء الهائل سوينا ؟

بوست طاعم بمعني الكلمة
متابعة وحضور

11-09-2013, 00:12 AM

يحي قباني

يحي قباني
تاريخ التسجيل: 08-20-2012
مجموع المشاركات: 18708

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: ( حكايات جدّي التاريخ ) ... ذكريات و خواطر ... (Re: باسط المكي)

Quote: بوست طاعم بمعني الكلمة
متابعة وحضور

قول يا باسط ...

11-09-2013, 00:51 AM

يحي قباني

يحي قباني
تاريخ التسجيل: 08-20-2012
مجموع المشاركات: 18708

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: ( حكايات جدّي التاريخ ) ... ذكريات و خواطر ... (Re: يحي قباني)
اعتذار لصاحبة الصوت الساحر !!! ______________________ دائما اقول لاولاد جيلنا ... احمدوا ربكم ... شقاوتكم و صعلكتكم كانت في زمن لا فيهو موبايل لا فيهو انترنت ... زمن الشباب ... كنت عشان تحب ليك واحده بالتلفون ... مصيبة كبيرة جداً ... ممكن ما يكون عندكم تلفون من اساسو ...!! ولو بقي بيكون مختوت في نص البيت ... لانه معروف للضروريات و اخبار الوفيات !!! يعني الا بالدس وكت الناس مقَيِّله ... و تكون محظوظ مافي زول حوالينك ... اها مره رديت علي تلفون ... و جاني صوت خرافي من الناحية التانية !!! قالت لي .. آلوو ... قلت الو ( ونص و خمسه ) ... ممكن اكلم (سَصلاح ) ؟ في سري قلت يا ربي ( صلاح ) المرزّق ده منو ؟ قلت ليها ...صلاح ما موجود ؟ قالت لي انت منو ؟ قلت ليها شقيقو لزم ... سكتت زي 30 ثانية ... وقالت لي ... لكن ( سصلاح ) ما عندوا اخوان ؟؟ ( سصلاح ) دي مقصودة ...سين راكبه في صاد ... كيف ما تسألوني !!! قلت ليها ...انتي قلتي صلاح؟ قالت ...ايوه ... سصلاااح ... قلت سوري افتكرتك ... قلتي محمد ؟؟ لانو محمد اخوي الأكبر مني طوالي ... قالت لي ...ههه ... دمك تقيل !!! وبما انو اخوكم دكشنري في الحالات الزي دي ... بمجرد كلمة دمك تقيل مرقت ... عرفت انو الشرك قبض ... !!! الونسة جرت ... والضحك بدا يفك شويه شويه ... وكترت بيناتنا التلفونات ... واقول متييين يا الله اشوف السمحة ؟؟ طبعاً لازم تكون سمحة ... اذا كان صوتها كده ... امال شكلاً كيف؟ الي ان اتي اليوم المشهود ... وقالت لي يعني شنو ..مادايرنا نشوفك؟؟؟ ابوكي ... انا المادايركم؟؟؟ انا البحنس لي شهر ... ما دايركم ؟؟؟ اتواعدنا زي الورد الساعة 3:30 جنب محطة بص في شارعٍ ما ... قالت لي حأكون انا ومعاي صاحبتي لأنو ما بقدر اجي براي ... قلت ليها طيب حتكوني لابسه شنو .؟ قالت لي انا بلبس موضه ... وحأكون لابسه فستان أصفر ...!!! وصاحبتي بالتوب ... من الساعة 1 ...انا جااااهز ... اكسر في الدقايق ... لغاية ما حسبتها لو اتحركت من محل انا قاعد ... بصل هناك بعد ربع ساعه ... ودززززززززززززز ... انطلقت في اتجاه مكان الموعد المشهود ... فجأه جاني ( هاتف ) ... انو يا ولد قبال ما تقيف و تشيل ... اعمل دوره استكشافيه تكتيكية للمعاينه ... وصدق حسي البوليسي ... بالله كدروك ولابس اصفر ... شنه مبالغة ... ونحيفه بس القشه ام روح ... كان مفروض اعرف من مواعيد الساعة 3 و نص ... واللون الاصفر انو العمليه خسرانه ... وحياتكم ... اخدت اللفه ... وكأنو ما حاصل حاجه ... رجعت و نسيتهم ... زي العجب ... ما كلمتني تاني ... ومعاها حق ...لأنها بصراحه حركة نص كم ... لكن الشنه كانت قاسية جداً ... وانا بصراحه كنت بحب الحاجات النايس ولظلظ ... زى ماقال سيد بشبش ... الحمد لله ...لو كان في فيس بوك ... كان شالت حسي ...

11-09-2013, 06:09 PM

smart_ana2001

smart_ana2001
تاريخ التسجيل: 04-17-2002
مجموع المشاركات: 5695

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: ( حكايات جدّي التاريخ ) ... ذكريات و خواطر ... (Re: يحي قباني)

Quote: ا كلمتني تاني ... ومعاها حق ...لأنها بصراحه حركة نص كم ...
لكن الشنه كانت قاسية جداً ... وانا بصراحه كنت بحب الحاجات النايس ولظلظ ... زى ماقال سيد بشبش

و الله يا مستر قبانى يوم ح تكتلنى بالضحك.
يديك العافية....

طيب احكى ليك قصة قديمة قريبة لقصتك دى.
انا وصحباتى كنا راس هوس شديد فى الثانوي. راس هوس دى ما تفهمها غلط. كنا بس بنحب الغنا. اى حصة فاضية نقعد نغنى. قاعدين فى الكنبة الطيش و الحصص كلها اما بنتونس او بنقرا فى رجل المستحيل.
لكن كنا خوفات جدا. ما حصل واحدة فينا اتكلمت او حبت ليها ود ثانوى و لا حتى بنتكلم مع زول فى الشارع. قرينا فى شارع المدارس لكن كان دائما عندنا ترحيل. من البيت للمدرسة و بالعكس. فى جازة تانية لثالثة ثانوى نزلنا معهد صلاح فى الصحافة. كان عندنا ترحيل من بحرى للصحافة. معهد صلاح كان بالنهار للبنات و العصر لاولاد. كنا بنجى نلاقى الاولاد كاتبين العجب العجاب فى السبورة. لكن دى قصص براها. المهم فى الكنبة اللى فيها انا وصحباتى كان بيقعد واحد دمه خفيف جدا. بنلاقيه كاتب نكت و قصص فى الكنبة. غالبا كان قروب من الاصحاب ذينا كده بيكتب و متخيلين انهم بيكتبوا لواحدة. او ذينا عارفين اننا قروب و مطنشين بمزاجهم. المهم كتبوا لينا كمية من الجوابات و لصقوها تحت الكنبة. و ردينا بكمية من الجوابات. لحدى ما يوم قالوا فى جواب انه صاحبنا عاوز يقابل صحبتا. قلنا تمام. هو قال ح يجى لابس قميص اصفر و هى ح تجى لابسة طرحمة حمراء و ح يتلاقوا فى البقالة اللى قدام شارع معهد صلاح. فى اليوم الموعود طبعا جاء الترحيل فى مواعيده و لما جينا مارين بالبقالة قلنا لبتاع الترحيل يقيف عشان عاوزين نشتري بارد. و قلنا نعاين من بعيد لبعيد نشوف مين كاتب الجوابات دى. وقفنا بالترحيل و نزلنا اتلفتناااا. طبعا ما فى اى واحدة فينا كانت لابسة الطرحة الحمراء. و ما شفنا اى زول لابس قميص اصفر. لكن فى شلة واقفة بعيد كده بتعاين. كلهم اولاد الثانوى المغبرين و مقشفين و منكشين ديلاك.
اشترينا ببسينا و بعد ما ركبنا حافلتنا لوحنا ليهم bye bye بالطرحة الحمراء.
____________________
تانى اسميك "سيد قبانى" بدل "مستر قبانى".

11-09-2013, 08:04 PM

يحي قباني

يحي قباني
تاريخ التسجيل: 08-20-2012
مجموع المشاركات: 18708

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: ( حكايات جدّي التاريخ ) ... ذكريات و خواطر ... (Re: smart_ana2001)

Quote: اشترينا ببسينا و بعد ما ركبنا حافلتنا لوحنا ليهم bye bye بالطرحة الحمراء.

يا اسمارت انتي متأكده انو الطرحه دى ما كان لونها ( أصفر ) ؟؟ :)

مشتاقين يا حاجه ...

ما وريتينا اخبار الفايف إس شنو ؟

11-12-2013, 04:10 AM

يحي قباني

يحي قباني
تاريخ التسجيل: 08-20-2012
مجموع المشاركات: 18708

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: ( حكايات جدّي التاريخ ) ... ذكريات و خواطر ... (Re: يحي قباني)
مولانا أسد الخلا !!! ______________ ايام الجامعه ... كان رجلاً هادئاً .. ومهذباً ... كان مرجعاً للفقه ... و حجه في الأدب الصوفي ... ينشغل بالسياسه ... فقط ايام انتخابات المجلس الأربعيني لاتحاد طلاب جامعة الخرطوم ... كان شغله الشاغل ان يحتل ( الأخوان ) كل المقاعد ... كان خجولاً الي حد ما ... يغض النظر عن الاختلاط ( المفروض عليه فرض ) ... لم نسمع له اي علاقه طلابيه حتي مع ايٍ من الزميلات ... كان من رواد المكتبه ليلاً و نهارا ... لا يشغله شئ عن دراسته .. و قراءاته ... فهو لا يمارس اي رياضه ... و لا يشجع اي رياضه ... و لا يشرب الخمر ... و لا يجالس من يشربونها ... لا يلعب ( الكشاتين ) ... و ينصح من يلعبونها باستغلال وقتهم فيما ينفع الناس ... اما انا فلا أنام الا في الليل ... وفي آخر الليل ... لم انام فترة العصرية ... طيلة حياتي ... مالم اكون مريضاً بي ملاريا او خلافه من مشاكل السودان ... لذلك منذ ان كنت طالباً حتي في المدارس ... كانت فترة استذكاري و تحصيلي هي الفتره من الساعة 2 ظهراً و حتي موعد الكوره في الليق ... لذلك تجدني مبرمجاً يوميا من بعد العصر و حتي وقت النوم ... و كان يعتقد الكثيرين انني حتماً لن انجح ... ففي اي وقت استذكر دروسي؟؟ من فوائد ( الصحيان ) فترة العصريات و الناس نيام ... غير الاستذكار انك تري ما لايراه الكثيرين ... كانت عادة الطلاب في الجامعة ... العودة الي الداخليات عند الواحده و النص تقريبا ... مباشرة الي سفرة الغداء ... و من بعدها شراب الشاي ... ثم يدخل الجميع في ( غيبوبة ) النوم في العصاري ... ثم الصحيان قريب المغارب ... والذهاب للعشاء و من ثم من يذهب الي المكتبه ... و من يعود للغرفه ... وهكذا ... الا من رحم ربي ... وهؤلاء منهم من هم مثلي ... ومنهم الخلاطين و الحبيبه ... حيث يخلو الجو في الجامعه ... و تحلو الجلسات الهادئه ... اما صديقنا مولانا ... فلم افهم لماذ ( بدأ ) في الذهاب الي الجامعه و الناس نيام ؟؟؟ و كيف استطاع ترك نومته الشهيره و الضروريه ... فالرجل كان يقيم الليل ... و يحتاج الي ( دقسة ) العصريه ... و حيث انني ( سُقُدْ ) ... و رأيت تلك المسأله قد تكررت مرتين خلال يومين ... قررت متابعة مولانا لمعرفة السر ... خرجت خلفه ... و تأكدت انه لن يراني حتي يصل الي مقصده ؟ و كان الهواء قادماً من اتجاهه ... يحمل معه رائحة عطر مخلوط برائحة صابون حمام ( فاخر ) ... مولانا ده يا ربي متعطر و مستحمي لي شنو ؟ ... او بالأحري لي منو ؟ وصل مولانا الي مقهي النشاط ... و وقف في مكان هو يري منه كل من هو قادم من بوابة النشاط ... و القادمين لا يرونه حتي يصلو الي قريب من مكانه ؟؟ ووقفت ارقب المنظر ... و المنتظر ...!!! و بدأ مولانا ينظر الي ساعته ... و يرفعها بعد دقيقة واحده للنظر مره اخري ... ومع كل رفعه ( صرّة ) وش ... وكأن الموعد مع امام المسجد !!! الله اكبر !!! مولانا شكلو عندو رانديفو ...!!! رجفة الساعة ... معناتها ( خلطه ) ... تكرر النظر الي الساعه اكثر من عشرة مرات ... و في كل مره يعقبها مسحه من منديل ( ظهري ) للجبهة و كف اليد !!! في زول يشيل منديل ظهري يا مولانا ؟ هو المنديل ده الجاب ليك الجلا ...!!! وهنا تذكرت ما قاله احد ( فحول ) الشعر الحلمنتيشي في الجامعه آنذاك حينما قال ... مولانا جانا اسد الخلا النّرنّر فار شنباتو زى عنتر مترقِطْ وشو ما بنفر لابد لبده في مصلاتو .. بي كراكه ما بِنجَر ... قانص قنصه ... لا تيبان ولا فستان ... كان احمر وكان اصفر ... وكِت شرّوهو قال والله ما مِنشَر وواقف ساااكت أتمنظر ...!!! حريف مولانا ... ألعب غيره ... واقف ساعه ... ياهو الشرْ ... أكان هامانا .. كان عرمانا كان عنتر تضوق الشر ... و مرت ساعه ... وما ظهرت ست الحسن و الجمال ... و لكن مولانا استعاد موقعه في اليوم التالي ... و صار متعهدا لكشك الليمون ... و خالطاً علي العلن ... و حينما تسأله ... يقول و الله انهم ( هو وهي ) قد تحابا في الله ...!!! _____________________________________________ مولانا تبوأ ما تبوأه من مناصب في عهد الانقاذ ...

11-12-2013, 07:08 AM

محمد أبوالعزائم أبوالريش

محمد أبوالعزائم أبوالريش
تاريخ التسجيل: 08-30-2006
مجموع المشاركات: 14617

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: ( حكايات جدّي التاريخ ) ... ذكريات و خواطر ... (Re: يحي قباني)

Quote: اشترينا ببسينا و بعد ما ركبنا حافلتنا لوحنا ليهم bye bye بالطرحة الحمراء.

أمممممممممممممممممممك ........
من اليلة إسمك (ذات الرداء الأحمر)

11-12-2013, 03:19 PM

حامد الزبيدي

حامد الزبيدي
تاريخ التسجيل: 01-16-2013
مجموع المشاركات: 18

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: ( حكايات جدّي التاريخ ) ... ذكريات و خواطر ... (Re: محمد أبوالعزائم أبوالريش)
استاذي يحي قباني كاتم أسرار الزمن الجميل ،،،،، يا سيدي سردك ممتع ولغتك اكثر من رائعة متعك الله بالصحة والعافية

11-13-2013, 04:04 PM

شمس الدين ساتى

شمس الدين ساتى
تاريخ التسجيل: 12-14-2008
مجموع المشاركات: 2642

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: ( حكايات جدّي التاريخ ) ... ذكريات و خواطر ... (Re: حامد الزبيدي)
انا لسا فى الصفحة التانية يا باشمهندس قلنا نرفع علشان نتابع الحكى الجميل دا

11-14-2013, 01:05 AM

يحي قباني

يحي قباني
تاريخ التسجيل: 08-20-2012
مجموع المشاركات: 18708

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: ( حكايات جدّي التاريخ ) ... ذكريات و خواطر ... (Re: شمس الدين ساتى)

Quote: استاذي يحي قباني كاتم أسرار الزمن الجميل ،،،،،

يا سيدي سردك ممتع ولغتك اكثر من رائعة متعك الله بالصحة والعافية

حامد الزبيدي ...

تسلم يا حبيبنا ...

والله يا حامد المكتوم من اسرار الزمن الجميل ... تضربه في 50 مره قدر الانا كتبته حتي الآن ...

إلا مرات ما بتقدر تغرق ... لكن اهو بنهبش هبشات كده ...

[رد على الموضوع]

صفحة 3 „‰ 4: << 1 2 3 4 >>

احدث عناوين سودانيز اون لاين الان

اراء حرة و مقالات	Latest Posts in English Forum
Articles and Views	اخر المواضيع فى المنبر العام
News and Press Releases	اخبار و بيانات

الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة

About Us
Contact Us
About Sudanese Online

اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين

News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums

If you're looking to submit News,Video,a Press Release or or Article please feel free to send it to [email protected]