الشعب السوداني بخير و الفينا مشهودة (يوجد بيان بالعمل)

Quote: وعلى الفور وبسرعة البرق ارتفعت يدين فقط من وسط الحضور من مختلف الجنسيات وكانت اليدين واحدة لي والثانية للسوداني الاخر الذي عرفت لاحقا ان اسمه جمال. تعجب المحاضر العراقي وقال ياجماعة مش حاجة غريبة مافي زول رفع يده غير الاخوة السودانيين !!! طيب انا ح ادي الاخوة السودانيين فقط اليوم وعلى البقية الانتظار ليوم غداً.

Quote: انت قايل العاجبنا في البلد دي شنو ....؟ ماياهو طبع اولادا السمح الديمة رافعين راسن وسط الامم تسلم والله ويسلم كل سوداني شهم

Quote: ومهما حكوماتنا تتغير محال طيبتنا تتغير صباح الخير سعادتك

Quote: شكرا جنابو عمر

Quote: رجعت لي بتاع الدكان ذليلا صاغرا وقلت ليهو خلي الحاجات دي بجيك بعد شوية أشيلها منك .. اللحظة ديك كان في راجل بشتري في حاجات برضو من الدكان .. لا بعرفو .. ولا بعرف بتاع الدكان أصلا فما كان من الراجل إلا إنو قال لي لييييه تخلي حاجاتك وتجيها راجع تاني قمت حكيت ليهو القصة .. قلت ليهو أرجع أجيب القروش وأجيك فما كان من زولك ده ألا إنو حلف لا أرجع ولا أجيب قروش وإنو ها يحاسب الحاجات دي من جيبو المدهش أكثر أنو بتاع الدكان يرفض يستلم من الراجل !!!!!!!!!! وقعدو الاثنين يتحالفوا وأي واحد فيهم يصر إنو الحاجات دي تكون على حسابو

Quote: عزيزي عمر ... واقع حالنا في الداخل لا يعكس ذلك للاسف (انفصال وحروب وطفيليات اجتماعية ) اهتمامنا بالاخر ان تحول بعض منه فقط الي ذواتنا وانفسنا واهلنا لتغيير حال بلادنا الي احسن .. لن يكون ذلك بعض من انانية انما تقوية للداخل ليبقي قادرا علي مواصلة رسم مثل تلك الصور ويبقي الانسان السوداني قويا معافي في الداخل والخارج مميزا... شكرا علي تنبيهنا بما لدينا لنحافظ عليه دون تقصيير في حقوقنا نحو انفسنا واهلنا وبلدنا ...