Post: #1
Title: الشعب السوداني بخير و الفينا مشهودة (يوجد بيان بالعمل)
Author: omer osman
Date: 02-05-2011, 08:43 AM
شعب فريد هذا الشعب السوداني مهما جار عليه الزمان وتبدلت الأيام. سبق ان حكيت في هذا المنبر عن قصة حدثت لي ايام اقامتي بدولة الامارات وساحكيها مرة اخري هنا ، لكن قبل ذلك اود ان احكي عن قصة قريبة الملامح والشبه من تلك وقعت قبل ايام قلائل ...........
|
Post: #2
Title: Re: الشعب السوداني بخير و الفينا مشهودة (يوجد بيان بالعمل)
Author: omer osman
Date: 02-05-2011, 08:44 AM
Parent: #1
صباح السبت الذي اعقب جمعة الغضب في مصر ذهبت الى (السنترال) للاتصال على الاهل في السودان لان شبكة الهاتف المحمول لاتعمل ولاوسيلة اتصال الا عبر (السنترال) صادفت اتنين من الاخوة السودانيين هناك وسط عدد كبير من الاجانب من مختلف الجنسيات كلهم يريدون الاتصال بذويهم في الخارج .......... اثناء انتظارنا لدورنا في الاتصال دار نقاش ساخن جداً بين مواطن تونسي وموظف (السنترال) المصري بسبب ان مكالمة التونسي كلفتها كم جنيه ودفع هو 100 جنيه والموظف يرفض استلامها لانه ليس لديه فكة ويصر على استلام قيمة المكالمة وهو محق فالمسكين موظف حكومي وليس مالك السنترال ولايمكنه تحمل كلفة مثل هذه المواقف وفي الجانب الاخر التونسي يقول بانه لايملك ايضاً فكة يدفع بها ....
|
Post: #3
Title: Re: الشعب السوداني بخير و الفينا مشهودة (يوجد بيان بالعمل)
Author: omer osman
Date: 02-05-2011, 08:45 AM
Parent: #2
منذ اللحظة الأولي واضح ان لا احد من الحاضرين يعير هذا النقاش الساخن اى اهتمام بخلافنا نحن الثلاثة سودانيين وفي ذات اللحظة قرر عقلنا الجمعي السوداني بدون اى اتفاق او نقاش انه لابد لنا من التدخل لحسم هذا الأمر وفكرنا بنفس الطريقة وهي ان ندفع قيمة مكالمة المواطن التونسي علماً باننا اى السودانيين الثلاثة لا تعرف بعض ولم يحدث ان التقينا من قبل مطلقاً !!! وبالتأكيد لا احد منا يعرف ذلك المواطن التونسي ... ونال الفضل من كان اسرعنا في الوصول الى الموظف ودفع له المبلغ وسط كلمات الشكر والثناء من المواطن التونسي وسط دهشة واستغراب بقية الحاضرين.
|
Post: #4
Title: Re: الشعب السوداني بخير و الفينا مشهودة (يوجد بيان بالعمل)
Author: omer osman
Date: 02-05-2011, 08:51 AM
Parent: #3
اما القصة التى حدثت لي في ابوظبي ايام عملي بشرطة ابوظبي كنت في دورة تعقدها شرطة ابوظبي ومعي في الدورة سوداني لم اراه من قبل في حياتي ولم نكن نجلس جوار بعض حتى وبالتالي لا اعرف اسمه ولا اى معلومة عنه .... في اول يوم في الدورة وفي المحاضرة الأولي قال المحاضر العراقي بانه احضر كتيبات لتوزيعها علينا واتضح له الان انها تنقص اثنين عن عدد منسوبي الدورة وعليه يريد ان يتنازل اثنان عن استلام كتيباتهم اليوم على ان يحضرها لهم غداً.
|
Post: #5
Title: Re: الشعب السوداني بخير و الفينا مشهودة (يوجد بيان بالعمل)
Author: omer osman
Date: 02-05-2011, 08:52 AM
Parent: #4
وعلى الفور وبسرعة البرق ارتفعت يدين فقط من وسط الحضور من مختلف الجنسيات وكانت اليدين واحدة لي والثانية للسوداني الاخر الذي عرفت لاحقا ان اسمه جمال. تعجب المحاضر العراقي وقال ياجماعة مش حاجة غريبة مافي زول رفع يده غير الاخوة السودانيين !!! طيب انا ح ادي الاخوة السودانيين فقط اليوم وعلى البقية الانتظار ليوم غداً.
|
Post: #6
Title: Re: الشعب السوداني بخير و الفينا مشهودة (يوجد بيان بالعمل)
Author: ياسر بيناوي
Date: 02-05-2011, 09:04 AM
Parent: #5
سلامات ياجنابو
| Quote: وعلى الفور وبسرعة البرق ارتفعت يدين فقط من وسط الحضور من مختلف الجنسيات وكانت اليدين واحدة لي والثانية للسوداني الاخر الذي عرفت لاحقا ان اسمه جمال. تعجب المحاضر العراقي وقال ياجماعة مش حاجة غريبة مافي زول رفع يده غير الاخوة السودانيين !!! طيب انا ح ادي الاخوة السودانيين فقط اليوم وعلى البقية الانتظار ليوم غداً. |
( وتسأل شن الحبب فيهو .... الحب في ذاتو مبرر كافي )
انت قايل العاجبنا في البلد دي شنو ....؟
ماياهو طبع اولادا السمح
الديمة رافعين راسن وسط الامم
تسلم والله ويسلم كل سوداني شهم
خالص الود
|
Post: #7
Title: Re: الشعب السوداني بخير و الفينا مشهودة (يوجد بيان بالعمل)
Author: omer osman
Date: 02-05-2011, 09:09 AM
Parent: #6
Quote: انت قايل العاجبنا في البلد دي شنو ....؟
ماياهو طبع اولادا السمح
الديمة رافعين راسن وسط الامم
تسلم والله ويسلم كل سوداني شهم |
مهما اختلفت القبائل والاعراق السوداني هو السوداني ......
والشواهد والقصص في ذات المجال كثيرة جداً ........
تحياتي ياسر ......
|
Post: #8
Title: Re: الشعب السوداني بخير و الفينا مشهودة (يوجد بيان بالعمل)
Author: khaleel
Date: 02-05-2011, 09:11 AM
Parent: #6
ومهما حكوماتنا تتغير
محال طيبتنا تتغير
صباح الخير سعادتك
|
Post: #9
Title: Re: الشعب السوداني بخير و الفينا مشهودة (يوجد بيان بالعمل)
Author: omer osman
Date: 02-05-2011, 09:14 AM
Parent: #8
Quote: ومهما حكوماتنا تتغير
محال طيبتنا تتغير
صباح الخير سعادتك |
صباح النور ......
كيمياء وفيزياء عجيبة تلك التى تحرك الانسان السوداني ...... ياهندسة
|
Post: #13
Title: Re: الشعب السوداني بخير و الفينا مشهودة (يوجد بيان بالعمل)
Author: أبو عبيدة البصاص
Date: 02-05-2011, 09:54 AM
Parent: #9
شكرا جنابو عمر
|
Post: #15
Title: Re: الشعب السوداني بخير و الفينا مشهودة (يوجد بيان بالعمل)
Author: omer osman
Date: 02-05-2011, 10:54 AM
Parent: #13
هلا يابصاص والشكر ليك ...........
عساك بخير ............
|
Post: #10
Title: Re: الشعب السوداني بخير و الفينا مشهودة (يوجد بيان بالعمل)
Author: محمد عمر جبريل
Date: 02-05-2011, 09:20 AM
Parent: #6
إزيك يا عمر ..
أحكي ليك قصتين غريبات جدا حصلو معاي أنا
بالجد لسة مخلوع من الناس ديل ..
القصة الأولى حصلت معاي قبل سنتين تقريبا ..
كنا في موقع عمل بقرية أم ضوا بان .. ومعي حوالي 3 مهندسين سودانين و6 مهندسين صينين
في عز الصيف والشمس تقول يا غربتي .. ولا ملجأ لنا غير التناوب والجلوس داخل العربات عشان المكيف وكده
زي الساعة 2 ظهر قررت (براي كده) أمشي أجيب موية وبارد للناس ديل وصلت أقرب دكان ومشيت شلت لأي زول
فيهم قزازة موية وقزازة بارد .. كان المجموع حوالي 20 جنيه .. لمن جيت أحاسب ما لقيت الجزلان في جيبي رجعت العربية
فتشت بي جاي بي جاي وحاتك مافي أي حاجة ....
رجعت لي بتاع الدكان ذليلا صاغرا وقلت ليهو خلي الحاجات دي بجيك بعد شوية أشيلها منك ..
اللحظة ديك كان في راجل بشتري في حاجات برضو من الدكان .. لا بعرفو .. ولا بعرف بتاع الدكان أصلا
فما كان من الراجل إلا إنو قال لي لييييه تخلي حاجاتك وتجيها راجع تاني
قمت حكيت ليهو القصة .. قلت ليهو أرجع أجيب القروش وأجيك
فما كان من زولك ده ألا إنو حلف لا أرجع ولا أجيب قروش وإنو ها يحاسب الحاجات دي من جيبو
المدهش أكثر أنو بتاع الدكان يرفض يستلم من الراجل !!!!!!!!!!
وقعدو الاثنين يتحالفوا وأي واحد فيهم يصر إنو الحاجات دي تكون على حسابو
...
موقف غريب جدا .. ما ممكن يحصل إلا في السودان
ــــــــــــــــــــــــــــــــــ
الموقف التاتي بحكيهو مرة تانية
لأنو بصراحة بقيت بتعب من الكتابة الكتيرة 
|
Post: #12
Title: Re: الشعب السوداني بخير و الفينا مشهودة (يوجد بيان بالعمل)
Author: omer osman
Date: 02-05-2011, 09:29 AM
Parent: #10
Quote: رجعت لي بتاع الدكان ذليلا صاغرا وقلت ليهو خلي الحاجات دي بجيك بعد شوية أشيلها منك ..
اللحظة ديك كان في راجل بشتري في حاجات برضو من الدكان .. لا بعرفو .. ولا بعرف بتاع الدكان أصلا
فما كان من الراجل إلا إنو قال لي لييييه تخلي حاجاتك وتجيها راجع تاني
قمت حكيت ليهو القصة .. قلت ليهو أرجع أجيب القروش وأجيك
فما كان من زولك ده ألا إنو حلف لا أرجع ولا أجيب قروش وإنو ها يحاسب الحاجات دي من جيبو
المدهش أكثر أنو بتاع الدكان يرفض يستلم من الراجل !!!!!!!!!!
وقعدو الاثنين يتحالفوا وأي واحد فيهم يصر إنو الحاجات دي تكون على حسابو |
بالجد لينا حق نفتخر ونرفع رأسنا فووووق فينا مكارم وخصائل لا اظنها توجد في اى شعب اخر
احكي ليك قصة عكس قصتك دي ......
مرة وانا واقف في بقالة بالخرطوم بشرب في حاجة باردة ......
جاء 5 اجانب طلبوا 5 بارد شربوها كل واحد خته القزازة
ودخل يده في جيبو خته قروش البارد حقو بس
بتاع الدكان رغم انو كسبان من بيع البارد كان زعلان جدا من الحركة
ويهرج ويتكلم معاي (بالله عليك الله عاين الناس ديل !!!!)
|
Post: #14
Title: Re: الشعب السوداني بخير و الفينا مشهودة (يوجد بيان بالعمل)
Author: abubakr
Date: 02-05-2011, 10:17 AM
Parent: #12
عزيزي عمر ...
واقع حالنا في الداخل لا يعكس ذلك للاسف (انفصال وحروب وطفيليات اجتماعية )
اهتمامنا بالاخر ان تحول بعض منه فقط الي ذواتنا وانفسنا واهلنا لتغيير حال بلادنا الي احسن .. لن يكون ذلك بعض من انانية انما تقوية للداخل ليبقي قادرا علي مواصلة رسم مثل تلك الصور ويبقي الانسان السوداني قويا معافي في الداخل والخارج مميزا...
شكرا علي تنبيهنا بما لدينا لنحافظ عليه دون تقصيير في حقوقنا نحو انفسنا واهلنا وبلدنا ...
|
Post: #16
Title: Re: الشعب السوداني بخير و الفينا مشهودة (يوجد بيان بالعمل)
Author: نادر النور آدم
Date: 02-05-2011, 10:58 AM
Parent: #14
تحياتي يا جنابو وضيوفك الكرام
واحد من أهلنا كان سائق بص النقل الجماعي في السعودية
اللي هو الخطوط الداخلية
المفروض تدخل تجدع 2 ريال في حصالة جنب السواق
دخل واحد سوداني داخل الباص .. وما معاه فكة .. معاه ورقة عشرة ريال
قريبنا داير يدفع .. قال ليه ياخ خلاص اقعد اهو انا معاي فكة..
الراجل رفض الموضوع نهائي وجدع العشرة ريال جوة الحصالة وقال ليه أربعة وراي ما تخلص منهم
يعني أكرم أربعة انفار ما عارف هم منو ذاتهم
والقصص كتيرة شديد .. لكن .. ياهو دا السودان
|
Post: #17
Title: Re: الشعب السوداني بخير و الفينا مشهودة (يوجد بيان بالعمل)
Author: omer osman
Date: 02-05-2011, 10:58 AM
Parent: #14
Quote: عزيزي عمر ...
واقع حالنا في الداخل لا يعكس ذلك للاسف (انفصال وحروب وطفيليات اجتماعية )
اهتمامنا بالاخر ان تحول بعض منه فقط الي ذواتنا وانفسنا واهلنا لتغيير حال بلادنا الي احسن .. لن يكون ذلك بعض من انانية انما تقوية للداخل ليبقي قادرا علي مواصلة رسم مثل تلك الصور ويبقي الانسان السوداني قويا معافي في الداخل والخارج مميزا...
شكرا علي تنبيهنا بما لدينا لنحافظ عليه دون تقصيير في حقوقنا نحو انفسنا واهلنا وبلدنا ... |
واقع حالنا صحيح لايعكس ذلك لانه محكوم بذوات الساسة حكومة ومعارضة ......
صراع مصالح وكراسي لايعبر عن رجل الشارع السوداني ...
قمة الفشل في محافظتنا على وحدة السودان كانت نتيجة فشل الساسة والحكومات
المتعاقبة وليس فشل شعبي الجنوب والشمال في التعايش ......
|
Post: #18
Title: Re: الشعب السوداني بخير و الفينا مشهودة (يوجد بيان بالعمل)
Author: محمد أبوالعزائم أبوالريش
Date: 02-05-2011, 11:30 AM
Parent: #17
جنابو .... عساك طيّب.
مريت بي موقف لا يقل تفرّد عن المواقف دي .....
أتغلّب على حالة (الطُمام العام) وأجي أحكيها ليك.
____
سمعت إنك في مصر (المحروسة) ...... إنشاء الله تكون والمعاك بخير.
|
|