|
Re: khaleel ياهندسة بص شوف السعودي بيعمل ايه (Re: omer osman)
|
بالمناسبة هذه الهدف لوحة متكاملة وحصة دسمة قدمها عبدالحميد السعودي في كيفية رجوع المهاجم الى الخلف
وقطع الكرة من الخصم (علاءالدين جبريل) ثم التمرير الى زميل (ميرغني كينيد) ثم الانطلاق والتقدم وفتح الميدان
والاستلام الجيد لتمريرة الزميل (ميرغني كينيد) والتوغل والمرواغة وتخطي احد لاعبي الخصم والتقدم وتخطي لاعب ثاني
من لاعبي الخصم (عمار مرق) الذي ارتكب معه مخالفة لم تحتسب والسقوط على الارض ثم النهوض والتمركز الجيد في منطقة الـ 18
ثم مراقبة ومتابعة الكرة المعكوسة ولحظة ضربها بالهد من (العجب) القراية السليمة لمكان سقوطها والتحرك السريع وإعادة التمركز
ثم التوقيت الدقيق والباكورد وهات من جوه ..........
| |
|
|
|
|
|
|
Re: khaleel ياهندسة بص شوف السعودي بيعمل ايه (Re: keiga2000)
|
Quote: تم جميلك وجيب قون الكوبرا (زيكو) الذي قدم روشته للاعبين |
ياريت ........... ياخي ده قون ولا في الاحلام .....
تعرف عندي اتنين اصحابي هلالاب ........ كورة هلال مريخ ايام المرعب زيكو ....... يوم الكورة قاعدين بتونسوا مع بعض وانا راخي اضاني ...
واحد قال للتاني الله يكفينا شر زيكو ده .......... التاني قال ليهو والله انا لمن زيكو ده يمسك الكورة بجيني وجع بطن عديل كده ..... خليتم يسترسلوا في بث مخاوفهم
من زيكو ...... لمن هجمتهم الخلعة الدخلت فيهم اخير منها قون زيكو ..........
| |
|
|
|
|
|
|
Re: khaleel ياهندسة بص شوف السعودي بيعمل ايه (Re: omer osman)
|
خليل مافي لكن نحن هنا قاعدين ليكم ويوم رشكم قرب (وجه ضاحك حتى الفرتقة)
خليل فتح بوست وقال الهلال منتصر او الكورة تعادل وعدد أسباب كتيرة وإنشاء الله نحن فرحانين من حسي وبعدين نحن ما عندنا حاجة نخسرها يا عمر الفرق بينا ستة نقاط طلعنا من بطولتنا المحببة يعني حانجي نلعب بي نفس بارد ونرشكم بي مزاج
رواكيبكم الوراء ديل إلا تجيبوا مجروس يوقف سادومبا
الصادق
| |
|
|
|
|
|
|
Re: khaleel ياهندسة بص شوف السعودي بيعمل ايه (Re: الصادق صديق سلمان)
|
Quote: رواكيبكم الوراء ديل إلا تجيبوا مجروس يوقف سادومبا |
تعرف يا الصادق سادومبا ده انا بوقفو ليك ...........زي ده اصلو ما تخش عليهو بس تباريهو وهو جاري وانت جاري معاهو وقافل اتجاه المرمي ......
يمسك ليك الكورة ويجري بيها لمن يطلع اوت او ضربة مرمي .............. ده ما زي القندران ابو ترلة داك لفتو صعبة خلاص .....
| |
|
|
|
|
|
|
Re: khaleel ياهندسة بص شوف السعودي بيعمل ايه (Re: omer osman)
|
عمر يا سعادتك
والله كنت في الدوام وشفت البوست هسه
عبد الحميد السعودي
اعتقد عشرة سنوات في المريخ هدف واحد
شوف طمبل تلاتة اهداف في تلاتة سنوات
كليتشي تلاتة اهداف في سنة واحدة اعتقد
ميدو عندو القون الفرمالة وتاني ما بزيدو في الهلال الي ان يشطب
| |
|
|
|
|
|
|
|