|
|
|
 Re: بالأصفر لا ياجمال الوالي (Re: omer osman)
|
ياجنابو
الناس فى شنو والوصيفاب فى شنو
كل الانظار متجهة تجاه حاجتين فقط,,,
عالميا:- كاس العالم
داخليا :- اضراب الاطباء
من ناحية اتمنى بفوز المريخ بوافر من الاهداف
اذا تيسر له ذلك,,ودا ما ممكن,,لانكم طوالى مرشوشين
فى استادكم
حاليا لا بواكى على الهلال ,,حتى يستقيم الازرق
اما من الناحية الجمالية والمنفعية
مفروض توجل هذه المباراة الى ان تدب الروح
فى الجسد السودانى,,,
كسرة
طبعا انا من اليوم فى اجازة بوردية لمدة عشرين يوم,,,
الا من بوست يخص كاس العالم او مشكلة الاطباء
تحياتى
| |
 
|
|
|
|
|
|
|
|
Re: بالأصفر لا ياجمال الوالي (Re: abuguta)
|
Quote: كسرة
طبعا انا من اليوم فى اجازة بوردية لمدة عشرين يوم,,,
الا من بوست يخص كاس العالم او مشكلة الاطباء |
اسه قول الفريق البتشجعوا في كأس العالم فاز بالكأس ..... ده بمرق منك مغصة المريخ يكون راشيك اتنين بتوقيع (العجب وميدو)
| |
|
|
|
|
|
|
|
|
|
Re: بالأصفر لا ياجمال الوالي (Re: omer osman)
|
اكد باحثان انجليزيان في علووم الانسان بجامعة دورهام البريطانية و هما روسيل هيل \\ روبيرت بارتون.. ان اللون الاحمر يثير الحمية في نفوس لاعبي كرة القدم الين يرتدونه فيتفوقون نفسيا على منافسيهم حتى لو كان هؤلاء المنافسون اعلى منهم شانا على المستوى الفني.... من جانبهم يعتقد الانجليز ان الفانيله الحمراء تعطي روح التفوق للفريق الذي يرتديه مستشهدين بذلك بان المرة الوحيدة التي فازوا بها بكاس العالم كانوا يرتدون فيها فانيله حمراء وذلك عندما فازوا في نهائي كاس العالم سنة 1966 على المنتخب الالماني....
* منقول
| |
|
|
|
|
|
|
|
|
|
Re: بالأصفر لا ياجمال الوالي (Re: omer osman)
|
ويرى عالم النفس السويسري ماكس لوستشر أن تأثير الألوان في الإنسان يتجاوز البُعد النفسي، ليطاول أعضاءه وأجهزته الداخلية ويعتقد بأن الألوان في حقيقتها عبارة عن تموجات فيزيائية تحمل أنواعاً خفية من الطاقة؛ وهي تدخل الجسم بترددات طولية مختلفة، وبالتالي تؤثر حتى في العميان.
* منقول
| |
|
|
|
|
|
|
|
|
 Re: بالأصفر لا ياجمال الوالي (Re: omer osman)
|
تعرف يا عمكـ
ذكرتني في واحدة من حلقات نجوم الغد الجديدة دي جابو
مجموعة من الشباب للعرض، أها واحد فيهم لابس قميص أحمر
وكرفتة حمرا، بعد ما غنى وانتهى جا عمكـ محمد سليمان
أداهو النجيضة وهو ماشي قال ليهو: أدعو ربنا وإنت راجع ما يلاقيكـ تور!
| |
|
|
|
|
|
|
|
|
|
Re: بالأصفر لا ياجمال الوالي (Re: محمد عبد الماجد الصايم)
|
Quote: أها واحد فيهم لابس قميص أحمر
وكرفتة حمرا، بعد ما غنى وانتهى جا عمكـ محمد سليمان
أداهو النجيضة وهو ماشي قال ليهو: أدعو ربنا وإنت راجع ما يلاقيكـ تور! |
ياخي عمك ده مسيخ مساخة ............ طبعاً عندو القصة المشهورة ايام برنامجه بتاع دنيا دبنقا لمن سأل سؤال : رئيس افريقي شاعر ويجيد عدة لغات ؟
واحد جاوب قال ليهو نميري ............... عمك طوالي قال ليهو : يارااااااااجل
| |
|
|
|
|
|
|
|
|
|
Re: بالأصفر لا ياجمال الوالي (Re: خالد درق)
|
| Quote: فعلا الاحمر خطر فالمريخ لزام يكون يوم الخميس خطر فى خطر عشان غسل الرشاشات |
والله ياخالد .......... المريخ لمن يكون لابس اصفر اصلوا الكورة ما بتخش لي في رأسي ............ ياخي الاحمر ده لمن اللعيبة يجو نازلين الميدان ويجروا وينتشروا في الميدان ......... الواحد لمن شعرة جلدو تقوم ................... بس الله يدينا الفي مرادنا
| |
|
|
|
|
|
|
|
|
|
Re: بالأصفر لا ياجمال الوالي (Re: omer osman)
|
تحية --يا عمر عثمان اهديك امنياتي بالنصر للفرقة الحمراء --لكن تعليقك عن اللون الاصفر يذكرني بصديقي دكتور فتح العليم--وانا اقود سيارتي وهو بجانبي نحو مكان سكنه البعيد وزخات المطر تهمي علي سطح الزجاج ونحن نحاول السير مع استعمال المنشات --طلب مني ايقاف المنشات --وعند سؤاله عن السبب ---قال لي يستحسن ايقافها لانها- اوجعت اكتافي -- مع مودتي --
| |
|
|
|
|
|
|
|
|
|
Re: بالأصفر لا ياجمال الوالي (Re: omer osman)
|
ياودالصايم كتلتنا بالضحك والله
عمك دا راجل عجيب وسريع البديهة بي صورة ما طبيعية ابداً
يا عمر عثمان
يعني نحن شلنا كاس الممتاز خرتمية مرة ورشيناكم فيهو عشرمية مرة وكنتو لابسين الأحمر
يعني اولادكم ديل نفسياتم شنو تجاه الأحمر.
تعالوا بالأحمر او بالأصفر الرش الرش الرش
الصادق
| |
|
|
|
|
|
|
|
|
|
Re: بالأصفر لا ياجمال الوالي (Re: الصادق صديق سلمان)
|
Quote: يعني نحن شلنا كاس الممتاز خرتمية مرة ورشيناكم فيهو عشرمية مرة وكنتو لابسين الأحمر
يعني اولادكم ديل نفسياتم شنو تجاه الأحمر.
|
لو اتعلمت إحصائية لعدد المرات التى خسر فيها المريخ سيكون الست الاحمر هو الاقل .......... وان غدا لناظره قريب بس يجونا بالاحمر
| |
|
|
|
|
|
|
|
|
|
Re: بالأصفر لا ياجمال الوالي (Re: داليا الكباشى)
|
Quote: بالاحمر بالاصفـر , بالتركوازي ,
وصيتي ليكم ابقوا عشـره على الحته دي ,
شكلي كدا والله اعلـم ما بتحاوم بي جاي قريب ,
|
يادكتورة ختي في بطنك بطيخة صيفي .......... وبكرة بالليل خليك اونلاين لللاحتفال بعلقة الهليل ........... طبعا انا وناس هارون دياب ح نكون معاكم مراسلين من جوه الرد كاسل ........ لمن الكورة تقرب تنتهي اعملي (موضوع جديد) ......... اسمو (تاني بتجو ....... ك ك ك كاااااااااااااااك) مع صفارة النهاية اعملي (ارسال) وعلى مسئوليتي .................
| |
|
|
|
|
|
|
|
|
|
Re: بالأصفر لا ياجمال الوالي (Re: داليا الكباشى)
|
| Quote: لو اتعلمت إحصائية لعدد المرات التى خسر فيها المريخ سيكون الست الاحمر هو الاقل .......... وان غدا لناظره قريب بس يجونا بالاحمر |
يا عمك تعالوا بالأحمر عشان تقربوا المسافةبين الأحمر والأصفر ... وبعد داك ما حتفرق معاكم ،،،
أقول ليك حاجة : إنتو ما تلعبو كل شوط بي لون !!!
_____________________
كلام في السر: إنتو خليفة زيكو منو في تشكيلتكم؟ أدوهو النجيضة ... الظروف ما معروفة!!!
بس ما يتلايقو عليكم الأولاد حول الملعب ويرموا كورة بديلة ...
تضطرو تشوفو زيكو 2 وزيكو 3 ( ونبقى في قصة دخلت نملة واخذت حبة ومرقت)
آخر كلام: بالأحمر ..بالأصفر .. مريخكم برضو مفوَّر
| |
|
|
|
|
|
|
|
|
 Re: بالأصفر لا ياجمال الوالي (Re: أمين يحيى)
|
إزيك يا عمر ..
هسي عليكم الله يجيبو ليكم لون من وين ..
عارف قبل كم يوم شفت لي شعار لابسنه لاعبي المريخ بالأصفر والأحمر ..
والله لمن قلت إخيييييي ..
أها الأخضر ينفع معاكم ..
| Quote: ( ونبقى في قصة دخلت نملة واخذت حبة ومرقت) |
أها دي زي ما قال ليك أخونا أمين ..
دخل زيكو وأخد الكوورة ..
| |
|
|
|
|
|
|
|
|
|
Re: بالأصفر لا ياجمال الوالي (Re: محمد عادل)
|
| Quote: ههههههههههههههههه يحمل اسفارا |
شايفك يا محمد عادل ......... الكورة دي مكبر منها اللفة ....... لا وريتنا روني قال شنو ولاعلاءالدين يوسف ح يعمل شنو ؟
قلبك اباها والا شنو ؟؟
| |
|
|
|
|
|
|
|
|
 Re: بالأصفر لا ياجمال الوالي (Re: معتصم دفع الله)
|
الأخوان جنابو عمر عثمان والقرضابي .. وبقية الأعزاء ...
تحية واحتراما ...
Quote: يا جنابك
بالأحمر
بالأصفر
بالمشجر
بلون زينب |
بس الجايّه دي ياها النجيضه يا عمك ...
مع خالص حبي وتقديري للجميع ؛؛؛
| |
|
|
|
|
|
|
|
|
|
Re: بالأصفر لا ياجمال الوالي (Re: معتصم دفع الله)
|
يا جنابو الناس ديل ما دايرين ليهم تعب واختيارات
وحاتك جماعتك راقدين ام بربلي .. والله حقو نلبس ليهم الاخضر .
يا حبيب ديل جاهزين للمردقة .
| Quote: اسه قول الفريق البتشجعوا في كأس العالم فاز بالكأس ..... ده بمرق منك مغصة المريخ يكون راشيك اتنين بتوقيع (العجب وميدو) |
انا مراهن على العجب ووارغو ..
| |
|
|
|
|
|
|
|
|
|
Re: بالأصفر لا ياجمال الوالي (Re: امير عوض الجمري)
|
| Quote: مساوي ده الجندي المجهول في الهلال ومرات كتيرة بيخارجكم من زنقات بضربة رأسية |
يخارجنا بضربة راسية دي ممكن لكن جندي مجهول دا كلام جرائد ساي ..
ياخي أنا مره واحدة عايز أعرف مساوي دا لاعب شنو ..
مع العلم إنو كان مدافع في الجريف ..
| Quote: انا مراهن على العجب ووارغو .. |
كان كده رهانك خاسر يا أمير ..
ياخي ديل أتعب لاعبين في الدوري السوداني ..
غايتو وارغو دا جماعتكم تامنها ليهو ضربات جزاء ساااي ..
والعجب كان وقع كترة الـ ....
الله كريم غايتو 
إزيك ياخ ومشتاقوون ..
| |
|
|
|
|
|
|
|
|
|
Re: بالأصفر لا ياجمال الوالي (Re: امير عوض الجمري)
|
| Quote: انا مراهن على العجب ووارغو .. |
انت عارف يا امير انا ما عارف ليك نفسيات الجماعة ديل ........ والله قون العجب ده بحرقم ليك كيف جمرة بس
يعني احسن ليهم يتغلبوا تلاتة صفر من واحد صفر يجيبو العجب ......
| |
|
|
|
|
|
|
|
|
|
Re: بالأصفر لا ياجمال الوالي (Re: غباشي)
|
عمر عثمان
سلامات
السنه الفاتت نفس الكلام والثقه الزائده
الهلال مهزوم مهزوم
وكمان ضامنين الفوز على الهلال والسته نقاط فى الاندية ابطال افريقيا
وفاز عليكم الهلال بى جدارة واستحقاق
فى ابطال افريقا وكنتم الطيش بى جدارة
وفضيحة التلاتات تعادل وهزائم
وشلنا الدورى وكاس السودان
يعنى نفس الكلام واكيد ح تكون نفس النتائج
رغم انو الهلال بيمر بى مرحلة عصيبة وعدم استقرار
والوضع داخل الديار الزرقاء غير مطمئن
بنقول ليكم.
لا تحلموا بى عالم سعيد
لمن تلعبوا ضد الهلال
ابقى اظهر بكرة وما تختفى
تخريمة
امير الجمرى سلامات من على البعد
وكفارة ليك مقدما
| |
|
|
|
|
|
|
|
|
|
Re: بالأصفر لا ياجمال الوالي (Re: أحمد ابراهيم عثمان)
|
جنابو اعمل حسابك
و الله مع اضراب الدكاترة دا خايفين عليك من عسر الهضم و نبقي في العلاج البلدي
كدي ادينا النجيضة: بعد الكوره دي بوستك دا حتوديهو المكتبة و لا حتكبر اللفه
قال الوان كدا و علم نفس قال
سا سا سا............
| |
|
|
|
|
|
|
|
|
|
Re: بالأصفر لا ياجمال الوالي (Re: OSMAN SAYED MOHAMED)
|
سلامات
المريخ ده ما يحلو إلا بالأحمر يا جنابو
زمان لما كنت بحضر التمارين كنت بشجع الأحمر ولو كان الأصفر هو المرشح!!
أجمل وأكبر انتصارات المريخ كانت بالأحمر خاصة مع الرشاشات..
الأحمر
الأحمر
الأحمر
نضمن الفوز بالثلاثة..
تحياتي
| |
|
|
|
|
|
|
|
|
|
Re: بالأصفر لا ياجمال الوالي (Re: Abdlaziz Eisa)
|
Quote: سلامات
المريخ ده ما يحلو إلا بالأحمر يا جنابو
زمان لما كنت بحضر التمارين كنت بشجع الأحمر ولو كان الأصفر هو المرشح!!
أجمل وأكبر انتصارات المريخ كانت بالأحمر خاصة مع الرشاشات..
الأحمر
الأحمر
الأحمر
نضمن الفوز بالثلاثة..
تحياتي |
ده الكلام يا عبدالعزيز ....... الاحمر ده ما بعمل ليهم العصبي عديل كده ..........
| |
|
|
|
|
|
|
|
|
|
Re: بالأصفر لا ياجمال الوالي (Re: أحمد ابراهيم عثمان)
|
Quote: علي قولك
الاصفر ما حلو الا في المنقة
لكن يا عمك المشكلة مافي الاصفر المشكلة في سادومبا (: |
سادومبا صحي مشكلة ........ لكن مشكلة للهلال مكسب للمريخ ......... ياخي معقولة اشجع لي فريق مهاجمو سادومبا
| |
|
|
|
|
|
|
|
|
|
Re: بالأصفر لا ياجمال الوالي (Re: omer osman)
|
الاخ عمر
لو عاوز( تظفر )البس أحمر
وانشاء اللة الليلة ظافرين ومنتصرين
الجماعة دفاعهم شوارع عدييييييل الليلة
والمابجيب قون فى الهلال الليلة تانى عمرو مابجيب قون
وقول يارب
| |
|
|
|
|
|
|
|
|
|
Re: بالأصفر لا ياجمال الوالي (Re: معاوية محمد الحسن)
|
Quote: الاخ عمر
لو عاوز( تظفر )البس أحمر
وانشاء اللة الليلة ظافرين ومنتصرين
الجماعة دفاعهم شوارع عدييييييل الليلة
والمابجيب قون فى الهلال الليلة تانى عمرو مابجيب قون
وقول يارب |
سلام يامعاوية ياصفوة ياراقي ........ يارب يارب ياحنان يامنان ....... تدينا الفي مرادنا
| |
|
|
|
|
|
|
|
|
|
Re: بالأصفر لا ياجمال الوالي (Re: omer osman)
|
صباح الخير يا جنابو
عليك الله بعدين أبقى عشرة على ولدنا هارون دياب
بعد الكورة ما تخليه إلا توصلو بيتهم بالسلامة
______________________
معليش ياخ نسيت أسألك إنت البوصلك منو!!!؟
| |
|
|
|
|
|
|
|
|
|
Re: بالأصفر لا ياجمال الوالي (Re: أمين يحيى)
|
Quote: صباح الخير يا جنابو
عليك الله بعدين أبقى عشرة على ولدنا هارون دياب
بعد الكورة ما تخليه إلا توصلو بيتهم بالسلامة
______________________
معليش ياخ نسيت أسألك إنت البوصلك منو!!!؟ |
ونحن ماشين وين يا امين .......... بعد الكورة ح ننزل نحتفل مع اللعيبة وبعد داك ح نعمل مسيرة واحتمال نلف لحدي الصباح ........ الفجر قايمين انا وهارون ماشين الرياض لودالصايم ...... لمن يفتح لينا الباب نقول ليهو كااااااااااااااااااااااااك ونرجع المطار طوالي ......... لو في الرياض ممكن نديك غشوة برضو
| |
|
|
|
|
|
|
|
|
|
Re: بالأصفر لا ياجمال الوالي (Re: omer osman)
|
| Quote: تدافعت أعداد كبيرة من جماهير المريخ لمتابعة مران الفريق الختامي أمس، واحتشدت منذ وقت مبكر أمس وكان الجهاز الفني فتح الأبواب أمام الجماهير بعد أن كان أغلق التدريبات التي سبقت مران الأمس، وأجرى المدرب كاربوني تقسيمة بين الفريق الأحمر والأصفر انتهت بفوز الأول 3-1، وكان لاسانا أحرز هدفين وآخر لطارق مختار فيما احرز هدف الفريق الآخر نجم الدين عبدالله. وكان جمال الوالي رئيس النادي وأعضاء المجلس حضروا التدريب الختامي أمس. |
حتى في التمارين الأحمر يكسب ......
| |
|
|
|
|
|
|
|
|
|
Re: بالأصفر لا ياجمال الوالي (Re: معاوية محمد الحسن)
|
Quote: ياعمر
ياخي نسيت اسالك
أنت جمال والى الجن حتى اللبس مسؤل منو هو
|
زمااااااان في كرة الدافوري الزول البشتري الكورة هو البحدد البلعب منو والما بلعب منو ........ اها عمك ده بقي سيد الكور والفنايل
Quote: تخريمة
ياخي رجعوا لينا هارون ده ..قول ليهو الدوحة فاقداك وتحياتنا له |
هارون جابو الزمان وعجبو البكان ........... شرط جوازو وقال تاني ما راجع ...........
| |
|
|
|
|
|
|
|
|
|
Re: بالأصفر لا ياجمال الوالي (Re: omer osman)
|
| Quote: والله العظيم ياعمر انا حقيقة ما عارف كيف زول يشجع الهلال |
عمر
ذكرتنى لقاء صحفي مع الأمير الراحل عبدالرحمن بن سعود رئبس نادى النصر السعودى المعروف بكراهيته الشديدة للهلال السعودى فسالوه هل لديك ابناء يشجعون الهلال ؟ فقال لا لانو الحمد للة انا ماعندى بنات
عمر ياخوى كدى تحت تحت طمئنا على مشاركة وارغو انت قاعد فى السودان
| |
|
|
|
|
|
|
|
|
|
Re: بالأصفر لا ياجمال الوالي (Re: omer osman)
|
نهارك سعيد يا جنابو
| Quote: والله العظيم ياعمر انا حقيقة ما عارف كيف زول يشجع الهلال ......... |
قال ليك واحد مشى يخطب بت ... ابوها حقق معاهو في كل حاجة مما إتولد ولغاية ما دقّ ليهم الباب فشعر بإرتياح كبير ناحية الولد، المهم قال ليه عندي آخر سؤال ليك بحدد لي حاجات كتيرة : دحين إنت هلالابي ولا مريخابي؟
قال ليك الولد راسو ضرب (هسة الحاج دة أقول ليه هلالابي يطلع لينا مريخابي أوالعكس .. يقوم يطرشق لينا الخطوبة دي)
في النهاية قرر يقول الحقيقة .. قال ليه يا حاج أنا وبكل شرف مريخابي
طوالي بارك ليه وفِرح بيح فرح شديد!!!
بعد سنة من العرس الولد محتار في نسيبو الطلع هلالابي قال إلا يسألو من السبب الخلاه يبارك ليه طوالي لما عرفو مريخابي
عمك قال ليه : (والله يا ولدي ال صبرك على المريخ دة قطع شك ما بخليك تتلوم في بتّي) ....
_________________________
يا جنابو والله الصبر عندكم!!!
ويبقى الود
| |
|
|
|
|
|
|
|
|
|
Re: بالأصفر لا ياجمال الوالي (Re: أمين يحيى)
|
كااااااااااااااااااااااااااااااااااااااااااااااااااااااااك
جنابو حزرناااااااااااااااااااااااااااااااااااااااااااااك
و تاني ككككككككككااااااااااااااااااااااااااااااااااكككككككككككككك
| |
|
|
|
|
|
|
|
|
|
Re: بالأصفر لا ياجمال الوالي (Re: ashraf mukhtar)
|
مساء الخير يا جنابو ...
| Quote: بالأحمر لا ياجمااال |
________________
إنتو ما تجربو الأخضر اللعبتو بيه مع الترجي
بالمناسبة الفرق بين الغلب بالأحمر والغلب بالأصفر كم!!!؟
ياخ إن شاء الله ولدنا هارون ما قصرت معاه :: قلت لي كااااااااا شنو ؟
| |
|
|
|
|
|
|
|
|
|
Re: بالأصفر لا ياجمال الوالي (Re: محمد عبد الماجد الصايم)
|
صباح الخير يا جنابو ...
جمعت ولا لسة !!!!؟
يا ود الصايم إنت جنابو وهارون دياب ديل أكيد ما جوك في البيت ؟
الناس ديل مفودين ... آخر كلام قالوهو إنو بعد الكورة مباشرة جاينك في السعودية عشان يقولو ليك كااااااااااااااااااك ...
ويقول أهل اللغة العربية (عن الكاف الآخيرة أنها منقلبة عن ريكـــــا) فأصلها كاااااااريكا
__________________
ياخ أنا قلبي كان حاسّي قلت لجنابو يوصل هارون ويطمئن عليه ... وبعدين سألتو عن البوصلو هو زاتو منو ؟
غايتو جنس دة أصلو ما شفناهو
سؤال آخير : إنتو المحجرة دي إستاد ولا كمين !!!؟
| |
|
|
|
|
|
|
| |
omer osman
ALGARADABI
abuguta
محمد عبد الماجد الصايم
محمد الكامل عبد الحليم
الصادق صديق سلمان
داليا الكباشى
معتصم محمد صالح
جمال الباقر
أمين يحيى
معتصم دفع الله
محمد عادل
إدريس محمد إبراهيم
امير عوض الجمري
Hisham Ibrahim
غباشي
ahmed khidir
أحمد ابراهيم عثمان
OSMAN SAYED MOHAMED
Abdlaziz Eisa
معاوية محمد الحسن
khaleel
omar arbab
عمران حسن صالح
أمين محمد سليمان
عمار يس النور
الفاتح سليمان
ashraf mukhtar
Mohamed Foto7li
محمد علي شقدي
Gaafar Ismail
البدري عبد الله
MOHAMMED ELSHEIKH
فيس بوك
تويتر
انستقرام
يوتيوب
بنتيريست