|
|
|
 Re: المجد عوفي إذا عوفيت / يا شاعرنا المبدع فضيلي جماع (Re: د.ناهد محمد الحسن)
|
الاخوة الكرام
الطيب بشير
نطاسنا البارع طراوه
كلم منى اطيب الامنيات
الدكتورة ناهد
نحمد الله بتشريفك ايانا في هذا البوست الذى تعطر باحرفك الجميلة
عزيزي ابو قصى
Quote: أخونا شيخ شيوخ البطانة مولانا الطيب شيقوق والرفاق بالسلطنة عموم
حمدا علي سلامتكم الأثنين مولانا من الأجازة وفيضلي من ثواب الأجر صحة وعافية
ودشيقوق ليك فراق تركته قدر المرافعة وصدور الحكم ياقاضي غرامنا. |
المجد لك ايها الحبيب الاول .
الاستاذ فضيلي
كتلتني خلاص بناسك الكتار الله يزيدهم
| |
 
|
|
|
|
|
|
|
|
Re: المجد عوفي إذا عوفيت / يا شاعرنا المبدع فضيلي جماع (Re: الطيب شيقوق)
|
Quote: الاستاذ فضيلي
كتلتني خلاص بناسك الكتار الله يزيدهم |
يعني يا الطيب نحن كان غالبنا ؟
يعني كنا الوكت دا كلو راجين جيتك من الدندر شان تفتح الفتحه دي؟
| Quote: انشاء الله يزورنا ويغطسنا ويودينا في ستين الف داهية اصلنا ما مارقين منها يا اختي |
يا شيقوق محمد ودالرضي قال : يا جرح غَوِّر إنشالله ما بريت
فضيلي ، سألتك بالله سيبو براهو وزي ما قال أبراهيم عوض أصبر خليهو المنبر بيوريهو.
عنّو ما مرق منها
| |
|
|
|
|
|
|
|
|
|
Re: المجد عوفي إذا عوفيت / يا شاعرنا المبدع فضيلي جماع (Re: محمد المرتضى حامد)
|
مولانامحمد المرتضى .. أنا شايفك شايت في كل الاتجاهات. مرات تحريض للزاكي عبدالحميد في إشاعتو المغرضة عن المصدر الكان بقدل بسيارتي الجديدة وحماهم زيارتي على حسب زعمو!!!! والدور دا ضرب تحت الحزام لشيخ العرب ود شيقوق....وإنت عارف ود شيقوق مرهف ورهيف .. ومن غير تذكر ليه أبيات شاعر الحب ودالرضي هو أصلا وحلان !!!!!! يعني مكتول قبال تهز ليه الحبل !!
خش الميدان جوة أو كون في مسطبة المشجعين يا مولانا، لكن شغل المديدة حرقتني دا ياهو التلاعب بالقانون ذاتو..ولما سدنة القانون يلعبوا بيه نحن الرجرجة والدهماء نرقص على جثتو !!
| |
|
|
|
|
|
|
|
|
|
Re: المجد عوفي إذا عوفيت / يا شاعرنا المبدع فضيلي جماع (Re: د.ناهد محمد الحسن)
|
الشاعرة والطبيبة البارعة/ الدكتورة ناهد محمد الحسن
سلمت من كل شر. بانتظار بعض نصوصك..فالقليل الذي قرأته لك زادني فضولا ورغبة في التلصص على عالم الطبيبة حين تغوص في أغوار النفس لتقول لنا شيئا يجمع بين مبضع الجراحة وسحر القلم.
أكتبي لنا عالمك يا دكتورة..عالمنا المخبوء عندك، فإن أكثر ما نفتقد هذه الأيام النطاسي الأديب على صورة مثيلةلصورة العلامة التجاني الماحي.
| |
|
|
|
|
|
|
|
|
|
Re: المجد عوفي إذا عوفيت / يا شاعرنا المبدع فضيلي جماع (Re: حليمة محمد عبد الرحمن)
|
أختي الأديبة حليمة محمد عبدالرحمن
سعيد بإطلالتك المباركة ودعائك لي بالعافية التامة. تقبل الله منك.
ضحكت وأنا بقرا في كلامك عن الزولة الضهبانة عليك..
| Quote: شكرا لهذه المناسبة التي (لمتني) في زولة (ضهبانة) علىّ.. |
تؤمني بالله يا حليمة إنت وصاحبتك الإتنين ضهبانات على أنا لآكتر من شهر (راجعي ماسينجرك)..هي غايتو جات وفي يدها حزمة أعذار ولفة طويلة من الخرطوم لي واو للدمازين وأظن بلاد واق الواق. كمان بتقول كانت عيانة..أتاريهم الدكاترة بمرضوا كمان ؟؟؟
على كل حال يمكنك التواصل معها الآن ..وسلمي لي عليها لحدي ما عيني تفتح كويس وبعد داك لكل مقام مقال.
تحياتي للأسرة الكريمة.
| |
|
|
|
|
|
|
|
|
|
Re: المجد عوفي إذا عوفيت / يا شاعرنا المبدع فضيلي جماع (Re: الطيب شيقوق)
|
Quote: يا سلالالالالالالالالالالالالالالالالالالالالالام عليك وعلى رقتك وذوقك يا تراجي....لامن تبردي النفس شوية وتقللي من المصادمة. أعرف أنك ستقولين لي: مكرهة أختك!َ أصدقك، وأعرف أن في داخل كل منا سحابة صيف لو أمطرت على جدب نفوسنا لاخضرت جوانبنا وسالت أودية المحبة في كل ناحية. والغضب والحزن حتى الإحباط هما قدر جيلنا ياأختي.ا
سامحيني إن خلطت بين العام والخاص. تحيتك الرقيقة أسعدتني..وناس مسقط أرهقوني حبا..يعني باختصار خربوا طبعي حبتين!! |
ما خاتي عليك يا ابا شراز احبوك لانك تبدع في مخاطبة اغلى ما نملك واغلي ما يملكن !!!!!!!!!!!!!!!!!!!!!!!!!
| |
|
|
|
|
|
|
|
|
|
Re: المجد عوفي إذا عوفيت / يا شاعرنا المبدع فضيلي جماع (Re: الطيب شيقوق)
|
| Quote: والدور دا ضرب تحت الحزام لشيخ العرب ود شيقوق....وإنت عارف ود شيقوق مرهف ورهيف .. ومن غير تذكر ليه أبيات شاعر الحب ودالرضي هو أصلا وحلان !!!!!! يعني مكتول قبال تهز ليه الحبل !! |
والله يا فضيلي شيقوق دا بهار المنبر ولا شك في شفافيته ، أما رهافتو دي فأشهد له بها
وزي ما قال واحد صاحبي : فلان ده شدة ما هادي ورهيف ممكن يستمتع بشريط فاضي.
| |
|
|
|
|
|
|
|
|
|
Re: المجد عوفي إذا عوفيت / يا شاعرنا المبدع فضيلي جماع (Re: محمد المرتضى حامد)
|
اخي النبيل الوفي الاستاذ الطيب شيقوق
مليون سلامة لشاعرنا العظيم والجميل الاستاذ فضيلي جماع وهو دين علينا مستحق ان نطمئن علي صحة قاماتنا وصروحنامن ضمخوا وجداناتنا بالمعاني المترعة بقيم الخير والجمال
والاخلاق...فهم اولي بمعروفنا وثنائنا لنوفيهم بعضا من حقوقهم علينا في زمن شح فيه الوفاء ولا خير في امة لا تحسن الوفاء لصناع مجدها ونهضاتها.
محبتي واحترامي
| |
|
|
|
|
|
|
|
|
|
Re: المجد عوفي إذا عوفيت / يا شاعرنا المبدع فضيلي جماع (Re: محمد المرتضى حامد)
|
Quote: والله يا فضيلي شيقوق دا بهار المنبر ولا شك في شفافيته ، أما رهافتو دي فأشهد له بها
وزي ما قال واحد صاحبي : فلان ده شدة ما هادي ورهيف ممكن يستمتع بشريط فاضي. |
المرتضى يا صديقي..ضحكتني شديد وإنت عارف أنا اليومين ديل ممنوع من الانفعالات ومنها الضحك البشرط سيدو داك. يعني قلت لي شيخ العرب من رهافتو بكتلو الطرب من غير ما يكون في غنا حتى !!! الكترابة!!! دي رهافة تودي سيدها ام طرقا عراض.
| |
|
|
|
|
|
|
|
|
|
Re: المجد عوفي إذا عوفيت / يا شاعرنا المبدع فضيلي جماع (Re: الزاكى عبد الحميد)
|
Quote: العزيز مرتضى
لوجودك متعة خاصة.. |
أخوناالأديب الزاكي عبدالحميد..شايفك اليومين ديل عامل حلف الناتو مع الأفكاتو أبوأكرم. سويت ليك عملة سودا وعايزو يحلك منها ولا شنو؟
Quote: شاعرنا الكبير فضيلي:
افتكر ما بننتظرك أكتر من كدة..
المحاضرة منتظراك..منتظراك |
عالم ما تستحي..متين ربنا رجع لي الشوف وعايزين كمان تطبزوا لي عيني التانية!! كان يا ناس لجنة النادي راجيني أسوي محاضرة شوفوا ليكم قبلة صلوا عليها !! أنا يا دابك مسموح لي بعد مضي شهر عشان أسوق سيارتي لمسافات محدودة !!
| |
|
|
|
|
|
|
|
|
|
Re: المجد عوفي إذا عوفيت / يا شاعرنا المبدع فضيلي جماع (Re: siddieg derar)
|
| Quote: يعني قلت لي شيخ العرب من رهافتو بكتلو الطرب من غير ما يكون في غنا حتى !!! الكترابة!!! دي رهافة تودي سيدها ام طرقا عراض. |
بالله يا الزاكي شوف فضيلي صاحبك دا داير يفتني مع شيقوق كيفن،
أنا قصدي شريف في وصف الرهيف الحريف انو بيتمتع بخاصية الجلاء السمعي clair audience شان
كده بيستمتع بسماع الشريط الفاضي يقوم يقول أنا قلت الطيب مسك الدَرِب في طريقه لأم طرقا عراض؟
قال جلاء سمعي قال.
| |
|
|
|
|
|
|
|
|
|
Re: المجد عوفي إذا عوفيت / يا شاعرنا المبدع فضيلي جماع (Re: الزاكى عبد الحميد)
|
استاذتي حليمة عبد الرحمن
Quote: شكرا لك على طمأنتنا على صحة اديبنا العظيم، الاستاذ فضيلي جماع..
استاذنا الفاضل، فضيلي، حمدا لله على سلامتك..وانشاء الله ما تشوف شر..
شكرا لهذه المناسبة التي (لمتني) في زولة (ضهبانة) علىّ.. |
بالصدفة وقعت في كلامك الحنين وحلو ده وطالما انت كلك طليت بهنا والله امانة ما بوستينا جلب
لك عميق مودتي
| |
|
|
|
|
|
|
|
|
|
Re: المجد عوفي إذا عوفيت / يا شاعرنا المبدع فضيلي جماع (Re: الزاكى عبد الحميد)
|
ابو شراز
| Quote: ومن غير تذكر ليه أبيات شاعر الحب ودالرضي هو أصلا وحلان !!!!!! يعني مكتول قبال تهز ليه الحبل !! |
تقطعوا ساى لكن فرقي منكم انا بجلبق بالجواى وبرتاح لكن خايف القاكم انت والمرتضى والزاكي زى ما لقى احمد حماد ادريس خاله الفنجري يبكي عند وفاة واحدة وقاعد في الواطة بتوب الدمور الجميل ماسكلو تاتيبة (دقاقة) تحت راكوبة يبكي براهو واكتشفوا انو كان مغرب بالمرحومة من صباهو .
هييييييييييييييع انا الكلس
| |
|
|
|
|
|
|
|
|
|
Re: المجد عوفي إذا عوفيت / يا شاعرنا المبدع فضيلي جماع (Re: الزاكى عبد الحميد)
|
الاخت نجلاء
شكرا ليك ويا ريت تعاودينا تاني
الاخ الزعيم هشام هباني
Quote: اخي النبيل الوفي الاستاذ الطيب شيقوق
مليون سلامة لشاعرنا العظيم والجميل الاستاذ فضيلي جماع وهو دين علينا مستحق ان نطمئن علي صحة قاماتنا وصروحنامن ضمخوا وجداناتنا بالمعاني المترعة بقيم الخير والجمال
والاخلاق...فهم اولي بمعروفنا وثنائنا لنوفيهم بعضا من حقوقهم علينا في زمن شح فيه الوفاء ولا خير في امة لا تحسن الوفاء لصناع مجدها ونهضاتها.
|
شكرا يا جنى هباني وفعلا لاخير في امة لا تحسن الوفاء لصناع مجدها
| |
|
|
|
|
|
|
|
|
|
Re: المجد عوفي إذا عوفيت / يا شاعرنا المبدع فضيلي جماع (Re: الطيب شيقوق)
|
المرتضى
Quote: أنا قصدي شريف في وصف الرهيف الحريف انو بيتمتع بخاصية الجلاء السمعي clair audience شان
كده بيستمتع بسماع الشريط الفاضي يقوم يقول أنا قلت الطيب مسك الدَرِب في طريقه لأم طرقا عراض؟ |
ما دام المنبر فيهو دكتورة ناهدة العاملة في التجاني الماحي ما تخافوا على طاااااااااااب
| |
|
|
|
|
|
|
|
|
|
Re: المجد عوفي إذا عوفيت / يا شاعرنا المبدع فضيلي جماع (Re: الطيب شيقوق)
|
Quote: ما دام المنبر فيهو دكتورة ناهد العاملة في التجاني الماحي ما تخافوا على طاااااااااااب
|
يا شيخ العرب ما تستعجل ،قالوا العجلة من الشيطان. ويا اخوى عندي ليك سعال:إنت بتعرف العلاج اللي دكتورة ناهد قاعدة تستقبل بيهو زوارها من المرضانين في عيادتها الفي التجاني الماحي؟ صعقة كهربائية تقوم منها تهلوس بالذي حصل والماحصل بالمرة !!!!
| |
|
|
|
|
|
|
|
|
|
Re: المجد عوفي إذا عوفيت / يا شاعرنا المبدع فضيلي جماع (Re: محمد المرتضى حامد)
|
]Quote: بالله يا الزاكي شوف فضيلي صاحبك دا داير يفتني مع شيقوق كيفن،
أنا قصدي شريف في وصف الرهيف الحريف انو بيتمتع بخاصية الجلاء السمعي clair audience شان
كده بيستمتع بسماع الشريط الفاضي يقوم يقول أنا قلت الطيب مسك الدَرِب في طريقه لأم طرقا عراض؟ |
[/
يا المرتضى بي كلامك دا أثبت إنك فعلا محامي فيرست كلاس ..يعني من العينة أبوكديس !!! شوفوا يا اخوانا الزول دا كلامي قصقصوا وعمل ليه إعادة صياغة كيفن؟
وبعدين يا مولانا.......حلوة حكاية (جلاء سمعي) دي !! ويا شيخ العرب ود شيقوق ..خم وصر !!
| |
|
|
|
|
|
|
|
|
|
Re: المجد عوفي إذا عوفيت / يا شاعرنا المبدع فضيلي جماع (Re: jini)
|
أخونا و أستاذنا / فضيلي جماع ،
ألف حمد لله على سلامتك وسلامة عينيك .. نورٌ على نور ..
فرحنا بنجاح العملية .. فابتهجت كل النفوس في حوش بكري الماهل ..
وازدانت المداخلات بحلو الكلام وعميق المشاعر .. واهتزت الأقلام بالتهاني
وأعلنت دوام المحبة لك .. والحمد والشكر للمولى الذي والاك بالعافية
وجعل نظرك حديد ( ما شاء الله تبارك الله ) .. وكما قال أحدهم :
ولاح فجر التهاني بالبشائر إذا ** حيَّت فأحيت ربوع الفضل والأدب ..
كيف لا وأنت أستاذنا عين الأشعار .. شفيت أنت فشفي الشعر بعد أن
أضحى طرفه كليلا .. وفؤاد الأدب فينا عليلا ..
الحمد لله الذي زال عنك عناء ورهق داء العيون .. ووافاك بكامل الشفاء
فكان شفاء عينيك (برداً وسلاماً) على قلوب كل مواطني سودانيز أون لاين ..
كل القلوب .. وقميص يوسف في (أجفان) يعقوب ، ودعني أستعير قول القائل :
فلك الهناء بصحةٍٍ ميمونةٍٍ ** أبداًً على مر الدهور تدوم .
و .. من الشكر مدرارا ومن طيب أطيبه لأستاذنا الكبير الطيب شيقوق .
مع أمنياتي لكم بدوام الصحة والعافية .
مودتي ،
( ليمو )
| |
|
|
|
|
|
|
|
|
|
Re: المجد عوفي إذا عوفيت / يا شاعرنا المبدع فضيلي جماع (Re: abdulhalim altilib)
|
Quote: الحمد لله الذي زال عنك عناء ورهق داء العيون .. ووافاك بكامل الشفاء
فكان شفاء عينيك (برداً وسلاماً) على قلوب كل مواطني سودانيز أون لاين .. [/QUOTEabduا
أخي الفاضل
abdulhalim
altilib
سعدت بدعواتك الطيبات وكلامك الراقي. أؤكد لك أن مواطني سودانيز اونلاين -هذا الوطن الإفتراضي الجميل أعطوني اكثر مما استحق., أكرر شكري الجزيل لك.
| |
|
|
|
|
|
|
|
|
|
Re: المجد عوفي إذا عوفيت / يا شاعرنا المبدع فضيلي جماع (Re: AMNA MUKHTAR)
|
Quote: شفاك الله وعافاك يا أستاذنا
وألبسك ثوب الصحة والعافية .
|
الجميلة والأصيلة/ آمنة مختار..شكرا على بطاقة الأمنية لي بالشفاء من جراحة العين. يفتقدك قراؤك في المنبر يا آمنة وأنا واحد منهم. لا تنحني للعاصفة..فنحن في عالم لا يعير اهتماما بالضعفاء. كوني كما عرفتك في هذا المنبر ، صاحبة قضية لا يسكت لها صوت.
| |
|
|
|
|
|
|
|
|
|
Re: المجد عوفي إذا عوفيت / يا شاعرنا المبدع فضيلي جماع (Re: salah elamin)
|
شاعرنا الكبير فضيلي..
| Quote: عالم ما تستحي..متين ربنا رجع لي الشوف وعايزين كمان تطبزوا لي عيني التانية!! كان يا ناس لجنة النادي راجيني أسوي محاضرة شوفوا ليكم قبلة صلوا عليها !! أنا يا دابك مسموح لي بعد مضي شهر عشان أسوق سيارتي لمسافات محدودة !! |
من متين انت قاعد تحاضر من شي مكتوب في ورق..
نحن عايزين الفي الراس ما الفي الكراس..
العزيز فضيلي:
نحن صحتك بتهمنا كثير ودعنا نجتر أصداء محاضراتك السابقات ففيها الكثير
مما يروي ظمأ العطشى من أعضاء النادي لشعرك وهمو كثر..
لك من الاحترام رحيقه أيها الصديق..
الزاكي
| |
|
|
|
|
|
|
|
|
|
Re: المجد عوفي إذا عوفيت / يا شاعرنا المبدع فضيلي جماع (Re: الزاكى عبد الحميد)
|
كتب أخوناالأديب/الزاكي عبدالحميد لما قلت ليه ياخي ما بقدر أعمل ليكم محاضرة في النادي لآن مداراة المؤمن علي عينو حسنة..وعيني لسع بتشوف طشاش طشاش ، كتب يقول:
Quote: من متين انت قاعد تحاضر من شي مكتوب في ورق ..
نحن عايزين الفي الراس ما الفي الكراس.. |
شفتو عينة الاستهبال دا ؟؟ ألحقني يا الأفوكاتو محمد المرتضى..صاحبك الزاكي داير يبيع لي الترماي !
| |
|
|
|
|
|
|
|
|
|
Re: المجد عوفي إذا عوفيت / يا شاعرنا المبدع فضيلي جماع (Re: فضيلي جماع)
|
قلنا ندخل بعد شقيقى صلاح " كبيرنا الذى علمنا السحر" عموما تسلم عيون اول ما "رات فى الكون" حبسه البشارى اسكنها المولى فسيح جناته وبعثها مع مريم والساره وهاجر وزليخه زوج فرعون وخديجه وصفيه وفاطنه الزهراء ..امين.......
لا اعلم هاتفك بمسقط " تحياتى لها من الخوض الى مطرح"وعلمت من مداخله لشيقوق ان ام شيراز بمسقط وانه تذوق طعامها الحلال وطعام اسيا الطاعم يا شيقوق ليس وليد اليوم والقصه تطول لذا يا استاذ لم اتصل بهاتف دارك بلندن باعتبار ناس اسيا معك عموما : العيون النوركن بجهرا
غير جمالكن مين السهرا....
احمد الامين احمد اما كيكى فربما ياتى " مع قطار الثامنه" او كما قال صديقك القديم كمال الجزولى
| |
|
|
|
|
|
|
|
|
|
Re: المجد عوفي إذا عوفيت / يا شاعرنا المبدع فضيلي جماع (Re: احمد الامين احمد)
|
| Quote: تسلم عيون اول ما "رات فى الكون" حبسه البشارى اسكنها المولى فسيح جناته وبعثها مع مريم والساره وهاجر وزليخه زوج فرعون وخديجه وصفيه وفاطنه الزهراء ..امين....... |
الإبن الأديب والباحث/احمد الامين
لم يخالجني الشك مطلقا أن انقطاع اخبارك عني له ما يبرره. نسيت وسط زحمة محاولة الاستقرار في مسقط من جديد ان أبعث إليك برقم هاتفي (سأبعثه لك في رسالة داخلية).
رحم الله الآنصارية العابدة حبسة حسب الله البشاري..سألت الله رضاها قبل اسبوعين وأنا في طريقي إلى غرفة الجراحة. تعرف جيدا كيف طبعت هذه السيدة حياتي ووجداني. كانت وما زالت أجمل وأبرك من وقعت عليه عيني. رحمة الله تغشاها وسقى قبرها الغمام.
سلمت وسلم قلبك النبيل. كن بخير أيها الآصيل.
| |
|
|
|
|
|
|
|
|
|
Re: المجد عوفي إذا عوفيت / يا شاعرنا المبدع فضيلي جماع (Re: الطيب شيقوق)
|
| Quote: هييييييييييع ود المنسي كتر خيرك و لو ما الغائب عذره معاهو اكان قلنا ليك دى ما المحرية فيك اتخرت بالحيل . |
عقيد الدندر / الطيب
تحية يا جميل
والله العذر للبصر مو البصيرة ما رأيت البوست هذا ألا مؤخراً الأستاذ الشاعر المرهف فضيلي جماع قامة شامخة فينا وتأخرنا نرجو له العذر ... ولك للشاعر الجميل العذر حتى ترضوا
ومن اليوم يا ود شيقوق علمت علي اسمك بالاحمر حتى أقرأ لك كل ما تكتب اول بأول .. أرجو العذر أنا مقصر وخاصة في حق مرض هذا الرجل الجميل
| |
|
|
|
|
|
|
|
|
|
Re: المجد عوفي إذا عوفيت / يا شاعرنا المبدع فضيلي جماع (Re: خالد علي محجوب المنسي)
|
Quote: تحية يا جميل
والله العذر للبصر مو البصيرة ما رأيت البوست هذا ألا مؤخراً الأستاذ الشاعر المرهف فضيلي جماع قامة شامخة فينا وتأخرنا نرجو له العذر ... ولك للشاعر الجميل العذر حتى ترضوا
ومن اليوم يا ود شيقوق علمت علي اسمك بالاحمر حتى أقرأ لك كل ما تكتب اول بأول .. أرجو العذر أنا مقصر وخاصة في حق مرض هذا الرجل الجميل |
هيييييييييييع دى المحرية فيك وحرم الما بريدك ما بعاتبك يا شيخ العرب وفضيلي ده الوزين كلو جاء متلب يكفر ليهو تقول عندو عرق بنده الاعمى شائل الكسيرة بس اللمة فاقداك ولو ما حركناك كده اكان كتبت لينا كلمتين حقات مجاملة زى المسكول بس .
| |
|
|
|
|
|
|
|
|
|
Re: المجد عوفي إذا عوفيت / يا شاعرنا المبدع فضيلي جماع (Re: Marouf Sanad)
|
| Quote: هيييييييييييع دى المحرية فيك وحرم الما بريدك ما بعاتبك يا شيخ العرب وفضيلي ده الوزين كلو جاء متلب يكفر ليهو تقول عندو عرق بنده الاعمى شائل الكسيرة بس اللمة فاقداك ولو ما حركناك كده اكان كتبت لينا كلمتين حقات مجاملة زى المسكول بس . |
عقيد الدندر تسلم يا القدامي ماكَ الوخري
ما بغباني حبكم وريدكم لكن والله غمز الوجيعة طعن في الجوف .. كيفن عاد يمرض الالهمام القامة ونحن ما نجيب خبرو .. كيفنو عاد اللوم والله اللوم راكبنا من فوق لي تحت.
| |
|
|
|
|
|
|
|
|
|
Re: المجد عوفي إذا عوفيت / يا شاعرنا المبدع فضيلي جماع (Re: خالد علي محجوب المنسي)
|
| Quote: يا ودالمنسي يا أصيل..عارفك زول واجب ونص وخمسة. تحياتك وأمنياتك الطيبة وصلت. لك من الشكر أجزله أبها الأخ الكريم. |
الأستاذ فضيلي جماع
يا ايها الشاعر المرهف الذي حمل الوطن بين أضلعه .. أأسف والأسف أخجل روحي التي تحب أدبك وشعرك. أن عيادتنا وانت في وعكت جاءت متأخرة.
علي الطلاق لو كان الناس بتندق في عيادة المريض ( البطان والجلد بالسوط ) علا أصلك في لندن وإنجلد لي عشرة سيطان
لك التحية والمودة وإن شاءالله ماتشوف أذى ابداً
خالد
| |
|
|
|
|
|
|
|
|
بي كلامك دا يا خالد يا اخوي سبقتني بمراحل ياأصيل. تسلم من كل شر يا صديق.
| |
|
|
|
|
|
|
|
|
|
Re: المجد عوفي إذا عوفيت / يا شاعرنا المبدع فضيلي جماع (Re: فضيلي جماع)
|
| Quote: يا شيخ العرب ما تستعجل ،قالوا العجلة من الشيطان. ويا اخوى عندي ليك سعال:إنت بتعرف العلاج اللي دكتورة ناهد قاعدة تستقبل بيهو زوارها من المرضانين في عيادتها الفي التجاني الماحي؟ صعقة كهربائية تقوم منها تهلوس بالذي حصل والماحصل بالمرة !!!! |
يا فضيلي اخوى انا ال ECT ما باتخوفني انا وحياتك اكان طقونى بالالف وستمائة ميقاوات بتاعة سد مروى ما بتولع فيني لمبة .
هيييييييييع انا الكلس
| |
|
|
|
|
|
|
|
|
|
Re: المجد عوفي إذا عوفيت / يا شاعرنا المبدع فضيلي جماع (Re: الطيب شيقوق)
|
Quote: يا فضيلي اخوى انا ال ECT ما باتخوفني انا وحياتك اكان طقونى بالالف وستمائة ميقاوات بتاعة سد مروى ما بتولع فيني لمبة .
هيييييييييع انا الكلس |
شيخ العرب...قلت أكان طقوك بالألف وستمائة ميقاوات بتاعة سد مروي ما بتولع فيك لمبة؟؟؟؟ كان كدي روح للدكتورة ناهد في التجاني الماحي واكشف ليها ضراعك وقول ليها يلا جربي (حقنك) في زولا جبل حديد..وهز فيها وقول ليها يا دكتورة جربي سااااااااي..موت موت حياة حياة !!!!!
| |
|
|
|
|
|
|
|
|
|
Re: المجد عوفي إذا عوفيت / يا شاعرنا المبدع فضيلي جماع (Re: فضيلي جماع)
|
| Quote: شيخ العرب...قلت أكان طقوك بالألف وستمائة ميقاوات بتاعة سد مروي ما بتولع فيك لمبة؟؟؟؟ كان كدي روح للدكتورة ناهد في التجاني الماحي واكشف ليها ضراعك وقول ليها يلا جربي (حقنك) في زولا جبل حديد..وهز فيها وقول ليها يا دكتورة جربي سااااااااي..موت موت حياة حياة !!!!! |
يا شيخ العرب انت عارف ناس دكتورة ناهد ديل انا عارف ما بخلونى بكامل اهليتي وكامل قواى العقلية المعتبرة شرعا ديل عندهم حاجات لو اتلهموك بيها تخليك تطلع لسانك وتدخلو زى لسان صدام حسين .
هييييييييع انا الكلس بس بدون مخدرات .
| |
|
|
|
|
|
|
|
|
|
Re: المجد عوفي إذا عوفيت / يا شاعرنا المبدع فضيلي جماع (Re: فضيلي جماع)
|
استاذي الرائع / عبد الحليم التلب
Quote: ألف حمد لله على سلامتك وسلامة عينيك .. نورٌ على نور ..
فرحنا بنجاح العملية .. فابتهجت كل النفوس في حوش بكري الماهل ..
وازدانت المداخلات بحلو الكلام وعميق المشاعر .. واهتزت الأقلام بالتهاني
وأعلنت دوام المحبة لك .. والحمد والشكر للمولى الذي والاك بالعافية
وجعل نظرك حديد ( ما شاء الله تبارك الله ) .. وكما قال أحدهم :
ولاح فجر التهاني بالبشائر إذا ** حيَّت فأحيت ربوع الفضل والأدب ..
كيف لا وأنت أستاذنا عين الأشعار .. شفيت أنت فشفي الشعر بعد أن
أضحى طرفه كليلا .. وفؤاد الأدب فينا عليلا ..
الحمد لله الذي زال عنك عناء ورهق داء العيون .. ووافاك بكامل الشفاء
فكان شفاء عينيك (برداً وسلاماً) على قلوب كل مواطني سودانيز أون لاين ..
كل القلوب .. وقميص يوسف في (أجفان) يعقوب ، ودعني أستعير قول القائل :
فلك الهناء بصحةٍٍ ميمونةٍٍ ** أبداًً على مر الدهور تدوم .
و .. من الشكر مدرارا ومن طيب أطيبه لأستاذنا الكبير الطيب شيقوق . |
يا اخي لك منى خالص الشكر اطيب الامنيات واسمى ايات التجلة والاحترام
| |
|
|
|
|
|
|
|
|
|
Re: المجد عوفي إذا عوفيت / يا شاعرنا المبدع فضيلي جماع (Re: الطيب شيقوق)
|
| Quote: ألحقني يا الأفوكاتو محمد المرتضى..صاحبك الزاكي داير يبيع لي الترماي ! |
الصديق العزيز فضيلي:
ما باقي لي الأفوكاتو بخارجك! لأنو هو زاتو زعيم "وهمو كثر"..على فكرة مرتضى
ما بيحضر كل المحاضرات التي تنظم في النادي لظروف العمل طبعاً ولكن في محاضرات بيحرص
كل الحرص على حضورها ومنها الشعر الذي لا تملك إلا أن تحترم قائله..
ومرتضى رجل ذواق للشعر الجميل وكل جميل..
وأنت يا سيدي حباك الله بنعمة تشكيل الكلم الجميل من صلصال الحرف ليتوسده المتعبون
من صهد "الغربة" وهجيرها..
فأين المفر ..
بالمناسبة النادي اشترى Video- Conferencing System
تحياتي مع خالص أمنياتي لك بعاجل الشفاء أيها الرجل الرائع..
الزاكي
| |
|
|
|
|
|
|
|
|
|
Re: المجد عوفي إذا عوفيت / يا شاعرنا المبدع فضيلي جماع (Re: خالد علي محجوب المنسي)
|
Quote: عقيد الدندر ود شيقوق
ها زول ها الدلوكة تهبك ساكت بي غادي
جر عكازك المضبب ومسح ضهرك بزيت سمسم
وتعال علي البطان وجيب الشاعر الجميل
معاك إن بقى ماقدر علي العرضْي بنخت لو
كرسي اللقعد إتفرج ساااااااكت |
ود المنسي كيفك آآآآآآآعيسي
بطلاق انا بدخل قادل بفد كراع وآخد لي دويرة بكراع واحدة وعاضى لساني برة وتااااااااح ادق كراعي في الوسيبة لحدى علالها يكتل وما وما بعتق زول الا انت اتشمر واستر حالك هييييييع انا البيت بلا ستو .
| |
|
|
|
|
|
|
|
|
|
Re: المجد عوفي إذا عوفيت / يا شاعرنا المبدع فضيلي جماع (Re: محمد المرتضى حامد)
|
Quote: وأنت يا سيدي حباك الله بنعمة تشكيل الكلم الجميل من صلصال الحرف ليتوسده المتعبون
من صهد "الغربة" وهجيرها.. |
انت عارف يا الزاكي المرتضى انسان اصلا ما عادى هسع الحته الفوق دى انا فاتت على وجيت فيها حوووووووفة لكن وحياتك ان فيها لحلاوة وان عليها لطلاوة زى ما قال دالي رحمة الله ويوسف الحبوب عندما كانا في العمرة .
الزاكي وديني انت ما براك
| |
|
|
|
|
|
|
|
|
|
Re: المجد عوفي إذا عوفيت / يا شاعرنا المبدع فضيلي جماع (Re: الطيب شيقوق)
|
Quote: ود المنسي كيفك آآآآآآآعيسي
بطلاق انا بدخل قادل بفد كراع وآخد لي دويرة بكراع واحدة وعاضى لساني برة وتااااااااح ادق كراعي في الوسيبة لحدى علالها يكتل وما وما بعتق زول الا انت اتشمر واستر حالك هييييييع انا البيت بلا ستو . |
شيوخ العرب وسيادالفرقان:ودالمنسي وود شيقوق
جراحة عيني قلبتوها بطان وجلد بالسوط ؟؟
عفيت منكم تب. وحياتكم يا أهلي ناس البطانة السويتوه لي دا فرحني بالحيل. يازول قربت أمشي للدكتور قرم مرة تانية وأعمل حكاية الجعلي الفارس وأقول ليه: حررررم يا دكتور أكان ما تعمل هسي دي عملية تانية لعيني النصيحة !!! أنا أخوك يا السمحة!!
| |
|
|
|
|
|
|
|
|
|
Re: المجد عوفي إذا عوفيت / يا شاعرنا المبدع فضيلي جماع (Re: فضيلي جماع)
|
| Quote: جراحة عيني قلبتوها بطان وجلد بالسوط ؟؟ |
حرم دى فرحة ساااااااااى يا شيخ العرب بعافيتك هو نحن برانا بطلاق الرعب الناعم عاملّو parties انت ما عارف ساى .
عليك الرسول ابقى مع دكتور قرم وخلينا نحن مع بقية الدكاترة !!!!!!!!!!!
هييييييييييييع الدكاترة يا الارباب خشم بيوت .
| |
|
|
|
|
|
|
| |
nada ali
Aymen Tabir
فضيلي جماع
الطيب شيقوق
osama elkhawad
محمد المرتضى حامد
kamalabas
حليمة محمد عبد الرحمن
يحي ابن عوف
هشام هباني
الزاكى عبد الحميد
Abdel Aati
عمرو كمال ابراهيم
jini
abdulhalim altilib
AMNA MUKHTAR
salah elamin
خالد علي محجوب المنسي
احمد الامين احمد
سجيمان
Marouf Sanad
ضحيه ابراهيم
فيس بوك
تويتر
انستقرام
يوتيوب
بنتيريست